نسأل الله القبول ... بخدمتك يبن البتول
بالگلب طبعت مصايب كربلاء
الله لايحرمنه من هذا العزاء
................

يالحيّرت كل الناس .. إبلا نضره تنعشك
وگلب اليخدمك يحسين..بسمك يظل يدك
تعرف الحبك مولاي..والگلبه محترك
بالدنيه حبينه هواي..بس حبك الصدك

انته يااول حبيب.. وجرّح حبك مايطيب
اي وحك عباس شيال اللواء
الله لايحرمنه من هذا العزاء
.................

يارحمة الله وننخاك.. عالحركه واللطم
والدمع لجلك يحسين.. من ينزل بهظم
هواي اليلومونه اعليك.. ميهمنه كل خصم
خلينه يمك مولاي.. موسهله ننفطم

وين نلكه بهل حنان ... وّشيلمنه بيامكان
بغير هذا المجلس ايضيع البكاء
الله لايحرمنه من هذا العزاء
................

بمجلسك من نحضر كون.. ترزقنه ننفجع
صح تنزل ادموع العين.. مايكّفي هالدمع
عالصدر دكينه وحيل.. خلينه الك طبع
بس ماكو خيل وننداس..وتكّسر الضلع

ريت تسحكنه الخيول.. وعالصدر تبقه تجول
وتطحن اعضام الجسم ويه الدماء
الله لايحرمنه من هذا العزاء
...................

عاشرنه بالدنيه هواي.. كل عشره والهه حد
ونته بعشرتك وفاي.. تختمهه للابد
من بين كل الاحزان... حزنك فلا برد
تغذينه بي وحنه زغار.. من جنه بالمهد

موتت كل السنين.. وانته باقي ياحسين
ومن بعدنه اجيال الك عدهم ولاء
الله لايحرمنه من هذا العزاء
....................

هاي الكلوب التهواك..تتحله بالصبر
يحسين كل خطوه وياك.. يتجدد العمر
خيمة عزائك للموت.. بيهه احنه نفتخر
سبحانه ربنه السواك.. يمسهل العسر

تسهل اعلينه الصعاب.. منهو مثلك عند باب
اليدكهه اجفوفه تترسهه عطاء
الله لايحرمنه من هذا العزاء
.................

خدام عندك ماضين .. بس حصلو قرب
منك وعندك مقبول.. مدمعهم اليصب
حمزه و وطن وي ياسين.. شمعه اعله كل درب
لمن ينادون حسين..تطلع من الكلب

انته ملاج وبديك.. واحنه جيّتنه عليك
لاتردنه اعليك بالتحت الكساء
الله لايحرمنه من هذا العزاء


#محمد هادي العقابي








https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نار نار .. طبت للاخيام
نار نار .. تحرگ بالاحلام
~~~~~~~
اجيتك بيه نار اتگول باب امك
اجيتك ارد اشدن وين التهظمك
اشيلن يا عظم والطف ترسته اعظام
اتيهن بين عظم الاكبر وعظمك

الخيل الخيل ..مردن لك اعظام
نار نار .. تحرگ بالاحلام
~~~~~~~
راسك ع الرمح و حجارة كاسرته
وعله طول الرمح دمك نزف شفته
اليكرهله بشر و ايذبحة بين اعيون
يحط يا ناس گوره و گور عايلته

طاح طاح .. من عدهن احزام
نار نار .. تحرگ بالاحلام
~~~~~~
أبن امتوني راسك هسه ما لوحك؟
الرمل موش الرضيع ونام بجروحك
اندلها التمردك والتطلعْ الروح
طلعت زينب وطلعت گبل روحك

مات مات .. مو من الاسهام
نار نار .. تحرگ بالاحلام
~~~~~~
اعله صدرك خيلهم شالوها ذبوها
يأول نعمة طاحوا بيها رفسوها
گطعوا رگبتك؟ ياخوية اگلك ليش
برگبتك عايلة لهل سبب گطعوها

الشام الشام .. ياغثة الشام
نار نار .. تحرگ بالاحلام
~~~~~~~~
دمك مثل شيبك ترس كل الراس
اجيتك عود ابوسك ليش ما تنباس
اصابع ايدك اخوانك عددهن چان
بس يا خوية طايح منهن العباس

نام نام .. فوگ الرمح نام
نار نار .. تحرگ بالاحلام
~~~~~~~
تبدل عطرك بدخانة اخيامي
اول مرة اتهيّك وانته گدامي
گواك الله اگلك وانته ما مرتاح
جلد صدرك طبگ بالحافر الدامي

خيل خيل.. سحگن عالاسلام
نار نار .. تحرگ بالاحلام
~~~~~~~
اطلبچ كربلة اذراعين والاصبِع
تخلين الشمر ع التاج متربِع؟
اخوي شغاثك گتلة ويفرفح گام
يزينب غاثتني اخيولهم توجِع

ذاك ذاك .. ضلعي لگدام
نار نار .. تحرگ بالاحلام
~~~~~
✍️علي هادي الخزعلي

#رئيسية الى صاحب الزمان عج

مولاي أعتذر … مأذيك شكثر… بذنوبي
غيرك ما ألي… بس أنت وعلي… محبوبي
آسف … آسف… يامولاي آسف
__________________
شكثر أذيتك وأنتة علي تصفح
حنين بگد محنتك گلبك مجرح

أمتعبك بفعالي…ذنوبي وأعمالي… وأنت تعدي
أسف أذيتك… وناكر حنيتك … آه يالمهدي
خجلان ونادم … آنة شگد ظالم… غيرة شعندي

أعرف قصرت… بس مافكرت… بعيونك
حيل أتواكحت…وأنتة السامحت… ممنونك
___________________
يومية أعترفلك گلبي يتوجع
معقولة أتوب وللذنب أرجع

شمسوي بروحك..ذنبي ألي أيلوحك..ويخدش گلبك
الدنيا الغرتني… ومذنب خلتني… وعايف دربك
نادم بلساني… لو من وجداني… يطلع حبك

ماكلني الذنب… عايش بالچذب… ماتايب
وجهي أسودصدگ.. گلبي بالعشگ… ماذايب
____________________
بعد منا ورايح للذنب مارد
خايف لا أزعلك لو علي تبعد

بسمك مكتوبة … ياأخر توبة … للما نادم
كون بخدامك… تسجلني أقلامك …عندك خادم
مولاي أدعيلي…أسهرلك ليلي… وأصبح هايم

أمنيتي أنعدل… وبالخدمة أنقبل… سجلني
بسمك رددت… أعليك أتعودت… شاغلني
___________________
حلمي آنة أصير بعشگك أمتيم
ومن ذنبي وعثرتي الفاتت أتعلم

حبك يالغالي… أينظف دلالي… من أوهامي
مولاي أصلحني..عشگك جارحني..وأنت أحلامي
ياندبة روحي.. وشوغات أجروحي.. وكل ايامي

بدموع الجفن… راسملك حضن… للملگة
طالت غيبتك… انفاسي الشوفتك… مختنگة
___________________
وعدتك بس خفت ماظل على أوعودي
ألزمني ولا تهدني وأنت موعودي

من گتلك آسف ..گتلي ميخالف.. كون أستوعب
كل جمعة تمرني.. شوگك يعصرني.. وبسمك أندب
تخنگني العبرة ..ولجروحك اقرة ..وي كل مغرب

ظليت ألتفت… وكلشي ماشفت… وأتحسر
ظليت أرتجي… ياجمعة تجي… أتنطر
آسف… آسف … يامولاي أسف
__________________
✍️حسين حمدان الدلفي
اللهم عجل لوليك الفرج 💔

خدم خدم... ألك يبن الزچية
نعم نعم... والخدامة هوية
•••••••••••••••••••••••••••••••••••••••••
أنة هذا أعتقادي… وحسب فقه أجتهادي
بالمدامع والخدامة
بعد ماحاجة أكرر… على الأحوط أطبر
من أشيل بچفي قامة
محبتة سر وجودي… مع الخدمة خلودي
من أسولف عن هيامة

بهذا الدرب كلمن يحدد قلمة
وي البغض لو وية أهل الخدمة

كتب كتب ...على طف القضية
نعم نعم ... والخدامة هوية
••••••••••••••••••••••••••••••••••••••••
محرم عدنة واحد… لچن كثرة الشواهد
والمئاتم يعني ثورة
أبد لا ما نساوم… على الدم والمئاتم
واليساوم هذا فگرة
الخدم مثل النوارس… عشگ علمنة عابس
وبجنونة أنطانة عبرة

كون اليحب من ينجن بمحبوبة
خل يشگ صدرة مو فقط بس ثوبة

حسب حسب... روايات الرزية
نعم نعم.... والخدامة هوية
•••••••••••••••••••••••••••••••••••••••••
وحگ دم المناحر… الحفظ خط الشعائر
والعقيدة ننطي دمنة
اليعارض خل نگلة… اليموت بذلة خلة
أحنة ماتنذل زلمنة
ربينة من البداية… قسم حد النهاية
مايهمنة الما فهمنة

هذا العهد من الخدم منطينة
بمحبتك بس عالشموخ أربينة

وعد وعد… ألى يوم المنية
نعم نعم … والخدامة هوية
••••••••••••••••••••••••••••••••••••••••••
رغم هذا قصوري… لچن باقي بشعوري
والعزيمة وبثباتي
أعلنت حرب العواطف… ولا أتهمني العواصف
ومايهم ما هوة أآتي
خذيت الحب قراري… صعب يعني أنكساري
وأعرفت دربك نجاتي

اليغرگ بعد ميلحگ أبگشاية
من هسة أمشي وكض عمود الراية

بعد بعد… برحمتك مِن علية
نعم نعم … والخدامة هوية
••••••••••••••••••••••••••••••••••••••••••••••
اليحب حدد مصيرة... وعرف دربة ومسيرة
ونتمائة خطوة خطوة
وضح منهج سلوكة... الزمن بعيونة شوكة
وگلة جرح الغالي يسوة
كتابك من يختمة... فرض واجب تشمة
وتنتشي من عطرة نشوة

يختم كتابك وأطلب شتتمنة
وبعد الختم تدخل عزاء الجنة

ختم ختم… والعبارة عزية
نعم نعم… والخدامة هوية
√√√√√√√√√√√√√√√√√√√√√√√√√√√√
✍️: حسين حمدان الدلفي

بسمه تعالى
758_السيدة أُمّ البنين ع....جديد 2021
%%%%%%%%%%%%%%%%%%%%
شكَد حنين بروحهه..من ونين اجروحهه
زينب بوادي الونين
تنعه و اتسولف حنين
%%%%%%%%%%%%%%%%%%%%%
من وصل ناعي التحبهم..و الونين بروحه صاح
ركضت بحسرة مسافة..و سمعت اصوات النياح
زينب بدار الحبايب..تنعه ساعة و تستراح
يا خبر هاليوم اجاني..بفاجعة و روس و رماح؟
بس نياح بدارهه
ما سمعت اخبارهه
دمعة تنحب عالحُسين.....١
%%%%%%%%%%%%%%%%%%%%%
امكَابل انياح الفواطم..بي متاهات افتجاع
دكَت الباب و تناشد..و الصبر من عدهه ضاع
منهي هاي اللي لفتنه..و يرتفع صوت استماع
تستمع ونّة سوالف..مركب ايدور شراع
هم غياب اولادهه
جمرة نار ارمادهه
تنعه يمهه امّ البنين....٢
%%%%%%%%%%%%%%%%%%%%%
خل تجي اتصيح العقيلة..و فتحت من الحسرة باب
هذي من عدنه الحنينة..و شارِكتنه بهالمصاب
منهه راحوا أربعتهم..تشكي من نار الغياب
واحُسيناً هيّه صاحت..زينب اتعيد الجواب
من تنوح ال حالهه
و تنتظر كفّالهه
عالنهر ما عنده ايدين.....٣
%%%%%%%%%%%%%%%%%%%%
لوعة ما بين الثواكل..منهه مهدودة الجبال
عدهه كم حسرة و معاني..و بيهه كم لهفة سؤال
شسوّوا اوياكم بنيني..شعملوا بيوم النزال
ماكو وياكم رُقية..؟ و شنهي آثار الحبال؟
سولفيلي اخباركم
وينه باقي ازغاركم؟
كَولي جا عبد الله وين؟
%%%%%%%%%%%%%%%%%%%%%%
زينب بلوعة و مدامع..تشرح و يصحه الشعور
شرد اسولفلج سوالف..عن هضم كَطع النحور
كَطعوا الماي و كفيلي..اعله النهر دام الحضور
راس ابو اليِمّة بقناته..اويه الظعن يمشي و يدور
حسرة شام و سوكَهه
من تسافر نوكَهه
و المدامع بيهه عين....٥
&&&&&&&&&&&&&&&&&&&&&&&&
سيد حيدر العوادي
بابل الشوملي
2021/6/27

بسمه تعالى
781_باب الحسين ع..باب توبة و رجوع الى الله تعالى
********************************
يا ذاكراً فوق الرماحِ..يا قابلَ الحُرّ الرياحي
أتعَبَت قلبي الذنوبْ
فيكَ للباري أتوبْ
*******************************
آيه راسك عالرمح يقره الكهف
ما نزف بس الدمه اموادع نزف
تقره زينب نايبة بوادي النجف
لو تكَع طفلة و طفل راسك يكَف
من دمعةِ الشكوى عليها
أذ سارتِ الشكوى أليها
قاطعاً ليلَ الدروبْ.......١
********************************
الغالي مصباح الهُده و مركب سفر
من قصد ذاك الدرب يسمع خبر
العايش بليل الدمع شايف نحر
دمعه سايل عالوجن يخمد سقر
في لجّةِ البحرِ البعيدِ
يبكي دماً قطعَ الوريدِ
قلبهُ الزاكي يذوبْ.....٢
********************************
و ابتغوا قال الذكر قصد الأمل
بيا وسيلة المصطفى و ذكر الأهل
بفاطمة و حيدر علي خير العمل
ناجي في يوم الحشر و الهم وصل
يا دمعةَ القلبِ العليلِ
في غربةِ الصبرِ الطويلِ
تشتكي وقتَ الغروبْ....٣
*******************************
من لفه الحُر اعتنه و جاي بندم
شاف ابو اليمّة الحجي بلون الألم
آنه تايب قاصد الصوب الخيم
قصده يدفع بالنفِس يحمي الحرم
لمّا أتى صوبَ الأمامِ
في جنّةِ الخُلدِ أمامي
صادقاً لستَ الكَذُوب..٤

********************************
و اني من عندي العمر لهواً خلَص
ضاعت اسنين و كَضت ضاعت فرص
من اسمع انه القصّتك دون القصص
و اشعر بنار النحر جمرة و غصَص
نأتي ألى تلكَ المجالس
قلبي غدا في الحُبّ عابِس
ذاكَ عشقٌ في القلوبْ....٥
&&&&&&&&&&&&&&&&&&&&&&&&&&
سيد حيدر العوادي
بابل الشوملي
٢٠٢١/٨/٥

بسمه تعالى
782-بكاء على شاطيء النحور..جديد ٢٠٢١
&&&&&&&&&&&&&&&&&&&&&&&&&&
يا أيها الناس..فوكَ الرمح راس
منظر يشيب الحالته الطفل الرضيع
و اتكلّي لا تنحب على النحر الكَطيع
&&&&&&&&&&&&&&&&&&&&&&&&&&
الكَلبه من صخرة و حجر و احساسه مات
ما عرف معنى النعي و جرح القناة
عدنه ضامي بلا ذنب عافه الفرات
عدنه دمعة امعذبة بعين البنات
جرح الدمع ليل
حافر رفس خيل
من داست بذاك الصدر منظر فضيع...١
&&&&&&&&&&&&&&&&&&&&&&&&&&
زينب بشاطي الدمع دمعتهه ماي
و الألم لمّن ندب شامتهه هاي
زينب اربات الخدر نجمة بسماي
من اطلع بيوم الكَمر ساير وراي
خدر الحرم جاه
من العفّة معناه
حارسني ربّي و الخدر لا ما يضيع...٢
&&&&&&&&&&&&&&&&&&&&&&&&&&
من شفت اخوتي اعله الترب دمهم يسيح
كَلبي بعذابات الحزن ناعي و جريح
و حسين اخيّي بلا كفن دامي و ذبيح
ارماد من صار العمر و الدنيه ريح
ما يخلص النوح
بي غربتك روح
ظل خريف بلا ثمر عافه الربيع...٣
&&&&&&&&&&&&&&&&&&&&&&&&&&
جاسم العاف العرس دمّه الخضاب
رمله تنعه اعله الولد ترثي الشباب
يمهه ليله الفاكَدة التشكي المصاب
تكسر الخاطر تون سكنه و رباب
يوم الذبح موت
ما ظل بعد صوت
و الغالي عبد الله انذبح غسله النَجيع....٤
&&&&&&&&&&&&&&&&&&&&&&&&&&
كلمن بكَلبه الحقد فاقد شعور
ما يحس نزف الضوه بكَطع النحور
العنده بالحق معرفة و عارف غيور
يدري هذا الدم نقي و زاكي و طَهور
بدمعي ارتسَم شام
ماي و بجي ايتام
هذا وصل المصطفى و لازم تطيع...٥
&&&&&&&&&&&&&&&&&&&&&&&&&&
سيد حيدر العوادي
بابل الشوملي
٢٠٢١/٨/١٤

بسمه تعالى
783-#أبي_الفضل_العباس ع...جديد ٢٠٢١
..........................................................
اتغيّرت كلهه الملامح
..و العمد عالهامة طايح
راسك انصاب بعمَد
بالنظر سهمك سجد
...........................................................
اتغيّرت خويه الملامح..و الدمه اتغطّي العيون
دورت عنك لكَيتك..غافي بتراب الشجون
من ندبتك بالمدامع..بالنعي و صوت الظنون
تسمع الشكوة الحزينة..و اعرف انت شكَد حنون
شكَد ندبتك و انت ساكت
ايعاين اعله الحالة شامت
ما يجي الكافل بعد....١
...........................................................
هامِتك ويلي الفجيعة..شسوّة بالهامة العمود
سهم الِبعينك ذبحني..و مظلم بعيني الوجود
نبلة الِبصدرك مصيبة..و انت باقي بلايه جود
و أعظم امصيبة الشفتهه..و نايبة بكَطع الزنود
تنعه باكتاري اليتامة
بلكي ترجع بالسلامة
رددت قُل هو أحد....٢
...........................................................
من رجعلي حسين منك..طيّح الخيمة و نعاك
منكسر ظهره ال غيابك..للنهر يوم اعتناك
شافك بيا حالة دامي..و فايض بدمك لكَاك
كافل اظعون الفواطم..منهو يحديهن وراك
ركبن الهزلة الفواطم
و الحِداهن طاغي ظالم
حقده بافكاره انعقَد....٣
...........................................................
يا نهر طافح محنّة..شكَد حنين اعله الخَوات
اتحبك بزود اليتامه..و نشدن اعليك البنات
صابك بقوس المنايه..و خاصم اجروفه الفرات
دورت عنك لكَيتك..بس شفت راس بقناة
دمعة ما بيهه النواظر
نشفت بروحي الخواطر
عنّي عن عيني ابتعَد....٤
.................................... .......... .........
من ابتعد راحل خيالك..فاركَ اعيوني الخيال
التفت يمنة و يساري..بفكري يتكرّر سؤال
ما وصل كافل ظعوني..و لا بزَغ نور الجمال
ما سمع صوتي و حنيني..و ما دره الصاير مُحال
هاجت بروحي المواجع
تشرح احزاني المدامع
غافي يا بدر السعَد....٥
* **** ** *** ****
سيد حيدر العوادي
بابل الشوملي
٢٠٢١/٨/١٥

بسمه تعالى
784 - أخلاص الخدمة...جديد ٢٠٢١
₩₩₩₩₩₩₩₩₩₩₩₩₩₩₩₩₩₩
بس تخلص بالمحبة و تعشكَ حسين
مثل فطرس يخليلك جناحين
جناح الحب تفاني
و جناح اخلاص ثاني
₩₩₩₩₩₩₩₩₩₩₩₩₩₩₩₩₩₩
رجّع ال فطرس جناحه..يمسح بمهده الجناح
الباري خلّة حسين كعبة..و لبّت بروحه الجراح
ضحّه نحره و كل بنينه..و راسه عالي اعله الرماح
و عوّض اجفوف الكفالة..بالجنح من كفّه طاح
قدم الكافل كفوف ايمين و ايسار
عنده جنحان بكرامة بجنة و انهار
جفّه عالأيتام حاني.....١
₩₩₩₩₩₩₩₩₩₩₩₩₩₩₩₩₩₩
و انت من تخلص خدِمتك..وصلك ال بيت الرسول
حيدر الساقي بعطاءه..و كوثر بحوض الوصول
بالحشر تلكَه الشفاعة..اتواسي زهراء البتول
دمعة تجريهه اعله زينب..و تنجوي بنار الحمول
من سارت سبية و تضلَع النوكَ
مشت زينب حسافة بوسطة السوكَ
غربة و اموادع تعاني....٢
₩₩₩₩₩₩₩₩₩₩₩₩₩₩₩₩₩₩
تخلص الخدمة الشريفة..و تشعر بجرح الأمام
مو رياء ايكون دمعك..من يمر طاري الخيام
تعرف الثورة العظيمة..و معنى و اهداف القيام
لا تسدّد قوس ظالم..هوايه بحسين السهام
من تعرف رقية انهضمت هواي
حزن صوت اليتامه انتظرت الماي
تمر صعبة الثواني....٣
₩₩₩₩₩₩₩₩₩₩₩₩₩₩₩₩₩₩
لو جنت تارك صلاتك..ساعي بدروب الحياة
حسين ابو اليمّة بمصيبة..و ما ترك فرض الصلاة
آمر ابمعروف ناهي..المنكر بحكم الطغاة
من تصب دمعك دمايه..اعله الكفيل العالفرات
من عرفت شلون راسه الطاهر انصاب
يحمي هذا الدين قصده و يحمي الاَطياب
الكَمر فكرة و معاني...٤
₩₩₩₩₩₩₩₩₩₩₩₩₩₩₩₩₩₩
و انت تفهم كل مرادك..تجري عالمنحر دموع
و المهم لازم شعورك..ثورة ما بين الضلوع
كل سياسي ايكون فاسد..اكَباله كم واحد يجوع
و كل مجرّب لا يُجرّب..خلّي خط عودة و رجوع
بس تهمل طريقك تدري شيصير
مثل الاَفغان البقوا من غير تدبير
اشتغل عوف التَواني...٥
♧♧♧♧♧♧♧♧♧♧♧♧♧♧♧♧
سيد حيدر العوادي
بابل الشوملي
٢٠٢١/٨/١٦

بسمه تعالى
786- طريق السبي...جديد ٢٠٢١
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يناكَة بهيدة من تمشين..يعاين ليّه راس حسين
من تهمّين المَسير
راسه عالمحمل يدير

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من يبارون الظعن ما عدهم احساس
ظاهرا شالوا صور و اتشابه الناس
من يهوسون بحقد و بجفهم الراس
همه كلهم حرملة و ما هوه عباس
مسافة البيني بين الليل
منايه و نايبات و خيل
و لا علم شنهو المصير...١
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زينب اتوجّه عتب من عظم الِمصاب
ما تعتاتب حرملة و لا كَومه الاَجناب
هذي زينب بت علي والدهه ابو اتراب
عفّة زينب كل زمن و اتشيل الِحجاب
حجابي ايحرسه رب الكون
تصير الدنيه كلهه اعيون
و الدرب موحش خطير...٢
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زينب بدمعة حزن من تدخل السوكَ
راس اخوهه اعله الرمح ظل مرتفع فوكَ
حسرة اوداع و نعي و خاطرهه مخنوكَ
اتوجَه اعتاب بألم و اتخاطب النوكَ
حنين الناكَة مابي صوت
ونين و حسرة جابت موت
جرحي بالعاشر جبير...٣
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا ناكَة بدروب السفر تكَطع مسافات
بس خلّي بهداي المشي تمشيهه خطوات
لا توكَع ايتام النبي بنوح الغريبات
ما هوه كافل محملي و تبرالي شمّات
شماتة اتعاين بلا راي
كفيلي بصف فرات الماي
كَلبي باحزانك يحير...٤
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا ناكَة بهداي المشي و درب السفر طال
يكفيني حسرات و حزن يكفيني ترحال
لو ناكَة مالت بالمشي راس الكَمر مال
من منحر حسين الدمه من الألم سال
يعاين دمه لاجلي ايسيل
يظلّله بجنح جبريل
عالطفل راسه الزغير...٥
&&&&&&&&&&&&&&&&&&&&&&&&&&
سيد حيدر العوادي
بابل الشوملي
٢٠٢١/٨/٢١

*[ علي وجده علي ]*

أداء: الملا #حميد_التميمي
كلمات: الشاعر #حيدر_عيسى_الاسماعيلي

https://youtu.be/_daojz44jsc

مجالس شهر محرم الحرام لسنة 1443 هـ - 2021 م
مجالس ليالي العشرة الأولى من شهر المحرم
حسينية الإمام المنتظر عليه السلام - العراق - كوت -الكريمية

مونتاج: لؤي رحيم
مكساج: كرار الموالي
مخطوطة: حيدر الزمان
تنفيذ: الحائر للانتاج الحسيني
النشر الشبكي: علاء بركات العاملي

*[ حبك مؤبد ]*

أداء: الرادود #علاء_الغريباوي
كلمات: الشاعر #حيدر_سامي_السعدي

https://youtu.be/7OILskz385A

مجالس شهر محرم الحرام لسنة 1443 هـ - 2021 م
مجالس ليالي العشرة الثانية من شهر المحرم
عزاء موكب قمر بني هاشم عليه السلام - العراق - بغداد

مونتاج وتنفيذ: محمد أديب
مكساج: كرار الموالي
مخطوطة: محمد حسن
تنفيذ: الضامن للانتاج الحسيني
النشر الشبكي: علاء بركات العاملي

*[ يا يمه ]*

أداء: الرادود #ميرزا_حيدر_الابراهيمي
كلمات الشاعر: #باسم_الخاقاني
الذاكر: سيد سجاد الخرسان

https://youtu.be/sb7KmhkOBlw

مجالس ليالي شهر محرم الحرام 1443 هـ _ 2021 م
مجالس الليالي العشرة الأولى من شهر المحرم
عزاء مضيف سلطان بني هاشم عليه السلام- العراق - سوق الشيوخ

مونتاج: سجاد محمد
مكساج: علي هاجر
مخطوطة : زين عباس
اخراج: اكرم ورد
النشر الشبكي: علاء بركات العاملي

*[ يمشرد الخيل والخياله ]*

أداء: الملا #مصطفى_السوداني
كلمات: الشاعر #السيد_محمد_الموسوي

https://youtu.be/rmPvchw3lkk

مجالس شهر محرم الحرام لسنة 1443 هـ - 2021 م
مجلس الليلة السابعة من المحرم (ليلة مولانا قمر بني هاشم العباس صلوات الله عليه)
عزاء هيئة شباب علي الأكبر عليه السلام - العراق - البصرة

مونتاج: سجاد سلام
مكساج: حسن يونس
مخطوطات: حسين مقيم
تنفيذ: SS للانتاج الحسيني
النشر الشبكي: علاء بركات العاملي

*[ رحلة من الضياع ]*

أداء: الملا #عمار_الكناني
كلمات: الشاعر #كاظم_عبدالحسين_الحولاوي

https://youtu.be/KlRgQonz4tA

مجالس شهر محرم الحرام لسنة 1443 هـ - 2021 م
مجلس الليلة السادسة من شهرالمحرم (ليلة أنصار الله أصحاب سيد الشهداء عليهم السلام)
جامع ذو الفقار - العراق - بغداد

مونتاج وتنفيذ: حارث العكيلي - أيمن أحمد
اخراج: محمد جمال الطائي
مكساج: حسن يونس
مخطوطة: حسين مقيم
النشر الشبكي: علاء بركات العاملي - علي الفاطمي

*فداءٌ لمثواكَ*

▪️جديد لقمر العشيرة عليه السلام
القصيدة مع بعض الاختصار :

(فداءٌ لمثواكَ) لوْ يُفتَدى
تضمَّخَ بالجودِ طولَ المدى

فيا أيها المصطفى للفراتْ
ويا أيها المرتضى في الرَّدى

ويا عينَ فاطمَ تحمي النساءْ
ويا حسناً زاكياً أجْوَدَ

"بنفسيَ أنتَ"دعاكَ الحُسينْ
وهل مثلُ نفسِ الحسينِ فدا ؟!

نراهُ أطالَ عناقَ الوداعْ
ومدمَعُ أجفانِهِ أزبدَ

وأنفاسُهُ قطَّعَتْها الشجونْ
يقولُ أتَتْرُكُني مُفْردا ؟!

أبا الفضلِ وجْهُكَ نهْرُ الجمالْ
أيغدو لأَسْهُمِهمْ مورِدا ؟!

إذا رُحتَ عنِّي فأينَ أروحْ
وقد حاصرتْني ألوفُ العِدى ؟!

صَعِدْتَ الجوادَ وروحُ الحسينْ
إلى اللهِ كادتْ بأنْ تصعَدَ

شددتَ العِنانَ تريدُ الرحيلْ
فأوقَفَ خطْوَكَ رجْعُ النِّدا :

كفيلي ، حبيبي ، ضياءَ العيونْ
إذا غبتَ عنِّيَ طالَ الصَّدى

مضيتَ وعدتَ لها بالشرابْ
فكانَ الحمامُ لكَ المرصدَ

بكيناكَ تصرخْ أَيْ "وا أخاهْ"
وقدْ قطعَ الغدرُ منكَ اليدَ

وفي عينِكَ السهمُ أبكى البتولْ
وحيدرَ والمصطفى أحمَدَ

علاكَ العمودُ فمالَ الوجودْ
كما مالَ فوقَكَ ظهرُ الهُدى

أبا الفضلِ لمْ يكْفِ ذبحُ الحسينْ
فزينبُ زجرٌ بها قد حدا

سبَوْها على العُجْفِ نحْوَ الشآمْ
تجوبُ الفلا فدفدا فدفدا

لها عُنُقٌ صُفِّدتْ بالحديدْ
وبالحبْلِ معصَمُها قُيِّدا

لو اليومَ ما كنتَ في الراحلينْ
لما رُحِّلَتْ في الأسارى غدا..



*[ فداء لمثواك ]*

أداء: سماحة الشيخ زمان الحسناوي
كلمات: الشاعر علي عسيلي العاملي

*(ملحمة شعرية عظيمة القيت لاول مرةٍ في ليلة السابع من المحرم الحرام سنة ١٤٤٣هـ تستحق الاستماع بتمعن).*


https://youtu.be/cUZyAbWlGwA

#زمان_الحسناوي
#محرم_١٤٤٣
#ابا_الفضل
#zaman_alhasnawi

*[ عجل الهي ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري

https://youtu.be/2hJM9DZ-hV4

مجالس شهر محرم الحرام لسنة 1443 هـ - 2021 م
مجالس ليالي العشرة الثانية من شهر المحرم
عزاء هيئة الحسن المجتبى عليه السلام - العراق - الديوانية

مونتاج وتنفيذ: سجاد عباس العكيلي
تسجيل الصوت: محمد جاسم - أمير الخاقاني
مكساج: سجاد الهيفي
مخطوطة: حسين مقيم
النشر الشبكي: علاء بركات العاملي

*[ الخيمة الجبيرة ]*

أداء: الملا #حميد_التميمي
كلمات: الشاعر #مهدي_النقي

https://youtu.be/l6xjErjD7mQ

مجالس شهر محرم الحرام لسنة 1443 هـ - 2021 م
مجالس ليالي العشرة الأولى من شهر المحرم
حسينية الإمام المنتظر عليه السلام - العراق - كوت -الكريمية

مونتاج: لؤي رحيم
مكساج: كرار الموالي
مخطوطة: حيدر الزمان
تنفيذ: الحائر للانتاج الحسيني
النشر الشبكي: علاء بركات العاملي