رفه اختك كويس و بعدين عاطف دا بريد امنية شديد كيف يعني عقدنا ليها ليه ؟؟
يا هنادي العلاج ما ليهو دخل بي كلامك دا و عاطف ما بيقصررر !!
عم عبداللطيف اتدخل : هنادي ! القرار كان قراري انا ، و اختك دي لو ما عرفت ان الحصل ليها دا حادث انا ما كان خليتها عتبت البيت دااا تاني ، و م تنسي انا هنا في مقام عبدالله اخوي و كفايه اللي كان حاصل قبل كدا و كنت قاعد بتفرج !!! ( رجع التلفون لي خاله فاطمة ) !!
عوض : !!!!!! ( عاينو لي بعض هو و يوسف !! ) !!
يوسف : !! ( سرك شنو انتي يا امنيه !! )
يلا يا خاله ! ازعجناكم والله اعفي لينا بس حبينا نتطمن عليكم و اذا احتجتي اي حاجة انا موجود و ولدك عوض كمان موجود !!
خالة فاطمة : يعني مصممين ما تاكلو حاجة ؟
عًوض : مرة تانيه ان شاءالله !!
اثناء و انحنا طالعين قريب خشم الباب !! لقينا راجل شاب كدااا داخل و معاهو وحدة !!
سلم علينا سلام حار و محترم شديد ! و ال كانت معاهو ديك حتى ما عاينت فينا و داخله و هي بتقول خالتي فاطمة .. و جرت عليها !! حضنوو بعض و البت بقت تبكي !!
انحنا هنا منظرنا كان بايخ انه واقفين نعاين من قصدك بس كنا تحت تأثير " الحاصل شنو ؟ " ، استأذنا من الزول الجا معاها دا و طلعنا لي خشم الباب من برااا !!

قلت لي عوض :

خلينا نمشي نودي لي محمد دا قروشو و نرجع البلد عشان انا يومين حأجيب اوراقي واجي الخرطوم تاني ! محتاج استعجل عماد في موضوع السفر !

يوسف !! وحدة وحدة ! انت اسي منفوش كدا و نفسك دا قايم كدا في شنو ! فجأة داير تسوي كل الحاجات دي ؟

عوض ! ( بمسح في راسو ) انا جيت هنا عشان القى رد لي حاجات في راسي ! لكن جيت و حصل العكس ! كنت حاسي ان خالتي فاطمة دي قطعت كلامها بي بسبب عم عبداللطيف !!

ملاحظ و شايف و فاهم كل حاجة يا يوسف !

عاين انا من اللحظة دي ! ما داير اسمع اسم امنيات او سيرة امنيات ! عايز اتجاوز المرحلة دي مهما كلف التمن و حتى الحاجات ال ما لقينا ليهو اجوبه دي انا ما حأفكر فيها تاني !! و حابي اسافر !

— و السبب ؟؟

السبب يا عوض ان امنية ما بتحبني زي ما قالت عبير ! والدليل ياداب عقدها تم من يومين ! و انا ما داير ادمر حياتي اكتر من كدااا بي سبب علاقه كلها اسئله و حرقة دم و وجع قلب اقسم بالله اكتفيت انااا !
( فجأة سمعنا كوراك جاي من جوا البيت بحكم ان الباب كان متاكا ! و لا شعورياً رجعنا دخلنا بي جوه البيت ، و البت الجات دي كانت بتصرخ و تكورك و تقول ) :

انتي كيف يا خالتي فاطمة تعملي حاجة زي دي في أمنية ، بتك !! لييييييه تخليها تعرس الباطل الحيوان ال اسمو عاطف دا ليه تظلمي بتك ؟؟
دا جزاها يعني انها ما بتشبهنا لمجرد ان عندها احلام دايرة تحققها !!
ليه تربطيها و تقيديها بالطريقه دي و تستغلو عياها بالطريقه البشعه دي ؟
انتي الوحيدة الممكن كان تتقبل امنيه بي كل عيوبها و تنصحيها و تشجعيها و تكوني معاها عشان م يجي يوم و تعمل حاجة ممكن تزعلك ! و انتي عارفه كويس ان زواجها من عاطف دا من البدايه كان فرض انتي فرضتيهو عليها مقاصد الميراث حقها !!
لكن اقول ليك كلام يا خالتي فاطمة ،، امنيات ما الانسانة اللي بيقيدها زواج ! ما الانسانة اللي ممكن عاطف يكسرها او يختها تحت جناحو ! مهما كان وضعها الصحي و مهما كانت ظروفهاا ! ما امنيات يا امي اللي تحفر و تدفن احلامهاااا !
محمد راجلها : سمررر عيب ، دا ما اسلوب تتكلمي بيهو مع خالة فاطمة ! وط كي صوتك !!
سمر : العيب بقى في صوتي ؟ العيب بقى في الحقيقه يا محمد هي ما فكرت ان لمن امنيه تتذكر حايكون موقفها منها شنو. !!!
عم عبداللطيف : خالتك فاطمة ما ليها علاقه انا القررت العقد دا يتم !! وجهي كلامك لي انا!
سمر : ما حأوجه ليك كلام لان كلامي قلتو ! مع احترامي الشديد ليك و لي قرارتك ! امنيه ياها امنيه
مهما سويت و عملته يا عمي قرارك دا ما ليهو اي ستين لازمة !!!
عوض و يوسف : !!!!!!!!

يتبع ...

#استككانة 🥜...

عارفة ان الحلقة الليله بسيطه .

#سحر_سمير ..

نا في فرصه كدا بس الحمدلله غايتو !!
يوسف : الايام جايه والله بنتلاقى تاني اكيد !!
عوض : جيب تلفونك ... ( كتب ليهو الرقم ) اخوك عوض يا حمدد ، ابقى ظاهر !
محمد : والله ححاول بس انا جيت اجازة اسبوع عشان الموضوع دا م كان ينفع اخلي المدام براها تجي ! لكن ضروري نتلاقى في الاسبوع دا !!
عوض : ياخ انت الزيت ، والله انا ما بنقطع منك شفت انا الراجل الحار دا بيركب لي في راسي دا !! ولازم نتلاقى !!
يوسف : عظيم الشرف والله ياخ ... يلا يا جماعه في امان الله !
خالة فاطمة : ربنا يرزقكم السعاده و ينور دربكم و يفتحها عليكم من اوسع ابوابه !
يوسف : يا سلام ياخ .. اللهم امين .. اللهم امين !!
عوض و محمد : اللهم امين يارب !!

#بعد_طلعو ! في العربيه !!

عوض : و الله ياخ زول اصلي كيف ! كيفني عديل كدااا !
يوسف : ماشاءالله عليهو ضكران !
عوض : اها يا اخوك ، بعد قصة الحلزوووون البقينا فيها دي ! الفهم شنو !؟
يوسف : الفهم انه نمشي ندي الزول دا قروشو و نرجع البلد انا قررته اسافر في الايام الجايه دي !
عوض : و أمنيات !! ما لاحظت من كلامهم ان مافي اي قصة حب بين عاطف و امنيه !؟
يوسف : ما فارق معاي يا عوض ! و قررت اطلع من الموضوع دا بي اقل خسائر ممكنه ! اهلي محتاجين لي لازم ابدأ اشوف حياتي بعد كدا !
عوض : ما هاميك ! هو انت كدا ياداب مفروض تتعشم يا يوسف !
يوسف : كان ممكن اتعشم لو اني م كنت عارف ان العقد دا تم اسي دا ! هنا ما ليها اي عذر يا عوض في حين انها بتحبني حسب الاتقاال ، يبقى انا برا القصة دي و كفايه علي لحد هنا !!
عوض : سككت !!!
يوسف : سكته مالك ؟؟؟؟
عوض : ما لقيت كلام اقولو و انا مقتنع انك صح !
و الفهمتو ان شخصيه امنيات ما شخصيه ممكن تحب و تتحب ما الزوله البتناسبك ! انت زول استقرار و هي زولة سفر و شغل و ..الخ !! انت بس تنتظر نصيبك بعدين من الحور العين يا اخوي !
يوسف : هه
عوض : والله ضحكتك الشبه المسكول دي اخير عدمها ... انا جعته !!
يوسف : ( بي هم ) يلا طيب ودينا اقرب مطعم ، كدا كدا شكلنا بايتين ف الخرطوم بسبب القروش دي !

#اما_في-جانبي_انا -
تاني يوم من الاحداث السابقه !!

عاطف بيطنطن بينه و بين نفسه بيقول : ( عايز شنو اسي عمها دا داقي لي ستين مرة ! اوووووف !! م ح ارد ) و تاني التلفون بقى يرن " هزاز "

امنيه بتقول :

حقيقي كنت نايمة ! بس صوت تلفون عاطف اللي كل شويه شغال هزاز ، قلق بي و صحاني من عز النومة ، و بحكم انه نايم في الكنبه و خاتي التلفون في الكنبه فا كانت الصوت عالي في نص هدوء الغرفه ! بقيت بين صاحية و نايمة !
لمن عاطف قام بي حذر و سمعتو بيقول ( بي وشوشة و هميس ، دقايق .. دقايق ) لبس سفنجتو و براحه فتح الباب و طلع خلاهو متاكا علشان صوت قفلتو عاليه و ممكن تصحيني حسب فهمو !!
م قدرت اقعد صراحه و مشيت بي اطراف اصابعي ، لحد الباب و بقيت مادة راسي ! ودداك ليهو عاطف في اخر الممر واقف و خاتي التلفون على اضانه !!
لمن بقيت م سامعه بي وضوح حاولت اطلع لي برا شويه ! لمن بقيت على مسافة كويسه منو و بقيت بس واقفه وراهوو ، سمعتو بيقول :

عاطف : ايوة يا دكتوور ! كدا الصوت كويس !؟؟
( بعد مسافه رد عليهو )
عاطف : لا عارفك مشغول ، و كونك تتصل علي دي بي نفسك والله ما عارف اشكرك كيف ! و عشان ما اطول عليك انا حا اخش في الموضوع طوالي !!
( سكت بيسمع فيهو )
عاطف : ايوااا ... ايواا ... اطول فترة ممكنة كم ؟؟؟

لمن حسيت ان مكالمة عاطف م مهمه قررت ارجع ! و انا بديهو ضهري سمعتو بيقول ليهو :

عاطف : ما مهم التمن ! المهم عندي انه يجيب مفعول و يشوش عليها ذاكرتها ، يا دكتور ما دايرها تتذكر خالص ! لانه زي ما وريتك في الرساله ان الفقدان العندها دا فقدان مؤقت و أثر حادث فا حاسي انها بدت تجمع و تتزكر !
انا داير تراجع قوي لي ذاكرتها ! فهمتني صح !!!!!!
( سكت سمع ردو )
عاطف : خلاص انا بكرة بجي استلم الدواء !! شنوووو ؟. اها لالا ما اتطمن بعرف اخليها تاخدو كيف !!!

انا انصدمته !!!

يتبع ...

#استككانةة 🌻..

#سحر_سمير

( بعاين فيها شديد ) انتي !!
تعالي نكمل جوا بدل ديل واقفين يعاينو فينا كدا !! يا حليل زمن كنتي مورياهم العين الحمرا ..
ليه اوريهم العين الحمرا ؟
كنتي حُمقيه بس ! ( وانحنا بندخل ) !
اااه ايوااا اتذكرتك !!! انتي هند صح !! لاني شفت صورة هنادي في تلفون امي ، يبقى انتي هند اختي و شفتك في تلفوني ! عندنا صور كميه مع بعض ، و كنت متذكرة اسأل امي بس نسيت !!!
بعد اتحمست ، بي احباط شديد ( ضربتني في راسي ضربه خفيفه ! ) عامله راسك الكبير دا والله يا امنيات ما تتذكريني كان اختلف معاك ! الليله قوة تتذكريني و قاعده حارساك ما عندي شغله غيرك ! محمد و فات عند اهلو ! الليله بس حقعد احرسك كدا بس ، شفتي ذاكرتك دي حترجع على يدي انااا !!!!!

#الجزيرة !!

#يوسف_بيحكي :

بعد دخلنا البيت ! م كنت في حال يسمح لي امشي بيت خالتي بهناك !! ما عارف انا كل ما الوقت يمشي بي انا حالتي بتسوء ولا مفترض ابقى افضل و اتصالح مع الحاصل !!
كنت بفتش لي عبير اختي الحنينه ! و فعلاً لقيتها في بيتنا بهناك ! م عند ناس خالي بكري زي ما اتوقعت حسب برامج الجمعه !! كنت حاسي بيها ما تمام ! و كأنها بتتفشى في كنيس الحوش !
قلت ليها ( وانا بشيل من يدها المقشاشه ) :
براحه على مقشاشنا ، قالت الروب !
يوسف ! كيفكم ؟
كنت تمام قبل اشوفك انتي و تطريمتك دي !!
حمدلله ( قعدت جمبي في العنقريب ) الحاصل ؟
مقلق عليك ؟ مالك ؟
متضايقه ! امنيات م رفعت فيني اتصال من ما مشت ! كأنه ما كانت في عشرة بينا !!
ما تلومي البعيد منك ، خصوصاً و انتي ما عارفه ظروفو شنو !!
الاتصال ما بياخد زمن ! للداير حاجة بيسويها لكن هي حُرة !!
امنيات عروس جديده يا عبير و اكيد ليها مشغولياتها ( م عارف بي ياتو قلب قدرت اقول الجمله دي لمن ختيت يدي على صدري و بقيت بدعك لمن حسيت بي نقزة ) !!
دا كلام شنو ؟
دا الحاصل ... عقدت ورانا بي يوم !
( ختت يدها على خشمها و وقفت ) كيف يعني ؟ يعني ما كانت متزوجة لمن كانت هنا ؟؟
لا زواجها كان تاني يوم من الحادث !!
طيب هي كيف اتزوجت هسي اذا كانت بتحبك ؟؟ يبقى فعلاً كلامي ليها صح !! حبها ليك فترة عابرة و اسي عايشه حياتها الاساسيه و بتحب زوجها !!
الموضوع معقد يا عبير ! هو بيحبها بس حسب العرفتو خطط للزواج دا بي حيل بايخه شديد ' و ماف علاقه بيناتهم!! في حين اني بقول كيف م كانت في علاقه بينهم و كانو حيتزوجو ؟؟ و شنو بيخليهو يعرسها بالطريقه دي في حين انه اصلا كان حيتزوجها قبل الحادث ؟ و اذا بتحبني عرستو ليه في وجودي ؟؟. كمية اسئله يا عبير راسي داير يطرشق ما قادر اتصرف ! و فوق لي دا غاده ما قصرت !!
__ في حاجة ما مظبوطه يا يوسف !!
في حاجة مظبوطه ولا مافي يا عبير ! امنيه ما بتلزمني ! بس ما قبل ما اعمل الحاجة اللي في راسي .... يتبع !!

قبل الاستككانه ، فضلو حلقتين ! لانه القصة 30حلقة ، يا جماعه انا ليلي نهار و نهاري ليل بي سبب الكتابه و نفسي انوم !! و ناخد السبت دا راحه لي و الاحد و الاتنين بأذن الله نختم قصتنا ...

#استتككانه❤️

#سحر_سمير ...

! كنتي دايماً بتشيليني الفاتورة حقت المطعام ههه !!

يا سااااتر ههه انا ما كدا ياخ !

— كدا ولا ما كدا انتي صحبتي البحبها ! اقوليك صراحه يا منويه ! رغم اني شايفه حبك لي يوسف في عيونك ! لكن ما واثقه ! لانو انا اكتر زوله فاهماك و عارفاك ، ما زوله حب انتي !! يعني حتى لمن كلمتيني بي قرارك المفاجئي عن زواجك بي عاطف ! كنت مصدومة و عرفت ان في "انّ" في الموضوع !

م بعرف قبل انا كنت شنو بس عارفه انا اسي حاسه بشنو و بحبو والله شديد يا سمر و كل ما بجي اسم عاطف قدامي دمي بيفور !

حصل شنو بينكم !؟

وعدتو اني ما اتكلم ! انسي الموضوع !! والحمدلله ان ربنا بيديني فرص تانيه !

( قامت ) !

ماشه وين ؟؟

اقري المذكرة دي !! انا ماشه لي خالتي فاطمة و دايرة اعمل لي قهوة !

طيب ! سوي لي معاكي !

طيب !!!

بعد سمر طلعت !! بقيت بعايني في المذكرة ! شديد ، بعد داك بديت اول صفحه ! و كانت مكتوبه من تلاته سنوات و عمري كان 22 يعني اسي انا عمري 25سنه ( هه اتذكرت عبير لمن كنا بنتناقش و نتناقر في الاكبر فينا منو ههه طلعت انا اكبر منها بي سنة ) ، بديت اقرا بالساعات ! انا بقرا يوميات تلاته سنوات !! بقيت بسمع اصوات في اضاني بتشوش علي !! سمعت نفس الصوت اللي كان سمعتو في المستشفى اول ما فُقته ! كان بيناديني " امنيات " و دا صوت امي !!

بقيت بقرا و دموعي سيحت الحبر في الورق !!

قدر شنو انا عشت كل التجارب دي !!! بعدها ما حسيت غير بي صوت سمر بتصررررررخ !! افتكرتو جزء من الفي خيالي !! لمن سمعتها بتهز فيني و تقول لي : امنيييييية ! حاصل شنو امنيه قوووووومي !! هي و امي بيحاولو يرفعو فيني في السرير !! تاني فقدت الوعي كُلياً !!!

حسب الاتحكى لي وقتها ! انا من الساعه 2 بعد الضهر ! غايبه عن الوعي لحد الساعه 12 بليل !! سمر قالت لي : انه عمي كان مقلق علي شديد رغم اصراره على انه يوديني لي اقرب مستشفى الا انه كان صابر خصوصاً اني في حالة سكون تام ! وجودهم فوق راسي طول المدة دي كانت حاجة تخليني اعيد حساباتي مليون مرة !!

لمن بديت استوعب الوضع ! ما كنت شايفه في منو جمبي !! قلت :

يا سمر ! الشريحه وين ؟؟

امي بقيت تبوس فيني قالت لي حمدلله ! قومي عايني لي ، كويسه انتي ؟؟؟

كويسه بس صداع داير يشق راسي نصين ( بمسح في الدموع ! )

امي قالت لي : عمك اسي نزل كان مقلق شديد ! حأمشي اطمنهم !

( بعاين لي سمر البتبكي و ماسكة المنديل في نخرتها ) دايرة الشريحه !!!

حمدلله على السلامة ( مدت لي الشريحه و جرت على الحمام بتستفرغ !! )

حاولت اقوم عليها ! لقيت امي جمبها بتقول ليها اديك ليمونه !! قالت ليها لالالا بس شميت ريحه قلبت لي بطني ! و اصلا من ظهر لي الحمل دا بطني بتطم فجأة !!

فرحته لمن قعدت ابكي !!! حأبقى خالتو يعني ! صح انا اصلاً خالتو هه ، كل شي كنت بسمعو او بحسو ببكي فيهو ! ( ركبت الشريحه و فتحت التلفون ) !!! سمعت صوت الباب حق غرفتي قفل !!

و عرفتها سمر !!!

طلعت اسم يوسف في التلفون و وقفت عنده كتير شديددد !!! خصوصاً ان الساعه كانت 12:30 نص الليل !! ... استجمعت قواي و اتصلته عليهوو !!!

و تقريباً التلفون كان في يدو !! طوالي رد لي !! قال لي :

_ الوووو ... امنيه !!! ( بي لهفه ) !

اممم ، ممكن اقول ليك حاجة و اقفل بعدها ؟؟؟
( سكت مسافه و زي العمل كتم للمكالمة و رجع تاني)

___ قال لي : قووولي كل حاجة !!

** أنا .... يتبع !

#استككانة 🔨

‏"كل الذي يمكنني أن أقوله الآن : إنني اجتهدت أكثر مما ينبغي كي نظل معًا .. وإنك في الجانب الآخر اجتهدت كما ينبغي كي تتسع المسافة بيننا."

#سحر_سمير

شديد لينا الاتنين ! الفرحة اللي شفتها في وشها ما اتمنيت انها تنتهي ابداً !!
بعد اليوم دا ! اتلاقينا مرة وحدة بس و وصلتني هي لحد المطار و بعدها اتفارقنا سبعه شهور !
و في السبعه شهور دي ما غبنا عن بعض ابداً ! المسافه عمرها ما عملت بينا حاجز ! كانت مرأة عنيدة ، و جذابة و جميله شديد ، و طموحه ، و شخصيه قويه ! كانت أمنيات !

الى أمنياتي :

انتي مختلفه عن الجميع لذالك احبك بخيرك وشرك ، و صدقيني يا عزيزتي لم تكن صدفه عابرة الأمر أشبه بأن يرزقني الله حظ هذه الدنيا كلها..♥️

#امنيات_بتحكي :

خططت لي كل حاجة بتمناها في حياتي ، بالورقه و القلم ، احلامي اتحولت لي هوس !
خططت لي كل حاجة فيها قروش و حياة و ترفيه و سفر ، إلا الحب ، ما خططت ليهو و لا اخترتو ، هو الاختارني ! لمن اخدت اول خطوة كنت بحلم بيها لي زمن لقيت نفسي خسرت ! خسرت قصاد الحب ! خسرت قصاد اني اكسب يوسف !
عمري م كنت اتخيل اني اضحي بي فرصة سفري ، مقابل انسان ! كابرته كتير ! و كنت بغالط في روحي رغم اني مقتنعه اني حبيتو شديد بس ما كنت عايزة اعترف ،، في الحقيقه انا ما خسرته لكن احلامي زادت نفر !❤️
احلامي زادت يوسف ! بقى هو حلمي ! ليه ما احققو هو كمان ما انا بحبو زي ما هو بيحبني !؟
و زي ما قال محمد ! الحلم ما عندو مكان معين !
زي ما قال ليكم يوسف ! اتفارقنا يوم الخميس ، يوسف سافر السعوديه قعد سبعه شهور و جا عقد علي ! في السبعه شعور دي انا ياداب قدرت امسك دربي ، و بديت اطور من نفسي و افكاري تجاه المصنع !! و اشتغلت مع عمي بي يد وحدة ! شوية شويه عملت لي مكتب خاص بس برا المصنع !
كونت معارف و علاقات كويسه شديد !!
انقطعته من الشغل فترة زواجنا و ما عملنا عرس لاني ما خططت ليهو ، الزواج كان بيتمحور حول لنا حأتزوج منو ! دا العرس بالنسبه لي ، فرحتنا جمب بعض و نجاحاتنا اللي كنا بنحتفل بيها بي طريقتنا الخاصه كانت اعراس من الفرح ، و بعدها ساقني معاهو السعوديه و بقيت جمب سمر مدة ، اااه صح ! سمر حملها الاول ما تم ، و حالياً حامل بي عُمر ..

المهم

كمان استغليت وجودي هناك و كثفت مجهودي في الشغل ! و استفدت كتير مع يوسف و من خبرته الواسعه ! حرفياً بقينا جاهزين لي اول خطوة !!
وقتها عرفت بجد ان الداير حاجة بيعملها مهما كانت الظروف ، و المقومات !!
علاقتنا انا و يوسف كانت احلا من ما شايفيننا انتو ! الله عوضني بيهو و انا ما اتنازلت من احلامي !
بالعكس ، انا بقيت طماعه و اخترتو هو لانه كان اكبر احلامي !!!

الى يوسفي :

لحسن الحظ أنك معي تُسعدني و يكمل بك يومي شكراً لله الذي وهبني حياة ألتقيك بها. ❤️

#احداث_سريعة !

عاطف : من سافر المرة ديك م رجع السودان بس سمعت انه اتزوج !

عبير : اتزوجت بعد ستة شهور من العقد و حالياً معاها حنين !

غاادة : ما بنعرف عنها حاجة اخر مرة لاقيناها في عقد عبير ! حسب الاتقال انها مختفيه ليها مدة !

انفال اخت زوبا : عقدو عليها و اما زوبا حارسه نصيبها !

الى ابنتي القادمة ان شاءالله🎁 :

باقي على طيارتنا الاولى لي اول دولة اروبية من السبعه دول ، تلاته ساعات ، و ابوكي حالياً منتظرني و انا بكتب ليكي الكلام دا !!
عارفه ! انا الليله مبسوطة شديد ، و دايراكي تبقي زي فاهمه ! اشتغلي على نفسك و حققي احلامك و ما تعتمدي على زول ، حبي الناس و خلي قلبك كبير زي بابا يوسف ..و ...**قاطعني_يوسف !
يوسف : منوووووية يلاااا حنتأخر !
جاااايه يلاااااا !
يوسف : انا بديت اغير من المذكرة حقتك دي ! يلااااااااه !!
جايه طيب .... يلااااا ابوكي بينادي .. بحبك ❤️

*تمت بحمدالله*

اتمنى ان تكون قد نالت رضاكم و استحسانكم ،. واعفو لي لو ازعجتكم او ضايقتكم بدون قصد ، او اذا سقطت مني كلمات سهواً ، و لي بعض الاخطاء الاملائيه و اعفو لي على الجرجرة و التأخير و اعفو لي مرة تانيه ، و نتلاقى في التعليقات ان شاءالله 🖤

زعلانة جداً والله ما نفسي تنتهي 💔المفروض كانت حلقة وحدة اللي هي ال30 و اختم ، بس لقيت نفسي دخلت في التفاصيل و ما نفسي انتهي منها .

ً
#سحر _سمير

حقيقية من قاع المجتمع 
قصة #حب_منبوذ
"نحنا المن دواعي الغفلة سمينا الحقيقة مُصيبة "
"ربما كانوا مُحقين حين وضعو الحب بالكُتب ، ربما لم يكن ليعيش في أي مكان آخر "

متابعة ممتعة|☕
#سحر_سمير

وقتو .. يلا يا غالية انا كمان ماشي على اموري دعواتك يا ست الكل ...
*ربنا يحفظك ويغطي عليك ويكفيكم من شر الطريق يارب ...
*بعد ساعتين *
#باك_للاستككانة♡...
يتبع ..
#سحر_سمير

عنا صوت جرس الشقة ! 
امي كانت بتصلي ، انا لبست توبي و فتحت الباب ، لقيتو عم ابو احمد .. 
اهلين عمو يا مرحب 
_بخير يا استاذة ، هاااه جاهزين ان شاءالله ؟
جاهزين على شنو ؟
_هتسلموني الشقة كمان يومين ، انا جيت اتاكد بس من المواعيد علشان في ناس جروها بعديكم علطول ، هينزلو عليها !! 
ااااامم ااا عم ابو احمد، ما ينفع تدينا مهلة اسبوع الله يخليك ! لانه زي ما عارف موضوع السرقة دا خرب علينا كل حاجة !
_يا ابلة يعني اسبوع هيفرق في ايه ؟ لا انتو هتستفادو ولا انا هستفاد حاجة !
حقك حتاخدو واصلا انحنا دافعين ليك حق الشهر القعدناهو دا ، بس استحملنا اسبوع كمان ..
_معلش يا استاذة لولا ان اجرتها لناس كنت سبتكو على مهلكم بس دا شغل بقى وانتي عارفة ..
(قاطعتنا امي)
وهاااااد ... اسكتي لو سمحتي ( وهي جايه علينا جمب باب الشقة)
قالت ليهو : انت عايز شقتك تكون فاضية متين ؟
قاليها : بعد بكرة على اخر النهار ان شاءالله..
قالت ليهو : جدااااا تعال قبل المغرب استلم مفتاحك و شقتك ، عن ازنك ... وقفلت الباب !؟
عاينت لي وقالت لي : اياااااكي يا وهاد تاني اسمعك ولا اشوفك بتترجي ليك زول ، والليله زودتيها ، قبيل البت في العيادة واسي السمسار ! 
فاهمه كلامي دا ولالا !!! الشايفاهم ديل بشر زيهم زيك عايشين بأمر الله ، مافي زول فيهم ماسك روحك في يدو ، والله ما خلقنا عشان ينسانا . حتدبر اتطمني ..
وهاد : يارب لُطفك ..
!! الشايفاهم ديل بشر زيهم زيك عايشين بأمر الله ، مافي زول فيهم ماسك روحك في يدو ، والله ما خلقنا عشان ينسانا . حتدبر اتطمني ..
وهاد : يارب لُطفك ..
يتبع ....
#استككانة❤
#سحر_سمير

اتقبل فيها منو و ما اتقبل فيها منو ، انا ما قعد اتدخل في حياتكم ، ولا حياة زول منكم ، ياريت ماااافي زول يتدخل في حياتي طالما انا ما اذيت زول فيكم !  
_: من فضلك وطي صوتك !
*: لا ما بوطيهو خليهم الداير يسمع ، يسمع ..
_: وطيهو احتراما لامك كا للناس !
* : انا تعبانه ، من فضلك اطلعي و اقفلي الباب وراكي ، من فضلك لو سمحتي !! 
_ :ريممم !!!! غريبة !
*: في شنوووو ؟؟؟؟؟
_سلسلك !! اول مرة تقلعيهو !!!
*كك كك كيف يعني(وانا بتحسس رقبتي) بسم الله !!!
ووين راح. كان في رقبتي ؟ 
_روقي طيب براحه ، بيتلقى 
*لاا يا رزان كنت لابساهو (متوترة) ، من غير م احس على نفسي ، فتحت باب غرفتي و جريت حفيانة ، و بفتش في الارض في البيت و في الممرات حقت البيت لمن وصلت الصالون الكبير لدرجة م حاسه بي وجودهم اصلاً و رزان جارية وراااي !!
لمن وصلت الشارع و انا زي المجنونه بفتش ، و هما واقفين و ماموين بعاينو فيني ، اصلا خاتين فهم اني مريضة نفسيه ، و تصرفي دا اثبت ليهو مية في المية اني بعاني من مرض نفسي .. 
لمن جاني وليد و رزان ، و رزان بتقول لي بيتلقي روقي ، طلعت لي شبشبا قالت لي اللبسي دا انتي حفيانه ! 
و وليد م فاهم حاجة ، بقى يقولي خلاص روقي كل شي بيتعوض !! رفعت راسي ، قلت ليهو بيتعوض !!!!!! 
رزان بقت تقولي خلاص يا ريم لو سمحتي ، خلينا ندخل جوا ، ١٠٠٪؜ حيكون في المكتب وقع ولو لقوهو الموظفين حيختو ليكي لحد بكرة !! 
م رديت عليها .. دخلت البيت طلعت جبت مفتاحي حق العربية و طلعت م فتحت خشمي مه واحد فيهم !!! 
اما في مصر ..
وهاد بتحكي !! 
انا اتوقعت اي شي ممكن يحصل لي ، الا اني ممكن يجي يوم و احس بالخوف كدااااا ، "بعد اليوم داك" ! كنت مفتكرة ان كل مخاوفي انتهت !! بس .. 
صدقوني انا ما عارفه اتصرف كيف حاليا و خايفة على امي اكتر من اي حاجة تانية ، و ما قادرة ابطل تفكير في يوم بكرة ، و في الحيحصل فينا !! 
امي ما عندها غيري ، و لا انا لي غيرها ! امي دي عملت عشاني كتير ، ولازم اعمل عشانهاا قدر العملتو لي و زيادة !! 
ماف انسان بعيش من غير اهلو واقرب الاقربين ليهو ، لكن امي عملت كدا عشاني .. و المرت بيهو في حياتها ابداً ما ساهل ... 
جا علينا اليوم التاني .. قررت انزل اتصرف ، كيف ما عارفه ، بس طلعت الصباح بدري ، و نزلت الشوارع بقيت لافه ! 
كنت متمنيه القى لي شغل اشتغلو في نفس اليوم دا و اخد قروشو و ادفعا للشقه ! 
المهم ، بقيت بدخل المطاعم ، و بسال لو محتاجين وحدة تغسل عدة و لا اعمل حاجة ... 
بعد تعب ، وانا راجعه على البيت ، لقيت محل كُشري ، سبحان الله و انا داخله كنت متوقعه الرد .. 
دخلت عند المحاسب ، قلت ليهو : ممكن اشتغل اي حاجة ؟
م رد علي ، طوالي اديتو ضهري و انا ماشه قالي ، لحظة يا آنسة ، معلش كنت بحسب في حاجة ، تعالي اتفضلي كنتي بتقولي ايه !!! 
قلت ليهو ولا يهمك ، بصراحه انا محتاجة لشغل ، من اللحظه دي لاني مارة بظروف ما يعلم بيها الا الله ! ومحتاجة قروش ! 
سكت مسافة ، و قالي تخرطي بصل ! 
قلت ليهو جدااا ، بس ممكن اعرف حاخد كم ؟ 
قالي انتي ايه ظرفك ؟ 
قلت ليهو : انحنا جينا هنا علاج من شهر ، و الشنطة اتخطفت مننا و فيها كل احتياجاتنا من تزاكر لجوازات لي كلو ! و مشكلتي كلها في الشقه حالياً ، السمسار مصمم نطلع لانو اخر يوم لينا بعد بكرة !! 
قالي طيب يا .... 
قلت ليهو #وهاد بت حنان !! 
(ما بت الحرام)
ولا .... ريم ؟ ولا مريم ؟؟؟؟؟
يتبع ....
#استككانةة🧡 ...
#سحر_سمير ...

ي كان هدفو بس اطلع يوم وانا بضحك ، تلقائياً وقفته قبال يسوي او يقول حاجة ، قالي مالك وقفتي !
قلت ليهو واقف مالك طيب !! قالي بيتنا ما اقيف !! عاينت ليهو ومشيت ..
نزلت سلمته على امي و رزان .. ودايرة امشي ، رزان قالت لي سنة سعيده عليكي ، قلت ليها وسعيده عليكي ، و سعيده عليكي يا امي ، ابتسمت لي و قالت لي و ربنا يسعدك حبيبتي .. 
طلعت طوالي ..حتى وانا ماشه بتلفت لعل وعسى القى سلسلتي ... 
وصلت الشركة ، زي كل يوم ، بس لقيت البنات كانو بيفطرو من شافوني وقفو اكل  ودي ما اول مرة يعملو كدا .. رجعت ليهم قلت ليهو ، دا اكل وانتو بتاكلو ما قاعدين تعملو في حاجة غلط عشان توقفو من تشوفوني ، بالعافية عليككم ، و كمان سامحوني الدنيا راس سنة و ما اخدتو يوم تستمتعو فيهو ، بسبب الجرد و الضغوطات زي ما عارفين ، و عاينت لي وجدان ، قلت ليها بعد تخلصي فطورك تعالي لي المكتب بعد ازنك ... و مشيت ..... 
بعد ربع ساعه بالضبط ! 
جاني اتصال ان في زول عايز يقابلني ، و انتظرنه 
لمن جا .. و كانت حاجة غريبه بالنسبه لي ان الشخصيه دي بالذات تطلب تلاقيني !! قلت ليهو :
*احمد ! 
_ايوة احمد يا استاذة ولا اقوليك يا حبيبتي !
*عفواااً !!! 
_هههه ما تنفعلي كدا مجرد هظار يا ستي ، كيف اخبارك ؟
*انت جاي عشان تعرف اخباري !! لو سمحت انا ما فاضية للحركات دي شوف ، خش في الموضوع طوالي ! 
_حاضر ح اخش قي الموضوع طوالي بس واضح عمرك ما حتتغيري ! 
*ايوة و اللي بعده !
_(دخل يدو ف جيبو و طلع لي السلسل حقي ورفع لي يدو بيهو ) جيت و حسب فهمي انك مضيعة حاجة بتهمك ، بس الظاهر كنت غلطان !! 
*سلسلي ! الجابو عندك شنو ؟؟
_والله ياخ القسمة جابتو لحد عندي ، دايراهو ؟
*احمد لو سمحت اديني ليهو !
_وطي صوتك !
*مابوططي صوتي ، جيب السلسل دا لو سمحته واتفضل اطلع برا (بي حسي)
_شكلك نسيتي نفسك يا بت ال...
*حدددك ، بت ال .. دي وصلت للمكان الانت واقف فيهو اسي دا ! وريني انت وصلت وين ! لحد من شهر كنت بتشيل مصروف من امك و لا تحب ازكرك !! عشان كدا اياك ثم اياك يا احمد تحاول تتعدى حدودك معاك مرة تانية عشان ما تندم ، ...... 
و طلعت من المكتب و فتحت الباب ، ناديت للاممن 
، و اتفضل اطلع بي كرامتك لو سمحته  ! 
#استككانة💚..
يتبع ...
#سحر_سمير ..

 بعاين فيني و قالي شفتي الغلطة و صلتنا لحد وين و انتي ما سمعتي كلامي في موضوع العقد و لو خليتيني كان اكلم و ليد
 و عمي صلاح لمن يجي كان امورنا بقت تمام !! 
وليد :  دقيقه يا احمد ، ريم ، تعالي فهمينا ! 
قلت لي احمد ، انت الجابك هنا شنو ؟ و قاعد تقول في شنو انت ؟؟ 
احمد : ما حبنفع ندس علاقتنا والحصل بينا بعد كدا ، مافي حاجة تخوفك حبيبتي طالما دايرنو بي شرع الله !! 
ريم : علاقة شنو ياحمد ( وانا ماسكة اعصابي عشان افهم ). ..
رزان جات قريب مني ، قالت لي روقي و احكي انحنا كلنا حنصدقك حبيبتي !! 
امي : رزان انتي جنيتي ! انا ما مصدقة ولا حرف من كلام المجنون دا و اطلع برا البيت دا يا احمد ! 
احمد : ريم احكي عليكي الله ما تسكتي ! وريهم انو رجعنا لبعض و انك كنتي معاي امبارح ، و دا سلسلك معاي   !!!
وليد جرا مسك في رقبتو ، قاليهو ياخ اختشي عشان انا ساكت من قبيل و مراعي الخوة ، جاي تقلل ادبك !! 
امي : فكوووو يا وليد ما ناقصين مشاكل ، خلي يطلع برا البيت !
احمد : فكني بدل تمسك فيني انا امسك في اختك الغلطت معاي ، وبعدين مالكم مستغربين ، حق الشارع بفضل في الشارع !!!
وليد لحقو بُنية لمن جابو الواطه ، و فضل يضرب فيهووو ... قلت لي وليد خليهو !! 
عاينن لامي و قلت ليها : احمد ما قال حاجة غلط ، اي نعم هو كذب في علاقه و في اني كمت معاهو رغم اني ما مفروض ابرر ليكم ، بس هو صح ، لان حق الشارع مكانو في الشارع ، اهااا يا امي ممكن توريني عرف حق الشارع دا من وين !! 
ما هو لو انا فعلا زي ما بتقولي ما كان جات سيرة الشارع ، و الحاجز الخاتاهو بينا دا ما من فرااااااغ يا امي يا غالية .... 
مشيت نتشت سلسلتي من يدو ، و طلعت غرفتي !! 
( في جانب حنان ام وهاد) 
الكانت قاعده و محصورة بين زكاريات ، قديمة !! 
*فلاش باك*
*دا البيت !! على الشمال !!
ياساتر يا ساتر ! المرة دي ما تابت حتى بعد وفاة راجلها !!! ياخ معقولة !!
*انا بس ما دايراك تدخلي يا حنان ، انحنا جينا هنا هدفنا واحد ، ظار و ما ظار ما شغلتنا ! 
طيب ناس الحلة ساكتين ليها ليه !
*دا ظار يا حنان ما دعارة ، المهم حتى مع ناس عبدالقادر ديل ما دايرك تتكلمي ابدا ولا كانك عارفة حاجة ، و للمرة التالتة با حنان انحنا دايرين الاجر ، و ما بينفع ولا حينفع انه زول يتحمل غلط زول ، و ما صح نأنب زول بي حاجة هو ما سواها ولا عندو يد بيها ، فاهماني يا حنان ! دايرين اجر ما دايرين ذنب يا غالية !
يتبع ...
#استككانة
💜
 ...
#سحر_سمير 

شي 
عشان تنصدم ، الصدمة دي ! 
يتبع ....
#استككانةة
💙
...
 ... توقعاتكم  شنو للاحداث الجاية ؟؟ 
و للناس الما قرو المقدمة ، فضلاً ارجعو اقروها حتلقو اجوبة على جزء من اسألتكم +بحبكم و بحب وجودكم و بحب دعمكم 
#سحر_سمير 

 كان ينفع انكر و كلمتها حسب فهمي انا ، وقالت لي مش انتي امي و وليد اخوي ورزان اختي ، ليه حاسه اني زي بنت الحرام ؟
صلاح : يعني الصدمة الدخلت فيها دي بسبب كلامك مع احمد ؟ 
فاطمة : لا ابداً هي عارفه حقيقتا ، انحنا ما دسينا منها شي 
عشان تنصدم ، الصدمة دي !!
صلاح : (بي صوت حازم و امر ) اديني رقم احمد ....
(اما في جانب وهاد )
وانتو بتقرو عني ، كم مرة جاكم فضول تعرفو منو هي وهاد ؟؟ صح ؟
الانسان لمن يحس نفسه انه بدا يمسك الدرب الصاح ، بتجيهو راحه نفسيه و بيقدر ينوم و هو متطمن انه ربنا فتح ليهو باب رزق ، بغض النظر عن الضغوطات اللي بتكون فيهو ، و بتخصم منه شنو و بتضيف ليهو شنو !!! رغم ضغوطات الحياة الا اني كانت راحتي بتكمن في شوفة الناس الوحيدين الاتمسكو بي و اتقووا بي ، اني كان اشوفهم بخير .. 
بعد فقدان ابوي حسين ، مرت بينا ظروف صعبه شديد ، عانينا من عدم القبول و كنا منبوذين من اقرب الاقربين ، ااي انا بتكلم بصفة الجمع لانو انحنا كنا اسرة مكونة من اربعة اشخاص !! 
ابوي حسين ، امي حنان ، اخوي طارق ، و انا .. 
ابوي ما قعد معانا كتير و دخل في دوامة مرض و فقدتو قبل اشبع منه ! 
و بعداك بقت ماسكانا امي ، دايما كنت معتقده ان ضيق امي المستمر دا بسبب فراق ابوي و ظروف المعيشه الصعبه ! 
لكن كل مرة كنت بكتشف انه في اسباب ما سبب واحد ! و مؤخراً اختفاء طارق اخوي المفاجئ اللي م كان ليهو اي سابق انذار .. 
كنت كل م اجي انوم ما بقدر ، بفوقني ضجيج الماضي الماقادرة انساهو ، اصواتهم كانت بتتردد لي في اضاني ، كنت متمنية انوم ليلة وحدة من غير ما اصواتهم تجيني في راسي و تعند معاي وترافقني لحد م الشمس تحضر !! 
اسمي وهاد ، مواليد 5-5-1993 ، درسته الحمدلله لحد ما تخرجته من هندسة تصاميم داخليه .. و كانت سمعتي سابقاني ، و الحاجة دي خلتني ما عندي اي صداقات طول فترة حياتي كنت منبوذة و مرفوضة من المجتمع ، و لنفس السبب امي حنان اترفضت من اهلها بي سببي !! 
ليه المجتمع بيحاسبنا على غلطة انحنا ما ارتكبناها ؟
ريم بتحكي : 
كنت حاسه بي حركاتهم جمبي بس ما كنت قادرة اتحرك كل ما اغمض بسمع صوتو ، و بشوف ضحكتو و هو لابس لبستو البيضاء دي و نضارتو !!
اتضايقت من وجودو الما فارقني و بقيت بخبط في راسي و اقوليهو اطلع من راسي ،، زح من قدام عيوني ، و بخبط بقوة و وبقوليهو م تضحك كدا ، انت مبتسم كدا ليه ... م تضحك معاي انا ما بعرفك !
لمن جاني صوتو وهو بيقول لي ، ( بس انا بعرفك ) 
!! و قفت ضرب في راسي و بقيت بفتشو بي عيوني في الغرفة  و قممت من السرير ، كانت رزان قاعده في الكرسي الجمبي و مخلوعه و هي بتعاين لي و نفس الشي امي واقفة عند الباب و خاته يدها في خشمها و بعاينو فيني !! 
بقيت بقوليهو انا ليه ما شايفاك ، اظهر خليني اشوفك واتكلم معاي قدامهم انا ما خايفة منك ، زي امبارح ، اتجرأ و اظهررر !! 
بقيت بقوليهو انا ليه ما شايفاك ، اظهر خليني اشوفك واتكلم معاي قدامهم انا ما خايفة منك ، زي امبارح ، اتجرأ و اظهررر !! 
و بقيت بجري في الغرفة من زاوية لي زاوية ، و بكورك و بخبط و بقوليهووو اظهر ، انت اكيد جيت وراي و عرفت بيتنا ، اظهر وريني انت منو  داير مني شنوووو 
...........
*في الحلقة الجاية*
كلامك صح ... عشان كدا انا لقيت مصحة عقلية مناسبة و لازم من اللحظة دي تدخل ! 
يتبع ....
توقعاتكم للاحداث ح ارد على تعليقاتكم في المدونة 
#استككانة🖤 ...
#سحر_سمير ....

ي ! 
احمد : احكي شنو يا عمي صلاح ؟ 
كلامي ما بعيدو مرتين ! بس م مشكلة ح ارد ليك ! احكي لي الحصل في الفترة الاخيرة دي ! 
__مم م طط (بيتمتم) طيب ، اا انا من خمس سنوات بعد ريم خلتني ، سافرت مدة !!
انا م داير اسمع قصة حياتك ، ادخل في الموضوع !
__انا بس حبيت اقوليك ان من بعد خلتني م اتلاقينا بعدها ولا صدفة ، لحد م رجعت و سمعت اخبارها ، و جيتي لي راس السنة في بيتك كانت حجة عشان اشوفها ، و فعلا شفتها .. حتى ما عاينت فيني ، حسيت بالاستفزاز ، و طلعت برا في السور ، لقيت حاجة بتلمع جمب
العربيه حقتها ، مشيت من لقيتها واقعه عرفتها سلسلة ريم اللي كلنا عارفين قصتها !!
(قاطعو) اللي كلنا عارفين قصتا ! لا و انت قايل نفسك منو ؟ و لمن انت عارف قصتا كويس اتافهته عليهم في نص بيتي و في غيابي
مالك !! 
__ انا ما قصدت الحصل بس استغليت السلسل في اني ابشع صورة ريم قدام امها و وليد ، بعد مشيت ليها الشركة و طردتني ! حاولت
اشوش صورتها في انه ..... انه .....
كمل كمل ...انه شنو ؟
__(وهو بيعاين لي يد ابوي اللي كانت عروقها بارزة و بتدل على كبت الغضب ) ، انه كانت معاي !!
** ونسيت حاجة كمان !!! الفي الشارع محلو الشارع ! ولا شنوووو ؟؟؟؟ ( ونفس اليد اي كان احمد مترقبها ، وصلت وشو
بي بُنية ، خلتو يرجع خطوتين لي ورا ) ... قاليهو .. بي لسانك قلت السلسة اللي كلنا عارفين قصتها !!! يبقى الشارع دا محلو انت و امثالك ! و لمن فاطمة زوجتي كلمتك بالقصة كانت فاكراك راجل حقيقي و انحنا قمنا و اتربينا على الحق والاحترام ...
و كونك عارف قصة السلسل ، دا ما معناتو ان بنتي ريم بنت حرام فاهم الكلام دا ولالا .. و حاجة اخيرة !! بكرة الساعة
عشرة صباحاً القاك قدام بيتي ، و حتجي تعتذر لي ريم ، لكن والله يا احمد بيتي دا ما حتعتبو !! و حدك حيكون الشارع زي
الكلب حتقيف براا ... (بصوت واطي وهو مقرب من اضانه ) ابقى راجل ما تجي ، عشان م اجبرك تجي ومعاك استاذ عبدالله نسيبك الجديد !! 
(تهديد ، و عبدالله دا ابو خطيبتو ل احمد ).. 
بعد ابوي مشى ..... احمد فضل واقف ويعاين لي ابوي و هو بيركب العربية ؟ 
قال في سره وهو بيستحضر في كلام ابوي ( "بيتي دا ما حتعتبو" على اساس ان دا بيتك يا صلاح !! ما كلكم عايشين على قفى ريم و البيت دا بيت ريم يا حاج ..... 
اما انا - 
كنت لافة بالعربية .. بفتش للتلة المقابلة للنيل 
حقت المرة الفات .. بقيت لافة داير ما يدور حولين الحتة ، و كنت مستحضرة إن في شجرة عجوزة كدا ما فيها أوراق انا متذكراها .. 
رجعت ورا و طلعت برا العربية و بقيت شابة على رجولي و بعاين اذا مكان تاني اقرب للحتة دي و اني جايز اكون اتلخبطته !! 
بس نفس الهدوء الغريب و نفس الشارع الرئيسي بس دا ما نفس المكان ..
رجعته ركبته .. و تاني بقيت لافة و لافة .. ابداً ما لقيت المكان داك .. لدرجة غمض عيوني عشان استحضر اي علامة او حاجة تدلني
على المكان دااك .. ابدا م كان في حاجة !! 
لمن لقيت الوقت اتأخر و مافي فايدة من وقفتي .. رجعت البيت .. 
لقيتهم خاتين العشاء قدامهم ، و قاعدين منتظرين ابوي .. و ماف زول فيهم اتكلم معاي .. 
لقيتهم خاتين العشاء قدامهم ، و قاعدين منتظرين ابوي .. و ماف زول فيهم اتكلم معاي .. 
و اغرب تصرف كان بالنسبة ليهم اني اجي اقعد معاهم في السُفرة كدا من تلقاء نفسي .. و عاينت ل امي قلت ليها : مافي زيتون ؟ 
قالت لي ( وهي مستغربة فيني ) انتهى .. 
رزان : في مخلل خيار ! عارفاك بتحبي الحوادق ..
قلت ليها امممم اي ممكن مع الجبنة حلو ، ابوي وين و وليد !! 
امي : وليد ، سافر بورتسودان يمكن بكرة يجي !
... اثناء بنتكلم ، ابوي جا داخل ... 
نفس الاستغرب كان منه .. قلت ليهو تعال يلا انا جعانة والله .. (كانو بعاينو لي بعض) 
اتعشينا و طلعت غرفتي ..... 
طلعت فوق السرير و بقيت خاته يدي على سلسلتي و بفكر ، ( الزول دا حقيقي ولا سراب ؟ هل انا فعلاً مريضة نفسيه و مفروض أخضع لعلاج؟
طيب شنو اول جملة قالها لي !!!! 
قالي ( صلي ركعتين ) !!! طوالي قمته ، دخلت اتوضيت و صليت !! و بقيت قاعدة في السجادة !
كان في كلام سابق بين امي وابوي
و ختامو كان من ابوي .. و هو بيقوليها انا قابلت احمد و كلامك صح ... عشان كدا انا لقيت مصحة عقلية مناسبة و لازم من اللحظة دي تدخل ! 
قالت ليهو : و ريم حتقتنع ؟؟؟
......
*في الحلقة الجاية*
اسمع .. أنا صليت زي ما قلت لي ! ممكن توريني انت منو ؟ ارجوووك !!
ياخي انتي ززززحي مني ما تمسكيني .. ززززززححي ..
يتبع .... 
يتبع .... 
#استككانة 🍹
م تنسو تخلو لي تعليقاتكم بعد تخلصوا قراية ..
#سحر_سمير 

!
*انا ما بقدر احكم لاني ماشفت الاشخاص ديل في الواقع ، بس عشان اكون واضحه انا دايراك ترسم لي شخصية من خلال خيالك انت حسب وصفي انا !! و م عندي صورة ليهو الا في زاكرتي !! هل دا ممكن ؟؟
_والله ياخ فعلا اختبار امكانيات لكن ح اعتبره تحدي لي ... انتظرك متين ؟ 
*بكرة.... و بالجد كان عملت لي الحاجة دي حأكون ممتنة ليك شديد ...
_حأعمل جهدي !! 
اتحركته منه وبالجد زول يدخل البهجة جوا اي زول يمر بيهو ، المهم اتصلت علي 
فاطمة . 
فاطمة : صباح الخير استاذة ..
صباح النور فاطمة كيفك ؟
فاطمة : حمدلله و الف سلامة ليكي .
الله يسلمك
فاطمة : كنت حابة اعرف ، حتجي الليلة ؟ لانو مواعيد المراجعه حقت تقديم المعاينات الكنا منزلين عنها اعلان !
ايوة انا في السكة حالياً ،، مواعيد الانترڤيو الساعه كم ؟
فاطمة : حالياً في كم نفر جو يعني لحد ما توصلي ان شاءالله العدد بكون اكتمل ..
طيب انا قربته خلاص .. وخلي وجدان تطلب زي قهوه اليومداك لي مزاج ليها ! 
فاطمة : هه حاضر يا استاذة في انتظارك ..
وصلته الشركة .. 
و سبحان الله كلهم كانو مبتسمين من شوفتي ما بعرف بس دخلو جواي احساس غريب ، و احساس اني اغيب يوم من الشركة كانت حاجة غريبه ، بس انا جيت الشركة الليله لي هدف قوي شديد و ورا الهدف دا اسباب ..لمن وصلت قسم البنات ، وقفت جمب الباب قلت ليهم قهوتي وينا ؟ قامو مخلوعين لان كل وحدة كانت مندسة ليها في ملف ودي اكتر حاجة بتعجبني فيهم انهم مجتهدين شديد سواء وراي او قدامي ، وجو سلمو علي في يدي عكس العادة .. المهم دخلت مكتبي راجعت كم ملف ، و بعدها جاتني فاطمة قالت لي العدد اكتمل ، ادخل واحد واحد و لا حتمشي انتي ؟ قلت ليها حامشي انا .. لمن وصلت الغرفة اللي كانو متجمعين فيها ، و انا بدخل من الباب ، بي طرف عيني لمحت واحد عابر كدا في الممر الرئيسي ! رجعت لي ورا ! عاينت للطول و للخلفية كانت هواا ، رجعت لي ورا و فاطمة بتقول لي استاذة ريم في حاجة ؟؟؟ 
م رديت ليها و مشيت حسب م لمحتا ، لقيتو وقف عند الرسبشن العام ، و كان ماسك ملف وماديني ضهرو !! لمن اتلفت بي نص وش اتأكدت انه هوا .. و انا مركزة لدرجة م منتبهه للناس الحولي .. مشيت وقفت وراهو قلت ليهو :
انا رجعت للمكان زاتو ، لفيت كتير و وصلت لحد التلة عشان القاك و اتكلم معاك بس ما لقيتك ولا لقيت التلة حقت النيل !! سكتا شوية و قلت
 ليهو : اسمع .. أنا صليت زي ما قلت لي ! ممكن توريني انت منو ؟ ارجوووك !!
فاطمة بي وراي : استاذة ريم في حاجة ؟
كررت ليهو كلامي عشان يتلفت !! لقيت فاطمة مسكتني من كتفي و مشوشة علي من غير ما احس كوركتا فيها ..
 قلت ليها ياخي انتي ززززحي مني ما تمسكيني .. 
ززززززححي .. و اتلفت علي .... 
يتبع .....
#استككانة ...
#سحر_سمير ....

خليها عليك الله تاخد راحتها و ترتاح من قفلة البلد دي  !
امها : هي لكن كدا ! وبعدين الخرطوم دي فيها شنو يقعدو لي انصاص الليالي في الشارع ! اسمعي هنا يا سامية ! بت الناس دي امانة في رقبتك انا كلها كم يوم وبرجع البلد و البت دي حتقعد في رقبتك ، ختي عينك في نص راسك و بطلي البتسوي فيهو دا !
سامية : (الكلام ما عاجبها وتمشية) طيب طيب يا امي ، قومي خلينا اقش الحوش دا ناس السُرة  اسي بجو معاهم الوداعية !
امها : انتي امورك الفارغة دي ما دايرة تبطليها ! وداعية وقرف ! انتبهي على راجلك دا ، و شدي حيلك عشان الراجيهو منك دا ما يمش يكوسو برا و بكرة يبقى ليك حار !!
سامية : يمة ! راجلي عينو ملانة لامن مدفقة والجنى دا بجي من الله
امها : عاد جناك دا يجي كيفن وانتي ساكة الودع والجبنات والفارغة ! ربك دا حينظر لي امرك كيف و انتي من الفارغه ما فاضية !
*في الحلقات الجاية*
انا ما زولة حُب ، عشان كدا ابعد من سكتي ؟
يتبع ...
#استككانة~ 🌸..
#سحر_سمير ..

  أنا عند ظن عبدي بي، وأنا معه إذا ذكرني..) .. طوالي قلت انا لازم اصلي من قلبي ما عشان ال طيف داك قالي صلي .. و قمته صليت واستغفرت الله كتير كتير شديييييد ، لمن جا وليد خبط و الباب كان فاتح اصلاً ، لقاني قاعدة في السجادة ... قالي :
كيفك ؟
*م رديت ....
حاصل شنو انا مقلق من قبيل !
*مافي حاجة ، زي ما قال صحبك ، مجرد تشبيه بس وفعلا بيخلق من الشبه اربعين !
طيب فرضاً كلامو صح ! دا المنو البيهمك أمره و بتهمك شوفتو وتدخلك في دوامة زي دي ؟!
*......(م رديت)
بتحبي انتي !! فات خلاك !!
*امممم ايوه فعلا بحب و فات خلاني !
ريم تحب !! والله دي ما بتتصدق
*ريم ما من حقها تعيش اصلا في نظر الناس كلها ! لمن ريم تحب دي تبقى قوية هه
ريم فهمتيني غلط !
* لا مافهمت حاجة اصلا انا بتكلم حسب نظرتي ..المهم انزل لي صحبك تحت ، م صح تخليهو براهو !
خليكي من صحبي ، ريم انا ما قصدت حاجة بالجد ما صح منك تفسري كلامي بالطريقه دي !
*وليد !! (عاينت ليهو ) انا ما فهمت حاجة ، ريح بالك فضلاً ، و كنت عايزاك تقضي لي مشوار بكرة لو فاضي !!
قولي ، افضى ليكي ..
*في مكتب عمل حق عاملتين انا طلبتهم للبيت وامي و عرس رزان و الدوشه دي ، مفروض بكرة امشي اخلص الاجراءات 
و يومي مليان ممكن تمشي بدلي و بمدك بالمعلومات ! حينفع !!
غير سودانيات ولا شنو ؟
*ايوة و من مكتب عمل حيكون اضمن و افضل ح ارسل ليك الحاجات واتساب .. وقوم يلا امشي لي صاحبك و خليني انا اجهز طالعه لي مشوار ..
خلاص تمام ...يلا !
*(ابتسمت ليهو ) .. عشان يعرف اني بخير و في كل الأحوال ما كان حيستوعب الحاصل معاي فا افضل شي اني اجاريهو حسب فهمو !!
بعدها ، وقفت قدام دولابي و اخترت لي طقم كويس كدا و بديت اجهز نفسي لي عيد الميلاد حق مُزن !!
نجي عند وهاد شوية -
امي حاولت تحكي كل البتعرفو ، و قبل تكمل جا طارق قاطعنا .. و ساق امي و طلع قاليها عايزك في موضوع ..
بعد طلعو ، جاني اتصال في الماسنجر من الزولة حقت التوب ، رديت ليها :
هلااا
__ هلا وهاد ، كيفك ؟
الحمدلله ..وانتي ؟
—الحمدلله بخير ، اسمعيني يا وهاد ! بصراحه انا مقلقه ، يعني انتي واثقة من امكانياتك في ان التوب دا حيعجبني ؟
انتي شفتي صور لي شغلي اكيد حتكوني عرفتي امكانياتي ..
__ ما اختلفنا بس انا عشان متعود اختار حاجاتي بي عناية و اسي انا م عارفه حتى الالوان شنو !
قلت ليكي حددي لي الالوان وانا بشتغل انتي ما قبلتي ، و خليتي الموضوع كلو علي !
__ ما حبيت اقيدك حبيت انك تثبتي نفسك بس ، لانو الموهوب لمن يلقى مساحتو بيبدع عشان كدا ..
طيب تحبي اصور ليكي الجزء الاشتغلتو ؟
__لالا ، حابه اشوفو بعد ينتهي و على الحقيقيه !
بس عايزاهو بعد بكرة لو ممكن معليش اذا بضغطك بس الاحتياط واجب عشان لو ما عجبني يكون عندي وقت انزل السوق اشتري لي واحد !
امممم فعلا معاكي حق ، لا ان شاءالله ، بعد بكرة حيكون جاهز بخلص و بديكي تلفون .
__يا الله ، شكراا بجد لتفهمك ..
ولو .... (اثناء م انا بتكلم ، جا طارق داخل )
قفلته منها بعد خلصته كلامي معاها ... و عاينت لي طارق وكان واقف و بيعاين لي بنظرة غريبة !!
قلت ليهو :
اقوم اسوي ليك حاجة ؟ داير شي ؟
__لالا داير اتكلم معاكي بس !
طيب اقعد في الكرسي مالك واقف كدا ! و امي وين مشت !!
__امي برا قاعدة بتجي اسي !
ايوااا ، طيب اتفضل ...
__بعد تفكير كتير يا وهاد ، انا اخدت قرار ! هو ما فرض عليكي ، بس حسب نظرتي هو مناسب ليكي ..
خير يا طارق !
__ا نا قررت اتزوج !
بجد ياسلااااااااام ياخ ، بالجد انا سعيدة ليك شديد فرحتني من جواا قلبي ياخ ، وربنا يتم ليك على خير ! ههه عارف اتحمسته شديد ، اااه اخيراً حتجيني اخت و زوله تونسنا و تفرق علينا ياسلااام !!
وهاد ...وهاد !!
**اهااا ...
انا عايز اتزوجك انتي ....!!!!
يتبع
#استككانة
#سحر_سمير

و ! الحمدلله اتربيت في اسرة محترمة اكتر من اسرتك اللي ما عرفت تربيك ، و طلعت بي ولد زيك ما تامي راجل حتى !!
#استككانةة🌸..
توقعاتكم للاحداث الجاية  -
#سحر_سمير ...

ة ديك ! ملامحها ترجعك لي ناس زمان يمكن الجيل القبلكم الجمال الطبيعي داك ! المهم يا امي ريم كانت قاعده ! رحبت بيها و سلمت عليها ! يعني من مدة م كانت بتعمل كدا !!
امي: انا في وادي وانتي في وادي ! انا عارفه ان اللي فيهو ريم ضغط نفسي، بس بفكر في مستقبلها يعني منو حيقبل يتزوجها ! وهي م صغيرة ! ولو في زول فكر فيها فحيفكر عشان وضعها المادي ومكانتها !!
رزان: ريم الف من يتمناها وبكرة يجيها نصيبها ربنا ما بينسى زول....صحي ما وريتك *(اتناولت تلفونها من التربيزة)* شوفي..دا التوب الاشتغلتو وهاد شوفيهو !!
امي: شنو !! اسمها منو قلتي؟؟؟؟
رزان: وهاد يا امي ! شوفي الصورة عشان عايزاكي تحكي لي قصة ريم عليك الله يا امي وما ترفضي لي زي كل مرة، عليكي الله......
يتبع
# ﺍﺳﺘﻜﻜﺎﻧﺔﺓ
#سحر_سمير

#قصتي ، خلتني اقتنع تماماً ان مافي مرتين حيقبلو يتشاركوا في راجل واحد !

ملوحظه :
ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !!

ملحوظة تانيه :
مواعيد الحلقات كل يوم الساعه 8:00pm بتوقيت السودان + مافي عدد معين للحلقات .

متابعه ممتعة للجميع |☕️
#فاطمه_قسم_الله
#سحر_سمير
و دعوة حلوة بتسسسعدنااا ♥️

https://tttttt.me/novelssaharsamir/11740