*[ نقطة الباء ]*

أداء: الملا #محمد_باقر_الخاقاني
كلمات: الشاعر #منتظر_الجنابي

https://youtu.be/5pB6c_ey7GY

مجالس شهر رمضان المبارك لسنة 1442 - 2021 م
مجالس ليالي إستشهاد موﻻنا مولى الموحدين أمير المؤمنين صلوات الله عليه وآله
عزاء هيئة شباب القاسم عليه السلام - العراق - ميسان

مونتاج واخراج: كرار فاضل
مكساج: حسن يونس
مخطوطة: زين العالدبن الحلفي
تنفيذ: فوتو آرت للانتاج الفني
النشر الشبكي: علاء بركات العاملي

*ادركني… يا ابو صالح لطم شور لحن ادركني يا ابو فاضل للملا محم بوجبارة🎤*

أدركني يا أبو صالح²
〰〰〰〰〰
انت باب الله ونجاتي بالعسر
قلبي ينتظرك يا ميزان القدر
شابحة عيوني اعلى دربك تنتظر
يمته تظهر آه يامهدي الزمان
〰〰〰〰〰
البيعه ٱجددلك يامهدي والعهد
يا صلاتي و قل هو الله احد
انت تسبيحة دعائي والمدد
اطلب ببابك يا مولاي الامان
〰〰〰〰〰
يمتى تروينه يماي الله العذب
امسح بكفك سوادي من الگلب
ادري تعبتك حبيبي بكل ذنب
التوبة سامحني يا ينبوع الحنان
〰〰〰〰〰
عيني تترقب يا غايب طلعتك
طالت سنينك وننشد رجعتك
تعاني مأساة وهموم بغيبتك
سیدّي بيا وادي شخصك يا مكان
〰〰〰〰〰
احسبني يعقوبك يا بلسم للجروح
شمة من ريحة قميصك ليّه روح
ياللّي بچفوفک عطر الله یفوح
یمته یوصل یوم و نشوفک عیان
〰〰〰〰〰
يمتى نورك يسطع بهذا الوجود
ترفرف الراية بيمينك يا ودود
عود يا يوسف املنه ارجوك عود
بيك ضلع امك يمولاي استعان
〰〰〰〰〰〰
دمعة ترسم كل مآسي هالزمن
ترتّل بحزنك محرم والمحن
جدك وثار الذبح يابن الحسن
ينشدك عجل يا مفتاح الجنان

خادمة آل محمد✍🏻
اللحن👇🏻
https://youtu.be/nHz305lfo6w

شباب اوهالگظه ياناس .. توه بأجمل اسنينه
وحيد ابغربته مسموم .. شبحت للسمه عينه
@@@
راعي الجاه والمعروف .. من تقواه والطيبيه
ابن المصطفى المختار .. راعي الجود والهيبه
غريب وغربته ابغداد .. وين اوين عن طيبه
صايم والفطور ابسام .. ابچاس اللبن راوينه
@@@ ‏
من ام الفضل مطروح .. ولا واحد اجه عنده
دست سمها بالافطار .. وباب لمسكنه اترده
يلوج ابحالته وحده .. من شده الى شده
ابن الضمته خريسان .. مودع عرگ أجبينه
@@@
يزحف للصطح مالوم .. وچبده ملتضي مفطر
عطشان ويريدن ماي .. چنه جده بوالاكبر
وبتلاثه طريح الگاع .. لونه امن السمه اتغير
واتفيي الحمام اعليه .. طايح مدد ايدينه
@@@
لاچن من بعد حضروه .. يوم الثالث احبابه وشالت جسمه بالآهات.. بعد افراگه واغيابه
مو مثل الذبيح اللي .. بشيله ينگط اخضابه
موذر نحره مگطوعه .. برمحه تنزف اوتينه
@@@
مثل حسين مايحصل .. لا بعده ولا گبله
جراحه كلفه فوگ اجراح .. وعظامه فلا عدله
مهشم راسه عالعسال .. فارگ بالغرب اهله
وبعد خدور مسبيات .. راسه يصدهن ابعينه
@@@
علي احمد الحمود
٩-٧-٢٠٢١
شهادة الجواد ع

الشاعر رعد الچريخي
قناة تختص بنشر القصائد الحسينية
https://telegram.me/raadghurikhi

نعي الى الامام الجواد ع
لسان حال الزهراء عليها السلام
..................................................
انه الوالده والگلب لهفان
لارض بغداد اجيت بگلب حزنان
ادور على أبني المات حيران
ثلث تيام فوگ السطح عطشان

ماكمل شبابه زغير بعده
واهله بالمدينة وضال وحده


ياباب المراد الجرح ماذيك
عفت كبري واجيتك انشد عليك
يمحمد اجيت وسيرت ليك
ارده اعرف ييمه شبيك مابيك
لكيتك عالسطح محد يباريك
تجويك الشمس محد يغطيك

الشمس الظهر تحرگ وسفه خده
بالسم محترگ ياناس چبده


تصيح السم كتلني والعطش نار
لاو واحد اجاك ولا فزع جار
مثل حسين كلبك بالعطش صار

ولا واحد فزع گلبك يبرده

ثلث تيام ميت وانحب عليك
محد طرق بابك ينشد شبيك
بعباتي البيهه دمي راح اغطيك
.
ما اكدر اشيلك ضلعي مصيوب
يسمونك يروحي ابيش مطلوب
نايم عالسطح من صار الغروب
تذكرني ابمصيبه جدك النوب
ثلث تيام فوك الوجه مكلوب
الحوافر وذرت جسمه يمحبوب

وماضل ظلع صاحي حسين عنده
نايم عالتراب ابلا مخده

وشمر يتمرجل ومحد يرده
ضرب زينب ييمه شلون شده
................
حيدر موسى الرميثي

محــرم 1443 هـ

(فاطمه العليله)

ترجع واشـوفـنك حـلم .. ابمـقـتلك عنـدي عـلم
من جيتك بويه ايست .. واحسبني من هسه متت

-----------------------------

يابـويــه ادري ما تــرد منـك ولا ظــن رجــعه
وماعندي شي لموادعك بس حسرتي والدمعه
بوجـهـك اشـوف المنكسر ظهـره ويفارگ ربعه
ويشـوفـهـم فــوگ الـثـره امـوذريـن وصرعـه

بوجـهك اشوفن حيرتك .. لمـن تـودع صحـبتك
كلشي قريت بهل صمت .. واحسبني من هسه متت

------------------------------


وبحيرت عيونك شفت عباس عمي يغدروه
ابـزوده يوصل للنـهر لكـن اشـوف ايمـنعـوه
بالماي مايروي الحـرم والجود منه يطيحوه
الرايه توگـع عالنهر وچـف السقايه يگـطعوه

ظهرك اشوفنه انكسر .. عمرك تودعه عله النهر
وبحيرت عيونك حرت .. واحسبني من هسه متت

-------------------------------
بوداعي الك شفتك ابـو ياخذ رضيعه بأيده
عـطشان يسگـوه بسهـم ويذبحه من اوريده
للخيمه مفـطور الگلب يرجع ابحـظنه اوليده
شيگـول لامه الودتـه ومن عنده راوي تريده

موقف اشوفك بي صعب .. اشلون للخيمه تطب
وعليك يابويـه خـفت .. واحسبني من هسه متت

--------------------------------

تـقـدم بنـيـنـك للـذبـح واحـد تتبـعـه بواحد
فوگ الثره دمهم يصب لمقتلهم انته تشاهد
بالدنيـه ما مثـلك ابـو بدم ولده لله يجاهد
يطيحـون جـدامه وذر ويگـول الله الرايــد

گـلبك عليهم ينعصر .. والسانك بحمد وشكر
اقبل يرب ماقدمت .. واحسبني من هسه متت

--------------------------------

وما بيـن كل هـذا وشفت وتحيرت من امرك
طايح يبويه عله الترب والشمر راكب صدرك
من شيبتك جرك شمر وبسيفه اشوفه يطبرك
يابويه اشوفـه يگـلبك من مگـفه راد ينحـرك

حز راسك وگام الدمه .. ينفط على وجه السمه
بلاراس جثه انته صرت .. واحسبني من هسه متت

---------------------------------

بـلا راس ضلت جـثـتـك فـوك الـتـرب مرميه
والخيل اجتك سحگتك وحسيت تسحگ بيه
من الخـيمـه اسمع عمـتي الحگ تصيح علـيه
ياخـويه حرگـو خيمـتي وشـدو حـبل بـيديه

ياخويه جابولي الهزل .. وچتفوني يبن امي بحبل
ان چان الي ما افزعت .. واحسبني من هسه متت


الشاعر عقيل الحسناوي..

*يازينب ياعباس مدد*
#لذكرى الثالث عشر من شهر محـ١٣ـرم الحرام#
'دفن أجساد الشهداء'


قوموا يا أحفاد أسد دفنونه
هالشمس خطفت جمال اعيونه
هذي أنصاره و هله
(كم شهيد ابكربله)
.،.،.،.،.،.،.،.
قوموا مو ساعةْ تَّفرَّج .. هذي ساعه للنّحيب
حفرو للأنصار حفرة .. شوفوا منحرهم تَريب
وحفرة مفرودة اْلـحبيب .. احتارَو ومامن مُجيب
قال ذاك اْلـبيده دفتر .. وخل يسجلكم حبيب

هذا بوّاب الأبو ومن دونه?!
اْلـرادَو الصّك للزيارة ايجونه
هذا شيخ أهل العُلا
(كم شهيد ابكربله)
-------
بالعَجل حفرة احفرُوها .. هالأهل فوق الثّرى
هذي صح فرسان هاشم .. لو قطع متناثره?!
شوفو طعنات الأعادي .. ابهالجثث متكاثره
واحد ابحسراته يسأل .. هَم عضو كيف أعثره?!

وآخر ايقول الچبد مطحونه
ايحق إلى أهله للأبد يبچونه
وهذا دمّه امكحِّله
(كم شهيد ابكربله)
-------
ويالله (للمظلوم) قوموا .. (ابّارية) انلم جثّته
ودَورو للمبتور صبعه .. وخل أحطّه ابـيمنته
وللقبر (بهداي) أنزله .. اتعاين أدري امّيمته
خوفي لو صدره ايتضَعضَع .. كْلما چفّي رفعته

وجيبو عبدالله الطّفل نَزلونه
والصّدر فوق الصّدر وَسدونه
ما له حالة اتماثله
(كم شهيد ابكربله)
-------
وحفرة للأكبر عضيدي .. عند رجلين الولي
احفروها وخل ننزله .. (ابهون) جسمه مبتلي
الطّعنه عالطّعنه يَويلي .. آآه وألف آآه (ياعلي)
هذي لْـقبور و مَعايه .. اعليها (كتبو) ما يَلي:

هذا (قبر حسين) اذا اتعرفونه
أدري (عاشر) غيّرت له لونه
وعاشر أصعب مُعضله
(كم شهيد ابكربله)
-------
قالو اعذرنا يَـ ساجد .. (باقي) هَم عالمَشرَعة
فارس وبحضانه (قربه) .. بس زْنوده امقطّعه
صاح دلّوني اعله جْثته .. (وْدّي اْوصَل مَصرَعه)
رايد أشكي له ابغيابه .. عاشَت اخته امرَوَّعه

قوموا يا أسْياد أسد (شَيعونه)
وخَل نْشَيّد حَضرته المَْيمونه
هذا (سَبْع) المَرجله
(كم شهيد ابكربله)
-------
قعد عدهم يقرا ماتم .. ينعيْ وْ جاته البَتول
تلطم الهامة و تنادي .. اْلطموا وعزّوا الرَّسول
يا (أَسَد) أعظم رزيّة .. ابـعاشر (اليوم المَهول)
وصدّت السَّجّاد وصاحت .. (سَبي زينب) لاتقول

انعوا لكن (هالسَّبي) عوفونه
قلبي لو قلتوا (انسبَت) تْأْذونه
عزْها سافَر كافِله
(كم شهيد ابكربله)
-------
(الأثنين -اليوم الثـ12ـاني عشر من محرم الحرام- 1437هـ)
*لخادم العباس: السيدضياءالهاشم*
https://tttttt.me/joinchat/AAAAAEKd3f2UGbi5do4kqA

لـ استقبال شهر محرم

هلالك يامحرم هل خل نواسي الزجيه

`````````````````

بهلالك خل نواسي الزهره
ونبجي بحزن نسجب العبره
كل شيعي لازم ياخذ اباأجره
يم فاطه تلكاهه ساعات المنيه
________
بهذا الشهر نبجي بحزن لهل البيت
اكضي العمر لو وياهم هم ياريت
اتمنه بعمري وطفالي لو ضحيت
نضحي بكلشي حتى نفوز يم رب البريه
---------------------------
بهلالك يامحرم يرتفعن الرايات
ونبجي بحزن للراحن مسبيات
مثل مصابك مايمر لا هيهات

على مصابك نبجي بكل صبح ومسيه
-----------------------
بهذا الشهر نرفع رايات العزاء
وبهذا الشهر صاير سفك الدماء
هذا شهر الحزن او شهر البكاء
شهرك يامحرم هل هذ شهر السبايه
---------------------------------------
كل المجالس يل الخدم حضروها
ورايات المجالس كومو نشروها
ولطميات لمحرم يالله هيئوها
هيئو الميمر يل الخدام خل نبجي برزيه
____________

يالله استعدو للخدمه ياخدام
وخل نرفع رايات واعلام
كلمن خدم هذا الشهر مايلام
خل نتعب ياخدام نربح ميه بل الميه
------------------------------------------
#جديد_تم_وبحمدالله


كلمات خادم الحسين/حسن الجحيشي

*يازينب ياعباس مدد*
#قصيدة في ذكرى اليوم الثالث عشر من شهر محرم الحرام#

بعنوان/ *(تَشيِيعه)*

مستهلها:-

أَبوالسَّجاد گوموا انروح *(تَشيِيعه)*
.،.،.،.،.،.،.،.
تَراهْ ابـكَربَلة مَرمي
بَعده امن الضَّرب مَدمي
راح َأَكسر إِله عَظمي

گوموا انجَمِّع َأَوصاله .. ابـلَطمة وْدَمعة هَمّاله
أَبوالسَّجاد گوموا انروح *(تَشيِيعه)*
-------
شِفته اثلاثة عَـالغَبرة...
بُقَى مَرمي وصِرت أَقره...
بْـحِزِن ماجورة يازَهرة

وْياحيدَر عَلي ماجور .. بِـالْـظَل عَـالتُّرِب مَعفور
أَبوالسَّجاد گوموا انروح *(تَشيِيعه)*
-------
روحي اعله الطّهر وَنَّت
كلّ اعظامَه انطِحنَت
وْاذني ابكل كَسر رَّنَّت

چا وْين الغَيارة اليوم .. تِدفِن جِثَّةْ المَظلوم
أَبوالسَّجاد گوموا انروح *(تَشيِيعه)*
-------
گوموا انشِيله جُثمانه
هذا الوالي مَولانه
وْنِدفِن جُملَةَ َأَعوانه

گوموا وْلَـلِـمْسَنّاية .. نِدفِن صاحب الرّاية
أَبوالسَّجاد گوموا انروح *(تَشيِيعه)*
-------
گوموا وْهَـالسِّدر دَمّه
وْيَـاللّه اببّارِية انلِمّه
وْنِرفَع جِثِّته ابـهِمّة

گوموا انوَسِّده ابـگَبره .. لايُبقَى على الغَبرة
أَبوالسَّجاد گوموا انروح *(تَشيِيعه)*
-------
گوموا وْنِنشر اعلامه
نِنعَى وْنِلطم الهامة
هذا ثالث َأَيّامه

لاهو امْواره وْامغَسَّل .. وَأَهله انگادَوْ ابـهِزَّل
أَبوالسَّجاد گوموا انروح *(تَشيِيعه)*
-------
(السبت -12 شهر محرم الحرام- 1440هـ)
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

*يازينب ياعباس مدد*
#قصيدة في ذكرى أيام السبي من شهر محرم الحرام#

بعنوان/ *(عَجَب)*

مستهلها:-

ظَل يِهِل دَمعي .. آه على زينَب
.،.،.،.،.،.،.،.
*(عَجَب)* نِقبَل .. تِطُب مَحفَل ... لَعِد ابن الخَنا ابن ازياد
وْنِخَلِّيها .. ابـأَيادِيها ... تِحامي عَن عَلي السَّجّاد

مَهو الواجب نِصير احنا الْـنِحامِيها !؟
*(عَجَب)* نِرضَى تِحاچِيها أَعادِيها

ياعَجَب وْاشلون .. مِنها تِتگَرَّب !؟
-------
*(عَجَب)* نِرضَى .. وِهي عُرضة ... وْيِباوُعها العَبِد والحُر...
نُعوفَنها .. وْتِظَل چِنها ... حَمامة امرَبّْطة وْتِعفُر

إِلى الكوفة بَعَد بواليِمّه وْاطفوفه...
مِنو الْـيِقبَل تُروح الحوره مَچتوفة !؟

مِنهو يِقبَلها .. زينَب وْتُضرَب
-------
*(عَجَب)* نِنسَى .. العَزا وَأَمسَى ... المِسه والحوره مَسبِيّة
إِسِمعوني .. إِعِينوني ... وْنِشِيل اللّْيلة لَطمِيّة

تَراها الفاجِعة والوَحشة هَـاللّْيلة
وْحِمِل ضْيم السَّبايا يِصعَب انشِيله

بَـاللّه گوموا اوياي .. نِلطم وْنِنحَب
-------
*(عَجَب)* نِبرَد .. دَمِعنا اشـگَد ... يِواسي الْـفاطِمة الزَّهرة
وْعلى الظّالِم .. يِهِل ناقِم ... يِهَيْج اجهَنَّم الحَمرة

يَـجِيراني على احسين الدَّمِع هِلُّوا
وَلَا اتعُوفوا المَجالِس لا وَلَا اتمِلُّوا

اشـگَد عَجيب انعوف .. والمَلَل أَعجَب
-------
*(عَجَب)* صِرنا .. ابـشَعائِرنا ... نِهَذِّب والجَزَع مَطلَب
أَحاچِيكُم .. دَلِيلي ِالْـكُم ... عَلي السّاجِد حِچَى الْـزينَب:

شِنو ما أَجزَع ابـحَرگة وْبَعَد أَهلَع !؟
وَبويه ابـخْيل ُأُمَيّة َأَوصاله تِتوَزَّع

شِنو ما أَجزَع .. والجَزَع مَطلَب
-------
*(عَجَب)* ياناس .. حَچي امن الرّاس ... يِخَلِّينا الجَزَع نِترِك
على خَدَّك .. تِدِگ بِـيدَك ... تَراك اتعَظُّم ابـأَجرِك

أَعوف َآنه الرِّواية وْأَسمَع الْـ جاهِل !؟
*(عَجَب)* مو خايِف ِايحاسِبني بوفاضل

هذا مِنّ النّار .. ياخَلگ أَصعَب
-------
*(عَجَب)* بِيكُم .. إِذا اگِلكُم ... أَنا ارقَيّة كَلب إِلها
تِهَذبوني .. وْتِثَقفوني ... وْتِگولوا بُدعة وْاتركها

أَسَوّي اللّي أَسَوّي وْما تِحكموني
أَنا مارِيد َأَصير انسان ِإِتِركوني...

أَوفي لِارقَيّة .. حَتَّى لو أَنسَب
-------
(الجمعة -11 شهر محرم الحرام- 1440هـ)
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

*يازينب ياعباس مدد*
#قصيدة في ذكرى اليوم الثاني عشر من شهر محرم الحرام#

بعنوان/ *(عَجَب)*

مستهلها:-

نِبچي خَلّونا .. آه يَـزينَب
.،.،.،.،.،.،.،.
*(عَجَب)* نِقبَل .. تِطُب مَحفَل ... لَعِد ابن الخَنا ابن ازياد
وْنِخَلِّيها .. ابـأَيادِيها ... تِحامي عَن عَلي السَّجّاد

مَهو الواجب نِصير احنا الْـنِحامِيها !؟
*(عَجَب)* نِرضَى تِحاچِيها أَعادِيها
-------
*(عَجَب)* نِرضَى .. وِهي عُرضة ... وْيِباوُعها العَبِد والحُر...
نُعوفَنها .. وْتِظَل چِنها ... حَمامة امرَبّْطة وْتِعفُر

إِلى الكوفة بَعَد بواليِمّه وْاطفوفه
مِنو الْـيِقبَل تُروح الحوره مَچتوفة !؟
-------
*(عَجَب)* نِنسَى .. العَزا وَأَمسَى ... المِسه والحوره مَسبِيّة
إِسِمعوني .. إِعِينوني ... وْنِشِيل اللّْيلة لَطمِيّة

تَراها الفاجِعة والوَحشة هَـاللّْيلة
وْحِمِل ضْيم السَّبايا يِصعَب انشِيله
-------
*(عَجَب)* نِبرَد .. دَمِعنا اشـگَد ... يِواسي الْـفاطِمة الزَّهرة
وْعلى الظّالِم .. يِهِل ناقِم ... يِهَيْج اجهَنَّم الحَمرة

يَـجِيراني على احسين الدَّمِع هِلُّوا
وَلَا اتعُوفوا المَجالِس لا وَلَا اتمِلُّوا
-------
*(عَجَب)* صِرنا .. ابـشَعائِرنا ... نِهَذِّب والجَزَع مَطلَب
أَحاچِيكُم .. دَلِيلي ِالْـكُم ... عَلي السّاجِد حِچَى الْـزينَب:

شِنو ما أَجزَع ابـحَرگة وْبَعَد أَهلَع !؟
وَبويه ابـخْيل ُأُمَيّة َأَوصاله تِتوَزَّع
-------
*(عَجَب)* ياناس .. حَچي امن الرّاس ... يِخَلِّينا الجَزَع نِترِك
على خَدَّك .. تِدِگ بِـيدَك ... تَراك اتعَظُّم ابـأَجرِك

أَعوف َآنه الرِّواية وْأَسمَع الْـجاهِل !؟
*(عَجَب)* مو خايِف ِايحاسِبني بوفاضل
-------
(الجمعة -11 شهر محرم الحرام- 1440هـ)
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

*يازينب ياعباس مدد*
#قصيدة في ذكرى اليوم العاشر من شهر محرم الحرام#

*'السيدة رقيّة تخاطب السيدة زينب'*
بعنوان/ *(طاح ِالْحسين)*

مستهلها:-

طاح ِالْحسين ياعَمّه طاح ِالْحسين ?؟
بوفاضل وْين ياعَمّه بوفاضل وْين ?؟
.،.،.،.،.،.،.،.
عَمِّتي چا وْينه بويه وْوْينه عَمّي ?؟
وَاللّه فَرگاهُم يِزَيِّد لَيّه هَمّي
خاطِري الأَكبَر أَشوفه السّاعة يَمّي
وْيِنظُروا مِن إِذني صاير يِجري دَمّي

وْينه جَسّام ياعَمّه وْينه جَسّام ?؟
أَفرَح مادام يَم رَمله أَفرَح مادام
-------
عَمِّتي چا وْينه عَبد اللّه أُخويه ?؟
شِفته آخر مَرّة طالع وَيّا بويه
اتأَخِّرَوْ ما أَدري چا يَمتَى وْيِجويه ?؟
ما أَظن يِرضوها لو لَـعدا سِبويه

وْين ِالْزغير ياعَمّه وْين ِالْزغير ?؟
اشماله التَّأْخير في الرَّجعة اشماله التَّأْخير ?؟
-------
عَمِّتي چا وْين َأَهلنا وْوْين ِالِرجال ?؟
وِاللّه مِن دون الحِماية يِصعَب الحال
چانَت الحومة ابـگُمَرنا چِنها زِلزال
هِسّه وْينه لو شمر يِتخَطَّى بِـنعال ?؟

لْـصوب ِالْحسين ياعَمّه لْـصوب ِالْحسين
عَبّاسچ وْين يِفزَع له عَبّاسچ وْين ?؟
-------
گالَت الحوره الأَخو فوگ الشَّريعة
مِنفضخ هامه وْگِضَى اچفوفه گَطيعه
أَمّا لَـكبَر فَجعِته صارَت فَجيعة
وْجاسم انزَف لِـلحَرب زَفّة سَريعة

راحَوْ ابـساع ياعَمّه راحَوْ ابـساع
جُملَةْ َأَسباع ياحَسرة جُملَةْ َأَسباع
-------
گالَت الحوره وْحُسَيْنچ ماله ناصر
شفته حاير والصَّدَى *(هَل مِن مُناصر)*
ساعة لَن جيش اعله ابن الزَّهرة داير
ساعة لَن سَهم المَنون ابـگلبه صاير

لِطمي عَـالرّاس ياعَمّة لِطمي عَـالرّاس
ماكو عَبّاس يِحمينا ماكو عَبّاس
-------
گالَت ارقَيّة اشـخَبَر بويه يَـ حُرّه
گالَت الحوره الشّمر جاثي اعله صَدره ?؟
وْما أَظن ينزل گبل مَـيحِزّه نَحره
گالَت ارقَيّة أَجَل نِصرَخ يَـ زَهرة

اجري الأَعبار ياعَمّه اجري الأَعبار
هذي الأَقدار تِگلها هذي الأَقدار
-------
(الاربعاء -9 شهر محرم الحرام- 1440هـ)
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

*يازينب ياعباس مدد*
#قصيدة في ذكرى اليوم التاسع من شهر محرم الحرام#

بعنوان/ *(حِلِم لْيلَى)*

مستهلها:-

*(حِلِم لْيلَى)* يِظَل يَمها عَلي الأَكبَر
يِساعِدها وْيِجازِيها لَمَن تِكبَر
واحِزني .. على لْيلَى
.،.،.،.،.،.،.،.
*(حِلِم لْيلَى)* صُبَح يِتحَقَّق ِالها امحال
ابنها اتشوفه يِفحَص رِجلَهْ ابـلِرمال
تِگَطَّع جِسمه مِن ذاكَ الطَّعِن أَوصال
أَدِگ صَدري الْـحِزِنها وْدَمعي بَس هَمّال

واحِزني .. على لْيلَى
-------
*(حِلِم لْيلَى)* تِلاشَى ابـطيحَةْ الأَكبَر
وَلا ظِنها تِرِيد ابـفَرگِتَهْ تِكبَر
تِرِيده وْجابه بواليِمّه لِها امطَبَّر
تِصَبَّر گالَت وْما ظِنها تِتصَبَّر

واحِزني .. على لْيلَى
-------
يَـ چَنها اتنادي راح ِاربايه لِـلوالي
تَرَى فَگد الوَلَد عَـالوالِدة *'غالي'*
حِلِمها الْـرِسمَته اتبَيَّن حِلِم خالي
وْعلى لْيلَى وْحِزِنها حِزني يِحلالي

واحِزني .. على لْيلَى
-------
يَـ چَنها اتنادي راح ِاولْيدي لِـلحوره
إِجَت مَكسورة تِشچي لِلّي مَكسورة
يَـزينَب دَمعِتي في خَدّي مَسجورة
شِفِت َأَحلام َأَظِن ما واضِحة الصّورة

واحِزني .. على لْيلَى
-------
شِفِت لَـكبَر يِراعِيني ابـكُبُر سِنّي
گُمِت أَمشي وْلِمَح مِنّي الظَّهَر مَحني
إِجاني وْحَطنِيْ ابـظَهره وْشِعَرت ِانّي...
*"أَمِيرة"* وْهذا عَرشي وْهَلهَلِت يَـبني

واحِزني .. على لْيلَى
-------
شِفِت لَـكبَر تِگول ِاوتِشتچي الْـزينَب...
يِخُف عَنها العَنا وْبِـوْجوده ما تِتعَب
وَلاچِن شافَته وْثْوبه ابـدِمه امخَضَّب
وْگِضَت بَعده العُمُر بَس تِلطم وْتِنحَب

واحِزني .. على لْيلَى
-------
(الاربعاء -9 شهر محرم الحرام- 1440هـ)
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

*يازينب ياعباس مدد*
#قصيدة في ذكرى اليوم الثامن من شهر محرم الحرام#

بعنوان/ *(مِعرِسنا)*

مستهلها:-

عَلَّگنا زِينة وْما إِجه *(مِعرِسنا)*
شَبّْينا شَمعه وْجِبنا لَجله الحِنّة
اْتأَخَّر عَلْينا الجَسّام
والزَّهرة تِعجِن حِنته
.،.،.،.،.،.،.،.
شِنهو تِأَخَّر ياعَسَى ايبَخرونه !؟
چا يَـمَتَى أَهله ابـدَخلِته ايبَشرونه ?؟
وْابـشْوفِتَهْ في كَشخِته ايسِرّونه
*(مِعرِسنا)* وِدنا انشوفه
ابـثْوب العِرِس يابَخته
-------
يابَخته وَاللّه وْيابَخَت بِت عَمّه
جِيبوه لِنا خَلُّونا عِطره انشِمّه
وْانگِلّه وْاحنا انقَبِّله هَـالچِلمة
امبارَك عَلْيك ازفافَك
وْنِعم النَّسَب ناسَبته
-------
جانه الخَبَر مَوعِد زَفافه اتأَجَّل
جَسّام ِايگِلكُم ما يِرِيدَن مَحفَل
وَأَمّا اللِّبِس غْير الچِفَن ما يِقبَل
ايرِيد العِرِس بِـالمْيدان
رايِد تِصِيرَن زَفته
-------
بْين العَساكر عِرسه ناوي ايقِيمه
مو خايِف وْحاشَى الأُلُوف اتضِيمه
جْيش الكُفر مو عاطي لَهْ أَيْ قِيمة
بِـنعاله يِنزِل عَـالگْوم
يِحيي السُّنَن كل هِمته
-------
وْعَنّ الحَسَد يِلبَس على وَجهه اگناع
وَجهَه الحَسَن ،گِطعَةْ جَمال ِاوأَطباع
باچر تِشوفوا اتزَلزِلَت تَّحته الگاع
وارِث أبوهْ ابـلْحروب
وَاللّه وْنِعِم تَربِيته
-------
باچر يِكِر كَرّة اعله ذِيچَ الأَقزام
يِقدِم عَلْيها وْعَنّه تِجري الأَقدام
مِثل الْذِئْب لو يِهجِم الصّوب َأَغنام
مِن خَزرِتَهْ والصّيحة
تِلگَى الجِثَث بَس مَيتة
-------
*(إِن تُنكِروني)* جَلوِته ابـهَـالزَّفّة
مِن دَم جِراحه الحِنّة هَـاللّي ابـچَفّة
وْشِسع النَّعِل مِن يِنگِطع ياوَسفة
اِلْأَزدي نِسمَع صوته
راح َأَثكِل ُأُمّه وْعَمته
-------
(الاثنين -7 شهر محرم الحرام- 1440هـ)
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

#قصيدة في ذكرى اليوم التاسع من شهر محرم الحرام#

بعنوان/ *(ما أَگدَر)*

مستهلها:-

ياخوي
ياعلي يَـالأَكبَر
ياخوي
عَـالحَرب *(ما أَگدَر)*
ياخوي
آنه تِدريني العَلِيل ِاومَـگدَر اعله الگْومة
.،.،.،.،.،.،.،.
وَاللّه *(ما أَگدَر)*  يَـخويه اعله المَعارِك
لولا هَـالعِلّة أَجي وَأَوگَف جِوارِك
آنه بْـافقارَي َأَرتِجز وْانته ابـفِقارِك
تِطفي نار الْـبِيّه وَآنه أَطفي نارِك

بَس آه
مَـگدَر َأَحمِل سيفي
بَس آه
وِدّي آخد حيفي
بَس آه
عِلِّتي الْـخَلَّت يِمِيني امن الأَجر مَحرومة
-------
وَاللّه *(ما أَگدَر)* يَـخويه بَس أَحاچِيك
وْهذي عُوذة مِنّي خَلِّيها على ايْديك
تِنصر ابن الزَّهرة مارِيدَن أَوَصِّيك
تِدري والِدنا الغَريب اببّْين َأَعاديك

ياحِيد
انهَض احمي دِينَك
ياحِيد
لاتِچَتْف ِايدينَك
ياحِيد
هَـالوَحِيد ابـكَربَلة گوم انزِل اعله اخصومه
-------
تِنزِل اعله الجيش َأَرِيدَك وَاللّه ياحِيد
لايِظَل وَالِدنا ما بْين العِدا اوْحِيد
وَآنه أَدرِيها الحَرب عِندَك تَرَى عِيد
بَس يَـحَسرة اعلْيها أُمَّك تِلطم الجِيد

وْيلاه
تِصرَخ ُأُمَّك چَنها
وْيلاه
والنِّسا ايصَبرَنها
وْيلاه
رُوح ُاوگِلها هذي نُصرة الْـ طه والمَظلومة
-------
وْيلي وْيلاه *'حِلِم لْيلَى'* اتشِد چِفَنها
انته بَس خويه الْـتِرِيدَك في دَفِنها
وْتِبتِهج لو يَم گَبرها اتلِم حِضِنها
وْهِيّه ما تِگدَر تِوَدعَك يا إِبِنها

لْيلَى
ما تِرِيدَك تِرحَل
لْيلَى
بَس تِرِيدَك تُقتَل
لْيلَى
دُون ِابن بِنت النُّبوّة وْعيلِته المَهضومة
-------
ها يَـخويه الاِذن مْن أُمَّك دِنوله
وْانحِدر بِـالصَّرخة عَـالگْوم العَذولة
صِيح َأَنا الأَكبَر وَأَبوي ابن البَتولة
وْخَلّي جِيمان الكُفر مِنَّك ذَهولة

يامْوت
لِلعِدا ابـصيحاتَك
يامْوت
چَـالسَّهَم خَزراتَك
يامْوت
كلمَن ابـطَرفَك تِلِحظه اينادي جالَهْ يْومه
-------
عَلّي صوتَك بِـالحَرب *"اللّهُ أَكبَر"*
بَس يَـخويه امن العَطَش أَوصي تِصَبَّر
آنه *(ما أَگدَر)* أَعينَك تِدري يَـكبَر
رايِدَك تِعذرني لو راسَك تِطَبَّر

عَـالخْيل
تِتِّكل يِرجَع بِك
عَـالخْيل
دَم يِغَيِّر دَربِك
عَـالخْيل
وْيلي وْاتروح الْـوَسَط جْيش العِدا بِـالحومة
-------
(الثلاثاء -8 شهر محرم الحرام- 1440هـ)
*لخادم العباس: سيدضياءالهاشم الأحسائي* 
 https://tttttt.me/joinchat/AAAAAEKd3f2UGbi5do4kqA

*يازينب ياعباس مدد* 
#قصيده حواريه بين علي الأكبر وأبويه أرواحنا فداهم حول مصيبته العظيمه# 

بعنوان/ *(أَضمَّك يَـالوَلَد)* 

1. آنه امَّك .. ما هَمَّك ... تِتركني وَحدي 
2. احسْين آنه .. يَـالْشانه ... مِن شانه جَدّي 
*(أَضمَّك يَـالوَلَد)*  يَبني 
وَأَشم خَدَّك بَعَد  يَبني 
وْيلي واوْيلاه 
.،.،.،.،.،.،.،. 
1. • *خطاب السيدة ليله لابنها الأكبر* • 

انه أُمَّك جْيت َأَضمَّك يَبني يَـالأَكبَر علي 
هايه عاده مْن أَجيـلَك تْفتَح َأَحظانَك إِلي 
هِسّه جْيتَك وانته طايح يَـالْچِنت لَيّه السِّلي 
مْن أَطِيحَنَ لَيّه تْحضَر يافَرَج كل مْبتِلي 
چان َأَبَيَّك لْيك ينظر وَجهه خَشيه مْمتِلي 
يْخشَى أَنَّك اِبن غانم يِجتِلَك وْانته الولي 

صرت َأَبچي .. وْهو يْحچي ... ادعيـله دخلي 
صوت الأَم .. كل ضُرهُم ... أَبناها يْجلي 
صحت زَهرا مَدَد  يَبني 
وَأَشم خَدَّك بَعَد  يَبني 
وْيلي واوْيلاه 
------- 
تْذكْر انته مْن شْفتني طايِحه الْـراسي شْلِت 
وَسط حجرَك مْن وِضَعته فْوگه دَمعات اهمَلِت 
مْن الغَشوه گْمْت ُاوگِتلَك ها علي جْيت اوگْلِت... 
إِي يَـيُمّه وْآمريني اوگِتلَك اوگْلْت اقبَلِت 
گِتلَك امشي اگبالي چَنّه اموادَع اوهامَك مْلِت 
تْمشي لاچن ما تْصد لي تْبچي شْفتَك ما خْلِت 

ما خْلتَك .. بَل شْفتَك ... يْتجارَى دَمعَك 
كل ظَنّي .. آه يَبني ... خايف أَوَدعَك 
تَرَى خْوفي أَشَد  يَبني 
وَأَشم خَدَّك بَعَد  يَبني 
وْيلي واوْيلاه 
------- 
هِيّه ساعه وْجاني يْنحَب والِدَك وْابـچَفّه دَم 
گَلّي لْيله گُومي نُوحي وْشْفته للهامَهْ لْطَم 
گُومي گَلّي وْگُوّه لْطمي هِسّه طاح ابني الشَّهَم 
ياحَزينه وْساعِديني مَـگدَر َأَحمِل هَـالأَلَم 
شْفته يْعفْر دَمّه يْشخَب كل عُضو مِنّه انخِذَم 
*(ياعَزيزه "رُكُن عِزنا" بَعَد أَكبَرنا انهِدَم)* 

فارَگنا .. وَارثنا ... راح امن ايدينه 
هِنيا له .. هَـاللّْيله ... راح المَدينه 
عِنِد طه الرَّغَد  يَبني 
وَأَشم خَدَّك بَعَد  يَبني 
وْيلي واوْيلاه 
------- --- - 
2. • *خطاب الامام الحسين لابنه الأكبر* • 

ها يَـلَـكبَر آنه َأَبَيَّك وَنّي بَعدَك ما خِفَى 
بَعَد عينَك انته تْدري على عَـالدّنيه العَفه 
انته فاطم انته حيدر انته طه المُصطَفَى 
انته طه وْهُوّه انته ياشَبيهه ابـكل صِفه 
بَس حِقدهُم آل ُأُمَيّه حَتَّى عَـالهادي صِفه 
لْهذا جِسمَك گَطِعَنه وْهَم صَدِرهُم مّا شِفه 

طِرحوني .. وْذِبحوني ... مْن فارَگْتني 
رِجمْوني .. وْطِحنْوني ... وْما ظَلـلّي مَتني 
تَرَى ثْوبي انجرَد  يَبني 
وَأَشم خَدَّك بَعَد  يَبني 
وْيلي واوْيلاه 
------- 
يَبني بَعدَك أَخذَوْ ُأُمَّك وْاعله ناگه امهَزِّله 
وآنه جِسمي عاري بـالبَر ظَل على حَرّ الفَله 
ما تِجيني وْهَم تِجيها ابـهِمّه يابوالمَرجَله ?! 
ابـعازه صرنا وْياهو غْيرَك يَبني نِتوَسَّل إِله 
*("ياإِبنـنّا" وْياأَمَلنا وْياذُخرنا ابـكل بَله)* 
جِسمي شِيله وْإِلحَگ امَّك گَبل تْطلَع كَربَله 

لُو تْطلَع .. ما تْرجَع ... گَبل َأَربَعِيني 
گُوم اسعَى .. لْيها انعَى ... يُمّه اسمَعِيني... 
*فَلا ايشوفِچ أَحَد.*  يَبني 
وَأَشم خَدَّك بَعَد  يَبني 
وْيلي واوْيلاه 
------- 
ما تِجيني وْهَم تِجيها ابـعازْتَك احنا تَرَى 
انته ابني وْجِسمي بِـيدَك ارفَعه عَنّ الثَّرَى 
وْإِلحَگ امَّك تَرَى الكُوفه ماهي سَهله اعله مَرَه 
شْلْون تْرضَى لشّام تْدخل تالي وْاهيه امخَدّره ?! 
تْرضَى تُوگَف والخَلايگ تْنظر الها اميَسّره ?! 
يَبني غْيرَك ياهو إلها ابـهَـالمُصايب تْنطره ?! 

مْن غْيرَك .. يْتحَرَّك ... لُو صاحَت ابني ?؟ 
مْن غْيرَك .. يْتحَرَّك ... لُو أَن عفتني ?؟ 
مْنو لْينا السَّنَد  يَبني 
وَأَشم خَدَّك بَعَد  يَبني 
وْيلي واوْيلاه 
------- 
(الثلاثاء - 23 شهر ربيع الأول - 1439هـ) 
*لخادم العباس: سيدضياءالهاشم الأحسائي* 
https://tttttt.me/joinchat/AAAAAEKd3f2UGbi5do4kqA

ليش تنحب يا إمامي ليش تنحب
ياجرح بيهن يألمك منهو الأصعب
جرح عبد الله الرضيع وجرح زينب
من مشت مچتوفه للشام وسبيه
_______
ياجرح زينب تذكره ومن منامك يحرمك
تمشي مسبيه العقيلة هذا حيل يألمك
تحضر بوادي الطفوف وتنتقل من عالمك
چنك تشوف الضحايه والحسين يكلمك
يا مصيبة تشوف عينك يا مصيبة
بالغريبة إخطار حاطت بالغريبة
بالطفوف أجساد مسلوبة وتريبة
وتمشي ويذباح أخوها الهاشمية
_______
لو گلت زينب توفي يعني كل معنى الخدر
يعني غيره ويعني عفه وكل عنواين الستر
والله صعبه شلون تمشي بت علي ويه الشمر
وتنضرب عمتك يمهدي انا جدا أعتذر
يا حسافه نصيح والله يا حسافه
من بلد لآخر بلد تگطع مسافه
والعليل مگيدينه و ما تشافه
اتمنه موته من دخل لأبن الدعيه
_______
زينب اللبوه الجريحه تدخل لمجلس يزيد
وتنظره بالخيزرانه يضرب اشفاف الشهيد
ينظر اعليها بشماته مگيديها بالحديد
وهيه تشجب كل فعاله تگله كيد اشما تكيد
ياحزن زينب شوصفه ويا ألمها
بالطفوف هناك راحت كل زلمها
ضاگت الدنيا عليها من شتمها
من هوان الدنيا ادخلك سبيه
_______
ياجرح عبد الله يكتل هالجرح ماله دوه
يا غلاته وشحلاته يستحي منه الضوه
مرت أيام وليالي مي يريد وما روه
بنبله من ذبحو وريده لأجله ناحت نينوه
يا گلب أمه التشوفه ويا حزنها
بحضن موت تشاهده موش بحضنها
ما تهيد بيوم تبقه بهذا ونها
تصبح بذكره وتنوحه بكل مسيه
______
كل سماء الطف حزينه والكواكب لاطمه
من وصل دمه المطهر اقشعر جلد السمه
ناحت الحور وتواسي بالمصايب فاطمة
اذكرت محسن أبنها والعصابه الظالمة
ياحسين الباري سبحانه اليعينك
انا أدري بلهفتك يبني وحنينك
بالشهادة تنختم لازم سنينك
المهدي ثاري وثارك يطالب سويه

ياسر الساعدي
______
١٤/٦/٢٠٢١

( إستشهاد الإمام محمد الجواد ع )

وارث الطف بالجرح
مرمي بحظان السطح
ميت بلا دفن باقي ثلث تيام

ا~~~~~ا ١

شلون اشرح حالته.. طف مصغر قصته
مارد السم چبدته.. صايم وبالسم فطر
منين ابدي بيا ألم.. چبده ذكرني بسهم
الگلب ابو اليمه ثلم .. وطلع من صوب الظهر

تصور وياي الأمر
چثّته بشمس الظهر
الجواد بهذا وضعه عالسطح نام
ميت بلا دفن باقي ثلث تيام

ا~~~~~ا ٢

وبوقت حان الأجل.. بغربه ما يمه أهل
بساعة الموت انشغل.. يبچي عالطف من دمه
عاف موته وغربته.. وعالسبط هل دمعته
بالمصيبه تعنته.. وياه تبچي فاطمه

عالحسين يهل دمع
وهيه تلطم عالظلع
هشم صدر حسين كاسر ظهر الإسلام
ميت بلا دفن باقي ثلث تيام

ا~~~~~ا ٣

للاجل جسمه ارتعش.. مفطر شفافه العطش
چفن ماكو ولا نعش.. محد محظر إله
مات ما يمه محب.. ياهو گطرله العذب
ابو الهادي ينتحب.. مو لروحه لكربله

العاشر گباله نرسم
شلون عبدالله نفطم
الطفل كون تفطمه ورده مو بالسهام
ميت بلا دفن باقي ثلث تيام

ا~~~~~ا ٤

يشبه لجده الحسن.. بالمصايب والمحن
جعده رجعت كل زمن.. سمته ام الفضل
بكل زمان تكررت.. گلوب طه تمرمرت
عاده الهم أصبحت.. الشهاده والقتل

وبالجواد تجمعن
يشبه حسين وحسن
أفطر بكأس المنيه بعد ما صام
ميت بلا دفن باقي ثلث تيام

ا~~~~~ا ٥

لكن يهون الجرح..مات بس ما منذبح
راسه ما شاله الرمح.. ويوگع بظرب الحجر
مات مايمه اخت.. تشوف راسه بالطشت
آه يا زينب صحت.. وشكثر شافت قهر

بنيه ما عنده تون
ودمها يجري من الإذن
حسين كل مدللالته طبن الشام
ميت بلا دفن باقي ثلث تيام

الشاعر #مصطفى_الشافعي

موشح


گـوم شـيـل الـرايـه ياموعـودهـه
وركب اچـفـوف الـگمـر لزنـودهـه
*------------------------*-------------------------*

عـمـك الـعبـاس طـاحـت رايـتـه
يـابو صالـح والعمـد شگ هامتـه
أدري تاذيـك امن أسـولف حالتـه

هـاي تـلگـه اعله الشـريـعه اشهودهه
*---------------------*-------------------------*

هـذا عـمـك هـاذ سبـع الگنطره
مثـل يـومه لا وحـقـك ماجـره
أخـذ ثـاره وبـالنصر سـر ناضره

خلـي حـمـلاتك يسـولف زودهه
*---------------------*---------------'----------*

انـضـر الـحـال الكـفيـل بـکربله
ضـل ثـلـث تـيـام محـد غسله
الحيد ينـتضـرك يراعي لمرجله

ثـور لأجله أعلـه الكـفـر وجنودهه
*-----------------------*--------------------------*

صـول وأخـذ الـثـار يامهدينـه
وأبـو فـاضـل گوم ضمّـد عينه
ننـتضـر يـوم النصـر تـدرينـه

أمـحي كـل اهـل الظـم ووجودهه
*-----------------------*-------------------------*

شـيـل جـود الـكـافـل ورد مـايـه
تـدري راعي الجود منطي احچايه
وفّـي عـنـه الـديـن انـتـه بـهـايـه

والـحرايـر مـاي روي اچـبـودهـه
*-----------------------*--------------------------*

شـلـون صـابر والچفـوف مگطعه
وأنت تـدري الـصـار يـم المشرعه
ما أخـبـرك عـن گـمـرنه ومصـرعه

الـغيبـه طالـت ما كسرت اقيـودهه
*----------------------*------------------------------*

✍بقلم خادم الحسين ع
الشاعر رعد الجريخي

على طريقة التراث الاصيل

حميده بنت مسلم ع

لحن (روحي مشتاگه وبعيد الدرب)


عيني... تنزف دمه وخدي انفطر
عيني... يابويه بغيابك نهر
عيني... سيل العتب بيها انفجر
عيني
*
ظيعتني ابغيبتك يابويه وينك
حن عليه ما تجيني
تاهت افكاري وتاني يمته ترجع
روحي تسعر من ونيني
عودتني من اشوفك كل مسيه
قبلتني بنص جبيني
وغفه يمك وبحنانك فرحه عمري
هسه وحدي او تبچي عيني

وحدي... والذكره تفتحلي جرح
وحدي... اطوي سنيني لو يصح
وحدي... ومنعها لو رادت سهر
عيني
*

الطفله لو هاجر ابوها او ما اجاها
يبدي همها اوماكو فرحه
بس حزن يلتم عليها اوبيها يكبر
وبگلبها يبني صرحه
حته ليلي امن النوايب ياحبيبي
ابهل مناحه صرت اجرحه
أنظر اعيون الكواكب بيها دمعه
مثلي صارت ما تمسحه

ونه...ما تنخمد يلي ارحلت
ونه...ويه الدمع اسمع صرت
ونه... اومن ونتي تنزف حمر
عيني
*

لو صدگ گتلي يبويه ماكو رجعه
عيني اخذها فز حلمها
بويه خليها اعله چفك خلها تشعر
مو وحيده انته يمها
خلها تنظرلك يغالي وبنظرتك
بلكي عيني تنسه همها
اومن تسد چفك يبويه ادري تغفه
ودري يخمد كل المها

خلها.... يابويه بيدك ما تفز
خلها.... وبچفك انحل اللغز
خلها.... رفظت تعيش اويه القهر
عيني
*
كلشي بيدك سلمت عمري اوحياتي
والاماني كلشي بمرك
روحي لو رايد بعد وياك اخذها
لا تردها شنوه عذرك
بيها شديت النفس لمن تقبلك
خلها تشتم بويه عطرك
لو تگلي ياحميده باچر ارجع
حته اتاني يزهي بدرك

بدرك... يمحي اليالي المظلمه
بدرك... يزهي اويشع بين السمه
بدرك... تظحك يبويه اويه السحر
عيني
*
ادري بالكوفه تظل وحدك يغالي
كلها ضدك ماكو ناصر
چني قبل الفاجعه شفتك تنازع
ضامي گلبك ونته حاير
وادم الماعدها رحمه اشترجه منها
من تحيطك هل عساكر
وانا من فوگ القصر شفتك يبويه
انحز وريدك ونته صابر

شفتك... لمن طحت من القصر
شفتك... ما امتلك غير الصبر
شفتك... لحد يلوم ابهل قدر
عيني

**

الشاعر اياد الديراوي