#ثگيل
الحسين وقف عند قبر الزهراء
وقال....

من حضنچ ولا شبعان طولي ها ييمه
بس هالمره گومي فوگي لولي ها ييمه
حته الما يعرفوني بچولي ها ييمه
____________________________
شلون المگبره وياچ
ضلعچ كون اذاچ
اول مره اجيچ وماكو حضنچ

ذاك الملگه جا وين
بس لا ناسيه حسين
فكي اتراب گبرچ انه ابنچ

يمه يمه
شو ماكو ضحكتچ
لوليلي اعلبختچ
مشتاگ لشبگتچ


ضيگه الحفره متكفي لصلاتچ ها ييمه
ردي لبيتنه لخاطر بناتچ ها ييمه
ما يغفن اذا مو يم عباتچ ها ييمه
__________________________________
يمه الليل چتال
ايلملم وين الاثگال
يذكرني بسوالف عن محنتچ

واروح لحجرتچ ذيچ
اريد اكعد واحاچيچ
و بس شيلتچ الگاهه بحجرتچ

يمه يمه
بالشيله ابقه اشبگ
جلمة يمّه تخنگ
رحتي ما مصدگ
يالحنينة

أخ الباب ابچي من اصدله ها يمه
كاسر ضلع أمي شرد اگله ها ييمه
والبسمار صار بنحري نبلة ها ييمه
_______________________
احچيلك حچي گلوب
حسينچ حيل متعوب
گلبي ويه ضلعچ هم تكّسر

امگابل گبرچ انعه
بلكت بيچ رجعه
ورد للبيت وحدي ودمعي احمر

يمه يمه
احچيلي انه ابنچ
شنهي اليوچعنچ
ضلوعچ مدري متنچ


اتراب المگبره عشره اويه اديه ها ييمه
منه اشگد اشيل اشمر عليه ها ييمه
كل جروح ضلعچ اجن بيه ها ييمه
_______________________________
محسنّه كبر لا
ياهو اليلعب ويا
زينب خيطتله شكد معاضد

وين نودي الخياط
نلبّسهن للگماط
ونتخيل اخونه ويانه كاعد

يمه يمه
أناغي اگماطه سكته
و نتخيل ضحكته
بشرينه اعلصحته


من گد الترافه يذبحه بسمار ها ييمه
ايماشي المگبره وما ماشه لصغار ها ييمه
جادود ولا حب كعدت الدار ها ييمه
_________________________________
علي التهوينه مكسور
عاشر درب الگبور
اول مره اشوفه يبچي يمنه

اتخوصر يم الاعتاب
وگله شبيك يا باب
ما غزر بجذعك دفو جفنه

يمه يمه
يعتاب عتبة الدار
جا ما شفتي الاصغار
المن بيچ شب نار

بوجهه اتبين ارسوم المگابر ها ييمه
اسمج من يمر يبچي ويكابر ها ييمه
الكاسر جيش ضل يكسر خواطر ها ييمه
_________________________________
#مصطفى_صادق_اللامي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

.

#ثگيل
#عشگ_حسيني

كل ليله التمُر كون آنه يمكم
تسوه الدنيا يا كعدة صحنكم
شما ابعد اجيكم
انا اربات اديكم
تسوة الدنيا يا كعدة بصحنكم
@@@@@@@(١)@@@@@@@@

مثل خيط اتجره الابره حسين يمك گوة جرني
شدت اعلوگ اعلحظره هيچ اريدنك تشدني
انه جنت ال(هذا ياهو؟؟) بخدمتك صرت شكبرني
لمن بشباچك اشبگ بجفك اشعر چن شبگني

كون بكل مسية بصحن الحسين
ازور و بالبواچي تشبع العين
ومن ارفع اديه
احس ترد عليه
@@@@@@@(٢)@@@@@@@@@
كون اردن طين يمك وسوي روحي بمشتهاتك
من حلاتك يابو الاكبر الرمح غص بلهاتك
السهام اعليك تركض وأنته ما عايف صلاتك
تحن حته اعلل يذبحك اصبع انطيته وعباتك

كون بصحنك احجيلك هذني
لو ما انته جا محد عرفني
واقرالك قصيده
بنص صحنك جديده
@@@@@@@(٣)@@@@@@@@@
ارد اجيلك ورقة بيضه ابراحتك فوگاهه اكتب
حسين سهرني لحزنكم الما سهر ما يعرف يحب
كون اجي وحبلي بدية شما اوعدك ارجع اذنب
الناس تطمع كلت گلبك لان گلبك حييل طيب

شما اذنب تگلي طايحه ابني
اتفضل يله بيتك هذا صحني
ايا روحي توبي
وابچي من ذنوبي
@@@@@@@@(٤)@@@@@@@@@@
من اسولف ويه گبتك دمعي يتگوه اعله ردني
مثل متلملم عباتك هيچ اريدنك تلمني
اگليبي اسود لابسلكم چني هيل بگلبي حزني
اكبر و زنجيلي يكبر عشره صاير ويه متني

كون اگبالك احچي ويه گبتك
صار براسي حض لمن عرفتك
من يوم العرفتك
صاحب صدگ شفتك
@@@@@@@@(٥)@@@@@@@@@
عالزياره امراكض اركض بيه يعگوب و يحبكم
الزلمه ميحسبونه زلمه اله من يمشي ابدربكم
شلون ينطيهن گلبهن الاسهام اطب گلبكم
على جتاف حسين كاعد و الله هنياله درعكم

هنيال السيوف اتگض بديكم
انا اول عدل ميت عليكم
اموت امن اجفي عنكم
واعيشن يم گببكم
@@@@@@@(٦)@@@@@@@@@@
ياهو جاي امن الزياره ابچي واشتم بثيابه
لا اخت عندي سبوهه ولا طفل نام بخرابه
ولا غريب و اوحدي باقي اولا بقيت ابلا گرابه
كون اموت انا وعمامي من رقيه تگول بابه

طولي سالم و طولك توذر
ليش نعيش ويموت ابو الاكبر
كون الموته بيه
وروحي تضل سبيه

#مصطفى_صادق_اللامي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(ليلة العليله)
#ثگيل
عن لسان ام البنين

فزت من نومتها وخافت
سترك ربي الطفله اشافت

ما ضلت سورة اعلي تعتب
وترجف حيل وبيه اتجلب
سترك ربي الطفله اشافت
..........................................
بديت بسورة الدخان
وگالت بالحلم شفته
خانگ رية العباس
وتارس كل عبات اخته
والتف حول ابوي حسين
بكل امجان بي بسته
من اهلي اشيريد يبوگ
ما مفتهمه سالفته

وضل يرجف گلبي انا وياهه
هيج احلام الما ردناهه

بلكت هاي احلام اتجذب
وترجف حيل وبيه تجلب
سترك ربي الطفله اشافت
....................................
اقرا انا النساء توني
وحجتلي اتراكضن توهن
وواحد ما اعرفه يصيح
جيبو احبال خنشدهن
وخواتي صغار خيل اصغار
ركض الحومه مو گدهن
الخلاني افز بخوف
عثرت وحده من عدهن

يا ربي احفظ اهل ضعوني
صدگ گلبي وجذب جفوني

فرگه و موت هواي اتعذب
وترجف حيل وبيه اتجلب
سترك ربي الطفله اشافت
.................................
گالت راح ابنها حسين
من گمت اتلي بالكوثر
بحلمي ستوه يشبگني
جسد باقي بله منحر
كلما تبتعد زينب
جروحه اتحومر وتكبر
وبعد ما ينشبگ للدوم
احضنه ومني يطشر

ابن الكوثر بير بشفته
الذبحوه غشمه ايعثر بخته

بضعنك شافت ناس اتسلب
وترجف حيل و بيه اتجلب
سترك ربي الطفله اشافت
..............................................
بسورة يوسف انا اقره
وما بيهم اضن جيه
شيسكته وبيش اصبرنه
يعگوب الكبر بيه
شيصبره وعالطشت شايف
تموت بسكته لبنيه
خرز عگدوهن بزنجيل
وتجر علويه علويه

احبال يجرن بس مليعبن
هالمرة بكل جره يونن

وگالن خيتي الفرگه اتعب
وترجف حيل و بيه اتجلب
سترك ربي الطفله اشافت
........................................
ابمريم رتلت توني
وگالت عيسى عاف اهله
نطق وبنحره معجزته
يسولف دمه عالنبله
بعد صار اكثر واكثر
لو عالنبله بس سهله
من مگفاه بدو ذبحه
وراسه اعللرمح يعله

الجان يضّحك گلبي امدمه
ما ضل شي سالم بس اسمه

وللشام بنص رمحه امغرب
ترجف حيل وبية اتجلب
سترك ربي الطفله اشافت

#مصطفى صادق اللامي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل
#عشق_حسيني

يالتعرفني و تدري شبيه
عشت بروحي يابو رقيه
.
.
انه مثل الطير هايم اشلون اطير ابلايه ريح
لو جنح مني تكَسر اعله وَجهه الكاع اطيح
و اعثر ابين المتاهه و لو طحت باسمك اصيح
هيه دنيا وكلشي بيهه وهوه بس انت الصحيح
يمنجيني و لازم اديه
.
فتحت عيني و اجيتك انه ضامي و انت ماي
الدنيا ضلمه بلايه عينك صعبه اشوف بلا ضواي
انت مثل الديره شفتك و ما يعيش الماله راي
مختنك جيت اعله دربك شلون اعيش بلا هواي
جيت بكلبي مصفي النيه
.
بكل جهات البيه شفتك بكل عشيره انت الجبير
ما سمعت بشيخ يعطش ويبقه بعياله يحير
مَدري ليش شـمـا شوفك احترك دخان اصير
ما لكو نعش اعله طولك لهل سبب شالك حصير
يل عالغبره باقي رميه
.
انته كل الدنيا باسمك تالي تتغرب عجيب
خـدك الحَبه مُحمد عالرمل دامي و تريب
يالجروحك صعبه تنعد و انته للعله طبيب
الله خالق كلشي لاجلك انت موطن مو غريب
يمضحيلي اخيامك اليه
.
شكد نعاوي بكلبي شايل كلبي لاجلك منكسر
انت يمدوخني جرحك عايش انه و مستقر
و انت اهلك بالصحاري و زينب اختك باليسر
حافض اهلي وبيتي كله و تمشي بنتك عالجمر
سلبو هدمك بالغاضريه

#علي الحسن العگيلي


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل
لمولاي الرضيع

اغفه يالكاروكك ايدي باچر ايچهبك ذبح
يالتعودت اعله حظني ايطلّع الروح الرمح
هاي ادية الربتك .. حرز شدها ابرگبتك
عبد يا بعد اليدمعن
============
اسم الله نام ولا تفز
راح اطرزلك حرز ...… من الارماح
باچر اگماطك نعش
باچر ايفحطك عطش….. اغفه وارتاح

انت اول رزق لله ويا عِطيّة شلون اردّك
الليلة من گد ما فگدتك ايدي سچتها اعله خدك
يا علگ شباچ روحي وين وبيا فضة اشدك
اوگف وارجع الولي وگمت انومنك واگعدك

يالمدلل وين اضمك والعطش عينه سهم
وين انومنك عوافي وما يلمنّك خيم
وكل براءة ضحكتك .. حرز شدها ابرگبتك
عبد يا بعد اليدمعن
===============
يابخت حچيي الخيم
يالخضارك بالعلم .. .. .. شفته منثور
روّح اعيوني السهر
وياخذك لمحة بصر .. .. .. مني عاشور

انت نورس شاطي روحي يالمحلّي رموش دربي
يابزر گعدة الخيمة ويا چبير ابعين گلبي
گرّبت ساعة ذبحتك راح اگل لعيوني صبي
تعبت ايدي ونزلتها امن الغروب اندعي لربي

امن التعب والخوف امك وگّفتها امشچلة
عبد نام وانت تضحك بچي باچر كربلة
يمة عدّل نومتك .. حرز شدها ابرگبتك
عبد يا بعد اليدمعن
==============
جزه افراگك عالگلب
وبالعمر يشرب شرب .. .. چنّة عطشان

يالتنشز بالذبح
كلش اثگيل الرمح .. .. وانت فحطان

يالسمارك طفّة ليلي اليوم يمعتبر اشطالع
تذب گلبك عله المامش چنك ابخور الجوامع
يا شتال لكلشي يابس يادليل لكلشي ضايع
دمك اينز اعله ايدي وانچفي ابخد الشرايع


يا ربة املوحة بزرتي حظني بغيابك مصخ
خشب كاروكك تفطر والسهم كلش كشخ
عيني خرزة ابجبهتك .. حرز شدها ابرگبتك
عبد يا بعد اليدمعن
=============
ها يواهسنه الامس
الك كل دورة شمس .. فدوة تندار

روحك اترف عالگبر
رفة اجناح النسر .. .. والذبح حار

ماكو غيمة وطف يعطّش حته بفراگك تذبّل
شامة بالتاريخ دمك شايخ وشامخ يسجّل
كل ملامح عرش الله اسم الله يم اذنك ترتّل
اخطوط كوفية رموشك وانت ناعم ريش بلبل

ياچبير بكلشي زاغر يا زغير المگبرة
ارجع ولملم ربابك عالگماط امطشرة
يمة تكتل حرگتك .. حرز شدها ابرگبتك
عبد يا بعد اليدمعن
===============
يَ ابيض بديرة كحل
اعيونك اكبار وشهل .. .. يحلى الاولاد

ردت تكبر يا نده
حتى لو شيبي بده .. .. بيدك انگاد

ردت اسولف عندي زلمة شاب توه وجاي يكبر
هوه افراگك خنگ حلمي والوكت عالفقرة يفتر
عبد ما يصلح تموت و طولك المفتون يزغر
بيدر لكلشي حمامة يبني ريجك شلب خضر

تنجرح مو اله نبلة بالگطن من تنگطف
يالحچوك بلون گلبي يا رسالة بلا ظرف
بالسهم ذب ذمتك .. حرز شدها ابرگتك
عبد يا بعد اليدمعن
=============
#علي هادي الخزعلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم
#ثگيل

[ عرسك حِلِم ]

مِن وجهك يغار الوَرِد ... يالحِنِتّك دمع ونَبِل
جسّام لُامّك يابني صِد ... ما عندي كَلب ويحتِمِل
_

طولك غَزَل .. وجهك أمل
وبعيونك الحلوة زَعَل
جفّك تَرِف .. بس ينوصف
بركان ثائر لو حِمَل
مشيق نسق .. واقره الفلق
مِن نظرة البيها خَلَل
كَلبك سمه .. وبفاطمّة
معوّذتك آنه وبالكِفَل

ذاخرتك لشيب الكبر ... يالغَبِتَّك تكتل كتل
ردتك توسّدني الكَبر ... ما عندي كَلب ويحتِمِل
_

ضحكك سَمَر .. وجهك كَمر
ووكت الصلاة دمعك مُطَر
مِن تندعي .. يغيب الوعي
خشية الهك مو سقر
يابن الحسن .. دار الزمن
وامُك بقت بس للقهر
حيلي انهدم .. كَلبي انلجم
وبطيحتّك رَك النَظَر

عيوني طفن وي شمعتّك ... ما اشوف يالبيك استِدِل
ماتت ضحكتي وزفتّك ... ما عندي كَلب ويحتِمِل
_

أمّك جَرِح .. فكَدك مِلِح
والدنية ظَلمة بلا صُبِح
ثوب العرس .. بايدي من امس
كلما أشوفنّه انذِبِح
كَلبي انصِدَع .. بموت الزَرَع
يوليدي شينوّم الفِلِح ؟!
هوّه الفُكََد .. مِثلك وَلَد
كل صفنة يصفنها رمح

ياخيمتي الطاحت عليّ ... إخلافك بَعَد بيش استِظِل ؟!
الحِنّة بعدها بجف اديّ ... ما عندي كَلب ويحتِمِل
_

مات الضوه .. وضاكَ الهَوَه
ولجروحي ما ينفع دِوَه
أطفي الشمع .. واعلكَ دمع
عطشان خدّي وما رُوَه
عرسك حِلِم .. بس ما يِتم
زفّوك يُمّه لنَينَوَة
وجنت انتِظِر .. منّك بزر
واكَعد وي اطفالك سوَه

كبّرتك وشفت التعب ... وجنت انتِظِر منّك نَسِل
سامحني مِن تسمع عَتَب ... ما عندي كَلب ويحتِمِل
_

يادنيتّي .. يامهجتّي
يادمعتّي ويا ضحكتّي
ليش ارحلِت .. واستعجلِت ؟!
ردتك متن لجنازتّي
مِن جم سنة .. لعرسك أنه
أعكَد وافل بشيلتّي
وتالي شحِصَل .. جسمك وِصَل
ما حقّقتها منيتّي !

بالجَنّة يُمّه المُلتقه ... وبعرسك هناك احتِفِل
كلشي خلص بس البُقَه ... ما عندي كَلب ويحتِمِل


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل
لمولاي الرضيع

اغفه يالكاروكك ايدي باچر ايچهبك ذبح
يالتعودت اعله حظني ايطلّع الروح الرمح
هاي ادية الربتك .. حرز شدها ابرگبتك
عبد يا بعد اليدمعن
============
اسم الله نام ولا تفز
راح اطرزلك حرز ...… من الارماح
باچر اگماطك نعش
باچر ايفحطك عطش….. اغفه وارتاح

انت اول رزق لله ويا عِطيّة شلون اردّك
الليلة من گد ما فگدتك ايدي سچتها اعله خدك
يا علگ شباچ روحي وين وبيا فضة اشدك
اوگف وارجع الولي وگمت انومنك واگعدك

يالمدلل وين اضمك والعطش عينه سهم
وين انومنك عوافي وما يلمنّك خيم
وكل براءة ضحكتك .. حرز شدها ابرگبتك
عبد يا بعد اليدمعن
===============
يابخت حچيي الخيم
يالخضارك بالعلم .. .. .. شفته منثور
روّح اعيوني السهر
وياخذك لمحة بصر .. .. .. مني عاشور

انت نورس شاطي روحي يالمحلّي رموش دربي
يابزر گعدة الخيمة ويا چبير ابعين گلبي
گرّبت ساعة ذبحتك راح اگل لعيوني صبي
تعبت ايدي ونزلتها امن الغروب اندعي لربي

امن التعب والخوف امك وگّفتها امشچلة
عبد نام وانت تضحك بچي باچر كربلة
يمة عدّل نومتك .. حرز شدها ابرگبتك
عبد يا بعد اليدمعن
==============
جزه افراگك عالگلب
وبالعمر يشرب شرب .. .. چنّة عطشان

يالتنشز بالذبح
كلش اثگيل الرمح .. .. وانت فحطان

يالسمارك طفّة ليلي اليوم يمعتبر اشطالع
تذب گلبك عله المامش چنك ابخور الجوامع
يا شتال لكلشي يابس يادليل لكلشي ضايع
دمك اينز اعله ايدي وانچفي ابخد الشرايع


يا ربة املوحة بزرتي حظني بغيابك مصخ
خشب كاروكك تفطر والسهم كلش كشخ
عيني خرزة ابجبهتك .. حرز شدها ابرگبتك
عبد يا بعد اليدمعن
=============
ها يواهسنه الامس
الك كل دورة شمس .. فدوة تندار

روحك اترف عالگبر
رفة اجناح النسر .. .. والذبح حار

ماكو غيمة وطف يعطّش حته بفراگك تذبّل
شامة بالتاريخ دمك شايخ وشامخ يسجّل
كل ملامح عرش الله اسم الله يم اذنك ترتّل
اخطوط كوفية رموشك وانت ناعم ريش بلبل

ياچبير بكلشي زاغر يا زغير المگبرة
ارجع ولملم ربابك عالگماط امطشرة
يمة تكتل حرگتك .. حرز شدها ابرگبتك
عبد يا بعد اليدمعن
===============
يَ ابيض بديرة كحل
اعيونك اكبار وشهل .. .. يحلى الاولاد

ردت تكبر يا نده
حتى لو شيبي بده .. .. بيدك انگاد

ردت اسولف عندي زلمة شاب توه وجاي يكبر
هوه افراگك خنگ حلمي والوكت عالفقرة يفتر
عبد ما يصلح تموت و طولك المفتون يزغر
بيدر لكلشي حمامة يبني ريجك شلب خضر

تنجرح مو اله نبلة بالگطن من تنگطف
يالحچوك بلون گلبي يا رسالة بلا ظرف
بالسهم ذب ذمتك .. حرز شدها ابرگتك
عبد يا بعد اليدمعن
=============
#علي هادي الخزعلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل
#مولاي_القاسم


يبني جاسم .. فكرت بالغَيبة
بگلبي احسه .. كبر غصن الشيبة
حنتك والياس والصينية
لو متت باچر يغثن بية
============
يأول شيبة جاست گلبي بالوينك
الشمس لچمة ضوة وجرحك روازينك
تَفوت لخيمة امك حنّي چفينك
ومنا للصبح خل عيني وي عينك

يابو الاعيون.. الوساع .. تعال اگعد
نفرش افراگ .. عله الكاع.. تعال اگعد

جيس ايدي .. تلگة رجفة فاگدة
يغضب الله .. لكسر فگد الوالدة
لهفتي المكسورة والحنيّة
لو متت باچر يغثن بيّة
=============
يعافيتي واصيحلك يعايفني
ألاحف وكتي بيك وظل يلاحفني
اريد اكتب رسالة بمحبرة جفني
حلف اگظي الرسالة وما محلفني

بعينك اليوم .. يجسام .. اريد احلف
بگلبي لك مگبرة احلام .. اريد احلف

يمة راسك .. اخذه يمي وجيبة
برگبتك گام ... الرمح ياخذ غيبة
امتانية اعيونك تمر اعليّة
لو متت باچر يغثن بيّة
=============
يفانوس السلف ما تطفه عالحيطان
يأية ايصير تابوتك جلد قران
ييوسف فوگ حزنك تنچفي القمصان
يراح تموت يالتگظي الگلب گظيان

يالجمالك .. حچي غروب .. عبر يوسف
اغيابك ايوگف الاگلوب .. مثل يوسف

استاهديتك .. نجمة تحچي اعيوني
وبرگبتك .. ذمّة حمل امتوني
راح الف احمولي بالخاچيّة
لو متت باچر يغثن بيّة
=============
اخمك ليش اخمك تبعد وتكثر
تجيب التايهين اهدومك العنبر
غصن زيتون وشصلبك تخر اخضر
تگص صبعك اخافن حنّتك خنجر

باچر اتموت .. يعريس .. عرس مامش
تطفة حرگة الفوانيس .. عرس مامش

اباب گلبي .. راح اظل امتانيَه
شرد اگلك .. انته روحي الثانيَه
اهدومك لريتي درب عوچيّة
لو متت باچر يغثن بيّة
==============
يواهس گنطرة وطفحت عله ارداني
شلب فگدك شرب صفنات گيعاني
صوانيّك خذت من لون بيباني
الشمع والياس واحد يحرگ الثاني

اخطيتي صارت .. بعد بيك .. يماي الله
نخلة عطشانه اجي اعليك .. يماي الله

اه يوكتي… احذر امن الحوبة
امن العفتها .. فاگدة ومتعوبة
الفاگدة العريس والمحنيّة
لو متت باچر يغثن بيّة
============
اسافرلك وطن واندارلك غربة
وابدّيلك گصص ملتهن التربة
واسيرلك گلايد عوزها الرگبة
الفاگد نقط ضعفة المگبرة وگلبة

الوحشة صعبة.. اعله الاحباب .. تصليها
اهدومك اِبنيّة اتراب .. تصليها

باچر اوگف .. بفخر احچي وهمة
هذا ابني .. الفده ابراسة العمة
واجي ابيّرغ ابيض امن النيّة
لو متت باچر يغثن بيّة
==============
#علي هادي الخزعلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل

بسم الله الرحمن الرحيم

[ بعيونك عِطَش مرسوم ]

بعيونك عِطَش مرسوم ... رضيع وبالسهم مفطوم
زاعلت الفرح والنوم ... يعبد الله يعبد الله
_

يا وَرِد مو ماي يسكَونك سهم
أنته أوّل طفل بالنبلة انفطم
رفرفت أيدك مِثِل رفّة عَلَم
ركَبّتك تنزف عطر لو تجري دم ؟!

صعد دمّك ونزلت روس ... بجفوفك بقينه نبوس
بحضن ام الحسن محروس ... يعبد الله يعبد الله
_

وحشة يا يُمّه الحظن ويّه المهد
ويا [دللّولك] فهت كلّش بَعَد
السهم ظَل يجوي بركَبّتك لو بُرَد ؟!
عمت عيني فوكَ عينك دم جمد

دمّك جمد فوكَ العين ... بيك السهم لو بحسين ؟!
ما ميّزت بيكم زين ... يعبد الله يعبد الله
_

يُمّه وبراس السهم شِفت الوِريد
مبيّن شكَد ظال تسحب بي أكيد
تارك بعود السهم لزمات أيد
ترف نحرك ما حِمَل حَر الحِديد

عتابي ويه النسيم الهاب ... جا لو حرّك النشّاب
نحرك أبد ما ينصاب ... يعبد الله يعبد الله
_

جنت أحلم تمشي وانظر خطوتّك
تالي ما تالي السهم حَز ركَبتّك
جنت افكّن ريجي يُمّه بضحكتّك
هسّه شو يبست بخدّك دمعتّك

الله يرحم الأحلام ... الله يعاوّد الأيّام
الله يحاسب الظلّام ... يعبد الله يعبد الله
_

ضيوف آنه وياك جينه لكربلة
وعزبّت النه بسهم مِن حرملة
ضيوف بس ما سمّعتنه ال[ياهله]
سمّعتنه شلون تبجي العايّلة

أدّت وجاب الخطّار ... جيش ، وخيل ، موت ، ونار
سهمك سبّبه البسمار ... يعبد الله يعبد الله
_

هذا جرحك يفتحلنه شجم جرح ؟!
يُمّه للشَم ركَبتّك مو للذبح
الله ويّاك .. آنه وي جرحي الملح
ليش نورك طافي يا وجه الصبح ؟!

معانيّك خفاها الدم ... ومن عينك يصب زمزم
هوّه الهجر ما يرحم ... يعبد الله يعبد الله
_

حجي بوجهك طلّسم ما أفهمّه
بي خرابة ، وشام ، ديوان ، وضمه
نلت باستحقاق حِسن الخاتمّة
رحت بكَماطك تسجّل ملحمة

تكتب ملحمة أجيال ... طفل بس زلمه بالأفعال
وكَفتك تسوه جم رَجّال ... يعبد الله يعبد الله


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم

#ثگيل

[ وِداع الغالي ]

وِداع الغالي يِترِك جَرِح غالي
يرجّع ذكرياتك واللّيالي

والفاركَ حبيبه ... يرتاح بنحيبه
_

مِن وادعته هلّت دمعة عيوني
وتغيّر نَبُض كَلبي مو فقط لوني

تشابكَنه وبجينه وطحنه فوكَ الكَاع
وتغيّر وضِعنه
ولحظات الموادع تُمُر حيل بساع
ما ترحم دمعنه

وحكَ اللّي بكسرها اندبت فضّة
عُمُر نَوح بوداعه جنّه لحظة

المَر بهالمصيبة ... يرتاح بنحيبه
_

مادري شلون راح اتحمّل فراكَه
يَمّه وآنه احس بروحي مشتاكَة

طلعت روحي لمّن طِلَع منّي حسين
واشعر كلشي غايّب
بيها شكَد سوالف بِالِوداع العَين
تفهما الحبايب

ترك خِلّة برحيله يسدها موتي
أحجي بدمعي لو أحجي بسكوتي

والضيّع طبيبه ... يرتاح بنحيبه
_

ما متعودة يوم حسين ما شوفه
راح وعيني ظلّت لازمه جفوفه

مشه وكلمة [تعال] انطبعت اعله اشفاي
لكن ماكو رجعة
ودّعت العُمُر وتبدّه مِثل الماي
خلّص دمعة دمعة

شكلين الدمع وكَليبي مشتاكَ
أكو دمعة ملاكَه ودمعة افراكَ

الما ياخذ نصيبه ... يرتاح بنحيبه
_

أجر ابّالي حتّه يطول بوداعه
قارب أمنياتي تيّتم اشراعه

رسى بساحل حياتي الحزن واللّوعات
والهَم والأذيّة
عِشرة اويه الدمع ما أعرف الضحكات
مِن ضيم العليّه

بوداعه الدمعة مثلي تكَوم واطّيح
سنيني شموع والطف عاصفة ريح

وجم عيسى بصليبه ... يرتاح بنحيبه
_

مِن يوم الزجيّة ليومي مقهورة
بلا بسمار احس ظلوعي مكسورة

عشت عصرة وكسُر وبروحي تسعر نار
منها شكَد اعاني
سهم افراكَه ما يتقارن ابّسمار
يذبح بالأماني

ما يسوه العُمُر مِن دون الاحباب
عصرة روحي اشد مِن عصرة الباب

والروحه غريبة ... يرتاح بنحيبه
_

خلصت وانتهت عِشرتنه بالونّة
ظَل عندي الأمل نتلاكَه بالجَنّة

موعدنا اعله حوض الكوثر آنه وياه
يتجدّد لقانه
وويّه الشيعة باجر بالحَشُر ننعاه
ما يخلص عزانه

مجلس بالقيامة انّصبه وانّوح
ويجي حسين ونشاهد نحره مذبوح

وكَلبي الكلّه طيبة ... يرتاح بنحيبه


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ثگيل
(حياة خادم)
هي مختصر لحياة الخادم

الطفل اول ما يجي يبچونه
امن ادموع عينه خادم يعرفونه
وأمه بوجعها تشكر شكد الله
هذا الاجاني خادم لعبد الله
___________________________
بين صوت الله أكبر والبچي والياهله
گال ابو بس الله يفرج اخذ ابني لكربله

وگبل متشربه امه ويضوگ اللبن
شرب حبك من حچتله اعللصحن
ومن كثر ما حبك اعيونه بچن

ويا زنده شدو بي علگ من عدك
ولابس حرز والحرز صورة ولدك
وبدموعه جده كض ترتبته وصله
هذا الاجاني خادم لعبد الله
______________________________
ومر عليه اول محرم وعمره چان اچم شهر
لبسو دشداشه سوده و طلع احله امن الگمر

وجده شاله وبالمواكب ضل يفر
و لو يجي يم التشابيه و يمر
على الفطره ايدير وجهه امن الشمر

هيچ الطفل بحضانكم ضل يربه
ايسكتونه من يبچي ابصور للگبه
والدخل گلبك يا بشر يوصله
هذا الاجاني خادم لعبد لله
__________________________________
بصف الاول توه يدرس وانسئل عن الوطن
الوطن گلهم يعني مجلس نبچي بي وي ام حسن

وحته حيطان المدارس صفگت
و العصافير التزقزق غورگت
والمعلم عينه ما صبرت بچت

الدار يعني الصحن جان يگلهم
والدور من يبدي عزه موكبهم
وبالمجلس يضل يكنس بكل عطّله
هذا الاجاني خادم لعبد الله
_____________________________________
كبر طولة وشاربه انخط وشاب صار ابخدمتك
وگل لأبو حزمني فدوة وضهري شده بغترتك

وجان هذا اكبر ورث من ضهر ابو
بنفس غترت و الده من حزمو
حته نفس اللطمه لمن باوعوا

وهم وارث احزانه على المسبيه
و وراث مكانه الي بالحسينية
والشرب حزنك ما تجيسه الغفّله
_______________________________________
شيب الخادم وحدب و ولده لمو كبّرته
وضل على اولاده ايتعكز وما لزم عكازّته

وللمجالس بي يگودون الولد
شايب ووكت العزه ينزل يشد
قصه الخدام احله امن الورد

يحسين حزنك بينه كلش غزر
انموت ويعيشنه طاري المنبر
عيشنه طعم اللچمه يا وجه الله
هذا الاجاني خادم لعبد الله


كمل نص دينه بزواجه ومرته مراها الحمل
ويدعي يطلع مثله خادم لو يجي هذا الطفل

واجه اوليده وجانت ادموعه تهل
وگمطه بغترت ابوو وشال الطفل
وهزه جن هزت رقية اعللهزل

وشال ابنه ويسولفله عن الحضره
وحط برگبته السبحه واشتم عطره
وهم مثل جده كض تربته وصلّه
هذا الاجاني خادم لعبد الله

مصطفى صادق اللامي