حوار بين زينب وابيها امير المؤمنين عليه السلام…
تگله ..
زمـانك طـشـرك بـويـه ولـم بيــك
هظم فوگ الهظم طبره وألم بيك
اشــاهد للگـبر جــرحك ولَمّ بيـك
جهز ويتاني ساعات المنيه
.
يجاوبها…
.
البـسـي للـنوايب زي نبــي أنتي
جبل واخت الغيارى زينب أنتي
انه اليـنشـدني اگـله زيـنه بنتي
صبوره وتسحگ ضلوع الرزيه
.
.تگله
.
بيتك بويه لـمـصابك وجــل باه
أديرن ناظري بجرحك وجل باه
دواك اتمـنه اوجـــدنه واجلــباه
وداويك وتــــرد يابــــويه اليه
. .
يجاوبها.....
.
لازم عن ديــــاري اليــوم اجلاي
يزينب بويه هـا قد حان اجلاي
حزنچ والهـــظم والنوح اجلاي
اذخري دمعـــتچ للغـــاضريه
. .
تگله.... ......
.
يبويه الـدهـر كــل ظهره الك دار
واشوف العرش بدموعه الك دار
ظلمه الــدنيا لمصــابك والك دار
تون بيها الفــواطم هالـمسيه
. .
يجاوبها.... ......
.
النجم بمــصابي حگه من هـــوه الچن
بنـاتي ودوم افكـــر منــهو الچـــــن
الخيم من تدوي مامش من هوه الچن
تشهگنه وتــركضن بالـــــبريه
. .
تگله... .......
.
عليك اليوم بويه گلوب هامت
يمن لجلك تـذل وتطيح.هامات
عنك تنشد الأيـــــتام هــا مات
نظن حيدر يزينـــب ماله جيه
. .
يجاوبها... ......
.
حنوطي والچـــفن هاليوم والماي
اوفظي اعله اليتامى الزاد والماي
نزيف ادماي ليـــش ايزيد والماي
افكــــر بالشــــمر يسطر رقيه


#حسن #الموالي #الفاطمي
.
محرمة على منشدي ال DJ

وجهتُ وجهي .. لفاطمه الغريبه
انوي الزياره .. للطاهره النجيبه
عمري خلّص ما وصلت اعتابها
گبل المنيه كون اشم اترابها
.
-----------
.

عذبت گلبي النوايب
والهظم بنفاسي بان
والمصايب دولبتني
وفرهد ايامي الزمان
توجهت اقرا الزياره
الفاطمه ام الحنان
حرت وجهي وين اديره
لياكتر وليامكان

گبر الزچيه .. ابيا ارض مكانه
الحيره حيره .. للي طلب عنوانه
وين اليدليني اعله عتبة بابها
گبل المنيه كون اشم اترابها
.
-------------
.

توجهت صوب المدينه
ذايب بگلبي الأنين
گلت بضعة طه يمكن
لاذت بكتر الامين
لچن حيدر بالمنايه
عالم وعنده يقين
يندفن بتراب ابوها
اثنين من المجرمين

ابن السقيفه .. ذاك السفك دمعها
وثاني خليفه .. اعله الوجه صفعها
والگرب منهم يزيد اصوابها
گبل المنيه كون اشم اترابها
.
------------
.

توجهت للكوفه روحي
وجمرت المدمع تسيل
نقل حكمه الهه حيدر
گلت هذا اول دليل
كون مثوى الزهره بيها
عجب مسلم بن عقيل
ليش مالاذ بگبرها
وطوعه صارتله بديل
.
ماظن دفنها .. حامي الحمه بالكوفه
يدري العقيله .. بحبل السبي مچتوفه
الها تدخل وي ركب سلابها
گبل المنيه كون اشم اترابها
.
-------------
.

للطفوف عيوني صدت
گلبي وي كل نبضه ناح
گلت گبر البضعه يمكن
خضبه فيض الجراح
ويمكن حسين بنزيفه
فوگ گبر الزهره طاح
سَحگت الحافر غميجه
وضلعه يم ضلع امه راح
.
وي كل مسيه .. اذرف نزيف ادموعي
للغاضريه .. محنيه دوم اضلوعي
فاطمه اشعر تون لـ حبابها
گبل المنيه كون اشم اترابها
.
------------
.

آنه ما املك دليل
وگلبي للزهره لهوف
ولاكو آيه ولا روايه
تگلي مثواها الطفوف
ادري مثكوله بولدها
من مشو درب الحتوف
والترك دمعه بدربها
لابد ابداره تطوف
.
اخفت گبرها .. دمها بضلعها زاجي
زغير عمرها .. عطشانه للبواچي
فاگده وصار اللحد محرابها
كبل المنيه كون اشم اترابها
.
------------
.

غابت ومخفي گبرها
وكل وكت اشعر معي
فاطمه كلش قريبه
لوهملت بمدمعي
لو ذكرت الغاضريه
بأول احروف النعي
تنطوي الحزني المسافه
وتغدي نبض بأضلعي
.
تحل السكينه .. جذوت الم بحساسي
تمر الحزينه .. شهكت هوه بأنفاسي
تحظر وتنفي زمان غيابها
گبل المنيه كون اشم اترابها
.
------------
.

الها گمت اقرا الزياره
بكل كتر وشما اريد
فاطمه بغربتها اقرب
ألي من حبل الوريد
هي مختاره الغياب
والها مرقد ماتريد
الا يوسفها ينادي
يال ثارات الشهيد

لوحل ظهوره .. والها بنى المناره
ندري بحضوره .. ابيا جهه الزياره
نزورها ونذرف دمع لمصابها
گبل المنيه كون اشم اترابها



#حسن #الموالي #_الفاطمي

محرمه على منشدي الطرب

ما تسوه حياتي بلا وجودج
الله خالق الدنيـا اعله مودج
يا ديـــــــرة محنه     بعدج والله ضعنه
الله خالق الدنيا اعله مودج
............................................
يا وجـــــــه الصبح يا زهرة الكون وجماله
عليج أرض وسما وكل محتوى أمست ثكاله
علــــــي ما بين طيفج والصدك يسرح خياله
دمع العين يام حسين الـــــــــج يبعث رساله
وحشه اديـــار أهلنه    ترى افراكج ذبحنه
العمر يالزهره يتبده اعله طولج
ما تسوه حياتي بلا وجودج
.....................................................
كل لحضة التمر بيه الحزن تجويني ناره
ياكل عمري وبوجهي أخـذ دور الصداره
معقوله علــــــــــي يام الحسن تايه قراره
ألحبل مــــا جتف أيده لا ولا زنجر فقاره
الوصيه الجتفتنه      ما نخلف عهدنه
وانتي ام الحسن تدرين عودج
ما تسوه حياتي بلا وجودج
..................................................
يام حسين دمع العين مـــــا بطل مسيله
حركــوا باب بيته أشلون للحامي دخيله
تذبح فركـــــــة المشتاك اذا فارك خليله
ما معقوله خلف الباب صبحه انباك ليله
على افراكج دمعنه      مثل بابج حركنه
يا كمرة حياتي أبآذني صوتج
ما تسوه حياتي بلا وجودج
.....................................................
جرح الفاكد امن ايمر على احبابه يلجمه
وانـــــــــه بليل نعشج جان يلهج يمه يمه
زينب والحسن وحسين أثــر جدمج تشمه
ثوبج والدمه ودخان عطرج ويــن اضمه
يم بابج كعدنه     طيفج ما يمرنه
ما صدك يزهرة خبر موتج
أباب الدار أثر دمعة سجودج
ما تسوه حياتي بلا وجودج
.....................................
احسب ليله ليله العمري يمته ينهي عمره
بستان الورد لــــو مات يبقه ايفوح عطره
آنه الفاكد بـلا روح يمشي ومحني ضهره
أول عاشك ابنص ليــــــل يحفر بيده كبره
سوه كون اندفنه     يا خيمة شملنه
بعدج يا جرح يلتم واشوفج
ما تسوه حياتي بلا وجودج
.............................................
خادم خدمه الحسين
#الشاعر
#محمد #الموالي

.
                  أويلاه.  يا فاطمه
.
هم رحتي شفتي كربله .. بيها الشباب امچتله
بعيالچ ايحيط الخطر .. وسط المخيم زلزله
               وسط المخيم زلزله
.
شفتي بلحسين اشجره
                   خده افترش ارض الفلا
ياويلي طر چبده الظمى
                     وبگلبه نبيلة حرمله
گاعد على صدره الشمر
                    يالزهره منهو اينزله
سل سيفه باشر بالذبح
                         كامت تشوفه العايله
نحره    12  طبره  انطبر  ..
                          محبوبچ اليوم انوله
يافاطمه دمه جره.  ..
                      ما ظل ولا ناصر.      اله
ياويلي گطعوا منحره ..
                       صاروا سبايه كل هله
گطعوا چفوفه وخنصره ..
                      شدو رقيه ابسنسله
راسه ارتفع فوك الرمح ..
                           زينب مشت بالقافلة
                  زينب مشت بالقافلة
                   أويلاه يا فاطمه
.
.
هم رحتي صوب المشرعه. شفتي الچفوف امگطعه
ضحى الكفيل ابمهجته .. لجل الخدر.      والمقنعه
                     لجل الخدر والمقنعة
.
يالزهره زينب عالنهر
                    شافت يويلي مصرعه
بالدمعه تنظر جربته
                      بعينه السهم ما طلعه
نادت يخويه يا شهم
                  صوت الشمر هم تسمعه
أينادي طلعوا بت علي
                   چفك   بعد    شيرجعه
  ظلت رقيه ابلا  ابو
                    ظلها الشمر ظل يتبعه
سلب تراچيها النذل
                    وبخدها طبعة أصبعه
متني من السياط انذبح
                     كل طگه دم أمرصعه
لكن ولا طاح اللوا
                   بچفوفي خويه ارفعه
           بچفوفي خويه ارفعه
.
.
حگي اذا درت النظر .. عن حالچ بيوم الخطر
يافاطمة ابو الحسن .. بچفوفه شالچ للگبر
              بچفوفه شالچ للگبر
.
يا فاطمه عندچ ضلع
                      واحد تهشم وانكسر
بالعصره گطعولچ نفس
                     من مهجتچ غاب النظر
شوفي الحسين ابكربله
                   فوگ الترب صدره انحفر
حافر اذا مس الضلع
                     يترك على الگاع الأثر
10  الخيول الداسته
                طلعت ضلوعه من الظهر
اطشر ابنچ بالفلا
                    لازم  تدورين   النحر
بين الخيم والمشرعه
                    عالتله لو درب السفر
يالزهره دوري خنصره
                بيا حفره شوفيه استقر
وحدچ تلمينه صعب
                  متوذر  احسينچ وذر
            متوذر احسينج وذرچ
.
.
نزلت دموعي أمحيره
                 .. موقف اريد اتصوره
عبدالله ليش الياسبب ..
                     يالزهره گطعوا منحره
ليش العطش اصبح ذنب
                           وتصيبه نبله اتعفره
عبد الله يتروه ابدمه
                         من العصابه  الكافره
مايشعر ابحر السهم
                         يشعر  ببوه  الينظره
أحا ينبلة حرمله
                        گلب الحسين اتمرمره
عبدالله  كلش منقهر
                        والعله  شنهي  ياترى
كاروكه بالنار احترگ
                       وهدومه كلها امبعثره
بالذبحه الگماط انفتح
                      بي شدوا ايد الطاهره
عبدالله من نام ابگبر
                     هدموا  عليه  المگبره
راسه ارتفع فوگ الرمح
                      ياويلي  امه اتناطره
             بالخيمه امه اتناطره
.
.
خليني أحظر عبرتي .. شعرت رقيه بلوعتي
گالت يناعي استمع .. راح اروي كامل قصتي
            راح اروي كامل قصتي
.
آنه  الي چنت امدلله ..
                          وبحظن ابويه نومتي
گلبي  ولا مره احترگ
                         ولا مره سالت دمعتي
من ليلة الحادي عشر
                          كملت ملامح غربتي
اظلم غده ابعيني الصبح
                        محترگه انظر خيمتي
بچفي الشمر شد الحبل
                          ياشيعه زادت لوعتي
ايعتني كل ساع واطحت
                        واركض والوذ ابعمّتي
آنه الشفت  راس ابطشت
                          ظليت اونله ابونتي
نمت وشفت چن ابحلم
                       قبلني ابويه بوجنتي
اخذني وياه ورحت
                 وسط الخرابه دفنتي
                    اويلاه. يافاطمه
……………………… .........
  لاتنسوني  ووالدي من فضل دعائكم المبارك
.
#حسن #الموالي #الفاطمي
.

.

ما لحظة عايف ثاري....شاهــــــد يضل فقاري
آ نه حيدر آنه حيدر
.......................................
آنه الشاطر مرحب وكت الما بيه مهرب
وكت الجان كلها تخاف لو مر طارش أسمه
لو هز جفني طارف شحده اليبقى واكف
حتــــــــه الموت من ايفوت يثكل يمي جدمه
أنه الآمر أنه ألناهي أنه البيت الله بيتي
أنه السابع سمه تشهد وفه تمطر حميتي
الهوه لو مر نفس يعثر يلوذ بسد مشيتي
علي آنه العلي رافع كياني ومنه صيتي
من طبعي ما أجامل......أضعف أذا مر سآئل
آنه حيدر آنه حيدر
....................................................
أمن أصفك أيدي بأيدي يـــــوكف دم وريدي
مثل السيف لو مر طيف ما واحــــــــــــد يوكفه
ألعايش عمـــــــره لازم آنـــــــــه ألعفته سالم
من هديت يمــــــــــــــه وجيت نازع ثوبه أشوفه
مثل جدهم ورث عدهم ينزعون أو أهدهم
لون جانــوا زلم عدهم أسم أكسر ضهرهم
أنه ليث الوغى وكت الحرب يصفر وجهم
وابو الزهرة ضحك كلي علي أكسر خشمهم
حيهم كلتله وخادم....أكسر خشم كل ضالم
آنه حيدر آنه حيدر
.......................................................
آنه الموت ألأحمر سيفي بدمهم زنجر
أحجي بزود عندي احدود اشحده اليوصللها
ألركبواها من تالي مــــــا خليها أبالي
ألأول جان رابع جان لا مـــــــــــا أحسبلها
أنه امن الله أنوضع أسمي وصرت أول خليفه
ألحجوا والما حجوا عنــــي لسان الزلمه سيفه
ألأسد من يمشي هيبة ومبتسم يمشي اعله كيفه
وكت خله النسى تتمرجل وتصبـــــــــح سقيفه
الخانوا كبل عهدهم...باجر شنوا عذرهم
آنه حيدر آنه حيدر
....................................................
فاطم جرح أغيابي الشب النار ابابـــــي
يعرف زين بيني وبين راسه هالوصيه
لــو ما طه وصه أكبـر راس اكصه
أهد الكون يامن كون مكطوعات أديــــه
أنه حيدر قلـــــــع خيبر أنه ألما ثني سطره
أنــــه اللوله الوصيه ما تضل بانفاسه كطره
أنه السابع ضهر سيفي غضب ينزل يشطره
أنه الشمس ألله تبرد لو تشم من جفي عطره
الجانوا كبل صحابه من بعده حركوا بابه
آنه حيدر آنه حيدر
.......................................................
مــــــا كدروا عليه مـــــــــا هاب المنيه
سيف الصاب راسي جان سآئل مدلي أيده
يعرف مـــــــا أرده يمشي وجاي وحــده
آنـــــــه الطير من ايجوع من زادي أزيده
نزف دمــــي ونحل جسمي وصلاتي ما عفتها
ألكسر ضهري أجت زينب علي تركض شفتها
درت وجهي ولبو فاضل أمانـــــــــــه ودعتها
أنتفض دك صدره كلــــي بعيني يا بويه شلتها
آخر نفس شهكته....شميته من ركبته
آنه حيدر آنه حيدر
....................................................
خادم خدمة الحسين
#الشاعر
#محمد #الموالي

.
#وجه #الشمس
.
.
وجه الشمس مابي ضوه
اظلم   . نهاري . بنينوى
عطاب اشمن بالهوه..........
حبيبي ياحسين
.
.
آنه زينب وانت روحي وكل حياتي
انته بلسم  جرحي خويه .  بنايباتي
چنت اظن عاشر محرم بي وفاتي
لکن بحبل السبي صارت نجاتي
.
عطر امي فاح ابکل کتر
يعني الدمه منك يدر
طايح يخويه شنتظر........
حبيبي ياحسين
.
.
شلون اشوفك والمعاره كلها ظّلام
والدرب يشهگ هوه دخان الخيام
خويه دلاني اعله جسمك كسر العظام
گلي  سحگو  بالحوافر صدر اليّمام
.
مذبوحه انظر  دمعتك
فوگ الترب وي رگبتك
امي الزچيه  حضرتك...
.حبيبي ياحسين
.
.
خويه من عاشر محرم حل ظلامه
شدو   ابحبل ا لخيم  كل  اليتامه
خوله تندب وي حميده هالظُلامه
سكنه شدوا چف  اديها  بالعمامه
.
رکبت  رقيه اعله  الهزل
مچتوفه  بگماط  الطفل
مدمعها  من دم ظل يهل
.حبيبي ياحسين
.
.
كلها صاحت العقيله سَلبوها
يمها سبو فاطمه وسِبو ابوها
عالهزل هاي المسيه رَكبوها
شما تنادي مايجي عباس أخوها
.
ضربوني خويه وما صحت
ضلعي انحنى بس ماطحت
مجبوره عنك من رحت.....
حبيبي ياحسين
.
.
رغم حزني ودمعي والگيد بأديه
اصبر وأكسر خشم جيش آل اميه
آنه بنت المرتضى حامي الحميه
أمي ربتني اعله هظم الغاضريه
.
بمنطق ابي باب العلم
من احچي تسکت الزلم
يعني فكرهم ينعدم...
.حبيبي ياحسين
.
.
ماتهزني خويه صدمات المنايه
الشمر راواني راسك عنده غايه
يگصد اتشاهد رقيه هالنهايه
وانه اضم وجه اليتيمه بالعبايه
.
منك ولا شافت جرح
لاطبره لاطعنت رمح
عذر السفر ماينشرح.....
حبيبي ياحسين.
.
تمت ولله الحمد
لاتنسوني ووالدي من فضل دعائكم المبارك
.
#حسن #الموالي #الفاطمي
.

.