*[ يا غريب الغرباء ]*

أداء: الملا #محمد_باقر_الخاقاني
كلمات: الشاعر #أبو_محمد_الزبيدي

https://youtu.be/P9uuT8tHlKQ

مجالس شهر ذو القعدة الحرام لسنة 1440 هـ - 2019 م
ليالي استشهاد مولانا السلطان الغريب الإمام علي بن موسى الرضا صلوات الله عليه
هيئة يد الله - العراق - بغداد
حسينية الصديقة الطاهرة صلوات الله عليها

مونتاج: مصطفى الحميداوي
مكساج: سجاد الهيفي
مخطوطة: مؤمل الرميثي
النشر الشبكي: علاء بركات العاملي

•• *طور يا ليلة الحادي عشر*••

في "الوصول الى كربلاء"

هلّت مَدامع كربله ¤ شافت أبو اسْكينه
وصّل أرض كرب وبله ¤ وسالِ الدّمِع من عينه
°¤°¤°¤°¤


من سمعتِ ابصوته النّعي، ينعى شبابِ الغيره
صاحت ترايب كربله، يا لوعه يا حيره
سالت مدامِعها وتِون، صوتِ البَچي بكل ديره
ويَمّه بَناتَه اتْجمِّعَن، وتقلّه لا' اتْخلّينه

°¤°¤°¤°¤

شيخ العشيره من وصل، شايل رضيعه ابصدره
ما كمّلِ لْسادس شهَر، يِشبَه عزيزِ الزّهره
والبسمه منّه تْهِل ضوه، شمحلاهه من نظره
لاچن بِجَت أُمّه شكثر ، من سمعتِ ايْذبحونه

°¤°¤°¤°¤

اهتزّت ترايب كربله، وصّل أبو فاضل
غيره وحميّه ومرجله، ولزينبِ الكافل
ما يرضى يِسمع بالأسر، وبيده اللوا شايل
چَفّينَهِ لزينب دُوَه، وباچر تِروح ايمينه

°¤°¤°¤°¤

صلّت على طه النّبي، شافت شبيهِ الهادي
هيبة محمد في علي، لاچن يويلِ افّادي
يتگطّعِ ابسوحِ الحرب، وامّه عَليهِ اتنادي
قالوا عريس عله التُّرب، حنّوها إيدينه

°¤°¤°¤°¤

#أمنن #علينا #برضاه
#يا_صاحب_الزمان

https://tttttt.me/khadimatAL3etraAltahira

•• *طور يللي عله النهر نايم*••

لو هل عَلينه امْحَرّم
نِشم حَرگِ لِمخَيّم
وعِيال حسين تتيَتّم

*ألا هل من مُعين*
*حبيبي يا حُسين*


نواسي الزهره باللطمه
شگَد عظيمه هالنّعمه
أبد ما نعوفنِ الخدمه

*ألا هل من مُعين*
*حبيبي يا حُسين*


شْمَا تِمُر بينه الأزمان
ما ننسى ذبحِ الشبّان
والطّفل ميّت عطشان

*ألا هل من مُعين*
*حبيبي يا حُسين*


واقف وحيدِ وحاير
وابصوته هل من ناصر
وقلبه شكِثُر صابر

*ألا هل من مُعين*
*حبيبي يا حُسين*


ما ننسى دمعة زينب
شالت أخوها امترّب
والصّبُر منها يعجب

*ألا هل من مُعين*
*حبيبي يا حُسين*


تگِلّه يا قَلُب زينب
ترضى يخويه اتسلّب
حاچيني چبدي يلهب

*ألا هل من مُعين*
*حبيبي يا حُسين*


ذبيح الهادي صوّبني
شِنو دمعي وألم ونّي
ونحيب الزّهره يفجعني

*ألا هل من مُعين*
*حبيبي يا حُسين*


حَذاري تِنشَفِ العَبره
ماكو أعز من نحره
ابچي المِنكِسر ظَهره


*ألا هل من مُعين*
*حبيبي يا حُسين*


#أمنن #علينا #برضاه
#يا_صاحب_الزمان

{(کن یکون) و قدرة الله قدرتک یاباالفضل}

(کن یکون) و قدرة الله قدرتک یاباالفضل
کل صعب لمن نگصدک یصبح بإذنک سهل

۱/عد جنابک جیت خایف و اطلب ببابک امان
خاف قافلة الزیارة بیها ما الگی مچان
جیت یا عباس یمک حاجتي (ازیارة) و ضمان
منک انته بس اریده و خوف الابگلبي ایعدل

٢/يا گمر کل عام نگصد بالمحرم للطفوف
اتعودینا اعلی الزیارة ما بعد بینا نعوف
نحيی عاعتاب القداسة و لمّن الگبة نشوف
و لو بعدنا بسيف حرگة یا بو فاضل ننچتل

٣/یا مجرب و النوازل عندک اسهل کل أمر
خذني لارض الغاضرية گرب من عدنا الشهر
یا گمر بالزهرة احلفک لا تردني منکسر
اقضیها متعود اعلی خیرک مثل کل مرة قبل

٤/خاطر رقیة التحبها خاطري لا تکسره
مرادي من عندک اریده یالیباس اتخضّره
قنطره و ما بیّه اعبر و انته سبع القنطره
فراگ الحسین ابمحرم ابد ما بیه ینحمل

*الموفق احمد علي الدر*

⬛️◾️▪️⚫️﷽⚫️▪️◾️⬛️
*توسل ونخوة للإمام الباقر عليه السلام بيوم إستشهاده*

*ياابو جعفر نخيتك*
*سيدي وسال الدمع*
*بجاه عملة كربله*
*البيهه رضوا جم ضلع*

▼△▼△▼△▼△▼△▼
محمد الباقر إمامي
أندبه ودمعي يسيل
زادت همومي عليه
والحمل أصبح ثگيل
ما يرد ايدي خليه
بجاه عباس الكفيل
أندبه ودمعي جرى
ينتهي هذا الوضع
▪️▪️▪️▪️▪️
▪️▪️▪️▪️▪️
ياابو جعفر نخيتك
وأقسم بدم الحسين
حاجتي امن إيدك أريد
وما تردنا خائبين
تشافي مرضانا إمامي
عليك محزوز الوتين
هلوبا سيطر علينه
وجم گلب بينه فجع
▪️▪️▪️▪️▪️
▪️▪️▪️▪️▪️
بالعقيله جيت أندبك
حيل عذبني الأمر
بجاه أطفال الحسين
العذبوهه باليسر
جارت الدنيه علينا
ودسنه مولاي الجمر
تنجلي نريد الهموم
وكل بلانا يرتفع
▪️▪️▪️▪️▪️
▪️▪️▪️▪️▪️
بجدك الهادي أندبك
جيت مكسور الگلب
بداحي الباب وعظمته
وزينب وذاك الدرب
كثرت همومي عليه
والوضع جدا صعب
أبتعدنا عن أهلنه
وخوفي بيهم ننفجع
▪️▪️▪️▪️▪️
▪️▪️▪️▪️▪️
ياابو الصادق نخيتك
وأدري ما تردها طلبتي
بدمعة عيون الحيارى
ليك اقدم حاجتي
گلبي مهموم وحزين
وعالخد تجري دمعتي
گربت أيام العزاء
وحان ميعاد الدمع
===============
تمت بعونه تعالى بأقلام خادمات الزهراء ع
✍خادمة الزهراء ليلى زغيب

✍الشاعرة زينب راضي الزيني
#في ٧ذي الحجة ١٤٤١هج

#نسألكم الدعاء لوالدينا بالرحمه والمغفرة
*يامحمد الباقر مدد*


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*في هذه الليالي الخاصة بموﻻنا مسلم بن عقيل عليه السلام، نستذكر ذلك المولى الذي بقي وحيداً في كربلاء وقبل أن تبدأ الحرب بدأ الإمام الحسين عليه السلام يتفقد إخوته وأولاده وأصحابه وبينما هو كذلك تذكر مسلم بن عقيل عليه السلام فقال له:*

*[ انته وين ]*

أداء: الملا #عمار_الكناني
كلمات: الشاعر #أحمد_ماجد_الكلابي

https://youtu.be/BBWBv71jsbM

ليالي محرم الحرام لسنة1441 هـ - 2019 م
ليلة موﻻنا غريب الكوفة سفير الإمام الحسين مسلم بن عقيل عليهم السلام
حسينية حبيب ابن مظاهر عليه السلام - بغداد - الكرادة

مونتاج وتنفيذ: أيمن الزعيم - حارث العكيلي
مكساج: علي شهاب
النشر الشبكي والتوزيع: علاء بركات العاملي - علي الفاطمي

*[ الكوفة ليش أطالب بنسوانها ]*

أداء: الرادود #علاء_الغريباوي
كلمات: الشاعر #محمد_الجماسي

https://youtu.be/V7RcCyOCVZg

ليالي شهر محرم الحرام لسنة 1441 هـ - 2019 م
هيئة نور الزهراء عليها السلام - العراق - الناصرية


مونتاج واخراج: محمد أديب
مكساج: كرار الموالي
النشر الشبكي: علاء بركات العاملي

هاي ويالدلال اخر مسيه ... باجر عالهزل يحدون بيه
باجر ماكو عباس ... غريبه ابين الارجاس
باجر عالهزل يحدون بيه
..................................................................
يخويه الليله اخر ليلة وياك
دخيلك يا كمر يذبحني فركاك
باجر عالشريعه مكطع الكاك
عزيز وفركتك تصعب عليه
باجر عالهزل يحدون بيه
..................................................................
خليني اشبكــــــك شبكة اوداع
لحد ما حيلي كله يطيح بالكاع
باجر لو رحت هم ترجع بساع
لو روحــــه وبعد ما بيه جيه
باجـــر عالهزل يحـــدون بيه
..................................................................
باجــر سوطهم يوصــــل للعظام
وراي اشكد مشي امن الكوفه للشام
اخت عبـــاس واليحدوني ضلام
ششاجف وانه محروكات اديه
باجـــــــر عالهزل يحدون بيه
..................................................................
باجــر جــــــم نذل يدفعني عباس
لسوك الكوفه طبتي تشيب الراس
وعلي يـا ابا الفضل تتفرج الناس
وكلها تصيـــح هــــاي الخارجيه
باجــر عالهــزل يحـــــــدون بيه
..................................................................
باجـــر مـــا تخلي النـــار خيمه
يخحويه الشمر ما ينحمل ضيمه
ننام شلون واحنه بوسط هيمه
وشماته وغــــرب ترس الثنيه
باجـــر عالهــزل يحــــدون بيه
..................................................................
رقيـه بحظن عمــج لا تكعديــن
مثل عباس باجـر مــا تحصلين
باجر من على الناكه وتطيحين
وانتي زغيره مــو كــــد الاذيه
باجـــــر عالهـــزل يحدون بيه


#الخادم ابو حسن الجعاري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

▪️قصيدة المولى المعظم باب الحوائج مسلم بن عقيل صلوات الله عليه.


في شهادة المولى المفدى الشهيد الغريب
مسلم بن عقيل صلوات الله وسلامه عليه الذي استشهد على أعتاب عيد الأضحى سنة ٦٠هجرية

لا عُدْتَ يا عِيدَ الَمسَرِّة عِيدَا
كلَاّ ولا حَيَّيْتُ فِيكَ سَعيدا

فلقَدْ أتيْتَ وآلُ بيْتِ مُحَمَّدٍ
فيكَ ارتدَوْا سُودَ الثِّيابِ َجديدا

هذا سَفيرُ اللهِ هذا مسلمٌ
ثِقَةُ الإمامِ السَّبطِ ماتَ شهيدا

هُوَ سَهْمُ طٰهَ، في كِنَانةِ حيْدرٍ
وبه الحُسَينُ رَمَى اللَّعينَ يَزيدَا

إن أنسَ لن أنسَاه وهو أميرُهم
قَدْ باتَ مكسورَ الجناحِ وَحيدا

للهِ صِنْديدٌ أراهُمْ عزْمَةً
كمْ أفرَغَتْ منْ عزمِهِ صندِيدَا

واللهِ لولا غدْرُهُ بحفيرةٍ
ما كانَ يغدو باكياً مصفودا

لَمْ يبكِ من أَلمِ الجِراحِ وإنَّما
يبكي لرَهْطٍ يَقْطَعُون البِيدَا

يبكي حُسَيناً والنساءَ وصُحبةً
سَيُشرَّدُونَ بدربِهْمْ تشْرِيدا

صعدوا به قصرَ الإمــارةِ بعْدَها
فَصَلوا عن الجَسَدِ الُمعَظَّم جِيدا

أَلْقَوْهُ ظناً أنْ سَيَنْزلُ للثَّرى
لم يبصِرُوا،كانَ النُّزولُ صُعُودا

نَفْسي الفداءُ لَه قُبَيْل هُوِيِّه
نَادَى فَغشَّى بالقَتَامِ (زَرودَا)

قالَ السَّلامُ على الحُسينِ وآلهِ
فتردَّدتْ أصداؤُه ترْديدَا

ردَّ الإمامُ سلامَهُ مُسْتَعْبِرا
أكرِمْ سلامَ إمَامِه المرْدُودا

وبكى عَلَيْهِ ويَا لتلكَ عظيمةً!
تُصْمي الفؤادَ وتصْدَعُ الجلمودا

أَبَكَى حَميدَتَه الصَّغيرةَ يُتِّمت
بالآهِ تقضي عمْرَها تَسْهيدا؟

أمْ للتَّي تغدُو كَمِثلِ حَميدةٍ
بالدمعِ تنثرُ حزنَها المعقودَا؟

أمْ هل جرتْ عيناهُ تنظرُ مسلماً
في السوقِ يُسْحَبُ أثقلُوه حَديدا؟

بأبي الذي أسَرُوه أصبَحَ كعبةً
لذوي الحوائجِ يفتحُ الَموْصودَا

أسألكم الدعاء


https://tttttt.me/AliOsailyAmily

حسين يا آيه ويارايه امضوايه حسين
حسين دمعاتي وآهاتي وثاراتي حسين
عاشورك مرد چبدي
آنه المهدي ياجدي ... حسين
ــــــــــــــــــــــــــــــــــــــ
ياهو الماخذك مني وحرمني من جمالك
أنه ياجدي محتـــاج الحنانك والدلالك
اذا بالطيف اشوفنك ابوسك من خيالك
احتل بيهم العالم إذا عنـــــــدي رجالك

حسين ياحزني العذبني وهيّمني حسين
حسين ثارالله وعبدالله امن أوصله حسين
يمكن صاير ابگـدي
آنه الـــمهدي ياجدي ... حسين
ــــــــــــــــــــــــــــــــــــــ
ليش اشما ازورنك تون ياجد اسمعك
ياهو الاذّه خاصرتك منوّه الگص اصبعك
ينزلونك بني اميه وچــفوف الله ترفعك
حتى اجنازه ماعندك دگلي اشلون اشيعك

حسين مذبوحي ياروحي واجروحي حسين
حسين ماذيني امبچيني وسابيني حسين
ولون الدم صبغ خدي
آنه الـــــمهدي ياجدي ... حسين
ــــــــــــــــــــــــــــــــــــــ
عاشورك تملّكني وگمت وياه اسافر
انام ابخيمه محروگه وتفززني الحوافر
ذباحك ذبح عمري وكسرلي اشگد خواطر
اكو ناس الله خالقهم مو مالت مگـابر

حسين تتسلّب مـو زينب وآنه انحب حسين
حسين واعله التل چم مقتل يترتل حسين
شبيدي أنصار ماعندي
آنه الـــــمهدي ياجدي ... حسين
ــــــــــــــــــــــــــــــــــــــ
ايام العزاء قربت يجدي وكل محرم
لحيتك بيضه اشوفنهه وقميصك ناگع ابدم
وزينب تاخذ الدمعه وترشهه اعله الـمخيم
چم احجاره ضاربتك اوچم سيف التثلم

حسين يارايه واقرايه وياغايه حسين
حسين لو يمك واشتمك من دمك حسين
غيرك كلشي ماعندي
آنه الـمهدي ياجدي ... حسين
ــــــــــــــــــــــــــــــــــــــ
باچر يظهر اويايه الخراساني ويماني
وكل شيعي يناديني هله بصاحب زماني
اجيك ابيرغ امحزم واصير الناعـي آني
اجي من مسجد السهله ومسجد جمكراني

حسين احسينيتي ولطميتي عافيتي حسين
حسين اوجاعي واسماعي اوي الناعي حسين
ووياي الخضر جندي
آنه المهدي ياجدي ... حسين
ــــــــــــــــــــــــــــــــــــــ
اجي وي جدتي الزهره المجالسنه العجيبه
وبعد أيام هم اسمـع يزينب ياغريبه
بالشام الضعن مسبي الضعن ياهو اليجيبه
الهي عجّل بيومي عذابي ابهالمصيبه

حسين هيج ادعي ودم دمعي وهيج انعي حسين
حسين سألوني ولاموني واذونـي حسين
وانه ابغربتك احدي
آنه الـمهدي ياجدي ... حسين


#العبدالحسيني_محمدالجماسي

دوست دارم

*{{حـسـ حـبـيـبـي ـيـنـاه}}*

أحبك واخجل گبال الـ يحبون
ما عندي گلب عاشگ مثل "جون"

{حبيبي.. حسيناه}

١/أحبك أقل كل الناس
المهم إسمي أحب حسين
زغيره الدمعه من تطيح
بس هيّه بغلاة العين
ماعدنا عمر للحب
و محدد "سنه" و "سنتين"
"وهب" عمره بمحبتك "يوم"
وحسبته بأول الـ سبعين

آنا بخدمتك لو أحظى بس يوم
أعرف بيك تكتبها "خِدَم دوم"

{حبيبي.. حسيناه}

٢/اشگد ما أكبر بحبك
أحس توّك بديت وياي
لذلك عندي كل الناس
أكبر مني يا مولاي
وآنا ازغرهم بحبك
طفل واتهمسك مأواي
أدورك وين ماكو "دموع"
مثل طبع العطش للماي

بداياتي بمحبتك وصلن الشيب
ما وصلن الشام وشافن الغيب

{حبيبي.. حسيناه}

٣/طرق حبك صحيح هواي
بس "بالدمعة" تتوحد
لأن حبك يبو الأكبر
جماله وي عذابه انشد
قلدت الخدم بالثوب
ووياهم رجائي انعد
هو الگلبة ما ملچوم
ما يلبس عليك اسود

عزيزة اشگد عزيزة هدومنا السود
بيها ما نشم دخان موجود

{حبيبي.. حسيناه}

٤/أراقب باليخدمونك
واتحسر تعبهم دوم
وازورك بالدمع لو هل
من كل عين يا مظلوم
أحب مجلس نواعيّك
من يوم الصرت لليوم
وأمنيتي حياتي تصير
قصة "خادم ومخدوم"

حتى ازغر إلك كل ما يمر عام
ويكبر بس جرح گلبي للخيام

{حبيبي.. حسيناه}

٥/لأن ماكو محال وياك
ولأن طبع اليحب مجنون
مو طبع الكريم يگول
بوجه الي يطلبة "شلون"
أنا گلبي زغير عليك
كبّرني لمحبتك "جون"
وربيني "دمع" لظماك
و وزعني على اليبچون

وزعني ثواب دموع مولاي
واحييني گلب ملچوم بالماي

{حبيبي.. حسيناه}

*{{جروح : احمد اللامي}}*

➖➖➖➖➖
رابط قصيدة ((حبيبي حسيناه)) :

https://tttttt.me/MajalesAlKhaqani/1276
https://youtu.be/CI1gsN5-ccc

((القصائد المكتوبة للملا محمد باقر الخاقاني))

قناة تعتني بنشر اللطميات المكتوبة التي قرأها خادم الحسين الموفق الملا محمد باقر الخاقاني
https://tttttt.me/latmiyyatalkhakani

الهاي الخدمه نعد ايام
نحسب للملکه بكل عام
عدنه احلى من هلال العيد
لو هل اهلال الخدام

وتآذن المناره .. قد قامة الزیاره

______________
ادور السنه ویمته الجرح.. من البعد یتعافه
واحدنه من کثر التعب. واصل الطین اجتافه
لو ما للمشابک نجی .. شلون الکلب یتشافه
مثل البلم لو عل جرف.. مایسوه شی مجذافه

من نتلاكه روح بروح
نبجي ونطلم علمذبوح
وبمدمعنه الشوك يزيد
لو هل اهلال الخدام

وتاذن المناره .. قد قامة الزياره
لو هل اهلال الخدام
___
الملهوف اذا طال درب. يبدي عله ربعه صياحه
ما نستراح ونستجن .. نكضيها بس انياحه
زينب سبيه بكربلا ... شنسوي بيها الراحه
من ينفتح طاري السبي.. كلمن يكض اصفاحه

اصعب موقف بين الناس
زينب تمشي بلا عباس
كون دموع العين تثور
لو هل اهلا الخدام
وتآذن المناره .. قد قامة الزیاره
__________

انته الحلم ذاک الصدک.. المحد عرف تفسيره
لميتنه برزق الدمع .. يحسين جنك ديره
البي جاذبيتك ينحسد ... ماتمر كلبه الحيره
مارجعت كاصد ابد .. ويمك نهر للغيره

حزنك دمعه وماتنباع
للجنه مخليك متاع
منذوره ايام العشاك
لو هل اهلال الخدام

وتآذن المناره .. قد قامة الزیاره
___

تستاهل نخدمك عمر ... ماعدنه غيرك غالي
نشوفك رغم ما مندفن .. يحسين كلش عالي
باجيلك بكد لهفتي.. امشي ودمعتي تلالي
رمضان كل يامي احس...يحسين وانته هلالي

ليليه ابجيلك مولاي
وسفه الماي يعطش الماي
بس من الطم جرحي يهيد
لو هل اهلال الخدام

وتآذن المناره .. قد قامة الزیاره

______
قبلك ولا صح بلبشر .. بلعطش عندك غايه
ماشفنه واحد منذبح .. ضامي ويزع مايه
بيك السهام ترهدنت .. عدك جروح اهوايه
باجر اعله عناد الزمن اداويهن المشايه

رغم جروحک رغم الاه
انته المعنی البسم الله
شما تبعدنه نبقی ویاک
لو هل. اهلال الخدام

وتآذن المناره .. قد قامة الزیاره


#علي_مخيلف
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

استقبال محرم

شدوا الحزم شدوا العزم وتحضروا للخدمه
والخِدم ضنوة فاطمه ام البنين اتحزمه

هيئوا المواكب والعلم
هنياله كل واحد خدم

___________

هيئلي عقلك والفكر وخلي الگلب يتحضر
ومن هسه هيم ابكربله ما ضل وقت تتنطر
يلي تحضره بالعزه هم يحضرك بالمحشر
والي يقدره ابو علي عد الله هم يتقدر


هو شهر واحد ترا استثمره  باالدمعه
وكسر اضلوعك بالطلم حسين هم طگ ضلعه

بس ربح ماكو اي ندم
هنياله كل واحد خدم

__________
من ام البنين اخذ العزم اوبيها الفعل خل ينقاس
بخدمت حسين اتنومست ماتت اومرفوعة راس
مو بس حياة انطت اله ضحتله حتى ابعبااس
خليها قدوه ابخدمتك ام الوفه والاحسااس


حتى من اسمها اتنازلت اومو فاطمه سموها
خلتهم ابوسط الگلب او بعيونهم خلوووها


اوصت ضناها اعله الحَرم
هنياله كل واحد خدم

_____________
من تتعب أثناء العزه لا تترك انت العبره
اتخيل حبيب عالترب والخيل تسحگ صدره
اليخدم ابخالص گلب اتسجل اسمه الزهره
وكدام كل اسم انكتب تكتب ازياره القبره

خل ترضه عنك فاطمه هذا الفعل ما منه
اليضمن الزهره رضت يضمن دخول الجنه

ابدنياه ما يبقى الم
هنياله كل واحد خدم

___________
امبين العاشك صدك تقره التعب بعيونه
من بين كل هاي الخلگ الخادم ايحسدونه
حسين هاديلك كنز  الحصله خيعونه
لا تترك الدمعه ابد من تشبع ابماعونه


واليخدم ايموت بشرف خليها هاي ابالك
يحلالك اتعيش ابحزن الدنيا ما تحلالك

اهل الدمع اهل الشيَّم
هنياله كل واحد خدم

__________
الرحمة الله والعطف حسين صار امراية
والنار ما مست بشر رايحه اله مشايه
هذا قليل اتقدمه وعد الحسين اهوايه
الرايد ايطيح الذنب خلي يشيل الرايه


أتوجه ابگلبك اله اوكل ذنب ما يبقى
واليتعب ابهذا الدرب من حسين ياخذ حقه

والحصل الجنه التزم
هنياله كل واحد خدم


_______________
شد رأيتك لبو علي وعيش العشگ بحساسه
هنياله اليطب الگبر لحسين طابر راسه
ضحيله كلشي يالمحب ضحه الك عباسه
ميت لجن باقي عدل ونْشم عبير انفاسه


گل للحسين بكل عزه احسبني من خدامك
وانشغل بجروح العشك لا تنشغل بيامك


وكتب حسين بكل قلم
هنياله كل واحد خدم



#الشاعر عبدالله الشويلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

( مسلم بن عقيل ع )

حيدري وبكل جدارة
زلزلت قصر الأمارة
................................................................

الكوفة رجفت جنه يوم الآخره
على الموت بسيفي الزمكم سره
خبر عاجل خلي يدري الما دره
امس مسلم واني هسه حيدره

لايگ بجفي فقاره
زلزلت قصر الأمارة

................................................................

هواي بس عيني ابد ما تنملي
اسكت آنه وصوت سيفي اليعتلي
أمر من عندي واسمعوا ما يلي
الكل ينادي لا فتى الا علي

بيه لمحه من وقاره
زلزلت قصر الأمارة

................................................................

يا حسين ويا علي بصوتي صحت
القصر هو الطاح واني الما طحت
همه ماتوا وابقى عايش ما متت
رادوا يطيحوني بس عالي صرت

أرتفع گبري مناره
زلزلت قصر الأمارة
................................................................

مثل حيدر واجهت نفس الغدر
هو بالمسجد وانه بسطح القصر
عايشين بكل زمن وبكل عصر
والخليفة وينه هم عنده گبر؟

كل زمن النه الصداره
زلزلت قصر الأمارة
................................................................

عاصمتنا الكوفة مو ارض الغرب
يعني مثل الملك من الها اطب
مثل حيدر عمي سلطان الحرب
تعلمت عالصعبة اصير اكثر صعب

يا علي اخذ البشاره
زلزلت قصر الأمارة
.......................................................

#احمد واثق العيساوي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام_١٤٤٢هـ
#الليله_الاولى
لمولاي صاحب الزمان(عجل الله فرجه)


شيرسم ياجرح بالك—لو هل الشهر
حرك،لو سحكت احسينك—لو طفل العثر
اتطشر ضعن الحسين—لعمتك صدت العين
هاي اهيه الرزيه
——————————————————

تفز اجروحك لحرمه ركضت من مخيم
عالحرمه الركض يصعب ولكن حته تسلم
معروفه اليشوف النار لازم منهه يشرد
خو ما يبقى يتأمل و هيه بطرفه تلزم

لازم يركض و تفزعله خوان
تطفيله الحرك وتصبره عالجان
جا بس كربله فوك الحرك خيل
واتسابك جدم وين اللي تعبان

المحد عدهه حماي—شتمهه الراح والجاي

——————————————————

يالتبجي دمه عيونك من تسمع حوافر
تحز بروحك الهسه جدك ماله ناصر
وحيد استوحدته آلآف محد كام ردهم
ودو للصدر الخيول وبقا بروحه يكابر

شيسوي الوحيد بهدت الناس
وين يدور وجهه الماله عباس
سيوف انحدت ولاگاها الحسين
من يم الظفر حدر كطعت الراس

حكك تلطم ازنود—ظلع الغالي ممرود

——————————————————

بگلبك يا طفل يذبح هم تسمع رقيه
من حشمت يبابا حسين تعال الحك اديه
جرح تتكاثر اوجاعه شتحمل يا هضيمه
والتكتل تصيح اعلي زلم دارت عليه

ورده ازغيره حرگت بيهه الخيام
الذابحها المهه اشتكدر اتنام؟؟؟
من الله واكبر كربله ليش
حرمتهه امن ابوها وراحت لشام

دمع العين حراك—عمر خلصته بفراك

——————————————————

ذايب گلبك بحزنه واجروحك ولا تنعد
للشام انخذت عمتك فوك الناكه تصعد
من حرك الخيم لحسين ولشام المصايب
عندك روس عالرماح ياحسره اللي تبرد

ما تنشف دمعتك طفت العين
عالضعن التطشر مدري لا وين
رايح والهضيمه يمشي و يطيح
فوك الهازله تمشي اخت الحسين

گلب متعلم النوح—بس للهزله مجروح

——————————————————
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(حسين خليني بخدمتك)

يا اباعبدالله .. يا اباعبدالله .. يا اباعبدالله .. حسيــــن
...............................
حسين لو مــــا انته شنهو الدنيا خاطـر بيها اعيش
حسين عوف الناس تحجي الناس متعوده اعله ليش
حسين حبي ويـــاك فطره لا هو صدفه ولا هو طيش
حسين يـــا طير الي يعله اجناحه اذا مـا بيه ريش
يا اباعبدالله .. يا اباعبدالله .. يا اباعبدالله .. حسيــــن
................................
حسيـــن يلمــالكني كـلي وكلي مــالك مــو الي
ابدي مـــن دكـــات كلبي بعشك شخصك مبتلي
حسين اسولف وي روحي تكلي ما اعوفه وعلي
هـــم سمعت بيوم عاشك عـــاف حبـه الاولي
يا اباعبدالله .. يا اباعبدالله .. يا اباعبدالله .. حسيــــن
...................................
حسين عشك اصبــاي انته وانته كلشي بدنيتي
انـــه عايش بيهـا لأجلك يل خدمتـــك غايتي
حسين ياهو اليسوه غيرك حتى ارخص دمعتي
حسين بالعبـــاس احلفك كون تقبــــل خدمتي
يا اباعبدالله .. يا اباعبدالله .. يا اباعبدالله .. حسيــــن
.................................
حسين خليني بخدمتك غير خـادم مـــا اريـد
هنه بس اثنين نــدري مـا كو شي ثالث اكيد
لو حسن عاقبه بدربك لو خســــاره وي يزيد
انه بس ويــاك اشوفن احرار محسوب العبيد
يا اباعبدالله .. يا اباعبدالله .. يا اباعبدالله .. حسيــــن
...................................
حسين كلي اخطـــــأ والله واعتـــرف كلــي ذنوب
حسين جيت الحر اجيتك حسين وفقتي ارد اتوب
حسين غيرك يا هو يستـر حتـى اسولفله العيوب
ناس مـــــا ترحم طبعهـا وحقد مليانــه الگلوب
يا اباعبدالله .. يا اباعبدالله .. يا اباعبدالله .. حسيــــن
...................................

#الخادم ابو حسن الجعاري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

هالعام حجي قررة رب البرية
عندي مناسك خاصة للغاضرية

حجاجي كلهم بالمناسك عدهم علوم
نيتهم القربى وغسلهم نزف لدموم
ونزع المخيط امفارق ارواح لجسوم
وعن حجر لسود راح يقبلون المنية

المحرم الى حج كربلة تكليفه معروف
سعيه الى العركة هو تقصيرة بلسيوف
وزمزم دموعة وعينها قلبه الملهوف
والتلبية لبيك يا روح الزجية

والتلبية اللي منها اتوجه بطلوعي
تلبية ولدي لكبر بزمزم دموعي
تقصيري ذبحي والهدو ذبحة رضيعي
ومو في منى باب التحت الاعوجية

وعباس من يطلع الى رجم الشياطين
من حرملة يصيبه سهم يعمي له العين
وينفضخ راسه وهو بلا يسرى ولا يمين
وينكسر ضهري وتشمت العدوان بية

وزينب سعيها يختلف عن ساير الناس
عدها الصفى لحسين واما المروة عباس
والمروة راسه منفضخ والصفا بلا راس
كل ماتهرول طاردتها خيل امية

عاشر الحجة يصادف عاشر محرم
وغسلي لعيد الحج ابغتسله من الدم
ومجلسي يوم العيد باسويه ماتم
وعيديتي يصعد على صدري دعية

@naae

حج الحسين ع (قصيدة جديدة)

طاف الخيالُ ببيت الله في ألمِ
ليفهم القلبُ خطب الأشهر الحرُمِ

حيث الحسين نأى عن بيت خالقِهِ
كي لا يراقَ دمٌ في ذلك الحرَمِ

كمثل موسى نأى مستعجلاً وجلاً
عن الديار ولكن لم يُغِثه حمي

ويمّمَ الوجهَ نحو الطفِّ محتسباً
ليكمل الحجَّ في بحرٍ من القيمِ

حيثُ الأضاحي هناك النفسُ أرخصَها
مع البنين لرب الجود والكرمِ

والرجمُ نَبلٌ على الشيطان مُسْلَطةٌ
دون الحصيّ التي تُرمى على صنمِ

والسعيُ بين جسومِ الصحبِ مَن نهلوا
كأس اللقاء وبين الأهل في الخيمِ

فأدرك العيدَ في ثوبٍ يزيِّنُه
نزفُ الجروح وقلبٍ منهكٍ وظمي

وعيدُ زينبَ سبيٌ نحو شانئها
مع اليتامى ليبقى الدين في سلَمِ !!


حسين يحيى الحاج
#السلسلة_العاشورائية
19_08_2018
الموافق ل 7 ذي الحجة 1439 هجرية
ـــــــــــــــــــــــــــــــــــــــــــ