#الرواية_الثالثة

القصيده لسان حال مولاتي الزهراء عليها السلام
.....
تكون الرده من اللطامة
بعد كل شطر (اويلاه يفاطمه)
......

وصـــــه النبي وبعترته
والأمـــــه كلهــا طاعته
بس غمض اعيونه النبي
نكـــــرو وصيته وغايته
أثم السقيقه ينعـــــــرف
وبالدفـــــن كلها عافته
أرتدو ابذاك العصـــــر
وكلمن اخذهـــــه حصته
وغصبو فدك مني غصب
وجانت هديـــــه لبضعته
وما تبرد أگلوب الكفـــــر
ألا أعلـــــه نـــــار ابعتبته
صاحـــوا تبايع يـــــا علي
لـــــو نـــــار تحرگ زهرته
لذت ووره الباب أبصبر
ومرعوبه صارت حرمته
......
وصحت وأحذركم أذا
أتدخلون بيتي أبلا إذن
ما خِلص حزني يا خلگ
خلصته عمري بس حِزن
بعد النبي ما ضـــل صبر
ليليه روحي بس تــــون
وگرب عله بابــــي بحقد
وابيتي سمعوني ال(وإن)
.....
والنـــــار وجــــت بالحطب
يهل الصبر مـــــا ضل صبر
حط رجلـــه علباب ورفس
وضل يستمع صوت الكسر
يعصرني وبصدره الحقــــد
وايده رفعهـــــا للسطـــــر
والمحسن ابـــدمه وگـــــع
وبسمار نابــــت بالصـــــدر
وصعبة اصيحن يا علـــــي
ابحبل الوصيـــــه والصبر
يافضه صحت أتلاحگـــــي
ذبحولي أآيـــــات القـــــدر
صرت الغريبه بنص أهـــــل
وكسر الضلع مـــــا ينجبر
.......
......
#عبد_فاطمة
#عمار_الفاطمي

#جديد الروايه الثالثه.....
#عاشور الزهراء عليها السلام
… عجز الهجري + 4/3 الشيعتي
.
.
3 روايات : الله ثبتهن لجل ضلع الزچيه
3 روايات : نحيي بيهن الليالي الفاطميه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ
.
هذا یاگلب انهظم ... هذا یاخد انلطم
یاضلع هذا الفتح درب المنايه
.
ضجت املاك السمه.. ويه دمعة فاطمه
بعصرة الباب انولد جرح الولايه
.
عدنا سوره استشهدت .. وعدنا آيه تيتمت
ماتغطي المحنه الهن بس روايه
.
الله أرسل للضلع .. 3 روايات الدمع
وضّحن أسم القتل أم السبايه
.
الها عدوان .. عالزچيه استكثرو تشرح دمعها
الها عدوان ..رادو أيظل مستتر أسم الصفعها
وحنه دمعات الوديعه الهاشميه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ
.
عنها لو سائل سأل..يركض اعلام الجهل
يسفّه اللي بدمّـعته ينشد عليها
.
عالطهر من كل كتر..هجمت اقلام الكفر
تمحي آثار الذبح بضعة أبيها
.
الروايه الواحده .. ماتفهمنه شسده
عالوديعه وعن سبب عبرة بچيها
.
العمرها 18 .. توسدت لوح النعش
والورم من الضلع واصل لديها
.
هايشعيه: كل زمان العابده تنادي الظليمه
هايشيعه:والمجالس تكشف خيوط الجريمه
والروايات الشريفه بكل مسيه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ
.
ليش رادو يندثر .. كل ذكر أم الخدر
لأن كلشي مرتبط بحروف أسمها
.
بضعه من روح النبي ..تدري منبرها الوحي
ظمت بجمر الحزن قصة المها
.
ويه لفظ البسمله .. ينفتح طف كربله
بفاطمه اللي نسفك بالغربه دمها
.
3 روايات الجرح..شرحن الماينشرح
ونچون وي زينب بحرگة خيمها
.
ما يريدون : نذرف الها الدمعه ونداوي جرحنه
ما يريدون : منها نفهم كل مناهجنه وشرعنه
نجمع آهات المشت بالطف سبيه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ
.
فاطمه نور وعلم...من نفك سر الاسم
بالحروف الخمسه نشعر جرح المصاب

بالرزيه نعتقد... ونستدل ونستند
خمسه اصحاب الكسا يعصرهم الباب

سر اسمها بهالعصر..ترجم اسباب الكسر
لأن هي أول ضلع من طه ينعاب

سوره طاحت عالثره..وبدماها معفره
عنها راحن للسبي آيات الكتاب
.
عدها ثارات ..للجنين اللي گضه برفسه فضيعه
عدها ثارات .. للحسين المنذبح بالطف رضيعه
وعدنا لچمات الطهر يوم الرزيه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ
.
فاطمه سر كربله...لمن حسين انوله
صوره چانت للجره بالغاضريه

سر ضلعها الي انكسر...يشبه مصاب النحر
أعتلا بالعصره بسمار المنيه

شنهي سر كلمة (وإن) .. 3 حروف يألمن
الشمر بسياطه يظرب الأبيه
.
آه يا حرة علي .. بكربله من تنولي
من تشاهد الأخو يفارگ أخيه
.
المعانات ..الشمر لو نادى زينب سلبوها
المعانات ..الها مايفزع بعد عباس اخوها.
لأن چفينه رتون من المنيه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ
.
ربي ما عنده هَزَل...3 روايات الأجل
الله ثبتهن لجل عمق المصيبه

رايد يثبّت أثر .. كرر بهذا القدر
ربط رقم 3 بالزهره الغريبه
.
أكد بهذا العدد .. لان راد الي أجتهد
يعرف اسم الي كتل أمنا الحبيبه
.
اسمه لابد ينفضح .. 3 حروفه تتضح
ذاكه أللي بعصرته طاحت سليبه
.
والنتيجه .. أخذ رقم 3 ودخل للسقيفه
والنتيجه .. أسم قاتل فاطمه ثاني خليفه
.
والأدله تظمنت سر القضيه
نحيي بيهن الليالي الفاطميه
.
.ـــــــــــــــــ ❁ ❁ ❁ ـــــــــــــــــ


تمت بفضل ربي وعطاء اهل البيت


حسن الموالي الفاطمي

محرمة على منشدي الـ DJ

باب وبسمار.. وعينج حمره
نار ودخان.. ودفعه وسطره
يمه بدفعت الباب
راسي امن الحزن شاب
.................

الميت اله دورة سنه وينعاد يوم الذكره
وبروحي كل يوم اليمر ينعاد يوم العصره
ابنج المهدي ودمعتي من الهضم تنزل حمره
تنعرض كدامي الصور وبعيني اشوف الصطره

هاي الآثار... ترست عيني
عايش بالآه... كل اسنيني
كاسر ضهري المصاب
راسي امن الحزن شاب
.................

هواي الجروح شما اعد لاينتهن لايكظن
نكعت اديه امن الدمع واعليج كلساع اصفن
ليش المصايب فاطمه كلهن البيتج ركضن
موطن البسمار الخشب بحشاج ليش استوطن

يمه العصروج... عصرو گلبي
ومن عدهم صار.. ضيمي وتعبي
واني بهذا الغياب
راسي امن الحزن شاب
...................

النار العله بابج اجت ماطفت ضلت تلهب
بيها انتي جفج منجوي وبالطف تجوت زينب
محد يحس بالمنجوي ودموعه دم وينحب
ومحد عرف حجم الألم التعبج خلاني اتعب

متعوبه هواي... وجفنج دامي
مالحضه ايغيب... من كدامي
جرحج يمه ماطاب
راسي امن الحزن شاب
................

يوجعني صدري امن البجي وضلوعي ماينجاسن
بكد عمري لجمات الدهر يمه وبكَلبي ايباتن
لاباب عاصرني ولا فوكي الحوافر داسن
كل المصايب عالبشر بمصابي ماينقاسن

ابدي امن الباب... اليوم العاشر
كل ليله اتشوف... عيني الحافر
گلبي امن الألم ذاب
راسي امن الحزن شاب

...................

متعوب خلصت العمر. ومنين اجيب الراحه
المكسور ضلع امه بغدر. ايعيش بدمع ونياحه
والمثلي راحوا كل هله ياهو اليضمد اجراحه
الحرك بابج فاطمه من گلبي جر سباحه

لا ماارتاح... إله بثاري
اخذ بالثار... وتخمد ناري
حاسب الهم حساب
راسي امن الحزن شاب


#محمد هادي العقابي

اروي ودمعي سجاب
مراحِل دَفعَة الباب

بسبب ذاك الصحابي
وگع عالضلع بابي


بنص الدار جنت امشي اوجهي منخطف لونه
وضجيج بداخلي عالي البالبيده يسمعونه
وفجأه بابي يهتز حيل بكل قوه يدگونه
وطولي اتبده فوگ الگاع من گاموا يدفعونه

نحيله وگوه ممشاي
وبس اخيالي وياي

كُبر همي ومصابي
وگع عالضلع بابي
.
.
.
.
منْ الطارق گلت الهم وعلى وجهي الدمع هايم
واحد  گله  فاطم  هاي  رد اعليه  وأن  فاطم
هي الحكمه مو بالباب على ضلوعي الخصم عازم
الماصارت قبل صارت وِبابي وگفت الوادم

انه بنت الثگال
ال وأن مو الي تنگال

منو اليسمع خطابي
وگع عالضلع بابي

.
.
.
.
ثالث مرحله صعبه وبيها طالت المده
٣٠٠ رَجل هجموا وعمري اثمنطعش ورده
شما دفعوا عَليه الباب جفوفي المُتعبه ترده
شال ايده عَليه ذاك الشابع سَطر خده

نطق جبريل باهآت
انسطر وجه السماوات

بحقد جاءَ المُرابي
وگع عالضلع بابي
.
.
.
.
رابع مرحله بس دم اضلوعي تكسرت بيها
بيها طايح المحسن وعيني دم بواچيها
الواضح بيها بس النار او ولا واحد يطفيها
ترسوا ريتي بالدخان من شح الهوى عليها

اوياهم فزعت النار
اجت من كل الاكتار

أوجْه المن عتابي
وگع عالضلع بابي
.
.
.
.
بآخر مرحله طبوا وحِرمت بيتي داسوها
وملائِك تالله بستأذان لو رادوا يطبوها
سدوا عين شمس الله وظلمه داري خلوها
الجفوف الرَدَت الالاف اگبال عيوني جتْفوها

انچتف گدامي ابو تراب
وعَليه حرگوا الباب

وحق دمعي وحجابي
وگع عالضلع بابي

عبدالله الشويلي



#الشاعر عبدالله الشويلي

ليش ما متنه سويه ليش هذا يصير بيه
فاطمة شمعة حياتي
مني باكتها المنيه
.........................................
آنه حيـــــــــــــــــــدر يامنيتي آنه من رد الشمس
آنه وي الموت عشره وما خذت منه درس
جنت سلطان وفقاري يأمر وينهــي وأحس
فاطمة كلُشي بحياتي وتارسه أعيوني ترس
أثمنطعش جانت عمرها عايشه وبيتي قصرها
حلم عمري وذكرياتي
مني باكتها المنيه
..........................................
ما مصدك آنه حيـدر باب بيتـي يحترك
وفاطمه النار أبأديها حلـم هذا لـو صدك
أحنه روحين أنخلقنه بنفس واحد ننشهك
ليش خلف الباب فاطم تنعصروانه اختنك
أثنينه الله خلقنـــــه عافيه ونمطر محنه
حرز تسبيحة صلاتي
مني باكتها المنيه
..........................................
يا ذنب آنه الجنيته وحلـــــــــم عمري ينذبح
وتحترك زهرة حياتي وينعصر وجه الصبح
بخت بيهم بالوصيه وآنــــي صابر عالجرح
حيدر وفاطم تعرفــــــه بالحرب وجها سمح
لولا طه والوصيـــــه لاطبك السبعـــه بديه
فاطمه كل أمنياتي
مني باكتها المنيه
...............................................
الكسر ضهري شفتها طابــــع بخدها أثـــــر
وزينب اتكلي يبويـــــه ضلع من امي انكسر
من شفت بالكـــاع محسن أحس دلالي انفطر
أتكلي من هجموا علينه الخاطر العفه انعصر
علي حماي الحمـيه حيل ماضل بعد بيه
أتأخرت ساعة مماتي
مني باكتها المنيه
..........................................
بليل نعش الزهره شلته وبيدي نزلته الكبر
او وسعت حفرة كبرها لجل ضلع المنكسر
أتوجهة بدموعي وادعي ربي ماريـد العمر
فاطمه فركتها تكتل وآنه ما بيــــــــه صبر
يا ألهي اقبل دعوتـــي عجًل أعله الزهره موتي
ألجنت وياها شحلاتي
مني باكتها المنيه
........................................
خادم خدمة الحسين
#الشاعر
محمد الموالي

#لشهادة السيدة الزهراء عليها السلام

------------------------

أنا المحراب 
وعندي اعتاب 
أريد أحچيها هالچلمه 
إلك ياباب 
@@@@@@
عظيمه ارزيتي بالزهرا وامصابي 
اريد احچي وريدك تسمع اعتابي
واذا يالباب ماتگدر على اجوابي 
شنو عذرك وليش اتعذب احبابي 

ابعجل تلفيك
تلوذن بيك 
ستر تترجه من عندك 
تريد احجاب 
@@@@@@
يتيمه صارت السجاده والركعات 
كتاب الله ابهضيمه ايرتل الايات
لان صوت المحنّه ابكل حرف بي مات
راحت كوثره وانجرحت الصفحات 

بچه الترتيل 
وصلاة الليل 
بچه شفع الله وي وتره 
اشعظم لمصاب 
@@@
أسأْلَك من إجت لك خيرة النسوان 
التجت خلفك يباب ابساعة العدوان
اشعجب مادافعت عنها بعد ماكان
عِصْروها اوبعد هم وجّوا النيران 

جَرح بسمار 
صدرها اونار 
شبّوها ابحطب قاسي 
ضلعها انعاب 
@@@@@@

اشعجب زينب تشوفك وانت تعصرها 
وشافت من وراك الطاغي يسطرها 
صغيره اوتجرح ابقسوه مشاعرها   
تشوف اتهل دمع مكسور خاطرها 

تدير افكار 
ابوسط الدار 
تدوّر عن حظنها وين 
ويرد الهاب  
@@@@@
علي مولايه الله يعظمه اجرك 
على فگد الاحبه يا كبر صبرك 
يتامه ام الحسن تحظنهم ابحجرك
ومن تبچي يليث الموزمه انعذرك

حسن وحسين 
ودمع العين 
يهلوّنه اليتامه ابآه 
وابتنحاب
@@@@@ 
كل شي من بعد عيناها متيتم 
وابهشمت ضلعها الكون متهشم 
واظن حتى العرش محزون متألم
والله اعله الضلوع ايصلي ويسلم 

تنوح الحور 
وحتى النور
وجبريل ابحزن عاتب 
فگد لحباب

---------------------
ثامر بوجبارة الاحسائي

الرحمة تودَع الرحمة ويقره المحسن الختمة
ثالث فرع للعصمة
على الباب....على الباب
.........................................................
من جرح الجرح واول جرح ابـــدي
المحسن قبل عمره وينحسب جنــــدي
ابتدى سوح الحرب وانه جنت وحدي
ابابــــــــي النار وكفت وَكفت امجدي
وحك السبعه والسبعه نهر واتصدق بنبعه
لحد ما ينكسر ضلعه
على الباب....على الباب
.......................................................
جريمه يا علي والفاعل اتعرفــه
نفسه الوالدي بوصيًته ايوصفــه
عصرني وآنه حرمه ياعلي كلفه
حرت الزم حجابي الخاطر العفه
السقيفه واللي وقعها أمر عالباب يدفعها
يحيدر تلكه مطلعها
على الباب....على الباب
......................................................
سمع زينب تكلـــــــــــــي خايفه يمه
رفسني وسطر خدي وكلشي ما همه
ماهمني الذبحني مـــــــــن حجه كلمه
المحسن وكــــــــــــع مني سابح بدمه
عمره ما بده عمره واسمعه الفاتحه يقره
أثر جويه بقت ذكره
على الباب....على الباب
.......................................................
صحت فضه تجي وتسندني مابيه
جمر الباب ضـــــل طابع برجليه
بعباتي النار وانه النار بيديــــــــه
وينك يا علي والزهره موليــــــــه
وصيتي لو وصل صوتي يحيدر واقترب موتي
وحدك شيل تابوتي
على الباب....على الباب
.......................................................
يحيدر كبري من اتحفره الي وسعه
اخاف يضيك صدري ويلجم ضلعـه
وبعد وسط الكبر اشعل الي شمعـــه
المحسن لو بجه يلكي اللذي يرضعه
وضيع كبري باوصافه غيرك ما بشر شافه
المحسن ثار الي عافه
على الباب....على الباب
.......................................................
خادم خدمة الحسين
الشاعر
محمد الموالي

يبو ذاك المضيف العامره ادلاله
خــالي مايــرد كـــلمـن اتعـــناله
-------------
اجيتــك مو بحــاجه جايـك مسير
بمضيفك شفت بس الزين والخير
عــد يمــناك گــاعد حــمزه الزغير
واليگــعد بصـــفك الـــف هـنياله
-------------
مضيفك حيل واسع ماتحده احدود
والديــون عامــر والضــيوف اتــزود
اهناك ولن دخل عبد الرضـه الرادود
يبــچي وحاط لــَسه ابرگبته اعگاله
--------
يبچي وبيه احسن جمره من عاشور
العفو مو جمره يمـكن چان بيه تنور
شمسويه الطــفوف بكاظم المنظور
واهــي بــس گلــي يالميــمون چتاله
----------
چتــاله ويــريدلهــا بــعد مجهود
وانه بهالسوالف شاهدي موجود
وحگ عبود غفله وهالاجه عبود
وسئلــه كربله اشـــسوت ابدلاله
__
اسئــل سيــدي العدلــين والميتين
ذولــه الليله يمــك كلهــم امسيرين
ذوله اهل الرميثه وشيخهم ياسين
ياسيــن الدمــوعه اعلـــيك هماله
----------
الكرم نعرف شجاعه مو كلام السان
وهــذي شيمــتك ياســيد الشـجعان
مضيــفك ياهله ويامرحـبه وفنجان
ياشيــخ المعــزب المـــوت بطـفاله
-------------
ياشــيخ الــذي نـايــم عـلى الغبره
ومخلي اليخـدمك صـاير اشـكبره
فقــره من اجينه وهسه مو فقره
غانيــنه وتــوزع بعـــدك اچــماله
------------
بعــدك فـــاك بـــابــك لليـــجي خــطار
ترس تترس شليله الينطي الك معشار
اذا مـو انــته ياهـــو سيـــدي اليـــنزار
الـــك والــغـــير ابدن ما اتـــنـــــعنـــاله
-
اجيــت ازغــير اذكر حيل للخدمه
وبس طبيــت ديــوانك صرت زلمه
انعم الله اعليك يالواهبني هالنعمه
امروتك كون اموتن على هالحاله
----------
حيدر تركي الكربلائي

قصيدة ( وحشه داري ) من الحان التراث على وزن المرحوم حمزه الزغير ( دهري ذبني )


وحشه داري يوم المشيتي يمّه يالزهره

*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقى بحيره يوم المشيتي يمه يالزهره

*

وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره

*

يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
ابصدري أحس تندار لــوعة صدرهـا
وناري تسعر يوم المشيتي يمّه يالزهره

*

يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره

*
ليل اليمر بجفاچ يسعـــر لهب نــار
سولفتي عنه أهواي وكليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره

*

وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره

**
الشاعر
موسى البديري

يــــا گـــرت العيــــن ييمــــه لا تعوفينـــــــي
امـــرافگـــه النوح تظل اخــــلافچ اسنينـــي
كسر الضلع نار تشب بصفوت أيـــــامي
وفيض الدمع نار يوّج ويحرگ خيامــي
ياگــــــرت العيــــن

****
گلبي خـلاف عينچ مبتـلي بهـمــه
وعــــطشان الدليل لچلمة اليمـــه
مشتاگــه أنـــام بحضنـچ اشتمـــه
ومكسـورة ضلــع يايمـه لا ألچمه
بزغـر سني وجروحچ بيه ملتمـه
أولهـــه ضلــــع والوادم اتهشمه
ناس اليحـــرگون ييمه وتنظـــر أعيــونـي
بالطف يضربون يوسفه أطفالي ومتــوني
ياحاله وشلون اشوف وانظر أيتــــامي
وفيض الدمع نار يوج ويحرگ خيامي

****
يالــزهــره ييمـه وروحــي وامالـي
وياكل شي بحياتـي اليبگــه يبرالي
ردت بحضانچ اغفه بعطفچ الغالـي
شلون انظـر مكانچ موحش وخالـي
صعبه بـلا وداع ودمعــتي اتهالـــي
وصعبه بــلا حنانـچ يمه اظل تالـي
لـــــوعني تمشين ييمه وتســري أضعونچ
مرموده هالعين تظل بداري مــــن دونـــچ
وحشه تظل دوم ييمه وسوده ايامـــي
وفيض الدمع نار يوج ويحرگ خيامي

****

ييمه شلـــون حالـي لو مشيتــي اليـــوم
ظـــل للنـوح أسيـــره بفــرگتـچ للــــدوم
مــا يهجــــع ييمـــه گلبـــــي المهمــــوم
احس ضلعي انهشم مو ضلعچ المهشوم
هـــذا أول جـــرح بنــــزف يسيل أدمــوم
مايبــره مصابـــــه يظل مصابــــه دوم
مايبـــره هيهــــات مصابــــــچ يستعـــر بينــه
وبنفــــس الاهــــات تــــرد وتعـــاود أعلينـــه
يا يمه عطشان جفني لشوفتچ ضامــــي
وفيض الدمع نــار يوج ويحرگ خيامـي


****
احزانــچ ييــمـه بگلبــــي مجمــوعـــه
وبخـدي سطــرتــــچ هايـه مطبـــوعه
يسكن يـــا الــم يـــا محنـه يــا لـوعــه
وشفت عالگاع محسن ذابله أفـروعـه
وشوفـن يـــا چبد والــــروح مفجوعه
اشوف حسين طاح وسحگوا اضلوعه
مايكفي ضلعچ ييمه وكســــره ومصـــــابه
وارثتــه حزنـــچ أظل ولــوعـــة أصوابــه
ضلعچ يظل دوم ييمه بكـــل وكت دامي
وفيض الدمع نار يوج ويحرگ خيامي

****


شحچيلچ حــزن يا لوعـــه ياحســره
شفت عين الحسن من الدمـع حمـره
وشفت حسين حايــر ممتحن بامـــره
كــل ساعة ينادي يمــه يالـزهــــــره
مـن انظرله تشــب بگليبـي الجمــره
مثل جمر العطش من يلهب بصــدره
ضربـــت البسمار تظـــل أبگلبــــي للتالــي
وبالطـف تشب نـــار ييـمه وداعت للوالــي
وكتي علي دوم يظل بسهامه يرامي
وفيض الدمع نار يوج وحرگ خيامي

*
الشاعر
موسى البديري

قصيده بمناسبة استشهاد فاطمة الزهراء عليها السلام

يالزجيه ليج اقدم اعتذاري
ما كَدر من الغمد يطلع فقاري
لزمت بجفي الوصيه        سامحيني يالزجيه
**********************************
اعتذر ما دافعتلج واشهرت صمصامي 
شكد ألم شايل بجوفي كسّرالي اعظامي
ينظلم واحد عجيبه وسيفي وسط احزامي
لكن محتم عليه ما احرك اجدامي

بالصبر وصاني يالزهره محمد
بكلشي تدريني اطيعه والله يشهد
انا اطيع الله ونبيه       سامحيني يالزجيه
**********************************
انتي لتعرفين حيدر ميتعذر سيفه
لليطيح بشده افزع لون مرني بطيفه
بكلشي سيفي دوم حاضر ما أود تعريفه
لكن بهاي الرزيه صار موش بكيفه

بوجه كل ظالم أنا سيفي اشهره
والوصيه كَيدت جفي يزهره
هالامر يصعب عليه     سامحيني يالزجيه
**********************************
صار بين امرين حالي شلون اوصف حالي
امر كَدامي اشوفه جن صبح جتالي
وامر مكتوب بوصيه من رسولي الغالي
لو اطيع النبي وأصبر لو احامي عيالي 

صح عزيزه هواي يا ناس الوديعه
بس محمد يامر وانا الاطيعه
هالامر لا مو بديه    سامحيني يالزجيه
**********************************
صح سكت اعله الامر وتعذبيت هوايه
لكن تمنيت سيفي ما موصه بهايه
جا صبح نصين كلمن كَرب يم الآيه
بيدي جا كسرت راسه مثل كسر مرايه

استقل حالي وعرف ما بيّه هدّه
شكثر حظ شايل وما اكدر ارده
وسفه يتجاسر عليه       سامحيني يالزجيه
**********************************
سامحي حيدر يزهره واسمعي ما عندي
وعد من عندي اوعدج ويتحقق وعدي
يجي يوم وكلشي يخلص ما يظل متردي
ويرد ثارج يالزجيه بجف حفيدي المهدي

وينمحي حكم الظلم والشر يزيله
وراس كل ظالم من الركَبه يشيله
وينهي حكم الناصبيه       سامحيني يالزجيه
**********************************
جعفر عطيه البزوني

القصيدة عن قصة واقعية كتبت عن شخص توفت والدته فسأله احد اصدقائة بعد وفاة والدته بفترة من الزمن كيف حالك ؟
فأجاب :-

'''''''''''''''''''''''''''''''''''''''''''''''''''''''''''''''''''''''''''''''''

عذاب عذاب ،، من اتموت الدنيا بعينك
عذاب عذاب ،، امك راحت ياهو ايعينك
عذاب بين الموت انفاس وبينك عذاب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

انه العايش انه الميت
انه الأمه گباله وماتت
گلتلهه شلون اتركيني
وسكتت يا وسفه وما گالت

يمه يا أم الوفى حاچيني
عيونچ امغمضتهه متسمعيني
خاف زعلتچ يروحي وعيني
روحي شمعه وموتچ ايطفيني

بچيت بچيت ،، وانتي مغطينچ گدامي
بچيت بچيت ،، ابنچ والچلماتچ ضامي
بچيت ظلت بس دمعات ايامي عذاب

،،،،،،،،،،،،،،،،،،،،،،،،،،،،،،

شنهي العايش ظل بعيني
وشنهي العين بلايه اعيونچ
انتي الاتنفس ملگاهه
المفروض الدنيا يسمونچ

العافيه من تروح نمشي وياهه
الشمس گالو ميته ؟ وشطفاهه ؟
يا ضوى الدنيا وتعب غطاهه
الكلهه طيبه الما وفينه رباهه

تموت تموت، والعين تباوعلي بحسره
تموت تموت ، يا حچي اعيونچ شيفسره
تموت يلچنچ معراج ومسرى عذاب

،،،،،،،،،،،،،،،،،،،،،،،،،،،،،،،،،،،

ما تسوى الدنيا بلا أمي
المن باقي وهيه شبيهه ؟
تمنيت الموت بفرگاهه
يا رب تاخذني وخليهه

الجمعتنه كلنه بحظن شو مدفونه
مو انتي يمه وليدچ يشيعيونه
يمه النهر لو مات ميغسلونه
بجروفه كون بهيده ويچفنونه

اصيح اصيح ،، اول مره وصوتچ سكته
اصيح اصيح ،، تابوتچ بچفوفي وشلته
اصيح والموت اتطول سالفته عذاب

،،،،،،،،،،،،،،،،،،،،،،،،،،،،،،،،،،،،

ام الملگه وچلمة سهله
المتعوبه الما تشكي لأحد
الحملت ضيم الدنيا وصبرت
وحدهه شگد صعبه المحد

دفنوهه مو بالگاع لا بعيوني
وخلوني بس احظنهه بس خلوني
گبل امي كون اتوفه ويدفنوني
يا وسفه تابوت الهوى اعله متوني

تراب تراب ،، ورگات الورده يأذيهه
تراب تراب ،، ما تحمل ليش يغطيهه
تراب وحدهه وياهو يباريهه عذاب


،،،،،،،،،،،،،،،،،،،،،،،،،،،،،،،،،،،،،،،

عذريني الوحدچ خليتچ
وراجع للدار بدمعاتي
المفروض ابلحدچ تلگيني
يا أمي وروحي وضحكاتي

ظلمه المگابر ليل شيعديهه
هليله وحشه ام الحسن حضريهه
بداعت وليدچ أمي لتعوفيهه
دمعتهه چانت لبنچ اتخليهه

وداع وداع ،، ما ظلن دمعات بعيني
وداع وداع ،، لا انساچ ولا تنسيني
وداع بس محد راح يتانيني عذاب


كلمات خادم الحسين
رعد الفريجي
15/1/2021 الجمعة

دنيا واخره وبالشده ننخاچ
يريحانة محمد كلنه بحماچ

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

دخيل الزهره صيحو بصوت واحد
انتي اصل الامامه وربنه شاهد
اهتفو اخواني بلكي يموت حاقد
تره الزهراء قائد والله قائد

فاطم ام ابيهه وأم الاسلام
نظل وياهه لا منريد الاوهام
اليگول ام الجمل لا ام الاجرام

هي أم الخوارج والخرافات
عليهه لحد قيام الساعه لعنات

على عناد النواصب كلنه وياچ
يريحانة محمد كلنه بحماچ

،،،،،،،،،،،،،،،،،،،،،،،،،،،،،،،،،،،،،،،،،،،

اليوالي الزهره ميوالي الظلمهه
أيتبره من الجبان الي هضمهه
يا ثار السماء ايفور دمهه
خيانه وأبن أبيه الي رسمهه

عاند أمر اله الكون شيطان
راد يصير الاول والله غلطان
خيبر شاهده شو ما كو فرسان

من صاح المنادي بخندق الموت
شو محد طلع شو صرتو تابوت

تالي ايصير زلمه وسوطه اذاچ
يريحانة محمد كلنه بحماچ

،،،،،،،،،،،،،،،،،،،،،،،،،،،،،،،،،،

خلق ربنه العوالم والمجرات
وملائكة السماء وكل الايات
وجميع الممكن وي المستحيلات
لاصحاب الكساء ورايد اثبات ؟

جبريل الخدمهم رف الجناح
قبل كل البشر من چانو ارواح
تره اليخدم الزهره ايعيش مرتاح

حتى بموتته هم يفرح هواي
تگله ام الحسن يوليدي وياي

يجنه ومن ثمار الجنه سواچ
يريحانة محمد كلنه بحماچ

،،،،،،،،،،،،،،،،،،،،،،،،،،،،،،،،،،،،،،

أموت وشنهي يعني الميت ايكون
عدل مرات عكس الي يموتون
تميزني المگابر تعرف شلون ؟
اجيهه امحمل بعطر اليزورون

انه بعيني اثر من ضيم الخيام
انكسر گلبي الرقيه اوموقف الشام
انه خادم الزهرة وكلنه خدام

هنيئآ يا موالي اتخيل هناك
شنو احساس التحسه أوحيدر وياك

مثل البسمله يلزهره نقراچ
يريحانة محمد كلنه بحماچ

،،،،،،،،،،،،،،،،،،،،،،،،،،،،،،،،،،،،،


اخيرا نبتدي وما يخلص الشوگ
مثل گاع وشجر ممدوده العروگ
وحنين البينه لا ما حنته النوگ
دعيت الله ابدمعتي وايدي ليفوگ

اظل لاخر نفس علخدمه ما ميل
بحق المهد ذاك الهزه جبريل
اللهي الحيل همه ورايد الحيل

عبد للزهره اظلن لاخر انفاس
وتوفق كل اخوتي وترحم الناس

يخيمتنه الچبيره انضيع لولاچ
يريحانة محمد كلنه بحماچ

كلمات خادم الزهراء
رعد الفريجي
17/1/2021 الاحد

أعكيلي
لذكرى أستشهاد الصديقه الطاهره سيدة نساء العالمين فاطمة الزهراء عليها السلام
...................
يالهادي أبنيتك أذوها
...................
عاده الميت والد عدها
أهل الحي كلها أتواددها
بس أبنيتك يا والدها
ملجومه أو زايد لجموها
...................
قبرك أخضر بعده أترابه
أو جرح أمصابك يدي أصوابه
الوقف الشيطاني أو أقطابه
ضلعين أبنيتك كسروها
...................
شيطان الظل جند زمره
ضدها أو هالضد عزم أمره
أبدارك محد غير الزهره
يدري أو كللهم حركوها
..................
ألحك فاطم يا بو القاسم
ظالم طكها أو ظالم شاتم
بالسوط أجلد يزبر خادم
ظالم وبحايط عصروها
....................
ذاك ال عنك صرح يهجر
يدفع باب أبحايط يعصر
جسم أبنيتك بالجف يسطر
خدها أو أتباعه أستولوها
...................
طاحت ونت ناحت ندبت
يابو القاسم تحضر هلبت
حتى أتشوف الناس أشسوت
أو يا نيه البعدك عكدوها
.......................
جف محتركه أو جف مجروحه
أو شافت محسن فاضت روحه
جلمة يمه أشبيها أملوحه
ما فادت لمن سمعوها
........................
يدرون أبحيدر عن داره
غايب وصلتهم أخباره
لو حاضر حيدر فقاره
فنهم فعلتهم فعلوها
.......................
خادم أهل البيت
الشاعر : أسماعيل الجوراني
الأحد : 17/1/2021

نزله ( ندبه للأمام علي عليه السلام )
لذكرى أستشهاد الصديقه الطاهره فاطمة الزهراء عليها السلام
..................
يا أبا الغوث أمير المؤمنين
فاطمه الزهراء ذابحها الونين
...................
دار محروكه أو ضلوع أمكسره
أو عين مطفيه أو جنين أعله الثره
أو للصدر مسمار من باب أنبره
تنحب أعله أحوالها مدري الجنين
...................
 أجفوف مجويه أبجمر خد منسطر
أمتون زركه السوط هاطرها هطر
أجدام متكرده أو جسد من العصر
خامل أعله الكاع من كد ما وهين
...................
بابك المصنوع من جندل خشب
كام يعصر طولها والدم شخب
جوجت أعله الكاع مجروحه أبأدب
والأدب للزهره من صارت قرين
..................
18 ما كملت أم الحسن
أو دار بيها اليوم دولاب الزمن
الله يلعنها السقيفه أم الفتن
الأذت الزهراء بت طه الأمين
.....................
هذا كظ مشعل أو نيرانه رمه
أو هذا بس بالدار كالو فاطمه
أن يكن جاوب زنيم القائمه
أحرقو الدار بمن فيها رقين
......................
أبصوت خافت ندبتك حيدر مدد
طفلك المحسن سكط هامد جسد
اليوم أبن صهاك كل جهده جهد
ركنك الثاني يهد بيده اللعين
.....................
بين باب أو حايط أتعمد يحط
زهرتك يا با الحسن وبهل السخط
أبكصته عرج الغدر أصبح ينط
والزجيه أتصيح يا ليث العرين
.....................
فاجعه أبدارك يبو الغيره علي
حلت أبهاليوم والموقف جلي
غايب أنته أبسوط قنفذ تنصلي
بت رسول الله وم الحسنين
.....................
فضه عينيني بقه ألها صده
شوف مجلس فاطمه بالون غده
بين باكي أو بين شمر ساعده
حيل يلطم صدره بيسار أويمين
.......................
أو داعت الله فاطمه الصوت أعتله
أمصابج أنقيمه أو مصايب كربله
أو ثوبنه الأسود محال أنبدله
هذا عهد الشيعه مد عمر السنين
......................
خادم أهل البيت
الشاعر : أسماعيل الجوراني
السبت : 16/1/2021

قصيده حماسيه للزهراء عليها السلام

مخفي كبرج يالوديعه لهسه ماكو اخباره
انتمنه نوصله ........نطوف بيه ونقبله
وهم نجيله ازياره
******************
يمته يعلنهه بو صالح يرفع الرايه
ونكصد الرض البقيع نروح مشايه
يبني كبر الزهره اول يعتني عنايه
يرتجز شاهر حسامه كد الحجايه

مرقد الهه نكمله.....نطوف بيه ونقبله
وننكتب زواره
****************
سطرة العين وضلع اسمع يمختار
تشتكي الزهره الك من شبو النار
بلا اذن دفعو الباب وطبو الدار
مثلت داعش فعلهم ويه الانبار

الناس فرت بالفله.......والبقه يعني انوله
بكل دقيقه القاره
******************
اليله كل شيعي موالي يهمل العين
الج يابضعة محمد لا مناسين
نلطم انوح عله ضلعج ونتي تدرين
سجلي كل اللي حضر من المعزين

ابو فاضل كافله.....بسجله راح يسجله
بدفتره البشاره

******************
مانسينه يالزجيه دفعت الباب
مانسينه دوسة البيت من الاصحاب
ذوله بذرة ال اميه ساس الارهاب
همه عنوان القضيه وكل الاسباب

الخلافه الباطله.......ابليس وقعهه اله
وبينت كل عاره
******************
راح يضهر منتظرنه وياخذ الثار
من الصحابه اهل النفاق الفتنه والعار
ويبتدي ويه العصابه الكصدت الغار
نكرت الحق والعقيده التدعي انصار

ايه وحق رب المله...احفاد هند وحرمله
تشهد الهم ساره
*****************
علي الصرايفي

حيدر منحني ومكسور يبچي وبالحشه جمره
عينه اعله الگبر وينوح ماتت فاطمه الزهره
@@@
ماتت سلوته والروح ماتت دنيته الرحبه
وموعجبه ابدمع همال احمر عالوجن صبه
ماضل بالصدر انفاس وكل شهگه تفت گلبه
وگف عالگبر ويگول ربي عجل الطبره
@@@
ماتت مهجتي وعيناي ماتت سلوتي البضعه
وبعد الهادي والزهراء سنيني كلها منفجعه
وحگ أللي دحه المبسوط ورافع بالفضه سبعه
لو خُيِّرِت انا اختار عدها توسد الحفره
@@@
ازفر والگلب ملهوب واذكر هالجره اعليها
بسدي فاطمه وياحيف هالفرار يوليها
طگ اضلوع والخدين وطگ امتون وايديها

وشب النار فوگ الباب وسگط محسن ابعصره
@@@
لازالت كلمت (وإن) دار الزهره نحرگها
تشلع من دليلي اعروگ ابكل شهگات اشهگها
وصوره انطبعت ابعيناي تنادي ومحد يلحگها
طاحت عالعتب وتصيح وتشبگ محسن ابعشره
@@@
مربوط ابحبل لوصات وچفي بصبر مگيوده
وابهالحاله تدري الگوم وجازت مسكني احدوده
ومن هالصبر واويلاه چف الطاغي ممدوده
مدها واسمعت بالبيت صوت اللطمه والسطره
@@@
راحت مهجتي والروح ومحد وگّف اوياها
وديعة احمد المختار وصيته البيهم اوصاها
ماتت ناحله ابعلات وضلع انكسر اذاها
ابساعد منهدل مكدوم وعين امن السطر حمره
@@@
علي احمد الحمود
١٦-١-٢٠٢١
شهادة الزهراء ع

ما حاكمـك يابـاب عالصــار وجـــره
حـيدر علــي وصابـاك مثـل الطاهره
مصيوب ضلع الزهره يالباب ضلـع الزهــره
******
ياذنـب گلـي شلـون صـّوب فاطمه
بسمـارك النشـاب جــرد صارمــــــه
صابتـك گبـل اليـوم ريـت الحاطمه
ولاضلــع أم حســـين انته التعصره
مصيوب ضلع الزهره يالباب ضلـع الزهــره
******
ماتدري هـأي الروح من عـد النبي
فاطمـه هو ايگــول زادي ومشربي
كوثـر جنـان اللـــه هيــه ومطلبـــي
ياباب ليش الجـور انـت التنصـره
مصيوب ضلع الزهره يالباب ضلـع الزهــره
******
ماتـدري هـأي الدار لحسين وحسن
فوگ الخدود دموع من عدهه نزلن
من بعـدطـه بليــل ماشافـت وسـن
بكل لحظه بعد اليـوم هيه التذكـره
مصيوب ضلع الزهره يالباب ضلـع الزهــره
******
ليش الولـي الكـرارلا مــا حاكمـــك
وبعــد الوديعـه وليش لا ماحاربـك
يـدري الذنـب موبيـك بيد الظالمـك
المــــد چفه كـون بسيف هـو يكسره
مصيوب ضلع الزهره يالباب ضلـع الزهــره
******
ندري بأبو الحسنين مهيوب وسبع
ولـو لـزم بيـده السيف لا ماينجرع
خايــف نـداء اللـه لامــا ينسمــــــع
مــن بعـد ذاك اليــوم دينه ويخسره
مصيوب ضلع الزهره يالباب ضلـع الزهــره
******
من شاف حيدرذاك كل جسمه ارتعد
وتمايــز الفقــار بيــده واستعــــــــد
لاچـن وصيته شلون وشلون الوعد
حايـر يديــر العـين گلبــه ايصـــبره
مصيوب ضلع الزهره يالباب ضلـع الزهــره
******
حاير يدير العين والزهـره اصبـرت
نــدري ببو الحسنين ناره توجرت
لو گام بيـده السيف لاكلهه فنــــت
خافت علـى الاسلام يخسر مصدره

نسألكم الدعاء
خادم الحسين ع
الحاج ابو البيجاوي

واويلاه .. ماتت يشيعه فاطمه ______
تموت مظلومة وحزينه وهيه بت خير البشر
واحد بسوطه ضربهه والضلع واحد كسر
واحد يشب نار بيده واحد لخدهه سطر
طاحت عله اللكاع تبجي تصيح فضه من قهر
________
ياعلي صاحت أوصيك بوصيه بعبرتي
انه مليت الحياة وصرت اريدن موتتي
ياعلي لو حان وعدي بليل شيع جنازتي
مااريد اللوعوني يحضرون بدفنتي ______
فضه ترويهه الرواية وتهمل امواج الدمع
تكول عالمغتسل شفت المرتضى بأعظم وضع
رحت اجيب الماي لن صرخة منه ترتفع
يصيح يافضه الوديعه منكسر منه ضلع
__________
حيدر اعله كبر يقره بدمعته ام الكتاب
عله الكبر هومت عينه وغفت عينه اعله التراب
بنومته شاهد الزهره تصرخ بهم وعذاب
ياعلي ارجع لزينب كاعده بعتبت الباب
____________
نكول شايف ضلع واحد علي ودموعه جرت
شحال زينب شافت ضلوع ابو اليمه تهشمت
والزينب الرباهه حيدر على الناكة اتجتفت
وهل الوديعة مثل امهه من دهرهه اتعذبت
__________
كرار حسين الكربلائي

من وصايا أم البنين لولدها العباس ع
………………………
يايمة ماأوصيك بحسين
يستاهل الݘفين والعين
………………………………..
جازيلي تعبي بوگفتك هاي
اعصر الغيمة لْـۆ طلب ماي
انــة ادري مــاقصرت برباي
راضع وفــة وأدريك وفاي

ناذرتك ألهم والنذر دين
يايمة ماأوصيك بحسين
……………………………………
جايبتك انى تحرس اضعون
أركض ركض لوصاحت ام عون
أختك وظمهة بنص العيون
كل ولدي ألهة فدوة يرحون

لْـۆ حشمت گلهة شتأمرين
يايمة ماأوصيك بحسين
…………………………………….
مخلفة أربعة وماݘني وفيت
كون اربعين مخلفة يا ريت
هوة انة لجل حسين شنطيت
وية ابني اموت شگد تمنيت

ظليت أهم واصفگ باليدين
يايمة ماأوصيك بحسين
……………………………………
إسمع وصيتي يبني عباس
عندي العباية اغلى من الانفاس
من تعطش امطر بالطف احساس
ولحسين ابد مــاتگرب الناس

بجيش أل أمية اگلبهة صوبين
يايمة ما أوصيك بحسين
……………………………………..
لوصاح أخيك يبني أوصيك
تاخذ تحية شما يحاݘيك
أڰبال الزجية ارد افتخر بيك
تدري الزجية أبني تسميك

صح ولدي لاكن عدهة غالين
يايمة ما أوصيك بحسين
……………………………………
صوب الخيم لْـۆ جت السهام
اوگف درع جدام الخيام
عينك واحذرك بالك تنام
ولدي انتم ولحسين خدام

والموت واحد ماهو اثنين
يايمة ماأوصيك بحسين
…………………………………….
بالغيرة اعرفك يبني منعوت
تعيش المواقف لمن تموت
الما عندة أخو مايلگة تابوت
من ينگطع من عندك الصوت

ينتصر دم حسين والدين
يايمة ماأوصيك بحسين
……………………………………
تمت
الْحٍمَدٍ للـّہ
✍خادمكم الأقل… حسين حمدان الدلفي
رزق مولاتي ام البنين ع