بارت 34 🏡



في بيت جدي ...

أيمن : وصل بالسياره 🚘 حوالي الساعه 5 قبل المغرب وقفها ونزل.. بيخطى 🚶🏼 لعند البيت بيفتح الباب سمع صوت من قفاه بيداعيه لفت لعنده ...


الرجال الشيبه : ييييه أيين عتسير ...

أيمن : بإستغراب 😳 أدخل بيت جدي ليش أييش في ...

الرجال : مالك من المجنانه هذا البيت ماعد أحد دخله من زمان قدهو مسكون 😈 أذكر ماكان به الإ هذا البيت وبيتي في الجهه الثانيه ..


أيمن :هز رآسه 🙂 آااااها يعني أكيد أنت كنت تعرف جدي ...

الرجال الشيبه : مع يا إبني ماكانتش معرفه قوويه يعني اوقات لو خطيت من هانا وهو موجود أسلم عليه واخطى 🚶🏼 بس ليش فلتوا البيت هكذا ولاعاد أحد سأل عليه المزرعه الي فيه بكبرها هذا كم عتدي لكم زلط بس ماذلحين معتقدش أحد عيرضى يزيد يشتريها منكم لأنها مسكونه قدوذا سنين والبيت والمزرعه مهجوره ..


أيمن : إحنا وأبي كنا مسافرين في كندا وعماتي والله مدري أصلا مانعرفهمش ليش فلتوه مدري ..


الرجال : أصلا هو ماعد أحد دخله من بعد مالقيوا جدك ميت فيه طلعت هذك الفتره أشاعات ان به جن 😈 كانوا يظهروا له يخرج من البيت وهو مارضيش رجع موتوه وماعد أحد صدي يدخل البيت بعد ماابسروه ميت ..


أيمن : ضحك ههه 😂 ياعم كيف عيموتوه الجن مابلا شكلها موته الله خاصه ان جدي كانوا وحدهم بس كلام الناس ..


الرجال :مع يا إبني أصلا حين لقيوه كان به دم في فمه ونخرته 👃🏻واثار ضرب ومرجوم فالقاع ..


أيمن :طنن شويه 🤔 واستغرب يعني هذا مقتول ع كلامك ..

الرجال : هم الجن يا بني قلنا لك قتلووه حتى قالوا كان معه ورق وزلط لما دخل الي يقرب له قال لقيهن محرقات احنا كنا نقل لاهو سارق ولا ارتفع له الضغط ودوخ وخفغ رآسه لكن لما قالوا كل شي محرق تأكدنا إنهم الجن 😈 وماعد أحد صدي يدخل البيت واوقات بنسمع اصوات فيه وقلفده وبه شيبه قالوا ناس ابسروه لابس أبيض وقدهو ملان دمم وحنشان 🐍🐈 اظاهر انهم الجن ظهروا بشكلهن بعد ماقتلوه ..


أيمن :جالس بيسمع كلامه ومطنن 🤔 هل معقووله الجن يفعلوا هكذا ..مد يده يشتي يفتح الباب يدخل ..


الرجال : مع يا إبني قوى لاتدخلش بالذات ذلحين قدهو وقت مغارب لو تشتي تبسره رجعت جيت بكرت من الصبح 🌞 ماذلحين زوال وقدهو وقت ظهورهم ...


أيمن : سمع كلام الرجال وطلع فوق السياره يرحله وهو بيفكر فالكلام طول الطريق رن تلفونه 📱 ألووو..


سهى: هيا أين أنت قلقتني عليك مشغول من أول 😰. ورجعت ركزت سكتت ثانيه وقالت عفوا عفوا كيف حالك .


أيمن : إستحي منها وضحك 😅 أول مره تكلمه هكذا . هاه الحمدلله وبعدا ليش قلقتي عليا ..


سهى : إرتبشت 😅 هآاااه . أصلا بينتصلك تجي لسام تروحه وانت مشغول قلقت لو حصل معك شي ..


أيمن : ويد فالسكان ويد فاتح السبيكر حق التلفون 📱 آها تسلمي لي مابش شي كنت اكلم صاحبي ..


سهى :تشتي تتأكد من صاحبه قلبها ❤ بيغلي ..مسرع لقيت أصحاب ولا صاحبك من كندا ...

أيمن : ارتبش ما يقلها 😅 لأنها ليلى ..هآه .. أيوه أيوه من كندا ذلحين اوذا شاجي لسام معاكم عشاء عتعشوني عندكم 🍳🥞 ..


سهى :من عيوني 👁 انت تأمر بس ماتشتي تتعشاء ..


أيمن : والله كل شي من يدش عسل يابنت خالي ..


سهى : حمرت وخزيت ☺ وحست قلبها بيدق بسرعه ..سكتت..


أيمن : يله مع السلامه ذلحين لأني نزلت بين الزحمه وماعد ينفعش استخدم التلفون 📱 باي. .


سهى : غلقت وهي فارحه حطت راسها عرض الجدر وابتسمت ☺ بتفكر في كلامه معقوله يكون معجب بي يعني أفعل مثل ماقالت سمر واحاول أتقرب منه .. وسارت طريق المطبخ تفكر ماتفعل له عشاء ..



......... ......... .......


ثاني يوم الصبح 🌞..

في المعهد ....

غيداء : إبسرت ريم جت حملت🏃‍♀ لعندها تسلم عليها ... هيا كيف قد أنتي يووه كيف شكلش ..كيف زيد رضي أبوش تجي ..


ريم : الحمدلله عادنا عايشه ولو إن قد الموت رحمه .. اخوتي شرطوا ع عريس الغفله أكمل الدراسه ..


غيداء : يله حلا مش بعدا لا دراسه ولازوج ساع الناس وبتتفرج يدها أين الدبله 💍 ..


ريم : بعدت يدها مالبستهاش ولا شالبسها أهم شي قوى لوتحبيني لاتقليش لأحد اني انخطبت مشتيش أحد يضحك عليا اني شتزوج بشيبه شاقل كنت مريضه وبس..


غيداء :طيب حاضر لاتقتهريش وابسرت أحمد قدامهن نفخت 😤 يووف ياهمتاه لهذا الجني يوميه بيجلس يدورش هيا قدوذا جيي لعندنا ..

ريم : مسكتها يله ندخل الكلاس بسرعه ماقدرت لحد هذا الساع 👭 ودخلين ..



🌹meme_abdalgaleel


@qesasanani

بارت 35 🏡

ثاني يووم ...


في الجامعه ..


سهيل : فالمحاضره جالس فاتح الكتاب ومطنن 🤔 ذلحين ماهو هذه أخر سنه لي وبعدا ماعيحصل شتخرج ومابش وظيفه وحتى لو إشتغلت كم شجلس اكون نفسي أيش هذه العيشه..


صاحبه :دكمه ... ييييه مش وقت الطنانه 🤔 ركز ركز مابيقل الدكتور..

سهيل :وياسعم لو ركزت شطلع الفضاء انا اشتي أسافر ياأخي اتغرب إشتي أكون نفسي وثروه مش أجلس عندكم ..


صاحبه : ياأخي سافر من شابحك سير اتغرب ..

سهيل : ع أساس عيرضوا يقبلوني عندهم مشهو عادنا اشتي معامله وفيزه وجنان ..

صاحبه : يا أخي والله إنك أخبل معه فرصه من ذهب أوذا قلت بيت عمتك مغتربين وعيالها معاهم جنسيه كنديه لو معاهم بنات اتزوج لك بواحده منهن وهي عتعامل لك وشليت الجنسيه وظربت عصفورين بحجر زواجه وجنسيه ...


سهيل : غلق الكتاب بيده وابتسم 🙂 والله انها فكره وبيجابر نفسه ..بس كيف أكسب سندس بعد ماظربتها واخليها توثق فيني وجلس يفكر 😇..


........ ....... .......

في بيت جدي ...


أيمن : قام من الصبح بدري🌝 وسار البيت لأنه مارقدتش طول الليل بيفكر معقوله يكون الجن 😈 قتلوا جده حاسس انه هذا كلام مايدخلش العقل بكر طريق البيت وكله عزيمه وإراده يدرى ماقصه هذا البيت ومن قتل جده ومن حرق الفلوس 💴 والاوراق حقه وليش الي اتصلوا لأبوه قالوا له انه مات موته طبيعيه ...


بداء يلف ويتمشى 🚶🏼أول مادخل فالحوش حول البيت بيتفقد كل شي الشجر كلها يابسه والاوراق 🍂🍁 مغطيه المكان بيتلفت لفوق لتحت بيتفرج الطيقان الأبواب الكرسي حق جده الحديد الي كان يجلس فوقه قدهو مذحل والصدى أكل رجل منه مرجوم في الأرض ... الحشرات والفيران 🐛🐁 بتجري فالحوش خطي يدخل من الباب الخلفي 🚪 الي يدخله للمزرعه دهفه برجله خرج منه صوووت زززززيط .. دخل بيتلفت يمين وشمال لقي قدامه الدمه السوداء 🐈 حق هذك اليوم واقفه بتتفرجه ... خطي 🚶🏼يقرب منها وهي واقفه بتتفرجه مكانها ماتحركتش ..


....... ........ .......

في بيت هاشم ...

سندس : قامت من النوم وخرجت من غرفتها 😴 دخلت لعند أمها للمطبخ صباح الخير ...


ناديه : بتحاكيها بضبح 😤صباح النور ..


سندس : قربت تحبها في رآسها 😘 ماما أنا آسفه والله ما أعيدها وبكيت 😭 ..


ناديه : حضنتها وبكيت 😭 خلاص الحمدلله ربش ستر سيري اتأسفي من بابا وإعتذري منه علشان يسامحش هو فالغرفه ..


سندس : دخلت لعند أبوها وهي موطيه 😔 مستحيه منه ابسرته وقربت تتأسف له وتعتذر وهي بتبكي 😭 أنا آسفه يابابا سامحوني والي تشتوا تفعلوه بي فعلتوا بس لاتجلسوش زاعلين مني هكذا اظربوني اقتلوني بس مش هكذا تعاملوني .. ..


هاشم : رحمها وماسخيش فيها سامحها ووعدته ماعاد تعيدها وانها عتكون قد ثقته من اليوم ..


@qesasanani

بارت 36 🏡


في المعهد ...


ريم : جالسه مطننه 🤔 مش مركزه في الشرح ..


الاستاذ : سألها سؤؤال ؟

ريم : مشهي مركزه معه ماردتش ..


الاستاذ : بإستغراب 😳 ريم مالش انتي طالبه ذكيه هذه الفتره مش عاجبه لي ليش متغيره ..


ريم : هاه استاذ العفو منك انا مريضه شويه هذه الفتره ..


أحمد : بعد ماكملوا الدرس لحق ريم .. 🏃🏻 بيداعيها ... ريم ريم ..لحظه ..


ريم : كانت بتخطى هي وغيداء 👭 .. اوووف ماله هذا اخطي بس طنشيه ..

غيداء : مع راعي نبسر مايشتي ولفتت له 👀 نعم ماتشتي ...

أحمد : ابسرها بهنجمه 😠 مادخلش انتي من بيحاكيش إسمش ريم أو مه .. ولفت لريم مكنها ورق 📑 مصور .. هاه ريم هذه الدروس الي فاتتش لما كنتي غايبه صورتهن لش علشان لاتتعبيش وتنقليهن ..


ريم : شكرا شنقلهن من غيداء ..


أحمد : بهرر فوقها 🙄 ناهي يله من الخباله شليهن قد صورتهن ..


غيداء : سحبت الورق من يده 📑 ناهي يله اديهن ماعد تشتي مننا ..


ريم : لحضه .. بكم صورتهن ..


أحمد : 🙂 إبسرها وإبتسم الله المستعان مابش بيننا حساب انتي أمري بس ..


ريم : حست إنهو عيبداء الخباله .. خلاص شكرا لك وفلتنه وخطين 👭..


....... ........ .......


في المشرروع ..


الحج أحمد : ماشاء الله ع المهندس هذا مسرع قد بيفعل الاساسات ..


يوسف : أيووه وبعدا عمله حالي وفاهم ..


الحج أحمد : أهم شي يفعل موقف للسيارات 🚙🚗 لاصحاب الشقق ..


يوسف : أيووه قد البدروم عنفعله موقف ومخازن كل شقه معاها موقف ومخزن...


هاشم : نزل من فوق السياره 🚘 ومعه سندس . مسكها وبيخطى ..


الحج أحمد : إبسر سندس في يد هاشم إستغرب 👫 كيف إداها معه بعد الي حصل و كيف يديها بين عمال ورجال ...


هاشم : قرب لعندهم .. صباح الخير كيف انتوا . هيا مه كيف العمل ..


الحج أحمد : مسك هاشم وسحبه من يده 👬 بيحاكيه دلا ... كيف تدي بنتك بين العمال والرجال هذولاء مش انت مفتجع تفعلنا نفس الفعله الاوله وتهرب ..


هاشم : مسك عمه من كتفه بيده 👋🏻 لاتفتجعوش ياعم وبعدا بنتي هيا مربايه مشهو عتهرب لها مع كل من هب ودب هيا مافعلت هكذا وهربت مش علشان تهرب مع واحد هو كان كل هدفها تهرب ترجع كندا ماقدرتش تعيش هانا تشتي تسير تكمل دراستها ...


الحج أحمد : يله ع الله بس مايسبرش تديها هانا بين الرجال ماعيقلوا علينا ..


هاشم : ابردوا لكم يقلوا ماقالوا أهم شي احنا مابنفعلش شي غلط وبعدا انا خرجتها حرام تشم هواء وتغير جو كانت معاقبه ..


الحج أحمد : ماعجبه الكلام 😏 يله أنت حر قدك أخبر بجهالك وفلت وخطي 🚶🏼...



🌹meme_abdalgaleel


@qesasanani

بارت 37 🏡


في بيت جدي ...


أيمن : جالس بيتفرج الدمه 🐈 ومستغرب ليش بتتفرجه هكذا قرب يخطى لعندها 🚶🏼 فلتته وهربت بيدورها بينلفت يمين وشمال ماعد دريش أين جيت ..
رجع دخل للمزرعه يبسر كيف قدهي وبيتفرج التربه ويفحصها إذا عادها صالحه للزراعه أو لا وبيدور حنفيات وقصيب السقايه إذا عادها شغاله وموصله او قدهي مذحله ومكسره 🚰 شاف الإ حتياجات الناقصه وقرر يسير يشتريهن ويبداء ينظف المزرعه أولا من الأوساخ وبواقي الأشجار والأوراق 🍂🍁 وماقد يكلم أبووه بشي الإ بعد مايزرعها ويجهزها ويفأجاءه بها ويرجع له ذكريات زمان بس حس إن الموظوع عيكون صعب عليه وحده بس سهيل فجاع ماعيرضاش يساعده وهو ماقد يعرفش ناس خيرات فاليمن الإ أصحاب سهيل وكلهم مش حق عمل حق تخزينه وجلسه ويمكن سهيل يخرب عليه المفاجاءه ويحاكي أبووه فكر شويه 🤔 ذكر سامي خرج تلفونه يتصله 📱 ألووو ..


سامي : عادهو روح من الجامعه فوق الباص 🚐 .. إبسر رقم أيمن . الووو يامرحبا ..


أيمن : اهلا بك كيف حالك يا سامي عادك ذاكرني ولا نسيت .


سامي : الإ الإ أيمن حق كندا هيا مه قد حتى إتصلت لك يوم الحادث لماروحنا وأنت مارديتش ..


أيمن : أيووه إعذرني والله حصلت معانا شويه مشاكل وماقدرت ارد ع أحد أنا اسف والله .. ذلحين قلي أين نلتقي إشتي أتعرف عليك أكثر والله أرتحت لك وكمان معي موظوع إشتي أكلمك فيه لأنه مقد أعرفش أحد ..


سامي : ضحك هههه 😂 ارتحت لي ع مه .. مابتلقاني الإ في مشاكل أول يوم جيت لك مهتري شاضارب وثاني يوم حادث ...

أيمن : ضحك هههه😂 لكن والله إني إرتحت لك ليش مدري ذلحين قلي هيا أين نلتقي فاضي نتغداء جمعه عازم لك ..


سامي : والله إن عادنا مروح للبيت من الجامعه لكن عادي شتصلهم ونلتقي أنا وأنت ذلحين في أي مطعم ..


أيمن : خلاص تمام إتفقنا مارايك في مطعم ال... لانه ماقد أعرفش مطاعم خيرات ..


سامي : يله تمام شاجي ذلحين إن شاء الله ..


أيمن : خرج من البيت وفي رآسه ألف قصه ومعقوله الدمه والبيت مسكون 😇..


....... ....... ......


في بيت الحج أحمد ...


فوق الغداء 🥘🍲🍝...


سهيل : جالس بيفكر 😇 من حين روح من الجامعه كيف يتقرب لسندس ويعتذر منها .. إبسر أمه وهو مبتسم 🙂 أكيد يا أمه قدنتوا فاقدين لعمتي مارأيكم أوصلكم العصر أنتوا والبنات عندهم تبسروهم .


ساميه : فرحت 🙂 والله إنهو صدق يا إبني قدنا ضابحه فالبيت وزيد فاقده لعمتك قدلنا منها من يوم مشكله سندس ماعد جت ولا. .


الحج أحمد: بضبح 😤 قدوذاك فكوا الحصار ع سندس ماذلحين عتدخل وتخرج اليوم هاشم بكله اداها معه بين الشقه والعمال قلك حرام تخرج تغير جو من إيحين بنشل بناتنا بين الشقه مدري هذا قدهم متحررين قووي ..


سمر : أيووه ياجدو هو بيسافروا حقنا وينسوا عاداتنا ولا لو هي واحده مننا ماكان صداها تفكر تهرب ساع سندس بس هم أصلا مدلعين لها .😏.


يوسف : بهرر فوقها 🙄 جالسه أنتي والعرض بنتهم وهم اخبر مشو عليش ..


سهى : طبعا فارحه عتسير تبسر أيمن 😄 .. كملت تتغداء بسرعه وقامت تتجهز وتلبس .



@qesasanani

بارت 38 🏡


بعد العصر ...


في بيت هاشم ...


سهى : تشتي تسأل أينهو أيمن بس مستحيه قامت تلعب مع سام علشان تسأله أينهو ...


سام : هيا نلعب في هوش مثل بيت حقكم..


سهى : ابتسمت 🙂 أيووه هيا نخرج وخرجت معه علشان تجابره من أيمن وتسأله عليه ..


ساميه : والله هكذا ياشوعه ولاعد جيتي عندنا والله إن البيت ضبح من غيرش قد تعودنا ع جيتش ..


ناديه : إسهل يا أختي قدأنتي داريه بالظروف ذلحين إن شاء الله شكون أجي قدوذا أبوها سامحها ..

ساميه : أيوه قد دريت من يوسف وأبي كانوا مضايقين قالوا هاشم شلها معه للموقع ..


ناديه : أيوه هو خرجها تشم هواء وزيد تغداء هو وياها خارج وأيمن قال معه عمل مدري ماهو ماروحش وإني تغديت وحدي أنا وسام ..


ساميه : وذلحين ماعتفعلوا يا أختي من سندس لاعد تزيد تفكر تهرب مره ثانيه مارائيش اخت جارتي بتدور لإبنها مره تشتي تزوجه لو أدلها ع سندس قدهو تزوجيها وترتاحي الله يستر عليها هذه المره الحمدلله محد دري ولا كانت عتقع لنا فضيحه ..


ناديه : تضايقت من كلامها 😤 واشرت لها بيدها ✋🏻 مع لاتحاكيها ولا قد شازوج بنتي عادهي جاهله وبعدا بنتي هي فكرت تهرب مش تسير مع واحد هي هربت تشتي ترجع كندا ماعجبتهاش العيشه هانا هذا وهو إنتي قد بتقلي هذا الكلام عاد ما الناس المخرجييين لو يدروا ماعيقلوا ...


ساميه : حطت يدها في وشها 😱 يوووه جعلي مكسر غثيتي مني مشو قصدي شي هو غير قلت لاتجلسيش تهميها والله مانا داريه إنش عتزعلي ..


ناديه : وقدها زاعله 😔ذلحين مابش شي حصل خير وماعاد أحد يذكر هذا الموضوع خلاص قد إنتهي ..


ساميه : إرتزحت لعرض الوساده وبتجابر نفسها ..😏 والله ماكذبت سمر ان قد الغربه غيرت عاداتنا لاهي بنتي لادور ازوجها بدل ماتبدع بي ...


....... ....... .......


في الشارع ..

فوق السياره 🚘..


أيمن : بيسوق وسامي جنبه ..

سامي : يعني ذلحين تشتي عمال يجوا ينظفوا لك الأرض ..


أيمن : أيووه إشتي لو هم حتى يفهموا فالزراعه إشتي أزرعها بس مثل ماقلت لك مشتيش بابا يدروا ولا أحد لما أفعلها لهم مفاجأءه ..


سامي : خلاص ماهذه أمرها سهل بكره أبسر لك واتصلك لافين يجوا لك ...


أيمن : تلفونه وصلت رساله 📱 قريها إبتسم ورد (أخوش معي فوق السياره شاروحه بيتكم عتفعلي لي عصير أدخل ولا بخيله )..


ليلى : إفتجعت 😰 ورسلت له ( مع مع رحلك بس وأمسح الرسايل لايقراها ويدرى إنه أنا )..


أيمن : إبتسم 🙂 ورسل لها ( جهزي العصير يابخيله قالت مع )..


سامي : إبسره مبتسم غمز له 😉 هذه الإبتسامه وراها مزه صح شكلها أجنبيه ..


أيمن : حك رآسه وابتسم بخزا ☺ لا لا وبعدين أيش كل شي عندكم بنات حتى لو بنت مش شرط إنها تكون حبيبتي ممكن تكون صديقه زميله ..

سامي : هيا ناهي قلك صديقه ولا زميله مابش عندنا هذا الخبر مابلا عندكم أنتوا الأجانب ..

أيمن : ليش نسيت إني يمني أومه وأحب عاداتنا وكلشي بس في حاجات معاهم تعجبني يكفيك إن تفكيرهم تجاه المراءه عميق مش سطحي مثلكم ويحترموها جدا ولها حق في كلشي ...


سامي : هيا ناهي ياحق .. وأشر له بيده 👈🏻 لف لف من هذه الفتحه وصلنا البيت نهايه الشارع ..



🌹meme_abdalgaleel


@qesasanani

بارت 39 🏡



بعدها بيوومين ...


أيمن : قام من الصبح 🌝 بدري خرج يتلاقى مع العمال ويشلهم لبيت جدي ..


ليلى : قامت بتتجهز للمدرسه 🎒 وصلتها رساله (صباح الخير يله دوام ومدرسه قد نسيت أيحين قمت اليوم سبقتش أنا وصبحت عليش ياصديقتي العزيزه )..


ليلى : قريتها وإبتسمت 😊 وبتجابر نفسها إسهل صديقتي صديقتي شوويه وشاكون حبيبتك ردت عليه ( صباح النور ياصديقي العزيز يله بطل تشاغلني قدنا شاسير المدرسه )..


....... ........ ........

في المعهد ....


أحمد : بيتجابر مع أصحابه إنه عيشل رقم ريم وعيوريهم لما يخليها تصاحبه وتخطى معه ..


غيداء : لفتت لريم بإستغراب 😳 ماقد معه اليوم رومييو متجمع هو والعيال مشهي عادته هو يله بيخطى وحده ولا هو وصاحبه هذك المشعفل ...


ريم : من بعد خطوبتها قدهي مكسوره 😔 وماعد بيهما شي ... إبردي لش منه مادخلنا يله خلينا ندخل نقرى ونرحل لنا ..


غيداء : مارائيش نسير نأكل لنا إيسكريم أو أي شي بعد المعهد تخرجي تغيري جو من يوم الخطوبه وأنتي هكذا مخنوقه وتاعبه ..


ريم : تنهدت 😔 ماشي لو أتاخر وبابا يدروا عيفعلوا لي مشكله خلينا نروح بس ...


غيداء : والله مانتأخر بساعتنا نغير جو بس ماشسخاش عليش أنا ..


ريم : خلاص شافكر 🤔 واتصل لأخوتي أستاذن منهم ..


غيداء : مسكتها وبتسحبها هيا هيا قوى قوى وافقي 😄...

ريم : ضحكت 😄 يله تمام شتصل لمحمد ولا أسامه أستأذن .


....... ...... ......

في الجامعه ....

سهيل : بيتجابر مع صاحبه ..يا أخي مارائيك لو أشتري لها ورد وشوكلاته 🌹🍫 وأسير أعتذر لها ..


صاحبه : أول شي جرب ترسل لها تعتذر لها وبعدا الورد ..

سهيل : ماعد بش معاها تلفوون 📱 ولا ياسعم إن عادنا شاراعي لما تقلي ..


صاحبه : ابتسم وغيوز عيونه 😬طيب مارائيك تشتري لها تلفون قدهو منه طريقه تتواصل بها والكل ..


سهيل : طنن شوويه 🤔 طيب راعي لحظه شتصل لزوج عمتي هو متفهم وأقله اني إشتي أتاسف لها سعم ومارائيه لو أشتري لها تلفون لأني جرحتها لما ضربتها مشتيش يدرى بعدا ويقل يعلم الله ليش خبيت عليه ويفكر فيني يمين وشمال ..


صاحبه : ضحك هههه 😂 وياسعم حين تتصله ماعيفكرش فيك ..


سهيل : مع عمي هو عاقل قووي حتى مامدش يد ع بنته لاهو ولا إبنه وفعل حركه لقانه بوجهه أجانب أجانب يا أخي 😏..

صاحبه : كان يله توكل ع الله وإستأذن منه وجرب تتقرب منها يس ياخوفي بعد هذا كله وماتنفعش الخطه ..

سهيل : فعل بيده حركه لامبالاه 👋🏻 أنت عند سهيل قد جننت بنات خلق الله وشعجز في بنت عمتي ماعليك شي لاتهم ..


صاحبه : حط يده فوق رآسه يوووه ذكرتني مرام قدلها يومين بتدورك فالجامعه وجننتني إتصالات 📱 قالت أين أنت مختفي وكل ماتتصلك مابتجاوبش ..


سهيل : ضحك بسخريه 😂😂
خلاص قفلنا قلها قد إكتمل العدد تجرب حظها السنه الجايه ..

صاحبه : ضحك هههه 😂 يووه منك ما أنت كنت جنن بنات خلق الله هكذا وعلقهن فيك لما يحبنك وترجم ..


سهيل : نفخ الشقاره 🚬 يا أخي أنت بعقلك ماتشتي أفعل بها ذلحين مثل مابتجابرني عتجابر 10 غيري إطمن ماعتحنبش عتلقى لها موالهه ..

صاحبه : حرآم عليك والله مشهن كلهن أوذا عندك البنت الي بينحبها واثق ومتأكد إنها مابتحاكي غيري وإنها بتحبني وقد حاكيت أمي ووعدتني عتسير تبسرها تخطبها لي 💍.. وبعدا مشهن كل البنات غلط ولا كل الشباب به اللعبي وبه السابر من الجهتين ..


سهيل : بزنط 😎 ناهي مبروك مقدما ..

صاحبه : مبروك عليك أنت الي قد عتطير لكندا وتسبر لك وضحك ههه 😂..

🌹meme_abdalgaleel


@qesasanani

بارت 40 🏡


ثاني يوووم ...


في بيت هاشم ..

سهيل : بعد ما إستأذن من عمه هاشم يتأسف من سندس إشترى لها دبدوب وحط التلفون 📱في يده وغلفه وبوكيه ورد 💐 وكتب فالكرت (أنا آسف ماكنش قصدي أمد يدي عليش بس هو كان من خوفي عليش لأنش غاليه ).. وسار لبيتهم مكن سام من الباب يمكنها ورحله ...


سام : دخل والدبدوب🐼 في يده والورد 💐 بيداعيها سسسندس وييير أر يوو تعالي ..


سندس : كانت جالسه في غرفتها فاتحه النت بتدور الجامعات اليمنيه الي فيها التخصص الي تشتي وتكون جامعه شهادتها معتمده في كندا ..


مارك : شافها متصله رسل لها 👋🏻هاي بيبي كيف حالك لقد أخبرني تشارل بما حدث اريد الإطمئنان عليك ..


سندس : إبسرت رسالته وجلست متردده ترد أو لا 🤔 وتذكرت كل الي حصل معاها ووعدها لأبووها إنها تكون قد ثقته فيها فتحت صفحه مارك ودخلت فعلت له حظر ..


سام : دخل لعندها للغرفه فارح 🙂 بيحمل .. سندس سندس لوك لوك هذا حقش ومكنها ..


سندس : إبسرتهن وإبتسمت ☺ فرحت حسبت انه أبوها أشتراهن لها شلتهن منه وبتفتح التلفوون 📱 ليش بابا مامكني هو ..


سام : نووو هذا سهيل ..

سندس : إستغربت 😳 وفتحت عيونها سهيل بتفتح الكرت قريت كلامه وشلت الحاجات وخطيت لعند أمها بتداعها ماما ياماما ..


ناديه : هاه أنا فالغرفه مالش ..


سندس : دخلت بتوريها ما ادالها سهيل وتقبلهن او ترجعهن .


ناديه : أيووه قد كلم أبووش واتاسف منه لأنه زعل إنه ضربش وحب يعتذر منش وقال هو مكنش قصده يمد يده عليش بس هو كان من زعله وخوفه عليش لو يحصلش شي ..


سندس : طيب سكتت شويه وتنهدت ذكرت خوفها 😔 هذه اليوم ..ولفتت لأمها طيب أتصل أشكره ولا لا ..


ناديه : الإ الإ مايسبرش إتصلي قلي له شكرا وخلاص مابش شي موظوع وقفلناه وإنسيه أهم شي تعرفي كيف تتصرفي من ذلحين ..


سندس : طيب ممكن تلفونكم 📱 وشلته تتصل لسهيل تتشكر منه ..


....... ........ ........

في بيت جدي ...

وقت الظهر 🌞..

أيمن : رفع رآسه بيمسح العرق 😅 من جبهته من التعب والحماء بينظف المزرعه هو والعمال ...


واحد من العمال : صآح ونبع 🏃🏻 ..


أيمن : حمل هو والعامل الثاني لعنده 🏃🏻 بسرعه يبسروا ماله ...


العامل : كان بيأشر بيده 👈🏻ويصيح حيه حيه 🐍 كبيره من الي معاهن رأس خرجت لي ونبعت ...


أيمن : بيدور ويتلفت برآسه 👀 فين بالظبط منين خرجت ..


الرجال : بضبح 😤 يا أخي الله الغني عن العمل حقك لوكانت موتتني أنا ماعد أشتيش أشتغل أصلا أنا مش مرتاح لهذا العمل من حين دخلت البيت والمزرعه شكلهن يفجع كأنهن ملان جن وعفاريت وفلت وخطي 🚶🏼...


أيمن : بيداعيه .. يييه يا أخي راعي أذكر الله جن مه 👿 كان ناهي شل حسابك ...


العامل الثاني : يا أخي والله لو تشتي الصدق ماعنده حجه البيت مايطمنش وأمس لقيونا ناس وإحنا مروحين من هانا قالوا لنا البيت مسكون واليوم تخرج له حيه 🐍
ماعنده حجه ...


أيمن : نفخ 😤 حسبنا الله ونعم الوكيل بس وأنت ماهو ناوي تكمل تساعدني ولا ساع صاحبك ...


العامل : الإ ان شاء الله معاك أصلا محد يقطع رزقه ولو إني خريج انجليزي بس مالقيتش وظيفه قلي واحد إن به معهد يشتوا مدرسين عادنا قلت شاسير أبسره وع الله بس إطمن والله إني معاك وشاساعدك لأني إرتحت لك وشكلك طيب وإبن ناس ..


أيمن : إبتسم له 🙂 وحط يده ع كتفه تسلم يا اخي هيا ذلحين وقت غداء لوتجي نسير نتغداء ونرجع نكمل عملنا ..


العامل : طيب تمام بس ولو قد ششغلك معي بس لأن هانا مابش مواصلات قدوذا بتبسر كيف بيتكم هذا بعيد لو مع طريقك تحطني عند المعهد هذا الي قالوا لي عليه أجرب حظي ...


أيمن : حاضر من عيووني الله يسهلك ويقبلوك إن شاء الله ..




@qesasanani

بارت 41 🏠🧓


في الجامعه ..

سهيل : بيجابر سندس وهو مبتسم 🙂 واشر لصاحبه بيده أوكي 👍🏻..

صاحبه : بيأشر له بوجهه ماهو 😮..


سهيل :أشر له لحضه وغمز له بعيونه 😉..

صاحبه : قرب لجنبه يسمعه 👂🏻 ..

سهيل : لا لا ليش تشكريني بالعكس أنا الي لازم أشكرش إنش قبلتي أعتذاري وبعدا أنا مكنش قصدي أمد يدي 👋🏻 عليش بس أنا كنت خايف عليش ومقهور وكنت مفتجع لو يحصل لش شي حتى انه رفعت سلاحي وظربت رصاص 🔫 ع الحرس أنتي اصلا مش متخيله إيش كان ممكن يحصلي لو حصلش شي كان عقلي يفكر😇 مليون فكره وكنت مرعوب وهذا الي خلاني أفقد سيطرتي ع أعصابي لأنش غاليه عليا قووي ..

سندس : بصوت حزين 😔 خلاص الحمدلله ربي ستر وماعدناش زاعله منكم كلكم ..

سهيل : بيتفرج صاحبه وبيرفع له حواجبه 😌 أنا ماعليا منهم أنا عليا مني أنا بس أهم شي تقلي لي سامحتك ياسهيل ولا شنتحر ..

سندس : ضحكت هههه 😂 تنتحر ..

سهيل : أكييد كم معانا سندس لو تزعل مني.. الدنيا كلها عتظلم في وجهي 🌚..


سندس : بإبتسامه 🙂 خلاص مسامح وشكرا مره ثانيه ع التلفون والورد ..


سهيل : أنتي بس أمري كان نفسي حتى أديلش شريحه بس مشنا داري ايش من شركه تشتي ذلحين قليلي علشان أدي الرقم ...

سندس : ثانكس .. بابا عيشتروه لي ولا أيمن ..

سهيل : وهو بيضحك ههه😂 نوووو أنا خلاص ششتريها لش الآن نفس شركتي علشان لما اكون أتصلش لا تخسرينيش ولا ماتشتيش أكون أتصل..


سندس : هاه خلاص تمام شكرا ..

صاحبه : لفت له وضحك واشر له بيده ياخطططير 🤞🏻..


سهيل : حرك راسه بغرور إحم إحم 😌 وعادك ماقد شفت شي شاخليها ماعد تقدر تعيش من غير سهيل ونسافر لنا من هانا ..



....... ....... .......


عند المعهد ...

أيمن : وقف السياره ولفت للعامل 👀 يله إدخل قدم أوراقك 📑 يا وليد وأنا شاراعي لك هانا ..


وليد : مارائيك تنزل معي بدل ماتجلس فوق السياره 🚘 إبسر ع شمس 🌞 إفرض أتأخر ..


أيمن : أدخل أنت بس ولو شفتك تأخرت شنزل ..


وليد : طيب يله تمام ودخل 🚶🏼.


غيداء : كانت خارجه من باب المعهد ومعاها ريم 👭 بيتجابرين ..وقفت بتتلفت بتدور باص يروحين 🚐 لمحت أيمن.

أيمن : جالس فوق السياره فاتح الزجاج وطارح رآسه فوق الكرسي بيتسمع أغاني ..


غيداء : دكمت ريم بيدها .. إبسري إبسري الي فوق السياره ما أحلاه 😄..


ريم : ضحكت عليها 😃 هيا ناهي لش بطلي خباله يله أخطي نروح وسحبتها 👭 ..


غيداء : بتخطى 🚶🏻‍♀ وهي بتتلفت وراها تبسر أيمن طيب راعي لحضه نبسر لمن مراعي من عيروح ..


ريم : بتصيح فوقها 😡 غيداء بس بطلي تفراج افرضي يبسرش ..

غيداء : نفخت اوووف منش 😤 هيا جاء الباص وماخليتيناش نبسره سواء ...


@qesasanani

بارت 42 🏠🧓


في بيت الحج أحمد ..

فوق الغداء ...

الحج أحمد : ماشاء الله ع المهندس هذا شكله محترم قووي وإبن ناس ..


يوسف : بيقسم الخبزه 🥖 أيووه شاطر ورجال قووي أنا ارتحت له قووي مع إنحنا جيران بس سبحان الله ماعرفناه سواء الإ ذلحين لما أشتغل معانا فالمشروع ..


الحج أحمد : أيووه صدق جيران لكن مدري كيف قدحنا سقى الله زمان كيف كانوا الجيران لكن ذلحين نزيد نسأل عليه ونتأكد سواء مارائيك ..

يوسف : هز رآسه 😌 أيووه أكيد بس أول قبل مانسأل عليه نشل رأي البنت ولا ماقلتوا ..


ساميه : إبسرته وبتأشر له بعيونها 😁 بنت مه مابتتجابروا ..

يوسف : هذا المهندس الي معانا فالمشروع اليوم تقدم لسهى قال يشتي يناسبنا وأمه قد إبسرتها فالحاره وإعجبتها ..


سهى : اتفاجاءت😳 وحنبت اللقمه في فمها .. ايييييش .. وتشارغت عيوونها بالدموع 😢 مشتيش وحطت الملعقه من يدها 🥄 وقامت ..


سمر : قامت بعدها تلحقها 🏃‍♀ ...

سهيل : ضحك بقووه 😂😂 هههه هذا هو الخزاء حق البنات سعم الي بيقلوا عليه ولا ماهو ...

ساميه : خفعته بيدها 👋🏻 في رجله أهجع من اللقانه ع اختك اوذا شاقوم أبسرها ..


...... ...... ........

في المعهد ...


أيمن : ضبح من الشمس 🌞 نزل للمعهد يدور ع وليد بيسأل فين مكتب الإداره بس بيتكلم إنجليزي ..


الموظف : رد عليه واشر له في هذه الجهه 👈🏻..


أيمن : خطي بيدور 🚶🏼ع خرجه المدير سأله بالانجليزي اين بيقابلوا مع المدرسين الجداد ..

المدير : شاف شكله وبيسمع اللغه والأكسنت حقه إعجبه وإبتسم 🙂 خلاص مقبول بدون امتحان قبول ..


أيمن : عقد حواجبه 😌 مستغرب وبيكلمه بالإنجليزي مقبول في إيش أنا دخلت أدور صاحبي هو جاء يقدم عندكم ..

المدير : ضحك هههه 😂 قبلناه بس انت كمان عجبتني واشتي تدرس عندنا لو ممكن ..

أيمن : بس أنا مهندس زراعي وماليش فالتدريس ..

المدير : بس الأكسنت ولغتك ممتازه ورائعه جدا وافق وأختار الأوقات الي تناسبك ..


أيمن : أنا أصلا يمني كندي رجعنا اليمن قبل شهرين بس ما ليش فالتدريس وهذه الفتره معي شغل لازم أنجزه ..


المدير : طيب هذا كرتي 💳 ولو سمحت فكر في العرض هذا ومنتظر أتصالك ..


إيش تتوقعوا أيمن يوافق ع العرض ويكون مدرس فالمعهد أو بيت جدي وتصليحه وزراعته اهم بالنسبه له 🙂...


🌹meme_abdalgaleel


@qesasanani

بارت 43 🏠🧓


بعد يوومين ...

بعد العصر ..

في بيت علي ..


علي : بيلبس ويتعطر ويتصلح ع سنقه عشره .. بيدور حقه الشال والكوت الجديد .. بيصيح بنغافه 😖 يييه ياجنييه أين جاء حقي الشال الجديد والكوت ...


أميره : جالسه فالصاله بتتفرج التلفزيون 📺 سمعته بيصيح طنشته ...


علي : فتح باب الغرفه وخرج لعندها بيصيح 😡 أنتي بتسمعي مابينقل ولا أجي أنظف أذانش 👂🏻 تسمعي سواء ..


أميره : ساكته ولا ردت عليه بتتفرج التلفزيون سكته 📺 من يوم المشكله وهي مقاطعه له ...


علي : هز رآسه بضبح 😤 آاااها هكذا بتتعلمي المصانجه هيا تمام وريني من اليوم كيف عتكن تتصانجي سواء وسار بعد التلفزيون 📺 شله ودخله الغرفه ..


أميره : طنشته وقامت بتخطى بهدوء 🚶🏻‍♀ تدخل غرفه ريم ..


علي : لحقها وسحبها من شعرها 👩🏻 أنا لما أكوون أدعي كن جاوبي تمام ورجمها للقاع ...


محمد : ع دخلته من الباب 🚪 إبسر أمه مرجومه وابوه بيصيح قرب مسك يد أبووه 👋🏻 بسسسس لاهانا وبسسس بنسكت في كل شي بس توصل لعند أمي ومعامله هكذا مع ..

علي : مسك يده 👋🏻 ودهفها .. الله الله والله وقد طلع لك صووت ..

أميره : وقفت ومسكت بتسحبها وهي بتبكي 😭 قووى إبني أنا فدالك اخطى لك غرفتك بس إسهل لاتدخلش نفسك عنسد أنا وأبووك سكه نفسك المشاكل قوى يا إبني ..

علي : من حسن حظك بسس ان معي شي مهم اليووم ومشتيش أتاخر ولا كنت شاربيك سوى وشل نفسه وخطى 🚶🏼 يكمل يلبس ..


محمد : حضن أمه وحبها في رآسها 😘 خلوني بس ألقى لي عمل ونخرج من هانا نعيش وحدنا نفتهن ..


...... ....... ......


في بيت جدي ..


أيمن : أوول مادخل من باب المزرعه هو ووليد إبسر قدامه لفت يمين وشمال وتغيرت ملامحه 😲 كلها بإستغراب ولفت لوليد ..


وليد : حاطط يده ع راسه وبيتفرج لأيمن 😱 ...


أيمن : دخل وبيخطى ببطى 🚶🏼معقووول ماهو هذا ...


وليد : بيصيح فووقه 😡 يييه يامجنون جي كذا والله إن شكل كلام الناس صدق وإن هذا البيت ملان جن وعفاريت 🙂👿..


أيمن : ساكت بيتفرج ويمشي فالأرض وفي رآسه ألف فكره 😇 معقوووله فعلا يكون البيت مسكوون وإن الي قتل جده وحرق الزلط والاوراق جن 👿 ..



........ ....... ......


في بيت الحج أحمد ...

سهى : جالسه في غرفتها ممدده ماعد بتجلس معاهم من يوم ماكلموها من المهندس ..


ساميه : دخلت لعندها .. جلست جنبها في طرف السرير .. ذلحين ماهو يابنتي عتمكنيها طنانه 🤔 هكذا فالغرفه من حين ماتقدم لش هذا المهندس ..


سهى : صاحت وبكيت 😭 مشتييييش قلتلكم مشتيييش اتززوج ..

ساميه : يوووه يابنتي مالش آذكري الله للصياح والجنان هذا سعم قد عنحمل نرجمش أو كيفه عادحنا عنسأل أول عليه ونبسر كيفهو وبعدا الزواج نص الدين و...

سهى : قاطعتها ... بتصيييح ببكاء😭 مشتيييش مشتيييش قوى افهموا حرام عليكم ربي عيعاقبكم وفلتت وخرجت من الغرفه ..


ساميه : إستغربت وطننت 🤔 يووه مالها هذه البنت مصروعه سعم مشهو أول واحد يتقدم لها مابتفعلش هكذا مالها هذه المره ..


🌹meme_abdalgaleel


@qesasanani

بارت 44 🏠🧓


في السووق ..

فوق السياره 🚘..

ناديه :جالسه قدام جنبه .. سامحني ياسهيل قد تعبتك معي بس مدري ماله أيمن مابيردش بينتصله 📱من اول يجي يخرجنا السوق ولا بيجاوب وإشتي أخرج السوق ظروري سندس جننتني تشتي حاجات ناقصه عليها وإشتي أشتري لها فستان 👗للعرس حق بيت الجيران عزمونا يشتي يتعرفوا علينا ومابش معاها فساتين حاليه كلهن حق كندا مش حق عرسات ..


سهيل : بيبسر من المرايه حق السياره لعند سندس جالسه وراء وهو مبتسم 🙂 مالكم ياعمه تعب مه كم معانا سندس هي بس تأمر وإحنا ننفذ ..


سندس : إبسرته وإبتسمت 🙂 ثانكس ..


ناديه : إسكه وقفنا عند هذا المحل شكله حالي ..


سهيل : وقف السياره 🚘 ..


سندس : ماما هذا شكله كله ولادي 👖👕 ماشنزلش شاراعي لكم فوق السياره ..


ناديه : خلاص تمام اوذا شانزل انا وسام أبسر لو به حاجه حاليه عليه ونزلت هي وسام ..


سهيل : بعد مانزلت عمته لف راسه لاوراء وإبتسم 🙂 أيووه يا بنت عمتي كيف أنتي كيف التلفون 📱عجبش ..


سندس : بإبتسامه خازيه ☺ أيووه ثانكس شكله حلوو ...


سهيل : بيتفرجها ويركز في عيونها 👁 مش أحلى منش أنتي تستاهلي أحلى وأحلى .. ذلحين قليلي كيف شكل الفستان 👗 الي تشتي ولا عتسمعي كلامي ولما تختاري أختار لش ع ذوقي اشتي تكوني احلى واحده فالعرس ومشتيش أحد يلبس مثلش ولو إني متأكد انش أحلى منهن كلهن من ذلحين ..


سندس : بتتفرجه ومبتسمه 🙂 حست كلامه أشبع غرورها وإنه في واحد بيفكر نفس طريقتها انها حابه تكون مميزه ..


....... ....... .......

في بيت جدي ..


أيمن : مستغرب 😳 وبيتفرج الدماء و الكلاب والدمم 🐈🐕 الي مذبوحه ومراجمه في كل بقعه .. لفت لوليد يا أخي إيش من جن عيفعلوا هكذا ومنين جت هذه الكلاب والدمم ..


وليد : مطنن مثله 😳 المشكله انه حتى الاماكن الي قد نظفناها والتربه الي قد بدائنا نحرثها علشان نجهزها للزراعه قدهي مخربه كلها ..


أيمن : 🤔 يا أخي هذا الموضوع فيه إنا أنا قلبي ❤ مش مطمن .. جي معي ندخل البيت نتفقده ماقد دخلته من يوم ماجيت مابينبسره الإ من خارج قلت أول أبداء بالمزرعه والحوش ..


وليد : يا أخي أسمعني والله ان قد الشك دخل في قلبي ❤ ماعاد أشتيش ندخل ذلحين خلينا نجي من الصبح بحين ونبسره ..


أيمن : إييش من صبح أنت ناسي إنك عتبداء دوام فالمعهد من بكره الصبح لاظهر ...


وليد : مسكه وبيمشوا يخرجوا 👬 يا اخي هيا وافق وجي ندرس فالمعهد جمعه ونكون نكمل ونجي نبسر ماقصه بيت جدك هذا ....



🌹meme_abdalgaleel


@qesasanani

بارت 45 🏠🧓

العشي 🌚..

في بيت الحج احمد ..

بعد ماكملوا يتعشوا 🥘🍛🍳وجالسين بيتجابروا ..


يوسف : ارتزح وفي يده قلص الشاهي ☕ ذلحين أين جت بنتش هذه ماهو خبرها ...


ساميه : تنهدت 😔 والله مادي لك علم شكلها مش هي موافقه كل ما احاكيها تبكي وتجنن ..


يوسف : ناهي وللمه البكاء 😭 تقل مشهي موافقه وبس ..


الحج احمد : بقلبه وجه 😖 وللمه مشهي موافقه الرجال مابش فيه عيب وقد هي اخر سنه لها فالجامعه ماعاد معاها تتزوج ولا عتجلس عندنا مابش معانا بنات تخطي قولها ولا ابسرين بنت عمتهن وقدهن يشتين يوقعين اوربيات ساعها ..


سمر : ضبحت 😤 ماهوو حقكم هذا الكلام كيف مشهي حره هي ماتشتيش تتزوج هكذا كيف يعني زواج بالغصب ..


الحج احمد : ابسرها وعوج فمه 😏أيوووه وكان كيف تشتي تتزوج أو تشتي ندي لها مهند حق تركيا وتشتي واحده تحبه أنا عن نفسي الرجال عاجب لي ومابينبسرش فيه شي ينعاب وكلهن البنات بيبكين أولها ويرجع يسكتين ...


سمر : حنقت من كلامه وفلتت وقامت 😔..


....... ........ .......


في بيت هاشم ...


سندس : بتقايس الفستان 👗 تبسر كيف طلع عليها وخرجت توري أبووها هاه بابا كيفهو ...


هاشم : اللللله شكله حالي قووي 👗 اول مره أبسرش تلبسي فستان هكذا ..


ناديه : أيووه اصلا ابسرت في كندا لابه احتفالات ولا اعراس بتلبس طويل لانها محجبه ..


أيمن :بيحانكها 😜 بس الصدق وقعتي شووعه هههه ماهو هذا ...


سندس : بتتدلع وتحرك أيديها .. بابا قلووله بسس ☺..


هاشم : ضحك عليهم 😂 هههه ..


ايمن : ابسر تلفونه رنه وقفلت 📱 عرف انها ليلى فلتهم ودخل غرفته يتصلها ...


ليلى : مساء العسل 🍯 كنت متردده أتصل او لا قلت افعل رنه بس ولو فاضي عتكلمني ..


أيمن : ضحك هههه 😂 ليش يعني تشتي تقلي لي إننتي بتستحي ☺ وانا المفروض أصدق ..


ليلى : بتدلع صووتها ...أيمن بسسس بطل أمانه والله إني بينستحي منك ☺ ذلحين جابرني كيف كان يومك ياشاقي نظفت بيتكم. ..


أيمن : بيفجعها اووووه إيييش 😱 أقلش لو تبسري ماحصل شكل البيت عيطلع صدق ملان جن 👿 وبيحكي لها ماحصل وجلسوا يتجابروا ...


سندس : دخلت غرفتها تبدل لقيت رساله من سهيل ( اكيد الفستان 👗 طلع عليش يجنن مثل ما انتي تجنني لاول مره اتمني وأنا بنت علشان اقدر أشووفه فوقش )..


سندس :رسلت له وجه مستحي 😊...


سهيل : رد عليها ( جبر الخازيه ذلحين أكيد الخدود الحاليه قدهن حمراء ع البياض عتطلعي تجنني فوق ما انتي )..


سندس : جالسه تقراء الرساله ومطننه 🤔 من إسلوب سهيل وطريقه كلامه معاها معقوله يكون قصده شي ولا هي بس بيتهيألها . بس عجبها كلامه لأنه لقيت شخص يشبع غرورها ويحسسها إنها شي مهم ...


معقوووله يكون للدمه السوداء 🐈 علاقه باللي حصل في بيت جدي ؟؟؟



@qesasanani

بارت 46 🏠🧓


يوم السبت ...

الساعه 7:45 الصبح 🌝..


في المعهد 🏫 ...


غيداء : عند البوفيه كانت بتشتري لهن شبس 🍿..


ريم : جالسه فوق الكرسي مراعيه لها بتقلب الكتاب 📖..


أيمن : دخل هو ووليد 👬 أول يوم دوام لهم في المعهد أخيرا أيمن إقتنع 🙂..


غيداء : كملت تشل الشبس وبتخطى إبسرت وليد وأيمن زقرعت 😊 وحملت بسرعه بتداعي ريم بفرح يارررريم والله إنهو هو .. جاء جاء وبتهزورها .. هيا قوومي قوومي بسرعه نلحقه ..

ريم : بتضحك عليها 🙂 مالش منهو مابه من تلحقي ...


غيداء : بتهزورها .. هذاك الحالي ابو شعر كيرلي حق هذك اليووم 😉.. هيا قومي اول لاعد يرحله امانه ...


ريم : سنبت وبتلف كتبها وتضحك 😂 والله إنش مجنونه من عتلحقي أو عتسيري تجابريه هيا ندخل الكلاس شرق علينا وبعدا انا أعرف ذوقش أي كلام يعلم الله كيف عيطلع هذا الي قد كسرتي راسي عليه من هذك اليووم ..


غيداء : بترفع حواجبها من خلف اللثمه 😌 والله إنه مز يجنن هيا أخطي معي وأنتي عتبسريه نبسر لاهو عيسجل هانا ولا معه أحد بيدرس هانا ..


ريم : بتفعلها بيدها حركه مجنونه 😜 .. الله يشفيش ..

غيداء : مسكتها وخطين 👭 يبسرين أينهو وبياكلين الشبس 🍿...



........ ........ ........


في المشرووع ...🏢..


هاشم : بيتصايح من البلديه ..😡 يا أخي ماهو حقكم هذا الجنان كيف تشتي تهدم ومعانا تصريح البناء ..


البلديه : حتى لو معك أصلا المبنى 🏢 شكله مش ع المواصفات وعننزل لجنه يعاينوها ..


هاشم : قد عيجنن 😤 يا أخي مالك ماهو هذا الجنان كيف لجنه أنا شتصلك للمهندس ذلحين وهو عيجي يشرح لكم كيف كل شي مظبوط ..


يوسف : عادهو وصل دري من العمال موظوع البلديه خطى لعندهم 🚶🏼 صباح الخير كيف أنتوا ..

هاشم : بيصيح 😡 يا أخي قلك العماره مش هي طبق للمواصفات ويشتوا يهدموا مدري ماهو ..


يوسف : مسك حق البلديه وسحبه ع جنب وتفاهم معه وخرج له زلط من جيبه 💵.


البلديه : يله تمام .. متواصلين ولو احد ضايقك او شي اتصلي هذا رقمي ومالك الإ نخدمك ورحله ..


هاشم : بيصيح فووق يوسف 😡 انت كيف تفعل هكذا هذه اسمها رشوه وبعدين محناش خايفين منه ينزل لجنه العماره حقنا ع المواصفات ومابش مانخاف منه ..


يوسف : يا اخي خلينا نهجع شغلتهم هم هكذا حق سلبطه ماعيفلتوك في حالك الإ لما تدي لهم زلط 💵 ماشي عيمكنوك شغله هكذا ...


هاشم : ضبح منه 😤 وقلك شعب يشتي يتطور وينافس شعوب العالم هو لو إحنا بنغير أنفسنا وكل واحد يطبق القانون بنفسه إنحنا سابرين معه شي ولقي غلط عليا بيننا القانون بس هكذا كل واحد بيفعل نفسه هو القانون انه مرور دفعت له لايسجلش مخالفه وهو عيسكت تخالفوا وتلعبوا بالشارع وانهو دكتور يزيدوا له الكشف ودخل واحد قبل الثاني وانهو استاذ ماعد بيدرس بظميره علشان يدرس خصوصي ويدفعوا له واحنا الي بنخرب انفسنا في كل شي ونرجع نقل ليش شعبنا وبلادنا ماتتطور الله يعيننا بس ...


يوسف : ضحك ومسكه من كتفه 👬 وبيخطى يا اخي هذا الكلام عند العالم مش عندنا إحنا شعب عايش عالبركه ...



هاشم : والله ماقصدك الإشعب لامبالي ولا له نفس أصلا أنه يغير ويطور نفسه وشعب حق انتقادات فقط لاغير يمكنها نوم وقات ويشتي يطلع الفضاء ...



🌹meme_abdalgaleel


@qesasanani

بارت 47 🏠🧓


في الجامعه حق سهى 🏣..


سهى : دخلت للمكتبه📚 بتوقع استماره 📄 إخلاء طرف قبل الإمتحانات علشان معامله التخرج ...


أميين : طالب ماجستير جالس بيدور كتب 📖 ومراجع فالمكتبه سار لعند أمين المكتبه بيسأله ع إسم كتاب ..


صاحب المكتبه : بيدور إسم الكتاب 📔 الي طلبه .. العفو منك هذا الكتاب شلته طالبه ..


أمين : خفع راسه بيده 😥 أوووه طيب أيحين عترجعه إشتيه ظروري جدا علشان الرساله حقي ..


صاحب المكتبه : عادها شلته أمس يعني للإسبوع الجاي ..


أمين : زعل 😔.. يله خلاص شكرا شبسر كيف ..


سهى : سمعتهم بيتجابروا ..🏃‍♀ لحقته بتدعيه .. يييه عفووا لو سمحت ..


أمين : لفت لها واشرلها بيده أنا ..


سهى : أيووه انت .. عفوا ع التدخل بس سمعتك بتكلم أمين المكتبه ع كتاب📔 وحسيتك محتاج له ظروري ..


أمين : أيووه والله محتاجه جدا علشان رساله الماستر حقي ومالقيته ...


سهى : طيب انا معي نفسه فالبيت لو حابب ممكن أسلفك الكتاب 📔 لحقتك علشان أقلك ...


أمين : فرح وإبتسم 🙂 وتغيرت ملامح وجه .. صدددق قلي والله ..الف الف شكر أكيد آشتتيه ...


سهى : طيب بكره شديه معي إن شاء الله أنت أيحين عتكون موجود ...


أمين : أنا اصلا مابينداومش كل يوم بس اكيد بكره شاجي علشان الكتاب 📔 وهذا رقمي سجليه عندش اول ماتكوني موجوده كلميني وشاجي له ع طول إسمي أمين ..



سهى : تمام ان شاء الله ..

أمين : الف شكر لش والله مانا داري ما اقلش ..


سهى : عادي كلنا زملاء وممكن بكره وهو أنا الي أحتاج المساعده ...


........ ....... ........

في المعهد ...


في الكلاس . .

غيداء : جالسه بتحطم بضبح 😤. هيا إبسرتي ع حظ معانا طلع تيتشر جديد فالمعهد هو وهذاك صاحبه وإحنا معانا هذا التيتشر ..


ريم : بتضحك عليها وتحانكها ..😜 ياعيبتش ع التيتشر حقنا إبسري بس محلى الأكسنت التعزي حقه ...

غيداء : خفعتها برجلها وضحكت 😂 ناهي يالقانه قلي الحمدلله بس إن قد عتكمل هذه الدوره بعد 3 أيام ونهجع من هذا التيتشر ...


....... ....... ........

وقت الظهر 🌞..


في بيت علي ...

علي : فتح الباب 🚪 كان راقد خارج قدله 3 أيام ماعد روحش .. دخل وفي يده واحده ماسك لها 👫 بعمر ريم بنته تقريبا ... بيرفع صوته .. أدخلي أدخلي ياروحي نورتي بيتش ... الله يجعل دخلتش تنور بيتي وحياتي ..



أميره : كانت فالبيت وحدها فالمطبخ بتفعل الغداء 🥘🍜 سمعت صوته إستغربت من بيحاكي خرجت تبسره ..


سماح : العروسه 👰🏻 الجديده جالسه فوق الكنبه وهي مفتجعه 😰 ...جالسه بتقرح أصابيعها ...


أميره : خرجت من المطبخ .. ابسرتهم قدامها اتفاجاءت 😳 وحست جسمها كانه قطعه ثلج وخنقه في صدرها بصووت متقطع منهي هذه ...


علي : جالس جنبها فارح 😃 وطارح يده ع كتفها ... هذه القمر عروستي الجديده 👰🏻 إبسري ع مره مش ساعش صوره تقطع الخميره من البيت ..



أميره : وقفت ساكته مبلوده مش قادره ترد عليه ودموعها بتنزل ساع النار ع خدودها 😭 ماقدرت ترد ولا تتكلم خطيت سكته ودخلت غرفتها ارتجمت فوق السرير بتبكي ..



🌹meme_abdalgaleel


@qesasanani

بارت 48 🏠🧓


في بيت جدي ...


أيمن : يا أخي من قلي اصدقك وأوافق ع المعهد هكذا ماعاد شاروحش بيتنا مافيش وقت للمعهد وتنظيف البيت 🏡 والمزرعه ...


وليد : ضحك هههه 😂 مابلا شكلك تعودت ع الفهنه مالك الإ نرتب أمورنا ...


أيمن : يله شد حيلك ياشاطر اليوم نكمل نحرث المزرعه وبكره نبكر نزرع الغرسات 🌳 قبل مانتحرك المعهد ..


وليد : خلاص يله شد حيلك وبعد بكره نبداء ندخل البيت 🏡..


أيمن : أنت داري أول شي واهم حاجه قبل ماندخل ننظف البيت 🏡 نوصل خط كهرباء لأن الخيوط كلها قدهي مقطعه نسيت هذا الموظوع لوشي ان قد عاملنا .


وليد : ضحك عليه 😂ههه جبر الي عادهو يشتي يعامل نسير نشتري خيوط كهرباء وعنمد من العمود الي في الشارع البيت هانا مهجور من عيجي يلاحق بعده وبعدا بعيد..


أيمن : نوووو لازم كله يكون قانوني ...

وليد : ادخل ادخل رفع واقصد الله ياقانوني وأنا شاسير أشتري لنا خيووط نمدهن الليله ...


....... ....... ......


في جامعه سهيل 🏣 ...


سهيل : واقف مرتزح ورافع رجله عرض الجدر بيشرب شقاره 🚬 بيد وبيكتب رساله لسندس باليد الثانيه ( كيف هي أحلى ورده في اليمن كله 😉) ..


مرام : ابسرته من بعيد وخطيت لعنده 🚶🏻‍♀ وقفت معصبه قدامه 😠 ممكن أعرف اين انت يا أستاذ وليش مابتردش ع اتصالاتي ورسايلي ...


سهيل : نفخ وضبح منها 😤 يا الله خراجك قد انا كنت مروح ما طلع لي أجلس إستغفر الله بسسس ..


مرام : حطت يدها ع خصرها ... الله الله من أيحين بتنفخ في وجهي 😤 وينهو سهيل الي كان يتراشاني وعيموت ع كلمه مني ..


سهيل : ضحك بسخريه خخخ 😬 قلتيها بفمش كاااان وكاااان فعل ماضي إحنا الآن في الحاضر وأنتي خلاص بببببح فنيييتو من انتي يا أخت بيت من بتدوري ...


مرام : مسكت أعصابها 🤜🏻وجمزت ع يدها وابسرته نظره كره 😖 طيييب ياسهيل أنت عتبسر منهي سهيل وكيف تلعب عليا ...


سهيل : إبسرها من طالع لانازل 😏 الي في راسش سوويه وأعلى مافي خيلش أركبيه ولاتنسى كل مكالماتنا وصورش عندي ...


مرام : طيييب بيننا انا ما اتهددتش وفلتته وخطيت 🚶🏻‍♀..



🌹meme_abdalgaleel



@qesasanani

بيت 49 🏠🧓


ثاني يوووم ....

في المعهد ....


غيداء : جالسه جنب ريم بتهدائها ..


ريم : مغطيه وجهها بيدها وبتبكي 😭 تخييلي سعمن هي ياغيداء تقريبا عتكون في سني يعني وأنا شاكون هكذا مثلها والله إني رحمتها شكلها مغصووبه ع أبي مثل ما غصبوني ..


غيداء: ماطلع له أبووش يتزوج كيف سخي يفعل بكم هكذا ..

ريم : وهي بتتشنهج 😭 مدراني مدراني لوتبسري كيف ماما مصدومين وقلبهم عيقرح 💔 قالوا هذه جزاتي الي صابره عليه وع طباعه وبخله وفي الأخير سار يتزوج عليا ..


غيداء : وأخووتش مافعلوا ماتحاكوش ..

ريم : ماعاد عيفعلوا مابش في يدهم شي قدهو حسبنا الله ونعم الوكيل ..


أحمد : لمح ريم بتبكي وغيداء جنبها خطي لعندهن 🚶🏼 رييييم مالش من زعلش قليلي والله لاموته كيف يسخى ع هذه العيوون يبكيها 👁..


غيداء : لفت له ووبهررت له عيونها 😠 مادخلك أصلا ضروري تحشر نفسك في كل شي اوووف والكراهه فييك ...


أحمد : إبسرها وقزز 😖 ورفع يده مادخلش انتي أحد حاكاش أحد ذكر أسمك أنا قلت ريم أنتي إسمش ريم ...

ريم : سنبت وبتصيح اوووف 😤 منكم ماعاد تقدروش الظروف صياح واصل ومناقره اسمه محد يدخل مني ماعليكم الاثنين وفلتتهم وخطيت 🚶🏻‍♀ ..


غيداء : بتحمل بعدها تلحقها 🏃‍♀ وتداعيها رررريم راعي ..

ريم : فلتتها وخطيت 🚶🏻‍♀لقيت كلاس فاضي دخلت فيه وغلقت الباب ..


أيمن : جاء فتح الباب حق الكلاس يدخل لأنه كلاسه الي عيدرس فيه إبسرها موطيه راسها فوق الماسه وبتبكي 😭 قرب لجنبها .. سوري فيش شي أقدر أساعدش ..


ريم : نكزت ماسمعتش صوت الباب 🚪 لما افتتح .. رفعت رآسها وعيونها العسلي 👁 الي تجنن قدهي حمراء وملان دموع .. ابسرته قدامها وجت عينها في عينه ونزلتها بسرعه . شكرا ولافيني شي وفلتت وقامت تشتي تخرج ..


أيمن : لحقها 🏃🏻 ... هيييه مينتس.. دقايق بس بليز ..في أحد زعلش فالمعهد . انتي طالبه عندي او ايش .


ريم : لا أنا طالبه في كلاس ثاني وشكرا محد زعلني ممكن أمشي كلاسي عيبداء بعد شويه ..


أيمن : أوكي يو كان قوو بس بليز لما يكمل الكلاس حقش تعالي لعندي ..


ريم : هزت رآسها ..إن شاء الله وفلتت وخطيت ..

أيمن : جلس فوق الماسه وخرج الكتب 📚 من شنطته وجالس مطنن 🤔 في ريم من زعلها مع ان شكلها طيبه وبريئه قووي ..


...... ...... .....

في بيت علي ..


علي : قام من النوم 😴 خرج من غرفته من عند العروسه بيصيح ييييه وين الصبووح يله شررق علينا إحنا حراوه نشتي صبوح حالي ..


أميره : كانت بتجهز لها لده 👗👚👖 تسير عند أختها عفاف تفعلها يومين قدهي ضابحه لانها داريه انه ماعينفعش تسير عندها ولا تخرج من بيتها خلاص عيالها لمن واختها مش حمل مصاريف ..


علي : دخل لعندها بيصيح 😡 ييييه سمعتي مابينقل اومع واداعي اين الصبوح وبعدا ماهن هذولاء اللده أين عتسيري ..


أميره : نخليك تفتهن انت والحريوه لما تكملوا شهر العسل حقكم وشلت شنطتها 👜وفلتته وخطيت ..


🌹meme_abdalgaleel


@qesasanani

بارت 50 🏠🧓


في الجامعه 🏫...


سهى : خرجت من المحاضره حقها وخرجت تلفوتها 📱 بتتصل لأمين علشان تمكنه .. ألوو سلام عليكم ..


أمين : وعليكم السلام . من معي ..


سهى : معاك سهى ..الي قلتلك شدي لك الكتاب 📙 أنت موجود فالجامعه ذلحين ولا فين احطه لك ..


أمين : أيووه موجود.. شلقاش ذلحين لعند محل التصوير ..

سهى : يله تمام الآن شاجي 🚶🏻‍♀وخطيت لعنده ..


أمين : شل منها الكتاب 📙.. شكرا تسلمي والله انش فعلتي فيني معروف كبير أكمل بس أنقل منه الي أشتي وارجعه لش ع طول ..


سهى : خذ راحتك عادي لاتستعجلش أصلا أنا مش محتاجه له .. ورن تلفونها 📱بتجاوب وتغيرت نبره صوتها . ايييش أيحين ليش ماحصلهم كيف يعني هكذا فجاءه طيب يله تمام خلاص أنا الان شاروح لبيت جدي ..


أمين : إبسرها مرتبكه وملامحها متغيره حس ان في شي 😮 سألها .. خير إيش في ..

سهى : جدي أبو ماما وقعت لهم جلطه فجاءه واسعفوهم للمستشفى 🏨 تاعبين قووي يله استاذنك وفلتت وخطيت بسرعه 🏃‍♀.


..... ....... .......

في بيت توفيق ...


عفاف : اتفاجاءت من الخبر 😱 يوووه جعله مصيبه تصيبه مابعدا خرجت الزلط للزواجه 💴.. وانتي بيشبعش حياه أنتي وحياتش ..


أميره : قد عيونها مورمه من كثر البكاء 😭 شل الزلط حق خطوبه ريم وسار تزوج حسبه الله ظلم بنته وبنت الناس لوتبسري مرحمها عادها جاهله وشكلها ترحم أمانه ان قلبي تقطع عليها 💔 وذكرت بنتي ماعيقع بها ..


عفاف : حضنتها .. الله يكون في عونش يا اختي ويصبرش ويفسح قلبش ❤والله مانا داريه ما اقلش كل الي أقدر أقله لش بيتي مفتوح لش ولو ماعد تشتيش ترجعي له فلتيه بس ..


أميره : إسلمي لي يا أختي لكن بيتي وجهالي لمن قدهو حسبنا الله ونعم الوكيل ..


....... ....... .......

في بيت هاشم ...


سندس : قدام المرايه بتصلح شعرها بتتجهز 👱🏻‍♀ عتسير العصر مع أمها العرس ..بتداعي أمها .. ماما كيف شعري هكذا ..


ناديه : ابتسم لها 🙂 ماشاء الله حالي قووي ومناسبه الرفعه ع الفستان 👗 والكل ..

سندس : هيا جو أصلح شعركم مثلي قبل مايروحوا بابا بعدا عنتأخر ..

هاشم : ع دخلته من الباب 🚪 سمعها وضحك هههه😄 هذا بنتي مستعجله تشتي تسير تتعرس ..


سندس : خزيت ☺ إشتي أشوف كيف الأعراس اليمنيه ..


هاشم : مسكها من كتفها وبيخطى معاها 👫 بيشرح لها كيف الأعراس فاليمن ...


...... ....... .......

في المعهد ...


وليد : كمل عمله وبيدور أيمن يدعيه يسيروا يتغدوا ويرجعوا بيت جدي🏡 ...


أيمن : كان طول الوقت وحسه عند ريم🤔 منهي هذه وليش كانت بتبكي خرج فالساحه بيدور ريم ..


وليد : إبسره بيأشر 👋🏻 له .. وخطى لعنده .. هيا مالك مابحد فالمكتب هيا شرق نخطى ..

أيمن : بيتلفت يمين وشمال👀 بيدور ريم مالقيهاش .. يله تمام هيا نخطى ...


ريم : طبعا نسيت انه قلها تجي او بالأصح تناست لأنها كانت محرجه إيش عتقله ليش بكيت خرجت من الكلاس وروحت بسرعه 🏃‍♀ بدون ماتراعي حتى لغيداء ..



🌹meme_abdalgaleel



@qesasanani

1- حب تحت القصف

https://tttttt.me/qesasanani/2


2- عودة الماضي

https://tttttt.me/qesasanani/253


3- ضحايا القدر

https://tttttt.me/qesasanani/424


4- بيت جدي

https://tttttt.me/qesasanani/690

بارت 51 🏠🧓


بعد العصر ..

في بيت جد سهى ..

يوسف : بيتصل لسهى 📱 هيا مه قد أمش هدائيها واول مايسمحوا بالزياره شاجيلها تبسره .

سهى : والله إنهم تاعبين وبيبكوا من أول 😭 هم وجدتي مفتجعين عليهم ريت والله لو تجوا تشلوهم للمستشفى يطمنوا ..

يوسف : ماينفعش يابنتي مافايده للجلسه هانا والمزاحمه لما يسمحوا عنجي لكن . اتصلي بس لسهيل يدي اختش سمر لعندكم شركن عليش بينتصله مشغول من اول ..

سهى : طيب يله حاضر الآن وغلقت معه تشتي تتصل لسهيل 📱 لقيت رساله وارده فتحتها وانها من رقم أمين ( آسف ع الإزعاج بس والله اني قلق ع جدك ممكن تطمنيني لوسمحتي أيش وظعه )...

سهى : جلست محتاره بتفكر 🤔 ترد عليه او تطنش بس الولد شكله محترم ومش قصده يزعجها بس حب يطمن قررت ترد وخلاص ( الحمدلله ع كل حال والله انهم تاعبين وفي العنايه دعواتك )..


...... ...... ......


في بيت جدي ..

اليووم قرروا يدخلوا وسط البيت 🏫..


وليد : بيفتح الباب 🚪 دلا وهو مبتسم بخوووف 😅 الله يستر علينا لاعد يبدي لنا جن 👿..


أيمن : خفعه بيده 🤜🏻 اذكر الله يا أخي من هذا الكلام مافيش شي ان شاء الله ..


وليد : دهفه وبيضحك 😉 هيا أدخل انت الأول ياسمخ ..


أيمن : دخل والدنيا كلها تراب واثار حريق🔥 في بعض الجدران لونها أسوود شباك عنكبوت 🕸🕷 مغطيه الزوايا حشرات وفيران بتتحرك فالأرض 🐀🐁.. بيتفرج البيت كله 👀 ويدور حول نفسه ويسترجع كل ذكرياته وكيف كان يلعب هو وجده في هذه الزاويه وكيف لما نكع وهو صغير من هذا الدرج ولما كان يغسل يده في هذه المغسله 🚰 ومايقدرش ويسير يسحب الكرسي الي في هذك الزاويه علشان يطلع تقلبت كل الذكريات في راسه 😇 ونزلت دمعته 😢 ذكر جده وتنهد ... الله يررررحمكم ..


وليد : بيرفع الخشب الي فالقاع صاااااح 😱 أيييييمن جي بسرعه ...


أيمن : حمل لعنده بسرعه 🏃🏻 ايش في ...


وليد : حيه كبيره 🐍 شكلها الي لقيها العامل هذاك دخلت من هذك الفتحه ..


أيمن : اصبر ندخل للمطبخ نبسر اي شي نقتلها به ..


وليد : بيوطى من بعيد للفتحه يبسر الحيه 🐍 لوعادها داخل ابسر فيها حنشان ملان صغار ...

أيمن : بيحمل بسرعه 🏃🏻للمطبخ لو عيلقى شي لقي قدامه واقفه فالدرج الدمه السوداء 🐈بس هذه المره شكلها ثاني كأنها واحده ثانيه ...


وليد : سار سحبه من وراه .. يله اخرج اخرج مش وقت السماخه البيت ملان حنشان وحيه كبيره 🐍 ماعينفعش نقتلهن هكذا ظروري نخرج ونفكر كيف نقتلهن ابسر كيف الدنيا لو يلقصنا ماعندراش ..


🌹meme_abdalgaleel


@qesasanani

بارت 52 🏠🧓


بعدها بيوومين ...

العشي 🌚..

في بيت هاشم ..


هاشم : أبسر أيمن مسنب جاء من قفاه خفعه في رآسه 👋🏻 أين إبني مختفي هذه الأيام..


أيمن : لفت وضحك هههه 😅 وحك رآسه .. هآه قد كلمتكم إني ششتغل فالمعهد ..

هاشم : أيووه المعهد🏫 هو الصبح قلت ..وأنت ماعاد بتظهر الإ أخر النهار وتوصل ملان تراب وملابسك متوسخه ولا المعهد حقكم مترب .هههه ..

أيمن : 😅 إرتبش هههه أصلا قالوا بما إني مهندس زراعي اساعدهم نزرع الحوش ونصلحه سواء ...


هاشم : إبسره وهز رآسه اهمممم يله تمام🤓 هاه بعدك هههه ..


أيمن : يشتي يغالط الموضوع ذلحين قلوالي أيش اخبار المشروع ماقد فعلتوا في أقبال من الناس ع فكره الشقق 🏢..

هاشم : قووي .. لوتبسر كيف الإقبال ماتوقعت ان الناس يعجبها المشروع وقد جوا يدفعوا عربون ووقعنا عقود 📄.. وجلسوا يتجابروا ..


سندس : كانت فاتحه النت 💻 لقيت أشاره لها في منشور من سهيل المنشور مكتوب فيه (أوقات كثيره تظن أن علاقتك بهم علاقه عابره ولكن حين تخلد إلي النوم لاتستطيع سواء تذكر ملامحهم والتفكير العميق بكل تفاصيل جمعتك بهم ❤) ...

علقت عليه وكتبت ( نام لك بس النوم فايده 😉 ) ...


....... ........ .......

في بيت علي ..


ريم : جالسه في غرفتها بعد ماجهزت العشاء ...


سماح : بتدقدق ✊🏻 لها الباب 🚪.. ريييم ممكن أدخل .


ريم : فتحت لها الباب بضبح 😤 ماتشتي ..


سماح: ضبحت من أول جالسه وحدي قلت أجي عندك شوويه ..

ريم : تنهدت بزعل 😔 والله مانا داريه ما أقلش تستاهلي إذا تزوجتي برضاش ولا أقل الله يعينش لو أنتي مغصوبه مثلي .


سماح : تشارغت عيونها بالدموع 😢 والله انهم غصبوني ياريم وأنا مشتيش أتزوج هكذا وبكيت 😭..


ريم : حضنتها بقووه وبتبكي معاها 😭 يعني انا والكل عيكرهوني هكذا عيال زوجي ومرته عتقتهر مثل ماما ...

سماح : ليش أنتي مغصوبه ع عمي أنا حسبت إنش موافقه .


ريم : إستغربت 😳 ليش هو عمش ..

سماح : أيووه هو عمي أخو أبي مات أبي وأنا وأختي صغار وعمي طرد أمي من البيت وقلها عيربي بنات أخوه هوه وشل زلطنا 💴 واختي زوجها قبل سنه بواحد مزوج ب2 وانا ذلحين باأبوش أهم شي يخلص مننا ..


ريم : رحمتها 😔 وزعلت عليها وجلسين يتجابرين واتصاحبين ..


....... ....... ......


في بيت الحج أحمد ...

سمر : ممدده فوق سريرها وطارحه يدها قفا راسها ... يووه كيف البيت شوعه بدون ماما الله يشفيهم جدو ويروحوا لنا ..


سهى : في يدها التلفون 📱 بتتصفح النت . ايووه ضبح قووي .. لقيت رساله وصلتها فالوتس من رقم أمين ... مساء الخير كيف حالش عفوا بس كيف قد جدش ..
لفتت لسمر 👀 يييه هذا الي قلت لش حق الكتاب قدوذا رسل مره ثانيه يطمن ع جدو بس هذه المره فالوتس ...


🌹meme_abdalgaleel


@qesasanani