#الغرفه_٢٠١

بقلم نرمين طه
-٣-

نرمين:الووو
روان:ألحقيني .. غاده بتموت😭😭
نرمين:روان ده شنو .. كيف يعني حصل شنو؟!..
روان:نرمين البت قطعت شراينه😭😭نرمين تعالى سريع .. م عارفه اتصرف
نرمين:طيب روقي .. حسي جايه عليك ..(طلعتا من غرفتي سريع لقيت ماف زول ف الصاله ، و براحه طلعتا من البيت و مشيت ع بيت روان م كان بعيد شديد ..)

اول م دخلتا لقيت حبوبه روان بتصرخ و روان بتبكي و غاده واقعه ف الارض و الدم ف كل مكان ..

نرمين:يلا يلا سريع .. خلونا نوديها المستشفي ارفعوها معاي ..
روان:طيب😭(شلناها سريع و نزلناها العربيه و اتحركنا ع اقرب مستشفي ..)

اول م وصلنا دخلوها الغرفه و دخل ليها الدكتور و انا برجف من المنظر و من هدومي الكلها دم ..
مسكتا تلفوني ضربتا ف رقم عبدو بس كان مقفوول ..

نرمين:دي شنو المصيبه دي ..(اتذكرتا انو هشام ح يكون عندو رقم عمر طوالى ضربتا ل هشام و الساعه وقتها كان ١٢ ..)

هشام رده لي بخلعه ..

هشام:نرمين انتى كويسه؟!..
نرمين:عايزه رقم عمر ..
هشام:عمر منو؟!..
نرمين:هشام ركز معاي !!..عايزه رقم عمر صحبك ياخ .. قبيل كان ف الجامعه و شفناهو ف الحفله ..
هشام:م فاهم عايزه برقمو شنو؟!..
نرمين:هشام .. انا مستعجله لو سمحتا رسل لي رقمو ضروري .. بعدين بحكي ليك
هشام:(سكت مسافه) طيب برسلو ..

فعلا اول م قفلتا منو رسل لي الرقم و انا طوالى ضربتا ليهو ..
رده لي و كان صوتو زي نايم ..

عمر:منو؟!..
نرمين:عمر غاده انتحرت!!
عمر:كيف يعني؟!..انتى منو و هيا وين؟!..
نرمين:انا نرمين يعني ح تكون منو الضاربه ليك و بتقول ليك غاده انتحرت !!..احنا ف مستشفي () ..
عمر:جاي عليكم ..(و قفل ..)

قعدنا ع اعصابنا و روان كانت بتبكي بطريقه هستيريه ..

نرمين:ي روان روقي شويه ..
روان:اروق شنو؟!..هو كل يوم ف زول بنتحر قدامي يعني😭م شفتي منظر البت كان كيف!!😭حسي لو ماتت؟!..
نرمين:م تخافي م ح تموت و ان شاء لله ح تبقا كويسه .. بس حصل شنو يعني يخليها تعمل كده .. م قادره افهم💔

بعد مسافه عمر جا ..

عمر:نرمين .. وين غاده

نرمين:ف بطني

عمر:ي رب صبرني

نرمين:يعني ح تكون وين؟!..جوه الغرفه ح يكونو بعملو ليها عمليه

عمر:حصل شنو طيب؟!..
نرمين:و الله انا زاتي م عارفه .
عمر:روان ممكن افهم حصل شنو؟!..
روان:هيا بس كانت بتتكلم مع عبدو بتلفوني😭م عارفه بعدها حصل شنو
عمر:كانت بتتكلم مع عبدو .. (و راسو فجأه بقا بوجعو و بتذكر لحظات قديمه و الصوره ف راسو طشاش طشاش ..)

#باك_فلاش قبل سنين

=جيبو الدكتور البت بتموت ..

_ألحقوها ف الغرفه ٢٠١

=حسي كانت كويسه حصل ليها شنو ي ربي ..

_ليه قافلين الغرفه كده !!..

ف الوقت الحالي :

نرمين:عمر انتا كويس
عمر:اي اي .. بس ح اطلع بره شويه ..(و طلع طوالى ..)

روان:مالو
نرمين:م عارفه ..

عمر طلع وقف ف الشارع و بقا خاتي يدوو ف راسو و الجمله بتتردد ف راسو " البت شكلها ح تموت ، أفتحو باب الغرفه ده "

نرمين:عمر ..

عمر:(اتلفت عليها بخلعه ..)اي

نرمين:انت شكلك م كويس .. لو عايز خلينا نقعد شويه

عمر:انا كويس ، راسي واجعني بس .

نرمين:اها ..

عمر:هيا م ح تموت ..

نرمين:..(كان بعاين لي جوه عيوني و بتكلم ..)

عمر:لو الحيوان داك طلع هو السبب ح اقتلو ..

كنتا بعاين ل عمر بأستغراب و م قادره ارد ..
كنتا خايفه شديد ، عرووقو كانت ظاهره و لون عيووونو حمره و وشو بقا اصفر كأنو ح يقتل زول بجد ..

دخلنا المستشفي لقينا الدكتور طلع و بتكلم مع روان ..

نرمين:ي دكتور .. حصل شنو .. طمنا ..

_م تخافو الحمد لله هيا حسي كويسه .. بس لازم نقعدا يومين ف المستشفي و كمان الانتحار ده م موضوع ساهل لازم تشوفو ليها دكتور نفسي ..💔

عمر:حمد لله انها حسي كويسه الباقي بتحل ..

_ماف شي بتحل ، المرض النفسي اصعب من المرض الجسدي و م دام عملت كده اول مره ح تعمل كده للمره التانيه ..
" لو م لقت علاج لسبب وصولا للانتحار ، ح تموت بطريقه تانيه بكره ."

الدكتور اتكلم معانا كلامو ده و مشا طوالى ..

روان:انا ح اضرب ل حبوبه عشان م تقلق ..
نرمين:هيا رجعت البيت
روان:اي كانت تعبانه شديد
نرمين:تمام ..

عمر:(مسك راسو تاني ..)اسكتو اسكتو
نرمين:نعم؟!..
عمر:م معاكي .. انا ماشي مكان و جاي م ح اتأخر
نرمين:طيب ..

بقيت بعاين ليهو و هو ماشي و يدو بترجف .

نرمين:ي ربي ح يكون مالو !!..

عمر ركب العربيه حقتو و يدو بقت ترجف بطريقه خياليه و بقا م قادر ياخذ نفسو ..
فتح الشباك حقه العربيه و بقا بحاول يتنفس و كل م يغمض عيونو يسمع صوتها ..

" انا ح أموت ف الغرفه دي ، وقتها ح تندم ."

عمر:ي الله خلى الصوت ده يسكت ..

تاني جاهو صوت واحد بردد " أحنا قتلناها ."

عمر:أنا م قتلتا زول .. أنا م قتلتا زول😭💔

ف مكان تاني ف نفس الوقت ..

_عمر كان السبب .. عمر لازم يندم ع كل حاجه حصلت ف اليوم داك .

#الغرفه_٢٠١
بقلم نرمين طه
-٤-
هو انا فعلا عايزه اموت؟!..ده كان السؤال ال ف بالي و انا م واعيه ..
هو انا بقدر اقابل ربنا كده؟!..
انا خايفه شديد ، و عندي احساس انو دي النهايه ..
بس انا م مستعده اموت ، انا م عايزه اموت !...

نرمين:(فتحتا عيوني شويه شويه ،، كان ف صوت بكا جمبي و ناس واقفين ف راسي ..)انا مته؟!..
روان:ي حيوانه😭😭تموتي كيف بنموت وراكي😭😭
نور:نرمين انتى كويسه😭
ساميه:واي ي بتي وقفتي قلبنا😭😭

حاولتا استوعب الحاصل بس م قدرتا و رجعتا غمضتا عيووني ..

حلمتا انو ف زول واقف بعيد و لابس اسود و كل م احاول اقرب منو قلبي بقبضني زياده ..
ف النهايه لمن وصلتا عندو أختفى💔

م عارفه مشا كم من الوقت امكن يوم او يومين ..

فتحتا عيوني لقيت مريم جمبي و الغرفه فاضيه ..

نرمين:مريم💔
مريم:(قامت بخلعه ..)نرمين😭صحيتي!!حاسه ب حاجه؟!..انتى كويسه
نرمين:انا كويسه .. حصل ايه؟!..
مريم:احنا المفروض نسألك حصل ايه ، الضربك منو !!..
نرمين:(سكتا مسافه ..)م متذكره شي
مريم:كيف يعني!!
نرمين:بجد م متذكره !!..م عارفه منو ضربني ..
مريم:المهم حسي انتى كويسه ؟!..
نرمين:وين ناس امي
مريم:ف البيت .. كل يوم بنوم عندك زول .
نرمين:كل يوم!!ليه انا لي كم هنا؟!..
مريم:اسبوعين ..
نرمين:نعم!!!!اسبوووعين !!..
مريم:اي و الله ، بس الحمد لله صحتك ماشه للأحسن ..
نرمين:(اخذتا نفس عميق و غمضتا عيوني و كنتا بحاول اتذكر اي شي حصل معاي ف يوم الحادثه بس م قدرتا ..
اتذكرتا لقطات و انو ف زول كان ماسك يدي بس اكيد ده خيال !!..)

مريم نزلت جابت لي شوربه و شربتها و جابت لي عصير و بقت بتحاول تتونس معاي بس انا م قادره اتكلم اصلا ..

بعد صلاه الفجر باب الغرفه دقه و انا اتخلعتا ..

نرمين:م تفتحي💔
مريم:ي بت قولي بسم الله يعني ح يكون منو
نرمين:مريم م عارفه بس م تفتحي💔
مريم:(عاينت لي مسافه و قامت وقفت جمبه الباب ..)منووو؟!..

_ أناا ..

نرمين:ده منو
مريم:روقي ..(فتحت الباب لقتو عمر ..)عمر كيف
عمر:تمام كيف انتى ..
مريم:تمام .. ادخل نرمين صحت قبل شويتين كده💜

عمر دخل و وقف جمبي و فضل بعاين لي مسافه ..

عمر:بقيتي كيف!!

نرمين:انتا من وين عرفتا !!..

مريم:هو الجابك المستشفي .. (و تلفونها ضرب ..)دي أمي ح ارد عليها و اجيكم ..(و طلعت بره .)

نرمين:انتا .. كيف عرفتا !!..

عمر:(جاب كرسي و قعد جمبي ..)آسف

نرمين:آسف ع ايه؟!..

عمر:ع حاجه كنتا ح اندم عليها شديد لو م بقيتي كويسه

نرمين:م فاهمه!!!

عمر:هو انتى كويسه؟!..

نرمين:م عارفه .. انا م عارفه حصل معاي شنو .. انا ..

عمر:(قاطعني ..)م ضروري تعرفي ، المهم انك عايشه و أنك بصحه و عافيه💜

نرمين:كيف لقيتني؟!..

عمر:(سكت مسافه ..)خلينا نقول صدفه .

نرمين:امممم

عمر قعد معاي لمن مريم جات و بعدها أستأذن طلع ..
كان ف شي غريب بس م قدرتا افهمو ..

...................................................

بلسان عمر :

طلعتا من عنده نرمين و وقفتا قصاد المستشفي و بقيت بفكر لو أنا م قدرتا انقذا !!..
كنت ح اكون سبب ف انو انسان تاني يموت بسببي ..

#باك_فلاش قبل اسبووعين :

كنتا قاعد ف القهوه مع الشباب فجأه ضرب لي أحمد أخو غاده ..

احمد:ي مان
عمر:احكي ..
احمد:إسماعيل ده طلع و مشا ل نرمين
عمر:كيف يعني؟!..
احمد:هو خاتى البت ف راسو من م غاده ماتت ، و احنا م ناقصنا وجع راس ، إسماعيل ح يدخلنا ف مشاكل احنا م قدرها .
عمر:هما وين حسي؟!..
احمد:العارفو انو خرب ليها عربيته ، اكيد ح تتعطل ف حته قريبه للجامعه ال هيا بتقره فيها ..
عمر:تمام ..

قفلتا الخط و مشيت و بقيت بفتش زي المجنون ..

م لقيتا و م عرفتا هيا ممكن تمشي بياتو شارع ..

ضربتا ل إسماعيل و الحمد لله رده لي ..

عمر:عملتا شنو انتا؟!..البت وين
إسماعيل:ي زول البت بقت ف خبر كان
عمر:إسماعيل م تجنني عملتا شنو😡
إسماعيل:م عارفه مااتت و لا لا .. بس هيا ف () ..

قفلتا الخط و مشيت بسرعه ع الشارع القالو لي و فعلا كانت مرميه بطرف الشارع و ماف زول لاحظ ليها ..

م كانت بتتحرك ، زي الطفله النايمه ..
شفتا نبضها لقيتو لسه ..
كانت بتتكلم براحه و تقول " م عايزه اموت براي ، م تخلوني براي .."

وقتها من غير احس مسكتا يدها ..
عرفتا انها م خايفه من الموت ع قدر م خايفه من انها تواجهه اللحظات دي براها💔

شلتها و وديتا ع اقرب مستشفي .. و الطريق كلو م كانت بتقول شى غير " م تخلوني براي ."

م كنتا بعرفا كويس بس اللحظات دي أكدت لي أنها أنسانه وحيده لأبعد درجه ، و أنها رغم الناس الحوليها كانت حاسه بوحدة ،، الحاجه دي انعكست ف الموقف ده .
الخوف من حاجه م بجى من فراغ ، احنا دايما بنخاف من الحاجه ال عندنا ..
هيا بتخاف من الوحده لأنها فعلا و للأسف وحيدة 💔💔

م راجعتا البارت ،، لو ف غلطات املائيه اعملو نايمين😂😂

#الغرفه_٢٠١

بقلم نرمين طه
-٥-

فارس:هههه ، وحده؟!..دي منووو

_أسمها نرمين ،، بتقرى ف جامعه ()

فارس:اتعرف عليها كيف؟!..

_م عندي فكره

فارس:امشي اعرف طيب ،، و عايزك تعرف هيا بتمشي وين و بتكون وين و ااساعه كم بالظبط

_هيا عامله كان حادث قريب ،، م بتطلع كتير الايام دي

فارس:امممم ،، تمام (و قفل الخط ..) بقيت تحب ي فارس تاني ،، بس لسه ف حساب بيناتنا م خلص ..

فارس مشا وقف قصاد وحده من مستشفيات الخرطوم الكبيره ،، قعد زي ساعتين و هو بس واقف و بعاين ..

فارس:أحنا قتلناكي .. هو كمل حياتو ،، و انا لسه واقف عندك💔

...................................................

عنده نرمين :

كنتا قاعده ف غرفتي و نعسانه شديد لقيت عمر اون لاين ف الواتس ،، كان نفسي ارسل ليهو بس مسكتا نفسي و بقيت بعاين للبروفايل ،، كان خاتي صوره سوده م فيها و لا حاجه و الحاله تحت عباره عن نقطه صغيره ..
الغريب انو عمر كان بالنسبه لي غريب بعد ده كلو !!..
م عارفه عنو حاجه غير اسمو ،، حتي تصرفاتو غريبه و كنتا متأكده انو لو كملتا معاهو علاقتنا ح تكون غريبه !!..
كان قافل ع نفسو و الحاجه دي كانت ظاهره شديد .. و انا كان نفسي بس ادخل الصندوق ده .. الصندوق السري ال هو عايش فيهو !!..

رسلتا ليهو و كتبتا " لسه م نمتا !!.." رده لي بعد مسافه " م نعسان شديد !.."
قلتا ليهو " امممم ،، بتحب و لا حاجه ؟!..😂"
قال لي " انا أخر زول أحب !.."

فضلتا اعاين لرسالتو دي مسافه بعدهاا رديت " البقولو كده بقعووو رب !!.."
قال لي " نشووف منو يووقعني رب😂المهم تصبحي ع خير💗"
قلتا ليهو " و انتاا بخير😊"

طلعتا من الواتس و النوم ابا يجيني .. نزلتا تحت الصاله و جيت ماره جمبه غرفه امي سمعتا صوتها و استغربتا لانها بتنوم بدري كل يوم !!..

وقفتا جمب الباب و فتحتو براحه لقيتا بتتكلم بالتلفون ..

ساميه:بجد ،، انا كمان اشتقتا ليك💔و اشتقتا لونستك الكتيره دي !! ي راجل أتلما شويه و احترم عمرك😂.. الشغل بقا بحرمني منك💔م مشكله لكن بستحمل ،، كفايه علي اسمع صوتك↖💗

قفلتا الباب براحه من غير اخليها تحس و بقيت مستغربه !!..
ابوي و امي عمرهم م كانو كده!!اصلا هما نادرا م يتكلمو مع بعض😂حسي بحبو ف بعض؟!..

حاولتا اتجاهل الموضوع و دخلتا المطبخ بقيت بعمل لي ف مكرونه بالبشمل😂اي اي مكرونه نص الليل بس النفسيات بتعمل فيني كده !!!

ظبطا لي عصير كركدي و قعدتا اكل و بعدها مشيت حضرتا لي فلم ظابط😂😂
زي الفجر كده دخلتا الواتس قلتا اشوف الحاصل قبل انوم لقيت عمر مرسل لي الساعه ٢ صباحا ..

" حلمتا بيكي !.."

طبعا انا بقره ف كلامو و قلبي شغال دل دل😂💗

م قدرتا استحمل و ضربتا ليهو ،، رده لي بأستغراب ..

عمر:لسه صاحيه انتى؟!..

نرمين:لا بكلمك من الحلم😂

عمر:ظريفه

نرمين:حلمتا ب شنو!!انجز عايزه انوم

عمر:كنتى بتتمرجحي

نرمين:الله نفسي ألعب و الله و اتمرجح😂

عمر:شافعه

نرمين:اسكت اها و تاني ..

عمر:بس انا جيت و وقفتا جمبك ..

نرمين:بس !!

عمر:انتى عارفه ،، اول مره من فتره طويله احلم ،، غريبه صح؟!..

نرمين:عشان تعرف اني بدي لحياه اي زول لون مختلف🙆

عمر:انا غلطان بتكلم مع اشكالك

نرمين:خلاص خلاص😂😂

استمرينا بنتكلم زي ساعتين !! اي ساعتين عديل ..
كلها كانت تضحك و شتايم ..
بعد قفلتا منو كانت الساعه ٦ إلا ،، م حسيت بالوقت خالص ..
قعدتا ف الكنبه بفكر ده شنو !! انا بعد هشام خالص م اتوقعتا اني ح اتقبل زول ف حياتي من جديد ..
عمر ده شنو حسي؟!..صاحب و لا عابر و لا شنو !!..

فجأه جات رساله عاديه من عمر محتواها " شكرا ع الوقت الجميل العديتو بسببك ، الليل قاسي و اول مره يمر سريع كده " !!..

م قدرتا ارد او م عرفتا ارد .. انا عايزه زول يقول لي كلام حلو و عايزه اعيش الحب من تاني بس كيف ح ارجع اصدق !!..

"
كيف يُمكِن أن نقُول لهم أننا نُحِبُّ الكلام الجمِيل بقَدر ما بِتنا لا نُؤمِن به ، وأننا نمِيلُ نحو الإهتمام بالقَدر الذي بتنَا نخافُ أن نفقِده بعد حين..
وكيفَ يمكِن أن نعلِّمهم أننا حتى الآن نفزَع بالخطوَات المُفاجِئة والمُبادرات الجنُونية لكننا نُقابِلها بالتجَاهُل لأننا نخاف خُذلان اللَّحظات الجمِيلَة لنَا!
نخاف النِّهايات بالقَدر الذي نحبُّ فيه البِدايات وحرارتهَا!
نخافُ على أنفسنَا بالقَدر الذي نتمنَّى لو نجِد من نسلِّمه إياها بكل ما أثقِلت من مخاوِف وهواجِس!
كيف؟!..
"

............................

بلسان عمر :

من سنين و الليل طويل ،، بمشي براحه و بقعد بفكر فيهو ف حاجات قديمه إلا الليله ،، م حسيت فيهو بمقدار الألم البحسو كل يوم ..
اول مره يطلع الضو و راسي م مصدع و اول مره اضحك كده من مده !..

خايف اتعلق اكتر ،، خايف أكون سبب ف علاقه فاشله تانيه ..
انا بجد خايف !!..

ف مكان تاني ف نفس الوقت ..

" يخوااني م عندي ماسنجر و الله بس شفتا كميه الرسايل و الناس منتظرين البارت بس كنتا ف حته خالص م فيها شبكه و حسي رجعتا البيت و اول م وصلتل نزلتا + الأحداث الجايه ح تكون عن قصص الحب ال ح تتولد ،، نبعد شويه من الاكشن و نعيش ف جفاف 😂"

#الغرفه_٢٠١
بقلم نرمين طه
-٦-

فارس:انا فارس ..

مريم:و دي نرمين

نرمين:(أبتسمتا ليهو ..)

فارس:نرمين م بتحب تتعرف ع الناس شكلها
مريم:اي دمها تقيل شوويه😂
نرمين:مريييم
مريم:خلاص ،، احنا نستأذن نمشي
فارس:اكييد ،، م اخر مره نتلاقي ان شاء لله
مريم:ان شاء لله ..

مشينا مسافه و عاينتا وره لقيتو مشا ..

نرمين:انتى ي بت وسخه!!ده شنو ده!! انتى م ح تسيبي عادتك دي
مريم:ياتو عاده ..
نرمين:أنك تتعرفى ع اي زول كده .. حسي لو طلع زول م كويس و فهمك غلط ..
مريم:اوووف ي نرمين خلاص ،، وقفنا اتكلمنا مع الولد دقيقتين حصل شنو يعني .. بعدين هو سمحححح شدييييد
نرمين:ي رب صبرني ..

دخلنا البيت و انا زهجانه ..

روان:حصل شنو بسم الله
مريم:اخخخ ي روان ،، جا سكن جمبهم واحد من شده م حلو م بتقدري تعايني ليهو مرتين😭
روان:واي كذاابه .. بس خلاص نجي نعيش معاها
نرمين:عان دي كمان ..
نور:ده منو ..
مريم:اسموو فارس .. اسمو زاتوو عسسسل💘
نور:يعني سمح للدرجه دي😂
ساميه:عاد خلاص ح القاكم ٢٤ ساعه ف الشارع تاني .. لو انتو بتنبرشو كده الاولاد يعملو شنو😂😂

عملنا الفشاار و قعدنا نحضر الفلم و بعد انتهى كان ساعه وحده جات طوالى نور طلعت غرفتا و انا و البنات غرفتي ..

هما نامو طوالى و انا م قدرتا انوم ..
كنتا بحاول اتذكر الحصل يوم الحادثه ،، شلتا الدبدووب الجابو لي عمر و طلعتا البلكونه ..
الجو كان شبهه بارد و الشوارع هاديه شدييد و السما صافيه !!..

بقيت بفكر ف كل حاجه و ف نفس الوقت و لا حاجه !!..
م عارفه كيف بس كانت لحظه عابره ..
ف نص عدم تركيزي ده كان ف البلكونه الجمبنا فارس واقف ..
خاتى يدوو ف جيبو و بعاين لي ..

م انتبهتا ليهو و لمن حسيت أني نعستا دخلتا عشان انوووم ..
كان ف شى جواى مشتاق ل عمر ..
بس م كنتا عايزه ارسل ليهو ..


تاني يوم من بدري طلعتا مع روان و مريم عشان نمشي الجامعه و ع حظنا الزفت سيارتي كانت عطلانه و سياره ابوي اصلا سافر بيها ..

مريم:شكلوو الليله ح نمشي بموااصلات ..
نرمين:اووف ياخ .. ارح طيب ح نتأخر ..

فعلا طلعنا وقفنا بره ساعه و ماف اي مواصلات ..

بعد مسافه م طويله جات عربيه كبيره بيضه كلها مظلله و وقفت قدامنا ..

نزل الشباك القدام و طلع فارس ..

فارس:ماشين ع وين
نرمين:مكان قريب
مريم:م قريب ماشين جامعه () .. م لاقين مواصلات
نرمين:استغفر الله
فارس:انا شغلى قريب من هناك ،، لو م فيها حاجه اوصلكم
روان:م فيها طبعا
نرمين:لا فيها ي استاذه
فارس:ههه ،، هو انتى عصبيه كده دايما
نرمين:(عاينتا ليهو و م رديت ..)
مريم:نرمين م فيها شي ،، المحاضره ح تفوتنا و ح نقيف ساي ..
روان:اعتبريهو ترحال بس ..
نرمين:ح اوريكم لمن نرجع ..

ركبنا انا و روان وره و مريم طبعا قدام و أستلمت الونسه مع فارس😂
اليشوفها يحسها صحبتو من سنين ..

الطريق كلو بتكلمو و روان معاهم و انا ساكته ..

الصراحه م بحب ادخل ف الناس سريع و لو م اتعرفتا ع الزول كويس م بقدر أثق فيهو ..

أثناء م احنا ماشين جا واحد مسرع و كان ح يضربنا بس ف اخر لحظه قدر يوقف العريبه و فارس رجع وره طوالى ..

مع الصدمه و الصرخه بتاعت البنات اتذكرتا يوم الحادثه و السكين ..
بقيت برجف و م قادره اخذ نفس ..

روان:نرمين مالك ..
فارس:(عاين لي بأستغراب ..)ف شنو
مريم:دقيقه ننزلا ..(جات مريم و فتحت لي الباب و بقت بتحاول تهدى فيني بس انا خالص م قادره اتنفس ..)
روان:مريم ف شنو ،، مالا هيا😭💔
مريم:م عارفه ياخخ ..
فارس:(جا وقف قصادي و مسك لي يدي ..)عايني لي ،، عايني لي جوه عيوني .. ماف حاجه .. خايفه من شنو انتى
نرمين:ح يقتلني😭😭
فارس:ماف زول ح يقتلك .. احنا هنا معاكي .. انسى الحاجه البتفكري فيها دي لانها م حقيقه ..
نرمين:(كنتا بعاين ليهو و بسمع كلامو و شويه شويه بديت ارجع طبيعيه ..)
فارس:تعالى ..(ركبني قدام و فتح لي الشباك و طلع لي قزازه مويه ..)هااا .. احسن
نرمين:.. احسن

مريم و روان رجعو وره و اتحركنا ع الجامعه بعد نص ساعه كده وصلنا ..

فارس:انا شايف احسن ترجعي البيت ..
نرمين:لا انا كويسه ..
فارس:م عارف لو عادي اقول الكلام ده ، بس احنا جيران ف النهايه .. (طلع لي ورقه اداني ليها ..)ده رقمي .. م معرووف يحصل شنو بس لو احتجتى ل اي شي اضربي لي ..
نرمين:(كنتا ساكته مسافه ..)طيب .. شكرا💜
فارس:العفو💜

البنات شكرووهو و نزلنا ..

مريم:واي شفتو عمل شنو مع نرمين ، انا ح اعرسو بس
روان:ظريف شديد و الله و شكلو كووويس
نرمين:(عاينتا للرقم ..)يعني .. بس حاسه انو ف شى غلط
مريم:م تحسى لينا بالله ..

و احنا داخلين الجامعه لمحتا اولاد واقفين بس وقفتم كانت غريبه ..

#الغرفه_٢٠١

بقلم نرمين طه
-٧-

عنده عمر :

كان واقع ف الارض و بعاين للولد الهجم عليهو بأستغراب ..

_انتا ح تمشي من ربنا وين؟!..يعني ف الدنيا بتعمل العايزو ف الاخره ح تعمل شنو؟!..قايل ارواح الناس لعبه !!..قايل انك تضيع الشباب ديل دي حاجه ساهله؟!..دعوات الامهات دي ح تمشي منك وين؟!..الليله مبسوطه و رايق بكره ح يحصل ليك شنو؟!..انت ح تتعذب زي م الناس أتعذبت بسببك ،، و اناا ف و ح اشووف عذابك ده كلووو !!..(و مشا طوالى ..)

عمر قام و قعد ف الكرسي و الشباب بقووو يسألوهو لو كووويس ،، بس هو بالوو كان مع الولد الغريب الجاهو ده !!..
م قدر يعرفو منو و م قدر يرده عليهو !!..
احساس عمر بتأنيب الضمير كان دايما جواهوو و بزيييد مع كل مره بس الشيطان كان اكبر من كده ..

عمر اتحرك و كان حاايم بالعربيه و زهجان شديد ..
جاتو مكالمه من نرمين ..
استغرب لانها م بتضرب ليهو أبدآ ..

عمر:اي
نرمين:ي عمر ، عليك الله شووف جمبك لو وقعتا فردة حلقي !..
عمر:(عاين للكرسي لقا ماف شي ، بقا بفتشو تحت و فعلا لقا حلق ذهب وااقع ..)اي اي ف ..
نرمين:واي الحمد لله .. قلبي كان ح يقيف
عمر:هديه شكلو ؟!..
نرمين:من زول عزيز علي شديد💔
عمر:(سكت مسافه ..)امممم ،، خلاص انتى وين حسي
نرمين:ف البيت طالعه ع الجامعه
عمر:استنيني ح اجيكي ..
نرمين:بس .. الوو ..(عاينتا لقيتو قفل الخط !!..)الولد ده مجنون !!..

بعد ربع ساعه كده رسل لي عشان انزل ليهو و فعلا نزلتا و ركبتا لمن عاينتا ليهو اتخلعتا شديييد ..

نرمين:عمر ده شنو؟!..مالك؟!..منو عمل فيك كده !!
عمر:ماف شى
نرمين:كيف مااف شى !! عاين وشك ده عامل كيف💔
عمر:شكله صغيره
نرمين:مع منو؟!..
عمر:واحد معاي ف الشغل
نرمين:انت كويس؟!..
عمر:يعني ، ح اكون كووويس لو عزمتيني حاجه
نرمين:انت بتقول لي اعزمك و بس نمشي حته تقوم تدفع انتا
عمر:عيب اخليكي تدفعي و انتى معاي😂
نرمين:ي شيخخخ !! خلاص ارح ف حته حلوه شديييد ..

اتحركنا و مشينا ع كافى حلو شديد و قعدتو ظريفه و كان هاادى ..

عمر:حلو المكان ده
نرمين:اي .. كنتا بجي دايما مع شهااب
عمر:(سكت مسافه ..)شهااب !!..نفسو الجاب ليكي الحلق
نرمين:اي💜
عمر:امممم .. و ده منو ان شاء لله
نرمين:مالك انفعلتا كده😂
عمر:م انفعلتا بس هو فاتح نفسو و جايب ليكي حلق ذهب .. شكلو كان قريب منك شديد
نرمين:لا انتا بالك مشا بعيد😂😂😂😂😂
عمر:جيبيهو قريب طيب ،، ده منو ي نرمين؟!..
نرمين:اخوووي
عمر:اخوكي!!!
نرمين:اي اخوي😂💜
عمر:م قايل عندك اخووو
نرمين:هو كان .. يعني .. أتوفى 💔 ربنا يرحمو ..
عمر:انا بجد يعني م قايل كده ،، معلش💜
نرمين:لا عادي ..
عمر:م عايز اضايقك بس انا عايز اعرف عنك حاجات اكتر .. يعني م عارف اشرح ليكي
نرمين:اوريك ، انا عمري ٢١ سنه اكبر من نوور اختي بسنتين .. و شهاب كان اكبر مني ب ٥ سنين ..
ابوي شغال ف التجاره و هو كان بساعدوو💜ف يوم شهاب كان مسافر بالعربيه و عمل حادث ف الطريق .. قبل تلاته سنين💔شهااب كان قريب مننا شديد ، كان حنين و بجد كان دايما بدعمنا .. من بعد وفاتو ابووي اتغير شديد ..
بقا قاسي و صعب زياده !!..
يعني هو زمان كان كعب بس حسي وصل مراحل أكعب !!..
امي كمان بقت كئيبه ، م بتطلع زي زمان و م بتدخل ..
موت شهاب غير حياتنا ، بس ديل أحنا

عمر:الفقد بعمل كده ،، بعيدا عن المسميات بس اي زول فقد زول غالي عليهو أتحولت حياتو بالطريقه دي💔

نرمين:انتا فقدتا ؟!..

عمر:... بالمناسبه ، انتى وريتيني قصت عيلتك ، بس انا م عايز اعرفم هما ، انا عايز اعرفك انتى💜

نرمين:جداا ي سيدي😂(طلبنا قهوه و فطااير و بقيت احكي ليهو عني و هو بس ساكت و بسمعني ..)

انا م عارفه كيف الوقت بعدى و انا معاهو !!..
لمن وصلنا الكافى كانت الساعه ١٠ بعد عاينتا للساعه تاني لقيتها ١ ونص 😂💜💜💜

قلتا ليهو اني لازم امشي الجامعه وفعلا وصلني .. ودعتو و نزلتا ..

بعد نزلتا ف واحد سنيرنا جا علي و سلم علي و كده !!..

و طلب مني اوراق حقة ماده عندنا هو محتاج ليها و قلتا ليهو انو م معاي و بجيباا ليهو بكره و دخلتا !!..

...........................

بلسان عمر :

نزلتا نرمين و عاينتا ليها لمن دخلت بعدين اتحركتا و مشيت ع مكان شغل خاالد ..
اول م شافني أتخلع ..

خالد:جابك هنا شنو؟!..مش اتفقنا م ح نتقابل ف امااكن زي دي ..
عمر:مالو .. حسي نتقابل!! حسي عايز افهم الحاصل ، عشان م اعمل ليك شكله و ادخلك ف مشكله مع ابووك
خالد:انت زعلان ليه؟!..ده شغلنا بعد ده !! انا اشتريت منك المخدرات و الموضوع انتهى !! اعمل بيهو شنو دي حاجه ترجع لي انا ..

#الغرفه_٢٠١

بقلم نرمين طه
-٨-

ساميه طلعت من نسرين و مشت تقابل زول ..

ف واحد من المطاعم :

ساميه:اشتقتا ليك💔💔م حرام عليك البتعملو ده!!!

حسين:م حرام عليكي انتى؟!..انا قلتا ليكي خليناا نهرب انتى م بتسمعي الكلام !! خاربه حياتي و حياتك

ساميه:انا عندي عيال

حسين:انا برضو عندي عيال و خربتا بيتي بسببك و مرتي عرفت اي شي و سبتا البيت !! انتى م قادره تعملى كده

ساميه:انتا ي راجل داير تغش منو؟!..بيتك اتخرب بسبب السم البتشربو ده ،، م بسببي انا!!!

حسين:انا خليتو ..

ساميه:قبل يومين مش ضربتا لي و كنتا سكران !!

حسين:ي زوله كلامي معاك الليله محسوووم ي تسيبي البيت و نهرب ي البينا ده يخلص

ساميه:حسين ده كلام شنو؟!..احنا ف العمر ده و نهرب؟!..ح يقولو علينا شنو؟!..بناتي شعورم ح يكوون كيف !!

حسين:دي مشكلتك انتى .. اصلا كلو بسبب راجلك محمد ده ،، زمان لو م اخذك مني بالغصب م كان وصلنا هنا !! تعبتا من كلام التلفونات انا عايزك جمبي عديلل .. م بتقدري تعملى كده ؟!..

ساميه:(سكتت ..)

عنده نرمين :

كنتا راقده و بفكر ف جمال اليوم ده ،، مسكتا تلفوني و قلتا اضرب ل عمر تاني قلتا لا ماف دااعي للخفه ..

طلعتا البلكونه و لمحتا رجال كتاار داخلين بيت فارس ..
م ركزتا شديد لكن فجأه واحد فيهم ضرب التاني و اتقلبت شكله و انا بقيت بعاين و مستغربه و بحاول اشوف فارس وين بس الدنيا ظلمه و م قدرتا اعرف لو كان معاهم و لا لا ..

فجأه واحد من الرجال طلع سلاح و انا هنا خلاص بقيت برجف !!..

الراجل الطلع السلاح مسك الراجل ال كان بتشاكل معاهو من يدووو و خته السلاح ف راسووو و دخلووو البيت ..

م عرفتا اعمل شنو بس طوالى اتذكرتا الورقه الأداني ليها فارس و فيها رقمو و مشيت فتشتها و قلبتا الغرفه لمن لقيتها و طوالى ضربتا ..

فارس كان لسه قاعد جمبه عمر و ماف زول فيهم بتكلم مع التاني ..

لمن تلفونوو ضرب و شاف الزول البضرب اتخلع ،، هو مسبقا مسجل رقم نرمين بس م رسل ليها و لا حسسا بالحاجه دي ..

قام من جمبه عمر و وقف بعيييد ..

فاارس:الوووو
نرمين:فارس .. انت كويس
فارس:(حااول م يحسسا بحاجه ..)منو؟!..
نرمين:انا نرمين
فارس:انا كويس .. بس ليه بتسألي؟!..
نرمين:انت ف البيت؟!..
فارس:لا
نرمين:طيب شووف (و حكيت ليهو الشفتووو كلووو ..)
فارس:(سكت مساافه ..)م عارف ديييل منو ،، بس حسي بشووف الحاصل
نرمين:فارس امكن يعملو ليك شي م تجي براك ..
فارس:(بأبتسامه ..)حااضر م ح اجي براي ..(قفل الخط و حاجه فيهو مبسووطه ،، كان عارف انو اهتمام نرمين او خوفها م دليل اعجاب و انها بس غبيه و بتعمل حاجات عفويه من غير تفكر ..)

فارس مشا ل عمر ..

فارس:البينا م انتهى ي ود الخاله !! بالمناسبه بت عمك ال هيا اختي عقدها يوم الجمعه طبعا انتا معزوووم .. ف النهايه ال دم بحن !!..(و طلع ..)

فاارس ركب العربيه و مشاا ع البيت و هو زهجاان ، ضرب ل واحد و بقا جايط ..

فارس:يعني انتو م بتقدرو تحلووو مشاكلكم الا كده😡حماار انا الخليتكم تجو البيت عندي و تتفاهمو ..

_بس ..

فارس:(قاطعو ..)م عايز افهم الحصل و لا شنو الخلاكم تتشاكلو ، حسي ح تنفذو البقوولو من غير اي اسأله ..( و فهمو اي شي ..)

عنده نرمين :

كنتا واقفه و قلقانه شديد ،، فجأه جات عربيه فاارس و وقفت تحت و انا بعاين ليهو ..
فتح الباب الكبير و دخل ع الحووش و هو اول م دخل طلعو الرجال ..

ف البدايه كانو بتكلمو بس و طبعا انا م سامعه شي فجأه فارس هجم ع الراجل و هو هجم عليهو و اتقلبت شكله و بعد مسافه اتلمو عليهو و انا بقيت بصرخ من غير أشعر و طوالى جريت و نزلتا تحت و من غير افكر مشيت ع بيت فارس ..

اول م وصلتا الرجال طلعو و انا دخلتا جوه لقيت فارس واقع ف الارض ..

نرمين:فااارس .. واي قلتا ليك م تجي براك ياخخ ..(مشيت قومتو شويه شويه ..)انت كويس !! حصل شنو !!!

فارس:كويس كويس ،، بحكي ليكي بعدين بس اسنديني عشان اقوم ..

نرمين:(فعلا سندتو و دخلتوو جوه و قعد ف الكنبه و كان بتألم شديد ..)واجعك وين؟!..

فارس:يدي !! شكلوو حصل ليها شي ..(رفع الكم و بقا بشووف ..)

نرمين:دقيقه اشوفا ليك انا ..( مسكتا يدووو و بقيت افتش ع ورم او اي حاجه و فعلا لقيت حته وارمه و لونها ع اخضر كده !!..)واي ي فارس ده شنو !!

فارس:م بحصل شي .. جيبي لي تلجه من التلاجه

نرمين:طيب💔(دخلتا المطبخ و كان ف تلج ختيتو ف كيس و طلعتا اديتو ليهو و هو ختاهو محل الوورم ..) وشك برضو .. ف جرحه

فارس:الحيوانات .. ح اقتلم

نرمين:هما منو؟!..

فارس:واحد فيهم صحبي .. معاهو مفتاح البيت !! كنتا بثق فيهو شديد .. م عارف المعاهوو ديل منو و لا جابم شنو !!

نرمين:اها ..

فارس:(عاين لي من فوق لمن تحت ..)انتى عندك هوايه تطلعي كده الشارع ..

نرمين:(عاينتا لنفسي بخلعه لقيت نفسي بالبجامه ..)م قصدي .. يعني .. لمن شفتهم بضربووك خفته .. و .. م انتبهتا ..

فارس:(بقا بضحك ..)

#الغرفه_٢٠١

بقلم نرمين طه
-٩-

حسين كان ماشي سريع و خايف و ف واحد ماشي وراهو و هو م منتبهه ..

ل حدى م وصل ل بتاع محل ببيع عططوور و حاجات و دخل جووه و الولد بقا مراقب من بره !!..

حسين:جبتا ليك القروش!!

_من وين؟!..

حسين:م يخصك

_طيب ،، عايز امانتك متين؟!..

حسين:بكره الصباح بجيك و تكون جاهزه

_تمام !!..

عنده نرمين :

كنتا قاعده خايفه و متوتره و م عارفه اعمل شنو بذات انو دي اول مره يحصل كده !!
امي خالص م حصل اتصرفت تصرف زي ده و لا بتقعد بره البيت زي المواعيد دي !!..

نور:نضرب ل ابوي؟!..
نرمين:انتى مجنونه!!لا طبعا ،، هو الحمد لله ابوي م ف البلد
نور:طيب ح نعمل شنو!!انا خايفه
نرمين:امكن مشت ل خالتو نسرين و قعدت معاها عشان براها !!
نور:اكيد كان ح تقول لينا .. تلفونها مقفول
نرمين:امكن شاحن ي نور !! ( طلعتا تلفوني و ضربتا ل خالتو نسرين !!)

نسرين:الووو

نرمين:ي خالتو البركه فيكم انا نرمين بت ساميه

نسرين:اي ي بتي ،، البركه ف الجميع !!

نرمين:خالتو معلش بس امي معاكي؟!..

نسرين:لالا .. ليه؟!..

نرمين:و لا ضربت ليكي؟!..

نسرين:لالا .. ف شنو ي بتي خير !!

نرمين:م عارفه ي خالتو💔بس اختفت ..

قفلتا من خالتو نسرين و ضربتا ل اي زول ممكن امي تكون مشت ليهو بس لااا ..
م كانت موجوده !!

بعد مسافه تلفوني ضرب و كان عمر ،، رديت ليهو و انا ببكي ..

عمر:نرمين .. ف شنو بسم الله
نرمين:عمر تعال😭
عمر:وين انتى
نرمين:ف البيت
عمر:براكي؟!..
نرمين:انا و نور بس😭
عمر:طيب رووقي جاااي ..

بعدها بووقت م طوويل
الباب ضرب و أحنا قلنا دي هيا و مشينا بره سريع لقيتو عمر !!

نرمين:عمر💔

عمر:مالكم خايفين كده

عمر:(سكته مسافه ..)ي عمر💔

عمر:ف شنو ي نرمين

عمر:امي ماف .. م لاقينها💔

عمر:اهدى ،، امكن مشت ل زول بقرب ليكم او صحبته

نرمين:و لا زول .. امي م بتطلع من غير تورينا ده غير انو نص هدومها مااف

عمر:طيب .. رووقي انتى .. ادخل؟!..

نرمين:ادخل ..

دخلنا و قعدنا جوه و عمر كان واقف و بفكر ..

عمر:طيب امكن ف زول حصلت ليهو حاجه !!

نرمين:اكييد كنا ح نعرف!

عمر:شالت شنو غير هدومها؟!..

نرمين:م عارفه

نور:شالت طقم الذهب حقها و تقريبا اساوره

عمر:متأكده؟!..

نور:اي

عمر:(بينو و بين نفسو " شكلها هربت ،، ي ربي ليه و مشت وين!!.." ..)

عنده فارس :

مشا العماره و ضرب ل واحد !!

فارس:عرفتا لي الراجل منو؟!..

_اسمو حسين عبد الله

فارس:الشقه ياتا

_الطابق ال ٣ الشقه ع يدك اليمين

فارس:تمام ..(و طلع فوووق ضرب الباب بس ماف زول فتح ليهو ..)ف شي م طبيعي ..(تلفونو ضرب ..)اي ..

_الراجل ف يدوو كيس ذهب ..

فارس:(قفل الخط ..)ان شاء لله م تكوونى ميته بس ..(و كسر الباب و دخل لقاها واقعه ف الارض و الدم كتييير جمبها ..)يعنى حسي عايزه تكسري قلب بتك الحلوه ديك و تزعليها عشان الحيوان دااك .. عليك الله م تموتى م وقتك حسي ..(و شالها و الجيران لمن شافووهو ساعدوهو و ركبووها العربيه و فارس وداها ع اقرب مستشفى و من هناك ضرب للراجل الماشى وره حسين!!..)امسكو و وديهو لي المصنع ،، م عايز زول يحس بي شي و الذهب خليهو معاك

_تمام ..

عنده نرمين :

عمر:اديني صوره ل امك

نرمين:(طلعتا ليهو صوره ..) ح تلقاهاا؟!..

عمر:م تخاافي !!❤

عمر طلع بره و ضرب ل كم واحد و فعلا الدنيا أتقلبت و كلهم بقو بفتشو فيها !!

فارس لمن عرف انو عمر بفتش ف ساميه قرر يغير اللعبه و يبقا هو البطل ف نظر نرمين ..

فارس:و الله ي خالتي الغباء العملتيهو ده ح ينفعني شديد ..(و ضرب ل نرمين ..)نرمين ،، م عارف اقولا ليكي كيف ،، انا حسي ف مستشفي () .. امك هنا .. هيا حسي ف العمليه .. مستنيكي ..( و قفل ..)

عنده نرمين :

اول م سمعتا كلام فارس حسيت الدنيا بقت سوده ف عيوووني ..
طلعتا سريع من غير افهم نور و عمر حاجه و هما طلعو وراي ..

عمر:(مسكني من يدي و وقفني ..)اسمعيني ،، لو عملتي كده م ح يتغير شي .. رووقي و اهدي و شوفي اختك كمان منهاره كيف !!

نرمين:امي بتموت ي عمر😭

نور:شنو😭😭😭😭

اللحظات دي هيا اصعب لحظات ممكن يعيشها اي زول !!
بقولو انو الفراق و الكلام ده بقتل الانسان بس ف الحقيقيه لو ف حزن بقتل الانسان فهو مووت الام ..
انك فجأه تكوني من غير ام ، من غير حنان .. من غير وجود زول بجد بحبك من غير مقابل و من غير سبب ..

اصعب حاجه ف الدنيا اننا نفقد عزيز و الحقيقه ماف اعز من الأم .

" الفقد أمو فقد رووحو ."

وصلنا المستشفى و ضربتا ل فارس و عرفتو وين و مشينا ليهو ..

عمر اول م شااف فاارس وقف بعيد و مصدوم شديدد ..

عمر:فارس !!

فارس:(عاين ليهو و ابتسم .)

نور:فارس امي وين💔
نرمين:فارس😭حصل شنو؟!..

فارس:(مسكني قعدني ف الكرسي ..)م وقت اشرح ليكي الحصل ،، بس هيا ح تكون كويسه .. الدكتور قال الضربه سطحيه

نور:اتضربت كيف طيب

فارس:و الله السؤال ده هيا مفرووض تجاوب عليهو م انااا ..

#الغرفه_٢٠١
بقلم نرمين طه
-١٠-

بعد حادث امى بقيت بخاف عليها شددييد و بقيت طبيعي بين البيت و الجامعه و بكسر لى الرووتين ده فارس بأتصالتو و ونستو معاى ..

ف يووم قاعديين ف الصاله انا و نوور و امى و بنتونس جاا داخل ابووى و معاهو وحده شابه كده بكون عمرها ٢٤ ..

طبعا اتخلعنا لانو م من عوايدوو يجى فجأه كده !!

قامت نور و سلمت عليهو و بعدها انا و امى برضو قامت و عاينت ليهو بأستغراب !!

ساميه:حمد لله ع السلامه ي محمد ،، ليه م وريتنا انك جااى
محمد:مش جاى بيتى !! اجى وقت عايز .. و راسك ده مالو ملفلف كده
نرمين:وقعت وقعه بسيطه
نوور:المعاك منو؟!..م عرفتها

محمد:دى سحررر .. مرتى

طبعا لمن قال " مرتى " احنا كلنا بقينا نعاين ليهو بصدمه و ماف زول قدر يعبر الا بعد مساافه لمن هيا اتكلمت ..

سحر:دييل بناتك الحكيت لى عنهم ي محمد ..
نرمين:اى بناتو ي استاذه ،، يعنى لو ملاحظه بتو الكبيره قدرك ..
محمد:نرمييين .. وطى صووتك
نرمين:لا كمان جايب مرتك بثقه و لا كأنك عامل حاجه!!
محمد:لانى م عاامل شى غلط .. انا عرستا و الشرع بقوول عادى اعرس ،، بعديين انتى منو عشان تسألينى
نرمين:م معناتا انك ابوى يبقا م بتغلط!!ياخخ الناس تقول شنو؟!..احنا نمشي قدام الناس كيف؟!..
نور:ي ابوى بجد💔كيف تعمل كده
محمد:ال م عاجبوو الوضع يطلع بره طوالى ، دى مرتى و ده بيتها من الليله و ال ح يضايقا م ح يحصل خييير
نرمين:امى قوولي شي(و عاينتا ليها لقيته ساكته ..)
نور:ي امي
ساميه:هو حر ،، الشرع محلل ليهو اربعه !!
نرمين:بجد؟!..تمام .. م دام مرتك قاعده هنا !! انا يوم واحد م بقعد ..
محمد:تطلعي من الباب ده م ح يحصل ليكي خير
نرمين:نشوووف تعمل ايه ..(و شلتا تلفوني و طرحتي و طوالى طلعته و انا ماسكه دمووعي بالغصب💔💔)

كنتا ماشه ف الشارع و م عارفه نفسي ماشه وين اصلا💔
فجأه ف عربيه جات وقفت جمبي و نزل منها فارس ..

فارس:نرمين؟!..

نرمين:فارس😭

فارس:ف شنو؟!..(و مسكني ..)مالك ..

نرمين:اخذني من هنا😭

فارس:حاضر ،، تعالي ..(ركبني العربيه و مشينا مساافه طويله ،، وقف جمبه السووبر ماركت و نزل جاب لي مويه ، شربتا منها و رجعتا ابكي تاني💔)

نرمين:تعبتا💔💔و الله تعبتا😭💔

فارس:خلاص رووقي .. كلو بتحل و الله ..

نرمين:ح يتحل متين؟!..لمن اموت يعني؟!..

فارس:خلاص خلاص رووقي ..(فضل ماسك يدي لمن وصلنا شارع النيل ..)

نزلنا قعدنا ف حته رايقه ..
كنتا ساكته و فارس ساكت و بعاين لي !!

فارس:اها ي ستهم ،، م ح تحكى لي؟!..
نرمين:ابوي عرس وحده قدري!!كل يوم جايب لينا مصيبه !! كل يوم بزعل امي اكتر و بقهرنا احنا !!

فارس:(سكت مسافه ..)انتى عارفه ،، زمان امي ماتت و انا عمري ٦ سنين امكن .. اول م ماتت بتذكر تمت سنه او كم شهر و بعدها ابوي عرس !!
الناس كانو بقولو انو عرس عشاني .. عشان يجيب مره تنتبه علي😂
اول م جابت بت .. رانيا نسووني انا منو اصلا !!
انتى عارفه مرات بنسو اني ف البيت😂
يعني كنت بتطلع من غرفتي بلقاهم بتعشو بتقوم مرت ابوي تقوول " اووه فارس ،، انت عايز تاكل؟!.."
مره كان نفسي ف بيتزا .. و ده كان اول طلب اطلبو من مرت ابووي ..
قالت لي م عندي قرووش !! دخلتا غرفتي عادي ،، بعد ساعتين طلعتا من الغرفه لقيتا هيا و ابوي بياكلو ف البيتزا .. مستحيل انسى كسره الخاطر يومها ..
عاينت لي و ابتسمت ..
دخلتا الغرفه و قعدتا ابكي لمن نمته ..
لمن صحيت تاني يوم عرفتا اني انسان هامشي وسط عيله انا م موجود فيها !!
كبرتا ع المشاكل مع ابوي !!
كان البيت عباره عن سجن انا فيهو ..
كان عندي اختين بس ممنوع اقعد معاهم و لا العب معاهم و لا حتى اتكلم معاهم لاني قليل ادب و م عايزني العب بأفكارم !!
لمن كان عمري ٢٠ سنه سبتا البيت ..💔
حياتي كلها كانت عباره عن ذكريات سووده ،، ايام كعبه و لحظات كان لازم اكون فيها قوي عشان اعيش !!
ابوي اتوفى و م عندي و لا ذكره حلوه ليهو !..
مرات بفكر اتذكر لحظه وحده عشان احبوو ..
بتذكر لحظات بتخليني اكرهوو زياده💔يعني انا عارف شعورك حسي ،، عارف زعلك لاني جربتو .. بس انتى كبيره و واعيه انا وقتها كنتا شافع م فاهم حاجه💔
انتى بتقدري تتحملى .. انا م كنتا قادر اتحمل ..
الحمل م تقيل عليكي ،، م تتعبي من حسي لسه عندك اخت اصغر منك محتاجه ليك❤

نرمين:بجد حصل معاك كده

فارس:بجد💔

نرمين:بس انا م زيك قويه

فارس:أنتى أقوى بت أنا بعرفا ف الدنيا .. انتى بس م شايفه حقيقة نفسك !!

نرمين:بجد

فارس:وحيااة عيوونك الحلوين ديل بجد❤

نرمين:(عاينتا ليهو و أبتسمتا من غير اقول شي ..)

قعدنا زي نص ساعه ساكتين .. بعدها فارس اتكلم ..

فارس:ح تعملى شنو

نرمين:ماشه ابيت الليله مع روان ،، عايزه ارووق شوويه

فارس:ارح طيب .. قبل اوصلك ح نمشي حته حلووه😉

نرمين:ووين

فارس:ارح .. ارح ..

مشينا و فتح غنيه و احنا ف الطريق و كان صووتو كعب و بغني معاها😂قعدتا اضحك لانو حرفيا منظرو كان بضحك😂

يخواني عرس خالي .. و جوطه جوطه يشهد الله😭+عقبالي و عقبالكم😂😂"

#الغرفه_٢٠١

بقلم نرمين طه
-١١-

نرمين:عمر؟!..
عمر:(عاين ل فارس ..)ماخذ راحتك شايفك ..
فارس:م فهمتك!!
عمر:لا فاهم كويس ..(و مسك يدي ..)ارح عايز اتكلم معاك ..

نرمين:انت مجنون؟!..اول شي فك يدي دي و تاني شي ماف شي عشان نتكلم فيهو انا و انتا اصلا !!

عمر:لا ف حاجات لازم نتكلم فيها و حاجات كتيره

فارس:(مسك يدوو المساكني بيها ..)ح تاخذا بالغصب يعني ؟!.. قالت م عايزه ،، ماف داعي تعمل مشاكل و تعكر الجوو

عمر:انت بتدخل ع اي اساس

نرمين:انتا ال جاي تتكلم معاي ع اي اساس؟!..عينك قويه و الله !!

عمر:عندي تفسير منطقي لكل حاجه

نرمين:م عايزه اعرف تفسيرك ده ياخخ

فارس:(فكه يد عمر من يدي و وقف قصادي ،، بقوو واقفين قصاد بعض و انا وره فاارس ..)كلامها واضح ،، م عايزه تتكلم معاكك ،، احسن تمشي من هنا و انتا رايق

عمر:(قرب عليهو ..)انت قايل اني ح اسيبا ليك

فارس:انتا مسبقا سبتها ..

عمر:(ضربو قوي ..)

نرمين:فارس .. انت كويس

فارس:(مسك نخرتو محل ضربو و بقا بتبسم ..)م ح اضربك عشان هيا واقفه ،، م عايز اخت نرمين ف موقف زي ده ..

نرمين:(عاينتا ليهو و الدموع كانت ف عيووني ..)فارس💔💔

فارس:(عاين لي ..)انا كويس .. حسابي معاك بعدين ي عمر !!(و مشا ركب العربيه و انا ركبتا معاهو طوالى ، عمر كان بعاين لينا و هو معصب شديد ..)

اول م اتحركنا ضرب يدوو ف العربيه و بقا بصرخ ..

سعيد:(كان واقف بعيد و متابع الحصل ..)ضيعتا البت من يدك و حسي بتصرفاتك دي ح تضيعاا زياده

عمر:سعيد اسكت .. اسكت م عايز اسمع شى ..

فارس كان سايق و كان رايق شديد ..

نرمين:افهم انو دمك بارد !!
فارس:انا بعرف اتصرف متين و وين ،، يعني م انسان همجى زي عمر
نرمين:(سكته مسافه ..)ينفع اضرب بتلفونك ل مريم حاجاتي كلها هناك
فارس:حاضر ..(و اداني التلفوون ..)

نرمين:مريم ..
مريم:اي .. انتى وين ي بت
نرمين:بحكي ليكم بعدين .. خلى روان تسوق اصلا مفاتيح عربتي و شنطتي معاكم .. تعالو الجامعه
مريم:واو م خايفه ع عربتك الليله😂
نرمين:لو حصل ليها شي او اتخدشت سااي بقتلكم
مريم:خلاص تمام ..(و قفلت الخط ..)

كنت ماسكه تلفون فارس و قله ادب مني بقيت انزل اشوف المكالمات كانت كلها عباره عن اسامي اولاد الا انا😂

فارس عاين لي و ابتسم ..

فارس:ماف غيرك م تخافي
نرمين:(عاينتا ليهو بخلعه م كنتا قايلاهو مركز معاي ..)معلش م قصدي ..(و ختيت التلفوون ..)
فارس:قصدك و لا م قصدك !! انا اصلا م بتكلم مع بت غيرك
نرمين:بجد؟!..
فارس:م بحب اجواء البنات و الونسه معاهم بس ممكن نقول الا انتى!!
نرمين:....

عنده عمر :

كان لسه واقف ف الشارع و بتكلم براهو ..

سعيد:عمر رووق شويه !!
عمر:انا زي الغبي خليتها ليهو !!
سعيد:فعلا غبي
عمر:انت عايز تخليني اجوط زياده؟!..
سعيد:عمر ماف شي اسمو انا لمن اقرب ع حاجه بتموت لانو الموت ده مكتوب من زمان و م ليهو علاقه بحاجه تانيه !
انت كيف بتفكر م قادر افهمك .. اصلا موت زينب م عندو علاقه بيك و كلنا عارفين الحصل وقتها .. زينب انتحرت .. و م بسببك و لا بسبب فارس .. انتحرت لانها م اتقبلت حقيقه الوضع وقتها !
عمر:....

عنده نرمين :

فارس وصلني الجامعه و نزل معاي ..

فارس:نرمين ..

نرمين:اي ..

فارس:انا م عارف الحاصل بينك و بين عمر بس ..

نرمين:(قاطعتو قبل يتم كلامو ..)ماف شي حاصل ،، هو فجأه اختفى و بقا م برد ف اكتر وقت انا كنتا عايزاهو فيهو !! يعني ممكن تقول هو زول بتاع ونسه و لعب بس ..
فارس:اممممم
نرمين:انت و هو بتقربو ل بعض بجد؟!..
فارس:عمر ود خالي،،قلتا ليكي اني سبتا البيت و عمري ٢٠ سنه .. هو كمان كان قاعد ف بيت براهو ،، كان عندو مشاكل مع ابووهو وقتها قعدتا معاهو و قعد معانا صحبنا سعيد .. علاقتنا كانت قويه
نرمين:كانت؟!..طيب حصل شنو يعني؟!..
روان:(قاطعتنا ..)نرمين حصل شنو
نرمين:بحكي ليكم جووه
فارس:خلاص ادخلى .. اانا ماشي اصلا
نرمين:طيب❤(ابتسمتا ليهو و دخلتا مع البنات الجامعه ..)

فارس دخل العربيه و سؤال نرمين بتردد ف بالو
" كانت؟!..طيب حصل شنو يعني؟!.."

#باك_فلاش :

فارس:زينب انتى م ملاحظه انك زودتيها و بديتي تخنقيني

زينب:زودتها؟!..معلش ياخ لمن اجي احاسب حبيبي ع حركاتو ابقا زودتها صح؟!..

فارس:انتى م بتحاسبيني انتى بتجي و بتألفى قصه من راسك و بتقوليها ..

زينب:فارس انا زهجتا طيب !! عاين الليله عيد ميلادي و احنا ف نص الجامعه و بنتناقش ف حاجات م ليها داعي بسبب عنادك !!

عمر:فارس ..

فارس:عمر .. م قلتا لي ح تجي!!

عمر:زهجتا و قلتا أجي عليك ،، قاطعتكم و لا حاجه؟!.

فارس:لا .. دي زينب .. زينب ده عمر ود خالي !!


ف الوقت الحالي :

فارس ساق عربيتو سريع و ضرب ل عمر و قررو يتلاقو ف مكانهم المعتاد ..

شارع من شوارع الخرطووم الفاضيه و بعيده عن الجوطه ..

فارس وصل و استنا عمر ..
بعد مسافه م طويله عمر جا ..

#الغرفه_٢٠١

بقلم نرمين طه
-١٢-

عمر:م ح تموتى .. مستحيل ..

فارس:(جاا جارى .. )زينب .. زينب لا .. زينب م بتموت .. زينب😭😭

كنا واقفين و الناس بتتحرك و بتجرى ..
شالوها دخلوها غرفه تانيه💔
بعد وقت م طويل طلعت ..

الجمله الغيرت حياتي و حيااة فاارس كانت لمن قالو " البركه فيكم ،، م قدرنا ننقذه ."

احساس الذنب جواي .. احساس العتاب ف عيوون فارس ..
كلها كانت حاجات دمرتنا .. خلتنا خايفين دايما .. بعدنا شديد عن الحياه ..
زينب كانت نقطه التحول ف حياتنا💔💔

ف الوقت الحالى :

عمر كان بحكي و عيونو كلها دموووع ..
كنتا بعاين ليهو مصدومه ..
م عارفه ابكي معاهو و لا اصبرو و لا اعمل شنو؟!..

عمر:انا .. عارف انو م كان مفروض ابعد من غير اسباب و من غير توضيحات !!
بس ي نرمين .. ف راسي مليوون فكره .. انتى عايزه تسمعي شنوو ؟!..
دي الحقيقه و الحقيقه الاكبر اني بحبك❤
ال كم يووم دي خلتني اعرف مشاعري و اتأكدتا انك م انسانه عاديه بالنسبه لي ..
وجودك مهم عشان كده قررتا اطلع كل الافكار الكعبه من بالى ..
ممكن تديني فرصه عشان نكون سوا ؟!..

كنتا ساكته و م عارفه ارد ، لساني اتربط عديييل ..

عمر سكت و بقا سايق ل حدي وصلنا بيتنا ..

عمر:الوقت اتأخر ،، فكري ف الموضوع و وريني ..

نرمين:طيب ..(نزلتا و دخلتا البيت ..)

اول م دخلتا لقيت ف شكله حاصله .. و امي بتبكي 💔

نرمين:امي .. ف شنو؟!..
ساميه:نرمين😭💔
نرمين:(مشيت و قومتها من الارض ..)نور ف شنوو؟!..
محمد:امك سرقتني
نرمين:نعم!!! سرقتك؟!..
محمد:اي سرقتني .. ذهبا مافي ف الغرفه !! و حسي ذهب سحر اختفى ؛ انتو قايلني غبي؟!..عايزين تسرقوني و تهربو صح؟!..
سحر:اكيد ،، اصلا مرتك من الهدووء ده كان ظاهر انها بتخطط ل شى !!
نرمين:ابوي انت بتقول شنو؟!..امي دي انت متزوجه كم سنه؟!..معقوله م عارف انها م بتعمل كده؟!..
محمد:الزمن ده اي زول بعمل اى شي ،، هيا لو م سرقتو خليها تطلعو !!
نرمين:امي ذهبك وين؟!..
ساميه:م عارفه😭
نور:ي امي كيف م عارفه💔
سحر:شفته ي محمد .. حتى ذهبي ماف
ساميه:انا م حراميه و لا سرقته شي😭
نرمين:ماف داعي تبرري ،، عارفنك م بتعملي كده
محمد:عايني ي مره ،، ي تطلعي الذهب ده ي تطلعي بره البيت و تكوني طلقانه
نرمين:ابوي💔انت سامع نفسك بتقول شنو؟؟..بعدين امي لو طلعت من هنا احنا زاتو بنطلع و وشنا ده م بتشوفو تاني !!
محمد:اعمل بوشكم شنو؟!..هو انتو فيكم فايده اساساا؟!..انا كلمتي وحده ي تطلع الذهب ي طلقانه
نرمين:(وقفتا قصادو ..)امي م اخذت ذهب .. و بالنسبه لكلامك ده فطلقا احسن من تقعد مع واحد مريض زيك !!
محمد:(اداني كف ..)انا ابوكي ي وسخه .. طبعا لسانك طويل عشان م لقيتي تربيه زي الناس !!
نرمين:(مشيت ع امي ..)يلا قوومي .. خلينا نمشي ..
ساميه:وين ي بتي😭
نرمين:امي قوومي يلااا .. يلا ي نور البسي عبايتك دي ..

فعلا نور لبست و امي اتسندت فيني و طلعنا ..
قبل نطلع ابوي ناداني ..

محمد:مفتاح العربيه ختيهو هنا !! نشووف تعملو شنو

رميت ليهو المفتاح و طلعنا ..
الوقت كان متأخر و بقينا واقفين لمواصلات لمن فعلا لقينا بعد تعب ..

ساميه:ح نمشي وين ي بتي💔💔
نرمين:روقي انتى ..

الطريق كلو امي و نور ببكو و انا بفكر نعمل شنو ف المصيبه الجديده دي ..

بعد وقت م طويل وصلنا بيت خ نسرين ..

طلعنا ليها و دقينا الباب و فعلا فتحت ..
اول م شافت امي كده اتخلعت و بقت بتسألنا ف شنو !!

نرمين:بحكي ليكي حسي ي خالتو بس خلينا ندخل ..

فعلا دخلنا و قعدنا و جابت لينا مويه و بعدها حكيت ليها الحصل بالتفصيل !!..

نسرين:حسبي الله و نعم الوكيل فيهوو💔انا م فاهمه طيب الذهب وينن
نرمين:معقوول تكون شاالتو سحر دي؟!..
نور:م للدرجه دي كمان💔
نسرين:(جات قعدت جمبه ساميه ..)خلاص م تبكي و رووقي .. كلو بتحل و الله💔
نرمين:معلش جيناكي ف الوقت ده ي خالتو بس ماف زول تاني نمشي ليهو انتى عارفه💔
نسرين:معقوله ي بتي ،، احنا عشرة سنين .. زاتو تملوو علي البيت ده💔ف الغرفه الجمبه المطبخ ديك ادخلى انتى و نور نومو هناك .. انا و ساميه بندخل غرفتي
نرمين:تسلمي ي خاله❤ارح ي نوور ،، خلى امي ترووق شويه ..
نور:طيب ..

انا و نور دخلنا الغرفه و نور كانت قاعده سرحانه و انا بفكر !!
الذهب مشا وين؟!..
اتذكرتا انو يووم امي اختفت من البيت و عملت الحادث كان ذهباا معاها و شالتو !!
بس لمن فتحنا شنطته ف المستشفي م كان ف الذهب !!
طوالى ضربتا ل فارس ..

فارس:اي ي نرمين ..
نرمين:ممكن تفهمني لقيت امي وين بالظبط يوووم الحادث؟!..
فارس:مالك بتسألي؟!..و صوتك ده مالو كده؟!..
نرمين:فارس ممكن تجاوبني ؟!..
فارس:قلتا ليكي لقيته ف شارع () ..
نرمين:بس هيا كانت جايه ل خالتو نسرين ع حسب كلامها !! و ده م بجيبا هنا ..
فارس:م عارف .. فهميني حسي ف شنو؟!..
نرمين:ماف شي ،، نتكلم بكره ..
فارس:نرمين !!
نرمين:لوو سمحتا ي فاارس !!
فارس:حاضر ..( و قفل الخط ..)

يخواني و الله عشان العرس م قدرتا اجازفا و انزل لكن خلاص انتهى😂ح ألتزم و اعوضكم من بكره !!🙆

#الغرفه_٢٠١

بقلم نرمين طه
-١٣-


فارس كان قاعد ف المستودع و بحسب ف قرووش ..

سعيد:فارس ..

فارس:سعيد ؟!..

سعيد:كيفك💔
فارس:(قام من مكانو و سلم عليهو ..)انا كوويس ،، ههه م اتغيرتا
سعيد:و لا انتا .. بس كأنو بقا عندك شيب؟!..
فارس:اي انا عجزتا شويه😂
سعيد:(قعد ..)هااا .. حاصل معاك شنو ف دنيتك
فارس:م اظن ف حاجه جديده ممكن نقول انها دخلت دنيتي
سعيد:و لا نرمين ؟!..
فارس:.....

عنده نرمين :

كانت قاعده و بتفكر كيف ح تلقا شغل بأسرع طريقه !!
دخلت نسرين الاوضه لقتا سرحانه ..

نسرين:ي بتي ..
نرمين:اي ي خالتو
نسرين:بتفكري ف شنو
نرمين:عايزه اشتغل !!
نسرين:م صعبه عليك؟!..
نرمين:م صعبه ،، ف بنات كتار بشتغلو و بقرو و بكون عندهم عيال كمان ،، احنا بنشوفه صعبه عشان اتعودنا ع الراحات بس بره الناس كل يوم بتحاول عشان م تموت من الجووع !!
نسرين:صح كلامك ،، يعني انتو خلاص قررتو م ترجعو البيت داك تاني ؟!..
نرمين:لو البيت داك بقه جنه ،، م بخته رجلى فووقو !..

نسرين طلعت من الغرفه و دخلتا غرفتا و مسكت صوره مجتبى و بقت سرحانه !!
كان بينها و بين نفسها بتتمنى لو كان حسي هو عايش !!
لو شاف نرمين كده كان م ح يرضا فيها و ح يساعدا ..
كان بحبها من زمان بس بخت مسافه بينهم عشان عارف انو هيا م من نصيبو و انو فرق المكانه الاجتماعيه م ح تغفر ليهو الحب ده !!
ي ريتو كان عايش عشان يشووف ب عيوونو كيف وضعهم اتحول ف دقايق !..

نسرين:انا م ح اخلى دمك يروووح ساي ،، الله يلمنى ف اصحابك الساقوك الطريق ده !!

عنده فارس :

سعيد:فارس ابعد من البت دي
فارس:ح تقيف مع عمر برضو؟!..
سعيد:م واقف مع زول انا ،، بس انتا دخلتا حياه البت عشان تنتقم ،، انت شايف انو هيا تستاهل يتلعب عليها كده؟!..
فارس:ف البدايه ده كان هدفي .. بس حسي م عندي نيه زي دي ..
سعيد:نيتك شنو طيب؟!..
فارس:حسي .. م عارف !!
سعيد:الله يستر ..

تاني يوم من بدري نرمين صحت و طلعت قبل زول يصحه و مشت ع المطاعم القريبه من الجامعه و ادت رقمه لو محتاجين لشغل ف الفترات المسائيه و رجعت الجامعه ..

ف مكان :

_البت شكلها بتفتش شغل ،، مشت مطعمك كمان و سألت هناك ..

=خليهم يقبلوها طوالى !!

نرمين قعدت ف الكافتريا سرحانه ،، قطع سرحته صوت التلفون لقتو فارس ..

فارس:يعني لو م فقدتك م بتضربي ..
نرمين:م كده بس شويه جايطه الايام دي !!
فارس:مالك !!
نرمين:انسى
فارس:وين انتى حسي
نرمين:ف الجامعه !!
فارس:أجي أخذك؟!..
نرمين:وين؟!..
فارس:مكان ح تحبيهو!!
نرمين:امممم ،، طيب ..
فارس:ربع ساعه و بكون عندك
نرمين:تمام ..

بعد ربع ساعه جاا و مشيت معاهو ،، أخذني وحده من الحديقات .. كان ف زي عماره طوويله شديد ..
طلعنا السطووح حقها و قعدنا بنعاين للناس من فووق !!

نرمين:انت كيف بتعرف الاماكن الحلوه دي

فارس:سر المهنه😂

نرمين:امممم

فارس:ها ،، سامعك❤

نرمين:طيب ..(حكيت ليهو الحصل ..)

فارس:(أبتسم ابتسامه بسيطه و سكت مسافه م طويله ..)طيب وين ممكن ذهب امك يكون مشا ؟!..

نرمين:م عارفه ي فاارس !!

فارس:امكن مرت ابوكي اخذتو ..

نرمين:اها و انا اتأكد كيف و أأكد ل ابوي كيف

فارس:بسيطه .. بنلقا حل ..

عنده عمر :

عمر:انا سبتا الشغل ده

محجوب:انت قايل الشغل ده ع كيفك؟!..احنا بينا اتفاق و قرووش .. لو البضاعه م وصلتني بحرقك و بحرق البتحبهم كلهم و انت عارف اني قدر كلمتي

عمر:انت بتهددني ..

محجوب:اي ،، لو انت م قدر الشغل ده م كان مفروض تدخل فيهو ي استاذ !! لو ندمان و ضميرك صحه حسي ،، اديني بضاعتي و خليهو يكون اخر شغل ليك و بس ..

عمر:...

عنده نرمين :

نرمين:عمر حكه لي ..
فارس:حكه ليكي شنو؟!..
نرمين:قصتكم زمان ..
فارس:ياتو قصه؟!..
نرمين:زينب!!
فارس:(سكت مسافه ..)اهااا
نرمين:نسيتها؟!..
فارس:الانسان لمن يحب م بنسى أبدااا .
نرمين:عمر م عندو ذنب !!
فارس:هو شكلو حكه ليك حاجات و خلى حاجات تانيه !!
نرمين:كيف؟!..
فارس:عمر وعده انو يتزوجه ،، وعده انو ح يعوضا غيابي .. وعده بحاجات كبيره .. و ف النهايه جا قال ليها م بحبك!
نرمين:مستحيل ،، عمر م وعده ب شى .. هيا فهمت غلط
فارس:نرمين ،، هو وعده انا عارف اي شى .. هو كذاب كذاب ..
نرمين:و انت كيف متأكد كده !!
فارس:انا قريت المذكرات حقها ،، كانت كاتبه اي شى حصل .. عمر كذاب .. عمر ..(و سكت و لون وشو قلب ..)

انا كنتا ساكته و راسي جاط ،، فارس قام و نزل فجأه و انا نزلتا وراهو ..
فتح باب العربيه و طلع لي دفتر لونو بنفسجي ..

فارس:اي شى قالوو كذب ،، هو مفتكر اني م عارف الحقيقه؟!..انا عامل غبي .. بس م دام هو عامل بطل للناس .. يبقا خلى الاوراق تتكشف كلها !..

اداني الكراس و مشا قعد ف كرسي بعيد ..
انا شلتو و قعدته ف كرسي قصادو ..

#الغرفه_٢٠١

بقلم نرمين طه
-١٤-

همسه:ف حاجات لازم احكيها ليك و ي ريت لو كان معاك فارس ،، بكره الساعه ٣ ونص بعد العصر ف مطعم () ف () ..

عمر:تمام ..(و قفل الخط ..)

كان مستغرب شديد ،، ضرب ل فارس و م رده ليهو اول مره تاني مره رده ..

حكه ليهو الحصل و المكالمه الجاتو و انو بكره لازم يمشو ..

فارس برضو استغرب بس سكت ..

ع الساعه ١٢ نص الليل و ف بيت محمد :

محمد صحه ع صوت كركبه ف البيت ،، طلع بره و لقا حرامي كان طالع من البيت و ف يدو كيس و شنطه ..
مسكو و دقاهو قوووي و اخذ منو الحاجات و ضرب للشرطه ..
فتح الشنطه لقا ذهب ساميه و سحر !!

سحر صحت بس خافت تطلع بره و كانت قاعده جووه ل حدي م سمعت محمد بصرخ بأسمها ..

محمد:سحر .. ي سحر ..

سحر:(طلعت ليهو سريع !!)مالك ..

محمد:ده شنو ..(و رمه الذهب قدامها ..)

سحر:(كانت عارفه انو الذهب حقها م اتسرق و لا اخذتو ساميه ،، بس استغربت من الذهب حقه ساميه و الجابو شنطته شنوو ؟!..)كذب .. انا م عارفه ده جاني من وووين

محمد:(مسكه من شعرها و بقا بضرب فيها ..)تكذبي علي انا ي وسخه ،، انا لميتك من الشارع عشان تجي تكذبي هنا !!

سحر:محمد و الله ف شي غلط😭انا م عملتا شي و لا كذبتا ..

محمد:(جراها من شعرها و رماها ف الشارع ..)وشك ده م اشوووفو هنا !! اصلا هدومك كلها انا اشتريتها ليك ،، م عندك شى ف البيت ده ،، يلا ارجعي للشارع الجيتي منو😡

سحر:محمد اسمعني😭😭و الله كذب ،، انا م اخذتا ذهب ساميه😭😭ي محمد .. محمد افتح😭😭 ..

#باك_فلاش قبل ٣ ساعات ..

فارس:ح تنط من الحيطه بتاعت بيتي و تدخل بيتهم ،، تفتح الباب من غير يحسو و تدخل غرفتم ،، انا متأكد الذهب ف حته هناك .. انت اول م تلقا ذهب سحر .. ح تخت الذهب ده معاهو و تطلع براحه .. لمن تصل الباب اعمل كركبه و خليهم يمسكوك !!

_تمام ..

عنده نرمين :

تاني يوم من الصباح صحيت لقيت امي بتتكلم بالتلفون ..

نرمين:خالتو نسرين ،، امي بتتكلم مع منو ؟!..
نسرين:ابوكي ..
نرمين:ابوي انا !! مالو
نسرين:بري ..

ساميه:نرمين
نرمين:اي ي امي
ساميه:ح نرجع البيت اخيرا ..
نرمين:امي نرجع شنو؟!..
ساميه:ابوكي اعتذر حسي ،، و طرد سحر من البيت و ح يطلقا
نرمين:امي .. يعني بالسهوله دي نرجع؟!..طلعك حراميه و طلعني م مؤدبه .. طردنا من البيت كأننا م عيالو و حسي بتلفون نرجع ليهو؟!..هو اصلا فكر احنا ح ننوم وين و لا حصل لينا شنو ف اليومين ديل ؟!..
ساميه:ي بتي ماف داعي نكبر الموضووع ده !! خلاص ماف داعي لخراب البيووت ..
نرمين:امي انا م بكبر شي ،، الموضوع ده اصلا كبير .. انتى كيف ماخذه كل حاجه بسهوله كده !! معقول م حاسه انوو احنا مجرد مهمشين ف حياه زول بس عايز يفرض جبرووتو علينا ؟!..
ساميه:ده ابوكي !! احترمي نفسك
نرمين:طبعا .. اصلا ده اول غلط ف المجتمع ده ،، احنا نحترم نفسنا ،، م نتكلم و م نقول ده غلط و ده صح .. لاننا شباب مفروض نموت بس م نتكلم .. لانو ابوي يبقا صح ، اي شي يحصل احنا غلط .. انتى عارفه .. بسبب كلامكم ده و بسبب رغبتكم ف انكم بس م تخلو الناس تتكلم فيكم احنا بنموت💔بنموت وجع طيب💔(و طلعتا من البيت ..)

كنتا ماشه ف الشارع و م عارفه نفسي ماشه وين اصلا !!
فضلتا امشي و امشي ..
مليون فكره ف راسي و مليون سؤال و اول سؤال " ليه " ..
ليه احنا بنخاف ؟!..
خراب بيوت؟!..
هو البيت لمن يكون خربان من جوه الفايده شنو لو قدام الناس كان حلو ؟!..

معقوله ع حساب صحتنا و راحتنا !!..
طيب ليه؟!..
م عندنا جرئه نخلى الحاجات البتعذبنا ، م عندنا شجاعه نكسر عين اي زول عشان راحتنا ..

قعدتا ف مسطبه ف الشارع و بقيت بعاين للماشي و الجاي ..
هو كلهم عايشين كده؟!..
عايشين عشان يرضو الناس؟!..
طيب وبعدين؟!..

ما حسيت بالوقت و لا الساعه كم بس فضلتا قاعده هناك ..

عنده عمر و فارس :

مشو المطعم و قعدو هناك لمن م جات دكتوره ثلاثينيه كده ..

سلمت عليهم و قعدت !..

همسه:طبعا انا جبتكم هنا فجأه بس اظن من حقكم تعرفو حاجات كتيره م كنتو بتعرفوهاا ..

فارس:م فاهم هيا زينب كان ماله

همسه:كانت مريضه نفسيه بتتعالج عندي💔

عمر:زينب؟!..

همسه:طبعا انتو ح تتصدمو بس زينب مريضه نفسيه ،، ممكن نقول عندها اختلال نفسي بصوره أصح ، او بطريقه تانيه مرض الزانوليكا ..

عمر:زانوليكا؟!..ده شنو؟!..

همسه:قبل انتو تدخلو حياتها كان ف واحد ف حياتها ،، حبتو شديد بس للأسف اختفى فجأه💔هو اهلو ف اليمن و مشا هناك اجازه و كانت فتره حرووب .. طلع السووق اليمني و حصلت مداهمه هناك .. من يومها اتفقد ،، م كنا عارفين لو هو عايش و لا ميت بس هو اتفقد .. م لقو ليهو اي آثر ..

عمر:م حصل حكت لينا عن حاجه زي دي !!

همسه:لانو عقلها الباطني من الصدمه قرر ينسى الحاجه دي ،، زينب خشت ف علاقه مع فارس و كانت بتتعالج عندي .. كانت شبهه بدت ترجع لطبيعته ..بس رجعت انتكست بعد شافتك ي عمر ..

فارس:ليه يعني؟!..

#الغرفه_٢٠١

بقلم نرمين طه
-١٦-

نرمين:عمر !!

م عارفه كيف بس فجأه لقيت ابوي بضرب ف عمر شديد و عمر ثابت م رده عليهو خالص !!

محمد:ليه تعمل كده
نرمين:ابووي رووق
محمد:عندك شنو معانا😡ليه تأذى بتي بالشكل ده
مريم:ي عمو اكيد ف شى غلط
محمد:(كان بصرخ و منفعل ..)اسكتو ،، كلكم اسكتو😡
نرمين:عمر ..(كان واقع ف الارض و وشو كلو دم ..)
محمد:الحيوان البتعايني ليهو بنظره خوف ده عايني وصل أختك ل ياتو حاله💔
نرمين:ابوي ف شى غلط💔عمر م بعمل كده
رامي:هو قال لي اتقرب من نور ،، حتى انتى هو ناوى يعمل شى يأذيكي ..
محمد:(رجع عايز يضربو بس ثبتوهو الرجال ..)عايز شنو من بناتي😡مشكلتك مع منو انتا
عمر:(كان بعاين ليهو و ساكت ..)
محمد:طبعا م عندك شى تقولو😡
نرمين:عمر قول حاجه💔💔
محمد:م عندو شي يقوولو !!(و مسكني من يدي و جراني عشان ندخل المستشفي ..)يلا قدامي ،، حسابي معاهو لسه م انتهى ..
نرمين:ي ابوي اصبر ..(أتلفتا و بعاين ليهو لقيتو قاعد و بعاين لي💔)

دخلنا المستشفى لقيناهم جايطين جمبه غرفه نور💔

دخلتا انا و ابوي لقيت نور بتصرخ و بترجف شديد ..

نور:انا بردانه .. بردانه انا💔💔

الممرضات كانو بطلعو فينا بس م كنا راضين نطلع ..

ساميه:ي بتي مالك😭😭

نور:بردانه ،، حاسه قلبي ح يقيف ،، صدري ضيق😭😭😭انا مالي ،، مالي انا😭😭

الممرضات طلعونا و امي قعدت ف الارض و بقت تبكي💔
م كنتا قادره اعمل شى ،، بقيت واقفه و جمبي مريم و روان ..
ابوي كان قاعد ف الكرسي و بستغفر ..

بعد مسافه طلعت الدكتوره ..

نرمين:اختي مالا💔

_يعني ممكن نقول ده تأثير المخدرات الأخذتا ،، دخلت ف موجه أدمان بسيطه ..
المدمن بمر بمرحله زي دي و بكون محتاج لجرعه تاني عشان يرووق و ده الحاصل معاها💔

محمد:بتي بقت مدمنه؟!..

_لا طبعا ،، احنا حسي بنقدر نحلها لانو دي اول جرعه تاخذا .. دي حاجات طبيعيه .. حاولو اتماسكو و خليكم اقوياء .. الفتره دي هيا محتاجه ليكم💔

نرمين:ممكن ادخل ليها ؟!.. لو سمحتي💔💔

_طيب ،، بس انتى .. ادخلى اقعدي معاها

نرمين:شكرا ..

دخلتا و قعدتا جمبها و هيا نايمه ..

نرمين:نور💔اختي الصغيره الحلوه💔امكن انا كنتا مقصره معاكي عشان كده حصل معاك كده💔كل زول فينا بفكر ف نفسو ،، مشاكلنا و حياتنا و انتى فضلتي واقفه بعيد و بتعايني لينا صح💔انا آسفه ،، انا حسي قلبي بتقطع .. انتى اختي و حاجه مني ي نوور ،، لمن تتعذبي بتعذب معاكي💔
تخيلي الحياه كانت ح تكون سيئه كيف لو انتى م فيها💔
عشان خاطري قومي بخير و سلامه .. لسه ف ايام حلوه م شفناها ،، لسه ف احلام لازم نحققه💔

عمر كان قاعد تحت .. طلع تلفونو و ضرب ل فارس ..

عمر:فارس انت مريض نفسي !!

فارس:ليه .. معقوله بس تقول ل واحد زي اخوك الكلام ده ..

عمر:اخو !.. زمان كنتا بقول معاك حق .. قلبك محرووق ع زينب و م فاهم الحصل ،، حسي شنو؟!..فارس اديني سبب للحاجات البتعمل فيها دي

فارس:(كان ساكت ..)

عمر:زينب راحت💔كنتا بتحبها و انا عارف الحاجه دي ،، بس حسي انا بحب نرمين عايز تاخذا مني ليه !! لا انا و لا انتا لينا علاقه ب موت زينب .. قصه و انتهت ،، بتكمل ف الحرب دي ليه ؟!..

فارس:(قفل الخط من غير يرد عليهو ..)

كان واقف جمبه العربيه ،، بعد المكالمه قعد ف المسطبه ..
كان بعاين للسما و برجف ..

فارس:ليه انت بتعمل كده ي فارس !! ليه ي فارس !! امكن عشان انت ي عمر احسن مني ف كل حاجه ،، كنتا حنين مع زينب ،، كنتا الراجل ال هيا بتحلم بيهو💔حتى نرمين حسي .. طيب انا !! ليه انت دايما تفوز بأنك أفضل شخص !!
ليه انت البتعرف تّحب و بتتحب ، ليه انت الصاحب الحقيقي .. طيب حتى انا بحب نرمين حسي ،، ليه انت التفوز بيها ؟!..
ليه م تكون حقتي💔


.............................

بلسان عمر :

مشيت برجوولى من المستشفي لمن بيتنا .. ٣ ساعات ونص ..
بفكر ف كل حاجه حصلت ..
كنت زهجان شديد ، ضربتا ل واحد و رسلتا ليهو صوره رامي ..
الغضب الجواي ده كلو كان لازم يطلع ف زول ..

فعلا وصلتا البيت و قعدتا ف الشارع ل حدي صلاه الفجر كده جاتني رساله بعنوان بيت رامي ..

مشيت من غير افكر ب شى ..
اول م وصلتا خبتا الباب قوي ،، طلع مخلووع و فتح الباب ..

رامي:عمر !!

عمر:اي عمر ،، بينا حساب لسه م اتقفل ..

ضربتو بكل قوتي ،، كان بصرخ عشان زول يجي يساعدو ..
م كنتا حاسي ب شى ،، كل الزعل الجواي طلع فيهو ..
م حسيت الا بعد مسافه ب زول مسكني و بقا بهدى فيني ..
عاينتا ل رامي لقيتو فقد الوعى ..

سعيد:ده شنو ي عمر ،، الولد كان ح يموت ..

عمر:خليهو يصحه ،، ح اقتلو بجد

سعيد قام قفل الباب و شال رامي رقدو ف الكنبه ..
انا كنتا قاعد و بعاين ل رامي ..

سعيد:لمن شفتك متحرك من جمبه البيت و زي المواعيد دي عرفتك م ناوى ع خير ،، حصل شنو؟!..

عمر:(حكيت ليهو الحصل ..)

سعيد:معقوول فارس وصل المرحله دي !!

عمر:ح تضيع ..

سعيد:منو؟!..

#الغرفه_٢٠١

بقلم نرمين طه
-١٧-

عمر:ي ريت اكون انا المحظوظ البتفكري فيهو❤

نرمين:عمر!!انتا؟!..

عمر:(جا قعد جمبي ..)تتوقعي اقدر اسيبك يعني ،، لو مشيتي اخر الدنيا بجيك❤

نرمين:اشتقتا ليك💔💔

عمر:انا اكتر و الله💔ماف تاني بُعد ،، لا أبوك و لا غيروو بياخذك مني !!💔🔥

قعدنا مسافه طويله ساكتين و بس بنعاين لبعض !!..

احيانا عشان نقدر نرووى شوقنا بنكون بس بنعاين !!
بينا و بين نفسنا بنقوول " اخخخ هو اخيرااا نحنا سوا !!.."

عمر:ح نفضل ساكتين ..

نرمين:ابوي م ح يوافق ع علاقتنا ،، احنا ح نتعب ف الحب ده ساي💔

عمر:ح يوافق ،، معقوله نستسلم قبل نبده اصلا ؟!..

نرمين:انت م بتعرف ابوي

عمر:و انتى م بتعرفيني ،، انا م بسيب حاجه بحبها لمن اموت ..

نرمين:المواضيع جاطت ،، و م عارفه فارس قصتو شنو و لا بعمل كده ليه ،، م قادره افهم منو صح و منو غلط .. و م قادره اشرح ل ابوي حاجه اصلا

عمر:م تشرحي ،، انا ح اكون معاكي هنا لمن نوور تتمه علااجها .. بعدها ح نرجع .. راسك ح يهدى و ح نرتب كل امورنا سوا .. ح نوقف سوا و ح نقاووم و ح ننجح !! عمرهم البحبو بعض م بستسلمو ،، احنا م عملنا شى غلط !!

نرمين:يعني .. ح تكون جمبي !!

عمر:انا دايما و أبداً جمبك .❤❤

رجعتا البيت و اليوم ده كان غير عن باقي ايامي ..
كنتا مبسووطه ،، مطمنه ..
كلامو طمني و حسسني انو كل حاجه ممكن تتصلح !!

حتى لو م اتصلحت كفايه انو قلبي مطمن شديد معاهو !!..

تاني يوم كالعاده طلعتا المستشفي مع نور الساعه ٨ الصباح !!

و انا طالعه السلم مع نوور جاتني رساله من رقم غريب !..
فتحتها لقيتو عمر مرسل لي " ح استناكي تحت ف الكافي ،، ف كيكه شكلاته حلوه و شااي نشرب سواا و نصبح سواا و اصلا اليوم البدايتو انتى ح يكون حلووو شديد زي عيوونكك ."

قريت رسالتو و ابتسمتا ،، دخلتا مع نوور للدكتور و خليتهم سوا و نزلتا تحت ..

كان لابس قميص كحلي حلووو شديد💜💜

اول م وصلتا وقف لي .. سلمتا عليهو عادي ،، مسك يدي و باسها ..

نرمين:عمر الناس ..

عمر:من الليله مافي ناس .. ف انا و انتى بس😉

أبتسمته ليهو و خجلتا شديد ،، قعدتا و هو قعد قصادي ..

عمر:هاا .. نقول صباح الخير حسي

نرمين:صبااحي انتا دايما❤

عمر:ح نعمل شنو

نرمين:ف شنو؟!..

عمر:لازم نقضى ليالي حلووه ،، اظن انو من حقنا نفرح سوا و نعوض الشهرين الفاتو

نرمين:وين انتا كنتا ف الشهرين ديل

عمر:(سكت مسافه ..)فتره و راحت و م ح نرجع نتذكره ..

نرمين:حصل حاجه لازم اعرفا ؟!..

عمر:لا ..

نرمين:ابوي م عمل ليك شي تاني؟!..

عمر:...

#باك فلاش :

بعد يوم الحادثه بيوومين :

كان راقد ف الغرفه و معاهو سعييد ..

سعيد:ح تعمل شنو ،، المره دي انت مشكلتك مع ابوو نرمين ،، م اظن ساهل انك تأذيهو ،، اي شي تعملو كأنك عملتو ل نرمين .. الحرب البينك و بين ابوها ح تفتح حرب بينك و بينها !!

عمر:عارف .. عشان كده انا لمن حسي ساكت .. رامي وين !!

سعيد:رامي .. اختفى

عمر:كيف يعني؟!..

سعيد:اختفى كده !! م لقيتو تاني ..

عمر:ياخ .. استغفر الله

فجأه محمد جا داخل ..

محمد:حسابنا انا و انتا لسه ..

عمر:هو فعلا حسابنا لسه ،، انا ساكت عشان انتاا ابو نرمين ..

محمد:بتي م تذكر اسمها ..

عمر:انا م عملتا شي ..

محمد:و لسه بقول م عمل شي ..(و جا عليهو و كان هايج الا فجأه جا فارس مسكو ..)

فارس:م توسخ يدك بواحد زي ده !!
سعيد:فارس !!
محمد:فارس فكني .. م ح اخليهو ..
فارس:ي عمي ،، احنا مش اتفقنا .. نخليهو للشرطه بس ..
عمر:ههه ،، انت حسي عايز تاخذ دور البطل كمان؟!..ده الناقصني انا !!
سعيد:اظن الشرطه فكره م كوويسه ،، بذات ليك ي فارس !!
عمر:لو غرقتا بغرقك و انت عارف ،، حاول م تدخل ف مواضيع كبيره كده ..
محمد:كمان بتهدد ..
عمر:(قام من مكانو و وقف قصاد محمد ..)حاولتا اكبر عقلي ،، حاولتا م ارد بس صعب .. انا لو عايز أأذى نوور بأذيها ،، و لو عايز اخذ نرمين باخذا .. لو انتا عملتا حرب انا بعرف اربحا ..
فارس:وشك الحقيقي ظهر ..
محمد:كنتا عارف انك انسان وسخ ..
عمر:انا م وسخ ،، بس بعرف أرد ع كل زول حسب البنفع معاهو ..
محمد:ح تعمل شنو يعني انتا !!
عمر:احسن م تقيف ف وشي .. لانك م ح تعرف تاخذ نرمين مني ..
محمد:هههه ،، انا بقتلك ..
عمر:صدقني حتى انا م صعب علي اعمل كده ..
سعيد:عمر !!
عمر:(عاين ل فارس ..)بالنسبه ل رامي بعرف أجيبو .. و بعرف اخليك تندم كيف !!

......................

ف الوقت الحالي :

نرمين:ي ولد سرحان وين ..

عمر:معاكي !!

نرمين:مالك !!

عمر:(قام من كرسيهو و قعد قصاادي ف الارض ..)انتى بالنسبه لي كل الناس ،، كل الحاجات ،، انا بحرق اي شي و اي زول بحاول ياخذك مني ..

نرمين:عمر بقيت بخاف منك !!

عمر:م تخافي ،، بس خليكي هناا .. م تسيبيني

نرمين:حااضر ..

كنا قاعدين و بعدها طلعتا فوووق ل نور قعدتا معاها شويه و مشينا ..

#الغرفه_٢٠١

بقلم نرمين طه
-١٨-

نرمين:عروسه شنو؟!..
ساميه:فارس .. اتقدم ليكي
نرمين:اتقدم لي انا؟!..
ساميه:اي
نرمين:و ع ايه اساس بقيت عروسه و انا م موافقه
ساميه:ي بت .. الولد قدامك ..
فارس:(ابتسم ..)خليها تاخذ راحته ..
نرمين:م بجد ،، انتوو جاين تقوولو لي كأني موافقه
فارس:ليه ،، انتى م موافقه؟!..
نرمين:لا .. م موافقه
فارس:(مسكني من يدي ..)نتفاهم بره احسن !!
نرمين:فارس فكني م عايزه اتفاهم معاك ف شى ..

جراني معاهو لمن البلكونه و قفل الباب ..

فاارس:عشان عمر صح
نرمين:انت مالك؟!..امكن رافضاك ساي مزاج مني ،، بعدين انت كيف تتقدم لي من غير تشووف رأي أول !!
فارس:انا عارف انو ف حياتك ماف زوول
نرمين:ف .. ف عمر
فارس:عمر راحح
نرمين:عمر هنا ..(و رفعته ليهو يدي و أشرتا ع الخاتم ال جابو لي هديه ..)
فارس:ههه كنتى معاهو الليله؟!..
نرمين:اي كنتا معاهو .. م قادره افهمك ،، انت عارف اني م عندي ليك شي
فارس:عندك ،، بس عمر بلعب عليكي ..
نرمين:عمر م بلعب علي و لا شي .. انت شكلك جنيت ،، لو بقيت اخر زول ف العالم م تحلم يحصل بينا حاجه ..
فارس:انا اخر زول ف العالم ،، و ح تبقى مرتي أنتى !!

قبل ارده عليهو سمعتا امي و نور بصرخو ،، جريت جووه سريع .. لقيت امي بتبكي و ماسكه ف نوور ..

نرمين:ف شنو ي امي ..

ساميه:أبووكي ،، طعنو بالسكين💔💔💔ابوكي بموتت ي نرمين💔

" م عارفه كيف فضلتا واقفه و ثابته بعد سمعتا الجمله دي💔
م بنكر انو هو عمروو م كان اب مثالي و عمري م حسيت بالأمتنان أتجاهو بس ..
كان ف حاجه جواتي بتطمن لمن اعرف انو ابوي ف ..
لمن اعرف انو ف مشكله و هو ح يحلها حتى لو طرقووو غلط !!..
مهما كان جواتنو حقد او كرهه اتجاهة زول مجرد الاحتمال انو يختفى او يمشى ..
بننسى اي شى و نتذكر النواقص البتحصل من غيروو !!"

صبااح اليووم ااتاني بأول طيااره رجعنا السودان ..
الدكتور بتاع نوور قال انو علاجها شبهه خلص و ممكن تواصل هناك ..
حتى وشها شويه اتحسن و نفسياتها شويه احسن ..

اول م وصلنا السودان مشينا ع المستشفى ..

لقيت الدكتور حقوو و كان ظاهر ف وشو انو ف اخبار م حلووه ..

_فقد دم كتير ،، طبعا لمن م لقينا ليهو دم اخذنا ووقت .. اعصااب يدوو أتأثرت و للأسف أمكن نعمل ليهو بتر ..

نرمين:دقيقه !! بتر شنو؟!..

_عارف انو ده شي صعب ،، بس لسه م اخذنا قرار زي ده ،، لكن دي حاجه محتمله برضو بعد تظهر النتايج الليله ..

نرمين:ابووي بموت لو بترتو ليهو يدووو

_ي بتي ،، هو الحمد لله لسه عايش .. هيا اليد ايه قدام الرووح؟!..

" دي كانت أسوء فتره ف حياتي حرفيا ..
قبل شهرين أقتنعتا انو الجمال ايه قدام الرووح لمن نوور عملت حادث ..
و الليله اليد ايه قدام الرووح ؟!..
أحنا دايما بنعاين للنص الناقص من الكبايه عمرنا م عاينا للجزو المليااان ..
لو أكتفينا بالحاجات الحلووه ال ف حياتنا و حمدنا ربنا ،، م كان ف يوم أصبحنا و أحنا زعلانين ."

فضلنا قاعدين ف المستشفي و فارس طبعا قاعد ..

م كنتا بفكر ف المووضووع حقوو لانو و لا شي قدام باقي المصايب ال فووق راسنا !..

نور كانت قاعده ف الكرسي و سرحانه ..

نرمين:نوور ،، انتى كوويسه
نور:عارفه الحاجه الجديده الأتعلمتا من الحياه
نرمين:اهاا
نور:احنا بنعيش حياتنا كأنو ماف يوم ح نموت فيهو !! او كأنو ضامنين انو كل ايامنا حلووه ،، اتعلمتا انو ف حاجات اكبر من الطلعات و الفسحات و الاصحاب .. ف انتو
نرمين:بقيتي حكيمه ي بت
نور:نرمين بجد ،، شكرا لانك اختي .. حتى لو احنا عيله م مثاليه شديد يعني ،، بس احنا عيله❤
نرمين:(حضنتها ..)اصلا طول م انتى كويسه و امي كويسه و ابوي ان شاء لله ح يبقا كوويسة،، باقي الحاجات بتهووون
نوور:ان شاء لله ..

طلعتا قدام المستشفي اشمه هواا شويه لقيت عمر قاعد ف واحد من الكراسي ..

نرمين:عمر !!

عمر:نرمين ،، كيفك

نرمين:م عارفه ،، يعني مثلا كل ال ف بالي حسي متين الايام دي تخلص .

عمر:ح تخلص .. قالو شنو جووه

نرمين:احتمال يبتروو ليهوو يدوو

عمر:(اخذ نفس عميق ..)طول م هوو حي باقي الحاجات بتهوون ..

نرمين:صح ..

أتمشينا سوا شويه بعدين امي ضربت لي ارجع المستشفى ..
رجعتا لقيتهم قاعدين ..

نرمين:ف شنو؟!..
ساميه:ابووكي ..
نرمين:مالو !!
ساميه:قالو بقا كويس😭م ح يبترو ليهوو يدو الحمد لله😭
نرمين:الحمد لله ي رب ..

بعد مسافه جات الشرطه و اتكلمت مع فارس و مشت ..
كنت مستغربه بس م حبيت ادخل معاهو ف نقااش حسي ..

نزلتا تحت لقيتو نزل وراي ..

فارس:نرمين ..

نرمين:نعم !!

فارس:ف حاجه لازم تسمعيها ..

نرمين:اها ،، خير !!

فارس:(طلع تلفوونو و سمعني تسجيييل ..)

كان صووت عمر :

_أقتلو؟!.

عمر:أقتلو !!

نرمين:ده شنو؟!..

فارس:مكالمه مسجله ..

نرمين:م فهمتا

فارس:فهمتي ،، ي ربي الضرب ابوكي منو ،، اكيد المكالمه دي م جات من فرااغ

#الغرفه_٢٠١

بقلم نرمين طه
-١٩-

اليوم التاني ابوي أصر انو يطلع من المستشفي و طلعوهو ..
كان بحاول يمشي بتعب شوويه بس طول عمروو كان قووي و بعمل ال ف راسو !!

المسا كده ناداني الغرفه ،، دخلتا ليهو و كان قاعد و ماخذ وضعيه الجدية ،، م انكر اني خفته لانو دايما القعده دي بكون وراها نقاش او قرار حاد ..

قعدتا قصادو و قبل أتكلم هو بده ..

محمد:انا ابوكي و عارف مصلحتك اكتر منك ..
نرمين:اها
محمد:م ح تلقى احسن من فارس
نرمين:ي ابوي ..
محمد:(قاطعني ..)فارس زول كوويس ،، خلقه و اخلااق .. وضعو مرتاح و واقف معانا وقفه رجال ..
نرمين:دقيقه ،، انت بتقول شنو؟!..انا م عايزاهو
محمد:عشان الحيوان داك؟!..
نرمين:لا عشان انا م بحبوو ،، قرار زي ده انا مفروض اخذوو م انتاا
محمد:انا اخذتو ،، انتي بتي و انا حر
نرمين:نعم !! يعني عشان انا بتك تاخذ قرار مستقبلي كلو؟!..
محمد:اي .. قراراتك ح تضيعك
نرمين:قرارك انتا ح يضيعني ..
محمد:عايني .. عمر لعب ف راسك عشان كده انا حسي ماسك نفسي .. م ح اعمل ليهو شي عارفه ليه؟!..لانو لمن اكسر ليهوو راسوو و اخليهو يشووف كيف انتى عرستي فارس ماف اكبر من الانتصار ده
نرمين:هههههه ،، ( بقيت بضحك بطريقه هستيريه ..) ابوي انت ماخذني كلعبه ،، يعني كده ح تنتقم؟!.. و انا .. طيب رأي م مهم؟!.. ح اعيش مع واحد م عايزاهو ف نفس البيت عشان انت تحس انك انتصرتا ع عمر ؟!..
محمد:لا .. فارس شاريكي .. انتى م عارفه بعمل شنو عشانك
نرمين:م عايزه اعرف ي ابووي ،، انا م ح اعرسووو و بس ..
محمد:(قام من مكانو ..)و الله الحاجه دي اتقررت و المووضوع انتهى ،، الجمعه عقدك
نرمين:نعم !!
محمد:بعد بكره عقدك !!
نرمين:ابوي قول انك بتهظر الله يرضى عليك
محمد:م بهظر .. تلفونك وين؟!..
نرمين:ابووي💔
محمد:تلفونك وين؟!..
نرمين:ف غرفتي
محمد:تمام ،، قومي يلا معاي ..(سحبني من يدي و طلعني الغرفه .. شال التلفون و اللاب و قفل الوايفاي من البيت ..)ح تقعدي هنا من غير مشاكل لمن الموضوع ده يتم !!
نرمين:ابووي بتهظر صح ..

قبل اتم كلامي او استوعب لقيتو قفل باب الغرفه و طلع ..

بقيت بصرخ و ابكي و ماف زول برد علي اصلا ..

عمري م اتوقعتا يوم زي ده يجي علي ..

امي دخلت غرفته و بقت تبكي و نوور بقت تتكلم مع ابوي بس هو خالص م برد عليها💔💔

عمر قلق علي شديد بس م كان قادر يصل لي💔

م خته ف بالو انو ده ال حاصل💔

فارس حله مشكلة محمد و بكده الاتفاق تمه بينهم ..

و جا يوم الجمعه و حصل الحصل فيهو💔💔💔💔

نرمين:(كانت بتبكي بطريقه هستيريه و هيا بتحكي ل يااسر ..)
ياسر:أهدى و روقي .. اصلا دي نهاية قصتكم ،، كانت معرووفه .. ماف شر بفضل منتصر للأبد
نرمين:بس عمر م كده ..
ياسر:انا ح اوريكي شي واحد و اعتبريهو اثبات ع عمر ،، هو كان السبب ف الحصل ل أبوكي
نرمين:كيف؟!.
ياسر:الطعن ابوكي واحد مرسلو عمر ..
نرمين:ههه ،، كذب .. لمن حسي بتكذبوو
ياسر:انتى شايفه اننا كلنا بنكذب بس عمر لا ؟!.. يعني كل الكون اتفق عليهو و هو برئ ،، م عارف اقول ليكي شنو ،، ي انتى غبيه ي غبيه دي م فيها اتنين تلاته
نرمين:(ختيت يدي ف اضاني و نزلتا راسي ..)عمر م كده ..(كنت بتذكر ف شكل فارس و هو واقع ف الارض و الدم حولينوو)

ياسر قام وقف جمبه الباب و معاهو وائل ( ده واحد من الشغالين ال جو معاهوو ..)

وائل:اها ..

ياسر:الاسامي الكتبتا ليك ف الورقه دي مهمه اي زول ذكرتو ح نجيبو ، و برضو ف عناوين ذكرتا ح نمشي ليها .. و شكلوو ال احنا شاكين فيهو صح اصلا

وائل:بخصووص ابوها ؟!..

ياسر:اي ..(كان بعاين ل نرمين و بتكلم ..) هيا م ليها ذنب بالبحصل بس احنا محتاجين ليها شدييد ،، لو ف زول ح يوصلنا للنهايه فهيا نرمين

وائل:ح نخليها معانا كيف من غير نعمل جووطه ف القسم و من غير ابوها يصل لينا !..

ياسر:م ح ناخذا القسم ،، ح نكمل ف الشقه دي .. لمن نشووف نصل وينن ..

يااسر قعد قصادي تاني بس انا م كنتا مركزه معاهو ،، كان ف حاجات كتيره ف راسي ،، بتذكر لحظات غريبه و برجع بربط حاجات مع بعض ..

حسيت اني تعبتا شدديد ،، قمتا من مكاني و دخلتا الغرفه من غير اقول ليهم شى ..
الرجال كانو بعاينو لي و عاينو ل يااسر عشان يثبتوني بس هوو قال ليهم خلووها ..

دخلتا الغرفه و قفلتا الباب ..

كان كلام عمر بتردد ف راسي ..

_بحبك اناا
_انا مستحيل أأذيكي ..
_انتى بس خليكي جمبي ،، صدقيني كل العايزو اكون معاكي
_نرمين .. صدقيني .. معقول انا اكذب عليك ..

نرمين:معقول تطلع كذاب؟!..طيب و الحب الراح داك ،، معقول كنتا بتعاين ف عيوني و تكذب طيب امكن م بتحبني .. انا عايشه ف وهم صح؟!..(بقيت ببكي و بصرخ بصوت عالي ..) الله ياخذك ،، انا بكذب ف نفسي و الناس عشانك😭انا خلاص تعبتا😭

ياسر كان بره و سامع الكلام ده💔

ياسر:وحياتك م اخلى حقك يضيع ..

ياسر نزل تحت و كان قاعد ف القهوه تلفونو ضرب ..

_الشحنه ح تطلع بليل الساعه ١٢

ياسر:منو مطلعه؟!..

_عمر ..

#الغرفه_٢٠١

بقلم نرمين طه
-٢٠-

كنتا قاعده ف الغرفه و بتذكر ف عمر ،، تفاصيلنا سووا و الحاجات الحلوه ال بينا و ف نفس الوقت كلام يااسر ف بالي ..

نرمين:م ينفع كده .. لازم القا طريقه اطلع من هنا !!

ياسر كان قاعد بره و بفكر ف طريقه يجيب بيها عمر ل حدى عندوو ..

وائل:هو اصلا حسي مطلووب رسمي عنده الشرطه بس م لاقين ليهوو أثر
ياسر:ح يطلع من مووضوع فارس ده انا متأكد
وائل:ف شهاده نرمين
ياسر:نرمين م ح تشهد ضدوو
وائل:انتا ليه م توريهاا قصه زينب عشان تعرف الحقيقه و خلاص ،، وقتها م ح تدافع عنوو ..
ياسر:لاني محتاج ل حبهم ده عشان نوقع فارس لو صحه .. حب عمر ل نرمين نقطة ضعفوو و حب نرمين ل عمر نقطة ضعف فارس ..
وائل:و لو فارس مات
يااسر:لو مات الموضوع ح يكون أسهل ،، يعني ح يفضل لينا عمر بس .. مصيروو يقع ف غلطه زي م وقع ف غلطه رامي ..
وائل:غلطة رامي؟!..
ياسر:(أبتسم و حكه ليهوو ..)
وائل:ههههه ،، يعني عمر !!
ياسر:اي عمر ..(و أبتسمو الأتنين سوا ..)

.........................

بلسان عمر :

كنتا قاعد و زهجان شديد و بفكر ممكن اعمل شنو عشان احل المصيبه دي ..

طلعتا و مشيت ع العماره ال فيها نرمين كان معاي راجلين و سعيد جاني هناك ..

عمر:الوضع شنو جووه
سعيد:وائل و ياسر فووق و ف بتين ،، غير انو تحت ف شرطي قاعد ف باب العماره .. دخوولك صعب
عمر:ماف حاجه صعبه علي ،، بياكلو من وين
سعيد:الشرطي بمشي المطعم يجيب ليهم اكل ..
عمر:حلو طيب ..

وقتها جاتني فكره و رسلتا واحد من رجالي الصيدليه و فعلا جابو لي الدوا المطلوووب ..

رسلتا واحد تاني وره الشرطي ،، اثناء م الشرطي مستني طلبو يطلع ،، راجلى دخل جووه اتكلم مع الطباخ و طلع ليهو قرووش و خته جزوو من الدواا ف الاكل ..

كل الامور كانت رايقه و عشان نضمن اننا م اتسرعنا قعدنا زي ساعتين و بعدها أستنينا الشرطى يتحرك من مكانو و اول م اتحرك انا و سعيد دخلنا ..

كان معاي مفتاح اصلا ،، فتحتا الباب و دخلتا براحهه لقيتهم كلهم نايمين ..

وائل و ياسر ف الكرسي و الباقين ف الكنب ..

دخلتا ع الغرفه و لقيت نرمين برضو نايمهه ،، اتأكدتا انها أكلت من الأكل برضوو ..

شلناها براحه و طلعنا من العماره ..

و اتحركنا ع ابعد حته ممكن تكووون ..

بلساان نرمين :

صحيت و أنا مصدعه شديييد ،، راسي كان لافي ..
فتحتا عيوونى لقيت نفسي ف غرفه تانيه ..
حاولتا أستوعب بس م قدرتا ..

قمتا براحه و بقيت اعاين ..
كانت غرفه كبيره فيها سرير كبير و مرايه و دولاب صغير !!

فتحتا الباب و اتفتح لى ،، طلعتا بره كان ف ممر طوويل و ضيق مشيت فيهو .. كان ف باب غرفه نهايه الممر ..
فتحتو لقيت غرفه صغيره و فيها سرير و م فيها زوول ..
كملتا و مشيت كان ف سلم بنزل ع تحت ..
نزلتا و لقيت نفسي ف صاله كبيره شديييد ..
كنت خايفه شدييد و البيت هادى و الأضائه بسيطه ...

عمر:نرمييين💔

نرمين:(عاينتا ليهو بخلعه ..)عمر😭😭

عمر:(قرب منى و مسح لى دمووعى ..)ليه ليه البكا ،، خلاص كلووو راح .. أعتبري الحصل كان كابووس و أنتهى ..

نرمين:عمر ف شنو .. فهمنى الحاصل ،، انا خايفه شديييد .. كل زوول بقوول كلام ..

عمر:صدقي كلامى بس .. انا عندى توضيح ل اى شي .. هما بحاولو يطلعونى كعب بس انا م كعب💔

نرمين:انا واثقة أنك م كعب💔عمر انا مستعده اسيب كل الدنيا و امشى معاك انتا💔

عمر:....

ف المستشفي :

رزان كانت قاعده و مستنيه خبر من الدكتور ..
فجأه لمحت رامي راجله ..

رزان:رامي؟!..
رامي:رزان عايزه تجنيني انتى؟!..وريني .. كيف تعملى كده و تختفى .. ارسل ليكي تقولي لي بس طلقني؟!..هو الطلاق لعبه؟!..
رزان:وطي صوتك
رامي:ي بت اوطي صوتي شنو؟!..
رزان:اي انا عايزه اطلق ،، م عايزاك تاني .. ف شنو؟!..
رامي:ف انو الموضوع م ع كيفك !! وريني مالك .. حصل شنو؟!..
رزان:امممم مالي وو حصل شنو !! امكن عايزه اطلق بسبب المحادثه الشفتها بينك و بين اختي ،، امكن بسبب انك حيوان و كنت ساكت ليها رغم الكلام الزباله ال كانت بتقولو ،، امكن عشان اهلك همهم انوو البت تكوون حلوه و بيضه و شايفني م جايه معاك و انتا بقيت تفكر كده !! امكن لانك اتغيرتا معاي و بقيت م زي الاول !! امكن لاني حاربتا كل الناس عشانك و لمن كسبنا انتا حاربتني؟!..
رامي:رزان💔
رزان:هو سؤال واحد بس .. لو انت من البدايه م كنتا وااثق ف مشاعرك اتجاهي ليه وصلتناا المرحله دي؟!..
رامي:...
رزان:م زعلانه منك انا .. زعلانه لاني كنتا قايلاك غير ،، زعلانه من تفكيري ف انك ح تعوضني اي حاجه سيئه انا عشتها ،، و حسي اكتشفتا أنك من الحاجات السيئه الدخلت حياتي من جديد💔

رامي كان ساكت و م عارف يرد ،، رزان سابتو كده و مشت ،، لقت الدكتور و قال ليها انو ف تحسن ف حالة فارس و انو بده يصحه ..

عنده نرمين :

كنا قاعدين و بناكل .. بعد خلصنا عمر جاب لي الشاي و قعدنا ف الحديقه وره ..

عمر:ح تفضلي ساكته ..

#الغرفه_٢٠١

بقلم نرمين طه
-٢١-

كنتا بعاين ليهو مخلووعه و م عارفه اعمل شنو💔💔
خفته شديد💔مشيت عليهو براحه و مسكتا يدوو ..

نرمين:عمر💔بتعمل ف شنو انتا؟!..

عمر:م بعمل شي انا !!

نرمين:اديني القزازه دي

عمر:(اداني ليها براحهه ..)انا م عملتا شي ،، انتى مصدقاني صح؟!..

نرمين:انا دايما مصدقاك💔تعال ..

اخذتو و قعدتو ف الكنبه بره و جبتا مناديل و مويه و حاولتا اوقف الدم ..
لفيتا ليهو ب شاش لقيتوو ف واحد من دولايب المطبخ ..

نرمين:واجعاك؟!..

عمر:شديد💔كانت بتوجع امي كمان !! بس هيا م كانت بتبكي .. كانت بتدخل الحمام و بتطلع بعد وقت طووويل ..

نرمين:عمر ،، م تعيش نفسك ف الماضي ، انت م كده !!

عمر:(عاين لي مسافه ..)كان عندها ضربه هنا ..(و مسك وشي ب يدوو و أشر ع خدي اليمين ..)

كنتا خايفه شديد و قلبي بقا بضرب شديد ..

نرمين:عمر !!

عمر:انا بحبك ،، م ح اعمل فيكي زي م ابووي عمل ف امي ،، م تخافي❤(و حضني ..)

من الخوف م قدرتا اعمل شى غير اسكت ..
اول مره احس انو ف شى غلط و انو الموضوع ده م ح ينتهى ع خير💔

عنده محمد:

محمد:انت مجنون؟!..ولد منو؟!..انت اصلا منو ..

مصطفي:انا مصطفي .. مصطفى محمد ..

محمد:ولدي شنو؟!..انت جاي هنا تتبلى علي و خلاص

مصطفى:(فكاهو و رمى ليهو صور ..)متذكر المره دي .. متذكر الصور دي

محمد شال الصور و كان فيها هوو و وحده شعرها أشقر ..
الصور ظااهر انها قديمه شديييد ..

محمد:دي فتحية !!!
مصطفى:و فتحيه دي مش كان مرتك !!
محمد:بس .. كيف ..
مصطفى:غشيتها زي م غشيت كتير قبلها ،، اتزوجتها عرفى و بعد سنتين من زواجكم اختفيت من غير اي خبر !! وقتها عرستا و كونتا حياتك و هيا ؟!.. م كان قادره تصل ليك اصلا
محمد:هههه ،، انا اصلا يعرفني انك ولدي انا شنو ؟!.. امكن ولد حيوان تاني ..
مصطفى:(مسكوو من لياقة قميصو ..)نمشي دكتور و نعمل فحص ،، كلو و لا انك تشك .. انا جيت .. ح اخذ كل حقوقي منك .. ح تندم ع كل لحظه خليت فيها امي تبكي و وحيده💔ح اخليك تندم ع المسؤليه الأديتا ليها و كانت صعبه عليها .. انا هنا عشان اخليك تفشل خلاص .. ماف اي شي يخلصك من يدي .. كان انتا كان مرتك و عيالك ..
محمد:....

عنده فارس :

صحه و كان سرحان و بعاين للحيطه فووق ..

بعد مسافه سمع صووت زول جمبو ..

ياسر:حمد لله ع السلامه .. طلعتا انسان قووي ..
فارس:وين هما ؟!..
ياسر:سؤال جميل ،، بس للأسف أجابتوو م عندي
فارس:مشت معاهو صح
ياسر:(سكت مسافه ..)لا .. خطفااا
فارس:كيف؟!..
ياسر:هربت و م كانت عايزه تمشي معاهو ،، جات عندنا و طلبت المساعده .. وفرنا ليها ناس يحمووها بس قدر ياخذا برضو .. الله اعلم حسي حالته شنو
فارس:(قام من مكانو مخلووع ..)كيف يعني ،، عمر ح يأذى نرمين؟!.. و بعدين كيف هربت منو؟!..ليه اصلا ..
ياسر:اكتشفت حقيقتو ،، كانت خايفه .. خايفه شديد !!
فارس:و انتو وظيفتكم شنو طيب😡م قادرين تحمو بت؟!..
ياسر:م قادرين و الله ،، عمر قووى و مجنون .. م اظن زول يقدر يقيف ف وشو ..
فارس:(فكه الدرب و قااام .. كان بمشي بصعوبه .. وصل يااسر و مسكو من قميصو و كان معصب شديد ..)كيف تخلوها تضيع من يدكم😡😡انتو حمير ؟!.. نرمين لو حصل ليها شي بحرقكم ..

ياسر طلع من غير يرد عليهو و اول م وصل بره بقا بتبسم ..
وائل كان واقف مستنيهو ..

وائل:حصل شنو ..
ياسر:فارس ح يوصلنا ل نرمين ،، ح يحرق اي زول عشان يصل ليهم .. و لمن يصل ليهم ح يحرق نفسو هو و عمر ..

بعد مسافه ياسر جاتو مكالمه و نزل تحت و قابل واحد ..

ياسر:ده التقرير

_اي .. الملف ده ح يدخل عمر و فارس ف اسأله كتيره ..

ياسر:فارس زاتو ضحيه ،، الأسأله دي ح تتوجهه ل عمر ،، عمر هو موضع الشك حسي ..

رزان دخلت ل فارس الغرفه لقتو بحاول يلبس ..

رزان:ده شنو .. جنيت انتا
فارس:لازم اطلع ..
رزان:م ح اخليك تطلع حته ،، عملتك كانت امبارح!!
فارس:(فجأه محل الطعنه ال ف صدروو وجعتو و قعد ف السرير ..)مفرووض اتحرك .. لازم ألقا مكانم ..

الدكتور جا و اجبرو انو يقعد و فعلا قعد ..
مسك تلفونو و ضرب ل كم واحد و خلاهم يجوو ..

عنده نرمين :

عمر نام و انا مشيت المطبخ شفتا ف شنو ممكن يتعمل اكل لقيت مكرونه !!
عملتها و عملتا صلصه ..

لمن زهجتا مشيت و بقيت بستكشف ف البيت ..
دخلتا غرفه عمر .. كانت فاضيه و م فيها شي !!
فتحتا الدولاب و لقيت صندووق صغير ..
كان مكتوب فيهو " المفقود ."

استغربتا بس فتحتو ..

لقيت صور ليهو و هو صغير مع مره يظهر عليها انها شابه .. كانت جميله شدييد ،، عرفتها أمو ..

ف صوره كان ظاهر انهاا مجرووحه ف وشها ، و حتى لمن عاينتا زي الناس لقيت ف جرووح ف اليد ..

كملتا و تاني كان ف صوره ل مره عجووزه ،، لو م غلطانه ح تكوون حبوبتو الاتوفت ..

بعد شويه لقيت صووره ل وحده بتضحك و كانت حلوه شديد برضووو ..
اتذكرتها طوالى لاني شفته نفس الصووره مع فارس .. كانت زينب ..

وره كل صووره أتكتب تاريخ الفقد💔

بعد شويه لاحظتا انو ف صوره تاني تحت ..

طلعتها و كانت الصدمه بالنسبه لي💔كانت صورتي ..

قلبتا الصوره ع وره لقيتو كاتب تاريخ ١٢/٨/٢٠٢٠ ..

بقيت بتذكر احنا تاريخ شنو و كنا ف تاريخ ١٠/٨ ..

م عرفتا اعبر و لا أدى رده فعل !!

بقيت بفتش ف الصندووق لقيت ورقه مكتوب فيها " كل الأحبه يموتون فلا تحب ، و إن أحببت أِقتُل ."

يدي بقت ترجف و دخلتا الحاجات الصندووق طوالى ..

بقيت بفتش ف الأوضه على اي حاجه تانيه بس م كان ف شى ملفت للنظر تاني ..

طلعتا من الغرفه لقيتو صحه ..

عمر:كنتى بتعملى شنو؟!..

نرمين:انا .. و لا شى .. بس .. بشووف البيت

عمر:عجبك؟!..ح نمشى من هنا اصلا

نرمين:متييين

عمر:بعد بكرهه

نرمين:بعد بكره؟!..

عمر:اى .. مالك؟!..

نرمين:لا .. و لا شى .. جهزتا الاكل .. ناكل؟!..

عمر:اى جعان و الله

نرمين:طيب ..

دخلتا المطبخ و انا برجف ..

نرمين:ي ربي .. ده شنو البحصل ده !!

عنده فارس :

كان قاعد و كلم الشباب انو بس عاييز يعرف مكان عمر و فعلا كلهم اتحركوو عشان يقدرو يصلوو ليهو ..
أثناء هو قاعد ف الغرفه دخل عليهو يااسر ..

فارس:شايفك اتعودتا تجى هنا كتير .. خير ف شنو ..

ياسر:ف اسرار لازم تنكشف ..(و رمه ليهوو ملف قدامو ..)

فارس:ده شنو ..

ياسر:تقرير من الدكاتره .. مووت زينب و مرضه ..

فارس:م فاهم؟!..

ياسر:(قعد قصادوو ..)زيينب مرضه النفسي م جا من فراغ ،، لمن أتوفت و شرحو جثته أكتشفو انو ف حبوب أسمها لانيرين كانت بتبلعا .. و ف حبووب بتسبب ضغوطات ف الاعصاب برضو كانت بتستخدما .. الحبوب دى بطريقه غير مباشره خلته تجن .. و سببت ليها مشاكل نفسيه بذات انو كانت بتبلعا بصووره متكرره ..

فارس:زينب ليه تعمل ف نفسها كده ..

ياسر:زينب م عملت ،، الفتره ال أنتا و هيا سبتو بعض زينب كانت بتقضى وقتها مع عمر .. (طلع ورقه من جيبو ..)او ممكن نقوول مع راجله عمر !!

فارس:(بخلعه ..)راجله؟!..

ياسر:هما عقدو .. ممكن نقول زوااج عرفى .. زينب عاشت آخر ٥ شهوور من حياته مع عمر ف بيت واحد من غير زول يحس ..

فارس:دقيقه .. انا م فاهم شى ..

يااسر:لمن جينا للتقرير قالو انو الحبوب دى ممكن يكون أقصى حد لأستخدامه من ٦_٥ شهوور يعنى نفس الفتره العاشو فيهاا سووا ،، و الحبوب دى صعب تتوفر ف السودان و ف الغالب زى م بتجيبو المخدرات من بره م اظن صعب ع عمر يجيب حبووب زى دى ..

فارس:انتا حالياً بتقول عمر قتل زينب ،، دى كلها احتمالات؟!..

ياسر:ده م احتمال انا متأكد ،، ف #الغرفه_٢٠١ م كان ف سكيين .. احنا لمن حسي م عارفين كيف زينب لقت سكيين و قطعت شراينه .. اخر زول ف الغرفه كان عمر .. و لمن حسي م عارفين حصل بينهم شنو ..

فارس:طيب و الدكتوره؟!..قالت انو أبوو عمر م كان عايزهاا تتكلم و انو حتى مرضه م كان ف زول عارف بيهو ..

ياسر:أحب اقول ليك احنا حققنا مع الدكتوره و كلامها كان صح بس قالت نهايه كل جلسه كان ف زول بجي ياخذا من تحت و م كانت عارفه هو منو و طبعا طلع م ابوها لانو اصلا ابوها عرف بمرضه اخر ايامات .. لمن عرف و نبهه ابوو عمر انو لازم عمر م يعرف ب شى كان اصلا عمر عارف .. عمر خطط ل اي شى بس نسى تفاصيل صغيره و دي الحاجه الوقعتوو ..

فارس:عمر يعمل كده ليه؟!..

ياسر:عشان هو م طبيعي .. عمر مجنون .. عارف انو عمر فعلا هو الطلب من واحد يضرب ابو نرمين ،، بعد م حصل كده و عرف انو المكالمه عندك طلب يقتلو رامي .. و قتلو رامي بس التشريح بوريك الموت كان متين و حسب التقرير هو مات بعد يومين من الحادثه ..

فارس:مستحيل .. هو كان بحس بالذنب من المخدرات و الحاجات العفنه البنعملا ..(و بقا خاتي يدو ف راسو و بمشي ..)

ياسر:عمر مشكلتو م مع الرجال و لا الناس ،، عمر مشكلتو مع الناس البحبهم .. زينب .. نرمين .. اي زول قريب منو .. دي وجهة نظر ..

فارس:نرمين ح يحصل ليها شنو ؟!..

ياسر:نلقاا نرمين سوا بس ..

فارس:بس؟!..

ياسر:تعترف بكل الحاجات الوسخه العملتها انتا و عمر زمان و حسي !! انتشار المخدرات الحاصل بسببكم عايزو يقيف .. يعني انت و عمر تنتهو و وقتها نرمين بتنقذوها !!

فارس:....

عنده محمد :

طرد مصطفى من المكتب و كان زهجان شديييد ..

محمد:ده شنو ده ..(و ضرب مكتبوو قوووي ..)من وين طلع ده كمان ..

مصطفى نزل تحت و كان زعلان شديد !!
كان بتذكر كيف أمو تعبت و م كان عندها حقه العلاج .. كيف اشتغلت ف بيووت الناس عشان تأكلو و تدخلوو مدرسهه ..

ركب مواصلات و نزل قصاد بيت محمد أبوهو ..

مصطفى:الليله البيت ده ح يتحرق كلووو ، تطردني انا ؟!.. ح تشوووف ..

عنده نرمين :

قعدنا أكلنا بعدها انا قمتا و طلعتا بره ،، كان ظاهر ف وشي اني خايفه و متوتره ..

عمر:نرمين !! ف شنو؟!..

نرمين:ماف شي ي عمر .. اشتقتا ل نور و ل أمي !!

عمر:كلها فتره و تشوفيهم💔

نرمين:عايزه امشي

عمر:م ح اخليكي تمشي مكان ..

نرمين:بس ..

#الغرفه_٢٠١

بقلم نرمين طه
-٢٢-

مصطفى:أتحرقو زي م حرقتوني🔥💔

نرمين صحت من النوم مخلووعه و قلبها مقبووض ..

نرمين:امي💔💔

طلعتا من الغرفه و كنتا ببكي و طالعه من الباب الا حسيت بزول مسكني قووي و قفل الباب ..

عمر:ماشه وين ..

نرمين:عمر !! مااشه ل أمي .. حاسه ف شي

عمر:قولي بسم الله .. ماف اي شى .. ادخلى ..

نرمين:عمر .. خليني م عايزه اقعد !!

عمر مسكني قوي و دخلني الصاله و انا كنت ببكي و بصرخ ..

نرمين:عمر ياخخ😭

عمر:انتى خايفه ع الزول الغلط ..

نرمين:م فهمتا !!

عمر:أمك اصلا م انسانه يخافو عليها

نرمين:انت بتقول شنو

عمر:(طلع صور من تلفونو و وراني ليها .. كانت ف مطاعم مع واحد و تاني ف صور و هيا داخله عماره معاهو ..)شفتى ..

نرمين:ده منو

عمر:حبيبه ،، حسين .. الهربت معاهو يووم فارس لقاها و قالت وقعت فجأه ..

نرمين:انت بتقول شنوو ،، مجنون انتا😡

عمر:انا م عايزك تعيشي ف كذبه زي ال أنا عشتا فيها ،، هيا هربت و هو سرق ذهبه .. اسألي فارس عارف اي حاجه

نرمين:بس الذهب لقيناهو و كان مع سحر ..

عمر:لانو فارس رجعوو من حسيين ،، اصلا انتى عايزه أثبات شنو غير الصوور دي !!

نرمين:انت عايزني اكرهه امي؟!..بتقول لي حسي ليه !!

عمر:م عايزك تعيشي ف وهم ،، انتى حبيبتي و عايزك تعرفي اي شي ..(و بده يهبس شعري و يبتسم ..) امي كان شعرها كده .. كنت بلعب فيهوو ..

نرمين:....

عمر:م ح تطلعي مكان ..

نرمين:....

عمر دخلني الغرفه و قال لي نومي ،، رقدتا و كنتا خايفه اول م هو طلع سمعتا صووت المفتاح و قفلة الباب ..
قمتا و بقيت بصرخ و ادق ف الباب بس خالص م جا ..

عمر:بحبك انا ..

عنده فارس :

سعيد كان بضرب و بعد الوقت ده كلو حتى رده عليهو ..

سعيد:ي مان كيفك .. حمد لله .. ركز معاي كدي .. ف سؤال لازم اسألو ليك و عايزك تجاوبني بصراحه .. قبل كم سنه كنتا بتجيب ل عمر ادويه من بره و لمن سألتك م وريتني .. الموضوع مهم عندي شديد و لازم اعرف حسي الحبوب دي كانت شنو؟!..ي زول !! كيف يعني؟!..(سكت و كان مصدوم ..)

بعد مسافه قفل ..

فارس:ف شنو؟!..

سعيد:بس كيف؟!..معقول م لاحظتا

فارس:شفتا .. قلتا ليك😡ياخ ده شنو ده ،، كيف كنا زي الأغبياء م عارفين شى ..

سعيد:بس ليه ..

فارس:ارح ..

سعيد:ووين

فارس:يلا ي سعيد ..

طلعو مشوو ع القسم و سعيد حكه ليهم انو بتاع الادويه اعترف ليهو ب اي شي ..

ياسر:ح تساعدنا؟!..ورينا مكانم بس

سعيد:(اتذكر مووت زينب و انو م بقدر يدخل ف ذنب زي ده ..)بوريكم ،، بس عمر م يحصل ليهو شى💔

ياسر:عمر مريض نفسي بالنسبه لينا .. م ح يحصل ليهو شى💔

اثناء هما قاعدين جا واحد داخل و قال كلام ف اضان ياسر ..

ياسر:شنو ..

فارس:نرمين؟!..

ياسر:اهلها💔💔

ياسر و فارس و سعيد اتحركو ع البيت و كان عباره عن شبههة رماد ،، م فيهو شى سليم ..

نور كانت لابسه بجامه و واقفه بتعاين و تصرخ زي المجنونه و صحباتها و مريم و روان ماسكنها ..

نور:امي ، ابوي😭😭😭😭كذب .. اكيد هما كويسين😭😭جيبو لي اهلى😭امشي وين بعدهم انا م عندي زول .. نرمين وين😭😭😭نرمين تعالى بموت انا و الله بموووت😭😭💔جيبو لي امي .. امي كيف تتحرق و الله ده م منطق كيف يحصل كده .. امي م بتموت .. امي وين😭😭😭😭
دخلوني ليهم😭(و كانت بتحااول تدخل بس بمسكووها ..)

روان:نور روقي😭💔💔

نور:اهلي م بموتو ،، اتحرقو؟!..اتحرقو؟!..م بتحرقو .. جثتم بقت رماد ؟!.. قالو كده !! كيف يعني .. هههه .. م لاقين شي .. ههه .. كذب .. ي نرمين تعالى😭😭😭

فارس:نرمين💔💔

عنده نرمين :

كنتا قاعده جمبه باب الغرفه و برجف ..

قصاد المكان ال أحنا فيهو :

نسرين:ح اقتلك زي م قتلتا ولدي💔م ح اخليك💔

سعيد وره ياسر مكان عمر و فعلا اتحركوو ع هناك طوالى بس المسافه م كان قريبه ..

نرمين:عمر افتح الله يوفقك😭

عمر فتح الباب و جا قعد جمبي ف الارض ..

نرمين:عمر ليه بتعمل كده😭

عمر:بخاف .. بخاف تموتي .. م عايزك تموتي

نرمين:عمر موت شنو😭💔خلينا نطلع من هنا عليك الله ..

عمر:م ينفع .. بره العالم سئ .. زينب كانت بتقول لي كده .. بتقول لي خلينا نخلى بعض .. بتقول لي ابعد مني .. بس انا م بقدر أبعد .. عشان كده هياا ماتت ..

نرمين:م فهمتا ؟!..

عمر:م بقدر اخلى زول بحبو يمشي .. لو عايز يمشي يبقا احسن يمووت ..

نرمين:عمر .. انا بحبك .. م ح اسيبك💔

عمر:(كان ماسك قزازه ف يدو صغيره م شفتها .. مسك خدي براحه و كان بعاين لي بحب ..)انا كمان بحبك .. بس .. ليه؟!..ليه العلاقات مصيرها تنتهى بموت او فشل او بعد💔حتى انتى عايزه تمشي💔م عايزاني .. انا دايما كنتا براي ..

بعد مسافه بقيت بصرخ و حسيت بحاجه ماشه ف وشي و حاره شديد💔

نرمين:عمر😭😭😭عمر كفايه اقيف ..

كان ماسكني قووي و جرحني ف وشي جرحه كبيره و كان وشي كلو عباره عن دم ..

نرمين:عمر😭😭

عمر قام و طلع بره و قعد جمب الباب ..

نرمين:عمر😭😭😭😭