#Ogohlik_kiberjinoyat

✅MAS’ULLAR KIBERJINOYATCHILIK HAQIDA TUSHUNCHA BERIB, OGOHLIKKA CHAQIRDI

Universitet profilaktika inspektori, kapitan B.Nayimov, talabalar orasida ma’naviy muhitni barqarorlashtirish masalasi bo‘yicha rektor maslahatchisi Z.Shodmonov hamda tyutor F.Fayzullaevlar tomonidan Veterinariya profilaktikasi va davolash fakulteti talabalariga mazkur mavzu yuzasidan davra suhbati tashkil etishdi.

Unda kiberjinoyat kompyuter va tarmoqning birgalikdagi aloqasi ostida sodir etiluvchi jinoyat turi ekanligi ta’kidlanib, Cybersecurity Ventures tomonidan 2016-yilgi hisobotda kiberjinoyatlar natijasida yetkazilgan global zararlar 2021-yilga kelib yiliga 6 trillion dollargacha, 2025-yilga kelib esa 10,5 trillion dollargacha koʻtarilishi bashorat qilinganligi haqida ta’kidlab o‘tildi.

Davra suhbatida internet tarmog'idagi shubhali havolalarga kirmaslik, shubhali holatlar aniqlanganda universitet profilaktika inspektoriga xabar berish lozimligi aytildi.

🏛SamDVMCHBU Axborot xizmati.

#Kiberjinoyat #Ogohlik

✅ "KIBERJINOYATCHILIK - ULKAN MUAMMO”

Veterinariya diagnostikasi va oziq-ovqat xavfsizligi fakultetti talabalari bilan fakultet dekani o'rinbosari Sh.Shamsiyev, tyutorlar D.Ikromov, F.Abdukovulovlar hamda universitet profilaktika inspektori B.Naimov hamkorligida "Kiberjinoyatchilik - ulkan muammo” mavzusida davra suhbati o'tkazildi.

Tadbir maʼruzachilari tinglovchilarga kiberjinoyatlar qurboniga aylanib qolmasliklari boʻyicha zarur maslahat va tavsiyalarni berib oʻtishdi.

Unda hozir internetdan foydalanayotgan 10 tadan bitta shaxs jinoyat qurboniga aylanayotgani maʼlum qilindi. Hozirda huquq-tartibot idoralari tomonidan kiberjinoyatchilikka qarshi kiberxavfsizlikni taʼminlash borasida qator chora-tadbirlar amalga oshirilib kelinayotganligi ta’kidlanib, bu borada har birimiz ogoh bo‘lib, berilgan tavsiyalarga amal qilish lozimligi ta’kidlandi.

🏛SamDVMCHBU Axborot xizmati

🌐 Ssuv.uz | Telegram|Twitter |
Instagram |Facebook|Youtube |

#Ogohlik

✅ Universitet “Faollar zaili”da “Jaholatga qarshi ma’rifat – davr talabi” mavzusida maʼnaviy-maʼrifiy uchrashuv oʻtkazildi.

Universitet rektori maslahatchisi Z.Shodmonov tomonidan sirtqi ta’lim talabalari bilan tashkil etilgan muloqotdan koʻzlangan asosiy maqsad talaba-yoshlarni toʻgʻri yoʻldan ozdirishga harakat qilayotgan turli buzgʻunchi gʻoya va mafkuralarga qarshi immunitetni shakllantirishda tushuntirish ishlarini olib borishdan iborat boʻldi.

Tadbirda soʻzga chiqqan Rektor maslahatchisi Z.Shodmonov mazkur muhokamalar talabalarda global dunyodagi mavjud qarama-qarshiliklarga nisbatan toʻgʻri fikr yuritish, turli axborot oqimlarini saralashni oʻrgatishda muhim rol oʻynashini alohida taʼkidladi.

Talabalarning mavzu boʻyicha savollariga javob qaytarish asnosida tashkilotchilar aynan diniy ekstremizm va terrorizmning xavfli oqibatlari aks etgan videolavhani namoyish qilishdi.

🏛SamDVMCHBU Axborot xizmati

🌐 Ssuv.uz | Telegram | Twitter |
  Instagram | Facebook| Youtube

#Ogohlik

✅ SamDVMCHBUda Samarqand viloyati Din ishlari bo‘yicha qo‘mita rahbari Soxibnazar Boymurodov, Samarqand viloyati Oliy ta’lim, fan va innovatsiyalar boshqarmasi mutaxassisi Ismat Juliyevlar ishtirokida “Jaholatga qarshi ma’rifat”, “Men terrorizm xavfini qanday tushunaman?” va “Ajdodlarga munosib avlod bo‘laylik” mavzularida davra suhbati tashkil etildi.

Tadbir davomida yoshlarning turli ekstremistik oqimlar ta’siriga tushib qolmaslik, internetdagi ta’qiqlangan saytlar va ijtimoiy tarmoqlardagi kanallarga aʼzo boʻlib, ta’qiqlangan axborotlarni tarqatmasliklari, faqatgina ishonchli manbalardan foydalanish lozimligi, turli yot g‘oyalarga ishonib, aldanib qolmasliklari uchun ko‘proq bilim va kasb-hunar egallash zarurligi xususida so‘z yuritildi.

Shunigdek, universitetda talabalarning ijtimoiy faolligini oshirish maqsadida talaba-yoshlar o‘rtasida shu mavzularda rasmlar va insholar tanlovi tashkil etildi.

🏛SamDVMCHBU Axborot xizmati

🌐 Ssuv.uz | Telegram|Twitter |
Instagram |Facebook|Youtube |

#TTJ_faoliyati #Ogohlik

✅Talabalar turar joyida "Yong'in xavfsizligi oyligi" doirasida targ'bot tadbiri o'tkazildi

Respublika miqiyosida o'tqazilayotgan "Yong'in xavfsizligi oyligi" doirasida SamDVMCHBU 1 va 2-son Talabalar turar joyida O'zbek, rus tillari va adabiyoti kafedrasi o'qituvchilari D. Umarova, hamda D. Allayarovalar tomonidan targ'ibot tadbiri o'tkazilib, tushuntirish ishlari olib borildi.

O'qituvchilar tomonidan TTJ talabalar xonalari, oshxonalar ko'zdan kechirildi va talabalarga gaz va issiqlik ta'minoti qurilmalarini doimiy nazorat qilib borish va ulardan foydalanishda yong'in xavfsizligi talablariga rioya qilish, qish mavsumini betalofat o'tqazish, eng avvalo e'tiborli bo'lishga chaqirdilar.

"Yong'in xavfsizligi oyligi" doirasida o'tqazilayotgan targ'ibot - tashviqot ishlari orqali har bir insonni hayoti, sog'lig'i va moddiy boyliklarini asrab qolgan bo'lamiz.

🏛SamDVMCHBU Axborot xizmati

🌐 Ssuv.uz | Telegram|Twitter |
Instagram |Facebook|Youtube |