#يتبعني_خيالك
بقلم هبة عبد الرحمن
-٨-

*« عندما ترهقك الحياه وجعًا أرهقها صبرًا وما بعد الصبر إلا الفرج.  أجمل اللحظات عندما يأتي الفرج»*

اخد شهر اجازة ونهى كانت بتمشي دوام صباحي بتجي الظهرية تعبانة ف بقى بحاول يساعد نهى لمن شافها كدا بيصحى الصباح بدري يحضر الفطور ونهى بتقول ليهو لي خليهو انا بعملو بقول ليها لالا  انتي شغالة خلي الفطور علي اتفقنا 💗😇✋وابتسمت ليهو وقالت ليهو شكرا ليك ي مبارك  وبدون م تحس على نفسها باستو.فخدو  وحضنتو وقالت ليهو احلى راجل فالدنيا وبعد شوية رجعت لورا وقبل تتكلم شالت شنطتها وطلعت بسرعه وبقت شغاله تقول انا لي عملت كدا
ومبارك خت يدو فخدو وبقى يتذكر واتذكر ابتسامته وكلمتها (الاخيرة احلى راجل فالدنيا )وبقى يضحك ويهز فراسو مجنونه 
ولملم حاجات الفطور وبعد شوية لقى نفسو حاسي بي فراغ ونهى ماف فالبيت شال تلفونو يتصل ليها لكن تاني اتراجع بدا يحبها لمن بكابر فجاة سمع الباب فتح لقاها نهى قال ليها لي رجعتي بدري قالت ليهو الليله اجازة وقالت ليهو رايك شنو اعمل فشار ونقعد.نحضر فلم وعملتو وجو قعدو وفتحو فلم (جواز ميري)وطفو.الانوار وبقو.يحضرو.ويتونسو ويعلقو ويضحكو لي لحظات نسى نفسو لمن شافها بتضحك  وكان مبسوط شديد من قلبو وشاف فيها لاول مره ملامحها وانها جميلة شديد وبقى م عارف شنو البخليهو منجذب ليها لكن فحاجة بتجذبو وكل م يحاول يكابر يلقى نفسو م قادر 💗يوم بعد نامت دخل غرفتها وبقى بعاين ليها وهي نايمة وبيبتسم  وبدون يحس رقد جمبها وبقى يعاين ليها لحدي م نام صحت الصباح لقتو نايم جمبها فالسرير 😳اتصدمت دا مالو ياربي.😳
قام هو صحا قال ليها صباح الخير قالت ليهو صباح النور قال ليها حقوم احضر احلى فطور 💗😴وقام عمل الفطور وناداها وقال ليها م.بتقدري تاخدي اجازة الليله برضو طولنا م طلعنا من البيت حابين نطلع نتغدا برا وكان محضر ليهم غداء على النيل وهي اتصلت للشغل واخدت اجازة واتجهزو ولبست وهو كان واقف منتظرها واول م جات نازلة اتصدم اول مره يشوفها جميلة كدا 😴💗 (الحب بجمل الزول فنظرك دايما وبخليك تشوفو ملاك زي م بقولو الحب اعمى ) ومسكها من يدها وطلعو وامو شافتهم وكانت مبسوطة اول مره تشوفهم مع بعض طالعين وقاشرين كدا وبقت تدعي انو ربنا يسعدهم  نهى فالطلعه دي قررت تعترف.ليهو بمشاعرها وقررت كمان تطلب منو لو م مبسوط معاها وم قادر يعاملها كزوجة ممكن بنفصلو ويفضلو اصحاب ف قالت ليهو انا عايزة اقول ليك حاجة قال ليها احكي قالت ليهو انا كنت واقفه معاك موجعه لوجعك م كنت حابه اشوفك فالحاله دي نهائي كان نفسي اسعدك واكون ليك الحانب الحلو من الحياة عشان انا حبيتك 💗😴واسي لو انت حاسي انو انت م عايز الزواج دا ممكن ننفصل عادي 😟ونكون اصحاب وعمرس م حتاخر عليك فحاجة خت يدو فخشمها وقال ليها هشششش وفجاة قام وشغل موسيقى وجا قال ليها نرقص وقام يرقص معاها وبدا يتكلم قال ليها بعد.وفاة ثويبة وكل الحصل  قررت انو خلاص حياتي انتهت وما كنت شايف حاجة والدنيا ضلام بالنسبه لي كونو يموت زول عزيز عليك شديد من وقت انا اتعالجت وانتي واقفه جمبي ولا كليتي ولا مليتي مني كنتي دايما قريبه لي وبعد زواجنا كنت فاكر اني ظلمتك وانك بتحبي زول غيري بس لمن سافرنا عشت معاك ايام حلوه وحتى بعد رجعنا كنت دايما من اشوفك م بقدر غير ابتسم  حبيتك غصبا عني وانتي م فيكي شي م بيتحب 💗انسانه طيبه.وزوق وحلوه وكلك على بعضك تخلي الزول يخترمك ويحبك غصبا عنو انا بحبك ي نهى 💗💗وحضنها وحصل صمت بينهم كانهم م مصدقين البيحصل دا 💗💗

#بعد مرور سنتين والله ي نهى  بتك جنات  دي كرهتني تلفوني جنها تلفونات كل شوية تجيني تمسكو مني وتفتح يوتيوب وتحضر طيور الجنه بيبي م ممكن يخ تعالي شيليها بسرعه 😭😭😭يخخخ انا مشغولة  عايزة احمم آسر
قدامك نص ساعة بس لاني طالع الشغل عندي اجتماع مهم وبعداك عندي ليك مفاجأة💗وريني اسي بس لالا الا بعد اجي وحممت اسر وهو مشى الاجتماع وجا قال ليها حنسافر كلنا وكلهم قامو ينططو حتى نهى مهما كبرت م بتعقل ولسه طفلة وانا بقيت اضحك فيها ي مرا انتي بي اولادك ولسه طفلة 😭(ثويبة كانت بتتفرج عليهم من بعيد وبتضحك)💗💗 وكانت وطبعا هم م نسوها وكانو كل فترة والتانية بيختمو القران ليها 💗💗💗دي النهاية 😭💗💗

#خلو ايمانكم ف ربنا قوي  وخليكم مؤمنين بالقضاء والقدر والموت دا حق علينا وكل الناس حتموت والحياة مستمرة وما حتقيف فخليكم اقوياء عشان تقدرو تتحملو الصدمات وما تخلو شي يكسركم  وخليكم واثقين تماما انو مهما كان حجم وجعك  ربنا كريم عليك وحيسعدك وانو كل اختبار صعب حيمر وحتشوف الفرح فالنهاية 💗😭