رسالة مذنب الى
مولاه

يالكاظم اليوم بشده طحنه
وبسمك كبل يتلايم جرحنه
_______________________

كبل لو مرنه ضيج وشفنه الاخطار
نتعنه. مشي الحضرتك. زوار
بشباجك نلوذ ازغار واكبار
وصرنه انزور هسه من سطحنه
_______________________

بستشهادك احنه بكل سنه انروح
نتعنه الضريحك تبجي وانوح
نلطم بالصحن والدمع مفضوح
بس هاي السنه مويمك احنه
______________________

ها يابو الرضه احتارينه شنكول
جنت تدعيلنه كل معضله اتزول
كبل من يكصد الحضرتك مشلول
يكوم وكلنه لو شفناه فرحنه
_____________________

اتغير حالنه والجان. ماجان
اشعجب سديت بابك خاف زعلان
نجيك اجيب مشيه ونرفع اعلان
اكظم غيضك افراكك ذبحنه
_____________________

بلادك كعبة الله والها ربها
عجيبه اكبر وباء اليوم طبها
لو ما انته جا ربك كلبها
بكثر اذنوبنه وجان انفضحنه
_____________________

ها يابو الرضا تفزع نريدك
اقبلنه احبابك انتوب اعله ايدك
وي خدامك وضمنه العبيدك
وخل نعرف عصرنه من صبحنه
_____________________

اليموت بهل وباء اليوم شفنه
حتى المكبره ترفض تدفنه
الابو جدامه كون يموت ابنه
مايتدنه يمه شلون محنه
______________________

الغوث الغوث بالله وبيك يافيض
دخيل ابشاربك ياكاظم الغيض
بسبب ضلم البشر صار الوكت كيض
شنسولف ولا يخلص شرحنه
________________________
#المذنب عبدالامير السعيدي


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

رساله من [ مُذنِب ] الى صاحب الزمان عج

بذنوبي تعبتك حيل
وأبچي واگولن ياويل
بصدرك صِرت حافِر خيل

[ يالمَهدي سامِحني ]
****
بذنوبي تعبتك أنه ويوميه أگولن باچر
بالباب يوميه انتظر يالمهدي الك ومناطر
صح أنت غايب بس ترد تتسمى غايب حاضر
ويه حسين متوارد وأنه متوارد ويه الحافر

صح أنه مو خوش أنسان
أقبلني لجل العطشان
جواك أصيراً تربان

[ يالمَهدي سامِحني ]
************
هاي أول حچايه الك گلبي يرد لمچانه
من الالم من الحزن روحي أعتنت حزنانه
كل الخلايا البالجسم يم طولك وندمانه
بداعة الراحت للسبي أقبلني خادم أنه

مذنب وأنه أتوسل بيك
وگلي [ أنه راضي أعليك ]
أمسحلي راسي برجليك

[ يالمَهدي سامِحني ]
************
روحي شبعد يالمنتظر صارت بدونك صحره
گلبك من الهم والتعب من ذنوبي صار شكبره
يوميه أذنب سيدي وماعيد [ هاي المره ]
سامحني هالمره أتعبت أقسم عليك الزهره

اي وحق عمك عباس
تتشمت اعليه الناس
من عندي شيب هالراس

[ يالمَهدي سامِحني ]
************
باچر تجي رغم الدمع وتگلي يبني اقرالي
بكل الشعور أنه أبتسم يالمنتظر هنيالي
مو بالفرح لا بالحزن دمع الخدامه احلالي
ألطم وأنوح بمجلسك بس هايه راحة بالي

أقره أنه والناس تشوف
تمسح على راسي چفوف
المامقتنع خله يعوف

[ يالمَهدي سامِحني ]
************
كلشي بقى من الدمع بس أنت تدري بعذري
باچر شنو اليبقى الي وياهو اليضل بكِتري
أمنيتي أموتن باللطم محظوظ يخلص عُمري
بدمعاتي أنه اذرف الك وتصير شمعه بگبري

والمقتل أذرفله أدموع
والعاشر أكسرله ضلوع
بالوحشه تشعلي شموع

[ يالمَهدي سامِحني ]
************
#المذنب
#عبد_الراحمين_حميد_الفضلي