*الزهراء (ع) تروي مصيبة كربلاء وما جرى فيها للامام صاحب الزمان عج*
(تصوير الشاعر مولاتنا الزهراء ع صاحبة المصيبة والعزاء تروي حين مصيبة كربلاء ( الفكرة مقتبسة من لقاء الامام السجاد ع وجابر الأنصاري)

يالمهدي لو عينك تشوف في كربلاء شلّي جرى

هنا مشرعة وحومة وطفوف وكلها بدور على الثره

هنا كلها مزروعه نبال جسوم الشباب موذّره

وروس برماح على القنا
جسوم الضحايا عالتراب
〰️〰️〰️〰️〰️
هنا خيمة محروگه ورماد
وخدر العقيلة منسلب

وحامي الظعينة عالنهر
حاطتها انذال الغرب

وشمر الخمر بسوطه إجه
لوعها ويلي من الضرب

صعدت عا تل الزينبي
تنخى الحمى وما من جواب
〰️〰️〰️〰️〰️
*وكأني بالزهراء (ع) قد أشارت لموضع ذبح ولدها الحسين ولسان حالها~*

هنا موقف بعيني شفته
والْزَمته ضلعي المنكسر

شفت الضبابي من صعد
صدره ويحز منه النحر

بيده يحز نحر الشهيد
واتربع بوسط الصدر

واسودت الدنيا بعجل
وشفت النحر دمه الخضاب
أي واسينا واحسين~²
〰️〰️〰️〰️〰️
هنا يمهدي… بعيني عاينت الغريب
هنا يمهدي… نحره عالرمضا تريب
هنا يمهدي ... جسمه عالغبره سليب
بعيني شفته… ومني عميت هالنواظر (سلامة عيونك يا زهرااااا)
بعيني شفته… منذبح في يوم عاشر
بعيني شفته… رضوا ضلوعه بحوافر
حسين~~~
خادمة آل محمد✍🏻

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★عجبا لأقوام يزعمون أنهم شيعة لنا ويقال: ان أحدهم يمر به دهره ولا يأتي قبر الحسين★*

عن أبي عبد الله المؤمن، عن ابن مسكان، عن سليمان بن خالد، قال:
سمعت أبا عبد الله (عليه السلام) يقول: عجبا لأقوام يزعمون أنهم شيعة لنا ويقال: ان أحدهم يمر به دهره ولا يأتي قبر الحسين (عليه السلام) جفأ منه وتهاونا وعجزا وكسلا، اما والله لو يعلم ما فيه من الفضل ما تهاون ولا كسل، قلت: جعلت فداك وما فيه من الفضل، قال: فضل وخير كثير، اما أول ما يصيبه ان يغفر ما مضي من ذنوبه ويقال له: استأنف العمل.

*√كامل الزيارات للشيخ الجليل جعفر بن محمد بن قولويه القمي الصفحة٤٨٨√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

*[ شمع العرس ]*

أداء والحان : الملا #علي_الوائلي_الكربلائي
كلمات: الشاعر السيد #علي_الاكبر_الغرابي

https://youtu.be/80dLDmY2_mI

مجالس ليالي شهر محرم الحرام ١٤٤٣ هـ - ٢٠٢١ م
مجالس ليالي العشرة الأولى من شهر المحرم
هيئه عزاء اهالي المشروع - العراق - واسط الكوت

مونتاج: ليث الدهامي
مكساج: كرار الموالي
مخطوطة: محمد الصادق
إنتاج وتنفيذ: وارث للانتاج الحسيني
النشر الشبكي: علاء بركات العاملي

*[ هذا غيره ]*

أداء: الملا #عمار_الكناني
كلمات: الشاعر #حسين_طالب_السماوي

https://youtu.be/ScFauakyAUc

مجالس شهر محرم الحرام لسنة 1443 هـ - 2021 م
مجلس الليلة التاسعة من شهرالمحرم (ليلة مولانا شبيه رسول الله المولى المعظم علي الأكبر عليه السلام)
جامع ذو الفقار - العراق - بغداد

مونتاج وتنفيذ: حارث العكيلي - أيمن أحمد
مكساج: أحمد البرمكي
مخطوطة: حسين مقيم
النشر الشبكي: علاء بركات العاملي - علي الفاطمي

*[ خطواتي عليلة ]*

أداء: الرادود #ميرزا_حيدر_الابراهيمي
كلمات الشاعر: #حيدر_سامي_السعدي

https://youtu.be/b5U5gcBRz1w

مجالس ليالي شهر محرم الحرام 1443 هـ _ 2021 م
مجالس الليالي العشرة الأولى من شهر المحرم
عزاء مضيف سلطان بني هاشم عليه السلام- العراق - سوق الشيوخ

مونتاج: سجاد محمد
مكساج: ليث حازم
مخطوطة :بدر الحسناوي
اخراج: اكرم ورد
تصميم المصغره :حيدر احمد
النشر الشبكي: علاء بركات العاملي

*[ دلوني ]*

أداء: الملا #حميد_التميمي
كلمات: الشاعر #مازن_الشطري

https://youtu.be/kD0TUYf5qbc

مجالس شهر محرم الحرام لسنة 1443 هـ - 2021 م
مجالس ليالي العشرة الأولى من شهر المحرم
حسينية الإمام المنتظر عليه السلام - العراق - كوت -الكريمية

مونتاج: لؤي رحيم
مكساج: كرار الموالي
مخطوطة: حيدر الزمان
تنفيذ: الحائر للانتاج الحسيني
النشر الشبكي: علاء بركات العاملي

وفاة مولاتي خوله بنت الإمام الحسين عليه السلام

ماتت بالدرب خوله
الله يساعدچ يم عون

.....
.....


خوله بالدرب ماتت
من گد ما تعب شافت
عليهه روحچ شگالت
بغربه ولا اهل يدرون

الله يساعدچ يم عون

.....
.....


طفله والتعب عدهه
تنوح الفگد والدهه
تبچي العطش ماردهه
تشرب ماي مايرضون

الله يساعدچ يم عون

.....
.....

عمه شبيچ ونيتي
حاچيني بعد بيتي
جرح بالگلب خليتي
ادفنچ يالغريبه شلون

الله يساعدچ يم عون

.....
.....


يعمه دروبنه بعيده
الحادي مامشه بهيده
سوطه لازمه بيده
ماخلاكم تنامون

الله يساعدچ يم عون

.....
.....


ماتت خوف البنيه
ابوها تريده ليليه
طفله تروح مسبيه
وغربه بالضعن يحدون

الله يساعدچ يم عون

.....
.....

تون بحضن عمتهه
ماهوّدت ونّتهه
من سكتت وگلبتهه
لگتهه مغمضه لعيون

الله يساعدچ يم عون

.....
.....

ابعلبك خوله عفتيهه
يازينب دفنتيهه
ياشوغه حملتيهه
من شفتيهم يدفنون

الله يساعدچ يم عون

.....
.....


أم محمد الحجاج/ العبادي

#الناشر_الحاج_فلاح_حسن

انه احساسي قلم يكتب للحسين ع
https://tttttt.me/jjkkiop

*زينب ع تنظر رأس اخيها الحسين ع في طشت الذهب* لحن الجفيري ~ او زينب اجت لحسينها للحسناوي~
زينب تعاين للغريب
بطشت الذهب راسه خضيب
تفتت گلبها من النحيب
ونّتها تجذب والأنين
〰️〰️〰️〰️〰️
صاحت يا خويه صد الي
فتّح عيونك يالولي
وصد للعقيلة مدلّلي
مچتوفه بحبال اليدين
〰️〰️〰️〰️〰️
صعبه يخويه بالطشت
انظر لراسك والتفت
ليت آنه من گبلك متت
ولا شوفه راسك يا حسين
〰️〰️〰️〰️〰️
خادمة آل محمد✍🏻

*[ غريبة وطالعة ]*

أداء: الملا #مصطفى_السوداني
كلمات: الشاعر #رائد_الناشي

https://youtu.be/tuyScOasKkU

مجالس شهر محرم الحرام لسنة 1443 هـ - 2021 م
مجالس ليالي العشرة الثانية من شهر المحرم
هيئة شباب المنتظر عجل الله فرجه الشريف - العراق - واسط - الصويرة

إخراج: حسين الميالي
مكساج: حسن يونس
إنتاج: الأمين للانتاج الحسيني
النشر الشبكي: علاء بركات العاملي

*زينب ورأس الآمام الحسين (ع) المنصوب أمامها فوق الرمح وتارة تراه في طشت الذهب*
لحن التغريد الحزين او جبريل نترجاك♪للملا عبدالحي قنبر ~
يلي عالرمح راسك اگبالي وبالدرب سلواي
خمدت خويه انفاسك عينك تنظر لعيناي
صعبة شوفته اگبالي راسك ينضرب ويّاي
وانا حرمة بلا والي ومسبيه على الأكوار
〰️〰️〰️〰️〰️
والأعظم على گلبي من ودّونه مسبيات
وبنص القصر بالشام بحبل طبّينه مچتوفات
ولن صوت النذل نادى عباسچ يا زينب مات
ذوّبني القهر والضيم ولساني يخاطب الخمّار
〰️〰️〰️〰️〰️
بعيني من شفت مشهد شال الراس بين ايديه
صحت بصوت يا الظالم
عوف الوالي لا تأذيه
گَلِّي شوفي يا زينب أضُرْبه اگبالك وٱنِظْريه
صحت بعيوني حارسني وحارس خدري ليل نهار
خادمة آل محمد✍🏻

واويلاه واويلاه .. يابولكبر واويلاه
واويلاه واويلاه .. يابولكبر واويلاه
وين وين .. ياحامي الحرم
@@@
راسك عالرفيعه وبس يصد بلعين
ومكشوفه الخدور وتدري خويه حسين
وانا أللي انتخيك يالرضيت البين
ألحگنه سلبونه وكافلي ماوين
…
على الآه على الآه .. تالي الحرم على الآه
على الآه على الآه .. تالي الحرم على الآه
وين وين .. وبگلبك سهم
وين وين .. ياحامي الحرم
@@@
تدري منهو بعدك بس حرم واطفال
وحاطونه ابحقدهم ياولينه ارجال
چتالك ياخويه بالمخيم صال
وتدري ذول گوم ارجاس وانذال
…
بلا دين بلا دين .. وادم ذوله بلا دين
بلا دين بلا دين .. وادم ذوله بلا دين
وين وين .. والشمر انتقم
وين وين .. ياحامي الحرم
@@@
صالت عالمخيم بلا رحمه الگوم
مالوم اعله حالي وحالك المالوم
ومن اسمع يتيمه تنادي يامظلوم
احسبها ابدليلي چم جرح ملچوم
…
يمظلوم يمظلوم ..صحت وينك يمظلوم
يمظلوم يمظلوم .. صحت وينك يمظلوم
وين وين .. الخدر انهجم
وين وين .. ياحامي الحرم
@@@
حالي بين غربه واجمع الاطفال
هذي يطيح يمي وذاك ما ينشال
بعدك يابولكبر چم شفت اهوال
لا انته الاجيت ولا اجه الكفّال
…
هني النوم هني النوم ..على الرمضه هني النوم
هني النوم هني النوم ..على الرمضه هني النوم
وين وين .. ما رف العلم
وين وين .. ياحامي الحرم
@@@
يالچنه ابدلالك هسه وين انروح
زجر وشمر يامر والسياط اتلوح
يضربونه يخويه حتى لما انوح
ولو نخّيت گالوا كافلچ مذبوح
…
يشمتون يشمتون .. بحالي بعدك يشمتون
يشمتون يشمتون .. بحالي بعدك يشمتون
وين وين .. وابعينه سهم
وين وين .. ياحامي الحرم
@@@
لمخيم يخويه چنه يوم الدار
دخان ونياحه وصوت وج النار
ماجوني بمصابي ولد حامي الجار
تقبل يابولكبر ننولي بأشرار
…
بلخيام بلخيام حمى الخدر بلخيام
بلخيام بلخيام حمى الخدر بلخيام
وين وين .. والخد انلطم
وين وين .. ياحامي الحرم
@@@
علي احمد الحمود
١٨-٨-٢٠٢١
الحادي عشر
محرم ١٤٤٣

مصيبه واجمع أيتام .. ظلام وحرگ لخيام
ضگت مر الذبح بيكم بامرين
شعد شحسب شون شنحب على حسين
وظلام وحرگ لخيام
@@@
ابليلة الحادي عشر ابچي ضحايه العاشر
وماباگي بگليبي صبر ولا خاطر اعله الخاطر
انا الشفت راس الولي لمن ينحره الناحر
وشفت الخيول امحجله ورضلته جسمه الطاهر
…
الأخوها طايح اتشوف ..طريح برمضه لطفوف
وكفيلي عالنهر نايم بلا ايدين
شعد شحسب شون شنحب على حسين
وظلام وحرگ لخيام
@@@
امن الظهر وانا ابَّچي لمن طلع والينه
جدمت ميمونه ومشى لمن حظنها اسكينه
تالي شفت ذاك الحجر لمن فضخله اجبينه
وسهم المثلث بالظهر فت الچبد ثلثينه
…
مثلث للگلب صاب .. وبدر ليلي ابدمه غاب
وگع طايح ابواليمه ضيى العين
شعد شحسب شون شنحب على حسين
وظلام وحرگ لخيام
@@@
چان الامل يرجع لچن جاله الشمر برهيفه
شفته رفس جنب الولي تالي يذبحه ابكيفه
وانا انادي ياشمر بالله الولينه عيفه
ولمن سمعني ابلا رحم گام ويحزه ابسيفه
…
اگله خله يرتاح .. ونعالج منه لجراح
واشد صار الشمر يگطع بلوتين
شعد شحسب شون شنحب على حسين
وظلام وحرگ لخيام
@@@
حيره بعد ذبح الولي ورمح الاعادي براسه
خالي المخيم من حمه لا مارجع عباسه
صدري ألتهب بالوقعه ومثل اللهب انفاسه
ولمن هجم جيش العدو نهبوا الخيم حراسه
…
بالله ياخوتي ترضوه .. خدر زينب يسلبوه
هجوما حركوا بعد سلب الصواوين
شعد شحسب شون شنحب على حسين
وظلام وحرگ لخيام
@@@
ليّل علينه هالمسا وصوت السكون ابوّنه
جيش الشمر حاط الخيم واحنه بكتر جمعنه
شفنه الهزايل نوخت وصار اللي خوفي منّه
سياط وسلاسل نزلوا وگلبي الممات اتمنه
…
تشد اذيالي ليتام .. تون واتزيد لالام
اركضت للمصرع اتعثر بلا امعين
شعد شحسب شون شنحب على حسين
وظلام وحرگ لخيام
@@@
احنه بني عقد الوله ربات الدلال الوافي
واحنه بني ذاك الذي عن آل أميه عافي
وسفه حبلهم رگبتي جره ابجدمنه الحافي
ومن السياط الي انزلت زايد نزيف اطرافي
…
الدلال اعله النهر طاح .. وجماله شالته ارماح
وعدونه حالف ايطبنه الدواوين
شعد شحسب شون شنحب على حسين
وظلام وحرگ لخيام
@@@
علي احمد الحمود
١٩-٨-٢٠٢١
الوحشة
محرم ١٤٤٣

ياحمانه المابعد موتك حمه
عالهزل شلنه ابسياط الظالمه
@@@
تقبل ابزجر العده يمشي الجمل
والبنات امگيده ايجرها الفشل
گوم ألحگ يا ابن خير العمل
امتون اختك بالسياط امهشمه
@@@
شرد اسولفلك علينه شالجره
بين ركب امن الثواكل حايره
واليتامه ابهالضعينه امطشره
چفوفها ولجدام تشخب دمه
@@@
تدري شالصار اوجره بآل النبي
علينه بس ظلت تظللنه العبي
بصوب اسمع طفله تنحب يا ابي
وچم رقيه ادموع محجرها انعمه
@@@
والله گلبي يا ابواليمه تعب
مو سهل هذا الذي اعليه انكتب
ومن اشوف الراس عالرمح انصب
چالگمر لاچن حمر ضوه السمه
@@@
والطشت بالكوفه شايل للنحر
عفيه بي شلون دلالي صبر
وابعصاته الطاغي للشفه فطر
وصارت اجروحك عصاته لاچمه
@@@
چنت اميره معززه بهاي الديار
وانا چنت امخدره واهل ستار
شلون مسبيها اطبها بالنهار
وكلهم ايعرفوني ضنوة فاطمه
@@@
علي احمد الحمود
٢٠-٨-٢٠٢١
السبي الى الكوفة



الرووس شفنه

محرم بالگلب محرم
@@@
بقاءك ياشهر غايه
وجود ابدمعته آيه
وبس ترحل اضل اعلگ جمر نار اشتياقي
انته للمحب شمعه
وحبك واشمه ابضلعه
تودّع لاچن أتأمل يجي يوم التلاقي
…
وداعك بالدمع تكلم
محرم بالگلب محرم
@@@
اذكرك من يهل شهرك
تجلى بالسمه عطرك
قميص المولى بس تنشر من الجنه الزچيه
ليالي بالنبض حيه
بخادمه مسجله بيه
عساني ابقى عالخدمه الى يوم المنيه
…
يحظه للخدمه التسلم
محرم بالگلب محرم
@@@
اليعرفك مانشف طرفه
ابعيونه بوالفضل چفه
مصيبة سابع امحرم يضل ضاوي گمرها
شعوري بالعشر هايم
وشمك زفة القاسم
حنين لحنتك ذكرى بقت ترسم صورها
…
وفانه من وفي معظم
محرم بالگلب محرم
@@@
نموت ونحيى بالأكبر
شهيد ابحومته اتوذر
شباب وطبرته صارت على احزاني شهاده
بگلبنه ماطفت جمره
رضيع اتروه من نحره
على صدر الولي يصبغ بالمثلث مهاده
…
رضيع وبالنحر تبسم
محرم بالگلب محرم
@@@
ولينه طايح امجرح
نودع عاشر ابمذبح

سلام الله على الشيبه التريبه والخضيبه
يعَشره واصبحت عِشره
بصدرنه تلتهب جمره
وبعدها هالسنه علينه سنه مره وغريبه
…
نودعك والصبر تهدم
محرم بالگلب محرم
@@@
علي احمد الحمود
٢١-٨-٢٠٢١
وداع محرم
محرم ١٤٤٣

يامولانه .. يامولانه
يابومحمد .. يامولانه
@@@
ياذكرى الطف ودمعاته
ونوحه اونّه وي آهاته
انته الباقي من (هيهاته)
ونهجك للذل ما خلانه
@@@
ثبت الدم ابدمعاتك
وخلدت احسين ابدعواتك
والمؤمن ذاته من ذاتك
ومايسوه لولاك إيمانه
@@@
بالحق راسم اعظم منهج
وهذا كتابك بالحق يلهج
يامن بيك الهم يتفرّج
وگلبك لحظه ما ينسانه
@@@
يا دمعه امن الطف هماله
ويالنحرك طابع اغلاله
عفيه ابصدرك وي دلاله
يا مأسور ابچف عدوانه
@@@
بعيونك ما نشفت عبره
ابگد ابچاها صارت حمره
عالمذبوح وگطعوا نحره
وظل عاري بالطف جثمانه
@@@
شايل گلبك چم امصيبه
يكفي وشفت الشيبه خضيبه
واخدور السووها انهيبه
وايتامك تركض حيرانه
@@@
كل تفصيل العاشر بالطف
شايل كربه ودمعك ما جف
يلي اعله الهزلات امچتف
وامتونك تشگف سيطانه
@@@
چبدك من السم اتفطر
لو من رمح الشايل منحر
يلي ابلاگبه ولا منور
گبرك ماخلوا حيطانه
@@@
من يُسرك مدري تتألم
لو من گبرك حيف امهدم
اغلالك شدت عالمعصم
لو عالگبر الخالي امچانه
@@@
طبيت امگيد للكوفه
ومحد ناشد فكوا اچفوفه
وهذا لحال ألهسه انشوفه
والعافت امرك خسرانه
@@@
علي احمد الحمود
٢٣-٨-٢٠٢١
شهادة السجاد

واويلاه على المذبوح
@@@
ياشايل راس الغالي .. بالله لا تهز رمحه
خاف ابسنه يتمايل .. ويعوّد ينزف جرحه
موكافي اجروح ابوجه .. مغطايه الدم لصبحه
وابحلگه ذاك امثلث .. خلاله ابخده فتحه
@@@
ياهذا الشايل راسه .. اكثر بالله لاترفعه
لو هب الهوى شيحصل.. ابذيچ اوداجه المتگطعه
شفته من تمشي الناگه .. من اجفونه تنزل دمعه
يبارينه بس بعينه .. ولا فازع إلنه ايفزعه
@@@
لو لحظه تغفه ونامت .. تعبانه منّ اسباها
معذوره لمن طاحت .. عالهزله ابنية طه
بالهيمه راس المولى .. دگ رمحه وماخلاها
لو باقي جسمه بنحره .. چا يركض تلگاها
@@@
ادري بالرمح نصله .. شك ابحلگه لمسنن
وي طگ الشمر سوطه .. راسه امن الرمح دخن
عينه تغيرت حمره .. وحسه امن النحر لو ون
وخشّيت امتوني عنه .. ومتني امن الأذا اتلون
@@@
خولي ويلعب ابراسه .. ماعنده رحم وحساس
ولو ميل تميل الروح .. وتخنگ عبرتي الانفاس
وطگ الوجه ظالم .. ابچي وصد للعباس
وين ياعضيد حسين .. شوف شاحاصل بهالراس
@@@
مو كافي بعوالي صار .. ومن ديره لي ديره يدور
جيبولي ارشه ابماي .. راسه امعفره التنور
ويلي اعله الشفايف ذيچ .. ضربتهن عصاة الجور
وثغر القبله الهادي .. بطشت ابن الدعي مفطور
@@@
علي احمد الحمود
٢٢-٨-٢٠٢١
رأس الحسين
السبي