تشييع الطاهره فاطمة الزهراء عليها السلام
..........................هجري....................

.
فاطمة الزهره البتول
.تشتكيلك يالرسول
.
.
بـــويه يمــك   هـالمسيه
         .آنه جيـــت بدمـــــعتي
مچفنه بحزني وجروحي
         ..اشكي هظمي وعبرتي
بويه والخـــايف توكح
        ..عـالــولـي   يـابلـــوتي
بويه والگــال انته تهجر..
       بيده يســطر وجــنــتي
.
فاطمة الزهره البتول...
.تشتكيلك يالرسول
.
.
.
بويه شيـطان   السقـــيفه..
           جمّــع أفلــوله وفــزع
يـــدفــع ابــاب النــــــبوه.
           .گـتله ارجع  مـارجــع
وجـــرت للهـــادي نــاره
         .منــــك وگلبه انشـــلع
گــلي طه بلحــده هـــسه
        ..مـا يهـمني لـو ســـمع
.
فاطمة الزهره البتول
...تشتكيلك يالرسول
.
.
.
گتــله يــاشــر البــــــريه
           .ارجـــع ورد ليـــوره
والله مــن انــــدب يحيدر
          يجري دمـك عــالثره
گــلي أعلـــم بالـــوصـيه
           .يالـطــهر يــمـخدره
وانتي ماتنـــخينه حيـدر .
           حتــى لو دمچ جـره
.
فاطمة الزهره البتول..
..تشتكيلك يالرسول
.
.
.
هـــــذا حــالچ يالــــزچـيـه
          ..والــدچ حــدر التـــراب
والـــوصــي لجل الوصيه
           .يصـــبر ويحمل عـذاب
مالــچ هاللـــــيله نـــاصـر
          .يالوحيده بها المصـــاب
وآمر العــــبده ضـــربني .
            وگلبي من احزانه ذاب
.
فاطمة الزهره البتول..
تشتكيلك يالرسول
.
.
بويه عالــوجنه سطــــرني
        .واظــلم بعيــــني الضـوه
بــويه وبضلعي رفســــني .
         .وما اشـــم گمـت الهــوه
بويه  بالحـايط  عـصـرني ..
         وچبدي من جمره انچوه
عاينـــت دمي ودمعـــــتي
       ..عالترب طـــاحن ســـوه
.
فاطمة الزهره البتول
..تشتكيلك يالرسول
.
.
.
بويه محسن شنهي ذنبه..
      ينــــذبح دامي ويطــيح
من غـدر اهـل الســــقيفه.
      .هالطـفل   اول  جـريح
عالترب دمـي ويــــه دمه.
   .بويه يم بـــابك يــسـيح
بـــويه انشــــدك هــايطه
  ..بيا ذنب طفـــلك ذبـيح
.
فاطمة الزهره البتول...تشتكيلك يالرسول
.
.
.
حسن الموالي الفاطمي

.
قصيدة... مات الضلع... متعددة الأوزان
.
................والمستهل ...........
.
مات الضلع بالعصره...خدي انذبح بالسطره
ظل گلبي ملهوف
يالمرتضى لاتنعى ... اگطع نزيف الدمعه
فكر بالطفوف
وداعاً ... وداعاً يا علي
.
ـــــــــــــــــ ❁ ❁ ❁ ـــــــــــــــــ
.
عود الورد مني ذبل ..
ذبحوني قربان الهُبل
اهل السقيفه ابلا وجل .... ولوني
.
طبع الاصابع والاثر ..
يروي الك ذبح النظر
يالمرتضى برفس الظهر...... سِبوني
.
بضلوعي بسمار انغرس
ظل يگطع انفاسي
كل شهگه چن حافر فرس
تسحگ أعز ناسي
مسبيه صرت ابحضرتك
تنظرني حراسي
ياروحي امسح دمعتك
لا تجرح احساسي
لا تجرح احساسي
.
بس هالمسيه وينگطع حبل الوصيه
فكر يروح المصطفى بالغاضريه. .. بالغاضريه
.
يل بلترب تدفني.. لا تترك حسين ابني.
.ايظل بلا اخوان
عمرك گصير وتدري .. لتخلي وردة خدري ..
تهظمها الاحزان
ونيني . عليهم يعتلي
.
ـــــــــــــــــ ❁ ❁ ❁ ـــــــــــــــــ
.
هاي الأمانه ابرگّبتك ..
إنشد يحيدر أخوتك
عن حره تكفل عترتك... أبيّه
.
ذاخر الك رب السمه ..
زوجه عظيمة وعالمه
حره واسمها فاطمه.... وفيّه
.
وكت الغروب ابعتبتي
الشمعه تشعلها
سبعه المثاني الغربتي
تنعى وترتلها
حوريه من جنة عدن
الباري أنزلها
تصبر على مُر المحن
حره وتعد الها
حره وتعد الها
.
أم البنين الطاهره الله اصطفاها
هاي التي نذرت الي منزف دماها
منزف دماها
.
الگبري من تجيني .. بماي الورد ترويني
تندبني وتنوح
يالزهره لترديني .. اربع ولد انطيني
بلسم للجروح
.
همومي...بذكرها تنجلي
.
ـــــــــــــــــ ❁ ❁ ❁ ـــــــــــــــــ
.
راح ابقى اندب بالگبر ..
وسط اللحد دمعي يدر
للباري الهج وانتظر .. يالنوماس
.
موعوده من واحد أحد ..
اسمع خبر شبل الاسد
يالزهره هاليوم انولد ... العباس
.
من يبتسم وسط المهد
آنه الي ناغيته
من يگطع اگماطه ويشد
يعني تنخيته
بعيونه لو هل دمعته
بحسيني وصيته
يعني أمه هيه الولدته
وآنه الي ربيته
.وآنه الي ربيته.
.
أبو الفضل من ينولد انت تشوفه
قبلي عينه ياعلي وقبل چفوفه
.قبل چفوفه
.
هذا البطل انتظره. ياخذلي ثار العصره
بيمينه بتار
اهداني ربي الردته .. نشمي وتكفل أخته
واخوانه ابرار
ندائه... يگاعي زلزلي
.
ـــــــــــــــــ ❁ ❁ ❁ ـــــــــــــــــ
.
أم البنين املوعه..
تجمع ولدها الاربعه..
المدمع بخدها نعه.....يشجعان
.
احفظو يمه اوصيّتي ...
البضعه جمّرة دمعّتي
هاليوم اشدّن شيلتي .. للميدان
.
يمه يشيال اللوه.
من فــدوه لسنينك
يايمه لاتشتم هوه
يم رية احسينك
اشبع عطش لاترتوي
عيش ابميادينك
ثابت تظل ماتلتوي
لو صوبوا عينك
لو صوبوا عيني .
.
علة وجودي وهيبتي يمه الزچيه
خلوني بيكم افتخر يوم المنيه ..
يوم المنيه
.
نعم الذكر ذكرها ... اعظم خدر خدرها
حره اوديعه
يوم الحشر والمحنه .. يمه تلمنه كلنه
هيه الشفيعه
.
يقيني....وجودي الأولي
.
ـــــــــــــــــ ❁ ❁ ❁ ـــــــــــــــــ
.
مذبوحه عمري 18
دمي على العتبه انفرش
چن زينب ابليل 11 .. سبيه
.
لو انته بالهامه انصبت
الچبده تنظرها ابطشت..
يعني يحيدر اعلنت ...منيه
.
انظرها وانظر عتبتي
واتخايل اخيامي
بدمعتها انظر عترتي
وامراكض ايتامي
يم بابي ما اذرف دمع
لو الها ظل حامي
ماينكسر منها الضلع
من تندب الظامي
من تندب الظامي
.
الفضه ما اندب أبد لو عندي خوان
كثر ولد زينب تره وراها عدوان
وراها عدوان
.
ترباتي فاهم درسه .. خيط الخدر يحرسه
لو دمه مدرار
يعني الشمر انظره .. اينادي طلعوا الزهره
وحدها بالدار
.
سلامي. .. الى اكرم ولي
.
ـــــــــــــــــ ❁ ❁ ❁ ـــــــــــــــــ
.
انطيني ايدك ياعلي ..
خلني اعله چفك انتچي
مطلب الي عندي وحچي ... اسمعه
.
ماتنسى ردتك كربله ..
يوم السبي والعايله
غربة شبابي بالفله .. ارد انعه
.
ارد اندب وانعى وأون
هاليــــله من داري
وي دمعتك يابو الحسن
ارد ارتجي الباري
انظر ظهور المنتظر
لجل الدمه الجاري
والشيعه بسمه تنتصر
من تطلب ابثاري
من تطلب ابثاري
.
كل يوم اشوفن شيعتي وسط المجالس
صارت يحيدر دمعتي الهم مدارس
الهم مدارس
.
هذا الكلام الگلته.. بچف يمنتك دونته
هاليله تذكار
ابمصحفي اذكره ... ذخر لختام العتره
كل كلمه اسرار
.
وفاتي....هاليله تبتدي
.
.تمت ... بفضل ربي وعطاء اهل البيت عليهم السلام
.
.

حسن الموالي الفاطمي
..

.
الاوزان .
حدي تام +ميمر+ المنسجم+ الفائزي



.

#الطاموره…

#موشح من التراث الحسيني (النجفي)
شهادة الأمام موسى بن جعفر عليه السلام
.
.

موسى روحه من السجون معلعله
ليا سـبب هـارون سـجنه يبـدله
ليـش للطـامـوره قــرر يـنقـله
شـنهي بيها وشـوصف سجـانها

ـــــــــــــــــ ❁ ❁ ❁ ـــــــــــــ

هاي طاموره انطمر بيها الظلام
واليطـبها عينه ما تغفى وتنام
بيها ابن شاهك وغلمانه اللئام
صبغو بسـفك الدمه حيطانها

ـــــــــــــــــ ❁ ❁ ❁ ـــــــــــــ

معطيات الحاله ترسملك مسار
عن سجين وليله ما شايف نهار
وآمر الطـاموره  أصدر هالقرار
تعتـلي بسب فاطـمه غلـمانها

ـــــــــــــــــ ❁ ❁ ❁ ـــــــــــــ

عطش بيها شگد يويلي ابو الرضا
چـان قدر المـاي سنـدي اليفرضه
هالقـدر مايكفي حتـى المضمضه
للعـبادة  تيـمـم  بتــربـانـها

ـــــــــــــــــ ❁ ❁ ❁ ـــــــــــــ

الماي كلش حار بالصيف الرهيب
ولابـد يجـرعه أمامك الحـبيـب
لو رشـف يحتـرگ چبده بالهيب
وتـدوي چانت مهـجته بنيرانها

ـــــــــــــــــ ❁ ❁ ❁ ـــــــــــــ

جان بالطاموره اله مجلس عزاء
يمضي بالسجده الطويلة الكربلاء
على التربه الطاهره يحلى البكاء
وعالطفـوف وعالجـره بميدانها

ـــــــــــــــــ ❁ ❁ ❁ ـــــــــــــ

شاهـدو كـسـر  الارادة  مايفيد
ثگلّو  چفـينه وجدامه  بحديد
جابو السم گالو اشـرب يالعنيد
لو تـودع  شـيعـتك  رضعانها

ـــــــــــــــــ ❁ ❁ ❁ ـــــــــــــ

اشرب السـم الـزعاف وأجرعه
لا  نـدخـل شيـعتك  بالمعـمعه
وتنـظر الأشـلاء منها مگـطعه
وتعتـليها.  النايبه.  واحــزانها

ـــــــــــــــــ ❁ ❁ ❁ ـــــــــــــ

شرب ياويلي وجـرع سم  الطغاة
حتى يرمي الشيعته طوق النجاة
ابـو طلـبه   يفـتدينـه.   بالحياة
رجح چف  التضـحيه بميـزانها

ـــــــــــــــــ ❁ ❁ ❁ ـــــــــــــ

ضاگ بنفاسه الهوه وضاگ الفضا
گضه وبسمهم ضلوعه مرضرضه
بالطـشت ياويلي چـبده  يلفضه
تـزلزلت  لجله السـمه بأركانها

ـــــــــــــــــ ❁ ❁ ❁ ـــــــــــــ

شاع بين الناس والصوت اعتلى
عن جـنازه  امگيديها  ابسنـسله
موسـى والغلمان نعـشه  تحمله
وعنه غـابت شيـعته واعـيانها

ـــــــــــــــــ ❁ ❁ ❁ ـــــــــــــ

فزعت انصاره واجت من كل كتر
ونحنـى لجـنازته ظـهر الـجـسر
جمهـره ابغـداد چـن يـوم الحشر
ســرفنت  زلم المــنايا  اردانـها

ـــــــــــــــــ ❁ ❁ ❁ ـــــــــــــ

تسرفنت زلم الوغى ليـوم المصاب
شـيعو  بـدر  الذي  بزنزانه  غاب
لچن ظل حسين دامي اعله التراب
والفتن نفثت عليه دخانها
ـــــــــــــــــ ❁ ❁ ❁ ـــــــــــــ

3 ليالي ابـن الـزچيه بالجراح
دامي ظـل بمهـجته تذر  الرياح
حسين محد شيعه بذاك الصباح
تضـحـياته بكربـله  نيـشـانها

ـــــــــــــــــ ❁ ❁ ❁ ـــــــــــــ

حسن الموالي الفاطمي

ياحسين بشهر رمضان
العطش ياخذني مولاي الطفوفك
ياسليب وياخضيب
الخيل بالحافر تطوفك
.
دمك النازف فرش عالغبره سفره
فطرت الگاع بدماك
تعطر الكون بشذاك
ريّة الدخان شمت كل هواك
.
والسمه بهاي النوايب
بيها نجم اسهيل غايب
والگمر غرب ربيعه
.
تنشد ومامن جواب
والمصاب يجر مصاب
لن تدلى العرش ليها
وجاوب بنبرة عتاب
.
ذاك نجم سهيل دامي عالتراب
والگمر طايح على
              جروف الشريعه
.
شهر رمضان..
فتح بيبان.. للطفوف
انت عطشان
وآنه عود اليوم عطشان
لكن انت اصبحت للخيل ميدان
يلي دفنوك بحصيره بلايه اكفان
ما اوفيك.......
عمت عيني
شلون مو بدموعي اخليك
يلي طعنات الرمح
              كلساعه تلويك
والحوافر بالسحگ
            عالغبره تفريك
.
امقصر وياك
آنه بفياي .. وباردة الدار
وانت عالگاع ... والرمل حار
آنه تجمعني الليالي
                   وي الاحباب
وانت حاطوك الاعادي
                     بكل الكتار
بخيمتك نار.. وعندك ازغار
تشخب بدم الوريد
وصوت تسمع من بعيد
خويه وينك ياشهيد
ياوحيد.. بلا عضيد
چنها زينب اجت
           تركض من بعيد
تسابك الريح
تمشي وتطيح
وجن شامت يكلها
            وين تردين
حضرت النوگ
التدورينه  انذبح
       والصدر مسحوگ
ظامي مطحون الجسم
               والثوب مبيوگ
حضري روحچ يالعقيله
                 الطبت السوگ
من تطرين الدرب
              والنفس مخنوگ
على ظهر الهزيله
               بثوب محروگ
.
هذا حالي بشهر رمضان
عمري يصبح عام الاحزان
ياحبيبي ياحسين..


حسن الموالي الفاطمي

شهادة أمير المؤمنين
.......... شوط كربلائي ........
.
.
علي بآخر نفس بالروح
                 نظر لوجوه احبابه
لمح عباس محني الراس
          يشوف ادموعه سچابه
.
.
علي بآخر رمق منّه
         نطق بحروف معدوده
ينادي يا گمر هاشم
         حظر عباس يم عوده
مد أيده أبو الحسنين
        مسح دمعات بخدوده

يگـله لا تهـــــل جمــرك
يمن عمري فــده العمرك
لخوك احسين شد أمرك
.
اريد الدمعه طگة سيف
           على اليسحگ على اعتابه
.
.
.
أنه الظليت اتاني اسنين
                  ادور عالنقيّه أمك
لان اعرف فقط هيه
            رحمها الطاهر ايضمك
ترضعك كربله وعاشور
               تگلك زينب أبدمك
.
حب احســـين بنفاسك
لهيب ايچوي احساسك
ارفــــــع يالبـطل راسك

أمك الله قدسها
         عشگ سجدتها محرابه
.
.
.
ينشمي من الزغر أنته
          وثيق ابكربله ارباطك
جبل وسط المهد انظر
         تمنى الكون يحتاطك
اذا گلك غريب احسين
          تفز وتگطع اگماطك

أگلك هذا مو يومك
تعرف كربله اعلومك
كمّل يالنـــفل نومك
.
الك يوم ابدهر غدار
                تكسر بويه أنيابه
.
.
.
اعرفك آنه بالحملات
            جيوش إبليس تفنيهم
الك بالنهروان امجاد
           الخوارج بويه تگضيهم
منهم ضايع المشراد
              تسد الگنطره اعليهم
.
رمحك دوم ينــدلهم
وابكيـفك  تغــربلهم
ولا واحد سلم منهم
.
للكلفات ضميتك
             كل حگ إنت طلابه
.
.
.
وصيتي يا گمر هاشم
                 أمانه مني احملها
زينب اختك اوروحك
                تريدك انت تكفلها
يالراضع حليب اسباع
             عينك خل تصد الها
.
ابو فاضل نطق كلمات
يگله ابعـــــيني الآيات
تامر  يا أبو الحـــملات
.
أفدي الحره بالأنفاس
               واطر الموت واسبابه
.
.
.
ينشمي من يهل عاشور
             عليك اوتنظر اطفوفه
يحيطك جيش اميه بيه
              يبني شتت اصفوفه
بيهم لعب البتار
           خل كل كربله اتشوفه
.
رف بچـــــفوفك الرايه
دگ وسط الحرب ثايه
شـــــبابك كلها رمـايه
.
عدوك من يرد مهزوم
                يسد عن الحرب بابه
.
.
.
يعرفونك تريد الماي
             فلوله الباغي يجمعهن
يصدك بربعة آلآف
          ينشمي ابصوله ادرعهن
اذا شفت النهر بويه
             اريد أجروفه تقلعهن
.
تجـــيب الماي لسكينه
رضيعك دمعته ابعينه
ينــادي عمي چــاوينه
.
يريد الماي يالوفاي
                  منّه الچبده لهابه
.
.
.
حسن الموالي الفاطمي
.
.
.

#أئمة #البقيع… .
نزله سريعه
وزن المنسجم… ..

لو اعلنتها الثوره ياروح الزچيه
ارض البقيع ابنيها مثل الغاضريه
.

أبني الأئمه الاربـعه
               وأرفـع مـنابـرهم
أربع قبب فوگ الارض
                   تروي مآثرهم
واثمـن مـناير  ترتـفع
                 دايـر مدايرهم
خلي اليشـاهد يفتخر
                 رد النصر الهم
.
ابني المراقد واهدم عروش آل اميه
ارض البقيع ابنيها مثل الغاضريه

ـــــــــــــــــ ❁ ❁ ❁ ـــــــــــــــــ
.
هذا الهـدم ياسـيـدي
                ايحــير ابوضــعه
ماظل شبر فوگ الارض
                 مالاحته الصفعه
گبـر الزچـيه مخــتفي
                رادو اثــر دمـعه
هدمو گبر محسنها
             بلكت فاطمه تنعه
.
يـاسـيـدي لـو  بيـنت  گبـر  الابيه
ارض البقيع ابنيها مثل الغاضريه
٠
ـــــــــــــــــ ❁ ❁ ❁ ـــــــــــــــــ

يجول  بنواحي المگبره
                 شيدور الناصب
غير  الأيمه  الاربعه
            ينشد  عن  الراهب
يدور  على گبر الهمام
                  الناصر الغالب
والد علي فخر العرب
             مولاي ابو طالب
.
هدمو ضريحه بهالمسيه الناصبيه
ارض البقيع ابنيها مثل الغاضريه
.
ـــــــــــــــــ ❁ ❁ ❁ ـــــــــــــــــ

ام البنـين الطـاهره
             بچفــوفك ابنـيها
احفر نهـر والمـشرعه
                بعتبتها خلــيها
زمرة اميـه من اجو
              مانـشـدو اعليها
بس دخلو ارض المگبره
                سمعو بواچيها
.
ابنـي علـى مـرقـدهـا تله زينـبـيه
ارض البقيع ابنيها مثل الغاضريه
.
ـــــــــــــــــ ❁ ❁ ❁ ـــــــــــــــــ

هواي المراقد سـيدي
                  وهــوايه آلآمــك
ابني مخيــم بالبــقيع
                    اوكثّــر اخيامك
اجمع بنات المصطفى
                يالمهدي ورحامك
ماتحترگ هاي الخـيم
                 محميه بحسامك
.

حبل السبي ميشد بعد چف هاشميه
ارض البقـيع ابنيـها مـثل الغـاضريه

ــــــــــــــــ ❁ ❁ ❁ ـــــــــــــــــ

لموعد ظهـورك ننتــظر
                   كـل احـنه وفـايه
وارض البقــيع بطلعــتك
                    نگصدها مشايه
طول الدرب موكب خدامه
                        عدنه وقرايه
نرفعها يامنــصور امت
                 وتـــرفرف الرايه
.
تدخلها وانت منتصر يبن الوفيه
ارض البقيع ابنيها مثل الغاضريه
.
ـــــــــــــــــ ❁ ❁ ❁ ـــــــــــــــــ

حسن الموالي الفاطمي

.

.. #رحله
#من الذر #الى القبر


آنــه بالـــذر  ذكــريـاتي
أنت عنــدي كل حياتي
ارد اشوفك في وفاتي
يا أبا عبدالله

. ـــــــــــ ❁ ❁ ❁ ــــــــــــ

آنه من ذاك الزمن
بعالم الذر دورت
عنك ولمن لگيتك
         صرت حبي الأولي
.
آنه بيك اتولعت
بالعظيم توسلت
يالهي حسين أحبه
        هو لي اقدس ولي
.
رتل الهامه وسمعته
        ربي بين افكاري دار
چن يگلي دنيا عندك
              الك بيها اختبار
تگضي أيام بحياتك 
         بيها جنه وبيها نار
بالنوايب والمصايب
        والهظم والاحتظار
.
لو تخـطيــته امتــحانك
حسين يحجزلك مكانك
.
وآنه كل  هـاي امنياتي
أرد اشوفك في وفاتي
ياأبا عبدالله

ـــــــــــ ❁ ❁ ❁ ــــــــــــ

من الاصلاب انطلق
تبدي اول رحلتي
وبرحم أمي الحبيبه.
                   مستقر الطينتي
.
تسع تشهر انتظر
متاني چنت ومستعد
من يحل يوم الولاده
               الك انّدب عبرتي
.
ربي من لطفه خلق لي
              روح بيها افتديك
خلق بعيوني دموعي
       حتى اظل ابچي عليك
حيلي كله بجدمي خله
            حتى للطف اعتنيك
چفوفي وضلوعي خلقهن
              للطم مابين اديك
.
بالــــولاده يا امــامي
اهلي مافهمو كلامي
.
چنـــت انادي بنايـباتي
أرد اشوفك في وفاتي
يا أبا عبدالله

ـــــــــــ ❁ ❁ ❁ ــــــــــــ
.
صار حجر الوالده
بيت اليه وعندي ظل
وانت عبدالله تلوه..
              بالصحاري ابونته
.
الحليب الي يدر
منه اشبع وارتوي
وانت ماضاگه رضيعك..
             والعطش طر جبدته
.
طفل ما افهم جروحك
           وبمصابك ما احس
نايم بحضن الحنينه
            وانته نايم بالشمس
اعله صدري تلولي أمي
         وانت صدرك منرفس
بالمسك جسمي يتعطر
       ونبله جسمك منترس
.
ردت أكبر وي عزائك
حتـى انـدل كربلائك
.
تمحي بيـــدك سيـئاتي
أرد اشوفك في وفاتي
يا أبا عبدالله

ـــــــــــ ❁ ❁ ❁ ــــــــــــ

من كبرت وادركت
وبالعبــادة اتكلفت
هجمت اعليه ذنوبي..
             وچتفتني بسنسله
.
الدنيا دارت كالرحى
تطحن بعظمي وتذر
چن يتيم وچبده ضامي
             وضايع بأرض الفلا
.
غارك بروج النوايب
         درب الاظلم بي فتت
بخطوتي كلما گصدتك
             ذنبي بيهَ ظل يعت
تبتسم وتمدلي ايدك
              وآنه عنك التفت
بعالم الذر جنت اعرفك
      لچن من عندي ضعت.
.
يالگيــــتك ضيعـــيتك
من يدليني اعله بيتك
.
مستحي جيت بصلاتي
أرد اشـوفك في وفاتي
يا أبا عبدالله

ـــــــــــ ❁ ❁ ❁ ــــــــــــ

تيهت بابك  لأن
سيئاتي اتكاثرن
بياجهنم روحه ذبها..
             الي عن دربك يزل
.
لكــن انـتـــه دورت
ناس ولدربك جبت
ولتصدله بنظره مره..
               يستقيم ويعتدل
.
تقبل الحر الرياحي
             من اجاك ابتوبته
وهب وسط الصحره گاعد
         رحت تگصد خيمته
زهير عن دربك تبعد
           وماتمل من دعوته
وآنه احلفك ببوفاضل
           وبچفوفه وجربته
.
كون اصيرن مثل عابس
ضلعي اطره بالمجالس
.
برايتــــك ينلف رفـاتي
أرد اشوفك في وفاتي
يا أبا عبدالله

ـــــــــــ ❁ ❁ ❁ ــــــــــــ

الف شـــكراً ســـيدي
من جبتني لمجلسك
عبد رايد تشــتريني
         وابقى دوم بخدمتك
.
بعت عمري بلا نقد
عن ديـــــارك ما ارد
بس اريدك ترضى عني
             واستظل ابخيمتك
.
كون دخان  المخيم
        يصبح بريتي هواك
كون كلما هل محرم
    تذوب روحي بمحتواك
كون اتلاشى بوجودك
   واگضي كل لحظه فداك
وكون اموتن وآنه خادم
          يختلط دمي بدماك

من يحل يوم المنيه
انت التــــدور علــيهَ
.
تخط بيمـــينك نجاتي
ارد اشوفك في وفاتي
يا أبا عبدالله



حسن الموالي الفاطمي


.

#نعمة #المجالس
.
.......بحر طويل.........
.
.

الف شكراً يربي اعله  المجالس
ظلت عالـزمن أعظـم  مـدارس
بالسر چنّه نحييها
والزهـره نواسيها
.......من هاي المجالس....
.
.ـــــــــــــــــ ❁ ❁ ❁ ـــــــــــــــــ
.
قبل   2003       
         هاي الخدمه ممنوعه
على امتون الخدم چانت
       سياط السلطه مطبوعه
همس كلمتنه نلفظها.
       علينه اسيوف مرفوعه
حكمنه عد بني سفيان.
          عشنه بعبره وبلوعه

.
على باب الخدامه نخلي ناطور
خافن تدري بينه زمرة الجور
.
بهيده الدمعه نجريها
والزهره نواسيها
من هاي الجالس.
.
.ـــــــــــــــــ ❁ ❁ ❁ ـــــــــــــــــ
.
گبل چانت مجالسنه
    باب اعله الخدم مسدود
منبر چان ماعدنه.
.     كرسي ويصعد الرادود
جهاز الناعي حنجرته .
      چان بصوته كله ايجود
قصايد كلها مسموعه
        .نقراها اونرد اردود 
.
طعم الها الخدامه بذيچ الايام
نساهر للصبح مانغفى وأنّام
.
نحفظها  ابلياليها
والزهره نواسيها
من. هاي المجالس
.
.ـــــــــــــــــ ❁ ❁ ❁ ـــــــــــــــــ
.
قصه وكان ياماكان
حلم بي عشنه جيل بجيل
ترد تطلع مواكبنه
     برايه ومشعل وزنجيل
وكون بكل فجر عاشور
     . نطبّر والدماء اتسيل
يربي أهلك الظالم
     ذاك البلخدامه ايعيل
.
دعينه وابتهلنه بدمعة العين
يربي اهلك عدونه الحارب احسين
.
هاي الخدمه علّيها ....
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

بعد      2003    .
             اللّه اهلك الظلام
ركضنه للحسين اركاض
          نقبل منحره والهام
اذا نخلص له بالخدمه
   من جسمه نطلع اسهام
وذا  نيتنه مو وياه
       نرد ونسلب الأيتام
.
عليكم لاتزعلون الشعائر
اخافن يوم أمس يرجعلي باجر
.
خدمتنه ونهم بيها
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

المجالس هايه بيت الله.
          بيها من النبي نظره
يحظرها علي الكرار
       وتخصها البضعه بالعبره
اول مجلس اتأسس
          چان بساعة السطره
قصيده من دموع حسين
         قرتها الحره عالزهره
.
قوافي الغاضريه بيوم المصاب
نعت ضلع الزچيه بعصرة الباب
.
هاي القصه نرويها
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

شعائرنه كرامتنه 
       ودولاب الزمان ايدور
اذا زعلت علينه ايجوز
      ترد تحكمنه اهل الجور
خل نخدمها إيد بإيد
    سوه چن حمزه والمنظور
سفر نكتبها للاجيال .
… . آيه من حروف النور
.
مجالس والله خصها بالكرامات
الخدمها يظل ثوابه حتى لو مات
.
عشنه كل مآسيها
والزهره نواسيها
من هاي المجالس
.
.
حسن الموالي الفاطمي

موشح..من التراث الحسيني النجفي
… .بأسماء الله الحُسنى… ..
.

.
يالهي ادعـــــوكَ ياحــــق اليقين
ثبت اسمي ابقى خـادم للحسين
أقسم أعليك ابدمـــوع أم البنين
كون اضمدله أبجروحي اصوابه
.

.
ياودود ويابصـــــير وياســـميع
لاتخلي عمــــــري بالدنيا يضيع
ربي احلفك آنه بجروح الرضيع
بغـربته ودمه وعظيــم امصابه
.

.
ياعليـــــــم وياحكــيم ويارؤوف
أنته تعرف گلبي عاشگ للطفوف
ربي وفـقني ببو الـيمه اطـــــوف
كل صـــــــباح اشتم عبير اترابه
.
.
ياقوي ويامتـــــــين ويامجـيد
الشعـــاير تسري عندي بالوريد
آنه ناذر عمري لحسين الشهيد
ابقى احــبه ومـــا ارد عن بابه
.

.
ياكريم وياشكــــــور وياعظيم
گلبي خله بحب أبو الاكبر يهيم
مثل عابس امتلك قلب السليم
بالعشــــــگ طــر للمنايه اثيابه
.

.
يالطـيف وياســــــلام ويامجيب
العليل ابلا حســـــــينك مايطيب
المايوده يگضي كل عمره غريب
يغرس بجــسمه الــــــدهر انيابه
.

.
منتقم انته المهــــــــيمن والعلي
بالمشيئه تمـــشي زينب بالسبي
حتى يضوي كل ظلام وينجلي
والمنافق تنفــــــــضح اصحابه


يامعــز ويامــــــذل ويا وكيل
ادري انته مثبت الناگه التميل
وبقدرتك تنصر أعليهم عليل
والعــــــقيله ذلت الســـــلابه
.

.
ياحفيظ وياكبير وياصبور
الكفيله تعلم أبسر  النحور
هالدمه لابد اله ثائر يثور
وتنتظر كل شيعته بغيابه
.

القوي القادر انته وذو الجلال
الامام المهــــدي جاهز للنزال
ينتظر بمــــرك يزلزلها الجبال
الاسد وحده اليصــفي الغابه
.

حسن الموالي الفاطمي
.أم البنين......... الهجري المقطوع.....
.
شنهي الأمر والمسأله
شو ما أجيتي الكربله
ماشفتي سبي العايله .. يَمّ البنين
.
.
چويه من جمر  المخيم
ما شفت بثيابچ
تراب ما شفت  بعباتچ
  لا شفت    سلابچ
خالي ظل بالطف مكانچ
شنهي سر اغيابچ
شيعتچ  تتمنى  تعرف 
يالعظيمه اسبابچ
.
يالحره شنهي الي جره
لياسر غيابچ يا ترى
من ودعيتي القافله... يَمّ البنين

.
.
شلون فارگتي الحسين
وهو شهگه ابريتچ
شلون  وياه  ما أجيتي 
وانتظرتي  ابيتچ
آنه  متأكد  غيابچ  قمه
  من  تضحيتچ
بينو   بالطف  بنينچ
  لمسه   من  تربيتچ
.
اقسم عليچ ابفاطمه
وطه وعلي حامي الحمه
فهمينه شنهي المشكله.. يَمّ البنين

.
.
جاوبت   أم  الغيارى  
    يالتريد    اخباري
هاك اخذ جرحي ودموعي
وعبرتي واسراري
تدري  بِر  الأم    وجوبي 
   امره   من الباري
لو رحت للطف  مخيم
  ينّصب  يم داري
.
يصدر حسيني هالأمر
أمك فأمك يالبدر
حره ابحمانه نازله ... يَمّ البنين

.
.
أبني يم جرف الشريعه
ادري سهم ابعينه
بعين  وحده يصد عليهَ
  لو يصد لحسينه
آنه  اعرف  باليتامه
   كلهم       امتانينه
يحمي  أمه لو  أخيته 
من  تطيح  ايمينه
.
يرجع يصد جيش العده
لو يحمي خدر الوالده
لو ناده بسمي حرمله .. يَمّ البنين


.
.
حسين  اتنفس جروحه.
واشعر  بآلآمه
أمنية عمري احظره
وبيدي اطلع اسهامه
زينب  اتلم   اليتامه 
آنه اطّفي  اخيامه
هيه  عالخنصر  تدور 
وآنه الم اعظامه
.
من فكرت بامر اليسر
خافن يفك چفي الشمر
ويگلي ردي امدلله .. يَمّ البنين

.
.
حسين سافر والعليله
   ابعهدتي  امخليها
غيري مَن يمسح  دمعها  
ومنهو اليسليها
تاكل الخبزه  بيميني 
وبچفوفي   ارويها
لورحت منهو  اليلمها  
ومن  يحن اعليها
.
كلمة وداعاً چن رمح
تركت وسط گلبي جرح
تنشدني ليش امعلعله ...يَمّ البنين
.
.
.
ودعت احبابي لكن
ما أجيت وياهم
گلبي مايحمل اشاهد
عالتراب ادماهم
لو أجو وي السبايه
آنه أتلگاهم
عالحسين اعلن مجالس
اندب وانعاهم
.
من داري اقيم اول عزاء
اعلن شعائر كربلاء
زينب تگلي ياهله....يَمّ البنين
.
.

انتهت ولله الحمد نسألكم الدعاء
لاتنسوني ووالدي من فضل دعائكم المبارك
.
حسن الموالي الفاطمي
.

أم البنين......... الهجري المقطوع.....
.
شنهي الأمر والمسأله
شو ما أجيتي الكربله
ماشفتي سبي العايله .. يَمّ البنين
.
.
چويه من جمر  المخيم
ما شفت بثيابچ
تراب ما شفت  بعباتچ
  لا شفت    سلابچ
خالي ظل بالطف مكانچ
شنهي سر اغيابچ
شيعتچ  تتمنى  تعرف 
يالعظيمه اسبابچ
.
يالحره شنهي الي جره
لياسر غيابچ يا ترى
من ودعيتي القافله... يَمّ البنين

.
.
شلون فارگتي الحسين
وهو شهگه ابريتچ
شلون  وياه  ما أجيتي 
وانتظرتي  ابيتچ
آنه  متأكد  غيابچ  قمه
  من  تضحيتچ
بينو   بالطف  بنينچ
  لمسه   من  تربيتچ
.
اقسم عليچ ابفاطمه
وطه وعلي حامي الحمه
فهمينه شنهي المشكله.. يَمّ البنين

.
.
جاوبت   أم  الغيارى  
    يالتريد    اخباري
هاك اخذ جرحي ودموعي
وعبرتي واسراري
تدري  بِر  الأم    وجوبي 
   امره   من الباري
لو رحت للطف  مخيم
  ينّصب  يم داري
.
يصدر حسيني هالأمر
أمك فأمك يالبدر
حره ابحمانه نازله ... يَمّ البنين

.
.
أبني يم جرف الشريعه
ادري سهم ابعينه
بعين  وحده يصد عليهَ
  لو يصد لحسينه
آنه  اعرف  باليتامه
   كلهم       امتانينه
يحمي  أمه لو  أخيته 
من  تطيح  ايمينه
.
يرجع يصد جيش العده
لو يحمي خدر الوالده
لو ناده بسمي حرمله .. يَمّ البنين


.
.
حسين  اتنفس جروحه.
واشعر  بآلآمه
أمنية عمري احظره
وبيدي اطلع اسهامه
زينب  اتلم   اليتامه 
آنه اطّفي  اخيامه
هيه  عالخنصر  تدور 
وآنه الم اعظامه
.
من فكرت بامر اليسر
خافن يفك چفي الشمر
ويگلي ردي امدلله .. يَمّ البنين

.
.
حسين سافر والعليله
   ابعهدتي  امخليها
غيري مَن يمسح  دمعها  
ومنهو اليسليها
تاكل الخبزه  بيميني 
وبچفوفي   ارويها
لورحت منهو  اليلمها  
ومن  يحن اعليها
.
كلمة وداعاً چن رمح
تركت وسط گلبي جرح
تنشدني ليش امعلعله ...يَمّ البنين
.
.
.
ودعت احبابي لكن
ما أجيت وياهم
گلبي مايحمل اشاهد
عالتراب ادماهم
لو أجو وي السبايه
آنه أتلگاهم
عالحسين اعلن مجالس
اندب وانعاهم
.
من داري اقيم اول عزاء
اعلن شعائر كربلاء
زينب تگلي ياهله....يَمّ البنين
.
.

انتهت ولله الحمد نسألكم الدعاء
لاتنسوني ووالدي من فضل دعائكم المبارك
.
حسن الموالي الفاطمي
.

.من اجل احياء التراث الحسيني
. طور(سور البنيته.. طايح لگيته) ملا باسم الكربلائي

.
.
ماكو مثيله.....جرح العليله
.
.
هذا الجرح اول جرح
                   ماشفنه منه ادموم
جرح اليتيمه الظلت
                اباب   المنيه اتحوم
ثالث محرم  هالمسيه 
                  نحيي ذكره اليوم
عن العليله  الونت  الها
                  دمعة.  المعصوم
.
گطع دليله.....جرح العليله
.
.
.
يالماشي  گالت  للمنيه 
                   عندي  كلمه  وياك
خليني  اغفه  بحجرك
                واشبع بچي بحماك
باچر يسيل اعله الترب
                 يابويه نزف ادماك
خليني  اشم نحرك واريد
                   ابابي اون ونعاك
.
من هم مسيله...جرح العليله
.
.
.
جاوبها لكن بس  حچه
                  سال  الدمع مدرار
يابويه  بعيونچ  اشوفن
                     دمعه  تلهب  نار
گالتله حيل اعله  الصدر
                    ظمني يبو الابرار
خلي على ضلعي اثر 
                 ضلعك يظل تذكار
.
شنهي بديله...جرح العليله
.
.
.
شهگت نفس من منحره
                  چواها بالإحساس
چنك يا بويه  ما  ترد
              لا اخوتي.    وعباس
يخبرني ضلعك بالحوافر 
                   عالترب  تنداس
لا خوله ترجع لا رقيه
             وعمتي بيد ارجاس
.
دمع العقيله....جرح العليله
.
.
.
شرد انعى ونعى بغيبتك 
                    يابويه يالمحبوب
من يا جرح  ابدي يمن
                بيك الخيال ايذوب
من منحرك لو خنصرك 
                لو چبدك المصيوب
من  خاتمك  لو مأزرك
               لو خدرك   المنهوب
.
ونته طويله....جرح العليله
.
.
.
مر اعله خددها بچفه
                يمسح منها دمع العين
ودعها گلها بويه  احملي
                     بعدي  جمر  البين
عنچ  تره بهذا  الفجر 
                يالطاهره.     ماشين
ناداني دين الله ابوجل
                 ادركني ها يحسين
.
يلچم خليله...جرح العليله
.

.
.
لاتنسوني ووالدي من فضل دعائكم المبارك
.
حسن الموالي الفاطمي
.

.
قصيدة لمجلس القاسم........وزن..المنسجم
.
.
يايمه ناذرتك نذر..
.كل يوم أشبرنك شبر
لجل المنيه
بالغاضريه
يبني يجسام
.
.باچر حرب باچر ضرب
                   تتنازف ادمانه
واجب  علينه  نستعد 
                 يبني.   يريحانه
عمك يظم  وسط الگلب
                     يايمه احزانه
من هسه يوليدي الشمر
                شو طول السانه
.
اظلم غده يمه الضوه...
شو مختنگ حتی الهوه
لجل الزچيه
بالغاضريه
هاليله منّام.....يبني يجسام
.
.
هاي المسيه ابخيمتك
                   الشمعه اشعلها
مو للعرس.  مو للفرح. 
                     يبني.  انزلها
خطة هجومك بالحرب
                    لازم نعد الها
تبرز  على ثلاثين  الف 
                  يبني وتقاتلها
.
يايمه ازعل من اشوف..
.ترجعلي بزنودك چفوف
يوم الرزيه
بالغاضريه
حيل اطبر الهام...يبني يجسام
.
.
اهجم.  عليهم لاترد.
               يامهجة اعيوني
گلهم أنه شبل الحسن
                يالما تعرفوني
دربني عمي ابو الفضل
                فنكم تلاگوني
الضربه ضربة حيدره
                  لاما تردوني
.
خل يغرگ ابروج الدمه
...کلمن يناصب فاطمه
زمرة اميه
بالغاضريه
يوليدي ظلام...يبني يجسام
.
.
لاتلتفت صوب الخيم
                   همك تشوف أمك
ناذرتك آنه للحرب
                     يبني فده العمك
من تنجرح لاتنثني
                      مهما نزف دمك
وشما تون من خيمتي
                   يبني استمع ونك
.
بنصرك انادي واندعي...
بس ما اگول اترد الي
أنت الهديه
بالغاضريه
بيك ارفع الهام...يبني يجسام
.
.
خطة هجومك جاهزه
                     ها يا بعد بيتي
ارد انظر ابسوح الحرب
                    يوليدي تربيتي
ارد استمع من فاطمه
                     يارمله كفيتي
مثل الوفيه ام البنين
                    الليله وفيتي
.
يبني ارد اشوفن بالفله....
مخنوگه غبرة كربله
هاي المسيه
بالغاضريه
لا لا لتنظام....يبني يجسام
.
.
ذيچ الهزل بيد الشمر
                  يمشي ويجر بيها
يعني اشتظن هذا النذل
                        المن يخليها
ترضاها يسبي عمّتك
                     يبني ويبچيها
يسطر رقيه وهم بعد
                   يسلب تراچيها
.
عمك لون يقبل اذود..
.اهجم عليهم بالعمود
عالناصبيه
بالغاضريه
نتحزم احزام...يبني يجسام
.
.

.
حسن الموالي الفاطمي
.

.
قصيدة لمجلس القاسم........وزن..المنسجم
.
.
يايمه ناذرتك نذر..
.كل يوم أشبرنك شبر
لجل المنيه
بالغاضريه
يبني يجسام
.
.باچر حرب باچر ضرب
                   تتنازف ادمانه
واجب  علينه  نستعد 
                 يبني.   يريحانه
عمك يظم  وسط الگلب
                     يايمه احزانه
من هسه يوليدي الشمر
                شو طول السانه
.
اظلم غده يمه الضوه...
شو مختنگ حتی الهوه
لجل الزچيه
بالغاضريه
هاليله منّام.....يبني يجسام
.
.
هاي المسيه ابخيمتك
                   الشمعه اشعلها
مو للعرس.  مو للفرح. 
                     يبني.  انزلها
خطة هجومك بالحرب
                    لازم نعد الها
تبرز  على ثلاثين  الف 
                  يبني وتقاتلها
.
يايمه ازعل من اشوف..
.ترجعلي بزنودك چفوف
يوم الرزيه
بالغاضريه
حيل اطبر الهام...يبني يجسام
.
.
اهجم.  عليهم لاترد.
               يامهجة اعيوني
گلهم أنه شبل الحسن
                يالما تعرفوني
دربني عمي ابو الفضل
                فنكم تلاگوني
الضربه ضربة حيدره
                  لاما تردوني
.
خل يغرگ ابروج الدمه
...کلمن يناصب فاطمه
زمرة اميه
بالغاضريه
يوليدي ظلام...يبني يجسام
.
.
لاتلتفت صوب الخيم
                   همك تشوف أمك
ناذرتك آنه للحرب
                     يبني فده العمك
من تنجرح لاتنثني
                      مهما نزف دمك
وشما تون من خيمتي
                   يبني استمع ونك
.
بنصرك انادي واندعي...
بس ما اگول اترد الي
أنت الهديه
بالغاضريه
بيك ارفع الهام...يبني يجسام
.
.
خطة هجومك جاهزه
                     ها يا بعد بيتي
ارد انظر ابسوح الحرب
                    يوليدي تربيتي
ارد استمع من فاطمه
                     يارمله كفيتي
مثل الوفيه ام البنين
                    الليله وفيتي
.
يبني ارد اشوفن بالفله....
مخنوگه غبرة كربله
هاي المسيه
بالغاضريه
لا لا لتنظام....يبني يجسام
.
.
ذيچ الهزل بيد الشمر
                  يمشي ويجر بيها
يعني اشتظن هذا النذل
                        المن يخليها
ترضاها يسبي عمّتك
                     يبني ويبچيها
يسطر رقيه وهم بعد
                   يسلب تراچيها
.
عمك لون يقبل اذود..
.اهجم عليهم بالعمود
عالناصبيه
بالغاضريه
نتحزم احزام...يبني يجسام
.
.

.
حسن الموالي الفاطمي
.

نزله سريعه لبطولة القاسم في كربلاء
.

.
حي الله جسام .. حي الله جسام
غصن الورد طب للحرب..
حي الله جسام
.
.
ظل يلعب الرايه ..
               للمنايه الغايه
أسمه بالطف آيه ..
بحروفه اسرار
.
الذبح ميهمه ..
     يفدي روحه العمه
بالعدى الملتمه ..
       سل صارم النار
.
زينب تنادي بالخيم :
حي الله جسام
يبن الحسن راعي الشيم
حي الله جسام
.

.
غيرته بأيمانه  ..
        والكـرم عنوانه
والحرب برهانه ..
      أتعرفه السيوف
.
الهـجم ينـزله ..
         والخـتل ينّدله
والشرد ماحله ..
     من گاع الطفوف
.
من سيفه يلمع الدمه ..
حي الله جسام
وتگله دمعة فاطمه ..
حي الله جسام
.

.
للـشمر وجـنوده  .
        سرفناهه ازنوده
من يحد احدوده
        أنفاسه عطاب
.
صارمه يـرديـهم
       والدمه يرويهم
ظل يغربل بيهم ..
     چن داحي الباب
.
كل صوله ينسفهم نسف ..
حي الله جسام
ويطر  الـ 30  الف ..
حي الله جسام
.

.
من تراب الهيمه ..
      سوه بالطف غيمه
بيها ذب كل ضيمه .
         . ومحير الناس
.
أويه الذبح يتسامر .
              والزلم تتشامر
بالشدايد مافر
             أمدربه عباس
.
والقائد ايشوف اشجره .
. حي الله جسام
روس الرجال امطشره .
حي الله جسام
.

.
كلمة أمـه أبـّاله ..
          البرز هنـيـاله
يفدي طه وآله ..
       ويقدم الجروح
.
للضلع وآثاره ..
     يبني أطلب ثاره
من تشن الغاره .
  . وتضحي بالروح
.
بتسبيحة الزهره الرزق .
. حي الله جسام
كل طگه 100 تنفلق ..
حي الله جسام
.

.
گلها يالربيتي ..
     أنتي شمعة بيتي
المنيه امنيتي .
   . ثوب الذبح لاح
.
راح أقيم اعراسي ..
       ويه گطع انفاسي
حنّتي دم راسي ..
        والياس الرماح
.
كل نبـضه مـن گلبي تدگ
.. حي الله جسام
والعمي حل فرض العشگ .
. حي الله جسام
.
تمت
نسألكم الدعاء

حسن الموالي الفاطمي

.
دعاء الوالده...قصيدة لشهادة علي الاكبر.....حدي تام
.
ليله اندعت يرجع علي..
           گالت یربي رده الي
أبني ارد اشمن مهجته
مشتاگه ابوسن وجنته
.هاي المسيه
.
.
شگد تنهظم أم الولد
             لو راح ابنها ومارجع
چن بالگلب طعنة رمح
         ماينشف ابخدها الدمع
بغربه ويسر تگضي العمر
            مسبيه محنية ضلع
تظل چن یتیمه ابلا اهل
     عالخد بلف چف تنصفع
.
ومن لیله شافت کربله
       بیها الشباب امچتله
نظرت علي لمن برز
بيمينه سيفه وارتجز
بالغاضريه ..هاي المسيه
.
.
ماتحمل اتعاین جرح
                 .أبنها لا ماتنظره
لو جدمه بالشوكه انلمس
          .تشعر چبدهه اموذره
تنظر علی حسین بحذر
    .من وجهه تعرف اشجره
لمن صفن شبل النبي
       شافت دموعه امکدره
.
گالتله شنهي الي حصل
        .جاوبها ابن غانم نزل
هذا بألف فارس يُعد
ياليله ادعي للولد
طب للمنيه..هاي المسيه
.
.
انظر دعاء الوالده
     .بالطف ذبح نحر الدمه
بالخيمه ليله من دعت
       انفتحت ابواب السمه
الباري من اتنخته
         تقسم عليه ابفاطمه
بحزن العليله اترجته
     وغربتها والهم والظمى
.
ما يطفي جمرة دمعتي
      .الا ابني يرجع ضنوتي
ياربي طر چبده العطش
بس بالدمه دربه انفرش
دموعه جريه...هاي المسيه
.
.
.
شافت علي لمن رجع
     یسحگ علی ضلوع الخطر
من کل کتر تنظر اله
    .خاف برمح جسمه انطبر
ایگلها یایمه اصبري
       .بجبيني مكتوب القدر
لابد اموت ابكربله...
       وعيونچ اتشوف النحر
.
الشده غربة والدي
    يگعد علی صدره الردي
ماريده ينظر دمعتچ
اتهظمه یمه عبرتچ
عاش الرزيه ...هاي المسيه
.
.
ودعها والمدمع نزف
     صد بالنظر صوب الولي
يابويه هدمّني العطش
       ما الگه قطرة ماي الي
عاينله الحسين ابحزن
       هاي يبني اسمع مايلي
الساني اصبح كالخشب
        يوليدي مثلك ياعلي
.
.
يتمنى جدك شوفتك
   .من جوده تطفي جمرتك
يابويه لو دمك جره
تشرب عذب من كوثره
بيد الزچيه...هاي المسيه
.
.
من رد علي صوب الحرب
          .دارت عليه اهل الرده
سد النزف عين الفرس
       .سوت دربها اعله العده
هذا الطعن گلبه برمح
         .ذاك السلاح ايجرده
فوگ الترب صدره انطحن
         .وتنظره عین الوالده
.
بخدوده چم حافر طبع.
     ..فوگ الرمح راسه ارتفع
حگها والف حگها وبعد
لوماتت ابفگد الولد
صارت سبيه ...هاي المسيه
.
.

.
حسن الموالي الفاطمي

.

الوداع الوداع.. ياحبيبي ياحسين
الوداع الوداع.. ياحبيبي ياحسين
.
آنه زينب وانت روحي
              وكل حياتي والهوه
ياحسين الدنيأ دونك
             كل صبحها بلا ضوه
بالوداع شحالي خويه
                 آنه والميته سوه
چن عليله بلا اهلها
              ويمها يتبده الدوه
.
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
خويه ودع كل بناتك
              راح اظل بخيمتي
بكل كتر تنشد رقيه
              ليش تبچي عمتي
من اودعك خويه يمهما
                 ماكضن دمعتي
عندي من امك وصيه
             لغربتك يامهجتي

.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
آنه متعودة اضمك
         من اشوفك كل صباح
وانت باجر بالمنيه
           بصدرك تضم الرماح
أرد اشمن خويه نحرك
           گبل متذبحه الجراح
گبل مايدوي المخيم
            بينه ويطول النياح

الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
أمي وصتني وصيه
             گبل ما تغيب النظر
تگلي قبلي يُمه أخيچ
            يالحبيبه من الصدر
باجر الحافر يدوسك
             ضلعك يطر الظهر
مالحگ خويه اودعك
           لو دنى وكت السفر

الوداع الوداع.. ياحبيبي ياحسين
الوداع الوداع.. ياحبيبي ياحسين
.
.ـــــــــــــــــ ❁ ❁ ❁ ـــــــــــــــــ
.
خويه باجر اليتامه
            بحرگة اخيامك تضيع
واعله چفك خويه ننظر
              ذبح عبدالله الرضيع
الشمر يسعى لهضمنه
             ويعمل شما يستطيع
من يشد بحباله چفنه
                لازم الامره نطيع

الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باجر وجوه الثكالى
              تنحفر من الدموع
بين الدور ابنها
         وتگطع امال الرجوع
بالسبي نمر يم الاكبر
      نشوفه مهدوم الضلوع
وجاسم تزفه المنايا
          بلايه حنه ولاشموع
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باچر من التله انظر
               الاجساد امگطعه
اركض واگصد كفيلي
           اعله جرف المشرعه
بلا كلام چفوفه تحچي
            تختصرلي مصرعه
عينه مطفيه بنبلهم
              والسهم ماطلعه
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ

حضّروا نوگ السبينه
          وهالدرب ماله بديل
تنكتب قصتنا باچر
        لو عزمنه اعله الرحيل
انت تصعد عالمواضي
          وانه اصعد عالهزيل
دمي عالخدين اسيله
       وعالرمح دمك يسيل
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
.
حسن الموالي الفاطمي

.
#وجه #الشمس
.
.
وجه الشمس مابي ضوه
اظلم   . نهاري . بنينوى
عطاب اشمن بالهوه..........
حبيبي ياحسين
.
.
آنه زينب وانت روحي وكل حياتي
انته بلسم  جرحي خويه .  بنايباتي
چنت اظن عاشر محرم بي وفاتي
لکن بحبل السبي صارت نجاتي
.
عطر امي فاح ابکل کتر
يعني الدمه منك يدر
طايح يخويه شنتظر........
حبيبي ياحسين
.
.
.
شلون اشوفك والمعاره كلها ظّلام
والدرب يشهگ هوه دخان الخيام
خويه دلاني اعله جسمك كسر العظام
گلي  سحگو  بالحوافر صدر اليّمام
.
مذبوحه انظر  دمعتك
فوگ الترب وي رگبتك
امي الزچيه  حضرتك...
.حبيبي ياحسين
.
.
.
خويه من عاشر محرم حل ظلامه
شدو   ابحبل ا لخيم  كل  اليتامه
خوله تندب وي حميده هالظُلامه
سكنه شدوا چف  اديها  بالعمامه
.
رکبت  رقيه اعله  الهزل
مچتوفه  بگماط  الطفل
مدمعها  من دم ظل يهل
.حبيبي ياحسين
.
.
.
كلها صاحت العقيله سَلبوها
يمها سبو فاطمه وسِبو ابوها
عالهزل هاي المسيه رَكبوها
شما تنادي مايجي عباس أخوها
.
ضربوني خويه وما صحت
ضلعي انحنى بس ماطحت
مجبوره عنك من رحت.....
حبيبي ياحسين.
.
.
.
رغم حزني ودمعي والگيد بأديه
اصبر وأكسر خشم جيش آل اميه
آنه بنت المرتضى حامي الحميه
أمي ربتني اعله هظم الغاضريه
.
بمنطق ابي باب العلم
من احچي تسکت الزلم
يعني فكرهم ينعدم...
.حبيبي ياحسين.
.
.
.
ماتهزني خويه صدمات المنايه
الشمر راواني راسك عنده غايه
يگصد اتشاهد رقيه هالنهايه
وانه اضم وجه اليتيمه بالعبايه
.
منك ولا شافت جرح
لاطبره لاطعنت رمح
عذر السفر ماينشرح.....
حبيبي ياحسين.
.
تمت ولله الحمد
لاتنسوني ووالدي من فضل دعائكم المبارك

.
حسن الموالي الفاطمي
.

.

#جديد #محرم 1447هـ
.
منذ سنين طويله.. ولاول مره.. صحن العقيله خالي من مجالس شهر محرم.
وكاني انظر اليها وحيده.. تنادي.........
.
.
.
.
ها يخدام... وحدي بالشام
من البواچي والنواعي صحني خالي
والله مشـتاگه تــرد ذيچ الليالي
.يخدام..
.
. ـــــــــــــــــ ❁ ❁ ❁ ـــــــــــــــــ
.
آنه اخت الـ بلحوافر صدره مسحوگ
ثوبه محروگ..   والبواتر وصلته
.
آنه اخت الضامي الاصبح چبده تنور
گلبه مفطور... يصد طرف العيلته
.
شفت بعـيوني الشمر نحره يگطعه
وابن ربعـي بالرمــــح راسـه يرفعه
حرمله بنبـلاته كل ســــاعه يبضعه
وبجدل يجر خاتمه ويگطع بصبعه
.
گلبي محتام .. وحدي بالشام
فكري مهموم والف حسبه بخيالي
والله مشتاگه ترد ذيج الليالي
يخدام.
.
. ـــــــــــــــــ ❁ ❁ ❁ ـــــــــــــــــ
.
هل محرم وآنه وحدي بين الارجاس
وتنشد الناس... وين صارت شيعتچ
.
هايزينب  والمواكب كلها راحت
بليله طاحت .. ويه طيحة رايتچ
.
الرايه طاحـت وانذبــح يالحره صوتج
والحچـي بــس النه واعلنه  سكــــوتج
بعد محد يجــري دمعــاته اعله اخوتچ
الف موته بحسره هم زيدي اعله موتج
.
عيني متنام..  وحدي بالشام
كلشي ضاع وفارگت عزي ودلالي
والله مشتاگه ترد ذيچ الليالي
. يخدام...
.
. ـــــــــــــــــ ❁ ❁ ❁ ـــــــــــــــــ
.
راح اوصف حالي الكم يالتنشدون
يلي تبچون.. ابليالي مصيبتي
.
آنه چان البابي تكصد كل العيون
اويشبعون.. بفضل كسرت خبزتي
.
حالي اصبح هالمسه غربه اعله غربه
مايي عطـشان ويــريد احد يشربه
اليقبل العـــتبه يسـمع كلمه صـعبه
واليصلي بصحني مايلگاله تـــربه
.
  كلها ظلام.. وحدي بالشام
ياهظيمه وما يمر يم بابي غالي
والله مشتاگه ترد ذيچ الليالي
يخدام...
.
.ـــــــــــــــــ ❁ ❁ ❁ ـــــــــــــــــ
.
الي چان بحضرتي يبلع لسانه
حد سنانه...  ورجع يجمع زمرته
.
كل مسيه يگصد الخوله ورقيه
بسم اميه.. يظل يرد بخطبته
.
يارقيه صـدگي عـــودچ مو مسافر
احنه دسنه صدره بالطف بالحوافر
ها يخــــوله وقصــتج مـو بالدفاتر
ومايـذكـرونچ ابــــد اهـــل المنـابر
.
برشگ الاسهام... وحدي بالشام
واليصـوب نبلته يگصد قتالي
والله مشتاگه ترد ذيچ الليالي
يخدام....
.
. ـــــــــــــــــ ❁ ❁ ❁ ـــــــــــــــــ
.
آنه بت حيدر علي كبش الكتيبه
امي الحبيبه.. دربتني اعله المحن
.
اجمع بأيتامي واسحگ جمرة النار
هايلاحرار... وللعدو مارف جفن
.
آنه عايشت وشفت هاي المصايب
وشفت أكثر هم بعد هظم ونوايب
چنت عـباس وعلي يــوم الحرايب
والنظـــرني مايظن حسيني غايب
.
رافعه الهام.. وحدي بالشام
صلبه من هاي الشراذم ما ابالي
والله مشتاگه ترد ذيچ الليالي
.
. ـــــــــــــــــ ❁ ❁ ❁ ـــــــــــــــــ
.
آنه مشتاگه وناديكم يلاحرار
گلبي بي نار... تشب من ذاك الجرح
.
جرح اخوي الطاحت ايمينه ويساره
وبنتظاره .... الرضيع المنذبح
.
الدنيا غربة وهذا بعض من ابتلائي
يهل محـرم وآنه مايبـــــدي عزائي
ابقى وحدي ومايمر ناعي الدمائي
ومايطــبر بالصـــــحن يمي فدائي
.
جرحي يلتام... وحدي بالشام
من تسلمون بـ هلا ابنت الغوالي
والله مشتاگه ترد ذيچ الليالي
.يخدام..
.
حسن الموالي الفاطمي
.
.
لابأس بذكر المقدمة لبيان فكرة القصيدة للجمهور
.

.

هذا العتاب ... للي نسوني
عندي أحباب ...شو ضيعوني
.
.
آنه وردة فاطمه
خوله آنه وچبدي من اللوعه مصدوع

آنه گلبي يألمه
أسمي لمّن  ما يذكره  ناعي  الدموع

آنه  هم  اميتمه
خدي بي چف الشمر  لساته مطبوع

جرحي ضايع بلسمه
مثل ضيعة دم أبوي بسحگ الضّلوع
.
.
شنهي الاسباب .. ما تذكروني
عندي أحباب ... شو ضيعوني
.
ـــــــــــــــ ❁ ❁ ❁ ـــــــــــــــــ
.
مختصر كل قصتي
من البدايه للي عن حالي ينشدون

آنه بالطف علتي
بعيني اشوفن والدي ابثوبه يسلبون

الهظيمه عمتي
چفها بگماط الرضيع انظر يشدون

وآنه حانت غربتي
انرفس هم وانسبي وبهلي يسبون
.
.
ذوله اغراب ... ما يرحموني
عندي أحباب... شو ضيعوني
.
ـــــــــــــــ ❁ ❁ ❁ ـــــــــــــــــ
.
عن عليلة كربله
هم سمعتوا هم عرفتوا عنها اخبار

عن عليله امسنسله
تسحگ الشوك وجدمها امچوى بالنار

راح احل المسأله
فاطمه أختي العليله العدنه بالدار

آنه جيت الهالفله
سالمه لكن هدمني ذبح الابرار
.
گلبي ما طاب.... من ودعوني
عندي أحباب ... شو ضيعوني

ـــــــــــــــ ❁ ❁ ❁ ـــــــــــــــــ
.
الهظم ما ينشرح
شرد اگولن وانه اعرف صلفه دنياي

كل يتيمه التنطرح
ابمتنها  تنظرب چي تطلب الماي

ساعه بالسوط انجرح
سكنه انظر لو رقيه التمسح ادماي

ساعه دفعه بالرمح
من اطيحن كل خواتي ايطيحن وياي
.
.
أول امصاب ... لمّن ولوني
عندي أحباب .. شو ضيعوني

ـــــــــــــــ ❁ ❁ ❁ ـــــــــــــــــ
.
بذيچه شمس اللاهبه
نمشي نسحگ عالحجر والشوك والطين

بينه عمّتي امعذبه
تشگف بچفها غدت سوط الملاعين

والدي من نندبه
ياحبيب الزهره عنه چارحت وين

من نشوفك يا أبه
نشتكيلك بالجره من زمرت البين
.
.
الأمل خاب ... من سلبوني
عندي أحباب .. شو ضيعوني

.ـــــــــــــــ ❁ ❁ ❁ ـــــــــــــــــ

أمنية كل العمر
ينذكر أسمي بمجالسكم يالاحباب

حتلو كلمه بسطر
حتى تسمع قصّتي دمعات المصاب  

صابره وابقى انتظر
شمسي تطلع من بعد كل ذاك الغياب

ارد اشوف الينقهر
هم تسيل ادموعه لمن ذكري ينجاب
.
.
خله الغياب ... جمره  بعيوني
عندي أحباب ... شو ضيعوني
.
.
انتهت نسألكم الدعاء
.
حسن الموالي الفاطمي
.

لزيارة الاربعين ..

.
عمري فدوه الك عمري
نوحي وعبرتي وقهري
انته دمعتي التجري. …..  حُسيناه
.
.
.
يحسين الك ناوي السفر
                   وي طلعة المشايه
بدرب اربعينك سيدي
               شلت ابيميني الرايه
رتلتك ابروحي. عشگ
                 واربع حروفك آيه
سجلني.  ياروح النبي
               وي  ربعك الوفايه
.
أسمي  أنته  كل  أسمي
جرحك يسري وي دمي
أگضي بخدمتك دهري.. حُسيناه
.
.
.
سائل اجيت  الحضرتك
               منك اريدن نظره
تتصدق   اعليه  ابهظم
            وتمن  عليه  ابعبره
1900  جرح.  
        انطيني.  منهن. طبره
بيها اواسي فاطمه
      بكسر الضلع  والعصره
.

أسمع كسرة اعضامك
وافهم.   ونّت . الآمك
واهدي الثورتك عمري .. حُسيناه
.
.
.
درب   المشي  لزيارتك
             متعطر   بأحساسك
واليمشي  مايتعب  لأن
            يشتم عبير انفاسك
يالعندك انصار اشكثر
         بالخدمه رفعوا راسك
فزعوا  مجانين  العشگ 
           خدامك  وحراسك
.
خادم يغسل اجدامي
وآخر يروي بالظامي
واني دمعتي ذخري …  حُسيناه
.
.
.
ماخذني الك درب العشگ
                  امشي وعيش الآمك
بچفوفي ماشدوا حبل
               محروس أنه بخدامك
زاد الذي. استطعمه
               محرومه  منه ايتامك
آنه المواكب.خيمتي
               وانت الجمر بخيامك
.
وجهي محد ايصفعه
ظهري محد ايدفعه
وانت مالك الامري… . حُسيناه
.
.
.
الگبرك ايرد الضعن
             يوم اربعين احزانك
يحمل خبر عن غربته
               من غيروا عنوانك
بنتك رقيه ابكل كتر
           چانت تدور احضانك
راسك تشوفه بلا جسد 
             وتحاوطه عدوانك
.
لاچف لاحظن دافي
راسك بالرمح غافي
نادت بيه هم تدري… حُسيناه
.
.
.
أحلفك ابكسر الضلع
               هاي الزياره أقبلها
مدمن أنه بشم تربتك
                 اودمعتك ماملها
سر كربله  ماينفهم
            من كل درب نندلها
حتى الطفل وسط المهد
                  آية دمع رتلها
.
نحيى لمن انزورك
نبصر من يشع نوك
عاشگ للطم صدري… حُسيناه
.
.
تمت ولله الحمد
لا تنسوني ووالدي من فضل دعائكم المبارك
.
.
حسن الموالي الفاطمي
.