#سوالف_شوگ

دورت السمه والگاع ماصح
مثلک و جرحک
الکشی البیک مشتاگین من
چف ایدک الملحک

مشتاگین ای یحسین و
المشتاگ ماله إعلاج
لا ونسه ومتاهه وناس
التسلیک
فک الصدرک الکله إسهام
بلکی اهناک الگه مکان
تعبانین یامولای وانته أدریٰ
ابهویٰ التعبان
یعطش ینلچم یشتاگ لو یحچوله
علعطشان
عشگک مال ناس إتدور إجروح
وینذبحون لعیونک یمذبوح

وحشه الیل مدری اشلون یخلص وانه ما أقره
احس الیله یامولای جایه البیتنه الزهره

الگه ابروحی جرحی ایصیح
یا عطشان
یاعریان
یامتعوب یامسلوب
ویلمضیع إظعونه إغروب

للعشاگ یامولای هیه الدمعه مریوده
والمگضیهه یبچی إعلیک مایعرف للبروده

موش النه الفرح
یحسین موش النه
وماطول المسافه اویاک تبعدنه

وچدنه الحزن
والدمعه وماتنمل
وقرینه ابطور ذیچ الوگفت التل

تعبنه التعب مریود
الگلبه إمعلگ ابخیمه
وین الله الیحب إحسین
مثله ایموت بلهیمه


#عبد_الرباب
#احمد_الصخراوی

باقی75یوم
https://telegram.me/ninve

#شهادة_الحمزة (ع)
الرادود #عبد_النبي_الجرفي
كلمات #حسين_شعيب
#موكب_عابس_الشاكري المانيا

شبيه احسين .. بآلامه
تِقطّع جسمه وِتوذّر
ابأُحُد يمّه .. هند تالي
بنيها ابكربلا تحضر
لجَن راسه .. بقي سالم
ولا اتوضّه بدمِ المنحر
او صفيّه يمّه تبچيله
ولا راحت مشي بالبر

وَ كزينبَ لم تُسبَ في ظَعنٍ موهونْ
فعلى مثلِ الحمزه فليبكِ الباكون

#قصیده_لاستقبال_محرم


إمعاتب عشگ بین العیـن
یادمعه تنــزل لحسیــن
وچم آه تکســر خاطر


بیدی إعله صدری امن اطبع
کــــل هـــاذه بس ما یقـنع
راید یدگ ابحافــر


فــرض إدموع إخیـام
و صلتــهـــن الخـــدام


ــــــــــــــــــــــــــــ

دمعتی التوابه بیه إســـتغــفرت علــوجنه

وإشتـراهه إحسین چسوه إنطـاها لأهل الجنه

إحنه ناس المنهل الله إتعیش بیــنه الـونه

هیه بـس های الدموع العــدنه والــماعدنه


الله الخلقنه إبهل الون
لو بعد منطینه اعیـون
ونبچی إعلی ظیم العـاشر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

إتطیح الدموع إیتام
وصلتــهن الخــدام

ـــــــــــــــــــــــــــــــ

إلدیـن شـدحیـله وتنخـه وینهه أهل الفزعه

والف هنـیاله الیبیـن روحــه یم البضــعه

صوت من گلب المجالس وکلهه خل اتسمعه

رایـده طـلاب حـوزة آیــت الله الــدمعه


إهـنـا یبـیـن الـزلمه
من یسـتهم بلخـدمه
وبلحـب دلیله حایر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

واجـروحه تنـزف شام
وصلتــهن الخـدام


ــــــــــــــــــــــــــــــــ

احنه ناس الفـرح ویـن الحـزن لایگ بینه

واحنه حبیـنه الحسین ومن صدگ حبینه

الله کل خادم حسین ابیـوم یخـلق طینه

جاب من دمعــة وخله منهه إبعـــینه


إنعیــــش مثل الشمعه
إعلیٰ الله وعله هـــلدمعه
وانــعاشر إلــمنابــر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

نلطــم ندگ عـــلهام
وصلتهــن الخـــدام

ــــــــــــــــــــــــــــــــ

تعمه عیـن العلیٰ زینب مابـچت لو ناشفه

شنهی مایدری إختـمن هایه علــتل واگــفه؟

های بنت إحیود هاشم عیب أگـولن خـایفه

های زینب علهـزل؟ العفـــو های الــــطایفه


تمــشی وإتعــاین للناس
بلکت إجــاها العبــاس
وایردهه لا تسافـر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

وراس الاخــو جدام
وصـلتهن الخــدام

ــــــــــــــــــــــــــــــــــــ

#عبد_الرباب
#احمـد_الصخراوی

https://telegram.me/ninve

*[ كل مغربيه ]*

أداء: الملا #علي_الوائلي_الكربلائي
كلمات: الشاعر #عبد_الأمير_السعيدي

https://youtu.be/5lZcNaZ32ns

مجالس شهر صفر لسنة 1441 هـ - 2019 م
ليالي استشهاد موﻻتنا عزيزة الحسين رقية عليها السلام
رابطة سبط الأكبر عليه السلام - العراق - الناصرية

مونتاج: محمد أديب
مكساج: كرار الموالي
مخطوطة: مؤمل الرميثي
النشر الشبكي: علاء بركات العاملي

#الامام_الباقر_علیه_السلام


شفتهن وحده وحده امن الخیم طلعن
و إتچیلهن لو رادن إیوگعن
تذب روحک چنت بأولهن اعله السوط
و تخجل حیل لو عماتک إنطگن

عطشن حیل وانت إستهظمت مولای
وإشگد حاولت بس ما وصلت المای
واشگدحاولت بس ما وصلت إحسین
إقل شی تگدر اتسویله عود افیای


#عبد_الرباب
#احمد_الصخراوی
https://telegram.me/ninve

عتاب_زینب_والگمر

فیتک محد إیسدهه إعلیٰ الایتام
مشیت و ریحتک ضلت بلخیام
رحت وخدرک إمسلب والوحدک طایفه الزینب
وفیتک فیه یاعباس بلشام


طفه ومات کلشی ابخیمتی عگبک طفه ومات
إویه شمات صعبه ایصیر ممشانه اویه شمات

بلاروح جسم علنوگ مشونی بلاروح
یمذبوح نمشی اشلون من دونک یمذبوح

صحت وین الیحن بلطف علیه
إظعونه إإتسلبت بلمغربیه

ظهری من الثگل حدب
والوحدک طایفه الزینب
فیتک فیه یاعباس بلشام

_________

یعباس اشلون إنفارگ إعیونک یعباس
بلاراس اشلون انودعک وانته بلا راس

النهر صاح طاح الداگچ صدره النهر صاح
علرماح راسه وجربته إنشالن علرماح

چذبت النهر یاخویه من گال
ثگیل الهاشمی ومطیحه الثگال

راسی إبطیحتک شیب
والوحدک طایفه الزینب

فیتک فیه یاعباس بلشام

_____________

بلارای رکضت إعلیک لشاطی بلارای
اجه ویای إحسین ومنکسر ظهر اجه ویای

وصلناک ابیا حاله چنت لمن وصلناک
لگیناک کل وصله ابکتر طایح لگیناک

حرامات التحبه ایموت عطشان
حسین امنین بعدک یلگه خوان

رد الخیمتک ینحب
والوحدک طایفه الزینب

فیتک فیه یاعباس بلشام

____________

غریبات باچر راح نتسمه الغریبات
سبیات انطب إقصورهم خویه سبیات

ربیبات خواتک خویه تدریهن ربیبات
حرامات فوگ النوگ یتمشن حرامات

کلشی ولا یخویه تعثر النوگ
بس لا بینه تعثر خویه بلسوگ

عگبک راح نتعذب
الوحدک طایفه الزینب

فیتک فیه یاعباس بلشام
_____

#عبد_الرباب
#احمد_الصخراوی

https://telegram.me/ninve

#ما_لزینـب_و_الشـام


آااایشام یضیج الخلگ طاریـه
ینطـب هوه حته إتطبه علویه


آاایشـام مابی للسـتر نــیشـان
إشلون وباچر إیطبون بی نسوان
باچر یوصلنه الماهن إمبیـــنات
الـزینب باچر آیــااا عازة الخوان


باچر راح یوصل ظعن المغـربات
وینشـافن المـاهن گبل مشیـوفات
باچر راح یــتلـگونهن بحجـار
یمشن وین باچـر وإهنه علویات


آااایشـام مــا تـنـجـاب سالفتـه
الأخو باچر یردیا سوط عن إخته
باچـر کل حجـر یسـتقبله السجاد
کلشــی ولا تطیح إگـبالهم عمته


مستـحیات حیل ومایــشیلن راس
وإبباب القصر امنین اجت هلناس
إمبوشایات بس عرفوهن امن إبعید
زینب من مشیهه إمبینه إخت عباس


گبل چانت خیم بس هسه ماکو إخیام
بـــاچر حیل یخنــگهن إغروب الشام
کل إیهـون بس لایــوصلن للســوگ
باچر وین یـنطـون الوجـه الایتـام


زینب حیـل متحیـر الـوکت بیهه
کل الظیم طایح بنت علی إعلیهه
تدور یا طفل یا طفله امن اتضیع
إبـرقیه إحتــارت إتـدور تراچیهه


زینب وحــده والنــاس أکـثر امن ألفین
ابـدیـره المالــهه أحدتمشی گلی ویـن
إتحــشم بلــعلیـل وهـــوه مابی حــیل
تحشم إحسین وهوه إشباقی من إحسین



#عبد_الرباب
#احمد_الصخراوی

https://telegram.me/ninve

#اعوذ_بلله_من_عینً_لاتبکی_علی'_الحسین




اَعوذ من جفن ما یبچی لحسین
وهنیئاً لمن یبچی و عینه حمره
گضه عاشور بس ما یگضی الحسین
العاشگ خیمه ما ینطیهه ظهره
شنی خلص بچینه وفاطمه اتنوح
وتطبگ نوحهه الحد سنة الاخرة
العایش بلسبی ایصب الدمع نار
یحسب کون هوه انباگ خدره
مافرحت الزهره و لاچن اهنا
ابدمعک رایح اتفرح الزهره
عیش ایام عمرک تبچی لحسین
وهنیاله الگضه بلخدمه عمره
الف و تسعمية حسره بليوم
احسبهن ابروحك طبره طبره
عیش الطف ولو بلیوم لحظات
واتصور احسین و وذاک نحره
عیش الوحدک بس انته واحسین
وابصف الگلب سویله حضره
اشمحلاتك اتون وتسمع الصوت
سيد جاسم طویر جاوی یقره


الفاتحه لروح ناعی الحسین علیه السلام
السید جاسم طویر جاوی رحمة الله عليه


#عبد_الرباب
#احمد_الصخراوی

https://telegram.me/ninve

#الخیمة_و_الباب


فرغ اهوای بین الخیمه والباب
بس اشویه ینرادلهه تفکیر
نفس النار صح و فزعة وارماد
هم اثنینهن بیهن مره اتحیر
الخیم ماتندفع بس تشتعل نار
ومابیهن اجذوع و لا بسامیر
الخیمه احترگت وراعیهه مذبوح
وابخیماته صار ایفرهد الغیر
حیدرعدل چان و دفعوا الباب
ابعتبة بابه شاف انسحگت الخیر
علیٰ الدنیه العفیٰ اشطیح ابوحسین
العبد یوگف ابوجه الحاکم ایصیر
منو الیفهم اجروحه وشحت الناس
و حیدر سولفاهن کلهه للبیر


#عبد_الرباب
#احمد_الصخراوی


https://telegram.me/ninve

رساله من [ مُذنِب ] الى صاحب الزمان عج

بذنوبي تعبتك حيل
وأبچي واگولن ياويل
بصدرك صِرت حافِر خيل

[ يالمَهدي سامِحني ]
****
بذنوبي تعبتك أنه ويوميه أگولن باچر
بالباب يوميه انتظر يالمهدي الك ومناطر
صح أنت غايب بس ترد تتسمى غايب حاضر
ويه حسين متوارد وأنه متوارد ويه الحافر

صح أنه مو خوش أنسان
أقبلني لجل العطشان
جواك أصيراً تربان

[ يالمَهدي سامِحني ]
************
هاي أول حچايه الك گلبي يرد لمچانه
من الالم من الحزن روحي أعتنت حزنانه
كل الخلايا البالجسم يم طولك وندمانه
بداعة الراحت للسبي أقبلني خادم أنه

مذنب وأنه أتوسل بيك
وگلي [ أنه راضي أعليك ]
أمسحلي راسي برجليك

[ يالمَهدي سامِحني ]
************
روحي شبعد يالمنتظر صارت بدونك صحره
گلبك من الهم والتعب من ذنوبي صار شكبره
يوميه أذنب سيدي وماعيد [ هاي المره ]
سامحني هالمره أتعبت أقسم عليك الزهره

اي وحق عمك عباس
تتشمت اعليه الناس
من عندي شيب هالراس

[ يالمَهدي سامِحني ]
************
باچر تجي رغم الدمع وتگلي يبني اقرالي
بكل الشعور أنه أبتسم يالمنتظر هنيالي
مو بالفرح لا بالحزن دمع الخدامه احلالي
ألطم وأنوح بمجلسك بس هايه راحة بالي

أقره أنه والناس تشوف
تمسح على راسي چفوف
المامقتنع خله يعوف

[ يالمَهدي سامِحني ]
************
كلشي بقى من الدمع بس أنت تدري بعذري
باچر شنو اليبقى الي وياهو اليضل بكِتري
أمنيتي أموتن باللطم محظوظ يخلص عُمري
بدمعاتي أنه اذرف الك وتصير شمعه بگبري

والمقتل أذرفله أدموع
والعاشر أكسرله ضلوع
بالوحشه تشعلي شموع

[ يالمَهدي سامِحني ]
************
#المذنب
#عبد_الراحمين_حميد_الفضلي

عالمٌ غيّرَ مُعَلَّم   ذا أَبا الفَضلُ تَكلم
[ بالطفوفْ ]
بَطلٌ وَقتُ القِتالِ   يَمتَلك كُل الجمالِ
[ بالطفوفْ ]
في كُل قَلبٍ تَنهشُ الحَسرّه
لَمْ يَصلواْ مِن عِلمهِ ذَرَّه
أبا الفَضل...
@
هوَّ المِفتاحُ للبابِ الذّي يُقفَل
هوَّ قَبلَ الطفوفِ في السما يُسأَل
كَ وحي اللهِ مِن فوقِ العُلى يُرسَل
أبا الفضلِ على زينَب فقط مُنزَل
فَ لَهُ كُلَ الحياةِ   لَمْ يَخف صوتُ المماةِ
[ بالطفوفْ ]
تَرتعِب منهُ الرجالِ   يَمتَلك كُل الجَمالِ
[ بالطفوف ]
تَنسمع في صَمتهِ الأبرَّه
لَم يَصلوا مِن عِلمهِ ذَرَّه
أبا الفَضل...
@
فراتٌ فيهِ يُروى كُل ضمئانا
يُرَّتل وجههُ عَيناهُ قُرآنا.
فَ سُبحانَ الذّي أبدع سُبحانا
فَ كُل من رأى العباسُ فرحانا
للقُلوبِ إِن أشارّ   تمتَلئ كُلاً وقارّ
[ بالطفوفْ ]
كُل حزبٍ يفَرّحون   فَ أبا الفَضلِ حَنون
[ بالطفوفْ ]
في قَلبهِ حِنيةٌ كُبره
لَم يصلوا مِن عِلمهِ ذَرَّه
أبا الفَضل...
@
جميلاً للجَمالِ أيةً كُبرا
فَ من علمٍ الى حلمٍ قضى عُمرا
فَقيهٌ عالمٌ في عِلمهِ أدرا
صِفاتٌ جُمِعتْ في مُهجة الزّهرا
عالمٌ عِلم الوجود   هذا مِن رزق الودود
[ بالطفوفْ ]
أسس عِلم الحَياء   يَنبَعث منهُ الوفاء
[ بالطفوفْ ]
روحَهُ مَعروفةٌ حُرَّه
لم يصلوا مِن عِلمهِ ذرَّه
أبا الفَضل...
@
لديهِ في عُلومِ الكونِ الهامِ
فَ هل تَقدرّ أن توصفُ أقلامِ
حروفٍ عَجزت عن وصفها السامي
رأيت الوصفُ عنها عاجزٌ دامي
كُل حرفٍ للكَفيل   فيهِ ترتيل الجليل
[ بالطفوفْ ]
فيهِ أوصاف الرسول   قرةُ عين البتول
[ بالطفوف ]
حُبهُ في أعيُن الزهرَّه
لَم يصلوا مِن عِلمهِ ذرَّه
أبا الفَضل...
@
لهُ في عالم الأكوان كَم هائل
بتكونِ العزيزِ عِلمهُ كامل
[ آ يصلحُ أن نَقيسُ العلمَ بالجاهل ؟ ]
ف يكفي أسمهُ عباسُنا الكافل
يعلموا فيهِ اللئام   عالمٌ وسط الخيام
[ بالطفوفْ ]
كافلٌ وهوَّ الوحيد   هذا بالطفِ نشيد
[ بالطفوفْ ]
يّمتلك في رأسهِ خبرَّه
لم يصلوا مِن عِلمهِ ذرَّه
أبا الفَضل...
@
#عبد الرحمن حميد الفضلي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أبد ماشايف مثل أصحابي
همَ حزني وفرحتي وأحبابي
أبد ماشافت العين   مثل أصحاب الحسين
أبد ماشايف مثل أصحابي
@
گعدوا كلهم بليلة العاشر
وي شيبة الخدمه أبن مضاهر
قائدهم شهم بالحرب ملاچ
وترجف لسه من عنده العساكر
گاللهم ، يخواني ، شدولي العزم
باچر ، تنظر زينب ، وتبين الزلم
گعدوا والتسولف بس العيون
وأرتعدت الغيره بعابس وجون
وهدت غيرة القين   مثل أصحاب الحسين
أبد ماشايف مثل أصحابي
@
گاللهم عگل للخيمه تنذب
وبرير بدمعته لحسينه عزب
گاللهم أخوتي لو تموتون
ولا يدخل الخوف بگلب زينب
كِل هَمي ، ومن عزمي ، صيروا چن نهر
ليهمكم ، كل زلمه ، نتگطع وذر
كون حسين مايفگد الخوه
التميمي يصيح يم حسين تگوه
كل واحد على الفين   مثل اصحاب الحسين
أبد ماشايف مثل أصحابي
@
صار الصبح وگفوا فرد وگفه
كل زلمه شفت سيفه أعله چفه
حتى گلوبهم مابيها كل خوف
الشايل غيرته واللي تحَفّه
كل واحد ، من عدهم ، من عزمه يشد
گاع الله ، شو ترجف ، لو واحد يهد
ماخلوا بگاعي تصير خلّه
بنص جيش العدو حطوا الذله
الگه منهم منين   مثل أصحاب الحسين
أبد ماشايف مثل أصحابي
@
من هدوا أرتعبت منهم الگاع
سفينه الطف وربعي كلهم شراع
صاحوا فرد صيحه وأسمعت صوت
وسفه المثل أبو السجاد ينباع
فرحوني ، بغيرتهم ، من صاحوا هلا
گد ما ، عزبوا بيها ، فرحت كربله
من أبعيد أسمع صوت وأحساس
كلشي بكربله من أچفوف عباس
ماكو منهم ثنين   مثل أصحاب الحسين
أبد ماشايف مثل أصحابي
@
كتبوا بالمناحر أحنه وياك
وكت الحرب بس شدنه أعله يمناك
من هاي المواقف صاحبك زين
وضلت خالده من الوكت ذاك
حلفوني ، بدمعتهم ، والدم ينعصر
خافن ، قصرنه أحنه ، نترجى العذر
خافن بويه قصرنه وي أهلنه
فدوه نروح كلنه لروح سكنه
دور الصاحب الصاحب   مثل أصحاب الحسين
أبد ماشايف مثل أصحابي
@
#عبد الرحمن حميد الفضلي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ضامن_الدمعه


یاضامـن إدمـوع الخیم
یلشایل إجـروح الغریب
یاظیم عشگ اهل الجـزع
یا ونــةالحب والنحیــب
إشگدشایل ابروحک حچی
ماتحچی بس چلمه گلت
إن کنــت بـاکیا لشـــی
فبک الحسین یبن شبیب

من تهل دمعک مصیبه
للغـریب و للغــریبـــه
تبچی لظعون وتنادی
یا نهیـبتنه النهیــــبه


سلطان_الحب_مدد

ــــــ...ـــــــ...ــــــ

امن اول محرم حدصفر
إتــوزعک دمعتک علخـدم
وانته الــتلبسنه الســـواد
یابــوالجـواد إشهـل کرم
إتحب البــواچی اعله السبی
وظیم الخـدر وأم الخــدر
ونســوان هاشم فرفحن
ظهــریه طلعن من خیم


من هوان الدنیه طلعت
زینب وبلــهیمه رکضت
من عگب ذیچ الهواشم
مدری ابیا هیمه وگعت


سلطان_الحب_مدد

من جدمک الـراسک عطش
من إتمر سوالف علیســر
وانمدت ایادی اعله الخدر
من کــون ایـــادیهم کسر
طلعن عفیـــفات السـلف
نسوان مکسـورة گلــب
المــادنــگن بس للصــلاه
إشطــلعهن ابــوکت الظهر


ابروحک اتعیش الهضیمه
احتـار الیتیــم اویه الیتمه
نســـوان ضایع خـدرهــن
واشلونه الیضـل ابلاخیمه


#عبد_الرباب
#احمد_الصخراوی

https://telegram.me/ninve

زينب ماتت وللنعش ماخدينها
لا اخو لا ابو بالنعش حـاملينها

وين حسين ، وبوفاضل اخوتها
بحياتها عليهم تحسرت ومماتها

#يا_زينب_الحزينة
#عبد_الحسين_ص

منهو الغسِّــلك يا تالي المعصوم
والسـدر والكـافور والكفن فصله
منهو صلَّى على جنازتك يا إمام
منهو شـال للنعش ولقبرك وصّله
منهو النزلك بالگبر منهو التـلگاك
منهو ســـد اللبن وللتـربـان هلِّـله
يـا ملاك يوجه لحضرتك ســؤال
وانـت عنّـــك هالملايــك ســايله
انـت ظلّيــتِ بگبــرك من نزلــوك
لو قصدتِ زيــارة ابـن عقد الوله
ومــن تعنيتــي لمقطــوع الزنـود
شــگلتيله يا ليتــك تظلي بكربله
بس مــا رجعتي مســبيه للشــام
رجعتــي ويّــه كــافـــلك مِــدَّلِـله

#يا_زينب
#عبد_الزهراء
#العبرات_الحسينية
https://ⓣelegram.me/AlAbaratAlHosainiya

شايل اذنوبي بعباتك  وانت محني
شيبك الصار بلحيتك كله مني
يرمي شيطاني وسهامه ما خطني
       يمهدي........... يمهدي


اريد اوصلك   ولا اندلك
الدمع ياخذني لرسومك وتراودني ذنوبي
شكثر اذيتك  بتعب خليتك
أجاهر بالذنب وانت تغطيلي عيوبي

رمح بدلالك ذنبي
يكبر واليصغر حبي 
انه المرتاح وانت
عايش مخنوك ومسبي


تلْچم بگلبي ذنوبي وبيها اعيدن
ما اصيد بعيني خير الشر اصيدن
وادري بعيونك عليه يراقِبني
     يمهدي   يمهدي
.
.
.
.
شكثرها عيوبي   وسهام اذنوبي 
يصوبن گلبك الدامي على حسين وخيامه
وحگ عباسك  لچمت احساسك 
سبيت عيونك الحلوه وسلبت الابتسامه

هذا انه الما رضيتك
الشَيّب گلبك ولحيتك
ما جابر كسرك مره
بتعب افعالي خليتك


الدنيا ضحكتلي وخذت مني سينيني
حگك انت تغيب عنها صلفه عيني
وهسه اني شايل أخطائي عله متني
         يمهدي  يمهدي
.
.
.
.
وحگ اضعونك  احب عيونك
وانه ادري مقدِر أشواگي يسلطان السماحه
جروح ابچيلك  الگلب يحچيلك
على اللوعه اضل انبض وحگك ماكو راحه

الگلبك يركع گلبي
تشهدله جروحي وربي
صح ما شافك بس عاشك
ومن شوگه مبين تعبي

يالاحن مني عليه يا فؤادي
سلمت كلشي بديك انت القايدي
العالمك كل امنياتي  اسرني
        يمهدي يمهدي
.
.
.
.
طبيب اجروحي  حبيب لروحي
يّذَوِب گلبي طاريِّك يتاج اعله الترافه
يشاغل بالي   عزيز وغالي
بخت تمطر على الحَبك يميدان الضيافه

ماتطرد واحد حبك
تضم الشافاك بگلبك
بس انت الحُب يامهدي
دلالي سالك دربك

عني غايب لكن مقَدِر ظروفك
انه مجنون بغرامك يمته اشوفك
أسألك طعم الوصال بكل تأني
        يمهدي يمهدي

.
.
.
.
سهر اسهرلك  عسى اوصلك
واخلي جفوفي بجفوفك وارويها عيوني
اقبل اجدامك  درع گدامك
اعوفن كل هلي وناسي يشيبه بنص جفوني

انت الفوگ الكل دونك
ما خالق الله بلونك
ينسى الدنيا وكل ناسه
الشايف نظرات عيونك

انت سالفتي وأماني وامنياتي
انت شيبة گلبي وآلامي وصلاتي
عطفك وذكرك يغالي رتبني
       يمهدي  يمهدي

.
.
.
.
#عبد الله الشويلي




@HxzEU1
https://tttttt.me/hxzeu1
قناه نشر القصائد المنبريه

استقبال الحسين ع



واشرقت كربلاء .. بنور ربها

•••••••••••••••••••••

هلا بالگاصـد اعلينه
هلا يمحلي اسـامينا
بريد الحب عناوينه
‏
خيام حسين

نور من السما يطلع
فوگ اگلوبنه اتربع
هلا بالزلمه المسنع
حبيبي حسين

واشرقت كربلاء .. بنور ربها

•••••••••••••••••••••


اهلا سيد البطحاء
اهلا نعمة النعماء
هلا من الاف للياء
قدومك خير

هلا بميــــة الگصـه
السفر لله صحت فرصه
اليعرج بيك يتوصه
وسيطك خير

واشرقت كربلاء .. بنور ربها
•••••••••••••••••••••
جزيره وجيتها اميه
الماتت صبحت حيه
كلمن يصفن ابفيه

يشوفه حسين

رُوك ابحُبك انركنَـه
المابي منك انركه
ندري الدنيا لتضكنه

فرجها حسين
واشرقت كربلاء .. بنور ربها

•••••••••••••••••••••••

الحب بس الك يسوه
وبخيت الگلبه الك يهوه
وين الينگط مروه

يحب حسين

وعليك اگلوبنه اندارت
بحبنا الوادم احتارت
مشاعرنا وقف صارت
فقط لحسين

واشرقت كربلاء.. بنور ربها
••••••••••••••••••••••
على الدنيا العفا بدونك
شتسوه بلا ضوه عيونك
احب ذوله اليريدونك

الك يبجون

الحب دين لليعلم
الحب ستر لليفهم
الشرف دمعات لمخيم

وكحل لعيون

•••••••••••••••••


#خالد #عبد #السادة #البديري





@HxzEU1
https://tttttt.me/hxzeu1
قناه نشر القصائد المنبريه

لا يكمل ايمان العبد .. حتى يضن الناس .. انه مجنون

لطف الرحمن .. علي
عدل الميزان .. علي
أمنٌ وأمان .. علي

**

١
شمس

ايردها بكيفه وتمشي برايه
وفوك الكاع شكبر فيايه
وهذا الكون ترابه ومايه

نخلق . لجل .. علي

هذا الكون وشغله وأمره
كل ترتيبه أبيت الزهره
من تتحرك حتى الذره

وعلي .. بأمر .. علي


من تحت ايده وقبائه انرفعن السبعه
وعلموده الباري كور بالخلق سبعه
بيده نار وبيده جنه وهو حاكمهن
الحمد لله صرنه شيعه ونؤمن برجعه


هو الفاروق .. علي
هو المعشوق .. علي
مغزى الاديان

**
٢
علي

ادم يسجد لسمه ونوره
مخلي بكَلب الناس حروره
وعدنا البيت المابي صورة

ل علي .. هواه .. جمر

دين الخالق واكف بسمه
وهو الدين بصوته ورسمه
بكيفه تهب وتروح النسمه

ورضا . علي .. اجر


باء بسملة الإله ورحمته ونوره
علي خالق علي منجي وحاكم بسورة
علي طيب علي يزرع علي ميقصر
علي يفزع بالشدايد حتى بالصورة


خير الأسماء .. علي
كفوء الزهراء .. علي
قلب القرآن.. علي

***

٣
علي

بسمه يخضر عود الشجرة
وبسمة الطير يرد لوكره
ينطي الحاجة ابيته وقبرة

اسم .. علي .. رزق

هو الرازق وبأمر الله
هو الظاهر تأييد الله
ياهو الزكه بلحظه وصله


وطن .. وابو .. وعشق



مو مغالي لكن (الحق) علي وذريته
و علي مهبط لِلملائك خاطرة وبيته
السراط العدل هوه الأول الآخر
الولاده أبيت الله وطيحته ابيته


سر الأسرار .. علي
مُجري الأقمار .. علي
مازال وكان .. علي

**

٤

كأن

اسمه رغيف الناس الفقره
ويم الخالق اسمه شبكره
من تحلفه بأسم الزهره

وعلي . ينصرك . علي



بس الوادم جهلت أمره
الخالق حيدر يعرف قدرة
من تهدي تسبيح الزهره

يدك .. بابك .. علي



ابو هاي الامه كلها وسيد الساده
القمر يوميه على باب ويطلب امراده
الكواكب هااااي تمشي بكيفه وبرايه
واليعاند خلي باجر ينفعه اعناده


سر الأرزاق .. علي
منحى العشاق .. علي
كل الأزمان


**
٥

ضوه

حيدر نور يصير بدربك
حيدر خير ويترس كَلبك
كل الناس يجوز اتعبك

فقط . علي . دفو


الزم كَلبك وسولف بسمه
يمر بروحك مثل النسمه
حسب الحاجه تخيل رسمه

ابو . وصاحب . واخو


صفي كلبك والفض واسمه وشوف وكفاته
نفس ذات الهادي طبقا تنوصف ذاته
علي قالع باب خيبر علي فانيهم
و علي بجفوف اليتامه تجري دمعاته



قطب التوحيد .. علي
في الخير يزيد .. علي

في كل مكان

#خالد #عبد #السادة #ألبديري




@HxzEU1
https://tttttt.me/hxzeu1
قناه نشر القصائد المنبريه

(لسان حال الإمام الحجة عجّل الله تعالى فرجه)

١/إنَّني "المُضْطَرُّ" في "أمَّنْ يُجيبْ"
وارثُ الأرضِ أنا فيها غريبْ!
قد قضيتُ الدَّهْرَ حُزناً ونَحِيبْ
نادباً في وحدتي آل الرَّسولْ

٢/كلَّ فجْرٍ أَنْظُرُ الرّأْسَ المُصابْ
وأرى الكرّارَ أدْماهُ الخِضابْ
ومعَ الصُّبْحِ أرى ناراً وبابْ
خلْفَهُ قدْ كسَروا ضِلْعَ البَتُولْ

٣/أقصدُ الزهراءَ في قَبْرٍ أُضيعْ
فأزورُ الآلَ في أرضِ البقيعْ
فوْقَهُمْ قد هُدِّمَ البيتُ الرَّفيعْ
ما غَفْتْ عينايَ عنْ تِلْكَ الذُّحولْ!

٤/وبقُمٍّ وَبِبَاخَمرا وَطُـــوسْ
وبِسامَرّا لَنا طابَتْ نُفُوسْ
وعلى سَطْحٍ وفي قَعْرِ الحُبُوسْ
قتلونا..ومآسينا تَطُولْ

٥/أيْنما أذْهبْ ففي قَلْبي عزاءْ
وترى عيْني قميصاً مِنْ دِماءْ
لذبيحٍ ظامِئٍ في كربلاءْ
طحَنتْ أضْلاعَهُ جُردُ الخيُولْ

٦/والتي تكْوي فؤادي باحْتِراقْ
مَنْ بكتْ حُزنا لها حتَّى النِّياقْ!
زينبٌ..شدُّوا يديَها بالوَثاقْ
قبرُها في الشَّامِ..عَنْهُ لا أزولْ...

*الشاعر علي عسيلي العاملي*

https://youtu.be/LeGqnpX7nfM