لطمية لحن أويلاه واكربله *أويلاه واقاسماه~⁴*
صارت الضجة بالخيم
عالجاسم نحيب ولطم
تصرخ واويلي هالحرم
عرسك بالجنة ينتظر
*أويلاه واقاسماه~⁴*
-----------------------
وحسين راح لمصرعه
عاين اوصاله مگطّعه
شاله ولامه تودّعه
سابح بالدمه ومعتفر
*أويلاه واقاسماه~⁴*
---------------------
شافته رمله عالترب
وبدمه ويلي منخضب
من عدها مفطور الگلب
گلب الأم ما يحمل صبر
*أويلاه واقاسماه~⁴*
-----------------------
بالونه إجت گعدت يمّه
من خده يا ويلي تشمّه
واحتارت چا وين تضمّه
وتنادي يا جرح العمر
*أويلاه واقاسماه~⁴*
-----------------------
نادت يا جاسم يا عيوني
يا وليدي منك حرموني
بمصابك يبني فجعوني
شفتك بعيوني تحتضر
*أويلاه واقاسماه~⁴*
-----------------------
زينب اجت ليها تعجل
تصبرها والمدمع همل
تگلها المنيه كالعسل
يفدي الحسين بهالنحر
*أويلاه واقاسماه~⁴*
-----------------------
طفّي يا رمله شمعته
بالجنة عرسه وزفّته
من دمه صارت حنّته
شهيد بدمه يعتفر
*أويلاه واقاسماه~⁴*
-----------------------
خادمة آل محمد✍🏻

*[ تخدم لبابه عيالج ]*

أداء: الملا #محمد_باقر_الخاقاني
كلمات: الشاعر الدكتور #أحمد_ماجد_الكلابي

https://youtu.be/jdHjyheR7QM

مجالس شهر محرم الحرام لسنة 1443 هـ - 2021 م
مجلس الليلة الرابعة من شهر الحرام (ليلة مولاتنا الطاهرة الميمونة أم العباس أم البنين صلوات الله عليها)
عزاء هيئة غريب طوس - العراق - البصرة

مونتاج وألوان: كرار المياحي
اخراج: مرتضى نبيل
مكساج: أحمد البرمكي
مخطوطة: زين عباس
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

*بين الامام الحجة (عج) والطفل الرضيع*
انهض لثارات الذبح وانشر يا مهدي لواك
عبدالله بالطف انفطم ونحر الولد ناداك
يهتف يمهدي المنتظر يالطوّلت وعدك
عجل وثاري اطلبه بسيفك يا مهدي الثار
✵✵✵✵✵✵✵
مهدي سالت دمعته وتهل دموعه دموم
ويذكر مصابه منذبح ويعاين المظلوم
يشوفه ذبيح من النحر ويلي بسهم مفطوم
ويرفع كفوفه للسما وينادي ربي الثار
يگله
آيمذبوح… من وريدك جازي دمك
آيمذبوح… الظالم بسهم يِفِطمك
آيمذبوح… بذبحتك مفجوعه امك
يا مصيبه… ظامي والمنحر گطيع
يا مصيبه… والطفل دامي وصريع
يا مصيبه… آهِ يا حال الرضيع
خادمة آل محمد✍🏻

*[ يالماخذيتوني (قصيدة شور) ]*

أداء: الملا #مرتضى_الحميداوي
كلمات: الشاعر #علاء_شهيد_الحجامي

https://youtu.be/RmNT_3EZnxQ

مجالس شهر محرم الحرام لسنة 1443 هـ - 2021 م
مجلس الليلة الثانية من شهر المحرم (ليلة مولاتنا عزيزة الإمام الحسين فاطمة العليلة عليها السلام)
عزاء هيئة رماد الخيام - العراق - بغداد

مونتاج واخراج: حارث العكيلي
مكساج: كرار الموالي
مخطوطة: حسين مقيم
النشر الشبكي: علاء بركات العاملي

*[ غرايب ]*

أداء: الرادود #ميرزا_حيدر_الابراهيمي
كلمات الشاعر: #حسام_الزاملي
الذاكر: السيد سجاد الخرسان

https://youtu.be/7mv14p0UeuA

مجالس ليالي شهر محرم الحرام 1443 هـ _ 2021 م
مجلس الليلة الثالثة من المحرم
عزاء مضيف سلطان بني هاشم عليه السلام- العراق - سوق الشيوخ

مونتاج: سجاد محمد
مكساج: علي هاجر
هندسة الصوت: لؤي الحسيني
اخراج: اكرم ورد
مخطوطة: زين عباس
النشر الشبكي: علاء بركات العاملي

*[ خلصان ابو فاضل ]*

أداء: الرادود #علاء_الغريباوي
كلمات: الشاعر #حيدر_سامي_السعدي

https://youtu.be/4ymLqI_VHPY

مجالس شهر محرم الحرام لسنة 1443 هـ - 2021 م
مجلس الليلة السابع من شهر المحرم (ليلة مولانا قمر بني هاشم العباس عليه السلام)
عزاء هيئة نور الزهراء عليها السلام - العراق - الناصرية

مونتاج وتنفيذ: محمد أديب
مكساج: كرار الموالي
تصاميم: رضا العتابي
مخطوطة: محمد حسن
النشر الشبكي: علاء بركات العاملي

*[ ها رايح العباس ]*

أداء: الملا #مصطفى_السوداني
كلمات: الشاعر #عبدالخالق_الحريشاوي

https://youtu.be/_qbpoY6reEM

مجالس شهر محرم الحرام لسنة 1443 هـ - 2021 م
مجلس الليلة السابعة من المحرم (ليلة مولانا قمر بني هاشم العباس صلوات الله عليه)
عزاء هيئة شباب علي الأكبر عليه السلام - العراق - البصرة

مونتاج: سجاد سلام
مكساج: حسن يونس
مخطوطات: حسين مقيم
غلاف: حسين ميمون
تنفيذ: SS للانتاج الحسيني
النشر الشبكي: علاء بركات العاملي

*[ الموته حلوة ]*

أداء والحان : الملا #علي_الوائلي_الكربلائي
كلمات: الشاعر #ميثاق_الحمداني

https://youtu.be/23zLz4Uc-M8

مجالس ليالي شهر محرم الحرام ١٤٤٣ هـ - ٢٠٢١ م
مجلس الليلة السادسة من شهر المحرم (ليلة أنصار الله أصحاب سيد الشهداء عليهم السلام)
هيئه عزاء اهالي المشروع - العراق - واسط الكوت

مونتاج: ليث الدهامي
مكساج: كرار الموالي
مخطوطة: محمد الصادق
إنتاج وتنفيذ: وارث للانتاج الحسيني
النشر الشبكي: علاء بركات العاملي

ليلة♪
هي زينب… وحجاب الله يكفيها
هي زينب… سجد الصبر لمعاليها
هي زينب… والشمر بأسرٍ حاديها
〰〰〰
هي زينب… والتلّ يأنّ لأنتها
هي زينب… وتطوف الآه بكعبتها
هي زينب… من أمها ورثت محنتها
〰〰〰
مولاتي… لهفي لعبراتك يا حورا
مولاتي… سجد الصبر بساحها عصرا
مولاتي… في العاشر أدمعك حمرا
〰〰〰
يا زينب… ماذا رأيت بيوم العاشر
يا زينب… أرأيتِ أخيك بلا ناصر
يا زينب… ويحز وريديه الكافر
〰〰〰
نادته… أأُخيّ فوق الرمضاء
نادته… أين سآتي إليك بماء
نادته… ظامٍ الكبد بغير رواءِ
〰〰〰
يا قلب … صبراً فالسبط قد ذُبحا
يا قلب… فوق التُرب صريعا طُرحا
يا قلب… وبسهم مشؤوم ذبحا
〰〰〰
والهفي… رفعت لله القربانا
والهفي… فذبيح الباري عطشانا
والهفي… والمدمع يجري غدرانا
〰〰〰
يا زهراء… نادتها والقلب انفطرا
يا زهراء… فحسين ظامٍ قد نُحرا
يا زهراء… فوق الرمح رأسه شُّهرا
〰〰〰
نادت آه… وبعينها الدمع همول
نادت آه… فوق الجسد الخيل تجول
نادت آه… والرأس برمح محمول
〰〰〰
هل رحلت… ورأته ملقى بصعيد
هل رحلت… واخيها ليس بملحود
هل رحلت…وفي ساحِ الميدان شهيد
خادمة آل محمد ✍🏻

https://youtu.be/P_nLcUBqpN0

القارئ خادم المنبر الحسيني علي محسن🎤
طور الأنين العاملي♪
كلمات الشاعرة خادمة آل محمد✍🏻

#علي_الأكبر
جديد محرم ١٤٤٣ هجرية قصيده بعنوان (شبيه المصطفى) لسان حال ليلى ام علي الأكبر

علي بالخيمه متمدد وانه گلبي ينز جروح
شفته امطبر اگبالي من صدري سليت الروح


شفت اوليدي متوذر وجثته اگبالي مطروحه
من كثر الطعن يا ويل مگدر اعد جروحه
اگبالي يازينب تعاي گلبي هدموا اصروحه
هذا اليوم انه وياه وللسبي تالي اروح
▪️▪️▪️▪️▪️▪️▪️▪️▪️▪️▪️▪️
يا علي الأكبر ييمه ناري وجت بالضلوع
امگطعه اوصالك ييمه دمي اصبحلك دموع
نوبه انحب نوبه الطم نوبه بالحسره الوع
شابت امك يا علي والگلب ينزف جروح
▪️▪️▪️▪️▪️▪️▪️▪️▪️▪️▪️▪️
يا ضوه عيوني ييمه شلي بعدك بالسنين
يا علي الأكبر حياتي راح اگضيها ونين
من بعد عينك ييمه انطي وجهي گلي وين
كل تعب ذيج الليالي تالي من ايدي تروح
▪️▪️▪️▪️▪️▪️▪️▪️▪️▪️▪️▪️
شيبني الدهر يمه مصابك جمره تجويني
روحي من الحزن تنحب بعدك شلي بسنيني
مو كافي خذاك البين تالي العده تسبيني
اروح اميسره للشام واعوفنك جسد مطروح
▪️▪️▪️▪️▪️▪️▪️▪️▪️▪️▪️▪️
امدوهنه امشي ييمه امجتفه بحبل الرزيه
عمري كله ليل أظلم من نمت فوگ الوطيه
يا شبيه الهادي احمد ونفحه من عطر الزجيه
سلوتي بعدك ونيني بحسره وي شوغه انوح


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

قصيدة الشهداء

رايحين وبسلامـــه مودعين
نلتقي يحبابنا عند الحسين
من وكت صار الهجر
هذا مو وكت الگبــر
رايحيــن رايحيـــن

************

شكثر يعقوب انتظر
وفارك عيونه النظر
لچن تاليته فرح

والدفن غالي بگبر
هذا گلي شينتظر
شينتظر غير الجرح

صغار لسه اعله اللحد
يا ارق من الــورد
اللحد بيكـــم ربـــح

مسافرين .. لديره مابيها محنه ولا ضوه
مسافرين ..فارگــونا عگــب ما جنه سوه

ما بـقى بيه صبــر
هذا مو وكت الگبر

************

ليش يومية نزف
چم شهيد وچم ترف
بس شباب التندفن

يا زمن شنهي الجرة
احبابي سكنوا مگبرة
وانه ساكني الحزن

الراح نعرف ما يرد
كلهم بعمر الورد
الورد يمهم خشن

عايفيـن .. ذكريات وضحكه وشويت صور
عايفين .. تلجم العين شكثر من تنذكـــر

راحوا احباب العمر
هذا مو وكت الكبر
..........................

شكم كمر طاح وخسف
حاضن تراب النجف
صار بخت المكبرة

ابو الوكـفه والوفه
راح يا دنيــا آفــه
الزمن ميكــــرره

راحوا اعزازي ومشوا
للمنايا توكلـــوا
كلبي الله يصبره

مناطرين .. روحي تنطركم لجن مدري شتريد
مناطرين .. تعتقد من مگبرة يرجع شهيد

ها يمر ها ما يمر
هذا مو وكت الكبر
........................

من اعاين ع الصور
يلتوي بعيني النظر
واغرك اني بحسرتي

بكل فرع وبكل درب
معلكه صوره محب
ذوله كلهم اخوتي

لبو لحيدر نداء
قدموا كلشي فداء
روحهم وي دمعتي

وين وين .. رايحين وعايفيني بدمعتي
وين وين .. اختنك كلما تذكر صحبتي

دمعتي تنزل جمر
هذا مو وكت الكبر
.................

شيگظي عمري بلهجر
وراحت اعزاز العمــــر
فاركونه ياعلـــي

اختنك وكت المسه
والونين اني احبسه
شوگ بيه يعتلي

صار يخنكني الهوه
ومات بعيوني الضوه
همي مااظن ينجلي

عايشين .. بروحي مثل الشمعه لمن تعتلگ
عايشين .. بيه واني احجيلكم عن الفرگ

امنياتي اني شكثر
هذا مو وكت الكبر

الشاعر الحسيني مصطفى الربيعي

الحسين وعلي الاكبر عليهما السلام


يبني. گوم اعله حيلك بويه
يبني. جيت اتچـــيلك بويه
يبني. للخيمه اشــيلك بويه

علي طاح. بيه المصايب وجــــــــــرت من اول اوليد
علي طاح. اجيت امن الخيـم ركض ايد اصفچ ابأيد
علي طاح. ادور عن عـــــــلي ردت حيل احضن الحيد
علي طاح. كلما اشيلنه وگـــــــــــــع ومنين ماريد
شلون شافوني الشـــــماته
امدنگ اعله اوليدي وبچي
متت چم موته بـــطريجي
من وصلــــتك گوه احچي

شنهي من لگوه لگيتك
امسبل ويابس عطش
انفخ ابحلگك وندهك
ويدي صـارتلك نعش

اگــعد يالاكبر ولو. بس روح اوديك
لمك اسولف شني. تنطرني ارد بيك

روحك. مـــــــــــن تطلع اتأذيني
روحك. من فدوه روحي وعيني
روحك. لاتمـــــــــشي وتخليني
------------------------------
يصيحون. من غبشت الله عالذبح مستعجل حسين
يصيحون. تتوچه بيمن والــــــــولد مات امن الونين
يصيحون. حدر الفرس طـــاح ونزف وتناوشه البين
يصيحون. الحگ يبو اليـــــمه العلي يرفس بالاثنين
فرّعت يمه ومسحته
منين مالزمنه الچـمه
حيراني شلون حيره
لملميته بطرگ هدمه

والعـــساكر يمي تدبچ
بيمن اتزامــــــــط بعد
امگطعينه امن الحوافر
و واحد امصوبه ابعمد

بخاصرته نابت سهم. وبصدره طعنات
ونگطع نفسه وشهگ. ثاري الـولد مات

حيلي.  اتبريد ومــــــابيه
حيلي. ضلت تخط رجليه
حيلي. ضميته بين ايديه
--------------------------------------
بالخيام. مأتم بواچـي ونايحه كل اهله يبچون
بالخيام. كضّت الباب وتنتضر سالم يرد كـــون
بالخيام. شدي يليلى معصبچ سمعي يهوسـون
بالخيام. ذبحو علي الاكبر ترا ذوله اليضحكون
اتگابلن عــــماته فوگه
فايض امــن الدم لگنه
ليش مبيوگــــه حلاته
والعطش شمخلي منه

بين اليرفسه ويسحگه
صدره طابگ عالضهر
والدللول وحلــــــــيبه
ليش صار بشــفته مر

دلال ابـــــــوك انفطر. ومـــك غريبه
يالعايف اشچم جرح. ينزف مصيبه

حزنك. لابــسته كل علويه
حزنك. شيبلي شيب البيه
حزنك. عايش على طاريه

*شاكر الصيمري*

يالاكبر بويه

عطشان
چا وين الگه للولـــــــــــد شربه
طاحت لهاته ونكـــــسر گــــلبه
مابيه اشـــــوف الاكـــــبر امدد
والماي منه فرغـــــت الـــجربه
يزينــــــب ردي     اشوفچ جـايه
شبقى بالخيمه      اعصري الرايه
شحيح الـسانه      وتغير لــــونه
اريده اگــــبالي      الي تــــچايه


حيران
أيروح للحومه ويرد يشـــــــــهگ
جمّر السانه وجسمه مايــــــــعرگ
علي لو راح مايرجع الــــــي سالم
اخاف اضلوع صدره عالضهر تطبگ
وجمال عيونك      والمسويـــــهه
اذا اشـــــهگلگ       الخيم اچويهه
قسمتك حومه       وشبابك عاشر
حياتك چــنهه       عطش تنهيــهه


زينب
لو طلع بس لا ينوخذ غفـــــــــــــلّه
اشوف الخيل دارت ياعلي اسم الله
وگف حته النفس وياي بالــــــخيمه
سمعته ايصيح يابويه البــــــگه لله
ركضت ابطولّي     وطحت بالحومه
حرت بولـــيدي      الم اهــــــــدومه
المنيه بگــــده       وخذّته امن ايدي
ولاترهمــــــلك        عليك الــــنومه

مذبوح
ذبيت ثوبي ولفلــــفت جـــــسمه
والخيل كلهه املطخه بــــــــدمه
يزينب للخيم جايبلچ الاكبـــــــر
شبابه اتبده بالميدان شـــــــيلمه
اسولف ضــيمي      لمن وهـمومي
تلگـــــي اوليدي      يزينب گومي
ازفن غــــــــالي       وشيـلن غالي
دماهم وصـــلت      لحد بلعــومي

يبني
يالضاع دمك بين هــــــــــــــذا وذاك
اتطشر حنينك ونحنى مگــــــــــفاك
علي امرملّه اخدودك والرمل يچوي
المهر ماوچد امك للعــــــــــدو وداك
يحــــيرت امك    يبعد الشيله
يليلى الاكــــبر     احير ابشيله
اشيله ويوگــع    ولم الـــطايح
انطفه بالحومه   ضواه اللــيله

شاكر الصيمري

مصيبة علي الاكبر جبيره للخيمه جابوه بحصيره
تگطع وصل وجروحه تاذيه وحاير ابوه يمه ويلم بيه
***************
شافه طاح من المهر وناس اجت يمه شكثر وصار بالكيف
هذا يطعن بالرمح وذاك يلجم بالجرح وهذا بالسيف
حاوطوه ومنين ما دارو يطبروه
وآخ بويه ايصيح صدري شما يطعنوه
للخيم يرجع يريد وما يخلوه
راد ماي وكلها صاحت لا ترووه

نام عله وجهه بحضن الاتراب ومن عنده سلبو حتى الثياب
محد يجيه وميه ينطيه وحاير ابوه يمه ويلم بيه
****************
جروح جسمه منترس ونايم بذيج الشمس ويدور افياي
علي عالگاع انفرش ويبس گلبه من العطش وتعذب اهواي
منين ما دار الوجه طعنوه بالرماح
وجسمه من كثر السيوف اتگطع وراح
الطعنه فوك الطعنه وشگد ياعلي صاح
عمت عيني عليه ماخلوه يرتاح

ياناس حيره امصاب الاكبر شيلمه جسمه الي تطشر
ومن الشمس ياهو اليغطيه وحاير ابوه يمه ويلم بيه
************
دمه عالكاع انثر مثل زخات المطر من دارو عليه
حالته اتگطع الگلب شلون نايم عالترب ومتوسد ايديه
گطعوه وگامو بجسمه يطشرون
وحركو گلب حسين بالاكبر يصيحون
كون من جسم ابنه كلشي ماتخلون
حتى ابوه يحتار يجمع مهجته شلون

گطعوه وسحكوه بالحوافر وحسين خلوه بأبنه حاير
صاير وصل عالغبره يلگيه وحاير ابوه يمه ويلم بيه
**************
المصرعه حسين اعتناه عالوجه مرمي لگاه ومهشم الراس
رمه بروحه من المهر تمدد بطوله ويجر بالگوه الانفاس
ظل يشم بيه وگعد يم جسمه حاير
يلم بوصاله ويطشرون العساكر
علي يبني بيك شمسويه الخناجر
اهواي من جسمك خذت ذيج الحوافر

من جسمك اشكد ياعلي ضاع وطشوك مثل الماي عالگاع
ياجرح من عندك اداويه وحاير ابوه يمه ويلم بيه
*********
حيلي يابويه انهدم شلون ارجعك للخيم وانته عله هالحال
اشلون اشيلنك حرت وانته يبني توذرت ومن عندك شظال
منين ماشيلك كتر من عندك ايطيح
وآخ بويه منين ما لزمنك اتصيح
بيدي لميتك وخاف تنثرك الريح
ومثل دمك راح دمي عله الثره ايسيح

جبت الحصيره وكمت الم بيك وماعندي شربت ماي ارويك
ابيا گلب لخيامي اوديه وحاير ابوه يمه ويلم بيه
******************
تمت
ميثم العمري