💎
💎
💎 83



باب بيت عبدالله بيدقدق 🚪..


سيده: افتحي الباب يارهآم الأكل في يدي ...

رهآم: حاضر الآن .. فتحت الباب .


المره: كيف انتي يابنتي ..

رهآم : الحمدلله من أنتي ..

المره: هذا واحمه الله يعينش قدو شهرش ..

رهآم: أيووه . هيا أدخلي من أقل لأمي ..

المره: هذا بيت ال**** .

رهآم : مع ماقد سمعناش بهذا اللقب في حارتنا لاهو في الحاره الثانيه ..


المره: يووه كان سامحيني يله خاطرش ..



سيده: بتصييح .. من فالباب 🚪.

رهآم: هذه واحده غلطت بتدور بيت ال****.


............


الشيخ خلى واحد يجلس في حارتهم يراقب لما رهآم تولد ينبوه ..



وليد: بيتجابر مع عبدالله .. يا أبه نقلوا عملي الحديده مارأيك ..


عبدالله : سير لك بعد عملك بس أهم شي يدوا لك حق إلايجار .


وليد: معانا سكن للعمل بس بينهم سندس كيف شفعل تعب ع أمي وأختي ..



سيده: إسهل يا إبني سيرلك بعد عملك وبنتك لاتهمهاش في عيوننا .


........



بعد إسبوع العشي ....


رهآم: بتتنبع بتدقدق غرفه أمها .. بتصيييح يا أمه مدري ماهو هذا مدري كيف بينحس يمكن قدهو الولاد😅 ..


سيده: ضحكت 😃 هههه هيا قومي نخطى المستشفى اقيم سامي يوصلنا ..


عبدالله: بعد البطانيه من فوقه قام يخطى معاهم ..


ع خرجتهم من البيت الرجال الي حطه الشيخ يراقب إبسرهم حمل يتصل للشيخ ..

............

الشيخ: هآه تمام الحقهم إبسر أي مستشفى ..



فالمستشفى ....

رهآم: بتصيييح آي آح ماهو هذا الوجع والله ماعد أولد ماشتيش 😭.


سيده: ماسكه يدها إصبري يابنتي الله يعينش ويقيمش بالسلامه ..



عبدالله وسامي مرآعيين خارج .

عبدالله : جي ننزل نشرب لنا قلص شاهي نشذ يعلم الله أيحين عتولد .. نزلوا الكافتيريا ..




الشيخ ناصر وصل المستشفى ومعه 2مرافقين سأل فينهي رهآم وطلع مسنب خارج ..



رهآم : ولدت ..

الدكتوره : الحمدلله بنت الله يعينش باقي الثانيه .


رهآم: إسكه إبسرها ..

الدكتوره: ورتها بسرعه ومكنت الممرضه .

الممرضه : شلت البنت وخرجتها تبدل لها ..


سيده : هيا بنتي عآن الله ع الأوله باقي الثانيه ..


رهآم: قاحصه يدها يا أمه تعبت 😭.


الممرضه : خرجت البنت في يدها .

الشيخ : كان خارج إبسرها خرجت حمل لاعندها رهآم ولدت 😃 .


الممرضه : أيووه هذه البنوته حقها فينو زوج رهآم انزل النونو ألبسها ..


الشيخ : أنا أبوها يله بدلي لها بسرعه ..

الممرضه: دخلت تبدل لها وخرجتها لاعنده ..



الشيخ : شل البنت ورحله 😔.



رهآم: آآآي تعبت ..

سيده: خلاص الحمدلله محلاهن جبرهن تؤام ساع القمارى ..


رهآم: اديها إبسرها .

الدكتوره : مكنتها يله إديها نخرجها نبدل لها ونوزنها هي وأختها ونطمن علي صحتهن ..



الممرضه: البنت الأوله قدهي عند جدها قدهو فارح بها قووى .

سيده: اوذا شخرج افرحهم حمدلله ع سلامتش يابنتي .😄.



الشيخ : وصل البيت ودخل والبنت في يده ..


سيده: 😱 يوووه ياعيبتك شليت بنت رهإعم وعادهي تميت تولد .


الشيخ: إبسرها بضبح 😤 بنت عبدالعزيز مشي بنت رهآم يعني لحمنا ودمنا .. هآه إشبحي البنت ابسري ماتفعلي لها ..



سيده: خرجت بتدور عبدالله وسامي مابحد إتصلت لسامي .


سامي: هآه ولدت الأن عنطلع ..



سيده: غلقت يوووه 😱 كيف ولدت والبنت ايذا عندهم اظاهر قصدها ابسرها جدها ..سارت لاعند الممرضه تبسر البنات.



الممرضه: هآه هذه البنت والحمدلله صحتهن تمام وتقدروا تخرجوا الوالده والكل .


سيده: والبنت الثانيه أين هي😳 .

الممرضه: قد شلها جدها كان مراعي خارج هو و2مرافقين .



سيده: افتجعت وحملت لاعند زوجها وإبنها تدور البنت مابحد .


عبدالله: كيف يعني 😳 من مكنت ..


رهآم: بتبكي وينهي بنتي 😭 اسكه اوصفي لي شكله .


الممرضه: وصفت لها شكله .


رهآم: بكيت 😭 هذا عمي ناصر وبتصيح إشتي بنتي حرأم عليهم شلوها ..


سيده: يوه الحمدلله مادريش إنش ولدتي تؤام ولا كان عيشل الثانيه .



عبدالله: بيصيح فوق الممرضه ويقالعها ..


الممرضه : بتبكي 😭انا مدراني .


عبدالله : يله نروح امك واختك ونسير بيت الشيخ نرد بنت اختك .


رهآم: بتصيح وتبكي 😭 إشتي بنتي وانهارات .


الدكتوره: فعلت لها إبره مهدئه💉.

عبدالله وسامي: ساروا لبيت الشيخ .





الله لالحقش خير يا أروى ولاملكش عافيه 😭.



@qesasanani

💎
💎
💎 84

حفيظه: بتتصل لسيده هيا مه يا أختي طمنيني ولدت ..


سيده : أيوه ولدت لكن .. وبتحكيلها ماحصل .

حفيظه: يوووه 😱 جعلهم عماء يعميهم حين سخى قلبه يشلها ع أمها .. ورهآم كيفهي ..


سيده: تاعبه .. والله مافعلوا لها إلا مهدئه الله يشفيها . كيفهي سندس سامحينا ياأختي زد ازعجناش وطرحناها عندش ..



حفيظه: يووه في عيني والله يفرح.قلوبكم ببنت رهآم ..


............


عبدالله وسامي: وصلوا بيت الشيخ بيصيحوا من خارج .


الحارس والمرافقين: خرجوا لهم وإتصلوا للشيخ ..


الشيخ: قلهم مابش عندنا بنات ويخطوا من قبال وشي ولوماخطيوش بالحلا خرجوهم صميل .


عبدالله: إدعي حقك الشيخ هذا عديم الشرف والمرؤه قله يرد البنت بالحلا .

واحد من المرافقين: عمر الآلي وضرب للجو عتخطوا من هانا ولا شاربيكم ..


سامي: خلاص إخطى يا أبه هذولاء شويه قتله حسبنا الله فيهم الله ينتقمهم ..


........


ثاني يووم الصبح ..


رهآم: فاقت ودريت إنهم مارضيوش يردوها جالسه بتبكي .


عبدالله: سامحيني يابنتي 😔 كله بسببي لومانزلتش أشرب شاهي ماشلهاش .

رهآم: لاتغثاش يا أبه ولا هو عيشلها بالغصب الحمدلله مادريش انهن تؤام ولاعيشل عليا الثنتين 😭.


سامي: ذلحين ماعتسميها يا أختي 😔.


رهآم : تذكرت إنها قالت لعبدالعزيز تشتي تسمي جنى قلها وانا جنات قالت خلاص شاسميها قالت جنات .


سيده: إسم حالي لكن ربي يحرق قلوبهم ساع ماحرقوا قلب بنتي 😭وبتبكي .


رهآم: يا أبه شطلب منك طلب سجل بنتي بإسمك واسم أمي وعنقل إنها أختي مش يدروا في أي يوم ويجوا يشلوها عليا بعد أختها 😭ورجعت تبكي .


عبدالله: سنب لجنبها وبيطبطب عليها حآضر من عيوني ولاتقهري نفسش يله قومين تجهزين عنخرج .



سامي: يا أبه مارأيك لو نسافر عند وليد الحديده ونأجر بيتنا بعدا يدروا والله لايجوا لجنات يشلوها ..




.......


سلوى: اتصلت لعبدالعزيز تقله وصورت له البنت ورسلت له الصوره .


عبدالعزيز: 😳 كان رآقد إيييش كانت رهآم واحمه ليش ماتقلوا لي كيف أبي يخبي عليا وذلحين شل البنت هكذا حرآم عليه ماذنبها بنتي يبعدها عن أمها وماذنب رهآم وقعت ضحيه بسبب ضعفي قدام أبي 😔.


سلوى: مدراني قد قلبي بيفور ع بنتك مرحمها بتبكي من الصبح اديت لها حليب صناعي يله رقدت قلت اتصلك ماعتسميها .


عبدالعزيز: طنن شويه تذكر رهآم إن كان نفسها في إسمى جنى 🤔 قلها جنى .


هناء: بتسمعه سكته بتهز أرجلها مقهوره .




........


عبدالله : إتصل لوليد يبسر لهم بيت عينزلوا لماتفتهن رهآم .



@qesasanani

💎
💎
💎 85



بعد إسبووع ...


عائله عبدالله نزلوا الحديده عند وليد إستأجر لهم بيت .


رهآم: مقهوره ع البنت الثانيه الي مالحقت تحضنها دموعها مابتوقف😭 مسكت تلفونها ورسلت لعبدالعزيز .. (الله لاسامحك ع كل القهر الي قهرتني أنت شليت قطعه من قلبي بس شاحلفك بالله تنتبهوا لبنتي لو انا داريه ان القانون عيأخذ لي حقي كان شليتها بالمحكمه بس أبوك بزلطه وسلاحه بيشتري حتى ذمه القاضي الله يوريني فيه يووم ). رسلتها وكسرت الشريحه ..



عبدالعزيز: كان بيمتحن أخر سنه في قاعه المحاظرات حس بهزه التلفون .. لماخرج قري الرساله إقتهر قووى ع رهآم ودمعت عينه مسك الرقم يتصلها يشرح لهاإن مابش له علاقه بيطلع له مغلق رسل لها( يارهآم والله إني أحبش والي حصل كله غصب عني وماكنتش عارف بالي حصل تفاجاءت وأنا بس أكمل امتحاناتي واستلم شهادتي وشرجع وبنتش عترجع لش )..


.........




عمه أروى أم زوجها: بتدقدق باب الغرفه يييييه هيا ياقمر عتقوومي ..


أروى: فتحت الباب وهي بتتمطط .. صباح الخير ياعمه نكزتيني ..


عمه أروى: نكاز مه هذه الساع قد عيأذن وماقدبش لجع غدا هيا شرق إنزلي افعلي الغداء وإخبزي شاسير لعند جارتي قد العجين خامر ...



أروى: 😳 إستغربت .. عجين مه عادنا حريوه .


عمه أروى: عوجت فمها 😏 وعصرت عيونها .. حريوه مه وقدش أم بنت هيا إخطي إشتحطي من الخباله هذه الساع .. فلتت وخطيت .


أروى: غلقت الباب وبتتأفف ..يوووف ماهي هذه العمه دخلت بدلت ونزلت المطبخ 😒..



........


عبدالعزيز: مراعي توصل الرساله وصله تقرير لم يتم التسليم بيتصل لابيتهم محد بيرد فكر يتصل لوليد .




وليد: إبسر رقمه غلق في وشه ورسله إزيد أبسر رقمك في تلفوني إستحي ع نفسك ياقليل المرؤه ..


عبدالعزيز: تنهد ... حسبنا الله ونعم الوكيل مافعلت بي يا أبه ..




...........


بيت الشيخ...


سلوى: لليوم وعادش ذكرتي تجي تبسري بنت أخوش ..


مريم: بتضحك 😅 مفعل أكرم كان مريض بعد مالقحت له إسكه وينهي صدق قمر ..


نجميه: ماشاء الله ع حلا فيها تشبه أمها قووى غير مسكينه بتبكي شكلها بتجوع لو ترضعيها مع إبنش لاتدخلي الجنه ..


مريم: 😱 يوووه مع إسلمي واحد وقد تعبني تشتي أزيد أربي بنت أخي وبعدا خليهم هكذا افرضي ابني ولا ابن سلوى يشتوها ونرجع نمحق عليهم بالحليب هكذا أحسن ..



سمر: طبعا فارحه انه جت لها بنت طول اليوم وهي جنبها تلاعبها وتوبه لها من أحمد لايضربها .




@qesasanani

💎
💎
💎 86


عدت سنه ....

رهآم: سجلت الجامعه دخلت طب ..

عبدالعزيز: رجع اليمن كمل دراسه وسار يدور رهآم مالقيهاش وسألوا حفيظه قالت مدري هم سافروا عدن غالطته .



أروى : عمتها أم زوجها بتوريها الويل ربي أنتقم لرهآم وسيده منها ..

وليد: تزوج بأخت صاحبه وربي عوضه ببنت ساع العسل إسمها ندى ..

الشيخ: مدلع أحمد وجنى أخر دلع وبيدحس عبدالعزيز يزوجه يشتي حفيد ولد .

هناء: بتغير من معامله الشيخ لجنى لأنه مش مهتم بإبنها طلع فيه توحد والدكتور منعهم من الخلفه بسبب الجينات لأنهم أقارب .


كل الجيران فالحديده راكنين إن جنات بنت سيده أخت رهآم لأنها مسجله بإسم عبدالله حتى ندى مره وليد ..



رهآم: بتحاول تنسى قهر عبدالعزيز وزعلها ع بنتها في المذاكره والدراسه ..



اليوم عيد ميلاد أحمد كمل سنتين وفعلوا له حفله عيد ميلاد كبيره 🎂.



سلوى: ذكرت عادل ودمعت عيونها ..


نجات: إبسرتها وإبتسمت لها خطيت لاجنبها بتطبطب عليها .. هيامه تشتي تخربي حفله إبنش .

سلوى: تنهدت .. مع بس لوكان معانا كان عيفرح بإبنه ..


نجات: الله يرحمه ذلحين ربي يعوضش با أحمد .

مريم: في يدها أكرم وجنى بتصورهم بتداعي أمها أمانه جي إبسري محلاهم كأنهم عرسان صغار بالبدله والفستان الأبيض ..


هناء: بتتفرج الأطفال ومقهوره ع إبنها إتمنت لو إنها ماتزوجت بعبدالعزيز إن إبنها طبيعي مثل كل العيال ..



سمر: بترقص وتدور بالفستان الأبيض فارحه بالحفله ..


جنات: بتبكي تشتي ترقد ..

نجات: بتداعي هناء .. جي رقديها .


هناء: إبسرتها بضبح 😤
يله أوبه لأبني بتبسري كيفهو ماليش دخل منها أنا من يومه قلتلكم ماشاربيش أحد يرجعوها عند أمها ..


سلوى: سمعتهن .. خلاص أنا شارقدها أنا ليش ماتدعيني يا أمه ..


نجات: إبسرت هناء وهزت رآسها رعاها الله رهآم ماكان في فمها إلا كلمه حاضر ..


رهآم: أووف 😤 إحنا ورهآم ورهآم كلكم رهآم شلت إبنها وطلعت غرفتها ..



.........
العشي ...

الشيخ: إشترى سيكل لأحمد هديه عيد ميلاده وأشترى لجنى عروسه .


هناء: ومحمد ماأشتريتوا له ..


الشيخ: إبسرها وضحك 😬 بسخريه للمه هذا يقدر يلعب لوكنتي اديتي لي حفيد ساع الناس كان غرقته ألعاب إبسري ع أحفاد معي وشل أحمد وجنى في حضنه ..



🌹meme_abdalgaleel


@qesasanani

💎
💎
💎 87


في الجامعه ....

صاحبه رهآم نوال: دكمتها إبسري إبسري 😉 هذك الي شعره أسود الي في صيدله من هذك اليوم لما كنا بندور كتاب الفارما في المكتبه واداه لنا يوميه وهو عندنا ...

رهآم: خفعتها وبهنجمه 😡 إخطي من الخباله لاتتلفتيش عيقل إنش فارحه فيه ..

نوال: بتحانكها 😜 للأسف شكله معجب بش أنتي وإلا كنت شاصيده ..

رهآم: ضحكت 😄 إخطي إخطي يامعجب أنا دخلت اقرى مش أحب خلاص قد جربت نصيبي مره ..

نوال: ياأختى مش أنتي أول ولا أخر واحده تتطلق وعادش صغيره عتلقى الي يحبش ويعوضش سآع ذيه وغمزت بعينها 😉.

رهآم: ضحكت هههه 😄هيا إخطي ياذيه ذلحين أول أعرفي اسمه .

..........


هناء: بتصايح عزيز .. ذلحين عتتزوج عليا صح عمي يشتي جاهل ..


عبدالعزيز: خفع التسريحه بيده 😡
أوووف عنجلس يوميه في هذا الهدار قد كرهت الزواج والي فيه خلاص هجعيني هذا نصيبي من الله قد معي جنى ومحمد يكفوا .


هناء: بس عمي يشتي ولد قال يشتي حفيد 😭 وأنا عيالي كلهم عيطلعوا معوقين ..


عبدالعزيز: فلتها ونزل شل جنى وأحمد وخرج ..



..........

أروى: بتدقدق بيتهم 🚪.

أم أروى: فتحت إبسرتها حيالش الحياه .. قدش حانقه قدهي4مره تحنقي هذا السنه ..

أروى: بتبكي 😭 مفعل جننتي أمه وهو كل ما أقله شي يقلي أمي وأمي ..


أم أروى: هيا قومي ريحيلش بيت زوجش ماعدهيش حاليه تقعي مطلقه مرتين ماعد أحد عيحقرش بعدا ..


أروى: ليش مانسير لاعند صاحبتش هذك تبسر لنا حل ..


أم أروى: مارضيتش قالت قد سارت تحج وتابت ..


أروى: يوووف 😤 رجمت شنطتها قدنا ع سيده مع تبوقت ..


............
في بيت عبدالله ...


عبدالله : مارأيكم ياعيالي ذلحين نرجع صنعاء ..


رهآم: يووه 😱
مع وجامعتي كيفه ولو بيت الشيخ يدروا ..


سيده: يابنتي ماتقلقيش محد عيدرا أنا شاقل حن نزلنا الحديده وحمت وهذه بنتي وقد حفيظه قالت لهن فالحاره إن قد معي بنت .



سامي: تشتوا الصدق رآعوا نكمل الجامعه والله إن قد تأقلمنا هانا .


رهآم : أيوووه قوى يا أبه خلينا نكمل القرآيه هانا ..


......

بعد إسبوع ...

رهآم : خرجت من المشرحه وفي يدها جمجمه 💀..


نوال: إبسرتها وضحكت 😀 هههه هيا خبيها خبيها عاصم نازل .

رهآم: إبسرتها بإستغراب 😳 من عاصم ..

نوال: هههه حق قسم الصيدله إسمه عاصم ال**** وسنه 3صيدله .

رهآم: ههههه حركات ياخطيره مسرع دريتي بهذا كله ..

نوال: أصلا دريت إنه بيسأل عليش واحده من بنات الدفعه وهي الي جابرتني عليه .

رهآم: يووه بيسأل عليا ليش وحيولت عيونها 🙄.


نوال: بتحانكها 😜 وتزفها كل علشانك يارهآم عاصم يهنالش يارهآم ..


رهآم: ضحكت فالبدايه 😀 وذكرت زفتها وعرسها بعبدالعزيز تنهدت ومسكت نوال وخطيت ..




😀😀 الله يعوضش خير يارهآم قد إنظلمتي خيرات ..



@qesasanani

💎
💎
💎 88



عبدالعزيز : وصل حاره بيت رهآم يدورهم يمكن رجعوا نزل بيدقدق الباب🚪..


صاحب البقاله: إبسره سار لاعنده مابحد يا أخي هم قد سافروا قدلهم خيرات عند إبنهم الحديده ..


عبدالعزيز: 🤔 طنن الحديده ولاعدن ..

صآحب البقاله : مدرى والله ماديلك علم الحديده ولاعدن تشتي منهم شي ظروري ..

عبدالعزيز: فرح 😄 ليش عتقدر توصلني لعندهم ..

صاحب البقاله: أنا معرفش طريقهم غير قلت تسأل جارتهم أمي حفيظه أكيد هي دآريه ..


عبدالعزيز: تغيرت ملامحه بزعل 😔قد فرحتني هي قد سألتها قدلي سنتين وأنا بينسير وأجي أسأل لاعندها ..


........


أروى : ياعمه قوى حرآم عليش أنا واحمه قالت الدكتوره لاأتعبش خيرات عينزل الجاهل ..


زوج أروى: إبسرها بسخريه 😬 للمه ماأنتي عيخرج عليش هيا قومي عاوني أمي هآه ..


عمه أروى: 😡 قوومي من الشخاطه كنا نوحم ونخطى ونسير نعبي الدبيب في يد والجاهل الثاني في اليد الثانيه بنات أخر زمن اقطبي الصبان ملان ..



أروى: قامت تصبن وهي تاعبه بتغسل وهي بتبكي 😭 هذا عقاب ربي كنت أحانك عمتي ومن أول يوم دريت إني واحمه ولازيد فعلت مهره وكنت أحانكها مسرع ربي بيقتص مني وأمي مازد رضيت تقبلني والله إني اشتي أسير اتسامح منها لاعاد ربي يعاقبني في جهالي وأبسر سندس يعلم الله كيف قدهي ومابتفعل ..


..........


فالحديده ..


رهآم: بتخطى في مكتبه االجامعه خطيت واحده من قفاها دعست ع البالطوه بدون قصد .. رهآم تكحولت لافوق الكتب ونكعين 📕📓.

عاصم : كان جالس بيقراء كتاب 📕 سمع الدربه لفت وإنها رهآم حط الكتاب من يده وقام لاعندها .....سلامات خير ..

رهآم: إبسرته قدامها دخنت 😅 من الخزا تشتي تسنب دسعت كتاب ونكعت مره ثانيه .


نوال: كانت نازل بتشتري لهن صبوح طلعت إبسرت رهآم نكعت وعاصم جنبها حملت لاعندها بتقيمها و بتضحك ههه😄.


رهآم: قبصتها وبهررت فوقها وقامت ترفع الكتب 😳.

عاصم: إبتسم لها .. خلاص عادي حطيهن شارفعهن أنا قدش وجيعه اتكحولتي مرتين .


نوال: مرتين سدت فمها وبتضحك 🙊ههههههه.


رهآم: إبسرتها وبتتحلف لها قد عتموت خزا 👌🏻 إبسرت عاصم .. لا لا عادي احنا عنرفعهن شكرا .


عاصم: الله المستعان .. وبعدين نسيت ما أعرفش انا عاصم ال***سنه ثالثه صيدله وأنتي ..


نوال: حشرت نفسها فالنص .. أنا نوال وهذه رهآم ال*** سنه ثانيه طب بيتهم في شارع ال*** وقد تزوجت سنه وتطلقت .


عاصم: 😳 إستغرب .. ليش إطلقت حرآم شكلها مؤدبه ومسكينه ..

نوال: اصلا أهل زوجها وبدائت تحكيله ..

رهآم: قاطعتها عفوا منك شي مايخصك وهزرت نوال وخطيت بتلاعنها .

نوال: مالش بالعكس هكذا أحسن يعرف كلشي وبعدا هو حر .

رهآم: ليش تتحاكي وبعدا من قلش اصلا انه يهمني علشان يعرف انا همي درآستي وبس ..


عاصم: بيفكر 🤔 البنت شكلها مسكينه قووى وشكلي تعلقت بها قووى بس مدري ماعيقلوا اهلي لما يعرفوا انها مطلقه ..



@qesasanani

💎
💎
💎 89


كملت الدرآسه وجت العطله ومابش أي احداث جديده إلا ان ندى مره وليد واحمه ..




سيده: ياعبدالله مارايك نطلع حتى صنعاء نفعل لنا شهر قدنا فاقده لأهلي وللجيران والحاره ..

عبدالله: وأنا ساعش والله نرتب أمورنا ونسير نفعل شهر.

رهآم: طننت شويه حست انها لوعترجع كل الأحداث الي حصلت لها عترجع لها وترجع تمرض تذكرت بنتها وياترى طلعت تشبه جنات ولا لا وإيش اسمها وقدهي بتخطى ساع اختها وبتداعي ماما بس لمن بتقل ماما نزلت دموعها 😭..


سامي: حس ع رهآم كان مقرب منها يفهمها ع طول .. قرب يشاورها .. هيا لاتزعليش خلينا نسير وندبر لنا أي صرفه ونبسر بنتش .

رهآم: إبتسمت له وعيونها دموع 😭 .بس لو يدروا عيشلوا جنات .


سامي: والله محد يدرى لو ع قطع رقبتي إطمني معش أخ يدي روحه عليش ..


ندى: إبسرتهم .. ماقد معاكم بتتوشوشوا قلولي وأنا معاكم ..

رهآم: جي ماسخانا عليش .. قال سامي بما إن وليد كوده مشغول فالعمل وأنتي واحمه عيخرجنا نتعشى ونلاعب سندس وجنات ..

سامي: ضحك 😄 هيا من هذه الخساير .. يله قومين إلبسين ..


...........


الشيخ ناصر: دخل ضابح من الملحق بيتقارح 😡
وفي يده محمد ... أين جت أمه هذه المهمله كيف تخليه يخرج لاعندي وهو هكذا ..


هناء: كانت طالع هي وعبدالعزيز سمعته نزلت مالك ياعم ..

نجات: هو كان عندي بينلاعبه من الجهال وانت طلبت الجهال تخرجهم الشغاله خرجتهم ..


الشيخ: أنا قلت أحمد وجنى مش هذا المعوق بدعتوا بي .. إشبحي إبنش وأزيد أبسر له صوره عندي ماعاد إلا يضحكوا عليا بهذا الولد ..


هناء: شلته وبكيته 😭 هذا خلق الله ماذنبي أنا ..


عبدالعزيز: سمع أبوه ع نزلته إقتهر ع أبنه ... صيح 😡😡 حرآم علييك زاد غرورك بتعامل الناس كلهم كأنهم لاشي عندك حرمتني من مرتي شليت بنتي ع أمها قتلت الرجال وشليت أرضيته غصب بتستعبد الناس بزلطك وذلحين بتحتقر طفل مابش له ذنب إلا إنك غصبتني ع أمه وطلع معاق بطل ظلم حرآم عليك وبيصيح ..


سلوى: بتهزره تسكته .. بس خلاص إهداء هذا أبوك ..


الشيخ ناصر: فاردمه وصيح 😡😡 ماعاد إلا ابني يقلي هكذا والله وطلع لك صوت ياسكير ياصايع ياضايع ربيتك ودلعتك علشان تقلي هكذا وقرب لطمه 👋🏻..


نجات: بتبكي وتمسك الشيخ .. قووى مع حرآم عليك هذا إبنك لاتظربه 😭.


عبدالعزيز: مسك نفسه وبيخرج من الباب 🚪..


الشيخ: شبحه من ورآه ودهفه .. مدام تشتي تخرج اخرج وهيه شل مرتك وخرجه من بيتي ووريني كيف عتصرف ع نفسك ..


عبدالعزيز: ابسر هناء .. إطلعي جهزي لداتش ولدات العيال ونزلي دواير السياره ..


الشيخ : أين عيال جنى مالكش دخل منها وهذا المعاق إشبع به ومابش سياره .


نجات : فوق الكنبه بتبكي 😭 وتصيح ..

هناء: طلعت .

سلوى: لحقتها تهديها ..


الشيخ : دخل غرفته وغلق الباب .



ياريتك وقفت ياعزيز هذه الوقفه من زمان 😔

🌹meme_abdalgaleel



@qesasanani

💎
💎
💎 90


مريم: بتتصل لعبدالعزيز يجي يسعف أكرم المستشفى زوجها مستلم فالعمل مابيجاوبش اتصلت للبيت ..


سمر: جاوبتها بتبكي 😭 عبدالعزيز مابحدهو بابا طرده .


مريم: 😱 طرده مه .. ماهو مابتقلي إسكه إدعي امي ولاسلوى ..


سمر: أمي تاعبه بتبكي قوى وسلوى عندها ..

مريم: إدعي سلوى تجاوبني بسرعه .

سمر: بينقلش أمي تاعبه اتصلي بعدا ..


مريم: ضبحت منها 😤 خلاص خلي السواق يجي لي ذلحين أشل أكرم للمستشفى تاعب وارجع لاعندكم.


سمر: ناهي ..


.........


رهآم: بتلفلف لداتها عيطلعوا صنعاء بعد يومين ومخنوقه قووى وضابحه 😤..


ندى: بتبسرها .. مالش ضابحه والله إن قدنا شاطير فاقده لأهي وماقدلي منهم إلا 6أشهر وأنتي سنتين وماضبحتيش ..


رهآم: إبسرتها وضحكت 😀 شرجع أجابرش وعتعذريني ..


جنات : بتهزور رهآم ماما إشتي بابو ..

ندى: بتعلم جنات ..إسمها رهآم .. ماما سيده .. مشنا داريه ليش يارهآم بتعلميها تسميش ماما ..



رهآم: إبسري محلاها طالعه من فمها ساع العسل هي وسندس 😀.


ندى: هياناهي لش ياعسل الي عيبسرهن معش عيقلوا بناتش وماعد أحد يجي يخطبش ..


رهآم: بتعطف اللده وتضحك 😄 ومن قلش إن عادنا إشتي أتزوج ..



باب البيت بيدقدق 🚪.


سامي: فتح الباب ..

وليد وعبدالله : مخزنين فالديوان .


عآصم: السلام عليكم هذا بيت ال***.

سامي: إفتجع لاهم من طرف الشيخ لأن كلامهم صنعاني 😱 خير ليش ..

أبو عآصم: إن شاء الله خير يا إبني أبوك هانا إدخل قله أبوعاصم ال*** يشتيه.


سامي: لحضه أبسرلكم طريق .. دخل لاعند النسوان لحد يخرج بيت ال** يشتوا أبي .


رهآم: سمعت إلاسم طننت 🤔 لحقته مسكته للباب ايش قلت جاء وحده ولا معه عآصم ..


سامي: 😳
من عآصم ماهو الموظوع ..


رهآم: دخنت 😅 وحمرت سير دخلهم وجي أقلك ..


ندى: بتحانكها 😜 هذا شكله عريس ياخطيره ماتشتيش تتزوجي هآه .

رهآم: ضحكت ههههه 😀 ماشي والله وبتحكي لها القصه ..



ندى: وانتي مارأيش .. وافقي شكله شاريش وبيحبش صدق مدام تمسك بش وقد دري انش مطلقه .

..........

في الديوان ..


عبدالله : أهلا وسهلا شرفتوا ..


أبو عاصم : الشرف لنا ..


وليد وسامي: بيتباسروا مراعيين يفهموا الموظوع 😯😯..




إيش تتوقعوا رهآم عتوافق أو لا 😉.



@qesasanani

💎
💎
💎 91



أروى : بتداعي عمتها ماقدرتش تخطى تاعبه .. ياعمه جي تمي العشاء ماعد قدرتش ..


عمه أروى: مخزنه بتشرب مداعه .... صآحت لها هيا من هذه الشخاطه شرق اقطبي افعليه وخاوره زحاوق فالمزحقه ..


أروى: بتتصل لزوجها يروح يشلها المستشفى تاعبه ..


زوج أروى: عند العرس .. مآهو مابتقلي مابينسمعش مع صوت الفنان مش وقتش وغلق التلفون في وشها ..📱.

أروى: بتتصل لأمها مابتجاوبش .. جلست فوق البلاط ماعد قدرتش تقوم ..


..........

فوق التاكسي ...

هناء : بتبكي 😭ذلحين أين عنسير كيف عنفعل.

عبدالعزيز: عنستأجر فندق أمد الليله وللصبح عيحلها الله ..

هناء: شتصل لأبي يحاكي عمي ..



عزيز: بهرر فوقها 😡 لا عمي ولاأحد يدخل خلاص قلتلش شتصرف ..


........

نجات: مربطه رآسها فوق السرير بتبكي 😭 ذلحين أين عيسير ماعيفعل إبني كله بسببي من قلي أخرج الولد ..


سمر: لاتبكيش يا أمه أخي رجال وبعدا الصدق أبي ظالم زيد بها ..


سلوى: لفتت لها بعصبيه😡 عيب تقلي هكذا ع أبوش وبعدا عادش جاهله ع هذه المواضيع سيري اوبهي للعيال ..

سمر: حنقت وقامت .


مريم: دخلت وفي يدها أكرم عادها روحته من المستشفى دخلت لاعندهن إبسرت أمها مكنت سمر أكرم هآه اشبحيه ابسر مابه ..



سمر: بتتأفف .. اوووف 😤 سعمني الشغاله حقهم اوبهي للجهال اوبهي للجهال ..


سلوى: حكت لمريم الي حصل كله ..


مريم: إبسرت أمها .. لاتقلقيش رآعي شتصل لعمي وأحاكيه ومايقلش اني قلتله سعمنهو عيتصل لهناء .


..........


في الحديده .....


كلهم سامرين ...

عبدالله : ذلحين يارهآم ماقلتي .. الولد زميلش وأكيد تعرفيه أكثر مننا ..


رهآم: أنا معرفش هو مره حصل كذا وبتحكيلهم .. وبعدا أنا أشتي أكمل دراستي مشتيش أتزوج يكفي انظلمت مره ..


سيده: يابنتي لوموافقه عنشرط عليه مابش عرس إلا لماتكملي ..


ندى: هيا ناهي ياعمه تكمل عنده ماعيصبرش لماتكمل باقي لها 5سنين ..


سامي: الصدق شكله محترم قووي ..

وليد: وأنا عجبني قووى ذوق وأخلاق ويكفيش يا أختي انه مصر عليش وقدتزوجتي وعادهو عازب ..



سندس وجنات: بيلعبين في طرف الصاله.

جنات: إدربت وبكيت 😭 .


رهآم: حملت تحضنها بتسكتها 🤔 فكرت في نفسها وأفلت بنتي مع حرآم يكفي خسرت واحده .. إبسرت أبوها مع مشنا موافقه ..



عبدالله وسيده: فهموا إنها رآفضه علشان بنتها ..


@qesasanani

💎
💎
💎 92


أبو هناء: طيب خلاص أنا شتصرف قلي لأمش تهدأ ..

مريم: قوى ياعم لاتقلش لأبي إني إتصلت ..

أبوهناء: خلاص تمام .. غلق من مريم وإتصل للشيخ ناصر الوو سلام عليكم ..


الشيخ: جاوب بصوت ضابح 😤 اهلا يا أخي إسمعني لو إتصلت تتوسط قله مابش رجعه..


أبوهناء: فعل نفسه مش عارف بشي أتووسط لمن مالك مابه وبعدا أول رد السلام ..

الشيخ: وعليكم السلام والرحمه .. ذلحين صدق ماشنت داري او بتقدها حركات ..

أبوهناء: مالك يا أخي مابه إقلقتتي أنا اتصلت أقلك لوفاضي ننزل البلاد عرس إبن صالح قلت ننزل جمعه ..

الشيخ: هآه للمه قد عيزوج إبنه .

أبوهناء: أيووه قد جاء اليوم لاعندي يحلف عليا وقال عيجي لعندك قلتله شتصلك أنا ..

الشيخ:مدكي بينتف شنبه بيد واليد الثانيه ماسك التلفون .. مع سير أنت بس ماقدرت ..


أبوهناء : مالك يا أخي مابه لاتقلقنيش ..

الشيخ: والله ماقلك إلا خير اليوم عبدالعزيز تطاول عليا ورفع صوته وقلي ... وانالطمته و طردته من البيت 🏚.


أبوهناء: 😱 يوووه مالك يا أخي صل ع النبي ماتوصلش للطرد وأنت ماعنده حجه تقل هكذا ع إبنه والصدق غثيتني تقل هكذا ع حفيدي هذه خلقه الله وبعدا هو قطعه منك وكيف سخيت تخرج بنتي هذه الأمانه الي أمنتك ع بنتي ..


الشيخ ناصر: هو الي شلها معه ماهناء هي بنتي ليش شطردها ..

أبوهناء: إسمعني أنا معاك ان عبدالعزيز غلط لمارفع صوته بس إسهل أنت العاقل مالك إلا أديه يتأسف لك بس وأنت خف عليه ..


الشيخ: والله لوتبسر كيف قلبي مفطور 💔 ماقد عرفت أمد يدي عليه عمري بكله واليوم الطمه قدامهم كلهم وقلق من أول عليه أين سار ماخليته حتى يشل السياره ..


أبوهناء: خلاص انا شاحاول أتصرف بس وانت لاجاء يتأسف لك سامحه مش تعاند هذا إبنك ..


..........


ثاني يوم الصبح ..


ندى : بتفعل الصبوح مع رهآم وتجابرها .. يارهآم حرآم عليش ليش ماتوافقي شكله بيحبش ولا ماكنش جاء للباب..

رهآم: ياندى إشتي أكمل درآستي والصدق ماعد أشتيش أتزوج قد شليت نصيبي ..

ندى: شكلش كنتي تحبيه وماعد تشتيش تتزوجي بعده .

رهآم: ضحكت 😄 ناهي يا أحبه الفول عيحرق طفيه ..


.........


زوج أروى: بيقيمها ... قوومي إفعلي لي صبوح ..

أروى: 🤒 تاعبه قوى ظهري ومابينقدرش اسنب خلي عمتي تفعلك ..

زوج أروى: بعد البطانيه من فوقها.. انا اديتش تخدمي أمي وتخدميني مش تزيد تفعل أمي الصبوح يله شرق شتأخر.


أروى: قامت بتخطى دلا ويدها في ظهرها ..

عمه أروى: إبسرتها قلبت عيونها 😠ياصباح الشخاطه هيا شرق صبحينا ياقمر الزمان اشتي أخرج للسوق ..

أروى: ساكته وبتقرب الصبوح ..

عمه أروى: ع خرجتها طرحت لش 2زنين من حقي غسليهن بيدش مش بالغساله هن مطرزات مش أجي وقد إحرمتيهن وياويلش أجي وماقد غسلتيهن ..


........


عبدالعزيز: نزل يشتري صبوح ..


أبوهناء: بيتصله .. هآه ابني أين أنتوا .. أبوك مريض تعب أمس ارتفع له الضغط قووى وأمك ماقد وقفت لها دمعه يله شل مرتك والبيت ..

عبدالعزيز: ياعم أين أشلها وقد طردني عيقل اني بدون كرامه ..


أبوهناء: مابش كرامه بين الأب وابنه تشتي يموت وتتحصر عليه طول عمرك يله أين أنت وشاجي لكم تروح تتأسف منه ..

عبدالعزيز: فكر شويه 🤔 هو صدق لو يموت وارجع اقتهر وبعدا منين شصرف ع مرتي وإبني وأنا بغير عمل وكل حاجتي من أبي .. خلاص ياعم إحنا في فندق ال***..



........


فوق الصبوح ..


عبدالله : إسمعيني يابنتي فكري سوى الرجال شكله إبن ناس وبعدا شاري ونشتي نردهم خبر إحنا مسافرين صنعاء غطوه ..


رهآم : الخبزه في يدها .. طرحتها يا أبه قد قلتلك رآئي اشتي أدرس وبس ..


وليد: خلاص يا أبه خليها ع رآحتها ونتصل للرجآل نقله مابش نصيب .


......

أروى: بتغسل الزنين بيدها من كثر التعب ماعد قدرت توقف دوخت ..



🌹meme_abdalgaleel



@qesasanani

💎
💎
💎 93



عآصم : زعل 😔ليش يا اخي وأنا دكتور ومتعلم ومش ممانع إنها تكمل درآستها وعادي خطوبه ذلحين والعرس لما تكمل وحتى بعد الزواج تشتغل عادي ..

وليد: والله ياخي لاتزعل مننا مارضيتش ..

عآصم : طيب ولايهمك الله يصلح الأمور وأنا مش مستعجل وقلها تفكر برآحتها وتأخذ وقتها ولوبه نصيب أنا يشرقني أناسبكم ..

وليد: الله يكتب مافيه الخير ..



.........


عبدالعزيز: دخل البيت وفي يده الشنط ..

أبوهناء: ماسك محمد في حضنه .

هناء: فوقها شنطه محمد .


سمر: إبسرتهم فرحت حملت لاعند أمها تدعيها 😄 عبدالعزيز رجع هو وهناء وعمي معاهم ..


نجات: حملت لاعندهم بتحضن عزيز وتبكي 😭 وسخيت عليا قد روحي عتخرج عليك ..

سلوى: كانت بتشرب أكرم العلاج لأن مريم راقده كانت سامره عنده طول الليل .. سمعتهم وخرجت لاعندهم ..

عبدالعزيز: أين أبي ؟..😐


سمر: طالع هيا جي إطلع لاعند إتصالحوا أمس بيتنا كأنه موت كل واحد بيبكي ..


عبدالعزيز: مسك عمه وطلعوا ..


أبو هناء: بيدقدق الباب 🚪.


الشيخ: إبسر عبدالعزيز وقفى وشه ..


عبدالعزيز: قرب لاعند أبوه وطى ع ركبه يحبهن 😘 وتأسف له .. أنا أسف يا أبه سامحني .

أبوهناء: يله يا أخي الظفر مايخرجش من اللحم وهذا وحيدك وأخر مره قدنا كفيل له ..

الشيخ: دمعت عيونه وهو داري كم أحبه بس قهرني بكلامه وصوته ..


عبدالعزيز: وأنا والله أحبك يا أبه بس بينقتهر ع إبني ماذنبه تفعل به هكذا هو خلق الله .



..........


بعد ساعتين ..


عمه أروى: روحت إبسرت أروى مرجومه في الحمام والزنين فالقاع اتصلت لأبنها ..

...


فالمستشفى ...


زوج أروى: هيا مه كيفهي يادكتوره طمنيني ع الجاهل ..


الدكتوره: للأسف خسرتوا الطفل سقطت واضطرينا نستأصل لها الرحم لأنها نزفت خيرات وما اسعفتوها إلا متأخر ...


عمه أروى: 😱 يووه ماعد عتديش جهال هيا نشتي نزوجك ..


الدكتوره:.لفتت لها بإستحقار وخطيت ..


@qesasanani

💎
💎
💎 94


بعد إسبوع ...

في صنعاء..

رهآم: هيا سامي قدلنا إسبوع هانا ولا فكرت في خطه نبسر بنتي ..

سامي: 🤔 قد فكرت بس ماصديتش لاننكشف ..

رهآم: 😄 فرحت ..صدق هيا قلي إن شاء الله ماعننكشفش ..

سامي: مش ذلحين بيلقحوا للأطفال للبيوت ..

رهآم: بتتسمعه بلهفه .. فاتحه عيونها .. أيووه وبعدا اقطب .

سامي: بيضحك هههه ناهي اسمعي من الدحس .. نلبسش أنتي وواحده بالطوهات بيضاء حقش حق الجامعه وتغيري شكل اللثمه حقش وتسيرين سعم تلقحين للجهال ..


رهآم: بتتليقن عليه ومنين عندي اللقاح ياشاطر 😜 وبعدا ياسعم ماعيعرفونيش ..

سامي: إسمعي مالش إلا أدبرلش شنطه من حق اللقاحات وانتي ابسري صاحبه وبعدا اجلسي ساكته لاتتحاكيش وغطي عيونش باللثمه إبسريها بس ..

رهآم: ولو قد لقحوا لهم 😅.

سامي: شسأل أول ولاقد لقحوا لهم قلين هذا لقاح ثاني وأنا شفعل في العلبه ماء ياسعم انه لقاح وقطرين لهم ...



..........


عبدالعزيز:بعد المصياحه حق أبوه فكر انه لازم يعتمد ع نفسه .. دخل لاعند أبوه يحاكيه.. يا أبه أنا من يوم ماتخرجت وأنا بدون عمل إشتي أشتغل ..


الشيخ : إيذك الشركات عندك سير أين ماتشتي منهن ..

عبدالعزيز: ماشي أنا اشتي افتح لي شركه صغيره لي لوماعندك مانع ..

الشيخ: إبسره .. يا إبني الحق لك في الأول والأخير إبسر كم ماتشتي وماتحتاج وقلي ..


..............


أروى: خرجت من المستشفى وسارت عند أمها ..


عمه أروى: إتصلت لها لاقد تروحيش اليوم زوجش تزوج ونزل الحديده كما طلع شانبيش ..


أروى: 😱 يوووه تزوج لييييش مافعلت يتزوج عليا ورجعت تبكي فالتلفون 😭..


عمه أروى: بتضحك بإستهزاء 😄 كيف مافعلتي ماعاد تديش جهال خلاص كان ماتشتي إبني يجلس بغير عيال ع سواد عيونش اوكيف المهم لو انتي حق رجعه كما جاء من الحديده عنتصلش ولا ماعاد تشتيش قليلنا عنطلق أمانه حجره من طريق اليهود ..


أروى: قدنا حجره ياعمه سقطت بسببكم .. جننتوني في روحي فعلتوا بي هكذا وذلحين هكذا أيووه ماعد أشتيش خلاص قلي لإبنش يدي ورقتي 😭.




............


سامي: بيحاكي صاحبه فالمركز يدبرله شنطه لقاحات وقد شرح له قصه أخته ...ساروا لاعند بيت الشيخ .
سامي: جالس بعيد .

صاحبه: نزل سأل معاهم أطفال وقد جوا يلقحوا لهم أومع ..


الحارس: ماشي محد لقح لهم ..

صاحب سامي: خلاص عنكلمهم فالمركز يجوا العصر ..

الحارس: شتصلهم استأذن لحضه ..

سلوى: يووه مش اليوم . عنخرج .

نجات : إسهل خليهم غر يجوا هن إلا قطر وبعدا هناء فالبيت عتوبه لهم .

سلوى: خلاص يله تمام قلهم يجوا ..

نجات: كيف لهم هذه المره بيستأذنوا وهم كل مره بيجوا مانبسرهم إلا فالباب .



........

سامي: فرح إنهن عيخرجين كلم صاحبه خلاص للعصر موعدهم عيخلي اخته تتجهز يدخلها مع البنت الي عتلقح لهم ..




............

بعد العصر ...


مريم: قذا اديت أكرم مدام عيلقحوا لهم قد شطرح ابني معاهم ياهناء سامحينا عنشغلش اليوم بالبزا وماعنتأخرش فالعرس..


هناء: إسهل قدهو من جيزهم .

مريم: لو جيتي معانا تفتهني شويه ماعاد بتخرجيش .

هناء: تنهدت بزعل 😔 قذا بتبسري محمد كيفهو لمن أفلته ماشاركنش ع الشغالات ..


مريم: الله يعينش يا أختي ..


🌹meme_abdalgaleel


@qesasanani

💎
💎
💎 95 + 96


عدت الأيام والسنيييين 😄😄..


أحمد : كبر وزاد وسامه بشعره الأسود وعيونه العسلي وجسمه الرياضي بيلعب كمال أجسام 👦🏻 بيهدد أكرم بمزح من عيووني يا أكرم شاسير أقل لحبيبه القلب ان عينك طويله بتتفرج للبنات 😜..


أكرم: طويل وحلو بس ضعيف ولابس نضاره👓 بيضحك 😄ههه وخفعه في رآسه بالملزمه ذلحين أول خليها تحبني وبعدا حارش والله ماشكل حبيب قلبها إلا أنت ❤.


أحمد: يا أخي إفهم والله مابه بيننا شي وإنها أختي وما بينعتبرها أي شي ثاني وبعدا مشنا مجنون أحبها وأنا دآري إنها في قلبك ❤ من زمان ..


أكرم: طيب إسكه فهمني أنا بتمكني جلافه وزنط ونخيط وصروعه ورغم هذا ماقدر قلبي يقنع منها وأنت أي شي تقله لها تمكنك حاضر ومهتمه بك وبتدور رضآك دوار مايسموه هذا ..


أحمد: يسموه إنحنا أخوه وتربينا في بيت ولاتنسى إن مابش معي خوات ولاهي معاها أخوه كان محمد الله يرحمه إبسرت مات وإحنا جهال وخالي عبدالعزيز مازد رضيش يتزوج بعد ماطلق خالتي هناء ..


أكرم: أنت داري أقلك شي.. سمعت أمي وخالتي سلوى وجدتي بيتجابرين قالت جدتي ان خالي لما طلق خالتي هناء قال حرآم تتزوج يقع لها جهال بدل مايعيشوا طول عمرهم بدون جهال ولا معاقين إن طلاقه كان تعذار بس وشكله جالس بيحب خالتي رهآم ..

أحمد: 😀 إبتسم أيوووه قد جابرتني أمي وحكتلي مع إنه ماعاش معاها إلاسنه بس حرام كل الي حصل لهم . وبعدا وأنت اقنع لك من جنى ماكلفك الله من زواجه الأهل يكفي خالي عبدالعزيز وهناء ..

أكرم: غيوز عيونه وبيضحك وأشر لقلبه ❤ قل لذيه ينساها ما أنا ماعليا ..


أحمد: ضحك عليه ههه 😀 هيا روميو شرق عنتأخر ع المحاضره ..


..............

في المستشفى ...


الممرضه : دكتوره رهآم جت حآله خارج وأنا قلتلها كمل الدوام مارضيتش قالت ادخل احاكيش إبنها مريض قووى 🤒.


رهآم: قدهي دكتوره أطفال شاطره مش مشكله ..حرآم دخليه .
وخرجت تلفونها بتتصل 📱 هآه عاصم شتأخر شويه لوكملت عملك روح وانا شاروح نفسي ..

عآصم : خلاص ياحبيبي عآدي شامر لش وأنا عاد معي شويه ورق حق شحنه الأدويه الجديده شاشتغلهن هانا ماعد شاروحهنش البيت أمد ماتكملي عملش ..


رهآم: خلاص تمام تسلم لي ..باي .

عآصم: هآه هآه لحضه ..


رهآم: مالك ..

عآصم: أحبش ❤..

رهآم: ضحكت هههه وانا يامجنون .

عآصم:بيحانكها 😜 وأنتي إيش ..

رهآم: أنت مكتبك وحدك أنا معي مرضى يله ياهرم نص ساعه وجيلي 😀..



طبعآ عآصم جلس مصر عليها وراعي لها وتزوجها بعد ماكملت الطب ودرسوا ماجستير مع بعض وقد معاها ولد إسمه يوسف صف ثالث إعدادي ...


سامي: قدهو مهندس طرقات مزوج ومعه 2عيال عايش مع سيده في بيتهم بعد مامات عبدالله .


وليد: بعد ماكان في الميناء حق الحديده تعرف ع ناس وسافر يشتغل في دبي وشل معه ندى وعياله .



@rewayatyamania

💎
💎
💎 97



عبدالعزيز: 👨 طلع له شويه شعر أبيض في جوانب شعره .. فالمكتب فالشركه حقه و قدهو ماسك كل أعمال الشيخ بعد ماوقعت له جلطه وإشتل ...

جنى: كبرت وقدهي نسخه من رهآم بعيونها بشعرها بالمختصر قمر 😀 فتحت باب المكتب 🚪 دخلت وجلست فوق الكرسي وطارحه رجل ع رجل ..

عبدالعزيز: إبسرها وضحك 😄 ع الجلسه هذه والزنط مابلا تجي تجلسي بقعتي ..

جنى: ضحكت بدلع .. مابلا إشتي مكتب لي وحدي ..

عبدالعزيز: تحيلا لضحكتها بتذكره باأمها 😄 مش إلا مكتب بس إتخرجي وافتح لش شركه تصاميم وديكور ..


جنى: ذلحين لاتغالطنيش بالموضوع 😉 فين السياره الي وعدتني خلاص قدنا فالجامعه ..

عبدالعزيز: يشتي يغالطها ... أصلا لايغرش إنش فالجامعه باقي لش شهرين ويقع عمرش 18كنتي شاطره ودخلتي المدرسه وعمرش5 عادنا بينفتجع عليش .


جنى: بتتدلع سعم زآعله 😔 يا بابا أصلا السواق بيضبح بي وبيتأخر عليا ..

عبدالعزيز: ماكنش يرفض لها طلب وبيحبها قووى ... يله خلاص رآعي ياهرمه أكمل عملي ونسير المعرض نبسرلش السياره الي تعجبش .


جنى: فرحت 😄 وقامت تبووسه 😘 وزيد خلي أحمد يعلمني السواقه ..


..........

نجات: بتحاكى التلفون 📱والله إنه مايعجبش يوم بخير ويوم مريض ..


مريم: وأنا مازد إسترتش أجي أبسره ذيه الإسبوع قدش داريه بهرم الجهال وأكرم من حين دخل الجامعه مابينلقاش من يوصلني ..


سمر: وصلت من المستشفى تآعبه رجمت شنطتها فوق السرير وتمددت ..


سلوى: طبعآ رفضت تتزوج بعد عادل وجلست تربي أحمد وجنى ..فتحت الباب 🚪ودخلت لعند سمر هيا قومي قبل ماترقدي إضربي لأبي الإبره 💉.

سمر: إبسرتها بتعب ..يوووه قدنا هالكه مناوبه طول الليل فالمستشفى وغطوه شمتحن خلاص أقوم أضربها له وأرجع أرقد أقوم أذاكر ..



..........


رهآم: فتحت باب السياره وطلعت 🚘آسفه آخرتك ..

عآصم : إبسرها بإبتسامه😀 .. فداش يا أحلى دكتوره .. قد إتصلت جنات نمر لها والكل كملت محاظراتها ..

رهآم: لفتت لاعنده .. عآصم تسلم لي إنك قبلت تتزوجني بعد ماعرفت إن معي بنات ورضيت إن جنات تتربى عندي ومحافظ ع السر وجنات لليوم فاكره إنها أختي الصغيره واني خليتها عندي لأن قد أمي تاعبه مع السكر والضغط ..

عآصم: مسك يدها .. إذا ماحافظتش عليش وع سرش أنا من عيحافظ عليه .. بس لوتشتي رآئي ظروري جنات تدرى يكفي إنها بتسميش ماما وهي رآكنه إنش أختها ..




رهآم: تنهدت .. بس بينهم رده فعلها ..

عآصم: لس جنات عآقله وأكيد عتفهم بعد ماتعرف القصه كلها ..




@qesasanani

💎
💎
💎 98


أحمد: هيا يا أكرم نروح اتصل لخالتي تجي تتغدى عندنا وتبسر جدي ..

أكرم: 😍 مشدووف بيتفرج رآعي رآعي مش وقت الغداء وجدك إبسر ع قمر الي بتطلع السياره ..


أحمد: ضحك هههه 😃 ولفت بيدورها أعوذ بالله ع عيون معك مسرع دريت إنها قمر وهي ملثمه.

أكرم: 😅 يا أخي يبان إبسرت ع عيون ماشاء الله سود يجننين ساع عيون المها ..

أحمد : دهفه .. هيا إخطى يامها والله إن عيونك أعظم من عيون صقر 🐧 والله ما أبسرتها سوى.


أكرم: أنت أصلا ما إبسرتها إلا وقد طلعت بس شكله أبوها الي بيسوق وجنبه أمها ..


أحمد: بيحانكه 😜 مسرع عرفت شجره العائله .. هيا إتصل لخالتي يا أبون عيون طويله ...


........



فوق السياره ...

عآصم :هيا كيف الدوام معش ..

جنات: حآلي بس بينتعب في مواعيد المحاظرات بينهم الرواحه .


رهآم: ايوه .. الصبح قدش معانا ع سيرتنا العمل بس للرواحه مارأيش نبسرلش تاكسي 🚕 يروحش ..

عآصم: إبسر رهآم 🤔 اممم أنتي دآريه شبسر صاحبي مع أخوه تاكسي يكون يروحها ..


.........

في معرض السيارات ...

جنى: بتتفرج السيارات 🚙🚗🚙


بابا هذه الحمراء تجنن إشتيها😀.

عبدالعزيز: ضحك ههه 😃 هذه أكبر منش شلي لش صغيره بينهمش لو تصدمي ..

جنى: ماشي هذه عجبتني سآع حق أحمد بس لونها بناتي ..

عبدالعزيز: هز رآسه يله تمام ناهي ياحساده أيحين عتعقلي من الحسد كل شي تشتي سآع أحمد من حين وأنتوا جهال ..

جنى: خزيت ☺ وطت رآسها .. مشنا حساده ( طبعا جنى بتحب أحمد ونفسها تكون مثله في كل شي وهم فاكرين إنه بتغير منه).



كملوا إشتروا السياره وروحوا ..

جنى: بابا يعني أيحين عيدي السياره ..

عبدالعزيز: ناهي ياهرمه يكمل الأوراق وبعدا ذلحين اول نعلمش السواقه ..


جنى: خلاص حاكي أحمد أنت اليوم علشان يسمع أنا لو أقله عيجلس يحانكني ومايرضاش ..


عبدالعزيز: إسهل شاخلي أكرم لو أحمد مشغول ..

جنى: 😁 قحصت أسنانها وفعلت شكل نظاره بيدها 👓 مشتيش هذاك الأعمس بعدا يصدم بي هههه.


عبدالعزيز: ضحك عليها هههههه 😄يعلم الله أيحين عتسدي معه كودكم ساع الدجاجه والديك..


جنى: ولا شاسد معه عمري .. وفتحت المسجله بتتسمع أغاني ..




@qesasanani

💎
💎
💎 99


سامي: ماتشتي شي يا أمه قبل مخرج أخزن ..

سيده: لو عتشلني أبسر رهآم مع طريقك لاتفعل خير قدنا فاقده لها قووى ..


مره سامي: الله يعينها ماعد بنبسرهاش سوى مع المستشفى والعمل ..

سيده : الله يعينها صدق .. من كثر ماهي مشغوله مازد رضيتش حتى تدي جاهل .

سامي: يا أمه ماشاء الله قدهي جنات ويوسف خير وبركه ..


مره سامي: من قلك جنات فالأخير أختها مامعاها إلا يوسف تزد تدي لها بنت ..

سيده: إبسرت سامي وقحصت ع فمها ..😁 هيا شرق قوم خطيني معاك..


........


عند بيت الشيخ ..🚙 سياره واقفه من بعيد فوقها 2شباب ..

الأول: يا أخي أنت متأكد من الي تشتي تفعله قوى غير رأئك.

الثاني: خلاص ماعد به كل هذه السنيين وأنا مرآعي لو تحس النار الي في قلبي ❤ ماتقل هكذا .


الأول: لكن عتخسر حياتك وإنك ماتهنيت بها طول عمرك ..

الثاني: أول أبرد قلبي وبعدا حتى أمووت والله إني بينعد الأيام عد ..


أحمد وأكرم وصلوا البيت ..

أحمد: بيطرق للحارس يفتح ..

الحارس : ماجاوبش ..

أكرم : رآعي شنزل أنا أفتح الباب 🚪.


أحمد : مع خلاص جي ننزل بس والحارس عيدخلها ..


.........
بيت رهآم .


يوسف: فتح الباب 🚪 آهلا بجدتي كيف أنتي بيسلم عليها ..

سامي: خفعه في رآسه .. وخالك مابش له أهلا أومه ياصعبي 😡.

يوسف: ضحك ههه 😀 أصلا أنت صاحبي كودي بينبسرك هي جدتي قدلي منها خيرات ..

سامي: هيا ناهي ياصاحبي سلم ع أمك ..

يوسف : ليش ماعتدخلش .. هيا أمانه أوذا شادعيها ..

سامي: مع تأخرت شاسير أخزن والعشي لما أجي لأمي شادخل أبسرها ..

سيده: يله كان خاطرك وقوى يا إبني لاتتأخرش علاسب علاجي ..


سامي: حآضر من عيوني ..


........

جنى: يابابا هيا إتصل لأحمد ماله اتأخر نشتي نتغدا ونخرج يعلمني ..


نجات: ماقد معش أين تشتي تسيري ..

عبدالعزيز: إشتريت لها سياره للجامعه وقلت أحمد يعلمها السواقه ..


سمر: أيوه صدق ذكرتني سيارتي مدرى مالها هذا الأيام الحراره بترتفع ..

جنى: هيا ياعمه قوى خليه يشتري لش سياره جديده ساع حقي حاليه ساع حق أحمد بس حمراء ..


سمر: ضحكت هههه مجنونه هذك كبيره عليش أنا أشتي حقي بس إبسري محلاها دلوعه ساعي بس أنت مقلده يا.. وفعلت لها قلب بيدها ❤..

جنى: دكمتها وضحكت أنا أوريش بعدا 😁.



.........


أكرم وأحمد : بيقتحوا الباب ..


الأول: أينهو منهو أنت داري .

الثاني: أيوه مش أبو نظاره 👓 هذك الثاني أبو شميز مخطط حبيب جده مابيفلته خطوه حتى ذلحين بعد ما أشتل مابيخرجه يخطيه إلاهو ويخرجه بالسياره ..


الأول: يا أخي قوى راجع نفسك .

الثاني: خلاص لارجعه هذا حلم حياتي لليوم وجت لي فرصه أحققه .



تقلين منهم هذولاء وإيش يشتوا 🤔


🌹meme_abdalgaleel


@qesasanani

💎
💎
💎 100


سيده: بتدور ..هيا وين بنتي العاصيه الي قدلي منها 10أيام ..

جنات: سمعتها كانت في غرفتها بتذاكر ضحكت ..وخرجت أهلا أهلا با أمي وقربت تسلم عليها ..😃


سيده: رهآم وقلنا مستشفى وبيت وأنتي مامعش ياعاصيه ..

جنات: الجامعه قذا بتبسروا عادنا مضيعه لأنها أول سنه ..

سيده : أهم شي إنش ماعتقعيش دكتوره يكفي الأوله قدهي بتغيب عليا بالأيام ..


رهآم: حيا حيا باأمي كيف أنتي 😅قبل ماتصيحي دآريه بس والله ماعد بينفضى حتى أحك رآسي ..

سيده: يله هآه قدش هاذك غر مسكين عآصم والله ان بينرحمه بالذات لماتناوبي .

يوسف: ضحك هههه 😀 هيا ناهي لش ياجده هو مفتهن هذه الحب ❤ أمانه بيدلعها إلا حراوه ..


رهآم: هيا ناهي يالقانه لاعند أبوك هههههه ..

يوسف: هيا جده أمانه إشهدي قليلهم يزوجوني للمه ماهم 😜.


سيده: بتضحك عليه ههه ذلحين كمل المدرسه وأكبر يازواجه 😃.


...........


سلوى : بتتصل لأحمد تبسر أين قدهو ..

أحمد: جاوب التلفون 📱 هآه قدنا فالباب أنا وأكرم ..

سلوى: يله تمام أخليهم يقربوا .


أحمد: يووه هيا رآعي يا أكرم نسيت المحفظه أديها .

أكرم :بيحانك أحمد شدخل قبلك أبسر الحب ❤ قبل ماتدخل تشل الجو عليا 😜.



أحمد : بيفتح باب السياره 🚘 يشل المحفظه ..

أكرم : بيخطى فالحوش .



فجاءه صوت ضرب رصاص 🔫 ..


أكرم : بيحمل رجع للشارع إبسر سياره بتهرب مسرعه وتفحط 🚗.

أحمد: مرجوم عند باب السياره مغطى دم 😔 والمحفظه في يده ..


أكرم: بيهزوره ويصيح ابسروا منهم إلحقووهم .. أحد يجي يشله معي نسعفله .

رجال الشيخ: حملوا يلحقوهم وبيضربوا عليهم .


نجات: يووه 😱ياحافظ ماهو هذا ..

سلوى: صآحت 😱 أحمممممممد إبني خارج وأكرم ..




سمر وجنى: حملين بسرعه لاطالع يبسرين من الطاقه .


عبدالعزيز: خرج بسرعه بيحمل يبسر مابه 🏃.


جنى: وهي بتحمل إدربت حست رجلها يبست من الفجيعه .

سمر: بتقيمها .


الشيخ: بيصيح من غرفته ييييي مال أحمد من ضرب رصآص ييييه ..محد جاوبه كلهم مشغولين ما ركزوش حاول ينزل من السرير مفتجع ع أحمد إدرب ..



عبدالعزيز: خرج وهم بيبزوا أحمد لافوق السياره طلع معاهم واتصل لسمر تلحقهم للمستشفى الي بتناوب فيه 😔..



الشيخ: بيحاول يزحف ويصيح يشتي يبسر مابه زحف للباب وبيصيح ..


سلوى: بتصيح وتبكي 😭 تذكرت عادل وكيف مات افتجعت ودوخت .


جنى: بتبكي 😭وتشتي تفوقها وتشتي تسير مع سمر تتطمن ع أحمد دعت الشغاله تبسرها وهي حملت تخرج مع سمر ..


نجات: سمعت الشيخ حملت لاعنده تبسره وعيونها دموع 😭 أحمد أحمد ..


الشيخ: هذا كله بسببي كميا ثارات لي عند الناس ونزلت دموعه 😭بدلي لي بسرعه وخليهم يشلوني المستشفى ...



.......


رهآم: ذلحين مارأيش يا أمه مفتجعه أقلها أخسرها ومشتيش أخبي عليها ترجع تلومني ..


سيده: أنتي دآريه خليها لما نجس نبضها وبعدا بنتش ماشاء الله عليها عآقله قوى ومؤدبه وحميش كلهن فيها ..

رهآم: تنهدت 😔.. تقلي يا أمه وجنى قدهي ساعها كبرت وهي تشبها وكيف طباعها يعلم الله مره أبوها كيف بتعاملها .


سيده: أكيد تشبهها إبسرتي الصوره حقها لما وريتيني تخايلي إنها جنات ..

رهآم: أنتي دآريه جنات كل ماتبسر الصوره فالخلفيه حق التلفون تقلي للمه مامعجبه لش إلا هذه الصوره حقي ماتفعلي بدلها معرفها إلا هي في تلفونش ..


سيده: الله يفرح قلبش يابنتي ويرجعها لحضنش ..





ألف سلامه عليك يا أحمد إيش ذنبك أنت وأبوك تتعاقبوا بسبب أعمال الشيخ 😔.



@qesasanani

⛱⛱
101
⛱⛱
فوق السياره ..


إبن صاحب الأرضيه : مفتجع بيعرق من كل شعره 😰 تقل عرفوا من إحنا .

صآحبه: الحمدلله مقدروش يلحقونا والسياره عندخلها الورشه نرنجها وعيس قد بعدنا الأرقام منها ..

إبن صآحب الأرضيه: اليوم برد قلبي ❤ الحمدلله يرقد أبي مرتاح في قبره نفسي من يبسر الشيخ اليوم وأبسر زنطه ونخيطه وهو انسان ضعيف ولما يبسر حفيده الي بيحبه يموت قبله يحرق قلبه ..

صآحبه: بس ربي قد عاقبه وإشتل بعد الجلطه .

ابن صاحب الأرضيه: إشتل أيووه بس ماجربش كيف يفقد أغلى شخص عنده مارحمنيش وأنا طفل ورسلي ناس يحاولوا يصدموني يهدد أمي الله يحرق قلبه ❤ ..

............


أكرم : بيسوق السياره 🚘 مسررع ومرافق جنبه .


عبدالعزيز : ممدد أحمد في حضنه بيصيح إسررع يا أكرم أحمد بينزف قووي ..

أكرم: بيخفع السكان بيده 👊🏻 مفعل زحمه قدنا بينسرع ..

أحمد: بيتنفس بصعوبه وعيونه بتبدأ تغمض ومغطى دم 😔.

عبدالعزيز: بيهزه يقيمه أحممممممد جاوب أحممممممد بتسمعني ..

أحمد: في فمه كلمتين جدي ..أمي وغمضت عيونه 😔 ..


عبدالعزيز: صيييح بقوووه 😡 زررر بقوووه الولد بيموت وبيتصل لسمر ..



...........


في بيت رهآم...


سيده : يوووه لو تدرين يابناتي أمس كنت عند الولاد وع مجابره حاكتني وآحده..

رهآم: ماكنتش عآرفه قصد أمها فكرتها مجابره صدق ..

جنات: ماهو يا أمه ما مجابره النسوان لاتكنش تصدقيهن .

سيده:.ناهي يا ما أصدقش ... قلي بتجابرني واحده ان زوجها طلقها وشل جهالها وكانت واحمه لما ولدت ماقالتش لابنها انه ابنها لايشله أبوه قالت له إنه ابن اخوها وذلحين تشتي تقله مفتجعه منه ..

رهآم: إبتسمت إن أمها بتحاول تجس نبض جنات 😀.

جنات: أصلا مش من حقها تخبي عليه ولا تحرمه من أبوه المفروض كانت تقله حرآم عليها تحرمه من أبوه طول هذا العمر وتحرمه من حنانها كأم وهي عايشه ..


رهآم: تنهدت وإقتهرت 😔 بس هو كان قصدها تحافظ عليه لايشله أبوه عليها ..

جنات: ولو تصرفها غلط حرمته من أبوه ومنها لو أنا به ما أسامحها عيشته بدون أب وأم ..


رهآم: تشارغت عيونها بالدموع قامت بسرعه بدون ماتنتبه لها جنات مقدرتش تمسك نفسها 😭.


.............

سمر: بتسووق مسرعه وتحاكى عبدالعزيز فالتلفون 📱 خلاص وصلت دخلوه الآن جيه ..


جنى: بتصيح وتبكي 😭 قووى ياعمه أسرعي بسرعه ادخلي معاهم لاتخليش أحمد يمووت ..


........

سلوى: فاقت لبست وخطيت مع أبوها والسواق للمستشفى ..



الشيخ: والله لو يقع باإبني شي مازد أخلي فيهم واحد بخير أدرى منهم بس 😡 عيال الكلب كانوا عيشلوا ثارهم مني أنا مش من أحمد ..


سلوى: منهاره 😭 لفتت لأبوها وصآحت ببببببببببس يكفي دم كل هذا بسبب تكبرك وعنجهيتك قتلت زوجي وذلحين إبني حرآم عليييييك اغتريت بزلطك وظلمت الناس فكرت محد قوي إلا أنت لكن ربي أقوى من كل ظالم .


الشيخ: حس كلامها ملطام في وشه 👋🏻 نزلت دمعته لأول مره حس كلامها صح لأنه حس وجعه لويفقد أحمد عيفقد قطعه من قلبه .



@qesasanani

⛱⛱
102
⛱⛱


سيده: هيا قومي افعلي لي قلص قهوه بغير سكر ..

جنات: حآضر من عيوني ..

سيده: قآمت لعند رهآم للغرفه تحاكيها ..

رهآم: إبسرتي يا أمه يعني بنتي ماعتسامحنيش إذا هذه رده فعلها وإحنا بنتحاكى ع الناس كيف عتفعل لما تدرى إنها بنتي وإني خبيت عليها وسجلتها بإسمش وإسم أبي ..


جنات: وصلت تشتي تدخل القهوه لسيده سمعت كلامهن تسمرت مكانهها 🍺 والقهوه في يدها ..


سيده: بس يابنتي مافعلناش هكذا نشتي نخبي عليها إبسرتي كيف فعلوا بإختها شلوها عليش من وسط المستشفى وماقد حتى إبسرتيها إبسرتي ع ظلم ومافعلوا بش والله لودريوا إنش اديتي تؤام ماخلوا لش جنات ولا إبسرتيها .


جنات: مصدوومه 😳 حست رآسها بيلف وجسمها بيدخن ...

يعني أمي مشي أمي وأبي مشو أبي ومعي أخت تؤامي وطول عمري محرومه من أبي وعايشه
مع زوج أمي ورهآم أمي مشي أختي إيش هذا إرتجمت وماعد حستش بنفسها ....



رهآم وسيده: سمعين صوت الخفعه حق جنات وصوت القلص لما إكتسر 🍺.


رهآم: حملت للباب إبسرت جنات مدوخه قربت تفوقها ..

سيده: 😱 يعووو يا أبه تقلي سمعت مجابرتنا ..

رهآم: ماعدهاش حآسه بشي بتفكر في رده فعل جنات لما تفووق ..


...............


سمر: وصلت المستشفى .. بتحمل لاعندهم هآه عزيز أينهو 😥..


عبدالعزيز: مسنب باب الطوارئ ... دخلوه العمليات 😔.


جنى : مسكت أبوها يابابا طمني كيفهو 😭.



سمر: طلعت للعمليات إستأذنت من رئيس غرفه العمليات تدخل معاهم ودخلت ..

أكرم: مسنب باب غرفه العمليات قلبه بيدق ❤بيخفع يده يد في يد خايف ع أحمد ..



السواق : بيتصل لعبدالعزيز إنه نازل هو وسلوى والشيخ ..

عبدالعزيز: إطلعي ياجنى عند أكرم فالعمليات أخرج أدخل جدش وعمتش ..

جنى: طلعت وأكرم قدامها خطيت لاعنده بهدوء وقد قلبها عيوقف لماشافت باب غرفه العمليات🚪 ..

أكرم: إبسرها من بعيد خطي لاعندها .. أنتي ومن جيتي مالش وحدش ..

جنى: دهفته وهي بتبكي 😭 حملت بتدقدق باب العمليات وبتداعي ياسمرر ياااعمه إفتحيلي قووى اشتي أبسر أحمد لاتخليش يموووت..


أكرم: قرب يمسكها جنى بس 😡 إهدائي بس أحمد ماعيموتش ..


جنى: إطرحت ع ركبها بتبكي وبتدعى يارب قيمه بالسلامه ..


عبدالعزيز: طلع وهو بيخطى الشيخ بالعربيه ..


سلوى: إبسرت جنى بتبكي😭 فالأرض حملت لاعندها حضنتها ياجنى قوومي هيا أحمد عيقووم صح ماعيموتش هو كان يقلي ماعيفلتنيش وحدي هو كان يقلي لاتزعليش ع موت بابا قدنا رجال وشاعوضش كل شي صح ياجنى هو ماعيفلتنيش صح وتهزها في وشها ليش ياخبلاء بتبكي قوومي قووومي أحمد بخير اوذا عيخرج لاعندنا وسنبت بتهزور أكرم من الشميز جاوبني أنت كنت معه ابني بخير أومه أحمد ماعيقع به شي وبدائت تصيح ..

أكرم: حمل يدعي الممرضه تفعلها إبره مهدئه قدهي منهاره ..

عبدالعزيز: ماسكها بيهديها ..


الشيخ: مطنن بيتفرجهم قدامه وبيفكر 🤔في كل الي سوآه بالناس وربي عآقبه با أحمد .. يارب لاتعاقبه بذنبي يارب شل روحي وطول في عمره ..



مهما ظلم الإنسان وتجبر وتكبر يجيله يوم يعاقبه فيه ربي في الدنيا قبل حساب الآخره ..

🌹meme_abdalgaleel


@qesasanani

⛱⛱
103
⛱⛱

جنات: فتحت عيونها .. إبسرت قدامها رهآم وسيده ..

رهآم: بخوف عليها طمنيني كيف قدش مالش 😥.


سيده: فجعتينا عليش يابنتي ماسمعنا إلا الخفعه حقش ..

جنات : دهفت رهآم إبعدي من عندي .. كذاااابه كل هذا العمر بتكذبي عليا وقرحت بكاء 😭..

رهآم: بكيت 😭 ياجنات افهميني أنا فعلت هكذا حب فيش أنتي مشنتي فاهمه شي ..


جنات: فلتت وقآمت مشتيش أسمع شي ماعد أشتيش أحد كلكم كذابين ودخلت غرفتها وغلقت الباب ارتجمت فوق السرير وبتصيح وتبكي 🚪.


رهآم: بتدقدق لها الباب ...🚪 جنات اسمعيني .. حبيبي افتحي افهمش القصه كلها ..

جنات: مطنشه لها بتفكر في الصدمه الي حصلت لها ومنهو أبوها وكيف طلع معاها أخت ويعلم الله كم معاها أخوه من أبوها 😔.


رهآم: جلست عند الباب بتبكي 😭.


سيده: بتقيمها وتخفع وشها 😱حسبي الله كله بسببي ريت وفمي إكتسر قبل ما اتحاكى سامحيني يابنتي ..


رهآم: يا أمه هو كان مصيرها تعرف وهذا اليوم عيجي عيجي ..


............

في المستشفى ...


سلوى: في غرفه رآقده بعد المهدى ..

الشيخ: باب غرفه العمليات مطنن ولابيحاكي أحد ..


عبدالعزيز وأكرم: جالسين عند الكرآسي باب العمليات..


جنى: مسنبه باب الباب وبتتفرج من الزجاج الي فالباب ودموعها ماوقفت 😭 ..


باب العمليات 🚪 إفتتتح ..

سمر: خرجت وعيونها دمووع ووجها زاعل 😔 ..


جنى: مسكتها بتهزورها مالش بتبكي لاتفجعنيش أحمد بخير صح قليلي .😭.


عبدالعزيز وأكرم :: قاموا لاعندها .


سمر: الرصاصه كانت بين القفص الصدري والرئتين خرجوها بس نزف قووى ..


عبدالعزيز: بيصيح 😡 يعني مآهو أحمد بخير أو ماشي .

سمر: عنده صعوبه فالتنفس فتحوا له من رقبته بتبسروا هذا الدم الي فاللبس هذا دم أحممممد وحطت رآسها فالجدر وتبكي 😭 لحد يحاكيني إسألوا الدكتور ..


أكرم: حضنها .. قوى ياخاله ... سمر هيا مه أنتي حقنا الدكتوره العاقله .. أهم شي أحمد بخير وعيتحسن إن شاء الله ..


عبدالعزيز: بيسمع صياح يلفت والممرضه بتخرج جنى دخلت للعمليات تشتي تبسره ..


سمر: حملت لاعندهن .. خلاص فلتيها هذه بنت أخي أنا شخرجها مسكتها وخرجتها ..


جنى: ماسكه يد سمر قوى ياسمر خليني أبسره ياسمر شامووت قووى ..


سمر: تمام شدخل أبسره لو قد عيخرجوه العنايه وشادخلش شويه وبس ..


الشيخ: ولا كلمه بيسمع سكته ويتفرجهم ولاقادر يقل شي بيتذكر أحمد لما ولد وخرجوه من العمليات وسماه واليوم أحمد عيخرج من العمليات بس هذه المره للعنايه 😔..


.......

بعد نص ساعه ...


سلوى: فاقت بعدت المغذيه من يدها وقامت للباب تدور أحمد..


أكرم: جالس عند الباب من خارج سنب ياخاله ليش خرجتي إطمني أحمد خرجوه للعنايه ..


سلوى: شلني لاعنده إشتي أيسره ..

أكرم: مارضيوش يدخلوا أحد يله سمر قالت عتدخل جنى بسرعه وجدي ..


سلوى: وأنا عتدخلني هذا إبني ادعيها لي ..



عبدالعزيز: روح للبيت يبدل ويطمن نجات قلق عليها قد إتصل لمريم تسير عندها ..


........ في العنايه ..



سمر: بسرعه ياجنى الزياره تعب عليه ..


جنى: لابسه أخضر لبس دخول العنايه وفي أرجلها مشمعات بتخطى لاعند سرير أحمد إبسرته وقفت ..


أحمد: ممدد والأجهزه فوقه وجهاز تخطيط القلب في صدره وقصبه في رقبته ..


جنى: مقدرتش تتحمل بكيت وخرجت 😭..


سلوى: مرآعيه عند الباب تشتي تدخل ..

الشيخ: أخيرآ تكلم دخليني معش ابسره .

سمر: بساعتكم ياسلوى إبسروه 5دقايق بس أصلا ممنوع بس الدكتور سمح لي بسرعه ..


سلوى: بتحرك عربيه أيوها وتخطى إبسرت أحمد مسكت يده وتبكي 😭 هيا يا أحمد قلت ماعتفلتنيش هيا قوووم .. أنا دآريه إنك قووي وعتقوم ..


الشيخ: دهف الكرسي حقه بيده لعند السرير .. بيتفرج أحمد سامحني ياإبني جعل يومي قبل يومك يارب شل روحي وخلي أحمد نظر عيوني نذر عليا يا أحمد لو تفتح عيونك لأذبح لانيتك وأشلك وأسير أحج وأدعي ربي يسامحني أكفر عن غلطاتي ..


سلوى: وتدور رهآم يا أبه وترد لها بنتها ..

الشيخ: خلي إبنش يفتح عيونه ووعد لأصحح كل غلطاتي ...



سمر: دخلت تخرجهم ...


.............

العشي

سامي: جاء يروح أمه دخل إبسرهن ... 😱 ماهي هذه الصور مالكن من مات عليكن قد عيونكن مورمه هكذا ..


رهآم: جنات عرفت الحقيقه بالصدفه واناوأمي بنتحاكى بتبكي من عصر وغلقت ع نفسها الغرفه ماخلتنيش أشرح لها ولا أقلها القصه ..


سيده: إسكه سير يا إبني لاهي عترضى تفتح لك وادخل لاعندها عادهي بتسمعك ..



سامي: خلاص لاتقلقنيش شبسرها وأتفاهم معآها ..





مهما خبينا أسرار في حياتنا يجي يوم وتنكشف ومهما غلطنا وتكبرنا يجي شي يكسرنا ..


الله يشفيك يا أحمد ويعينش ياجنات ع الصدمه القويه الي حصلتلش ويعين جنى لما يجي دورها 😔.



@qesasanani