📜قصیدة: [ سلطان المجد ]

🎤أداء الملا قحطان البدیري
🖋الشاعر واثق العیساوي
📎میلاد الإمام الرضا علیه السلام
--------------------
المستهل:

سلطان المجد و العزه معناك معناك
مشهد ماتصیر الجنّه لولاك لولاك
بسمك شرّفتها و ما یوم اگصدتها
لولاك لولاك
⭐★⭐🌼⭐★⭐
۱/
یگولون الفرح لو دگ علی الباب یجیبلنه الأماني
و أیام العمر ابّین الأحباب محسوبه بثواني

و أیام العشتها من عمري و شفتها
مو منّه احسبتها تمر طیف الأفراح
الفجر لمّن أزورك یغسل وجهي نورك
فرح همّي و سرورك و لا عیش بالجراح

کل خطوه ابضریحك جنّه مولاي مولاي
أحس طعم العسل من صحنك الماي الماي
دواي و أمنیاتي و لا معنی لحیاتي
لولاك لولاك
⭐★⭐🌼⭐★⭐
۲/
إجیتك و الیجیك امفارگ الناس یا دنیا التِلِمّه
أشِمَّنّك نفس بس غیر الأنفاس عطر الجنّه أشِمّه

بضریحك لیل أتاني ملاذي و بي کیاني
عفت دمعه بمکاني تنادیك و تحاچیك
رساله و بیها اسمي أخطّها و حبري دمّي
کتبت اعلیها همّي و الهموم تبچیك

من أشکي بضریحك أرفع الراس الراس
ترضه اشلون أعوفك و أشکي للناس للناس
صعبه و إنت موجود درب الوفه مسدود
لولاك لولاك
⭐★⭐🌼⭐★⭐
۳/
أثر جدمك إذا ظل فوگ التراب یبو محمّد کرامه
و نور ابگُبتك یا نسل الأطیاب للتایه علامه

ذهب في محتواها شمس تشرق ضواها
کل اللي إجاها بالهموم و الدموع
بالهم گضّه عمره و تعب من کثر صبره
الحسره اتچوّي صدره و الآهات بالضلوع

بحیاتك و بمماتك تسمع الآه الآه
و الیتعنّه لیك اشلون تنساه تنساه
مضیفك دومه مفتوح و أبد ماتطیب الجروح
لولاك لولاك
⭐★⭐🌼⭐★⭐
٤/
إجیت و مولدك چن عالسمه ایدور ضوّاها اللیالي
مو کل نور مثلك ینحسب نور لا والله یغالي

کل الکون فرحان یردّد اسمك آذان
یا وارث القرآن بالورود أهنّیك
اللیله بفرحة العید ویّه الحب مواعید
بعین العالم اجدید بمولود فرح بیك

ابیات الفرح أقراها آیات آیات
هیهات الیحبك ینسه هیهات هیهات
اشلون المثلك أنساه أعیش ابغربه و ابآه
لولاك لولاك
⭐★⭐🌼⭐★⭐
۵/
أحاچي اجروحي أگلها ها یالجروح یمته الفرح یمته
تگلي للرضا و ابمشهد انروح دواه انشوفه کلنه

الجنّه اتطفي کل نار یَسِرّ و شایل أسرار
أوصفك بیش محتار بمولودك شنادیك
باچر یوم الإحساب أریدن منّك اکتاب
تسجّلني اویه الأحباب یمولاي أمل بیك

باچر عطرك علی اهدومي یلگوه یلگوه
یعرفونك شفیعي و ذنبي یمحوه یمحوه
متخلّيني محتار وحدي و أدخل النار
لولاك لولاك




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10498

📜قصیدة: [ مجنون ]

🎤أداء الملا قحطان البدیري
🎤 و الحاج علي باشا
🖋الشاعر: کرار حیدر الخفاجي
📅لیلة ۱۱ ذي القعده ۱٤٣٧ هـ.
📎میلاد الإمام الرضا علیه السلام
--------------------
المستهل:

مجنون و عاشگك چن کلشي بیّه
یالرضا إرضا علیّه مجنون
⭐️⭐️⭐️🌼⭐️⭐️⭐️
۱/
بیك مجنون العقل
من محبتك ما أمل
یالرضا و طبع الیحب مجنون
ابماي حبك یرتوي
گلبي شیعي و رَضَوي
و اعله گلبي ینکتب مجنون
حبك أحلی امن العسل
ما أعوفك للأجل
ما یهم لو أنحسب مجنون
مشتریك و ما بعت
اویاك باقي و ما مِلِت
حتی لو حبك ذنب مجنون

ویّاك لآخر أنفاسي أحبك
ما مشیت بغیر دربك مجنون
⭐️⭐️⭐️🌼⭐️⭐️⭐️
۲/
کل سلاطین المِلل
ترکع ابابك خجل
و إلّذي ما یعرفك مجنون
انت سلطان الأمم
سلطتك نار ابعَلَم
سیّدی و الخالفك مجنون
انت یا شمس الشموس
غرّگِت بالخیر طوس
خصمك الما أنصفك مجنون
أرد أوصفك سیّدی
حایر ابیش أبتدي
و یا کلام الیوصفك مجنون

سلطان تفتر الدنیا اعله إیدك
قسم کلمن ما یریدك مجنون
⭐️⭐️⭐️🌼⭐️⭐️⭐️
۳/
عاشگك گبل المهد
یالرضا لهسه و بعد
عشگك بعیني انفضح مجنون
آنه بالذر عاشگك
ابدنیتي ما فارگك
جفني أول مَنْفِتح مجنون
تاج راسي و لو تصیر
اتراب لجدامك أصیر
و بیك هنیاله الصُبَح مجنون
ما یبعدوني قسم
الحب حلاته اتضحّي دم
خلي نحري ینذبح مجنون

أفدیك بنفسي و أموالي و بنیني
و آنه مکتوب بجبیني مجنون
⭐️⭐️⭐️🌼⭐️⭐️⭐️
٤/
مرقدك مأوی البشر
اللي ما زارك خسر
عطرك ایخلي العقل مجنون
أرد أجي لزیارتك
و أشم ریحة تربتك
عبدك الآن و قبل مجنون
و آنه یم بابك أجیك
یبو محمّد أرتجیك
حاشه چفّك ما یذل مجنون
حضرتك جَنْةِ العُلی
هیّمت کل المله
شایب و شاب و طفل مجنون

مشتاگ أشتم بصحنك نسایم
و انت تکتب إسمي خادم مجنون
⭐️⭐️⭐️🌼⭐️⭐️⭐️
۵/
کل طلب مهما صعب
بس من أهله ینطلب
و جیتك أطلب طلبتي مجنون
عندي چم حاجه و حلم
لچن بس واحد مهم
و أنا ابهذة حاجتي مجنون
أمنیه طول السنین
أظل خادم للحسین
و کون أموت ابخدمتي مجنون
الله لا یحرمني لا
من زیارة کربلا
و بیها أختم دنیتي مجنون

محتاج یاللي أقرب من وریدي
و ما أمد لغیرك إیدي مجنون




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10527

📜 موال : [ نور الکواکب ]

🎤أداء الملا قحطان البدیري
🖊الشاعر مجتبی الأسدي
📆 میلاد الإمام الرضا علیه السلام
——————————

نُورُ الکواکِبِ قد تَراقَصَ في الفَضاء
وَ العیدُ هَلَّ وَ حُزنُ داخِلِنا مَضیٰ

للیاسَمین القلب أصبَحَ مَعرَضاً
طَوقاً یُقَدِّمُ للوَصيِّ المُرتَضیٰ

بقُدومِ مَن راضٍ بِما حَکَمَ القَضاء
صَلوا علیٰ سُلطانِ دَولَتِنا الرِضا
ــــــــــــــــــــ

أبوذیه/ بقلم حیدر النجفي

بحبك أروی ما ابقه ضَمّانِ
و أحِس الرضا بچفوفه ضَمّاني
آخذ من أبومحمّد ضَماني
رضاه و جنّة الله الدائمه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10518

📜قصیدة: [ حالة من العدم ]

🎤أداء الملا قحطان البدیري
🖊الشاعر ميرزا عادل أشكناني
——————————

ما .. صَبْرِي عَلَيْكَ وَ مَا
يُجْدِي البُكَاءُ دَمَا .. ما الإشتياقْ !؟
لا .. عنِّي تصُدَّ و لا
تَحْمِل فُؤادِي علىٰ .. ما لا يُطاقْ

هيّن أمر الموت عندي و أنه لمفارق هوَاك
مستعد أنطيك عمري و اشتري شَمَّة ثراك
عشِت حاله امْن العدَم لاهي نجاة اوْ لا هَلاك !
*يا غَرِيبَ الغُرَبَا فِي بُعْدِكُمْ حَالِي غَرِيِب !*

لا نَسيم (الصَبَا) ايْمُرني اْو لا يهِب (ريح الشِّمالْ)
و آنا عطشانك و أدوَّر رَشَفه من كاس الوِصال!
الدَّهر صيَّاد اْو إجيتك يالرضا ابْرَكضة غزَال !
*مُسْتَجِيرًا بِكَ أتْلُو سَيِّدي : {أمَّنْ يُجِيْبْ} ؟!*





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10526

📜قصیدة: [ ماعندي بديلك ]

🎤أداء الملا قحطان البدیري
🖊الشاعر محمد البطحاوي
📆 الليالي الفاطميه ١٤٤٢ هـ.
——————————
المستهل:

یاللي بفاطمه و حسین مفجوع
السنه المابیها انت تِخلَص ادموع
ماعندي بدیلك أظل أصرخ دخیلك
دخیلك دخیلك
ــــــــــــــــــــ
①

شحسبهن و کلهن جرح من النبي لوضعیتك
ما فارگتها کربلا الناس المتانیتك
یا چلمه احچیها الك مولاي لو لاگیتك
کل احنه نسکن بالوطن بس انت موش ابیتك

علی الدنیا العفه المابیها انت
بهجرك کل محب والله کتلته
بدموعي اشتکیلك أظل أصرخ دخیلك
دخیلك دخیلك
ــــــــــــــــــــ
②

حابسلك ابگلبي هله لاُمي فلا گایلها
و صرخة حزن عن کربلا من الزغر شایلها
عایش تره عیشة متن تشکي ثگل محملها
یا آخر احچایه صدگ یا کلها یا أولها

منتظرك علي یا گرة العین
یالشایل صفات و روح الحسین
یکل شي ینتهیلك أظل أصرخ دخیلك
دخیلك دخیلك
ــــــــــــــــــــ
③

تدري الفراغ بغیبتك ما واحد الیسده
بس انت تحسب طلعته التحبه و اللي اتضده
العایش الباب و کربلا اعلیه انتظارك شِده
اشما گول واصلنه الفرج الشامت یگلي اشبعده

احسّنك جریب و حیل یمنه
تطشرنه الأنا و بیدك تلمنه
یهنیاله الیجیلك أظل أصرخ دخیلك
دخیلك دخیلك
ــــــــــــــــــــ
④

اشترتاح یالثارك عدل دوم الحسین ابالك
خدامك و کسر الضلع تبچي علیه لحالك
و ضعن السبایه و الحَرَم طول الوکت یبرالك
ابن العدیمات الستر کل خیمه ما خلالك

وسفه ابن الدعیّه یضحك اهواي
و انت اعلی الحسین ایجرحك الماي
بدمع خلّصت لیلك أظل أصرخ دخیلك
دخیلك دخیلك
ــــــــــــــــــــ
⑤

منتظره بدموع و حزن ما مره اگولن وینه
بتأخیره مو هو السبب بفعالنه امأخرینه
لازم نحس بمصیبته مو ننگلب سچینه
من کل کتر ینزف جرح و ایحبنه و ایهم بینه

خلني اویاك مارید اویه غیرك
یالمغرگ الدنیا ابفیض خیرك
الیحب یعرف دلیلك أظل أصرخ دخیلك
دخیلك دخیلك





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10449

📜قصیدة: [ نحن العراق ]

🎤أداء الملا قحطان البدیري
🖊الشاعر واثق العيساوي
——————————
المستهل:

نَحنُ العِراق أرضُ الکرامةِ و الاُباة
نَحنُ النَخیل وَ شُموخُ دِجلةَ و الفُرات
نَحنُ السَلام دَمُنا یَنابیعُ الحیاة
حَشدُنا قادَ فِکرة
دَمُنا صارَ ثَوره
جبوَةٌ مُستمِره لَن نَموت
یـــا عِـــراق
ــــــــــــــــــــ

حینَ هَبَّت ریحُ الغَدرِ وَ أقبَلَ جیشُ النِفاق
حینَ کانَ وحیداً وَ دَمُهُ في کُلِّ صَباحٍ یُراق
جاءَ حَشدُ اللهِ دُروعاً تَحمي صدرَ العِراق
نَحنُ مَن حَطَّمَ قَیدَ الخَوفِ وَ فَكَّ الوِثاق

حَشدُنا فَخرُنا
وَ الشبابُ هاهُنا
للخُلودِ دَربُنا
لَن یَموتَ صوتُنا
ــــــــــــــــــــ

ذلكَ النَصرُ تَجَسَّدَ عِزّاً بِزُقاقِ الإباء
نَحنُ أبناءَ الفَتویٰ وَ سَمَعنا صوتَ السماء
کُلَّما في الأرضِ مُطیعاً جاءَ و لَبئ النِداء
لیسَ للأوطانِ بَقاءاً حتماً دونَ الدِماء

أرضُنا عِزُّنا
وَ لها دِمائُنا
للخُلودِ دَربُنا
لَن یَموتَ صوتُنا
ــــــــــــــــــــ

یا شَهیداً أنتَ سَتَبقیٰ حَیاً حَیاً في الضمیر
لَستَ أولَ مَن ضَحّیٰ للأرضِ وَ لَستَ الأخیر
سِر وَ خَلفَكَ کُلُّ شَبابِ الوطنِ الغالي تَسیر
نَحنُ ذاتَ الدربِ سَنَبقیٰ وَ لِنَفسِ المَصیر

لَن یَضیعَ حَقُّنا
هذة أهدافُنا
للخُلودِ دَربُنا
لَن یَموتَ صوتُنا





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10546

📜قصیدة: [ اوعديني ]

🎤أداء الملا حسين الأكرف
بمشاركة الملا قحطان البديري
و الملا عمار الكناني
🖊الشاعر رضا درويش البحراني
——————————
المستهل:

اوعدیني دمعتچ ماتنکسر
اوعدیني ماتعوفین الخدر
اوعدیني لو علی صدري الشمر
ــــــــــــــــــــ
①

اوعدیني من وداعي حتی لحظة گطع نحري
اوعدیني لو خلص صبرچ تعیشي بذکری صبري
اوعدیني من بدایة مصرعي لتکسیر ظهري
اوعدیني ماتجیني و الشمر جاثي اعله صدري

اوعدیني تغمض اعیونچ أخاف
تنظریني کعبه و اسهامي طواف
چم سهم عنده علی جسمي اعتکاف
اوعدیني اوعدیني

اوعدیني لو اجه بگلبي السهم
اوعدیني ماتخلین الخیم
اوعدیني الخدر یبقه أهم
ــــــــــــــــــــ
②

یا عقیله و حگ ضلوع أمنه البتول توعدیني
لو وصلچ صوتي ماعندي أحد لا توصلیني
لو سمعتي عن حجر صك جبهتي لا ترقبیني
یختي زینب آنه طایح من جوادي سامحیني

لو فزعتي امن الخیم لاترکضین
خایف اعلیچ اعله وجهچ تعثرین
امسحي دمعة بناتي و لا تجین
عاهدیني عاهدیني

عاهدیني من یرد خالي المهر
عاهدیني تلبسي احجاب الصبر
عاهدیني اسکینه لتظل تنتظر
ــــــــــــــــــــ
③

من تشوفي باچر اثلاثین ألف تلفي الیه
و آنه وحدي و العده أربع فرق داروا علیه
هذا یرمي و ذاك یطعن بالرمح و آنه رمیه
اوعدیني ماتشگي الجیب فوگ التل یخیه

لو سمعتي صوت تکسیر الصدر
سدي آذانچ یزینب في الخدر
عشرة اخیول اعله اضلاعي تمر
لا تجیني لا تجیني

لا تجیني انفصل راسي تره
لاتجیني آنه جثه اموذره
لاتجیني یا عقیله اشما جره
ــــــــــــــــــــ
④

یا حبیبي اوعدك یا خویه بس اوعدني انت
من تصدني حایره بین الیتامه و أبچي سکته
حن علیه حتی لو راسك علی رمحه نظرته
حن علیه الأخو مهما حصل مایترك اخته

یمي خلك حتی لو راسك گطیع
یمي خلك حتی لو حالك فجیع
آنه من دونك یبو اسکینه اضیع
یا حنیني یا حنیني

یا حنیني عني لاتبعد حنین
یا حنیني ادعي بس الله یعین
یا حنیني کلمتك فوگ الجبین





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10548

📜قصیدة: [ جد الإمام المنتظر ]

🎤أداء الملا قحطان البدیري
🖊الشاعر واثق العيساوي
📆 استشهاد الإمام الهادي(ع) - ١٤٤٢ هـ.
——————————
المستهل:

اقصد إلی سامراء
یا طالباً للعَلیاء
و ابکي علی خیر البشر
جد الإمام المنتظر
یا طالباً للعَلیاء
ــــــــــــــــــــ
①

جود بدمعة اعیونك
اذا مجلس عزا بادي
یا مولاي یا مسموم
بحزین الصوت ظل نادي
و اگصد لأرض سامرا
من کل بلد کل وادي
و الطم صدرك و ناديه
اویلي اعلیك یالهادي

و أنشُر سَوادَ الرایات
فـ الیومَ تَبکي الآیات
عاشِرَ نور اثنی عشر
جد الإمام المنتظر
یا طالباً للعَلیاء
ــــــــــــــــــــ
②

الناس اللي یمرها امصاب
ترحب بالیجي اتشکره
بمصاب الهادي حتماً جاي
الإمام المهدي و ایحضره
لو بالمجلس اتشوفوه
لو یفتر علی قبره
عظیم الصبر یامولاي
انت و أمك الزهره

صَوتٌ نَعی یا جداه
عندَ المنابرِ نَلقاه
ناحَ إذا الناعي ذَکَر
جد الإمام المنتظر
یا طالباً للعَلیاء
ــــــــــــــــــــ
③

یالوارث علم و أسرار
محمد و انت حاویهن
یهادي الأمه یا مغدور
علیك ادموعي اجریهن
اجیتك و الحزن چتال
الك و اهمومي اشکیهن
و أدري الگاصدك میخیب
کلهن انت تگضیهن

یا قاضیاً للحاجات
إنّي أسیرُ الکُرُبات
قلبي إذا نادی ابتَشَر
جد الإمام المنتظر
یا طالباً للعَلیاء
ــــــــــــــــــــ
④

ناس الـ بالأمس غدروك
الما فهموا عُظم سِرك
ردوا هالزمن مولاي
بحقدهم هدموا گبرك
یصغرون و تظل للدوم
عظیم و ذاك الاشکبرك
یالمنطي الذهب تقدیر
تِشرّف و انبنه بکترك

أنتم طریقَ الایمان
و بِکم تَباهی القرآن
فَصارَ مِصداقَ السِور
جد الإمام المنتظر
یا طالباً للعَلیاء
ــــــــــــــــــــ
⑤

هذوله انتم بعدکم خیر
بعدکم حل شکو شده
یسلسلة العدل و الدین
طفلکم عالِم ابمهده
یدرب الله الترککم ضاع
و ایظل کلشي ماعنده
ابیش ایچلب الغرگان
اذا چف ایدکم هده

فالخَیرُ انتم مَعناه
و علیکمُ صلی الله
أثَرٌ و یتبعهُ أثر
جد الإمام المنتظر
یا طالباً للعَلیاء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10577

📜قصیدة: [ خبر مسلم ]

🎤أداء الملا قحطان البدیري
🖊الشاعر عبود غفله الشمرتي
📆 ليلة ٥ محرم ١٤٤١ هـ.
——————————

حین هاشم خبر مسلم جاهه
بچت لکن شَمَّرت لعداهه
ویلاه یا سیدي
ــــــــــــــــــــ

حین عشویه من الدار اطلعت
شخص دون الباب لخیاله ابحرت
نادته بنته و منه استرهبت
سمع لکن سکت ما حاچاهه
ویلاه یا سیدي
ــــــــــــــــــــ

ها کسر منهه الخاطر و سالت العین
الیا عشیره تنتسب و انت امنین
آنه مسلم گال ولّاني الحسین
علی الکوفه و خاب من ولّاهه
ویلاه یا سیدي
ــــــــــــــــــــ

بایعت المیة ألف ویه الفجر
و انقضوا بیعتي الكل ویه العصر
و اطلعت منتهج من کتر لکتر
و نفسي الله لمنزلچ دلّاهه
ویلاه یا سیدي
ــــــــــــــــــــ

یا هله نادته یفدونك هلي
و دونك اعیوني و ساحة منزلي
ادخل و گامت مدامعها اتهلي
علی امصیبة مسلم و ذرواها
ویلاه یا سیدي
ــــــــــــــــــــ

بات لکن بات چن اعلی الجمر
حتی طر المُظلِم و جر الفجر
تعب الفتنه الطواغیت الکفر
و الفتن ما أشر من مسعاها
ویلاه یا سیدي
ــــــــــــــــــــ

حین صاح آنه الفتی ضنوة عقیل
هجّت الخیل و غدت تردم الخیل
کسف بالعج الشمس و ادعاهه لیل
و للعده انجوم الظهر راواهه
ویلاه یا سیدي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10619

📜قصیدة: [ عشق علي ]

🎤أداء الملا قحطان البدیري
🖊الشاعر واثق العيساوي
📍عيد الغدير ١٤٤٠ هـ.
——————————

یا هَوی الروحُ و کُلُّ الأملِ
أنا ما کنتُ بِلا عِشقِ علي
فرحتي أنتَ و أنتَ الأمنیات
و نَقاءُ الدمعِ تحتَ المُقَلِ
ــــــــــــــــــــ

منذُ إن کنتُ صغیراً و هواك
بلسمُ الجُرحِ و شافي عِلَلي
قَدَري أنتَ و ما أحلی الغرام
أن یَکُن قلبي بعشقٍ مُبتلي
ـــــــــــــــــــــ

أنتَ عَبّدتَ السماواتَ دُعاء
و رَسمتَ الدربَ للهِ جلي
طوعُ کفّیكَ مساراتُ النجوم
و علی صدركَ ربٌّ یعتلي
ــــــــــــــــــــ

کنتَ تعطي حیثُ لا یُعطي سواك
خاتمَ القُربی لِغوثِ السائلِ
وجهُك المحجوبُ عن وجه الفقیر
کُلّما زاد احتجاباً یعتلي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10665

📜قصیدة: [ يا علي ]

🎤أداء الملا قحطان البدیري
🖋الشاعر: واثق العیساوي
🌠 عید الغدیر
ــــــــــــــــــــــــــــــــــــــــ

یا علي یا علي
یا علي یا علي یا علي
ــــــــــــــــــــ
۱/

تکتب احروف المحبّه عالقلب أصدق مقال
علي متْنَصّب أمیر اعلی الخلافه ابلا جدال
للغدیر الیوم أسافر هایم ابجنح الخیال
حتّی أشوف اچفوف ادیهم لوحه من صنع الجمال

چف علي و چف الرسول
و الحدیث اللي یقول
من لسان الهادي أحمد
یا علي انت الأمیر
ــــــــــــــــــــ
۲/

یا علي ابیا کلمه أوصفك و العقل یمك یحیر
انت لو ماکو ابوجودي راح ابایع مَن أمیر
مملکة آخر نبوّه لازم اتنصّب وزیر
منهو غیرك یا ولینا ابکل قلب یملك غدیر

یا علي لو ما لِواك
ضاعت الدنیا وراك
یعترف حتّی الیبغضك
یا علي انت الأمیر
ــــــــــــــــــــ
۳/

موقف اتذکره الروایه عاشت الأمه انتظار
تنتظر یصدر بإسمك یا علي أعظم قرار
یا علي للأمه دربك واضح و أصدق مسار
و الدخل روضة جنانك ما تِمِس اعیونه نار

انت حجه اعلی الوجود
بسمك احروف الخلود
تبقی للما لا نهایه
یا علي انت الأمیر
ــــــــــــــــــــ
٤/

منهو مثلك عالیتامه یفتر و بچفوفه قوت
الصلاه انت و قدسها و انت للعابد قنوت
انت سر عش الحمامه و لغز بیت العنکبوت
کل من ایموت اعلی حبك یا علي لا مایموت

یا ملاذ الإنتصار
من تصول ابذولفقّار
الك سوح الحرب نادت
یا علي انت الأمیر






• لا فَتَــی إلّا عَلــي لا سَیفْ إلّا ذُولْفَقّـــــار

• الّلهُــمَ صَل عَلَی مُحَمّــد و آل مُحَمّــد
--------------------
• مُحبّي الرادود قَحْطان البديري

@qahtanqasaed
https://tttttt.me/Q_albudeiri/10639

📜موال :[ صندوق الأصوات ]

🎤 أداء الملا قحطان البدیري
🖊الشاعر : عمار هلیل الواسطي
🌠 عيد الغدير
ــــــــــــــــــــ🔅🔅ــــــــــــــــــــ

لو نفترض صار إقتراع ابهل یوم
گالولي إختار التشوفه الأجدر

شتظن أقارن لو شفت جنّه و نار
لو بین صحرا و بین بستان أخضر

بین الرِسَم ضحکه بوجوه الأیتام
و بین الکِسَر خاطر لماي الجبّار

بین الشبع من دولته حتّی الطیر
و بین الجزع من دولته حتّی الشر

لا والله ما مجبور أخدع هالروح
مو بس أوَقّعْ بَل أوَقّعْ و أفخَر

لو بیدي أطَلِع گلبي و أرکض ملهوف
للرَشّحه الهادي الرسول الأطهار

ابـ صندوق الأصوات أحط گلبي اویه الصوت
و اثنینهن أختار بیهن حـیـــــدر





• لا فَتَی إلّا عَلي لا سَیفْ إلّا ذولْفِقار

• الّلهُـم صَل عَلَی مُحَمّـد و آل مُحَمّـد
--------------------
• مُحبّي الرادود قَحطانْ البْدیري

@qahtanqasaed
https://tttttt.me/Q_albudeiri/10640