نضع بين ايديكم اعمال #الرادود_يوسف_سعد_العاملي الكاملة ..

قصائد #استشهاد_السيدة_الزهراء عليها السلام

١_ قصيدة #كيف_لاذت الشاعر منير الخنسا
https://youtu.be/sbpNHIgYKdc
٢_ قصيدة #فاطمة_يا_فاطمة الشاعر سلام المشعل
https://youtu.be/rRBgiDcrB-c
٣_ قصيدة #دموع_الشريعة الشاعر مهدي فقيه
https://youtu.be/cfufziT6CEA
٤_ قصيدة #لا_تتركيني_حزينة الشاعرة حنين الدعسكي
https://youtu.be/KvfieaC_ABA
٥_قصيدة #ابنائك_الاحرار_يا_فاطمة الاديب جابر الكاظمي
https://youtu.be/85RTdV73NcY

#قصائد_استشهاد_امير_المؤمنين_علي_عليه_السلام

١_ قصيدة #وينك_يا_حامي_الجار الشاعر مهدي. فقيه
https://youtu.be/nUJY57PTnjw

#قصائد_اربعين_الامام_الحسين_عليه_السلام

١_ قصيدة #يا_مذبوح الشاعر حسين شعيب
https://youtu.be/b-Q4-iNJfMM
٢_ قصيدة #حلمي_ازورك الشاعرة فاطمة رزق
https://youtu.be/DQZHxKJuQbw
٣_ قصيدة #يا_حامي_الحمية الشاعر علي الفتلاوي
https://youtu.be/x7hafK3yX7Q

#قصائد_محرم_الحرام

١_ قصيدة #عليلة_وهم_سليبة للشاعر الشيخ حسين ضاوي
https://youtu.be/B8LIYNMekSw
٢_ قصيدة #هلال_الاحزان للشاعر الشيخ حسين ضاوي
https://youtu.be/uYxackumitk
٣_قصيدة #خلني_عبد للشاعر الشيخ حسين ضاوي
https://youtu.be/sbpNHIgYKdc
٤_قصيدة #انا_البتار الشاعر الشيخ حسين ضاوي
https://youtu.be/VFqWOsbKIXI
٥_قصيدة #قد_عاد الشاعر الشيخ حسين ضاوي
https://youtu.be/PyjeRWdUC2c
٦_ قصيدة #حرب_الفصاحة الشاعرة فاطمة رزق
https://youtu.be/N2CHFRUvopo
٧_ قصيدة #انصارك_الاشراف الشاعر مهدي فقيه
https://youtu.be/v1_NQ4ry67M
٨_قصيدة #اتى_محرم الشاعر منير الخنسا
https://youtu.be/XONFw91FU-4
٩_ قصيدة #شبه_المسيح الشاعرة فاطمة رزق
https://youtu.be/cMgoKAbpKuo
١٠_ قصيدة #ختام_الليالي الشاعر مهدي فقيه
https://youtu.be/-yF9gRc1fHY
١١- قصيدة #يا_خويا_يا_بو_فاضل الشاعر مهدي فقيه
https://youtu.be/UuTB-FBRd74
١٢_ قصيدة #يا_علي_الاكبر. الشاعر مهدي فقيه
https://youtu.be/Ms22gu461go
١٣- قصيدة #علي_أنا الشاعرة فاطمة رزق
https://youtu.be/BDd5y-DwITA
١٤_ قصيدة #الام_السفر من تراث جبل عامل
https://youtu.be/bjgtlryV_z0
١٥_ قصيدة #ياعدتي الشاعر مهدي فقيه
https://youtu.be/E1aXFf9xxW0
١٦_ قصيدة #وصايا_البقيع الشاعرة فاطمة رزق
https://youtu.be/4ThiZutp3rE
١٧_ قصيدة #صرخة_زينب الشاعر منير الخنسا
https://youtu.be/3N0vsVBy8Uc
١٨_ قصيدة #عزم_العباس الشاعرة فاطمة رزق
https://youtu.be/_-5E5zfW_v0
١٩_ قصيدة #غريب_البقيع الشاعرة فاطمة رزق
https://youtu.be/wLFF4-ShbUI
٢٠_ قصيدة #سل_صدري الشاعر محمد نايف
https://youtu.be/wLFF4-ShbUI

#ادعية
١_ دعاء العهد https://youtu.be/qtHwsXf37v8

تقبل الله اعمالكم وعظم الله اجوركم

#قصائد_محرم_الحرام_١٤٤٢هـ
#الليله_الاولى
لمولاي صاحب الزمان(عجل الله فرجه)


شيرسم ياجرح بالك—لو هل الشهر
حرك،لو سحكت احسينك—لو طفل العثر
اتطشر ضعن الحسين—لعمتك صدت العين
هاي اهيه الرزيه
——————————————————

تفز اجروحك لحرمه ركضت من مخيم
عالحرمه الركض يصعب ولكن حته تسلم
معروفه اليشوف النار لازم منهه يشرد
خو ما يبقى يتأمل و هيه بطرفه تلزم

لازم يركض و تفزعله خوان
تطفيله الحرك وتصبره عالجان
جا بس كربله فوك الحرك خيل
واتسابك جدم وين اللي تعبان

المحد عدهه حماي—شتمهه الراح والجاي

——————————————————

يالتبجي دمه عيونك من تسمع حوافر
تحز بروحك الهسه جدك ماله ناصر
وحيد استوحدته آلآف محد كام ردهم
ودو للصدر الخيول وبقا بروحه يكابر

شيسوي الوحيد بهدت الناس
وين يدور وجهه الماله عباس
سيوف انحدت ولاگاها الحسين
من يم الظفر حدر كطعت الراس

حكك تلطم ازنود—ظلع الغالي ممرود

——————————————————

بگلبك يا طفل يذبح هم تسمع رقيه
من حشمت يبابا حسين تعال الحك اديه
جرح تتكاثر اوجاعه شتحمل يا هضيمه
والتكتل تصيح اعلي زلم دارت عليه

ورده ازغيره حرگت بيهه الخيام
الذابحها المهه اشتكدر اتنام؟؟؟
من الله واكبر كربله ليش
حرمتهه امن ابوها وراحت لشام

دمع العين حراك—عمر خلصته بفراك

——————————————————

ذايب گلبك بحزنه واجروحك ولا تنعد
للشام انخذت عمتك فوك الناكه تصعد
من حرك الخيم لحسين ولشام المصايب
عندك روس عالرماح ياحسره اللي تبرد

ما تنشف دمعتك طفت العين
عالضعن التطشر مدري لا وين
رايح والهضيمه يمشي و يطيح
فوك الهازله تمشي اخت الحسين

گلب متعلم النوح—بس للهزله مجروح

——————————————————
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#الليلة_الثانية (للخدام)
،،،،،،،،،،،،،،،،،،،،،،،،،،،،،،،،،،،،،،،،

انه وجروحي ودمع_الحديته
ما ريده ينشف يكثر_يريته
ماصاحب احد ماعنده_ذكرك
انه بحرگتي ولطمي_جزيته

گلبي ذخرته__بس للمصيبه
مصاحب دموعي__الوادم غريبه
مااريدن احد__عنك يجرني
كلمن جروحه__وكلمن حبيبه

يا رب الدمعة التارس كلبي جروح
يا وجه الدنيه ليش، ببر مذبوح
من اسهر وابجيلك حسيت انسان
خليني كل ليلة يكتلني النوح

،،،،،،،،،،،،،،،،،،،،،،،،،،،،،،،،،،،،،،،،

لا مااغلي كل دمعة_لجلك
بس انته غالي وشلون_املك
انته التعيش بنص_السوالف
كلما اسولف سالفتي_بأهلك

تبقى بدليلي__كسرة هضيمة
كل دمعه بيهه__اذكر يتيمة
سالفتي انته__غيرك نسيته
شيبرد دليلي__محترگة خيمة

بگلبي تعيش امصيبة جدم المحروك
زينب تركض صوبك وانته المخنوك
يالنايم و الخيل تدوس بكل حيل
تهوس وادم فوكك حضرنه النوك

،،،،،،،،،،،،،،،،،،،،،،،،،،،،،،،،،،،،،،،،،

طبع اليحب محبوبه_ يمه
كلما يحنله امن ايده_يلزمه
بس انته عايش يمي_خيالك
وانه بدمعتي صاحولي_زلمه

تعله النواعي__ناري توجرت
تسولف حسرتي__ياهيه طلعت
گلبك مخيم__نار وحوافر
تطشر تشوفا__هالمنه ركضت

ركضت من الخيمة ومعمية العين
الما راكض كل عمرا تعثرا الرجلين
عالعثرت كون اكسر صدري وماعيش
دنيه الضيعت اختك ماتسوا حسين

،،،،،،،،،،،،،،،،،،،،،،،،،،،،،،،،،،،،،،،،،،،

يبقى رجائي هالحسرة_تبقى
جا وين اروحن لو بيه_تطفى
احركلي گلبي وكون_بدمعتي
ليلية اموت وعاللوعة_اغفى

معليني المن__شسوا بوكعتك
يارحمة الله__الذبلانه شفتك
سهم الاجالك__تايه اوويته
انطيته نحرك__انطيته ريتك

كلبك ليش تطشر و توزعه اثواب
تنام بشمس و ضعنك نايم بتراب
كله لخاطر وجهي واستاهل هيج؟
خل تاخذ كل حيلي دمعة المصاب

،،،،،،،،،،،،،،،،،،،،،،،،،،،،،،،،،،،،،،،،،،

انه التعذب بروحي_وكلتهه
شلون بعيالك لمن_شفتهه
دمعي يسولف حس_المصيبة
من فز وعي عقلي_وشلتهه

شنفع الثقافة__وجسمك تطشر
مبهذل يكوني__صدري إيتحسر
بزنجيلي الطم__ظهري اشجه
ديني السلاسل__وبظهري تفتر

لو دگ بسن حافر ما اوفي الصار
يظل عقلي وكل فكري بسحكك محتار
حسرة بكلبي تعيش وايامي حداد
جرحي الغربة الضيعت اهلك بالنار

،،،،،،،،،،،،،،،،،،،،،،،،،،،،،،،،،،،،،،،،،،،
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#ليلة_مولاتي_العليله_ص_

لسان حال مولاتي العليله(ص)

*********************'***

شيبني البعد**بويه
ماظنك ترد**بويه
بدموعي اهد**بويه

تدري بروحتك طاح الدمع/والحيل مهدوم
اون أمن البعد من فركتك /يابوية كل يوم
بعد ماظن تجي يطول البعد/مااشم الهدوم

دمع عيني/وحدي انه غريبه
دمع عيني/عبد الله شيجيبه
دمع عيني/شحمل يامصيبه

اه/ياهو يمسح دمعتي
اه/تنسمع كل ونتي
اه/ابجي غربت خوتي

حسين بويه حسين

********************'***

مامنك خبر**بويه
تطول بالسفر**بويه
زغيرة عالقهر**بويه

شحمل يا قهر بعدك بقت/ظلمه المدينه
انه ام الفرح وأم الهله/هسه حزينه
العمر ابلا ابو وفيّ رايته/تذبل سنينه

رحت مني/بدمعاتي اناطر
رحت مني/بلكي تردلي باجر
رحت مني/من حضني لحوافر

طاح/دمعي وانت ماتجي
طاح/رمشي واشبع بالبجي
طاح/لساني كد ماارتجي

حسين بويه حسين

*************'**********

عطشانه الك**بويه
بحسرة اتوسلك**بويه
ترجع ديرتك**بويه

بس صورة ألم يمي بقت/ماظنك تعود
ارسم بالضعن مامش عذب/ومودعه الجود
عمي بكربله رسمته وكع/ماظلت زنود

هضم بيه/عن ضعنك بعيده
هضم بيه/بهالديرة وحيده
هضم بيه/وجهك هسه اريده

وين/هسه ناصبلك خيم
وين/هسه صاباك السهم
وين/فيك وفي العلم

حسين بويه حسين

************************

مرسال الجرح**بويه
كال اعله الرمح**بويه
مذبوح الصبح**بويه

مرسالي الك صوب الضعن/غاطيته بجروح
مرساااال الاجه منك ااااالي/كلالي مذبوح
اضم بجرحي بس هوا الجرح/تاليته مفضوح

فكدت طولك/ياهيل الليالي
فكدت طولك/ماظلالي غالي
فكدت طولك/اليردلي بسؤالي

صار/عكبك ضعنّه بالدرب
صار/خدك يغالي بالترب
صار/كلشي يبويه بالغصب

حسين بويه حسين

**********************'**
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#الليلة_الرابعة

خطاب مولاتي ام البنين(ص) لمولاي الحسين(ص)
▪️▪️▪️▪️▪️▪️▪️▪️▪️▪️▪️▪️▪️▪️

حسين ياأبا عبدالله..حسين يمه تكسوك الدما

حسين انه ام البنين
بگلبي حسرات وونين
شبيك يابعد العيون
ليش اشوفنك حزين

ناوي وين.. ياحسين..والمن تحضر العيال
ياامير.. ياجبير.. ووين كايد هالدلال

ودمع طاح امن أسمعت ماشي الضعن
وحيل مابيه واروح اويه المشن

وليش ماخذ هالزغار لطف البعيد
وانته تدري بروحك بغربة شهيد

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

انته روحي والگلب
نفسي البريتي يطب
لمن تاخذ هالضعن
عيني تشبح عالدرب

للرماح..للنياح..وباجر بلايه علم
لاتروح..للجروح..وبأختك تشب الخيم

وشلون بيهه باجر اببين الخلگ
وانه احس جدمي گبلها الحترگ

ويمه يهضم منظر الماعدهه اخو
وشلون حال التنشتم من العدو

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

ابقى وحدي بلا خليل
اخذ وياك الكفيل
بطبعي علمته الوفه
وهوا اليرد اليعيل

بالخيام.. السلام..و أيد عباس الضوا
جفا موت..عنده صوت..وهوا اليحرك الهوا

وياهو يمه اليدنه لخيامك بعد
وانته حزمه وگله يالكافل مدد

وانه وصيته وكلتله يمه شوف
كون قبل احسينك اتگطع جفوف

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

حسين تفرغ هالبيوت
كون هاللحظة اموت
يمه باجر من امر
دار مطفية بسكوت

لاصديج..الطريج..وباجر يناشد عليك
ضلمة دار..بضعن نار..وياهو يلزمهن اديك

وماترد لهنانه اسندك لو طحت
وصوت منك يوصل ليمي نحت

وانته هيبة شلون مابين الزلم
وتطيح يمه وحافر يشبعك ردم

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

باجر يطش الخبر
ضعنك يرد من سفر
انه اسئل بس عليك
مااهم لإبني الگمر

بالنهار..يرد ديار..وحسرة تكتل بي غده
السؤال..يامحال..وشلون گادته العده

وشلون هذا الصار ماعنده ولي
وليش زينب جايه وتنادي هلي


وباجر اسئلهه شنو الصاير عجب
وأترد عليه تگلي صيواني انهب

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#ليلة_مولاي_قمر_بني_هاشم_ص_
_______________________________

البدرُ حيا جفه ضواحيها
القوم قالت و اسلمت امانيها
ها قد اتى شيخُ السقا اراضيها
الحربُ قامت ان عباس ملاقيها

الخيل فوك الخيل عثرت
زلم فوك الزلم يبست___هذا صياد الجمع
خزرته العسكر ترجفه
اليصطرا بجفه يخسفه___خله بخدوده طبع
دخل عباس وجفاها
ضللمت وهوا ضواها___بس بجيهم تستمع

صگارها -وجبارها -خله جثث طشارها
عباس خله الحومه-ماتنوصف اخبارها
_______________________________

و عينُ صقرَ الصيدِ كالسكاكينِ
تغلي احمراراً زلزله البراكينِ
ضيغمها قد غيّرا الموازينِ
والسيف يحكم في قضا الميادينِ

السيف مايرهم لواحد
بس عله العباس كاعد___سيفه يلعب عالرگب
حيهم العباس طبها
بيده كضاها وخبطها ___طب اخو العلويه طب
شمر بالروس ويلمهه
العسكر تبريد جدمهه___علي ويحل النگب

عباسهه-وخلاسهه-حي الله يانوماسهه
اسياگ النعج ساگاها-بيده خنگ بأنفاسه
_______________________________

صوت صهيلِ خيلهِ دوا فيها
الموتُ في وشكِ يصل شواطيها
لايرحمُ الناسَ اتى يقاضيها
الماءُ مائي وانثنى محييها

دوا صوت الشگرا بيهه
طبها ويصيح اجفيهه—راسهه امجان الجدم
نزّل الجربه و ترسهه
سكتت الوادم خلسهه—ماتمد روس الزلم
جدمه يتنومس نگلها
جوا رجله بس عگلها—فوكها يدوس الشهم

ساقيهه-مصفيهه-تدبج يدبج بيهه
سبع الهواشم ماخذ-حيفه امن المسويهه
_______________________________

وضربةُ العباسَ من يساويها
لا يدَ فوق القائدِ يعليها
غوثاً تريدُ القومَ من ينجيها
لم يبقى منها احداً ضواريها

اسباعها دورت شرده
اللاحه ابو فاضل يمرده—الموت صارلهم فرض
شيخ كاعد عله الضفه
بخزرته الشارب ينتفه—صال بالطول وعرض
دم ترس باب الشريعه
ضاكت السبعه الوسيعه—بيد عباس شتفض!!

خيالهه-زلزالهه-حيدر علي عبالهه
جوله اعله المسنايه-والريشه دم يحلالهه
_______________________________
#خادم الحسين محمد منير المياحي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#ليلة_مولاي_علي_الاكبر_ص_

لسان حال مولاي الحسين(ص) مع ولده الاكبر(ص)
————————————————
يالطايح بطيحتك حيلي
يالاكبر اتگطع دليلي
الحسين انه موش الحسين
جيتك عمامك تتجيلي

اسمعتك—لمن صحت بويه تعال
جيتك—اركض واطيح اعله الرمال
الكيتك—متگطعه كل الوصال
—اكبر محال

من طيحتك ظهري انخسف
مات الجفن حدمااا نزف
گوااااااا يبويه اوصلت الك
جرحي عله الغربه انكشف

واعليا يوليدي واعليا يوليدي
————————————————
اكبري كبّرته نوحي
يالفاتح بدمك جروحي
دربي اجيتك مااشوفه
امشي جسد ماهيه روحي

عكبك—بويه انكطع كل الغرام
دمك—من شفته عالدنيه السلام
يمك—اتمدد بطولي و انام
—ابلا كلام

طولي بعد مو مال امس
طولك سهم جاسه وشمس
جرحي عليك اكبر جرح
مالي عله الدنيه نفس

واعليا يوليدي واعليا يوليدي
————————————————
يمبدي يمك كل سنيني
يالچاوي عالتربان عيني
ماچني قائد بويه ضليت
نص غربه يتعالى ونيني

هدت—عيني دمه وشفت الرماح
كبرت—جروحي شيسد كل الجراح
كلبي—بويه وكف گد النياح
—بعيني لاح

ردت المنيه بس تجي
جفني احترك من البجي
لا يهنه بعدك كلشي صار
مالي ظهر حته انتجي

واعليا يوليدي واعليا يوليدي
————————————————
مرجعني للخيمات معمي
گوا انگله بويه جدمي
تذبحني كطره ماكو بيه
وشتلگا ناشف صبح دمي

راجع—اصفج اديه امن الهضم
طابع—جفي اعله خدي باللطم
جبيره—فركتك منهه اشظم
—كسرة عظم

كاسرلي غصني من رحت
امشي عله الكاع و طحت
طاح الگلب عكبك ترا
نشغت گبر من ناشغت

واعليا يوليدي واعليا يوليدي
————————————————
#خادم الحسين محمد منير المياحي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام

🔺🔺🔺🔺🔺🔺🔺🔺🔺🔺🔺🔺🔺🔺
ضعن النساوين بلايه زلم
شبت صواوين ماهي بحلم
جتفتهن احبال**واتجفت ادلال
ماهي بحلم**ماهي بحلم
🔺🔺🔺🔺🔺🔺🔺🔺🔺🔺🔺🔺🔺🔺

ماهي بحلم زينب الاميرة
نذبحت زلم صارت اسيرة
ذاك الشهم نلم بحصيرة
شبعت ردم ارقية الزغيرة

شبعت ردم بين النار بين الخيل
زينب تلم ليهه زغار تصرخ ويل

دمعتهه تنده يالاخو
بنص خيمة سلبنه العدو

بنص خيمة جتال**واتجفت ادلال
ماهي بحلم**ماهي بحلم
🔺🔺🔺🔺🔺🔺🔺🔺🔺🔺🔺🔺🔺🔺

يطيح الدمع من محترك
كاسر ضلع شيخ العشك
راح الشمع صارت صدك
بعده اليشع يهوا الشبك

بعده المهد يهوا التهز مابي طفل
راح وصعد تنام وتفز تشبگ حبل

تبجي والمهه ينسمع
عبدالله بعده بكد شمع

بنص صدرا النبال**واتجفت ادلال
ماهي بحلم**ماهي بحلم
🔺🔺🔺🔺🔺🔺🔺🔺🔺🔺🔺🔺🔺🔺

بطف كربله صار الصعب
بنص الفلة بين الغرب
ماكو هله بس الضرب
المدلله بنص الحرب

هذا العجب بت الأمير بنص كفر
تالي انهب ستر الجبير بنص جمر

المن تناشد ياولي
مفجوعة تصرخ ياعلي

الحگ للعيال**واتجفت ادلال
ماهي بحلم**ماهي بحلم
🔺🔺🔺🔺🔺🔺🔺🔺🔺🔺🔺🔺🔺🔺

ليش الزمن ضوكها الم
العدهه وطن عافت خيم
عيون أنعمن بذاك السهم
ضاكت محن من الخدم

من الخدم ضاكت ركض بين الجثث
خيل بجدم شافت ترض جسمه بعبث

شافت اخو عدل اندفن
من عدهه دمعات الحجن

ماعدهه كفال**واتجفت ادلال
ماهي بحلم**ماهي بحلم
🔺🔺🔺🔺🔺🔺🔺🔺🔺🔺🔺🔺🔺🔺
#خادم الحسين محمد منير المياحي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء