📜قصیدة: [ رزية أليمه ]

🎤أداء الملا قحطان البدیري
🖊الشاعر علي جعفر القطيفي
📆 ليلة ١٥ محرم ١٤٤٢ هـ.
——————————

المستهل:

رزیّةٌ ألیمه داهیةٌ عظیمه
أعذّبوا أسیرةً صغیرةً یتیمه
ــــــــــــــــــــ
①
مُذ رَحلوا مِن کربلا في أسفٍ و حیره
نَحسِبُ کَم فاجعةً بهذة المسیره
باللهِ کَم طفلٍ بِها و طفلةٍ صغیره
شاحِبةٌ مُرعِبةٌ باکیةٌ أسیره
و کُلّما قد ضربوا عمّتَها الکبیره
أفزَعَها المنظرُ یا کارثةً مریره

تَصرخُ یا علیّا بِنتُكَ یا ولیّا
یَبنَ أبي طالِبَ في نازِلةٍ مَشومه
أعذّبوا أسیرةً صغیرةً یتیمه
ــــــــــــــــــــ
②
صغیرةٌ وا أسفي بدمعةٍ ذروفه
باللهِ ما أحوَجَها لِبَسمةٍ عطوفه
و بینَما ترتَجِفُ الطفلةُ مُستغیثه
جَلّادُها أرعَبَها بنظرةٍ مُخیفه
و یَرفعُ السَوطَ لها و هي تری عُصوفَه
یا ویحَ قَلبي شَهِقتْ بضربةٍ عنیفه

و مَتنُها ضَعیفُ أتعَبَها النَزیفُ
بِنتُ رسولِ اللهِ ما أکبرَها ظلیمه
أعذّبوا أسیرةً صغیرةً یتیمه
ــــــــــــــــــــ
③
صغیرةٌ جائعةٌ ظامئةٌ سلیبه
لها شِفاهٌ ذُبِلَتْ و دمعةٌ سکیبه
تَخافُ أنْ تُخبِرَ بالجَوعِ تری لهیبه
فَیُسرِعُ الضربُ لها وا عِظَمَ المصیبه
فأيِّ تَعذیبٍ جری و حالةٍ عصیبه
مُنیَتُها لَو قُتٍلَتْ و أصبَحَتْ تریبه

یَلحَظُها الحَقودُ عَدُوُّها الّلدودُ
و عُصبةٌ قاتلةٌ مجرمةٌ لئیمه
أعذّبوا أسیرةً صغیرةً یتیمه
ــــــــــــــــــــ
④
شَکَتْ إلیٰ عَمَتِها مُنهَکةً بِهَمسِ
لقد شَوَاني لَهَبٌ مِن لَفَحاتِ شَمسِ
و زینبٌ حائرةٌ تنظُرُها بِبأسِ
ما بِیَدي وا حَزني و یا فِداكِ نَفسي
یا لَیتَني قد جعلوا علی الرِماحِ رأسي
و حافِرُ الخیلِ غدا یَطحَنُني بِدَوسِ

حُزني مَدی الحیاةِ قد نَحَروا حیاتي
في کربلا و انطَفَأتْ فانیةً عَدیمَه
أعذّبوا أسیرةً صغیرةً یتیمه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ نيابه نزور]

🎤أداء الملا قحطان البدیري
🖊الشاعر واثق العيساوي
📆 ليلة ٢١ محرم ١٤٤٢ هـ.
——————————

المستهل:

مشتاگین بس الظرف مانعکم
نیابه نزور کلنا بهالسنه عنکم
مشتاگین مشتاگین مشتاگین
ــــــــــــــــــــ
①
یالمحروم ماتگدر تجي زایر
یالبعید و جمر وسط الگلب صایر
اجانه الأربعین و انت بي حایر
قلّدني الزیاره و أمشي لك باجر

أبسط شي نقدمه بهالوضع الکم
نیابه نزور کلنا بهالسنه عنکم
ــــــــــــــــــــ
②
الما تگدر تجي هالسنه مشّایه
راح أهدي الك کل خطوه ویایه
أطلبلك الحاجه و أعگد الرایه
علّمنه الحسین انصیر وفّایه

اذا عن الحسین الوکت باعدکم
نیابه نزور کلنا بهالسنه عنکم
ــــــــــــــــــــ
③
عیني اعله الطریق و دمعتي اتلالي
و مکانك راح یبقه ابموکبي خالي
اذا هاي السنه ماشفتك اگبالي
هدیه ازیارتي و ماتغله عالغالي

مثل ما بالمواکب من نضیّفکم
نیابه نزور کلنا بهالسنه عنکم
ــــــــــــــــــــ
④
نارك بالگلب آنه السنه أطفیها
اشما خطوات الك أتعنه و أمشیها
الشده حسین باچر ما یخلیها
من ایشوفنه اتصافینه ینهیها

و من أقصی الدوَل ترجع مواکبکم
نیابه نزور کلنا بهالسنه عنکم
ــــــــــــــــــــ
⑤
أعرفك یوم یوم اتعد للزیاره
گلبك عله الموعد تشتعل ناره
تره المشتاگ ماترهمله کل چاره
المایگدر یزور ادموعه تتجاره

قلدونه الزیاره وي مدامعکم
نیابه نزور کلنا بهالسنه عنکم
ــــــــــــــــــــ
⑥
شِده و تنتهي و الشِده نحملها
ما دام ابوفاضل هو الیحلها
زوّار التجي العبّـــاس کافلها
حاشه ابن الصمیده بیوم یخذلها

أسامي یم حبیب اهناك نکتبکم
نیابه نزور کلنا بهالسنه عنکم






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أنت تدري ] - منبريه

🎤أداء الملا قحطان البدیري
🖊الشاعر الأديب مهدي جناح الكاظمي
🖊الشاعر كرار حسين الكربلائي
📆 لیلة ۲۱ محرم ١٤٤٢ هـ.
——————————
المستهل:

قُرآناً رَبُّكَ سَوَّاکا
ما کانَ العَالَمُ لَولاکا
نَبقیٰ خُدّامَكَ للحَشرِ
أحُسینٌ أنتَ بِنا تَدري
ــــــــــــــــــــ
①
بَرانا اللهُ خُدّاماً و أنصارا
و في جُرحِ الحسینِ بَنا لَنا دارا
و أجْرانا بقِفْرِ الأرضِ أنهارا
و أطلَعنا بِوادي الطفِ أشجارا

عَلَّمنا السبطُ لهُ نَبقیٰ
عُشّاقاً بالخدمةِ نَرقیٰ
صِحنا و الحُبُ بِنا یَسري
أحُسینٌ أنتَ بِنا تَدري
ــــــــــــــــــــ
②
یَقُرآن النِزَف مِن منحره القُرآن
أشوفنَّك نَهَر بس اِنذبح عَطشان
مِن شفنه الیِخِدمك ینحسب اِنسان
طشّرنه السنین لخدمتك قُربان

یا أکبر مِن کِلمَة أکبر
مات السیف و عاش المنحر
مِن الذَر هالحُب العُذري
أحُسینٌ أنتَ بِنا تَدري
ــــــــــــــــــــ
③
کِتابُ اللهِ جُرحُكَ قَد قَرأناهُ
و إنّا ما عَرفنَا اللهَ لَولاهُ
بِوادي الطفِ للأحْرارِ أوْحاهُ
و فیهِ کُلَّ سرِّ الکَونِ أحصاهُ

و لِزَینبَ في الطفِ خِیامُ
و الیها یأوي الإسلامُ
نَبکیها نَبکي للنحرِ
أحُسینٌ أنتَ بِنا تَدري
ــــــــــــــــــــ
④
و حگ الدُرّه ذیچ المِشت مسبیّه
مِلِح أیّامنه الخدمه الحسینیّه
عُرفنه الدمع یطفي اخیام علویّه
لذلك گُمنه نبچي اعلیك یومیّه

أول منبر تَل الحُره
و منّا صار إعلام الثَوره
من زینب هالجبل الثَوري
أحُسینٌ أنتَ بِنا تَدري
ــــــــــــــــــــ
⑤
هُنا مِن تلِ زینبَ نرفعُ الهاما
أخذنا الدرسَ کیفَ نکونُ خُدّاما
تزوّدنا منَ العبّــاسِ إقداما
ذخرناهُ اذا مهدیُّنا قاما

اذ یأتي یوماً للطفِ
و یُعیدُ الرایةَ للکفِ
و سَنفدي الطالبَ بالثأرِ
أحُسینٌ أنتَ بِنا تَدري






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ تحدينه الزمن ]

🎤أداء الملا قحطان البدیري
🖊الشاعر محمد البطحاوي
📆 لیلة ۲۱ محرم ١٤٤٢ هـ.
——————————
المستهل:

تحدینه الزمن بیك
یالکلشي الله منطیك
علی الصار بمحرم مانگدر نوفّیك
ــــــــــــــــــــ
①
قانون الخلگ للناس بس اعلیك مایفرض
کل تأجیل مایُقبَل حزنك باقي ماینفض
هي أیام عاشوراء گلي ابیش تتعوض
اذا صدرك یبوالسجاد بیها گالوا اترضرض

صحنه بصوت للخاف
هو حسین ینعاف
اذا عافاك الحسین یاهوه الیلفّیك
ــــــــــــــــــــ
②
و توجّهنه بدمعنه اعلیك لأن ندري الحچي بیدك
بنفس متروسه اطمئنان مأسوره بعشگ قیدك
احنه اویه الدمع خوان مانخلف مواعیدك
لو ینزرع دربك موت احنه سیدي انریدك

خدمنه ابزود الحسین
و کلشي انشاف بالعین
الشاهد عشره عاشور ملایین الإجت لیك
ــــــــــــــــــــ
③
غیر ایتوب اللي ایعادیك اذا شاف النصر ینعاد
یاهو الیگدر ایلاویك غیر انت أبوالسجاد
اشما گالوا نخدم اکثر بینه امن الکفیل اعناد
یملح الله تره ابلیاك فراغ الدنیا ماتنراد

اذا مابیها انت
تصیر الدنیا سکته
عهد من صرنه گلناه وحدك مانخلیك
ــــــــــــــــــــ
④
چبیر حسین ماینقاس و هاي الناس مو گده
صفه اعله اللي یضده الماي و انطاه طینته ابخده
عزائك کل قدر محتوم محد یگدر ایرده
الینخاه ابوکت الضیج بچف الکافل ایسنده

شافونه السنه هاي
امن ایدك نشرب الماي
نعرفك حل الأیام نذب صعباتنه اعلیك
ــــــــــــــــــــ
⑤
الیحب الظلمه گلناله بالخدمه نشوف النور
هیه طیحتك عالگاع ینرادلها ألف عاشور
الك وي کربلا احسابات و خنصر بیها الك و انحور
هیه اتموت سالفتك و بیها المنتظر ناطور

صح غایب یگولون
بس الناس یدرون
یدیر الکون بیده و بدم عینه یبکیك






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ كلها حجت بالسفر ]

🎤أداء الملا قحطان البدیري
🖊الشاعر عبدالأمير الناصري
📆 ليلة ٣٠ محرم الحرام ١٤٤٠ هـ.
——————————
المستهل:

کلها حچت بالسفر
موعدنا هذا الشهر
نوصل مشي لکربلا
نتحدّه درب الخطر
یا ما تمنّیت
بس آنه ظلّیت
ــــــــــــــــــــ
①
آنه هم عندي گلب
ینبض ابإسم الحسین اللي هویته
والله أتمنّه الدرب
ینطوي بجدمي و أگول آنه اعتنیته
ما أفکّر بالصعب
عندي صعبه لو أگولن ما اجیته
جدمي ریته ینخضب
لو زحف درب الحسین آنه مشیته

بس دوم أعیش ابهظم
لیش آنه منّه أنحرم
صح آنه ذنبي چبیر
چا یمته عود أنرحم
بذنوبي قرّیت
بس آنه ظلّیت
ــــــــــــــــــــ
②
ما أشك ابچلمتي
آنه ما أستاهل أنعد من ضیوفه
لو قبوله خدمتي
چان یطلبني الحسین أگصد أطوفه
أنچوي من حسرتي
کلها راحت و آنه أحلم بس أشوفه
حتی بادت رایتي
من زمان امفصّل الرایه لطفوفه

واعدت ربعي بیمین
الموعد الأربعین
لاچن جوابي اشیصیر
لو ما رحت للحسین
یدروني ماجیت
بس آنه ظلّیت
ــــــــــــــــــــ
③
گالوا اشمحله السفر
حین تتلاگه ابحضرتك کل الأصحاب
بینك و بین الگمر
الگعده بین الحرمین اتلمّ الأحباب
سیدي ابماي النظر
والله أتمنّه امن اجیك أغسلها العتاب
شایل ابگلبي دهر
و الدهر یحمل عتابه ابلایه أسباب

اشمحلاها یم حضرتك
لو تنقره ازیارتك
أرفعها بس للدعاء
ایدي تحت گبتك
یالغالي حنّیت
بس آنه ظلّیت
ــــــــــــــــــــ
④
اشگد حچوا بزیارتك
یوصل الـ الله المشه خطوه ابسبیلك
و آنه أموت لشوفتك
یعني مایحصل مکان آنه أجیلك
یا حسین ابطفلتك
اللي ما گدرت رقیّه تعتنیلك
اکتب إسمي ابزمرتك
أعتني مشّایه یم گبرك دخیلك

یمکن شفت بالغرب
طفله و دمعها یصب
آنه و رقیّه نجي
مشّایه طول الدرب
ابکل خطوه حسّیت
بس آنه ظلّیت
ــــــــــــــــــــ
⑤
هم یجي یوم أعتني
حتی لو میّت زحف أتعنّه گبرك
یم ضریحك أنحني
أغسل اذنوبي بدمعتي من أنظرك
کربلائك موطني
یاللي طهّرت الأرض من فیض نحرك
دوم أصیحن لیتني
صدري سحگته الحوافر دون صدرك

نحرك و سیف الذبح
بعیوني من تنلمح
چنّي أشوف الشمر
و ابچفه ینزف جرح





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يا بو رقيه ]

🎤أداء الملا قحطان البدیري
🖊الشاعر كرار حسين الكربلائي
📆 محرم ١٤٤٢ هـ.
——————————
المستهل:

لیش بعیونك تراب
لیش کل شیبك خضاب
اسئل علیك و منحني ظهري
مَن الّذي أیتَمَني بزغري
یابو رقیّه یابو رقیّه
ــــــــــــــــــــ
①
عطشانه و ادموعي نهر
منك و لا عندي خبر
چنت انتظر ملگه الك
اتلاگینه بس دمعه و نحر

معقوله یمدللنه کل حیاتك
صوت الشمر یحني ظهر بناتك
بدرب السبي یا والدي طلعنه
و الشمس تچوي اوجوه علویاتك

صعبه عالهزل نبات
تدري بینه امدللات
تسئلني عنك دمعتي التجري
مَن الّذي أیتَمَني بزغري
یابو رقیّه یابو رقیّه
ــــــــــــــــــــ
②
امن أربع اسنیني اشّفت
من گبل شیبي شیّبت
بذنّي ادیّه الناعمه
راسك شبگته بالطشت

ابنیتك حبیبة گلبك التحبها
الجمّال ماتدري اشکثر ضربها
اسیاط و عصي و احبال و اچعوب ارماح
امن السطره ماتندل بعد دربها

و الگلب چم مره شاط
اشسوت بمتني السیاط
من یوم عاشر ما ردت عمري
مَن الّذي أیتَمَني بزغري
یابو رقیّه یابو رقیّه
ــــــــــــــــــــ
③
یا من ابختك ینحلف
بحبال بنتك تنچتف
للشام اجیت و التفت
ما شفت بالوادم عرف

و من بعد صدرك نومتي بخرابه
آنه و خواتي نغفه عالترابه
و اهنا صحت الحگ علیّه یحسین
انذلیت من یوم الرحت ییابه

بالطشت تالي اجیت
و من شفت راسك بچیت
و اصرخ یغالي بحالتي تدري
مَن الّذي أیتَمَني بزغري
یابو رقیّه یابو رقیّه
ــــــــــــــــــــ
④
اصواب الحجاره بجبهتك
و بیدي امشّط شیبتك
امن الخیزرانه و الضرب
تشبه امتوني شفتك

منحرك للشم بي محمد باسك
صدرك مچاني لیش حافر داسك
محتاجتك انفاسي خانگني الضیم
یالچنت تحضنني احضنت بس راسك

صدرك الفوگه استراح
وطن صایر للرماح
مثل المخیم نار الـ بصدري
مَن الّذي أیتَمَني بزغري
یابو رقیّه یابو رقیّه
ــــــــــــــــــــ
⑤
یحسین یالبُعدك صعب
لفرگاك ماعندي گلب
ما راح اجیك لکربلا
و اهنا اموتن بالغرب

یوم اربعینك تلم کل احبابك
و هنیالها الراحت تشم اترابك
و کلهم یگلولي مکاني خالي
امن ابعید ازورك و انحب اعله امصابك

متت من الاشتیاق
بغربه و ابعید العراق
تالي بخرابه ینحفر گبري
مَن الّذي أیتَمَني بزغري
یابو رقیّه یابو رقیّه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ليش راح ]

🎤أداء الملا قحطان البدیري
🖊الشاعر واثق العيساوي
📆 صفر ١٤٤٢ هـ.
——————————
المستهل:

لیش راح الناس تسأل وینه
لیش راح الوفي الضمني بعینه
و الأخو جوه التراب
اتسولف ادموعه المصاب
لیش راح لیش راح
ــــــــــــــــــــ
①
روحي من یوم الفگدته و هيه صارت مالته
و الأخو بوکت الشداید یله نعرف عازته
الچان یمي و یترس اذني من حنین احچایته
هسه محنیه اعله گبره وگلبي راید رایته

اشلون طاح الگبل حطني بروحه
اشلون طاح و بیّه خله اجروحه
و العضیده منه غاب
اتسولف ادموعه المصاب
لیش راح لیش راح
ــــــــــــــــــــ
②
ها یعباس اعله هونك لون تسمع نوحي
رد علیه اشتاگ اسمعك یا اخوي و روحي
اگعد احچیلي اعله جرحك و آنه احچي اجروحي
عگبك اخیول النوایب کلها داست سوحي

الیوم اجیت و ردت یمك موتي
الیوم اجیت امن البچي بح صوتي
و انت تدري الگلبه ذاب
اتسولف ادموعه المصاب
لیش راح لیش راح
ــــــــــــــــــــ
③
اچفوفي تجمع بالتراب و تسأل اعله اچفوفك
روحي محنیه اعله گبرك ما ترید اتعوفك
یا بعد عیني و نظرها اشلون باگوا شوفك
ما حسبت احساب اجیك و اگعد و ماشوفك

هاك عین بفرگتك ما غافیه
هاك عین لَوَن عینك طافیه
ادري ماتحمل عتاب
اتسولف ادموعه المصاب
لیش راح لیش راح
ــــــــــــــــــــ
④
انت سولفلي اعله عینك و عالسبي احچیلك
سولف ابگطعة ادیك و آنه أون و ابچیلك
عالسبي و اسیاط متني و عالشماته اشکیلك
و طبتي ابذاكه قصرهم هیه التهد حیلك

امچتفین ابحرگه و ایضربونه
امچتفین و کلهم ایشتمونه
رمله تبچي و الرباب
اتسولف ادموعه المصاب
لیش راح لیش راح
ــــــــــــــــــــ
⑤
مایعرف البیّه صایر الّا فاگد غالي
و الیروح امن ایده اخوته هو یعذر حالي
والله یا عبّــاس فگدك ماحسبته ابالي
اوف یا هذا الزمان اخلافك اشسوالي

یالغفیت و آني سهرت عیني
یالغفیت المن امخلیني







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ سيف الحسن ]

🎤أداء الملا قحطان البدیري
🖊الشاعر ايهاب المالكي
📆 استشهاد الإمام الحسن المجتبى (ع) ١٤٤١ هـ.
ــــــــــــــــــــــــــــــ

أنا یالحسن ماردت أقره أفکار
تتشابه مثل کل السمعته

اذا گتلك کریم اشغیّرت بیك
شني الشي الجدید ابهاي جبته

جدك ضیّف بدیوانه جبریل
اذاً مولاي أکید اشتطلع انته

بمضیفك ما طرق واحد عله الباب
لأن بابك أساساً ما طبگته

أظن لو بابك امعطلّه خطّار
مثل حیــدر بچفّك چا قلعته

کریم و ما أشِك ابهایه ویّاك
الکرم منك أخذ هالة شُهرته

و لکن لیش سیفك قِلّه مذکور
أکاداً أرد اگلك ما لمحته

عقد بالنهروان بسیفك أرگاب
و ساویت ابن ملجم من طبرته

أکو سِر ابعدم تسلیط الأضواء
علیك و ما وصل کل الفعلته

کل القرر التاریخ یرویه
مضمون الحسن فشلت ثورته

ثوره ابدون جرّة سیف معقول؟
و انته ابن الیحلفون ابیمنته

هذا الما کتب عن سیفك ایجوز
ذاك الوکت شارد من شَهرته

مسالم بس ابمعنی رفعة اخلاق
مو معناها سیفك ما رفعته

عطر الورد من تتنفسه الناس
یوصلهم دفاعاً عن وردته

ذولفقّار غیر ابیتکم چان
ذاك التحلف الجن ابضربته

أنا فاهم الصار اویاك مولاي
الیریده المؤرّخ ما فهمته

أحس مضمومه ثوره ابین السطور
و أمیّز روح سیفك من لمعته

مخطط جعده هسه اگبالي مکشوف
و اتوضّح الدافع و اکتشفته

خافوا لا تعاصر طف الحسین
و بعد فوگ أبوفاضل تطلع انته






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/9780

📜قصیدة: [ محرم لو صفر ]

🎤أداء الملا قحطان البدیري
🖊الشاعر كرار حسين الكربلائي
📆 استشهاد الإمام الحسن المجتبى(ع)- ١٤٤١ هـ.
——————————
المستهل:

یاهي الما تخلّي اعیونك اتنام
حیرة کربلا لو حیرة الشام؟
و الأصعب یا شهر
محرم لو صفر؟
یا صاحب العزاء
ــــــــــــــــــــ
①
أعتذر و أدري سؤالي ینثر بجرحك ملح
انت عندك سبي و منحر گلي الأصعب یا جرح؟

احچیلي یا جرح التذکره و تبچي أعوام
و انت عندك عمه رکضت بین الخیام
هاي صعبه اعلیك لو طبتها للشام؟

عثرتها بجمر شیّبلك الحال
لو وگفة الشام و بیدها احبال؟
اشگلت یاهو الأمَر
محرم لو صفر؟
یا صاحب العزاء
ــــــــــــــــــــ
②
راس جدك مرّتین بحجر ظل ینزف دمه
مرّه بالطف گبل ذبحه و مرّه بالشام انرمه

حجر واحد صابه بالطف یبن الأطهار
و ابدخوله الشام کلها لمّت احجار
و عالرمح گامت ترامي ازغار و اکبار

یا محنه الأشد عالوجه مگلوب
لو عالرمح راسه بحجر مصیوب؟
منو البچّه الحجر
محرم لو صفر؟
یا صاحب العزاء
ــــــــــــــــــــ
③
ابلا خیم ظلت حرمکم لیلة الوحشه ألم
و ابسبیهن وین باتن و هنّه ماعدهن خیم؟

یا حزن لمّن تذکره جرحه ینعاد
نومهن فوگ الهزل لو فوگ الرماد؟
اعلیکم اهوایه چبیره حرمه تنگاد

صعبه اعلیك طفله بکربلا اتصیح
لو من فوگ ناگه بالسبي اتطیح؟
الکسر منك ظهر
محرم لو صفر؟
یا صاحب العزاء
ــــــــــــــــــــ
④
یا بوصالح و أرد أسئلك عن حزن طفله و طفل
طفله ماتت بالخرابه و طفل ذبحوا بالنبل

الأشد طفل حسین ذبحوه اعله ایده
لو رقیّه الماتت بشمّة وریده؟
اولیده یمه اندفن و ابنیته بعیده

گلبك یا سیدي ابیا جمره ورّث
ابشم النحر لو سهم المثلث؟
الیراویك القهر
محرم لو صفر؟
یا صاحب العزاء
ــــــــــــــــــــ
⑤
چنّي أسمعك جاوبتني للزلم عاده القتل
لچن مو عاده حرمنه ترکب ابنوگ الهزل

یا خلگ من یوم عاشر ماکو أعظم
و ما شفت شوغة صفر لو ما محرم
للسبي و ضیم السبي یا دمعه تنضم

لو ما طیحة اچفوف أبوفاضل
ما تطلع حرمنه ابلا محامل
الجواب امن الگمر
محرم لو صفر؟
یا صاحب العزاء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

https://tttttt.me/Q_albudeiri/9801

📜قصيدة: [ ليل الفرح ]

🎤اداء ملا قحطان البديري
🖋 الشاعر: واثق العيساوي
-------------------

بِدا لیل الفرح یالحبك آمالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد
★★★⭐★★★

إجیت و نوّرت ظلمة حیاتي
حبیبي و حققت کل أمنیاتي
بلا إسمك فلا تمّت صلاتي
مُحمّـــــد مُحمّـــــد
أنا بهذا الدرب شوگي و نصیبي
یَـ مَن إسمك دوه لجرحي و طبیبي
أصیح و صوتي ردد یا حبیبي
مُحمّـــــد مُحمّـــــد

نجوم الـ بالسما فرحانه و اتلالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد
★★★⭐★★★

عاشگ و عالفطره حبّیته و هویته
بالنبض و الروح و ابگلبي لگیته
یا طریق و للنجاة بالحب مشیته
مُحمّـــــد مُحمّـــــد
کل آیة فرج خطّتها إیده
ابوسط أخلاقه ما توفي القصیدة
لسان المحب ما یترك نشیده
مُحمّـــــد مُحمّـــــد

أردد هالأسم اللیله یحلالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد
★★★⭐★★★

یا فجر ابطلعته نوّر صباحي
یا ذکر الطیب آلامي و جراحي
جناح الفرحه هاللیله جناحي
مُحمّـــــد مُحمّـــــد
أهني بمولدك حامي الحمیه
الحسن و حسین و الزهرا الزچیه
نردد بالفرح هاي المسیه
مُحمّـــــد مُحمّـــــد

وداعاً یا دمع و الحب تعنالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد




• الّلهُـمَ صَـل عَلَی مُحَمّـد و آل مُحَمّـد
--------------------

•مُحبّي الرادود قَحطانْ البْدیري
•للقصائد المكتوبة
@qahtanqasaed

📜قصیدة: [ رسام و لوحاتي عيونك ]

🎤أداء الملا قحطان البدیري
🖊الشاعر واثق العیساوي
——————————
المستهل:

رسّام و لوحاتی اعیونك
أجمل مخلوق ایوصفونك
ها یا گلبي ذنبك ذنبي
و ابحب الهادي ایلومونك
★★★⭐★★★

الما عرفوا شوگ اعیوني
عالحب یا گلبي ایلوموني
ما گدروا عنّه ایبعدوني لا والله
أنسی اشلون الما ینساني
و ابدربه الأبیض مشّاني
عِزّي و تاریخي و عنواني اشلون أنساه

سئلوني و گلتلهم إسمه
ورده و ماي و حب و بسمه
صوتي اشردد بسمك أحمد
مجنونك عایش مجنونك
★★★⭐★★★

هاللیله الأیتام اتنادي
فرحانه ابجیتك یالهادي
أصبح میلادك میلادي انت الروح
لبّست العّزه ابدنیانه
و انجوم النزلت ویّانه
هاللیله أحبابك فرحانه و ماکو اجروح

عطرك لمّن هب شمّیته
ابماي الورد إسمك خطّیته
فوگ اعیوني خيلوموني
هالدنیا اشتصبح من دونك
★★★⭐★★★

رحمه و رب الکون أهداها
جسّدها و کوّنها ابطاها
دنیانه العطشانه أحیاها بیده الماي
خاتم کل لیل ابضي نوره
أیتام و فقره ابدستوره
سفّان و ضایع ببحوره حبه الراي

یم الغار اهناك آثاره
و ابکل منهج شفنه أفکاره
ما ننساها عشنه اویاها
مضمون الجنّه ابمضمونك
★★★⭐★★★

بجناح الأفراح أتعنه
یم گبره ابهاللیله أتمنه
آخذ شمعه و ورده و حِنّه و أشبع نور
أنسی ادموعي و أنسی اجراحي
ویّاك اشگد تحله أفراحي
أصنع من اورود اجناحي لیك انزور

ما أتعناك ابدمعاتي
اوصل وي شوگي و ضحکاتي
انت الآیه حبك غایه
ما تحله الدنیا ابلا لونك




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة
@qahtanqasaed

📋قصیدة‌: طالعتك بدرا

🎤 أداء الحاج باسم الکربلائي
🎤 و الملا قحطان البدیري
🖋الشاعر الأدیب مهدي جناح الکاظمي
💿 ضمن اصدار - أحزاني أوطان
ــــــــــــــــــــــــــــــ

طالعتُكَ بدراً یتوسدُ رملَ الصحراء
طالعتُكَ جُرحاً یتعبدُ في غارِ حِراء
ــــــــــــــــــــ

و الوحيُ سمیرٌ و همومُ الإنسانِ لدیك
تتجلی ظمأءً تحملهُ شُطآنُ یدیك
و تَلوحُ یتیماً و قریشُ تنقادُ إلیك

طالعتُكَ قلباً یأویهِ جُرحُ النُبَلاء
طالعتُكَ شمساً تغبِطُها عینُ الأغواء
ــــــــــــــــــــ

ها أنتَ غَنيٌ دانَ لهُ حتی القَمَران
بِـ رِدائكَ مَعناً و سحابٌ یمطُرُ إحسان
بِـ جُراحكَ یخضَرُ عطاءً أملُ الأزمان

و جبینُكَ نوراً یتجلی للأرضِ سماء
و صفاتُكَ فیها یتعالی لله نداء
ــــــــــــــــــــ

لكَ یبقی غارُ حِراء و شعبُ أبي طالبَ یشهد
و بأنكَ تأبي إلّا أن تبقی في کَلِّ الأزمانِ مُحَمَّد
ــــــــــــــــــــ

یا صانعَ تاریخِ الدُنیا و الصبرُ لِواك
و مشیتَ و خطوكَ لم یشکو وخزَ الأشواك
و أسامتكَ قریشُ أذاها و اللّه یراك

ما زِلتَ نبیاً و یداهُ ینبوعَ عطاء
و لأنت غریبٌ و ستبقی رمزَ الغُرباء
ــــــــــــــــــــ

أبکیكَ علیّاً مکتوفاً بِـ حِبالِ الحیف
أبکیكَ حُسیناً منحرهُ ینهبُهُ السیف
تتوسلُ لِـ تراكَ عیوني أجنحةَ الطیف

تحمِلُها دمعاً و صلاةً تنعی الزهراء
فَـ یعودُ الطفُ بِـ صیحتهِ هل قطرهُ ماء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ كوثر حياتي ]

🎤أداء الملا قحطان البدیري
🖊الشاعر علاء عبدالحسين الكربلائي
📆 الفاطميه ١٤٤١ هـ.
——————————
المستهل:

شیّعت کوثر حیاتی و الگبر بالسمه
و آنه أشوف الکون أحمر هذا دم فاطمه
ــــــــــــــــــــ
①
عایش بس مذبوح .. و الیصفن مجروح
غابت أم البیت .. دمعي ایصب مسموح
یاهو السامع هاي .. مای ایغسّل ماي
ساکت بس اشلون .. ما تسکت عیناي

اشلون ما اموت الزچیه منها ینزف دمه
و آنه أشوف الکون أحمر هذا دم فاطمه
ــــــــــــــــــــ
②
آنه أول انسان .. یتنفّس أحزان
راحت وجه الخیر .. خانگها الدخان
وسفه أم الآیات .. جوه اتراب اتبات
من بعد أم حسین .. أنعد عالأموات

گلبي مکسور ابعذابي و آني حامي الحمه
و آنه أشوف الکون أحمر هذا دم فاطمه
ــــــــــــــــــــ
③
کلما اصد بسمار .. آنه أذکر و أنهار
بثیاب الزهراء .. شبّت بیها النار
و الضلع المکسور .. مو دم ینزف نور
طاحت یم الباب .. منها الخد مسطور

بالضرب أسود متنها و الدمع دم هِمه
و آنه أشوف الکون أحمر هذا دم فاطمه
ــــــــــــــــــــ
④
عاشت بس أیام .. چانت گوّه اتنام
و الضلع المهشوم .. عیّشها الآلام
طایح منها الحیل .. ضاع ابوجه اللیل
غابت دمعي ایصیح .. بس کلمة یا ویل

عیني مشتاگه لضواها بیها ماي العمه
و آنه أشوف الکون أحمر هذا دم فاطمه
ــــــــــــــــــــ
⑤
دمعتها الیاقوت .. صافعها الطاغوت
بالعصره الزهراء .. و شافت منها الموت
کلما صاحت آه .. آنه أندب ویلاه
و المحسن من طاح .. طاح الحیل اویاه

رضرضوها اضلوع محسن و عالتراب ارتمه
و آنه أشوف الکون أحمر هذا دم فاطمه
ــــــــــــــــــــ
⑥
جرحي ایلچمه الریح .. وینچ گلبي ایصیح
و الفارگ محبوب .. کلما گام ایطیح
مذبوح ابلیاچ .. گلبي ایظل ینعاچ
کل مغرب لو صار .. أتذکّر طرواچ

ضامي نهر أیامي غابت یا عذاب الضمه
و آنه أشوف الکون أحمر هذا دم فاطمه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ مال هالرايه ]

🎤أداء الملا قحطان البدیري
🖊الشاعر عبود غفله
📆 ليلة ٢٤ محرم ١٤٤٢ هـ.
——————————
المستهل:

مال هالرایه الّذي ملفوفه
تنّشر و اللي یِزمها انشوفه
ــــــــــــــــــــ
①
الیمته تُبگه امطبّگه بالمحفظه
ابسجن مُظلِم لا هوه اتشوف و فضا
و الیِزمها امچتّفه أمر القضا
و حسرته تجذب لهب من جوفه
ــــــــــــــــــــ
②
عالنیاحه و عالحزن مِتوَلِعه
و من تِوِن لونینها المیت وعه
ترف چانت بالحیاة امّتعه
و بالجماد أمست وسف ما صوفه
ــــــــــــــــــــ
③
سجن طالت مُدته و مخفي الأمد
بیه ما یعلم سوی الباري الأحد
هم شفت مسجون بالعالم وجد
ابغیر مُده امبیّنه و معروفه
ــــــــــــــــــــ
④
نعم راعیها الیِزمها ابهالصفه
بسجن بیه عن کل العیون انخفه
و مُدته ضاعت علی أهل المعرفه
أسرار غیبیّه و لا مکشوفه
ــــــــــــــــــــ
⑤
ما لسجنك فرج و لصبرك حدود
و عُگب هجرك بالوصل تِمهِي و تِجود
گالوا المیت یغیب و لا یعود
لاچن الحي غیبته مألوفه
ــــــــــــــــــــ
⑥
مدد للغیّاب و اکثرهن اسنین
عشره یو عشرین چن گول أربعین
و انت غایب صار ألف مِن السنین
حتی عَدَتها العِده سالوفه
ــــــــــــــــــــ
⑦
جامع الأضداد یالمالَك مِثِل
منفگد موجود غایب متصل
اجریب لکن مبتعد عن الوصل
لچن هجرك وزعتنه اسیوفه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أضلاع الهدى ]

🎤أداء الملا قحطان البدیري
🖊الشاعر راجح العبادي
📆 الليالي الفاطميه ١٤٤٢ هـ.
——————————
المستهل:

یا إمامَ العصرِ قَد طالَ المَدیٰ
قُم وَ جَبِّر کسرَ أضلاعِ الهُدیٰ
ــــــــــــــــــــ
①
گوم یبن الزهره للزهره بعجل
گوم نترجاك و الرجوه بخجل
گوم بینه اگلوب مترقبه بوجل
تَنتَظِر مِنكَ قَصاصاً للعِدیٰ
ــــــــــــــــــــ
②
ننتظر و الشکوی نبدیها بدموع
تطفي نار اگلوبنه بجبر الضلوع
و نگصد لگبر أمك و نعلگ شموع
في عَزاءٍ لا یَزالُ سَرمَدي
ــــــــــــــــــــ
③
سرمد أحزان و لیالي امسَهِّده
و شَرُّفَت بینه النفوس اعله الرِدَه
انریدك بحیدر تجي و امهَنِّده
تَجلي للظُلمِ فَاللحَقِّ صَدیٰ
ــــــــــــــــــــ
④
اتراکم اعله الحگ صدی اجرام و دِمَه
و الظلم صك ناظر الگوم ابعَمَه
و لا راعوا بنت طه لا حامي الحمی
أحرَقوا باباً بهِ الوَحيُ شَدَیٰ
ــــــــــــــــــــ
⑤
باب لاچن باب ستر الله العظیم
باب مضمونه الصراط المستقیم
باب منه ایهاب شیطان الرجیم
کیفَ یُوصَف مَن علی البابِ اعتَدیٰ
ــــــــــــــــــــ
⑥
موش بس حرگوها و اتلاهبت نار
یالطرید اندفعت و تعلم اشصار
باب بي بسمار و امناحر جدار
کانَ ما بینَهُما مُحَمَّـــــــــــــــدا
ــــــــــــــــــــ
⑦
چان خلف الباب ناموس النبي
و دفعها اعلیها حبتر ناصبي
أسس ابهالدفعه قانون السبي
بِأسَ ما سَنّوا صَعالیكُ الرَدیٰ
ــــــــــــــــــــ
⑧
وسفه یالمهدي صعالیك الدهر
صابوا لگلب النبي و ضلعه انکسر
ابضعته الزهره و جنین الما ظهر
أظهرُوهُ مُکرَهاً سِقطاً بَدَیٰ
ــــــــــــــــــــ
⑨
هذا ثار أمك ینادیك و یصیح
گوم یالمهدي ابني للزهره ضریح
گوم و اطلب ثار الحسین الذبیح
قُم إلی الثأرِ فَـ فیكَ انشدیٰ






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed