#رئيسية_للهلا

زينب ترى في هلال محرم كل اهول السبي قبل حدوثها ... ٢
—————————
جن اعاين بالسمه
بيها هل سبي وضمه
ما اشوفاً هل شهر
ينعمي بعيني النضر
جن اعاين بالسمه
—————————
هلال اشوفاً .. ساعه احس بي مركبي
بعيني لاحت .. نار ذيج البلعبي
هيه والله .. اني ذيج الانسبي
وذاكه منهو .. شمر يسحل معصبي

وينه عباس الكفل
ما فزع ليه وحمل
شمر يمشي بلا قدر
وينعمي بعيني النضر
جن اعاين بالسمه
—————————
وحدي اروحاً .. لا جذب عن كافلي
اني ابعد .. اصحي لا تتخيلي
حرمه وحدي .. عدو يجرلي بمحملي
والله لالا .. وين جا راحو هلي

شلون وانه ام الخدر
انضرب وامشي بيسر
تنطفي شمس وكمر
وينعمي بعيني النضر
جن اعاين بالسمه
—————————
عله الهزل .. صاعده ومامش ستر
عيوني تنضر .. صوبي وانه ام الخدر
والله كلفه .. انه يحديلي الشمر
بعد اخوتي .. احله شي نوم الكبر

ولا اعيش بذلتي
كلها شافت دمعتي
صبت وكلبي انكسر
وينعمي بعيني النضر
جن اعاين بالسمه
—————————
ضلمه صارت .. وانطفه كلشي وتهت
وين الانوار .. وين اخوتي جا صحت
تتركوني .. بالزجر عنكم رحت
اه زورك .. حت خيالي تزوركت

موت امتوني الضرب
حالي عالكافر صعب
شگد صعب هذا السفر
وينعمي بعيني النضر
جن اعاين بالسمه
—————————
جن رقيه .. دموم تجري من الاذن
والتراجي .. منها ما خوذه وتون
ومن تعاتب .. تنضرب فوگ المتن
سوط المها .. عرش ربك بي يجن

والغضب لون السماء
احمر بلون الدماء
انضر يلوح الاثر
وينعمي بعيني النضر
جن اعاين بالسمه
—————————
حيدر عيسى البديري

https://telegram.me/ahmed_alziwar

#رئيسية_للهلا
قصيدة اول ليله لمحرم 1438

استقبال شهر محرم

هل محرم والعرش اعلن عزاء
ونادى جبريل بحزن يا كربلاء
تبجي ودموعك دمه
وتندب أمك فاطمه. يابوصالح

شهر آهات وحزن
بي سياط وبي متن. بالغاضرية
بي بواجي وبي دمع
چنه محسن والضلع. وحال الزجيه
والعريس وشمعته
والدموم الحنته. وسهم المنية
وبي تراجي اسلبن
وطفله حزنانه وتون. آه يارقيه

وانت تذكرها المصايب والبلا
وتبجي حال ايتام ظلت بالفله
وتدعي يارب السما
وتندب أمك فاطمة. يابوصالح

طف بواجي وفاجعه
والكفل والمشرعه. تكول الرواية
جربه بالطف ونهر
وعم يسمونه الكمر. وجفوفه آيه
والعقيله تيسرت
عالجمر يوم المشت. وية السبايا
يامصايب هالدرب
كعبه عثرت عالترب. احتركت عباية

عالكفل صاحت عقيلة حيدرة
شفت خدر الله احتركت فوك الثرى
حال عمتك تفهمه
وتندب امك فاطمة. يابوصالح

ام تنوح ويالمهد
تنادي يايمة الوالد. هالدر حليبي
صورتك يبني البقت
دمعه بعيوني العمت. شهكة نحيبي
يادللولك حزن
جمرة ظلت بالجفن. ناري ولهيبي
كلبي مايحمل الم
وردة يذبحها السهم. نحرك حبيبي

يمه ابوك حسين من رد للخيم
وانته بيده ونابت بنحرك سهم
طفل مات من الضما
وتندب أمك فاطمة. يابوصالح


سكنه ظلت عالوعد
راحت تحاجي العمد. وين الكفلني
من جرحته بهامته
وسفه صاحت جربته. جي ماروتني
راح اروح المصرعه
وابجي يم المشرعة. واشكيله حزني
ارد اكله مروتك
خدري نار بغيبتك. جمر وحركني

وركضت عطشانه والنار بكفاي
من التفت الكه الشمر يركض وراي
وحته حيدر شتمه
وتندب أمك فاطمة. يابوصالح


شلون حال اخت الولي
الفاركت غيرة علي. وآية خدرها
من بعد خدر الكفل
عمر يكضي عالهزل. آه ياصبرها
بعده وسفه تيسرت
وهي عالناكه وبجت. بس ماحضرها
بعد ماتحمل صبر
وهي تمشي عالجمر. آخر عمرها

والعمر فوك الهزل يخلص عجيبة
واسمي جان ام الخدر صرت الغريبة
وليلي ابد مانايمة
وتندب أمك فاطمة. يابوصالح


علي طعمه البطاط


https://telegram.me/ahmed_alziwar

#رئيسية_للهلا

هلال محرم
————
هل الدمع هل الحزن هل الالم هل هلال
باجر صبح وييا مشي وييا دمه وبي اهوال
باجر سبي
وحرگ العبي
باجر محرم

هل الدمع هل الحزن هل الالم هل اهلال
.....
باجر نروح عله الدرب نمشي بمسير وهيبه
نمشي الخدر يعني الخدر مثل الملك ترتيبه
منا فحل منا بطل ووجوه تنگط طيبه
الكل مبتسم الا انه اون وانضر بعين الغيبه

من تحترگ بينه الخيم نفزع نلم بلاطفال
وننضر اقمار عله الثره وعيون مدمعهن سال

يا ال النبي
وحرگ العبي
باجر محرم
هل الدمع هل الحزن هل الالم هل اهلال
....
نفتر مثل فر الرحه خوف ومدامع واحزان
نگصد مصارع كربله برواح ممليه اشجان
اقمار غطتها الترب فوگ الترب ليها اجفان
بنوار من تحت الكفن اشموس فوگ الميدان

جن حومرت منها السمه دم تنزف بعيني تشوف
لكل هالمناضر استعد كل ما يهل ليه تعود

دمعة صبي
وحرگ العبي
باجر محرم
هل الدمع هل الحزن هل الالم هل اهلال
....
باجر خيم من تشتعل تشعل عبي وياها
تگطر جمر بي نستتر عن النضر نلفاها
لون الحرگ فوگ الجسد مثل العبي غطاها
لا هاشمي يداوي الجرح والعيله الي لماها

وحدي صرت بين الخيم للنار اطفي ويانار
نار العبي لو بالخيم لو نار البكلبي احتار

الكل واجبي
وحرگ العبي
باجر محرم
هل الدمع هل الحزن هل الالم هل اهلال
...
زجر ونياگ بهلتك يهلال اشوفاً بالعين
وانضر جسد فوگ السهم فوگ الطعن بي رمحين
وانضر المحبس ينسلب والخيل داست بحسين
وانضر على الشاطي عمد بالهامه يم الجفين

ذاگ الكمر فوگ النهر والرايه يمه موسد
اي كافلي بعده انسبي فوگ الهزل من ابعد

هل مغربي
وحرگ العبي
باجر محرم
هل الدمع هل الحزن هل الالم هل اهلال
...
ادخل مجالس تنعقد بس للزلم جابوني
انه واطفالي والنسه وسجاد نور عيوني
وراح احجي وصوتي يصد يم الغرب تدروني
انه الجنت لهل الخدر ام الخدر تدعوني

هذا الخبر وي هلتك راح استعد للهزل
يهلال اروح بلا اهل لدروب ما بيها اندل

وي اجنبي
وحرگ العبي
باجر محرم
هل الدمع هل الحزن هل الالم هل اهلال
...
باجر اصد صوب الطشت وانضر عيون اطفالك
انضر رقيه عله النحر خلت جرح تدنالك
جنها تگلك والدي ابرالي من ابرالك
انضر الاذني والدمه اشبه يبويه بحالك

نفس الدمه بس يختلف دم منحرك واذاني
انت بمنيتك وسدك بس اني بويه اذاني

يم سالبي
وحرك العبي
باجر محرم

هل الدمع هل الحزن هل الالم هل اهلال
...
حيدر عيسى البديري

https://telegram.me/ahmed_alziwar

#رئيسية_ام_البنين

للشاعر / كــريـــم الحــاج فليــح
هالليلــه جلسـه طارئــه أم الــوفــه عِقدَتها وَيَّ أربــع ولـدهـا
صار إجتماع وخل نشوف أم البنين إشعدها وَيَّ أربــع ولـدهـا
عـدهـا عهـد هـذا العهد مضمونه تضحـي أبنفسها للسبط وضعـونـه
وَيَّ أربــع ولـدهــا وَيَّ أربــع ولــدهــا
********************************************************************

سمعت أبـــو اليمـه يـــريــــد أيســافــر للغـــاضــــريــــــه
مـــاخــــذ صحبتـــه وكـل هَله ومهاجر لـــــرض المنيــــه
بـــدروبــه تــــــدري حَفَت المخــــاطر إبــــن الـــــزچيــه
سيوف ورمــــاح إتحَـــوّطـه وعسـاچر وجيــوش إميــــــه
سري الكتاب إلي صدر للغايه إرد إجتمع بالأربعة الوَفايه
وَيَّ أربــع ولــدهـــا .......... وَيَّ أربــع ولــدهــا
********************************************************************

بـــدار الــولــــي حيـــدر علـــي هالليله تـــاج النســـاويــن
جمعت ولـــدهــــا الأربعــــه الجليلــــه تــــوصي الميامين
بحسيــــن هــــــالله هـــــــالله وبعليلــــه يُمــــه يَطيبيــــــن
هــــا يـــالنشــامــــــه وزينب العقيلــــه شيلوهــا بـــالعيـن
وضعن السبط يولادي إتكفلونه رادت تعهــد بــالوفه يمضونه
وَيَّ أربــع ولــدهـــا .......... وَيَّ أربــع ولــدهــا
********************************************************************

عبــد الله يَبنــي وجعفــر ويـــــا عثمان يـــاضَـــي العيـون
وَيَّ أخـــوكـــم يمــــه سَيِّــــد الشبـــان لا لا تقصــــــرون
مهمـــا حصــل يــا يمــه وشمهما كـان لجلـــه تضحــــون
بــالعــار والــذلــــه يَـــولـدي الشجعان يـــالمــــا تقبلـــون
رادت عَ هد كل غادر إيذلونه وخدر العقيله الطاهره إيصونونه
وَيَّ أربــع ولــدهـــا .......... وَيَّ أربــع ولــدهــا
********************************************************************

لَتقصــر أنت وأخــوتك يــا عبـــاس يَبنـــي يَــوَفـــاي
أدري ييمــه بغيــرتك يــا نــــوماس يــا ساقـي الماي
وارث علي بـــالغيره ياطيِّب الساس للخـــوه شَــراي
بيكــم أريــد أتبــاها مَرفوعه الرأس يــا لبَّت أحشـاي
چي لنكم حسين إبوفه إتخدمونه بحسين وبحبه إمكم المجنونه
وَيَّ أربــع ولــدهـــا .......... وَيَّ أربــع ولــدهــا

********************************************************************

ويَّ الــزچيـــه راسـي كـون أرفعه يمـــه النشــــامــه
وأتبــاهــه كـــون إهناكَ يَم البضعه يـــوم القيـــــامــه
بچفــوف غــرگتها الدمه ومتگطعه چفـــوف الشهامه
ويــولاد ضَحــوا للحُسين وشرعــه ولجــل الإمـــامه
حَشمت ولدها بكـربله ينصرونه ضد آل إميه الباغيه الملعونه
وَيَّ أربــع ولــدهـــا .......... وَيَّ أربــع ولــدهــا

********************************************************************

أفضـــل كــرامــات الجليل أنطاهه أم الأمــــاجــــــد
بــرض البقيـــع أنــــدفنت و يَم طه والگبـــر شـــاهد
مـــا رَدت البــــالشـده يتعنــــاهــــه لــو حــاجه رايد
بس تقـــره إلهــا الفــاتحه تلگــاهــه تحـــل الشـدايــد
نتعنه لــزيـــارتهــا ويمنعونه وهنياله ليكحل أبگبرها عيونه
وَيَّ أربــع ولــدهـــا .......... وَيَّ أربــع ولــدهــا

********************************************************************

لا تنسونا بالدعاء طباعة الرادود سيد علي الصرخي


الحان الناشر احمد الزوار
((غير مسموح بازالة الرابط))
https://telegram.me/ahmed_alziwar

#رئيسية_الى_ام_البنين_ع

انه حيل اتعذر من ام البنين // ماكو وصله قماش الم بيها الحسين
رايح اقره الفاتحه تسهيل امر
وابدي اسولف عالكطع راسه الشمر
***********
توه نام حسين مو واحد يكعده
جرح ابو اليمه كلف واشلون اظمده
ابساط مامش جوه جسم حسين امده
الرمل حار ويجوي خاف الرمل خده
الخيل شمسويه الله لا ينطيها // ليش محد كام صاح اعليها
رايح احسب جم ضلع بي منكسر
وابدي اسولف عالكطع راسه الشمر
***********
شفت طفله تعاتب بحلو المحاجي
وعالترب مطروح ابوها ودمه زاجي
جنه راح ايطك كلبها امن البواجي
ياهو منكم دنت نفسه اعله التراجي
اجفوف اديها ازغار مو مالت حبل // زحمه ترفع صوط وطكلك طفل
انه بمصيبة رقيه كلت امر
وابدي اسولف عالكطع راسه الشمر
**********
من رخصتك صحت يا بدر العشيره
الحرمه عند العرب من تنطك جبيره
اهنا يخو زينب خذو زينب اسيره
وكت يحدي بزينب الما عنده غيره
كوم عوف الماي ورجع للخيم // مو محل فركه يشيال العلم
اشلون انسه زينب وسبي الخدر
وابدي اسولف عالكطع راسه الشمر
***********
انه حيل اعتذر عن هاي القصيده
لاجن اشبيدي عله الحزو وريده
حسين محد شاف منكم اصبع ايده
ياهو اليدليني ونطيه اليريده
ياهو لابس محبسه روحوله // دوم ما لايك عليه كلوله
خل ينزعه ولا يضل بي يفتخر
وابدي اسولف عالكطع راسه الشمر
************
انه كلش مستحي من امه الزجيه
خاف انهي المجلس وتزعل عليه
يا قصيده اتشوفني الزمها بديه
اتكلي حته لو كضت اقراها اليه
اتكلي ليش حسين محد شاله // ومن حرارة الشمس فياله
اشراح للزهره اقدم من عذر
وابدي اسولف عالكطع راسه الشمر
*********
جني شفت الحسن طب وشاحب اللون
وسلم اعله ام البنين وتجري العيون
كلها هذا الحسن يال عنه تنشدون
وكامو اعله حسين بالمجلس يلطمون
شفته طب للمجلس وحافي الجدم // وصاح اخوي اشلون واليته الزلم
مدري اعرج عالحسن ودمي الصدر
وابدي اسولف عالكطع راسه الشمر
**********
تمت
تحسين الخفاجي
الناشر #ملا_داود_الكربلائي


https://telegram.me/ahmed_alziwar

#رئيسية_الى_ام_البنين_ع


روح يحسين .. ما أخــــــاف اعليك والعباس يمك
روح يحسين .. أربع أولادي انذرتهم فدوة لاسمك
أتوكل على الله إيحرسك الباري
كلمــــة گلتها والدمــع جـــاري
" روح يحسين "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لو تعرف احساسي من طلعت ضعونك سارحــــة بفكري أعيش اشلون دونك
آه لـــــــــــو مرّة تجي إعيوني بعيونك أحبس إدموعي أخــــــاف إيعذبونك
روح يحسين .. آنا عندي أسرار هالسفرة وخبرهه
روح يحسين .. كربلا اتنطرك وأعرفـــــك تنتظرهه
يا نـــــاري من اتروح يا ناري
كلمــــة گلتها والدمــع جـــاري
" روح يحسين "
******************

حيدر اعلى السفرة هــاي شگد روالي چــــــــــان يحچي ودمعته بعينه تلالي
اطيوف هجرك چــــانت اتهاجم خيالي وهسه اشوفك للسفر گاصد يغـــــــالي
روح يحسين .. وآنا راح ابقى انتظر عيني اعلى بابي
روح يحسين .. خلهه تبـــدي بغيبتك قصّة عـــــــذابي
خليني أملّي بوجهك انظــــاري
كلمــــة گلتها والدمــع جـــاري
" روح يحسين "
******************

چنت أشوف المرتضى ايوصي بعضيدك يبني يا عباس انـــا الهاليوم اريدك
اطني ايدك ، هـــاي بــــــاچر توگع ايدك راح يتـروّه النهــر من دم وريـدك
روح يحسين .. حيـــدر الكلّف بنيني ايحـــاوطـــونك
روح يحسين .. من زغرهم راضعين المــــوت دونك
هذي على الطف من علي اخباري
كلمــــة گلتها والدمــع جـــاري
" روح يحسين "
******************


يالخذت روحي وصعب عالروح هجرك گلبي بـــــارد وابني عباس اعلى كترك
نحره يتقدم گبـــــل لا تنطي نحرك گتله لو تنظام زينب مــــــا اعذرك
روح يحسين .. لكن شبيدي اذا طايـــح تشوفه
روح يحسين .. والعذر لله اذا توگــــــع چفوفه
ساعتهه اريـــدك تقبل اعذاري
كلمــــة گلتها والدمــع جـــاري
" روح يحسين "
******************

أختك الحرة علي يصعب هجرهــه والدك علمني شنهو الينتظرهه
باچـر من ايطيح عالشاطي گمرهه ريتني ويـــاكم وأشاركهه بأسرهه
روح يحسين .. بس أخذ دمعات عيني وياك أمانه
روح يحسين .. لزينب انطيهن اذا يوگــع لوانـه
كون وي ضعنك ناويه اسفاري
كلمــــة گلتها والدمــع جـــاري
" روح يحسين "
******************

مثــل الاطفال اشبحت عيني وراكم روح والله ألي يصبرني بجفــــــاكم
عافني گليبي واظن ســـــافر معاكم ويلي ويلي شلون بأيامي بلاكم
روح يحسين .. باچر من يعود من الطف خبركم
روح يحسين .. راح يگـــــاني بمكاني وانتظركم
حد ما تعـــــاود باقيه اعباري
كلمــــة گلتها والدمــع جـــاري
" روح يحسين

"
الشاعر مازن الزبيدي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


https://telegram.me/ahmed_alziwar

#رئيسية الى صاحب الزمان عج

مولاي أعتذر … مأذيك شكثر… بذنوبي
غيرك ما ألي… بس أنت وعلي… محبوبي
آسف … آسف… يامولاي آسف
__________________
شكثر أذيتك وأنتة علي تصفح
حنين بگد محنتك گلبك مجرح

أمتعبك بفعالي…ذنوبي وأعمالي… وأنت تعدي
أسف أذيتك… وناكر حنيتك … آه يالمهدي
خجلان ونادم … آنة شگد ظالم… غيرة شعندي

أعرف قصرت… بس مافكرت… بعيونك
حيل أتواكحت…وأنتة السامحت… ممنونك
___________________
يومية أعترفلك گلبي يتوجع
معقولة أتوب وللذنب أرجع

شمسوي بروحك..ذنبي ألي أيلوحك..ويخدش گلبك
الدنيا الغرتني… ومذنب خلتني… وعايف دربك
نادم بلساني… لو من وجداني… يطلع حبك

ماكلني الذنب… عايش بالچذب… ماتايب
وجهي أسودصدگ.. گلبي بالعشگ… ماذايب
____________________
بعد منا ورايح للذنب مارد
خايف لا أزعلك لو علي تبعد

بسمك مكتوبة … ياأخر توبة … للما نادم
كون بخدامك… تسجلني أقلامك …عندك خادم
مولاي أدعيلي…أسهرلك ليلي… وأصبح هايم

أمنيتي أنعدل… وبالخدمة أنقبل… سجلني
بسمك رددت… أعليك أتعودت… شاغلني
___________________
حلمي آنة أصير بعشگك أمتيم
ومن ذنبي وعثرتي الفاتت أتعلم

حبك يالغالي… أينظف دلالي… من أوهامي
مولاي أصلحني..عشگك جارحني..وأنت أحلامي
ياندبة روحي.. وشوغات أجروحي.. وكل ايامي

بدموع الجفن… راسملك حضن… للملگة
طالت غيبتك… انفاسي الشوفتك… مختنگة
___________________
وعدتك بس خفت ماظل على أوعودي
ألزمني ولا تهدني وأنت موعودي

من گتلك آسف ..گتلي ميخالف.. كون أستوعب
كل جمعة تمرني.. شوگك يعصرني.. وبسمك أندب
تخنگني العبرة ..ولجروحك اقرة ..وي كل مغرب

ظليت ألتفت… وكلشي ماشفت… وأتحسر
ظليت أرتجي… ياجمعة تجي… أتنطر
آسف… آسف … يامولاي أسف
__________________
✍️حسين حمدان الدلفي
اللهم عجل لوليك الفرج 💔