#شعر
#پندیات
#رضا_ماه_پری_زنجانی
ـــــــــــــــــــــــــــــــــــــــــــــ
چاتار بشر شرافته اگر منیت اولماسا
قلم چکر خیانته اگر منیت اولماسا

آتار حسادتین داشین کسر عداوتین باشین
دوشر سرای رحمته اگر منیت اولماسا

عروج ایلر سمالره یتر مقام اعظمه
چاتار یقین سعادته اگر منیت اولماسا

حقیقت آشکار اولار اورک گوزیله باخسا کیم
رموز راز خلقته اگر منیت اولماسا

یاراتدی الله انسانی عبادت ایلسون اونا
مطیع اولار اطاعته اگر منیت اولماسا

باخاندا دقتیله گر کتاب وحی منزله
رضا اولار مشیعته اگر منیت اولماسا

نه باعث اولدی شیطانا حسادت ایتدی آدمه
سبب ندور بو علته اگر منیت اولماسا

نه گلدی باشینه اونون گرکدی عبرت ایلیاخ
ندن دوشوبدی لعنته اگر منیت اولماسا

خلاصه ایلورم سوزی خدا گواهیدور اوزی
عذاب یوخدی امته اگر منیت اولماسا

اماندی (ماه پرورا) هوای نفسی بنده سال
تلاش ایله بو همته اگر منیت اولماسا


ـــــــــــــــــــــــــــــــــــــــــــــ

شاعر کربلایی رضا ماه پری زنجانی
کانال رسمی کربلایی صابرثمودی