📜قصیدة: [ أليوم تملكني ]

🎤أداء الملا قحطان البدیري
🖊الشاعر الأديب مهدي جناح الكاظمي
📆 ليلة ٢٤ محرم ١٤٤٢ هـ.
——————————

ألیومَ تَملِکُني وَ تَملِکُني غَدَا
أنا لَم أکُن إن لَم تَکُن لي سَیِّدا

ماذا فَقَدتُ إذا وَجَدتُكَ مُلهِما
ماذا وَجَدتُ إذا فَقَدتُكَ مُقتَدا

غَیري بِحَبلِ سِواكَ باتَ مُقَیَّدا
وَ أنا بِحَبلِ هَواكَ بُتُّ مُقّیَّدا

بالأمسِ طَیفٌ مِنكَ زارَ خَواطِري
فَـ سَرَیٰ بِهِنَّ وَ کانَ رَکبُكَ مَوعِدا

ألقیٰ علی البیداءِ طیبَ غُبارِهِ
فَأخضَّلَّ مِنها الرَملُ حَتّی أورَدا

فَهّوَت علیهِ الحُورُ تَلثِمُ تُربَهُ
عِطراً وَ تَنثِرُهُ علی الدُنیا نَدیٰ

وَ إذا کُهُوفُ اللیلِ أورَقّ غَابُها
یَومَاً وَ راحَ یَمُدُّ ظِلَّاً أسوَدا

وَعَدَت خُیولُ الدَهرِ تَطلِبُ ثأرَها
مِنّي وَ عَیشي في الحَیاةِ تَنَکَّدا

هَجَرَ الظُلوعَ وَ جاءَ یَحمِلُ جُرحَهُ
مِثلَ الطَریدِ إلیٰ ضَریحِكَ أخلَدا

یا کَوكَبَ الإسلامِ لَو لا مَطلَعٌ
لَكّ في الطُفوفُ لَغالَهُ لَیلُ الرَدیٰ

تَتّرَقبُ الأحداقُ غُرَّةَ یَومِهِ
فَعَسیٰ بَریقٌ مِنكَ یَملَئُها هُدیٰ

لَو لا جَناحٌ مِنكَ أخلَدَ لِلثَریٰ
نَجمُ الرِسالةِ وَ استحالَت جَلمَدا

فَأعَرتَها ثَوباً تَسَربَلَ بِالدِما
لِتَخُطَّ دَرباً لِلخُلودِ وَ أبعَدا

فَإذا الطَریقُ خُطاكَ کُلُّ تُراثِنا
و علی دِمائِكَ یا حُسینُ تَعَبَّدا

یَبنَ الّذي شَطَرَ ابنَ وِدَّ و مَرحَبا
وَ الصُورُ صیغَ لِراحَتَیهِ مُهَنَّدا

وَهَبَ النَبيُ لَكَ الشَفاعةَ کُلَّها
وَ أبَوكَ وَ القُرآنُ فیكَ تَجَسَّدا

جَاوَزتَ صَبرَ الأنبیاءِ بِوَقفَةٍ
فیها بِوادي الطَفِّ کُنتَ مُحَمَّـــدا

یا وَارِثَ الرُسلِ العِظامِ وَ مَجدَهم
لَولاكَ کُلُّ جُهودِها ضَاعَت سُدیٰ

لَم تَهوي فَوقَ التُربِ مِن طَعنِ القَنا
لَکن لِرَبِّكَ قَد هَوَیتَ تَعَبُّدا

قَسَماً بِجُرحِكَ یَومَ أصبحَ لِلثَریٰ
وِرداً وَ صَارَ لِکُلِّ حُرٍّ مَسجِدا

وَ الإصبِعَ البَتراءَ هَل سَلّابُها
یَدري بِراحَتهِ جَریٰ بَحرُ النَدیٰ

وَ الدَهرُ لَو یَسعیٰ إلیكَ غَلیلُهُ
مُستَسقیاً لَکَفَیتَهُ حَرَّ الصَدیٰ

لَولاكَ ما ناحَت مُطَوَّقَةٌ وَ لا
أغریٰ بِأیکَتِهِ النَسیمُ مُغَرِّدا

یَبقیٰ دَویُّكَ لِلمَعادِ وَ صَرخَةٌ
أطلَقتَها وِتراً وَ أنتَ لها صَدیٰ

النَفسُ أروَعُ أن تَموتَ عَزیزَةً
کَالسَیفِ أروَعُ أن یُفَلَّ مُجَرَّدا





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [شعبان الأفراح]

🎤أداء الملا قحطان البدیري
🖋الشاعر: کرار حسین الکربلائي
--------------------
المستهل:

هلا هلا گلب المحب صاح
هلا هلا شعبان الأفراح
اللهم صل علی محمّد
و آل أحمد
ــــــــــــــــــــ

یا شهر یالفرّحت کل الموالین
احنه مدیونین الك مانوفي بالدین
صحنه و ادموع السعاده اتکحّل العین
یا هلا و میّة هلا بمیلاد الحسین

هلا هلا یا أحلی مصباح
هلا هلا شعبان الأفراح
اللهم صل علی محمّد
و آل أحمد
ــــــــــــــــــــ

لاحت بعین اللیالي دمعة احساس
و السما تنثر نجوم امعطّره ابیاس
رابع بشعبان گامت تهتف الناس
یا هلا و میّة هلا بمیلاد عبّاس

هلا هلا بدر الوفه لاح
هلا هلا شعبان الأفراح
اللهم صل علی محمّد
و آل أحمد
ــــــــــــــــــــ

یا شهر أیام شهرك کلها أعیاد
تنضح أفراح و سعاده و خیر و أمجاد
یوم خامس بیك یصدف أحلی میلاد
یا هلا و میّة هلا یا زین العباد

هلا هلا عطر الإبا فاح
هلا هلا شعبان الأفراح
اللهم صل علی محمّد
و آل أحمد
ــــــــــــــــــــ

ابداخلي قلعة عشگ کل لحظه تکبر
ابگلبي آذان الفرح هاللیله کبّر
یا خلگ یوم إحدعش من حگي أسهر
و صیحتي کل الهلا یا علي الأکبر

هلا هلا گلبي الك راح
هلا هلا شعبان الأفراح
اللهم صل علی محمّد
و آل أحمد
ــــــــــــــــــــ

بخمسطعش شعبان لازم أنطي عهدي
أنتظر محبوبي و ادموعي اعله خدّي
أندعي ساعة ظهوره إلنا تبدي
عجّل اللّه فرجك مهـــــدي




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ حيره وصفك ]

🎤أداء الملا قحطان البدیري
🎤 و ملا محمد فصولي
🖋الشاعر: فاضل مقدم
📆 ٤ شعبان ۱٤۳۹ هـ.
🔖 میلاد أبالفضل العبّاس علیه السلام
--------------------
المستهل:

حیره وصفك حیره
انت رب الغیره
عبّاس انت رفعة راسي
عبّاس یالملکت إحساسي
●●●●●⭐️🌙●●●●●

زینب ابهل لیله
گاعده اتلولیله
گمر تحله بسمته بخدوده
ایدور نظرة عینه
ایعاین اعله حسینه
ایرید رایة کربلا بزنوده

ظل یهز مهده و ینادي الغالي
هلا بحزام الظهر و الوالي
زینب اتنادي گمر و ایلالي
خویه بوجودك قدرنه عالي

خویه بیك أتباهه
ضحکتك محلاهه
عبّاس یالسکنت أنفاسي
عبّاس یالملکت إحساسي
●●●●●⭐️🌙●●●●●

و الحسین ایشوفه
عالمهد و ایطوفه
ایشوف ساحة کربلا بعیونه
ابغیضه تلهب ناره
ظل یصد بتّاره
اهناك راعي المرجله ایسمّونه

ایگطّع اگماطه بعزم چفّینه
اشما یگمطونه یفك ایدینه
تجدح ابنار الشهامه عینه
ناره تبرد من یحضنه احسینه

حسین ایقبّل إیده
ایشوف عزم اعضیده
عبّاس یا فخر نوماسي
عبّاس یالملکت إحساسي
●●●●●⭐️🌙●●●●●

و الصمیده ابزوده
إتعنّه یم مولوده
صاح زینب خل تجي للغالي
شال چفّه بیده
حطها بید اولیده
للکفاله و صار هو الوالي

گال حیدر یا بوفاضل زودك
تکفل الحره العقیله ازنودك
و عالنهر یبني توافي اعهودك
و خلها تتباهه تظل بوجودك

رایتك علّیها
عالنهر هد بیها
عبّاس بیك أصد نبراسي
عبّاس یالملکت إحساسي
●●●●●⭐️🌙●●●●●

من کُبر عالغیره
ما تمر الحیره
زینب إخته و الوعد حادیها
عجّب الکون ابفخر
و ابسمه الخوّه گمر
و هو سبع الگنطره و حامیها

صار باب الحاجه من ایثاره
ما یخیب اللي گصد خطّاره
ابچفّه نهر المعرفه یتجاره
للکرامه الهسه تلهب ناره

و اللي ینخه اچفوفه
ایغرّگه ابمعروفه
عبّاس شرف أهلي و ناسي
عبّاس یالملکت إحساسي



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜موال: [ ساعة عمرك ]

🎤أداء الملا قحطان البدیري
🖊الشاعر سيد عبدالخالق المحنه
📆 شعبان ١٤٤٠ هـ.
——————————

ساعة عمرك و المهد ما یحتویك
و هو طف انشاف ماشافوا مهد
بیه امرادم خیل و اسیوف و صهیل
و بیه اخیام و مشرعه و چلمة وعد

اهوایه محتاره بقت أم البنین
الصایر ابعباس ما صار بأحد
لو بچه ما یسکت إلّا ابذولفقار
و من یلزمه بیده مایبچي بعد

من یشوف إخته تجي ایحاول یگوم
و حته لو غافي اعله صوت إخته گعد
من تباوعله یدگ صدره و یصیح
و زینب اتعرفه یگللها عهد

و من یشوف احسین یرفعله الچفوف
و الحسین ایصیح یبوفاضل مدد
ما زحف مثل الخلگ واگف عمود
أول أیامه خذه دور العمد

طیحة الحره تدورلها کفیل
و طیحة الدمعه تدورلها اعله خد
من یدگ عالگاع یعني اخیمنه وین
یمته یا زینب أدگ بیدي الوتد

و من یشوف الماي ینظر للحسین
یعني گبل احسین مایشرب أبد
و من یشوف السیف یعلن بالهجوم
و من یشوف الخیل یتصور صعد

ابگصته ایبین علي و حمزه و حسین
ابخزرته ایبین ألف صعصع رعد
من تجي زینب یحس روحه کفیل
و من تمیل اعلیه یحس روحه سند

من تشبگه یشعر ابطعم الوداع
و من تعوفه یشعر ابچفه انفگد
أول احچایاته زینب، رایه، جود
أول الخطوات خیّال و لِکَد
بالمشي مشیة قیاده و خلفه جیش
اتگول جدامه ألف فارس شرد





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

#قناة تهتم بنشر كل ما يخص
الرادود الحسيني
#ملا_قحطان_البديري
🔹صوتيات
🔹مرئيات
🔹صور
🔹قصائد مكتوبة

#ساهموا بنشر القناة جزاكم الله خيرا🌸🍃


@Q_albudeiri

https://tttttt.me/joinchat/PXRC1BJA6wAQMz3t

📜قصیدة: [ بكاء جوارحي ]

🎤أداء الملا قحطان البدیري
🖋الشاعر علي عسیلي العاملي
📅شوال ۱٤٣٩ هـ.
📎لیالي استشهاد الإمام الصادق علیه السلام
--------------------
المستهل:

یا ربِّ قَوِّ علی البُکاءِ جَوارِحي
و اشدُد علی قصدِ الحُسینِ جَوانِحي
حتی انقِضائي یَبقی رَجائي
یَبقی رَجائي بابُ الحُسین
--------------------
۱/
مِقدارَ ما في القلبِ یا اللهُ مِن لَوعه
إنّي أنا المُضطَرُ و المحتاجُ للدمعه
لیسَت کـ شَيءٍ یُشتری کلّا و لا صَنعه
لکِنَّها " مَــنٌّ " مِنَ الصِدیقَةِ البَضعه

مَحرومةٌ عینُ الّذي لَم یُرزَقِ
فَـ علی عُبَیدِكِ یا بَتولُ تَصدّقي
رِزقي بُکائي یَبقی رَجائي
یَبقی رجائي بابُ الحُسین
--------------------
۲/
تَحتاجُ عَیني دمعتینِ لِأعرِفَ الرّبّا
الدمعةُ الأولی لِکَي أمحو بِها الذَّنبا
و الدمعةُ الأخری تَقودُ بِنُورِها القلبا
حتّی تُصَبَّ علیهِ رحمةُ فاطِمٍ صَبّا

إن صارَ قَلبُكَ بینَ أیدي فاطِمه
إبشِر بِتَوفیقٍ و حُسنِ الخاتِمه
فیها بَقائي یَبقی رَجائي
یَبقی رَجائي بابُ الحُسین
--------------------
۳/
و أنا المُسيءُ أنا الّذي حتّی أنا ضِدّي
عِندي و لکِن صَفحَتي خَجلَی بِما عِندي
مَن ذا أکونُ لِأذرِفَ الدمعاتِ في خدّي
في لَحظةٍ فیها أشارِكُ دمعةَ المَهدي

القَائمُ المَهديُّ حتماً یَحضَرُ
و إلی عُیونِكَ حینَ تبکي یَنظرُ
یَدري دُعائي یَبقی رَجائي
یَبقی رَجائي بابُ الحُسین
--------------------
٤/
کُلٌّ لَهُ تَسبیحُهُ کَي یَشکُرَ الباري
و العینُ تشکُرُ ربّها بالمَدمعِ الجاري
تَبکي علی مَحبوبهِ في کَربلا عاري
للهِ کَیفَ الشَمسُ تکوي النورَ بالنارِ

یَومَ اللِقا طُوبی لِعینٍ هامِله
قَد بَلّلَت شَفَةَ الحُسینِ الذابِله
جِفني سِقائي یَبقی رَجائي
یَبقی رَجائي بابُ الحُسین




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10455

📜قصیدة: [ أعوذ بالله ]

🎤أداء الملا قحطان البدیري
🖊الشاعر میرزا عادل أشکناني
📆شوال 1439 هـ.
📎لیالي استشهاد الإمام الصادق ع
——————————
المستهل:

أعوذُ باللهِ مِن عَینٍ لا تَدمَع .. قَلبٍ لا یَجزَع
علی الحُسین ابنِ علي

——————————

ابآیة الکُرسي .. عَوّذت عیني .. خاف ما تِدمَع
اشگد دعیت الله .. یِمسَح ابگلبي .. خاف ما یِخشَع
کُل جَزَع یُکرَه .. بس لبوالیِمّه .. یُستَحَب أجزَع
امصاب أبو الأکبر .. ابجبل لو یِنزِل .. انشوفه یِتصَدّع

البَلاء أنواع موت او نایِبه او بین
او أشد نوع الینحرم یبچي علی حسین

اُریدُ لِلجَفنِ أن یَبقَی مِهراقا .. یُجري الأحداقا
علی الحُسین ابنِ علي
——————————

الدنیا مَخطوره .. یا مَعَاذ الله .. مِن عواقِبها
اشگد بَشَر قَبلي .. ابعین ما تِبچي .. الله عاقبها
الهالسبب أدعي .. الفاجعه ابگلبي .. اتحِط مَخالِبها
خوفي لا أبرَد .. عن حزن زینب .. او عن مصایبها

ادعیت ربّي یحرگ ابنُص گلبي خیمه
حتّی تُبقی للقیامه اعیوني غیمه

فَدَمعَتي و البُکا تُذکي في القَلبِ .. نیرانَ الکَربِ
علی الحُسین ابنِ علي
——————————

خلها آهاتي .. تِکبَر او تِکبَر .. اشما کُبَر عُمري
خلها حسراتي .. تنگلُب حافِر .. او تسحگ ابصدري
علیمن أتصبّر .. و أمنع ادموعي .. عالوجِن تجري
و ابظُهر عاشِر .. یا وِسَف ذِبحَوا .. ( سُورهَ الفَجرِ)

( وَ لَیالٍ عَشرَ) خَلّت عُمري بس لیل
عاللي جسمه اترضرضه عشره امن الخیل

فَیا لَیالي الأسی عادَت ذِکراكِ .. فَلیَبكِ الباکي
علی الحُسین ابنِ علي
——————————

ابصدري لو شایل .. مو گلُب صَخره .. اتذوب هالصَخره
لو بِدَه اونیني .. الطود من صوتي .. ینکِسِر ظَهرَه
امن أذکُر احسیني .. عالرُمح راسه .. او جسمه عالغبره
الطَعنه عالطَعنه .. الضَربه عالضَربه .. الطَبره عالطَبره

اجروح أبوالأکبر چثیره بس أشدها
زینب إخته ظلّت أخلافه وحدها

وا لَهفَتي في السِبا کَم کانت تُضرَب .. کَم کانت تَنحَب
علی الحُسین ابنِ علي
——————————

ألبَس الأسود .. حتّی دلّالي .. لا یظل أسود
او عالّذي اتعفّر .. خَدّه بالغبره .. دمعتي اعله الخَد
أمشي عالجمره .. خاف بضلوعي .. جمرتي تُبرَد
و أجرح ابراسي .. خاطر ابروحي .. جرحي لا ینشَد

إخذ شوفي او لو رِدِت إسلِبني سَمعي
إخذ کلشي بس خلّیلي دَمعي

فَمَن یَلُمني إذا اُزهِقُ النَفسا .. أطبِرُ الرأسا
علی الحُسین ابنِ علي




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10457

📜قصیدة: [ كلما أشرب الماي ]

🎤أداء الملا قحطان البدیري
🖊الشاعر كرار حسين الكربلائي
◾️ استشهاد الإمام الصادق (ع) - ١٤٣٩ هـ.
——————————
المستهل:

یا شیعه کلما أشرب الماي
بي ألگه منحر جدي و اخضابه
کلما تضیگ ابعیني دنیاي
للطف أروح و أشبگ اترابه
آه أتمنی موتي بکربلا
ــــــــــــــــــــــــــــــ

أنا الصادق تِبچّي الگاع آهاتي
لزیارة احسین أکثر روایاتي
امن أزورن کربلا تسگیها عبراتي
و أسمع بیها ون اگلوب عمّاتي

مو بالفرات أتوضّه بدموع
أبچي و زیارة وارث أقراها
یم گبر الحسین أعلگ اشموع
و ذیچ المناحر أگعد أنعاها

بنوح أقره الزیاره الکامله
آه أتمنی موتي بکربلا
ــــــــــــــــــــــــــــــ

المذبح من أزوره أجذب الحسره
أسمع شوغة حسین ابگطع نحره
مو بس طبره ذبحوا بثنعش طبره
الخیل الراحت و ردت علیه عشره

اهواي الصور و ابخاطري اتجول
عریانه جثة احسین خلوها
ابعاشر محرم عشرة اخیول
بیها اثنعش معصوم سحگوها

ظیم و ابهمي روحي امحمّله
آه أتمنی موتي بکربلا
ــــــــــــــــــــــــــــــ

أزور أنصاره و أذکرها أسامیها
و أطوف اگبورهم و أسجد و أشم بیها
أهل الغیره مشکوره مساعیها
النشامه الواحد و سبعین أحییها

أمشي لحبیب و گلبي مکسور
یم گبره أبچي لشیبته و دمها
بالرایه هوّس یوم عاشور
هذا الکشف عن عمّتي همها

هاي أهل المراجل و العلا
آه أتمنی موتي بکربلا
ـــــــــــــــــــــــــــــ

أطلع من ضریحه و عیني تبچي احساس
فگدنه اشلون عم فوگ النهر یا ناس
اچفوفه امگطّعه و صابه العمد بالراس
صیحوا اویاي واویلي علی العبّـاس

عبّاس تاج الغیره من طاح
میّت و لکن بعده ظل کافل
لمّن سمع بالخیمه الصیاح
عالنهر دخّن راس ابوفاضل

غاب منّه بدر ما أجمله
آه أتمنی موتي بکربلا
ــــــــــــــــــــــــــــــ

بین الخیمه و التل یظل گلبي اینوح
مچان البیه ما خله اعله زینب روح
ما همّتها السیاط ابمتنها اتلوح
تدوّر عن أخوها ابیا کتر مذبوح

صاحت دخیل الله یالحسین
اگعد یخویه حرگوا اخیامك
النیران ماخلت صواوین
عدمن تبات اللیله أیتامك

آخ ظلت غریبه العایله
آه أتمنی موتي بکربلا
ــــــــــــــــــــــــــــــ

و لآخر نفس دمعاتي سچّابه
متت بثیابي و الجد سلبوا اثیابه
انمرد چبدي و لکن مو سهم صابه
و آخر صیحه آیحسین و امصابه

و ابخامس و عشرین شوّال
یا ناس بالسم گطّعوا چبدي
جعفرکم ابآخر نفس گال
یا ربّي عجّل طلعة المهدي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10459

📜قصیدة: [ آخر رساله ]

🎤أداء الحاج باسم الكربلائي
و الملا قحطان البدیري
🖊الشاعر حمزه السماوي
◾️استشهاد الإمام الصادق (ع)
📆 ليلة ٢٦ شوال ١٤٤٠ هـ.
——————————
المستهل:

آخر رساله امن الگلب عندي
من جعفر الصادق إلی المهدي
واعدتك و باقي علی وعدي
ــــــــــــــــــــــــــــــ

سنابگ همي وگفت فوگ صدري
و سنان أفکاري تاخذ راس عمري
حفر خندق حزن سلمان صبري
و مِلیت الجره من ادموع تجري

لو باقي یوم بعمري أنتظره
و اوگف أخدمه و أرتجي نظره
جدك و أکلمك یالتجي بعدي
ــــــــــــــــــــــــــــــ

ابرغد نامت یبوصالح خصومك
و مُشّرد ثارك ابصحرة قدومك
اشترید اتسوي ماواحد یلومك
الزمن کمّیه و النوعیه یومك

لو عیسی خلفك بالفرض صلّی
یتقبل الله اینادي صوت الله
هذا الشرف یوم الشرف یجدي
ـــــــــــــــــــــــــــــ

علیك ابداعة العصره یمهدي
علیك ابداعة الکسره یمهدي
علیك ابداعة السطره یمهدي
علیك ابداعة الزهره یمهدي

کلش چبیره غیبة الکبری
کلش چبیره زینب الکبری
تعرف مصایبها و بعد تبدي
ــــــــــــــــــــــــــــــ

تجي و خل ترجع الأمّه لأصلها
تره الأصنام مو إلّا بشکلها
یجي القرآن و ایحاسب جهلها
یجي المیمون و ایحاسب جملها

شجر الأراك ایعاتب النخله
لایذ وراها و الغدر سهله
من گطع چف الکافل الجندي
ــــــــــــــــــــــــــــــ

عشت بحساس هالقصه الألیمه
احترگ بیتي و رکضت أستر حریمه
لچن جدك یبوصالح هضیمه
انگطع راسه گبل حرگة الخیمه

مات الحسین و عینه مفتوحه
لخیامه ماچانت علی اجروحه
کل همّه زینب تفتهم قصدي
ــــــــــــــــــــــــــــــ

یجي یوم الشهد و الغیبه مُرّه
و ترد زینب عزیزه و هیه فتره
و أبوهارون یصعد شعر یقره
و سوه نبچي علی المگطوع نحره

و ابطور العراقي یقره أبیاته
و موکب محرّم عندي رایاته
و منتظرك آنه أبقی ابوسط لحدي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10461

📜قصیدة: [ ثالث بيت ]

🎤أداء الملا قحطان البدیري
🖊الشاعر كرار حسين الكربلائي
📆 استشهاد الإمام الصادق(ع) ـ ١٤٣٩ هـ.
——————————
المستهل:

بین الباب و الخیمه
دنیا و کلها نار
آنه الصادق و بیتي
ثالث بیت صار
یالمهدي البِدَر
ــــــــــــــــــــ
①

بیت اُمنه بي چان الوحي یاخذ عطر من عطره
و لو عوّزت نورالشمس تاخذ ضوه امن الزهره
من احترگ بیتي اذکرت یوم الضلع و العصره
چفي انچوه و اتحسرت چف اُمي مچوي بجمره

أول بیت مو مکه
بیتك بي جمر
صح داري احترگ لکن
ضلعي بلا کسر
عشت بإنکسار
یالمهدي البِدَر
ــــــــــــــــــــ
②

هالنار أدري الیا سبب یومیه و امچویتنه
ابلیس من عدها انخلق و الهالسبب عادتنه
امن الباب لأرض الطف اجت نار احرگت خیمتنه
یالمهدي و اسیاط الشمر طفت عبا عمتنه

بالله ابیا زمن هذي
زینب تنضرب
چم مره یبوصالح
وگعت عالترب
و اتصیح الزغار
یالمهدي البِدَر
ــــــــــــــــــــ
③

یالمهدي لا زال انذکر طف کربله و وادیها
هالسالفه احچیها لك و آنه أدري ما ناسیها
هم اعله طاري النار أکو طفله الجمر چاویها
ابعمتك رقیه تلگه أثر بچفوفها و رجلیها

هاي الطفله عد جدنه
چانت غالیه
اشگال و عالرمح ینظر
بنتك حافیه
آه اشهالمرار
یالمهدي البِدَر
ــــــــــــــــــــ
④

من احترگ بیتي چنت موجود یم اعیالي
نسواني ترکض و انسبي امن اتطیح حرمه اگبالي
لزین العباد اتذکرت و امصابه مر ابالي
یندب یبویه و الأبو راسه اعله رمح العالي

وادم تحرگ و تسلب
و امضیع العرف
من خیمه لعد خیمه
ظل یزحف زحف
ما بیها اعتذار
یالمهدي البِدَر
ــــــــــــــــــــ
⑤

ما خلص یوم الطف بعد یالمهدي و انت التدري
رمح الرمه أشرف صدر لظهرك تعده و ظهري
بالسَم الي مردوا چبد و للیوم ناره بصدري
و الوجّرت باب و خیم رجعت و هدمت گبري

تدریني ابن وادم
تنثر یا هله
گبري امهدم و ضیفي
بیش أستقبله
ماعندي مزار
یالمهدي البِدَر





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10464

📜قصیدة: [ بسمك تسمينه ]

🎤أداء الملا قحطان البدیري
🖊الشاعر مهدي بارون
📆 استشهاد الإمام الصادق(ع) - ١٤٣٥ هـ.
——————————
المستهل:

بسمك اتسمّینه جعفریّه
و العمر ضحّینه الهالقضیّه
جعفریّه و هاللقب
یسوه کل هذا التعب
ــــــــــــــــــــ
①
گبل ما احچي ابقضیّتنه و أجاهِر
خل یجي التاریخ و ایسجّل مفاخر
انموت نتعلم لجل تِحیه المنابر
جعفریّه و عالجرح بسمك نکابر

تبقه ویه ادمانه هالولایه
و هالإسم ویانه للنهایه
عدنه بس هذا النَسَب
یسوه کل هذا التعب
ــــــــــــــــــــ
②

یا إمام ابهالعمر لمّن وعینه
الحَرَّف التاریخ ما غَیَّر حچینه
خل نِدَوّر غیرکم بس ما لگینه
شفنه طاعتکم شرف لایگ علینه

رادوا ایزغرونه و احنه نکبر
و الگلب مضمونه ما تغیّر
حُبنه بالدم انکتب
یسوه کل هذا التعب
ــــــــــــــــــــ
③

الحاربوکم هسه رجعوا حاربونه
چم اُمیّه و چم بني العبّاس اجونه
حاربونه و فجّرونه و هجّرونه
شایلین الرایه مشّایه لگونه

الماگدر ینهیکم عال بینه
شال حقده اعلیکم رد علینه
اعلینه لو زاد العتب
یسوه کل هذا التعب
ــــــــــــــــــــ
④

الحاول ایغیّر نهجکم بعده یائس
صعبه یتغیّر نهج تلمیذه عابس
ما یهمنه بعدك اشطلعت مدارس
احنه ظلینه ابعشگ هاي المجالس

بالحشر موعدهم کلها تخسر
خلهم اشما عدهم عدنه منبر
ما یعرفون السبب
یسوه کل هذا التعب
ــــــــــــــــــــ
⑤

لا یهمکم لو اجوا هدموا مراقد
احنه راح انزورکم رغم الیعاند
و احنه الماعدنه النخسره و الله شاهد
العمر واحد سیدي و الموت واحد

هالعمر و أیامه اعلینه تشهد
ننهي کل أحلامه و نبني مرقد
لو نموت اعله القُبَب
یسوه کل هذا التعب





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10472

📜قصیدة: [ صادق الأقوال ]

🎤أداء الملا قحطان البدیري
🖊الشاعر سيد عباس الموسوي
📆 استشهاد الإمام الصادق(ع) - ١٤٣٩ هـ.
——————————

مِن هِویت ابسَم غدر فوگ الثره
شیّعوا بیك السُنن للآخِره
ــــــــــــــــــــ

مِن هِویت العالم العلوي نعاك
و الملایك تصرخ و تندب عُلاك
صادق الأقوال کل احنه فداك
دونك الأرواح یبن الطاهره
ــــــــــــــــــــ

دونك الأرواح یا بحر العلم
یا جرح وسط الگلب ما یلتِئم
ظهر الإسلام بمصابك منجسم
هیبة الإسلام و انت المفخره
ــــــــــــــــــــ

هیبة الإسلام بیك اتجمّلت
صلّت اعلیك الدیانه و سلّمت
هالشرایع و السُنن بیك اعتلت
منهل الأدیان من نبعك جره
ــــــــــــــــــــ

منهل الأدیان و أسباب السمه
بالعلوم اتفجّرت هالملحمه
مذهبك مذهب علینه و فاطمه
جعفریّه و الأصل من حیــــــدره
ــــــــــــــــــــ

جعفري المذهب یبن خیرالعمل
أشرف الأدیان و لإسمك حِمَل
الخالفك یا سیدي برأیه اعتزل
معتزل عنکم یبن خیر الوری
ــــــــــــــــــــ

احنه بیکم نقتدي و انتوا الصراط
انتوا سِباح الگلب و انتوا النیاط
و الیوالیکم نجه من السیاط
و ینعم بجنة عدن بالآخره
ــــــــــــــــــــ

سیدي بیکم نجاة المذنبین
بیکم انجاح و فلاح المؤمنین
یَومَ ما ینفعنه مال و لا بنین
بیکم امن الله نِحَصل المفخره





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10474

📜قصیدة: [ فاطمي حيدري ]

🎤أداء الملا قحطان البدیري
🖊الشاعر واثق العيساوي
📆 الليالي الفاطميه ١٤٤٢ هـ.
——————————
المستهل:

فاطمي هذا الوفاء
حیدري صوت الولاء
قدوتي و منهج الي
فاطمه هي و علي
بالولاء
ــــــــــــــــــــ
①

هدّمت کل السقیفه
عالخلافه و عالخلیفه
چانت أول ثوره فاطم
للخطر شافت علامه
عالعقیده و عالإمامه
و انقلاب ایقوده ظالم

وگفت لحیدر سند موقفها چان
موقف الینصر إمامه بکل زمان

انطت المحسن شهید
حتی مانبقه عبید
صرخه ضد الجاهلي
فاطمه هي و علي
بالولاء
ــــــــــــــــــــ
②

فاطمه أصدق قضیّه
للعقیده و للهویه
للیدورون الکرامه
ثورة الدمعه العظیمه
ثوره قادتها الیتیمه
نصره للحق و الإمامه

الما یطالب بالکرامه ایظل ذلیل
من علي اتعلمنه مانرضه ابّدیل

و الّذي یاخذ قرار
لو نحر لو انتصار
و الهدف یا سائلي
فاطمه هي و علي
بالولاء
ــــــــــــــــــــ
③

الثوره مو سیف اویه درعه
مره چلمه و مره دمعه
المهم ماتبقه ساکت
لازم انأدّی الرساله
السانك ایوصّل مقاله
مایعیش الحلگه صامت

افهم النهج الحسیني و اشیرید
ابوگفة الحره العقیله یم یزید

هي و النحر الذبیح
خلّت الظالم یطیح
صرخه ظلّت تعتلي
فاطمه هي و علي
بالولاء
ــــــــــــــــــــ
④

فاطمه هي البدایه
و هي أسمه و أعله غایه
الجنّه مقرونه ابرضاها
و الیعادیها اشیحصّل
لآخره و دنیاته بس ذل
و احنه مانتبع سواها

الله منطیها فضل کلش چبیر
و یا حلاة العاقبه اویاها تصیر

فاطمه هي النجاة
محور لهاي الحیاة
یبقه حبنه الأولي
فاطمه هي و علي
بالولاء
ــــــــــــــــــــ
⑤

المهدی وکت اظهوره باچر
ابگبرچ ایعلّي المنایر
یبني گبرچ لینه قادم
رایه بیده و بیها اسمچ
ینحب و یبچي اعله ضلعچ
و بالصحن ینصب مآتم

یالثارات الزچیّه و الحسین
و ینجمع بأنصاره بین الحرمین

ایصلّي بینه بکربلاء
و نسمع بصوته الدعاء
و ذاك همهم ینجلي
فاطمه هي و علي
بالولاء





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10477

📜قصیدة: [ اكصد لمعصومه ]

🎤أداء الملا قحطان البدیري
🖊الشاعر واثق العيساوي
——————————

لو شفت گلبك ثگل بهمومه
کلشي عوفه و اگصد لمعصومه


یاللی غرگان بهمومك لا تحیر
للأمیره اتعنه هاي اخت الأمیر
الصعبه یمها سهله بعیونك تصیر
و تشفه روحك لو مشت مالومه


ینفتح گلبك اذا شفت الضریح
دمعتك یم بابها ابهمك تصیح
گلها جیتج آیمعصومه جریح
و عیني من گد الدمع مالومه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/9064

📜قصیدة: [ عيدك مبارك ]

🎤أداء الملا قحطان البدیري
🖋الشاعر حیدر النجفي
📅لیلة ۱۱ ذي القعده ۱۴۳۹ هـ.
📎میلاد الإمام الرضا علیه السلام
--------------------
المستهل:

بالفرحه انذاعت اخبارك
و اهتفنا عیدك امبارك
فرحه تتجدد بسم أبومحمّد
و اهتفنا عیدك امبارك
⭐⭐⭐🌼⭐⭐⭐
۱/
بالسمه انذاع الخبر
اللیله سلطان الدهر
نوره عالدنیا انتشر حل علینا
نورك الضوّه الفلك
ثغر أبوك ایقبّلك
و الفرح کله إلك یا ولینا
لهذا نور الهاشمي
یا شفاه اتبسّمي
إلك بالحب ننتمي سَرَبینا

من هاشم نور والینا
و للکاظم کلنا هنینا
و الزمن غرّد بسم أبومحمّد
⭐⭐⭐🌼⭐⭐⭐
۲/
یا ملائك رتّلي
هذا نور الله الجلي
و لیك یا ثالث علي هذي بیعه
هاي بیعه عن یقین
إلك من المؤمنین
یالرضا بطول السنین إلك شیعه
یا أمیر الرافضه
حبك الباري أفرضه
کنز حبك یالرضا ما نبیعه

و بحبك کوکب الثامن
و بحبك کل محب آمن
کل محب یسعد بسم أبومحمدّ
⭐⭐⭐🌼⭐⭐⭐
۳/
بحبك القدسي نطوف
یمك إحسبنا ضیوف
یالرضا انت الرئوف رحمه إلنا
بهاي فرحتنا نجیك
ماترد الیعتنیك
نقسم ابـ أمك علیك ماتردنا
نعمه عدنا اولایتك
و شمس عزنا گبتك
و هاي ساحة حضرتك أحلی جنّه

من بابك سهله طِلبتنا
من بابك تگضي حاجتنا
و کل دعا یصعد بسم أبومحمّد
⭐⭐⭐🌼⭐⭐⭐
٤/
یالرضا بطول الزمان
حضرتك لینا الأمان
هیه مفتاح الجنان أسمه غایه
یا کهفنا امن العذاب
و الأمل یوم الحساب
انت یا عدل الکتاب أعظم آیه
امحبتك کنز الکنوز
بیها عالمعبر نجوز
آخره و دنیا نفوز بالولایه

بالمحشر عینك اعلینا
بالمحشر انت تنجینا
و الگلب یبرد بسم أبومحمّد
⭐⭐⭐🌼⭐⭐⭐
بیت أبوذیه/

ألف هنیاله من زاره و صلّه
بضریحه و من طلب حاجه و صلّه
الرضا متعلق بروحي و صلّه
الوصل ماینگطع حد المنیه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10519