‍ ‍ ‍ ساقیا ئەو کێو و دەشت و دۆڵ و لەندەم خۆش دەوێ
ئەو زەوی سەرسەوزە، ئەو زۆنگ و زەمەندەم خۆش دەوێ
گەر چی نەیهێشتم تەمەن تفڵانە هەمبێ ژینی شاد
سوێند بە پیری مەی، جەوانی دەم بە خەندەم خۆش دەوێ
دەمهەوێ بێ ترس و شک تا دوندی ڕەندی سەرکەوم
کوردم و سام و شکۆی ئەو سامڕەندەم خۆش دەوێ
دڵ قسەی یاری پەسەندی نایە دەم غونچەی لەبار
بۆیە پشکووت و کوتی ئەو گوڵ پەسەندەم خۆش دەوێ
عاشقی یانی نەمێنێ یەک نەفەس دەنگی خرۆش
خوایە من دەریایەکی بێ‌دەنگ و مەندەم خۆش دەوێ
پیتی غەم تا کەوتە ئەندیشەم وشەی شەو هاتەدی
رۆژی خۆشم حاسڵی زۆر و زەوەندەم خۆش دەوی
ئەو کەسەی ڕۆژێکی قەولی خۆشەویستیم داوە پێی
ئێستەکەش سەد خۆزگە دەیزانی کە چەندەم خۆش دەوێ
دەوڵەتی رەنج و وفا زوو پاوەجێ بوو تا کوتم
ڕەنجەڕۆم و کۆمەڵی ئەو دەوڵەمەندەم خۆش دەوێ
سەیرە من هێندی بە دوای ئەو باوڕەم تۆ ئەو کەسەی
چەندە پابەندم بە دینی هەر ئەوەندەم خۆش دەوێ
خەسرەوی وەختی هونەر موڵکی نەبوو هەیبوو بەڵام
بەختی وەی شیرن کوتی ئازایی بەندەم خۆش دەوێ


#عەبدوڵڵا_گولابی
#هونەر


کاناڵی ژیان جوانە، گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2

‍ ‍ چلنامە۳
ئاشنا ئه‌ی ئاشتی‌خوازی غه‌ریب
ئه‌ی له شاری ده‌رده‌داری‌دا ته‌بیب
پێم‌بڵێ توخوا له ده‌رده‌م چه‌ند و چۆن
مه‌ڵحه‌می تازه‌ت چییه بۆ زامی کۆن
ساتێ به‌و شێعرانه‌دا بخشێنه چاو
تا ببینی ئاگری دڵ عه‌ینی ئاو
چی بڵێم به‌و هه‌ست و حاڵ و سۆزه‌وه
تۆ ته‌بیبی ئاشنا ، بیـــــــدۆزه‌وه!
چا ده‌زانم گه‌رچی بۆخۆشم چمه
من نه‌خۆشی مه‌یلی چاوی مه‌ستمه
چاوی مه‌ستی ڕاستینی دڵبه‌ری
موعجیزه‌ی سووتێنه‌ری جادووگه‌ری
تێپه‌ڕیوی ئاو و ئاگر پێکه‌وه
ڕوونکه‌ری ئاده‌م به هه‌ر فیکره‌که‌وه
سازدا چاوێ جیهانی سه‌رله‌نوێ
یه‌ک شه‌وێ بێتوو ده‌گه‌ڵ گیانم بدوێ
پێم بڵێ رازی ئه‌ویندارانی مه‌ست
سه‌ربه‌داران و بریندارانی مه‌ست
ساده‌بێژی فه‌لسه‌فه‌ی سه‌ختی وجوود
تاجی جوانی بێ له سه‌ر ته‌ختی وجوود
چا ده‌بم یا نا ته‌بیبی چاره‌گه‌ر
چۆن ده‌که‌ی ئه‌و ده‌رده سه‌یره‌م چاره‌سه‌ر
ساقیا چاوی حه‌قیقه‌ت‌بینی مه‌ی
تێکه بیبینم سه‌ری روانینی مه‌ی

#عەبدوڵڵا_گولابی
#هونەر


🆔کاناڵی ژیان جوانە، گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2

دڵتەنگییەکانم
بەش دوو

هه‌ر شه‌وێ مه‌يلی له‌سه‌ر بێ مايلم
گيانه‌ناقابيله‌بۆ وی قايلم

سه‌ر به‌فه‌رمانی گوڵی نه‌وڕه‌سته‌يه‌
گه‌ر به‌گه‌ردن به‌سته‌يا نابه‌سته‌يه‌

جه‌رگ ئه‌گه‌ر له‌ت کا جه‌رگ گۆشم ده‌وێ
قه‌ستی مه‌رگيشم بکا خۆشم ده‌وێ

گه‌ر هه‌موو ژينم به‌رووی ئاگر بکا
بێوه‌فايی سه‌د ئه‌وه‌نده‌ی تر بکا

شه‌رته‌هه‌ر وا به‌ر سه‌ری په‌يمانه‌که‌م
بێ له‌لای من يا نه‌بێ گيانانه‌که‌م

ئاخ چه‌ن دڵته‌نگم ئه‌مشۆ نازه‌نين
زامی گيانی خه‌سته‌گشتی تازه‌نين

يه‌کسه‌ره‌ناسۆر و قووڵ و کۆڵه‌وار
يا له‌شيری دوژمنن يا تيری يار

يێکه‌يێکه‌داستانی خۆی هه‌يه‌
جێگه‌جێگه‌شێعری کۆن و نۆی هه‌يه‌

گوێ ئه‌گه‌ر بگری به‌وردی پێت‌ده‌ڵێم
خه‌م ده‌گڵ من هه‌ر چی کردی پێت‌ده‌لێم

نا خه‌می چی باسی شاديت بۆ ده‌که‌م
بێيه‌وه‌نازانی تۆ چيت بۆ ده‌که‌م

گه‌رچی پێم خۆشه‌له‌خه‌م بێژم به‌ڵام
خه‌م له‌بيرم ده‌چنه‌وه‌گه‌ر بێيه‌ڵام

هێندی ئه‌و شه‌وگاره‌تاڵ و ئه‌سته‌مه‌
بارته‌قايی ئه‌و هه‌موو ده‌رد و خه‌مه‌

هه‌ر به‌ئه‌ندازه‌ی ته‌واوی ده‌رده‌کان
پڕ به‌شاری داوه‌ڵه‌ نامه‌رده‌کان

نازه‌نين دڵته‌نگی دڵته‌نگم وه‌ره‌
په‌رده‌ڵاده‌ خه‌م بشۆ ته‌م ڵابه‌ره‌

بێنه‌گوڵ تا رووبه‌رووی نه‌ينووکی باخ
گڕ ده‌مه‌ ئاواتی خامۆشی وه‌جاخ

بەشی دووهەم

#عەبدوڵڵا_گولابی
#هونەر

کاناڵی ژیان جوانە، گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2

دڵتەنگییەکانم
بەشی سێ

دۆسته‌که‌ی جاران و ياری خه‌مڕه‌وێن
شه‌ونشينی و عاشقی و فرمێسک و خوين

ده‌رد و دڵداری و سروودی جارجار
شه‌وقی شه‌وگاران و جه‌وری رۆژگار

نه‌عره‌ته‌ی مه‌ستی و سوکوتی ده‌م خه‌وی
ئاشنا ، نائاشنا، کێوی ، که‌وی

چی به‌سه‌ر ئه‌و سينه‌ئازادانه‌ هات
هه‌ر وه‌کوو من سه‌روی ئازا دانه‌هات

گه‌ر چی لێم کووژاوه ‌زوو ئه‌و مه‌شخه‌ڵه‌
مه‌شخه‌ڵی دڵ باشه ‌وه‌ک پێشوو هه‌ڵه‌

نازه‌نين دانيشه ‌شه‌و زوويه ‌مه‌ڕۆ
چاو و لێو کارم به‌ هه‌ر دوويه‌ مه‌ڕۆ

ديده‌ نووری چاوه‌که‌ت ڕوونی ده‌کا
دڵ به‌تۆوه‌ ئاره‌زووی بوونی ده‌کا

ره‌نگی چاوت چی بڵێم؛ ده‌ريا؟ به‌هار؟
ها که‌می هێنا وشه ‌و شێعر و وتار

چاوی تۆ هێشووی سووهه‌يله ‌و قافڵه‌
دێ به‌دووتا چون به‌ دووی سه‌رمه‌نزڵه‌

نازه‌نين سه‌رقافڵه‌ی ده‌ردی شه‌وان
تێری تێگرتووم و کێشاوێ که‌وان

هه‌ست به ‌ترسێکی ئه‌ويناوی ده‌که‌م
سه‌يری چاوێکی سه‌ير ئاوی ده‌که‌م

ئاه‌چه‌ن شيرينه‌ ئه‌و يه‌ک کاته‌ ئاه‌
بێ نيگاهێ تێک بئاڵقێ دوو نيگاه‌

ئاگرێ له‌و نێوه‌ ده‌ڕوا دێته‌وه‌
ده‌يگرێ دڵ تازه ‌ناکووژێته‌وه‌

هۆده‌ سه‌رڕێژه‌ له‌ته‌نيايی وه‌ره‌
ئه‌ی په‌ری چاومه‌ستی ده‌ريايی وه‌ره‌

پڕ له‌ دڵته‌نگيمه‌ حه‌وشی ئه‌و خه‌مه‌
بۆنی گه‌رنی ياس و يێخه‌ی مه‌ريه‌مه‌

بەشی سێهەم

#عەبدوڵڵا_گولابی
#هونەر

🆔 @Abdolla_Golabi

#وەرە_دەی
✍هۆنراوەی #هونەر
مامۆستا #عەبدوڵڵا گولابی لە گەڵ گۆرانیەکی_مامۆستا_ماملێ
🎼
ماوە 7 خولەک
مەهاباد ـ 22/9/1397ـ هەتاوی

🆔 @Abdolla_Golabi

بە قەرا سەبرە دڵ و قەولە کە بیدەم بە نیگارم
تا هەتا گیانە دەکەم سەبر و لە سەر قەول و قەرارم
سەد بریا هێندە نەبا باری تەمەن تا کەم و زۆری
پێ ببەخشم؛ مەگەرم رازی ببێ یاری لەبارم
مۆمی دڵ، ماڵە! دەکووژێتەوە گەر بیخەمە بەحرت
وەک پەپوولەی لە چراخانی بەڵادا نییە چارم
چاوی ئەستێرە لە زارم نییە گوێی لێ نییە جارێ
بەڵکوو هەڵبێ کە دەپاڕێمەوە شەوگاری جخارم
گەورەیی خەرجی هەیە یا مەبە چووکەی حەسەناتی
یا دەفەرمێ: ئەوی دەخڵی هەتە دڵ! بیکە خەسارم
ئەو گوڵەی ڕواوە لە حەوشێ تەوەرەی رازی جەهانە
گوڵ دەڵێ ساتێ بە بێ پەردە وەرە دەرک و حەسارم
چۆنی پێکاوە جگەر نایە دڵۆپێ مەیی سوکنا
وەکوو مەڵحەم لە سەر ئەو زامە بڕێژێ لە کەنارم
سەیری باغاتی دەکەم ئەو دەمە تێیکردووە جامێ
دەگەڕێ بۆ گوڵێ نەیگرتبێ مەیگێڕی بەهارم
جڵەوم داوە بە دەس ئەو دڵە شێتە و نیگەرانم
کە نەخا لەو دەر و کۆسارە سەری چووکەڵەسوارم
یادی تۆ ئاوی رەوانە و گوزەرانی منە گیانا
دەگوزەرێ چۆنی کە ویستووتە لە سەیران و گوزارم
هەر چی شەیدایە لە چاوی منی بینیوە گڕی دڵ
دەیهەوێ بۆیە ببینێ وەکوو من حەزرەتی یارم
وەی دە سەر شێعری گەڕێم و لە دەم ئاوازی مرم من
چ ژیان بەخشە دەمی یەک #هونەر و دەنگی هەزارم

ع‌ـ‌گ(هونەر)/۱٤ی سەرماوەزی ۹۷/مهاباد

#عەبدوڵڵا_گولابی
#هونەر

🆔کاناڵی ژیان جوانە
@Mostafazadeh2