#Akkreditatsiya2026 #XalqaroTajriba #TashqiBaholash 📚Akkreditatsiya : xalqaro tajribalar
✅Kecha Samarqand davlat veterinariya meditsinasi, chorvachilik va biotexnologiyalar universitetida ta’lim sifatini tashqi baholash hamda muassasani kompleks va maxsus davlat akkreditatsiyasidan o‘tkazish jarayonlariga start berildi. o'tkazilgan rasmiy tadbirda , Ta’lim sifatini ta’minlash milliy agentligi vakillari va mahalliy ekspertlar ishtirok etgan mazkur tadbirda akkreditatsiya rejasining asosiy yo‘nalishlari hamda shaffof mexanizmlarini belgilab olishgan edi.
✅E’tiborlisi, ushbu jarayonlarga umumiy hisobda 16 nafar ekspert (13 nafar mahalliy va 3 nafar xalqaro ekspert) jalb etilgan bo'lib, kechagi muhokamalarda asosan mahalliy ekspertlar bevosita qatnashgan bo‘lsa, bugun jarayonga xalqaro ekspertlar ham to‘liq qo‘shilishdi.

Tadbirda ta’lim sifatini oshirish va uni xalqaro standartlarga moslashtirishga qaratilgan atroflicha taqdimotlar tinglandi va chuqur tahlil qilindi. Shuningdek, muloqot chogʻida xalqaro ekspertlar oliy ta’lim sifatini ta'minlash bo‘yicha o‘z xorijiy tajribalari bilan o‘rtoqlashib, amaliy taklif va tavsiyalarini bildirishdi. Shu o'rinda ichki va tashqi baholashning adolatli mezonlari, bilim darajasini obektiv baholash mexanizmlari hamda o‘quv jarayoniga raqamli texnologiyalarni keng joriy etish masalalari taqdimotlarning markaziy mavzusi bo‘ldi.

🇺🇿SamDVMCHBU Axborot xizmati
🌐Sayt |✅Telegram | 🌐Instagram | ✅Facebook | 📹YouTube

#IFAD #XalqaroHamkorlik #NazoratMissiyasi
🌍 IFAD BILAN HAMKORLIK: YANGI IMKONIYATLAR VA ISTIQBOLLAR

📅 2026-yil 17-sentabr kuni Samarqand davlat veterinariya meditsinasi, chorvachilik va biotexnologiyalar universitetida Qishloq xo‘jaligini rivojlantirish xalqaro jamg‘armasi (IFAD) nazorat missiyasi vakillari bilan uchrashuv bo‘lib o‘tdi.

🤝 Uchrashuv “O‘zbekistonning sutchilik sohasida qo‘shilgan qiymat zanjirini rivojlantirish (2-bosqich)” loyihasi doirasida tashkil etildi.

Tadbirda:
🔹 loyiha doirasida amalga oshirilayotgan ishlar va erishilgan natijalar;
🔹 chorvachilik va sutchilik sohasini rivojlantirish istiqbollari;
🔹 ilmiy-tadqiqot faoliyatini kuchaytirish va zamonaviy yondashuvlarni joriy etish;
🔹 ta’lim va amaliyot uyg‘unligini ta’minlash masalalari muhokama qilindi.

🎓 Alohida e’tibor magistrantlar va yosh tadqiqotchilarni ilmiy-tadqiqot faoliyatiga keng jalb etish, ularning amaliy tadqiqotlarda ishtirokini qo‘llab-quvvatlash hamda xalqaro ekspertlar bilan hamkorlik imkoniyatlarini kengaytirishga qaratildi.

📌 Uchrashuv davomida universitetning chorvachilik, veterinariya va sutchilik yo‘nalishlaridagi ilmiy salohiyati va loyiha doirasidagi hamkorlik istiqbollari yuzasidan fikr va takliflar almashildi.

🌐 Mazkur uchrashuv xalqaro hamkorlikni rivojlantirish, ilmiy-tadqiqot faoliyatini qo‘llab-quvvatlash va yosh tadqiqotchilar uchun yangi imkoniyatlar yaratishda muhim qadam bo‘ldi. 🇺🇿SamDVMCHBU Axborot xizmati
🌐Sayt |✅Telegram | 🌐Instagram | ✅Facebook | 📹YouTube

#Akkreditatsiya #Laboratoriya #XalqaroEkspertlar 📚Akkreditatsiya: Xorijiy ekspertlar zamonaviy laboratoriyalar va amaliyot jarayonlari bilan tanishishdi ✨Samarqand davlat veterinariya meditsinasi, chorvachilik va biotexnologiyalar universitetiga tashrif buyurgan xorijiy ekspertlar oliygohning "In vitro" ilmiy-amaliy laboratoriyasiga tashrif buyurib, bu yerda olib borilayotgan innovatsion tadqiqotlar va amaliyot jarayonlarini ko‘zdan kechirishdi. Ushbu zamonaviy majmuada talabalarning nazariy bilimlarini amaliyotda mustahkamlashlari hamda mustaqil ilmiy izlanishlar olib borishlari uchun keng imkoniyatlar yaratilgan.

✨Tashrif davomida ekspertlar laboratoriya uskunalari bilan jihozlangan "Qadoqlash xonasi"ni ham ko‘rib chiqishdi. Bu yerda ular talabalar tomonidan tayyorlangan bio-mahsulotlar va "SVK Gamma" kabi dori vositalarining namunalari, shuningdek, ishlab chiqarish va qadoqlash texnologiyalari bilan tanishdilar. O‘zaro muloqot chog‘ida tomonlar laboratoriya asosida qo‘shma tadqiqot loyihalarini amalga oshirish va talabalar almashinuvini yo‘lga qo‘yish masalalarini muhokama qilishdi. 🇺🇿SamDVMCHBU Axborot xizmati
🌐Sayt |✅Telegram | 🌐Instagram | ✅Facebook | 📹YouTube