راه شام


مرحوم سعدی زمان

علی اکبر نه تک لیلا اسیر قید هجراندور
شکنج زلفیوه پابسته بیر جمع پریشاندور


پریشان ایلمه زلفون جداده ماه رخساره
بو مجموع پریشانی بیله ایتمه گونی قاره
بولورسن باغلی دور مین دل سر زلفونده بیر تاره
نجه بیر زلفدور بو هر تِلی مین رشته ی جاندور


ایدوب بیر نوعیله زلفون پریشان حال لیلانی
تانونماز گر چکه نقّاش غم تمثال لیلانی
عجب عکس ایتدی گردون نقشه ی آمال لیلانی
گورن سویلر بو لیلادور و یا مجنون دوراندور؟


عجب ماهیّتون تکمیل اولونموش بدو خلقتده
سنون تک بیر نبی منظر تاپولماز بو شباهتده
قویوبسان ظلمت زلفونله یوز مین خضری حیرتده
او پوزقون صورتونده لبلرون چون آب حیواندور


نوا و شوری لیلا مشق ایدوبدور تار زلفوندن
اولوبدور فرقتونده روزگاری تار زلفوندن
سالوبدور رشته ی تدبیر اله بیر تار زلفوندن
باشون آردینجا زلفون تک اودور افتان و خیزاندور


دوزولموش تار زلفه شدّه ی مرجان کیمی قانون
پریشاندور منیم حالیم کیمی زلف پریشانون
ایدوب باد صبا آشفته زلف عنبر افشانون
دل لیلای بیچاره به سانِ شانه شان شاندور


اگرچه محملیمله نیزه ده باشون مقابلدور
ولیکن گوزیاشیم رخساریوی گورماقه حایلدور
بو پرده دود آهیمدور و یا گرد منازلدور
جمال بدر کامل تک بولود آلتندا پنهاندور


بو یولّاردا گلوبدور هانسی شهر اهلی تماشایه
باخوب بیر باشیوه، بیرده دولاندی باخدی لیلایه
گوروب آشفته حالم، دوشموشم بیر اوزگه سودایه
سوروشدی ساربانیمدن بو هانسی خانه ویراندور؟


جوابینده خطاب ایتدی که مجنون زماندور بو
علی اکبر آناسی لیلی بی خانماندور بو
خدنگ عشقینه بو نازنین باشین نشاندور بو
اودور ابر بهاران تک گوزی هر لحظه گریاندور


بو پوزقون حالیمه آغلار باخاندا کافر و ترسا
ایدنده ناله امّا غیظیله بو فرقه ی اعدا
وورالّار تازیانه باشیمه ای مونس لیلا
دین یوخ وورمیون اینجیتمیون آخِر مسلماندور


اولان گوندن او تار طرّه نین دلدن گرفتاری
دولانّام دست بسته ناقه اوسته شهر و بازاری
منی قویمولّا، رمزیله دانیشدور سن منی باری
بولورسن درد الیندن غنچه تک باغریم دولی قاندور


«حسینی» سوزلرونده بولمورم نه قابلیّت وار
که هر بابینده اهل عشقه یوز مین باب حکمت وار
بو نوعیله که سنده شاعرانه بیر حقیقت وار
مضامین کلامون اهل عشق و ذوقه عنواندور


#راه_شام
#سعدی_زمان
#علی_اکبر_نه_تک_لیلا_اسیر_قید_هجراندور
#کنزالحسینی2 ص 266🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت امام رضا علیه السلام
#گریز به شهادت حضرت علی اکبر علیه السلام


مرحوم حسینی سعدی زمان

یوزین قویوب قوری توپراقه چوخ ملالیله
دیردی درد دلین بو زبانحالیله

چخوبدی عرشه فغانیم اوغول جواد ئولورم
یتوب دوداقیمه جانیم اوغول جواد ئولورم

ویروبله زهر جفا اود دوتوب یانار جگریم
واریمدی درد نهانیم اوغول جواد ئولورم

اَلیم ئورکده، یوزیم یرده، گوزلریم قاپودا
اولوبدی ورد زبانیم اوغول جواد ئولورم

ئولنده گَل یوزیمی باری قبلیه دوندَر
یوخومدی کیمسه گمانیم اوغول جواد ئولورم

ئوزوم غریب، یانیمدا باجیم عیالیم یوخ
وطن دگُل بو مکانیم اوغول جواد ئولورم

اَسوب سموم ستم سولدی گلشن عمریم
یاخونلاشوبدی خزانیم اوغول جواد ئولورم

قویوب جفائیله مامون بالالاریمی یتیم
گُل اوزلی تازه جوانیم اوغول جواد ئولورم

ودایع نبوینی گَل ایلیوم تسلیم
قالا یانوندا نشانیم اوغول جواد ئولورم

یانیمدا یوخ گوزیمی باغلیان غریبم اوغول
فراقه یوخدی توانیم اوغول جواد ئولورم

منی ایدوبدیله جدّیم حسین کیمی مظلوم
دوروب دوداقیده قانیم اوغول جواد ئولورم




دیوب بو سوزلری مظلوم امام اولوب بیتاب
گَلوب جوانی باشی اوسته ویردی بیله جواب




سرشک توکمه عذاره بابا دیمه ئولورم
جواب ویر بو فکاره بابا دیمه ئولورم

گوزیوی آچ گله آغلار گوزین فداسی اولوم
یوزیمه ایله نظاره بابا دیمه ئولورم

غم فراقیله قلبیم یانوب نه مدّتدور
بو قلبه سالما شراره بابا دیمه ئولورم

مدینه دن سسون آلدیم فغانیله گَلدیم
باخ عارضیمده غباره بابا دیمه ئولورم

یوزیوی توپراقا قویما، گوتور باشون یردن
آلوم باشیوی کناره بابا دیمه ئولورم

بو نوعیله اوره گون باشینی اوغوشدورما
غمون دور ایله شماره بابا دیمه ئولورم

آنام باجیم بیبیم آغلار، بابا یولون گوزلر
ندور عیالیوه چاره بابا دیمه ئولورم

سولوبدی گُل کیمی رنگون گورر یتیم اوغلون
فغان ایدر چو هزاره بابا دیمه ئولورم

غریب جانیوه قربان اولوم آز آغلا بابا
گوز آچ اماندی دوباره بابا دیمه ئولورم

پوزوبدی حالیمی بیحد بو پوزقون احوالون
ترحّم ایله بو زاره بابا دیمه ئولورم

دیوب باباسنا بو سوزلری امام جواد
عذاره گوزیاشی جاری ایدوب، چکوب فریاد

غریب طوس آچوب گوز گوروب جوان اوغلین
باسوبدی جان کیمی آغوشه اول زمان اوغلین

سالوبدی بوینونا قول، گَلدی مرغ دل هوسه
آتا بالا ایکیسی ویردیلر نفس نفسه



#گریز به شهادت حضرت علی اکبر علیه السلام

ئولونجه وار یری گَلسم فغان و فریاده
الهی بو نه گوزل آرزودی دنیاده

قوجا آتا آچا گوز جان ویرن زمانینده
جوان اوغول گوره یارب دوروبدی یانینده

اورکده نسگلی قالماز گیدر غمی او زمان
باخار جوانینه جانانه جان ویرر آسان

بونون برابری مافوق بلکه نسگلدور
بو مطلب عکس اولا هر بیر آتایه مشکلدور

قوجا آتا گوره جان اوسته نوجوان اوغلین
قالار نه حاله آتا گورسه اول زمان اوغلین

حسین نه حاله قالوب بُلمورم، خدا بُلوری
گورنده جدّی شبیهی جوان اوغول اُلوری

او حالی هر گوره نین اختیارینی آلوری
قلجلانوب باشی، قان ایچره اَل اَیاق چالوری

بدنده یاره لری چشمه چشمه قان ویروری
نفس باتوب، گوز آخوب، توپراق اوسته جان ویروری

ایکی اَلیله گوتوردی امام دل خسته
آلوبدی پارچالانان باشینی دیزی اوسته

سیلوبدی گوزلرینون قانینی اولوبدی ملول
بویوردی آچ گوزون ای جدّیمون شبیهی اوغول

سحر ستاره سی تک تیز غروبه یتدون اوغول
قویوب غریب آتاوی تک بو چولده گیتدون اوغول

شل اولسون اَلری کیم ووردی باشیوه شمشیر
بو یاره نون ایدوری سوزی قلبیمه تاثیر

گُل اوزلی تازه جوانیم آنان گوزیندن ایراق
ایدوبله پیکریوی برگ گُل کیمی اوراق

نه قَدر سسلدی دیندوردی سیّد الشّهداء
جواب گَلمدی، بیر صیحه چکدی وا وَلَدا

اوغول باشینی گوتوردی باسوب اورک باشنا
سووومادی اورگی، شدّت اولدی گوز یاشنا

باشین قویوب یره اشکیله دولدورب گوزینی
اوغول جنازه سی اوسته سالوب او شه اوزینی

یوزین قویوب یوزینه قان قاریشدی گوز یاشنا
دیدی اوغول اولا توپراق بو عالمین باشنا

غریب آتاندا عزیزیم نه تیز بیله دویدون
اوزون گیدوب منی دشمنلر ایچره تک قویدون

او قدری آغلادی، سس چکدی، ایلدی شیون
باخوب او حالینه اودلاندی سنگدل دشمن

گوروردولر اوغولون زخم جسمی قان ویروری
باخان او حاله دیردی حسین جان ویروری

اوغول یوزیندن ایدنده یوزین امام کنار
ایدوب نظاره نه گوردوله قوم کینه شعار

آتا محاسنین ایلوب خضاب اوغول قانی
او حالی وار یری یاندورسا کون و امکانی

بو شاهزاده حسینی حسینه سوگُلیدور
شبیه ختم رسل گلشن وفا گُلیدور


#رضویه_شهادت
#اکبریه_شهادت
#سعدی_زمان
#یوزین_قویوب_قوری_توپراقه_چوخ_ملالیله
#چخوبدی_عرشه_فغانیم_اوغول_جواد_ئولورم
#چهارده_معصوم_حسینی ص 293
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

راه شام
زبانحال حضرت لیلا

مرحوم حسینی سعدی زمان

گر چه غمون علی دل ایوین ترک و تاز ایدر
امّا خوشام بو عشق منی سرافراز ایدر

عشقون سالوبدی لیلینی مجنون کیمی چوله
عشق عقلدن خیال ایوینی بی نیاز ایدر

سن اولموسان مخالفه مغلوب عراقیده
سانما آنان دوباره خیال حجاز ایدر

گوگلیمده واردی عشق حقیقی اودور سبب
گوردوقجا سرزنش منه اهل مجاز ایدر

یاندورما یانموشام منه گَل ناز آز ایله
عشّاقه گرچه رسمیدی معشوق ناز ایدر

امّا گورنده عاشقینین صبری قورتولوب
ناز ایلمز، گر ایلسه ده ناز آز ایدر

من سرّیمی محالیدی اغیاره بُلدورم
امّا آخار سرشک تریم کشف راز ایدر

گوردوقجا گُل یوزون گوزوم ابر بهار تک
قان یاش توکر یانار جگریم سوز و ساز ایدر

قانلی یوزوندن ایتسه صبا زلفیوی کنار
پوزقون خیال رتبه ی عشق امتیاز ایدر

مه صورتون طلوع ایدر ابر سیاهیدن
تصدیق ذی حق اولماقیمی قوم آز ایدر

منصور پای داره گیدوب پایدار اولوب
لیلا او داردن علی گور احتزار ایدر

سعی ایتمیشم صفای محبّتده باش قویام
عصفوری عشق قدرتیله شاهباز ایدر

من کسوت اسارتیله مُحرِم اولموشام
باشون منی نه وقت طوافه مُجاز ایدر

طاق مقوّس خم ابرودی منظریم
عشق اهلی کعبه ی رخ یاره نماز ایدر

دل خسته، دست بسته، یول اوسته باخان دیر
آویز دار عشقی رسن دلنواز ایدر

ای شبه روی احمد محمود شاه عشق
خدمت «حسینی» گور سنه مثل ایاز ایدر

من گوزلرون فداسی سن ایتسن اگر نظر
باب نجات اوزیمه خداوند باز ایدر


#راه_شام
#سعدی_زمان
#گر_چه_غمون_علی_دل_ایوین_ترک_و_تاز_ایدر
#لمعات_حسینی ص 341🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها


مرحوم حسینی سعدی زمان
تضمین از غزل مرحوم فروغی بسطامی

از آه، روز روشن شام سیاه کردم
تا یاد از رقیّه و ز راس شاه کردم
گفتا حجاب بر مَه از دود آه کردم
امشب تو را به خوبی نسبت به ماه کردم
تو خوبتر ز ماهی، من اشتباه کردم



عمریست در سراغت سرگشته همچو بادم
از بس جفا کشیدم دیگر ز پا فتادم
دیدم رخت میسّر شد مصقد و مرادم
دوشینه پیش رویت آئینه را نهادم
روز سفید خود را آخِر سیاه کردم



روزی که در کنارت چون گُل شکفته بودم
از کودکان خودم را خوشبخت می سرودم
بی تو به خاک تیره شب ها ولی غنودم
هر صبح فکر رویت تا شامگه نمودم
هر شام یاد مویت تا صبحگاه کردم



شرم آیدم بگویم دارم به سینه دردی
درد گرسنگی شد باعث به رنگ زردی
آن شب که بود راست در نیزه همچو وَردی
تو آنچه دوش کردی، از تیر غمزه کردی
امشب من آنچه کردم از برق آه کردم



در نوک نِی ندیدی؟ ای قبله ی امیدم
از بهر دیدن تو تا شام می دویدم
صد ضرب تازیانه با جان و دل خریدم
صد کوشمال خوردم تا یک سخن شنیدم
صد رَه به خون طپیدم، تا یک نگاه کردم



بر عمّه ام بگو تا از من خطا ببخشد
بس رنج داده ام من او از عطا ببخشد
گر حقّ خویشتن را آن بینوا ببخشد
خواجه به روز محشر جرم مرا ببخشد
کز وعده ی عطایش عمری گناه کردم



چون دیده ی «حسینی» شب تا سحر نخفتم
دُرِّ خیال وصلت با آب دیده سُفتم
بس غصّه ها کشیدم، بس طعنه ها شنُفتم
در عاشقی «فروغی» من هر غزل که گفتم
یک جا گریز او را بر نام شاه کردم



#حضرت_رقیه_شهادت
#تضمین_حسینی
#سعدی_زمان
#فروغی_بسطامی
#از_آه_روز_روشن_شام_سیاه_کردم
#لمعات_حسینی ص 13
#فارسی

زبانحال زهرای سه ساله(س) در ویرانه شام

مرحوم میرزا عبدالوهاب حقیر خویی

ایلر منه چوخ محنت غربت اثر عمه
یوخدور سوروشان حالیمیزی بیر نفر عمه


شام اهلی ائدر هر بیری بیر نوع شماتت
گوزلولله پیمبرله عجب حقّ قرابت
اولادینین حقّینده ائدللر نجه حرمت
گور شامده بو امت بیدادگر عمه


قویمور منی غصه گوز آچام درد و بلادن
هر لحظه اذیت گورورم اهل جفادن
ال چکموری بولمم نیه من بختی قرادن
آرتار غم دردیم گونی گوندن بتر عمه


تا کی اولاجاق گوشه ی ویرانه مکانیم
ای عمه یاخوندور قوری یرده چیخا جانیم
ناله ائدرم عرشه چیخار آه و فغانیم
بلبل کیمی بو شامیده شام و سحر عمه


تپراقلارین اوسته گجه گوندوز قوری یرده
یاتماقدان اوساندیم ندی بس چاره بو درده
رنگیم سارالوب گل کیمی بو عارض زرده
چون قطره ی شبنم دوزولوب اشگ تر عمه


هر چند دیورسن سفر ایلوب بابام اما
بی اصل اولاجاق یوخ بو سوزه باوریم اصلا
هر کیمسه زیارت سفرینه گئدر آیا
اولادینی زنجیره چکلّر مگر عمه


بالمرّه یقین حاصلیم اولدی بو خبردن
بولدوم که بابام گلمیه جاق بیرده سفردن
اولادینی سالمازدی بو عالمده نظردن
ویرانیه البته ائدردی گذر عمه


مندن بتر عمه سنون آشفته دی حالون
گر ساقدی بابام بس هانی اوّلکی جلالون
ویرانه ده ساخلالّا مگر اهل و عیالون
هر کیمسه ائده بیت خدایه سفر عمه


یاتدی یوخودا اوز آتاسین گوردی سکینه
دوردی دیدی ای عمه هانی شاه مدینه
گلمیشدی نه تیز گیتدی علاج ایت بو حزینه
ورنه ایدرم عالمی زیر و زبر عمه


آلدی منی آغوشه قولون بوینوما سالدی
بیر بیر سیزون احوالیزی مندن خبر آلدی
تا بزم یزیدی ایشیدوب رنگی سارالدی
اوضاع او مجلسدن اولوب با خبر عمه


بیماری سوروشدی دیدیم آزرده دی تبدار
کیمدور دیدی ویرانه ده بیماره پرستار
عرض ایلدیم عمه م اونا همدم منه غمخوار
اوز جانین ایدوب تیر بلایه سپر عمه


فرمایش ایدوب بس نیه رنگین بیله سولدی
فی الفور دیدیم درد فراقون سبب اولدی
بوینومدا کی زنجیره باخوب گوزلری دولدی
چوخ آغلادی ایتدیقجا یوزیمه نظر عمه


جایز دگی هیچ دین ده قولی باغلی اسیره
زنجیر ووروب ظلم ایده لر طفل صغیره
بو دسته حضّاریله شرمنده (حقیره)
محشرده شفاعت ایدرم مختصر عمه




#سبک_ای_شمر_دنی_قیزلاری_معجرسیز_آپارما
#سبک_ای_باد_صبا_کرببلایه_گذر_ایله
#سبک_وقتیکه_دگوب_فرق_علی_اکبره
#سبک_افلاکه_چخوب_همهمه و ...
#سبک_ما_درس_سحر_در_ره_میخانه_نهادیم
#سبک_مقصود_تویی_کعبه_و_بتخانه_بهانه


#حضرت_رقیه_شهادت
#ایلر_منه_چوخ_محنت_غربت_اثر_عمه
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س) با حضرت رقیه (س)


حیدری زنجانی

قلبیمی بو غمده داغلاما رقیه
یاندی قلب زاریم آغلاما رقیه
ای وفالی دلداریم
خورداجا علمداریم
آغلاما رقیه ( 2 )




یادیوه دوشنده اکبرون جمالی
بو خرابه یرده اوج ایدر ملالی
زینبی بو یرده ایلمه عزالی
صبر ایله عزیزیم ای حسین غزالی
ای وفالی دلداریم
خورداجا علمداریم
آغلاما رقیه ( 2 )




هجر و ماتمونده گلمیشم فغانه
حالیمه قان آغلار بیلسه کیم شبانه
زینبی یوروبدی سن کیمون زمانه
قامتی دونوبدی غصه دن کمانه
ای وفالی دلداریم
خورداجا علمداریم
آغلاما رقیه ( 2 )




قوی اوپوم لبوندن ای گل امامت
آیریلوق غمیندن سولما ایله طاقت
گل قوجاقیمه بیر یوخلا بلکه راحت
صورتونده واردی زرد بیر علامت
ای وفالی دلداریم
خورداجا علمداریم
آغلاما رقیه ( 2 )



#سبک_دولدوروب_جهانی ...
#سبک_گلمیشم_فغانه_یانه_یانه_عمه


#حضرت_رقیه_شهادت
#قلبیمی_بو_غمده_داغلاما_رقیه
#حیدری_زنجانی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س) با حضرت رقیه (س)


حیدری زنجانی

قلبیمی بو غمده داغلاما رقیه
یاندی قلب زاریم آغلاما رقیه
ای وفالی دلداریم
خورداجا علمداریم
آغلاما رقیه ( 2 )




یادیوه دوشنده اکبرون جمالی
بو خرابه یرده اوج ایدر ملالی
زینبی بو یرده ایلمه عزالی
صبر ایله عزیزیم ای حسین غزالی
ای وفالی دلداریم
خورداجا علمداریم
آغلاما رقیه ( 2 )




هجر و ماتمونده گلمیشم فغانه
حالیمه قان آغلار بیلسه کیم شبانه
زینبی یوروبدی سن کیمون زمانه
قامتی دونوبدی غصه دن کمانه
ای وفالی دلداریم
خورداجا علمداریم
آغلاما رقیه ( 2 )


قوی اوپوم لبوندن ای گل امامت
آیریلوق غمیندن سولما ایله طاقت
گل قوجاقیمه بیر یوخلا بلکه راحت
صورتونده واردی زرد بیر علامت
ای وفالی دلداریم
خورداجا علمداریم
آغلاما رقیه ( 2 )

#سبک_دولدوروب_جهانی ...
#سبک_گلمیشم_فغانه_یانه_یانه_عمه



#حضرت_رقیه_شهادت
#قلبیمی_بو_غمده_داغلاما_رقیه
#حیدری_زنجانی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقيه سلام الله علیها


مرتضی اسکندری«ساعد»

اولسون سلام غم سوروسوندن قالان قیزا
درس شجاعتی بیبی سیندن آلان قیزا
اولسون سلام آهِ شب و اشک چشمیله
بی دین یزیدی شامیده تختدن سالان قیزا


اولسون سلام غم ئورگین داغلیان قیزا
اکبر غمونده صبحه کیمین آغلیان قیزا
اولسون سلام خار مغیلان یاراسینا
باشدان آچوب قرا لچگین باغلیان قیزا


اولسون سلام قانه سرشکین قاتان قیزا
دنیانون اشتیاقینی باشدان آتان قیزا
اولسون سلام طشت طلاده گلن باشا
بوسه ووروب دوداقلاری قانه باتان قیزا


اولسون سلام خورداجا باب الحوائجه
بازار معرفتده کی داروی رایجه
اولسون سلام فاطمه دن مشق آلان قیزا
باخسا نجه مریض اولا ایلر معالجه


#حضرت_رقیه_شهادت
#اولسون_سلام_غم_سوروسوندن_قالان_قیزا
#ساعد_زنجانی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها

ابوالفضل عباسی معروفان

ای سه ساله سالک عرفان سلام اولسون سنه
ای آدی هر دردیچون درمان سلام اولسون سنه

سن بهشته دؤندروبسن منزل ویرانه نی
ای وئرن ویرانه یئرده جان سلام اولسون سنه

ای گزن صحرالری پای پیاده صبح و شام
شام ویراندا دوشن جاندان سلام اولسون سنه

ای قولون قمچی یوزون سیلی گووردن مه لقا
ای ایاقی یاره لی جیران سلام اولسون سنه

ای خیامه اوت ووران ساعتده دامانی یانان
صاق صولا شهپر چالان طرلان سلام اولسون سنه

وار یوخی الدن گئدن گوشواره سین دشمن آلان
قاره معجرلن گزن ویلان سلام اولسون سنه

ای دوشن زینب کیمی بیر باش دالیجا چؤللره
دختر غمدیده سلطان سلام اولسون سنه

وای بابا دیلده وفاسیز کوفه ده ئوز دردینه
نیزه باشیندن آلان درمان سلام اولسون سنه

ای یاتان ویرانه ده تپراقلار اوسته آج سوسوز
اکبره جانین وئرن قربان سلام اولسون سنه

ای گؤرنده عمه سین دایم باباسین ایستیین
میهمانه میزبان مهمان سلام اولسون سنه

ای یارالی باشی گؤرجک گؤز یوموب دیلدن دوشن
قبرینی زینب قازان جانان سلام اولسون سنه

ای گئدن قبره قرا بیر معجریلن نصف شب
دفنی زهرایه اولان همسان سلام اولسون سنه


#حضرت_رقیه_شهادت
#ای_سه_ساله_سالک_عرفان_سلام_اولسون_سنه
#معروف_اهری
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها

مرحوم حاج حیدر خوندل

بابا او گون که بو ویرانه نی مقام ایلدیم
تمام درد و بلانی اوزومه رام ایلدیم

خدا بُلور بابا من بو خرابیه دوشه لی
نه نوعی شامی ایدوب صبح، صبحی شام ایلدیم

او قدر شقّه گشا ایتدیم آهیمون چَترین
گونون یوزینه گونوم تک سیه غمام ایلدیم

خیال تار زلف علی اکبریله بابا
ایشیق گونی گوزومه لیله ی ظلام ایلدیم

دیدیم اُلونجه علی قارداشیم گَلر گورّم
قضایه باخ منه باخ، گور نه فکر خام ایلدیم

بُلوردون آخِر عمریمدی گورماقا گَلدون
بو گَلماقونلا بابا منده اخذ کام ایلدیم

گرک ایدم عوضینده نثار جان نقدین
بو فکریله اوزومی نائل مرام ایلدیم

میسّر اولمادی بوندان نفیس بیر تحفه
نثار اشکیله پابوسیوه خرام ایلدیم

اگرچه ایلمدیم پیشواز معذورم
بیله خیال ایلمه ترک احترام ایلدیم

دیزیمده اولمادی طاقت دورانمادیم اَیاقا
اگرچه دورماقا هر قدر اهتمام ایلدیم

پناهی سَن هامی عالم لرین دیوب عمّم
اودور که دامنیوه منده اعتصام ایلدیم

یورولموشام منیده بو خرابه دن قورتار
بو یرده دردیله اُلفت عَلَی الدَّوام ایلدیم

نه تک منیم گئجه لر گَلمدی یوخی گوزومه
وفالی عمّه مه ده یاتماقی حرام ایلدیم

ایدوم نه چاره اسیرم سپاه اعدایه
قوری یر اوستونی علّت اودور مَنام ایلدیم

گیدنده غارته جبریله گوشواره لریم
نه یادِ جاه و جلال و نه احتشام ایلدیم

برهنه پائیله غارتده من قاچاندا چوله
نه قدر خار مُغیلانی سرخ فام ایلدیم

هنوز وار اَیاقیمدا همان علامتدن
اگرچه اشکیله ظاهرده التیام ایلدیم

بلالی قیزلاری هر یرده باشیمه یغدیم
عجب او جمع پریشانی با نظام ایلدیم

حجازیدن دولانوب کربلایه من گَلدیم
فقط بو یرده خطِ سیریمی تمام ایلدیم

واریمدی چوخ غمیم امّا امان شمادتدن
خدا بُلور من او ظلمه نجه دوام ایلدیم

دیار کوفه ده الله بُلور نَلَر چَکدیم
بیری بودور که تماشای بزم عام ایلدیم

بیری بودور دوشَنوب سفره لِیک من اوزومی
او احتیاجیله مُستغنیِ طعام ایلدیم

بیری بودور بیزی زندانه سالدی اهل عناد
او یرده شکر خداوند لایَنام ایلدیم

یزید مجلسینون آه آتشینیمیله
پوزوب نظامینی معناده بی نظام ایلدیم

اگرچه غصّه لر ایتمیشدی چوخ فتاده منی
دفاع ظلمه او یرده گنه قیام ایلدیم

اولاندا لعل لبون آشناسی چوب جفا
توکوب سرشکیمی بیر محشر عظام ایلدیم

سسیمه ویردیله سس تا بلالی عمّه لریم
سکوتِ مجلسی پوزدوم بیر ازدحام ایلدیم

سرشکیمیله یزیدین فجایعین یازدیم
بنی امیّه نی رسوای خاصّ و عام ایلدیم

یوزومده نیلی سیلی گوروب پوزولما بابا
بو رنگی محشره عنوان انتقام ایلدیم

گرک مدینه خیالین بابا باشیمدان آتام
که خوابگاهیمی آخِرده شهر شام ایلدیم


#حضرت_رقیه_شهادت
#بابا_او_گون_که_بو_ویرانه_نی_مقام_ایلدیم
#خوندل_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها

مرحوم عبد الرّحیم شباهنگ متخلّص به هندی

بو خرابه شامیده عمّه جان
گجه گوندوز اوخشارام آغلارام
نه قدر واریمدی بو جاندا جان
گجه گوندوز اوخشارام آغلارام



منی آیریلوق غمی نی کیمی
گتیروبدی درده خرابه ده
هر او کس اولا منه هم نفس
یانار آه سرده خرابه ده
نجه من بو سرّه که فاش اولور
چکوم عمّه پرده خرابه ده
اودی که عیان و گهی نهان
گجه گوندوز اوخشارام آغلارام



گوروسن که تیر بلا منیم
نجه سیندیروب پر و بالیمی
ندور احتیاجی بیان ایدوم
غم و درد و رنج و ملالیمی
اوزون اهل حال سن عمّه جان
سنه منده صورت حالیمی
ایدرم سرشکیمیلن بیان
گجه گوندوز اوخشارام آغلارام

من او بلبلم که سولار گلی
اولور عمّه جان چمن آیریسی
منی تندباد فراق ایدوب
نجه سرو گل بدن آیریسی
بیله رسمیدور که ویرینجه جان
گرک آغلاسون وطن آیریسی
اودی وجهی عمّه ی مهربان
گجه گوندوز اوخشارام آغلارام


من او عاشقم که زمانه نین
هامی ناز نعمتین آتموشام
هم آتام عموم همی قارداشیم
ئولوب ایمدی یاسینه باتموشام
نچه وقتیدور که من آج سوسوز
گجه لر خرابه ده یاتموشام
منه چون خرابه اولوب مکان
گجه گوندوز اوخشارام آغلارام



هانی بیر یتیمه منیم کیمین
اولا نیلی سیلی ایله یوزی
یوزینه باخاندا آتاسینون
دوشه قان دوتان گوزینه گوزی
قولی باغلی، غیر شماتتی
آتا مرگی، جان غمی، ایل سوزی
ایلیوبدی باغریمی غصّه قان
گجه گوندوز اوخشارام آغلارام



منی چوخ بو پایه دن اینجیدن
نه غُل و دوشاخه دی نه رَسن
منه چوخ گراندی بو بیر جفا
که شماتت ایلوری هر گلن
گر ئولوب بابام گیدوب عزّتیم
گینه شاهزادیم عمّه من
دوزه بولمرم اودی بیر زمان
گجه گوندوز اوخشارام آغلارام



سنه شرح درد فراقیدن
نه دیوم که بیر دگی محنتیم
بو اسیرلیق بو یتیم لیق
بو خرابه کنجی بو غربتیم
باش آچوخ گونش قوری یر یریم
بو جفای شمر بو ذلّتیم
نه باش اوسته سقف نه سایه بان
گجه گوندوز اوخشارام آغلارام



نه روادی کینه ی شمریدن
سارالوب خران گولی تک اسم
نه روادی الدن آتام گیده
گوزیمی یولوندان اونون کسم
گورورم که یوخ داخی بیر کسیم
بو دیار شامیده بی کسم
اولی گریه مونس بی کسان
گجه گوندوز اوخشارام آغلارام



دوزرم بو جسم ضعیفیله
هامی درد و محنت و رنجه من
قوری یرده فرش و چراغسیز
چکرم همیشه شکنجه من
بو اوشاقلیقیمدا دایانموشام
گینه درد و محنت و رنجه من
دایانانمارام داخی عمّه جان
گجه گوندوز اوخشارام آغلارام



یوخودا گوروب بابامی دیدیم
اونا عرض حالیمی بیر به بیر
که بابا گوزوندن ایراق سنون
بیزه ویردیلر قوری یرده یر
باشیما چکوب الینی دیدی
دی سکینه دردیوی بیر به بیر
دیدیم ای بابا بودی بیر نشان
گجه گوندوز اوخشارام آغلارام



منه سویلدی که سکینه جان
نجه اولدی دردیله سازشون
دیدیم اولدی قوّت دل منه
او جِدا باشیندا نوازشون
دیدی یوخ خرابه ده چون باشیم
گجه صبحه تک ندی بس ایشون
دیدیم هر زمان ایدرم فغان
گجه گوندوز اوخشارام آغلارام




دیدی کیم چکوب بالا زحمتون
سنه کیم مواظبت ایلدی
دیدیم اول بلاکش اولان بیبیم
منه چوخ ملاطفت ایلدی
دیدی همزبان سنه کیم اولوب
بالا چوخ ملایمت ایلدی
دیدیم اولدی غم منه همزبان
گجه گوندوز اوخشارام آغلارام




داخی یاتمیون که بابام گلوب
ایلیوب بو یرده مکان دورون
بو قرانلوق ایوده که لایقی
هامی شمع آهوزی یاندورون
او چراغیلن من بی کسی
بو خرابه ایچره دولاندورون
بابام اولماسا منه میهمان
گجه گوندوز اوخشارام آغلارام




بو طریق عشقیده «هندیا»
ایله سیر قلب سلیمیلن
تانی بیر حسینی بو دوره ده
نه ایشون خلیل و کلیم لَن
اگر ایسته سن که شفاعتون
اولا سر ذبح عظیمیلن
دی سکینه سویلدی عمّه جان
گجه گوندوز اوخشارام آغلارام



#سبک_آنام_آغلاما_باجیم_آغلاما
#سبک_بالام_آغلاما_گلوم_آغلاما
#سبک_باجی_دورگئداخ_باجی_دورگئداخ
( 7 سبک برای سینه زنی و زنجیر )


#حضرت_رقیه_شهادت
#بو_خرابه_شامیده_عمه_جان
#هندی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س) در شهادت حضرت رقیه (س)

سیفی اردبیلی

ای ویرن ویرانه یرده توپراق اوسته جان رقیه
دائماً حسرتدن آغلار گوزلره قربان رقیه
لایلای ای آرام جانیم
لایلای ای شیرین زبانیم


ظلم الیندن درده دوشدون تاپمادون درمان و چاره
غم سنی اوچ یاشدا ایتدی قلبی یاره بختی قاره
من الی قوینیندا قالدیم وای دیدیم بو روزگاره
سولدی گل تک ابتلادن نوگل خندان رقیه


عموون دوندی خزانه جور اعدادن بهاری
روز وشب یاندون بلادن ایلدون چوخ آه و زاری
غم سنی سالدی دوزومدن قلبوون گیتدی قراری
اولمادون راحت ئولونجه غصه دن بیرآن رقیه


باشووه زهرا آنام تک تِز غبار غم اَلندی
ناره دوندی آه قلبون ابتلادن شعله لندی
نه یوزون گولدی دویونجا ، تِللرون نه شانه لندی
چوللری قول باغلی گزدون بیکس و ویلان رقیه


چشمه ی امید عمرون ظلمیدن دوندی سرابه
دوندروب بیداد دوران نازووی قهر و عتابه
خانه ی اقبالون اولدی بو اوچوق پوزقون خرابه
درّ تک اولدون بو ویران خانه ده پنهان رقیه


اینجیدون قول باغلی قوش تک تنگیِ دام خطردن
روزگار سفله پرور تز سنی سالدی نظردن
باغریقان اولدون مارالیم سیلی لردن قمچی لردن
اولمادی قبره گیدونجه مشگلون آسان رقیه


هم منیم اولدی جفادن هم سنون برهم تفاقون
سقف سیز ویرانه اولدی آخر عمرونده اطاقون
نه گونوز گلدی قوناقون نه گیجه یاندی چراغون
سن دیدون وای یاندیم عمه من دیدیم جان جان رقیه


تنگه گلدی اودلی سینون تنگ و ظلمانی قفسدن
شور وشوق زندگینی ترک ایدوب گیتدون هوسدن
بو قوری توپراقلار اوسته آغلادون دوشدون نفسدن
حال محنت بارون ایتدی سینمی شان شان رقیه


قویمادی دوران سیلینسون گرد غم هرگز یوزوندن
دویمادی عمون او شهد نابیدن شیرین سوزوندن
باشوی آلدیم قوجاقه دَمبدم ئوپدوم گوزوندن
یات دیدیم دینجل بو یورقون جانوه قربان رقیه

📣 مرحوم استاد #سلیم_موذن زاده
📣 سید محمد #عاملی
⬇️⬇️

#حضرت_رقیه_شهادت
#ای_ویرن_ویرانه_یرده_توپراق_اوسته_جان_رقیه
#سیفی_اردبیلی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

✔️ در ویرانه ده دورما ...
زبانحال حضرت زینب کبری با حضرت رقیه (س) در خرابه

تقائی اردبیلی

ـــــــــــــــــــ
✔️ شاه بیت 1 در سبک استاد حاج شهروز اردبیلی

در ویرانه ده دورما
گوزلیم بوینووی بورما
بو قدر غملی دایانما

الیوی قوینووا قویما
بئله تئز جانیوه دویما
بو قدر غملی دایانما
ـــــــــــــــــــ
✔️ شاه بیت 2 در سبک مرحوم استاد سلیم موذن زاده اردبیلی

در ویرانه ده دورما
منیم آرامیمی آلما
چوخ ائتمه تکیه دیواره
آنامی یادیما سالما

نوالی بلبلوم لایلای
شیرین دیل سویگلوم لایلای
ـــــــــــــــــــ


الیوی قوینووا قویما
بئله تئز جانیوه دویما
بو قدر غملی دایانما
بو ذوقیله تماشایه
گلن قیزلاری آغلاتما
نوالی بلبلوم لایلای



مارالیم ایلمه افغان
گوزووی سیل بی بی قربان
سوزوی دئ منه هر آن
آلیب آغوشه دیوم جان
تاپارام دردیوه درمان
بو قدر غملی دایانما



قادا سندن اوزاق اولسون
یوزون عالمده آغ اولسون
وطنون لاله باغ اولسون
ائویوی چلچراغ اولسون
سارالیبسان ایراق اولسون
بو قدر غملی دایانما



سنی گوردوکجه سارالّام
غم اوخون قلبیمه چالّام
دئمه ویرانه ده قالّام
یولومی یثربه سالّام
سنه گوشواره ده آلّام
بو قدر غملی دایانما



قره گیدی اوجا داغلار
سارالوب غنچه لی باغلار
قوریوب غملی دوداقلار
سنی گورجک قولی باغلار
ننون آغلار باجون آغلار
بو قدر غملی دایانما



گوزلیم گول گوله گوللر
قوتارار بو چتین ایللر
چکیلر بو قره یللر
کؤچر اؤز ملکونه ائللر
دارانار بو قره تللر
بو قدر غملی دایانما



محنون گلمز حسابه
سخیشار هانسی حسابه
یوزون حسرتدی نقابه
باشووی قویما ترابه
بالا رحم ایله ربابه
بو قدر غملی دایانما


ستمون مشعلی سنسون
گوج ایدن هر یَلی سنسون
قولونون مفصلی سنسون
بله چرخی بلی سنسون
بالا زجرون الی سنسون
بو قدر غملی دایانما



#سبک_در_ویرانه_ده_دورما
📣 حاج شهروز اردبیلی
📣 مرحوم استاد #سلیم_موذن زاده
⬇️⬇️

#حضرت_رقیه_شهادت
#در_ویرانه_ده_دورما
#تقایی_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حضرت رقیه سلام الله علیها در خرابه شام

علیرضا حضرتی

کیمدی ویرانه ده بو آه شرربار چکور
صفحۀ صورتینه گؤزیاشی جوبار چکور

بیر جوت آغلار گؤزی وار عشق وصفا معدنی دی
اؤزونه جذبه سی، عشّاقی گرفتار چکور

یئریشینده ادب و وقر و متانت گؤرونور
حوریلر گؤرماقینا حسرت دیدار چکور

نجبازاده دی معلومیدی رفتاریندن
شامیان خارجی آدیله ندن جار چکور

نقدر واردی بویوک دردی کیچیک قلبینده؟
آهی آه اوستن او غمدیدۀ ادوار چکور
ر
سارالان صورتین حسرتله قویور دیواره
زینبین قلبینه مین داغ بو رفتار چکور

اوچ یاشی وار ولی معلوم اولونان چوخ دوگولوب
تازیانه اثریندن گئنه آزار چکور

سیخیلوب گوشۀ ویرانیه گؤزلردن اوزاق
اؤز الیلن ایاقیندان اگیلوب خار چکور

بسلنوب نازیلن امّا یازیسی غصّه لی دی
روزگاری دولانوب محنت بسیار چکور

یثربین آدی گلن وقتیده لبخند ویرور
کربلا آدی گلور آه او دل افکار چکور

چوخ باخور یوللارا گؤزلور کیمون آیا یولونی
انتظار قدمین دیده سی خونبار چکور

خاطراتین ایلیور خاطر زارینده مرور
توپراق اوسته اوتوروب عکس رخ یار چکور

شام قیزلاری دئین وقتده آدامسیز او قیزا
سو کنارینده اوزون قوللی علمدار چکور

گوییا آیری دوشوب سئوگولی دلداریندن
دیلده اکبر آدینی ایلوری تکرار چکور

گه یومور گؤزلرینی سسلوری اصغر لای لای
بوغازی یاره لی بیر طفل لبن خوار چکور

بیلمورم گؤزلرینون وار ولی نه ایرادی؟
چکدیگی نقش لرین صورتی نی تار چکور

ائله بیل سیلی ویروب گل ئوزونه بیر آغیر ال
آناسی فاطمه نون دردین او غمبار چکور

#حضرت_رقیه_شهادت
#کیمدی_ویرانه_ده_بو_آه_شرربار_چکور
#حضرتی_ناعمی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه (س)


سعید حضرتی (هاتف)

من آسمان عفته تابنده اخترم
گنجینه حیاده بیر ارزنده گوهرم

مدفن منه خرابه دی،من عین دُرّ ناب
آدیم رقیه دی،گل گلزار بوتراب

آل علی تبارینه تک سویگولی منم
شِیب الخضیب عالمه سینه گولی منم

سینّیم کیچیکدی،ظاهرا هرچند اصغرم
عالم بولور که باطن مطلبده اکبرم

آئینه بتولم،اوزوم یاسه اوخشورام
هیچ فرقی یوخ،بو باره ده عباسه اوخشورام

عباس عموم سپاه حسینه طلایه دار
منده بی بیم سپاهینه سردار با وقار

عالم بویی محن گونی دیللرده رایجم
بحر کرم،رقیه باب الحوائجم

عینا مثلده منده ائله زینت اَبم
عَمَم حسینه،زینبه من ایندی زینبم

بسدور فقط خدایه ائدم گوز اشاره سی
خلخال اولا ایاقیما فوج ستاره سی

تک بوگنوما شمایل ائدر ماهتابینی
تاج شرف ائدر باشیما آفتابینی

منن بلی،وفا اوزی درس وفا آلیب
شامین بو غم خرابه سی منن صفا آلیب

الله بیلیر نه قدری گئجه گوندوز اینجیدیم
شامین یئرینده شامه اورک قانینی یئدیم


#حضرت_رقیه_شهادت
#من_آسمان_عفته_تابنده_اخترم
#حضرتی_هاتف
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س) با حضرت رقیه (س)

کربلایی موسی جوانی تبریزی


سبک : بزم عزاده گیمیشم ....


حسرتله باخما یولارا
ای گونی قاره ای گونی قاره
گوزیاشوا عمّن فدا
گلمه چوخ زاره گلمه چوخ زاره

رقیه آغلاما
سینه می داغلاما




ای خیردا سینیده دوزن رنج و ایذایه
زهرا ننم تک قان دولان چشم زیبایه
بوباردن چوخ بنزرون واردی زهرایه
توش اولموسان گل تک قیزیم جبریله خاره

رقیه آغلاما
سینه می داغلاما




ائتمه بوقدری سویگولوم ناله و افغان
ویران سراده آغلیوب اولما چوخ گریان
گوزدن آخان گوزیاشوا کاش اولام قربان
توکمه سرشگون بوقدر غملی رخساره

رقیه آغلاما
سینه می داغلاما




ظمیله اولدون دستگیرقوم بیداده
هجران غمینده گلمیسن شیون وداده
آل اللهی محنتلرون گتدی فریاده
زینب بی بون قربان اولاچشم خونباره

رقیه آغلاما
سینه می داغلاما




زجرین جفاسیندان هله واردی آثارون
سیلی گویردن خرداجا غملی رخسارون
دست ستمله شامیان پوزدی پرگارون
گتدی علی اکبر آلان خرداگوشواره

رقیه آغلاما
سینه می داغلاما




یاندیردی درد وغملرون آل طاهانی
آه اوسته چکمه بیربئله آه وسوزانی
آهون شراری یاندیرارعرش اعلانی
صبرایله ای شیرین دیلیم ظلم اغیاره

رقیه آغلاما
سینه می داغلاما




ویرانه ده ای پربها دُّر و الماسیم
آغلاتما زینب عمّوی کان احساسیم
گل ژالۀ اشگون سیلیم ای گل یاسیم
داغ ملالون ایلیوب قلبیمی یاره

رقیه آغلاما
سینه می داغلاما




شام اهلینه نسگلرون ایلمه افشا
آج قالماقون ائتمه بیان مظهرزهرا
اوخ تک ویراردیل یاره سین قلبوه اعدا
ائتمزله اصلا دردیوه اشقیا چاره

رقیه آغلاما
سینه می داغلاما




دیل یاره سی سالدی سنی تاب ویارادن
افلاکه اوج ایتدی فغان غملی مأوادن
آخدی سرشک محنتون ماه سیمایه
اولدون ستمله دستگیر قوم بی عاره

رقیه آغلاما
سینه می داغلاما




صبرایله اولما چوخ ملول روحه ریحانیم
بیرگون گلردیداروه ماه کنعانیم
گوگلون آلار مظلوم اولن شاه عطشانیم
وارخواهشیم ایتمه گله گلسه دیداره

رقیه آغلاما
سینه می داغلاما




ای محمل ایچره شامه تک نازلی یولداشیم
قربان اولا آلاموه گوزده گوزیاشیم
سانماسالوب گوزدن سنی غملی قارداشیم
عاشق یتر بیرگون قیزیم وصلیده یاره

رقیه آغلاما
سینه می داغلاما




ای گوشه ویرانه ده جان وئرن نالان
بزم غمونده شیعه لر ایلیر افغان
سسلر « جوانی » آدیوی دیده سی گریان
قویما قالام محشرگونی زاره و آواره

رقیه آغلاما
سینه می داغلاما




#سبک_ممد_نبودی_ببینی
#سبک_بزم_عزاده_گیمیشم
#سبک_ای_دلبر_آزادگان



#حضرت_رقیه_شهادت
#حسرتله_باخما_یولارا
#جوانی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه (س) با راس مطهر امام حسین (ع) در خرابه شام

سبک: شد خزان گلشن آشنایی


حاج علی زلفی تبریزی


مسکنیم اولدی بو کنج ویران
جانه گتدی منی درد هجران

چرخ جفا گستر چاره یولون کسدی
گلشن امیده باد خزان اسدی

گور نئجه صبر ایوی گیتدی تالانه
گور قیزون اولدی بلایه نشانه

وای بابام وای (۲)




حمد اولا بیر منی یاده سالدون
رافتیله سینان گویلی آلدون

دیلده چکور شعله آه شرر باریم
غم یمه بو حاله قافله سالاریم

خانه خراب اولا آل امیه
کنج خرابه بو سن بو رقیه

وای بابام وای (۲)




خون دیل آخدی سنسیز رخساره
گویلوم شکسته ایاقیم یاره

جانیم اولا قربان سن کیمی مهمانه
منزل ویرانه گلدی طبیبانه

صورتیوین بابا قانینی سیللم
فانی جهانیده قالمارام ئوللم

وای بابام وای (۲)




باشوی گوردوم نوک جداده
غرق اولدوم محنتده ابتلاده

گلدی نلر باشه فکر ایلمزدیم من
باشوین آردیجا چوللری گزدیم من

گیتمه یانیمدا دایان سنی تاری
کنج خرابه ده بو گیجه یاری

وای بابام وای (۲)




وار تا جهان وار دین و شریعت
باتماز عالمده ماه ولایت

(زلفی) اینان باقی عترت و قرآندی
زنده قالان آدی شاه شهیداندی

دیده دولاندور او فیض لقایه
دردیوی شرح ایله شاه وفایه

وای بابام وای (۲)


#سبک_شد_خزان_گلشن_آشنایی
با صدای برادر بزرگوارم مجتبی ایرانی
⬇️⬇️

#حضرت_رقیه_شهادت
#مسکنیم_اولدی_بو_کنج_ویران
#زلفی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها

سبک: ویرانه ده نازلو بالام ...

مرحوم نادری

اولدوم غریب و بی وطن
آغلار گوزوم عمه
وئرسون اجازه وار سنه
گزلین سوزوم عمه


عفو ائت سنه گوندوز گجه چوخ وئرمیشم زحمت
یوخدور گمانیم بیر کسه ای معدن عصمت
گلمور بابام گورماقیمه آیا ندور علت؟
یوخدور فراقه طاقتیم هاردان دؤزوم عمه


گلمز ندن اکبر اولا من بیکسه غمخوار
هر گون منه طعنه وورار یولدان گچن قزلار
گاهی منیم احوالیمه هر رهگذر آغلار
ئوز مرگیمه چوخ راضیم ایندی ئوزوم عمه


عباس عمومه نئتمیشم دیداریمه گلمز
اوچ گوندی من بوردا آجام احوالیمی بیلمز
گوزدن دوشن آواره قز بیلمم ندن ئولمز
قلبیم دولوب رنگیم سولوب تیترر دیزوم عمه


شه مهربان اولسا اگر شهزاده سین اتماز
بیر خشت خام اوسته بی بی شهزاده لر یاتماز
بیر گونده شمس و ماه دین سیّاره لر باتماز
باتدی ندن آخر منیم بخت اولدوزوم عمه


یوللار جفاسین چکمیشم من زارو دلخسته
ویران قفسده نیله سون بیر مرغ پر بسته
من نازدانه بیر قیزام یاتمام حصیر اوسته
هی ایستورم عرض ایلیم گلمور یوزوم عمه


گلدوم عراقی سیر ائدم چون ماه رخشنده
طاووس زیبا تک گزم گلزار و گلشنده
من گلمدوم دشمن سالا آهو کیمی بنده
بیلمم نه تئز شامه دونوب بس گوندوزوم عمه


من بیر حجازی بلبلم گوللر اولوب تالان
قرخ منزلی شامه گلوب چوخ اولموشام نالان
بیر چاره قیل یاندوم بی بی جانیم سنه قربان
غم لجّه سینده ماهیتک هاردان اوزوم عمه


گلمز بابام قلبیمده کی نسگللریم قالدی
گئتجک بابام دشمن منی موج غمه سالدی
گوشواره می غارت گونی غارتگران آلدی
یوخ قدرتیم احوالیمی شاهه یازوم عمه


ایستر خدنگ درد و غم بو سینه می دلسون
بیر چاره قیل احوالیمی قوم لئمی بیلسون
اولسا سفارش ائتگیلن عمه بابام گلسون
هجرانینه یوخدور داخی منده دؤزوم عمه


وئر خاتمه ای «نادری» حالیم پریشاندور
فصل خزاندا بلبلون قلبی دولی قاندور
یاز مطلع شعرون ده کی مطلب نمایاندور
وئرسون اجازه وار سنه گیزلین سوزوم عمه


#سبک_ویرانه_ده_نازلو_بالام


#حضرت_رقیه_شهادت
#اولدوم_غریب_و_بی_وطن_آغلار_گوزوم_عمه
#نادری
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

روضۀ حضرت رقیّه (س)
مرحوم غمکش

قصریدن گلدی سر شاه شهیدان اشاقا
قارداشی اوغلی ئولنلر هامی دوردی ایاقا
قویدولار پوششی اوستونده او طشتی قاباقا
گل رقیّه دئدی زینب سنه درمان گلدی
ایلدی دست قضا مشکلون آسان گلدی


باخدی او طشته خانیم قیلدی نوا اولمادی رام
دئدی عمّه بابامی ایستیورم من نه طعام
بیرجه یول لبلرینه لبلریمی باری قویام
گؤرمیونجه بابامی عالمی من داغلیارام
وای بابا وای دئیرم اوخشویارام آغلیارام


دای یوروبدی منی ویرانه ده غملر ئولورم
او قدر غمچی ویروب شمر ستمگر ئولورم
غم ایّام ائلیوب قلبیمی مضطر ئولورم
دؤزمگه غصّه لره یوخ داخی قلبیمده توان
شام قیزلاری گؤرنده ویرالار زخم زبان


دئدی زینب گؤزلیم غم یئمه چوخ چئکمه محن
بو گئجه کامه چاتارسان بالا ائتمه گله سن
اورتوگون ردّ ائله طشتین ائله بابادی گلن
اورگونده نقدر درد اولا درمان گتیروب
لبلرینده ولی افسوس قیزیل قان گتیروب


بالا آلدی آتانون یاره لی باشین قوجاقا
سارالان لبلرینی قویدی او قانلی دوداقا
دئدی قربان ائدرم جانیمی سن تک قوناقا
یاخشی وقتده قیزوین حالینی سن بیلدون آتا
دویموشام جانیمه ویرانیه خوش گلدون آتا


ای گل پرپر غم، بلبل بشکسته پرم
گؤز آچوب باخسون اگر قانلی گؤزوندن اوپرم
گؤزومون یاشینی قانلی ئوزوه من سَپَرم
یارالی بیر آتیا غملی قیزی همدم اولار
گؤزومون یاشی دوداق یارهسینه مرهم اولار


دردیمی ایندی سنه سوزیله ابراز ائدرم
اول کئچن گونلریمی یاد ائلیوب ناز ائدرم
یورولوبسان بیلورم نازیمی من، آز ائدرم
ئولورم یاخشی زماندا منی سن یاد ائلدون
کنج ویرانه ده غم غصّه دن آزاد ائلدون


بابا آچ بیر گؤزوی ایله نظر گؤزیاشیما
حیف اولا یوخدی الون ال چئکه سن بو باشیما
فخر ائدم بو دم آخر باباجان یولداشیما
قلبیمی تیر بلا محنتیلن یاردی منیم
فخر ائدردیم اونا رأفتلی بابام واردی منیم


بابا قویدون منی غملر ائده مضطر نیه بس
آلا آرامیمی اشرار ستمگر نیه بس
گلمیوب دیدیمه ویرانیه اکبر نیه بس
اکبرین دردی منیم فکریمی عالمده قاتوب
مهربان قارداشیم اولما باجیسین گؤزدن آتوب


کنج ویرانه ده بیر غصّه لی پژمرده گلم
داخی بو دهریده قالماخلیقا قادر دگولم
یارالی لبلریلن ایله دعا بلکه ئولم
گل سولاندا خوش اولار بلبل خوشخوان اوخویا
من ئولنده نولار اکبر منه قرآن اوخویا


#حضرت_رقیه_شهادت
#غمکش
#قصریدن_گلدی_سر_شاه_شهیدان_اشاقا
#نوحه_های_محرم_غمکش
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حالات حضرت رقیه (س) در خرابه شام

معزی اردبیلی

مه سپهر کلام وسخن رقیه سلام
کمال مکتبینه ممتحن رقیه سلام

خزینهٔ ادبین گوهر درخشانی
لباس مهر و محبت گین رقیه سلام

ائدن مدینه نی ماه سفر ده نورانی
ربابیدن نچه آی صود امن رقیه سلام

بهشتیدن سنه ده گتدیلر لباس حریر
فرشته دیدینه هر گون گلن رقیه سلام

قویوبدور آدیوی آدی جهانه زینت اولان
مطهر اللرین حورا ئوپن رقیه سلام

یوزون شبیهیدی زهرای اطهرین یوزونه
حجازیده یوزی وجه الحسن رقیه سلام

تولدونده خانم عمووی سویوندوردون
بویوردی آی ننمه بنذین رقیه سلام

دگولدی باخبر اما هله ملالوندن
سنه تاپلمیاجاق آغ کفن رقیه سلام


دیار شامه گلوب شمع عشقه پروانه
خرابه مسجد اولوبدور مکان دُردانه


گلردی عطریلر انفاس مشکبوسیندن
چیخارتدی ذکر خدا دم به دم گلوسیندن

طواف کعبیه خاطر نماز عشق قیلوب
چاتوب ثوابلره گوزیاشی وضو سیندن

دیولّه شخص یره آبرو وئرر دوزدور
خرابه تاپدی گوزل رتبه آبروسیندن

اولاردی شامیده فرزانه لر حضورینده
نتیجه آلدیلا مضمون گفتگوسیندن

دیردیلر شرف و عصمته مجسمه دور
سوال ائدردیلر آمال و آرزو سیندن

چکنده کیم گوزه گوشواره سین ائدردی سکوت
گلردی شیونه چوخ شام زشت خوسیندن

دینده کیم اوجا قامت عموم بابام واردور
دیردی معرفت و قامت عمو سیندن

تیکردی یولارا گوز بلکه اِللریم گلدی
باتاردی گون خبر اولمازدی جستجوسیندن


ال آچدی ساحت قدسه انیسهٔ حورا
مذمت ائتمه دیسم اولدی روز عاشورا


دئدی الهی اجابت ایله دعالریمی
دارخمشام منه تز گوندر آشنالریمی

بحق آل محمد بحق آل علی
سلامت ایله کرامتلی دلربالریمی

یاراشمیور منه ویرانه من حسین قیزیام
آماندی ساخلا پناهونده خوش ادالریمی

وفالی اکبر ئولندن دارانمیوب زلفیم
گوزتلورم گله بو شامه باوفالریمی

نه قالمشام الی یوزده؟نه دوشمشم گوزدن؟
چوخ آرزو ائدورم گلسه باصفالریمی

خرابه ده قویورام یوز همیشه دیواره
اوزون فراهم ایله زخم دل دوالریمی

نجات وئر منه یا عمریمی منیم قورتار
چکنمیور اورگیم محنت بلالریمی


رقیه نون اورگین تیر غصه لر دلدی
گجه خرابیه دیداره قانلی باش گلدی


دئدی دانیش بابا ای عالمون پناهی دانیش
تمام مملکت عشق پادشاهی دانیش

یوبانموسان نیه وصلتده یوسف زهرا
ئولنده مقتل اولان قانلی قصر چاهی دانیش

آچلسا گوزلرون آچ آی بابا رقیوه باخ
بهشته دوندرن هر سمتی بیر نگاهی دانیش

یارالی باشی طبقده گلن شهنشاهیم
خرابه منزلیمه گلمین سپاهی دانیش

کسوب دامارلارینی حلقوین یالین خنجر
بنات فاطمه نون یار و دادخواهی دانیش

سسون قولاقیمه گلمور سنون نچه گوندور
سپهر معرفتون هر زماندا ماهی دانیش

دارخمشام قسم اولسون یارالی زهرایه
دایانما گاهی دولاندور گوزوی گاهی دانیش


دیمه یوخومدی کسیم جان نثاری وار باشوون
ئوپوب سوسوز دوداقوندان خماری وار باشوون


باتوبدی قانووه داش یاره سینده ابرولر
یانوبدور حالووه ئوز ناقه سینده خوش خولر

ایله سیزیلدامیشام نی کیمی فراقونده
ائشیتدیلر سسیمی اشک توکدی آهولر

دوشنده یادیمه سو اوسته اوخلانان ماهی
تسلی وئردی منه پر ووران پرستولر

طبقدن عطر بهشتی یائیلدی هر طرفه
خرابیه چکوب حسرت چمنده شب بولر

نیه باشون کسیلوبدور اون ایکی ضربتلن
ئولوبسن الده لب عطشان دئدی سخنگولر

قوناقیدون اوتاقمدا خجالتم سندن
منی باغشلا یوخومدور الیمده پرقولر

اقامتون سحر هانسی مکان بابا اولاجاق
بویور بیله گجه ویرانسراده دلجولر

گوروم دوداقون اولا چوب خیزراندان اوزاق
دعادی من کیمی ایلور چمنده بانولر


ایشقلی دور اورگیم شمع تک خموش اولماز
سر مطهرون هرگز بلایه توش اولماز


بو گجه فاطمهٔ اطهره آپار منیده
آلا بهشتیده زیر پره آپار منیده

آدیمی دوتمادی بیر گون مدینه نون گوزلی
دوشوبدی گوگلومه چوخ اکبره آپار منیده

یوخومدا بو گجه گوردوم عموم ابالفضلی
باخام دوباره مه انوره آپار منیده

دیولّر اوخ ورولوبدور سوسوز بوغازیندن
آنامی چوخ ملدن اصغره آپار منیده

بهشته گر گئدوسن آل منیمده دعوتیمی
آچام بهشتیلره منظره آپار منیده

خرابه شام سویوندا صفا گورنمه میشم
سو ایچمگه سنیلن کوثره آپار منیده

قوتارسا غملی گونوم زندگیده دینجلم
فدا اولوم یومولان گوزلره آپار منیده

سنی ووران منیده وورسون اوز کنارونده
گئدورسن ایندی بابا هر یره آپار منیده

«معزی» چوخدور حسینون مقام منزلتی
آز عمریده سنه اولدی دویونجا مرحمتی


#حضرت_رقیه_مدح
#حضرت_رقیه_شهادت
#مه_سپهر_کلام_و_سخن_رقیه_سلام
#معزی_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham