#مجالس #ذكرى تهديم #قبور #أئمة البقيع
#مقدمة #عزاء … . #نعي … ..

يا بقيع…
ليش كل طرة فجر اظلم صباحچ
ليش مذبوح الهوه حتـى ابرياحچ
ليش بس غربة گبر تنزف جراحچ
ليش صـرتي بلا اهـل ومسـلبـينچ

ـــــــــــــــــ ❁ ❁ ❁ ـــــــــــــــــ
يا بقيع ..
ليش غـابت عـن ديـارچ النـواطــير
ليش صحره بلاشجر تربانچ ايصير
ليش عطشانه اعله گاعچ العصافير
وانتي سمّعتي الصـخر عبرة ونينچ

ـــــــــــــــــ ❁ ❁ ❁ ـــــــــــــــــ
.
يا بقيع…
الهَـدم والقـفره ليش بكل نواحـيچ
ليش يرتد الصـدى الكلـمن يـناديچ
ليش ممنوعه على الناعي يون بيچ
ليـش مايشـبع بچي يمـچ حـزينچ

ـــــــــــــــــ ❁ ❁ ❁ ـــــــــــــــــ

بابقيع… .
بيـچ شمـسـويه خـيول الاعـوجيه
تهـدمت چـم گبـه بيـچ ابهالمسـيه
اليـوم تجـريلچ دمـه عـين الزچبه
اليوم نندب عالجره بزهرة سنينچ

ـــــــــــــــــ ❁ ❁ ❁ ـــــــــــــــــ
يابقيع…
وين كل ذيـچ المشـاهد والمـنابر
ويـن كـل ذيــج المنـايـر والمــآثر
ليش بس ضلت شواهد عالمقابر
ليش ما واحد فزع ليچ ويعينچ

ـــــــــــــــــ ❁ ❁ ❁ ـــــــــــــــــ

يابقيع…
ادري حقدوا عالحسن اهل السياسه
لان جـاسـم مالگـو نـشـمي بقــياسه
لان ذلهـم بالحـرب من شـد مــداسه
لاجل نحر المجــتبى ذبحو حنينچ
.
ـــــــــــــــــ ❁ ❁ ❁ ـــــــــــــــــ
يابقبع…
وي علي الساجد الچ لوعه وعلامه
بالهـدم طـلعـت تـون كــل اليتــامه
حـتى بتـراب الگـبر مـاكــو سـلامه
بهالمصـايـب يابقـيـع الله يعــينج
.
ـــــــــــــــــ ❁ ❁ ❁ ـــــــــــــــــ
يابقيع…
جعـفـر الصـادق ردت أقـراله آيه
ليش ممنوعه تزوره اهل الولايه
ينـذبح كلمن يرف بچفوفه رايه
اللي هدّم مـرقده يكطع يمينچ
.
ـــــــــــــــــ ❁ ❁ ❁ ـــــــــــــــــ
يابقيع… .
دوم لمصابچ تظل عطشانه الدموع
اليـوم للبـاقر نهــشّـم كــل الضلوع
نريد كل جدم الحوافر بينه مطبوع
نريد ننصـبلچ عزه ونـندب حسينج
.
ـــــــــــــــــ ❁ ❁ ❁ ـــــــــــــــــ

يابقيع… .
ابو صـالح لابد ايجـرد فقاره
كل امـام يرفعه ويعمر مزاره
ولابد يعـــمر گبـر ام الحـياره
جسدت ام البواسل كل يقينچ
.
.

حسن الموالي الفاطمي
.
القصيدة محرمة على رواديد ال DJ
السبت 2019/6/8
.

💚 #ذكرى_المبعث_النبوي_الشريف💚
​🌺مـــﺣ͠ــــمــــــد"ڝ"​ 🌺

🌺💚💚🌺💚💚🌺💚💚🌺


💐عید المبعث النبوی💐

من گلبي ولساني. ابعثلك تهاني
ابهـل بعثه الحميده
ايامكم سعيده
🍀🍀🍀🍀🍀🍀🍀

يا نور ازهر بلفلك والكون ابوجوده
ضاوي سمانه هل يشع من لمعت خدوده
جبرئيل جاب ابشارته للهادي ووعوده
انته يطاها اتشرفت واتوافي عهوده

من خالق الكواني. ابعثلك تهاني
يارمز العقيده
ايامكم سعيده
🍀🍀🍀🍀🍀🍀🍀

جبرئيل ناده ابهله يا رمز العداله
انته يطه اتشرفت واتٲذي الرساله
اقرا بسم الي خلق من جل جلاله
نوره يشع اعله الارض او يزود ابكماله

من نور الجناني. ابعثلك تهاني
ابهل بشره المجيده
ايامكم سعيده
🍀🍀🍀🍀🍀🍀🍀

امبارك يطاها ابهل امر ياسيد رسلها
مبعوث هادي للبشر وانته الشافع اله
اليوم كلها امعيده وفرحانه يا املها
لجلك يبوالزهرا ترى هل عقدت حفلها

يل كلك حناني. ابعثلك تهاني
ابهل مبعث وعيده
ايامكم سعيده
🍀🍀🍀🍀🍀🍀🍀

لخادم النــبي الاكـــرمﷺ
*ماجد ابــو ميثم الســاري*
96/2/5

🍀🍀🍀🍀🍀🍀

💚 #ذكرى_المبعث_النبوي_الشريف💚
​🌺مـــﺣ͠ــــمــــــد"ڝ"​ 🌺

🌺💚💚🌺💚💚🌺💚💚🌺💚💚🌺💚💚


مقدمة
ـــــــــــــــ
اليوم ُفي دُنْيَايَ يَنْسَدِل ُ الشرُّ
في سماء ِ الخير ِ قد بَزَغ َ البدرُ
أيَا مبعَث َ المرسُول ِللناسِ منْجِيا ً
أزَحْت َ غِبَارَ الظُلْم ِ وازْدَهَرَ العَصْر ُ
بغارِ حراء ٍ جاءَك الوحيُ حاملاً
دستورُ عدل ٍ خاف َ من ْ حُكْمِهِ الدَّهرُ
أفَقْت َ ضَمِيْرَ الخَلق ِ عَنْ فِعْل ِ مُوبِق ٍ
وأخْمَدْت َ صَوْت َ الجَور ِ مذْ جاءَك الامرُ
هَزَمْت َ عفاريت َ الجَهالة ِ حينها
بسلاح ِ عز ٍ قيل َ عنه هوَ الصبرُ
ولذا سنُهْدي المصطفى اليوم َ جمعُنا
صَلاة ً ومنْ لمْ يُصَلِّ فاتهُ الاجرُ
*
انبعث طه النبي لينه برحمة
ابتدا التغيير في قومة برحمة
نسير بمنهجة ولذنه برحمه
عميد اخلاقها وسيد البرية
ــــــــــــــ
ناظم الفضلي
7/6/2013

#ذكرى_الأربعين

(فايزي)

جــيـتـك يـعـبّـاس وجِـبِـت هـالـحَـرَم وَيّــاي
أشكيلَك اشْصار اوْ جرى مِن هِجْمَتِ اعداي

عـبّـاس إجـيـتـك لـلـنـهر يـا شـمـعة الـبـيت
إگعِـــد وشـاهـد حالـتي وِبْـيـا وَضِــع جـيـت
حـال الـغريبه الحايره و بـين الـغُرُب ظـلّيت
لا عنـدي والـي اوْلا حِـمـه يجـمع يِـتـاماي

ما تـدري عُگبـك يـا كـفيلي اشْـعِمْلَت الگوم
سـلَّوْا اسْـيـوف الـباشِطه اوْ ذِبْـحَوْا المظلوم
چا لـيـش گلـبـي ما يِـظَـل مِـحْزِن اوْ مـألوم
داي لِــبْگلــبـي مـــا مَـثـيـلـه بـالـبَـشَـر داي

إگعِــد يـبـو فـاضـل وشــوف اشْـصـار بـيـنه
واشــلـون وِلِـيّـه ابـسـاحـة الــطـفِّ انـوِليـنه
تِـتْـفـازَع اخـيــول وزِلِم هِـجْـمَـت عَـلـيـنـه
أنـخـاك اگعد يــا چفـيـلي اسْـتِـمِع نَـخْـواي

أنـخـاك انـهْـض يــا چفـيـلي وشــوف حـالي
لا خيـمه عـنـدي اوْلا خِدِر لا عـنـدي والــي
اخْيـول آل امـيّـه غارَت وسِـحگت اطـفـالي
عُگبـك يَراعـي الـمـرْجَله غِـدْرَتْـنـي دِنيـاي

حال الــدهـر يــا خـويـه مــا بـيـني وبـيـنك
يـا ريـت سـهـمك صــاب عـيني گبـل عـينك
اوْيـا ريـت سـيف الـلي گطـع بالطف يمينك
گبلك يـبـو فــاضـل يـريـتـه گطـــع يـمـناي

يـا ريـتـه يگطــع يِـمْـنِتي اوْ يگطــع يـساري
وَلا شـوف دمّك عـالـتُرُب يــا خـويـه جــاري
نـار الــخــيـم مِـتْـلاهِـبـه وزيِّــــدَت نــــاري
وجـمرة اخيـامك تلتهب مـن جمرة اظْـماي

يـا خــويـه أدري بـهـالـعتب زَيَّـــدت هَــمَّـك
واجروح گلـبي اتْواصِـلَت بِـجْـروح جـسمك
عالـمـاي لـو تـدري يـخـويـه اتْـبـيـع دَمّـــك
مـا چان منّـك يــبـو فاضـل نـطـلب الـمـاي

لـو أدري تـفـضخ هـامـتك ضـربـة الـعـامود
مـا چان يا راعــي الـشِّـيَم سَـلَّـمْتَك الـجود
راح الــزمـان وبـعـد مــا ظِــن بـيـكم ايْـعـود
ابْـغيبِتَك غـابـت مُـهْـجِتي و گربت مِـنـاياي

صوِّبَـت بـالـطـف مُـهْـجِـتي اسْـهـام الـمـنيّه
إگعــد وبــاصِـرنـي يــخـويـه اشــلـون بــيّـه
لـو ردت عـنـكـم امــشـي لـلـكـوفـه سـبـيّـه
يــاهـو الـيِـشِـدِّ الـراحِله اوْ يـتـكَفَّل احْـمـاي

ظـلّيـنـه ايــتـام وعـلـيـل و عايـلـه اشــلـون
تـرضـه الـشـمر لو حـرمَـله بـالظعن يِـحدون
لـلغـاضريه ابـشـيـمِتَك وصلت هـالـظـعون
واشـلون للـكوفـه تِـسيـر مــن غـيـر حَـمّـاي

انـهـض يَـهَـالْـمِـتْـكَفِّلِ اعـيــالــه وَظَــعْــنــه
مـا تـدري مـــن عگبـــك تـيـسّـرنه وَظَـعْـنـه
أدرِكــنـه يـــا والـي الـحـرم وانـظـر وَظِـعْـنه
حـنّت الـناگه الحالِتي اوْ مِحْنِتي اوْ مَمْشاي

الأديب #جابر_الكاظمي

#مقدمة #ذكرى_هدم_قبور_أئمة_البقيع

السلام على أئمة البقيع
السلام على أئمة البقيع

===========================

للبقيع اتمنه اسافر .. شوفته تكسرلي خاطر
ولا امام اعليه مناير .. حرگه لوعه ودمعه ابجي

اركض ادواره اعله واحد .. زاده مافد يوم بارد
ودلته شيخ المواگد .. صيته ضل لليوم يحجي

السلام على أئمة البقيع
السلام على أئمة البقيع

===========================

كلبي مشتاگ لإمامه .. العايش الطف وضلامه
لمّه العش للحمامه .. يمّه نلتم كلنه نركض

چلمه گالاها وحِزَني .. ليت امي لم تلدني
چلمه ضلت صرخه باذني .. منها كلبي كوه ينبض

السلام على أئمة البقيع
السلام على أئمة البقيع

===========================

باقر اعلوم البريه .. تعله گبته ويعله فيّه
ويمّه نلتم كل مسيه .. نحجي لوعه من اللي عاشه

ركضة طيحه چوية جمرة .. دمعه صرخه عثرة مرة
شمس تجوي عطش صحره .. ولونه من الطف تلاشه

السلام على أئمة البقيع
السلام على أئمة البقيع

===========================

الصادق انعليله گبرة .. والمنابر يمّه تقرة
وبالعلم كلها مُزِهرة .. ذاكه عالم ذاكه عالم

نبني بيته ويمّه ندرس .. والمدرّس ابنَ نرجس
نكضي حوزة نسوي مجلس .. ويمّه تنقام المأٓتم

السلام على أئمة البقيع
السلام على أئمة البقيع

===========================

ام ابو فاضل نجيها .. نسچب الدمعه عليها
ويمها نقره عن بنيها .. نيابه الفاتحه نقرة

يم گبر ام البنين ..  نطفي كل شوگ السنين
بصرخه تعله ياحسين .. وكل جرح بالصرخه يبره

السلام على أئمة البقيع
السلام على أئمة البقيع

===========================

كلمات
الخادم حسن الكريماوي ✍🏻