#Укх_дийнахьа
Мутт-хьал 24

▪️ 1904 — Буро-КIала ваьв эггара хьалхарча гIалгIай суртанчех хинна Доврбиканаькъан Албаста ГIаз-Мухьаммад.

▪️ 1908 — ваьв цIихеза советий композитор Вано Мурадели. 1947 шера, гIалгIай мехках а баьха, уж цхьаннахьа а хьоахабе бокъо йоацача хана язъяьй цо ший «Великая дружба» яха опера. Цу чу хьоахабу цо гIалгIай а, Серго Орджоникидзе а, Даькъастен чухьа советий Iаьдал доаккхаш цар баь къахьахьегам а. Опера геттара хоза хийтта хиннай СССР-а массехк йоккхача пхьешка (гIáлашка), амма Иосиф Сталина цунга ладийгIача, цунна бийзабац оперий чулоацам: бувцаш гIалгIай а, цар Кавказе Iаьдал доаккхаш даьха толамаш а. Цу бахьан парте амарца опера «Великая дружба» могайинзар, Вано Мураделенна таIазар дир балхара дIа а ваьккха.

▪️ 1991 — Россе Федерацен Лакхерча Совета Тхьамада Ельцин Бориса кхайкарал дир Наьсаре гулденнача массайта эзар адамага гIалгIай доазув юхаметтаоттадергда аьнна.
___
@Ingush_Wikipedia ℹ️
#Ингушетия #ИнгушскийЯзык

#Укх_дийнахьа
Мутт-хьал 31

▪️1860 — Урхалдеш йолча (Правительствующий) сенато амар даьд Бурох (Зоврковнах) пхьа (гIала) хьае аьнна.

(Сурта тIа: Бурон план, Иоганн Фохт, 1784 ш.)

#Укх_дийнахьа
Тушол 26

1991 — РСФСР Лакхерча Совето тIаийцай «ТаIазар даьча халкъаш меттаоттара хьакъехьа» № 1107-1 йола закон («О реабилитации репрессированных народов»). ТIехьагIа цох цIи дIаяхар «БIаьшарен Закон» аьнна.
__________________
Телеграм-канал @Ingush_Wikipedia

#Укх_дийнахьа
1910-гIча шера Этинга 15 дийнахьа ваьв Базоркин Муртуза Идрис — гIалгIай йоазонхо, драматург, юкъарлен къахьегамхо.

Деррига ший вахар ГIалгIайченна хетадаь дIакхелхар Идрис.

Дала гешт долда Идрисá. Дала къахетам болба!

@Ingush_Wikipedia
#ингушетия #ингушскийязык #г1алг1ай #ингуши #мехкахой #къонах #идрисбазоркин

Укх дийнахьа

Саь-кур 27

1994 — хиннад: хьалхарча Парламента — ГIалгIай Мехка Халкъа Гуллама хоржамаш; ГIалгIай Мехка Конституци тIаэцаш дерригача халкъан кхаж тассар; ГIалгIайчен Мехкдаь бокъо дIачIоагIъяр.

Овшанаькъан Султана Руслана ГIалгIайчен Мехкда хургволаш хоржамашка дакъа лаьцарий 94,2 проценто кхаж тессар.

ГIалгIай Мехка Конституцена хоржамашка дакъа лаьцарий 97,6 проценто кхаж тессар.

Халкъа Гуллама каь хила эттача 96 кандидатах хьахержав 27 саг. Царна юкъе: 21 гIалгIаи, 3 нохчои, 3 эрсеи. 3 кхалсаг а. Эггара зIамагIа волча каьн 29 шу хиннад, воккхагIчун – 53 шу. Иштта цига хиннав 2 Iилмай доктор а.
____
@Ingush_Wikipedia ✔️
#ингушетия #ингушскийязык
#тархьар #укх_дийнахьа