چند بیتی از :

احوالات ورود به کوفه

او اوجا نی دی اوتورمیش شه وقاریم دور منیم

نه وقاریم ، افتخاریم اعتباریم دور منیم

قوی سوزی واضح دیوم دار و نداریم دور منیم

بنده ای مردم چکنمز هر فرومایه منی

اوباشین عشقی سالوبدور دشت و صحرایه منی

🌹☀🌹☀🌹

گوز قباقیندن کناره بیر چکون مولا باشین

گیزلدون لیلا گوزوندن اکبر زیبا باشین

حقه خاطر قیزلارا گورستمیون سقا باشین

تپراقا فورا آتون اللرده کی خفّت داشین

گیزلدون تازه گلیندن تازه دامادون باشین

🌹☀🌹☀🌹

سیز بیزی دعوت ایدوبسوز کربلا صحراسینه

دال چووردوز بس نیه عالملرون مولاسینه

نه جوابوز وار قیامتده عزیز یاسینه

سیز حسینی سو کنارینده لب عطشان دوغرادوز

اللری اوسته اونون دیلسیز بالاسین اوخلادوز


شعر از کربلایی نوید آسال اردبیلی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح و شجاعت حضرت اباالفضل علیه السلام

محمد علی مصیبی تبریزی

ای ییخیلان پرچمی ، قائمه پرچملره
جرعه سویی مشکیده ، حسرت اولان یم لره
قارداشینین بیرتوکون ، وئرمیَن عالملره

تیر عشقیدن - جسمینه شهپر یاراشار
سرو قدّینه - صولت حیدر یاراشار
((یا ابالفضل))


آی گوره گر بو آیی لنگه دوشر گردیشی
ضربتینه محو اولار وار نه قدَر ناکیشی
ماردی وورماق یره ایشدی ابوالفضل ایشی

یک تنه آقام - دشتیده غوغا ائله دی
هندین اوغلونی - دهریده رسوا ائله دی




سو اَرِنی سسله دی لن دئدی سقا اونا
قوللارینا فخر ائدوب قان دولی دریا اونا
سسله دی احسنت اوغول حضرت زهرا اونا

عشق اولا سنون - غیرتیوه یاور دین
مرحبا سنه - ای پسر ام بنین




رسمی دی آفاقیده شیرین اولار اوغلی شیر
پنجۀ خونبارینه گّلّۀ روباه اسیر
قلب سپاهی یاران فاتح خیبر ضمیر

کیم گورور دییور – هانسی دلاوردی گلور
حمزه دی گلور - یا خود حیدردی گلور




نهری آلوب یار دین زادۀ اُمّ البنین
مشکینی دولدورماقا یاور دین مبین
صیحه لری لشکر شمره سالوبدور طنین

سسلیور کی من - صفدرین اوغلیام بیلون
خیبری ییخان - حیدرین اوغلیام بیلون




سیز بیلوسیز آتمیشام دور جهانین داشین
حیدرین اوغلی مگر گوزدن آتار قارداشین
دشمنی هر ظلم اونا ائتسه ده، اگمز قاشین
پور حیدرم - ماه منیر هاشیمی
اگمرم بیلون - زادۀ هنده باشیمی




مرحبی آتدان سالوب ئولدورَ نین اوغلیام
درگهی نی قوم دون یاندیرانین اوغلیام
کعبه ده کی بتلاری سیندیرانین اوغلیام

بیلمیسیز بیلون - خون علی رگیمده دی
قانلی باشینون - یاره سی ئورگیمده دی




آه او زماندان اونون باشینه دگدی عمود
بیر ائله ظلم ائتمیوب فرقۀ عاد و ثمود
قارداشینین قدّینی ائتدی او یاره خمود

سسله دی؛حسین – گل باشیمی دیزاوسته آل
سن بیل اصغرین – سایه وی گل باشیمه سال




آند اولا قارداشینون عرشه گئدن جدّینه
پیکر شان شانینه اول بیچیلن قدّینه
امّ بنین فخر ائدن قاشلارینین مدّینه

قویماروخ آقا - سینۀ زینب سیخیلا
عرشه قوزانان - پرچم نهضت ییخیلا
#سبک_محرم_رازیم_الله
با صدای استاد و پدر بزرگوارم ، حاج صاحبعلی #ببیرپور

#ای_ییخیلان_پرچمی
#مصیبی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شهادت حضرت علی اکبر علیه السلام


مرحوم یحیوی اردبیلی

گلدی خیمه دن حسین
کربلا مناسینه
هر قدمده سس وئروب
اکبرون صداسینه


قویدی شاه دین قدم ذوالجناحدن یره
هاشمی جوانلاری ایلدی محاصره
راضی اولمیوبدولار کوفه لشگری گوره
آغلیور نجه حسین نوجوان بالاسینه


باشی اوسته اگلشوب شهریار کربلا
پرچم آچدی قارداشی نامدار کربلا
تا قوشون باخوب گوره تاجدار کربلا
نه جلالیلن گلوب اوغلونون عزاسینه


حسرتیله اکبرون باخدی گول عذارینه
قویدی بیر الین اونون رأس زخمدارینه
بیر الیله ایلدی تکیه ذوالفقارینه
پی آپارماسون باخان حال غم فزاسینه


گلدی آل هاشمون باشدا جوشه قانلاری
اذن جنگ ائدوب طلب مرتضی جوانلاری
رام ائدوب حسین اوزی بیر دیلیله اونلاری
سویلدی او عده نون مرحبا وفاسینه


بو سوزی ائشتموسن شهریار با وقار
سردی اوز عباسینی توپراق اوسته فرش وار
قطعه قطعه پیکری اول عبایه قویدولار
تئز یتوردیلر اونی منتظر آناسینه


قلبوون یاراسینه شیعه لر فدا حسین
سالدی یادیمه بو غم آیری ماجرا حسین
چکدون اول جنازیه سن نیه عبا حسین
لیلی باخماسون اونون جسمنون یاراسینه


چخدی خیمه گاهیدن اهل بیت خونجگر
نو گل محمدی اوسته اندی پؤره لر
شمعون عاشقی نجه شمع دوره سین گزر
حلقه ویردیلار اونون زلفنون جلاسینه


عمّۀ حمیده سی اکبرین قوجاقلادی
قالخزوب اونون باشین سینه سینده ساخلادی
صوت جانگدازیلن ضجه چکدی آغلادی
قوشدی ناله سین حسین زینبون نواسینه


ای جوان نازنین بی گناه ئولن بالا
قطعه قطعه پیکری دوغرانوب گلن بالا
جسمووی نجه گوروم من بو حالیلن بالا
تیغ آهنین کچوب قاشلارون آراسینه


#سبک_مسلمون_شهادتی
#سبک_اود_یاپوشدی_سینمه
#سبک_زینبم_اویان_حسین ...
#اکبریه_شهادت
#گلدی_خیمه_دن_حسین
#یحیوی_اردبیلی
#پرچم_عزا_یحیوی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت امام حسین (ع) در بالین حضرت علی‌اکبر عليه السلام


مرتضی اسکندری ( ساعد )

ای منای عشقون غزالی علی اکبریم
سینه ی حسینون مدالی علی اکبریم
یاعلی علی جان ،علی جان،علی جان علی


گویلومه دوشنده پیمبر باخاردیم سنه
سنده نازنینیم گوزون آچ نظرقیل منه
آزقالوبدی زینب اسیراولسون اهریمنه
زینبون یارالی مارالی علی اکبریم



آتش فراقه منی آز آلشدور علی
قلب نازنینون کوسوبدور باریشدور علی
دور ایاقه عمون گلیبدور دانشدور علی
اهل بیتیم اولدی عزالی علی اکبریم



آند اولا بابامون باشیندان آخان قانینه
بینواربابون اودلسیز لب عطشانینه
خیمه گاه عشقون وفالی نگهبانینه
زینبون پوزولدی جلالی علی اکبریم



چاتدی کامه آخر بو چولده علی دشمنی
ظلم الیله سولدی سارالدی وفا گلشنی
گوزلیور سوجامی الینده رقیم سنی
دور ایاقه یاتما یارالی علی اکبریم


#سبک_از_نگاه_یاران_به_یاران_ندا_می_رسد

#ای_منای_عشقون_غزالی_علی_اکبریم
#ساعد_زنجانی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«زبانحال امام(ع)بربالین شهزاده علی اکبر»

محمد علی مصیبی تبریزی

آچ گوزون گوزوم نوری- بیله نازیله یاتما
من فدا سنه گوزدن - دور حسینیوی آتما

(( دور گئداخ- دور گئداخ- خیمیه جوان اکبر
گوزلری - یولدادی - ناگران آنان اکبر))


دشمنین جفاسیندن پیکریندی صدپاره
سینه قانه غلطاندی باش یارا بدن یاره
گردش فلک سالدی لیلی باشینه قاره
دور ایاقه لیلانی بوندان آرتیق آغلاتما


سو کیمین آخوب دشته پیکرون قزل قانی
لاله زار ائدوب گویا قتلگاه جانانی
آچ گوزون بئله یاتما سن بیل اصغرین جانی
پشت ابر فرقت ده مه لقا بالام باتما


چوخ چتین بو هجرانه صبر ائده آنان لیلا
گور نئدراگر گورسه چاک چاک اولوب اعضا
نعشیوه اوغول باخجاق من دوزنمورم حتّی
خون قلبیمی دور بیر اشک دیده مه قاتما


قویما غرق اولوم بحر غمده آچ گوزون نوحیم
تاب و طاقت و صبریم جاه و عزت و روحیم
آچ گوزون ایاقه دور ای غزال مجروحیم
بیر آلا گوزه قربان قاشلاری اونون چاتما


شاهراه عزتده فتح باب عشق ائتدون
چشمه چشمه قانیلن انقلاب عشق ائتدون
باشیوین آخان قانین سن خضاب عشق ائتدون
دوشمه میش محاقه من باری سن اوغول باتما


خیمه دن سسون آلجاق گلمیشم من ای دلبر
خیمیه دولاندیر گوز گور نئجه قوپوب محشر
غصه دن صولان قیزلار بیربه بیر یولون گوزلر
حالیمی اوغول درک ائت اقربانی آغلاتما


دوغرانان وجودینده اکبریم یارا چوخدی
آسمان جسمونده یاره نین سایی یوخدی
سینه قانه غلطاندی پیکرین دولی اوخدی
وار یری ؛ گلستانه بیله سینه اوخشاتما


اشبهِ رسول الله بیله جانیدن دویما
لیلیه ئوزون رحم ائت رخت وصلیوی سویما
هرزه دشمنین ایچره دور آتاوی تک قویما
سینمی اوغول داغ التهابه داغلاتما


سینه سین «مُصَیـّب» گر سوز و آهیلن داغلار
عشقیوین هواسینده اشکینی یوزه باغلار
سینه وین یارالارین یاد ینه سالوب آغلار
گوز تیکوب سنه ، گوزدن بو گدانی گل آتما



#سبک_ساقیا_بده_جامی

#آچ_گوزون_گوزوم_نوری_بیله_نازیله_یاتما
#مصیبی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در وداع حضرت علی اکبر علیه السلام


سید تقی سیفی اردبیلی

اخترِ تابانیم اکبر
عزّتِ دورانیم اکبر
عزم میدان ائتمه اوغلوم
گتمه اوغلوم، گتمه اوغلوم
لیلینی هجران اید‌ر درده مبتلا
آهو باخیش گوزلروه گوزلریم فدا
بی‌امانم باغریقانم
گتمگوند‌ن ناگرانم

( مخالف )

دویمادیم من خوش سوزوند‌ن
آتما منی تز گوزوند‌ن
هر نه دن سن منه باصفاسن
قلبیمون دردینه آشناسن






حسنووه مفتونم اوغلوم
عشقیوه مجنونم اوغلوم
وار یوزونده قاره خالون
آیدان آیدین ‌دور جمالون
لاله کیمی گول یوزوون داغداریم
بیر ئوپوشه لبلروون بیقراریم

( مخالف )

قاشلارون محکم کماندور
کیپریگون اوخدان یاماندور
اوخلاما قلبیمی قاش گوز آتما
دمبدم آیریلیقدان سوز آتما






دردوه دوزدوم دایاندیم
آتشِ عشقونده یاندیم
چوخ تَلَسمَه کار و زاره
گِتسون اولّام بختی قاره
عمریمی محنت ویر‌ر باده سنسیز
خوش گونوم اولماز بو دنیاده سنسیز

( مخالف )

مَرکبِ عشقون دایاندیر
عزمِ هجرانون یوباندیر
قویما قلبیم فراقونده یانسون
گل اوتور لیلی باشه دولانسون






بی‌کس و بی‌دادخواهم
چاره‌سیزم بی‌پناهم
حالیمه بیگانه یانماز
لیلی سن سیز زنده قالماز
گِتسون علی آتشِ هجرونده یانّام
باش گوتوروب چوللره ویلان دولانّام

( مخالف )

سروِ زیبا قامت اوغلوم
وار دیلیمده حسرت اوغلوم
گتمه ای دردیمین آشناسی
گیمیوبسن هله توی لباسی






مشعلِ حسنون آلیشدیر
لیلینی دیندیر دانیشدیر
گور نه شیرین صحبتیم وار
دیلده داغِ حسرتیم وار
برهم ایدوب عمرومون ظلم اساسین
اللروه یاخمادیم طوی حناسین

( مخالف )

کاخِ آمالیم تالاندی
سیر اقبالیم دولاندی
خونِ دیللر یدیم گول بجردیم
جان قویوب عشقووه غصّه دردیم






گور نه یانیب گوینَر‌َم من
سنسیز علی نیلرم من
آتماز اوغوللار آناسین
گوزلرون آللام قاداسین
گل آنوون غصّه‌لی گوگلون آل گیت
باشینه لیلانون علی قاره سال گیت

( مخالف )

دوزمه قلبیم چوخ دویونسون
ناز ایله لیلا سویونسون
روحیمی هجرون ایلر مکدّر
عمّووه لیلینی تاپشور اکبر
بی‌امانم باغریقانم
گتمگوند‌ن ناگرانم


#سبک_مرغ_سحر

#اکبریه_وداع
#اختر_تابانیم_اکبر
#سیفی_اردبیلی
#سلیم_موذن
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حالات حضرت علی اکبر ( ع )با مقدمه میلادیه حضرت ولیعصر (عج)


مرحوم حسینی سعدی زمان

بخش 1️⃣

تیر آهیم سرّی وار بوچرخ مینادن گیچر
داد و فریاد ایلرم نالم ثرّیادن گیچر

هیئت عالم دگرگوندور کواکب منقلب
نکته چوخ باریکدور حلّ معمّادن گیچر

صبح صادقده بو گون طالع اولوب خورشید دین
لعمۀ نور جمال الله زوایادن گیچر

قطب عالم حجة ابن العسکری ناموس دهر
گوئیا بی پرده شرق سُرَّ من رآدن کیچر

جرم خورشید جهانتابه یتوب مرئی کسوف
بو کسوفیله ایشق گون لیل یلدادن گیچر

نیّر اعظمدی گون بالذّات واردور اوندا نور
مسئله واضحدی سوز یوخ لفظ معنادن گیچر

گون شعاعی اولماسا آی هاردان ایلر اقتباس
پردۀ ظلمت مگر بو سطح غبردان گیچر

غیبت کبری ایدوب شمس امامت اختیار
سرّی وار گلمور ظهوره ستر اخفادن گیچر

مکّه دن بر گون طلوع ایلر الینده ذوالفقار
حد ورار جرم کبیره لیک صغرادن گیچر

درک ایدنمور نقطۀ مقصودی پرگار وجود
گرچه بی پرده اوزی هر چشم بینادن گیچر

آختارور چون دایره بیر قطب اعظم اهل دل
عالم حیرتده گورمور نقطۀ بادن گیچر

اون ایکی برجین نظامنده وار ایله اختلال
فرق یوخ حوت و حملده ثور جوزادن گیچر

زهره نی تیر زحل اوز خط سیریندن سالوب
مشتری میزان غمدور کیم مرایادن گیچر

درده گلدی خاطریم یازمور قلم مقصودیمی
سرّیم اولسا فاش ایاقیم طاق کسرادن گیچر

فکریمی بُلمور اهالی یازدیقیم وئرمور ثمر
شعلۀ آهیم اگرچه سنگ خارادن گیچر

من اوزم اوز یازدیقیم اشعاره دلدن عاشقم
نیلیوم عاشق مگر زلف سمن سادن گچر

عشق لیلادن قویوب مجنون باشا تاج جنونر
شمعدن پروانه گیچسه وامق عذرادن گیچر

پای داره گیتماقی منصوری ایلوب پایدار
باش ویرر صنعان دیمه جعد مطرّادن گیچر

عشقده بر امتیاز نقطه حُبیّ جُبّ ایدر
اوز حیاتین ترک ایدر یوسف زلیخادن گیچر

اختیاریله بدن کسمز علاقه روحدن
کیم دیر شوریده سر زلف چلیپادن گیچر

آیری بیرعالمدی بو عالم عوالم صاحبی
ماسوانی ترک ایدر دنیا و عقبادن گیچر

ایستسن بو مطلبین توضیحنه لمّی دلیل
گور نجه پیغمبر اوغلی شبه طاهادن گیچر

#گریز

قدسیان مبهوت اولوب شاه ...


ادامه دارد ⬇️⬇️



#اکبریه_شجاعت
#اکبریه_شهادت
#تیر_آهیم_سری_وار_بو_چرخ_مینادن_گیچر
#سعدی_زمان
#کنزالحسینی2 ص 2 (کلیات ص 247)
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

وداع حضرت علی اکبر علیه السلام

مرحوم یحیوی

خیمه نی سیلمیشم
زینتین ویرمیشم
فرش دور معجریم گل
اکبریم اکبریم گل

سن گلن یوللارا
ایلرم من فدا
آغلیان گوزلریم گل
اکبریم اکبریم گل


قوی قدم خیمه گاهه
ای پیمبر نشانی
بش دقیقه دانیشدور
لیلیِ بینوانی


شیشیه بنذیور
باخماسون تیز سینار
بیر نگاهیله قلبیم
امن ده ساخلا اوغلوم

ای صنوبر قدیم
سایه سال باشیمه
مادر بی پناهون
لطفیله یوخلا اوغلوم

گَل ویروم زینتون
یولیوم عرصیه
تیر مژگانویله
دشمنی اوخلا اوغلوم

زلفوه دوشسه کج
شانه بخش ائت منی
تیتریور اللریم گل
اکبریم اکبریم گل



وصل معبوده سن
باغلیوبسان کمر
من نجه مانع اولام
عشق سوداسی دور بو

عامل حکم سن
امره مامورسن
روز قالوا بلاده
عهدون امضاسی دور بو

حق رضادور اونا
من رضایم بالا
جانی ویرمک گرکدور
دین دعواسی دور بو

حضرت فاطمه
محضرینه آپار
تحفه نسگللریم گل
اکبریم اکبریم گل


آسلانوبدور ئورک
قاشلارون طاقینه
من غریبی سالوبدور
قاره زلفون کمنده

ایندی صیادلر
گوزلیوللر سنی
دام ظلمه دوشرسن
رزمگاهی گزنده

نیلرم من علی
یاره لی نعشیوی
گورسم القان ایچینده
خیمه گاهه گلنده

روزگاریم دونر
اوندا برپا اولور
خیمه ده محشریم گل
اکبریم اکبریم گل

ای شکفته گولوم
کاکلی سنبلم
توش اولور بو طراوت
حیف باد خزانه

غمزده بولبولوم
چوخ پریشان دلیم
ویر تسلای هجران
مادر مهربانه

گورموسن متصل
بیزدن اوتری بو گون
آیریلیق تیری قویموش
دست دوران گمانه

جاری ائتسین سنی
قانینیله منیم
گوزدن اشک تریم گل
اکبریم اکبریم گل





جان لیلا فدا
سرو تک قامته
آیریلورسان آناندان
خیلی تعجیل ایدورسن

مکتب عشقیده
سینه وی شرح ایدوب
هاجر اسماعیلینون
درسینی اورگدورسن

اوندا سال یادیوه
خیمه ده وار منیم
منتظر هاجریم گل
اکبریم اکبریم گل





منزلیم مسکنیم
بیر همین خیمه دیر
تیره ائتمیش گوزومده
چکدیگیم دود آهیم

فرصتین وار اگر
گلگینه مختصر
تاکی اولسون چراغان
صفحۀ خیمه‌گاهیم

سن بیلیرسن اوغول
غرق بحر غمم
ایلییب روزگاریم
قاره بخت سیاهیم

برج اقبالیمی
نوره باران ائله
ای مه انو‌ریم گل
اکبریم اکبریم گل



#سبک_خیمه_نی_سیلمیشم

#یحیوی_اردبیلی
#خیمه_نی_سیلمیشم
#اسرار_عاشورا_یحیوی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال امام حسین (ع) در بالین حضرت علی اکبر (ع)


حاج داود بیدق داری

گوزل اوغلوم اکبر ، تراب اوسته یاتما
باخور اهل کوفه ، منی آغلاتما
اوی اولان افلاکِ، وفا و عزّتده
سحرگاه عشقه ، ستاره باتما





نئجه طوفان گلسه ، گلی پرپر ایلر
سنی گل تک پرپر، ائدوبدی لشگر
داغیلوبسان یکسر، قیزیل قاندور پیکر
الیمده یوخ چاره، بو درده اکبر
کوره گوندن خنجر، ووروبدی بیر کافر
دئیرسن قانیله بویانمیش گوهر
باشینا دنیانون، کول اولسون سنسیز ای
منای عشقینده ، بلالی اوغلوم
شاهدیمدور الله، چخور جانیم گویا
کنارونده الان، یارالی اوغلوم





حقّی وار یعقوبین، اگر کور اولدی چون
چتیندی صبر ائتمک، چتیندی هجران
یوسفین عطرین تا، آلوردی کوینکدن
کنار کنعاندا، ائدوردی افغان
بو امیدی شاید، واریدی قلبینده
گلر بیر گون یولدان، عزیزِ کنعان
منیم اما یوخدور، امیدیم تا بوردان
ایاق اوسته اوغلوم، گئدم تل اوسته
چاغیرام عبّاسی، گلوب گورسون ایندی
قالوبدور نه حاله، شَهِ دلخسته





سنی گوردوم یئرده، کنارونده قاتل
الینده بیر خنجر، ووروبدی زانو
ائله بیلدیم ئولدوم، دیریلدیم بو چولده
گئدوب طاقت الدن، چاغیردیم یاهو
قوجا وقتیمده من، اوغولسوز قالدیم ای
بلالی صحراده، یارالی آهو
سنی گوردوم یئرده، پراکنده گل تک
گوزومده تار اولدی، بو دنیا یکسر
اله گلمور اعضا، بودور چاره اکبر
عباده حمل اولسون، بو قانلی پیکر





سنی ایلور گویدن، نظاره عرش اهلی
قالوبلار حیرتده، بئله سودادن
که لب عطشان عاشق، رضای دلداره
یومور گوز بی پروا، گئچور دنیادن
یوخدی جای حیرت، که گون باتمور اوغلوم
آلور چون که نورین، بو مه سیمادن
بوتون افلاک ایندی، تماشاده اکبر
یئتور باشه چون که، گوزل پیمانون
منه ده بو عمرین، صفاسی یوخ سن سیز
کول اولسون باشینه، یالان دنیانون



#سبک_یخلوب_عباسیم
مشابه ⬇️⬇️


#اکبریه_شهادت
#گوزل_اوغلوم_اکبر_تراب_اوسته_یاتما
#بیدق_داری
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حالات حضرت علی اکبر ( ع )
با مقدمه میلادیه حضرت ولیعصر (عج)

مرحوم حسینی سعدی زمان

بخش 2️⃣


#گریز

قدسیان مبهوت اولوب شاه شهیدین صبرینه
عرض ایدوبلر ای خدا کیم بیله برنادن گیچر

قلب عالم اوز امامت قوّه سیله ال چکوب
بُلمورم لیلا نجه اول ماه سیمادن گیچر

نوجوان اوغلین یولا سالدی ئولوم میداننه
سوز قلبی باخمادی افلاک خضرادن گیچر

روحی گیتدی قالب بیروح تک قالدی اوزی
ناله سی حال وَلَهده عرش اعلادن گیچر

شامیان گوردی قتاله بیر ملک صورت گلور
شهرت نور جمالی شمس دنیادن گیچر

توکدیلر آلات حربی چکدیلر بیردن فغان
حُسنه باخ دشمن باخاندا فکر ایذادن گیچر

سسلنوبلر رجعت ایلوب رحمةً للعالمین
یاعلی المرتضی بو دشت هیجادن گیچر

گور حسین بن علی امری هارا منجرّ اولوب
بیله گل یوزلی جوان عالم آرادن گیچر

بیر نگاهیله دل دنیانی ایلر تار مار
باش وجاندان هر باخان گوزلر بیرایمادن گیچر

بو جوانه یاره وورسا هر کیم اولسون شل الی
کیم بیله آهو باخیشلی چشم شهلادن گیچر

سسلدی سعد اوغلی پیغمبر دگل اکبردی بو
سانمیون پیغمبر اکرم بو صحرادن گیجر

بو حسینون روحیدور جان جهان فرزندیدور
تالی موسادی گویا طور سینادن گیچر

ای جماعت جهد ایدون بو نوجوانی ئولدرون
چون ریاست آختاران ابطال، پروادن گیچر

شاهده مفتی حسینون قتلینه فتوا ویروب
کیم باخوب نورس جوانین گورسه فتوادن گیچر

بو جوان ئولسه حسین قالماز داخی بوندان صورا
گیچسه هر کیم روحدن بالمرّه اعضادن گیچر

جرأته گلدی قشون آماده اولدی قتلینه
دهره باخ اعلانون امر قتلی ادنادن گیچر

بیر رشادت بیر شجاعت گوستروب شبه نبی
چرخ چارمده سسی گوش مسیحادن گیچر

تیغ تیزی گزدوروردی الده صهبای اجل
عمردن نوش ایلین بو قانلو صهبادن گیچر

قابض الارواح ساقی تیغ ساغر قان شراب
هوشه گلمز شاربی تا قعر سفلادن گیچر

قویدی میدانه قدم هر کیم دوتوب راه عدم
گوئیا سوزنده اخگر نقش دیبادن گیچر

اولمیوب بیر کیمسه ده قدرت مبارز دورماقا
گوردی اکبر ال گوتورماق رسم دعوادن گیچر

قبضۀ شمشیر الینده ائتدی حمله لشگره
تیغی گویا برقدور افواج اعدادن گیچر

یاتدی بیرقلر سنوب صفلر اولوب برهم نظام
شیر شرزه گوئیا اول قانلو بیدادن گیچر

میمنه سندی داغلدی میسره قلب و جناح
پهلوانلار تک به تک راه منایادن گیچر

تیغ قهر آمیزی یمناده ووراندا دشمنه
برق لامع تک شعاعی فوج یسرادن گیچر

اَلحَذر این المفر اوج ائتدی اهل شامدن
گوئیا روباه پیش شیر غرّادن گیچر

یوز قویوب شهزاده هر سمته یاراردی صفلری
بیر قیامت اولدی شوری حشر عظمادن گیچر

باشلادی شام اهلی ضجّه ویردی فرمان ابن سعد
ای جماعت فرصت هیجا شکیبادن گیچر

دورت طرفدن بو جوانی تیر باران ایلیون
نوک پیکان جسمنی دولدورسا یارادن گیچر

اوخ اوخ اوستن توکدولر دورت بیر طرفدن اهل کین
رزمدن یوخسا بو زخم تاب فرسادن گیچر

اوخ وورانلار ظاهراً اوخ ووردی جسم اکبره
باطناً هر نوک پیکان قلب لیلادن گیچر

منقذ ابن مرّه آخر مکریله ائتدی کمین
حق مگر اول بیحیای کینه جویادن گیچر

بیر قلج ووردیباشیندان قان دوتوب گول صورتین
رنگ رخساری گوروبلر رنگ رعنادن گیچر

دولدی شهلا گوزلری قانیله قولّار سست اولوب
بوشلیوبدور مرکبین باخموب که هر جادن گیچر

بیمروّتلر تاپوب فرصت آلوبلار انتقام
عرشدن نالم بو شرح محنت افزادن گیچر

جور یعقوبی قلم یازمور دلیم لال اول دیمه
خنجر عریان نجه دوغرانموش اعضادن گیچر

ساخلا ال یازما #حسینی بوندان آرتوخ گر دئسن
فاش اولار مطلب او گزلین سوز هویدادن گیچر



#مهدیه_میلادیه
#اکبریه_شجاعت
#اکبریه_شهادت
#سعدی_زمان
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

وداع حضرت علی اکبر علیه السلام


مرحوم حاج عبدالرحیم شباهنگ (هندی تبریزی)

دوتوبدی هر طرفی جلوۀ جمالون علی
بیر آیری حاله سالوبدور منی بو حالون علی


تواضعیله سالوبسان بو گونده یاده منی
قبول منت ایدوب ایلرم قبول سنی
مرخص ایله اوپوم ایگلیوم بو گل بدنی
دماغ جانه یئته نشئه وصالون علی


گورنده زلفوی دوشدوم بیر اوزگه سودایه
اگر بیریدی سنه میلیم اولدی مین پایه
دولاندروب گوزیوی بیر باخ ام لیلایه
آنان دویونجا گوره بلکه خط و خالون علی


بو قامتون دگو، مدّ نگاه لیلادور
بو قلبوون اودی تاثیر آه لیلادور
سرشگ دیده یوزینده گواه لیلادور
که وار بو گونده سنون گون کیمی زوالون علی


هامی بولوردی عزیزیم عزیز مادریدون
قرا گونیمده منه آفتاب انوریدون
اوزون بو عارضیله صورت پیمبریدون
دالونجا زلف سیاهین اولوب بلالون علی


شکسته قلبیده چون قالدی حسرتیم طویوا
گوگل غبارینی گوزدن مگر آخان سویوا
بویون بلاسین آلیم بیر یری باخوم بویوا
گوزومده نقشی قالا صورت منالون علی


نجه که خوشدل اولار عندلیب گلشنیله
منیم ده خوش گونوم اولماز علی مگر سنیله
دلون فداسی اولوم نطقه گله دانیش منیله
نچون که قوّت دلدور منه مقالون علی


یوزوندن آیری دوشم بیرده بو یوزوم گولمز
تعجبم سن ئولنده آنان ندن ئولمز
آنا تک هیچ کیم آنالیق محبّتین بولمز
آنایه مشکل اولار ئولماقی عیالون علی


منیم بو حالیم اوزی آندیرور که دوزدی سوزوم
جوان اوغول ئوله اولماز اوغول آنا ده دوزوم
ایکی گوزوم ایشیقی واردی بیرجه سنده گوزوم
ولی نه فایده یوخ قالماقا مجالون علی


بو غربت اؤلکه ده چون سندن اوزگه یاریم یوخ
یقیناً آیریلیقا طاقت و قراریم یوخ
بو قدر بول سنون حقّونده اختیاریم یوخ
عنان صبریمی الدن آلوب کمالون علی


بو آق کفن بو قرا زلف بو قدِ موزون
بو آهوانه نگاهون بو حُسن روز افزون
هوانون ایستیسی رخسارون ایلیوب گُلگون
نه خوش دوشوب او کفنله بو رنگ آلون علی


اوغول آنان غم الینده نه بیر فراغتی وار
نه غصه چکماقا مِن بعد صبر و طاقتی وار
سن اوز غمون دیمه معلومدور نه حاجتی وار
عیاندور اوز ایاقیمدان سنونده حالون علی


#اکبریه_وداع
#دوتوبدی_هر_طرفی_جلوه_جمالون_علی
#هندی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

وداع حضرت علی اکبر (ع)

مرحوم ناصر اردبیلی

صبر ایله اکبریم
ای ملک منظریم
گئتمه ای نوجوانیم
اود دوتوب یاندی جانیم

قوی من ناتوان
گوزده اشک روان
باشیوه بیر دولانیم
اود دوتوب یاندی جانیم

ای منه شمع محفل
فرقتون اولدی مشکل
آز قالوب قانه باتسون
ظلم الیله بو کاکل


ئولمرم من ندن
سن گیوبسن کفن
عزم میدان ائدورسن
ئولمگه سن گئدورسن

دوزمیور هئچ آنا
بو ملاله بالا
قلبیمی قان ائدورسن
ئولمگه سن گئدورسن

مادر زاریوی
زار و غمخواریوی
خانه ویران ائدورسن
ئولمگه سن گئدورسن

من نجه صبر ائدوم
بو ملاله دوزوم
سخت اولوب امتحانیم
اود دوتوب یاندی جانیم





واردی حقی بالا
ائتسه آه و نوا
بزم غم قورسا لیلا
ساچلارین یولسا لیلا

چوخ چتیندور بو غم
وار یری دمبدم
باشینه وورسا لیلا
ساچلارین یولسا لیلا

اولدی باد خزان
باغ وصله وزان
حقی وار سولسا لیلا
ساچلارین یولسا لیلا

گورمیور گوزلریم
تیتریور دیزلریم
گئتدی تاب و توانیم
اود دوتوب یاندی جانیم





صبر ایله بیر دایان
قوی من ناتوان
ایلیوم شانه زلفون
وای باتار قانه زلفون

قلبیمه غم دولوب
عمردور چون اولوب
گوگلومه خانه زلفون
وای باتار قانه زلفون

گوگلومه قان دولور
چونکه آماج اولور
تیغ برانه زلفون
وای باتار قانه زلفون

ئولدورور غم منی
بیرده سالم سنی
گورمگه یوخ گمانیم
اود دوتوب یاندی جانیم





اولدی نسگل منه
ائتمدیم طوی سنه
گورمدون طوی حناسی
گیمدون طوی لباسی

اولدی ای گل بدن
طوی لباسون کفن
گئتدی عمریم صفاسی
گیمدون طوی لباسی

آز قالوبدور بالا
طوی اطاقون اولا
کربلانون مناسی
گیمدون طوی لباسی

ای گل غنچه لب
اولدی ویران عجب
ظلمیله خانمانیم
او ددوتوب یاندی جانیم





چکدوم اون سگیز ایل
زحمتون هر قبیل
حاصلیم اولدی غملر
ای جگر بند مادر

ایلدی شعله ور
قلبیمی سربسر
درد هجرانون اکبر
ای جگربند مادر

نیلرم من بالا
منقذ بی حیا
باشوه ویرسا خنجر
ای جگر بند مادر

وار یری یکسره
اوج ائده گویلره
داد و آه و فغانیم
اود دوتوب یاندی جانیم





حیف او زیبا یوزه
حیف او شهلا گوزه
حیف او خط و او خاله
آز قالوب قانه باتسون

اولمازیدوم رضا
زلفیوه توز قونا
حیف او مشکین کلاله
آز قالوب قانه باتسون

دلربا قامتون
مه لقا صورتون
ظلمیله مثل لاله
آز قالوب قانه باتسون

ایلیور دمبدم
حال قلبیم رقم
دیدۀ خونفشانیم
اود دوتوب یاندی

#صبر_ایله_اکبریم
#ناصر_اردبیلی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

عروسی حضرت لیلا(س)
#گریز به #شب_عاشورا و به #فرات رفتن حضرت علی اکبر(ع)



علی مظفّری (مظفّر)

بخش 1️⃣

قلم عاشقدی گینه بیرگوزل عنوانی یازا
شهر بطحاده گزوب سویمه لی داستانی یازا


ثبت ائدوب بو خبری دفتره تاریخ نگار
یازوری حیطه ی یثربده نچه طایفه وار
بیری بو طایفه لردن ثَقَفی عالی تبار
آدی بومَرِّه یدی طایفه نین باش بیلَنی
ئوزی مشهوریدی دوستدار رسول مدنی


گوئیا راوی ائدوب مطلبی بو نوعی بیان
گئچدی گونلر ئوتوب آیلاردولانوب دورزمان
خواستگار اولدی خانم لیلیه سلطان جهان
ائلچی گوندردی اوگون لیلیه زهرا گوزلی
گلشن عشقه صفا وئرسون اؤ والای جَلی


باطنی عشقینی دلده بجروب شاه ولا
تا بَلی قُولینی آلدی خلف شیر خدا
یتیشوب گیزلین اولان مطلبینه میر هدا
ایلدی حمد و ثنا دلده خدای اَزَله
شکر یارب دئدی آرزیم گلی گلدی اَمَله


گون او گون اولدی که طوی باشلیا دلبند رسول
سحرین فکرین ائدوبدور گُل گلزار بتول
جمع ائدوب باشینه اقوامینی با رسم اصول
نیّت پاکینی اقوامینه اوّل سُولَدی
طوی گونی آت چاپان اشخاصه سفارش ائلدی


چون بیلورسوز دئدی بو رسمی سیز ای اهل وفا
طوی گونی آت چاپیلار رسمیدی بو ائللر آرا
مرکبین اوسته نمایش وئروب ایللّه صفا
ولی سیز سعی ائلیون فرصتی اونلاره وئرون
منه خاطر هاموز آتلاروزی آهسته سورون


باش اگوب حجّت والایه جوانان غیور
احترام ائتدیله مولایه جوانان غیور
قویدیلار امرینی اجرایه جوانان غیور
طوی بناسی قورولوب لیلیه شاه زمنه
خیرِ مقدم دئدیلر مجلس شاهه گلنه


الغرض تازه گلین محملینه اولدی سوار
نوعروسیله اولوب همره هامی خویش تبار
آلدی ائل طایفه اطرافین اونون دایره وار
آت چاپانلار ائله بیر صحنه یاراتدی اؤ زمان
وجدِ شادیدن هامی باش باشا چاتدی اؤ زمان


هره بیر نوعی چاپوب مرکبینی سرعتیله
بعضی مَهمیز ویروردی آتینا شدّتیله
دور و بَردن نظر ایلوردی هامی دقّتیله
گوردیلر صحنه ده بیر تازه جوان قدّی رسا
هی ورور مرکبینه مرکب آخور برق آسا


بُورقه نی ردّ ائلیوب لیلی جوانلاره باخا
گوردی بیر صحنه نی حیرتده قالوب کنز حیا
آت اوجا راکب اوجا صورتی چون ماه لِقا
آدلارین آلدی خبر بیربه بیر اُول تازه گلین
سورا عباسه طرف بُرج ادب دوتدی الین


دئدی کیمدور اؤ جوان قامت رعناسی گوزل
گُلِ اندامی گوزل هیکل و سیماسی گوزل
لحن گفتاری گوزل صورت زیباسی گوزل
بو نچه ایلده او قامتده جوان گورمه میشم
قول اوزون قدّی رسا شیرژیان گورمه میشم


دئدیلر لیلیه قینوندی اؤ نورسته جوان
افتخار ایله اونا دهریده ای پاک روان
هرنه دردون وار اورکده ائله شوقیله بیان
دئدی عهد ایلیورم دائماً ایمنده قالام
بلکه بوی گوردیمه دل آشماما تاخلعت آلام


الغرض گئچدی زمان کوچ ائلدی میرهدا
یثربین ترکین ائدوب مظهرِ میر ضعفا
دولانوب شهریلری چوللری شاه دوسرا
نینوا آدلی یره گلدی گوروب رنج و محن
نچه گون مسکن ائدوبدور او یری شاه زمن


گئچدی مَخْلَص نچه گون تا یتیشوب نُهّم ماه
منع قیلمیشدی فراتین سویون اول قوم تباه
عازم نهر فرات اولدی علی باشدا کلاه
گئتدی علقمده یوباندی نوه ی شیرخدا
لیلی هی قلبین اووشدوردی دوشوب آیری حالا


گه چیخوب خیمه ...


ادامه دارد ⬇️⬇️


#عروسی
#شب_عاشورا #تاسوعا
#اکبریه_شهادت #فرات
#قلم_عاشقدی_گینه_بیر_گوزل_عنوانی_یازا
#مظفری
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

عروسی حضرت لیلا(س)
#گریز به #شب_عاشورا و به #فرات رفتن حضرت علی اکبر(ع)

علی مظفّری (مظفّر)

بخش 2️⃣

گه چیخوب خیمه قباقینه یوزه اشگی آخوب
الی قوینوندا دوروب نهر فرات اوسته باخوب
سوزِ آهی خانمون دللره غم تیری چاخوب
گوردی بو منظره نی حضرت عباس اؤ زمان
قلب مجروحینی غم منظره سی ایلدی قان


قالدی حیرتده دئدی یاللعجب وار نه خبر
کیمدی آیا اؤ خانم ایلوری احساس خطر
گه چیخوب خیمه قباقینه دوباره قییدر
دییه سن مطلبی وار دلده ولی گلمور ئوزی
دییه بیلمور قییدر خیمیه قلبینده سؤزی


ائتدی بو منظره عباسی غم و درده دچار
غیرتیندن ئوزه گوزیاشین ائدوب غمله نثار
اوت کیمی قلب شریفی آلیشوب چکدی شرار
دئدی یارب گوره سن دلده اونون وار نه غمی
دئمگه دردینی گلمور منه ساری قدمی


الده شمشیری گزوردی خلف شیر خدا
آیری بیر منظره بو دفعه گوروب کان وفا
گوردی بیر قیز گلور اما ائلیور آه و نوا
مقصده یتمگه اول خیرداجا قیز چوخ تلسور
هرقدم آتدوقیجا بیر قوری یاپراق تک اسور


گلدی گلدی اؤ خانم حاصل ابوالفضله چاتوب
مقدم پاکینه اوّلده اونون معجر آتوب
دلده غم گوزیاشینی گوزده قیزیل قانه قاتوب
آلدی آغوشه سؤال ائتدی ازل درد و غمین
قیلدی آهیله بیان دلده کی درد و المین


دئدی ای آل عبانین قره گونده کمگی
ایاقون آلتینا آتدیم عموجان بو لچگی
آنامون معجریدی قان اولوب الآن ئورگی
گئدوب اکبر سو آلا نهریده امّا یوبانوب
فرقتیندن آنامون گوزیاشی قانه دولانوب


دورما تعجیل ائله ای کان کرامت عموجان
اکبرین فرقتی ایلوب آنامون قلبینی قان
گئت کمک قیل اونا سن ای خلف شاه جهان
اؤ اوزون قولّارا قربان اولا بو جانیم عمو
قویما عرشه اوجالا ناله و افغانیم عمو


ائشیدنده بو سؤزی شیر خدانون ثمری
گُلِ رخسارینه خجلتدن او دم آخدی تَری
ابر نیسان کیمی دولدی آقانون دیده لری
گلدی اخیامه اؤ دم سسلدی اوچ قارداشینی
توکدی دورت قارداش ئوزه سیل کیمی گوزیاشینی


یوز دوتوب پور علی ائتدی بو نوعیله بیان
اولون آماده اولاخ صحنه ی میدانه روان
اکبره خاطر آناسی ائلیور آه و فغان
گئده گون بلکه علی اکبره امداد ائلیک
بحر غمدن آناسی لیلینی آزاد ائلیک


وای بیزه یاتموشوخ امّا گئدوب اکبر سو آلا
عاریدور نوکره سو آلماقا گر گئتسه آقا
یوبانوب نهر فرات اوسته گل آل عبا
یاره گر دگسه اونا قانی توکولسه یوزونه
ئولدورر غیرت اباالفضلی یقین ئوز ئوزونه


دوردی دورت قارداش اؤدم اولدیلا میدانه روان
تلّین اوسته یتیشوب گوردیلر اول تازه جوان
مشگی چیگنینده گلور خیمه لره دلده فغان
خالقِ اکبرینه اکبر ائدور حمد و ثنا
شکر یارب دیور ائتدون منه سن لطف و عطا


ناگهان تلّیده بیر ساییه دوشدی نظری
گلدیگی یرده دایاندی شهِ دینون گهری
سالدی اطرافینه دقّتله نظر مختصری
سالمامیشدی هله نورین مه رخشنده یره
ممکن اولمادی علی ساییه تشخیص وئره


دئدی کیمسن یولومون اوستن اُول السّاعه کنار
یورقونام یاره لیم ائتمه منی درده دچار
گوزلیور خرداجا قیزلار یولومی زار و نزار
گلمه، گلسون عمومی سسلرم امداده گله
آلسا ادرکنی سسین ایلیر حتماً عجله


ائشیدوب بو سؤزی تز سسلدی جان جان علی جان
یورولان جانوه اولسون عمو قربان علی جان
سن عمو سسله گینه روحیمه وئر جان عموجان
گلدیم امدادوه قورخما عمو قربان گوزوه
مایلم لحنیوه گفتارووه شیرین سؤزووه


دئدی وئرّم عمو عباس قسم اللهه سنی
نهره گئتدوم سو آلام ایندی گذشت ایله منی
حق ئوزی ایلیه شرمنده بو قوم فتنی
غیرتیمدن اوتورا بیلمدیم اخیامیده من
اصغر تشنه لبه عفو ائله بو اکبری سن



#عروسی
#شب_عاشورا #تاسوعا
#اکبریه_شهادت #فرات
#مظفری #ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت حضرت علی اکبر علیه السلام


محمدرضا صادقی

سس دوشدی ای لشکر کیمدی بو سرور گلور
حیدر ثانیدی یا رزمه پیمبر گلور


باشدا یاشیل تاجی وار گورنه گوزلدور ئوزی
بنزیری پیغمبره هر ایکی شهلا گوزی
نعره چکنده سالور لشکره لرزه سوزی
دیلده دیور یا علی مالک اشتر گلور

سس دوشدی ...



سویلدی من گلموشم جنگوزه آزادیم
جدیم علیدور بولون من ولی شهزادیم
کیم ساتوری باشینی آلماقا آمادیم
سوزلری اوخ تک دگوب بکره مکرر گلور

سس دوشدی ...



یولادی اول دشتیده جنگینه اوغلانلارین
معرکده هر بئشی تا ائتیروب یولارین
اکبر او دم دوغرادی تیغیله باش قولارین
خشمه گلوب بکر اوزی جنگه او کافر گلور

سس دوشدی ...



مرکز میدانیده غیرتی آچدی لبی
دوتدی یوزین لشکره آندیرا تا مطلبی
خیمه ده شاه حجاز وئردی خبر زینبی
سویله دعا ایلسه مادری بهتر گلور

سس دوشدی ...




اولدی مقابل او دم بکریله شیر زیان
قولتوغون آلتدان ووروب تیغینی اول نوجوان
سسلدیلر مرحبا اکبره کروبیان
محشر اولوب آشکار کیفره کافر گلور

سس دوشدی ...




سسلدی سعد اوغلی تا شبه پیمبردی بو
ایلمیون فکر خام فاتح خیبردی بو
بلکه حسین اوغلودی نسلیده اکبردی بو
سیز اوخ آتون جسمینه ضعف ائده پیکر گلور

سس دوشدی ...




اوخ ووران آتدی اوخی اکبره دورت سمتیدن
نیزه و خنجر یاغوب جسمینه دورت سمتیدن
گل کیمی تا آچدی باش یاره سی دورت سمتیدن
سسلدی ادرک بابا اول دم آخر گلور

سس دوشدی ...

#اکبریه_شجاعت
#سس_دوشدی_ای_لشکر_کیمدی_بو_سرور_گلور
#محمد_رضا_صادقی
#ترکی

🌾🍃🌴🍃🌴🍃🌴🍃🌴🍃http://tttttt.me/naghmehaye_ggam

مدح حضرت علی اکبر علیه السلام
گریز به حضرت صغری سلام الله علیها

حاج داود بیدق داری ( داور )

ای نثار تار زلفون مین خراج مصروشام
واریئری یوز یوسف مصری سنه اولسون غلام

رنگی،رخسارون وئروب عشق عالمینده گلشنه
درسی رفتارون وئروب آهویه تا ائتسون خرام

دم سنوندور معجز عیسادن اولموش آشکار
نطقی سن موسایه وئردون اولدی یاره هم کلام

ای بهشتین نعمتی ،طوبا مثل دور قدّیوَه
لبلروندن کوثر وتسنیم آلور معناده کام

عشقیوه دل باغلیان آزاد اولار هرعشقدن
آدیووی ذکر ایلین فردوسیده ایلر مقام

عشقووی قان بسترینده چونکه معنا ایلدون
یددی گوی آلتی جهتدن عشقووه ایلر سلام

سن منای عشقده اکبرمقامه چاتموسان
آل هاشمدن اول قربان ا ولوبسان تشنه کام

سندن آیریلماق چتیندور ای حسینون دلبری
بیلمورم صغرا نجه قیلدی بو هجرانه دوام



بنزیوردی قلبی صحراده اولان آلالیه
آدیووی سسلوردی بونوعی گلوردی نالیه



اهل یثرب اکبریم مشتاقیدور دیداریوه
حسرتم چوخداندی منده گل کیمی رخساریوه

یوسفیم ،گل مصرعشقونده ئوزون آل جانیمی
اولدی رونق بلکه بوجان گرمی بازاریوه

عالم عرفاندا قارداش پیر راه عشقسن
متصل دور جانون ای جان حضرت داداریوه

ساقی جام ولاسن وحدتین پیغمبری
خضرئوزی لب تشنه دورپیمانه ی سرشاریوه

سن گئدندن گللر آچمور باغ عشقیمده علی
مین گلستان اولسا چاتماز صورت گلناریوه

ئوزگه بیرعالمدی کیم گورسه محبت عالمین
گورمین بیلمز نجه بی طاقتم دیداریوه

آیریلیق یوردی منی گلمور اجل سن گل علی
گل طبیبانه ئوزون بیرچاره قیل بیماریوه

مختصرعرض ایلورم یثرب منه زندان اولوب
بیراشاره بسدی بوسوزدن دل هشیاریوه



عشقی سندن اورگنوب صغرا سنون مدیونووم
اذن وئرسه لیلی گر منده سنون مجنونووم



آزقالور آمال ایوی هجرونده ویران اولماقا
عادتیمدور هرگجه شمع شبستان اولماقا

سن گلینجه یثربه قربانلقون آماده دور
فخرائدرجانیم سنون عشقونده قربان اولماقا

دل دئیور کرب وبلاده کاروانون لنگ اولوب
اول مهیا زلف اکبرتک پریشان اولماقا

گوز دئیور یول گوزلورم اخرده بو یولدان گلر
ایندیدن تئزدوربوغمده ابرنیسان اولماقا

دل دئیور اکبر ساغ اولسیدی بئله ایامیده
قویماز ئوزدلداده سین نی مثلی نالان اولماقا

گوز دیور ال چکمرم اکبر جمالین گورمسم
ناامید اولما تلسمه گوهر افشان اولماقا

دل دیور یول گوزلمه گلمز وفالی اکبرون
قیل مهیا روحیوی تسلیم هجران اولماقا

من ولی فکرایلورم بحربلایه دوشموسن
میل ائدور چون گوز یاشیم هجرونده توفان اولماقا

گوئیا دل سوزلری دوزدور گوزوم یاشی آخور
هم آخور ئوز باشینه هم یاندیرورقلبی یاخور


#اکبریه_مدح
#حضرت_صغری
#ای_نثار_تار_زلفون_مین_خراج_مصر_و_شام
#بیدق_داری
#ترکی
🌴🍃🌴🍃🌴🍃🌴🍃🌴🍃http://tttttt.me/naghmehaye_gham

‍ ورود ماه محرم

گینه عالم/دوتوب ماتم
آقام حسین عزاسی گلدی
اورکلرین صفاسی گلدی
گینه اسدی/قراپرچم
حسین حسین صداسی گلدی
ملک لرین نواسی گلدی
گینه محرم اولدی الله
اورک غمیله دولدی الله
حسین حسین حسین حسینجان۲

گینه ماه/عزاگلدی
بوروندی ماسوا،قرایه
حسینچیلرگلوب عزایه
گینه دلدن/نواگلدی
بوماه غمده باخ صفایه
بوآیدا،نی گلوب نوایه
گینه عزایه باتدی عالم
‌ گینه آچیلدی قاره پرچم

گینه شوره/گلوب جانلار
عزا،حسینه ساخلیانلار
آقام حسینه آغلیانلار
گینه جوشه/گلوب قانلار
کفن سالوب باشین یارانلار
حسینه قاره باغلیانلار
گینه اوجالدی عرشه ناله
گینه جهان باتوب ملاله

گینه زهرا/سینه داغلار
قراسالوب گلوب نوایه
عزیزجان مصطفایه
حسینیم وای/دئیرآغلار
غریب شاه کربلایه
شهیددشت نینوایه
یارالی نورعینیم ایوای
سوسوزئولن حسینیم ایوای

حسین،جانِ/پیمبردی
حسین حبیب کبریادی
حسین عزیزانبیادی
حسین گوندن/منوّردی
حسین نشانه ی خدادی
حسین صفای ماسوادی
حسین شیرین ترازعسل و،
حسین بهشتیدن گوزلدی

حسین تاج/کرّمنا دی
حسین دی سلسبیل زینت
حسین دی سلسبیل جنّت
حسین روح /مسیحادی
حسین دی شافع قیامت
حسین دی منبع کرامت
حسین بهشت آرزودی
حسینون عشقی آبرودی

حسین روح/فضیلت دی
حسین بهشت شیعیاندی
حسین بهشت جاوداندی
حسین عین/ارادتدی
حسین بهاربی خزان دی
حسین گل بهشت جاندی
سفینه ی نجات حسیندی
صفای کاینات حسیندی

حسین راز و/نیازیمدی
حسین دی عمرومون بهاری
حسین دی جانمین نگاری
حسین سوز و/گدازیمدی
حسین دی عشق لاله زاری
حسین دی دللرین شعاری
حسین شرفدی ماسوایه
حسین صفادی آیه آیه

حسین نام و/نشانیم دی
حسین دی روحیمین صفاسی
حسین دی دردیمین دواسی
حسین روح و/روانیمدی
حسیندی گوزلریم ضیاسی
حسیندی دردیم آشناسی
حسیندی جلوه ی جمالیم
حسیندی رفع هر ملالیم

حسین عشقیم/حسین مشقیم
حسیندی یارگلعذاریم
حسین منیم گوزل نگاریم
حسین کعبه م/حسین قبله م
حسیندی عزت ووقاریم
حسیندی شاه تاجداریم
حسیندی کعبه و کنشتیم
حسیندی جنّتیم بهشتیم

حسین صبر و/قراریم دی
حسین دلیمده صحبتیم دی
حسین چیلیق سیادتیمدی
حسین دار و/نداریم دی
حسین منیم شرافتیمدی
حسینون عشقی عزتیمدی
حسیندی تکیهٔ کلامیم
حسیندی عالمه پیامیم

حسین عشق و/محبتدی
حسیندی دلرباحبیبیم
حسین منیم گوزل طبیبیم
حسین ذکری/عبادتدی
حسیندی اهل عشقه جانان
آتام آنام حسینه قربان
حسین ترابه دوشدی آتدان
حسین قوتاردی خلقی اوتدان

بواشعاری/گجه یاری
یازوبدی«عدل جوی»نالان
اورک یارالی قلبی سوزان
توکوب اشکین/یانوب دلدن
صباح اولونجه دیده گریان
قالوبدی صبحه تک پریشان
حسینون عشقی دولتیمدی
حسین چیلیق سیادتیمدی
#ورود_محرم
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احرام عزا ( مناسب تشت گذاری )
توسل به حضرت ابوالفضل العباس علیه السلام

فتاح اسماعیلی

قورولوب سوتشتی سقا
اولوب حالی برهم آغلار
سوا آغلیار ابوالفضل
اونا نهر علقم آغلار


سوسوزی هایاندا دوشسه غمی آغلادار سمانی
ایلیلّه تشتی حاضر اولا مشگینون نشانی
چاغراللا یا ابولفضل دوتا شهرتی جهانی
غمه شیعه لر دوتار یاس چاغرار دمادم آغلار


قورولا هایاندا یاسون سنون ای یارالی سقا
آدووا علم ورولسا اولار اوردا شور و غوغا
گوزی یاشلی زینبیلن گلجک او یاسه زهرا
غم کربلانی بیر بیر ایلیر مجسّم آغلار


علمون دوشوب الیندن او اسفلی حاله یاننام
یازارام آدون علمده اوجا ساخلارام دایاننام
او حسین اوپن علمدی باشنا ئوزوم دولاننام
علم آغلیار غمونده سنه بزم ماتم آغلار


علمون یاتاندا عباس باشووی اَشاقه سالدون
ئوزون غمون ایتیردون غم شاه دینه قالدون
ایله چوخ لیاقتون وار بیله یاخشی منصب آلدون
نه غمون وار ای علمدار سنه شاه عالم آغلار


شهدای کربلانون باشی اوسته گلدی بو شاه
الی سینه سنده آغلار گوزیله ئورک دولی آه
دیدی یا الهی گلدیم بورا قربتا الی الله
گوزوم آغلادی بو آیدا منه هر محرم آغلار


#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر)
مشابه ⬇️⬇️


#ورود_محرم
#عباسیه_شهادت
#قورولوب_سو_تشتی_سقا_اولوب_حالی_برهم_آغلار
#فتاح_اسماعیلی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال امام (ع) در بالین حضرت ابوالفضل العباس (ع)

محمدحسین جنتی مقام (صحاف تبریزی)

ای آخان قان پنجه سیندن
رزمگاهون شیری قارداش
دور گلوب گون باشون اوسته
آل اله شمشیری قارداش

یاتما ای شیر شجاعت
ایله اسلامه حمایت


آه او گوزلر که ابالفضل
قورخودان یاتمازدی راحت
ایندی آسوده یاتالار
سنسیز ای کان شجاعت
بو پیمبر قیزلاریندان بیرده
کیم ایلر حمایت
زینبون اوج ایلر عرشه
نالۀ شبگیری قارداش


تا سسون گلدی خیامه
ناامید اولدوم اوزومدن
انکسار معنویت
آشکار اولدی یوزومدن
گتدی الدن اختیاریم
خون دل آخدی گوزومدن
پوزدی حال اهل بیتی
حالیمون تغییری قارداش


ای اولان سو اوسته عطشان
قانینه غلطان ابالفضل
نوک خاریله وجودی
گل کیمی خندان ابالفضل
بو اوغولسوز جانیم اولسون
جانیوه قربان ابالفضل
گلماقا آردونجا اولماز
قارداشون تأخیری قارداش


آچ گوزون قارداش بو حالون
گور منی نه حاله سالدی
طاقت و صبریم تالاندی
شیونیم عرشه اوجالدی
ایندی پرگاریم پوزولدی
اللریم قوینومدا قالدی
وار یری یاندیرسا کؤنی
آهیمون تأثیری قارداش


جسمیوه بسکه ووروبلار
تیغ و نیزه وار یاران چوخ
وای منه ای وای اباالفضل
پیکرونده صاف یرون یوخ
حالیمی پوزدی منیم چوخ
سجده گاهوندن دَیَن اوخ
کاش قلبیمدن دَیِیدی
دشمنین بو تیری قارداش


اللرون سالدی بدندن
ظلم الیله قوم کینه
مشکون اوخلاندی بو چولده
دولدی قانون سو یرینه
خیمه لرده آچدی باشین
زلفینی یولدی سکینه
کؤنی یاندوردی بو قومون
ظلم عالمگیری قارداش


سنسیز ای سردار لشگر
قوزانار یاتمیش علملر
بیرده نازیله یاتانماز
خوف و وحشتدن حرملر
زینبون باشیندن قویماز
اهل شام و کوفه معجر
بو سوزوم واضحدی یوخدور
اوزگه بیر تفسیری قارداش


رزمگاهه سن گلنده
قول بویون اولدون منیله
قول بویون اوللام دیَردیم
بیرده قارداش من سنیله
اللرون یوخدور دیَم دور
بوینوما سال شیونیله
فکریمون گوستردی عکسین
دشمنین تدبیری قارداش


غصّه دن قان اولدی باغریم
آچ گوزون یاتما اویان دور
قویما بو چولده اوغولسوز_
قارداشون یالقوز اماندور
باشون اوسته آز فغان و
ناله می عرشه دایاندور
ای دوشن قولسوز یر اوسته
رزمگاهون شیری قارداش


ایا ولان مخسوف ماه
هاشمی یوخسا باتوبسان
من ایاق اوسته دوروب سن_
خاک و خون ایچره یاتوبسان
اولمیا قارداش خیالِ
زینبی باشدان آتوبسان
اولموشام من بو غم افزا
حالیمون درگیری قارداش


بُلسه لر دوشموش ایاقدان
ظلمیله بو سرو قامت
لشگر اعدا تاپالّار_
اوستومه قارداش جسارت
جای حسرتدور منه ای
شیر میدان شجاعت
اولموسان روبه صفت_
صیّادلر نخجیری قارداش


قالمسان بیر حاله نطقون
یوخ جوابه یا سؤاله
آچ گوزون نور جمالون
حقّه باخ گور لامحاله
قول گئدوب باشون داغلسون
لیک گلمزدی خیاله
اولماسیدی گر قضا_
منشی سینون تقدیری قارداش


سن آتام حیدر نشانی
هم منه صاحب لواسن
شهرتاً باب الحوائج
هم اؤزون کان وفاسن
ایسته خالقدن #صحافون
دردینه ائتسون دوا سن
چون محوّلدور اونا چوخ
نوحه لر تحریری قارداش



#سبک_ای_ویرن_ویرانه_یرده
#سبک_استخاره_کردم_امشب

#عباسیه_شهادت
#ای_آخان_قان_پنجه_سیندن
#صحاف_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح و شجاعت حضرت اباالفضل علیه السلام


محمد علی مصیبی تبریزی

ای ییخیلان پرچمی ، قائمه پرچملره
جرعه سویی مشکیده ، حسرت اولان یم لره
قارداشینین بیرتوکون ، وئرمیَن عالملره

تیر عشقیدن - جسمینه شهپر یاراشار
سرو قدّینه - صولت حیدر یاراشار
((یا ابالفضل))


آی گوره گر بو آیی لنگه دوشر گردیشی
ضربتینه محو اولار وار نه قدَر ناکیشی
ماردی وورماق یره ایشدی ابوالفضل ایشی

یک تنه آقام - دشتیده غوغا ائله دی
هندین اوغلونی - دهریده رسوا ائله دی


سو اَرِنی سسله دی لن دئدی سقا اونا
قوللارینا فخر ائدوب قان دولی دریا اونا
سسله دی احسنت اوغول حضرت زهرا اونا

عشق اولا سنون - غیرتیوه یاور دین
مرحبا سنه - ای پسر ام بنین


رسمی دی آفاقیده شیرین اولار اوغلی شیر
پنجۀ خونبارینه گّلّۀ روباه اسیر
قلب سپاهی یاران فاتح خیبر ضمیر

کیم گورور دییور – هانسی دلاوردی گلور
حمزه دی گلور - یا خود حیدردی گلور


نهری آلوب یار دین زادۀ اُمّ البنین
مشکینی دولدورماقا یاور دین مبین
صیحه لری لشکر شمره سالوبدور طنین

سسلیور کی من - صفدرین اوغلیام بیلون
خیبری ییخان - حیدرین اوغلیام بیلون


سیز بیلوسیز آتمیشام دور جهانین داشین
حیدرین اوغلی مگر گوزدن آتار قارداشین
دشمنی هر ظلم اونا ائتسه ده، اگمز قاشین
پور حیدرم - ماه منیر هاشیمی
اگمرم بیلون - زادۀ هنده باشیمی

مرحبی آتدان سالوب ئولدورَ نین اوغلیام
درگهی نی قوم دون یاندیرانین اوغلیام
کعبه ده کی بتلاری سیندیرانین اوغلیام

بیلمیسیز بیلون - خون علی رگیمده دی
قانلی باشینون - یاره سی ئورگیمده دی




آه او زماندان اونون باشینه دگدی عمود
بیر ائله ظلم ائتمیوب فرقۀ عاد و ثمود
قارداشینین قدّینی ائتدی او یاره خمود

سسله دی؛حسین – گل باشیمی دیزاوسته آل
سن بیل اصغرین – سایه وی گل باشیمه سال




آند اولا قارداشینون عرشه گئدن جدّینه
پیکر شان شانینه اول بیچیلن قدّینه
امّ بنین فخر ائدن قاشلارینین مدّینه

قویماروخ آقا - سینۀ زینب سیخیلا
عرشه قوزانان - پرچم نهضت ییخیلا

#سبک_محرم_رازیم_الله


#عباسیه_مدح
#عباسیه_شجاعت
#ای_ییخیلان_پرچمی
#مصیبی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham