#نعي في فاجعة هدم قبور أئمة البقيع عليهم السلام

البقيع بياذنب هدموا مزاره
لا قبّة البقت بي لا مناره
گبور آل النبي رمز الحضاره
أئمه وبالعلم الهم صداره
ليش گبورهم صارت حجاره
هدموها العده اهل الحقاره
بفتوة ناصبي وحقده وقراره
كتبوا غاد ممنوعه الزياره


مراقد عترة الهادي الأئمّه
ليش بياذنب ياناس ظلمه
گبر الحسن والسجاد يمه
الباقر بالعلم معروف اسمه
وابنه الصادق المشهور علمه


عله گبور الأئمه تسيل العيون
بيهن چم امام هناك مدفون
ليش بلا مناره وناس يبقون
بيد الناصبيه المايرحمون


لكن ما يظل هالحال للدوم
لابد يظهر الموعود فديوم
يگصد للبقيع الچان مهدوم
يبنيها المراقد بيد معصوم
منارات اربعه وبعلو الانجوم
يرد ويزور كلمن چان محروم

#سيد #زيد #الفحام
__________________

#موشح للأمام #جعفر #الصادق عليه السلام

حگها تبچي عيونّه وتنزف دمه
عالامام الصادق البچّه السمه
...........

حگها تبچي عيونّه وننصب عزاء
من مصيبه بچّت املاك السماء
بالمدينه ارتفعت صوات البكاء
ونفجع منها الرسول وفاطمه
..............

وصّه بالزهره الرسول وعترته
جعفر الصادق فرع من شجرته
الأمه لكن ياوسف ما رحمته
تالي عمره بالسموم تألمه
..............

وسّع علوم النبي وفقهه انتشر
بالفكر عالخالفوا فكره انتصر
حسدته العدوان من هذا الخبر
عذّبه المنصور ويلي وسمّمه
.............

ظالم المنصور بالدين استتر
وجعفر الصادق كشف امره وظهر
ضد بني العباس أسس مؤتمر
للعلم وآثــــاره لسّه قائمـــــــه
...............

عالمذاهب مذهب الصادق رقه
بالمعـــارف والعلـــوم الصادقه
منهـج القــــــرآن نهجـه يوافقه
وخرّج آلاف الرجــال العــالــمه
................

لكن المنصور خاف عله الحكُم
غدر سَم الصادق وشاع الظلُم
منهج الصادق بقه ومات الخصُم
وباجر بيوم القيامه ايحاكمه

#سيد #زيد #الفحام

_______________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

[ عفوك يابوصالح ]

اسف لمن غرگنه ابحر الامواج
تشاهدنه ولگيناك السفينه
گبل چنه بنفاهه وما اجيناك
نشوف عيوبنه وبيهن رضينه
نعرفك حجة المعبود مولاي
مثل جدك مُحمّد انت بينه
واجب طاعتك من خالق الكون
مثل فرض الصلاه فرضك علينه
عليك اعمالنه يعرضوها كل يوم
بس ذنوب بيهن ماكو زينه
زيّدنه الجروح البيك اضعاف
ولا قدّرنه حقك وستحينه
جرحنه هواي گلبك ما ذكرناك
لحدما طحنه بالشده وبچينه
لأن تقصير عدنا بحقك هواي
لذلك بالمرض احنا ابتلينه
رجعناك صدك ودموعنه تسيل
عفوك يابوصالح انتهينه
ارفع هالوباء وارحم الناس
بجاه الزهره امك حن علينه

#سيد #زيد #الفحام
______________________________

[ عفوك يابوصالح ]

اسف لمن غرگنه ابحر الامواج
تشاهدنه ولگيناك السفينه
گبل چنه بنفاهه وما اجيناك
نشوف عيوبنه وبيهن رضينه
نعرفك حجة المعبود مولاي
مثل جدك مُحمّد انت بينه
واجب طاعتك من خالق الكون
مثل فرض الصلاه فرضك علينه
عليك اعمالنه يعرضوها كل يوم
بس ذنوب بيهن ماكو زينه
زيّدنه الجروح البيك اضعاف
ولا قدّرنه حقك وستحينه
جرحنه هواي گلبك ما ذكرناك
لحدما طحنه بالشده وبچينه
لأن تقصير عدنا بحقك هواي
لذلك بالمرض احنا ابتلينه
رجعناك صدك ودموعنه تسيل
عفوك يابوصالح انتهينه
ارفع هالوباء وارحم الناس
بجاه الزهره امك حن علينه

#سيد #زيد #الفحام
__________________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مشكور رجعت المجالس
ولمتنه علخدمه ننافس
نشكرك عله هل نعمه
امحرمنه رد والخدمه ولمتنه
****
شنريد عدنه امحبتك وي مجلسك يغنينه
واللايم بذاك الوكت كل وكت مايعنينه
بخيمه حنانك سيدي شمانكبر تلم بينه
مانقبل انعوفك ابد يالبنحر شارينه

فگره اليعوفك هذا عاقل؟؟
ماضاگ نظره من ابو فاضل
حته الگبر ميلمه
امحرمنه رد والخدمه ولمتنه
****
مشكور رجعت اللطم وي خدمتك واقرايه
وياك نبقى علعهد باچر نجي مشايه
شمحلاها علگبه ترف بصحن ابو فاضل رايه
انت الوسيله للنعم يحسين وانت والغايه

الماعنده مثلك هذا طايح
وللنار يركض ركض رايح
ابشارتنه انت الرحمه
امحرمنه رد والخدمه ولمتنه
****
لا گالها الله ونفترگ يحسين عن خدمتنه
مانلگه مثلك بالخلگ والوادم مقدرتنه
والحشر باچر من يجي منطول بوگفتنه
حته انبياء الله تره يحسدونه بلطمتنه

حته الملائك تنتظرنه
خدامك ومحد وصلنه
شمحلاها هاي النسمه
امحرمنه رد والخدمه ولمتنه
****
يابلسم اجروح الگلب بس انته تعرف بيه
عندي يقين بكل وكت عينك تصد اعليه
من اصورك اطلب حاجتي واتحطها الي ابيديه
ولو ردت ازورك استمع من بيتنه المگضيه

جا ماكو شي مو سهل عندك
انت الحسين وفاض حدك
بجالك تعيش الامه
امحرمنه رد والخدمه ولمتنه
****
رغم الفرح عاشور اجه بس ميت من الحرگه
وماضحك سني وبس بچي والروح احس مختنگه
يحسين چا هاي السنه هم تنتهي بالسحگه
مولاي اريد اسمعه ترد سالم حلم ماصدكه

كون العليله بيك تلتم
وماتنكسر هذا محرم
مولاي هاي اللچمه
امحرمنه رد والخدمه ولمتنه
****
#زيد عدنان الزيدي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

چايمته يفك بابه بعد سجنك
لا شيعتك ذيچ اشبعت من شوفك
ولا هسه شبعنه ازياره من صحنك

يشباچ امنيات الوادم الفقره
يحرمه من الهوه الله
الحرمنه مانشم عطره

شيريدون من بابك
الچنه ضحكة الزهره

بگلبنه اشچم صريفه الكم
بنيناها عله الفطره

يكاظم غيض كل مظلوم
وجواد بجود كل خير

اليطب ابيتكم مغتاض لو محتاج
لومهموم لو ميت ابوه يعدل
واتحسبونه مثل الجاي ومسير

شفرقهم هسه عن هارون
گطعو حته شوفتكم

المصبرنه بس شغله
وعلي لوما ضريح حسين
چا متنه اعله ريحتكم

يوجه العافيه بشباچكم جسته
الماكل من اديكم يعرف الگلته

حرگت گلبي لمن جيتكم مهموم
وباب اضريحكم مسدود شاهدته

#زيد عدنان الزيدي


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ نيران الصواوين ]*

أداء والحان : الملا #علي_الوائلي_الكربلائي
كلمات: الشاعر #زيد_عدنان_الزيدي

https://youtu.be/HtO-ENfgiFk

مجالس شهر ربيع اﻷوا لسنة 1442 هـ - 2020 م
ليالي استشهاد الامام الحسن بن علي العسكري والسيدة سكينة بنت الحسين عليهم السلام
عزاء رابطة شهداء العراق - بغداد - مدينة الصدر

اخراج ومونتاج: تيسير السوداني
مكساج: كرار الموالي
مخطوطة: علي البوري
تنفيذ: مؤسسة الإباء الإسلامية للانتاج الحسيني
النشر الشبكي: علاء بركات العاملي

صاحب الزمان عج يكول

اضل مخنوگ. عله المحروگ باب امه
انه المهدي گلب عندي وبي لچمه
شكثر بيها اذيه
بليالي الفاطميه
*
حضرت اشگد مجالس تنعه عل امصاب
العمر خلص بواچي ونوحي عل احباب
شسولف علمصيبه الزهره خلف الباب
كسر منها الضلع بس مايشوف احجاب

والموضوع طگ ضلوع فاطمته
مامش صوت. حته الموت بالسكته
چبيره هل رزيه
بليالي الفاطميه
****
يموت بدمه ليشاهد تموت امه
تفتش گلبه تلگاه بي الف لجمه
يعين الله الي شافت دفعه الزلمه
عصرها والدمه مغرگها شيلمه

اباب الدار شبو نار بالعتبه
گوه تصيح. اتگوم اطيح. شگد صعبه
شكبرها هم عليه
بليالي الفاطميه
****
اليسمع چلمه اليمه ويهل دمعه
الفاگدها يبين لمن توجعه
يمشي حسين وبايده يكض ضلعه
هيج مگضي عمره الفاگد البضعه

بليل ينوح حس مذبوح. من نحره
يغمض عين. عاش حسين. بالصحره
يعيش الغاضريه
بليالي الفاطميه
****
التروح امريته منه يعيش بالحسره
شحال الرايحتله فاطمه الزهره
من غسلها بيده مر عله الكسره
ويلاه يالزجيه اختنك بالعبره

گلها شلون ويكسرون. يازهره
يخطفچ موت والتابوت والحفره
علي يگول شبديه
. بليالي الفاطميه
****
كلما تنعصر بالباب صاحتني
يايمه يمهدي بحرگه نادتني
ركضتلها لچن طيحتها حيرتني
بطيحتها وكسرها الزهره موتتني

ضلع مكسور. لو معصور بالدفعه
تون هواي لا مو هاي. البضعه
ولا ردت عليه
بليالي الفاطميه
***
#زيد عدنان الزيدي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نعي
الحسين ع عند مقتل الاكبر ع


افراك الولد يازينب كسرني
اول تالي يصبح عالي وني
اجدامي مايعينن تعبني
كوه امشي كمت ماوصلني

منو يشيله ويلمه كلبي حاير
الاكبر زغر مابين الحوافر
غير اعله الولد تعمه النواظر
واكف يمج وبالكوه صابر

كل حيل ابد ماضال بيه
عينيني خل اوكف يخيه
شماتنه تعاين عليه
يمته يطيح ابن الزچيه

من الحومه تره جيتچ وجبته
واصلت يمه واعاين ماعرفته
نظرت اعليه وكتله ميت انته
عليه مارد يزينب خلها سكته

شميت نحره ومتت يمه
ومددت جسمي بطول جسمه
ماباقي من الدوس رسمه
يگوم علي ياهو الاحشمه

#زيد عدنان الزيدي





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ يا بدوية ]*

أداء والحان : الملا #علي_الوائلي_الكربلائي
كلمات: الشاعر #زيد_عدنان_الزبيدي

https://youtu.be/TiQO-qiWAlo

مجالس ليالي شهر محرم الحرام 1444 هـ - 2022 م
مجالس ليالي العشرة الأولى من شهر المحرم
عزاء موكب الصدرين والسيد قاسم شبر - العراق - واسط - النعمانية

مونتاج: السيد كاظم الموسوي
مكساج: كرار الموالي
مخطوطة: محمد الصادق
إنتاج وتنفيذ: وارث للانتاج الحسيني
النشر الشبكي: علاء بركات العاملي

*[ خلصت الخدامة ]*

أداء : الملا #علي_الوائلي_الكربلائي
كلمات والحان : الشاعر #زيد_عدنان_الزيدي

https://youtu.be/yOPeR15cj1M

مجالس شهر صفر الأحزان لسنة 1444 هـ - 2022 م
عزاء كربلاء المقدسة ليالي أربعين الإمام الحسين عليه السلام
عزاء هيئة السبي - العراق - بغداد (في كربلاء المقدسة)

مونتاج: صادق أحمد
إخراج: محمد كاظم مجيد
تسجيل ومكساج: حسن علي الشمري
مخطوطة: فاطمة حسين
تنفيذ: مجموعة ميامين للانتاج الحسيني
النشر الشبكي: علاء بركات لعاملي

*[ إنتظارج للحسين ]*

أداءوالحان: الملا #علي_الوائلي_الكربلائي
كلمات: الشاعر #زيد_عدنان_الزيدي

https://youtu.be/So7Wz5ep_oo

مجالس شهر جمادى اﻵخر لسنة ١٤٤٣ هـ - ٢٠٢١ م
ليالي استشهاد عزيزة الزهراء مولاتنا أم القمر الطاهرة الميمونة أم البنين عليها السلام
عزاء هيئة شباب القاسم عليه السلام - العراق - ميسان

مونتاج: عباس الهماشي
مكساج: علي الوائلي
مخطوطة: مهدي صادق
تنفيذ: الفضل للانتاج الحسيني
النشر الشبكي: علاء بركات العاملي

*[ فاضله أم أبو فاضل ]*

أداء: الملا #كرار_أبوغنيم_النجفي
كلمات: الشاعر #زيد_رضا_الكعبي

https://youtu.be/kV4BUpkohfA

مجالس شهر جمادى اﻵخر لسنة 1444 هجرية - 2022 ميلادي
ليالي إستشهاد موﻻتنا الطاهرة الميمونة أم البنين فاطمة بنت حزام عليها وعلى أولادها السلام
عزاء هيئة على الفطرة حسيني - العراق - بغداد - الكريعات
حسينية الحوراء زينب عليها السلام

مونتاج: حسام محمد
مكساج: أحمد البرمكي
مخطوطة: مؤمل الرميثي
إنتاج: هيئة على الفطرة حسيني
تنفيذ: أمل الظهور للإنتاج الحسيني
النشر الشبكي: علاء بركات العاملي - عبد الرؤوف الطريفي

*[ آخر حلم ]*

أداء: الملا #مصطفى_السوداني
كلمات: الشاعر #زيد_العنزي

https://youtu.be/s2Wju4VNB-k

مجالس شهر رجب الأصب لسنة 1444 - 2023 م
ليالي إستشهاد موﻻتنا الطاهرة عقيلة الطالبيين الحوراء زينب الكبرى صلوات الله عليها
عزاء هيئة أئمة البقيع عليهم السلام - العراق - واسط - الصويرة

مونتاج: سجاد سلام
مكساج: أحمد البرمكي
مخطوطات: حيدر الزمان
غلاف: نبأ الحيدري
تنفيذ: SS للإنتاج الحسيني
النشر الشبكي: علاء بركات العاملي

رئيسية للعليلة 2023

يالماشي عني بيا صبر تصبر بعد روحي
يالشوفتك راحه ودوه يا مرهم جروحي
اصبر بعد مُحال
ياوالــدي تعـال يا مرهم جروحي
..........

شگد گلتلك بويه خذني وماخذتني
ليش من دون البنات اتعذّرتني
چي عليله وخفت اتأذّه وعفتني
ما دريت اشصار لمّن فارگتني
طفله لكن من غيابك شيّبتني
ليش مو انت بحنانك عوّدتني

رف گلبي من هذا السفر. ونخطفت الواني
ياخوفي ما شوفك بعد يل ما الك ثاني
محتاجه للدلَال
ياوالــدي تعـال          يا مرهم جروحي
..........

ريت يابويه خذتني وي خواتي
وي رقيه وسكنه اجمل ذكرياتي
ظلمه من دونك يبوالأكبر حياتي
صرت كل لحظه التمر اطلب وفاتي
عيني عالباب وتجي كل امنياتي
اندعيلك بويه كل يوم بصلاتي

لو رايحـــــه ولا هالقهـــر. يكتلني يوميه
هجرك اشد من كل مرض ما تنشد عليه
خلّاني كالخيال
ياوالــدي تعـال          يا مرهم جروحي
..........

ما شبعت وداع منك والدي حسين
لا تيتّمني دخيلك ياضوه العين
من يدلّيني ويگلّي موقعك وين
خوفي من غدر آل اميه وغدرت البين
من علامات المصيبه وضحن ثنين
هجرك الطَوّل علية ولا خبر زين

خوفي عليك امن الغدر. بيك انشده بالي
عيني عله بابك ونتظر. ياوالدي الغالي
بُعدك علية طال
ياوالــدي تعـال          يا مرهم جروحي
..........

ابّاب دارك گاعده وحسب ثواني
يمته اشوفك ترجع لديرتنه ثاني
بويه ما تدري البچي بعدك عماني
يالگلت لازم اخبرج عن مكاني
لا علي الأكبر ولا عمي اجاني
لشوكت ياوالدي اسهر وتاني

بس لا مشيت لكربله. خوفي يغدرونك
گلبي تگـطّـع بالألم ياوالدي شلونك
جاوبني عالسؤال
ياوالـــــدي تعـال        يا مرهم جروحي
..........

بويه من كثر شتياقي ولهفة الروح
گلت بويه برؤيا اشوفك بلكي مسموح
غمّضت عيني بدمعتي وشهگت النوح
شفتك بعالم منامي دامي مذبوح
راسك عله الرمح بويه ودمه مسفوح
وجسمك مگطع اشوفه وينزف جروح

فزّيت بويه امن الحلم. الطم على راسي
ما اكدر احچي امن الألم. مختنگه بنفاسي
لا تگطع الوصال
ياوالـــــدي تعـال        يا مرهم جروحي

#سيد #زيد #الفحام
____




@HxzEU1

قناه نشر القصائد المنبريه

مقدمة للعليلة 2023

كربله ابعث الج دمع وسلام
خبّريني اشصار بهلي والخيام
.......

عن ابوي حسين اسألج فدوه لَسمه
فاطمه آنه العليله وروحي يمّه
كربله تجاوبها والموقف ترسمه
لزمي گلبج يالعليله خاف الچمه
هذا ابوج حسين طاح وسال دمّه
بالسيوف مگطع ومسلوب جسمه

ماكو بعيوني ضوه وحشه وضلام
خبّريني اشصار بهلي والخيام
.......

خاف اخبرج فاطمه بحاله وتموتين
آه لو موجودة وتشوفينه بالعين
مثل ما شافت رقية ذبح الحسين
وهجمت عله خيام ابوج الخيل صوبين
وين تنطين الوجه لو بالخيم وين
نار خوف وخيل وسياط الشياطين

طاح حيلي واشعر بصدري السهام
خبّريني اشصار بهلي والخيام
.......

كربله چا وين عمي البي حميه
ليش يرضه تنسلب اختي رقيه
عمج العباس غدروه ال اميه
كطعوا چفوفه كفيل الهاشميه
يالعليله عله النهر عمج رميه
ضحّه دون حسين بچفوفه السخيه

دموعي خنگتني وبعد ما ظل كلام
خبّريني اشصار بهلي والخيام
.......

وين زينب كربله بس لا سبوها
لا تگلّيلي غريبه وسلّبوها
يالتسأليني عله زينب عذبوها
ذيج زينب حايره وذبحوا اخوها
بين خيل ونار تركض شاهدوها
تخلّص الاطفال من غارة عدوها

الله يستر كربله منّ الختام
خبّريني اشصار بهلي والخيام
.......

شصار وي عبدالله اخوي زغير بعده
اغله من روحي الرضيع اهواي اودّه
ما دريتي بسهم نحره حسين ردّه
يالعليله بدم وريده انصبغ مهده
انذهلت امه الشافته وركضت تگعده
شالته ودم منحره عليها تبدّه

يعني راح الچان بحضيني ينام
خبّريني اشصار بهلي والخيام
.......

عن علي الأكبر اخوي وجاسم الشاب
شصار بيهم لا تفجعيني الگلب ذاب
ذاك اخوج مگطع موسّد بلتراب
وجاسم العريس صارت حنّته خضاب
كربله اشسويتي بيه اصواب بمصاب
ريت ميته ولا عشت بفراك الاحباب

رحمي حالي ولا تيتميني حرام
خبّريني اشصار بهلي والخيام

#سيد #زيد #الفحام
_________




@HxzEU1

قناه نشر القصائد المنبريه

نعي للعليلة عليها السلام 2023

يردون يردون. راحوا هلي وماظن يردون
يلعيون يلعيون. ابچن قهر وعمن يلعيون
يغيبون يغيبون. ما حسبت هالگد يغيبون
يحنّون يحنّون. اهلي المشوا لابد يحنّون
يودّون يودّون. طارش خبر منهم يودّون

آنه العليله وعيني عالباب
منتظره ترجع ليّة الاحباب
حسين ابوي وكل الاطياب
جرح العليله يسيل ما طاب
حدما يجون العنّي غياب

ابوي الراح ما خذني. ولاراد
لا مبعــــــوث ودّالي. ولاراد
عليله وريت دفنوني. ولاراد
حياتي بلا ابو يعطف عليه

#سيد #زيد #الفحام
_______




@HxzEU1

قناه نشر القصائد المنبريه

رئيسية للخدمه 2023

اغله امن الدنيا ومابيها
ونبيع ارواح ونشريها
يحسين ونتمسّك بيها
خدمتنه. خدمتنه
...........

كل خادم ذليل يكون يبقه بدمعه يتحسّر
بس انت بكرامه التاج. تلبسَه اليخدم المنبر
اليخدمك سيدي يحسين. ما بين الخَلَگ يكبر
لذلك احنه عالفطره. نخدمك يا ابوالاكبر

بكل مجلس ربعك ملتمّه
ونتحزّم بحزام الخدمه
وايّام المقتل نحييها
خدمتنه.     خدمتنه
...........

ابد ما نترك الخدمه وخط احمر شعائرنه
حُب هاي المجالس دوم. ممزوج ابمشاعرنه
منعوفك يبوالسجاد. لو گطعوا مناحرنه
گلناها ونظل للموت. (يحسين ابضمايرنه)

خالقنه الخالق لعيونك
مولاي ومنعيش بدونك
ننطي ارواح وماننطيها
خدمتنه.     خدمتنه
...........

عاشور وصفر كل عام. نحيي مصابك وننعَه
بين الناعي والرادود. وبين اللطمه والدمعه
بين اليطبر براسه. وبين اليشعل الشمعه
مولاي بمجالسكم. كل الشيعه مجتمعه

وبيوم العاشر نتعنّه
للحضره ونلطم بالجنّه
من صحنك نقره ونبديها
خدمتنه.     خدمتنه
...........

ميهمنه الحچي واللوم. احنه بخدمتك ماضين
هيّـئـنـه الحُسيّنيــات. ولمصابك بچت كل عين
بدينه بصحنك الطاهر. براية مرقــدك يحسين
بلون الأسود انرفعت. علامـه للحـزن شهرين

وبكل بيت انرفعت رايه
لمصابك تعبير الغايه
وبالمحشر باجر تحچيها
خدمتنه.     خدمتنه
...........

متفضّل علينه هواي. صرنه وعشنه من خيرك
ربحان المشه بدربك. خســـران التبـع غيــرك
بس الهادي وهل البيت. عرفوا معنى تقديـرك
حبّينــــاك عالفطــره. وتجَنّنّـه بتصاويـــرك

لو بالواقع ساعه انشوفك
انقبّـل بقدامك ونطوفك
وتقبل اوّلهه وتاليها
خدمتنه.     خدمتنه
...........

احنه عليك محسوبين. سامحنـه يبوالعتـــره
لا تزعل يبوالسجـــاد. بـداعـت امك الزهــره
عدنه ذنوب مثل سهام. تجرحك كل وكت مرّه
ما نتـقـصّـد انـذّيــك. وانت بهـالأمـــــر ادره

بحبك يحسين اتربّـيـنـه
مولاي وحبّك يهدينـه
تواسي المظلومه وترضيها
خدمتنه.     خدمتنه

#سيد #زيد #الفحام
________





@HxzEU1

قناه نشر القصائد المنبريه

نزلة للخدمه 2023

يا ابا عبدالله احنه خدامك
يا ابا عبدالله احنه خدامك
.......

يالغالي. للتالي. منعوفك ابد
نتوالف. نتكاتف. بيّام الشدد
شما تصعب. ما نتعب. منطينك عهد

لا وحگ راس الگمر وچفوفه
دربك ليوم الحشر منعوفه
شيعتك وكت الشدد معروفه
كل وكت لزيارتك ملهوفه

يا ابا عبدالله. محله ايامك
يا ابا عبدالله احنه خدامك
.........

للمنبر. چم منحر. ضحّينه شكثر
ما همنه اليعدمنه. مضمون الأجر
وعيونك. من دونك. ما يسوه العمر

عالمشانق كلمتك گلناها
نرفض الذلّه ولا عشناها
ياحُسين بثورتك نتباها
ورايتك ضد الظلم شلناها

يا ابا عبدالله. رفّت اعلامك
يا ابا عبدالله احنه خدامك
.......

راحتنه. خدمتنه. بعاشور وصَفَر
نحتزّم. للمأتم. ما نخشه الخطر
احبابك. لمصابك. نتوزّع نهر

نجزع عليك ونشگ هدومنه
نكسر صدور وتسيل دمومنه
خل يموت الماقبل ويلومنه
يوم عاشر من محرم يومنه

يا ابا عبدالله خاسر اللّامك
يا ابا عبدالله      احنه خدامك
.........

أذّونه. وظلمونه. عدوانك حقد
عن حبك. عن دربك. رادو نبتعـــــد
ما خفنه. ولا عفنه. نهجك بي نصد

سيدي يحسين يا غالينه
مثل مجرَه النَفَس عايش بينه
بخيرك ومعروفك اتربّينه
رحمتك غيمه وتفيّي علينه

يا ابا عبدالله. كلنه ايتامك
يا ابا عبدالله      احنه خدامك
............

نرفعها. ونتبعها. راية ثورتك
ما تنذل. ما نقبل. تدري بشيعتك
منصوره. ومنشوره. بالطف رايتك

صرختك بالطف حچتها الوادم
من صحت كلا يزيد الظالم
راح هوه وباقي ذكرك دائم
ياحُسين لحد ظهور القائم

يا ابا عبدالله. باقي اسلامك
يا ابا عبدالله      احنه خدامك

#سيد #زيد #الفحام
____




@HxzEU1

قناه نشر القصائد المنبريه

*[ غفت عينه ]*

أداء: الرادود الحسيني #عمار_الكناني
كلمات: الشاعر #زيد_الفحام

https://youtu.be/55vuckuYOzY

إصدار استوديو شهر محرم الحرام لسنة ١٤٤٥ هـ - ٢٠٢٣ م

مونتاج وإخراج: سجاد سلام
الهندسة الصوتية: حسام يسري
متابعة وتنسيق: علاء السوداني
تنفيذ: SS للإنتاج الحسيني
النشر الشبكي: علاء بركات العاملي - علي الفاطمي

شكر وتقدير لكل من ساهم في إنجاز هذا العمل