الليله الانصار عليهم السلام



لايك النه الممات
مانريد الحياة
مايزول العشك من كلوبنه
والشهاده اختصت لمحبوبنه
..............

اسمه وزعنا على كل الشراين
ونعرفنه بالعشك صرنه مجانين
حسين من ثبت علينه العقل والدين
كلوبنه توكف اذا ماتذكر حسين

احله من الشهد
وغله من الولد
بيده ابو السجاد شال اذنوبنه
والشهاده ختصت المحبوبنه
...............

عفنه لجله كلشي غالي ومايهمنه
ركض رحنه اعله المنايه انطينه دمنه
ولطريق العدل بجفوفه لزمنه
وكال تالي الهلدرب كلهه اتمنه

اسمه درب الشهيد
عنه ابد مانحيد
راح نتلكاه وابيض ثوبنه
والشهاده اختصت المحبوبنه
.................

العنده مثل حسين يبقه راسه عالي
لايهم اشما قست بيه الليالي
للخدم دين الله وانطى كلشي غالي
لاتزل عن دربه تخسر ياموالي

للحسين انتمي
حيدري فاطمي
منو منكم يجي ويانه بصوبنه
والشهاده اختصت المحبوبنه
...............

للحبيب نظحي وبرهن الاشاره
عالوفه علمنه واصبحنه غياره
وبثغر تاريخنه هاي العباره
على السيف انتصر يامحله انتصاره

بالذبح مبتشر
ملك يوم الحشر
وحنه كلنه ويا ابد ميعوفنه
والشهاده ختصت المحبوبنه
................

شما نسولف عنه منوفي النريده
يعجز الينطي وصف لبن الصميده
عيني عل اصحاب كلمن لازم ايده
يحس بيهه حسين دم يسري بوريده

لون كلبه نعصر
حسين يعني بخطر
هيج عالمحبوب صاير خوفنه
والشهاده ختصت المحبوبنه
....................

وحنه كل لحظه التمرنه يكبر الهم
هم مثلكم ننتظر عاشر محرم
نريد نحضر بالعزه وانسوي مأتم
ونهدي اجره للصدر ذاك التهشم

نلطم اعله الصدر
من محرم يمر
تحظر الزهره بمصابه تشوفنه
والشهاده ختصت المحبوبنه


محمد هادي العقابي

للقاسم ع


للحرب اني انتظر عمي ينطيني الامر
ارد ادك ساعة صفر عالاعادي

......................

على حر من الجمر اتنطر امره
يمته يسمحلي وذب عمري إعله عمره
اني ناوي اليوم عمي اشرحله صدره
ادخل الميدان كبله وبيدي اعصره

يشوف بعيونه الزلم شلون مني تنهزم
عندي ماضل كل صبر عالاعادي
........................

جاسم وهذا الاسم لايك عليه
راح احصلهه الشهاده بذني اديه
احله موته تصير بأرض الغاضريه
بين ادين حسين يامحله المنيه

المن ايضل البشر....من يحس عمه بخطر
لجله يرخص هل العمر....عالاعادي
.......................

بسم عباس الكمر ابدي قتالي
ومااهمن للدمه يغير جمالي
رايد ارتاح ومماتي لجل غالي
حته الاكي والدي والراس عالي

امي وصتني بعزم....بالوصيه ملتزم
ماارد اله بنصر......عالاعادي
.....................

ارد افرّح كلب عمي وامي تنظر
وهاي خيمات الفواطم فنه اليمر
راح اسوي الماعلى كل بال يخطر
مثل جدي حيدره الي بيهم ايكر

جدي قالع خيبره...منو اليكبل ياتره
اله ارده ومنشطر....عالاعادي
......................

عمري صح ازغير وكلي رجوله
اني من بيت الوحي مابيه لوله
خل يشوفون الحرب فنه واصوله
مويجي بسبعين الف يحسبهه صوله

هاشمي يعادل الف....بالحرب ماكو عرف
الجيش ارجعه ومنكسر.....عالاعادي
.......................

ادري يلفيني الاجل عندي وصيه
للذي سهرت عمر تنطر عليه
لاتضل عينج على دربي ربيه
والفرح يايمه مالايك اليه

يمه خل نفرح سوه....ويه شيال اللوه
ونتي كلتي امن الزغر...عالاعادي



محمد هادي العقابي

#عقيلة_الكرار
وقفت والحيرة تنهش أفكاري ماذا أقول؟ وكيف اخط بأحرفي عن فخر المخدرات وقلمي ينزف دما مذا بدى يخط اول حرف من اسمها... انها عقيلة الكرار
مقطوعة بعنوان (حديث العروج)


توضأ عند ذكر زينب ودمعك للأذقان جاري
تأوه وصح ملء وجودك لصروف الزمان والاقدارِ
أيعقل زينب تمشي وباليدين حبل يحز بالاوتارِ
أهذه عقيلة حيدر أسيرة لدى زمرة من الاشرارِ!!
يا أمة السوء تباً لك وتعساً أهكذا تكون مودة المختارِ؟!
ألم تعِ ما قال ربك في محكم الكتاب من الأسرار
لُحمة طه الأمين أمانة أهكذا تصان أمانة الاطهارِ؟!
أعلى الاقتاب تحمل زينب وتسومها أعين النُّظارِ!؟
وهي التي كانت تمحى لها عن الترب خطىً وآثارِ
شفت صدرها بنو هند وسبت آل الله على الاكوارِ
وتركت حسيناً بالعراء مرملاً تبكيه السماء ليل نهارِ
تركته شلواً والاضاحي حوله من خيرة الشبان والانصارِ
يا رسول الله ليتك ترى بناتك سبايا في الامصار
كل ذاك قد رأته زينب ولله تشكو فعلة الفجارِ
رأت رزايا تجلُّ عن الوصف تحير لها لبة الافكارِ
ومذ دخلت ديوان فسق جُللت بحجبٍ من الاستارِ
كأنما الخطيب أمسى بجمعهم علياً فهي لبوة الكرارِ
قالت وبها عزم حيدرةٍ كد كيدك يا يزيد بإصرارِ
أترقص فرحاً بقتل حسينٍ يا لك من آثم كفَّارِ
ناد ما شئت بأشياخيك فهل تنادي الا فاجراً غدارِ!!!


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ أوجاع السجن ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري
الذاكر: السيد مهدي البكاء

https://youtu.be/2x3-jTnXCdM

مجالس شهر رجب لسنة 1442 هـ - 2021 م
ليالي إستشهاد مولانا باب الحوائج الإمام موسى بن جعفر صلوات الله عليه
عزاء الكاظمية المركزي - العراق - بغداد
حسينية قصر الزهراء عليها السلام - الكاظمية

مونتاج: مصطفى الحميداوي
مكساج: سجاد الربيعي
مخطوطة: صادق خالد الكعبي
إنتاج قناة الشعائر الفضائية
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

يازينب


هـــــــــا يـلـفـن بـعـدهـن.. هــا يـخـتـمـن
هـــــــــا مــــره يـطـبـعـن.. هــا يـخـتـمـن
الـعـلـيـهـا اسـيـاط كـثـرن.. هاي اخت من

واحـــــد يــســأل بــــواحـــــد عـــلــيـــه

                               *---------------*---------------*

✍خادم الحسين ع
الشاعر رعد الجريخي

#الخدمة_الحسينية
جديد محرم ١٤٤٣ هجرية
زنجيل ٣ دكات للخدمه الحسينيه


اخدمك يبن داحي الباب عالفطره وصفا نيه
اريدن تقبل الخدمه بجاه المشت مسبيه


الك يحسين اظل وفاي ماطول النفس بيه
اريدن تقبل اترجاك مولاي الفخر ليه
اريد اتشرف بصيتك خادم ابقى عالنيه
فقط رايد تسجلني واخدم بالحسينيه
▪️▪️▪️▪️▪️▪️▪️▪️▪️▪️▪️▪️
الك يحسين كل عمري واحس امقصر اهوايه
يبو السجاد تقبلني اجيلك حامل الرايه
اتعنى لضريحك كون بزيارة شوگ مشايه
وبآ يحسين ومصابه الطم صدري بيديه
▪️▪️▪️▪️▪️▪️▪️▪️▪️▪️▪️▪️
ذنوب اهواي حاملهه واجيت اتوسل بدمعه
كونك ما تخيبني بجاه الطاهره البضعه
نبضي والگلب يحسين لجلك جاعله شمعه
سالوفة عشگ انه اعله بابك دوم مرويه
▪️▪️▪️▪️▪️▪️▪️▪️▪️▪️▪️▪️
صبر أيوب ما يكفي بُعدك شيب اسنيني
جنت اتسله بالخدمه وهسه النار تجويني
يبو الأكبر حلم عمري بنهر جودك ترويني
حلمي واگف بصحنك بصوتي أقره لطميه
▪️▪️▪️▪️▪️▪️▪️▪️▪️▪️▪️▪️
دمعي عالوجن سايل صفه عمري الك عاشور
بعيني خيمه محروگه ويتامه امسلبات اخدور
اطفي ناري گلي اشلون يمن ذكرك يوج تنور
دمعي يحرگ ضلوعي وحسرات التشب بيه
▪️▪️▪️▪️▪️▪️▪️▪️▪️▪️▪️▪️
هيه خدمتك مولاي تداوي جروح البگلبي
اموتن لو اعوفنهه واضيع سيدي دربي
بدمعة عيني اترجاك روحي لخدمتك تربي
بجاه الفرت بهيمه ومنها سلبوا ترجيه



تمت بعون الله تعالى
خادمة الزهراء / ليلى زغيب
حسينيون ما حيينا



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

#هلال_المحرم
زنجيل ٣ دگات
جديد محرم ١٤٤٣ هجرية قصيده بعنوان (هلال الهموم) لسان حال السيده زينب مع الإمام الحسين عليهما السلام عند رؤية الهلال


يبن امي من هل عاشور گلبي لزمته
من شوفة اهلال الشهر دمعي هملته

گلبي انلجم يبن امي من شفت الهلال
عيني تربي علسمه وكل دمعي همال
خوفي تاليها يبن امي مجتوفه بحبال
تدري بظهوره يحسين ضلعي لجمته
▪️▪️▪️▪️▪️▪️▪️▪️▪️▪️▪️▪️
يخويه كل خوفي باجر لمن ترحلون
اطفالك بحسره تون عنك ينشدون
بعيوني ما يبگه دمع راح ابجي العيون
واگبالي عالثره خويه جسمك نظرته
▪️▪️▪️▪️▪️▪️▪️▪️▪️▪️▪️▪️
من هسه يخويه تدري بعيوني دخان
جني بالخيمه محروگه يا نسل عدنان
وراسك اگبالي عالرمح ياخويه نيشان
وگلبي بحسراته ينحب اهله وعزوته
▪️▪️▪️▪️▪️▪️▪️▪️▪️▪️▪️▪️
من شوفة اهلال الكدر المني متني
احس المصايب خويه بشوفه ولتني
يا ليلة احدش خويه بهمها سبتني
كل هذا يحسين تدري بوجهك عرفته
▪️▪️▪️▪️▪️▪️▪️▪️▪️▪️▪️▪️
يبن امي من الزغر عندي هذا العلم صار
حاجتني امنا الزجيه وگالتلي الاخبار
يازينب بعاشر تره ما تبقى أنصار
بعينج تشوفي يا يمه حسين وذبحته
▪️▪️▪️▪️▪️▪️▪️▪️▪️▪️▪️▪️
جني بكفيلي اعله النهر مگطوع الزنود
ينهشم راسه يحسين بضربة العامود
ونايم يظل اعله النهر وبكتره الجود
كل هذا تدري يحسين بگلبي حفرته


تمت بعون الله تعالى
خادمة الزهراء / ليلى زغيب
حسينيون ما حيينا



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

#علم_الجواد

ثبت اسمك يمولاي
مناقب علمك هواي
بجفك ينزل الغيث
وذهب يتحول الماي



اسمك لو حضر مولاي العلم يوگفلك ويرجف
يالناصف العلم هواي بس الغير ما ينصف
بحر معرفتك ابلا حد گدامه البحار اتجف
بوكت جان الجواب بروح انت اول شخص يعرف

جازي المعارف من صغر بس ما جزنك
تشرف العِلم بحضرتك والمنه منك
ولو جان من نسل البشر جا يطلع ابنك

جواد الصدق والرأي
يجيك العلم عناي
بشخصك حل الإثِگال
وذهب يتحول الماي
.
.
.
.
عمرك جان خمس سنين  وحديثك مال ابو سبعين
الك معرفه بالاصلاب بكثر ما تعرف التكوين
انت اعلم شخص مولاي بالأحياء والميتين
بدليل انت متت عطشان مثل ما مات ابوك حسين

يالتعرف بنسل الشجر والبشر والطير
كل اللغات استوطنت بعقلك يبو الخير
گدامك ايلين الصلب والما صارت تصير


مُفَسِر نفخة الروح
الك معرفه باللوح
بعينك تقرأ الاصلاب
وذهب يتحول الماي
.
.
.
.
المأمون مو مأمون ناسب علمك الروحه
ياللي امدوخ الحكام وبفضحهم عندك اطروحه
اليجيب اجروحه الك مولاي بلمحه أطيب اجروحه
بمجال الرسم والتشكيل تارك بالسمه لوحه

يالتندل بطرق السمه اسمك حضاره
يالبالظلام وفرزنت الليل ونهاره
من تجلس انت اعله الحجر يخضر مناره


وتحب عيونك الناس
الچنها عيون عباس
بجفوفك طيّبِت جيل
وذهب يتحول الماي
.
.
.
.
ياحافظ كتاب الله بكل تفسيره وأحكامه
بمسالة القطع لليد كلمن بيّن إسلامه
واحد گال من موضع التيمم وانت گدامه
واحد كال من كَتفه اظن قاريها بحلامه

اُواحد أمن الساعد فِتى والحكم مختل
والحاكم الصافن بقى ما يعرف الحل
وبحَچيك اليسوه الذهب كل مشْكل انفل


وحجيت انت بالانصاف
المساجد لله تنعاف
فِتِّت بقطع الاطراف
وذهب يتحول الماي
.
.
.
.
يالوارث كليم الله بيك انذهل جبرائيل
الك معرفه بالتوراة  بكثر ما تعرف الإنجيل
بتفكيك النصوص استاذ يالمعلمنه عالتهليل
يا أعظم لغز بالكون سهل نلگاك بالتفصيل

هو العلم سيف بحرب مو هينه ينشال
يا مسألة حلها صعب توگفلك إجلال
يمك يخف ثقل الارض وافكارك اثگال


المُحْكم انت والنون
والضدوك يدرون
بلونك يطفه اي لون
وذهب يتحول الماي


الشاعر عبدالله الشويلي

انشيع الجواد المسموم ٠٠ والكاظميه المگصد
☆☆☆☆
انعزي الزچيه فاطمه بهذا اليوم
لمصاب ابنها والامام المسموم
اليوم الدمع فوگ الوجن طاح ادموم
للطاهر ابن الاطهار ٠٠ باليمه تاسع فرقد
☆☆☆☆
تاسع بدر وسفه تسمّم چبده
واليوم هالشيعه تنوح الفگده
والماي شيلمه اذا يتبده
من السمه غاب هلال ٠٠ وبعده الفلك صار اسود
☆☆☆☆
لبن الرضا ما ينگطع دمع العين
لمصابه ينقام العزه في كل حين
بغداد حزنت للجواد الصوبين
وتعنت ارض الامجاد ٠٠ وبيها الحزن يتجدد
☆☆☆☆
اندگ الصدر هاليوم وندگ زنجيل
وموج الدمع لمصابه هاليوم يسيل
بسم الجواد الكون رتل ترتيل
صوت حزن والويلاه ٠٠ بلساني اله يتردد
☆☆☆☆
هالدنيا ما تنصف أبد سادتها
غداره ما تنفع ابد صحبتها
تخلي العبدها يعتلي رگبتها
وتغدر بسادات الناس ٠٠ البالدنيا چنت تزهد
☆☆☆☆
شنهي ذنب مولانه ويسمونه
ومرمي على داره العده يخلونه
وممنوع عالشيعه وهله يشيلونه
لكن نفذ أمرُ الله ٠٠ وهذا الاسم يتخلد
☆☆☆☆
امصاب الجواد ايعيد يوم العاشر
يشبه حسين الظل ثلاثاً عافر
بس ماسحگ جسم الجواد الحافر
وماشالت الراس ارماح .. والجسد باقي امّدد
☆☆☆☆
ماعنده أخ طاحن رميه چفوفه
ماعنده زينب لليسر مچتوفه
ولا فرّو ابنياته شام وكوفه
مامش مثل يوم حسين .. كل القصص لو تنعد
☆☆تمت☆☆
حيدر بشار الدراجي

أروَاحُنَا تَشتَاقُ للعَزاءِ

عِيشتُنَا تَكمُنُ فِي البُكَاءِ

حُسينْ وَا حُسِينْ

_______________________
أروَاحُنَا انصهَرَتْ فِي دَمعةِ العَينِ

فِي مَجلِسِ الزِّهرَاءِ بَينَ الحِينِ وَالحِينِ

نَبكِي حُسِيناً لمْ نَزلْ فِي كُلِّ تَأبِينِ

مَبادئ تَضجُّ بِالوَلاءِ
عِيشتُنَا تَكمُنُ فِي البُكَاءِ
حُسينْ وَا حُسِينْ
____________________________
مَا أوحَشَ الدُّنيَا بِلا لَطمٍ بِلا دَمعَهْ

فَنَحنُ جُرحٌ نَازِفٌ فِي قَلبِنا لَوعَهْ

حُسِينيونَ فَاطِمِيّونَ بِلا رَجعَهْ

ذا عَهدُنا فِينِا الى الفَنَاءِ
عِيشتُنَا تَكمُنُ فِي البُكَاءِ
حُسينْ وَا حُسِينْ
_______________________

لَيسَ دُمُوعاً أنّما مَبَادِىءٌ جَمّهْ

هَذا العَزا سِرٌّ إلهِيٌ بِهِ نِعمَهْ

صُرنَا بهِ طُولَ المَدَى نُعَانِقُ القِمَهْ

فِزنا وَغَيرُنا بِأنْزُواءِ
عِيشتُنَا تَكمُنُ فِي البُكَاءِ
حُسينْ وَا حُسِينْ

_____________________
رِزقٌ مِنَ اللهِ العَزا وَسِرُّهُ فِيهِ

وَاسطِةً كَانَ لَنا إذا نُنَاجِيهِ

نَذكُرُ اسمَ حَيدرٍ وَالهّمَّ نَحكِيهِ

يُفتَحُ ألفُ بَابٍ للسَّمَاءِ
عِيشتُنَا تَكمُنُ فِي البُكَاءِ
حُسينْ وَا حُسِينْ
_______________________
نَستنَشِقُ الحُزنَ الحُسِينيَّ عَلَى جَمرَهْ

فِي رُوحِنا مَواكِبٌ مَآتِمٌ عِبرَهْ

نًاعٍ وَرَادُودٌ وَلاطِمٌ دَمَى صَدرَهْ

ذَا عِشقُنَا المَنثورُ فِي البَقَاءِ
عِيشتُنَا تَكمُنُ فِي البُكَاءِ
حُسينْ وَا حُسِينْ

______________________
هَذا البُكا بِاقٍ بِنَا وَأنّنا نَنحَبْ

عَلى حُسِينٍ حَيدرٍ فَاطِمةٍ زَينَبْ

هُمْ كُلّّنا هُمْ بَعضُنا والحُّبُّ لن يَنضَبْ

هُمْ وَاحَةٌ ضَدَ ذَوي الشِّقاءِ
عِيشتُنَا تَكمُنُ فِي البُكَاءِ
حُسينْ وَا حُسِينْ

______________________
تَقدُّمٌ حَضَارةٌ تَحرُّرٌ نَحنُ

اللّطمُ هَذا غَايةٌ وَسِيلةٌ فَنُّ

أعدَاؤنا بِغَيظِهِمْ تَرَاهمُ جَنّوا

خَابُوا وَنَحنُ الآنَ فِي إباءِ
عِيشتُنَا تَكمُنُ فِي البُكَاءِ
حُسينْ وَا حُسِينْ
___________________
علي حبيب الشابي
محرم 1443

هواك الهسه بانفاسي
اذا يفحصني اي دكتور
مايلكه عقل
يلكه الرضه ابراسي

من كد ماابوس جنت بالشباج
حسبوني عله المعدان
شنو ايكلولي ماشايف
كتلهم عبد.. وايحرمص السلطان

جوازي امحضره ياربي
وجنطتي وكلشي بالحسبان

بس فك الحدود ابداعت العباس
مو مليت
داخل طالع من اكروب
بس أسأل عله التومان
❤️❤️❤️❤️❤️

اللهم ارزق كل مشتاق رؤيته وزيارته
عن قريب...

في رثاء الإمام الجواد عليه السلام :
(نصّاري)

__
يعيني اعله الجواد ابچي ابدمع دَم..
صايم چان و افطوره عله السَّمْ..
__
گصيره ايّام عمره او چان كل يوم
من اُمِّ الفضِل يتجرّع اهموم
جابتله العنب و العنب مسموم
يا ويلي او عليْه حان المحتّم..
__
او عگب ما سمّته او منّه الچبد ذاب
طِلْعَت من وراها اْو سدِّت الباب!
وحيد او لا أهل يمّه ولا اصحاب
يوِن و ايعالج ابـچبده التخذّم..
__
ثلث تيَّام ظل بالدَّار مِفرِد
او منْ سمِّ الذي بحشاه يـمْرِد
ظل ايگوم نوب أو نوب يگعِد
غِريب ابحالته بس الله يعلم..
__
غِريب او من هله ما عنده احّد
يحِضره ابغربته الله اوْ لحّد!
دار اعيونه عالجِبله او تمدّد
و ابحر الشمس فوگ السطح تَمْ..
__
بآخر نفَس حطْ عالگاع خدّه
او تناسى امصيبته او شوغات چبده
ابعطش گلبه تذكّر عطش جدّه
أبو اليمّه مصابه امصاب الاعظم..
__

ميرزا عادل أشكناني
ذي القعدة / ١٤٤١ هـ
قم المقدّسة

🆔https://tttttt.me/mirza_adel_ashkanani

عاش رضيَّاً مات رضيَّا
محمودَ العُقبىٰ مرضيَّا
و كيحيىٰ عاشَ ولا عجبٌ
{ آتَيْناهُ الحُكْمَ صبيِّا }
ــــــــــــــــــــــــــــــ
هذا قانون الخليقه و الأمُر فرْض اْو تحتَّم
لازم اِعْله الناس حُجَّه اِيكون و اِعليها ايتِقَدَّم
للعُمُر ماكو اِعْتبار اْو هاذي حِكمه البيها نِعْلَم
و إخذ شاهِد عندي يحيىٰ اْو غيره هَم عيسىٰ ابْنُ مريَمْ

و جوادُ العِترَةِ إنْ قِـيـسَا
أعظمُ منُ يحيىٰ أو عيسىٰ
و أبوهُ عليٌ لا يُجهَـلْ
أعلا قدْراً مِن زكَـرِيَّا

ــــــــــــــــــــــــــــــ



ذوله أهَل بيت النبوَّه كلشي مرهون ابأمرُهم
الكون و الما بيه كِلَّه مثِل قطره ابنُص بحَرهُم
ألله من دَوَّر خُزانه اِستوْدَع أسراره ابصدرهُم
و اللّي كبَّرهم فضلهم ما يصغّرهُم عُمُرهم !

فَمُحَمَّدُ من آلِ محمّد
فيهِ نوِرُ اللهِ تجسَّد
و كذا زكّاهُ وَ طهَّرَهُ
فغدا صِدِّيقاً عَلَوِيَّـا

ــــــــــــــــــــــــــــــ

ازغير عُمره او رغم هذا چانت أفعاله چبيره
الوحي ما ياخذ قراره إلا ينزل يستشيره
چان سيَّد بني هاشم يحكم ابعين البصيره
اْو رغًم تسْع اسنين عُمره منحِسب شيخ العشيره

رُبَّ صغيِرِ السِّـنِّ كبيرُ
ليسَ لهُ في الخَلقِ نظيرُ
أفضلُ أهلِ الأرضِ لذلكْ
سُمِّيَ عِندَ اللهِ تقيَّا
ــــــــــــــــــــــــــــــ
من زغر سنِّ الجواد او چان من الناس أعلَم
ابْمجلس المأمون چنَّه اِلْسان ألله لو تكلَّم
يحچي بالحكمه المُبينه او غيره من يحچي ايْتِلَعْـثَـم
اْو مِنّه ميْهِزّون شَعره ألِف من ( يحيىٰ ابْنُ أكثَم )

ذا إسْمُ الرَّحمنِ الأعظَم
صلَّىٰ اللهُ عليهِ و سلَّم
مَن ذا بالعِلمِ يبارِزُهُ
إذْ اُوتِيَ عِلْماً لَدُنِيَّا
ــــــــــــــــــــــــــــــ

اشما كبر عُمْر الإمامِ اشْما كمل هالنُور عنِده
تكبر اعليْه الضغينه و المعادي ايزود حِقده
اعيون حَمره اِعليه تِشبَح عالكمال البي تِحِسْدَه
اْو بدَل ليْجازونه گام الْـ مُعتَصِم سمَّم له چبده

كم قاسىٰ بالسُّمِّ و عانىٰ
أنواعَ البَغْيِ و ألوانا
فعليهِ مِنَ اللهِ سلامٌ
يومَ يموتُ وَ يُبعث حَيَّا

ــــ
ميرزا عادل أشكناني

گلبي أنفطر من شفت الهلال
جسمي ارتـعـش وتغير الحال
صرت انشد الدار .. مامنهم اخبار
-------------
حسيت السفر مو يوم يومين
سئلت الروح ياروح الاهل وين
تگلي مايعاود ضعن الحسين
ابـد مـالـوم عيني اشـمـا بقـت تدمع
تگـلي اشـلـون ابـو السجــاد يتـودع
وين الضعن سار ـ… مامنهم آخبار
زاد الآلم حين الضعن شال
-------------
اطـب للدار ونشد وين الأحباب
يشل الحال من يطول الاغياب
احن وشتاگ وسئل عتبت الباب
أفــز باليل وسچـب دمـعت اعـيـوني
احـاچـي الـدار ليش الاهـل ماجــوني
گلبي اشتعل نار … مامنهم أخبار
مايـفـض حزني ايام وليال
---------------
آجر حسرات ربـع اللـيل مانام
احسب كل دقيقه اتمر الف عام
مصيبه افراگهم ياكـل بالعـظـام
احـن حنـت الناگـه اوليلي مـا نـامـه
كـل ساعـه الـدهر يرميني بسـهامـه
وسفه الزمن دار … مامنهم إلياس
محد يعدل الحمل لو مال
--------------
راواني زماني هموم وجروح
آفز باليل مثـل الطير مذبـوح
علّه أوهـجر ما تتحمل الروح
أعـايـن للـدرب والـــروح مـلـهــوفــه
طريـقي أمن القهر والضيم ماشوفـه
گمت اسئل المار … مامنهم أخبار
يعمي العيون السفر لـوطـال
--------------
بالماي اغص من اشرب الماي
اذكر احبابي الچانو اوياي
دارت عـكـس ياحيف دنياي
عبـدالله آورقـيه اصـورهم ابـعيني
اهـز الـمـهـد واتـــوقــع يـناغـيـنـي
ما اعرف اشصار … مامنهم اخبار
قصه وتسولف بيهه الاجيال
--------------
للشاعر فاخرعلي الشبيبي

شهر الحزن باچر يـهـل
يا با الفضل يابالفضل
---------
شـهـر المصايب من يمر
تخنگني ساعات العصر
يـاخـويه ما ريـد العـمر
من شفته جف مني الصبر
ماودي ساعاته تحل
يأبا الفضل يأبا الفضل
------------
بـاچر يهـل شهر الألـم
وينـك يشـيـال الـعلـم
صديت اله وگلبي انلچم
وتـذكـرت حـرگ الخيم
لـوعاته محفوظـه بسجل
يابأالفـضل يا با الفـضل
-------------
احـد مـحرم بـيه جـرح
مـن المسه الحـد الصبح
يبدء أبسبي أونار وذبح
حته الدمـع باچـر يشح
راحولي چم طفله وطفل
يابأالفـضل يابأالفضـل
------------
مـا أنسه لـوعات الشهر
ياخويه من ابقئ دهـر
تـدريني ذوبنـي القهر
لَمن رحت صوب النهر
وتگـلي مـا أرجـع عـدل
يابأالفـضل يابأ الفضـل
------------
من طاح اخوك اعلئ الثره
حـشمـت سـبـع الگنــطـره
وچـفـوفـك ادري أمـبـتـره
مـو عــاده تنـخـاكـم مـره
وانه ادري سيفـك مايـمـل
يـابـاالفـضل يـأبا الفـضـل
--------------
الشاعر فاخر علي الشبيبي

https://tttttt.me/vakhiralsbiby