أم البنين أنخيـــــــــها الحاجة الك تكضيها
الفاتحة سر محتواهـــا
اتحيي كل زاير اجاها
الحاجة الك تكضيـــها
..........................................
علي باء البسمله وباب الرجـاء
فاطمة الزهره حرز باب الدعاء
طلسم الكل تضحية في كربـلاء
فاطمة البدوية عنوان الوفـــــاء
اليجي بصادق نيه حاجته مكضيــــــه
الباري ناطيها وجاها
اتحيي كل زاير اجاها
الحاجة الك تكضيها
.............................................
يامره اتضحي اربعة وماتبجي عين
او وكفت بهيبة مثل أم البنــــــــــين
من أجه بشر ونعى وفاض الحنيـــن
ركضت وكلتله اســــــألك عالحسين
بشر أرحم حالي وحده شاغل بالي
فاطمة ايهمني رضاها
اتحيي كل زاير اجاها
الحاجه الك تكضيها
....................................
باب حاجة الباري خلاها وســــلام
شرط من تنخاها صادق في الكـلام
العنده حاجة وجاي يوكف بحتــرام
لايجي الماكل ربى وفاعل حــــرام
الملتزم بسلامـــه يرد عالي الهامه
والف خي عونه اعتناها
اتحيي كل زاير اجاها
الحاجة الك تكضيها
.............................................
ماخسر كلمن اجه وعدها وكف
ينحني الفارس اذا نـــال الشرف
أمنين ما تندار تلــــكه أخيام طف
وتلكه رايه وتلكه جود وتلكه جف
بكل ضريح وحضره واكفـــــــــه ومنتضره
تكضي كل حاجه مناها
اتحيي كل زاير اجاها
الحاجه الك تكضيها
...........................................
الفاتحة مفتاح من تنخاها أكــــــــــيد
أقراها واطلب منها وحجي شما تريد
بصدق نيه ادعي حتى لو بعيــــــــــد
تنكضي الحاجات كلها وهم تـــــــزيد
اليدك باب الحاجه ايسخر الله افواجه
ما يرد كلمن نخاهــــــا
اتحيي كل زاير اجاها
الحاجه الك تكضيها
......................................
خادم خدمة الحسين
#الشاعر
محمد الموالي

قصيده بحق ام البنين


الج هـالليله الـونين
والكلب ذايب حنين
نبجي يا ام البنيـن
ابدمع العيون

كلنه هالليله بــدمــع نبچي سويـه
وابـد منـوفـيــچ احــنــه يالــوفيـه
هــواي قــدمـتـي يحره يــالآبيـــه
ردتي بفعالــچ تجازين الــزچــيـه
الچ هــالـليـلــه نـــون
وكل گلب ضل ممتحن
نبچي يــــا أم الحــزن
بدمع العيون


الچ يا ام البنين شما بچــيـنـــــه
نشعر مقصرين وابدن ماوفـينـه
من تحضرين بمجالس يالحنينـه
انادي كلنه بالدمع عينچ عـليـنه
نظره من عندچ نـريــد
انحلفچ بـدم الشهــيـــد
خادمچ يحچي وسعـيـد
بدمع العيون


الليله يم عـباس كل احنه حضرنــه
انريد من عـنـدچ يمهيوبه آجرنـــه
على امحبـتچ والخدامه احنه كبرنه
وبالمجــالس الچ خلصنــه عمرنه
بكل محبه وعاطفـه
وعن يقين ومعرفه
نبچي يا ام الوفــــه
بدمع العيون


الليله احنه انودعچ بــدمع النـدامه
ونشعر مقصرين احنه بالخــدامـــه
الخادم اليخدم يحس انتي ضمانـــه
ولو طلعنه انريج من عندچ علامه
انريد من عندچ قبول
انتي يا ام الفحــــــول
انحلفچ احنه بالبتول
بدمع العيون



على عناد الناصبي وكل العــــواذل
نبقه نبچي اعليچ احنه بدمع هامل
مــاتــرديــن اليـمــد الآيـــــد سائل
بس يحلفچ يالحبيبه بـأبـو فــاضل
يــابعــد روحي وهـلـي
بيــچ احـنــه نعــتــلـي
انحلفچ بــداعــت علي
بدمع العيون


سفره سويـنــه الچ والگلب لايـج
انريد منچ احــنــه هالليله النتايج
كل گلب يم البنين بشـوگــه هايج
بسم الحسين ونـقـدمهـا الحوايج
يلي ماعـنـدچ ضريح
نشتـكـي لله ونصـيـح
ما يصح الا الصحـيح
بدمع العيون





الشاعر السيد رياض الرسل الجابري

السلام علئ مولاتي ام البنين ورحمه الله وبركاته


/////////////


اضل معلوله بجفاكم ياحسين
والگلب حتمأ علئ افراگك يشيب
چان ودي وياكم اتعنه الطفوف
الله ما يسر ولا صار النصيب


/////////


مودعين الله ورسوله بهل مسير
والگلب معذور اذا ينزف دمه
الواحد يموت بفگد واحد حنين
شلون لو كل الولد من فاطمه
ارفع چفوفي بوكت يبدي الغروب
واندعي بدم ودمه الرب السمه
يرجع حسين وترد بيه الحياة
وارجع الزينب وصيفه وخادمه

ويستچن گلبي الذي ساكنته نار
ويرجع بروحي الامل عگب اللهيب
چان ودي وياكم اتعنه الطفوف
الله ما يسر ولا صار النصيب


///////////



اگعد اباب النزل وكت الغروب
روحي يمك ياحسين وهائمه
تغمض عيوني واشاهد بالطفوف
نور يشبه نور وجهه ومبسمه
اركض بلهفه طفل لو شاف ابوه
افتح. الباب. واردن. لاطمه
ماكو ابو السجاد لا زينب اشوف
لاخبر لافيني. لهل. الغانمه

ارجع ابخيبه امل احني الضلوع
ويكثر بروحي علئ فراگه.النحيب
چان ودي اوياكم اتعنه الطفوف
الله ما يسر ولا صار النصيب


//////////



افتر بكل الغرف اشتم هواه
وانثر اتراب اعله راسي الفرگته
كون اشوفنه گبل يوم الممات
خاف اموت وحسره بيه الشوفته
فدوه لعيونه الولد ويه البنات
لو يرد سالم عليه ابضحكته
وترجع عيوني واشوفن من جديد
وافني عمري وكل سنيني بخدمته

هوه روحي وراحتي بهذا الزمان
هوه لعيوني الدوه وهوه الطبيب
چان ودي وياكم اتعنه الطفوف
الله ما يسر ولا صار النصيب


//////////



افرش افراشك واناطر من بعيد
هلبت الله ولن يمرني خيالك
بالي مشغول وفكر ماضلي لا
روحي موش بحالي والله بحالك
ياعزيز الما يصح مثلك عزيز
ادعي ربي بحيدره يبرابك
انته واحد بالگلب ماكو سواك
ياهو يستاهل واحطه ابدالك

گلبي ينبض بالعشگ بس للحسين
ينضم اشكال النضم مثل الاديب
چان ودي وياكم اتعنه الطفوف
الله ما يسر ولا صار النصيب


//////////


اليوگع امنيدي صحت يمه الحسين
وايدي وحدها تروح اعله الصدر
فدوه لسمك ياحبيبي البلطفوف
كون عمري اندار لعيونك نذر
رجفه بيه تصير واجدامي تموت
حيل ما بياش اگومن وانهطر
شنو بيك اشصار ياربي دخيل
گلبي ما مرتاح احسنه ابجمر

روحي ذابت والنفس نفس العليل
وانشغ الربي وانادي يامجيب
چان ودي وياكم اتعنه الطفوف
الله ما يسر ولا صار النصيب



////////////




قليل البضاعه
كثير الاضاعه
فاضل الغريباوي

((بشجونها ام البنين تقول))






بعد امك وين تريد يبني يالحسين
دنيه بغيرك شتفيد يبني يالحسين
خل عندي رقيه
ذكرى تظل اليه
يبني يالحسين
ــــــــــــــــــــــــــــــــــــــــــــــــــــــــ
بيا ديره ناوي اعله الشيل
يايمه مو ضگت الويل
يا طير غصني ذابل بترحالك

ام البنين و انخاك
لو اموت لو امشي وياك
وياك اخذني ارد اكض عيالك

من النياگ يطيحون
ارد امشي ويه اليمشون
يا يمه من فدوه رحت لخيالك

وحشه عَليّ يبگه البيت
بعدك اگبالي و حنيت
وعيوني مخلوقات الك تبرالك

يا يمه خذني وياك يبنــــــي يالحسين
روحي تمشي بفرگاك يبنــي يالحسين
هاك الزم اديه
ذكرى تظل اليه
يبني يالحسين
ـــــــــــــــــــــــــــــــــــــــــــــــــــــــ
يا يمه اخذ مني العين
ماشين ها يبني حسين
يا عين تغفه وماتشوف رسومك

عندي طلب يمك كون
بس هالطلب من ترحون
لا ما تردني من اگلك دومك

گلبي لرقيه يحن حيل
يمه ترد وحشة لليل
تدريني غرگانه اظل بهمومك

يا يمه اطلب بس هاي
خاطر بچفهه اشرب ماي
معلوله اظلن من تروح بيومك

احچي وخليني ارتاح يبنـي يالحسين
وبروحي صار صياح يبني يالحسين
منك ردت هيه
ذكرى تظل اليه
يبني يالحسين
ـــــــــــــــــــــــــــــــــــــــــــــــــــــــــــ
ظل يفرك الراح براح
عطر البدمعاته الفاح
هديتي حيلي و زيديتي احزاني

يم البنين وتدرين
للموت يمه محملين
يمه المنيه بصف رقيه اتاني

صفنت بدمعةّ ولهان
معقوله ضعنك عطشان
چا ليش اضلن والزمن خلاني

كون اليفارگ محبوب
ويه الهوى كون يذوب
ولاطول وكته بس دمع ويعاني

ما اصبر يبني تروح يبنـــي يالحسين
تطلع من عندي الروح يبنـي يالحسين
رايح للمنيه
ذكرى تظل اليه
يبني يالحسين
ـــــــــــــــــــــــــــــــــــــــــــــــــــــــــــ
گامت تون بس بسكوت
شبرين ضلن للموت
غَصتّ بعبرتهه انحنت باللوعه

يحسين جسمك ينداس
چا وين اخوك العباس
ما تحمل انته وخل تدوس ضلوعه

اربعه بضعنك وديت
يا ريت سالم يا ريت
وحسين ساكت بس تهل دموعه

فرهدك من عندي البين
من عمت عيني يحسين
موضوعي انته وللگلب موضوعه

ها يمه أيس فدنوب يبنــــي يالحسين
راح اعمه بس ودي الثوب يبني يالحسين
عمامه ودهه ليه
ذكرى تظل اليه
يبني يالحسين
ــــــــــــــــــــــــــــــــــــــــــــــــــــــــــــــ
گوه الضعن راح وسار
ضلت مثل باب ونار
بهم العليهه گاعده ومتكوره

من تنعى تبجي الحيطان
عطشانه تنعه العطشان
مگطوع دربك و الگلب شيعبره

هم ترجع و بينه تعود
هم لحظه دلالي يهود
يا نهر منك و اشتهيت الگطره

مذهوله يالدربك موت
وبصفي جابو تابوت
بالموت اشوفك و ارد اشوف الزهره

يالشيبـت عزرائيــــل يبنــي يالحسين
يالما بگه بروحك حيل يبنــي يالحسين
ضلت حسره بيه
ذكرى تظل اليه
يبني يالحسين




عبد زينب
محمد الابراهيمي

الى ام البنين ع

الفاتحه اقراها ابدمعتك والعمل بالنيه
إنخه ام عباس وطلب حاجتك مقضيه
*
الهاجت اهموم ابدليله بعينه تغفه الحيره
واجب المنظر تگله للبقيع ايديره
إشما چبيره همومه يشعر عدها والله زغيره
همومي كثره وجربتها تنگضي يوميه
*
الكل عِلَلنه عدها مرهم الله ميزه انطاها
الماگدر يشفي طبيبه كون بس ينخاها
اي وحگ إچفوف ابنها العله مايلگاها
تبات معلول ابفراشك والفجر منهيه
*
ليلة الجمعه الحوائج عالصدر خليها
ومن بعد ما زرت ابنها گوم سَلمْ اعليها
وقسم اعليها بوريده حيرتك تجليها
ما تعوفك اله تسمع كلشي ماظل بيه
*
الفارگ احبابه ويتاني ياوكت يلفونه
هيه هم تانت يجيها حسين ويه ضعونه
اتمنت اشگد الحنونه تبوسه بين اعيونه
يالله حلّفها ابصبرها احبابي ترجع ليه
*
الايس وما عنده خلفه منها يطلب ريته
ايرد جميله لو نطته اويضوي شمعه ابيته
حسين يم عباس گلها إلولد سميته
اغلى كلشي حسين عدها شمحله هالتسميه
*
الشفاعه منها اطلب گلها لا تنسيني
وگلها يوميه يفاطم الطم اعله حسيني
بالحشر انا اودمعتي وحدي لتخليني
ابجاه الحسين وغربته وزينب المسبيه
***
الشاعر اياد الديراوي

ا

ياأم البنــــين أمصابـــــچ انذكــره = لأن أنتــي الوفيـه الصانت العِشــــره
ممنـون حيدر منچ = ممنـون حيدر منچ
&&&&&&&&
أنــتي أم البنيــن الفاضلـــه الحــره = نـذرتـي الـروح لجل الطاهره الزهره
محيتـي اسمـچ ولاعدتي عليه مره = خـافــن تجفــل عيال النبي بذكـــــره
ممنـون حيدر منچ = ممنـون حيدرمنچ
&&&&&&&&
هـذا أول شـرط من حيدر اتطلبـين = وخوفـچ چان دايـم عالحسن وحسين
وتباريـن الوديعـه زينب بكل حـين = ومـن طيبــچ كـلام ايفـوح وايعطـــره
ممنـون حيدر منچ = يذكرون كلهم قدرچ
&&&&&&&&
يعيـن الفارگـت بالليــل كـــل نومـه = وعلـى خدمة علي توگفله كل يومــه
ياأم البنيــن ومــن گطـــع صومــه = أبــن ملجــم يراسه بسيفه ويطـــبره
ممنـون حيدر منچ = ممنـون حيدر منچ
&&&&&&&&
شديتي الحــزن والعــين سچابـــــه = على مصــاب الصميده الاثر صوابـه
ومايرهــم نحـط الجرحـه عطابــــه = بچيتــي الصـبر وبگلبــچ الجمــــــره
ممنـون حيدر منچ = ممنـون حيدر منچ
&&&&&&&&
بعـد يـم الوفـه ضحيتي بالعبـــــاس= وثلـث شبـان وياه التشيل الـــــراس
گلتي الروح لجل حسين خل تنداس= وماردتــي العمـرمن دونه ياحــــره
ممنـون حيدر منچ = ممنـون حيدر منچ
&&&&&&&&
لچن وسفه ابمصابچ ماحضر حيدر= ولاالحنسين لو عبـاس المشــّكّــــــر
گظـوا گبلـچ يطيبه وظلت الخّـــــدر= تــون اعليــچ يُمه وتسحب العـــبره
ممنـون حيدر منچ = ممنـون حيدر منچ
&&&&&&&&
يهنيالچ ييحـره ولجلچ البضعــــــه = تسأل عـن سبب الچفـوف المگطّعه
وفايـه الزچيـــه الطاهـره الورعـه =علـى العباس وگفت والگلب شجره
ممنـون حيدر منچ = ممنـون حيدر منچ
&&&&&&&&
الحاج ابو إياد البيجاوي

مثـل أمــك مامـش وفايــه= دگــت للطيــب أكبر ثايـــه
شيــوصل ليهـــه = ويساويهــــــه
دگــت للطيــب أكبـرثايــــه
&&&&&&&
عباس أمـك زرعـت طيبــه = ضحـت وانطت كل ماعدهه
صـبر وحـب تشيل ودمعـه = طـول اليوم وتحفر خدهـــه
لهـل البيت اتضحي بدمهه = والخاطـر حيــدروالدهـــــه
وتخـاف من عيون الـوادم = خـافـن زينـب لاترصدهـــه
خيمه وغطـت بيت الوالي = شمعـه بنص الليل اتلالـــي
مــن يدنيهــه = ويساويهــــــه
دگــت للطيــب أكبـرثايــــه
&&&&&&&
وفـايـه أمـك يبـن الحـــره = جابــت شبــان وغذتهـــــه
إنـت الاول وإنت الكافــــل = والرايـه أبأيـدك شدتهـــــه
رضعتكم من طيب ارباهه = ومن فيض دموع وروتهه
ذخـر حسين وذخرالعيلـه = والغيـــره بزندك فطمتهــه
وبجدامـك شدت صولاتك = وبطولـك حطت طلعاتـــــك
وتحاميهــــــه = ويساويهــــــه
دگــت للطيــب أكبـرثايــــه
&&&&&&&
ياأم الضحـت مثـل أمـــك = ولاسألت عنكم لو نشـدت
ظـل الحـادي ايعـدد ألهـه = عبدالله وعــون ومــاردت
وجعفر گال ورددااسمـك = غضبت أمك حيل وصـدت
يابن حذلم صاحت هونك = والغيره بساعدهه اشتدت
وين حسين اوين اخباره = يابن حذلـم شنهي الچاره
رد أعليهــــــه = ويساويهــــــه
دگــت للطيــب أكبـرثايــــه
&&&&&&&
شهگـت أمـك گالـوا ماتـت = بيــوم حسين وگطعت نحـره
هأي الحره وزهذا ارباهـه = تفدي ابطـال الشبل الحــــره
وفايــه وماتحمـل مِنــّـــــه =وفــّت كفـّت لجل الزهــــــره
أيــام وعاشت من بعــــدك = بيـن الصوره وبين الذكـــره
من تــذكــرشخصك تحتــار = بـدمهه وتمشي ليل انهـــــار
وتحاچيهـــــــه = ويساويهــــــه
دگــت للطيــب أكبـرثايــــه
&&&&&&&
هـأي أمـك عبــاس أتعالـي = ياهــــو المنكـم يوصـل يمهه
لكـل ميت لـوراد أوصيــــه = وعدهـه وصّيه وحيل تهمهه
لوتحضـر يمهه وتحچيلــك = ولـوما نزفـت روحك دمهـــه
ضحي بعمرك لجل العـتره = ظـّل ضحي ولوتشرب سمهه
ضحي بنفسك لجل الهادي = ســيد كل سهل وكــــل وادي
يدعـي أعليهـــه = ويساويهــــــه
دگــت للطيــب أكبـرثايــــه
&&&&&&&
نعـزي الغايـب يمّ الطيبــه = بمصابــچ وانعـزي الدنيــــه
يـمّ عبـاس الضحه بعينــه = وزنـوده الظلــت مرميـــــــه
مفجوعـين اللــيله أنـّـادي = يالغايــب چـاويـن الجيـــــــه
يمتـه الثـار ويمته الرايـه = بچفوفــك تبقــه ومزهيـــــه
هـأي الحـره وليك تناشـد = يبنــي الثــارانـــريــدانجاهـد
تظهـر ليهـــــه = ويساويهــــــه
دگــت للطيــب أكبـرثايــــه
&&&&&&&
خادم الحسين ع الحاج ابو اياد البيجاوي

یاشمس وأم گمر   یاعطش عالنهر   یارحمه للناس
یاجفن ماغفه     یاوفه وعاطفه    یافیض الاحساس
حزينه   حزينه   ياأم ألبنين
،،،،،،،،،،،،،،
كان یاماكان في ارض المدینه
مره قطعه من الوفه البضعة نبینه
ربت اولاد اربعه للناس عینه
ختارهه حیدر أله زوجه وقرینه
من اجت للدار    نادت الكرار     یغیر أسمهه
خافن الحسنین  وزینب تهل عین  وتتذكر امهه
هذا اول وفه     منچ ابمعرفة     أسمج تغیري
ربچ الهالسبب   خله عندچ نسب   ذاتچ اتنكري
حزينه   حزينه   ياأم ألبنين
،،،،،،،،،،،،،،
هوه ثلثین الولد عالخال نسمع
أولدچ اعلى الحمزه والكرار تطلع
لو نعده بكل بطل عباس اشجع
تفاخرت باسمه خواله وصارمنبع
تكله یبني تكون   خادم وممنون     لابن الزچیه
ربك اختارك       حارس دیارك      والفاطمیه
أجر تعبي تره.     العیني الساهره      تسهر للعیال
وأجر هزالمهد  تصیرخیمه وعمد  الزینب والاطفال
حزينه   حزينه   ياأم ألبنين
،،،،،،،،،،،،،
یل نذرتي العمر اول ماأجیتي
وصرتي طوعاخادمه وشانچ علیتيً
بالیسر والعسر ویاهم بقیتي
وشیجیج من االله في حبهم رضیتي
وبشر لمن صاح   گمرهاشم طاح   وأخوانه یمه
ماتهمني اولاد   كونه سالم عاد   حسین ابو الیمه
ومن سمعتي الخبر   انكسر منج ظهر   لفراگ الحباب
الكلب كبل الجدم     صوب دار الالم    نادیتي عالباب
حزينه   حزينه   ياأم ألبنين
،،،،،،،،،،،،،،،،
لیلچ تخلصینه وي الراح منهه
كل اهلهه بالطفوف ومیته جنهه
تبچي والدمعات تمسحهه بمتنهه
وزینب الماتنوصف موهیه جنهه
النظر مفگود    وسكنه بیهه تكود      وشیب رمشه
تدعي االله بصوت   ربي كون الموت.  یحمل نعشهه
وریحت الطف بقت   بثوبهه تعلگت.  بي عطر اولادهه
تشم ریح الگمر    وعطر جف ونحر    والنوایح زادهه
حزينه   حزينه   ياأم ألبنين
،،،،،،،،،،،،،،،،
للشاعر والرادود ثامر العارضي

. . أغـفـه ويـفـززنـي الـريـح
چـن هاتف بإذني ايصيح

راحـوا بـنـيـنـچ ... لا تـغـفـه عـينچ

*---------------*---------------*

أتغمض عيوني ثواني .. وتنچوي بنسمة حنين
أگـعـد ودمعاتي تجري .. ضـيـعـت تعب السنين
والـده وفـگـدت رباهه .. سـلـوه صارالي الونين
أصـبـر شـلـون وأكـابر .. وفـارگـت أربــع بـنـيـن

أتـمـنـه يـلفـينـي الـمـوت
يـومـيـه اسـمـع هالصوت

ضـلـي بحنـينـچ

*---------------*---------------*

بدمعتي خذت استخاره .. وعـرفـت مـن الـكـتـاب
صعـبـه ترجعلي الغوالي .. هـذا مـضـمـون الجواب
يـخـلـص الليل وظـلامه .. ويـبـتـدي يـومي بعذاب
ضـيـعـت كلشي بحياتي .. ضـاعوا أولادي الشـبـاب

مـاتـنـفـع الروحي اعـذار
گـلـتـلـهـه واشــعــر بـنـار

زيـدي بـونـيـنـچ

*---------------*---------------*

عـايش بعيني ضـواهـم .. أربــعــه مـثـل الـشـمـوع
راحـوا وخـلـولـي ذكـره .. حـسرتي وجاري الدموع
أنـحـب بـكـل مـغـربـيـه .. وتـنـحـنـي مـني الضلوع
تـجـرح الـغـربـه شعوري .. وأنـتـظـر مـنـهـم رجـوع

أدري الـجـزع مـامسموح
أصـفـن واسـولـف للروح

الله يــعــيــنــچ

*---------------*---------------*

أتـسّـاون الليل ونـهـاري .. والـعـمــر كـلـه أنـتـظـار
حـفـرت الدمعـه بجفنهه .. وبـالـوجــه بــان الصفّار
لـوحـدّي أحـسـب ليالـي .. ياخـلـگ والـفــرگــه نـار
موحشه بعيني المـدينـه .. ومـظـلـمــه بـعِـز النـهـار

أتـنـطـرت ولـــدي اتـعـود
والـهـاتـف بـلـيـلـي ايـزود

يـالـحـره ويـنـچ

*---------------*---------------*

الفـارگـت شـمـل الاحبـه .. يـاصـبـر إلــهــه اليـفـيـد
السكنوا بكلبي وخـيـالي .. ســافـروا عــنــي بـعـيـد
كـلـمـة الـيُـمـه خــذوهـه .. الـچـانـت لـروحـي نشيد
شـلي بـالـدنـيـه وألـمـهـه .. مــوتــي يـاربـــي أريـــد

أمكـابر جـبـتـهـه ومـافـاد
يـادنـيــه حـزنـچ يــنـعــاد

تـجـرح سـنيـنچ

*---------------*---------------*

✍بقلم خادم ام البنين ع
الشاعر رعد الجريخي

نزله

ماعندي غيرچ بالشدد ... عـايـش بخـيـرچ للأبد

مولاتي مولاتي

*------------------*---------------*

ما أبيعن ماي وجهي ولا اجي الـكـل واحـد
أنـه بـس بـابـچ أدگـه بـهـاي ربــي الـشـاهـد
هـواي مـتـفـضـلـه علـيه وعهد هـذا مـعاهـد
أبـقـه مـنـذور الخـدمتچ رغـم انف الـحـاسد

مــا عـوفـه يـالـحـره الـعـهـد

*------------------*---------------*

اليعـقـد النـيه بـعـزائـچ والله خـايـب مـايـرد
بـچـفـه تنطينه الـيـريـده لو قره بگلبه الحمد
أنـتـي مـعـروفه وكريمه بسمچ أنـخـط المجد
خـادم وعـمـري نـذرتـه وأفـتـخـر عندچ عـبـد

حسدونـي اصحاب الـحـسـد

*------------------*---------------*

بـابـچ الحاجات يقـضـي وهـاي تعرفه البـشـر
الـيـمـد أيـده ويـدگـه ابـــد مـا خـاب وخـسـر
ألله خــلاچ الـوسـيـلـه ولـبـسـچ تـاج الـفـخـر
اتـسولـف الناس بعطـائچ والـنـعـم يـم الكـمـر

مــولاتــي هـــــذا الـمـعـتـقـد

*------------------*---------------*

الـمـايـدگ صـدره بعزائچ يمته عالصدره يـــدگ
فضـلـچ اشكبره عـلـيـه كـون اوفـيـلـچ صـــدگ
العاشگ الخدمه وشرفهه أيترجم اليوم العشگ
يـلـهـچ بـأسـمـچ لـسـانــه وگـلـبـه لجلچ يحترگ

بـأفـضـالـچ الـعــالــم شــهــد

*------------------*---------------*

أشـكـر الـبـاري بنعمته حـاضـر بـنـص الـخـدم
وسـمـتـهـه اچفوف أديه وأثر بضلوعي انرسم
قـيـمـتـي بـهاي الـمـجـالـس والله لولاهه عـدم
قـسـم بـمـصـابـچ يـحـره والگـمـر راعــي العلم

بـالـخـدمــه أوفـيـلـچ وعـــد

*------------------*---------------*

غـارگ بـخـيـرچ تـرانـي مـقـصـر واطلب عـذر
تـايــه بظلمة حـيـاتـي وأنتي صـرتـيـلـي فجر
أفـتـخـر اللطم وأخدـمچ وسّمت هـذا الـصـدر
اليـخـدم لـغـيـرچ خساره خـدمتچ بيهه افتخر

بـالـشـده صـرتـيـلـي سـنـد

*------------------*---------------*

✍بقلم خادم ام البنين ع
الشاعر رعد الجريخي

ام البنين عليها السلام
**
حلم .. ثوب اسود وموكب انضم لليمشون
حلم .. بارض البقيع واخدم عله الي يزورون
لصرخ واعلي صرختي
وبدموعي اخضب لحيتي
وبالحضره اصيح ام البنين
حلم
.......
ياربي حققلي الحلم لو تاخذ عيوني
وابقه بامل طيف اليمر ويكحل جفوني
الله لون اصحه الصبح واسمع يندهوني
يا خادم الموكب الي بالهكلمه يعنوني

امل ... لو صبه الله عله الحجر جا صار اله روحه
امل ... كلشي نخلق حلمه بدربكم ينسمع نوحه

وانه عبدكم منيتي
وبدموعي اخضب لحيتي
وبالحضره اصيح ام البنين
حلم
.....
اباب الحسين انصب عزه وبمتني زنجيلي
واندب واصيحاً خادم بهل خدمه سجليني
لا تحرميني نعمتي شما طالت سنيني
ابقى واظل بهالدرب حد ما اسد عيني


طلب ... اقصا امنياتي ونعمه من رب الخليقه
طلب .. . حتى لو حلم بعيوني احله من الحقيقه

خادم اكضي دنيتي
وبدموعي اخضب لحيتي
وبالحضره اصيح ام البنين
حلم
....
يم البنين ابجاه زينب ثگلي ميزاني
معروف اريد الكم غريب عله البشر اني
لا جاه رايد لا ملك لا اسم عنواني
خادم شما ذل بالوصف يتعاله الي شاني

نجم ... يحسدني يتمنه ابمكاني يكنس المجلس
نجم ... فوك السمه ويستمع للي بونته يهمس

ويدعي اللاهي منيتي
وبدموعي اخضب لحيتي
وبالحضره اصيح ام البنين
حلم
....
كل الاحلام الي شفت ما همني احققها
ولا همني مره ولا ردت بالدنيه واقعها
بس هالحلم بارض البقيع الرايه رافعها
ومشايه نكصد والعيون تهل مدامعها

نجي ... موكب عزاء من العراق لكبرج نزور
نجي .. انفاسنه تردد حزن وارواحنه نذور
مولاتي اقبلي زيارتي
وبدموعي اخضب لحيتي
وبالحضره اصيح ام البنين
حلم
.....
والمقتل اقره بحضرتج وحسين اندبنه
وصوت النواعي والحزن يتعاله والونه
بس مذبح حسين السبط شلون اذكرنه
وصدره نعمت عيني اعوجيه شلون داسنه

الم ... من داس فوكه الكون كله تهشم بصدره
الم ... ياريت صدري اخيولها داسه انسمع كسره

وبالاه اعلي ونتي
وبدموعي اخضب لحيتي
وبالحضره اصيح ام البنين
حلم
......


حيدر عيسى البديري

#من_مولاتي_ام_البنين_الى_حبيبها_الحسين_ع
#بروحها_ذاهبه_الى_مولاها


عطشانه عليك وجيت متعوبه
لمفارك محب يتعنه محبوبه
من يوم الرحت بالضعن راح الحيل
وبداء العشك يوليدي مصيوبه

جرني هيامي حُسين
امشي لأمامي حُسين
ولهانه روحي عليك
گالولي ضامي حُسين

سيدي يا سيدي بيك انه من ابتدي
لأخر خيام العطش ما تنتهي سرمدي

قصة غرام وحنين يا مولى ام البنين
روح النبي وعلي يا حُسيناً يا حُسين
____

يا يمه العطش غيرلك ارسومك
ذبلان وانشدك شنهي اعلومك
خربانه كشختك منطرح متعوب
ضايع خنصرك ومسلبه اهدومك

من جيت اشوفك حُسين
ما بيه اعوفك حُسين
وشفت إلي صاير حرام
خيل لتطوفك حُسين

متربه انضر لحيتك ونايم بلا عمامتك
من عگب ذاك الجمال خيل الكفر سحگتك

مسبل عيونك رمح غير حلاتك ذبح
لونك صبح منخطف وجه الله وينه السمح
____

يالمعودني تضحك من تلاگيني
وينه مبسمك يحسين حاچيني
مولاي وچنت من اعتنيك تگوم
شگد عدك هلا ويمه تسميني

امك اجتك حُسين
گوم اعله بختك حُسين
حرمه وچبيره اعتنيت
يوليدي صحتك حُسين

بحر الشمس يالشهم من الهوه تنلچم
وين الضعن والدلال وين الگمر والزلم

يچوي الرمل بالظهر وانت الظهر منكسر
طر البگلبك شفت ما ظن بعد ينجبر
____

سولفلي الگمر شمرها ذرعانه
لو روح اعتنيله وانه زعلانه
وحرم كل حلال الدر عليه يحسين
وإذا راضي اضلن يمك هنانه

موش اعله ابني حُسين
يل تمتلكني حُسين
متعنيه اشوفك ونوح
انت التهمني حُسين

وصيته يوم الطفوف ترتجف منه الصفوف
وي إخوته ينذبح ضامي ويذب الجفوف

علمته أبني الأبي سيدي يندهك وابي
بس كتله لمن تموت اصرخ حُسيناً اخي
____

ادري بجرحك السلبوهن وراحن
لبسترك أميرات الخلك ناحن
ادري لجمتك زينب تنادي اعليك
ومن عالنوك يحسين الحرم صاحن

ادري برقيه حُسين
راحت سبيه حُسين
لجانت عزيزه بحماك
نجتفت خطيه حُسين

والحرم راحن سبي بسد العليل وعبي
والشمر يحدي الضعن وي الخدر الاجنبي

مو زينبك تنضرب لو تحدي بيهه الغرب
يا وسفه ذاك الزمن هسه الزمن منگلب
_

حسين سعد البهادلي

ام البنين عليها السلام


اسمي غير ياعلي عنوانه
خايفه يألم الحسن واخوانه

~
1
غير اسمي يا امير المؤمنين
الحسن خاف اتفز جروحه والحسين
كلشي لا وكَليبهم يصبح حزين
كَلبي وياهم تهيج احزانه

~
2
خايفه يرجعهم الذاك الزمن
وترد زينب تذكر ايام المحن
شلون من كسّروا ضلع ام الحسن
ودارها الطاهر علت نيرانه

~ 
3
طلب ثاني عندي منك يالامير
خادمه لزينب يحيدر بالكي اصير
ولّي يخدم عيلتك حظه جبير
يدخله بارينه لاعز اجنانه

~
4
خادمة ابيت الوحي وبيت الرسول
وتبجي عيني منذكر الزهره البتول
وتعلم ابخالقنه يافحل الفحول
اليخدم ال النبي يعظم شانه 

~
5
اليوم روحي ياعلي متألمة
شفت سجادة الزهره فاطمة
بيها من جرح الصدر قطره دمه
لو هوة عالكون تمحي اركانه

~
6
فاطمة متألمه من كسر الضلع
ياعلي الكَيت عله تربتها دمع
حكها من كثر المصايب تنفجع 
الدهر كل ساعه بجمر خلانه 
~

#الشاعر_مصطفى_الشافعي

أم البنين = كلچ حنيـن
ياحـره وفيتي = لحسين ضحيتي
قدمتي ليه الاربعه
&&&&&
يم البـنيـن المـابچـت عـالـعـبـاس = خـافـت على صدر الحسين وينداس
ماتـدري بيـه اسـوته هاي الناس = داسـت عليـه ولارعـت أي أحساس
ظلـت تحـوم = تعثـر تگــوم
يامسنـدي وبيتي = لحسين ضحيتي
قدمتي ليه الاربعه
&&&&&
ياهـو اللي مثلچ يروحلهه رجـال = عبـاس عودچ ويـه أخـوته الابطال
فوگ النجم راسچ ابوفاضل شال = وفـه الشفيـه ومابطـل عزمه ومـال
شهـم ورحيــم = بحبهـم يهيـم
والنعـم ربيتي = لحسين ضحيتي
قدمتي ليه الاربعه
&&&&&
إنـتي الوفـه منـچ تعلملـه أدروس = ولجلچ تظل طول العمر تحني الروس
فوگ الجمرعندچ زلم گام ادوس = وجَرعت عـدوهه حنظل أو مرالكوس
نعـم الرجـال = بيـوم النزال
انتي اللي باريتي = لحسين ضحيتي
قدمتي ليه الاربعه
&&&&&
عشتي العمـر ويه الولي بالطاعه = بيـوم العرس رانتي عرفتي اطباعــه
أسمچ يحـره من بعـد مـاذاعـــه = ولايـوم أخرتي ألأمــرلـو سـاعــــــه
كلچ وفـاء = غيـره أو عطـاء
مـأيـوم رديتي = لحسين ضحيتي
قدمتي ليه الاربعه
&&&&&
يومن أبن حذلم أجـه حار أوتاه = يـدري أربعـه راحوا الچ كلهم جـــاه
عفتيهـم وگلتـي أبهظم وابويـلاه = لمـن سمعتي حســـين هـو الينعـــــاه
مصابچ عظيم = حيـل أو أليــم
للارض وطيتي = لحسين ضحيتي
قدمتي ليه الاربعه
&&&&&&
لام الحزن زينب مشيتي أتنوحين= فـد صـوت صحتـت ياحبيبي يحسين
عباس وينه تصيح زينب تبچيــن = خـافـن يحـره قصـرواعن الــــزيــن
شوفي الچفوف = بيوم الطفوف
للموت رسميتي = لحسين ضحيتي
قدمتي ليه الاربعه
&&&&&
نسألكم الدعاء
خاد الحسين ع
الحاج ابو البيجاوي

مـاخـاب اليــنــدبـچ يــاأم الـبـنيــن
&&&&&
يـاأصـل كـل الـوفـه= بحبـچ نشوف الشـفـه= اسمچ اصبح معرفـه= بگلبي هو ينطبــع
جبتي لحسين الابـه= بحضنچ نشوفه ربــه= خـادم الاهـل العبـــه= ثـابـت ومـاينشـلع
ماقبلتي اسمچ يجي= وينسمع هـذا الحچـي= خـافن يصيرالبچــي =عالجفن فيض الدمع
ويصــير الانــيــن = مـاخـاب اليــنــدبـچ= يــاأم الـبـنيــن
&&&&&
حيـدرأخـتارچ الــه= أنتي صرتي من هله= والاسم منچ علـــــه =انتي باب اليندبوچ
حره واقمارچ وفوا =كلشي همـه قــدمــوا= لـلـنجم بيهه عـلـــوا= عـد ابواليمه وفوچ
عدهم الشيمه علت = روس الـهـم مـاحنت= فدوه للحره مشـــت = وبدماهم عاهـدوچ
ويـم الحـســـــــــين = مـاخـاب اليــنــدبـچ = يــاأم الـبـنيــن
&&&&&
كـرّمـچ رب العُـلــه= اصبح اسمچ منـزله= كـلهه هي اتـرتـلـــه= وبابچ اليوصل يدگ
الحاجه يمچ تنگظي= واليـنـدبچ ينــرضي =خلگچ اشكبره فضي= عطر صبرچ ينشهگ
حبچ حسين وحسـن= لزينب الحره وطـن= والحضن يوم المحن = والجفن مـاينطبــــگ
مـاتـبـخليـــــــــــــــن =مـاخـاب اليــنــدبـچ= يــاأم الـبـنيــن
&&&&&
شيعتچ يمچ تحــــن= واللـه مولاتي تــون = گلوب من عدهه تعن= والدمع منهم نـــزل
ابـابچ الحاجه نخت= هـاي شيعتكم اجـت= وهي بعتأبچ بچـــــت= وجابوا وياهم أهــل
كل مشاكلنه عضال ٤ مـاتـردينه مـحـــال= يـاكـريـمه بـالخصال= كـلهه يمـچ تنخـزل
مـــاتــقـصـــريــــن = مـاخـاب اليــنــدبـچ= يــاأم الـبـنيــن
&&&&&
وسفه يـاأم الخــــدر = الـچ مـاشـفنـه گبــر = بـي منـايـرتـنتــشــــر = گـبـرچ ويـه الگـاع
يومن نجي ونـزور= ويمـچ انحل النـذور =وعالگبر احـنه نــدور =نشتكي من الضياع
تساوه گبرچ بالارض= مـادروا انتي فرض= لـلـه حبچ ينعـــــرض= انتي كريمه اطباع
مــن تحضــريـــن= مـاخـاب اليــنــدبـچ= يــاأم الـبـنيــن
&&&&&
بـاچـر المهدي ايحضر = وصوبچ يصد النظر =يبنـي گـبتـچ بـالاثــر= ويمـچ احنه نعتنـي
مايــظــل كـل ناصبي= مـن يجي ابـن النـبي= بسيفـه هـو ينســــبي= والـگـبر مـن ينـبني
والامـر بيهـم نــــــزل= قــرره خيـر العمـل= لابـعـد مـاكـو زعـل= وكل أثرهم ينفنـــي
واحنه ماشيــــــــن = مـاخـاب اليــنــدبـچ= يــاأم الـبـنيــن
&&&&&
نسألكم الدعاء
خادم الحسين ع
الحاج ابو اياد البيجاوي

لأم البنين ع
....
المستهل
......
أم البنين الطيبين .... لزيارتچ مشتاگين
بس ننخاچ يم البنين
.......
أم البنين أم الوفه ... طيبة كرم معروفه
أربعه كرمتهم سوه ... وعباس ويه أچفوفه
مابخل چفه اعله العطه ... بالعازه كلنه أنشوفه
ياللي بچت بس لحسين ... لزيارتچ مشتاگين
بس ننخاچ يم البنين
.......
ياللي سخائچ منوجد ... يفيض الكرم بچفوفچ
عالناس صار بكل وكت ... يافاطمه معروفچ
للمحوج اعيونچ تصد ... تشوفه گبل ميشوفچ
أحنّينّه وعلينه اتجودين ... لزيارتچ مشتاگن
بس ننخاچ يم البنين
......
اليوگع بشده ينتخي ... يرفع أديه يتوسل
للباري بسمچ لو ندب ... كل معظله تتسهل
مقضيه حاجات ألطلب ... والمشكله هم تنحل
شفنه عطائچ بالعين ... لزيارتچ مشتاگين
بس ننخاچ يم البنين
......
ألله جعل بيچ ألامل ... اليشكي الالم يتعافه
والذي بي علّه بعد ... من علّته يتشافه
هاي الكرامه أتلوگ ألچ ... ألله اليمن بلطافه
لأ ولله لا متقصرين .. لزيارتچ مشتاگين
بس ننخاچ يم البنين
........
بدار الامامه اللي حوّه ... حسين وحسن والحُره
أفديكم بكل العمر ... تناديهم بكل مره
من حيدره خذتي الحلم ... وخذتي بعد من صبره
مثل أمهم أنتي اتصيرين ... لزيارتچ مشتاگين
بس ننخاچ يم البنين
.......
ربيتي وتعبتي اشكثر ... وخدمتي بيت الزهره
وصيتي عباس الشهم .. لحسين يفدي عمره
چفوفك وعينك للاخو .. فدوه أريد اتنصره
شبول اربعتهم تفدين ... لزيارتچ مشتاگين
بس ننخاچ يم البنين
...
عاهدتي وفيتي العهد ... نعم وكفو يم عباس
لمن فديتي الاربعه... أتباهيتي مابين الناس
والمنزله امن الله الچ ... خلاچ مرفوعة راس
بالعهد أنتي اتوفين ... لزيارتچ مشتاگين
بس ننخاچ يم البنين
......
يامره المثلچ بالفضل ... وعدها كرامه وشاره
بأم البنين الينتخي ... منها يحصل ابشاره
جاهچ شكبره من صبح ... ذاعت الدنيه اخباره
للمعوز أنتي اتكرمين ... لزيارتچ مشتاگين
بس ننخاچ يم البنين
........
يم البنين النه طلب ... عدنه حوايج كثره
تگظيهن النه أو بالعجل ... أنمشي عليچ الزهره
ما بينه حيل الهل الوكت ... والدنيه صارت مره
بحالتنه أنتي تدرين ... لزيارتچ مشتاگين
بس ننخاچ يم البنين
.....
دنيانه صارت ليوره ... تمشي وتآذي الاطياب
مابين ناس ابلا رحم ... طبگت علينه ألأنياب
ننخاچ بچفوف الگمر ... ونحلفچ بداحي الباب
بالعطف النه تنظرين ... لزيارتچ مشتاگين
....
سيد عدنان الحمامي

.....
لأام البنين ع
......
المستهل
........
أُطلب أمن ألبنين ... هاي أم گلب الحنين
تاخذ المنها تريده والها أقره الفاتحه
.........
أقره فاتحتة ألكتاب ... تفتح الكل شده باب
شلون لو قرآن تقراه كله ألها
تنفتح باب السماء ... الك وتلبي النداء
المشكله أشما كبرت بلحظه تحلها
تقرّبه العنك بعيد
بالعطه چفها يزيد
منها أطلب ماتريد
أيلين ألك حتى الحديد
الله خصها بهل المقام ... باب حاجه للانام
لو دعه الداعي باسمها الدعوه هاذي مربحه
.......
هالكرم ماله حدود ... زمزم ويروي الوجود
غيث تمطرله الذي من عدها رايد
خالده بكل العصور .. الكرم وياها يدور
هيه من تنطي بعد تنطينه زايد
أمقدره عند الجليل
جبل لو همك تزيل
وحق عيسى والخليل
أبد ماتنطي القليل
حيرت كل العقول ... أعزيزة الزهره البتول
مايخيب الرجه بيها وبالمكارم راجحه
........
أربعه كرمت فداء ... للأخو لبوا نداء
بروحها تضحي لونها أيصح بديها
وصت ألاخوه عليه ... بطاعته مابين أديه
گالت العباس روحك تفتديها
سوي رهبه بكربله
صير بيهم زلزله
النهر يمه اتوصله
ضحي بچفوفك اله
يبني زودك خل أشوف ... أفدي عينك والچفوف
مثل حملة علي بسيفك خل تنوح النايحه
....
روحي من ألها فداء ... اهوايه تجزل بالعطاء
بالعسر كلمن نخاها ماترده
لوردت منها مراد ... منك أتسر الفؤاد
واليمد أيده ترد متروسه يده
لأيدك الحاجه تصل
تنطي أبدن ماتمل
كل طلب عدها سهل
للمشاكل هم تحل
عالبعد الها تزور ... الك توفيها النذور
هاالتشوف الناس منها تطلب ابلا مستحه
....
بيها يتباها الزمان ... ألها شاره بكل مكان
لامره بهذا كرمها أيصح مثلها
عجبّت بالفضل ناس ... بالوصف ماله قياس
هالكرامه أمن الله ماواحد وصلها
جود أبد ماينوصف
كرم نهره مايجف حه
كلنه منه نرتشف
بهذا لا مانختلف
ألله سره ودعه ... بفاتحه وتقره الدعه
دعوة ام عباس رحمه اليدعي بيها اتربحه
........
أبد ماتبخل عليك ... بشده لوطايح تجيك
شگد معاجز منها شفناها الحبيبه
بيك لوجار الزمان ... بالگلب مو باللسان
أطلب أمن الله بسم هاي النجيبه
تشوفها بكل الشدد
حاجتك تاخذ بعد
أبد ماتبخل أبد
حُره وتوفي الوعد
لوردت هيه طبيب ... أعتقد لا ماتخيب
كل جرح يشفه بأسمها وهاي شاره واضحه
...
سيد عدنان الحمامي

يالمــوزعه بــثوابي أربــع ميامين ألـج ديــن بركــبتي بذمـتي جفـين
وعـد يالخادمه الساده أرجــــع فضلج زياده
--------------------------------------------
1= حـنـيـنج مـــو وهــم ماتــنـــتهي أيـــامه
نــومـســتي الخــدم من صرتي خدامه
عــشتي أكـــبال ولــدي أمدنكه الهامه
وحــنيـــنج لـــــزم راسج لبسه عمامه
---------------------------------------
يالمطعمه الحجي بالورد والهيل بكــترج لــــو سهرتي يسهــــر الـيل
ياموجبــتني بالقاده أرجــــع فـــضلج زياده
***************************************************
2= بخــيــته أنــه وحضيـت بمثــلــج البـيتي
أصيله ويالمحـــنــــتج جـــنها حـنـــيتي
ألـــف تــــذكار يــــم عـــــباس خليـتي
بكـلب حسيـــــن يـــــوم الداري طبيتي
----------------------------------------
تجودين بحروف حسين تجويد غــيرك لو جبل من ذهب ماريد
صار ذراعج وساده أرجع فـــــضلج زياده



3= أجـي بيوم القــيامـه بطبـق من عـيني
أطالب بالجفـــوف الحـامـت حسيني
الكطع جفـــين أبــــنج كـــطع جفيني
أعوض الكفـــل زينب بيش شوفيني
--------------------------------------
يناديني العلي الزهره شــتطلبـين يستاهــــل أنــــادي الكــمر جنحين
ياخذ كلبج مراده أرجـــع فضلج زياده
************************************************
4= أنه الـباجيلي دمـعـه أنطـــيه نهر جاري
وأنتي أقـــمارج مضـحيـــتها الأقـماري
ألــج مجلـس أقــــيمـــــنه بوسط داري
عله مــودج والقـــصـايد كلهن أشعاري
---------------------------------------
أحضر أولادي بالمجلس يالطمون مثل مانحـــتي بالـــــفركه يــنوحون
أسويه مجلسج عاده أرجـــــع فضلج زياده






5= يأم العــلــكــمي الضل يـــشرب بــــمايه
سلام الله على العـــــــــــباس والرايه
الحجــي يمـشط عله أسمج شافج مرايه
الناس حـجايه وأنـــــتي بوحدج حجايه
------------------------------------
علــــيج توكلت ناس اليخــــدمون صرتي أم الــكـــمر وأم اليحـــبون
يالبسمج علــي ناده أرجع فـــــضلج زياده
************************************************
الخادم عبد الجليل المالكي

صدك ماأدري حلمانه دخـلت الـدار خــجلانه
أول مـــاشفــــت زيــــنب الحره
أسألتها عالجره الفاطمه الزهره
*********************
1= أول مـادخــــلت البــيت أمـــشي مهـبطه الهامه
أفـكر بالعـــزيز حسيــن شــلــون أتــمشه كدامه
زينب نادت أنتي أم بيت صحــــت لا أنـــه خدامه
ومن باجر أغـير أسمي عـــــــــــن لا جدد ألامه
------------------------------------------
أنعم الله عليكم بنصكم أكــــعــد يمه وخــدمكم
عين أمج صدك يايــــمه حمره
أسألتها عالجره الفاطمه الزهره
***************************************
2= نادتـني تعـالــي وياي ودخـلنه الحجـرة الزهــره
كعدنه نسولف وزينب حسره تـــجر وره حسره
هــنا جانت تصلي أهنا وتحمد ربها وتــــــشكره
وهنانه تكعــــد حسين وقـــــرأن الـــــفجر تقره
---------------------------------------------------
جانت تــكعـــد كبالي هـسه مـــجانها خالي
دكـلــيلي ضلعها ويـــــن كسره
أسألتها عالجره الفاطمه الزهره
3= مشــينه أثــنينه للـــباب لــكيــت أثــــار دم جامد
صاحت شوفي دم أمي بعــــــده بدارنه كاعـــد
هــنا يـــــم البنين أهنا يدفـــع فـــــاطمه الحاقد
أنضري بابنه المحروك صار أعلــه الحرك شاهد
---------------------------------------------------
أمي من عمت عيني نادت فضه سنديني
عمه عـيوني الدخان ونار كبره
أسألتها عالجره الفاطمه الزهره
***************************************
4= سكتت من خنكها الباب الحــرك كـليلي شــيسكته
خـنكت بيتــنه النيران ومحسن عالجـمــر نبته
أرفعنه رحتله أركـاض أمـــــــن الدخان ما شفته
ييمه وثالث الخــــوان صعبه هــــــواي سالفته
----------------------------------------------------
سمعت ضلوعه تتكسر شفتها أوصاله تـتطشر
والنيران سحكت فـــــوك صدره
أسألتها عالجره الفاطمه الزهره




5= مـــرت بــينه 6 أشهر وعاشت أمي مقهــــوره
بشيلتها تغـــطي العـين عـــين الزهره مسطوره
وباليله وجعــــها أشتد ضلوع الــورده مكسوره
بحجرتها قــــرت قرأن وماتت أمـــــنه عالسوره
----------------------------------------------------
راحت ونكــــطع ونـــها حيدر بــــيده كفـــنها
خذه جناتها بس مكسور ضهره
أسألتها عالجره الفاطمه الزهره
****************************************
الخادم عبد الجليل المالكي

#قصائد_ام_البنين_ع_ع1440


وفاة ام البنين
.
.
.

كربـله عـنـي بعــيده .. وگبري يم گبره اريده
حـيره والله حيرتي
من يوصل اجنازتي
يم الحسين



گـلبــي حطـيـتـه اعلـه دربـه دگـه تـتبـع دگـه
وبخيالي اگطع لي ديره الشخصه حتى اتلگه
المـوت اجـاني ومـاجاني البـيه عـايش شهگه
الفـرگه تكــتل والـيمـوت امـن المــفارگ حگه

بلكت ايسمعوني ناسي .. وياخذوني التاج راسي
رايده احچي قصتي
مـن يـوصل اجنازتي
يم الحسين



ابليل هـجر حسين عـيني للصبح مـفتوحه
اعليه احسها ازغيره كلش كلمة المجروحه
البِـگلبه اجروح فـرگـه ماتطــيب اجـروحه
المنتـظر مـثل ابـو اليمه حـقـه تطلع روحه

ياهو احشمه وياهو اصيحه .. حتى يدفنـي ابضريحه
عگب ولدي وعزوتي
من يوصـل اجنازتي
يم الحسين



الكربله كـل امنياتي اجـنازتي ايوصـلونها
وكـون بــين الحــرمين الـوادم ايـنزلـونها
بالشــمس تبــقه ثــلاث ايــام ميــشلـونها
بلكت ايصير ازدحام وجثتي ايسحگونها

بلكي احس بالام صدره .. الَهـشمتها اخيول عشره
جاي احچي ابحسرتي
من يــوصـل اجـنازتي
يم الحسين



نعشي عالـشــباچ يفـتر هـاي ويـن الگـاها
والله گــلـب ام البنــين اشـكـثر يـتمــناها
والصــلاة اعلــه الجنازه هــوه لـو صـلاها
باچر اعله الموته اني ابـها الصلاة اتـباها

مـن يگـول الله اكـبر .. جلدي وانه احچيها كزبر
ادعي وابچي ابدعوتي
مـن يـوصـل اجــنازتي
يم الحسين



يـامــن اتشيــعون نعـــش ام البــنيـن ابلــوعه
علـى بــاب القــبــله صيـحو وصلت المـفـجوعه
ادري من يسمعني اجيت ابساع تجري ادموعه
لايــدنــگ عــالجــنازه امــكــســرات اضــلــوعه

مـن كـثر خـيل العساكر .. طشرت صدره الحوافر
على هايـه لــوعـتي
من يوصل اجنازتي
يم الحسين

_

ارد انــاشــدكـــم يشــيعه بدمعــتي والـوَنه
ابكـربلاء ايـصــير گــبـــره مــنو مـــايتــمنه
شرد اگول اعله الحسين وشرد اسولف عنه
انـه احــس ابصحنه جــنه واحله من الجنه

انـدفن بالجــنه يــاريت .. ابصحن ابو اليمه تمنيت
الهذي تجري دمعتي
من يوصل اجنازتي
يم الحسين

تمت والحمد لله
حيدر تركي الكربلائي