خطبه حضرت امام سجاد (ع) در مسجد شام

مرحوم انور اردبیلی

بخش 1️⃣

یازدی قانیله حسین مکتب قرآن یاشاسین
بوغازیندان توکولوب قان دیدی ایمان یاشاسین
عزتیله گرک آزاده مسلمان یاشاسین
ذلتیله یاشیان ملتی تقبیح ایلیون
طرد ایدون ظالمی اللهوزی تسبیح ایلیون


مرد اودور حق دانیشوب حق سوزی اوسته دایانا
ئوزی ئوز معنوی فرهنگینه دلدن اینانا
گیتمیه باد حوادثده بویاندان اویانا
تیکمیه مرتبه و منصب دنیایه گوزون
ساتمیا اهل زر و زوریله تزویره گوزون


لعنت اولسون او کسه مردمی دلگیر ایلیور
رنگدن رنگه دوشور باطله تدبیر ایلیور
بیر گونی روبه اولور بیر گون ئوزون شیر ایلیور
شیعۀ مخلص اودور رنگ و ریانی ئوتوره
قدمین محض رضای حق یکتا گوتوره


کیم ایدوب خط حسین ابن علیده حرکت
سفرۀ عزت و اجلالی اولوب پر برکت
آری ایثار و شهادتده دی مَجد و برکت
روح ایثارگری اولماسا هر کیمده عَلَن
زندگیده چخوب حتماً حسین خطّیندن


کیم حسینی ئوزونه نهضتی رهبر تانیور
سرخ منشورینی دیلده ایدوب ازبر تانیور
تانماز آیری یری مسجد و منبر تانیور
مرض روحه دوا مسجد و محرابیده وار
قسم اللهه نه واردور عمل نابده وار


دهم ماه عزا یوم بلا میر هدا
مسجد و منبر و قرآنه ئوزون ایتدی فدا
خیمه لر یاندی اسیر اولدی حریم نجبا
روح تضمین و بقا مکتب قرآن تاپدی
اسرای علوی شامده اسکان تاپدی


شام ویرانه سی یعنی بیر اوچوق کهنه حضار
عترت فاطمیه حائل اولوب دورد دیوار
گوندوز ایستی گجه سرما اولارا وردی فشار
سار گول لرده اثر قویدی هوای متضاد
چخادوبدور دریدن چهره لری خاکیله باد


صبح لر سرد نسیمیله دولان وقته هوا
جذب ایدوردی سویوقی سینۀ ویرانه سرا
تاب ایدنمزدی دوراردی یوخوسوندان اسرا
جسملر گل کیمی تیترردی سویوق اولدوقونا
سخلاردی بالالار بیر بیرینون قولتوقونا


اولماسا سقفی ایوون گون ایلیور فوری هدف
ایستیه دوزمزیدی عترت سلطان نجف
ظهر اولاندا چکیلردی هامی دیواره طرف
اسرانون ایوی جان بخش هوادن بوشیدی
بالا قزلارون او مأواده چوخی ناخوشیدی


محبس درد و بلا فاقد آسایشیدی
خاک مرطوب اولارا بستر و هم بالشیدی
تارِ گیسولره جوّین توزی آرایشیدی
نقش غم دوشموشیدی گوزلرینه قاشلارینا
بولوط آغلاردی توکردی یاغیشی باشلارینا


ایسلانان وقته لباسی عوض ایلولّه بلی
اسرایه یوخودی آیری لباس اوردا ولی
سویموشیدی حرم طاهره نی ظلمون اَلی
بیر قبائیله کیم اولسا یاغیش آرامین آلار
فکریوی قاضی ایله گور نه چکوبدی بالالار


راوی نقل ایلوری نزدیکی ویرانه سرا
روبرو گلدیم نه سبط نبی زین العبا
نجه صبح ایلیوسن شامده عرض ایتدوم آقا
بوتۀ غصه ده تحلیله گیدوبدور بدنون
رمز محنت گورونور غملی جمالونده سنون


سائله ردّ جواب ایتدی بو طرزیله امام
روزگاری بیزه چوخ تنگ ایلیوب میر ظلام
کاش ای شیخ منی دهرده دوغمیدی انام
نجه صبح ایلر اولان حاکم جباره اسیر
گجه نون مثلی گورر گوندوزونی قاره اسیر


بیز گرفتار یزید اولموشوق ای مرد اصیل
نجه فرعونه دچار اولدی بنی اسرائیل
نوجوانلاریمیزی ایلدی لب تشنه قتیل
رحم یوخ ذره بو بی عاطفه و ناکسده
فکری واردور بو قالانلاردا ئوله محبسده


چالشور دام مصیبتده نوامیس خدا
قوجالوب عمّه لریم بسکه یوروب دام بلا
بعضی موقع گورورم چاتمور اوشاقلاره غذا
زندگی عترت اطاره اولوب زجر و فشار
باجیلاریملا باخان وقت ده قلبیم آلشار


بیر باجیم واردی چوخ ایستکلیدی اهل حرمه
یوروب آهن قفسی سالمش اونی پیچ و خمه
طاقتی طوطی شکّر شکنون یوخدی غمه
آغلاماقیله کچور هر شب و هر روزی اونون
یاندرور قلبیمیزی نغمۀ جانسوزی اونون


دانشوردی منیله راوی دیور زین العبا
بیر خانم حضرت سجادی گلوب ایتدی ندا
دشمنون چوخدی اماندی اوزاقا گیتمه بالا
طاقتون وار نه بدنده نه الونده کَسَرون
سنی امّید بولور باجیلارون عمه لرون


ایستدی آیریلا حضرت دیدیم ای بی کس امام
سیز ایله قالاملی سوز محبس ویراندا مُدام
ایش بو منوالیده قالسا اگر ای میر اَنام
ئولدورر زجر چکن قزلاری مُهلک زندان
کول منیم باشیمه ویرانه اولور قبرستان


دیدی سجاد اونا شاملدی بیزه لطف ازل
متجاوز هر عمل ایلسه وار عکس العمل
هندون اوغلون ایده جک قهر خدا مستأصل
من وکیل شهدایم سوزومه باخبر اول
شامی تسخیر ایدرم منبره گیتسم بیر یول


الغرض جمعه گونی مسجده قیلدی حرکت
یتشوب مقصدینه مقدم یُمن و برکت
مسجده ویردی او سیمای الهی عظمت
عرفا قبله سی بی مونس و یار اگلشدی
اوز یرینده ایله بیل کوه وقار اگلشدی


منبرون اوسته ...


ادامه ⬇️


#خطبه_سجادیه_در_شام
#مجلس_یزید
#سجادیه_خطبه
#انور_اردبیلی
#یازدی_قانیله_حسین_مکتب_قرآن_یاشاسین
#آخرین_یادگار_انور
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

خطبه حضرت امام سجاد علیه السلام در مسجد شام

مرحوم انور اردبیلی

بخش 2️⃣

منبرون اوسته صعود ایتدی خطیب اموی
مدح ایدوب قان توکنی ایلدی سبِّ علوی
یردن اخطار ایلدی ساجدِ آل نبوی
گوروم آغزون سنا بیراهه یولا گتمه خطیب
خلقه خاطر غضب خالقی اخذ ایتمه خطیب


صورا اذن آلدی ایدوب عرشۀ منبرده قرار
ساحت حقه ایدوب گوهر تقدیس نثار
بعد تجلیل ایلدی جدّن او پاکیزه تبار
خطبه ختم اولدی مخاطب ایلدی حُضّاری
گوستروب ملته آیینه کیمی اسراری


شامون اهلی تانومورسوز منی الان تانیون
مرز ایمانه منم یاخشی نگهبان تانیون
دگولم خارجی واللهی مسلمان تانیون
واقف مسئله مجلس رازم تانیون
شهر یثرب وطنیم اهل حجازم تانیون


نقطه دایره صوم و صلاتم تانیون
لنگر و قائمۀ فلک نجاتم تانیون
تشنه معرفته آب حیاتم تانیون
دولت اعظم قرآنه سفیرم تانیون
شیر خصلت ولی روباهه اسیرم تانیون


خلقتون جوهره سی گوهر نایابی منم
شجر طیبه نون میوۀ شادابی منم
گجه لر زینت ایدن قبلۀ محرابی منم
حامی سالک دین هادی منهاج منم
نوۀ پاکدل صاحب معراج منم


عزت احمد مختاریمیزه فخر ایدورم
قدرت حیدر کراریمیزه فخر ایدورم
همت جعفر طیاریمیزه فخر ایدورم
صاحبان صدقات و صلمه فخر ایدورم
مرد شمشیر و عمل سلسلمه فخر ایدورم


تانیمورسوز منی سیز بیت خدا یاخشی تانور
حجر الاسود و زمزمله صفا یاخشی تانور
جَبَل الرحمه و مشعرله منا یاخشی تانور
ایها الشام بشیر البشرون اوغلی منم
صاحب معجز شق القمرون اوغلی منم


سیدم هاشمیم خسته تنم دربدرم
قفس غصه ده چون طایر آشفته پرم
اموی دولتینه شامیده اما خطرم
منطق بت شکنیم رمز فتوحاتیمدور
کنج ویرانه ستاد عملیاتیمدور


ویرمیوب فرصت صحبت منه دشمن دانشوم
ذی حقم جمعه نمازینده گرک من دانشوم
گتمیشم منبره قوی مطلبی روشن دانشوم
جده سی ضربت مسمار و دریله ئولَنَم
گجه غسلی ویریلن فاطمه نون اوغلی منم


سجده ده باشینی قاتل کسنون اوغلی منم
گون قباقینده قالان بیکفنون اوغلی منم
آت قباقینده که عریان بدنون اوغلی منم
خیمه سی آتش ظلمه یانانون اوغلی منم
الی اوسته بالاسی اوخلانانون اوغلی منم


سینه سین اوخلارا آماج ایدنون اوغلی منم
خیمه سین ظلم الی تاراج ایدنون اوغلی منم
رفرفِ نیزده ده معراج ایدنون اوغلی منم
ضربت داشلارا تمکین ایدنون اوغلی منم
حاکموز باشنه توحید اینون اوغلی منم


سیر ایدن چوللری زنجیر جفا قولدا منم
دولانان قانلی لاری صاقدا و یا صولدا منم
وورولان عمه لری باجی لاری یولدا منم
او که بو شهریده آواره دولاندی او منم
توکدوز اوت باشینه عمامه سی یاندی او منم


خفقان سندی یزید اولدی بو سوزدن نگران
قیلدی اظهار موذن اوتوما باشلا اذان
کلمه اعظم تکبیر اولان وقته بیان
دیدی تأویلینی فوراً اسدالله اوغلی
حقه آگاه حسینون دلی آگاه اوغلی


کلمۀ طیبه نی ایتدی موذن ایفا
اشهدُ انَّ محمد ایلین وقته ادا
یوزونی دوتدی یزیده بویوروب زین العبا
بو موذن دییَن آد مفخر بی حدیمدور
وار سنه نسبتی یا اینکه منیم جدیمدور


ناگهان دوردی شبستانیده زینب ایاقا
یوز دوتوب مسجده سسلندی او فرخنده لقا
دانش عمون اولا قربان دانشان دیل دوداقا
دینمسون قارداشمون قاتلی مقصوده چاتار
جدیمه اوخشار علی اکبریمون قانی باتار


من شبستانیده دلدن چاغوروم اللهی
شامون عورتلرینه بذل ایلیوم آگاهی
سنده اول منبرون اوسته شهدا خونخواهی
ملته ظالم و مظلوم گرک بَلَّنسون
تختدن حاکم جبار گرکدور اَنسون


عصر طاغوتینه ویر قهریله اخطار شدید
بویور اول ظالم و خمّاره که که مرد پلید
آل اطهاره الوندن گَلَنی ایله یزید
مرتضی قزلارینی ساخلا هله بی معجر
او قرا ساچلارون آهی سنی نابود ایلر


نطق پر شورینی ختمه یتوروب زین العبا
گلدی ویرانیه دلبند رئیس شهدا
ایتدی تجلیل اونی نائبۀ خیر نسا
علی شام اهلینی مبهوت ایدوبسن سوزووه
یورولوبسان هَلَه اگلش بی بی قربان گوزووه


قلبدن شادم علی باخما منیم گوز یاشیما
یاخشی خدمت ایلدون الده ئولن قارداشیما
اذن ویر فوج اسیرانی یغوم من باشیما
نذر عشقی ایلیوب عمّۀ شوریده سرون
بیر دولانسون باشووا باجیلارون عمه لرون


« انورا » مدح برازندۀ سجاد ایتدون
عدلی تعریف ایلیوب نفی ستبداد ایتدون
سوزه پیرایه ویروب منظره ایجاد ایتدون
اُدبا زمره سینون خوشدی یری مجلسده
حیف اولا « یحیوی » نون بوشدی یری مجلسده


#سبک
📣 مرحوم #داود_موذن زاده

#خطبه_سجادیه_در_شام
#مجلس_یزید
#سجادیه_خطبه
#انور_اردبیلی
#آخرین_یادگار_انور
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

سلام بر امام زمان(عج)
گریز به عزای حضرت رقیه سلام الله علیها

شاعر ؟؟؟

سلام اى آخرین دلدار شیعه
سلام اى مونس وغمخوار شیعه

سلام من به اعماق دل تو
كه باشد معدن اسرار شیعه

سلام من به خال هاشمى ‏ات
كه گردد محو آن انظار شیعه

سلام اى عاشقان سینه چاكت
نثارت اى گل بى خار شیعه

قسم برذات پاك كبریایى
كه نبود غیر تو كس یار شیعه

بیا بنما فرج كز دورى تو
گره افتاده اندر كار شیعه

بیا در بزم زهراى سه ساله
كه باشد قصه غمبار شیعه

سلام من به آن طفلى كه باشد
گل نیلوفر گلزار شیعه
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها


ابوالفضل عباسی معروفان

آی گؤیده اوچان قوشلار دردانه بالام ئولدی
آز عمری اولوب غملی افسانه بالام ئولدی



شوقیله چالون شهپر گؤیلرده اوچون قوشلار
دشت غم و اندوهه افسرده اوچون قوشلار
بو غم خبرین بیلسون اکبرده اوچون قوشلار
گلسون باشی اوستونده افغانه بالام ئولدی


آخر منی تک قویدی یار سفریم گئتدی
هم روحیمون آرامی هم بال و پریم گئتدی
آیریلدی گجه یاری مرغ سحریم گئتدی
گؤزیاشیمی دؤندردی القانه بالام ئولدی


رویاده گجه نصفی مظلوم باباسین گؤردی
تاپدی باباسین اما بیلمم هاراسین گؤردی
اول قانلی دوداقلاردا شاید یاراسین گؤردی
گؤزیاشی توکوب گؤزدن دامانه بالام ئولدی


آغوشه آلیب ئوپسون اول قانلی دوداقیندن
دلخسته بالام اولدی شرمنده قوناقیندن
تاب ائتمدی آهسته باش دوشدی قوجاقیندن
بیر یانه او باش دوشدی بیریانه بالام ئولدی


باخدیم او قیزا گؤردوم جسمینده نفس یوخدی
سسلندیم عزیزیم دور گؤردوم ولی سس یوخدی
پروازه گلوب روحی دای میل قفس یوخدی
ویرانه منه اولدی غمخانه بالام ئولدی


زینب بو مصیبتده قان آغلاسا گر آزدی
تقدیر الی آهسته بیر غملی غزل یازدی
اوچ سن ده قیز ئولدی قبرون بی بی سی قازدی
دنیانی گؤروم اولسون ویرانه بالام ئولدی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها

حیدری زنجانی

قلبیمی بو غمده داغلاما رقیه
یاندی قلب زاریم آغلاما رقیه
ای وفالی دلداریم
خورداجا علمداریم
آغلاما رقیه ( 2 )




یادیوه دوشنده اکبرون جمالی
بو خرابه یرده اوج ایدر ملالی
زینبی بو یرده ایلمه عزالی
صبر ایله عزیزیم ای حسین غزالی
ای وفالی دلداریم
خورداجا علمداریم
آغلاما رقیه ( 2 )




هجر و ماتمونده گلمیشم فغانه
حالیمه قان آغلار بیلسه کیم شبانه
زینبی یوروبدی سن کیمون زمانه
قامتی دونوبدی غصه دن کمانه
ای وفالی دلداریم
خورداجا علمداریم
آغلاما رقیه ( 2 )




قوی اوپوم لبوندن ای گل امامت
آیریلوق غمیندن سولما ایله طاقت
گل قوجاقیمه بیر یوخلا بلکه راحت
صورتونده واردی زرد بیر علامت
ای وفالی دلداریم
خورداجا علمداریم
آغلاما رقیه ( 2 )

سبک مشابه ⬇️⬇️⬇️


#حضرت_رقیه_🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها

مجید قلعه بیگی ( فقیر خوئی )

من تک بلالی گلمز بو روزگاره عمه
قلبیم اولوبدی غمدن،صد پاره پاره عمه
صحرای نینواده،نی تک نوایه گلدوم
زولفیم آغاردی دوشدوم،چوخ چوخ فشاره عمه


شهزاده یم بو قومِ بی رحمه دستگیرم
قول باغلی،سینه داغلی،گوزیاشلی،من اسیرم
کیم گورجکین اینانماز،اوچ یاشدا بیله پیرم
بیجا دگول رقیه،گر ائتسه ناله عمه
سندن منه مصیبت اولموش،حواله عمه


خو تاپموشام بو یرده،مدتدی گوز یاشیمدان
سیل بلالر آشدی،ویرانه ده باشیمدان
نه وار خبر بابامدان،نه عمّ و قارداشیمدان
یاننام غم آتشینده،گلّم فغانه عمه
تیرِ غم و بلایه،اولدوم نشانه عمه


زهرایه بنزرم من،جنّاتیده عزیزم
اکبر اؤلوب غمینده،هر ساعت اشک ریزم
شام اهلی فکر ائدوللر،ویرانه ده کنیزم
تحقیریلن باخوللار،بنت الحسینه عمه
من آغلورام گوللر بو شور و شینه عمه


ویرانه خارجینده،اوینور بوتون اوشاقلار
امّا یانیمدا بعضی،قیزلار آجیندان آغلار
لیلایئله ربابی،گوررم دیزین قوجاقلار
اللّه بولور یورولدوم،از بس فغانه گلدوم
دویدوم من اوچ یاشملان،واللاهی جانه گلدوم


گوردون نه حاله قالدوم اخیامیلر یاناندا
یاندی«فقیرخویی» بو مطلبی یازاندا
گوشوارمی چکنده،خولی منی ویراندا
چونکه او گوشواره،اهدایِ اکبریدی
جبریله غارت اولدی،تندیس دلبریدی


عمه فنا جهاندا،اوچ ایلده جانه دویدوم
دردین سنین آزیدی؟من گور نه حاله قویدوم
لطف ائت منی باغیشلا،الحق سنیده یوردوم
گر ایستوسن رفاهین،دخت شه جنانین
عجّل وفانی سسلوم،سن لطف ائله دئ آمین
ــــــــــــــــــــــ
🔹 در سبک «نبسته ام به کس دل ...» قابل اجراست.

#حضرت_رقیه_🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها

کربلایی ساسان آقایی اردبیلی

آغلا بو آغیر ماتمه ایله اوجا فریاد
تا ایستدی زینب اوقیزین دفنینه امداد
دلدن اوجادان آغلادی بیر سیدسجاد
عرض ایتدی مریضم بی بی قوی مایه اوزوندن
ال ساخلا اوپوم بیر باجیمین قاره گوزوندن

بوحیثیده زینب گور اوپیدی هاراسیندان
گوردی ایاقی یاره گلور قان آراسیندان
بیر آز تیکان ایلشدی چیخاردا یاراسیندان
فرصت تاپیلوب زینبه دویدی قوناقیندان
چکدوگجه تیکانلاری اوپیدی ایاقیندون

کلثوم دیور چیخمیور اول صحنه یادیندان
دویمیدی باجیم رقیه نین دوزلی دادیندان
آهسته یاپشدی یارالی قول قنادیندان
بیر رشته مرجان تک اونی سینه دن آسدی
حسرتله گوزین یومدی سورا باغرینا باسدی

سسلندی ای اللرده اولان ئولن غزاله لای لای
قوشدوم سنی اصغرکیمی بیرماراله لای لای
تپراقدا باتوب بنذر اوزون هلاله لای لای
سس ور منه بوچولده رقیه سسیم اولسون
آخر باخیشون قبره گیدنده بسیم اولسون


#حضرت_رقیه_🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

✅پایگاه حفظ و نشرآثار کربلایی رضا آقازاده
🔴کانال #رسمی مداح اهل بیت کربلایی رضا آقازاده👇
🆔️ https://tttttt.me/joinchat/AAAAAEOhdI8tiQFGnBPFqw

@bibi_rogaye

برای دانلود مداحی های جدید #محرم۹۷ و استفاده از اشعار ناب و دست اول عضو شوید👆

کربلایی رضا آقازاده
گوشه ای از
طشت گذاری هییت دیوانگان کربلا
قسمت۲

💫کانال‌نوای‌محرم💥🌙
@bibi_rogaye
🌴🌴🌴🌴
🌹💠

طشت گذاری هییت دیوانگان کربلا

با نوای: کربلایی رضا آقازاده

گوش زدی عالی به تمام حاجی ها

#سیم_و_زروی_جیب_وهابی_لره_توکمه

شعر:سیف الشعرا استاد سیفی اردبیلی
@malakoote_oshagh

زبانحال حضرت رقیه در خرابه شام


مرحوم حسینی سعدی زمان
تضمین از کلام مرحومه طاهره قرةالعین


گفت رقیه ای صبا رو به برادرم بگو
بی تو شده است خواهرت با غم عشق خو بخو
پشت سرت دویده ام شهر بشهر سو بسو
گر به تو افتدم نظر چهره به چهره رو برو
شرح دهم ز غم ترا نکته به نکته مو بمو



خسته و دل شکسته ام رنج و بلا کشیده ام
کنج خرابه خود بخود بیتو نیارمیده ام
بهر امید وصل تو رخت نشاط چیده ام
می‌رود از فراق تو خون دل از دو دیده‌ام
دجله بدجله یم بیم چشمه بچشمه جو بجو



دست بدست و لب بلب رو بزمین نهاده ام
صبر و قرار و طقت و تاب بباد داده ام
غیر خیال خال تو نیست بدل اراده ام
از پی دیدن رُخَت همچو صبا فتاده ام
خانه بخانه در بدر کوُچه بکوچه کو بکو



مرغ شکسته بال دل گشته اسیر چنگ تو
شیشۀ خاطرم شکست آینه دار سنگ تو
حلقه بحلقه خم بخم زلف سیاه رنگ تو
عارض و عنبرین خطت گرد دهان تنگ تو
غنچه به غنچه گل به گل لاله به لاله بو به بو




دانۀ خال عارضت دیدۀ طایر روان
دیده و چین طُرّه ات کرده بخویش آشیان
ترک محبتت کنم کی منِ زار و ناتوان
مهر ترا دلِ حزین بافته بر قماش جان
رشته به رشته نخ به نخ تار به تار پو به پو



گه بدیار شام و گه کوفه و گاه کربلا
گه به کِنِشت عیسوی گه به خرابه جابجا
قید بگردنم زده سلسله اشقیا بپا
در دل خویش خواهرت گشت و ندید جز وفا
صفحه بصفحه لا به لا پرده به پرده تو به تو



بر منِ خسه کی رسد رشگ جنان نواله ات
بر ورق گُلِ رُخَت بینم از اشک ژاله ات
بایع مُلک وصل تو کی دهدم قباله ات
غائله نیست در خورَت زان برم این مقاله ات
خِطّه بِخِطّه دِه به دِه لحظه به لحظه سو به سو



خامۀ «سعدی زمان» کشف غم نهان کند
سطر به سطر سر بسر زیب رخ جهان کند
ذکر «حسینی» را سپس جمله حسینیان کند
«قرةالعین» اهل دل نظم ترا بیان کند
نقطه به نقطه خط به خط حرف بحرف او به او


#حضرت_رقیه_شهادت
#سعدی_زمان
#قرةالعین
#تضمین_حسینی
#گفت_رقیه_ای_صبا_رو_به_برادرم_بگو
#گر_به_تو_افتدم_نظر_چهره_به_چهره_رو_برو
#چهارده_معصوم_حسینی ص 10
#فارسی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه

مرحوم حسینی سعدی زمان

شمس وحدت بو گئجه قارداش ایدوب هاردا غروب
گورورم نیزه ده گون صورتیوه کول اوتوروب


نخله ی طور ایلیوب نیزه باشین نورون عیان
معنی سرّ اَنَا اللهی ایدور خلقه بیان
هانی موسی اَرِنی لفظینه لَن صوتین آلان
گوره عیسایه ویرن دم سرِ دار اوسته دوروب


بلشوبدور کُله باشون، باشیمه کُل اَلَنوب
بو باشوندور باجون اُلسون بیله قانه بَلَنوب
بدر کاملدی سیه ابریله یا پرده لَنوب
گوندی یا نیزه ده بو محشر کبرادی قوروب


کوفه نین شهری حسین عرصه ی محشردی مگر
قیزلارون شیون ایدر ناله ی واغَوث چکر
هامی محشر کیمی اوز حالینه گوز یاشی توکر
محشر اولموب نیه بس، باشینه گون کُل سوووروب


بیر به بیر برج بلانی دولانوب ماه وفا
اوز خسوفین یتوروب باشه، تاپوب یاخشی صفا
باشون اون دورت گئجه لیق آیدی، ایدوب کُلده خفا
شهدا باشلاری آی دوره سینه هاله ووروب


کیمی حیران دولانور ایلوری بو وضعه نظر
کیمی باخدوقجا گُلر زینبه هم طعنه ایدر
ظلم سازنده و بازنده سالوب قلبه شرر
بو مُغنّی لر آلوب اللرده اسباب طروب


قان دولان گوزلرون آچ زینبه بیر ایله نگاه
گورنه عشقونده اسیرم سوزیمه دلده گواه
گوزده کی قانلی گوزوم یاشیدی، قلبیمده کی آه
دولودور ناله ایله نی کیمی بو عرق و اُروب


باش آچوخ عترتیوه گرچه باخور قوم شرور
اهل ظلماته محال امریدی مکشوف اولا نور
باخماسونلار بیزه باشون اودی کیم مصحف اوخور
گوره بیلمزله بیزی باشون ایدوب جذبِ قلوب


گیچون اوز ماملکوندن ره جاناندا تمام
سنیله تاپدی شرف مذهب مذهب پاک اسلام
ویردون اوز قانیویله شمس حقه جلوه ی تامّ
حشره تک ایتمز همین جلوه ده گون بیرده غروب


سر عیسایه سالوبدور بو گئجه سایه باشون
بازدید ایتماقا قصد ایلیوب عیسایه باشون
کعبه دن عازم اولوب سمت کلیسایه باشون
راهب ارشادینه عیسی سنی مهمان چاقوروب


ای «حسینی» بو کلامی سن ایدن وقته رقم
سانما اوز باشینه یازدی بو متین شعری قلم
باطناً روح قُدُس ویردی سنه مطلق دم
ظاهراً طبعیوی بو قافیه ی تنگ یوروب


#سبک_زینبم_جان_اوستیم
#سبک_یه_سوال_دارم
#سبک_اذن_ویر_یارب_گله و ....


#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و ...



#کوفه
#شمس_وحدت_بو_گیجه_قارداش_ایدوب_هاردا_غروب
#سعدی_زمان
#لمعات_حسینی ص 317
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شهادت حضرت امام حسن (ع)


مرحوم سعدی زمان

باش آچوب پیمبر بتول ائدوب
خلد عدنی بیت الحزن بوگون
جان وئروب امام حسن توکر
گوز یاشین یوزه بوالحسن بوگون
آغلوری حسین نی کیمی ائدور
ناله حجّة ابن الحسن بوگون


نو بهار اسلامه صرصرِ
ظلم اسوب سولوب گلستان دین
بیر سولان گوله آل مصطفی
عندلیب تک ایلوری انین
دولدوروبدی وا مجتبی سسی
عرش و فرشی پیغمبر امین
جنتی که دارالنّشاط دور
ایلیوبدی بیت الحزن بوگون


وجه داوره وجه باقیه
حیّ لم یزل مظهری علی
اسمی اوّلین اسم اعظم و
خلقت بشر مفخری علی
فعل کائنات و عوالمین
بدو خلقده مصدری علی
وای اوغول دیر گوز یاشین توکر
عارضه چو دُرّ عدن بوگون


عصمت و حیایه مجسمه
دخت مرتضی زینب حزین
عالِمه ولی بی معلّمه
عصمتینده زهرایه جانشین
سرّ حجب و مخدومه مریمه
مغرب فلک مشرق زمین
ابر زلفیله مه عذارینی
گیزلدوبدور اول شیرزن بوگون


قاسمین جمالین یتیم لیق
گردی چولقیوب وا ابا دیر
قلب مس لره آدی کیمیا
شاه کربلا وا اخا دیر
هاشمیه لر باشینی آچوب
یثرب اهلی وا مجتبی دیر
کربلاده گیزلین قیامتین
گورسنوب نشانی علن بوگون


بسکه اینجیدوبدور بو سروری
قلبی لاله تک باغلامشدی قان
زخم قلبی نشترلدی اجل
قلبنی بوشاتدی شه جهان
قیتروبدی طشته او قانلاری
باخدی زینبی چکدی الامان
جان وئروب خلاص اولدی محنت و
غصّه دن او شاه زمن بوگون


عزّتیله غسل و کفن ائدوب
کربلا غریبی او سروره
من دئمم نه ظلم اولدی نعشینه
حمل اولاندا قرب پیمبره
قبرده گرک بو مصیبتی
عرض ائدم بتول مطهره
دفن ائدوب حسن جسمینی حسین
اول شهنشهِ ممتحن بوگون

#گریز به #قتلگاه و #غارت_خیام

وامصیبتا وامحمدا
یادیمه گئنه دوشدی کربلا
سویدولار حسینون جنازه سین
غارت اولدی درّاعه و ردا
قویمیوبلا حتّی او جسمده
دورت مین اوخ دگن کوینگی قالا
بیر نفر تاپولموب دئسون سیزه
نیلیوب بو باشسیز بدن بوگون


بو یارالینون بسدی جسمده
اوخ قلج یری بی حسابدور
کسمیسوز باشین سویمیون داخی
میّته ترحّم ثوابدور
بو ورق ورق منتشر بدن
اهل ذکر و امّ الکتابدور
سیز اگر کتاب اهلیسوز، جفا
ایلوسوز کتابه ندن بوگون


آه او وقتدن باجی قارداشین
تاپدی نعشینی قتلگاهده
گوردی رختین ایله سویوبدولار
ساتر بدن یوخ او شاهده
بیر نفر مسلمان تاپولمادی
عرض ائدوب حسین بو سپاهده
ساخلییدی باری کفن سنه
پاره پاره بیر پیرهن بوگون


عور قالماق اعرابه ننگدور
سیَّما او عریان اولا امیر
آغلاسام ئولونجه سزادی من
عور ائدوب سنی لشگر شریر
سویماسیدیلر رختیمی اگر
ائتمسیدیلر باش آچوق اسیر
پیکرون قوییدیم محالیدی
توپراق اوسته من بی کفن بو گون


سن اوسان که یثربده چیگنینه
میندیرردی دائم سنی رسول
سن اوسان قزل گول کیمی سنی
ایگلیوب ئوپردی آنام بتول
ایمدی پایمال ایلیوب بیله
خار نعلیله جسمیوی خیول
گول کیمی داغلمیش جنازه وی
یوخدی بیر نفر دفن ائدن بوگون


سن اوسان که زلفین یوماقلیقا
گتدی جبرئیل آب سلسبیل
سن اوسان قماطونله عرشینه
زیور ایلدی خالق جلیل
سن اوسان سنه اولماقا لَـلَه
فخرائدردی گوگرلرده جبرئیل
قصد قربتیله ووروب یارا
یاره اوستینه هر گلن بوگون


سن اوسان آلوردی قوجاقینه
جان کیمی سنی مرتضی علی
سن اوسان ئوپردی جمالیوی
مظهر جمال خدا علی
سن اوسان دیردی او مقتدا
جانیوه حسینیم فدا علی
هرادادور علی بیر گلوب گوره
قالماسون نه احواله سن بوگون


سن اوسان که لعیا بهشتیده
خدمتونله ایلردی افتخار
سن اوسان پناهنده مهدیوه
فطرس اولدی درک ایلدی وقار
سن اوسان گوزل آدیوی ائدوب
صاق عرشه پیرایه کردگار
یاتموسان اؤزی قویلی باتموسان
قانه چون عقیق یمن بوگون


پیکرونده کی یانلو یاره لر
انجم سماواتی سان وئرور
بو قانا بلشمش ستاره لر
هر بیری بیر عالم نشان وئرور
نه دیزیم گلور گئتماقا منیم
نه دایانماقا شمر امان وئرور
نیلیوم الیمده علاج یوخ
قوللاریمدا واردور رسن بوگون


هانسی بیر یرین کربلا کیمی
قانیله دولی گلستانی وار
هانسی گلشنین قتلگاه تک
هم بهاری وار هم خزانی وار
هانسی گلستانین منیم کیمی
باغری قان اولان باغبانی وار
ترک ائدوم نجه من بو گلشنی
هاردا واردی بیله چمن بوگون


زینبوه سس وئرموسن ندن
بلموسن اسیرم بلالیم؟
یوخ سسیمه بیر کیمسه سس وئرن
قارداشیم ئولوبدور عزالیم
سن قلجدان اوخدان یارالیسان
منده قمچی لردن یارالیم
قوللاریم اولوب تازیانه دن
نیل رنگ چون یاسمن بوگون


ای قویان تحیّرده عالمین
اهلینی شئون و جلالتی
درگه ملک پاسبانوزه
گر چه یوخ «حسینی» لیاقتی
سیز او قد اما کریم سوز
جود و فضلوزون یوخ نهایتی
ایلیوب جری جودوز ایتورم
ـــــــ


#سبک_نقش_من_چرا_نقش_ماتمه
#ساخلا_ناقه_می_کاروانیدن ( 8 سبک)


#حسنیه_شهادت
#سعدی_زمان
#باش_آچوب_پیمبر_بتول_ائدوب
#کنزالحسینی1 ص 157
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_g

راه شام

مرحوم حسینی سعدی زمان

منی ناقه دن یخوبدور یره ساربانیم عمّه
گل اماندی چولده قالدیم باشوا دولانیم عمّه

پوزولوب او وقتیدن که شه کربلا جلالی
سنه گوز تیکوبدی یکسر بابامون اسیر عیالی
بو یتیمین حالتیندن ایله کاروانی حالی
بولوسن که یوخدی سندن صورا مهربانیم عمّه

قیز عیالی پا پیاده نه روا چولی دولانسون
بیله وقتیده کیمیم وار منیم حالتیمه یانسون
گل آپار اوزون و یا که دینه کاروان دایانسون
اوجالا اماندی قویما فلکه فغانیم عمّه

نه یولی نشان ویرن وار نه پناه اولان بو زاره
اُلورم یورولموشام من نجه گلموم آه و زاره
من اُلم اگر بو چولده منی کیم قویار مزاره
اوزولوب الیم اِئلیمدن کیمه وار گمانیم عمّه

سنه زحمتیم اگرچه یتیشوبدی بی نهایت
یتیشنجه شامه مندن سنی تاری ایتمه غفلت
منی شامه گر یتورسن یتر آخِره بو زحمت
بولورم خرابه یرده چخاجاقدی جانیم عمّه

قاچارام گهی یورولّام، دورارام گهی دایانّام
دوروب اضطرابیله گه، گهی صاق صولا دولانّام
باش آچوق ایاق یالین بو گونون ایسّیسینده یانّام
اودی نی کیمی سیزیلدار دل ناتوانیم عمّه

یانارام زبسکه دلدن توکرم عذاره قانیاش
ایاقیم قابار، اوزاق یول، نه یانیمدا یار و یولداش
نه آتام عمو یانیمدا نه واریمدی عمّه قارداش
هانی بس منیم جلالیم هانی خانمانیم عمّه



یوخ انیس دل، سیزیلتیم منه همزبان اولوبدور
بو حرارت هوادن گل عارضیم سولوبدور
منی چوخ سویردون آخِر او محبّتون نولوبدور
دیموسن نولوب رقیّه باشیوه دولانیم عمّه



سوسوزام آجام دیزیمده داخی یوخدی صبر و طاقت
سورونم گلم دالونجا اورگیمده یوخدی قوّت
نه انیس و دارس وار منه نه ایدن حمایت
بو یتیمه چاره آخِر ندی جانفشانیم عمّه



گلی بیر زمان که بیحد شعرا یازالّار اشعار
ولی بیر «حسینی» آدلی منه عشقین ایلر اظهار
گجه گوندوز اوخشار آغلار اولار عمّه جان عزادار
منه وار بیر اوزگه عشقی اودی نوحه خوانیم عمّه




#سبک_قافله_غم_دوزولدی
#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر) و ...



#راه_شام
#سعدی_زمان
#منی_ناقه_دن_یخوبدور_یره_ساربانیم_عمه
#آثارالحسینی1 ص 281
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

ورود آل الله به شهر شام
مرحوم حسینی سعدی زمان

#فارسی

ماجرای شام کرده آنچنانم تلخکام
کز غم و محنت بچشمم روز روشن گشته شام

بر بقیعت ای نسیم صبح گر افتد گذار
بر حضور فاطمه از من بگو اوّل سلام

باز گو وانگه چسان آرام اندر مدفنی
سر بر آر از خاک ای دخت رسول لاینام

دخترانت سر برهنه مانده در شام خراب
معجری باز آر بهر زینب علیا مقام

دخترانت از خجالت چون بنفشه سر بدوش
نو نهالانت سرافکنده به پیش خاصّ و عام

صید آهوی حرمرا کرده پیغمبر حرام
آهوانت را بدست ناکسان بنگر بدام
ـــــــــــــــــــ

#ترکی

ای صبا زهرایه دی دور قبردن شاماته گل
الده بیر معجر گوتور دروازه ساعاته گل


زینبین دور و برین نامحرمان شام آلوب
کیم دیر خورشید عصمت پرده دن عاری قالوب
ابر تک مه صورته قانه باتان زلفین سالوب
آی جمالین گور بولوتدا سیر تشبیهاته گل


ظاهرا الله الین مغلول ایدوب اهل دمشق
باطنا توحیده آیت گوسترور اثبات عشق
هیئت تسلیمی آل الله ایدوب اولده مشق
حجةالله محضرینده کشف معلوماته گل


شوریله نی تک نوا ایلور خواتین حجاز
پرده پرده موسیقی سازنده لر ایلوله ساز
الده دف ایلوب مخالف اهلبیتون پیشواز
هاشمیه قیزلارین گور ناله سین اسکاته گل


نینوا دشتنده بیر اود یاندروب اهل عراق
شامده سوزی سالوب پوزقون قطاره احتراق
سبط طاهایه اولوبدور نیزه اعدا براق
جدینون معراجینه تطبیق و تحقیقاته گل


قاب قوسینه گیدوب مصداق والنجم و هوا
سروالشمس ایلوب اوادناده تسخیر هوا
نیزه باشندا ایدوب طی حجابات هوا
اوخ یرین گور طاق ابرو اوسته تاویلاته گل


دولدوروب شامی جلالیله جلال اللهه باخ
دلده ارنی تالی موسی گور آل اللهه باخ
کشف ایدن لن نکته سین نور جمال اللهه باخ
قان دوتان مرآت حقده منظر لمعاته گل


باشلیوب قرآن ناطق نیزه ده کهف آیه سین
ناله سین مستور قیلسون اهلبیت بیکسین
چوخ سوور سن اوغلوون خوش لحنیله قرآن سسین
رَتِّلِ القُرآن ترتیلاده تقریراته گل


مرکز تنزیل و وحی ایستر ایده شانین ثبوت
گه اوخور اعجاز له قرآن گهی ایلور سکوت
گوسترور گویا منم مرآت حی لایموت
لایموت المومنون آیاتنه اثباته گل


مظهر حق حق سوزین ناحقلره ایلور جفا سفیانیان
عترتون آغلور یانور گورسنده بو احوالی یان
اولماقا همناله بو نسوان مسبیاته گل


ایلیوب چیده یزید بیحیا بزم شراب
ایلسون آل اللهین قانه دونن قلبین کباب
باغلانوب زنجیره کل عالمه مالک رقاب
تسلیت زین العباده ویرماقا شاماته گل


نطقدن سالسا لسان اللهی چوب خیزران
زینبون وار فکرتی اجدادینی ویرسون نشان
خارجی آد قویسالار آل عبایه شامیان
جور دیوانخانه سینده سنده توضیحاته گل


جده جان اوغلون #حسینی زینبه وئرّم قسم
قویما سون امّیدیمی باب کرامتدن کسم
شوقمندم قبرینه محتاج علمم بیکسم
مرکز علمه دیسون قبریمده تحصیلاته گل



#سبک_زینبم_جان_اوستیم
#سبک_یه_سوال_دارم
#سبک_اذن_ویر_یارب_گله و ....



#ورود_شام
#ماجرای_شام_کرده_آنچنانم_تلخکام
#ای_صبا_زهرایه_دی_دور_قبردن_شاماته_گل
#سعدی_زمان
#چهارده_معصوم_حسینی ص 214
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه
مرحوم حسینی سعدی زمان

نیزده قارداش باشون ایلور تجلّا زینبه
گوسترور هر جلوه‌سیندن مین تسلّا زینبه


پرتو انوار حقدن نوک نیزه‌ طوریدی
طورده موسانی حیرتده قویان بو نوریدی
لفظ «اَرنی»‌دن کلیمه نور حق منظوریدی
«لَن» تَرانی سویلین اولموش هویدا زینبه


نیزه‌ده باشون گورن ای مظهر حیّ وَدود
سویلوری عیسادی بو داره چکوب قوم یهود
شعلۀ آهیله وورسا مشعل خورشیده دود
وار یری دُوردومجی گؤیدن باخسا عیسا زینبه


ای هلالی زینبون وی صورتی بَدر تمام
ایله‌موشدون بو گیجه یوخسا کول اوستونده مقام
تازه آی تک گوسترولّر بیر بیرینه خاصّ و عام
باشووه خلق ایلور ایما باشون ایما زینبه


تئز گلیدون پیشوازه سن گرک قالدون گیجه
قالموشام حیرتده من بولمم گونوزدور یا گیجه
گون ندور اولسا گیجه گوندوزدور آی چیخموش نیجه
اولساگر گوندوز ایدوب غم لیل یَلدا زینبه


ای هدایت اهلینه مصباح ذات ذوالمِنَن
نه دیوم نه چکموشم شام غریبانوندا من
روشن ایتموشدون گیجه خلوتگه اغیاری سن
بیر قرانلوق خیمه اولموشدی مصلّا زینبه


ای جمال اللّهه مَظهر وجهی وجه باقیه
میندیروب عشقون منی قول باغلو عریان ناقیه
عشق اولا بو بادۀ عشقی ایچوردن ساقیه
ایله مست ایلوب گلور غملر گوارا زینبه


ایمدی تبلیغات ایدوردوم خلقه اصل مذهبی
تاسسون گلدی گلوگیر ایتدی غصّه زینبی
سن دانیش زینب دلون قربانی آندور مطلبی
خارجی آد قویماسون بو قوم اعدا زینبه


ایله محو ایتدون منی بیر جلوۀ دیدارده
اوزلوقومدان خارج ایتدون مجمع اغیارده
باشون آردینجا دولانّام کوچه و بازارده
عالم عشقونده خوشدور هر بلایا زینبه


هاشمیّانه آچوبلار ظلم اَلین اهل جفا
گه دوگولّر قیزلارون گاهی دیولّر ناسزا
بیر نفر یوخ دادرس ناچار ایدولّر اِلتجا
گه رقیّه گه سکینه گاه لیلا زینبه


فکریمه ایتمزدی هیچ بو ماجرا قارداش خُطور
سن اؤلرسن زینبین باغلار قولون قوم شَرور
ایلر اهل کوفه‌دن بو پایه‌ده کینه ظهور
کف چالالار طعن ایدلّر دُخت‌زهرا زینبه


زینبون دیندیرمسن دیندیرمه قوی پژمرده حال
اوز قیزوندور فاطمه باری دانیشدیر گوگلون آل
آز قالور قلبین اریتسون غصّه ایتسون ارتحال
بو صغیره دردی اولسون درد عُظمی زینبه


ایتمورم یالقوز منِ بیخانمان نی‌‌تک نوا
هاردا بیر اوغلی اؤلَن وار دلشکسته بینوا
ییِغمیشام اطرافیمه منلن اولوبلار همصدا
آغلیاندا سس ویرور بیر دسته ثَکلا زینبه


ایلین گونلر آتام حیدر خلافت کوفه‌ده
خدمتیم اولموشدی اهل شهره عادت کوفه‌ده
ایمدی ایلولّر منه قارداش شماتت کوفه‌ده
تنگ اولوبدور چشم سوزن‌تک بو دنیا زینبه


ظاهراً گر چه اسیرم دستگیرم بیقرار
باطناً امّا خوشام چون ‌وار رضای کردگار
صورت مکشوفه‌لرده معنی توحیدوار
بو اسارت گوسترور صورتده معنا زینبه


ای #حسینی چوخ مقدّسدور بو زینب ساحَتی
غصّه‌دن مین ایل گیچوب عمرونده هر بیر ساعتی
هر کیمون اولسا بیوک دردی چتین بیر حاجتی
صدق اوزیله یا حسینه آغلاسون یا زینبه




#سبک_زینبم_جان_اوستیم
#سبک_یه_سوال_دارم
#سبک_اذن_ویر_یارب_گله و ....


#کوفه
#سعدی_‌زمان
#نیزده_قارداش_باشون_ایلور_تجلا_زینبه
#چهارده_معصوم_حسینی ص 187
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رباب علیه السلام
کوفه - راه شام - ورود شام

مرحوم حسینی سعدی زمان

باشیوی جداده گورن دیر
گل گلستان رباب اوغول
بو جهاندا آل امیّه نین
ایوی کاش اولیدی خراب اوغول


بو طرفده بیر قوری نی کیمی ایدورم نوا من بینوا
او طرفده چنگ و ربابیله بیزه پیشواز ایدوب اشقیا
قاریشوبدی بیربیره نای و نی چخوب عرشه ناله ایله نوا
بو طرفده ناله رُباب ایدر او طرفده ناله رِباب اوغول


سرِ نِی ده گون تک اولوب باشی آتاوین مروّج شرع و دین
ولی گیزلدردیله قوم کین باشون اولماسیدی اونا معین
باشون ایلوری اُمَویلرین هامی کفر و ملعنتین مبین
نه کسوبدی بیر سودامر باشین نه کسر بیر اهل کتاب اوغول


نه اولوبدی بیر اوشاقا ستم سنه یوز ویرن بو ستم کیمی
بیر آنایه نه یتیشوب الم ایویمی یخان بو الم کیمی
ایله دلده موجه گلوبدی غم داشوری گوزوم یاشی یم کیمی
نه اولار غمون کیمی بیر عزا نه منه مثال مصاب اوغول


غم و غصّه یوز ویروری گوزوم باخوری بو شهریده هر یانا
گورورم که بیر سودامر بالا آلوب اوز قوجاقینه هر آنا
آخوری عذاره گوزوم یاشی گلورم فغانه یانا یانا
ایشیدن سیزیلتیمی سویلوری یانوری اود اوسته کباب اوغول


ایکی حسرت اللریمی گهی دیزیمه قووشدورورام علی
گهی سینمین سودی موج ایدور سینمی اوغوشدورورام علی
بو طریقیله اورگیمده کی اودیمی سووشدورورام علی
چوخ عجبدی صاق قالوب اُلموری بو ایوی خراب رباب اوغول


دگوری صبا یِلی نیزه ده حرکت ویرور بالا تِل لره
پوزوری شماتت ایدنلری ایدوری ملول بو منظره
او غمیکه یاندورا دشمنی گور اولار نه سوزشی مادره
آنانین داش اولسا اگر دلی گور ایدر تحمّل و تاب اوغول


بیر اووون بالاسینی رسمیدور ایلیه بیر اوچی شکار اگر
آناسی دالنجا دوشر ملر بالاسی گیدن یولی طیّ ایدر
باشیوین دالنجا اودور دوشوب بو ایوی یخلمش آنان ملر
ایدر اوز دقایق عمرینی اجلی گلینجه حساب اوغول


فلک هدایته شمسدور آتاوین کسوک باشی نیزه ده
قمر منیریدی تک به تک هامی قوم و قارداشی نیزه ده
او گویون ستاره سی دور باشون مه و مهر یولداشی نیزه ده
ایله بیر ستاره گوروب نه یر نه بو هفت پرده قباب اوغول


هله گرمدور ایله داغ دل که بولنمورم اثراتینی
بُلَرَم مرور زمانیله بو مصیبتین حرقاتینی
ایشیده اگر بیر آچوخ قولاق بو یارا دلین ضرباتینی
غم اودی بولر سو کیمی ایدوب بو یارالی قلبی مذاب اوغول


آناوین الیندن آلوب ایله بو ملال تاب و توانینی
که چکوب سس آغلوری باخموری ایشیدولّه داد و فغانینی
منه ویرسه لر او کسوک باشون یووارام سرشکیله قانینی
گل سرخ تک اُپوب ایگلرم سپرم او گل یوزه آب اوغول


هله بو اسارت غمفزا هله بو شماتت اشقیا
اولور آغلاماقلیقا مانعیم دیه بولمورم سوزیمی بالا
دولانوب اگر گله بیر زمان بو اسیرلیقدان اولام رها
ایله آغلارام یم اشکیمه گورونر بو چرخ حباب اوغول


بیر حسین نوکری که اونون بو حسینه چوخدی محبّتی
لقبی هنرور آدی حسین حاجی بقّال اوغلیدی شهرتی
دیدی یاز «حسینیه» اصغرین باشنا بو شرح مصیبتی
باشیوی جداده گورن دیر گل گلستان رباب اوغول



#سبک_نقش_من_چرا_نقش_ماتمه
#ساخلا_ناقه_می_کاروانیدن ( 8 سبک)




#کوفه
#راه_شام
#ورود_شام
#حضرت_رباب
#اصغریه_شهادت
#سعدی_زمان
#باشیوی_جداده_گورن_دیر_گل_گلستان_رباب_اوغول
#چهارده_معصوم_حسینی ص 425
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

راه شام

مرحوم حسینی سعدی زمان

معتبر مقتلده بو کیفیّتی وار چوخ یازان
ایستیدن شامین یولوندا لنگه دوشدی کاروان

بیر صغیره قیز بلا کاشانه سی، غم خانه سی
کربلا مظلومینون اوز سوگُلی دردانه سی

یوخلادی قالدی او چولده کوچدی گیتدی کاروان
خوابیدن بیدار اولاندا گوردی یوخ بیر مهربان

صاق صولا حیران قاچاردی پراسف احوالیله
باجیسین سسلردی داده بو زبانحالیله


ــــــــــ


فاطمه ای عنصر بی روحیم ایچره جان باجی
گیتمه، دور، قالدی باجون چوللرده سرگردان باجی


قتلگاه کربلادن کوچ ایدندن صبح وشام
هم کَجاوِیدیم سنیله من بو یولّاردا مُدام
ایمدی سن محملده، من چولده، پیاده تلخ کام
گوز یاشیم مونس انیسیم دیده ی گریان باجی


قیز عیالی، قورخولی چول، دادرس یوخ، یول اوزاق
قارداشیم اکبر گوزیندن بیله بیر حالیم ایراق
ایستی گون، خار مغیلان، ایلیوبلر اتّفاق
سالماقا دلدن من مظلومه نی الآن باجی


آشیانیندن آزان بیر پرشکسته مرغ تک
هر یانا یوز دوندروب گورّم اوزیمی چولده تک
سوزش قلبه وورار اوز آه سوزانیم اتک
آز قالور بو سوز آهیمدن اولام سوزان باجی


ناقه ی امّیدیمی اَگلشدیروب اشکیم گِله
نابَلَد بیر قیز، تیکانلیق چول، اَیلقیم آبله
دوشموشم دلدن، نه همدم وار نه زاد و راحله
اشک چشمیم تک اَیاقیمدن رواندور قان باجی


نه آتام وار نه عموم عبّاس بیر دادرس
نه علی اکبر که اولسون بو یتیمیه هم نفس
سن نیه بس ویرموسن من سسلینده باجی سس؟
بس دیمورسن بیر باجیم وار غم کش دوران باجی؟


سسلینده سن آنا، باجی جوابون جان گلور
سسلینده من ولی امّیدیمه حِرمان گلور
سسلنور داغ داش سسیمدن، غم دله هر آن گلور
آرتوری قلبیمده وحشت دم به دم هر آن باجی


وار یقینیم سن دگولسن باجی جان نامهربان
ویرموری گویا توقّف مهلتی شمر و سنان
قویماسان گیتسون گر اولسا اختیارون کاروان
باخموری یالوارماقا اتباع بوسفیان باجی


یوخ بُلن احوالیمی بیر کارواندان بیر نفر
قویماسون چولده قالا بو تیر آلامه سپر
باری سن حالیمدن عمّم زینبی قیل باخبر
قویماسون گیتسونله بیر باش لشکر عدوان باجی


گون وورور، سوز حرارتدن ویرور زحمت باشیم
آج سوسوز یورقون اولوبدور اکل و شربیم گوزیاشیم
بُلموری بو حال زاری یوخسا ناخوش قارداشیم
بیر اشاره ایلسون اولسون جهان ویران باجی


گلشن شاه حجازه من که سولموش بیر گُلم
ایمدی گُلدن آیریلان بیر پرشکسته بلبلم
قورخورام بو قورخولی چولده قالام، آخِر اُلم
نه اولا غسل و کفن نه ایلین افغان باجی


کیم گوروب بیر قیز عیالی بیله ظلمه توش اولا
مقصده یول تاپمیه گُل تک حرارتدن سولا
پابرهنه قاچمیشام چوللرده بس که صاق صولا
خانه ی دلدن اولوبدور طاقتیم تالان باجی


یا حسین ای جدّ مظلوم، ای شهید کربلا
لطف ایله بو سویگُلی قیز خاطرینه سن شها
وار صغیره بیر قیزیم ناخوشدی ویر فوراً شِفا
ایتمسون شیون آناسی قالماسون گریان باجی



#سبک_زینبم_جان_اوستیم
#سبک_یه_سوال_دارم
#سبک_اذن_ویر_یارب_گله و ....



#راه_شام
#سعدی_زمان
#معتبر_مقتلده_بو_کیفیتی_وار_چوخ_یازان
#فاطمه_ای_عنصر_بی_روحیم_ایچره_جان_باجی
#چهارده_معصوم_حسینی ص 194
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham