#Hukumat_soati

“Hukumat soati”da oliy ta’lim bitiruvchilarining bandligini ta’minlash bo‘yicha amalga oshirilayotgan ishlar muhokama qilindi

Oliy Majlis Qonunchilik palatasidagi navbatdagi “Hukumat soati”da Oliy ta’lim, fan va innovatsiyalar vaziri Qo‘ng‘irotboy Sharipov oliy ta’lim tashkilotlari bitiruvchilarining bandligini ta’minlash, ta’limni mehnat bozori ehtiyojlariga moslashtirish va raqobatbardosh kadrlar tayyorlash bo‘yicha amalga oshirilayotgan ishlar yuzasidan hisobot berdi.

2026/2027-o‘quv yili uchun davlat granti kvotasi 36 ming 23 ta, bakalavriatning kunduzgi ta’lim shakli bo‘yicha umumiy qabul esa 234 mingdan ortiq etib belgilangan. Ustuvor yo‘nalishlar sifatida muhandislik, IT, pedagogika va agrar sohalar tanlangan.

2025/2026-o‘quv yilida 323 mingdan ortiq talaba oliy ta’limni tamomlagan, 2027-yilda esa mehnat bozoriga 390 mingdan ortiq bitiruvchi kirib kelishi kutilmoqda.

Bitiruvchilarni ish bilan ta’minlash maqsadida 378 ta mehnat yarmarkasi va 1 ming 243 ta workshop o‘tkazilib, ularda 7,7 mingdan ortiq ish beruvchi hamda 144 mingdan ziyod bitiruvchi ishtirok etdi. Natijada 18 mingga yaqin yosh bilan dastlabki ishga joylashish bo‘yicha kelishuvlarga erishilgan.

Shuningdek, career.edu.uz platformasi orqali bitiruvchilarning bandligi real vaqt rejimida monitoring qilinmoqda. 2026-yil may–iyun oylarida ish bilan band bo‘lmagan bitiruvchilar soni qariyb 19 ming nafarga kamaygani qayd etildi.

Vazir, shuningdek, barcha ta’lim yo‘nalishlari talabalari uchun sun’iy intellekt va raqamli texnologiyalar bo‘yicha qo‘shimcha kompetensiyalarni rivojlantirish hamda xalqaro sertifikat olish imkoniyatlarini kengaytirish ishlari davom etayotganini ma’lum qildi.

Batafsil: https://gov.uz/oz/edu/news/view/193042

👉 На руcском
👉 In English

Bizni kuzating

Facebook | Instagram | YouTube | Telegram

Davlatimiz rahbari tashrif bilan Qatarga keldi.
—
Глава нашего государства прибыл с визитом в Катар.

Prezident.uz|Facebook|Instagram|YouTube|X

❗️Bugundan davlat oliy taʼlim tashkilotlariga oʻqishni koʻchirish va tiklash boʻyicha arizalar qabuli boshlandi

2026/2027-oʻquv yili uchun talabalarning oʻqishini davlat oliy taʼlim tashkilotlariga koʻchirish boʻyicha onlayn arizalar 15-iyuldan 5-avgustga (shu kuni ham) qadar qabul qilinadi.

🖥 Arizalar quyidagi platformalar orqali yuboriladi:

➖ 2 ta uzrli sababga ko‘ra respublikaning bir davlat oliy ta’lim tashkilotidan boshqa oliy ta’lim tashkilotiga yoki bir oliy ta’lim tashkiloti doirasida oʻqishni koʻchirish, shuningdek, bir oliy ta’lim tashkiloti doirasida o‘qishni qayta tiklash bo‘yicha arizalar– “transfer.edu.uz”;

➖ xorijiy va nodavlat oliy ta’lim tashkilotlaridan davlat oliy ta’lim tashkilotlarining mos va turdosh bakalavriat ta’lim yo‘nalishlariga – “my.uzbmb.uz”.

🔰 Yangi tartibga koʻra, xorijiy va nodavlat OTTlardan davlat OTTlariga oʻqishini koʻchirishda:

✔️ umumtaʼlim fanlari hamda chet tili boʻyicha milliy sertifikatlar axborot tizimi orqali avtomatik aniqlanadi;

✔️ xalqaro sertifikatlar esa talabgor tomonidan boshqa hujjatlar bilan birga elektron tarzda yuklanadi.

☝️ Eslatib oʻtamiz, Vazirlar Mahkamasining 2026-yil 11-iyundagi 299-son qaroriga muvofiq, xorijiy va nodavlat oliy taʼlim tashkilotlaridan davlat OTTlarining mos va turdosh bakalavriat taʼlim yoʻnalishlariga oʻqishini koʻchirishda chet tili hamda umumtaʼlim fanlari boʻyicha milliy yoki xalqaro sertifikatga ega talabgorlarga tegishli fanlardan tabaqalashtirilgan yoki maksimal ball beriladi.

⏳ Arizalarni qabul qilish 2026-yil 5-avgustga (shu kuni ham) qadar davom etadi.

Bizni kuzating

Facebook | Instagram | YouTube | Telegram