في مساماتِ الجْروح  لك منصوبُ العزاء
نطقَ قلبي الجْزوع   كربلاء يا كربلاء
في زنازينِ الجفاء   رتلَ الدمعُ الوفاء


الماباچي اعله افراگك  ماعاشگ صدگ
يحچايه و بلساني         يا گلبي اليدگ
  إغيابك علمني           اشلون احترگ
شوگك طگ اجروحي  وشِيخيط الفتگ

__________________

قيسُ كذابُ الجنون   عابسٌ صارَ الجزَع
كلُ بحرٍ فيه ماء      بالدموعِ ارتفَع
بَيْتُكَ معنى الحياة  وكلُ شيءٍ في هلَع

الأفلاك التسري   اطوف ابحضرك
كلشي بهاي الدنيا    خرزه بسبحتك
الجنه والبيها    تلوذ ابرحمتك
ستوني اعرفت الگمره  من فيِّ غترتك

_________________
حدثُ وسطَ السماء  مستمرٌ كاليقين
ابليسُ مغرورٌ عنيد    قال اغويْ الثقلين
قال عندي كَمْ جنود  قالَ اللهُ الحُسين

بيك الله يتباهه    كدام السمه
الماعاشك ضل طايح  گلبه بالعمه
مدري شبيها الوادم   تطرب عالدمه
شابعهم حنيه       وجازوك ابدمه

___________

قبلَ بنيانِ الوجود    قبلَ تكوينِ الهوى
انتَ عندَ العرشِ نور   كنتَ تَهوى نينوى
بكَ مرفوعُ السماء  انتَ سِرٌ للقوى


يا غالي يا عالي      يملوحة هَلك
ابخنصر جف ايدك   يندار الفلك
كلشي بهاي الدنيا   من عندك والك
حبك موجة فطره   الماراكب هِلك

____________________
سَجَدتْ كل القلوب   لك وحدكْ سيدي
كلُ حبٍ في زوال   انتَ حُبك أبدي
كلُ قلبٍ انت فيه  ينعَى في طورِ الحدي

كل يوميه احساسي يفتر عالخيم
دمعي مقدر عندك وي غيرك ندم
يالعشگك ألمني وسري بهل الالم
يرف كلبي يالغالي لو رف العلم






#الشاعر عبدالله الشويلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مِن نُوره شُعَاع الكون مِن عينه
بالسُّوره بَهَاء اِلعالم اِجْبينه
عاشُوره قصّةْ مذْبَح اِحسينه
--
يمَن صلّى إله عيسى وحواريّه
اوسجدتله جُروح الف اوتسعميّه
ابْوِِنينه دوم أسمع ونّه مخفيّه
سلام الله على اللّي مشت مسبيّه

ما ينسه يظَل طوْل العُمر ينحَب
بالخمسه يدگ صدره على زينَب
وانحِسّه ألَم موجُود بسْنينه
--
أشُوف الصادق اليگضي رَسِم عمره
رَسِم راس ابرمح واهنا رسِم صدره
اورسم عجّه اوغبار اوخيلهم عَشْره
واهنانه انطبر بس اثنعش طبره

خَيّاله تدوس ابصدر يتألَّم
وعياله رسمها برسمه تتيتَّم
ظَل حاله محّد يعْرف اِونينه
--
إلى الصادق أسير ابمدمعِ الهامي
أسير اوأحس جرحه يمشي گدّامي
فُرَکْت اعيون گلبي اوعفت أحلامي
شفِت شيب ابرمح بس الرمح دامي

وابّالي حلم ما ادري لو واقِع
يا غالي أشوفن خُنصرك ضايع
واخْيالي مثلك مختفي بينه
--
قرْرَت آنه أمشي وين ما أدري
المهم مخنوگ راسي مثل ما صدري
عشِت أنظر حروفك وانظر العُمري
أثاري الطف چبير وما يحد فِكري

يا جعفر أعرفك تعرف البيّه
ما أگدر قرُط مسلوب لرْقيّه
بالمنْحَر بوسة طفلته اسكينه
--
اعْتقادي الباقر اليرويلك المقتَل
احْترگ منّ الركض من الخيم للتّل
لا تسأل بعد والله لا تسأل
تره عمّتك زينب صعدت الهزّل

والكافِل السهم نايم على اعيونه
والحاصِل الخيول امخربه امتونه
ما واصِل الحنين البينك وبينه
--
أنه يالصادق اعرف كنزك وعلمك
ولا واحد يقيمه اويعرف ابكلْمك
لچِنْ عندي طلب واقسِم عليك امّك
اشْتِسوّي لو شفتها احترگت اخيمّك

لو عينك تشوف اطفال تتجوّه
واحسينك يحيرك هو مو هوّه
بوْنينك تلِمّ اِعياله وابْنينه
--
بعد كل المُصايب والأسى والهَم
احْترگ بابك واگول ابنفسي كون احلم
النار الحرگتك من نار المْخيّم
بس اهناك دم واهنا ولاكو دَم

أيتامك شفتها اتصيح مرعوبه
بيّامك محّد گال مسلوبه
أحلامك تصيح الخدر چا وينه
--
#الشاعر محمد الظالمي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يمحله نومتك يفرحه امنل عمر
اهز مهدك ردت رحت احفر گبر
يعبد الله دلل لول يمه يل ولد
يعبد الله الگبر صار حظنك مو مهد
&&&&&&&&&&&&&&&&&&&&&&&&&
يعطشان ويمذبوح حلوه نومتك
نلم من الدمع ماي انه وعمتك
نفتر يم الخيام نسمع صرختك
لهسه بأذني مسموع ذيجه ونتك

يمحله نومتك يفرحه امنل عمر
اهز مهدك ردت رحت احفر. كبر
يعبد الله دللول يمه يل ولد
&&&&&&&&&&&&&&&&&&&&&&&&&&
يمه شلون اصد ليك وانته منذبح
ونته شكبرك ازغير مو كد لجرح
شيخلصها بليل شيجيب الصبح
اجي الگبر احاچيه بلكي ينفتح

يمحله نومتك يفرحه امنل عمر
اهز مهدك ردت رحت احفر گبر
يعبد الله دللول يمه يالولد
&&&&&&&&&&&&&&&&&&&&&&&&&&
صفار بوجه الحسين من جاني انرسم
وباوع. لون العيون بي دم والم
نحرك. كلش. ازغير مو كد السهم
دافنتك. دللول. الولي. بل خيم

يمحله نومتك. يفرحه امنل عمر
اهز مهدك ردت. رحت احفر كبر
يعبد الله دللول يمه يل ولد
&&&&&&&&&&&&&&&&&&&&&&&&&&
راح السهر. ورباي ما ردنه النهر
من تعنه عباس للگوم وعبر
چان الجود. مليان ماي وبي قهر
چفين وسهم عين عامود وظهر

يمحله نومتك يفرحه امنل عمر
اهز مهدك ردت. رحت احفر گبر
يعبد الله دللول يمه يل ولد
&&&&&&&&&&&&&&&&&&&&&&&&&
3/9/2019
#السيد حيدر الشريفي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

صلو صلات الفرگه وبعيون زينب كلمات
أذن حبيب وناده يا بت علي سلامات
كل الانصار هاي خطار عل دنيه لا مو اكثر
يا بت علي سلامات
يا بت علي سلامات
@@@@@@@@@@@@@@@@@@
اذن حبيب وناده حي الله فزعت لنصار
والصوت فات الزينب للخيم والكون اندار
ظجت اتراب الحومه والزلم صارت طشار
عباس شد الرايه وسل سيفه شيخ الانصار
هاي احنه زلمك حيدر عباس ويه الاكبر
يابت علي سلامات
يا بت علي سلامات
@@@@@@@@@@@@@@@@@
يم الشريعه الكافل ويصيح حيه اعلى الموت
والزلم ظلت ترجف يا زلمه. من يمه يفوت
اله گلب ماعنده اوياه جايب تابوت
زينب بنص الخيمه ولرجيفهم تسمع صوت
والروس خل تطبر چن اسد واگف يزئر
يابت علي سلامات
يابت علي سلامات
@@@@@@@@@@@@@@@@@@
هدو حبيب والأكبر والكوم شبوها بنار
عل يمنه الاكبر هاجم عل يسره عباس اختار
واحد يگل للثاني شو بيهم هوايه زغار
من فاتو الجيش اهتز ليوين يشرد محتار فوتت علي وصولاته والده العلي وترباته
يابت علي سلامات
يابت علي سلامات
@@@@@@@@@@@@@@@@@@
حسين واگف ينضر ويباوع الكون اندار
وبالجيش ضجه صارت والبوق دگ للانذار
الزلم هوست بيها ورباط ذبو الكبار
كالو نطب نطحنها وسيوفهم تجدح نار
الجيش عل شريعه توذر يالوديعه
يابت علي سلامات
يابت علي سلامات
@@@@@@@@@@@@@@@@@@
تمت الحمد لله 2019/9/7
#السيد حيدر الشريفي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ريت حاضر وي عضيدك يالحسن
أستوحدوه بكربلـــه أهل الفتــــــن
صحت وينك    يالحسن
عن حسيـنك    يالحسن
 
* * *
 
ارد أسولفلك جروحي وليش دلالــي انمــرد
أرد أخبرك عن عزيزك اللي مامثلــه أبــــــد
التمت جيوش اعلى أخيك مالها عـده وعدد
خويه واعتاز الوكفتك والأخو اليوم الشـدد
 
الاخو هيبه وبيه يشتد العزم
الماله أخو بالدنيه توليه الزلم
حسين وحده    يالحسن
انمرد جبــده    يالحسن
يالحسن
 
* * *
 
الزلمه لوتهجم عليه بخيلها الجن والأنس
كون أخيه يكض ضهره ابد وحده مايحـــس
خويه وحسين أعتناله جيش يطم عين الشمس
وهوه وحده يبو محمد بين كوم أهل الرجـس
 
فزعت اعلى حسينك الحر والعبد
اجت تتناخه الخلك كلها حقـــــــد
وماله ناصر    يالحسن
ريت حاضر    يالحسن
يالحسن
 
* * *
 
كون شفته الجان عندك أعز من شم الهوه
من انصاره ويه المنايا غربوا كلهم ســـوه
كسر ضهره فكد اخوه الكمر شيال اللــــوه
ولا له ناصر لا معين شصار بيه بنينـــــوه
 
آنه شفته وهرش دلالي انهـــــرش
ضامي أخوك شفافه فطرها العطش
طاح دامــي    يالحسن
مات ضامي    يالحسن
يالحسن
 
* * *
 
ريت حي بيوم رادك ريت ماضمك كبـــــــر
آنه أعرفك من كلامي هسه كلبك ينكســـــــر
حسينك التفديله عمرك كطعوا جسمه الكفــر
ومن وكع خياله عشره داسته وماضل صدر
 
واخبرك من ضيعوا عين الولـي
شتموا أمي فاطمه وشتموا علي
سلبوني    يالحسن
عذبوني    يالحسن
 
* * *
 
سلبوا الغالي يخويه وبكه عاري اعلى الثره
بجسمه ماضل كتر سالم خويه حتى خنصـره
آخ من ذبحوه أكبالي كلي كلبي شصبــــــــره
كوني ابساعتها ميته ولا بقيت أمكــــــــــدره
 
ردت أغطي جسمه بس اتحيرت
كلشي ما عندي يخويه اتمرمرت
حرت حيره   يالحسن
يبو الغيــره   يالحسن
يالحسن
 
* * *
              #سلام المشعل

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم
#ثگيل

[ عرسك حِلِم ]

مِن وجهك يغار الوَرِد ... يالحِنِتّك دمع ونَبِل
جسّام لُامّك يابني صِد ... ما عندي كَلب ويحتِمِل
_

طولك غَزَل .. وجهك أمل
وبعيونك الحلوة زَعَل
جفّك تَرِف .. بس ينوصف
بركان ثائر لو حِمَل
مشيق نسق .. واقره الفلق
مِن نظرة البيها خَلَل
كَلبك سمه .. وبفاطمّة
معوّذتك آنه وبالكِفَل

ذاخرتك لشيب الكبر ... يالغَبِتَّك تكتل كتل
ردتك توسّدني الكَبر ... ما عندي كَلب ويحتِمِل
_

ضحكك سَمَر .. وجهك كَمر
ووكت الصلاة دمعك مُطَر
مِن تندعي .. يغيب الوعي
خشية الهك مو سقر
يابن الحسن .. دار الزمن
وامُك بقت بس للقهر
حيلي انهدم .. كَلبي انلجم
وبطيحتّك رَك النَظَر

عيوني طفن وي شمعتّك ... ما اشوف يالبيك استِدِل
ماتت ضحكتي وزفتّك ... ما عندي كَلب ويحتِمِل
_

أمّك جَرِح .. فكَدك مِلِح
والدنية ظَلمة بلا صُبِح
ثوب العرس .. بايدي من امس
كلما أشوفنّه انذِبِح
كَلبي انصِدَع .. بموت الزَرَع
يوليدي شينوّم الفِلِح ؟!
هوّه الفُكََد .. مِثلك وَلَد
كل صفنة يصفنها رمح

ياخيمتي الطاحت عليّ ... إخلافك بَعَد بيش استِظِل ؟!
الحِنّة بعدها بجف اديّ ... ما عندي كَلب ويحتِمِل
_

مات الضوه .. وضاكَ الهَوَه
ولجروحي ما ينفع دِوَه
أطفي الشمع .. واعلكَ دمع
عطشان خدّي وما رُوَه
عرسك حِلِم .. بس ما يِتم
زفّوك يُمّه لنَينَوَة
وجنت انتِظِر .. منّك بزر
واكَعد وي اطفالك سوَه

كبّرتك وشفت التعب ... وجنت انتِظِر منّك نَسِل
سامحني مِن تسمع عَتَب ... ما عندي كَلب ويحتِمِل
_

يادنيتّي .. يامهجتّي
يادمعتّي ويا ضحكتّي
ليش ارحلِت .. واستعجلِت ؟!
ردتك متن لجنازتّي
مِن جم سنة .. لعرسك أنه
أعكَد وافل بشيلتّي
وتالي شحِصَل .. جسمك وِصَل
ما حقّقتها منيتّي !

بالجَنّة يُمّه المُلتقه ... وبعرسك هناك احتِفِل
كلشي خلص بس البُقَه ... ما عندي كَلب ويحتِمِل


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل
لمولاي الرضيع

اغفه يالكاروكك ايدي باچر ايچهبك ذبح
يالتعودت اعله حظني ايطلّع الروح الرمح
هاي ادية الربتك .. حرز شدها ابرگبتك
عبد يا بعد اليدمعن
============
اسم الله نام ولا تفز
راح اطرزلك حرز ...… من الارماح
باچر اگماطك نعش
باچر ايفحطك عطش….. اغفه وارتاح

انت اول رزق لله ويا عِطيّة شلون اردّك
الليلة من گد ما فگدتك ايدي سچتها اعله خدك
يا علگ شباچ روحي وين وبيا فضة اشدك
اوگف وارجع الولي وگمت انومنك واگعدك

يالمدلل وين اضمك والعطش عينه سهم
وين انومنك عوافي وما يلمنّك خيم
وكل براءة ضحكتك .. حرز شدها ابرگبتك
عبد يا بعد اليدمعن
===============
يابخت حچيي الخيم
يالخضارك بالعلم .. .. .. شفته منثور
روّح اعيوني السهر
وياخذك لمحة بصر .. .. .. مني عاشور

انت نورس شاطي روحي يالمحلّي رموش دربي
يابزر گعدة الخيمة ويا چبير ابعين گلبي
گرّبت ساعة ذبحتك راح اگل لعيوني صبي
تعبت ايدي ونزلتها امن الغروب اندعي لربي

امن التعب والخوف امك وگّفتها امشچلة
عبد نام وانت تضحك بچي باچر كربلة
يمة عدّل نومتك .. حرز شدها ابرگبتك
عبد يا بعد اليدمعن
==============
جزه افراگك عالگلب
وبالعمر يشرب شرب .. .. چنّة عطشان

يالتنشز بالذبح
كلش اثگيل الرمح .. .. وانت فحطان

يالسمارك طفّة ليلي اليوم يمعتبر اشطالع
تذب گلبك عله المامش چنك ابخور الجوامع
يا شتال لكلشي يابس يادليل لكلشي ضايع
دمك اينز اعله ايدي وانچفي ابخد الشرايع


يا ربة املوحة بزرتي حظني بغيابك مصخ
خشب كاروكك تفطر والسهم كلش كشخ
عيني خرزة ابجبهتك .. حرز شدها ابرگبتك
عبد يا بعد اليدمعن
=============
ها يواهسنه الامس
الك كل دورة شمس .. فدوة تندار

روحك اترف عالگبر
رفة اجناح النسر .. .. والذبح حار

ماكو غيمة وطف يعطّش حته بفراگك تذبّل
شامة بالتاريخ دمك شايخ وشامخ يسجّل
كل ملامح عرش الله اسم الله يم اذنك ترتّل
اخطوط كوفية رموشك وانت ناعم ريش بلبل

ياچبير بكلشي زاغر يا زغير المگبرة
ارجع ولملم ربابك عالگماط امطشرة
يمة تكتل حرگتك .. حرز شدها ابرگبتك
عبد يا بعد اليدمعن
===============
يَ ابيض بديرة كحل
اعيونك اكبار وشهل .. .. يحلى الاولاد

ردت تكبر يا نده
حتى لو شيبي بده .. .. بيدك انگاد

ردت اسولف عندي زلمة شاب توه وجاي يكبر
هوه افراگك خنگ حلمي والوكت عالفقرة يفتر
عبد ما يصلح تموت و طولك المفتون يزغر
بيدر لكلشي حمامة يبني ريجك شلب خضر

تنجرح مو اله نبلة بالگطن من تنگطف
يالحچوك بلون گلبي يا رسالة بلا ظرف
بالسهم ذب ذمتك .. حرز شدها ابرگتك
عبد يا بعد اليدمعن
=============
#علي هادي الخزعلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★من اتقى الله منكم وأصلح فهو منا أهل البيت، قال: منكم أهل البيت؟ قال منا أهل البيت★لا انه من القوم بأعيانهم وإنما هو منهم بتوليه إليهم واتباعه إياهم★*

۱- عن محمد الحلبي عن أبي عبد الله عليه السلام قال: من اتقى الله منكم وأصلح فهو منا أهل البيت، قال: منكم أهل البيت؟ قال منا أهل البيت قال فيها إبراهيم: (فمن تبعني فإنه منى) قال عمر بن يزيد: قلت له من آل محمد؟ قال: أي والله من آل محمد، أي والله من أنفسهم اما تسمع الله يقول: (ان أولى الناس بإبراهيم للذين اتبعوه) وقول إبراهيم: (فمن تبعني فإنه منى).

۲- عن أبي عمرو الزبيري عن أبي عبد الله عليه السلام قال: من تولى آل محمد وقدمهم على جميع الناس بما قدمهم من قرابة رسول الله صلى الله عليه وآله فهو من آل محمد لتوليه آل محمد لا انه من القوم بأعيانهم وإنما هو منهم بتوليه إليهم واتباعه إياهم، وكذلك حكم الله في كتابه: (ومن يتولهم منكم فإنه منهم) وقول إبراهيم: (فمن تبعني فإنه منى و من عصاني فإنك غفور رحيم).

*√تفسير العياشي للمحدث الجليل أبي النضر محمد بن مسعود بن عياش السلمي السمرقندي المعروف بالعياشي رضوان الله عليه الجزء۲ صفحة۲۳۱√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

چم يعقوب عينه عليك سچابه
ويا يوسف الزهره لمثلك طول غيابه

چم يعقوب الك ظل يسچب العبره
وعينه لطلعتك يابن الحسن تبره
طالت غيبتك يا يوسف الزهره
وصبرك ما طفح يالمهدي خنيابه

يا للعجب صبرك صابر ليمته
وسكته ليا وكت يابن الحسن سكته
بس انت اﻷمل واﻷمل بس انته
وتدري يضيع حگ لماله طلابه

كاتلنا الهظم يابن الحسن واللوم
وعلينا العداوة بكل نوية تحوم
من دم شيعتك شبعت الگاع دموم
والكل هد علينا وفزع ذيابه

ذيچ هي العداوة والذبح والسيف
واحنا بغيبتك نفرك براح الحيف
گروا عيونا وفسر ظهور الطيف
خل سيفك يهيج وينزع گرابه

غيرك ما بگه وچم ثار الك چم ثار
ثار الدار لـــو ثار لــوگع بالدار
لو كسر الضلع والعين والبسمار
لو نار الغدت بالباب لهابه

نار الباب تسعر تنتظر وعدك
تطفيها وتحل بيدك جتف جدك
انت لبلجره تدري وخبر عندك
بعده يفور دمه بصحن محرابه

يابن العسكري وبعده الطشت بعده
وبذاك الطشت متگطعه چبده
ياهو لمنع دفنه يم گبر جده
ولسه بالنعش اثار نشابه

هاي دموم اهلك من عصر عاشور
ما بردت بعده بالطفوف تفور
چم چف انگطع واچم نحر منحور
وچم عريس من جم رگبته خضابه

يالمهدي ومصاب لشاب منه الراس
يا راس انذبح لو يا جسد ينداس
لصار عل ابو اليمه ما يصير بناس
آه يا حسين آه يا جمرة مصابه

يا جرح لمخزن وابد ما يلتم
عماتك خذوها عللهزل للشام
آه يا بت علي شلون بخرابه تنام



أبوذيه:
*ما يردن*
مشن للشام كوه ما يردن
وليالي العز يا زينب ما يردن
رقية بيوم گالت ما يردن (ماي اريدن)
رخص عباس روح الها هديه

*الشاعر عزيز الفيصلي*

قناة الشاعر الأستاذ أبو باقر #عزیز_الفيصلي

https://tttttt.me/joinchat/AAAAAE9zpeCIAWwHKLolyg

للمشاهدة والتنزيل اضغط على الرابط ⬇️⬇️
https://youtu.be/VAvfuH0t0gw

المجلس الذي انتظره الكثيرون وطلبه الأكثر منهم،
اداء | محمد الجنامي
الشاعر | عزيز الفيصلي

المكان | العراق- كربلاء المقدسة

يُهدى ثواب هذا العمل لشهداء الحشد الشعبي وجميع المؤمنين والمؤمنات

قصيدة شهادة الإمام الصادق
1⃣ *(سلام الله عليه)* 1⃣

قلبُ الشريعةِ بالأسى يتفطَّرُ
والدمع في خد الهدى يتحدرُ

رزءٌ ألَمَّ فألَّمَ السبعَ العلى
والشمسُ كادت من أساه تُكوَّرُ

جناتُ عدنٍ نكَّست أعلامها
والروح راح ينوح وهو يكبِّرُ

الله أكبرُ مات سلطانُ الهدى
ورئيسُهُ مولى البريَّةِ جعفرُ

مات الذي ملأ الدنا بعلومه
لهفي له بنقيعِ سمٍّ يُغدرُ

حتى إذا ما السمُّ أذكى جمره
بفؤادهِ وسرى كنارٍ تسعرُ

نادى ابنَهُ موسى إليَّ بشربةٍ
قلبي يكاد من الظما يتفطر

وأراهُ حين رأى المياه متمتماً
والدمع في وجناته يتحدَّرُ

والهفتاه على الحسين بكربلا
ظامي الحشا يُحتزُّ منه المنحرُ

#الدر_العاملي🖋

أعلن تقصيري .. وتعبيري
ماتكفيّه عبارات
الواجب كون اكثر .. اتحسر
على طول الرويات

لو هام وليها ساعي
دمعاتي چا صار .. بدلالي الچ نار .. وصب الدمع حار
همي للماله داعي
وكتي والأوهام .. وشغلتني الايام .. عن روح الآلام

اجيت ارجو العذر
بعد كافي يمر
كلام بي لوعتچ
واسمعه وينعبر
*******
تنبيهي بحالي .. وافعالي
هذا من الأرزاق
اصحى امن الغفله .. واندله
الدرب الواهم الشاق

لازم ماامشي وأعثر
كون اسعى للاه .. وبس بابچ الگاه .. وابقى انه وياه
اطمح للدمعه اكثر
وانه ادري الادموع .. تضوّي الي شموع .. وبيها احلى موضوع

مواساة الدمع
على مصاب الضلع
اموت يم الحسن
اذا عنه انمنع
*******
مؤمن تنطيني .. بونيني
آهات وبچي وحال
ابقى الطم واقره .. والحسره
بليل النعش شال

شالوهه وماكو واحد
بضهر النعش صاح .. بغربه وهظم راح .. وبالسكته الانياح
وجفن المحزونه گاعد
زينب على الباب .. لوعها المصاب .. وبيها الگلب ذاب

الدليل اعله امها انمرد
ونين ليها انخمد
عقيله ومارضت
بچيها ايسمعه أحد
*******
يا لطف الباري .. باافكاري
رايد بس الآلام
مااديرن عيني .. ولحسيني
خليني وللخيام

لغاليچ هذا حاله
عمري يضل نوح .. عالصابته اجروح .. وبالهيمه مطروح
محد بي غيره شاله
تمر العده عليه .. ولا رف گلب ليه .. وعياله تبچيه

عليه تطلع شمس
وتصير اقوه امن امس
ثلاث ضل عالترب
عليه ماضل لبس
*******


#الشاعر سيد مرتضى الياسري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ رايد أدب وياك ]*

أداء: الملا #محمد_باقر_الخاقاني
كلمات: الشاعر #أبو_محمد_الزبيدي

https://youtu.be/HIpEbFnYiMQ

مجالس ليالي شهر جمادى اﻵخر لسنة 1441 هـ - 2020 م
هيئة لواء زينب عليها السلام - العراق - البصرة - حي الحسين

مونتاج ومكساج: نورس الطيب
تصوير: إعلام الهيئة
النشر الشبكي: علاء بركات العاملي

إليك إلتجأنا ونحنُ الجُناة
إلـهَ العطايـا ورب ّ النعـَـم
أذا كنتَ للمُحسنين المُعين
فمن للعُصاة ِ بليل ِ الألم
مُغيث َ العبيدِ رَفعنا الخِطاب
وشَكوى البلايا كشكوى السَقم
بلوحِ الأسى والهمومِ العِظام
كَـتبنا التمَاساً بحِبر ِ الندم
قبِلنا بحُكم القضا والبلاء
لأن (المُصيباتِ بعضُ الكرم)
فصبراً جميلاً بدربِ الجراح
وندعُوك ألّا تزِل َّ القدَم

#لقمان_البدران

https://telegram.me/lukmanalbadran

لو رماد اليوم داري ابعيني أشوف
مايساوي حرك خيمة من الطفوف

داري خلي يشتعل ،،،، عمتي صعدت هزل

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
احترگ داري وگلت هينه المسئله
ولو ألف مره أحترگ مو معظله
لچن ذيچ اخيام أبن عقد الوله
كلهه حركوهه عليهه أبكربله

تجري دمعاتي عله اخيام الحسين
الما بقه الها محامي ولا معين

عكب عمي أبو الفظل ،،،، عمتي صعدت هزل

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

راسي شيب من جنت أنا صبي
لأن عالطف كلشي سولفلي أبي
گلي عمتك للغرب راحت سبي
والهظمهه الحادي يابويه أجنبي

وبعد سولفلي أبويه عالجره
خله نار بقلبي دوم أموجره

گَلي جتفوهه أبحبل ،،،،، عمتي صعدت هزل

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

كام يحجيلي ودموعه تصب دمه
أبكربله أعلينه الجيوش امحزمه
وعمك العباس ليث الموزمه
ما رجع من طلع من أمخيمه

عالمسنايه شفت بدر التمام
غاب نوره وتنحب أعليه الخيام

فكد عمك مو سهل ،،،، عمتي صعدت هزل

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

والدي سولفلي عن ذاك الأمر
وانا راسي طلع بي شيب شكثر
قلب طفل حسين يتلاهب جمر
ردنه كطره نطفي قلبه المستعر

يبست أشفاف الرظيع من العطش
والسهم طوله بكبر طول النعش

سهم عبدالله الطفل ،،،،،، عمتي صعدت هزل

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

مارحت انا ولا أهلي أبيسر
والحبل بجفوفي ماخله الشمر
ولا دخلت أديارهه ذيج الكفر
شلون جا عمتي دخلت للقصر


ريت وياههه عشت ذاك الوكت
والشمر بالحبل يجتفني ردت

حكه دمعي دم يهل ،،،،،،، عمتي صعدت هزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

#رامي أبو سكينة السماوي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*شوق الموالي لزيارة الحسين ع*😭
طور الأنين العاملي~
يا كربله يا كربله~
وفّقني ازورك يا حسين
وسجّلي اسمي بدفترك
امشي الك بالاربعين
انصب عزيه لمنحرك
بكل خطوة احمّلك حنين
ياخدني ليك لمحضرك
من اوصل لارض الطفوف
اصرخ والبّي ياحسين
〰️〰️〰️〰️
جمرة حنيني عالدرب
من اخر زيارة تشتعل
متيّم بحبك هالگلب
وخادم صغير لابا الفضل
اوصل على باب الكفيل
وتجري المدامع والمُقل
وبسجدة اهوي عالتراب
واشتم عبيرك يا حسين
〰️〰️〰️〰️〰️
من اوصل لصحن الغريب
استأذن بإذن الدخول
ابكي على الخد التريب
والمدمع بجفني هطول
ابكي على الشيب الخضيب
صدرك لِـ مرضوض ب خيول
اتمنه لو صدري انسحق
وتسلم حبيبي يا حسين
〰️〰️〰️〰️
بعد عندي امنية ابو علي
ايدي الي تلمس لك ضريح لا تمسها من نار السعير
ولا تحرق عيوني لبكت
لمصيبتك يابن الامير
ولا تحرق الگلب لعشق
ترابك والك خادم صغير
ما عندي بس لك هالطلب
كل عام ازورك يا حسين

〰️〰️〰️〰️〰️
خادمة آل محمد✍🏻

عظم الله لك الاجر سيدي يا صاحب الزمان
بمصاب امام الجعفرية
مات الصادق بهاليوم بعد ما وصى بوصيه~
يا شيعة جعفر اقروها زيارة جدي يوميه~
(يعني لا تتركوا زيارة جدي الحسين ع)
تحضر كل مجالسكم امي الزهره محنيه~
تلطم عالضلع مكسور وتحصي الدمعه من كل عين~
نعم يا شيعة الامام الصادق لقد اوصنا امامنا بإقامة المآتم وحثّنا على العزاء الحسيني وامرنا بإحياء امر اهل البيت ع بالدمعة والأنة فلا تبخلو على مصاب امامكم بدموعكم اه آه
ابكو للذبيح حسين عاري عالترب مسلوب~
ابكو عالنحر دامي
راسه عالرمح منصوب~
وحريمه بولية. العدوان
سبايا تگطعن الدروب
واحسيناه واماماه واغريبا

خادمة آل محمد✍🏻