*[ يا أطهر در ]*

أداء: الملا #مصطفى_السوداني
كلمات: الشاعر #أحمد_اللامي

https://youtu.be/lg4gimu8zKE

مجالس شهر جمادى اﻵخر لسنة 1441 هـ - 2020 م
ليالي استشهاد موﻻتنا الطاهرة أم البنين (عليها السلام)
موكب قطيع الكفين - العراق - بغداد

مونتاج وتنفيذ: حارث العكيلي
مكساج: حسن يونس
مخطوطة: حسين مقيم
النشر الشبكي: علاء بركات العاملي

*حج الإمام الحسين ع*
لبيك يا رب تارك حجي هالمسيه ~
لبيك يا رب وانه راحل للمنيه~
لبيك يا ربي ماشي لٱرض الغاضريه
هذا حج بكربلاء وروحي تطوف
〰️〰️〰️〰️
لبيك يا رب وانه عن بيتك غريب ~
لبيك يا رب وثوب احرامي سليب~
لبيك يا رب شيبي من دمي خضيب~
هذا حجي بكربلا بارض الطفوف
〰️〰️〰️〰️
لبيك يا رب والغسل دم النحر
لبيك يا رب وراضي آنه بهالأمر
لبيك با رب وعترتي تروح بأسر
هذا حجي بكربلا بين السيوف
خادمة آل محمد✍🏻

٨ ذو الحجة، توجه الإمام الحسين عليه السلام إلى أرض العراق:

أعـطـيـتَ رَبَّـكَ عَــهْـداً كُــنْـتَ مُـنْـجِزَهُ
قَــبْــلَ الـخـلـيـقـةِ لا مـــاءٌ و لا شَــجَـرُ

وَهــا هــو الـعـهدُ قَــدْ ســارَتْ رواحـلُهُ
نـحـو الـخُـلودِ وَ يَـحـدو رَكْـبَـها الـظَّفَرُ

فَـرُحْـتَ فــي عُـصْـبَةٍ صِـيدٍ جَـحاجِحَةٍ
ضَــراغــمِ الــمـوتِ لا جِـــنٌّ و لا بَــشَـرُ

فَـأَطْـعَـمـوا الـمـوتَ أجـسـاداً مُـطَـهَّـرَةً
وَأوْرَدوهـــا دَمـــاً خُــطَّـتْ بِـــهِ الـسُّـوَرُ

كـــأنَّ أعـمـارَهُـمْ يــومَ الـوغـى سُـحُـبٌ
فاسْتَسْقَتِ البيضُ مِنهـا الغيثَ والسُّمُـرُ

#جابر_الكاظمي

الخروج من مكه . حوار بين
العباس والعقيله زينب عليهما السلام

*قومي يازينب عزمنا اعلى الرحيل*
*واسـتـعـدي للـبـكـا وحزن الطويل*

قـومـي يا زيـنـــب نــروح الـكـربـــلا
قـومـي يا زيـنـب يا بــت عـقـد الولا
لـلـبــلا قــومــي اسـتــعـــدي لـلـبــلا
*ابـيـشـيـل الـظـعـن زيـنـب ابيشيل*

كــم مـصـاب اتقاسـي يا بـت فاطمه
وحـق أمچ والـوصي حـامـي الحمى
تشوفي يا زيـنـب مـصـايــب مـؤلمه
*ويرتفـع مـنـچ يزيـنــب كـل عـويل*

تشوفـي يـازيـنـب چفوفي امقطعـه
والـشـهـيـد حـسـيـن يفجع مصرعـه
بـثـنـعـش ضـربـه كـريـمـه يـقـطـعـه
*تشاهدي كـل منا يازيـنـب جديـل*

تمشي مسبيه وغـريـبـه ابكـل محـل
عــالـهــزل والله تـركـبــي عـالــهــزل
كـربــلا تـخـلـي دمــوعــچ كـم تـهـل
*واليتـامى امـقـيـده او ذاك العليل*

صوتـت عــبـاس والـضـلـع انـحـنـى
حـجـنـا يــاعـبـاس فـي هـذي السنه
ومـــكــــه الـنـه والله هـيـى الامـنـه
*وصاح يختي والدمـع مـنـه يسيل*

لـلشـهـيـد حـسـيـن مــكــه اصبحت
غــدت غـيـر امـأمـنـه زيـنـب غدت
صـفـقـت الـراحـات ويلي وعــولـت
*اجل خلنا انروح يا حامي الدخيل*

نـطـلـع ابـهـيـبـه يا زيـنــب بالضعن
كـربـلا الـنــا وطــن وارض الـمـحـن
بـيـهـا بـنـلاقـي المصايـب والشجن
*اعليچ وزينب الحزن صايـر ثقيل*

تمت بحمد الله ومنّه
في 1440/12/7 هـ

*لخادم اهل البيت عليهم السلام*
*الـمُـلا مـحـمـد ســامــي المرعي*

قناة التلگرام
https://tttttt.me/mohmadsami20

#الناشر_الحاج_فلاح_حسن_محرم_الليله_الثانيه


#محررررم_1442_هـ
#إكشفلي_طفك

إكشفلي طفك سيدي لو بالحلم
طشرني بطفوفك عطش لو بس رسم
أرد ابچي من حرگة گلب . لمن أشوفك عالترب
ياسيدي

حبي الوحيد . عشگي اليزيد . بس هالطلب إرزقني يابو العاطفة
إفتحلي باب . من ظي رباب . وخليني اصد عبدالله بيديها غفه
خليني اذوب .وكت الغروب . الذاك المخيم لمن الوحده انطفه
رايد دموع . گد الشموع . الشعلتها رمله اعله الدماء النازفه

كل هالبواچي او ما أصدگ خادمك
إرزقني نظرة إمن الخيام ابمأتمك
إمن اطلع انوح او من أطب . لمن أشوفك عالترب
ياسيدي
________
مشتاگ اشوف . ذيچ الچفوف . الحظنت أبو فاضل على شاطي النهر
حتى ابچي حيل . واسهرلي ليل . أللطم عله اجروحك حبيبي او عالگمر
من الخيام . من السهام . راويني منظر يابو لاكبر لو صور
أنظر عليك . لمن تجيك . زينب تشوفك وانته طايح عالظهر

إمن الف او تسعمية جرح رايد جرح
اتخليني اعيشه او بالگلب ينبت رمح
أوصلهن اجروحك صعب . لمن أشوفك عالترب
ياسيدي
___________
يجمل حبيب . الخد التريب . مشتاگ أبوسنه او علية أجري الدمع
والزم إديك . وانحب عليك . بلكت أشوفن ياضوه اعيوني الصبع
أحسب جروح . إمن اگعد أنوح . وابجسمك احسب منكسرلك چم ضلع
هلبت أطيح . يمك جريح . او مثل اختك اعله امصابك انحب وانفجع

بلكت حبيبي مثلك اشعر بالعطش
ترسملي بلكت سيدي ليل اهدعش
واشتم هوى الطف من يهب . لمن أشوفك عالترب
ياسيدي
____________
كون ابظماك . أشعر معاك . ابلحظة عطش من كربله خليني احس
ابظهر الطفوف . خليني اطوف . اتعيشني لحظة امنيتي وي ذيچ الشمس
ساعة ارد انام . ابجنب الخيام . وابجمرة الخيمة حبيبي ارد التمس
من كربلاء . من العناء . عيشني يومك سيدي لو بس همس

خليني ساعة ابنار الخيام احترگ
بلكت مراحل أوصل ابدرس العشگ
عشگك جمر بيه او يشب . لمن أشوفك عالترب
ياسيدي
___________
إرسملي خيل . ركضتها حيل . چانت عله اضلوعك تدوس ابلا رحم
راويني نار . ابعز النهار . لسعت ثياب الحره وي ذاكى العلم
فوگ التراب . راويني شاب . نايم يمولاي او غفه ابصدره السهم
طفل الرضيع . واگع صريع . خليني اشوفه او رگبته مليانه دم

خليني أبچي اعله الطفل مثل الطفل
خليني اشوفه ظامي وادموعه تهل
اجروحك ولاظن تنحسب . لمن أشوفك عالترب
ياسيدي
_________
إرسملي نوگ . چانت تسوگ . بالحره من ديره لعد ديره ترد
طفلة او يتيم . چانت تهيم . تسحگ عله الشوك او تعودت عالورد
طفلة ابحبال . تمشي او خيال . والدها وياها انطبع فوگ الزند
اتصد عالرماح . لو عطره فاح . واتگله بويه امنيتي جرحك بيدي اشد

راويني طفلة ركضت ابذاكى الظهر
لمن إجاها للخيم خالي المهر
دمعتها من ظلت تصب . لمن أشوفك عالترب
ياسيدي

حيدر الحلفي

#الناشر_الحاج_فلاح_حسن

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★لو أعطيت بالبراءة منا مائة دينار، كنت تأخذ؟★من معه سلعة يعطى بها هذا المال لا يبيعها هو فقير!★*

الإمام علي بن محمد (عليهما السلام)، قال: حدثني أبي محمد بن علي، قال:
حدثني أبي علي بن موسى، قال: حدثني أبي موسى بن جعفر (عليهم السلام)، قال: إن رجلا جاء إلى سيدنا الصادق (عليه السلام) فشكا إليه الفقر، فقال: ليس الامر كما ذكرت وما أعرفك فقيرا. قال: والله يا سيدي ما استبيت، وذكر من الفقر قطعة والصادق يكذبه، إلى أن قال له: خبرني لو أعطيت بالبراءة منا مائة دينار، كنت تأخذ؟ قال: لا.
إلى أن ذكر ألوف دنانير والرجل يحلف أنه لا يفعل، فقال له: من معه سلعة يعطى بها هذا المال لا يبيعها هو فقير!

√الأمالي للشيخ الطوسي صفحة۲۹۸√

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

#الناشر_الحاج_فلاح_حسن_محرم_الليله_الخامسه

قصيده لسفير الامام الحسين عليه السلام مسلم بن عقيل عليه السلام
على طور حجي باسم يقاروره

المستهل👇👇

يبو طاهر ينور العين
يسمونك سفير حسين
شجاع وشبه عمك
تمنيت إنه يمك

✍ الخادمه ام زيد الشمري
••┄┅══✼°••°✼══┅┄••

من اجت الاف الكتب الحگ
يمن ليك الفده
شفنه الظلم شفنه الالم
من آل اميه الحاقده
ماعدنه غيرك يالسبط
يخلصنه من جور العده
شاف الوضع ابن النبي
ارسل سفيره وقائده

گصد مسلم ارض كوفه
يريتك حيدر تشوفه
بقت طوعه تحشمك
تمنيت انه يمك
✍ الخادمه ام زهراء

••┄┅══✼°••°✼══┅┄••

والكوفه هاي أرض الغدر
لمن گصد ليها البطل
بي غدرت وظل وحدة
بس دمع عينه ظل يهل
لمن وصل دار ووگف
طلعتله طوعة بالعجل
جابتله ماي وبس شرب
ظل واگف بنفس المحل

تساله مو شربت الماي
بعد متجوز وگفتك هاي
اشوفك كثر همك
تمنيت إنه يمك
✍ الخادمه ام مصطفى

••┄┅══✼°••°✼══┅┄••

مسلم غريب اتولته جيش الاعادي الظالمه
لكن بعزمه وقوته حارب وابرز صارمه
سيفه مثل سيفك علي ودرعه والخوذه وخاتمه
حفروله حفره وبالعجل شبو النار الحاطمه

ابد ماخاف من عدهم
يگول حسين سيدهم
اروحن فدوه لأسمك
تمنيت إنه يمك
✍ الخادمه ام زيد الشمري

••┄┅══✼°••°✼══┅┄••

مسلم شجاع وحملته
حملات عمه حيدره
وارث بطولة ومرجله
اسأل اهل كوفه اشجره
ظلت عداه متعجبه
شتسوي ظلت حايره
گلهم الملعون بحقد
نسويله حفره ونغدره

خانوه اووگع بيها
يويلي ودارو اعليها
ونزف يالحيد دمك
تمنيت انه يمك
✍ الخادمه ام زهراء

••┄┅══✼°••°✼══┅┄••

يامن يگل للمرتضى
دارو عليه وأسروه
مچتوف جابو للقصر
مسلم يشيعة صعدوه
وعينه تدير اعله الاهل
ياريتهم يمه احضروه
من فاض دمه اعله الارض
لا جهزو لا كفنوه
اله احباب اجيب منين
افزعها وتدفنه الحين
منو يوصّله علمك
تمنيت انه يمك
✍ الخادمه ام مصطفى

••┄┅══✼°••°✼══┅┄••

تبجي حميده وتنتحب وتصيح وينك يالولي
گالولي من عالي القصر واگع وسل گلبي سلي
يفكر بالحسين السبط ويگله لاتوصل الي
الكوفه ارض غدر وظلم اقسم وحگ عمي علي
كتبهم ليك مزگوها
العهود وياك خانوها
توذر حيف جسمك
تمنيت إنه يمك

✍ الخادمه ام زيد الشمري

••┄┅══✼°••°✼══┅┄••

تمت بعون •اللّـہ̣̥ تعالى
بااقلام خادمات اهل البيت عليهم السلام

✍الخادمه ام زيد الشمري
✍ الخادمه ام زهراء
✍ الخادمه ام مصطفى

نسال •اللّـہ̣̥ القبول
ونسالكم الدعاء بتعجيل فرج مولانا

#الناشر_الحاج_فلاح_حسن

يبو طاهر ينور العين

#محررررم_1442_هـ
#إكشفلي_طفك

إكشفلي طفك سيدي لو بالحلم
طشرني بطفوفك عطش لو بس رسم
أرد ابچي من حرگة گلب . لمن أشوفك عالترب
ياسيدي

حبي الوحيد . عشگي اليزيد . بس هالطلب إرزقني يابو العاطفة
إفتحلي باب . من ظي رباب . وخليني اصد عبدالله بيديها غفه
خليني اذوب .وكت الغروب . الذاك المخيم لمن الوحده انطفه
رايد دموع . گد الشموع . الشعلتها رمله اعله الدماء النازفه

كل هالبواچي او ما أصدگ خادمك
إرزقني نظرة إمن الخيام ابمأتمك
إمن اطلع انوح او من أطب . لمن أشوفك عالترب
ياسيدي
________
مشتاگ اشوف . ذيچ الچفوف . الحظنت أبو فاضل على شاطي النهر
حتى ابچي حيل . واسهرلي ليل . أللطم عله اجروحك حبيبي او عالگمر
من الخيام . من السهام . راويني منظر يابو لاكبر لو صور
أنظر عليك . لمن تجيك . زينب تشوفك وانته طايح عالظهر

إمن الف او تسعمية جرح رايد جرح
اتخليني اعيشه او بالگلب ينبت رمح
أوصلهن اجروحك صعب . لمن أشوفك عالترب
ياسيدي
___________
يجمل حبيب . الخد التريب . مشتاگ أبوسنه او علية أجري الدمع
والزم إديك . وانحب عليك . بلكت أشوفن ياضوه اعيوني الصبع
أحسب جروح . إمن اگعد أنوح . وابجسمك احسب منكسرلك چم ضلع
هلبت أطيح . يمك جريح . او مثل اختك اعله امصابك انحب وانفجع

بلكت حبيبي مثلك اشعر بالعطش
ترسملي بلكت سيدي ليل اهدعش
واشتم هوى الطف من يهب . لمن أشوفك عالترب
ياسيدي
____________
كون ابظماك . أشعر معاك . ابلحظة عطش من كربله خليني احس
ابظهر الطفوف . خليني اطوف . اتعيشني لحظة امنيتي وي ذيچ الشمس
ساعة ارد انام . ابجنب الخيام . وابجمرة الخيمة حبيبي ارد التمس
من كربلاء . من العناء . عيشني يومك سيدي لو بس همس

خليني ساعة ابنار الخيام احترگ
بلكت مراحل أوصل ابدرس العشگ
عشگك جمر بيه او يشب . لمن أشوفك عالترب
ياسيدي
___________
إرسملي خيل . ركضتها حيل . چانت عله اضلوعك تدوس ابلا رحم
راويني نار . ابعز النهار . لسعت ثياب الحره وي ذاكى العلم
فوگ التراب . راويني شاب . نايم يمولاي او غفه ابصدره السهم
طفل الرضيع . واگع صريع . خليني اشوفه او رگبته مليانه دم

خليني أبچي اعله الطفل مثل الطفل
خليني اشوفه ظامي وادموعه تهل
اجروحك ولاظن تنحسب . لمن أشوفك عالترب
ياسيدي
_________
إرسملي نوگ . چانت تسوگ . بالحره من ديره لعد ديره ترد
طفلة او يتيم . چانت تهيم . تسحگ عله الشوك او تعودت عالورد
طفلة ابحبال . تمشي او خيال . والدها وياها انطبع فوگ الزند
اتصد عالرماح . لو عطره فاح . واتگله بويه امنيتي جرحك بيدي اشد

راويني طفلة ركضت ابذاكى الظهر
لمن إجاها للخيم خالي المهر
دمعتها من ظلت تصب . لمن أشوفك عالترب
ياسيدي

#حيدر الحلفي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

رقيه من السبي تعبت
حدر في الرمح گعدت
نامت والتعب هدهه * اجاهه السوط كعدهه
آه يحسين يابويه. آه يحسين يا بويه
*
نمت حدر الرمح يحسين ردتك عود تحميني
تعبانه ودربنه ابعيد حيل السوط ماذيني
اول تالي أسلم اعليك بويه وما تحاجيني
كتلك راح انام هنا من يمشون صحيني

فجأه السوط كعدني * شابع من لحم متني
اه يحسين يا بويه. آه يحسين يا بويه
*
بويه الدرب كله وياي عينك ما تفاركني
عمت عيني يبويه اعليك كل ساعه تصد لذني
اشوفنك تسد عينك إذا سوط الشمر طكني
ياهو اليقتنع لو اكول هذا المنحر يحبني

مايدرون بويه حسين * حجي العشاك عين بعين
اه يحسين يابويه. آه يحسين يا بويه
****'
حط عينك عليه حسين اخاف الليل لو جلجل
هيمه الكاع نص الليل اتيهن بيهه ما اندل
زينب عمتي تحتار بينه وحيلهه وشل
وشل بويه بأول صوت لمن وكفت اعله التل

راسك ع الرمح نزله * من تطلع شمس ردله
اه يحسين يابويه. آه يحسين يا بويه
**
عندي عتاب الك مضموم مو عن السبي وضيمه
الجانت تستحي من حسين باتت عكبك بهيمه
زلم مابيهه غيرت رأس لا نخوه ولا شيمه
الجانت خيمه للنسوان حركو فوكهه الخيمه

شردت عمتي وطاحت * حيهم حشمت صاحت
اه يحسين يابويه. آه يحسين يا بويه
*
انعمله اعله الخرابه حسين صارت للستر رحمه
ولو هيه الخرابه بليل ضلمه تخوف الزلمه
حلف زينب من الخوف جم مره صحت عمه
الزغير شلون يغفه بليل خايف وأهله مو يمه

كون بحضن ابوهه تنام * الفرو بيهه كوفه وشام
اه يحسين يابويه. آه يحسين يا بويه
****
#الخادم موسى البطلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يل ساكن بوسط الكلب ... صدكني غيرك ما احب
انته نور اعيوني ... حسيناه
خلهم يلومـــوني ... حسيناه
ـــــــــــــــــــــــــــــــــــــــــــــــــــــــــــــــــــــــــــــــــــ
عابس تجنـن مـــو عجــب ولا عجبه شك اهدمومه
اكباله العرش شافه انصب عرش الله يعني ارسومه
بس احنه مـا شفنه وعلي وجنـنـه كلــش يومــــه
انته نور اعيوني ... حسيناه
خلهم يلومـــوني ... حسيناه
ـــــــــــــــــــــــــــــــــــــــــــــــــــــــــــــــــــــــــــــــــــ
عمي احنه حبينه وخلص عدنه ظهر بيـه ننتجي
هــــــم سامع بعاشك كبل مـا شايف وميت بجي
ايلومني بس اطرش اذن ماسمع الهم اي حجي
انته نور اعيوني ... حسيناه
خلهم يلومـــوني ... حسيناه
ـــــــــــــــــــــــــــــــــــــــــــــــــــــــــــــــــــــــــــــــــــ
انــه اعترف صح النظــر ماشافه بس شافه الكلب
شعـليـــك اذا دك الصــدر شعليك اذا دمعــي يصب
روح اشرب انته من البحر مانشرب احنه الا العذب
انته نور اعيوني ... حسيناه
خلهم يلومـــوني ... حسيناه
ــــــــــــــــــــــــــــــــــــــــــــــــــــــــــــــــــــــــ

خـــط الشعائـــر يستمــــر شمـــا تكثـــر الوامه
شي تبجي شي تنعه وتون شي عالصدر لطامـه
احجيها واسمــــع يالخصم اعظـم درس بالقامه
انته نور اعيوني ... حسيناه
خلهم يلومـــوني ... حسيناه
ـــــــــــــــــــــــــــــــــــــــــــــــــــــــــــــــــــــــ
كل عقلك انعوف الدرب مشايه نكصد كـــل سنه
الشــــاب يتبــــاه بقوته والشايب الظهره انحنه
يــــاعمي ميفيد الحجي زواره كلهـــا مجنـنـه
انته نور اعيوني ... حسيناه
خلهم يلومـــوني ... حسيناه



#ابو حسن الجعاري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

لــ مجالس الحسين ع

وين ما أسمع عزاء     يبدي حزني لـكربلاء

روحي بالطف والمجالس حاضْرَه
كل گلب مكســـور أطيِّب خاطْرَه
ـــــــــــــــــــــــــــــــــــــــــــــــــــــــــــــــــــــ

بالحُسَينيات ........ من يصـــــيح الناعي اسمعه
بالحسينيات ........ هوه ينعـــــــــه او آنه انعـــه
بالحسينيات ........ كل حنيــــني وحـزني اطلعه
بالحسينيات ........ آنه أســــجّـل دمعه دمعـــــه

الناعي يكسر گلبي حيل
لو ذكـر جــدامي خيـــل

جم ضلع بحسين أشوفن كاسْرَه   
كل كلب مكســور أطيِّب خاطره
ـــــــــــــــــــــــــــــــــــــــــــــــــــــــــــــــــــــ

أوگف اعله الباب ........ امگبعه بحزني ومحِنْتي
أوكف اعله الباب ........ وتبقه عالمـجلس نَظُرتي
أوكف اعله الباب ........ واذكـــــر النـار وعصرتي
أوكف اعله الباب ........ واليطب يسـمع حسرتي

وين الي يواســيني وين
فاگــده اوليدي الحُـسين

روحي شبه الطير اجتكم حايره   
كل كلب مكســور أطيِّب خاطره
ـــــــــــــــــــــــــــــــــــــــــــــــــــــــــــــــــــــ

من أشوف الماي ......... أصرخ آه يحسـين يبني
من أشوف الماي ......... يعرض اگـبالي الـذبحني
من أشوف الماي ......... ألعـــــــن ايزيد الفجعني
من أشوف الماي ......... يجري دمعي اويعله وني

شـمر ثاني النهــر چان     
يحز نحري ابكل زمان

آنه اعذره لو بو فاضـــل عاذره   
كل كلب مكسور أطيِّب خاطره
ـــــــــــــــــــــــــــــــــــــــــــــــــــــــــــــــــــــ

شلون أبطل النوح ........ وآخـذ ٱمـن الدنيــا راحه
شلون أبطل النوح ........ وزينب اتعـــيش بمناحه
شلون أبطل النوح .........وٱنسه الحسين وجراحه
شلون أبطل النوح .........وانه دمعـــــاتي مُـبـاحه

مو بديــــــــــه ولابـديك     
اعيوني من يبچن عليك

آنه أمك راح أظلـن صــــــــابره   
كل كلب مكسور أطيِّب خاطره
___________________________

آنــه وأم عبــاس ..........كـل عمــــــرنه مـافرحنه
آنــه وأم عبــاس ..........اثنين، بس واحد جرحنه
آنــه وأم عبــاس ..........ابطيحـت العباس طحنه
آنــه وأم عبــاس ..........ويـه الحســــين انذبحنه

إثنيــنّـه بنفس المصاب     
شــرْكه حتى بالعـــذاب

إنطت إبني أربعه وماقــــاصره   
كل كلب مكسور أطيب خاطره
ـــــــــــــــــــــــــــــــــــــــــــــــــــــــــــــــــــــ

ياشهر عاشــور ........... يالخذيت ابني من اديه
ياشهر عاشــور ........... ما أعــذرك للمـــــــــنيه
ياشهر عاشــور ........... بيك مفجــــوعه الزجيه
ياشهر عاشــور ........... عيّدَت بيك آل أمــــــيه

آنه مفجوعه بشــهيد     
هُمه عدهم أحله عيد

فاجعه ابآل النبي ماصــــــايره   
كل كلب مكسور أطيب خاطره
ـــــــــــــــــــــــــــــــــــــــــــــــــــــــــــــــــــــ

خادم الحسين ع
#مرتجى الحسّاني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#الليلة_الثانية (للخدام)
،،،،،،،،،،،،،،،،،،،،،،،،،،،،،،،،،،،،،،،،

انه وجروحي ودمع_الحديته
ما ريده ينشف يكثر_يريته
ماصاحب احد ماعنده_ذكرك
انه بحرگتي ولطمي_جزيته

گلبي ذخرته__بس للمصيبه
مصاحب دموعي__الوادم غريبه
مااريدن احد__عنك يجرني
كلمن جروحه__وكلمن حبيبه

يا رب الدمعة التارس كلبي جروح
يا وجه الدنيه ليش، ببر مذبوح
من اسهر وابجيلك حسيت انسان
خليني كل ليلة يكتلني النوح

،،،،،،،،،،،،،،،،،،،،،،،،،،،،،،،،،،،،،،،،

لا مااغلي كل دمعة_لجلك
بس انته غالي وشلون_املك
انته التعيش بنص_السوالف
كلما اسولف سالفتي_بأهلك

تبقى بدليلي__كسرة هضيمة
كل دمعه بيهه__اذكر يتيمة
سالفتي انته__غيرك نسيته
شيبرد دليلي__محترگة خيمة

بگلبي تعيش امصيبة جدم المحروك
زينب تركض صوبك وانته المخنوك
يالنايم و الخيل تدوس بكل حيل
تهوس وادم فوكك حضرنه النوك

،،،،،،،،،،،،،،،،،،،،،،،،،،،،،،،،،،،،،،،،،

طبع اليحب محبوبه_ يمه
كلما يحنله امن ايده_يلزمه
بس انته عايش يمي_خيالك
وانه بدمعتي صاحولي_زلمه

تعله النواعي__ناري توجرت
تسولف حسرتي__ياهيه طلعت
گلبك مخيم__نار وحوافر
تطشر تشوفا__هالمنه ركضت

ركضت من الخيمة ومعمية العين
الما راكض كل عمرا تعثرا الرجلين
عالعثرت كون اكسر صدري وماعيش
دنيه الضيعت اختك ماتسوا حسين

،،،،،،،،،،،،،،،،،،،،،،،،،،،،،،،،،،،،،،،،،،،

يبقى رجائي هالحسرة_تبقى
جا وين اروحن لو بيه_تطفى
احركلي گلبي وكون_بدمعتي
ليلية اموت وعاللوعة_اغفى

معليني المن__شسوا بوكعتك
يارحمة الله__الذبلانه شفتك
سهم الاجالك__تايه اوويته
انطيته نحرك__انطيته ريتك

كلبك ليش تطشر و توزعه اثواب
تنام بشمس و ضعنك نايم بتراب
كله لخاطر وجهي واستاهل هيج؟
خل تاخذ كل حيلي دمعة المصاب

،،،،،،،،،،،،،،،،،،،،،،،،،،،،،،،،،،،،،،،،،،

انه التعذب بروحي_وكلتهه
شلون بعيالك لمن_شفتهه
دمعي يسولف حس_المصيبة
من فز وعي عقلي_وشلتهه

شنفع الثقافة__وجسمك تطشر
مبهذل يكوني__صدري إيتحسر
بزنجيلي الطم__ظهري اشجه
ديني السلاسل__وبظهري تفتر

لو دگ بسن حافر ما اوفي الصار
يظل عقلي وكل فكري بسحكك محتار
حسرة بكلبي تعيش وايامي حداد
جرحي الغربة الضيعت اهلك بالنار

،،،،،،،،،،،،،،،،،،،،،،،،،،،،،،،،،،،،،،،،،،،
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

سكينه والعباس....4/3الشيعتي مذيل
.
.
أنت لو راجع يعمي هالمسيه
يم خيمنه ماتدنت آل اميه
ياذخرنه......كل عمرنه
...... يابو فاضل ......
.
.
آنه سكنه........عندي محنه
اليتامه كلها تنشد عمنه وينه
رد جوابك.....وي خضابك
مستحي مني يعمي وما تجينه
هايموعود.....رد الزنود
عمي ارجع يالكفيل شگد نخينه
اترك الماي....ها يوفاي
ارجع وموت بخيمنه ياولينه
.
انت لو راجع يعمي ما بچينه
لا شمر لا بن سعد يهجم علينه
يا فخرنه.......كل عمرنه
....... يابو فاضل ........
.
.
ريشة الطاس....تخوف الارجاس
عمي ارفعها برمح مابين الخيام
اسمع الناس.....ذاكه عباس
واگف بوسط المخيم بيده صمصام
راعي الجود......بعده موجود
ياشمر ماتگدر اتحز نحر اليمّام
لا تهجمون....لا تگربون
ضربته معروفه لابد تشطر الهام
.
للخیم لمن رجع شاف الزچیه
انتفض لمن نظر دمعة رقيه
يانصرنه........كل عمرنه
...... يابو فاضل ......
.
.
لو اجونه......وحاصرونه
من الخيم اشمر عليهم عمي درعك
وليشوفه......يبدي خوفه
مستميت.ويابطل يكدر يصرعك
هايمقدام......لا متنظام
كلها تعرف بالحرب محد يجرعك
يالسكوتك......يخفي موتك
حيرتهم بالخيم محد يسمعك
.
منهو يگرب للمخیم وانت موجود
والهجم یترك وصيته يعني ميعود
من يمرنه........كل عمرنه
........ يابو فاضل .........
.
.
انته مغوار.....عندك اسرار
حتى لو ميت سلاحك بي مهابه
من يزحفون....صوب الضعون
يهجم اعلينه الشمر ويسل حرابه
ارهب الكون....عاليهجمون
اسحب السيف واردنه الگرابه
من یسمعون.....مایظلون
قائد السبعین الف یفقد صوابه
.
حتی لو میت یعمي هم يخافون
يم طرف باب المخيم ما يمرون
يالتسرنه.......كل عمرنه
....... يابو فاضل .........
.
.
آنه تانيت.....وانته ماجيت
مستحي مني يعمي وآنه اريدك
انت لو جاي....چفك الماي
نرتوي ياعمي كلنه بشمة ايدك
تدري بالصار....بالخيم نار
الشمر ثنى وذبح منحر عضيدك
من رقيه.......هالوصيه
عمي وصتني اقبلك من وريدك
.
هايه دمعه بچفي من عين العقيله
عمي بعدك اصبحت هيه الكفيله
ياجرحنه......كل عمرنه
....... يابو فاضل .........
.
.
جمر الدموع....وسط الضلوع
عگبك خیول العدی هجمت علینه
سلبونه.....عذبونه
والدي صدره انسحك واحنه انسبينه
مرمرونه.....لوعونه
عمي بحبال الخيم شدو ادينه
تدري بينه.....ياولينه
عمي فص عينك نظر مدمع بچينه
.
ارد احضنك هايعمي گلبي ملهوف
وینه حجرك وينه خدك وين الچفوف
حل يسرنه....كل عمرنه
....... يابو فاضل .......
.
.
انتهت ولله الحمد
لاتنسوني ووالدي من فضل دعائكم المبارك

.
حسن الموالي الفاطمي
.
القصيدة محرمه على منشدي الDJ




https://tttttt.me/joinchat/AAAAADyvNcFdjoQh-74liA

وهاي الدنيا من يومك .. خلگ مكسور
شنهو البيها يحله ووجهك امدمّه ؟

الورد ذابل وعطره ابذمة الدخان
عگب وردة رضيعك محد ايشمه

الما دگ صدره بيده ابحرگة اللطّام
اذا سالمني بيها مو بري الذمه

العين الما بچت لحسينها بعاشور
وحگ ربك قليله ابحقها اذا تعمه

الما سجلوا اسمه بدفتر الخدام
ما يسوه فلس مهما كبر اسمه

وسف والصدر ذاك لخيلهم ميدان
وامس چانت عليه تتدافع النسمه

ووسف واللملم الدين بصبع مبتور
اموذّر بالصحاري ومحد يلمه

ووسف ثغرك الطاهر ينضرب بالعود
وامس چان الرسول ابشفته ايلثمه

صدك يحسين يم النهر بس عطشان
شنو ابگلب الشِريعه ماتت الرحمه ؟

صدك زينب اسيره وعالهزيله تروح
ومن سوط الشمر چفيها متورمه

حلوين وعلى اعداهم .. يمرون
اخوتي .. وشعل فرگاهم .. يمر ون
اعله رمحه والشماته من .. يمرون
احس بالكافل ايصيّح اديه


جبل ع الشاطي لتظن .. مال اخوها
النهر مو مال اميه .. مال اخوها
ولا من الكفاله .. مل اخوها
اچفوف ورأس .. بين اخته واخيه


احمد هادي الشمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

‏هذا سَفيرُ اللهِ هذا مسلمٌ
‏ثِقَةُ الإمامِ السّبطِ ماتَ شهيدا
‏.
‏هو سهْمُ (طٰهَ)،في كِنَانةِ (حيدرٍ)
‏وبه (الحُسينُ) رَمَى اللَّعينَ يزيدَا
‏.
‏الكنانة :جعبة السهام
‏.
‏عظَّم الله أجر صاحب الزمان (عج) وأجوركم باستشهاد مولانا مسلم بن عقيل (ع).

‏⁧ #سفير_الإمام_الحسين⁩
‏⁧ #اللهم_عجل_لوليك_الفرج⁩

للعليلة ع..

بويه اجتني المغربيه ورايده اتوضأ اوياك
أَذَّن الأذان وِشـــــــــتاگـيت أمِـد امصـلاك

وين اشوفنك وين ...اتأخرت بويه حسين
أذّن الأذان وشتاگيت أمِد امصلاك
ـــــــــــــــــــــــــــــــــــــــــــــــــــــــــــــــــــــ

يالحچي احضانك دفو وين مثلك ألگه أبو يالــــــدللتني

عمري عشته امدللـه وماحسبت الكربله ومنين اجتني

اعيوني ذبلها السـهر أزرع او أحصد قهر
من فاركتـني

لازمه امصــــــــلايتك وْبيها اشـمَّن ريحتك يالمــاخذتني

من تصد عيني اعله دربك تلكه اثر بس خطوات
كربـلـــــــــــــه كطعتي كلبي والدي حي لو مات

درب الاحباب منين . اتأخرت بويه حسين
أذّن الأذان وشتاگيت أمِد امصلاك
ـــــــــــــــــــــــــــــــــــــــــــــــــــــــــــــــــــــ

امگابله الحايط وَوِن حالي حال البلسجن هجرك سباني

أوصـل الباب او ارد واذبل اشـــــما تبتعد يفرح زماني

بالي بيكم منشـــــغل وبيه حسره اعله الطفل تشبه حناني

وين ابو الغيره الكمر كال ارجعلج خــــــبر بس لانساني

والله ياعمي انتظرتك عالوعد بس ماجيت
لو حِلت بعيونك الغــربه ونسيت البلـبيـت

أعتب اعله الجفين .. اتأخرت بويه حسين
أذّن الأذان وشتاگيت أمِد امصلاك
ـــــــــــــــــــــــــــــــــــــــــــــــــــــــــــــــــــــ

بويه من گد شوگي الك ابكل مكان اتخــــيلك واكف امامي

وين اروح اشــتم عطر ذكــــــرياتك والصـبر ختمن كلامي

بويه موت ولاهجــــــر بَـيّن بحيلي الكسر وبادت عظامي

كلمة البويه بعـــــــــــد حرمت اعله الساني ابد واقبل سلامي

خاف اموت وما اشوفك تبقه حسره الملگاك
آنه ما متعــوده افـز من نومتي وما أ لگــاك

ابسرعه فرگنه البين . اتأخرت بويه حسين
أذّن الأذان وشتاگيت أمِد امصلاك
ـــــــــــــــــــــــــــــــــــــــــــــــــــــــــــــــــــــ

ساكته بس جنت احس ابعينك الفركه امن امس لاحت شــفتها

شـــفتك اتطـول الحچي وصار يم زينــــب بچي وانه اسمـعتها

ردْت اسـألك بس خفت عن كلامي اتراجعــــــت فركه اعرفتها

لن رقيه اتـكلمـــــــــــه اتكله بابه وفاطمـــــــــه جا شو عفتها

لاتظل خليها تركب اختي ويانه اتريد
آنه انطيها مكاني حته لو دربي ابعيد

تكعد ابنص العين .. اتأخرت بويه حسين
أذّن الأذان وشتاگيت أمِد امصلاك
ـــــــــــــــــــــــــــــــــــــــــــــــــــــــــــــــــــــ

سكنه تركــب وانه اظل بويه جاوبني اشحصل مو عذبتــــــني

كل خــــــواتي وافـقَــن اركــــب اوياهن رضن وانته ارفضتني

حگه گلبي ينمـرِد حالي مايحمل بُـعِد وَيـــــاك اخذني

حته لو طفلك گـعـــــــد انه اهـزلَّـه المــــــهد بس لاتردني

لو بِچه عبد الله اگعد انه اسولفله احلام
هوه متعـوِّد عليه ابحضني ليــليه اينــام

العلَّه صارت عِلْـتين ..اتأخرت بويه حسين
أذّن الأذان وشتاگيت أمِد امصلاك
ـــــــــــــــــــــــــــــــــــــــــــــــــــــــــــــــــــــ

خادم الحسين ع
#مرتجى الحسَّـاني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء