#يا_سارق_قلبي_كن_واقعا
بقلم ريان عبد الرحمن
-4-

منال جهزت اصناف مختلفه من الاكل واسماء عملت التحليه وياسمين عملت ليهم العصائر وبدت تغسل في العده عشان م تبقي كتير... بعدرم جهزو الغدا.. بدو يطلعوهو برا في السفره... ونوال وماجد جو نازلين عشان يتغدو
ماجد:منال جات ولا شنو
نوال:ايوا ايوا ما وريتك جو الصباح وانا وريتا تعمل شنو
ماجد :اي من الاكل عرفتها لانو اكلا في الشركه معروف
نوال:والله ماشاء الله شكلها طباخه
ماجد:اي اي شديد.. انتي يس وينو ؟
نوال:والله قبيل من الشغل اتصل لي قال ماشي لي صحبو عازمو غدا.. صحبو امجد.. ما كلمك ولا شنو
ماجد:لا ما كلمني والله
نوال:ماشاء الله قالو خطب ....وبت سمييحه ومؤدبه كمان
ماجد:والله ماشاء الله عقبال ولدك دا كمان
نوال:اميييين يا رب
بعد خلصو اكل ياسمين وامها لمو السفره وغسلو العده وفضل ينظفو البيت
ياسمين :امي انتي نظفي الفوق ورتبي الغرف انا بنظف الطابق التحت دا وبرتب الحديقه برا
منال:ما كتير عليكي يا بتي
يايمين:امي خلاص ما مشكله امشي نضفي عشان ننتهي سرعه
منال:خلاص طيب
وبدو نظافه ومنال رتبت الغرف وياسمين شغاله تنظف تحت ومسحت الارض وبعد تعب خلصت... فجاه الجرس دقا..
ياسمين:يا ربي امشي افتح بي حالتي دي؟...الزول الجايهم ح يتخلع لما يشوفني.. يخ انا مالي بس افتح واجي راجعه(طبعا حالتا بالبلا.. الطرحه مربوطه في الراس وسبايب من شعرا ملصقه في وشها... وكانت لابسه عبايه.. رابطاها في نصهاوحااااله صعبه 😂😂)
ياسمين مشت فتحت الباب
يس:بسم الله الرحمن الرحيم
ياسمين:خير شفتا شيطان
يس:يمكن ما بعيده... دقيقه دقيقه.. شايفك وين انا
ياسمين:........
يس:اهااااا..انتي صحبت البت الاتشاكلت مع سيرين
ياسمين:طلعتا شاطر.. يلا انا بس ياها زاااتا
يس:والجابك بيتنا شنو؟
ياسمين:والله يا سيدي زي ما شايف بنظف
يس:اهاا طلعتي شغاله يعني.. وما لقيتي غير بيتنا عشان تجي فيهو
ياسمين:اسمع ..انا امي شغاله عندكم هنا وجيت اساعدا.. يعني فتره مؤقته وح امشي (احساس ميته وتقعد معاك يعني 😒)
يس:بالمناسبه اديتك اكتر من زمن كدي زحي
ياسمين:بس لو سمحتا.. مرق جزمتك عشان يا دوب مسحتا
يس:شوفي انتي هنا شغاله وبي فاهمه.. يعني م عندك حق تقولي لي سوي حاجه فاهمه... قال اقلع جزمتك قال
ياسمين بي انكسار:طيب اتفضل
دخل جلبط ليها المكان كانو ما نظفتو(وااا شريري)
ياسمين:دا الكان ناقص
منال:يا بتي اها انتهيتي؟
ياسمين:دقيقه يا امي دار اعيد المحل دا تاني 😪
منال؟ليه
ياسمين:تعالي شوفي... ولدم المحترم دا جا وجلبطو لي بي جدمتو الوسخانه دي وسخو زي ما هو
منال:وطي صوتك.. دايرانا نتطرد من اول يوم.. عادي ي بتي بتحصل معليش..بس بعد تخلصي تعالي لينا ف المطبخ
ياسمين خلصت نضافه ومشت رتبت الحديقه وجات دخلت معاهم المطبخ... والساعه8كان جات... جهزو العشا وبدو يطلعوهو في السفره... نوال وماجد ويس جو نازلين... ومنال واسما وياسمين بقو يطلعو فيهو
#يتبع
يس:خالتو منال نورتي بيتنا
منال:تسلم يا ولدي
نوال:مبروك لي صحبك يا ولدي عقبال ليك كمان..
يس:امين كبيييره بس الزمن دا الاختيار صعب الله يدينا بت الحلال
نوال:اميين
ماجد:بكره في الشركه جايننا ضيوف كباار يا يس لازم تجي بدري والبس سمح
يس:دقيقه دقيقه يا حاج.. حصل يوم شفتني مبهدل؟
ماجد:ههههههه لالا بس زيد شويه يعني.... مدير الشركه الجاينا عندو بتو شغاله معاهو يمكن تجي ويمكن تعجبك
يس:ههههه لا كان كدي خلاص(جزمه😒)
نوال:ههههههه الزي دا يعجبك... ما خليت ليك بت ما جكستها ما شبعتا انت
يس:والله يا امي لعب بس وتمضيه وكت البنات ديل
ياسمين كانت بتخت في عصير البرتقال وتسمع فيهو
نوال:يا بتي عصير مانجو مافي؟
ياسمين:في ..ثواني واجيبو ليك
ياسمين مشت المطبخ وكانت مغيوووظه من كلام يس....جابت عصير المانجو وجات..
ياسمين:اتفضلي..
نوال:شكرا يا بتي
يس :امي انتي بتي دي البتقوليها دي... دي شغاله يعني ناديها بي اسما
ياسمين كان كلام يس بيوجعا وكان بذلها شديد.. بس كانت مضطرا تسكت لانو مافي حل تاني
نوال بصوت واطي:عيب يا ولدي ما تقول قداما ةدا
يس :عيب شنو يا امي اي زول يعاملوهو بمستواهو.. ولا شنو يا حاج؟
التفت لقا ابوهو بحمر ليهوو وما فضل الا يلطشو كف
يس:قتا لي بكره البس كيف(تهرش يا كبير 😒)
ياسمين دموعا ماسكاها بالعافيه.. قالت ليهم عاوزين حاجه تاني؟
يس:اعملي لي كبايه شاي
ياسمين:حاضر ..بس سكرك كيف؟
يس:اسالي اسما بتوريك..
ياسمين:خالتو اسما خلصت ومشت.. ممكن توريني سكرك كيف؟
يس:ملعقتين صغار
ياسمين:طيب
يس:سريع😒
ياسمين مشت جابت الشاي وجات...
يس:غيرتا رايي ما داير شاي اعملي لي عصير فراوله
نوال:يا ولد يس دا شنو دل
ماجد:دا شنو الهبل بتاعك دا تعبتا البت
يس:دا مش شغلا تعمل النحن عاوزنو
ياسمين بي غيظ :حاضر
مشت المطبخ سوت عصير الفرواله وادتو توديهو لانو تاني ما بتقدر تتحمل الزفت البرا داك
منال:مالك زهجانه انتي؟...تعبتي خلاص من اول يوم

#يا_سارق_قلبي_كن_واقعا
بقلم ريان عبد الرحمن
-5-

صحو الصباح بدري كعادتم رتبو البيت وطلعو وصلو الڤله بدري..(خالتو منال ماشاء الله خواجيه بس ..م بتتاخر عن شغلا وم بتلعب اللقمه الحلال اهم شي عندها)
دقو الجرس الباب فورا اتفتح ..لانو كان يس وابوهو طالعين الشركه...(يس كان متانق وحالق حلو وبالجد كان طالع جميل شديد)
ياسمين لمن شافتو عجبا شديد وسرحت فيهو وشغاله ماشاء الله ما شاء الله...
منال:يا بت ياسمين..شنو الماشاء الله
ياسمين:هااا؟ اي لا لا ..قصدي ماشاء الله عمو ماجد الليله طالع عجيب ...خالتو نوال ان شالله حصنتك.هههههه
ماجد:ههههههههههه من الصباح شغاله تحصن.....يلا عن اذنكم عشان م نتاخر علي الضيوف...وهاك المفتاح دا يا منال عشان تاني تدخلو طوالي
يس:ابوي م لازم نثق في اي زول نحنا ..ويعاين لي ياسمين
ياسمين اتغاااااظت منو بس مضطره تسكت
ماجد:يس ارح قدامي ...ديل ناس انا عارفم بيستاهلو الثقه دي(تسلم ي ابو الجوج)
يس:يلا يلا
ياسمين وامها دخلو صبحو علي خالتو نوال...ومشو المطبخ سلمو علي اسما....ومنال بدت تطبخ وياسمين بدت نظافه...
بعد م خلصت نظافه مشت قعدت في الصاله جمب خالتو نوال وبدت تتونس معاها
نوال:اسي انتي م قعد تقري يا بتي؟
ياسمين:لالا بقرا بس حاليا في اجازه
نوال:تقري شنو؟
ياسمين:بقرا طب في نهايه سنه رابعه داخله خامسه بس راجيه النتيجه
نوال:والله ماشاء الله ربي يوفقك
ياسمين:اللهم اميييين بس دعواتك
نوال:وابوكي وين؟
ياسمين :ابوي متوفي ...انا وامي عايشين برانا
نوال:يا سلااام يخ ..ربنا يرحمو ان شالله..ويخليك لي امك
ياسمين :اميين يا رب ...يلا عن اذنك امشي اساعد امي حبه
نوال:اتفضلي
ياسمين مشت لامها في المطبخ وعملو لخالتو نوال الفطور...وبدو يجهزو في الغداء
اصحاحبنا ديلك جو(يس وابوهو)
يس:والله لكن يا ابوي البت مزه قاطعه
ماجد:ههههههه مش قتا ليك
نوال:مشيت عشان البت يعني م عشان الضيوف
يس:هههههه معقوووله يا امي...والله الصراحه ليهم الاتنين...لكن البت من شافتني انبرشت
نوال:هههههه واثق من نفسك يعني
يس:بسم الله ...ولدك مافي وحده بتشوفو وما تنبرش فيهو
#يتبع
نوال:هههه....خلاص لو عجبتك نخطبا ليك
يس:ههههههه طوالي كدا ما حسيتا دي الدايرا ...لكن بتواصل معاها لو قدرتا افهما وعجبتني بقول ليك
نوال:خلاص يوم نعزمم هنا ف البيت عشان انا زاتي اشوف مرت ولدي
يس:ابردي يا حجه لسه م بقت
نوال:ههههه خلاص امشو غيرو عشان الغدا
مشو غيرو وجو قعدو في السفره ياسمين وامها ختو ليهم الغدا ..واتغدو واي زول مشا علي غرفتو
#نتلاقى_الحلقه_الجايه

#يا_سارق_قلبي_كن_واقعا
بقلم ريان عبد الرحمن
-6-

بعد اي زول دخل علي غرفتو..ياسمين وامها دخلو المطبخ بعد ما رتبو محل الاكل. وكانو بجهزو ف الحاجات الحيختوها للعشا جا يس داخل المطبخ وبدون م تشوفو ياسمين اتصدمت بيهو
يس:عميتي؟
ياسمين:اسفه
يس:اسفه ح تعمل شنو يعني ؟..فتحي عيونك دي كويس المره الجايه..وهسي عاوز كبايه عصير ..دقيقتين وتكون في غرفتي
ياسمين:م كان ناقثني غيرك
يس:نعم
ياسمين:طيب دقيقتين وتكون عندك
ياسمين سوت العصير وادتو امها لانو صعب تتصرف معاهو
منال:امشي ودي انتي انا مشغوله والله
ياسمين:طيب خالتو اسما وينا؟
منال:طلعت
ياسمين: امري لله
ياسمين طلعت الغرفه دقت الباب
يس:منو
ياسمين:العصير
يس:سبحان الله اقول منو تقول العصير..ادخلي
ياسمين ختت العصير وهي طالعه
يس:بكره عازم اصحابي غدا تجو بدري عشان تحضرو الغدا
ياسمين:حصل جينا متاخرين؟
يس:نبهتك بس..اقفلي الباب وراك
ياسمين اتغاظت منو وعاينت ليهو لقتو بعاين ليها ..طوالي كسرت عينا..وقفلت الباب وراها زي م وصوها
ياسمين وامها جهزوا ليهم العشا وعشوهم ورتبو المحل وطلعو
بي هناك
تسنيم:حبيبي كيفك
امجد :يا عمري انتي ..اشتقت ليك
تسنيم:فضل لينا تلاته اسابيع ونكون في بيت واحد
امجد:ااااخ يخ تلاااااته اسابيع..والله زي التلاته سنه...نصبر بس نعمل شنو...
تسنيم :ههههه اي دا الحل الوحيد
امجد:يعني هسي حنتي م ح تحضريها
تسنيم:بتبلم واجي ما مشكله
امجد:ههههههههه ما تتهوري
تسنيم:لازم اشوف حبيبي طالع كيف
امجد:اكيد اوجه واحد في الحفله دي م دايره مغالطه
تسنيم:شوف صدق نفسو......يلا حبيبي عشان عاوزه اتصل لي ياسمين دي اشاكلا
امجد :ياسمين منو؟
تسنيم:بت خالتي
امجد:مزه ولا كيف؟
تسنيم:امشي يا عواليق يا رمه
امجد:ما شايف احلي منك انا يخ
تسنيم:يلا يلا وقتك انتهي
امجد:هههههه طيب
قفلت من امجد واتصلت علي ياسمين
تسنيم:يا رمه يا جزمه ما دايره كلام معاك
ياسمين:سنومتي ...والله يا تسنيم شغل تقيل فوق راسنا..لكن اوعدك دا اخر اسبوع وبعدو بجيكم
تسنيم:اي اي عليك الله زاتو عشان تتجيهي معاي بما انك الوزيره وبت خالتي كمان
ياسمين :هههههه خلاص تمام يا عروستنا لمن نتلاقي
تسنيم:يلا باي
ياسمين:باي
منال وبتها صحو الصباح كعادتم ومشو الڤله والشغل كان تقيل شويه غير باقي الايام لانو يس عازم اصحابو غدا
جا اللعصر ومنال وياسمين واسما جهزو الغدا ...وياسمين رتبت الحديقه ونضفتا....اصحاب يس بدو يجو
يس جاهم في المطبخ
يس:اي شي جاهز؟
اسما:اي جاهز
يلا طلعوهو ..عشان الناس جو
يس:خالتو منال اعفو لي الليله تعبتكم والله
منال:ما مشكله يا ولدي عادي
ياسمين بقت منططه عيونا وبتقول كويس انو عندو شويه احساس
يس:هي انتي ...سريع شوفي شغلك وطلعي الاكل دا برا
ياسمين:......
(سفهتو)
منال واسما وياسمين بدو يطلعو في الاكل
محمد صاحب يس:دي منو المزه دي
يس:هي احترم نفسك دي بت ناس
محمد:هسي انا مالي بس سالتك منها..
عمر:والله حضرانه يا مان دي قاعده معاك في البيت وما شغال بيها؟
ياسمين كانت سامعه بس مطنشه
يس:شنو يا جماعه نسيتو الغدا
محمد لسه كان متابع ياسمين وعجبتو شديد وقال في نفسو الا يصل ليها
امجد:يا شباب اعقلو شويه
عمر:وحلاااتي الود خطب وبقي عاقل لا وكمان بينصحنا.ههههه حركاااااتك يا ابو الجوج
ياسمين تاني جات جابت الفواكه بعد ما اتغدو ..بس المره دي محمد مشا وراها
محمد:لو سمحتي
ياسمين:اتفضل عاوز حاجه
محمد :يخ م ينفع تشتغلي خدامه انتي والله
ياسمين:عاوز حاجه؟
محمد:اي عاوز رقمك
ياسمين:معليش م بقدر اديك ليهو
يس اثناء ما بيضحك مع اصحابو لاحظ لي محمد بيتكلم مع ياسمين..ولاحظ لي ياسمين متضايقا
محمد:عليك الله والله من ارتحتا ليك وحسيت بيك بت عاقله وعجبتيني...بس حابب اتواصل معاك وح تعرفيني اكتر
ياسمين:معليش عندي شغل
محمد لا شعوريا مسك يدها ..بس يس جاوبدن م يحس علي نفسو اداهو بنيه في وشو محمد زعل من يس شديد وياسمين مشت المطبخ ومتفاجئه من تصرف يس
يس:انا اسف والله يا محمد ما قصدي ..بس دي بت محترمه وما بتاعت امور زي دي
محمد:بس انا بالجد عجبتني ....وبعدين تعال ياااما بتكلم وبشاغل بنات انت بتعرفم اشمعنا دي يعني تضربني فيها
يس:دي م زيهم
ياسمين في المطبخ مبتسمه من تصرف يس ومرات بتحس باعجاب نحوو بس بينا وبين نفسا بتقول دا وييييين وانا وين يا ياسمين اصحي ..وبعدين دا شايف روحو ومتكبر وانتي يا ياسمين ما بتفكري في حاجات زي دي...قطع تفكيرا صوت يس
يس:جيبو العصير يا خالتو منال...سامعه قتا شنو؟يا خالتو منال ..يعني م اشوفك برا
ياسمين.....
(سفهتو)قعد تحسبو😂
ما اشتغل بيها وطلع
يس اعتذر لي صحبو بما انو ضربو في بيتو محمد قبل اعتزارو بس لسه م شال ياسمين من راسو ...شربو العصير واتونسو وطلعو
يس:طلعو ممكن تمشو ترتبو المحل
ياسمين طلعت رتبت المحل ودخلت الصحانه وغسلت العده
(هلكت يا حليلا)
منال:لسه يا بتي ماجد ومرتو ما اتغدوا قالو عاوزين ساندوتش في غرفتم بس
ياسمين:طيب

#يا_سارق_قلبي_كن_واقعا
بقلم ريان عبد الرحمن
-7-

ياسمين :امي بكره انا اخر يوم ح امشي معاك ..لانو ماشه لتسنيم دي بعدا
منال:اي خير ي بتي امشي انا بشتغل الاسبوع دا واسبوع العرس باخد اجازه منهم
ياسمين:خلاص يا امي
ياسمين طلعت غرفتا واتصلت علي نضال لانو طولت منها
ياسمين:نونو الشوووق والله
نضال:المشتاق بيسال
ياسمين:يخسسسي عليك ما عارفاني كل يوم جاريه ..انا وامي في الشغل
نضال:لااااالا زعلانه
ياسمين:شديد ولا حبه
نضال:شديد
ياسمين:طقي😹
نضال:يا جزمه يا عولاق
ياسمين :طبعا عرس تسنيم بعد اسبوعين زي م وريتك ..وعاوزه امشي السوق اشتري لي هدوم ...وعاوزاك تمشي معاي يا راقيه
نضال:مووووعفنه تجيني للمصالح👊
ياسمين:يخ كلمتك وانتهينا يلا باي...قفلت في وشها😹
ياسمين وخالتو صحو الصباح رتبو بيتم وكعادتم مشو الڤله ودخلو المطبخ وياسمين بدت نضافه .....يس جا ماشي المره دي متعمد اتصادم معاها عشان يعتذر ليها
يس:علي فكره محتاجه نظارات انتي
ياسمين وهي منزله راسه:اسفه ...ومشت حتي م ادتو فرصه يعتذ ليها.....
مرا اليوم زي كل يوم ..وجا وكت العشا
في السفره:
نوال:يا ماجد منال دي زيد ليها الراتب لانو بالجد قعد يتعبو والله
ماجد :اي والله
نوال:يا حليلم مكافحات ومافي راجل واقف معاهم
يس:ميف يعني ...وين ابوهم
نوال،:متوفي من زمان
يس طوالي اتذكر الكلام القالو لي ياسمين وندم شديد انو قال كدا
يس مع نفسو:يخ انا م كان لازم اقول ليها كدا يا ربي اعتذر ..يخ انا مالي م كنتا عارف ابوها متوفي
ياسمين جات تلم السفره بعد م اكلو....يا خالتو نوال لو ملابس للغسيل طلعيها عشان انا من بكره تاني م بجي عاوزه اخفف علي امي
نوال:ليه يا بتي انشالله خير
ياسمين:لالا خير ..ما تخافي
نوال:الحمد لله
يس كان بعاين ليها ويفكر ...يا ربي عشان كلامي اتضايقت ..ليها حق تزعل والله
ياسمين غسلت وجات المطبخ غسلت العده ورجعو هي وامها البيت
اصبح الصباح وياسمين شالت شنطه فيها هدوما ومشت ناس تسنيم وامها مشت الڤله
ياسمين:عروووستنا
تسنيم:يسو ..والله ليك وحشه
ياسمين:اهاامورك ماشه كيف
تسنيم:والله عال العال..بس لسه م حجزتا فستان الزفاف
ياسمين:بيتحجز باذن الله..هسي قومي نلف ليك شعرك دا ومسحي شي في وشك دا م تخليهو ساي
تسنيم:حااضر
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-8-

ياسمين لفت لتسنيم شعرا..وقعدو يتونسو
تسنيم :والله يا يسو ح اشتاق ليكم
ياسمين:هي استكيني انتي قايله روحك ح تسكني في ماليزا ما ساكنه هنا😹
تسنيم:يا جزمه الزول م يعبر عن شعورو قدامكم...اها اشتريتي الفستان...
ياسمين :والله لسه بعد يومين كدا نمشي لنضال تمشي معانا عشان العربيه ..ومنها نحجز فستانك
تسنيم:خلاص تمام...لازم تطلعي عسل ي يسو تطفي بنات العيله كلهم ...الا انا طبعا
ياسمين:هههههههه اطمني مافي زول ح يلحقك
تسنيم:ههههههه المهم لازم تجيبي ليك عريس
ياسمين:يعرس ركبيك ديل ...بلا عرس انا عاوزه اقرا
تسنيم:اقري القر...اصلا انا عارفاك تكوني عندك جكس بس داسه مني
ياسمين:هههههه لو في والله انتي اول زول اوريهو ...معقوووله
تسنيم:كمان التقله الزايده دي م حبابا ...عيشي حياتك ي بت ..جكسي وافرررحي بي شبابك
#يتبع
ياسمين :حاااضر ي سنومتي ح امشي بي نصيحتك
تسنيم:اي ي بتي ح تجي تتسجني اخير تفرحي
مرو اليومين وياسمين كلمت نضال انو هي وتسنيم جاينها ومشو السوق واشترو المحتاجنو وياسمين اشترت فستان كوبي بي ابيض كان حلو فيها وهي زاتا عجبا واشترت هدوم تانيه زياده وحجزو الزفاف لتسنيم وكان رههههيب فيها لمن عبرتو طبعا كانت مبلمه وشها نظام عروس لما طالعين من المحل امجد اتصل ليها اها انتهيتو؟
تسنيم :ايوا
امجد :وصفي لي المحل انا داير اشوفك
تسنيم:شنو شنو تجي وين
امجد:لااااا لا بس ح اشوفك يعني ح اشوفك انا راكب مع صحبي كنا في البحر قتا نقشاكم ونمشي مطعم
تسنيم:يخ البنات ح يشغلوها لي ويقولو لي م تشوفيهو قبل العرس ومواضيع
امجد:يعني م مشتاقه لي
تسنيم:ما قص....
امجد :سريع وصفي المحل
تسنيم وصفت المحل لي امجد ومشت كلمت البنات وبعد جهد جهيد رضو ليها
امجد وصحبو وصلو
ياسمين لمن شافتم بقت فاتحه خشمها يس وصاحب العريس
نضال:يس!!!
يس:كيفكم
امجد بي همس:دي البت الشغاله عندكم ولا انا غلطان
يس:اي اي ياها
تسنيم:تعرفو بعض ولا شنو
امجد:شكلهم كدا
يس:نضال وياسمين الجابكم هنا شنو
نضال:اعرفك دي تسنيم العروس ودي بت خالتا ياسمين طبعا بتعرفا
تسنيم:امجد دي بت خالتي لقتها ليك
امجد:ايواا اتشرفنا..قابلتها قبل كدا في بيت ناس يس كان عازمنا غدا
ياسمين:ديل ياهم الشغالين في بيتم يا تسنيم واشرت علي يس
تسنيم:كويس يعني بتعرفو بعض
امجد :خلاص لو خلصنا تعارف نمشي عشان عازمكم غدا
ياسمين بهمس لنضال:انا م قايله دا معاهو يخ
نضال:هههههه مالو ود عمي كمان هيييي يا يسو م تغلطي
ياسمين:م ناقصاك انت الاخري
يس :اتفضل اركبو
ياسمين:لالا معليش نضال معاها عربيه بنجي وراكم
امجد:خلاص يا تسنيم اركبي معانا
تسنيم:اووكي
ياسمين:شوووف الجزمه الواطيه
تسنيم:باااااي
اتحركو ونضال وياسمين كانو وراهم...ويس وهو سايق بفكر ويقول معناها خلت الشغل عشان العرس....يخ انا مالي مهتمي بالموضوع كتير ....يخ لكن انا برضو غلطا لو لقيت فرصه لازم اعتذر ليها
وصلو المطعم وقعدو يتونسو وتسنيم الضحكه لاخر ضرس..
يس نادا النادل وطلبو الاكل اكلو وقعدو يتونسو
ياسمين كانت تركيزا كلو مع يس وكانت محتاره فيهو لانو طلع ظريف وعجبا اسلوبو في الكلام وكان اعجابا ليهو بيزيد ..بس كل مره بتقول مع نفسها انو يس م هو المفروض تكون معاهو لانو م مستواها ...وكانت بتتمني انو م تحبو لانو ح تتعب💔
اثناء ما يس بيتكلم لاحظ ليها بتعاين ليهو بس خلاها لمن خلص كلامو عاين ليها في عيوناا(مجرم خلاص😹) ا بس ياسمين طوالي كسرت عينا وقلبها بقا شغال دلوكه انصاف
ياسمين:اها يا تسنيم لسه ناويه تقعدي
تسنيم:حببببه بس ي يسو
ياسمين:اي اي اخدي راحتك لمن تلقي ماجده واقفه فوقك
امجد:ههههههه مشتاقين لي بعض يا ياسمين حسي بينا...
ياسمين:ح تزهجو من بعض بعد اسبوعين هسي خارجونا ارح
امجد :لمن تحبي وتخطبي بعدين بتشوفي كلامنا دا
ياسمين:هههههه الله يورينا
نضال:اميييييييييييين يا رب
ياسمين:فجاه
يس:والله نضال دي بس يجيبو سيره الحب ولا العرس تجي ناطه
نضال :وانت مالك
يس:اسكتي يا بايره
نضال:اصبرو بجي بعرس واخليكم كدا
تسنيم تلفونا اتصل
تسنيم:الليله ووووووب كتمت دي ماجده
امجد:😹😹😹
ياسمين:كتمت وزنقت 😹
تسنيم:ياسمين انتي بتقدري ليها قولي ليها اتاخرنا شويه عشان كنا بنعبر الفساتين وتسنيم دي جوا بتعبر
ياسمين:امري لله.....ياسمين شالت التلفون ومشت بعيد... الوخالتو ماجده كيفك
ماجده:وين انتو ي بنات
ياسمين:ادينا نص ساعه كدا بنجي لانو يا دوب انتهت وهسي دخلت ترجعو
ماجده :خلاص يلا منتظرنكم للغدا
ياسمين:اا لا لا اتغدو
ماجده:اتغديتو ؟
ياسمين:لالا .ايوا لالا.. ماشين هسي
ماجده:خلاص تمام...
ياسمين لمن خلصت المكالمه كانت راجعه بس لقت يس في وشها لمن اتخلعت
يس:كيفك
ياسمين:تمام...وفي جواها م عايزه تقيف معاهو عشان م تتعلق بيهو
يس:حبيت اعتذر ليك عن الكلام القتو ليك
ياسمين عشان تختصرو:ما مشكله انا نسيت الموضوع ومشت خلتو واقف..رجعت لناس تسنيم ورجع وراها
تسنيم:يلا بعدا نقوم
ياسمين:لا النبي شويه

#يا_سارق_قلبي_كن_واقعا
بقلم ريان عبد الرحمن
-9-
ياسمين:مشينا
امجد :اي يلا بعدا عشان م يشاكلو حبيبتي دي
ياسمين:حبيبتك بس
نضال:نحنا لينا الله😹
يس:انتي زاتك يا بايره ابوك بديكي دقه
نضال:يدك حرامي ي يس..اسكت مني
يس:سكتا.ههههه
بعد طلعو من المطعم قابلو سيرين داخله علي نفس المطعم
سيرين:امجد ويس
يس:اهلييييين ...شنو يا زوله مختفيه كدا
سيرين:انا ولا انت...وبقت تعاين لنضال وياسمين من فوق لتحت
تسنيم بهمس:دي منو يا امجد
امجد:دي زولتي يخ
تسنيم:احسن تتكلم ولا بمشي وانا زعلانه منك
امجد :هههههههه...دي سيرين صحبه يس والله وكان في الشركه عرفني عليها ...بعرفا معرفه سطحيه بس
تسنيم:اهااا
امجد :اها قلبك برد😹😹
سيرين:هاي ي بنات...
ياسمين:وعليكم السلام
نضال:اهلين
سيرين:يس تعال ادخل معاي نتونس لمن صحباتي يجو
ياسمين كان بتعاين ومتمنيه يقول ليها لا ..بس يس لاحظ ليها وبقا يحس انو ممكن ياسمين تكون عندها مشاعر ليهو..وياسمين بقدر الامكان بتحاول تدسها
يس:والله امجد دا جا معاي لو م كدا كنت دخلتا معاك
سيرين:ايوااا ..لالا م مشكله..بنتلاقي
يس:تمام يلا
كلهم اي زول رجع بيتو وياسمين وتسنيم دخلو البيت وسمعو شويه نقنقه من خالتو ماجده بس ادوها كم كذبه كدا ودخلو واي وحده مشت علي سريرا لانو كانو تعبانات..بس ياسمين عندها مفكره مرات بتكتب فيها قبل م تنوم مسكتا وبقت تكتب:
(اليك يا من تسيطر علي عقلي وفكري وكلي ...اليك يا من تتبعثر وتتشت كل افكاري في لقياك..اتمناك واقعا وليس حلما...يا تري هل وقعت في حبك ؟! لا اتمني ذلك ولكن ليس باليد حيله...لم اتخيل يوما اني ساقع في حب فتي يقسو علي بكلماته...لم اتخيل اني ساقع في حب فتي جمعتني به الصدف ....لم اتخيل اني ساقع في حب فتي لا اسوي له شيئا....لماذا ايتها الحياه اهذا حب ام عقاب ؟!!يا تري ماذا فعلت لانال هذه العقوبه...ارجوكي هوني علي من اثقالك فلست انثي من حديد ..لست انثي تملك هذا العالم )
نامو الاتنين...وصحو الصباح بدري شربو شايم وبقو يتونسو
ماجده:انتي منال اختي دي م جايه يا ياسمين
ياسمين:والله يا خالتو قالت لي بتم الاسبوع دا والاسبوع الجاي كلو بجي بقعد هناك
ماجده:والله يا حليلا الله يساعدا انشاالله خلاص معناها بعد يومين يعني بتجي
ياسمين:انشاالله..اي بس انشالله يرضو يدوها اجازه
تسنيم:غايتو يس دا ظريف وطيب لو اهلو زيو بيظوها اجازه
ماجده:يس من وشفتي وين انتي
تسنيم:اا لالا ما حكت لي عنو ياسمين
ياسمين:😳
ماجده:حكت عنو عديل ...معناها في شي💜
(مااااك هينه ي ام تسنيم😹)
ياسمين:والله يا خالتو بتك دي تجيب كلام من راسا ..بس جبتا سيرتو مره وحده
ماجده:ههههههه خلاص خلاص
.وشالت الكبابي ومشت المطبخ
ياسمين:يا جزمه انتي دار توقعيني م امك
تسميم:اصلا لو م عندك ليهو شي م بتخافي كدا
ياسمين:😒😒😒😒
تسنيم:وحلااااتو الغضبان...ارح لفلفي لي شعري
ياسمين:ابيييت اتفكفكي مني
تسنيم:يخسي عليك ح تشتاقي لي فضل اسبوع وكم يوم بس
ياسمين:تعالي تعالي متين نتفكا منك زاتو
تسنيم:ي جزمه😹👊
ترتيل:ازيكم يا حلوين
ياسمين:اووو المنتحره ...اها القرايه كيف
ترتيل :والله الحمد لله ي يسو علي الله بس
ياسمين:شدي حيلك اتخارجي من اول ينه ..لانو الاعاده نفسيات ساي
ترتيل :بري بري تفيها من خشمك اعاده شنو
ياسمين:ههههههه الله يوفقك
ترتيل:اميييين يا رب
تسنيم:يلا يلا انقلعي نحنا م فاضين ليك
ترتيل :تسميم الله كم
ياسمين:اي بلاي اقرب كرسي ليك😹😹😹
تسنيم:حرام عليكم دار تخربو عرسي
ترتيل :طيب لسانك الاطول منك دا قصي
تسنيم:😒😒😒
مرا الاسبوع وفضل يومين للعرس وام ياسمين ادوها اجازه وجات قعدت معاهم وجوهم اهلم من البلد وجا ابوها من السعوديه وديييك ي الونسات معاهو لانو كانو مشتاقين ليهو شديد...وياسمين وتسنيم اتظبطو وبقو جاهزيين للعرس ..وامجد كان عامل حفله حنه عازم كل اصاحبو واهلو ...وياسمين وترتيل وامها وخالتو منال وحريم من الاهل كلهم لبسو عشان يمشو الحنه وياسمين لبست فستان اسود بي كبدي وجزمه عاليه كبديه وطرحه سودا وعملت ميكب بسيط وحلوكانت عجيييييبه اجمل من جميله
تسنيم:عليكم الله صورو لي امجودي م تنسو
ياسمين :تدفعي كم
ترتيل:ابييييينا
منال:ارح معانا بس
تسنيم:طوااالي
ياسمين:عادي بتعملا دي عشان كدا م تكشكرو ليها زاتو
ماجده:هي يلا ارح اتاخرنا عليهم... عشان نودي الصينه حقت الحنه دي
اتحركو من البيت ووصلو محل الحنه زووول قاعد في كرسي مافي الناس دي كلها ترقص مع امجد في الداره...لما جو داخلين النس كلهم عيونم عليهم والشباب اغلبم عيونم علي ياسمين لانو بالجد طالعه مزه ويس كان فاتح خشمو ومنطط عيوني دي ياها ياسمين الوحده دي
يس زاتو كان طالع حااااجه كدا كعادتو يعني بس زايد شويتين
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-10-
ام العروس والجماعه الطيبين دخلو الحفله والانظار كلها عليهم .وياسمين منزله راسا وماشا لانو اتعقدت من معاينه الناس ليها وغير انو هي اول مره تلبس عالي وتعمل ميكب اب...كل الناس مندهشه فيها وبالاخص يس وصاحبو(اتذكرتو ياتو؟)دا بس اخير يس منو شويه😹عينو ما حركا من ياسمين من جات داخله مباريها لمن قعدت في الكرسي
ماجده:يا جماعه نقوم نرقص شينه مننا والله
منال:ارح ي ماجده نبشر ليهم ونجي
مره من الاهل:اي اي قومو
ترتيل:يسو قومي
ياسمين:هي انتي جنيتي!رقيص شنو البرقصو وما قعد اعرف زاتو
ترتيل:يخ قومي نبشر بس
ياسمين:والله م بقدر ي ترتولا امشي انتي براي معقده من العالي دا ...وبعدين عشان اصور لي تسنيم العريس
ترتيل:خلاص يا زوله راحتك
ترتيل خلت ياسمين قاعده في الكرسي براهاومشت عشان ترقص ويس كان متابعا من بعيد وكل م ترفع راسا تلقا يس يعاين ليها في النهايه قررت م تعاين ليهو...بس اثناء م قاعده جاها محمد صاحب يس
محمد:ازيك ي ياسمين
ياسمين:اهلين
محمد: عرفتيي؟
ياسمين: اي تقريبا ....مش صاحب يس؟!
محمد:ايوا ...كيفك وكيف امورك
ياسمين:تمام والله ..(كانت متضايقه شديد من قعدتو معاها ...ويس يشيييييل ويتافف...ومحمد اااخر بسطه(عااد ملكه الحفله خالطا تاني داير شنو😹😹)
يس: يخ انا مالي ومالم يقعد معاها ولا مع غيرا م يخصني
ياسمين:عن اذنك انا ماشه لناس ترتيل
محمد: ليه مالك خليكي..ازعجتك ولا شنو
ياسمين: لا م كدا بس لازم امشي اصور امجد لتسنيم عشان دار تشوفو
مشت من جمبو وم مصدقه اتخلصت منو
ياسمين: امجد كيفك مبرووك وربي يتم علي خير
امجد:اووو ياسمين الله يبارك فيك عقبال نفرح بيك
ياسمين: امين...اسمعني عاوزه اصورك عشان تسنيم تشوف الحنه
امجد:ههههههههه اكيد هي القالت ليك صوريني
ياسمين: والله هي😹
امجد:خلاص تمام
ياسمين صورتو كم صوره في النهايه نادا يس عشان يتصور معاهو ..ياسمين م صدقت واخيرا صورتو حتجي ف تلفونا
يس:ياسمين كيفك
ياسمين:بخييير
امجد:ابتسم ابتسم
صحبتنا اخدت اكتر من عشره صوره م مصدقه يا حليلا لازم تنتهز الفرصه
الحفله خلصت والمعازيم مشو ...وناس ياسمين كانو راجين العربات وقاعدين في الكراسي ويس واصحابو وراهم ...محمد قام من كرسيهو مشا تاني قعد جمب ياسمين(دا شنو اللصقه دا 😒)
محمد:ياسمين عاوز منك طلب
يس الحال نهائي م عاجبو
ياسمين:اتفضل
محمد:عاوز رقمك
ياسمين:محمد المره الفاتت اتكلمنا ف الموضوع د ووريتك
محمد:صدقيني م ح ازعجك بالمكالمات بس عاوز اتواصل معاك والاتصال دا مره مره
واللايوق قعد يحنس فيها ساعه كامله ...ياسمين استسلمت ليهو وعاوزا تديهو الرقم وصاحبنا مركز شديد معاهم
ياسمين:طيب سجل عندك
يس:ياسمين خالتو منال تناديكي برا قالت العربات جات
ياسمين:طيب دقيق...
يس:قالت ليك سريع منتظراك
محمد:قول ليها دقيقه عاوز....
يس:قالت ليها سريع موضوعكم دا خلوهو مره تانيه بتتلاقو
ياسمين محتاره في تصرف يس
طلعت برا لقت العربات لسه م جات وناسا قاعدين كوم كوم يتونسو دار ترجع لقت يس ف وشها
يي:ماشه وين
ياسمين:داخله جوا
يس:انتي مجنونه؟!جاده دار تديهو رقمك
ياسمين:اي دار اديهو رقمي وهو زول عاقل ما اظن يضايقني بي شي
يس:انا بعرفو اكتر منك هو صحبي وشايف حركاتو مع البنات..تاني ما اشوفك واقفه معاهو
ياسمين: ننعم!!!!
يس: زي م سمعتي
ياسمين:والله اعتقد دا م مجال اختصاصك
يس:انا حذرتك
ياسمين:شكرا جزيلا علي موقفك دا ماااا قصرتا..يلا اسمح لي
يس:هسي ماشه وين
ياسمين طبعا عجبا الحال وحست انو غاير شويه:راجعه لمحمد
يس:الناس كلهم طلعو عاوزا تقعدي معاهو براك؟؟!
ياسمين: م يخصك
يس:بطلي عناد وامشي جمب امك
منال:يا ياسمين يلا نادي ترتيل وتعالي العربات جات
يس:يلا سلاااام ...بسلم ليك علي محمد لو عاوزه
ياسمين:ظريف شديد😒
مشت وفي جواها عكس الكانت مظهراهو ل يس مبسووطه شديد...لكن في نفس الوكت كانت بتقول في نفسها انو يس م المناسب معاها .واصلا م حيحبها لانو م شايفا اكتر من خدامه(دا انتي دكتوووره اددد الدنيا😍)رجعو البيت لقت تسنيم في وشها
تسنيم:اها احكو لي ووروني الصور اها رقصتو امجد طلع كيف الحنه حلوه يخ اها قولو..ترتيل مسكتا من خشما
ياسمين: نقوول كيف نحنا يا يمه وانتي زي الرادي
تسنيم:سكتا
ياسمين:صورتو ليك عشرميه صوره
تسنيم:انا بحبببك يخ
ياسمين:😳
ترتيل:دي مالا
ياسمين:متحمسه اكتر من اللازم
ترتيل:دي بايره مخلووعه بالعرس
تسنيم:وحلاااتو راجلي يا يمه راااجل السرور...راااجل الهنا
ماجده:يا بت تسنيم جنيتي
ياسمين:خليها يا خالتو ماجده البوره لمن تفك الوحده بتكون عامله كدا
تسنيم:الجمبو دا يس😳
ياسمين بي خلعه وينو
تسنيم:قصدي الصوره يا بطه استكيني
ياسمين: اي ياهو راجلك كراهو وقفو جمبو
ترتيل:هي شنو راجلا راجلا البت دي لسه م بقت مرتو
تسنيم:وانتي ياها فلاحتك
ترتيل:الحقيقه مره😹😹
ياسمين:م تستعجلي يا بتي يوووم بس💜
ترتيل:يسو هي ارح ننوم واااا عدودنا الراجيانا بكره
ياسمين :اي والله

#يا_سارق_قلبي_كن_واقعا
بقلم ريان عبد الرحمن
-11-

صحو الصباح بدرري رغم انهم كانو تعبانين ...ياسمين صحت ومشت لتسنيم في غرفتا وقالت ليها انا كلمت نضال انو ح اوديكي في بيتم ..لانو الضيوف كترو شديد...وساقتا ودتا ناس نضال وقعدت شويه اتونست مع نضال وجات راجعه لانو ناس البيت محتاجين ليها
منال:ياسمين فستانك جاهز صح
ياسمين: اي يا امي جاهز بس فضل لي الشعر والوش ديل بظبطم بكره في الكوفير مع تسنيم
منال:ان شاء الله .. بس م يسحروك لي
ياسمين: ههههههه يسحرو لي شنو
ماجده:يا ياسمين تعالو وزعو الفطور دا علي الناس ولمو الصواني من الناس الفطرو عشان ننتهي من موضوع الفطور دا
ياسمين: طيب يا خالتو جايه
مرا اليوم وترتيل وياسمين وبنات الاهل كانو تعبانين لانو واقفين في الضيوف والعده كلها غسلوها وياسمين لازم ترجع لتسنيم عن ناس نضال لانو ماشين الكوفير يعملو حمام الزيت وتتحنن
ياسمين رغم التعب الفيها مشت ليهم...
ياسمين:اها جاهزه
تسنيم:اي اي ارحكم ..
ياسمين: يلا يا نضال سريع عشان نكسب الوقت
طلعو برا عشان يمشو
ياسمين:العربيه وينا؟!
نضال:في الورشه والله
ياسمين: اجيششش!!....ونمشي كيف يعني
نضال:اتصلتا ليس يجي يودينا
ياسمين:😳😳😳😳
تسنيم:ما عندنا حل تاني
نضال:مالك معاهو انتي !؟...بس حيودينا بس ...
ياسمين:امري لله
نضال:حسستيني جايبين ليك زول يكتلك😹😹
ياسمين:😒اسكتي مني
نضال:سكتوووت🙊
تسنيم:هدا ليهو جا
ياسمين قلبها بقا شغال زي الدلوكه
ياسمين:اهدي اهدي يا ياسمين
نضال:بتقولي في شنو انتي يا بت
ياسمين:هاا!؟؟لالا مافي شي
يس:ازيكم
نضال:تماام الحمد لله كيف انت
ياسمين:بخيير
يس:العروس كيفك ..وامورك ماشه كيف
تسنيم:والله تمااام الحمد لله ..معليش تعبناك معانا
يس:معقوووله يخ تعبكم راحه..ارح اطلعو عشان م تتاخرو
راكبين في العربيه وتسنيم اخر ونسه مع يس نظام صاحب راجلي ونضال وياسمين بتونسو مع بعض في موضوع النتيجه...ويس عاوز باي طريقه يتكلم مع ياسمين
يس:سمعتا قالو نتيجتكم بعد تلاته يوم
ياسمين ونضال:ومنو القال ليك
يس:مصادر خاصه😌
ياسمين م حبت تتكلم تاني
نضال:عليك الله يا يس منو القال ليك
يس:والله صحبي عمو دكتور معاكم في الجامعه قال لي سيرين وسيرين كلمتني
ياسمين سيره سيرين دي بتجيب ليها ورم في الفشفاش
يس:اها شغالين كيف انتو ..الزول من شغلو بعرف نتيجتو
نضال:والله بس ياسمين دي المفروض تتطمن😂😂...اما نحنا علي الله بس
يس:ليه حفاره ولا شنو
نضال:دي اوله الدفعه يا ولد بتهظر
يس:يا زوووله!!والله ماشاء الله
يس:يعني تشيل هم انها ح تجي الاولي ولا لا..وانتو تشيلو هم السواسيو والF😂😂,
نضال:حرام عليك ....انشاله م نشيل مواد ادعي لينا...ي بت ياسمين انتي مالك عامله صامت
ياسمين:هههههه بسمع فيكم
تسنيم:شايله همي يا جماعه عشان هي وزيرتي وكدا . الله يخليها لي😹😹😹
يس:😹😹😹
نضال:اي اي يكون😹
يس:ياسمين
ياسمين وهي بتعاين ليهو في المرايه:نعم
يس سكت وبقا يعاين ليها بالمرايه وهي بتعاين ليهو راجياهو يتكلم لمن طول قامت كسرت عينا
يس:ما عندك اخوان ولا اخوات انتي؟
ياسمين:اخواتي نضال وتسنيم ديل
نضال:حبيبتي انتي
يس:يعني انتي وامك براكم في البيت؟
ياسمين: ايوا برانا..
نضال:رايك شنو تعرس ياسمين دي وتجي تقعد معاهم 😹😹
يس سكت ساااي ما عرف يرد ..وياسمين م عرفت تدخل وين ..بس ادت نضال قرصه في يدها لمن صرخت😹
يس:مش دا ياهو المحل
تسنيم:اي ياهو
يس:بعدين اتصلو لي لمن تكونو طالعين
نضال:اووكي..يلا يا ياسمين ....ياسمين وهي نازله عاينت للمرايه ولقت يس بعاين ليها وكالعاده نزلت عينا..ونزلت من العربيه.ودخلو الكوفير
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-12-

قعدو في الكوفير خمسه ساعات ..تسنيم اتحننت وطلعت فيها رهييييييبه الحنه لانو لونا فاتح ..ونضال وياسمين اتحننو في يدينم الاتنين نضال كتبت صحبت العروس في يدها وياسمين كتبت الوزيره...وعملو حمام زيت ليهم وللعروس واتظبطو زييييين وفي النهايه طلعو
تسنيم:اتصلي ل يس يا نضال خليهو يجينا
نضال:خلاص اوكي
ياسمين:يا جماعه نغطي وشنا بالطرحه
تسنيم:😳😳
نضال:لشنو يعني
ياسمين:انا غايتو اول مره اتظبط كدا باقيه لي غريبه ..ح اتبلم انا انتو حرين..بعدين انتي يا تسنيم مافي عروس بتحوم وشها مكشوف اصلو ما لاقتني
تسنيم:خلاص بتبلم😹😹
نضال:مخير الله😹
نضال:يس تعال سوقنا خلاص خلصنا
انتظروهو ربع ساعه وجاهم
يس: بسم الله الرحمن الرحيم ..النينجا ديل شنو يا نضال
نضال:😹😹😹 بري اسالم
يس:لا عرفناها دي عروس ديك مالا😹
نضال:م دار تخلي زول يشوفا لمن بكره😉😉..عشان النوره م تروح
تسنيم:اي انا خايفه تطفيني زاتو💔
ياسمين:ههههههه ما تخافي مافي زول بيطفي العروس
اخدو ونستم في العربيه ونزلو في ناس نضال
نضال:ياسمين كان تخلي يس يوص....
ياسمين طاااخ ادتا خبطه
يس:ماشه وين هي؟!
ياسمين: لالا ما ماشه محل ..شكرا ما قصرتا
تسنيم:والله يا يسو بنخاف عليك نص الليل دا😌ماشه بيتنا هناك يا يس..لو بتقدر وصلا معاك
ياسمين:ما ماشه هسي انا ممكن تمشي
يس:هو هسي متاخر وكمان عاوزه تقعدي شويه وبعدين تمشي براك
ياسمين:بقدموني نجلاء ونضال
يس:تعالي ارح اوصلك خلي العناد
ياسمين: مشكور
يس:خلاص بيّتي هنا..لانو ما ممكن ترجعي براك
تسنيم لنضال بي همس:شايفه الانا شايفاهو
نضال:اي اهتمام شديد😉
تسنيم:احم احم ...شنو ي يس قالت ليك خلاص بقدموها
ياسمين:😒😒😒
يس:ما عندنا بنات بمشو بالليل براهم
نضال:بنسوق عمر واحمد معانا خلاص اطمنتا
يس حسا بنفسو كترا عشان كدا حبا ينسحب:خلاص تمام سوقو احمد وعمر
نضال:ان شاء الله يلا اقطع وشك
يس:بقطع وشي تاني اتصلي لي يا بتاعت المصالح....
نضال:ههههههه سلم علي خالتو نوال وعمو ماجد
يس:يوصل ...يلا سلام
يس مشا وياسمين قعدت زي ساعتين معاهم وطلعو ونضال نادت اخوانا عشان يقدموها اخوانا كانو قدامم ونضال وياسمين بتونسو
نضال:اسمعيني يس دا شنو الاهتمامات دي
ياسمين:اهتمام شنو ...سمعتيهو قال ليك م عندنا بنات بحومو بالليل براهم
نضال:والله حسيت بيهو ماديكي شويه اهتمام😉😉
ياسمين:بالجد يا نضال؟
نضال:جد والله ..عندك ليهو شي
ياسمين:'والله يانضال ما اكذب عليكي عندي ليهو شي ...بس شايفه م انا البت البتشبهو ..وبقدر الامكان بحاول اتحكم بمشاعري وصراحه شعور صعب عديل ..بقيت احس لو ما شفتو يومي بيكون ناقص والله
نضال:متاكده انتي كوييه يا ياسمين ؟!....هههههههه من متييييين بقيتي تحبي ...وعامله لينا فيها الشريف الرضي يا جزمه👊
ياسمين: والله لا اراديا لقيت نفسي في المتاهه دي💔
نضال:بس ما فهمتا كيف يعني ما انتي البت البتشبهيهو
ياسمين:يخ ما عارفه ..بس استحاله زي يس دا يفكر يرتبط معاي او يحبني
نضال:بس انا ما شايفه كدا ...وبالمناسبه يس دا انسان اطيب منو مافي وزول متواضع شديد علي فكره....واغلب البنات المصاحبم ديل هم البجوهو والله ...وبالذات سيرين العامله زي الضب ديك دي خفيفه ولفيفه بس مزه اعملي حسابك منها😉 لمي حبيبك دا عليك😹
ياسمين :هههههههههه يا ريييييتو حبيبي
نضال:ي حليلك ي يسو اتاريك بقيتي تحبي😍
ياسمين:😹😹😹ليه مالي م انسان شووف الجزمه دي
كملو ونستم ووصلوها قريب للبيت ووعتم ومشت دخلت
منال:يا بت دا شنو التاخير دا
ياسمين: والله يا امي قعدتا معاهم شويه وجيت
منال:اها اتظبطو؟
ياسمين:كيف بالله؟الحنه
منال:هههههههه عجيييبه ما عرفتك لكن
نوال:ماشاء الله الصلاه علي النبي..دي منو
ياسمين:😹😹😹😹
ترتيل:عاااد تمام...لو م طلعتي بي عريس مافي فايده
ياسمين: يعرس ركبيك ديل ..ارح نغسل العده
ترتيل:يا بت انتي بس تشوفيني تتزكري العده دي😒👊...ما دار اغسل نهاري كلو اغسل..امشي سوقي وحده من البنات ديل غسلوها
ياسمين:ههههههه خلاص كويس

#يا_سارق_قلبي_كن_واقعا
بقلم ريان عبد الرحمن
-13-

ياسمين مشت لقت بت عم تسنيم اسمها امنه حليوه كدا بتغسل في العده ..قعدت معاها وبقو يتونسو
ياسمين:العده دي فترتنا زاتو والله
امنه:ههههههه اي والله ....بختها العروس قاعده ساااي
ياسمين:ههههههه عاد ابقي عروس عشان ترتاحي😹
امنه:بري يا هنايه ما عارفه الرجال م بجونا ليه😹
ياسمين:هههههه انتظري بيجوك ..هسي بكره في الحفله دي لازم تطلعي بي عريس
امنه:ههههه حضرنا عشرميه عرس ..وياااما غسلنا عدود ...التقول عميانين😒
ياسمين:هههههههه والله طالما ما جوكي بالجد عميانين
امنه:يخ في واحد شكلو من اهل العريس كسسسرني يخ
ياسمين:هههههه دا ياتو يا ربي
امنه :بري م عارفه اسمو لكن بوريك ليهو بكره
ياسمين:خلاص ان شاء الله
غسلو عدتم وقامو ....وياسمين كالعاده قبل م تنوم مسكت المفكره وبقت تكتب:
(لا استطيع النوم ..لا استطيع التوقف عن التفكير بك ...متوتره للقاك غدا ...لا تسع الدنيا فرحتي ...اتمناك يا من سرقت قلبي وفكري اتمناك لي.. هذه اسمي غاياتي في هذه الحياة...كن لي وكن بخير)
نامو وصحو الصباح بدري شديد ..كانت العزومه فطور عن ناس تسنيم والعقد بعد الفطور ..ياسمين اشتغلت معاهم الصباح ومشت لتسنيم في بيت ناس نضال عشان ماشين الكوفير
ياسمين:ازيكم يا حلوات
نضال:هلا بالوزيره
تسنيم:اها الاوضاع كيف هناك
ياسمين:كلو رواق اطمني...والعقد بعد الفطور
تسنيم:الحمد لله ..يلا ارح نطلع
ياسمين:اها انشاالله جبتي عربيتك يا نضال
نضال:متاكده عاوزاني اجيبا😉
ياسمين:😒😒
نضال:والله لسه م جبتها ويس جاينا
تسنيم:انتي الود دا ليه بتكرهيهو اطيب منو مافي والله
ياسمين في سرها:اآااااه يا تسو ما عارفه بعشقو قدر كيف
نضال:احم احم يس جا
ياسمين كالعاده القلب بقا دلوكه وم مصدقه متين تشوفو
يس:السلام عليكم
ياسمين نضال تسنيم:وعليكم السلام والرحمه
يس:اها الاوضاع كيف هناك
نضال:السؤال دا لي ياسمين لانو نحنا م قعد نمشي
يس:ههههه في وزيره بتمشي تشتغل كمان
نضال:ههههه اي يسو دي والله
تسنيم:م قصرت معاي والله نخدما يوم عرسا انشالله يكون قريب
ياسمين:ههههههه دا لو ما جيتيني لازه كرشتك....الاوضاع تمام يا يس(طبعا اول مره تقول اسمو بقا مقلع عيونو فيها وقلبو بقا يدقدق)
يس:الحمد لله ..ربنا يتم الباقي علي خير
ياسمين: اي انشااالله
تسنيم:مشينا؟
نضال:عااااد مستعجله استعجال😹😹
يس:لينا الله😹
مشو وصلم الكوفير ورجع عشان يحضر العقد..
مرا اليوم وعقدو وامجد اتصل لي تسنيم باركو لي بعض بقيتي حلالي وبقيت حلالك والحنك داك....والناس كلها رجعت تجهز للصاله ومتشوقين يشوفو العرسان ..الا ياسمين ويس متشوقين يشوفو بعض
يس:يا ربي عندها شي لمحمد ...اي شكلها عندها لانو لو م عندها يوم الحنه م كان قعدت معاهو ...انا ما عارف ليه بقيت افكر فيها كتير ..مع انها حاسي بيها م بتطيقني(خببببر م عندك😹)بس انا لو ما شفتها بحس يومي ناقص
(دا يس مع نفسو☝️)
وقت الصااااله جا😍والحفله بدت والناس ما خلت رقيييص لي ورا ...ويس واصحابو مشو يجبو العرسان ..وفي الكوفير مع تسنيم بنات اهلا وصحباتا..لما يس واصابو وصلو الكوفير ..يس عيونو بتفتش في ياسمين ..وهي قاعده جوه مع العروس ...اصحاب امجد وبنات اهل تسنيم عملو دخله حلوه وقسمو اي بت مع ولد ...يس انسحب لانو عارف ياسمين مافي وشاف مخمد برضو م عاوز يتوزع
يس:محمد مالك م اتوزعتا معاهم؟!
محمد:لالا المواضيع دي م بتنجح معاي
يس:زيت
تسنيم وامجد جو طالعين م جوا متماسكين...(ما شااء الله😍طلعو حلوييييييين💚)
وجات بي وراهم ياسمين قرضه قرضه قرضه ..يس بدون م يشعر قال ماشاء الله ..اما محمد داك خلو براهو😹...ويسومتنا من الخجل م قادره ترفع راسا
امجد :اها يا جماعه نطلع
نضال:بالنسبه لي ياسمين ح تدخل مع منو
محمد:م مشكله انا معاي وحده(اجييي يااا البرقش هسي قتا شنو😒)
يس:هي الوزيره خلوها تساعد العروس مافي داعي تدخل مع الناس
نضال:انت مجنون؟! هي اهم زول المفروض تظهر
ياسمين:خلاص يا نضال بالجد المفروض اساعد تسنيم
يس:اي لشنو تظهر
نضال:😒😒
نضال:خلاث بما انك وزير وهي وزيره ادخلو ورا العرسان
تسنيم:فكره حلوه😍
نضال:صح😍
محمد:ي جماعه م تضغطو عليها (انت اطلع منها😒)
يس:خلاص ما ظام مصرين(جززززمه😹)
نضال:م مصرين علي فكره ممكن تغير رايك😹
يس:هههههههه موافقه يا ياسمين؟!
(دي كمان زي القال ليها هل تقبلين الزواج مني 😹)
ياسمين:ما دام مافي غيرك خلاص موافقه(كُر علي يا محمد😹)
البنات ركبوهم في عربيه والعرسان في عربيه يس قعدو ورا ...ويسومتنا قاعده جم يسونينا قداام ومتوتره وفي نفس الوكت مبسوووطه شديد
ومحمد بي هناك عاوز يطق
وصلو الصاله..العرسان دخلو والعيون كلها عليهم ...ومحمد وياسمين وراهم (حلاااااااااتم يا ناس😍)..والناس شغالين :حلاتم..ماشاء الله ...حلوين...لاقين علي بعض...)ويس عااااايش الدور والبسمه لاخر ضرس وزولتنا زاتا مبسوطه بس التوتر زاااد...جو بعدم ترتيل ومعاها ولد ...ونضال ومعاها ولد لمن كملو كلهم

#يا_سارق_قلبي_كن_واقعا
بقلم ريان عبد الرحمن
-14-

اثناء ما ياسمين بترقص محمد جا وقف جمبها نظام دار يرقص معاها همس ليها في اضانها :الليله طالعه ملاك ..
ياسمين بي توتر:شكرا
محمد:علي شنو؟!...دي الحقيقه...
يس يعاين ليهم والوضع ما عاجبو ومغيوظ من حركه محمد...
ياسمين:عن اذنك ماشه للعروس
محمد:لشنو بتتهربي مني انتي
ياسمين: لالا م كدا والله بس عشان وزيرتا وكدا
محمد :خلاص تمام ..نهايه الحفله كدا عاوزك
ياسمين:خير
محمد:لالا بس كلامنا اليوم داك م كملناهو العربات جات
ياسمين: طيب
ياسمين مشت جم تسنيم وبقت واقفه بتصفق جمبها وبتفتش بي عيونا علي يس فجاه لقتو في وشها
يس:كان بقول ليك شنو داك
ياسمين: الله!!...مراقبنا كمان
يس:جاوبي علي سؤالي كان بقول ليك شنو؟!
ياسمين: والله دا ما مجال اختصاصك
يس:كيف يعني...انا الولد دا عارفو كيف عشان كدا من واجبي انصحك
ياسمين: كتر الف خيرك
يس:ياسمين...الولد دا اتجنبيهو
ياسمين: خلاص وصلت ممكن نقفل الموضوع
يس:تمام...بس م اشوفك قاعده معاهو
ياسمين: دي حاجه ترجع لي
يس:عنيده لدرجه بعيده
ياسمين:عن اذنك
طلعت من الداره مش قعدت جم امنه (الغسلت معاها العده ديك)
امنه:ياسمين يا كلبه يا كرووور👊👊
ياسمين: مالك ي بت😹😹
امنه:الولد المكسرني ياهو الجيتي داخلا معاهو دا😍
ياسمين غارت منها بس م حبت تظهر ليها :ههههههه لو دايره بظبط ليك معاهو😉
امنه:اي والله كلميهو😍
ياسمين:يا بت اتقلي حبه😒
امنه:ما بقدر دا دشدشني عديييل😍
ياسمين:طيب امشي قولي ليهو براك😏
امنه:😒😒😒😒
انتي غبيه ؟!كيف يعني امشي ليهو انا
ياسمين:خلاص نشوف
قاعدين هم الاتنين نضال جات قعدت
ياسمين :نضال البت دي كسرا يس ظبطي ليها
نضال:المكسرين فيهو كتااار😉
امنه:لكن هو م مبالغه😍
نضال:اصبرو الننادي هنا
امنه ياسمين:لا😳
نضال:ابردو م ح ياكلكم
نضال مشت جابتو وقعدتو جمبهم
نضال:اها يا يس م لقيت ليك عروس في الحفله دي
يس:هههههه انتي م عندك لي عروس
نضال:الاتنين ديل رايك فيهم شنو بلاي(عااد بالغتي)
يس:والله م فيهم كلام...بس دي م عرفتها
نضال:اعرف دي امنه قريبت تسنيم
امنه:ازيك
يس:تمام والله الحمد لله ..كيف انتي وكيف مع التعب دا
امنه:والله تمااام الحمد لله مرا علي خير
يس:اي والله الحمد لله ..عقبال ليك كمان
امنه :انا وانت ي رب😍
ياسمين ادتا طااااخ في رجلها
يس:نعم؟
امنه :لالا ..بس قتا ليك امين
محمد:قعده ظريفه ناقصاني
ياسمين:هههه اتفضل اقعد (يا جزمه عشان معاكي الناس😹)
نضال:الخبر شنو ي محمد..كيف مع الشغل
محمد:والله الحمد لله تعب شديد
نضال:ومبرووك لصحبك دا عقبال ليك
محمد :امين كبيييره
امنه:تسو ي حليلا يخ مبسوطه ..اسي بعدين تجي تتجرس قايله العرس دا حفله بس😹
ياسمين:ههههههه يا حليلا والله
محمد:ياسمين المره الفاتت م اديتيني رقمك ممكن اخدو؟!
ياسمين عاينت ل يس لقتو بعاين ليها ومغيوووظ ومنتظرا يشوف ردها
ياسمين:والله يا محمد معليش غيرتا رقمي والجديد ما حافظاهو ...هسي التلفون. ما معاي
محمد:خلاص خير
امنه:احم احم
ياسمين: هي ابردي😒
نضال:محمد دار تجكس يسو دي ولا شنو😉
(نضال دي احلي زول😹ترمي الكلمه دردلب وما يهمها الحيحصل😹)
محمد:رايك شنو انتي
نضال:عااااااد صحبتي صحبة الحياه
محمد:انا زاتي شايف كدا
ياسمين دار تغير الموضوع:اي اي انا عارفه نفسي ..ارحكم يا بنات نرقص مع تسو عشان م تزعل
نضال:البت هاربه منك يا محمد😹
يس:نضال امشو لتسنيم😒
نضال:بقو اتنين😹😹
ياسمين:دي شاربه شنو الليله
امنه:بنقو ونوع كعب كمان😹...ارح ارح قبل تفلت
مشو لتسنيم وفضلو يس ومحمد جب بعض ..
مخمد:اها يااا صحبي الجديد
يس:عندك بس والله
محمد:والله بس عاااشق ولهان
يس:يا زول!
دي منو تعيسه الحظ دي
محمد:شنو ياا اصلي من متين انا كدا ...وحده من الفي الصاله ديل
يس:ايواااا..الله يسهل ليك
محمد:امين...والله مكسراني بس صعب انك تصل ليها
يس:القسمه بي يد الله
محمد:ونعم بالله
الحفله انتهت وجرتكوهم .....وودعوهم وتسنيم م خلت دمعايه م نزلتا وياسمين تشييييل وتبكي يس جا وقف جمبها اداها منديل ...وبقا يهدي فيها وقال ليها اي بت ضيفا في بيتاابوها
نضال:ياسمين يلا ارح العربات جات واتملت...محمد قال لينا انا بوصلكم وكلمتا خالتو منال
ياسمين:طيب
يس:شنو هو الطيب😒
نضال:ليه مالك
يس:وكمان بتسالي 😒انا قاعد لشنو تمشو مع محمد
نضال:مش مودي العرسان الفندق ؟!
يس:اي بوديهم وبرجعكم ما مشكله
نضال:لشن....
يس:منتهي
ياسمين:م بنقدر ننتظرك لمن تجي راجع ..محمد بيوصلنا وخلاص
يس:لشنو تنتظروني ..ارحكم معاي نوصلم ونجي راجعين اوديكم
ياسمين:لشنو دا كل....
يس:ما حتمشو مع محمد😡
ياسمين:ممكن تسوق بت عمك انا غايتو م برجاك
عاوزه تمشي قام مسكا من يدها...انتي مجنونه
ياسمين:ايدك😏
يس:اسف م قصدي ...بس عاوزه ترجعي معاهو براك
ياسمين:حيخطفني يعني؟!
نضال:خلاص يا ياسمين نمشي معاهو
يس:شكلو بقا سيد الريد ما دار تفارقو
ياسمين: دا كلام شنو دا
يس:الحاصل
ياسمين:نضال ثواني امشي اكلمو واجي
يس:مافي داعي بتصل ليهو
نضال:طيب

#يا_سارق_قلبي_كن_واقعا
بقلم ريان عبد الرحمن
-15-

ياسمين:لكت يا نضال قعد اتقطع من جوا لمن اعاملو كدا💔
نضال:استحملي لمن هو يجي يعترف ليك
ياسمين:م ظنيت
يس:يلا يا بنات العرسان مرقو
نضال:تمام جاين
مشو طلعو العربيه ووصلو العرسان وودعوهم وجو راجعين ....وياسمين م لسه تبكي
نضال:حسستيني اي ا ماشه وما جايه تاني
ياسمين:هههه انا زاتي كنتا بقول ليها كدا ..لكت والله حتفرق معاي💔
يس:ياهو مصيركم كلكم
نضال:كان علي مفارقه البيت هينه ..كدي هو اليجي😹
يس:بلاي عليك الله شوف زي دي
ياسمين:بري منك يا نضال😹البوره كعبه
ياسمين لنضال بهمس:كلمي بموضوع امنه نشوفو يقول شنو
نضال:كويس
ياسمين:لو حسيتي بيهو حيوافق اقفلي علي الموضوع
نضال:😹😹😹😹اممرك
ياسمين:يلا بسم الله
يس:بتتوسوسو تقولو شنو انتو الاتنين
ياسمين:مافي شي ..بس قالو النتيجه احتمال بكره واحتمال بعد بكره .. بنتكلم في موضوعا
يس:ايواا
نضال:يسوني😍
يس:😒..اها
نضال:اسمعني ..والله في العرس في بت عجبتها شديييد وقالت عاوزا تتواصل معاك
يس:جيبي شي جديد😌
نضال:😒😒
ياسمين:جاده البت علي فكره ..منتظره ردك
يس:انتي رايك شنو
ياسمين: اجيش!!...وانا مالي ومالك
يس:رايك م اكتر
نضال:هسه انت عرفتها منو
يس:اها
نضال:امنه العرفناك عليها قبيل
يس:يا زووله مزه والله😍
ياسمين:يمزز راسك دا انشالله
يس:قتي شنو يا ياسمين
ياسمين: اا..لالا بتكلم براي
يس:شايفاها مناسبه معاي البت دي ؟!
ياسمين: والله دي حاجه خاصه بيك انت
نضال:انا غايتو شايفاها مناسبه
ياسمين ضربتا بي رجلا
نضال:اااخ مالك يا ياسمين
ياسمين:معليش م قاصده
نضال:اها اسي اقول ليها شنو
يس:قولي ليها مرتبط
ياسمين:انت بالجد مرتبط؟!
يس:ايوا
ياسمين زي الصبت فيها مطره ..بقت ساكته ساااي
نضال:ههههه ومن متيييين يا اخوي
يس:بدري بس م وريت بيها زول
نضال:خلاص عرفني عليها ممكن
يس:منو
نضال:😒😒
يس:اهااا كويس ...بس طوالي مشغوله هي لمن القاها فاضيه بعرفكم علي بعض
نضال:ياسمين شنو عملتي صامت
ياسمين:انا لالا بسمع فيكم بس
يس:مالك زي المصدومه من حاجه
ياسمين:انا .لالا واتصدم من شنو كمان
يس:ما عارف بس وشك م بتفسر
ياسمين :لالا م في حاجه
يس:جيب كويس....نازلين وين
ياسمين: انا بمشي ناس تسنيم
نضال:اي نزلنا الاتنين هناك
يس:خلاص كويس
وصلم وقالو ليهو انزل اشرب مويه ما صدق طوالي نزل معاهم
منال:اهلين يس كيف اخبارك
يس:خالتو منال..تماام والله الحمد لله مبروك ليهم ربنا يهنيم
منال:الله يبارك فيك يا ولدي عقبالك
يس:جايانا متين اشتهينا اكلك
منال:هههههه يومين كدا وبجي
يس:براك؟!
منال:كيف يعني
ييس:قصدي مافي زول يساعدك يعني
منال:لالا ياسمين بتجي معاي
يس:تمام ..يلا بنتلاقي
مرق منهم ومشا البيت مبسوط بس ماعارف ليه هو مبسوط
وياسمين ما قادره تشوف قداما
مرا يوم ورتبو البيت وياسمين وامها رجعو بيتم
منال:اها حتنزلي معاي الشغل؟!
ياسمين:يوم بكره دا م بقدر لانو بكره قالو النتيجه
منال:يا زوله!! انشالله ربنا يوفقك انتي واصحابك
ياسمين:اميييين يا رب
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-16-

ياسمين وامها مشو نامو ...صحو الصباح بدري ..ياسمين صلت الفجر ودعت انو ربنا يوفقا هي واصحابا..ولبسو امها طلعت للشغل وهي انتظرت نضال لمن جاتا ...كانو مشتاقين لبعض في نفس الوكت متوترين
نضال:رايك شنو ننزل في مطعم نفطر ونروق حبه كدا ..لانو صراحه اعصابي بايظه
ياسمين: خلاص اصلا قالو لسه م طلعت
نضال:حتطلع في البورد صح
ياسمين:اي قالو كدا
نضال:واااااي ...ياااا رب نجحنا
ياسمين:ان شاء الله ننجح
اثناء م بتونسو امل اتصلت ليهم
نضال:امل م تقوليها 😭امل لا😭
امل:يا بت قولي بسم الله😒
ياسمين:كدي اديني ليها
امل:الو يا بنات
ياسمين:اها يا امل في شنو
امل:والله النتيجه طلعت بس زحمه وما قادرين نشوفا
ياسمين: كذاابه💔
امل:والله
ياسمين:هدا نحنا جاين
نضال وياسمين وصلو الجامعه..بس دخلو كدا يلقو ليك ابرار شايله الورقه من البورد وجاريه والخلق والخلوق جاريه وراها😹😹😹😹😹😹
نضال:الحفي ابرار قلعت النتيجه😹
ياسمين:دي بتعملا م اتفاجأتا😹
ابرار شافت شلتا كلهم وادت الناس الورقه😹
وجاتم جاريه
ياسمين: اها خير ان شاء الله
ابرار عامله كدا😔
نضال:لا م تقوليها💔😭
ابرار:كلنا نجااااااااح😃😍😍😍😍...ويسو اوله الدفعه😍😍
امل نضال خالد:الله اكبر ..الله اكبر
محمد جا يا دوبو م فاهم شي وانا يا ناس انا م شفتوني
ابرار:محمد😔...كنا دايرنك تواصل معانا ..ومع حبيبتك ...بس انت ناجح😍😍😍😍😹😹😹
محمد:اصصصصصصلي كيف😌
ابرار:عاد لصقه م بتتفكا مننا
زوبا:دايما رافعه راسنا يا يسو😍
ياسمين:ااااه الحمد لله
خالد:ابرار م شفتي المعدلات؟!
ابرار :شوف زي دا عليك الله😒..ما شايف الخلوق الكانت وراي دي ..يا الله يا الله شفتا نتايجكم
نضال:والله الله موقفك بطولي😹
ياسمين:طبعا فاااتك يا محمد😹
محمد:مالا جنو دي شكلها عامله مصيبه
نضال:انا وياسمين جينا داخلين لقيناها مايكه النتيجه والناس جاريه وراها😹😹
امل:علي فكره يا جماعه نحنا م سلمنا علي بعض😹
خالد:😹😹😹😹..الفرحه دي نستنا اي حاجه
ابرار:خالد ما عازمنا😉
خالد:😒 ...اختيني
نضال تلفونا رنّا
نضال:الو ..يس كيفك
ياسمين من سمعت اسم يس قلبا بقا يدق
يس:اها بشري
نضال:الحمد لله نضيفه😍😍
يس:مبروووك....اها وياسمين؟!
نضال:الاولي ماشاء الله كالعاده
يس:ماشاء الله مبروووك ربنا يوفقكم
يس:انا في الجامعه مع سيرين بس م شايفكم
نضال:لو معاك البت الزي الضب دي م تجينا😒...انشالله ما تكون ربتت ورجتنا
يس:ههههه حرام عليك يخ دي صحبتي م برضا فيها انا..نجحت الحمد لله
نضال: طالعين برا الجامعه نحنا
يس:ماشين وين ؟!
نضال:ما معروف والله
يس:خلاص تمام نحنا برضو طالعين يمكن نتلاقي
نضال :تمام ...يلا باي
خالد:ارح يا جماعه
محمد:والله الليله يوم دسيس يخ ...حبيبتي عازمك عصير فرواله😍
نضال:😍😍امووووت انا
ابرار:شووووف الجزم ...الحسنه في الكلب زي الخرا في الدرب..زول عبرني مافي...تاني تشوفو اليشوف نتيجتكم منو يا كلاب
ياسمين:ابرار ابردي😹😹 ما للدرجه دي
ابرار :جزم حمير
نضال:خلاص عازمنك يا برو ما تزعلي😹
ابرار:اصلا ولا علي كيفكم👊
امل:انا كمان🙈
ابرار:😒😒.....هي يا ام جضوم هي اتلهي...عملتي شنو عشان يعزموكي
امل:الا اكون عامله حاجه😒
خالد:يخ صرعتونا..امشو قدامي سريع
مشو مطعم قريب للجامعه واكلو واتونسو..اثناء م بتونسو جو يس وسيرين ومعاهم اصحابم داخلين
يس: طوالي جا عليهم :مبروك يا شباب موفقين
نضال:الله يبارك فيك..اقعد معانا
يس:الشباب ديل راجني والله بس حبيت ابارك ليكم...ومبروووك يا ياسمين اوله الدفعه كمان
ياسمين: الله يبارك فيك تسلم
يس:حافظي بس
ياسمين: ان شاء الله
يس:يلا يا جماعه بالاذن
خالد:اتفضل
مشا قعد مع شلتو
سيرين:يس شايفاك شويه انحزتا ليهم😒
يس:بت عمي نجحت ومشيت باركتا ليها ...وياسمين كمان بعرفا باركتا ليها ما فيها شي
سيرين:تعرفا من وين ياسمين
يس:بعرفا بس ...وينو الاكل
صاحب يس:طلبناهو لسه ما جا
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-17-

يس:اي عشان شغال انا لازم امشي
سيرين:يس م تغير الموضوع..الشله دي انا م بحبها ..وبالذات ياسمين دي م بطيقا
يس:ليه مالا عملت ليك شنو ...وبعدين م معاك في الدفعه ولامحتكه بيها تغيظك في شنو
سيرين:للاسف بت عمي
يس:😳😳😳😳
سيرين:مافي مقارنه صح
يس:دقيقه دقيقه خليني استوعب...ياسمين الوحده دي بت عمك معقوووله
سيرين:اي والله ...بس علاقتنا م قويه معاهم
يس:ليه السبب شنو
سيرين:شايفاك مهتمي شديد😒
يس:م كدا بس حابب لعرف السبب يعني
سيرين:ابوها قبل م يتوفي كان عندو مشاكل مع ابوي في الورثه ...مشاكلو كان كتيييره مع بابا ...رغم انهم كانو متفقين شديد وماسكين الشركه كويس بس هو جاتو مرضه كدا خلا الشغل فتره ...بابا بقا براهو ماسك الشركه ..يلا لمن حسا روحو داير يموت حبا يامن لبتو ومترتو بيت ويخليهم مرتاحين علي حسابنا احنا😏لمن جو في التوزيع اختلفو بابا قال لي بعدها مات طوالي
يس:في النهايه ناس ياسمين مرقو بشنو
سيرين: ما عارفه والله ..تقريبا عندهم بيتين واحد كبير مؤجرنو وصغير ساكنين فيهو ....الكبير دا لمن عمي اتوفي وما لقو زول يصرف عليهم طلعو منو واجروهو
يس:ابوكي م قعد يساعدم بي حاجه؟!
سيرين: ولشنو يساعدم...شكلهم مدبرين نفسهم
يس: علي الاقل يسال منهم يعني
سيرين: المشاكل الكانت مع عمو زمان كبيره ..عشان كدا من زمان م عندنا معاهم قضيه
يس:ولا صله رحم كدا م بتمشو ليهم؟!
سيرين: لا ابدا
يس :وعمك دا اتوفي متين
سيرين: والله بابا قال لي بدري..تقريبا ياسمين دي كانت في خامس اساس
يس في جواهو:يا سلااام يخ يعني من زمان بس عايشين علي شغل امها دي واجار البيت ..والله خالتو منال دي مره مكافحه بفت لبتها ام وابو
سيرين: هي مشيت وين
يس:اا..لالا معاك معاك
سيرين: ما تقول لي عندك ليها شي ياسمين دي...شايفاك مهتمي
يس:كيف يعني
سيرين: بتسالي من قبيل ما شايف روحك
يس:كدا معناها عندي ليها شي؟!
سيرين: اهاا شفقان عليهم يعني ...اصلا زي دي ما بتناسبك
يس:ليه
سيرين: يس😳..دي شنو الاسئله الغبيه دي
يس:انا والله م بتهمني ظروف البت كيف بس اهم شي اخلاقا وتكون بت ناس
#كسره:
(في صفه فينا يا جماعه كشعب سوداني بصوره خاصه البت لما يتقدم ليها شاب اهم شي شغلو وقروشو وجاهو...بالذات في الزمن دا ..اخلاقو واهلو م بتديها اعتبار بس اولوياتا بتكون القروش..وللاسف دا بقي سبب لتدمير كتير من العلاقات ...بس ربنا قال (تزوجو الفقراء يغنكم الله)...لو اي زول مشا بالايه دي واهم شي النيه طبعا بيبقي احسن من الاستعجال وفي النهايه الارزاق بيد الله...)
سيرين: يعني م مهم عندك انهاتكون من مستواك؟!
يس: ابداً
سيرين:طيب تمام
صاحب يس:يلا بعدا نمشي قضيتوها لينا ياسمين وابوها وجدها
سيرين: ههههههه اعفي لينا يخ معطناك .. دا يس الاهبل دا
يس:من قبيل لو م عاجبك الموضوع كان تكبرا😒
سيرين:يلا يلا كلنا نكبرا
طلعو من المطعم ويس مشا الشغل وتفكيرو كلو بقا في ياسمين ...وانها رغم ظروفم دي بت ما شاء الله مؤدبه ومجتهده
ياسمين رجعت البيت لقت امها لسه م جات مشت غرفتا اتوضت وصلت وحمدت ربها ورقدت نامت
صحت المغرب لقت امها جات
ياسمين:الليله مالك بدري يا حجه
منال:اها بشري😳
ياسمين:هههه الحمد لله ناجحه
منال:الف حمد وشكر ليك يا رب
ياسمين:والاولي كمان
منال:ماشاء الله يا بتي ربنا يغطيكي ويحفظك
ياسمين: امييييين يا امي ...دار اموت بالجوع
منال:تعالي اكلي ...اها شلتك كيف ونضال؟!
ياسمين: لا الحمد لله كلنا مرينا
منال:الحمد لله
ياسمين:بكره بمشي معاك الشغل تمام
منال:ان شاء الله...نوال وماجد سالوني منك
ياسمين: تسال منهم العافيه ان شاء الله
منال:خلاص اكلي وامشي صلي ونومي عشان بكرا نصحي بدري
ياسمين :خلاص تمام تصبحي علي خير
منال:تلاقي الخير
#يتبع
صحو الصباح بدري وصلو الفجر ومشو بيت ناس يس ..دقو الباب فتح ليهم يس كان طالع الشغل
يس: اووو خالتو منال اتفضلو..انبسط بسطه شديده لانو شاف ياسمين.... بس ياسمين بالرغم من انها كانت بتحاول تبعد منو بقت تحاول تتناساهو نهائي لانو طلع مرتبط ..حتي م سلمت عليهو طوالي دخلت...
منال:عن اذنك
يس:اتفضلي اتفضلي
منال مشت المطبخ:يا بت ياسمين م تسلمي علي الولد شنو داخله طوالي
ياسمين: سلامي يوديهو وين هو
نضفو البيت وجهزو الفطور لنوال ..ياسمين شالتو ومشت ليها
نوال:ازيك يا ياسمين ..اشتقنا ليك والله
ياسمين:اهلين خالتو نوال ..كتير والله كيف صحتك
نوال:والله نحمد الله...طبعا جينا عرس امجد بس م شفتينا انتي كنا قاعدين في الصاله ورا
ياسمين: عليك الله؟!....ما شفتكم والله كنت جيت سلمتا عليكم
نوال:ماشاء الله طلعتي حلوه شديد ..ربنا يحفظك
ياسمين:تسلمي ياخالتو
نوال:الله يسلمك...اها م جبتي ليك عريس
ياسمين: هههههه لالا والله
نوال:ولدي دا شكلو مجكس لو ما كدا كنتا عرستو ليك
ياسمين: ههههههه م بتقصري
نوال:والله انتي الف شاب بتمناك يا بتي احترام وزوق وكلو(وانا😢💔)
ياسمين:هههههه تسلمي يخ
نوال:الله يسلمك

#يا_سارق_قلبي_كن_واقعا
بقلم ريان عبد الرحمن
-18-

يس:زهجتك
ياسمين:عندي شغل
يس:حاسي ليك اليومين ديل ما طايقاني وبتتهربي مني
ياسمين:منو انا؟!...احساسك غلط...وبالنسبه لي م طايقاني دي من جيت هنا نحنا بنتعامل كدا ولا م صح
يس: كانو زدتي شويه ..من يوم الصاله داك
ياسمين:ياتو؟!
يس:غير عرس امجد تاني اتلاقينا ف صاله يعني؟!
ياسمين:ممكن توضح لي متين وشنو.. عندي شغل وراي
يس: لمن قتا لنضال انا مرتبط
ياسمين:اها واستنتجتا شنو يا حلو
يس:عارف روحي حلو جيبي شي جديد😌
ياسمين: عن اذنك
يس:استني ...
ياسمين: خير
يس:من الموقف دا انتي بقيتي م بتحبي تتقربي مني ودايما بتتهربي
ياسمين: معليش بس تفكيرك غلط ..يلا اسمح لي عندي شغل
ياسمين مشت المطبخ وقلبها شغال دق دق دق وبتقول مع نفسها :شكلي فضحتا روحي جمبو يااا رب الثبات ما قادره م قادره
ويس فوق مبسوط :اي اهربي لكن عارفاك عندك نفس الاحساس البحسو لما اشوفك...
مرا اسبوووع ياسمين بتحاول بقدر الامكان م تلاقي يس او حتي تتكلم معاهو
في يوم من الايام ياسمين بتغسل في العده تلفونا اتصل ويس جا داخل مع رنه التلفون..
ياسمين: الو
محمد:ياسمين ازيك
ياسمين: يا اهلين ..منو معاي
محمد:معاك محمد
ياسمين:محمد منو؟!
مع قوله محمد دي يس نط عيونو
محمد:شنو يعني من صوتي م عرفتيني؟!..محمد صاحب يس
ياسمين:ايوااا ..كيفك
محمد:تمام والله الحمد لله كيفك انتي..بتعملي في شنو
ياسمين متوتره م قادره تتكلم لانو يس وراها (خلا الجا عشانو وبقا يتشمر😹)
ياسمين:والله شغاله مع امي؟!
محمد:عن ناس يس
ياسمين: ايواا
محمد:ياسمين ابعدي من يس دا حاسي بيهو بيتقرب منك
ياسمين: دا شنو الكلام البتقول فيهو دا
محمد:حاسي كدا بس
ياسمين:اطمن مافي كلام زي دا
ياسمين لمن لقت يس مركز معاها شديد حبت تطلع بره وتتكلم ...مارقه كدا قام شال التلفون منها وقفلو
ياسمين:دا شنو مالك
يس:جاب رقمك من وين الزفت دا؟!
ياسمين:دي م حاجه تخصك
يس:ياسمين م تفوري اعصابي جااب رقمك من وين😤
(كتمت)
ياسمين:ولشنو هاهميك الموضوع؟!
يس:لانوو...
ياسمين:هاا؟!
يس:لاني حزرتك اكتر من مره منو ولسه معانده
ياسمين:يا سيدي عاجبني محمد وكمان يمكن ارتبط معاهو
يس:شنو😳
ياسمين:زي م سمعتا...وما اظن ح القي زول يحبي ويحترمني زيو
يس:بتلقي يا ياسمين بس اختي الولد دا
ياسمين: لمن ارتبطا مع حبيبتك جيت قتا ليك م تعمل كدا؟!
يس:اهاا اذا غايره ..وعاوزه تعملي زي م عملتا(يا للهوووول😯)
ياسمين:😒😒من منو
يس: من حبيبتي
ياسمين:ولشنو اغير😒
يس: اسألي روحك...يا ستي اطمني لا مرتبط ولا شي
ياسمين:شنو ..يعني شنو..قصدي لشنو كذبتا علينا يعني
يس:في حاجه كنت عاوز اعرفا وعرفتها
ياسمين: شنو
يس:حاجه بتخصني
ياسمين الشاكوش الاخير دا م اشتغلت بيهو لانو كانت الدنيا ما سايعاها من الفرحه..طلع م مرتبط(ي وييييلي💃)
يس:اها لسه ناويه ترتبطي مع محمد
ياسمين: محمد منو؟!...اا اي وليه اغير رائي
يس:م ح اسمح ليك ترتبطي معاهو لانو عارفو انا
ياسمين: وانا م بسمح ليك تتكلم عن حبيبي كدا
يس:ياسمين قعد تغلطي داير مصلحتك انا
ياسمين: ومن متين الكلام دا
يس: يخ م كل مره تقولي لي من متين من متين
ياسمين: من حقي اعرف صح...ممكن نخلي الموضوع دا مره تانيه دار نجهز العشا
يس:امك واسما وين
ياسمين: في الحديقه بجهزو فيها امك قلت العشا هناك
يس:اخر سؤال
ياسمين:😒
يس:محمد جاب رقمك من وين..م تقولي لي دي حاجه تخصني
ياسمين: ما عارفاهو والله لمن ارجع ليهو واسالو
يس:م ضروري ترجعي ليهو😒ما شايف في داعي
ياسمين: انت بتشوف شي وانا بشوف شي(يا للهووووول😯)
يس:تمام تسلمي ع قصف الجبهه
ياسمين:يلا باي
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-19-

مرا اليوم وياسمين وامها رجعو البيت ..لمن ياسمين وصلت البيت تلفونا اتصل
ياسمين:الووو ..خالد ازيك
خالد:اووو يسوو الشوق والله
ياسمين: كميات ...داير شنو😹..اصلو م اتصلتا عشان تسلم
خالد:😹جزمه👊...والله يا ستي شلتك الخارم بارم ديل قالو طالعين بكره يتعشو بره
ياسمين: والله يا زول اشوف ...كان قدرتا بجي
خالد:تمااام..يلا اقطعي وشك
قفلت منو ومشت غرفتا ..
بي هناك..يس اتصل لي نضال
يس:الو نضال كيفك
نضال: اهلييين يس الخبر
يس:والله عافيه ..دار اسالك
نضال: سامعاك
يس:اديتي رقم ياسمين لي محمد انتي صح
نضال:اي ..ليه في شنو يعني
يس:كيف يعني في شنو😡...لشنو ماداهو ليهو😡
نضال: قال لي كانت دار تديني ليهو وم لقينا فرصه ..قمتا اديتو ليهو ...بعدين تعال هنا مالك فاير وهايج
يس:نظام م عارفه نوع محمد دا يعني
نضال:والله م شفتا منو شي كعب يا يس....بعدين م تسي لي زول اذا كنت انت مغيوظ منو ولا عندك معاهو موقف ..يمكن معاك انت بس هو كدا
يس:المهم في بالمختصر كدا حاولي تكلميها انو تبعد منو
نضال:لشنو😒
يس:اوووووف😪
نضال: يس انت بتحب ياسمين صح؟!
يس:اي والله😭...نضال ساعديني والله بحبها وبعشقا بس هي م حاسه بي والزفت الاسمو محمد دا م عاوزا تمشي معاهو لانو والله بغير عليها
نضال:طيب صارحا
يس:خايفا تحرجني ..مرات بحسا بيها عندها لي نفس المشاعر ..مرات بحسها م طايقاني
نضال:خلاص نحنا بكره طالعين مع الشله...لو قدرتا بفتح الموضوع دا معاها
يس:بنات واولاد😒؟!
نضال: شلتنا😒
يس:خلاص انا ح امشي معاكي
نضال:تمشي وين ؟!😯
يس:معاكم ...لو اتشجعتا ح اسالا😪...اديني جرس بجي اسوقكم
نضال:لك...
يس: منتهي😒
نضال:امري لله علي قول يسو
يس:امووووت انا😍
نضال:والله موفق ان شالله ..ونعمم الاختيار طلعتا ماااك هين
يس:بسم الله😎..دا شغلنا
وبكرا جا😍....ياسمين طلعت من بيت ناس يس بدري عشان تجي تجهز وتمشي... لمن طالعه لاقت يس في وشها ..عملت روحا م شايفاهو
يس:ماشه العشا؟!
ياسمين:😳
يس:اي عارف😌...وانا زاتي جايي
ياسمين: جايي وين
يس:العشا معاكم
ياسمين: انا خليتو
يس:ليه؟!
ياسمين: تفتكر عشان شنو
يس:طيب عاوز اسالك سؤال ؟!
ياسمين: اتفضل
يس:بتكرهيني
ياسمين:😕
دا شنو السؤال العوير دا
يس:بس عاوز اجابتو ...وبي صراحه
ياسمين: لا
يس:اها
ياسمين: شنو هو الاها😒
يس:خلاص ما مشكله الباقي بعرفو براي ..دي كفايه🙂
ياسمين: قصدك شنو؟!
يس:لا ولا شي..امشي عشان تجهزي وح اجي اسوقكم انتي والزفت ديك
ياسمين:امري لله
يس:امووووت انا😍
ياسمين: شنو😳
يس: لالا مافي شي ههههه
ياسمين:مجنون
لمن مشت بقي يرقص ويقول مجنون بيك يا قلبي...
نوال:يا ود يس جنيت؟!
يس:😳.....😹😹😹😹
يس:ههههههه شكلي بالجد جنيت يا امي
ياسمين وصلت البيت ومبسووووووووطه ..حست انو يس عندو ليها حاجه...ومبسوطه اكتر لانو حيمشي معاهم ...بس حبت تخليهو يغير وقالت تكلم محمد يجيهم هناك
...اتصلت كلمتو وزولنا ماااااا صدق وقال خلاص ياسمين ح تحبو..
ياسمين لبست قميص ابيض واسكيرت كبدي وطرحه مشكله فيها بالكبدي واسبورت ابيض..طلعت قررررضه😍
طلعت برا انتظرت نضال ويس ...وصلو وفتحت الباب ودخلت العربيه يس اتدشدش فيها وحبو زااااد😍 ليها .....
ياسمين: ازيكم
نضال:تمااام يا قرضه😍
يس:اهلييين بيك
مشو وصلو المطعم والشله جو وابرار جااات😍
وياسمين قاعده وشغاله تعاين لي تلفونا منتظره محمد ...
خالد:نطلب بعدا ولا في زول تاني؟!
محمد حبيب نضال:مافي زول اطلب ساي
ياسمين: لالا دقيقه محمد جاي
يس:شنو😳
نضال:😳
ياسمين: محمد جاي م سمعتو
ابرار:خلاص نستناهو
وانتو استنوني الحلقه الجاايه حتكون حضرااانه😍 يلا سلام
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-20-
يس:لشنو مكلماهو😒
ياسمين:دي حاجه ترجع لي
يس:اهااا اسف علي السؤال
ياسمين:عادي
يس:😒
ابرار لنضال بهمس:ياسمين سوقا شغال😉
نضال:شغل جد😹
محمد جا وياسمين قامت علي حيلا سلمت عليهو ..حتي محمد مخلوع من تصرفاتا دي😹
محمد:ازيكم يا جماعه
خالد:اتفضل ي مان جلّس
محمد:يس هنا؟!
يس:شايف شنو انت(قصف ارضي جوي😯)
ياسمين مبسوطه من غيرتو ..بس برضو م دايراهو يزعل
ياسمين:ممكن تتطلبو بعدا
طلبو الاكل واتونسو زييين ويس كان مغيوووظ من محمد لانو قاعد جمبها وبتونس براحه
محمد:يس عزمتيهو انتي؟!
ياسمين: لالا دي نضال كلمتو
محمد:والله صراحه بغير منو
ياسمين: لشنو تغير ي محمد ...اصلا نحنا م بينا علاقه وانت زي اخوي
محمد: شنو!!.....بس انا م خاتيك زي اختي ومعجب بيكي والله
ياسمين: والله ما عاوزه اظلمك يا محمد ..بس انا بحب واحد تاني
محمد بصوت عالي وهو بيضرب علي الطربيزه: يس صح....دا يس مش؟! جاوبي
ياسمين:محمد اهدا في شنو
محمد:ياسمين انا متين بقول ليك معجب بيكي وعاوزك لي قدام ..بس انتي نهائي م مادا كلامي اعتبار
ياسمين: كلمتك لشنو انا ..واتكلم براحه لانو نحنا في مكان عام
ابرار:هي اهدا هو قالو بتكلمو كدا 😒
محمد: دي م خاجه تخصك
ياسمين: محمد
محمد:منو البتحبيهو دا وخليتيني عشانو؟!منو قولي؟!
نضال:ما مضطره انها توريك😒
ابرار:دار تخليها تحبك بالجبر يعني
ياسمين م قدرت تمسك روحا بقت تبكي
محمد:😳. ياسمين!م قصدي والله
امل:وكنت مستني شنو غير كدا😒(الشله الزيت😍)
محمد:والله دا كلو عشان حبيتك يا ياسمين م قدرتا اتمالك روحي اسف
يس:ممكن تمشي بعد اتعشينا خلاص
محمد:والله دي حاجه بقررا انا
محمد حبيب نضال:يا جماعه بقينا فرجه خلاص
ياسمين:نضال ممكن نمشي؟! اصلا الليله شويه تعبانه يا جماعه اعفو لي اشتغلتا كتير
ابرار:خلاص يا يسو خلي بالك من نفسك
ياسمين:تمام...يلا يا شباب
يس ومحمد قامو معاهم
محمد:ارح اوصلك
يس:انت راسك دا م ف محلو؟!
محمد:خير مالك
يس:انا جبتهم وانا الح ارجعم ..بعدين بي صفتك منو ح ترجعم
محمد:والله! عرفنا نضال بت عمك ...بي صفتك شنو توصل ياسمين؟!
يس:صحبت بت عمي وبعدين امها بتعرفني.....
اثناء م بتكلمو ياسمين رررب جات واقعه
يس:😳
محمد:ياسمين😳
يس طوالي شالا ودخلا في العربيه وجررري المستشفي ..والشله كلها جات وراهم
يس:طمنّا يا دكتور مالا؟!
الدكتور:م حاجه خطره بس هبوط حاد ...حنديها دربين ...شكلها تعبت الليله
يس:ممكن ندخل ؟!
الدكتور:اي طوالي
يس والشله دخلو ليها
ابرار:ي بت خوفتينا عليك...
نضال:تاني م تتعبي يا يسو
ياسمين: حاااااضر ...بس هسا ارحكم
يس:وين وين ...عندك درب نخلصو ونمشي
ياسمين:بقيت كويسه انا احسن نمشي عشان امي م تقلق
يس:م مشكله نضال تديها اي عذر ...هسي م بتمشي الا تاخدي الدرب
محمد:سلامتك يا يسو ...انشالله انا
ياسمين: تسلم
يس:😒😒😒😒
محمد:حاسه روحك كيف هسي؟!
ياسمين:تمام والله الحمد لله
محمد:الحمد لله ...يسو انا مضطر امشي والله عندي شغل مهم
ياسمين:اي امشي م مشكله ...
محمد:يلا بالسلامه
ياسمين :الله يسلمك....عليكم الله يا جماعه انتو زاتكم امشو عشان بيوتكم بعيده بقيت كويسه انا
قعدو معاها شويه ومشو فضلو يس ونضال..
ياسمين: يس انت زاتك امشي بنرجع انا ونضال
نضال:اي ي يس امشي والله
يس:😒😒...ابقي م راجل لو خليتكم ومشيت
طلع مشا جاب ليهم مويه ...ورجو الدرب لمن خلص وساقم
وصل نضال ياسمين دار تنزل ..قال ليها م تنزلي بوصلك لمن البيت ...اول مره تسمع كلامو ورجعت قعدت
ودعو نضال وساق ياسمين ومشا
ياسمين: يس!! هدا بيتنا ماشي وين انت
يس:خمسه دقائق بس عاوز
ياسمين قلبا بقا شغال دلوكه انصاف😹وبتقول يا ربي مالو
وقف العربيه جمب البحر
يس:انزلي
ياسمين: يس انا جايه من المستشفي لو ناسي ازكرك
يس:عليك الله بدون عناد انزلي
ياسمين نزلت والقلب دق دق دق
ياسمين:اها خير
يس:بتحبي محمد؟!
ياسمين:هسي جايبني عشان كدا... ودار ترجع مسكا من يدها
يس:م حتمشي الا لمن اخلص
ياسمين: اي
يس:طيب لشنو قتي ليهو بحب واحد تاني
ياسمين:طيب مادام سمعتل لشنو بتسالني
يس:عاوز اتاكد
ياسمين:اها اتاكدتا؟!
يس:لمن اعرف بتحبي منو
ياسمين:دي م حاجه تخصك
يس:بتخصني وشديد كمان
ياسمين: والسبب
يس:السبب انتي عارفاهو يا ياسمين وبتعملي روحك م عارفه
ياسمين:يس انا تعبانه نتكلم ف الموضوع دا مره تانيه
يس:لا الليله مافي هروب جاوبي لي
ياسمين:مافي سبب انا عارفاهو
يس:طيب غيرتي من محمد دي م شايفاها ولا اهتمامي ليك دا م شايفاهو ...اصلو م عرفتي انا بحبك
ياسمين:😳
يس:والله بحبك وبعشك وبموووت فيك يا ياسمين...بحب تواضعك وثقتك بي نفسك وبحب كل تفاصيلك....والكلام دا قاعد جواي زي الشوكه منتظر الوقت المناسب لكن م قدرتا لانو غلبني
ياسمين:والولد البحبو هو انت
يس:😳😳😳
ياسمين: مالك؟!
يس:اتوقعتك تديني كف ولا تسمعيني فارغ ...والله م متوقع ردك يكون كدا
ياسمين: انا حبي ليك قبل م انت تفكر تحبني ....وكنت معذبني عذاااب

#يا_سارق_قلبي_كن_واقعا
بقلم ريان عبد الرحمن
-21-
يس وياسمين ابسط اتنين في الدنيا ..واخيييرا اعترفو لي بعض ..
يس:والله يا ياسمين م تصدقي انا مبسوط قدر شنو
ياسمين:والله انا اكتر منك م متوقعه يجي يوم زي دا
يس: خليكي جمبي ودايما ح اكون مبسوط
ياسمين: ان شاء الله
يس:والزفت الاسمو محمد دا اختيهو😒....هسي م لقيتي الا محمد دا تشغليها لي بيهو😹
ياسمين:😹😹😹😹...عشان عارفاهو بيفورك ...المهم في النهايه جاب نتيجه وخلاك تعترف لي😹
يس:اي والله😹
تصدقي انا امس كلمتا نضال واتفقنا انو اعترف ليك الليله لو قدرتا...في البدايه لمن جيت المطعم ضعفتا قتا تحرجيني وم قدرتا ..بس لما الاهبل داك كترا غلبني اصبر😹
ياسمين: شوووووف نضال الجزمه..ما ورتني
يس:توريك ليه😒
ياسمين: علي فكره هي عارفه اني بحبك😹وانا حاكيه ليها
يس:وانا يا حليلي القايلك ما جايبه بي خبر
ياسمين:😹😹😹...هي حجه منال بتطلقني الليله
يس:خليها تطلقك بجي بعرسك انا😹
ياسمين:😹😹😹😹..قومو قوم ارح
يس:يخ نقعد شويه😍
ياسمين:😒😒😒😒
يس:ارح خلاص😹
ياسمين: تهرش يا كبييير
يس ساقا ووصلا البيت وكذبت كم كذبه لامها..ومشت غرفتا
بي هناك ...محمد اتصل لسيرين
محمد:الو سيرين ازيك
سيرين:اهليين محمد كيفك
محمد :تمااام والله عافيه ...ومبروك النجاح كمان
سيرين:الله يبارك فيك ...مالك م جيتنا مع يس امس
محمد:م كلمتوني ...المهم يا ستي عاوزك في موضوع
سيرين:خير ان شالله
محمد:بتحبي يس صح؟!
سيرين:دا شنو السؤال دا
مخمد:سيرين م تحاولي تثبتي عكس الكلام دا لاني متاكد وعمر كلمني
(عمر صاحب نضال شديد بتحكي ليهو اي حاجه وفي نفس الوقت صاحب يس ومحمد.....محمد مشا ليهو وضغتو يوريهو سيرين عندها حاجه ل يس ولا لا...في النهايه وراهو)
سيرين:اها ولو قتا ليك ايوا
محمد:بس للاسف يس عاوز وحده تانيه
سيرين:😳كيف يعني...😒انا عارفاهو ما مرتبط وحاسه بيهو عندو لي شي
محمد:احساسك غلط يا عشه..بحب ياسمين ...هو ما قال لي لكن انا ملاحظ انو بينم في شي ..وتصرفاتو كلها غيره عليها ومحل ما هي بتكون في هو بيجي
سيرين:استحاله يحب الخدامه دي😒
محمد:ما تغلطي😒
سيرين: حتي انت 😹😹😹😹...الله يا ياسمين طلعتي م هينه😒
محمد:المهم الموضوع العاوزك فيهو بخصوصم
سيرين:استحاله اخلي ليها😒
محمد:ايوااااا دا الانا عاوزو ..عشان كدا عندي ليك خطه
سيرين:احكي
اتفقو علي الخطه (ح نعرفا قدام)وقفل منها التلفون
محمد:ياسمين لي ي يس واستحاله اخليك تاخدا مني
في غرفه ياسمين:
يس اتصل ليها
ياسمين: الو
يس:ازيووو العسل
ياسمين: يس😳جبتا رقمي من وين؟!
يس: محمد نفعني في حاجات كتيره😹زي ما شالو من نضال انا كمان شلتو😹
ياسمين:😹😹😹😹عاااد ماك هين
يس:بسم الله...كيف بقيتي؟!
ياسمين: كويسه م عندي عوجه
يس:الحمد لله ان شالله دااايما
ياسمين: امييبن جمعا
يس:الجامعه متين
ياسمين: الاسبوع الجاي
يس:يخ عايني م تجليها
ياسمين: شنو هي😒
يس:الجامعه😬
ياسمين: يا ود اتلهي👊
يس:عديييل كدا
ياسمين: اي عدييييل كدا😹
يس:لا بالجد يعني ..بالنسبه لاني م قادر انتظر عاوزك تبقي حقتي انا
ياسمين: حنبقي لي بعض ان شاء الله ....بس استحاله اخلي الجامعه بعد خامسه دي فضل لي سنه انتظرني يا بمشي بعرس محمد😹
يس:يعرس ركبيك ديل😒👊
ياسمين: حلاااتك وانت غيران😊
يس:الله يخليكي لي وما يحرمني منك
ياسمين: امييين يا رب وانا دايره شنو غير كدا
يس:بحبك يخ👊
ياسمين: وانا اعمل ليك شنو😹
يس:😤😤😤😤
ياسمين:وانا بعشقك والله
يس:ايوا كدا....يلا نومي حبيبتي عشان م تمرضي ...نتلاقي بكره😍
ياسمين: يمكن م اقدر اجي😔
يس: ليييه بس😒
ياسمين: والله تعبانه شويه قتا ارتاح بكره
يس:خلاص يا عسلي ارتاحي لكن ح اشتاق ليك😭
ياسمين: انا من هسي اشتقتا ليك💔
(السناقل اعفو لي يخ😹✋....انا زاتي زيكم😹✋)
يس:عسسسسسسسسسلي انتي...يلا تصبحي بالف خير
ياسمين: تلاقي الخيير
ياسمين قفلت منو ومسكت المفكره:
(شكرا لك يا ربي ...رغم تقصيرنا نجد منك اجمل الاشياء...حمدا لك بقدر عدد خلقك ...وهذا لا يكفيك يا خالقي ...نعمك لا تحصي..
لم اكن اتوقع هذا اليوم ...كنت فقط في مخيلتي يا حبيبي ...كنت اتشوق ل لليل واترك كل همومي واذهب معك في عالمنا انا وانت كانت ابتساماتي حقيقيه ولكن الخيال يظل خيالا....كنت اعيش علي شيئين يشعرانني بالسعاده... مفكرتي ملجأ اسراري وخيالي معك...اصبح واقعا ..صارحني بحبه😍...اشعر كان الدنيا تبتسم في وجهي ...اشعر اني املك هذا العالم ...حلمي الصغير صار علي ارض الوقع
احفظه لي ياخالقي ...اجمع بيننا علي خير ..وادم سعادتنا💜)
ياسمين دي معاطه يخ😒👆....لمهم واخيييرا نامت وصحت الصباح بدري كعادتا (والله دي حاجه برضو المفروض تحمدي ربك عليها ...اللهم اعفو عنا وتقبل منا)
صلت الصبح ودعت ربنا يخلي ليها امها ويس وم يفرقم ...شالت التلفون لقت يس مرسل ليها ..صباح الخير يا قلبي....رسلت ليهو يسعد صباحك يا اميري...
مشت لامها قالت ليها انا شويه تعبانه الليله م ح اقدر امشي
منال:خير يا بت مالك
ياسمين: لالافتر بس والله
منال:خلاص تمام م مشكله

#يا_سارق_قلبي_كن_واقعا
بقلم ريان عبد الرحمن
-22-
اتونسو وقفلو من بعض
جا المسا ومحمد جا لي يس في البيت...
يس:اهلين..خير
محمد:كدي قول لي اتفضل اول
يس:اتفضل
مشو قعدو ف الحديقه
يس:اها انجز
محمد:والله يا يس انا جيت عشان اعتذر ليك ...ونحنا اصحاب المفروض م ف حاجه تفرقنا ...وياسمين شكلها ليك ..وبتمني تقبل اعتزاري
يس: والله يا صحبي الحمد لله اعترفنا لي بعض وطلعت هي زاتا بتحبني ..يعني يعني لا انت لا غيرك م حتفرقونا من بعض
محمد بعد اتاكد انو بحيو بعض ..بقا يقول خلاص ح ينفذ خطتو ويكلم سيرين برضو
محمد:بختك بيها يا مان ...م عاوز تشربني شي؟!
يس:جدا..تشرب شنو
محمد: اليعجبك
يس مشا يجيب العصير وماااا مطمن لكلام محمد
محمد بعد يس مشا مسك تلفون يس ورسل لي ياسمين رساله وبعد وصلتا سريع سريع مسحا وختا التلفون كانو م عامل حاجه
يس جا ومحمد شرب العصير واتونس معاهو حبه ومشا
لمن طلع من يس اتصل لسيرين قال ليها انا عملتا العلي يلا ورينا شطارتك
سيرين:ابشر
محمد:موفقه
سيرين: طبعا لاول مره ح ادخل بيت عمي😹
محمد:انتي جااااااده😳....عاد م بسالك😹
سيرين: هههههه اي والله يلا لي بعدين
عند ياسمين:
جاتا رساله ومسكت التلفون علي امل انها رساله من يس ...وصاااح من يس بس يا ريت لو م قرتا:
(تصدقي يا ياسمين انتي اكتر بت غبيه تلاقيني ...يعني طوالي صدقتي اني ممكن احبك لا واعرسك كمان😹..شفتي ليك واحد بعرس خدامتو ...شوفي ما تتوهمني وتصدقيني اني بحبك بالعكس بكرهك وما بطيقك لانك م مستواي وقضيت وكت حلو لما كنت بكذب عليك ..ونصيحه مني انتو م عندكم راجل يلمكم عشان كدا ساعدي امك ومدي كراعك قدر لحافك....ومعلومه اخييره انا بحب سيرين يعني البت المستواي فهمتي)
ياسمين بقت ما شايفه قدامه وقفلت التلفون وجدعتو وبقت تبكي وتقول:
اصلا انتي بالجد من مستواي وما كنت لازم اوريك مشاعري انا الغلطتا ...😭😭😭😭انا بستاهل كل دا انا الغلطتا😭لكن ي يس طلعتا اكبر مجرم 😭انا ليه وثقتا فيك(كُر علي ي يسو ..تقطعي القلب😭)
يس شغال يتصل والتلفون مغلق...
يس:البت مالا يخ دار تجنني ..يا ربي نايمه
ياسمين وهي بتبكي سمعت صوت الباب..ومشت فتحت
لقتا سيرين
سيرين:هاي ...ياااي مالا عيونك حمر كدا 😳
ياسمين: اتفضلي
سيرين دخلت وقعدت وتفتش في تلفون ياسمين وتعاين بي جاي وبي جاي في النهايه لقتو مرمي ف الكنبه
ياسمين: خير ..سبب الزياره شنو؟!
سيرين :حبيت ازور بيت عمي في مشكله
ياسمين: تشربي شاي؟!
سيرين: ممكن
ياسمين دخلت المطبخ ..وسيرين لقتا فرصه مسكتالتلفون فتحتو ورسلت ل يس:
(اياك ترسل لي تاني وانا كمان بكرهك وصدقني ندمانه اني حبيتك ...بس هسي اطمن حبي ليك كلو انتهي ويا ريت م اشوفك تاني)
ياسمين جابت الشاي وادتو ليها
سيرين: اسمعي يا آنسه ياسمين... اكيد عارفاني جيت لشنو ...يس حبيبي وحقي وحكا لي انك بتحبهو بس للاسف طلع م بحبك ..فاشنو تكسري حنكو وتخلينا حلوين مع مع بعض والا م حيحصل خير ...وان شالله يكون وقع ليك..وطوالي قامت مشت
ياسمين اتفقعت بالبكا وبقت م قادره تفكر اكتر ..مشت صلت ركعتين وقرت قران ودعت ربها ونامت
الرساله وصلت لي يس وبقا فاتح خشمو ومنطط عيونو وما عارف يعمل شنو
قال احسن يمشي ليها عشان يعرف السبب شنو
مشا وصل عندها وبقا يخبط في الباب ..ياسمين صحت بي صوت الباب ومشت فتحت لقتو يس
ويس اتهجم لما شاف حالتا كدا
يس:ياسمين😳
ياسمين: اها شنو الكذبه الجديده
يس:ما فهمتك
ياسمين: يس عليك الله م قادره اتحمل اكتر ..لو سمحتا امشي من هنا ...وياريت تنسي اني كنت بحبك لانو بالجد زي م قتا كنتا بضيع ف زمني...وهسي حابه ارتاح شويه كفايه تويدو علي
يس:ياسمين انا قتا شنو ..ودي شنو الرساله الرسلتيها لي
ياسمين: م بتتعب من الكذب انت ؟!...والله تاني م عندي علاقه بيكم انت وسيرين ..الله يخليكم لي بعض وقفلت الباب في وشو
يس: ياسمين افتحي الباب دا وفهميني حاجه ...
ياسمين مشت غرفتا ولا كانو هو واقف برا ..وتاني مسكت المصحف وقرت وارتاحت شويه (للاسف بنلجأ للقران في وقت ضيقنا اكتر حاجه وفعلا بنشعر بالامان والراحه...بس لو قريناهو بصوره مستمره ما حيجيك ضيق ولو جاك بكون اهون ..وحياتنا بالقران بتبقي كلها توفيق..اللهم ارنا الحق حقا وارزقنا اتباعه وارنا الباطل باطلا وارزقنا اجتنابه ..وثبت قلوبنا علي دينك)
منال جات ولقتا نايمه ..طفت الانوار ورقدت نامت
ياسمين صحت بدري واتذكرت الحصل امس وتاني بدت تبكي ...بس مسحت دموعا وقالت لازم ابقي قويه شويه واتعلم من اخطائي ...وابقي قويه عشان امي التعبانه فيني دي
مشت صلت ودعت ربنا يقويها وينسيها الهي فيهو
يس كان مستغرب شديد من تصرفا ومن رسالتا وبقول سيرين شنو القالتا لي ..وبقا م فاهم حاجه
#نتلاقي_الحلقه_الجايه✋

#يا_سارق_قلبي_كن_واقعا
بقلم ريان عبد الرحمن
-23-
يس من صحا مشوش وما عارف ياسمين لشنو اتصرفت كدا وليه كانت بتقول ليهو انا زاتي بكرهك وبتقول ليهو زي م قتا انا ضيعتا وكتي ..وهو ما قال حاجه زي دي ..
اتصل لنضال وحكا ليها الحاصل ..ونضال بقت م عارفه تتصرف كيف ..قال ليها امشي ليها وشوفي الحاصل شنو وطمنيني عليها لانو حالتا م كانت عاجباني
نضال اتصلت ليها ولقت التلفون مقفول ..قامت مشت ليها خبطت الباب
منال:اهلين يا نضال ادخلي
نضال:ياسمين في؟!
منال:اي في من الصباح م مرفت من غرفتا امشي ليها جوا ..وانا ماشه الشغل
نضال:تماام
دخلت ليها جوا لقتا نايمه ...
نضال:يسو قومي عاوزاكي
ياسمين: خير يا نضال في شنو..والله انا تعبانه وما بقدر اتحمل اي كلام زياده
نضال:طيب علي الاقل فهميني الحاصل شنو فضفضي لي ..وريني مالكم
ياسمين: ما قادره عديل والله
نضال:طيب انا ما فاهمه حاجه وما عارفه سبب مشكلتكم ما حا اقدر اساعدك يا يسو حاولي حاولي احكي لي
ياسمين: مدي تلفوني دا
نضال:هاكي ..مالو مقفول
ياسمين:من امس قريت الرساله حقتو وتاني ما هبشتو
نضال:رساله شنو
ياسمين:افتحي رسالة يس واقريها
نضال فتحت الرساله وبقت منططا عيونا..وما قادره تصدق انو يس مرسل الرساله دي
ياسمين:اها لي حق ابقي كدا ولا لا
نضال مسكتا ضمتا عليها وقالت ليها ما تبكي حبيبتي ...وبقت تفكر مع نفسا طيب لشنو كان بقول ليها شوفيها مالا
صبرت ياسمين شويه وطلعت منها ..اتصلت لي يس قالت ليهو لازم اشوفك.
اتلاقو في المطعم
يي:اها يسو كيف احكي
نضال:كويسه والله بس ليها حق يا يس تبقي كدا
يس:ما فهمتك
نضال:دي شنو الرساله المرسلا ليها دي
يس:يا نضال فهميني ياتو رساله
نضال ورتو الفي الرساله كلو وقالت ليهو ياسمين قنعت خلاص ...بقا خاتي يدو في راسو وما عارف البيحصل دا شنو
يس:يا نضال انا ما كتبتا رساله زي دي
نضال:بس الرسال منك
يس:ياخ اعدم اهلي لو كتبتا لي حاجه زي دي
نضال:م صح منك استغفر ...انا زاتي والله م قدرتا استوعب انك ممكن تكون مرسلا ...بس ياسمين منهاره يا يس ..لانو بالجد حبتك
يس:وانا والله بعشقا واستحاله اعمل حاجه زي دي استحاله يخ انا م صدقتا لقيتا بتحبني
نضال:طيب اذا م انت الكتبا منو يا ربي
يس:دي الحاجا المحيراني ...ومزعلاني رسالتا الرسلتا لي
نضال:ياتو رساله
يس وراها الرساله ونضال بقت مستغربه
نضال:بس ي يس هي قالت لي انا من قريت رسالتو تاني م هبشتا التلفون
يس:😳😳😳
نضال:معناها ياسمين برضو ما هي الكتبت ليك الرساله
يس:والله دي حاجه تحير
نضال:يس انت امس كان معاك منو؟!
يس:والله م بتزكر جاني زول
نضال:اصلو ولا زول كدي اتزكر
يس:😳ايوا جاني محمد..لكن جا يعتزر
نضال:وانت صدقتو يعني
يس:كان جادي والله
نضال:طيب كدي وريني جاك زي الساعه كم ..ورساله ياسمين جاتك الساعه كم؟!
يس:جاني المسا كدا ورساله ياسمين بعدا بي مسافه
نضال:طيب ثواني انا امشي لي ياسمين واجيك ..عاوزا اتاكد من حاجه ما تمشي خليك قاعد
يس:تمام
نضال مشت لياسمين
نضال:ياسمين امس محمد جاكي ف البيت؟!
ياسمين: لا
نضال:طيب منو الجاكي امس؟!
ياسمين: سيرين واول مره تجينا
نضال:اهااااا قتي لي سيرين
ياسمين: اي سيرين ليه في شنو
نضال:طيب جاتك متين ورساله يس كانت متين
ياسمين ورتا زمن الرساله وزمن سيرين..ونضال عرفت انو هم لاعبين عليهم وعاوزين يفرقوهم
نضال:تمام ...ح اتصل ليك بعد شويه م تقفلي تلفونك
ياسمين: تمام بس في شنو
نضال:حتفهمي اي حاجه بس اصبري
نضال جات راجعه لي يس وفهمتو وورتو انو دي لعبه لاعبنها سيرين ومحمد
محمد م قدر يتمالك روحو وقام علي حيلو دا يمشي لي محمد
نضال:اول حاجه لازم ياسمين تعرف ..بعدين اتصرف مع محمد
يس:المشكله هي م عاوزا تسمعني
نضال:انا بتصل ليها وبجيبا هنا وح نفهما
نضال اتصلت ل ياسمين وبعد تحانيس جابتا المطعم
نضال:ياسمين انتي فاهمه اي حاجه غلط
ياسمين: نضال جبتيني عشان كدا؟!...انا يس دا تاني م م عاوزا اشوف خلقتو
نضال:بس هو عاوزك وانتي فاهمه غلط
يس جا قعد جمبها ومسكا من يدها
يس:ياسمي...
ياسمين قبل يكمل كلامو وقفت وقالت ليهو اياك تتجرأ تلمسني
ياسمين: يعني واقفه في صفو يا نضال تمام
نضال:ياسمين في سوء تفاهم حاصل
ياسمين:بالاذن
يس:ياسمين انتظري ..ومشت سرعه ومشا بي وراهو ..لمن لقتو وراهو جرت عشان تقطع الشارع وهي بتبكي
يس:ياسمين لااا😳
صدمتا عربيه ..وياسمين ررررب في الارض
نضال:😳😳😳😳😳
يس:لا😳
يس شالا سرعه وطوالي علي المستشفي دخلوها العنايه المشدده طوالي ..لانو الدكتور قال نزفت دم كتير
يس ونضال ما قادرين يوقفو بكا
يس:ما كان نجيبا يا نضال😭
نضال:انا الجبتها ..ياسمين سامحيني وقومي عليك الله
يس:لو حصل ليها شي م حا اسامح نفسي
الدكتور جا طالع
يس:دكتور ياسمين كيف
الدكتور:والله ما اكذب عليك ..الحاله خطره شويه ولازم ندخلا عمليه
يس:😭😭عليك الله يا دكتور انقذا ما بحمل بلاها😭
دكتور :حنعمل العلينا ان شاء الله ...امشو اعملو الاجراءات حقت العمليه ووقعو