✵┋ اقـهرـهم ⇣
- وجـي اوقـف #شـقـي 😴
✵┋ وخـليهم ⇣
- يـفهمو انك لـي و #حقـي ☺️
#خميس مشو حق هرم ودحس
#عوووووو_ومشو حق رمسسةة والكل 😝
#وووومسيتووو_بالخير❤️
.#هي #ارزاق 🔥☻

‏↺♛#قناة_صنعاء_القديمة♛↺
               〰〰〰〰〰〰       


#هي_كلمتين_وبس😂

الزوج 👨🏼 : جهزيلي الثوب لأن الليلة عرس صاحبي ..

الزوجة 👩🏻 : أي ثوب فيهم بالله ؟

الزوجة 👩🏻 : قال عرس قال ..

الزوجة 👩🏻 : و ليش صاحبك ما يدي دعوة احضر عرس مرته ؟

الزوجة 👩🏻 : عرس صاحبك ولا رايح تقابلك وحدة ؟

الزوجة 👩🏻 : أصلاً مين اللي تشتي تبسرك غير الخايبة اللي مثلي ؟؟

الزوجة 👩🏻 : دايماً دافّني بالبيت ومابتطلعني ..

و لا بتسهر معي و دايماً تعبان، يا عالكمبيوتر، يا عالتلفون يا جالس بتبسر التلفزيون ..

الزوجة 👩🏻 : وعادو فاعل لتلفونة رقم سري ..

ليش مين مهتم يعرف أسرارك ..

الزوجة 👩🏻 : أنا أصلاً كان لازم اشتغل،
كنت كونت شخصيتي و اصبحت أحسن من غيري ..

الزوجة 👩🏻 : ايش مفكر حالك عتضحك عليا بالفلوس اللي بتديهالي ؟

ولا تكون مفكر حالك اشتريتني ؟؟

الزوجة 👩🏻 : بس شاطر تسأل ايش طابخة غدا ، و ايش عاملة للعشا ..

الزوجة 👩🏻 : بعدين متى آخر مرة قلتلي أحبش ؟

الزوجة 👩🏻 : و بعدين صاحبك وين عيشلها شهر عسل من غير شر ؟؟

و الا يشتي يضحك عليها مثل أغلب الرجال و ياخذها كم يوم على فندق ؟؟

الزوجة 👩🏻 : من صدق انت ما عندك رومانسية و ظالمني معك و ما عملتلي و لا شي اشتية بهذه الحياة !!

الزوجة 👩🏻 : أنا أصلاً كل مشاكلي الصحية من وراك .. اخذتني مافيني شي و لا بشتكي من شي ، شوف حالتي الان ..

بس الله كبير ..

الزوجة 👩🏻 : و ايش يعني اذا كنت بتوفر لي كم شغلة اطلبها منك !!

الزوجة 👩🏻 : انا اشتي رومانسية اشتي اهتمام .. قال عرس قال !!

الزوجة 👩🏻 : ما عمري رحت معك خرجة إلا و هلكتني .. هيا نروح هيا نروح !

الزوجة 👩🏻 : اصلاً انا غلطانة اللي بين اخرج معك !!

الزوجة 👩🏻 : الصدق ماعدبش لي نفس اتحاكى ..

الزوجة 👩🏻 : خليني ساكته أحسن

الزوجة 👩🏻 : ليش ما بتجاوب ؟ جاوب ؟
.
.
.
الزوج 👨🏼 : الثوب السماوي ..


♛ برنسســــــيسهہء ♛


       ♛┊↺ @oldsana ↺┊♛
             〰〰〰➰〰〰〰

​​ْ‏↺♛ #قناة_صنعاء_القديمة♛↺
               〰〰〰〰〰〰   


فتره طويله من الإعجاب بينهم ؛
هي م بتعترفش ؛ وهو م بيتحاكـاش

#هي ضبحت من هكذا وضـع ؛
وفي يوم لقئ بينهم بسر صلى #عيونها ؛
#هـو : ممـالش بتبكي ؟!
#هـي : م بنبكيـش !
#هـو : كان مال عيونش بتلمع ساع اللي بتدمع ؟!

جـاوبته ببروود : هم بيقلوا اللي بيلمعين عيونهم #عـاشقيـن !

هو ضحـكك وقال ؛ ومنو ذيةة اللي بتعشقيـةة ؟!

جاوبت بنخفره وعصرة مشافر ؛ رجـال خُضعـي بيبسـر لمعـه عيوني والعشق اللي فيهـن ويقـلي ممـالش بتبكي -_- ؛

قال : اما اللي #بنحبهـا فهـي ذكيـه قووي ؛
بتعرف كيف تممشـع احلـى #إعتـراف ف الدنياء تيه بكلها وفـي دآخلهـا أكبر #كبريـاء

#بين_الحـب_والكبريـاء
#عجبـني

#AyMaN



   ♛┊↺ @oldsana ↺┊♛
             〰〰〰➰〰〰〰

السلام عليكم. يااخواني واخواتي
معي لكم اليوم. موضوع. حساس قوي.
وهذا بيحصل في مجتمعنا ولو نكابر ونحاول ننكر انها مابتحصل. لكن هي بتحصل هي تقع

موضوعنا بعنوان #هي_تقع
والليله نبدأ بالرجال

بدايه خراب بيتك. هي لوما تخرب بيتك بيدك
حين تخلي عيونك طايشات يسرحين يمنه ويسره
يتبسرين النسوان.بنظرة اعجاب خاصه ويفتحين في عيونك هولا النسوان وتبدأ تقارنهن بحقك اللي في البيت
#مثلاً تشوف.اي واحده طلعت فوق الباص. وطلعت تلفونها. تجاوب عليه وانت تحسب انها مشروع تعارف لانها كلمت رجال بتلفونها
ليش تفكر كيف توصل لها وليش تطعن بشرفها بسوءضنك
ياخوك. قد يكون المتصل ابوها خالها وقد يكون اخوها

او تشوف واحده خاطيه طريقها للجامعه ومرتبه نفسها ومضهرها مضهر يليق بطالبة جامعه
او تشوف.بنات شابات في.مقر عملك او مقر اعمالهن
وتبدأ تتعمق بنظرك فيهن وتغوص بتفكيرك في اعماق تفاصيلهن
او تجلس تتبسر البنات في السوشال ميديا
وتتأمل اشكالهن وطولهن ونحافتهن وقوامهن ولبسهن
وتبدأ تشوف مرتك وانها مش مثلهن وناقصه عليهن
ويتصورلك انهن احلا من مرتك اللي في البيت
وتبدأ تكره اللي. في البيت وتمل منها

وايضا.كل من صادفتها في طريقك او في محل عملك تتمنى الحصول عليها بأي حال من الاحوال
وتتمنى انك تحصل على شي يوووصلك لها.او يبعث للتواصل بينكم او يلفت نضرها نحوك.

وكذلك ذيك اللي.خساره اقول فيه رجال
اللي يتلصص على تلفون مرته او اخته ويسترق منه الاسماء والارقام
ويخون الامانه الذي أئتمنته عليه زوجته او اخته
ولوما تشوف. واحده تتسوق بالسوق وهي ماشيه
تدور ذوقها عيب تجري وراها مليان السوق وتمشي وتعارضهن وتزاحمهن وتعمل حركات بايخه ملفته للنظر

ولوما تشوف. صاحبك ومرته وهم ماشيين بالطريق بأمان الله رجال ومرته. عيب ترشقهم بنظرات تمني لوكانت مرتك ساعها
عييييييييب انك تقل.انيييت له والبهمه معه
للمه وانت هكذا. للمه ماجاء لك
ليش ما تقتنع باللي قسم لك الله
ليش ماتضبط عيونك وبصرك وتفكيرك
ليش. ماتطبق. قول الله.(ولاتمدن عينيك الى ما متعنا به ازواج منهم زهرة الحياة الدنيا )
ليش ماتقتنع. ان زوجتك هي. اجمل نساء الارض واكملهن
ليش. ماتملي عيونك منها وتعف نفسك عشان مااحد يتبسر مرتك بغيابك وبدون علمك
ليش ماتشتري. لها الحاجات والملابس. اللي اعجبنك فوق البنات اللي تجلس تتبسرهن

قوا. ابي ومالي اقنع و #قع_رجال
والمعذرة طولت. ونلتقي. غدوة بموضوع عن النسوان

اخوكم #فخـامــة_صـنـعـانـي
اي. تعليق او استفسار لاهانا. @ALFkamah

السلام عليكم. يااخواني واخواتي
وجمعتكم مباركه

واليوم نكمل موضوعنا بعنوان #هي_تقع
والليله نتكلم عن النسوان #قعي_مره

يييه.انتي.ايوه انتي.من بين احاكي.مالش مقعيه
ايوه انتي.ابسري.صليا. قعي مرره. قوا امي

المره زارت احيان تخرب بيتها بيدها وهي مقعيه
وزارت احيان يطير زوجها من بين ايديها وهي حسها في وادي.ثاني

اول شي.ياامي وعيني.المره.ماتحاكيش زوجها عن النسوان الباقيات
ولا تقله فلانه حاليه ولا فلانيه حين تلبس الفستنان الوردي تقع حاليه
ولا تقله فلانه.ضحكتها حاليه عيونها حاليات طويله بيضاء مصليه صايمه مؤدبه خزويه
تقع كيف ماوقعت بيضاء شقراء خادمه معها شعر طويل معاها معاها صلعه. معاها شنب معاها لسان طويل👅 عيونها صغار كيف ماكانت ان شاء الله تقع ابو 3كيمرات
اشتحطي.وضمي لسانش.واهتمي.بنفسش وخلي خلق الله على الله
وبدل ماتسردي.هولا الصفات لزوجش.حاولي انش تكتسبيهن لش.وتحسني من مضهرش. وحسني من طبعش وملي عين زوجش بش

فبعض.النسوان حين تسير.عند الوالده ولا عند عرس في صاله ولا عند صاحبتها. تستبك. وتتصلح وتتمكيج وتتغنوج
ولوما تضوي.تبعد المكياج وتبعد الملابس الحاليه
وتلبس الروب حق المطبخ وتجي عند زوجها وتمكنه مريضه اشتي ارقد وكأنها خريجة من السجن المركزي
للمه.هكذا زوجش.اولى بش اولى باللي فعلتيه كله اولى من الوالده ومن الصاله.

جبررررني. قوا لامي والمره ماتكنش تحاكي النسوان
زوجي يحبني زوجي يدللني زوجي حالي فيني.ومعاملته لي حاليه
ولا تكوني تقولي.هذك الحاجه تعجب زوجي
انتبهي.لانه قد تصيبش عين حاسده على هذه النعمه اللي انتي.فيها
والا تجي واحده حمرات عين .تخطف لزوجش وانتي بتمكنيها واداناه. ومش انتي داريه مابيوقع من قفاش

ركززززي.يابنت طاعة الله. اولا. وحافظي على صلاتش
وطاعة زوجش واتحكمي بلسانش. وكلمة زوجش ماتتكرر مرتين
وانتبهي.تكسري.كلمة زوجش قدام اهله.ولا قدام اهلش

قوا لامي. حسسي.زوجش.انه الكل بالكل بحياتش
وانه حياتش له ومن اجله واعطيه كل وقت واهتماماتش
قوا. لش جبرش
المره تحفظ سر زوجها في حضوره وغيابه
ولا احد سألها كيف انتو شي معاكم تكن تقل الحمدلله في ستر
والمره الاصيله ماتخرج اخبار زوجها لا لاهلها ولا لاهله

كم من مره. عدمت بقعتها.ولا جت فوقها طبينه
بسبب اهمالها وسوء تصرفها في ادارة حياتها الزوجيه.

وسامحوني على الاطاله
ونلتقي ان شاء الله .في الجزء الثالث. #هي_تقع
#هي_تقع #قعي_مره
اخوكم #فخـامــة_صـنـعـانـي
اي. استفسار لاهانا. @ALFkamah

نواصل. اليوم. موضوعنا. #هي_تقع
هيا اختاروا تشتوا. ننبش الرجال✌️
ولا نحش على النسوان ☝️

السلام عليكم. يااخواني واخواتي

واليوم نكمل موضوعنا بعنوان #هي_تقع
واليوم نتكلم عن الرجال #قع_رجال2

#قع_رجال واتنظف.وامتحط لا تقع ساع الجاهل
اهتم بنظافتك الشخصيه والداخليه.
بعض.الناس. مايهتم بنظافته الشخصيه. ويجلس من الحمام.من الجمعه للجمعه
وتلقى شمه يفوح على مسافة 2 كيلو. شمه ساع السمك
احيان.يكون شمه تقل.الا به كلاب ميتات في ازغانه
اهتم بمضهرك. يااخي صرعتنا.خليتنا سكارى وما نحن بسكارى
وحين تلبس. اهتم بتنسيق.الالوان والملابس. حين تخرج بين الناس
فبعض الناس يلبس كوت احمر ثوب بنفسجي وشال بني وتشوفه مشكل ساع المهرجين.ساع الشيطان حق البطه
مشكل ساع قوس قزح شكله مقرف يدي الغاثي

وبعضهم يخزن وتلقاه مخلط عشره انواع من القات
وخمسه انواع من المشروبات.ويشرب شمه على القات
وحين يبعد القات العشي.يرقد بدون ماينظف اسنانه واضراسه.وتلقى اسنانه.مسطيات ساع جحر الدست
يااخي.نظف.اسنانك واشتري ليفه مشحزه وفيري وليف اسنانك جعلك الجذم ياسدم

وبعض.المزوجيين يجلس.يووز في راس مرته
انتي ماتهتمي بي.انتي.مقصره في حقي
وهي مسكينه ماعاد تدرى كيف تفعل بروحها
نظافة بيت ومطبخ وبزا ونظافه وتربيه وتعليم جهال
ويشتيها تخدم ابوه وتخدم امه وتخدم اخوته وخواته. ويشتيها توحم من جديد ويشتيها تنتبه له
ويشتيها تبيض بوجهه لا جاء عنده ضيف حين يجو اهل البلاد عندهم.وتشتغل قرعه ليل نهار تقل مكينيه
ويشتيها ماتكمل المصروف. ومايشتي تقله انها تعبت
و سمه لا قالت له كملت الدبه الغاز.
وكسر راسه لاقالت المصروف حق البيت كمل
وعاده يقل.للمه ماتستبك له ساع اللبنانيات والسوريات
وعيسير يتزوج عليها لانها مهمله له ومابتدلله
وما بتحسسه انه متزوج
يااخي خاف الله. فيها. انت ضويتها.بعقد زواج مش عقد عمل

وبعض الناس يدمر نفسه بنفسه
لما يجلس يهدد مرته عتتزوج عليش. وهو ماعيتزوج
يااخي ليش.بتهدد. اتزوج.وسكهنا
اما انك تهددها عتتزوج.ومابش معك قلب تتزوج
فااعلم انك فتحت على نفسك حرب عالميه
عتدمرك اقتصاديا. ماعتكن تخليك توالف زلط بجيبك
وكل ما حست ان معك قرشين ادعت المرض وهي بخير عشان تدي حق الاسعاف والعلاجات
وكل ماحست انك مزلط. مكنتك خرجني السوق.اشتي واشتي واشتي.
عتكون تشتري حاجات مالها داعي ومالها لزوم
وعتمكنك ادي كل يوم دجاجه. وترجم نصها للدمم
وعتمكنك جعالة الجهال في اليوم ثلاث مرات ساع العلاج
وعتكون تخزن في اليوم فترتين.مع الماء والببس والتحليه
تستااااهل ياملقوف ليش تهددها عتتزوج وانت مش قدها
كنت عتحمدالله عليها وتقنع.وعتسلم زلطك وتسلم جيبك
لكن #هي_تقع

وبعض الناس.لا سار عند احد ضيف.يخزن عندهم ويمسي.عندهم. حين يقوم الحمام يبعد القات.يفتح لقفه ساع المرش. يرش الحمام
تجي.وقد لون المرحاض.اخضر من القات وما يسكب بعده ماء
وبعضهم.من شدة الذوق الذي.فيه.يتمضمض. ويرش الجدار حق.الحمام ببواقي القات يمنه ويسره
وماينظف.بعده.
يااخي.خليك ذواق. واعرف.ان نظافة الحمام من بعد استعمالك له. تعكس نظافة البيئه اللي انت عايش فيها
لكن #هي_تقع
مليييييي عيييييييب. الله يقلعكم ياجغصين

وسامحوني على الاطاله
ونلتقي ان شاء الله .في الجزء الرابع. #هي_تقع
#هي_تقع #قع_رجال
اخوكم #فخـامــة_صـنـعـانـي
اي. استفسار لاهانا. @ALFkamah

البنات لوما ينظفين الديوان بعد المخزنين 😂😂
واتحداهن ينكرين 🤪🤪

#هي_تقع

واللي. عنده. اعتراض. يتفضل. @ALFkamah

طبعا. بعضكم جاب. الاجابه الصحيحه

طبعا. هذا الرجل كان يعاني من جفاف عاطفي تجاه زوجته
زوجته حاولت تكتشفه من خلال الدردشه معه بحساب لشخصيه مجهوله
فااكتشفته شخصيه رومانسيه. حنونه كلها حنيه

وبعد ان ركب الفلم معه. قررت توقضه من احلامه الورديه اللي عاشها معها. من خلال مراسلتها له بشخصيه مجهوله واستمرت لعدة شهور

فقالت له بعد شهور : #إني أخفي عنك سراً يعذبني !!
ضميري مُثقل لكن عاهدني أن تسامحني !
وهبها الأمان وقال لها تحدثي ، فقالت :

.فقالت انا مررررتك يامفضوح . يامكسور الناموس
وعااادك توعدني بالزواج هيا لا راااحت لك فاانا امك😂

وللان والشخص. هذا كتب وصيته ومستعد ينزح
او يتوجه لاقرب جبهة قتال. 😂
#هي_تقع

من انذل واخس المواقف الي تحصل للواحد لما يدخل المطبخ وهو جاوع في اليل ويدور له حاجه يااكلها والبيت نوم <☹️😂😂
.
وبالغلط يدق صحن والصحن ذيك يهزر معه بقيه الصحون
سسع ذي يقول الصحن ولله مااكتسر لوحدي
ويهتزرين بقيه الصحون ماتدري وقتها تهرب ولا تلف الجريمه. <😂😂😂☹️
.
#هي_تقع مانفعل الجوع كافر🙁🙁🙁

واحدة بتقول :

أنا أول مرة خزنت كنت جالسة مع أبي وخالي وإبن خالي وأخوتي في الديوان .. المهم قال أبي عيتجمل ويدي لي عودي قات أطعم 🌱 معاهم.

في البداية ما رضيت 🤭 حلف عليا ما بلا ولا .. خزنت وعملت يمكن نص العلاقية حق أبي.

وأبي في نفس الوقت بيتجابر هو وخالي .. المهم ما سمعني إلا وأنا أقوووووووول :
أبااااااااااااه
قلي هاااه يا بنتي
قلت له هذي ما عاديش عيشه
قلي ليش يا بنتي خير أيش به
قلت له أشتي زواجه😪
أبي فهم إني خدرت بأقوى قوتي🙄
وقال عيسايرني في الكلام وقلي سهل عنبسر لش ابن الحلال 😂😁

وأنا اشرت لا عند ابن خالي وقلت وهذا الثور الذي جمبك ما يفعلوا به🤣

وعينك ما تشوف الا النور .. إخوتي وخالي تشروغوا من الضحك وكان قد عيموتوا علينا.
ابن خالي قد وجهه تقولوا ساع الطمطسه 🍅 من الخزا 😂
وأبي مسك بلقفي ويقلي ابذلي القات كله مني يا بنت الكلب🐕 المهم وقع يوم أحوس😅😅

ما بعدا ابن خالي طنت الفكرة في راسه وجا خطبني بعد شهر 😂😂😂

رب ضارة نافعة 😅

#هي_تقع