انطي ضلع ونطي عيون
يابا الحــسن كله يهــون
المهم أسمك موجود
بالباب خلي يدفعـــون
خلي انعصر ..صبح وعصر .. كل العمر فداك
هاك الضــلع .. ويـاه دمع .. خل يرتفع لــواك

#ثورة_ضلع

ملا عقيل الكعبي

حسين طالب السماوي🖋🗒

حسينية الحاج داود العاشور

#ثورة_ الضلع
#يـازهــراء
أسـتـشـهـاد الـزهـراء (ع)


و فـاطـمـاه ... و فـاطـمـاه
ـــــــــــــــــــــــــــــــــــــــــــــــــــــــــــــــــــ

هـاي الـوصـيـه اهـل الظلـم حـرفوهـا
وحـرمـة مـحـمـد بـيــچ مـا راعـوهــا
بنـار الـحقـد بـابـچ غـصـب حـرگـوهـا

نـادى الـرســول ... واويـلاه
لـضلـع الـبـتـول ... واويـلاه
ــــــــــــــــــــــــــــــــــــــــــــــــــــــــــــــــــــ

جـن وأنـس بـيـچ أصـبـحـت مـفجـوعـه
والـدنيـــا نـاحـت عـالـكـســـر بـاللـوعــه
وعـالمحسـن أوليـدچ طفوهـا اشمـوعـه

هــم مـا يــزول ... واويـلاه
لـظلـع الـبتــول ... واويـلاه
ــــــــــــــــــــــــــــــــــــــــــــــــــــــــــــــــــ

لا مـا رعـــو بـيــچ الـرســول وديـنـه
بـمسمـار بـابـچ ضـلعـچ أمكـسـريـنـه
شـتنطـي الـعذر للـمصطفـى هـادينـه

شـنهـي شـتـگول ... واويـلاه
لـضلــع الـبـتــول ... واويـلاه
ــــــــــــــــــــــــــــــــــــــــــــــــــــــــــــــــــــ

مـنهـو الـسطـر خــدچ يـروح الـهـادي
وخـلـه الـسمـه تـبچـي بدمـه وتنـادي
بـس الـحـزن والـهـم عـلـيـكـم سـادي

بـيـكــم يـجـول ... واويـلاه
لـضلـع الـبتــول ... واويـلاه
ــــــــــــــــــــــــــــــــــــــــــــــــــــــــــــــــــ

هـاي الـجريمـه الـشيعـي ما يـنساهـه
كـل عــام نـحـيـي بـالـدمــع ذكـراهـه
أم الـحـسـن كل أحـنـه خـل نـنـعـاهـه

بـدمـع الـسـيـول ... واويـلاه
لـضـلـع الـبـتـول ... واويـلاه
ــــــــــــــــــــــــــــــــــــــــــــــــــــــــــــــــ
وأسـألكـم الـدعـاء
سـيـد عــلاء الـحـيّـدري🖋🗒

#انقذوا_البصرة
#ثورة_البصرة


صرخة بصرية .. واحتجاجية
ضد الظــــلم .. ضد الظــــلم

~~~~1⃣~~~~

احنه اهل البصرة مانگـعد بعد
نريده حگنه ماهي مننية أحد
كلنه نصرخ ياعلي حـيدر مدد
احنه اهل ثورة يقين ومعـتقد

صرخة ثورية .. واحتجاجية
ضد الظــــلم .. ضد الظــــلم

~~~~2⃣~~~~

مايهمنه شما فقـدنه مـن شباب
حسين علمنـه نـهب لامـانهـاب
ونصرخ بوجه الظلم والاكتئاب
ونطـلع بحمـلات نگلـبها گـلاب

صرخة مدوية .. واحتجاجية
ضد الظـــــلم .. ضد الظــــلم

~~~~3⃣~~~~

احنه ولد الملحة سمونه الخلگ
لجل حگنه ننتفض حـته نـطگ
مانريد الذلة احنه اهـل الصدگ
ننتفض برواحـنه وموش بتفگ

صرخة حتمية .. واحتجاجية
ضد الظــــلم .. ضد الظــــلم

~~~~4⃣~~~~

مو جديد اعلينه ابد هالتضحيه
احنه اهل البـصرة لا مـو جـاليه
وتشهد احروب وسـواتر عاليـه
مانـريد احـنه الحـيـاة الفانــيـه

صرخه عقلية .. واحتجاجية
ضد الظــــلم .. ضد الظـــلم

~~~~5⃣~~~~

على نهج حسـين لازم ننـتفض
گال هيهات ولجل مبـدأ رفـض
ايــده ماخـلاها بـيد المعـترض
مانريـد الذله من طول وعرض

صرخة نهجية .. واحتجاجية
ضد الظــــلم .. ضد الظـــلم

~~~~6⃣~~~~

احنه نتظاهر رغــم كل المـحن
انـصيح لبــيك حســيناً بالعلـن
حيل نصرخ والجـروح اتلچمن
نـروح فـدوه وامـهـات يهلـهلن

صرخة معلية .. واحتجاجية
ضد الظــــلم .. ضد الظـــلم

~~~~~~~~~~~~~~~~~~

#أم_عباس_هيثم_العبادي
؛؛؛ ٦ / ٩ / ٢٠١٨ ؛؛؛

#الناشر_الحاج_فلاح_حسن

#حلم_مذبوح

#لايسمح_تغير_اسم_الشاعر

قناة تختص بنقل حقيقة اخبار المظاهرات👇نرجو الاشتراك بها 💜

#ثورة_اكتوبر
#٢٥_تشرين
https://tttttt.me/U_Ira_q

#شارك

#قصائد_فاطمة_الزهراء_عليها_السلام1442ﮫ #الرادود_سيد_علي_الجابري


#ثورة #ضلع… .
. جديد الليالي الفاطمية ١٤٤٠
……… . وزن المجرشه…… .
.
.ـــــــــــــــــ ❁ ❁ ❁ ـــــــــــــــــ
.
ثورة ضلع يم بابچ .. كلمة (وإن) عذابچ
وانتي العفيفه
يالصابره ابمصابچ .. شفنه انتصر حجابچ
اعله السقيفه
ياراية الولاية.. للعفه انتي آيه..
يافاطمه
.
.ـــــــــــــــــ ❁ ❁ ❁ ـــــــــــــــــ
.
عين الفكر والمعرفه يافاطمه بيها انشوف
يم بابچ آيات النصر نقراهن ابلايه احروف
بالعصره ضلعچ منكسر بس جرحه يذبح اسيوف
حيدر يذل جيش العده رغم ابحبلهم مچتوف
.
صح انذبح جنينچ .. صح انسمع ونينچ
وابابچ النار
يالصابره يقينچ .. وضّح ملامح دينچ
بالونّه أسرار
غصبن على المنايه .. للعفه انتي آيه ..
يافاطمه
.
ـــــــــــــــــ ❁ ❁ ❁ ـــــــــــــــــ
.
حرگو على بابچ حطب رادو تخاف الايتام
محد يدگ بابچ بعد عندچ ولا طفل اينام
محد يجي يطلب علم خافن تهظمه الظلام
لو ظل غريب ابلا اهل بيمن يلوذ الاسلام
.
دين الله لاذ ابدارچ .. يعرف قدر ايثارچ
لجله تضحين
يدري الثمن اقمارچ .. من ضلعچ الابرارچ
ولنحر الحسين
بناتچ السبايه .. للعفه انتي آيه ..
يا فاطمه

ـــــــــــــــــ ❁ ❁ ❁ ـــــــــــــــــ
.
عجل السقيفه من هجم يالطاهره أبليس، وياه
يسحگ عالعتاب ونطق دين الله مهدوره ادماه
سلمـينه الاســلام ونــرد لكـن جـوابـچ رداه
ضلعي وجروحي وعبرتي والمحسن وآنه افداه
.
دين الله هو ديني .. عمري ونبض سنيني
ضميته بالروح
ماسلمه لو تمحيني .. لو تنذبح بنيني
خل دمي مسفوح
متحظره للبلايه .. للعفه انتي آيه ..
يافاطمه
٠
ـــــــــــــــــ ❁ ❁ ❁ ـــــــــــــــــ
.
بيتچ غده ساحة حرب جدحت عيون الفقار
لكن اذا چفه انچتف بيمن يسل البتار
ضلعچ برز للموزمه يافاطمة يحمي الدار
شفنه ابجروحه كربله يگطع وريده البسمار
.
اول جرح للعتره .. رتل دموع العبره
وعيونه عالباب
ضلعچ تهظمه السطره .. والشهگه تشعل جمره
والهذا ماطاب
من شاهد الضحايه .. للعفه أنتي آيه ..
يافاطمه
.
ـــــــــــــــــ ❁ ❁ ❁ ـــــــــــــــــ
.
بالعصره من صدرچ نزف خضّر على بابچ ياس
يعني البطوله تنولد كلما الچ ضلع انداس
لجل الحسين وكربله ردتي البناتچ حراس
گلبچ دعى يوم الهظم ياربي جيب العباس
.
جرحچ نزف سلامه .. للحره هالعلامه
خدرها بالدار
كافلها سل حسامه .. مَن يذبح الحمامه
وعيونه بالغار
يارحمه للبرايه .. للعفه انتي آيه ..
يافاطمه
.
ـــــــــــــــــ ❁ ❁ ❁ ـــــــــــــــــ
.
ذليتي السيوف ابجرح رغم الحزن نصرچ بان
دمعچ شرح كل لوعتچ صمتچ گطع كل السان
روح النبي يافاطمه يرضى الرضاچ الرحمن
تسبيحي كل صبح ومسه أفلان العنه وافلان
.
الباري عنده اسرارچ .. للنايبه مختارچ
درع الامامه
يعرف عدد انصارچ .. ويردلچ اعتبارچ
يوم القيامه
يامشعل الهدايه .. للعفه انتي آيه ..
يافاطمه
.
.
ـــــــــــــــــ ❁ ❁ ❁ ـــــــــــــــــ

حسن الموالي الفاطمي

القصيدة محرمة على رواديد ال DJ
.
٢٠١٩/٢/٥



https://tttttt.me/y2_7y