*[ قرآن الهجر ]*

أداء: الملا #علي_الوائلي_الكربلائي
كلمات: الشاعر #علي_صابر_السراي

https://youtu.be/PRxLfG_5GDY

مجالس العشر الأواخر من شهر محرم الحرام لسنة 1441 هـ - 2019 م
ليالي استشهاد موﻻنا الإمام زين العابدين السجاد علي بن الحسين عليهم السلام
حسينية هيئة خدمة أهل البيت عليهم السلام - العراق - كربلاء المقدسة

مونتاج: مصطفى العتابي
مكساج: كرار الموالي
مخطوطة: ملا كرار الموسوي
النشر الشبكي: علاء بركات العاملي

#ثگيل

بسم الله الرحمن الرحيم

[ بعيونك عِطَش مرسوم ]

بعيونك عِطَش مرسوم ... رضيع وبالسهم مفطوم
زاعلت الفرح والنوم ... يعبد الله يعبد الله
_

يا وَرِد مو ماي يسكَونك سهم
أنته أوّل طفل بالنبلة انفطم
رفرفت أيدك مِثِل رفّة عَلَم
ركَبّتك تنزف عطر لو تجري دم ؟!

صعد دمّك ونزلت روس ... بجفوفك بقينه نبوس
بحضن ام الحسن محروس ... يعبد الله يعبد الله
_

وحشة يا يُمّه الحظن ويّه المهد
ويا [دللّولك] فهت كلّش بَعَد
السهم ظَل يجوي بركَبّتك لو بُرَد ؟!
عمت عيني فوكَ عينك دم جمد

دمّك جمد فوكَ العين ... بيك السهم لو بحسين ؟!
ما ميّزت بيكم زين ... يعبد الله يعبد الله
_

يُمّه وبراس السهم شِفت الوِريد
مبيّن شكَد ظال تسحب بي أكيد
تارك بعود السهم لزمات أيد
ترف نحرك ما حِمَل حَر الحِديد

عتابي ويه النسيم الهاب ... جا لو حرّك النشّاب
نحرك أبد ما ينصاب ... يعبد الله يعبد الله
_

جنت أحلم تمشي وانظر خطوتّك
تالي ما تالي السهم حَز ركَبتّك
جنت افكّن ريجي يُمّه بضحكتّك
هسّه شو يبست بخدّك دمعتّك

الله يرحم الأحلام ... الله يعاوّد الأيّام
الله يحاسب الظلّام ... يعبد الله يعبد الله
_

ضيوف آنه وياك جينه لكربلة
وعزبّت النه بسهم مِن حرملة
ضيوف بس ما سمّعتنه ال[ياهله]
سمّعتنه شلون تبجي العايّلة

أدّت وجاب الخطّار ... جيش ، وخيل ، موت ، ونار
سهمك سبّبه البسمار ... يعبد الله يعبد الله
_

هذا جرحك يفتحلنه شجم جرح ؟!
يُمّه للشَم ركَبتّك مو للذبح
الله ويّاك .. آنه وي جرحي الملح
ليش نورك طافي يا وجه الصبح ؟!

معانيّك خفاها الدم ... ومن عينك يصب زمزم
هوّه الهجر ما يرحم ... يعبد الله يعبد الله
_

حجي بوجهك طلّسم ما أفهمّه
بي خرابة ، وشام ، ديوان ، وضمه
نلت باستحقاق حِسن الخاتمّة
رحت بكَماطك تسجّل ملحمة

تكتب ملحمة أجيال ... طفل بس زلمه بالأفعال
وكَفتك تسوه جم رَجّال ... يعبد الله يعبد الله


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#ميمر

خلصهه الي يالعباس
حاجه واريدًا حلها


ضاگت يبو زنود السمر يالوفاي
مشتبكه أفكار العقل وتاه الرأي
الدنيا كلها مشمسه وانت افياي

عندك حلول الصعبات
غيرك فلا يندلها
____________________

كل اليدگ بابك يحصل امراده
واليوم اجيتك وانت عم الساده
ماعندي غيرك ياجبير القاده

يمبيض اوجوه الناس
ومن تنطي ما تسألها
_________________


احسبها غلطه من ادگ باب الناس
كلها مذله وبابك ايشيل الراس
متردني ادري والنعم يالعباس

غير انت ابو راس الحار
والصعبة متأجلها


___________________

كلها على اعتابك تجي لهفانه
حتى الگمر منك اخذ ألوانه
وتبحر بجودك ثلة السفانه

يالرايتك راية خير
وجفك بقى شايلها

__________________

من جفك اترَفَع واخذ صيته الماي
تتشرف الگاع بمداسك مولاي
كل المكارم قلة بس انت هواي

الناس التزورك مولاي
ابرحمتك تشملها
_________________

گالولي محد إرتوه من جوده
َگتلهم اعليمن گطعها ازنوده..
وگالولي ضرباته ترا معدوده

وگتلهم اسئلوا الگاع
شلون بجثث حَملها




#الشاعر عبدالله الشويلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ندري گلبك نار وعيونك حزينه
يا ابونه ويا دفو يغطي المدينه
يومنه بعازة أمس
منه زعلانه الشمس
يا وطن چم نوح مر بلا سفينه

،،،،،،،،،،،،،،،،،،،،،،،

بانتظار الفرح عشنه وتدري مرّ الانتـظار
سنين يطلگ ليل عدنه وابد ما جاب النهار
من دمع سود الليالي ولوعة ايــام الدمار
الضحكه من شافت وضعنه فكرت بالانتحار

وين ماخذنه القدر
وحشه وبعيد السفر

يا فرح ننساك لو ناوي تجيـــنه
يا وطن جم نوح مر بلا سفيـنه

،،،،،،،،،،،،،،،،،،،،،

يا وطن بطلنه نعتـب بعد ميـفيد العتب
شعب محد داوى جرحه ينزف ايتام الشعب
راحة البال اتوسّل روح ما يرضى التـعب
حيل محتارين بيهم بين من خان ونـهب

عدو بس صار الحكم
و ننتظر رحمة صنم

ثكل حمل اجيالنه وطوّل وليـــــنه
يا وطن جم نوح مر بلا سفيـــــنه


،،،،،،،،،،،،،،،،،،،،،

باجر متـــانين باجر بلكي ندّايـــــــّن أمان
وحشه يادرب اليردنا وين ماخذنا الزمـان
ذكرياتك بينا دمعه شما نمّر بـأي مكان
احنه ايتامك بلادي شويه حسسّنه بحنان

بيدك امسح روسنه
ورد ليش ادوسنه

رغم كلنا جروح لكن ما شكـــــــــينه
يا وطن جم نـــــوح مر بلا سفيـــنه

#كلمات / رعد الفريجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يمته الفرج لأل النبي نوصل ونبني گبورهم
نشيد گبب وسط الگلب من كل مكان نزورهم
يمته الفرج يل مهدي
=============================
ملينه من كثر البعد ضاك الصدر عل اسياد
بديرة غرب آ يالغرب وارواحنا كلها بعاد
نار الصفت وسط الگلب ماتهدة الا بميعاد.
سم وذبح أهلك كضوا. ويوميه أجروحك تنعاد

اضهر وحلنه الامر ضاكت ونلطم عل صدر
يمته الفرج يل مهدي
===========================
سل سيفك وافني العدو وارفع الرايه الحمراء
ثار الظلع من انكسر والسطر خد الزهراء
وثار الطفوف بكربله وثار العقيله الحوراء
وما ننسه يالمهدي السبي. شاهد تضل البيداء

واشكي الامر للمختار عنده علم باللي صار
يمته الفرج يالمهدي
===========================
ملينه من كثر البچي وبالعين ماظل دمعات
سيف العداله بيمنتك وتصيح يا للثارات
يالجدك الخيبر دحه للدين حقق غايات
هيهات للذل منهجك. وخدامك تصرخ هيهات

خلص صبرها الشيعه للموت تنطي البيعه
يمته الفرج يل مهدي
===========================
ليش الظلم يبقى يدوم بأرض البقيع العبرة
ضاگ الصدر يل جيدوم وبالگلب نار وجمرة
لاناصر اليحجي اليوم كلها بقت منتضرة
ياجمعة تضهر تنتضر. عجل عليك الزهره

الشيعه تندب ثارة وي المهدي كلنه انصارة
يمته الفرج يل مهدي
==========================
موت وذبح كالمعتاد نسگي الارض بدمانه
ندفع ضريبه ظلام يوميه طف بالوانه
خلصت جميع الشبان ماندري ياهو ويانه
سر الله سر محبتك. خضر حشدنه وجانه

نعيش ابكرامه نريدك والعمر كله بيدك
يمته الفرج يل مهدي
======================
خادم خدمة الحسين
#الشاعر محمد الموالي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#موشح للأمام #جعفر #الصادق عليه السلام

حگها تبچي عيونّه وتنزف دمه
عالامام الصادق البچّه السمه
...........

حگها تبچي عيونّه وننصب عزاء
من مصيبه بچّت املاك السماء
بالمدينه ارتفعت صوات البكاء
ونفجع منها الرسول وفاطمه
..............

وصّه بالزهره الرسول وعترته
جعفر الصادق فرع من شجرته
الأمه لكن ياوسف ما رحمته
تالي عمره بالسموم تألمه
..............

وسّع علوم النبي وفقهه انتشر
بالفكر عالخالفوا فكره انتصر
حسدته العدوان من هذا الخبر
عذّبه المنصور ويلي وسمّمه
.............

ظالم المنصور بالدين استتر
وجعفر الصادق كشف امره وظهر
ضد بني العباس أسس مؤتمر
للعلم وآثــــاره لسّه قائمـــــــه
...............

عالمذاهب مذهب الصادق رقه
بالمعـــارف والعلـــوم الصادقه
منهـج القــــــرآن نهجـه يوافقه
وخرّج آلاف الرجــال العــالــمه
................

لكن المنصور خاف عله الحكُم
غدر سَم الصادق وشاع الظلُم
منهج الصادق بقه ومات الخصُم
وباجر بيوم القيامه ايحاكمه

#سيد #زيد #الفحام

_______________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نعي لفقد الاحبه في زمان الفقد
،،،،،،،،،،،،،،،،،،،،،،،،،،

كون العمه بعيوني ذني
لا ضحك بعده وبان سني
علراح لا ميهود وني
يادنيا اخذتي الروح مني

چا وينه ذاك الكله غيره
يا موت وجهك صوبي ديره
يا حيره بعده شلون حيره

ها يلعفتني بعمري شلي
تيهت محتاج اليدلي
اكبر صرت مو عمر حلي

جر النفس ما بيه حيله
جوه التراب الاشتكيله
يا روحي مكسوره وعليله


انعه لحد ما غمض العيون
يلخذت ضحكة وجهي واللون
خلصت ليلي بوسفه وشلون

دنياي وحشه بدون الاحباب
ها يلعزيز شماله التراب
شيفيد گلي ألون والعتاب

أگضي الليالي بنفس مخنوگ
يلمن دليلي بلحظه مبيوگ
ارفع اديه اوجهي ليفوگ

وادعي على روحي بغيابك
علعشره مره وهم شبابك
للموت اظل دمعه اعه بابك

لمن اجيك بذيچ الگبور
واشعل سنيني لطولك بخور
ميت واگلك والله معذور


تسمعني اريدك همي يخنگ
يلبيه گلبك دايم يدگ
هسه الفراگ بروحي يحرگ

شلونه الرمل ويه النوده
غيرله لونه اورد خده
يا گبر رده لروحي رده

چنه الهوه من الدنيا خلصان
جيتك بروح وشوف تعبان
وين الهلا الغطاهه تربان

✍️✍️✍️✍️✍️✍️✍️

#كلمات / رعد الفريجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نعي بحق المرحوم خادم الحسين المرحوم الشاعر ابو احمد الكناني وكل خدمة الامام الحسين الراحلين لجوار ربهم
،،،،،،،،،،،،،،،،،،،،،،،،،،

يخادم للحسين مودع بأهات
ورى التابوت دمعه تصيح لا ما مات
الگضه سنين العمر خادم لامامه حسين
حداد اعليه تلبس كل الولايات

يبو روح الحنينه البيت عيده
لو حتى بگبر منك نريده
ابو احمد يا شهم كمل القصيده


محرم هل علينه ومجلس حسين
اكتب مستهل خل نشبع ونين

يصاحب فضل علخدام والناس
يشيلك مو چتفنه يشيلك الراس
بحق زينب تحضره هنا يعباس
خادمكم واجاكم كله نوماس


بالخدمه العمر خلص والاحسان
قاري اعله الشهيد المات عطشان
وعلى الخد التريب وطفل ذبلان
وقصيده اعله الضلع وي بيت الاحزان


علي ها ياعلي ضيف وگصد بابك
غريب وعاف ناسه وناطر جوابك

عليه هالليله وحشه مفارگ احبابه
بگبره الوحده وما ينفتح بابه
بعد ذيج الوساده اتغطه بترابه
ولبس بس الچفن ما لابس ثيابه


الله وياك يلكلك شهامه
ناسك ظلت بدونك يتامه
علامه الخدمه هاي اكبر علامه
وسلامه وللحشر تبقه سلامه
✍️✍️✍️✍️✍️

#رعد الفريجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نزلة استشهاد الإمام الصادق عليه السلام

يابو صالح عهدنه يابو صالح
......................................
عهد لو حان الضهور ورحنه مشايا أله
ألا ننصبله مواكب تبدي من يم كربــــلا
نوصل ونبني الضريح وترد جلمة ياهلا
وأشهدوا أن عليــــــــــــاً بألأذآن أنرتله
ثورة المشايا.....راية تتبع راية
يابو صالح
...............................................
زحف للصادق نروح ونسحك ادروب الخطر
ما تخوفنه المنايا واحنه جيش المنـــــــــــتظر
مرجع ومثهب وأمــــــــــام وقائد الكل البشر
بسيفه ياخذ ثار جده والأمر منه صــــــــــدر
وفاطمه اتسمينه......يا هلا اتحيينه
يابو صالح
....................................................
لو وصلنه أرض البقيع اهناك نرفع لافته
لافتى ألآ عليــــــــــــــــاً والخلافة رادته
نوكف ونقره الزياة الناحــــــــيه يم عتبيه
ندخل بعز وكرامة ونكعد ابفي كبتـــــــه
ويعله صوت الشيعه......وانجدد احنه البيعه
يابو صالح
..............................................
الصاق أصله فرع شجره خضَر امن آل النبي
الما يتبعه واليضده يرجع أصلــــــــــه ناصبي
اهناك يم شباجه احذر لا تمر طاري العبـــــي
عاش عمره وخلص عمره ينعه زينب والسبي
ولا تهيج ناره.......كونك امن انصاره
يابو صالح
.............................................
خادم خدمة الحسين
الشاعر
#محمد الموالي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

اللهم صل على محمد وال محمد
قصيده للأمام الصادق ( ع)*

الف حسره على الصادق مصابه صوب الزهره
اجتي اليوم تون وتنوح يويلي وتسجب العبره
┈$•┈┈┈•$✿$••┈┈┈•
البقيع الهم تعنتله يويلي وتسجب الدمعات
ييمه مصابك بگلبي وج حدر الضلع جمرات
يمسموم الجبد يمه اجيتك بالگلب لجمات
مصابك يمه يفجعني
حدر ضلوعي يلجمني
اجيت الگبرك اسمعني
ملجومه وتون الروح على الصادق تجر حسره

✍🏻خادمة الزهراء / ليلى زغيب
┈$•┈┈┈•$✿$••┈┈┈
الف حسره وجرح بالروح تنزف دمه الاولادي
كلهم بالقتل والسم خلصوا عترة الهادي
حسرات القلب تنحب يبني عليك وتنادي
من عدنه شتريد الكوم
آ يوليدي يالمسموم
عيني تهل عليك ادموم
كسر القلب والخاطر ييمه ما لهن جبره

✍🏻أزهار جبار الجياشي
┈$•┈┈┈•$✿$••┈┈┈•
امك فاطمة بهاليوم حزنانه وتهل دمعه
تصيح بصوت يالصادق الك هذا الكلب ينعه
سمعت الناعي يصرخ صوت ضاكت بيه الوسعه
يناعي شهالخبر اسمع
منه الصبر هم يجزع
هاشم وينه خل يفزع
ياحيف والف ياحيف يخلص بالألم عمره

.✍🏻الشاعره مريم العبوديه أسيرة الاحزان💔
┈$•┈┈┈•$✿$••┈┈┈•
تنحب فاطمه ابحسره ومن عدهه الكلب مالوم
على الصادق تون وتنوح ويلي المحنة المسموم
جرح الطاهره ماطاب كلساعه بخبر ملجوم
على الصادق تون روحي
ماهود ابد نوحي
مصابك هيج جروحي
جروحي ماهدت ساعه كلبي اليله شيصبره

✍🏻ام زهراء الزيداويه البصراويه
┈$•┈┈┈•$✿$••┈┈┈•
أون اعليك يالصادق يبني والدمع مسفوح
امصابك حيل اذاني وخلاني ابهظم وبنوح
أجيتك والضلع محني مالومه وتون هالروح
وروحي ماهدت هاليوم
دمعي يسيل من ادموم
ودلالي صبح ملجوم
اكعد يبني حاجيني وحالي ابعينك اتنظره

. ✍🏻سهام المالكي
┈$•┈┈┈•$✿$••┈┈┈•
تـكـول الـزهـره يـالمـسـموم صوابـك بالگلب نـيـران
على مصابه تون هاليوم على فكده الدمع جريان
تـصـيح بـصـوت يـالـمـظـلوم يــامـن للعلم عنوان
تنادي وتسجب الـعبـره
الصادق هالخلص عمره
اويـلـي عـليها مـتكدره
يومك بالگلب والروح جرحك والله مايبره

✍🏻 الشـاعـره والـمـلـه مــهــا الـخـيكـانــي
┈$•┈┈┈•$✿$••┈┈┈•
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

حسرة و إنتظار الطاهره ام البنين عليها السلام

لجل الولي - ظل يصطلي - گلبي لوداعه
و الأربعه - اخوانه معه - و آنه ملتاعه
حسين بغيابه - دلاّلي ذابه
●•••••●•••••●•••••●●•••••●
بگلبي راحو ادموعي ناحو و جفني من هَمّه ذبل
بس جَسَدْ بس بهضمَه أيَّس آنه ملهوفه و أوِنْ صبح و مسيّه
بس صُوَرهُم بفكري إلهم بالظعن لمن رحل
و من أغَمُضْ افّادي ينبض بالألم و أبچي علىٰ شموسي المضيّه
باگي ذِكراهُم - و ليتي وَيّاهُم - إخذوني بحماهُم - بالظعينه

كل ما تسِحْ - فوگ الجَرح - دمعة حَنيني
حيلي إنهدَم - بشهگة ندَم - أجذب ونيني
حسين بغيابه - دلاّلي ذابه
●•••••●•••••●•••••●●•••••●
آيا دهري اشتالي عمري بإنتظاري أحترگ
و بالي تايه اشلون أجابِه كل سِهامَك بالأسىٰ تحذف عَليّه
و حولي حَبلَك بالله مَهلَك من قَسُوته أختنگ
و بِيَّه يسحَب و حالي تصعَب امگيّدَه بحبل القهر وسفه إدَيّه
اعطف بحالي - فاگده اعيالي - و ادعي للغالي - يعود إلينه

بگيدَك أنا متدوهِنَه و طَعنَة مُصابَك
و أنزِف حزن من هالمِحَن و قَسوَة عذابَك
حسين بغيابه - دلاّلي ذابه
●•••••●•••••●•••••●●•••••●
شلون أباوع كل شي ضايع و هالمنازل خالِيَه
وينه لحسين و زينبه وين وينه عبّاس البطل حامي دخيله
لا شَمِسْ راح ولا گمر لاح في سَمايَه العالِيَه
ظلمه دنياي وما بگه اوياي في الوطن بس الكِدَر وَيّه العليله
هالوطن عافه - و غابت أطيافه - و لجله لَهّافه - هالمدينه

وين أتجِهْ و أنطي الوَجِهْ بَعْد الأحِبَه
دون الأهل هٰذا المَحَل ياوسفه غُربَه
حسين بغيابه - دلاّلي ذابه
●•••••●•••••●•••••●●•••••●
گلبي يَدْعي و روحي تسعي وَيْ ظَعَنهُم شاخِصَه
تشوفه عبّاس كِلَّه إحساس و محمَل إخته يعَدِلَه بإيدَه و يگودَه
وافي عَهدَه و لَيَّه وَعدَه يوفي حَگّي و الوصَه
بزودَه يبذل و جودَه يحمل و الخِدر ما ينهتك لإختَه بوجودَه
و ينذبح ظامي - ع النَهَر دامي - فِدوَه للحامي - و ينطي عينه

و عِندَه العَلَم يبگه لَزَم عالي بثَباته
خوفي إن وگع بيه ينفجع خوه و خواته
حسين بغيابه - دلاّلي ذابه
●•••••●•••••●•••••●●•••••●
أربع اجواد ثمرة افّاد فدوَه لحسين الولي
و ليت سبعين عندي لبنين ما ابالي لو گَضَوْ و بو سكنه سالِم
و بيهم الراس رِفعَه و الباس من عَزم بوهم علي
ما يهابون هاي لمنون و صرخه منهم بالوغىٰ تهز العوالم
الحومه تشدهم - و الخَصم حَدهم - يهابه لو صَدْهم - يشوف بينَه

كلهم فِدا - لإبن الهُدا - و عندي اشوفه
لو عاد إلي - ضنوة علي - لا ما اعوفه
حسين بغيابه - دلاّلي ذابه
●•••••●•••••●•••••●●•••••●
و الله لو عاد اغلىٰ لأولاد افرش الدنيا وَرِد
و اهتف حسين يا ضيا العين أُمك أتعَبها الزَمن من غِبِت عنها
بهاي الأحلام گلبي منضام خايفه لا ما يرد
و أبگه بنياح حسره و صياح و روحي تذبل بالفگد و فايض مِحَنها
و جمره بأضلاعي - لو إجَه الناعي- يهيِّج اوجاعي - إبني وينه

من هالسفر - وجدي إنفطر - و هاجَت ظنوني
وحدي إگعَدِت - و تِسفَح غِدَت - دَمها عيوني
حسين بغيابه - دلاّلي ذابه
●•••••●•••••●•••••●●•••••●
الشاعر : أبو شهيد الأحسائي
السبت ١٤٣٧/١٢/٢٢هـ
-----------------------
*لا يجوز و محاسب شرعاً حذف او تغيير التوقيع*
https://telegram.me/joinchat/CgjqLUETxaGx5Fdb-1LpBA
-----------------------

*[ رايد أدب وياك ]*

أداء: الملا #محمد_باقر_الخاقاني
كلمات: الشاعر #أبو_محمد_الزبيدي

https://youtu.be/HIpEbFnYiMQ

مجالس ليالي شهر جمادى اﻵخر لسنة 1441 هـ - 2020 م
هيئة لواء زينب عليها السلام - العراق - البصرة - حي الحسين

مونتاج ومكساج: نورس الطيب
تصوير: إعلام الهيئة
النشر الشبكي: علاء بركات العاملي

مِن نُوره شُعَاع الكون مِن عينه
بالسُّوره بَهَاء اِلعالم اِجْبينه
عاشُوره قصّةْ مذْبَح اِحسينه
--
يمَن صلّى إله عيسى وحواريّه
اوسجدتله جُروح الف اوتسعميّه
ابْوِِنينه دوم أسمع ونّه مخفيّه
سلام الله على اللّي مشت مسبيّه

ما ينسه يظَل طوْل العُمر ينحَب
بالخمسه يدگ صدره على زينَب
وانحِسّه ألَم موجُود بسْنينه
--
أشُوف الصادق اليگضي رَسِم عمره
رَسِم راس ابرمح واهنا رسِم صدره
اورسم عجّه اوغبار اوخيلهم عَشْره
واهنانه انطبر بس اثنعش طبره

خَيّاله تدوس ابصدر يتألَّم
وعياله رسمها برسمه تتيتَّم
ظَل حاله محّد يعْرف اِونينه
--
إلى الصادق أسير ابمدمعِ الهامي
أسير اوأحس جرحه يمشي گدّامي
فُرَکْت اعيون گلبي اوعفت أحلامي
شفِت شيب ابرمح بس الرمح دامي

وابّالي حلم ما ادري لو واقِع
يا غالي أشوفن خُنصرك ضايع
واخْيالي مثلك مختفي بينه
--
قرْرَت آنه أمشي وين ما أدري
المهم مخنوگ راسي مثل ما صدري
عشِت أنظر حروفك وانظر العُمري
أثاري الطف چبير وما يحد فِكري

يا جعفر أعرفك تعرف البيّه
ما أگدر قرُط مسلوب لرْقيّه
بالمنْحَر بوسة طفلته اسكينه
--
اعْتقادي الباقر اليرويلك المقتَل
احْترگ منّ الركض من الخيم للتّل
لا تسأل بعد والله لا تسأل
تره عمّتك زينب صعدت الهزّل

والكافِل السهم نايم على اعيونه
والحاصِل الخيول امخربه امتونه
ما واصِل الحنين البينك وبينه
--
أنه يالصادق اعرف كنزك وعلمك
ولا واحد يقيمه اويعرف ابكلْمك
لچِنْ عندي طلب واقسِم عليك امّك
اشْتِسوّي لو شفتها احترگت اخيمّك

لو عينك تشوف اطفال تتجوّه
واحسينك يحيرك هو مو هوّه
بوْنينك تلِمّ اِعياله وابْنينه
--
بعد كل المُصايب والأسى والهَم
احْترگ بابك واگول ابنفسي كون احلم
النار الحرگتك من نار المْخيّم
بس اهناك دم واهنا ولاكو دَم

أيتامك شفتها اتصيح مرعوبه
بيّامك محّد گال مسلوبه
أحلامك تصيح الخدر چا وينه
--
الشاعر محمد الظالمي

رِحنَه بعيد لاچـن ـ رَدنـه لحسين
ربحهم دنيـا واحنه ـ رِدنه الحسين
يهنياله اللي يلــزم ـ رِدن الحسـين
مثل ما چان تلزم بي رقيه ..

#أبوعلي

قصيده للامام الصادق ع

ويلي عله المسموم ومصابه
منعوني اشتم سيدي اترابه ماعنده باب اواسجد ابابه
يمهدي يمهدي
*
ما اذنلك للفرج رب البريه
اعذرني لو گتلك تعال الهل رزيه
بهمي وبدمعي ... للفرج ادعي
كل مسه طبعي ... للفرج ادعي
تمادت اهمومي يبو صالح عليه
سنين تمظي وصد بقيعك هيه هيه

يمته الفرج ونقبل اعتابه
منعوني اشتم سيدي اترابه ما عنده باب اواسجد ابابه
يمهدي يمهدي
*
امن البعد اقره الزياره اگضيته عمري
والطم اعله الصادق وما يشفه صدري
انا أدعيله حظره تبنيله
سيدي الليله حظره تبنيله
ما احس وفيت لو مو يمه تدري
انا مو يعگوب وتّچه اعله صبري

ادري يريد اتزوره احبابه
منعوني اشتم سيدي اترابه ما عنده باب اواسجد ابابه
يمهدي يمهدي
*
مخفي گبر امك يبو صالح علينه
بس گبر صادقكم احنه انعرفه وينه
گبره نندله صعبه نوصله
صارمك سله صعبه نوصله
ما يخلونه نزوره مو بدينه
يعني نفس المسأله اله تجينه

متقيد اودمعاتي سچابه
منعوني اشتم سيدي اترابه ما عنده باب او اسجد ابابه
يمهدي يمهدي
*
ابچي لمصابه ودمعتي بيها حسره
ومن هضمها اعله الجفن رسمتلي حظره
عالم اجنوني رسمت اعيوني
حظره بجفوني رسمت اعيوني
چن عليها صرت اشوفن رايه حمره
وچنها من عينك يغالي اتريد نظره

هيمني دمعي اوتعرف اسبابه
منعوني اشتم سيدي اترابه ما عنده باب اواسجد ابابه
يمهدي يمهدي
*
من اهيم ابعالم اجنوني يغالي
تركع الدمعاتي يالمهدي اليالي
الدنيه تتوسل مدمعي لو هل
هيجي اتخيل مدمعي لو هل
ما اقصر لو فتح بابه خيالي
اتزاحم الگمره المناير من تلالي

حگها اليالي مدمعي اتهابه
منعوني اشتم سيدي اترابه ما عنده باب اواسجد ابابه
يمهدي يمهدي
*
ينتقل ريت ابوفاته گبره يومين
يم ابو فاضل يمهدي ويم الحسين
شمحله لو گبره ينتقل مره
كل سنه بذكره ينتقل مره
محد ايهدمه ابد وتحرسه روحين
مو بشر لاكن مناير بيها چفين

هدم الگبر هم زيد اصوابه
منعوني اشتم سيدي اترابه ما عنده باب اواسجد ابابه
يمهدي يمهدي
***
الشاعر اياد الديراوي

https://tttttt.me/ayadalderawy

نادَوا بخيول الأعوجية
وإذ بها ترضّ صدر الحسين
وكأن الزهراء ترى وهي تنادي
حبيبي حسين .. نور عيني حسين
بنيَّ قتلوك .. ومن الماء منعوك

.
مگدر اتحمل لفرگاك
من سنة احلم في ملگاك
خطوة (المشاية) حلمي
وآنه روحي شاردة هناك
.
صِدُگ حبيبي يعني ما اجيك؟
.
.
#زيارة_الاربعين #كربلاء #مشاية
#الاربعين #ياحسين #سيد_مصطفى_الموسوي