نعي لليلة العاشر

محتاره يــم حسين شنعه
مذبوح نحره ونحر اصبعه
شادهني جـان اهواي طبعه
ميـت وعينه اعلـه ربعـه


لمن وصلنه حسينه اجروح
وسلم علينه بصوت مبحوح
حسيت توني بطلعت الروح
عطشان گتله وگـال مـذبوح


ياسالفت مـوتـك طلابـا
ومـا تفض الا بخـرابـا
وراسي الشبع منك ترابا
بتك غفت عل وين بابا


رتــك الــي يحسيـن رتــك
فك بلجذب عينك عله اختك
شايـطه مـن الشيـب اجتـك
نــزل السهــام وهـاك بتـك

#محمد النواس





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ أبواب الحب ]*

أداء: الرادود #ميرزا_حيدر_الابراهيمي
كلمات الشاعر: #باسم_الخاقاني
الذاكر: السيد سجاد الخرسان

https://youtu.be/xtvV7q8jdIY

مجالس ليالي شهر محرم الحرام 1443 هـ _ 2021 م
مجلس الليلة الرابعة من المحرم
عزاء مضيف سلطان بني هاشم عليه السلام- العراق - سوق الشيوخ

مونتاج: سجاد محمد
مكساج: علي هاجر
هندسة الصوت: لؤي الحسيني
اخراج: اكرم ورد
مخطوطة: زين عباس
النشر الشبكي: علاء بركات العاملي

*[ لا يعتقد مقاتل ]*

أداء: الرادود #علاء_الغريباوي
كلمات: الشاعر #ناظم_الحاشي

https://youtu.be/L7cIeLPbDgQ

مجالس شهر محرم الحرام لسنة 1443 هـ - 2021 م
مجلس الليلة الخامسة من شهر المحرم (ليلة أصحاب سيد الشهداء عليه السلام)
عزاء هيئة نور الزهراء عليها السلام - العراق - الناصرية

مونتاج وتنفيذ: محمد أديب
مكساج: كرار الموالي
تصاميم: رضا العتابي
النشر الشبكي: علاء بركات العاملي

#القاسم_ابن_الحسن
جديد محرم ١٤٤٣ هجرية قصيده بعنوان (شمع العرس) طور الفراق لسان حال رمله

يمه جاسم.... الليله طفوا شمعتك
يمه جاسم... بالدمه دافوا حنتك
يمه جاسم... بيه جمر امصيبتك

يمه جاسم...روحي ذوبهه المصاب
يمه جاسم... دمك الاصبح خضاب
يمه جاسم... عمري صفحه من العذاب

يمه جاسم... نار تسري بالضلوع
يمه جاسم... من دمه اهمل دموع
يمه جاسم...انحب بحسره والوع

يمه جاسم... مصابك وموتي سوه
يمه جاسم... مختنگ حتى الهوه
يمه جاسم... قبري ريته بنينوى

يمه جاسم.... ظلمه ليل الغاضريه
يمه جاسم... روحي تنحب للرزيه
يمه جاسم.... ريت موتتنه سويه

تمت بعون الله تعالى
خادمة الزهراء / ليلى زغيب


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*لسان حال رمله تسأل عن ولدها القاسم*
وينه ابني… من نسل طه وآله
وينه ابني… خلني اشوف شلون حاله
وينه ابني… گالو معفور برماله

وينه ابني… هذا عرّيس الهواشم
وينه ابنه… عالترب گالولي نايم
وينه ابنه… من العطش ما اتروّا صايم

عالترايب… شافته ولطمت عا خدْها
عالترايب… تودع الغالي يا وسندها
عالترايب… اتعفر الجاسم ولدها
*الله يساعد گلب الام شلون شافت ولدها بهاي الحاله*
انت جاسم… منهو الي هشّم جبينك
انت جاسم… جاوب امك ٱجت تعينك
انت جاسم… يالولد بطل ونينك
خادمة آل محمد✍🏻

ودعتني : وادري رايح ما ترد
ودعتني : وگتلك اقرالي الحمد
يمه احس بغيبتك مات الهوى
ها يلاكبر وادري ما نرجع سوى
ودعتني :: ودعتني
………………………………………..

ها يلب حشاي يربات الصـــبر
يمه بس لحضات اريدك تنتظر
ردت اروح وياك ما ردت العمر
راح اعيش بليل ما صاحب فجر
يلعفتني :ضاع كلشي بغيبتــــك
يلعفتني : شلون اردن وحشتك
وين راح تروح مو گلبي انچوى
يمه احس بغيبتك مات الهـــوى
ودعتني ودعتني

طبع بيها الوالده اتاني الــــولد
گلي يمتى تعود مو گلبي انمرد
هيه صعبه تروح ما ترجع بعد
يمه ردتك عافيه وخيمه وسند
ما شفتني :: من طحت بموادعك
ما شفتني :: من صحت شيرجعك
مو گلتلك حظني منك ما روى
يمه احس بغيبتك مات الهوى
ودعتني :: ودعتني

طولي بعدك غاب بانهار الدمـــــــع
صوتي صح موجود بس ما ينسمع
گلبي غير يهيــــــــــــد يصبر يقتنع
مني يزعل لو گلت ما ننجمـــــــــع
حيرتني :: يا دليلي بصفنتك
حيرتني :: والله تكتل چلمتك
تحچي عل مايلگى راحه ولا دوى
يمه احس بغيبتك مات الهـــــــوى
ودعتني ::: ودعتني

لو تروح وياك امشي بهالــــدرب
ارد افيي اعليك يا نبض الــــــگلب
تدري يمه شعندي يا موقف صعب
من اشوف رباي جثه بنص حـرب
عذبتني :: دامي شفتك علثرى
عذبتني :: والله عشت الاخره
والله گلبي بروحتك حيل التوى
يمه احس بغيبتك مات الهوى
ودعتني :: ودعتني

ارد انوح اعليك حد لبس الچــفن
وارد اشوف الخيل بيك شكسرن
بالحوافر صعبه لو ينرض وطـن
يا بعد روح امك وذني العمــــــن

فارگتني :: وانتهت كل عشرتي
فارگتني :: يلمعدل شيــــــــلتي
گلبي ما ينطيني ادفنــك يلضوى
يمه احس بغيبتك مات الهـــوى

كلمات خادم الحسين / #رعد الفريجي





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

رباطات هوسات للطم في ليلة ونهار العاشر


ولا تذبحونة = ولا تذبحونة خلوه ارد اودعة ولا تذبحونة
=====================
هجمت الخيل = هجمت الخيل يخوية تلاحگونة هجمت الخيل
======================
كاسرة ظلوعة = كاسرة ظلوعة خيل الاعوجية كاسرة ظلوعة
=======================
يابسة ارياگة = يابسة ارياگة فلا واحد يرحمة يابسة ارياگة
==========================
صاح ذباحة = صاح ذباحة..اخذنا الثار منك صاح ذباحة
======================
ترست الگاع = ترست الگاع لحم وعضام منة ترست الگاع
==========================
راح والينة = راح والينة علينا الگوم هجمت راح والينة
==========================

#أسالكم الدعاء رائد الاسدي





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

راية العبـــــــــــاس طبت
هاشم الخيـــــــاله عرگت
للنزال احــــــــــزام شدت
طافت الرايه المعـــــسكر
ضلت اعله الحــومه تفتر
شوفتهم مـــــوت الاحمر
عراكه راية عباس

رايه وجه حســــــين بيهه
والبخت ملتــــــــف عليهه
بيد ابو فاضــــــل حچيهه
من يهزهه بالحــــــــرايب
تردم اصفـــــوف الكتايب
شالهه ودگــــهه الشوارب
زتاها للمــوت الناس

اخيالهه اعله الخيمه طايح
ودارت اعله الجــيش بارح
ترست العســــــــكر نوايح
شيلت الرايــــــــــــه لهلهه
شدهه عـــــــباس ويحلهه
حفرت الگــــــــاع ابثگلهه
دگـــاها عالماي ابزود

كلهه تعرفـــــــها الحمايل
الهه راعي واسمــه كافل
گمّـطت بيــهه ابو فاضل
امه ماتخلف وعــــــدهه
گـــــــالت العباس گدهه
ايذب چفوفه ومايهدهه
شايلهه عالراس اعگال

تعثر الخيـــــــــل ابهواها
وتسطر الواگـــــف وراها
جيش كامـــــــــل مالوها
يوم ابو فاضـــــل زمخها
شردت الناس وشچــخها
رايته محــــــــــد شبخها
ياويله اليطخها اليوم

خادم القصيده
#شاكر الصيمري






https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الحگو اخيامكم حرگوها يحسين

طلعنه امن الخيم من دخنت بينه
ورانه النار ذبت حيــــــلهه اعلينه
وين انروح عســـــــكرهم يلاگينه

وطشت كـل عبينه اعله الميادين
الحگو اخيامكم حرگوها يحسين

ماضل حيـــل بينه التنهطر حگهه
چم طفله گبل لاطـــاحت الحگهه
والتعرض اگبال الخيــل تسحگهه

وبيش انردهم وضـــــلت نساوين
الحگو اخيامكم حرگوها يحسين

خويه التحترگ چابيـــش اطفيهه
الماتچويهه خيــمه الگاع تچويهه
علويات محــــــــــد يفزع اعليهه

الوذن بيمن وكــــــل اهلي ميتين
الحگو اخيامكم حرگوها يحسين

بحبال الخــــــــــيم ضلينه نتعثر
بيني وبينكم بـــــــس الزلم تفتر
من كثر الشرار الغيـم صار احمر

عمانه اترابــــــهم والنار صــوبين
الحگو اخيامكم حرگوها يحسين

جابو نــــــــوگ مابيهن محاملهن
يحسين البنات شلون اصــعدهن
مچتوفه بحبل ياهـــو اليعاونهن

امودع بالله خويه اليــوم ماشين
الحگو اخيامكم حرگوها يحسين

خادم القصيده
#شاكر الصيمري





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

طاح من مهره يزينب لحگي اخيچ

اطلعي حسين طاح وصوته ماسمعه
علي السجاد گـــــــال الخيل لتوجعه
صحت عالخيل محد عــدنه ونفزعه
يون حسين مــــــن اتسحگن ابضلعه

عوفن اضلوعه يخيل حسين خلص

اجاني المهر سرجــــه امهدل ودامي
طلعت اركاض والتل طيــح اجدامي
متربه الحومه صــــارت كلهه كدامي
خويه شضال بيـــــك وتنذبح ضامي

ايطيح كدامي ثلث مرات اشوفه

طحت يحسين والطف دخن اعلينه
ماندري الخيــــــــــول امنين تلفينه
مامنكم عدل يســـــــــــمع بواچينه؟
اتريد اتروحـــــلك وامچلبه بسكينه

گطعت انفاسه حــــــوافرهم يسكنه

الفزع صوبين والنار اعله صيــواني
اطفي بخيمه تحرگ خيــمه عدواني
عمتني الخيل چـا شمسويه بخواني
حوافرها ثگيله وصـــــــــوتهه أذاني

كضن الهيمه يعمه الخيل اجتنه

طرينه الصــــــحاري منين مانركض
نشوف اگبالنه احبــــال الزلم تعرض
لا هيه حرب ونگــــــــول هم اتفض
فحطانه رقيه وباليطگــــــهه اتكض

ضاعت امن ايدي يبو فاضل رقيه

#شاكر الصيمري




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ماجت الحومه وحچت بعناده
علي الاكبر يرتجل عالقاده
___________________________

طب جير اخوانه ويدور الاكبار
الحومه صارت ضلمه من كثر الغبار
وال اميه بعينهم طفه النهار
سولف وبين. اعناد الساده
__________________________
صال فوگ المهر واشتد الضراب
من جزه اتوازت جثثهم عالتراب
احتارو الطف هذا لويوم الحساب
لو رجع حيدر وعاد امجاده
_________________________
مو. بشر گالو غضب لو انتقام
عالعساكر هسه خل نقره السلام
كص رگب جيش وعبر لرض الحرام
ونطوتله. . طويت. السجاده
________________________
ثنه الحومه وعالمهر ضل منتچي
هيبه وينگط بده ملوحة حچي
گالهم من خوفكم. شبو بچي
الموت بيدي وانه اوزع امراده
_______________________
باشط ويعشگ وميض الباشطات
صال عالعسكر وسواهم شتات
الشرد منهم شرد والمات مات
حگه حيدر يفتخر بولاده
_________________________
اسيوف كسرها وگطع روس الرماح
يرتجل ويصيح حي اعله الفلاح
علي بسابع سمه ايشوفه وعفيه صاح
لا تخلي الگابلك يتماده
_________________________
عبدالامير السعيدي

وين وعدك يلكبر وين وعدك
شيل خدك ييمه شيل خدك
ليش نايم علتراب… هاي مو نومت شباب
*
وين وعدك ذاك اليه وكتلي انه ابنج ضخر
وكتلي انه ابنج تجيــــه يمه وبتالي العمر
شنهو صــار ودار رايك ليش عجلت السفر
ماحسبت حسابه امــــــــك من يزته للكبر
ليش يبني استعجلت…… ..وغفله عن عيني غبت
ورد انشدك يالاكــــبر رد انشدك
***
رد اكلك عيني تطفه وهاي لا تحسبه الي
ومن يدليني علــــــدربي ومن يعدل محملي
يمه مو انته الكلتــــــلي بجالي يمه ادللي
انته عدي الدنيه كله ونته صدك كل هلي
شلون من بعدك يصير……. يمه كلي ابيا مصير
وهذا عهدك يلكبر هذا عهدك
*
يمه وكت النوم عوفه وكوم بدل هل هدم
يمه اريدنك تســــــولف هســه يمي وتبتسم
كافي يبني ورد عليه وحــيلي رايح ينهدم
كوم كلي دللي… ..يالله يبني ياعلي
وانه اسندك يلاكبر وانه اسندك
**
يمه ترضئ امــك غريبه اتعيش باهات وحزن
كوم لا تكــــــسر گلبه كوم يبني ولا تون
لاتشوف الدنيه وسعه وبعدك تصبح سجن
يحرم الماي التــــشربه كون تبقه بلا دفن
كوم فدوه تحيرت…… يمه وانه تعذبت
بيش اردك يلاكبر بيش اردك
***
يمه شو جنــــــــك تكلي يمه ايسي ومارد
المن انه الدنيه بيه اسنيــــــــن صار احسب وعد
عود عريس ارد اشوفك يمه بيك انه انسعد
ماحسبت الدنيه هيجي تذبل شفاف الورد
يمه بيتي من الحزن….. يبني بي حكي منون
هذا حدك يلاكبر هذا حدك
****

الشاعر
ابو سلام الجابري

لسان حال ام علي الاكبر ع

حلمي جان بعيني يكبر
حلمي اشوف ابنك يالاكبر
بس شفت جسمك توذر… ياحبيبي
ــــــــــــ…  ــــــــــــ
ه̷̷َـَْـُذآ حلمي الما تحقق ما شفت بزرة ضناي
كتلي عطشان وكلتلك اشرب من عيوني ماي
لْـۆ متت جــان بخيالي اخــذ اوليدك معاي
يبني وي راسك مشيت وجسمك موذر وراي

أبني راح ومات حلمي
ردت موتي وانتة يمي
رسمك بعيني تطشر… ياحبيبي
ــــــــــــ… ــــــــــــ
لٱ أبن عندك واشمة خاطر يذكرني بيك
الطف خذاك وما بقالي حيل اليوصلني ليك
لٱ اني أگدر انسة طولك لٱ اني أندل حتى أجيك
روحي لْـۆ تنباع أبيعن وأجي الموتك واشتريك

م̷ـــِْن حياتي ما بقالي
لٱ أبن لٱ طاري غالي
حگي باقي ايامي أسهر… ياحبيبي
ــــــــــــ…. ــــــــــــ
ليلي يگظي بلا حبايب باقي بس الذكريات
حلمي اشوف ابنك يغالي ماردت شي بالحياة
صوتة يند۵ جدة جدة للأسف بس حلمي مات
أبني مات وهوة ضامي عطشاه نهر الفرات

ضامي مات أكبال عيني
سافر وضل بس ونيني
كلشي كام بعيني يزغر… ياحبيبي
ــــــــــــ… ــــــــــــ
بالسبي وراسك أشبگة ويكبر بروحي الحنين
أشبگ برمحك ييمة والرمح ماعندة أدين
كلشي صا ومانسيتك والدمع ماخلة عين
مرة اصيحن أه يالأكبر مرة اصيحن ياحسين

راح أبوك وانتة رايح
كلبي ضل بس للنوايح
دمعي صاير لونة أحمر… ياحبيبي
ــــــــــــ… ــــــــــــ
م̷ـــِْن  بعد غربة يسرنة للوطن ردينة تالي
غـِْاليّے جان حسين عدنة هسة اجينة بلاية غالي
بس بقاية امن الضعينة والضعن يايمة خالي
رحت وية ضعون اهلنة تالي اجيت انة وخيالي

أكبالي وام عبدالله تنعة
ذبحو ابني شلون ارضعة
ويلي يبني شلون منظر… ياحبيبي
ــــــــــــ… ــــــــــــ
يبني وامنيتي الأخيرة كون اموتن فوڰ لحدك
خدي مو فوڰ الترايب خدي اوسدنة اعلة خدك
لٱ حظيت بولدي تالي ولا شفت ياييمة ولدك
لٱ أبوك الظل ولاانتة شنهو طعم العيشة بعدك

لْـۆ يــرد الحــيل بــية
الــة ارد للــغاضــرية
يمك اسكن وأبني مهجر… ياحبيبي
ــــــــــــ… ــــــــــــ
تمت
الْحٍمَدٍ للـّہ
✍️… حسين حمدان الدلفي

#لسان حال والدة علي الاكبر ليلى تقول

خيل اعوجية السحگتك… وانة انظر اعليك
يوليدي مــن بعــد الذبح… شــو مثلو بيــك
ــــــــــــ ــــــــــــ ــــــــــــ
أصك أجفوفي واتحسر
أغمض اعيوني ماأگدر
وصيحن لٱ يخيل الشر… عوفي أبني ياخيل

أبكل الغاضرية أفتر
ألم أوصالة وتعثر
بالطف جسمك مطشر… شراح الگة بالليل

من أوصلت يم جثتك… مگطوعة رجليك
يوليدي من بعد الذبح… شو مثلو بيك
ــــــــــــ ــــــــــــ
أجيت مڰبعة بحزني
وأحس بشي يعثرني
شلتة ولنة جف ابني… شلتة وصحت أه

مشيت الجسمك بهمة
وصلتة واگعدت يمة
يبس من النزف جسمة.. وعطشني فرگاه

ياجرح بجروحك صحت… يايمة ياذيك
يوليدي من بعد الذبح… شو مثلو بيك
ــــــــــــ ــــــــــــ
بجيت شگد على نحرك
من عمري على عمرك
يالاكبر ياهو المزغرك… يمعذب الروح

ردت موتي گبل موتك
لجن غفلة انگطع صوتك
بحصيرة تالي تابوتك…. شيلم الجروح

سامحني لْـۆ عنك رحت… بهالحال اخليك
يوليدي من بعد الذبح… شو مثلو بيك
ــــــــــــ ــــــــــــ
شبكتك شبگة اموادع
اعوفك مدري اتراجع
انة وحسرتي امدافع… بس عنك أمشيت

راسك عالرمح شفتة
بطريق السبي رافگتة
شسولف تذبح السكتة… محتارة ظليت

سير على امك بالحلم… مشتاگة أحاݘيك
يوليدي م̷ـــِْن بعد الذبح… شو مثلو بيك
ــــــــــــ ــــــــــــ
سكوتك يبني يلجمني
احجي وينظرب متني
ترضة الحادي يشتمني… ويجلدني بالحال

الولد من يحمل افرگة
الطولك يبني مشتاگة
شسوي واني عالناگة… ومجتوفة بحبال

لو يقبل الموت اقبلت… وبروحي أشريك
يوليدي من بعد الذبح… شو مثلو بيك
ــــــــــــ ــــــــــــ
تمت
الْحٍمَدٍ للـّہ
✍… حسين حمدان الدلفي

شور عبدالله الرضيع ع


ماغمضت ليلك
تبجي وتعب حيلك
تعطش و لوليلك
ما حاسبه تموت الصبح

عبدلله یعيوني
بعدك زغيروني
بسهمك يفجعوني
من جابو بنحرك جرح

يفز حيلي بتوالي اليل
كلما حركت جسمك
وباوعلك يوجه الخير
اخاف من الندى يلزمك
ما تشتم هوى من تنام
هوه انته الهوى يشمك
واصفن صفنت المشتاك
وكلك ها يبعد امك

ما حاسبه حسابه
يومك يدك بابه
يذبحوك الذيابه
وفوك الرمل دمك يسح

سألت احسين وين تريد
باوعلي ورجع صللى
لزمتك حيل بجفوفي
اخاف بروحتك غفلّى
شلع كلبي من جاني
حسين كال طيني عبدالله
يمه وقبل ميذبحوك
ضليت اصرخ سمللى

چم ليله من عمري
بيك انشده فكري
ما أدري بي دهري
عن شوفت اعيونك يشح


علي مخيلف

يعني راح؟ #ياقمر_بني_هاشم
.
.

•یعنی دیگه رفت؟ نه باورم نمی شه حسین که برادرم رفت
یعنی دیگه رفت؟ نه باورش سخته! چگونه ماه به روی زمین افتاد
یعنی دیگه رفت؟ بذار برم زخماشو مداوا کنم ..‌بیدار میشه
یعنی دیگه رفت؟ الان فهمیدم چرا ترسیدم وقتی که مشک افتاد و صدا زد #ياعباس

يا خويه .. إجيت احني .. إلك ضلعي الذي اتكسّر

بعد موتك .. انسحن صدري .. الحرم و اطفالي تتيسّر

يا خويه يا بو فاضل يا خويه يا بو فاضل

************************

گصدت الشاطي و اتعنيت
أدَوْرك و الــتــفــت يـــمّــي

عــسـانـي ألــــتگي ويّـــاك
وتــطــوّح شــوفـتـك هــمّـي

وَسَـف شـفتك رهين الشاط
جــسـد مـتـعـفّر و مــدمـي

واعــايـن عالأرض چـفـيـن
و اصـــدِّ لــجـودك الـمـرمي

يا خويه يا بو فاضل يا خويه يا بو فاضل

**********************

يـبو فـاضل سـهم عـينك
يصوبني ابوسط صدري

عگب فـرگاك اظل وحدي
رهـيـنـه وحــايـر بـأمـري

اذا شـفتك طحت ظامي
يـخـويه يـنـكسر ظـهـري

ايـتـفـجّر مـنـهل عـيـوني
وعـلى وجناتي دم يجري

يا خويه يا بو فاضل يا خويه يا بو فاضل

******************

يمن للماي رحت و اتريد
تـروّي الـطفلة مـن زودك

ألــف وسـفه يـبو فـاضل
يـطيح اعـله الـنهر جودك

مـثل هـامة علي انطبرت
نـــزل عـالـهامة عـامـودك

ومـثل گطـع الـنحر مـني
يـخويه انگطـعن ازنـودك

يا خويه يا بو فاضل يا خويه يا بو فاضل

************

يــخـويـه تـحـاوشـتـني الگوم
وصرت وحدي وسِط هالناس

عـگـب عـيـنـك يــبـو فــاضـل
انگطـع نـحري يـبو النوماس

الـشمر جـالس على صدري
وانــــا انــــده أيــــا عــبـاس

لــونّــك خـــويــه تــدركــنـي
گبــل اضـلاعـي مـا تـنداس

يا خويه يا بو فاضل يا خويه يا بو فاضل

************

لــونـك تــدري يــا عـبـاس
بـالـصـار اعـلـه صـيـوانك

انحرگ واتشرّدت الاطفال
عگب مــا ذبـحـوا اخـوانك

وتــرى زيـنب عـلى الـناگة
يـسـيره وتـحـدي عـدوانـك

مـصيـبـه يـا ابـو الـنوماس
الاعــادي تـولـي نـسـوانك

يا خويه يا بو فاضل يا خويه يا بو فاضل

#مهدي_فقيه