#نعي_السيده_الزهراء
لسان حال السيده زينب في عزاء امها زهرة الأكوان عليهما السلام.

يا يمه انا زينب
زايد لجلج ونيني
تعوفيني ييمه اشلون
و اقضي عقبك سنيني

اه يا يمه اه يا يمه اه يا يمه اه

لفت زينب على نعش
البتول امها هذا اليوم
تقلها يمه يا الزهره
اشلونه ضلعك المهشوم
ومسمار الصدر يمه
جرى منه مسيل ادموم
وخلص عمرج يا يمه
وبدى حزني مع ونيني

اه يا يمه اه يا يمه اه يا يمه اه

تعوفينا ييمه اشلون
على افراقج فلا نقدر
نشوف الباب نظل ننحب
ومنه ادموع تتحدر
ننظر للابو بالعين
يقولي هذا المقدّر
اردّ اردود يا يمه
انادي الباب ويحاجيني

اه يا يمه اه يا يمه اه يا يمه اه

يباب امنا دجاوبني
وجودك هيج اصوابي
تلوذ امنا من الأعداء
تقلك صير الي حجابي
فلا ترعى قدر امنا
ولا تحامي عن اعتابي
دقلي اشلون انظرلك
ومسمارك بوسط عيني

اه يا يمه اه يا يمه اه يا يمه اه

وبدى يجاوبها باب الدار
بالله لا تلوميني
الظالم بيده يا زينب
وبجدمه دفع فيني
محتار أوقفت دونه
ولنه نار شب فيني
احامي اشلون ما اقدر
يبت حيدر دعذريني

اه يا يمه اه يا يمه اه يا يمه اه

خادمة الزهراء/ ليلى زغيب

دعبـل الشـاعر رسـم هالحـاله
و بالمصیبـه للرضـا اتعنـاله
--------------------

وگـف وگفـة فاجعه اگبـال الرضـا
و بدلیلـه تستعـر نـار الغضـا
صـاح أسمعـك شعـر یبن المرتضـی
یفجـع الکـون و یهـز اجبـاله
--------------------

سیـدي لو أمك الزهـره تشـوف
آل أمیـه اشعملت بـوادي الطفـوف
اتعنت اعلـه حسیـن جـدك بالسیـوف
و بیه تحیـط الخیـل و الخیـاله
--------------------

عگب مـا ذبحـوا أنصـاره و البنیـن
و کل إخـوته اعلـه الرمـال امصرعیـن
وحـده ظل لا من نصیـر و لا من معیـن
بس علیـل و نسـوته و أطفـاله
--------------------

یالرضـا و یا ریت أمك فـاطمه
تشـوف إبنهـا من دخـل لمخیمـه
ودع أهلـه و بالگلـب نـار الضمـه
تنطفـي و تسعـر وسط دلاله
--------------------

اشلـون لو أمك الزهـره ابهالـوضع
اتشـوف إبنهـا حسین دامـي و منصـرع
چـان لا شك تنسـی آلام الضـلع
و تنسـی محسنهـا و هضم مـا نـاله
--------------------

طـاح ابنهـا حسیـن بحجـور الممـات
دامـي و بکتـره یصب نهـر الفـرات
انذبـح عطشـان برهیـف النایبـات
و الفـرات انحـرم مـن سلسـاله
--------------------

یالرضـا و عالزهـره أصعب کل ألم
حین جیش ازیـاد عالعیـله هجـم
حرگ صیـوان النبـوّه اعلـه الحـرم
و جدك اتسلّبت کـل اعیـاله
--------------------

مثل ما تتگطـع إرگـاب الضحـي
اتذبّحـت بالطف أهـل بیت الوحـي
جـرح وقعة کربلا مـا ینمحـي
و دمّه یاخذ بالمصب منـواله
---------------------

سیـدي و بیّنت هالحـال الفظیـع
و آنه دعبـل خـادمك و انت الشفیـع
اعلیك أقسـم سیـدي بدم الرضیـع
إدرکنـي من یـوم الحشـر و أهـواله



#نعي
#استشهاد_الإمام_الرضا (ع)
#جابر_الکاظمي
#باسم_الکربلائي
--------------------

:
#نعي_للامام_الرضا_لسان_حال_معصومه _ع


ايران يبن امي كصدتهه
اوعليك انشد الناس الصادفتهه
شوفتك يبو محمد ردتهه
من زمان اخيتك فاركتهه

❥•••••••••••••••••••••✿*❣°🕊

لشوفك احن يانسل الطياب
طال السفر شنهو السباب
لجلك كصدت اديار الاجناب
مشغول بالي ودمعي سجاب

❥•••••••••••••••••••••✿*❣°🕊


مانشفت دمعتي الدرب كله
عليك انشد يالخلتك خله
كل اليصادفني عنك اسئله
خبر ماكو عنه اولا ندله

❥•••••••••••••••••••••✿*❣°🕊


تلهب بالكلب ياخوي نارك
محد يدليني عله دارك
ساعه ولفت ليه اخبارك
اطفت يبو محمد انوارك

❥•••••••••••••••••••••✿*❣°🕊

لمن بموتك خويه خبروني
عليه نغشه ونخطف لوني
نشدت عليك الك ماوصلوني
تالي بهل خبر خويه فجعوني

❥•••••••••••••••••••••✿*❣°🕊

اشكد انشدت شكد دوريتك
تمنيت خويه احضر منيتك
واسمع يبو محمد وصيتك
شكد مشتاك خويه لهل بيتك

❥•••••••••••••••••••••✿*❣°🕊


منهو الحضر يمك يمسموم
عله اهلك يهل الناظر دموم
ويلا يبو محمد يمظلوم
برحيلك هلك ماعدهم علوم

❥•••••••••••••••••••••✿*❣°🕊

بقلم الشاعره ام رائد زوين

☆

#نعي الزهراء تتكلم مع زينب
سلام الله عليهم اجمعين
،،،،،،،،،
معروفه المريض ايراجع الدكتور
ومن ايعالجه ايكله الف مشكور
بس مااعرف امي اللي تون بالليل
يوجعهه الضلع لو سالفة عاشور
يازينب اتكلي اهنا نبت بسمار
يازينب ابثوبي كمت اطفي النار
وكع مني الطفل واتذكرت عباس
بس مامنولد ياحيف اخوالفقار
اخ السوط من طكاني ماونيت
مومن الألم منج انه اتأذيت
شفتج خايفه وتنخين بأهل البيت
نار الباب باجر للخيم توصل
تدليهه الشماته أن جان ماتندل
بوسيلي رقيه ونحر ابوهه احسين
وابحرك الخيم صليلي فرض التل
الله اوياي وانته اخذي الحسين اوياج
لأن اثنيهم قران يترتل....

محمد الجماسی

😔❀ حوار اليتامى ❀😔
❀ السيدة معصومة بنت الأمام الكاظم ع والسيدة رقية بنت الأمام الحسين ع ❀

#نعي
#الوزن_هجري


شرد اسولفلچ واگلچ يارقية اعله المصاب
هذا ابوي مودعينة عالجـسر والـنور غاب
انه مو مـثلـچ اظـنچ ماتحـملـتي الـعذاب
ماصبرتي بالخرابة الموت دگ اعليج باب


انتي ماشاهدتي عودچ جثتة بحر الشمس
وانتي عمتچ لا محالة ابد ماصـارت حرس
عمتي زينب حاوطتنة والدمع منها انحبس
هي حامتنة بصبرها وقـدمت أعـظم درس


آه يخـيتـي يارقـية انـه شحـچيلچ حـرت
لا ولا شـفتي بسلاسـل أيد ابـوچ اتـگيدت
ويارقية انتـي ماشفـتي چـبدتّة اتـسممت
بالسجن خلص سنينة وكل حياتة خلصت


آه يامعصومة بالطف من خـيمّنة اتحرگت
ظـلت الـنيران تسـعر واليـتامـة اتطـشرت
والبعد هاي المصايب اللي صارت والجرت
شدّو احـبال بأدينـه والحـرم كـلها انسـبت


والله يامعصومة حقچ انتي ماشفتي الطشت
آه من شـفته ونظرته يخـتي ابد ماصـدگت
بلحظة وحده اتضح عندي وكلش انه تيقنت
راح مني الغـالي هـسه وگلت انـه تيـتـمـت


~❀~~~❀~~~❀~~~❀~~~❀~

#أم_عباس_هيثم_العبادي
؛؛؛ ١٢ / ٤ / ٢٠١٨ ؛؛؛

#نعي_للشهيد
«لسـان حـال الأم»
▧▧❃❃▧▧❃❃▧▧❃❃▧▧

ياعيـد الفطر ماجوني الاحبـاب
حلويـن المعاني اصبحوا غيـاب
هـم الهم خبـر لو حدر التـراب
فگـدك يـالولـد صابني صـواب
➖➖➖➖➖➖➖➖
صبـاح العيـد افـرح مـن تجـيني
تشـم ايـدي وتقبـلني بجبـيني
ييمـة يـالـولد وحـدي بحنـيني
ردلي فـرحتي شلـون تخلـيني
➖➖➖➖➖➖➖➖
يبـو طول الحلـو ياهيبـة البيـت
تمنيتـك تجـي وتعـود يـاريـت
انت گبال عيني لتظني انسيـت
هم تسمع حنيني وبيـة حسيـت
➖➖➖➖➖➖➖➖
تعـال اليـوم يبنـي عايـد اختـك
ترﯼ العيـد مايحلى الا بگعدتـك
اجاني العيد وعيني تربي جيتـك
ليش استعجلت يمـة اعلة بختـك
➖➖➖➖➖➖➖➖
ضليـت اصفگ الراحـة بالراحـات
والطم ع الوجه واضرب الهامـات
منـك لا اثـر وانگطعـت الجيـات
يـاريت الـزمـان يعـود هيهـات
◾️▁◾️▁◾️▁◾️▁◾️▁◾️
{تـمت بعـون اللـہ}
24/6/2017
✍🏻 #ولائــية_وافتــخر

#مجالس #ذكرى تهديم #قبور #أئمة البقيع
#مقدمة #عزاء … . #نعي … ..

يا بقيع…
ليش كل طرة فجر اظلم صباحچ
ليش مذبوح الهوه حتـى ابرياحچ
ليش بس غربة گبر تنزف جراحچ
ليش صـرتي بلا اهـل ومسـلبـينچ

ـــــــــــــــــ ❁ ❁ ❁ ـــــــــــــــــ
يا بقيع ..
ليش غـابت عـن ديـارچ النـواطــير
ليش صحره بلاشجر تربانچ ايصير
ليش عطشانه اعله گاعچ العصافير
وانتي سمّعتي الصـخر عبرة ونينچ

ـــــــــــــــــ ❁ ❁ ❁ ـــــــــــــــــ
.
يا بقيع…
الهَـدم والقـفره ليش بكل نواحـيچ
ليش يرتد الصـدى الكلـمن يـناديچ
ليش ممنوعه على الناعي يون بيچ
ليـش مايشـبع بچي يمـچ حـزينچ

ـــــــــــــــــ ❁ ❁ ❁ ـــــــــــــــــ

بابقيع… .
بيـچ شمـسـويه خـيول الاعـوجيه
تهـدمت چـم گبـه بيـچ ابهالمسـيه
اليـوم تجـريلچ دمـه عـين الزچبه
اليوم نندب عالجره بزهرة سنينچ

ـــــــــــــــــ ❁ ❁ ❁ ـــــــــــــــــ
يابقيع…
وين كل ذيـچ المشـاهد والمـنابر
ويـن كـل ذيــج المنـايـر والمــآثر
ليش بس ضلت شواهد عالمقابر
ليش ما واحد فزع ليچ ويعينچ

ـــــــــــــــــ ❁ ❁ ❁ ـــــــــــــــــ

يابقيع…
ادري حقدوا عالحسن اهل السياسه
لان جـاسـم مالگـو نـشـمي بقــياسه
لان ذلهـم بالحـرب من شـد مــداسه
لاجل نحر المجــتبى ذبحو حنينچ
.
ـــــــــــــــــ ❁ ❁ ❁ ـــــــــــــــــ
يابقبع…
وي علي الساجد الچ لوعه وعلامه
بالهـدم طـلعـت تـون كــل اليتــامه
حـتى بتـراب الگـبر مـاكــو سـلامه
بهالمصـايـب يابقـيـع الله يعــينج
.
ـــــــــــــــــ ❁ ❁ ❁ ـــــــــــــــــ
يابقيع…
جعـفـر الصـادق ردت أقـراله آيه
ليش ممنوعه تزوره اهل الولايه
ينـذبح كلمن يرف بچفوفه رايه
اللي هدّم مـرقده يكطع يمينچ
.
ـــــــــــــــــ ❁ ❁ ❁ ـــــــــــــــــ
يابقيع… .
دوم لمصابچ تظل عطشانه الدموع
اليـوم للبـاقر نهــشّـم كــل الضلوع
نريد كل جدم الحوافر بينه مطبوع
نريد ننصـبلچ عزه ونـندب حسينج
.
ـــــــــــــــــ ❁ ❁ ❁ ـــــــــــــــــ

يابقيع… .
ابو صـالح لابد ايجـرد فقاره
كل امـام يرفعه ويعمر مزاره
ولابد يعـــمر گبـر ام الحـياره
جسدت ام البواسل كل يقينچ
.
.

حسن الموالي الفاطمي
.
القصيدة محرمة على رواديد ال DJ
السبت 2019/6/8
.

#نعي في مصاب امير المؤمنين علي عليه السلام
لسان حال السيدة زينب عليها السلام

يبوالحسنين ياحامي الحميه
بويه بياوضع جابوك اليه
مخضب بالدمه بسيف المنيه
يريت البيك بويه يصير بيه
ولاشوفك جريح بهالمسيه
يبويه منين اجتني هالرزيه

عسه الصابك يبويه نشلت ايده
يطبرك ليش ياروح العقيده
انت الچنت ياحيدر تفيده
يجازيك بحقد تالي ومكيده
يطبرك ياعلي الطبره الشديده

يريتك ياعلي تكوم بسلامه
بشهر رمضان وتمم صيامه
اجانه العيد يابدر الامامه
لا تفجع علي گلوب اليتامه
منك تدري محتاجه ابتسامه

سيد زيد الفحام
__________________

#نعي في فاجعة هدم قبور أئمة البقيع عليهم السلام

البقيع بياذنب هدموا مزاره
لا قبّة البقت بي لا مناره
گبور آل النبي رمز الحضاره
أئمه وبالعلم الهم صداره
ليش گبورهم صارت حجاره
هدموها العده اهل الحقاره
بفتوة ناصبي وحقده وقراره
كتبوا غاد ممنوعه الزياره


مراقد عترة الهادي الأئمّه
ليش بياذنب ياناس ظلمه
گبر الحسن والسجاد يمه
الباقر بالعلم معروف اسمه
وابنه الصادق المشهور علمه


عله گبور الأئمه تسيل العيون
بيهن چم امام هناك مدفون
ليش بلا مناره وناس يبقون
بيد الناصبيه المايرحمون


لكن ما يظل هالحال للدوم
لابد يظهر الموعود فديوم
يگصد للبقيع الچان مهدوم
يبنيها المراقد بيد معصوم
منارات اربعه وبعلو الانجوم
يرد ويزور كلمن چان محروم

#سيد #زيد #الفحام
__________________

#تهديم #قبور #أئمة #البقيع
#مقدمة #عزاء . #نعي … ..

آه يا أرض البقيع…
.
ليش كل طرة فجر اظلم صباحچ
ليش مذبوح الهوه حتـى ابرياحچ
ليش بس غربة گبر تنزف جراحچ
ليش صـرت بلا اهـل ومسـلبـينچ

ـــــــــــــــــ ❁ ❁ ❁ ـــــــــــــــــ
.
ليش غـابت عـن ديـارچ النـواطــير
ليش صحره بلاشجر تربانچ اتصير
ليش عطشانه اعله گاعچ العصافير
وانت سمّعت الصـخر عبرة ونينچ

ـــــــــــــــــ ❁ ❁ ❁ ـــــــــــــــــ
.
الهَـدم والقـفره ليش بكل نواحـيچ
ليش يرتد الصـدى الكلـمن يـناديچ
ليش ممنوعه على الناعي يون بيچ
ليـش مايشـبع بچي يمـك حـزينچ

ـــــــــــــــــ ❁ ❁ ❁ ـــــــــــــــــ
.
بيـچ شمـسـويه خـيول الاعـوجيه
تهـدمت چـم گبـه بيـچ ابهالمسـيه
اليـوم تجـريلك دمـه عـين الزچبه
اليوم نندب عالجره بزهرة سنينچ

ـــــــــــــــــ ❁ ❁ ❁ ـــــــــــــــــ
.
وين كل ذيـچ المشـاهد والمـنابر
ويـن كـل ذيــج المنـايـر والمــآثر
ليش بس ضلت شواهد عالمقابر
ليش ما واحد فزع ليك ويعينچ

ـــــــــــــــــ ❁ ❁ ❁ ـــــــــــــــــ
.
ادري حقدوا عالحسن اهل السياسه
لأن جـاسـم مالگـو نـشـمي بقــياسه
لأن ذلهـم بالحـرب من شـد مــداسه
لجل نحر المجــتبى ذبحو حنينچ
.
ـــــــــــــــــ ❁ ❁ ❁ ـــــــــــــــــ
.
وي علي الساجد الچ لوعه وعلامه
بالهـدم طـلعـت تـون كــل اليتــامه
حـتى بتـراب الگـبر مـاكــو سـلامه
بهالمصـايـب يابقـيـع الله يعــينچ
.
ـــــــــــــــــ ❁ ❁ ❁ ـــــــــــــــــ
.
دوم لمصابچ تظل عطشانه الدموع
اليـوم للبـاقر نهــشّـم كــل الضلوع
ريت كل جدم الحوافر بينه مطبوع
نريد ننصـبلچ عزه ونـندب حسينچ

ـــــــــــــــــ ❁ ❁ ❁ ـــــــــــــــــ

جعـفـر الصـادق ردت أقـراله آيه
ليش ممنوعه تزوره اهل الولايه
ينـذبح كلمن يرف بچفوفه رايه
اللي هدّم مـرقده يكطع يمينچ
.
ـــــــــــــــــ ❁ ❁ ❁ ـــــــــــــــــ

ابو صـالح لابد ايجـرد فقاره
كل ضريح الي انهدم يبني مزاره
ولابد يعـــمر گبـر ام الـغياره
جسدت ام البواسل كل يقينچ
.
ـــــــــــــــــ ❁ ❁ ❁ ـــــــــــــــــ
.
هدم عـرش الله فعله من هدمها
البقيع اليــوم ســايل منـها دمـها
سليبـه والها ماظــل مـن هِدمها
ثـوب تغـطي بـي جـرح. المنيه
.

#حسن الموالي الفاطمي
.
القصيدة محرمة على منشدي ال DJ

.

محرم_الليله_الاولى


#إقتراب محرم ١٤٤٢
#لسان حال مولانا الامام المهدي عج وهو يناشد عمته زينب ع :


عمّه زينب قاعد اتنطر وتاني
عمّه زينب واهمل ادموعي وعاني
عمّه زينب حزني بيّه ابكل كياني

عمّه زينب قُربت ايام العزيّه
عمّه زينب ادري بالشيعة وفيه
عمّه زينب تحضر اتعزي الزكيّه

بإنتظاره قَرّب محرم علينه
بإنتظاره كل محب يحضر يجينه
بإنتظاره الاسود ايرفعَه لوِلينه

#نعي :

قَرَب عاشور وانا اتنطر اعد الايام
نريد ادموع نِهل نذرف مثل كل عام
بحق دمعة عزيزتنا البُقت بالشام
تعود الونّه للمجلس ونِعصّب الهام

شهر عاشور فرض واجب يتم بالنوح
مِن اذكر عطش كبده وعياله تنوح
واعاين عالنهر كافل . علم مطروح
واشوفن زينب الجتله بدمع مسفوح

🖊خادمة أبي الفضل

#نعي..... لمصاب ام المصائب زينب عليها السلام

زينب من وطنها هجّروها
للشام ياوسفه ابعدوها
ظلّام امية الـ عذّبوها
بيد المصايب سلّموها


سلّت يويلي من حزنها
بدموعها اتجرّح جفنها
كثرن مصايبها وعمنها
ماتت الف موته اظنها


جاها الأجل مو بالمدينه
بالشام موتتهه الحزينه
دفنوها بالغربه الامينه
تمنّت يودّوها الحنينه
لحسين ولحامي الظعينه

#سيد_زيد_الفحام

#نعي_لرجوع_السيدة_زينب_ع_والسبايا

يالعــزيـــزيـــن ردّيـت ليكم يالعـزيـزيــن
عباس وحسين ها يخوتي عباس وحسين
بدمعة العين. اعثر اجيت بدمعة العين
وين ماوين. ننشد عليكم وين ماوين
والنساوين. جبت اليتامه والنساوين

يحسين وينه. وين الگبر يحسين وينه
هاي الظعينه. ردت الك هاي الظعينه
تسمع بچينه. نبچي ونون تسمع بچينه
والله انسبينه. ضيم وقهر والله انسبينه
ما تدري بينه. طحنه بهمضم ماتدري بينه
لسّه بأدينه. سوط الشمر لسّه بأدينه

طول المسيره. زجر وشتم طول المسيره
حيرتنه حيره. فوگ الهزل حيرتنه حيره
المحنه الچبيره ماتدري بالمحنه الچبيره
ادخل اسيره. لمجلس نذل ادخل اسيره
المن اديره. وجهي بعد المن اديره
لامن عشيره. لامن اهل لامن عشيره

خطار اجينه. عكب السبي خطار اجينه
باوع علينه فك گبرك وباوع علينه
عزنه ولينه. يحسين يا عزنه ولينه
وتغيّـريـنـه. من گد هضمنه تغيّرينه
وتغـربـينـه چنّه بخدر وتغـربـينـه

كافل ظعنّه. نتحوّل لكافل ظعنّه
ماتفزعلنّه. يابالفضل ما تفزعلنّه
راعي المحنّه. عباس ياراعي المحنّه
يمّك نزلنّه. جينه بدمع يمّك نزلنّه
ردنه لوطنّه. صحنه بحزن ردنه لوطنّه

#سيد_زيد_الفحام
_________________________________

#نعي_للزهراء
لسان حال الامام الحسين ع

انوحـــن ليلي ونهاري على أمي
ماتـت مـــن وكت والعاش همي
امنـــحن وشتاگ ما ألگاهه يمي
واون ومــــن ونيني ايفور دمي

الجنت اغفه ابحضنها اليل كله
مشت وتركت وسط الدار خله
عليها الدمـع من دم گمت اهله
الدرب ضليــت اتيه ما انـــدله

آ ياحســــــرت اليفگــدله غالي
وحشه اتصـــير بعيـــونه اليالي
وأنه ضليت حال الضيم حالي
حــرگ الباب ماچان اعله بالي

الخادم
✍كامل السعيدي

تهديم #قبور #أئمة البقيع
#مقدمة #عزاء … . #نعي … ..

آه يا ارض البقيع… 
ليش كل طرة فجر اظلم صباحچ
ليش مذبوح الهوه حتـى ابرياحچ
ليش بس غربة گبر تنزف جراحچ
ليش صـرت بلا اهـل ومسـلبـينچ

ـــــــــــــــــ ❁ ❁ ❁ ـــــــــــــــــ
آه يا ارض البقيع
.
ليش غـابت عـن ديـارچ النـواطــير
ليش صحره بلاشجر تربانچ اتصير
ليش عطشانه اعله گاعچ العصافير
وانت سمّعت الصـخر عبرة ونينچ

ـــــــــــــــــ ❁ ❁ ❁ ـــــــــــــــــ
.آه يا ارض البقيع
.
الهَـدم والقـفره ليش بكل نواحـيچ
ليش يرتد الصـدى  الكلـمن يـناديچ
ليش ممنوعه على الناعي يون بيچ
ليـش مايشـبع بچي يمـچ حـزينچ

ـــــــــــــــــ ❁ ❁ ❁ ـــــــــــــــــ
آه يا ارض البقيع
.
بيچ شمـسـويه خـيول الاعـوجيه
تهـدمت چـم گبـه بيـچ ابهالمسـيه
اليـوم تجـريلك دمـه عـين الزچبه
اليوم نندب عالجره بزهرة سنينچ

ـــــــــــــــــ ❁ ❁ ❁ ـــــــــــــــــ
آه يا ارض البقيع
.
وين كل ذيـچ المشـاهد والمـنابر
ويـن كـل ذيــج المنـايـر والمــآثر
ليش بس ضلت شواهد عالمقابر
ليش ما واحد فزع ليچ ويعينچ

ـــــــــــــــــ ❁ ❁ ❁ ـــــــــــــــــ
آه يا ارض البقيع
  .
ادري حقدوا عالحسن اهل السياسه
لأن جـاسـم مالگـو نـشـمي بقــياسه
لأن ذلهـم بالحـرب من شـد مــداسه
لجل نحر  المجــتبى ذبحو حنينچ
.
ـــــــــــــــــ ❁ ❁ ❁ ـــــــــــــــــ
آه يا ارض البقيع
.
وي علي الساجد الچ لوعه وعلام
بالهـدم طـلعـت تـون كــل اليتــامه
حـتى بتـراب الگـبر مـاكــو سـلامه
بهالمصـايـب يابقـيـع الله يعــينچ
.
ـــــــــــــــــ ❁ ❁ ❁ ـــــــــــــــــ
آه يا ارض البقيع
.

دوم لمصابچ تظل عطشانه الدموع
اليـوم للبـاقر نهــشّـم كــل  الضلوع
ريت كل جدم الحوافر بينه مطبوع
نريد ننصـبلك عزه ونـندب حسينچ

ـــــــــــــــــ ❁ ❁ ❁ ـــــــــــــــــ
آه يا ارض البقيع
.
جعـفـر الصـادق ردت أقـراله آيه
ليش ممنوعه تزوره اهل الولايه
ينـذبح كلمن يرف بچفوفه رايه
اللي هدّم مـرقده يكطع يمينچ
.
.
ـــــــــــــــــ ❁ ❁ ❁ ـــــــــــــــــ
آه يا ارض البقيع
.
ابو صـالح لابد ايجـرد فقاره
كل ضريح الي انهدم يبني مزاره
ولابد يعـــمر گبـر ام الـغياره
جسدت ام البواسل كل يقينچ
.
.

حسن الموالي الفاطمي
.


.

#نعي

ابعثرة النوك
جم طيحة طحنة ابعثرة النوك
وعليهن يلوك
صيت الخدر اعليهن ايلوگ
ابطبت السوك
جم موته متنه بطبت السوگ
ياهل الحگوگ
لحكو حرمكم ياهل الحگوگ
وشگو الحلوگ
لعالت علينه شگو. الحلوگ
و جدم محروك
حفاي خوية و جدم محروگ
وبسوط مطگوگ
ازرگ متنه بسوط مطگوگ
وبسرعة يسوگ
حادي الابل ابسرعة يسوگ
وتلچم بالعروگ
هزلة ترى و تلچم بالعروگ
جا ليش مبيوگ
حسين راسك ليش مبيوگ
عطش والنحر جان اول بهدماي
نار الخيمة ضل ياكل بهدماي
السياط الحمرة اشوفنه بهدماي
دمي ودم اخيتي ودم رقية

مشة وحادي الضعن يحسين متنه
وجم موته اعله ضهر النوگ متنه
هذا يصيح ايدي وهذا متنه
حرت وونينهم حط شوغة بيه

كريم الدراجي

#اللهم_عجل_لوليك_الفرج

#نعي

يالرايحين لأخت الحسين
جيبولي منها جرح جرحين
ماعندي بس عيوني الثنين
يبجن علـه الطبت دواوين
~~~
يالــــــرايحين لگبر ام عون
حفاي كون هـــــناك تمشون
فزعة عــــــرب الها تفزعون
ومـــــــسبيه يمها لا تگولون
~~~
كمت انه احس بروحي تقصير
وعيوني صـــــوب الرايح ادير
الليل لو چـــــن مدري شيصير
بيا جـــرح كلبي يصفن ايحير
~~
امنيتي انعه هــــــناك ع الباب
وبدمعـــــي ابلل ذيج الاعتاب
زينب غـــــريبه بنص الاجناب
وجرحي الچمه لو هده وطاب
~~
كــــــون اليروح منگب يروح
وينعه نعاوي اطـــــــلع الروح
ويتخيل شــــــــما دار مذبوح
بالرمح طــــب بضعن مجروح

~~
بـــيرغ عليج الليله ينشال
وينذب عليج اليــوم العكال
نكلبهن اعله الـــــــنار الدلال
المايبجي لاجلج موش ريال
~~
حگها الــــزلم نصبت جوادر
واتــــــجوت اعليج الضماير
غير انتي بـت شيخ العشاير
بت اللذي لــــدين الله ناصر
''''''''''''''''''''
عزيز المياحي