#روایتي
بقلم فادية محمد
-٩-
يلا لمن الصباح صحيت لقيت انو مروه طالعه... ع حسب انها تلاقي طارق بدري
وكالعاده لفحت توبي ونزلت معاها اقدمها
عمر طالع للشغل ووقف عاين لينا مساااافه وعاين لساعتو
جاء يتبسم قال لي
*انتي طبيعي بتطلعي بدري 😂 ؟!
#😁😅صدفه
....... سلم علي وع مروه قال لي مش دي الجات أمبارح معاك 🤔
...... مروه قالت لي اي ياها زااااتها 😂
انا قلت ليو دي مروه فردتي واختي وكل حاجه😍
ودا عمر يا مروه
هو عاين لي في عيوني قال لي عمر منو ؟!
قلت ليو عمر ودالجيران😝
قال لي ظريفه 😒😏...مروه انتي ماشه وين بالظبط لو في طريقي اوصلك معاي ☺️
قالت ليو ماشه......
قال حلو يلا اوصلك
قالت ليو لالا ما اتعبك معاي😄
قلت ليها تعبيو طوالي 😂
...... المهم مروه طلعت العربيه وهو بعد طلع تاني نزل وجاني قال لي
* فدوى عايذ أسألك ليه أمبارح قلتي معليش ؟!
#ولاشي ما تركز
*مممممممم ، نتفاهم بعدين في الموضوع دا
#بعدين!!!!! 🙄
*ايوووون
......قال كدا وعيونو في عيوني
شكلو بالجد ناوي يجلطني💔
......يلا بعد مني وطلع العربيه هو ، وانا عايذه ادخل البيت اتلفت ع مروه
لقيتها مطلعه سنونها لحد الضرس الأخير 😂😂🌝😁
عسل ياخ
......المهم المغرب عمر اتصل ، في الأول ما قدرت ارد قدام خالتي
شلت التلفون ودخلت الغرفه ودقات قلبي سامعاهم في اضاني😂😂😂😂عولاق شديد غايتو
*الو🙄
#يا هلا بيك كيفك فدو ؟!
*فدوى ما فدو
#هههههه ركزتي في الاسم وما رديتي ع كيفك
*كويسه الحمدلله ، وانت ؟!
#الحمدلله عافيه ،،، ح تستغربي اني ليه اتصلت صح
*لالا عادي،اتعودت ع وجع الوش 😂😜
#هههههه انتي لاقياني وين ، لمن ترجعي بيتكم ح تشتاقي لي
*ابدا اشتاق ليك ليه😂
#بالمناسبة راجعه متين؟!
*عايذني ارجع يا مستعجل
#ياااااااااارييييييت تكوني هنا وم ترجعي خالص
*حنااااك طلعت😂
#ابدا م حنك ، لانو انتي ايام رجعتي اهلك بالجد فقدتك واتعودت اشوفك ع طول ،،، انتي عارفه اني كنت بنتظر مسااافه الصباح قبل اتحرك بالعربيه بتوقع اشوفك ،، والمساء لمن أرجع بقعد برا قريب ساعتين ،، قلقت عليك لانك كنتي عيانه من المعده افتكرت حصلت معاك حاجه وما قدرت اسأل امي عنك ،، ورقمك م معاي عشان كدا ما صدقت انو علي شال تلفوني يتصل ليك بيو ،، سجلت رقمك 😂😂😂💔🙈
......... يلا لمن قال كدا حسيت بوجع بطن والله جد ، انا م متعوده يا جماعه😂😂 ،، وقلبي حاسه بيو نزل وجسمي كلو تلج😂😂😂والولد طلع بريئ قال معده قال😂😂
*قلت ليو :ممممممممممم،ليه كل دا ؟!
#والله الحاجات دي كلها ح توضح قدام☺️ ،،، هسي اتصلت عليك عشان اكلمك من هسي اني ح اوصلك بكره وما عايذ نقاش✋
*هههههه انت م جادي ولاشنو ياخ هناك انا بعرف الناس كلها من اصغر واحد لحد اكبر واحد واكيد ح يسألوني دا منو الجابك بالعربيه ، انسى الفكره🙄😁
#انا كلمتي وحدي ما بهموني هم ، بالمره ادخل اسلم ع امك وابوك
*عمر مستحييييييل ما تضغط علي💔
#اوووكي ياستي ما ح اوصلك لكن ح تمشي معاي مشوار واوصلك بداية شارعكم ظريف كدا يا أستاذه ؟!
*مشوار وين وريني وريني وريني🌝🌝
#ابيييييييييييييت خلي لبكره بطلي شمارات
*طيب اوكي متفقين
#ح يكون بينا اتصال يلا تصبحي ع الف عافيه💚
*ان شاءالله

طوااااالي اتصلت ع مروه وحكيت ليها... طبعا ما وريتكم انو الفكره دي فكرة مروه هي القالت ليو بكره يوصلني... الكلبه مصره إنها تورطني في عولاق الحب😢😅💔
يلا قالت لي:وين المشكله في الموضوع ؟!
*مروه انتي هبله ولاشنو كيف وين المشكله ، بري الحاجات دي كبيره وانا م قدرها وجني وجن العلاقات ياخ مشاكلها كتيره وانا اكبر مشاكلي حاليا لمن أتأخر عن الأكل ،، كدا مرتاحه انا 😂😂✋
#فدوى النبي ما تستهبلي وتغشي نفسك لانك حاسه في حاجه تجاهو
*يابت عرفت من متين ، انتي عارفه الاعجاب فترتو 6 شهور حتى بعدو الحب يعني بالمختصر ان
مروه قاطعتني
#بالمختصر انتي دي بطلي فلسفه 6 شهور ولا سنه..... الولد قبيل ونستو معاي كلها عنك انتي وعايذ يعرف كل حاجه عنك وحتى رقمي شالو عشان يتقرب ليك انتي افهمي
*😳😳😳سجمي ، قال شنو عليك الله
#والله لو كسرتي رقبتك ما اكلمك ، مش عامله نفسك بعيده من المواضيع دي
*المطلوب مني شنو😔💔
#بكره تمشي معاو وم عايذه نقاش معاك يلا
قفلت فيني كالعادة ، السفهه دي حاره خلاص😂😂💔
يلا اتوترت شديييد وناديت وعد قلت ليها عمر اتصل وعزمني رايك شنو ؟!🙄🙄🙄🙄
هي تضحك ضحك قالت لي اخيرااا قالها قال احبك قالها😂💕💕👌
قلت ليها بطلي عولاق بعدين م قال احبك ما تألفي من راسك
يلا هي نفس مروه كلامها كلو حب وما بعرف شنو ،، اختصار كلامها قالت لي تمشي بكره وانا ح اظبطك
انا حلفت م اعمل حاجه غير الروج والبدره بس كرهتي حاجه اسمها ميكب ، اي ما انثى عارفه نفسي😏
المهم بكره جاء واصلا م قدرت انوم ، بايره مستجده فرحانه😅😂😂😂
عمر اتصل لي وقال لي صباح الورد يلا اصحي ما تأخريني ، ساعه بالكتير القاك قدام الباب وقفل فيني
انا خشمي ما فتحتو وقعدت اضحك ع نفسي عاد دي نهايتها كمان

ما متوقعه يجي يوم واني اكره زول لكن بكرهم
...... انا بكيت وختيت يدي في وشي وبقيت بقول بكرهم ياخ وما عايذه حاجه تربطني بيهم
..... هو مسك لي يدي ورفع لي راسي وقش دموعي قال لي
#هسسسس هس 🤫، ما تبكي خلاص ما بتحمل دموعك ، انا معاك ما ح اخليهم يأذوك تاني ، خليك واثقه فيني
..... وانا مواصله بكاء قلت ليو ابوي ح يكون متأثر شديد😭
#اي لانها اختو لكن فتره وح تعدي ان شاءالله
..... وفجأه علوش جاء طالع من البيت ، عمر زح يدو، الاتنين عاينا لعلوش بغبااااااء😅🙄
هو قعد يضحك قال ويييييين انا من قبيل ، لو عارفكم هنا كنت جيت بدري
عمر عاين ليو بطرف عينو نظام اسكت
علوش قال لي #بتبكي ليه يابت ما تكوني زعلتي من كلامي ما قصدي حاجه والله😳
عمر عاين لي وتاني عاين لاخو قال ليو اها اقدر سكتها يلا مش بكيتها انت اتصرف
علوش صدق يحليلو😂
قال لي #معليش ما عارفك ما بتحبي الهظار لكن لمن تبكي بتكوني جااااده وحلاتك ، تاني يومي ببكيك😂
..... انا ضحكت عليو ياخ لذيذ بشكل
عمر قال لعلوش لو عارفك بتقدر تضحكها كنت ناديتك من قبيل😏
انا عاينت لعمر مساااافه وفكيتها ضحكه😂
عمر قال لي ما قلنا للدرجه دي ما تفضحينا نحن في الشارع😂🤫🤫😂
علوش قال لي اها ح تخلوني واقف ماف اتفضل 😏
عمر قال ليو لا
هو قعد جنبنا ولاااااا كذب😂
عاين لي قال لي اها وريني مالك منفسنه وشايفك جيتي هنا ، ريل عايذين يخطبوها ولاشنو
*لالا ما عايذين يخطبوها
#الحمدلله ريحتيني😍
*قصدك شنو يا علوش🤔
#لالا قصدي يعني ...

عمر قاطعو قال ليو ابيييييناااا يلا فهمناك ما تبرر لينا😂😝
علوش خت يدو في وشو قال ليو ياخ بطل حركاتك دي
عمر قعد يضحك وقال لي فدو شكلو في نسيب جديد جاييكم😂😉
علوش قال ليو تسكت ولا اقوم منكم😢
انا قلت ليو لو قومت ح تمشي لريل ولا وين🙊
علوش قال لينا غياظين ياخ
اها ما وريتيني مالك بتبكي
قلت ليو عمتي اتوفت
قال لي اووه البركه ياخ
عمر نطط عيونو 😳 قال ليو علوش دا كلام شنو
علوش عاين ليو قال ليو مالي قلت شنو ، مش بقولو كدا 🙄🙄🙄
انا فهمتو انو ما بعرف يرد قلت ليو كلو ماشي 😂

#حب_وغدر
بقلم هبة ابو بكر
-٢٠-

شلت تلفوني قلت اكيد حتكون جاتني رسالة من الرقم داك وفعلا شكي كان صحيح قال لي انا عمر صاحب ابوك والما بتعرفيهو انا خال ماذن وسندس دي بت مرتي وكذبت ع ماذن وقلت ليهو كلام م فيك وانتي عارفة لمن الشك يدخل قلب الراجل بحصل شنو وم اتردد سمع كلامي وخطب سندس وكدا انا كسرت قلبك وقلب ابوك واخدت حقي رميت التلفون وبقيت اصرخ ادوني حقنة مهدئة ودخلت في دوامة نفسيات واكتئاب بس كان البنات م قصرو وقفو معاي م خلوني لحظة وهاشم كمان ومرت الايام ونسيت ماذن بس م نسيته م عارفة كيف م تسألوني دا بكون حال البيحب بالجد💔 وبقيت كويسة وفتحت الجامعة ونزلنا السنة التالتة وروان طبعا ولدت جابت بت سمتها همس 😌🤚♥️ وفي يوم سمعت خالتي وامي بتكلمو خالتي بتقول لامي سوسن قالت لي صحبتها الاتخطبت لي ماذن فركشو وماذن اكتشف حاجة بس م عارفة شنو واتناقش مع خالو قال ليهو م عافي ليك ضيعت حب حياتي وشال ملابسو وطلع م معروف مشا وين بس انا م اتأثرت ولا حزنت عليهو لانه لو كان بيحبني كان حا اتاگد بنفسه مش يسمع كلام فيني وبكدا يقطع علاقته بي طلعت غرفتي وكتبت في منشور في الفيس

الحب ينتهي بإرادتنا...لا الموت ينهيه...ولا الغياب...ولا الوجع...ولا الالم...ولا السنين..ولا حتى ارذل العمر~♥️✨ م زلت احبك ي غائبي ونزلت كمان منشور تاني

"تظن أن لا أحد يحبك في العالم، وهُناك من يناجي الله من أجلك كُل ليلة دون ملل."💜
بعد م نزلت المنشور دا في واحد جاني في الخاص قال لي كنت قريب منك وبريدك بس م حسيتي بي رغم الكنت بعملو واتخطبتي وكنت بحاول اتمالك اعصابي واسيطر ع غيرتي ولمن عرفت انك فركشتي الخطوبة م انكر اني فرحت بس م قدرت اخطو خطوة واحد واعترف ليك عشان حبي ليك من كتر الغيرة والحزن اندفن بس اوعدك انك حتكوني لي , اسمو كان غريب بس عرفت دا منو

ومرت الايام وسمر اتخطبت لي اخوي الفي قطر دااكك😂♥️ واية اتكلمو فيها وهتتخطب قريب الا انا وسارة لسة بايرات بحجة بدري عايزين نقرا ✌️😂💔
( اجتهدو وبراگم حتعرفو الرسل لي في الفيس منو 😴)

#الحمدُلله!_الذي لم يَجعل لنا نَصيب في أشياء
كُنا نَحسبُها خيراً لنا."

وبگدا انتهت روايتنا وبتمنى تكون عجبتگم نتلاقى في رواية تانية دمتم سالمين🌚♥️✨