قصيدة لاستشهاد الامام الجواد ع

بالصحن اشكيلك .. يالجواد دخيلك
_
داخل اعله الله وعليك وبالصحن واكف ترة
حطني خادم بالعزاء عليك سبع الگنطرة
جاينه امحرم عمامك والحزن لازم سرة
گمت اشم ريحة خيام امحرگّة وركضة،مرة

گاعد وابچيلك .. يالجواد دخيلك
_
اعليك ابو سبعة مناير اترس اعيوني دمع
حتى اغرگ الدنيا كلها من يذكرون الضلع
بعد شهر ونص اسمعة يطفة بالخيمة الشمع
موش خيط بهالسهولة حسين راسة،ينگطع

هذا ضيمي احچيلك .. يالجواد دخيلك
_
اعليك كل زاير اجاك وعايف الدنيا وراه
لملم اللچمات بية بلكي اموتن نص عزاه
يمشي ع الخنصر يدور گلبي يومية بضماه
مالت الله الناس تحچي وگالو شماله وشجاه

اتگلي شيسويلك .. يالجواد دخيلك
_
وانه گلتلهم امامي سيد وعده بخت
العده طلبه يذبها يمة گبل ليذبها انگضت
جيتك وطلباتي بيدي وعيني ع الگاع انچفت
ع الخواصر شدلي وصلة خل ارد الزامطت

خادم وماشيلك .. يالجواد دخيلك

اشوه سالفتك خفيفة من متت فوگ السطح
حسين صدرة انسحگ ضلعة وراسة راكب ع للرمح
اعليك فرفاحة اطفالة اعليك لجمة كل جرح
من يجي امحرم اريدن اسهر اخدم للصبح

گلي گواه حيلك .. يالجواد دخيلك
____
مامش اعلوگة اعله بابك ما عفتها ابلاية شد
داخل بديوان بختك والدمع بخدودي هد
حزّم اخواصر جبيلك للتعب ماريد حد
وحدر شعري الوصلة اشدها خيمة ويشدها الوتد

حطني شمعة بليلك .. يالجواد دخيلك
_
#علي هادي الخزعلي
.
.
.
#الناشرالحُسيني_حسين_جاسم_الطائي

نعي لأستشهاد الامام الجواد

*

شباب وبالعجـــل خلصت سنينه

ينازع بالأجــــــل خافـــي ونينه

يلوج امن الالــم  يعــرك جبينه

وحده اعل السطح ويديــر عينه

*

وحده اعله السطح ماله كرايب

هواي ابعاد مــن عنده الحبايب

مهموم الجـــــواد وكلبه  ذايب

شباب العمـــر ماهواش شايب

****

يصارع بالمنيـــه وهلـــت العين

وين اهله النجابه الساعه جاوين

يشوفونه ابنهم صايبـــــــه البين

ويهدون الهواشــــــم ميه ميتين

*

كون اوي الفجــــــر والله يدخلون

ويلحكون اعله ابنـــهم كون يلفون

ويصعدون السطح داره ويشوفون

عن الكاع بالســـــــــرعه يشيلون

*

حسافه ابلا اهــــــل وابلا عشيره

احتارت روحه والله اشلون حيره

ألمن هالنظــــــــــــــر بالله يديره

بالسم ينجـــــــتل يعرف مصيره

*

محد ســــــــــــاعده وسفه ودناله

ظل يلوج بالجمــــــــــــره لحاله

اكو واحد بقه ايشـــــــــيهه مثاله

غريب وبالحبـــــــل جتفو عيتاله

*

اكو واحد غريــــــــب انـجتل كبله

وحيد بكربلــــــــــــه وماســند ظله

كوه لحك اعلـــــــــه الظهــر صله

وطاح اعله الارض جوتهه الرمله



طاح اعله الارض ويلـــوج الحسين

تجوى امن الشمس واجروح هالبين

دارت فوكه كـــــوم العدى صوبين

وهو صوب المخيم دايـــــــر اليعن

*

ينظر عالخيـــــــــــــم نوبه العقيله

كوه ينتهـــــــــــــض دمعــه يسيله

يطيح انـــــــوب لا ميعــــينه حيله

آه يكـــــــــول ياســـــــــكنه ويليله

*

آه يكَــــــــــــــــــــول يبنيتي رقيه

وين اتباتـــــــــــــي يحبيبه المسيه

يحنينه بصحـــــــــاري الغاضريه

مجتوفه بحــــــــبل بويــــه وسبيه

*

مجتوفه بحــــــــبل آيالحنيـــــــنه

تكســــــــرين الكلب ها يالحزينه

لوجوج العـــــــــده لزمي اسكينه

خافنـــــــــج تتيهــــــين الضعينه

*

بحق لوعـــــــــة رقيه هالدعينه

وبحق امصابك الليلـــــــه نحينه

نخينه يالجـــــــــــواد ودم بجينه

نظره انريد مــــــن عندك علينه

*

نحلفك يالجـــــــــــواد انته املنه

طرق مسدود بالدنيـــــه وصلنه

ثجيل ومال مـــــن عدنه حملنه

افزع يالولــي  وشافـــــي عللنه



أبوعلي الركابي

#حال_مولاتي_العليلة ، ،
#لوالدها_الحسين ع ،


بس اكعدلي خل اشبع حنان وگوم
اخذني ويه الضعن هالحضرتلي هدوم
العليله الباچر الحيطان تبچي وياي
أسمي فاطمه وظل حزني ما مفطوم

-- خل اشبگ راسك بويه ، ،
-- يالباچر سيف يشبگه
-- وخل افرش حدر ضلوعك
-- للمضموملهن سحگه ، ،

مشهد يا خذني لمشهد = حسين
ياهو يغطيني من ابرد = حسين ،
مابيه اعله الناگه اصعد = حسين
•••••••••••••••••••••••••••••••••••••••••••••••••
سلاماً بويه الله وياكم ومحروس ، ،
اهي حسبة ايام وع الرماح الرووس
ابنيتك خلي يترس عيني طولك هاذ
من هسه تتراوالي بفرس مديوس ،

-- وشميت امچان اهدومك
-- وهل جاي ابچيلك سكته ،
-- وعبد الله اليلمع نحره ،
-- كضيت اكماطه وبسته ،

يابويه الكاسر ظهري = حسين
ببنياتك كل فكري ، = حسين ،
شيصيرلهن ما أدري = حسين
•••••••••••••••••••••••••••••••••••••••••••••••••
احط ايدي على العكازه وابدي ارجف ، ،
يالما ترضه احلف هسه راح احلف ، ، ،
وحق راسك ونگل اجدامك ومگفاك ،
قهر والچفن حزني ولافني اتلفلف ،

-- مكتوبه بخط ايدينك
-- سورة حزني واهاتي
-- ابنيتك يابعد ابنيتك
-- باجر تركض عماتي ، ،

حد الشوف انشل حيلي = حسين
كل دمعاتك تحجيلي = حسين ، ،
عن ذبحت راسك ويلي ، = حسين ،
•••••••••••••••••••••••••••••••••••••••••••••••••
بس شويه خل اشبع حنان انوب ، ،
سافر ، لاحگ اعله الضمه وشگ الثوب
مابيه اعله نگل اجدامي متعوبات ،
وانته ادره بعد بسوالف المتعووب ،

-- هاي الدنيا الما ترحم ،
-- جوه الخيل تحط جسمك
-- باجر من ايسحگوونك ،
-- ياهو شيلك ويلمك ، ،

والعيشه البعدك مُره = حسين ،
تشرحلي اهموم الصحره = حسين
والخير تجيسه الجمره = حسين
•••••••••••••••••••••••••••••••••••••••••••••••••
واسمع حجي الفركه ابابكم ينكال
صوب الموت والحافر ضعنكم شال
اعمامة راسك الخضره برجل تنداس
باجر ، واليدوس اعليهه مو رجال ، ،

- وعيوني تحاجي عيونك
- مرسومه ارماح بعيني ،
- من جرحي لحد جروحك
- رمحك جاسك يحسيني

والدنيا اتبعدك عني ، = حسين
اتبديت وياهو يلمني = حسين ،
بلكت جفك ياخذني = حسين ، ،
•••••••••••••••••••••••••••••••••••••••••••••••••

- #الخادم
- علي مهدي المالكي ، ،

- #اللحن 👇👇




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ام_البنين
جديد محرم ١٤٤٣ هجرية قصيده بعنوان (اخر لقاء)
زنجيل 3 دگات وداع ام الابطال الاربعه وظعن الحسين الشهيد عليه السلام


ام البطل خلف الظعن تبچي وتنادي
يحسين يا يمه تره تگطع افادي

برحيلك يمه يحسين گلبي لزمته
بهالسفر وياك تدري عمري اخذته
عالدرب ظعنك يا يمه انطر رجعته
تدري برحيلك يحسين افگد عمادي
▪️▪️▪️▪️▪️▪️▪️▪️▪️▪️▪️▪️
كل خوفي يحسين يمه افگد جمالك
شلي بهالدنيه بعدك يل ماكو بخصالك
خوفي يتيمه باجر ترجع عيالك
گلبي بهمومه هاليوم بسمك ينادي
▪️▪️▪️▪️▪️▪️▪️▪️▪️▪️▪️▪️
يمه وصيت الاولاد تضحي بعمرها
ما ريدن ترجعلي ابد هيه وگمرها
وزينب ابوفاضل هو يحرس خدرها
زينب عقيلة حيدره وي بضعة الهادي
▪️▪️▪️▪️▪️▪️▪️▪️▪️▪️▪️▪️
اتمنى من الولد ميه يا يمه دونك
افديهم انه يحسين وسالم يخلونك
اربع بنيني يحسين بالروح يفدونك
لو سالم ترجع يا يمه متهمني اولادي
▪️▪️▪️▪️▪️▪️▪️▪️▪️▪️▪️▪️
متهمني ابد يحسين ذبحة بنيني
ارد اسمع بالخبر عنهم وتقرلي عيني
گمرهم ولدي عباس سلوة سنيني
تتگطع لجلك أولادي هذا مرادي
▪️▪️▪️▪️▪️▪️▪️▪️▪️▪️▪️▪️
سنين العمر اشعلهه شمعه اعله بابك
انته يا مهجة فاطمه يفجع مصابك
لو اسمع باجر بالخبر دمك خضابك
لجل امصيبتك يحسين دايم حدادي


تمت بعون الله تعالى
خادمة الزهراء / ليلى زغيب
حسينيون ما حيينا


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ شيال الجنازة ]*

أداء: الملا #مصطفى_السوداني
كلمات: الشاعر #السيد_محمود_الموسوي

https://youtu.be/gYEN5HSoEuU

مجالس شهر رجب اﻷصب لسنة 1441 هـ - 2020 م
ليالي استشهاد موﻻتنا كعبة الأحزان الحوراء زينب الكبرى (عليها السلام)
عزاء هيئة وارث اﻷئمة عليهم السلام - العراق - واسط - النعمانية

مونتاج واخراج: مصطفى العتابي
مكساج: حسن يونس
مخطوطة: علي الشاهين
تنفيذ: شاريو للانتاج الحسيني
النشر الشبكي: علاء بركات العاملي

▪️في لقاء الامام الجواد عليه السلام بجده الكاظم عليه السلام بعد استشهاده.

أبو الرِّضا وابنُ الرضا
تلاقيا بعْــدَ القــضا
فالأرضُ تبكي والفضا
في اللقاءْ...في اللقاءْ

١/مَنْ مُبْلغٌ عنِّي الكسَاءْ
آياتِ حُزْني والعزاءْ
فابنُ رئيسِ الأنبياءْ
ونجْلُ قُطبِ الأوصِيَاءْ
في عُمْرِ أمِّ الأتقياءْ
كالمُجتبى قاسَى البلاءْ
بصبرِ ظامِي كربلاءْ
لربِّهِ لبّى النِّداءْ

هذا يدُ اللهِ العَلِيْ:
مُحمَّدٌ إِبْنُ عَلِيْ
لجدِّهِ موسى مضى
في عناءْ...في عناءْ

٢/قالَ الجوادُ في شجونْ
يا جدُّ رُزئي لا يهونْ
(قد جلَّ عمَّا يَصِفُونْ)
بئساً لهُمْ هلْ يُنكرونْ
لولايَ لا كافٌ ونونْ
في النارٍ حتْماً يُحشرونٌ
طعامُهُمْ إذْ يأكلونْ
(كالمُهْلِ يغلي في البطونْ)

شلَّتْ أيادي المُعتصِمْ
باللهِ لا لمْ يعتَصِمْ
سَمَّاً فؤادي قدْ قضى
لا دواءْ..لا دواءْ

٣/هلْ سألوا قاضِي القُضَاةْ*
مَنْ كانَ صَيْدَ المسْأَلاتْ ؟
أَمْ إنَّهُمْ في الظُّلُمَاتْ
قَدْ شَرِبوا ماءَ المماتْ
مُذْ أنكَروا ماءَ الحياةْ
مآلُهُمْ إلى شتاتْ
إذْ ليسَ تُحصى الرَّكَعَاتْ
مِنْ دونِ تكبيرِ الصلاةْ !

شأني كعيسى قدْ ظَهَرْ
أُوْتيتُ حُكماً في الصِّغَرْ
ويلٌ لِرجسٍ أعرضا
وأساءْ...وأساءْ

*قاضي القضاة : يحيى بن أكثم، وقضيته مفصَّلة في عجزِهِ أمام علْمِ الإمام الجواد (ع).

٤/يا جَدُّ إنَّ القلبَ ذابْ
وشابَ في عمرِ الشبابْ
أصبحتُ في قصرِ الذئابْ
ما بينَ لؤمٍ واغتِرابْ
لا لمْ أجِدْ إلا : غُرابْ
أدعوهُ عجِّلْ بالكِتابْ
للمرتضى أبي تُرابْ
فلْيقْلَعنْ للعُسْرِ بابْ

وكانَ أُنسي في البلا
بِسُبْحةٍ مِنْ كرْبلا
أشتمُّهُا كيْ أنهضا
في البلاءْ...في البلاءْ

٥/أبا الرِّضا الغُصْنَ الرَّطيبْ
مِنْ دوحةِ الهادي الحَبِيبْ
أمسيتُ يا جدي غريبْ
فَأْذَنْ بأنْ أبقى قريبْ
وامسَحْ ضلوعي كيْ تَطِيبْ
كَسَّرَها الحقدُ العَجِيبْ
يَا طبَّ عيسى والطَّبِيبْ
والسِّرَّ فِي "أمَّنْ يُجِيبْ"

لمَّا رماني الظالمُ
ضمَّتْ ضلوعي فاطِمُ
نُحنا لِصدرٍ رُضرضا
في العراءْ...في العراءْ

٦/موسَى بدمعٍ كالعِهادْ
أجابَ مقروحَ الفؤادْ
يا بنَ الرِّضا نَلقى الشِّدادْ
فِداءَ أصحابِ الوِدادْ
بِكَ العُلى ذُو الجودِ جادْ
حتَّى دعوْناكَ الجَوادْ
عُظِّمتَ ما بينَ العبادْ
أصبحتَ باباً لِلْمُرادْ

إنَّ الذي قَدْ زارَكَا
مَهْدِيَّنَا قدَ شَاركَا
نُعْطيهِ صَكَّاً أبيضا
في الجزاءْ...في الجزاءْ

٧/هذا حديثُ الكاظِمَيْنْ
أجرى دموعَ القُبَّتَيْنْ
سالتْ عَقِيقاً لا لُجَيْنْ
تَبْكيهما كالفَرقديْنْ
ظَلاَّ بِحُزنٍ دائمينْ
لا مِنْ سُمومِ الغادِرَيْنْ
بَلْ نَوْحُهُمْ في المَرْقدَيْنْ :
آهٍ على رُزءِ الحُسينْ

قالا بعينٍ دامِعَهْ :
"يا ليتَنا كُنَّا مَعَهْ"
نحمي يتامى المرتضى
والنساءْ...والنِّساءْ

https://tttttt.me/AliOsailyAmily

يا وفاي ياوفاي ياوفاي
خويه ارجع للخيم
يا وفاي ياوفاي ياوفاي
يا وفاي ياوفاي ياوفاي
**********

الواعدتهن ما نسن وعلى الجود تعودن
ايتامي من بعدك بجن ارجع وروي الظعن
راحن عيوني وعمن خويه بعدك ما غفن

ادري ميطيحك سهم خويه ارجع للخيم
يا وفاي ياوفاي ياوفاي
ياوفاي ياوفاي ياوفاي
********
يا لكلتلي اتدللي منو اليردني الهلي
انا زينب بنت علي ياهو يبره المحملي
ترظه اظل بلاولي خويه بعيالي ابتلي

منو اليشيل العلم خويه ارجع للخيم
يا وفاي ياوفاي ياوفاي
ياوفاي ياوفاي ياوفاي
************
يالنويت على الهجر بدونك شيسوه العمر
خويه ما بيه انتظر وجدمي واكف عالجمر
ياكمر هاشم بدر طلعتك طلعت فجر

طولت كلبي انلجم خويه ارجع للخيم
يا وفاي ياوفاي ياوفاي
ياوفاي ياوفاي ياوفاي
**************
خويه ياراعي اللوه كلب زينب ما روه
بروحتك راح الهوه ارجع ونكعد سوه
حزني ويطولي انلوه لجرحي ما يحصل دوه

كلبي عالصار نهظم خويه ارجع للخيم
ياوفاي ياوفاي ياوفاي
ياوفاي ياوفاي ياوفاي
***************
من نويت على السفر ظهر الحسين نكسر
يا ابو فاظل يا كمر انته متهاب الخطر
تدري بيه كلبه نفطر بجربتك جيب النهر

جن علي وكلك كرم خويه ارجع للخيم
يا وفاي ياوفاي ياوفاي
ياوفاي ياوفاي ياوفاي
*****************
خويه طحت بمشكله وانا روحي معلعله
محد وياه القافله ولكلب خويه بتله
سلبوها العايله ظلت بطف كربله

يم خلك ماكو رحم اخويه ارجع للخيم
ياوفاي ياوفاي ياوفاي
ياوفاي ياوفاي ياوفاي
https://tttttt.me/alirsvl
ابو هاجر المجراوي

لا تسئل المشتاگ حاله اشعلامه
رايد يزور حسين عشگه وغرامه
@@@
عشگه وغرامه حسين وابعينه صوره
ولهالدرب مجروح تارس نذوره
عينه اطفحت بدموع رايد يزوره
چي مبتعد ولهان شوگ لإمامه
@@@
شوگ لإمامه يروح گبره ويضمه
ويتگلب ابشباك لحده ويشمه
ادركني يامولاي يابوالايمه
روحي على الرايات مثل الحمامه
@@@
مثل الحمامه الروح رفت جنحها
وبس زاد ابوالسجاد غزر ملحها
يابلسم الدلال داوي جرحها
وهذا الدوه بعتاب گبرك مقامه
@@@
گبرك مقامه يكون جنه وسيعه
رايد يطبها عليك جاه الوديعه
ياللي بعشر عاشور ذبحوا رضيعه
چن منحره المكسور گلبه ابسهامه
@@@
گلبه ابسهامه ايميل صوبك بولكبر
وابخاطره المذبوح دمعه تحدر
يمته الصحن ملهوف يمك تحضر
ومن لهفته ابكل ليله حلمه ومنامه
@@@
حلمه ومنامه يصير شافك يغالي
ويسئل من يفسرون رؤيا الليالي
وحتى الصبح ألگاك صوره ابخيالي
صبح ومسى لطفوف فكره ومرامه
@@@
فكره ومرام يكون بالطف حياته
ويتمنه بيها يكون تالي وفاته
وبمجاور العباس يسوى مماته
گاع الي بيها حسين گاع السلامه
@@@
علي احمد الحمود
٢٩-٦-٢٠٢١
شوق الزيارة

يسلطان
أجيتك تنزف الدمعه .. يسلطان
يسلطان
شلعت امن الصدر ضلعه .. يسلطان
اظم گبرك وشمه
وويلي عليك يُمه
وويلي عليك يُمه
يسلطان

@@@
يساكن خاطري ومالك دلالي
اجيتك بالغرب يبني يغالي
اعد اويالشمع دمع الليالي
بنيني امطشره مدري شجرالي
…
يسلطان
ونيني بالله واستمعه .. يسلطان
يسلطان
تگطع گلبي چم گطعه .. يسلطان

يثامنها الأيمه
وويلي عليك يُمه
وويلي عليك يُمه
يسلطان

@@@
يهالوجهك من ألوانه تغير
اجيتك لازمه ضلعي التكسر
وانادي بالله ادركني يحيدر
ترى گلبي على وليدك تفطر
…
يسلطان
عليه احزاني متربعه .. يسلطان
يسلطان
ثكوله وبيك منفجعه .. يسلطان
انزلت عالغمه غمه
وويلي عليك يُمه
وويلي عليك يُمه
يسلطان

@@@
اجيتك شايله اهمومي الكبيره
يخد الوسده اتراب الحفيره
ابن هارون وش سوه عصيره
غريب اتموت وتلمك حصيره
…
يسلطان
الجحود الجاسيه طبعه .. يسلطان
يسلطان
كسر من شجرتي فرعه .. يسلطان
يسمك دون رحمه
وويلي عليك يُمه
وويلي عليك يُمه
يسلطان

@@@
يندبك للأبد گلبي قراره

يمن صرت بلهف ملجا الحياره
وعد كلمن يجي ليك ابزياره
اداوي علته واكشف مراره
…
يسلطان
يبومحمد انا البضعه .. يسلطان
يسلطان
اليسئلك طبعي ماگطعه .. يسلطان
اكشفن بيك همه
وويلي عليك يُمه
وويلي عليك يُمه
يسلطان

@@@

اداعي ربي واسئل في دعائه
على شيعة علي ينزل شفائه
ولا يگطع ابد واحد رجائه
محبين الرضا تحيى ابولائه
…
يسلطان
يدين الله وحكم شرعه .. يسلطان
يسلطان
نداهم انته تستمعه .. يسلطان

يكلك فيض رحمه
وويلي عليك يُمه
وويلي عليك يُمه
يسلطان

@@@
علي احمد الحمود
١-٧-٢٠٢١
شهادة الرضا ع

مولاي .. انعاك بدمعٍ منسكبِ
مولاي .. يا أنّت قلبٍ ملتهبِ
@@@
كاتب اعله روحي دمعه
عاللي بعده ابعمره شمعه
وچبده بالسم گطعه گطعه .. يابن الرضا
ياحزن لا ما تقلص
عالغريب العمره خلص
امن الغدر لمن تربص .. يابن الرضا
…
مولاي .. قد عشت لفقدك نار الهم
مولاي .. ودموعي تجري مثل الدم
@@@
ماجرى يصعب علينه
خانتك ذيچ اللعينه
واحنه بمصابك اجينه .. والدمع سال
لمن الطاغي امرها
دست السم ابغدرها

واخلت الدار ابكفرها .. والدمع سال
…
مولاي .. بالدارِ وحيدًا قد تركوك
مولاي .. عطشانُ بغضًا لم يسقوك
@@@
عالسطح جثة محمد
والحزن صوته تردد
قتلوا بضعة محمد .. ابن الزهراء
ربي بالأمه تلطف
والحمام ابنوحه رفرف
والملك من نعيه ماكف .. ابن الزهراء
…
مولاي .. ذا صبحك حزنًا يتنفس
مولاي .. او شمس صهرت خد الشمس
@@@
بالگلب خلف حزازه
اتلاثه باقي ابلا جهازه
ولا غسال ولا جنازه .. مثل الحسين
چنه جده بالشريعه
نحره لاچن مو گطيعه
ولا انذبح بيده رضيعه .. مثل الحسين
…
مولاي .. كربلا صغرا تقدر
مولاي .. دون ذبحٍ دون منحر
@@@
علي احمد الحمود
٢-٧-٢٠٢١
شهادة الجواد
شور

بأالله سلطان وملك .. وبيده دوران الفلك
شاء ماشاء القضا
هذا مولاي الرضا .. هذا مولاي الرضا
@@@
انا مو طبعي مغالي وهذا واقع
تربيتي اهلي مآتم والجوامع
ماضي طيب حاضره اسس مضارع
واللي ماعنده عقيده لأصله راجع
هذا هو مبدأ يقيني وما أخادع
غير طه وآله حبهم ما أطالع
…
معتقد يالتسمعه .. بالزياره الجامعه
من بنين المرتضى
هذا مولاي الرضا .. هذا مولاي الرضا
@@@
عن ابومحمد يسامع اقره واعلم
وجود لوما وجده صار الكون اظلم
الوحي لوما امامي ماتسلّم
ومنطق القرآن صامت ماتكلم
لو رفع چفه ابدعاءه زاح كل هم
وغيث رحمه عالبريه ابفيض غيم
…
حبل الله والأمل .. شتوفي لو نحچي الجمل
نور زاهر بالفضا
هذا مولاي الرضا .. هذا مولاي الرضا
@@@
يحگ إلي بسيدي وامامي ارفع الراس
عالم الغيب ابعلومه لا ماينقاس
بيده يرزق للبريه ويشفي للناس
وهو خالق بامر الله ويبري لنفاس
باچر بحشر القيامه ابقدس لقداس
الجنه بيدينه ابشفاعه وحرگ لرجاس

…
بيده لكتاب وحساب .. چنه جده بوتراب
الخاصمه يسكن لضى
هذا مولاي الرضا .. هذا مولاي الرضا
@@@
شرد اعددلك خصاله كافي معصوم
امره من امر الاله ابصحوه والنوم
(إنهُ وحيٌ ويحوى) ويكشف اهموم
واليعوفه ابعمره كله عاش محروم
يالذي تسمع كلامي بلغ الگوم
كافر الينكر مقامه وأمره محتوم
…
الله في ارضه خلف .. وابمعاجزها انعرف
على امر الله مضى
هذا مولاي الرضا .. هذا مولاي الرضا
@@@
صعب نطرح هالمعاني بالعجاله
وهو كل الكون غرگان ابخصاله
الرضا ثامن خليفه ولا مثاله
وصي للمختار من رب الجلاله
معجزاته فاقت العقل ابخياله
وموعجيبه ايكون ضامن للغزاله
…
للغزاله من ضمن .. ضامن الجنة عدن
معتقد بالرافضه
هذا مولاي الرضا .. هذا مولاي الرضا
@@@
مايهمني لو حچه اعليه المخالف
ولو تكفرني الملل وي الطوايف
كنز الله ومعدن لآياته كاشف
ومثل امه اعليه دوران المعارف
لا تظن من مدرسه نال المشارف
الرضا علمه وحي ويجيله هاتف
…
هالإمام الطالبي .. علمه من علم النبي
وانا امري امفوضه
هذا مولاي الرضا .. هذا مولاي الرضا
@@@
عنه افهم لو ردت واقره الروايه
وخلي بالك واستمع حد النهاية
ابومحمد عالم ابغيب البرايه
وعارف ابعلم المنايه والبلايه
هاللي كانت عبرته لعظم رزايه
عالحسين ونسوته الراحوا سبايه
…
دمعه صبت كربله .. يبچي لحسين وهله
وبيه ثوره ناهضه
هذا مولاي الرضا .. هذا مولاي الرضا
@@@
هالمناره چنه اجداده المناير
مانسوا لحظه ابد حز المناحر
كربله بيهم تضل قصة خواطر
وآمرونا لكربله نحيي الشعاير
علمونه شلون للمولى نناصر
وعلى مثل حسين لو تعمي النواظر
…
لكربله نحي الدمع .. وطبره لو لطم الضلع
عبره بيها الموعضه
هذا مولاي الرضا .. هذا مولاي الرضا
@@@
علي احمد الحمود
٢-٧-٢٠٢١
شهادة الرضا ع

زعفر غيور ابغيرته
راد الحسين ونصرته
رايه رفع للنصره .. بيد الحسين وأمره
@@@
حسين حير هالعوالم مالك اگلوب
جان وانس بهالخليقه لحبه اتذوب
والحكايه بهالروايه عنها مكتوب
للحسين الجني زعفر گلبه ملهوب
…
لمن سمعها الواعيه
رايه رفعها عاليه
وخله حياته وعمره .. بيد الحسين وأمره
@@@
للحسين الجني زعفر بيه تقديس
من اجاله الخبر صاعق بالنواويس
عاف عرسه وشال سيفه وهو عريس
يدري حاط حسين وحده عسكر ابليس
…
عاف العروس مجمله
ويركض گصدها كربله
راد الطفوف يحضره .. بيد الحسين وأمره
@@@
زعفر ابگلبه ضريمه نار للموت
لمن ابطف المصيبه يذكر الصوت
من غريب يحامي خدره وگلبه مفتوت
حاصروه اجيوش كلفه بأمر طاغوت
…
اإذنلي نادى بوعلي
يمك اريدن مقتلي
وحمي المخيم خدره .. بيد الحسين وأمره
@@@
بالله يازعفر اسئلك ردلي اجواب
شلون شفت حسين حاله بذاك لمصاب
بلف وتسعمية جراحه جسمه منصاب
وغير شيبه الي تصبغ بالدمه خضاب
…
هوايه جراحه بالصدر
وغرة جبينه منشطر
وسهم الرضيع ابصدره .. بيد الحسين وأمره
@@@
بالله شفته شلون ودع زينب وراح
وتالي عود خالي سرجه ملوي ذوجناح
شفته من كتر الشريعه عالارض طاح
ومن توالت جسمه تالي سيوف ورماح
…
لو شفته تالي يحتضر
وصاعد على صدره الشمر
وزينب بعيد اتنظره .. بيد الحسين وأمره
@@@
للاسف ماتم مرامك وي لحسين
يوم عاشور ابمحرم ظهر لثنين
والسيوف اهناك تنهش جسمه بالبين
وجثه مطحونه بسنابك بلا چفين
…
شفت الحسين ابمصرعه
جثه جديله امگطعه
ويلي وگطيعه نحره .. بيد الحسين وأمره
@@@
حگك ابحزنك يزعفر ليلك اتنوح
مو بسيطه حسين جيته ابطفه مذبوح
گلي بالله شلون شفته طلّع الروح
بالله بخوله مهجته ابذيك لجروح
…
شلّي نظرته بالذبح
ودم الوريد المنسفح
ياهو الي نحره جره .. بيد الحسين وأمره
@@@
علي احمد الحمود
٦-٧-٢٠٢١
مصرع الحسين
الجني زعفر
محرم ١٤٤٣

ويلي على المسموم .. ضاگ المنيه
ونزلت عليه اتنوح .. امه الزچيه
تنادي .. يبني
دارك خليه ومنخطف لونك
@@@
نزلت على المغدور .. تبچي غيابه
فوگ السطح مطروح .. تنعى مصابه
بغربه وحيد ايموت .. ظل ابثيابه
وتحت الشمس مظلوم .. تبچي شبابه
@@@
تنادي يابدر الليل .. انا الوديعه
چا دهري شلّه وياي .. من هالگطيعه
مو مره بي مرات .. ضگت الفجيعه
راح الضنه ابعشرين .. ماتم ربيعه
@@@
انهض يانور العين .. حاچيني امك
انعي وازيد النوح .. وردد اسمك
مذهوله يمك جيت .. ابچي واشمك
وضلعي اذا حنيت .. يوجع وظمك
@@@
بالله يروح الروح .. وش هالرزيه

رف الحمام اعليك .. جنح المنيه
عن الشمس غطاك .. فوگ الوطيه
طافت عليك اتنوح .. تنصب عزيه
@@@
كل ما احوم اعليك .. جدمي تعثر
اوگع عليك ونوب .. دمعي تفجر
وجهك تغير لون .. خدك تصهّر
وبثلاثه محد جاك .. چنك بولكبر
@@@
فوگ السطح واتلوج .. واتلوج لكوان
لاعزوه يمك جات .. لاحضرت عدنان
مثل الغريب حسين .. وابموته من حان
بغربه وبلا انصار .. وتنادي عطشان
@@@
لاچن ياضي العين .. مامثل لحسين
راسه ترفعه ارماح .. مذبوح لوتين
جسمه وذر عالگاع .. وابليا چفين
وبعده على لهزول .. سبي النساوين
@@@
علي احمد الحمود
٨-٧-٢٠٢١
شهادة الجواد ع

ابوذيلت وفاة الجواد
@@@
يشب بلروح وافادي يمر هم (جمر هم)
ولا اداوي بعد علتي يامرهم (مرهم)
ودليلي الساع لدموعي يمرهم
لبوالهادي تصب صبح او مسيه
@@@
ابوالجود وابوالغيره وألمراد (مراد)
ألم رايح على امصابه وألم راد
وحيد ابموتته اتمدد ولامريد (مريد-محب)
يوجه لجبلته بعد المنيه
@@@
لجواد الآل جرح الروح مالتم (يلتئم)
وحيد يموت بالعزوات مالتم (ما ألتم بهم)
الحمام اعليه لمن مات ملتم
تغطي امن الشمس ابن الزچيه
@@@
چبير الگوم فوگ الگوم يمره (أمره)
جواد الآل ليه بالروح يمره (جمره)
عليچ شلون سميتيه يمره (يامره)
وفجعتي فاطمه ابهاي الرزيه
@@@
علي احمد الحمود
٨-٧-٢٠٢١
شهادة الجواد ع

لُـون العَــبايَه اتغَــيَّر
مِن الشَمس وامنِ البَـر
بَس ظلّت اعلَه امتُوني
ماطَاحَت وشَـافوني
*
تَاذِينـي سَالفة السَبي
وعِد رُوحي مامَرغُوبه
ولمّن اسُولِـفهه تظِل
مِنها النفِـس مَتعُـوبه
وطَاري اليسِر مِن اذكِـرَه
وشنهي الحِصَل بدرُوبه
قَصدي يظـل مِني عِـبَر
متسَــطّره ومَكتُــوبه
للـوَادِم التِقــرَاها
وتتمَعّـن امعنَاها
وهِنياله من يتبصـَّر
لُـون العَــبايَه اتغَــيَّر
*
حَنظَل يَريجي بالدَرب
والسَاني يجرَح جَاسي
والنَظرَه واشوَاك الجِدَم
تاكِـل ابلِـب احسَاسي
ماهَمني كل هذا الجَره
وقَسوَة گلب حرَّاسي
كل همِّي آنه اعبَـيِّتي
كالتَاج تبقَـه برَاسِـي
رُوحــي فـلَا بَـاريهـا
بَس اهيَه اهمَّن بيها
شِنهي التعَب شِنهي الحَر
لُـون العَــبايَه اتغَــيَّر
*
شما گصَّر اويَاي الوَكت
لا ماگِصَــر جِلبَــابي
وشمَا شِعَـر ﮔلبي بألَم
شَـعـرِي يذِل ارهَابي
مَحفوظ بحجَاب السِتر
والحِشـمَه تقـفُل بَابي
أقسَى الظرُوف اتحَمَّلت
ومافَـرَّطِت بحجَـابي
سِتري الرُفَع مِن شَاني
بتَـربِيـتي وبوِجــدَاني
لا ما أَزِل واتأثّـر 
لُـون العَــبايَه اتغَــيَّر
*
آنه العَــقيله الّي صِرت
للعـفـَّـه أقـدَس آيَــه
يَبنَـيتي واختي اتفَهِّـمَن
منِّـي القَصِـد والغَـايه
لو وحدَه مِنچَن فَـرِّعَت
چَنهه الّي رُفعَـوا رَايَه
ضِـد الحُسين بكَربلـه
والقَـتلَه اجَـوَا عَـنَّـايَه
المَاتِلتزم بحجَابي
تمشِي بأثَر سَلّابي
ومِثل اليرَوْع الخِدَّر
لُـون العَــبايَه اتغَــيَّر
***
وكِل الشَباب التستِـمع
حچَايَاتي خَل يُوعُـوها
إلهُم مِن العِفَّه حِصَص
وَاجِب ترَه ايصُونُوها
واُوصِيهم ابغَـض النَظَر
والشِـينَه لا يطــرُوها
ترجَـع عَليهم بالعَـكس
البُـاب الذي يدگّـوها
حفظُوها اِذا اتحِبّوني
يُـوم الحَشـر تلگــوني
وعِند الشِدَايد أحضَر
لُـون العَــبايَه اتغَــيَّر
-------------------------------------------------
لقمان لعيبي البدران

@lukmanalbadran

نزلة العباس ع


يفتگها وايخيّط بيهه*
يمغطها وايرد يطويهه*
يعطشهه وابدم يزگيهه*
حي الله ابو فاضل

ريشاته تحلا اعله الهامه*
چفيتهه شدهه اعله احزامه*
دوخها من شد الثامه*
حي الله ابو فاضل

تخيلهه وكض الرشمه**
من الله نازل زلمه**
حي الله ابو فاضل
........................
فرّ عينه والوادم خنست*
طگ يمنه عاليمنه وشهگت*
كض سيفه واركبها اهزت*
حي الله ابو فاضل

بگرابه سيفه وما جره*
ها توه صاعد عالشگره*
والحومه للشرده امحظره*
حي الله ابو فاضل

برچابه عدّل رجله**
وشافاها كلهه امعزله**
حي الله ابو فاضل
.........................
هنياله كلمن كض نخله*
واليمشي صارت بيه رگله*
يتمنى يشرد كل عگله*
حي الله ابو فاضل

ما يدري يا ساعه ايصيده*
واهدومه حظرها بأيده*
لا نخله لا شط ايفيده*
حي الله ابو فاضل

عباس ايصيّح وينه**
يا صفحه راح ايجينه**
حي الله ابو فاضل
..........................
الشاطي ضل يبلع ريجه*
ضل يخبط وتاه اطريجه*
بجروفه شبتله احريجه*
حي الله ابو فاضل

والكافل اچفوفه الخشنه*
الدنيه حاصرها بزرنه*
من خزره وحده وما ثنه*
حي الله ابو فاضل

يطشرها ولمهه ابأيده**
امقسمهه ابكيفه البيده**
حي الله ابو فاضل
...........................
يلگطهم اشويه اشويه*
واشويته چن اربعميه*
صفطها ميه بصف ميه*
حي الله ابو فاضل

بدويه امه وخالسهم*
امن الچلمه بالطف حارمهم*
بالرايه خانگ عالمهم*
حي الله ابو فاضل

ذواق ايحب العركه**
اليتنفس خشمه ايفركه**
حي الله ابو فاضل
...........................
النسمه تلعب بزلوفه*
حيل الله نازل بچفوفه*
والينزع اهدومه ايعوفه*
حي الله ابو فاضل

خياله طگها بخياله*
چن سبحه صارت بشماله*
طشرها بيده الرجاله*
حي الله ابو فاضل

نصين الجيش ايشگه**
نص موت ونص ايحرگه**
حي الله ابو فاضل



#علاء المياحي
الفاتحه لروح والدي



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ مستاحش الماي ]*

أداء: الملا #أحمد_الخيكاني
كلمات: الشاعر #محمد_البشير

https://youtu.be/kNkrIaG9ypY

إحياء ليالي شهر ذي القعدة لسنة 1442 هـ - 2021 م
ليالي إستشهاد موﻻنا باب المراد الإمام محمد الجواد عليه السلام
عزاء هيئة سليل الطهر للشعائر الدينية - العراق - بغداد

تنفيذ: بلاك آند وايت للانتاج الحسيني
النشر الشبكي: علاء بركات العاملي

#محرم_١٤٤٣

اجت ناس ومشت ناس وتظل بس انت عالراس
نبض فاطم .. عشگ زينب .. يماي عيون عباس

^^^•^^^•^^^•^^^•^^^•^^^•^^^•^^^•^^^•

يجي ويمضي زمن ،، وتبدّل چم ثمن
وثبت غلاك ابد ولا تبدل
وجوه اتزينت ،، وبعد مده انفنت
وخلودك انت بعده مثل الاول
كل ما تمر سنين ،، ما تطفه نارك
وجيل اليعلّم جيل ،، لا ينسه ثارك
تطيح وتنفني اسماء ويظل بالعالي اسمك
عزيز وغالي وايباهي البشر كلمن يخدمك

تهاوت كل الاصنام .. وتلاشت كل الاَعلام
فقط راية .. علي انرفعت بدمك واخر انفاس

^^^•^^^•^^^•^^^•^^^•^^^•^^^•^^^•^^^•

يالاسمك منقِش ،، على ساق العرش
ضوه الهُدَه وسفينه بيهه مَنجَه
يعاتق فطرسك ،، يشاغف عابسك
يكعبه والرياحي الك توجّه
شمسوي يا مولاي ،، بگلوب الانصار
التگله دمك گال ،، تتدلل وصار
تگلهم باچر انموت ويگلولك فده انروح
وحقّك گالو ايفوز الذي بجسمه اكثر جروح

وصفت كلهه تحاچيك .. عسن بينه ولا بيك
جمال الله .. وجلال الله حرام بنسمه تنجاس

^^^•^^^•^^^•^^^•^^^•^^^•^^^•^^^•^^^•

بضمايرنه عِشت ،، نموت وما مِتت
رغم جِروحك ورغم مصابك
رغم كل طاغيّه ,, كلمتك باقيّه
ويفاخر الذهب يمس ترابك
شگد حاولو يمحون ،، آثارك وصار
صار العكس لعداك ،، ما ظلّت آثار
محرم لمّن ايحين اشكثر توگع قناعات
سكوت العالم ايصير وفقط صوت العزائات

بعضهم منّي بيّه .. يضدني اعله العزيه
يحاربني .. ويسمعني كلام اليجرح احساس

^^^•^^^•^^^•^^^•^^^•^^^•^^^•^^^•^^^•

سلام الله عله ،، اميرچ كربله
سلامي عالمقامه ما إلَه حد
الصرت اتنفسه ،، واحن صبح ومسه
اشتياقي كل وكت إلَه ايتجدّد
ضامي الگلب يا ناس ،، للچبده ضامي
الشاغلني اسمه هواي ،، دون الأسامي
فديته بأجمل سنيني وأگول امقصر اوياه
اكيد امقصر آني شعندي بس چلمة حسيناه


تميز حتى بالشوگ .. اختلف هوّ اغله معشوگ
ولا عنده .. شبه ثاني ابّشر هيهات ينقاس


^^^•^^^•^^^•^^^•^^^•^^^•^^^•^^^•^^^•


شتساوي قيمِتي ،، ومحبتي وخدمتي
من اسولف اعله فاطمه وعشگهه
الچفنهه فتحته ،، لإبنهه وحضنته
ونِست كسرهه من دِنه وشبگهه
وزينب عشگهه شلون ،، چان اويه اخوهه
الوگفت تفيي اعليه ،، حد ما سِبوهه
وابو فاضل مِلَك ماي النهر بس ما تهنه
يگول اشرب حَشه واعضيدي ما مِتروّي منّه

خدمتي وسِيرتي وين .. من اجيبن طاري چفّين
لاجل عينك .. فده انطاهن اخوك الكله نوماس


^^^•^^^•^^^•^^^•^^^•^^^•^^^•^^^•^^^•


#ياسر حسن
ذي القعدة ¹⁴⁴²




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء