#الليالي_الفاطمية

خلص دفنچ ييمى وما خلص ليلي
يگلي إحسينچ ابدال امي لوليلي
عذاب .. أول ليلة بغيابــــــــــــچ
عذاب .. خلصت گاعده ابابچ
خلص ليلي

يگولون .. أول ليلة تذبح للمشت أمها . مشت أمها
يگولون .. تحظن شيلة وي شيلة او تجي اتشمها . تجي اتشمها

تنام ابعتبة الدار او تناديها
تدور ريحة امها او تعتني ليها
تعالي يمى يا يمى تگضيها
تنوح او تقتنع ترجع تتانيها

نمت ساعة عله الباب او حلمت آنه
تگليلي عليمن چنتي سهــــــــــرانه
عليچ .. ما نام اذكر امصابـــــــچ
عذاب .. خلصت گاعده ابابچ
خلص ليلي
_______________
متت حيل .. أول ليلة بفراگچ گضت ونه . گضت ونه
انه إحسين .. حرت شلون اللوليلة او أنومنه . أنومنه

يگلي چانت امي اهنا تلوليلي
ابحظنها اغفه او أشوف أمي تهفيلي
يزينب بس حصيرة أمي فرشيلي
أريد اغفه اعله ريحتها تعاليلي

تعاي اهنا يخويه او شمي ريحتها
ابقميصي آنه أشوفن لسه بوستها
جفوچ .. زينب هالمسه احبابچ
عذاب .. خلصت گاعده ابابچ
خلص ليلي
_______________
يجي الليل .. يمى او نلتم ابدارچ سوى كلنه . سوى كلنه
او علي ايگوم .. ابلهفه فاطمة ادريتي يقبلنه . يقبلنه

الحسن يصرخ يبويه الأمنه ودينه
فقط بس ليلة يم گبر امنه خلينه
نحاچيها علي او بلكت تحاچينه
إذا شمت عطرنه امي تناديـــنه

گبر أمنه يحيدر فدوه خنزوره
إذا مترد علينة الزهره معذورة
نصيح .. إلمن حاظنه اترابچ
عذاب .. خلصت گاعده ابابچ
خلص ليلي
________________
انه ازغير .. عمري اعله اليتم يمى تعرفيني . تعرفيني
ينامون .. لبگد عمري وآنه الما غفت عيني . غفت عيني

گمت أحظن انه إحسين او أشم عطره
واشمن بي عطر روحچ عله الفطـــــــره
شفت يا فاطمة بوساتچ ابنحــــــــــــره
او علگ منچ شفت شديتي ابصـــــــدره

حظنته آنه او يگلي أمي گالتلـــــي
ترى طفك قريب او خيمة رسمتلي
تگول .. بالطف يجرح اعتابچ
عذاب .. خلصت گاعده ابابچ
خلص ليلي
_________________
عله الماي .. إحسينچ چم حلم گلي يذبحونه . يذبحونه
وعله الگاع .. جسمي ابكربله گلي يطشرونه . يطشرونه

يگول الزهرة گالتلي تشوفيني
يزينب عاري عالغبرة او تغطيني
الصدر متغطي بسهامه او تشبگيني
يخويه او ليلة الحادي تدوريني

عله الناگه تروحين او بلا حامي
ويضربونچ يزينب صعبة گدامي
سياط .. تطبع خويه بثيابچ
عذاب .. خلصت گاعده ابابچ
خلص ليلي

حيدر الحلفي

#تراث

ياحيدر اباب الدار تسمع صرختي ووني
ماتنهض تحامـيني شنهو العوگك عني
ــــــــــــــــــــــــــــــــــــــ
انت الـما تهاب الـموت وحروبك فلا تنعد
وبيك اهل السما تدري وكل اهل الارض تشهد
خصمك يوصل لداري وبوجودك يدوس الحد

يضرم على الباب النار
وانت تشوف يا كرار
جدامك يحامـي الـجار

بين الـباب والحايط گام النذل يعصرني
ــــــــــــــــــــــــــــــــــــــ
عـصرني وهشم ضلوعي وصدري انعاب بالبسمار
محسن سقط من عندي وانه اصرخ ابباب الدار
دمي مـن الضلع يجري دمعي على اولدي عبار

اصيحن والدمع سجاب
يفضه الصدر مني انعاب
مـحسن سقط يـم الـبـاب

گوميلي يفضة بساع عن الگاع شيلي ابني
ــــــــــــــــــــــــــــــــــــــ
عدمـن اشـتجي حالي وهضمي الي جرى عليه
ضلعي الي گطع حيلي ودمي اليكت جاريه
ماني وديـعة الـهادي وانت تكفلت بيه

جدامك يضربـوني
حتى اسودن متوني
وما تنهض تگف دوني
وانه عليك ادير العين جا شنهو العذر مني
ــــــــــــــــــــــــــــــــــــــ
الوجن من الم صدري وبيدي لازمه ضلوعي
واعاين محسن بعيني وتجري لمحسن دموعي
وانت بصارك مجتف ولا تنهض ترد روعي

دمي يسيل من صدري
ودمعي من الهضم يجري
وانـت يصير مـا تدري

هذا صواب البصدري ورضات الضلع ذني
ــــــــــــــــــــــــــــــــــــــ
غصبوا فـدك من عندي بوجودك وهضموني
وليهم رحت للمسجد اطالبهم وطردوني
حتى من البجى بداري على المختار منعوني

هذي هـضمـتي وذلي
صبري عليهن تگلي
والله الموت اهون لي

ولا ذل من بعد عزي وسوط العبد يضربني
ــــــــــــــــــــــــــــــــــــــ
اذلن من بعد عزي وانت الي تعز الجار
تجري دموع ويلادي ودموعي تهل اعبار
للمسجد طلعت وياك من گادوك يا كرار

يسيل من الضلع دمي
واگومن واگع من همي
اصيحن خلـوا بـن عـمـي

جدامك يرد لـيه وعـلـى العين يسطرني
ــــــــــــــــــــــــــــــــــــــ
گالـو تون ليل نـهار واحنا لصوتها نسمع
لوعن الـمدينة تشيل لومن نوحها تهجع
گمت اخذ حسن وحسين بيدي وللبقيع اطلع

اتفيه بذره الشجره
واجري على النبي العبره
من ضلعي ومــن كــسـره

طلعوا قطعوا الشجرة جي لنها تظللني
ــــــــــــــــــــــــــــــــــــــ
روحي من الهضم خلصت وعمري اليوم تاليه
اريد الـحگ بابويه اليوم واحجي له شجرى عليه
لاجني اريد اوصيك يابا الحسن بوصية

عـدوانـك الـهـضـموني
ماريدن يحضروني
ولــگبري يشيعونـي

غسلني بظلام اللـيل يا كرار وادفني

*الشاعر السيد عبد الحسين الشرع*

#اللهم_عجل_لوليك_الفرج

ماتت امي بحضني هاي الليله
وعلي جبرائيل اجه اليتجيله
الكون يبجي الهل رزيه
ماتت الزهره الزجيه
وعلي جبرائيل اجه يتجيله
________
اعثر بدمعاتي لا مو بالهدم
بقن بس اهدومج وبيهن اشم
الحزن رافكني بغيابج جا شهم
الدفعوا الباب اعله فاطم مو زلم
نامت وشبكت اديه
ماتت الزهره الزجيه
وشفت حيدر يمي بايد حيله
علي جبرائيل اجه يتجيله
_______
يمه بعدج فاركتني العافيه
بحضني ميته واني اكولن غافيه
ميته وجفوفج بعدهن دافيه
ابجي بس دمعاتي ماضن كافيه
وصحت حماي الحميه
ماتت الزهره الزجيه
امصابج الكعبه بالم تبجيله
وعلي جبرائيل اجه تجيله
_______
سولفت وي روحي عن كل الجره
اكو بعدج فاطمه تخلف مره
وسفه اشوفه اكبالي ذابل حيدره
نار دمعاته وچون حتى الثره
الروحي حشمت المنيه
ماتت الزهره الزجيه
الجدي راح امشي ابهضم احجيله
وعلي جبرائيل اجه يتجيله
______

رمح فركاج وثلم راك الچبد
انتي اول فاطمه يشيعج ورد
كون انام اوياج يمه بفد لحد
حتى اغطيج بدليلي امنالبرد
ومحد يبعدج عليه
ماتت الزهره الزجيه
وابقه ابوسج واشم عطر الشيله
وعلي جبرائيل اجه تجيله
____
///علي ياسين اللامي

ظمت الزهره ألمها
تغطي سطرتها وتظمها
لو يمر حيدره يمها

اتظمه عالمرتضه حيدر… لايشوف الجفن احمر..

حيدر….. حيدر

///////////

إتكله عمري ماظميت…... عنك يا علي وداريت
.. هل مره الاظمه

اظم إعليك خد مسطور…. واظم عنك ضلع مكسور..

.ماتكدر تلمه

اخاف اعليك يابو حسين… اظم جف انطبع عالعين

الدلالك يلجمه

اخاف تموت لو شفته… حنانك ياعلي اعرفته

ماتكدر تلزمه


علي من تسمع ونيني
تموت والسطره اعله عيني
احط جفي من تجيني

خلي بيّه الجمر يسعر…. لايشوف الجفن احمر


حيدر………… .حيدر

///////////////////////

شكثر هل سطره تجرحني… اظمها عليك سامحني

.. كالتله الزجيه

خاف انموت انه وياك… منهو الزينب ابلياك..

.. لو ونت عليّه


وراها احزان يابو احزان… وراها المنذبح عطشان

. وراها الغاضريه

مثل ضلعي تطك ضلوع…. واخ إعلَه العقيله تلوع.

. لو راحت سبيه


كَلي اسمعي يالحنينه
الهادي من دم تجري عينه
حسين كال إمصَوبينه

ضلعه وي ضلعي إيتكسر… لايشوف الجفن احمر

حيدر….. حيدر

//////////////////

اليضم عن صاحبه خوان… وابد ما ينحسب انسان

.. مايشفعله عذره

لكن يا علي مرات اليظم عن صاحبه حسرات

.. لو خافيله سطره

هو يا علي معذور…. الظم عنك ضلع مكسور

.. ماتحسبها غدره

لان مابين نار ونار… بينك بين حرك الدار

.. جوه ضلوعي جمره


كَلها تتعذرين مني
زاد يم حسين وني
قطعه مني صار همي

عمري بعدج ريته يكصر.… لايشوف الجفن احمر

حيدر……… حيدر

///////////////
بين العتبه بين الباب….. حيدر عنده جم مصاب

. عالزهره حنينه

المحسن رايده للطف… ..ودمعه اعليه ماينشف

. ويضل بونينه

المحسن لون مامعصور. جا عبد الله مامغدور

. وما كَِصرت سنينَنه

ياباب المصايب هاي…. منها اخيامنه ابلا ماي

.. ومنها الهم يجينه


الزهره من سيطرة جفنها
يبدي جم. مصاب منها
اتخلي زينب عالي ونها

للمصايب هيه مصدر… لايشوف الجفن احمر

.. حيدر….. حيدر

//////////////
الزهره ترفع الجفين… تغطي بيهن الخدين

.. لو حيدر يمرها

ماظمت عليه كلشي… يحس بيها علي ويمشي

.. ويلجمه السطرها

عله ام المحنه ايون… .شلون ولو عليها ايحن

.. لو حطها ابكَبرها

بلوعه وهم علي اتغطيت… وكال اشلون ارد للبيت

.. وما اشتم عطرها


عندي ام حسين روحي
وبده من فركتها نوحي
وفاطمه اغمج جروحي

ما اظن عل فركه اكدر… لايشوف الجفن احمر


… حيدر…… حيدر

////////////////


نسالكم الدعاء
احمد الطيب الحلي

3… .12…… 2020

شوط كربلائي
لأستشهاد الزهراء (عليها السلام)

الــدافــع بــاب عـالــزهــراء بــاجــر يــدفـع الْــديّــه
والـْـلــم الـحــطـب بـــالـبـاب جــهـنـم هــذا تــالــيّـه

لــمـن يــظــهــر الـقـائــم واحــد واحــد يـحــاســب
الا يــا أيـهــا الــعـالــم بـثــار الـمـحـسـن ايــطـالــب
مـثل عباس وكت الضيـچ يـصعد فـوك كـل شــارب
وبـزرة قـنـفـذ المـلـعـون
مـن خزراتـه يـحتـرگـون
رد الهـم علـي يشـوفـون
وذو الـفــقــار بـچـفــوفــه ويــنـه الــگـال شـعـلـيـه
______1__________________

بـاجـر كــل شـخــص داْفــع عـــن الـدافِــع الــزهـره
يـحـط راسـه بـحـلـك تـنـور حـد ماتـخمد الـجـمـره
والـمـا قــانــع الــزهــراء خـلــف الــبـاب منـعـصــره
هــذا يشـبه الـمـسـمـار
ذاك الـكـاســر الـمـختار
مــايـدري البشـر خـطار
وبـاجـر مـحـكـمـه عـُظـمـى وهـاي الـدنيـا مگـضـيه
______2__________________

الـسـقـيـفـه والـقِـبـل بـيـهـم بـاجـر يـنـحـشـر اعمـه
لا يتعـجـب امـن ايـطـيح راسـه مـن قـبـل جـسـمـه
الــخـانــو حـــيــدر الــكــرار مـــابــيـهـم ولا زلــمــه
الـحـگ بـاجـر تشـوفونـه
وياهـو الـ تنعـمي عيونـه
الـوجـه الـمـن يـديـرونـه
والــمـهــدي يــجــي طـــلّاب رايـــد ثــار عــلــويــه
______3__________________

أمـه وحـگـه مـن يـغـتـاض قـضـيـه ومـايــغـيـروهـا
مـنـو الـ يـقـبـل عـلى أمـه يـدفـعـوهـا ويسـطـروهـا
ومـو بـس هـاي يــالــوادم ظـلـوع أمـه يـكـسـروهـا
مـنـو الـ يـقـبـل يـأذوهـا
أمّــه لــــو يــبــچـــوهــا
حـچـايـة ولله أحچـوهـا
مـحـد يـرضـه چـا فـاطم لـيـش ألـ هـسـه مـحـنـيـه
______4__________________

الـسـطـرها ينـگطـع چـفه الـ وإن مجرم نطق بـيـهـا
رغـم مايعـرف الـزهـراء بـس مـن حـقـده يحچيـهـا
بـاب جــذوع وثــگـيـلـه الــزهــره دافــعـه عـلــيـهـا
والمـحـسن بعـد عـمـره
وطاح بطيحـة الـزهـره
وگـع من قـوة العـصـره
ونـادت فـضـه يـافــضـه ومـات الـمــحـسـن وهــيـه
______5__________________

ابــو صـالـح عـلى الابـواب يـجـي ويـطـالـب بـثـاره
وكـل خـدام ابـو الـسـجـاد يـعـرف بـيـهـم انـصــاره
مـن يـظـهـر نـشـد أحـزام ونـگـصـدله مـشـي لـداره
داره خـيـمـة الـخـدام
يلگـانـه سـنـد لـو قـام
حبر يلـگـانـه بالاقـلام
كـل مـجلـس تره يـراقـب وروحـه بكل حـسـيـنـيـه
______6__________________

#رزقهم_سلام_الله_عليهم
#احمد_رزاق_الاعرجي

عمّي سلمان * خَـلْ يِكِسْـرون الشَـّر
عمّي سلمان * خطّي الأحمر حيدَر
ـــــــــــــــــــــــ
كلشـي أعبّر إلا حيدر ينچـتِف
هسه صار الحچي وياهم يختلِف
راح أخــلّي الگاع بيهم تنخسِـف
ياهو الأول وبـ علــي مـا يعتِرِف

تمادوا هواي * هسّـه أگلبها .. أگـدَر
عمّي سلمان * خطّي الأحمر حيدر
ـــــــــــــــــــــــ
هسه بس ألزم حجابي وأرفعه
أگلب الدنيا و تصيـر القـارعه
علي الأول ياهو حطّه الأربعه
علي الجايبها إبتعب مو منفعه

مامش إچبير * منّــه كلهـــم أزغر
عمّي سلمان * خطّي الأحمر حيدر
ـــــــــــــــــــــــ
عمـي سلـمان وتوصِّـل هالخـبر
گِلّه حيــدر قبـل الأول يا عُمَر
إحدود عنده لو وصل حدّه وعبر
چفّي أرفعـه وينزل الموت الحَمَر

شعتب إعليه * هــذا شــانئ أبتــر
عمّي سلمان * خطّي الأحمر حيدر
ـــــــــــــــــــــــ
عمّـي يا سـلمان بلْـغ الناصـبي
الله منطيـني صلاحــيّة نـبي
آنه صـح بضــعه ولكـن أم أبي
آنه شيعيّه وعلي إيضل مذهبي

خل يرجعون * لا يصيــر المحشر
عمّي سلمان * خطّي الأحمر حيدر
ـــــــــــــــــــــــ
هسه اذا اشيلن حجابي و أندعي
أگلب الدنيا بإشـاره مـن إصبعي
خاف أمس عبّرت كسرت أضلعي
إلا حيدر قَبلـه ينحَــطّ الدعي

طير ابابيل * إمتاني أمري ويحضـر
عمّي سلمان * خطّي الأحمر حيدر
ـــــــــــــــــــــــ

خاف دَفعَت بابي عبْرَت والحـرِگ
هسه أخلّي السمه اعليهم تنطبگ
كلهـا چذّابه وأبو حسـين الصـدگ
الـ ما يلـوح العِثِــگ لَيْذِمّ العِثِـگ

ماكو مقياس * يبقى حيدر الأجدر
عمّي سلمان * خطّي الأحمر حيدر
ـــــــــــــــــــــــ
مو صحابه وساعة السوده الإجوْا
إحنه بالمُغتسـل وهْمه إتآمـِرَوْا
كيفهـم نصبوا خـليفه وحدِّدوْا
لوما وصّـانه محمّـد چا . طفَـوْا

الـ عود صِدّيق * للفِــتَن لا يِـنْجَـر
عمّي سلمان * خطّي الأحمر حيدر
ـــــــــــــــــــــــ

مهدي التقي

ميمر لشهادة الصديقة الكبرى مولاتي الزهراء عليها السلام - جديد

----------------------

كل ( هل أتى ) والآيات تنعى ابحزنها الكوثر

@@@@@@@@

قطب الرحى البيها تدور الأفلاك
مهبط وحي دار الهدى والأملاك
خاب الذي ينكر جلالچ والشاك

ابجفچ غزلتي المرحمه وابسبحتچ سر اكبر

@@@@

ضلع السمه ابضلعچ تمسك لايذ
صك الأمان امن الله باسمچ ماخذ
امرچ على كل الملايك نافذ

بس لو دعيتي اعله الگوم چان ابغضب يتكسر

@@@@

يا الراضيّه المرضيّه بارضاة ( الله )
واليغضبچ بالدنيه وآخره اخزاه
عن معتقد وايمان من نتبناه

من تغضب اعليه الطهر ابنار ولظى يتوجر
@@@@

نادينه (يازهراء ) والمدمع هل
كل عسره باسمچ فاطمه تتسهل
الساعة فرج يام الحسن نتأمل

يادعوه بيها امن السوء ربچ يُجيب المضطر

@@

*نعلن براءة من هُبل ويّه اللاة*
*والغاضبه اعليه الطهر بالذل مات*
*چلمة ( وإن ) ما تنّسي لا هيهات*

مطلبنه ضلع ام احسين ابمهدي الامم يتجبر

@@@

جور العدى كسر الضلع لطم العين
نار وتضل لين الحشر يام احسين
واللي حرگ بابچ حرگ باب الدين

باب الهدى باب ( الله ) باب النبي وي حيدر

@@@@
مهدينه عجل بالله يابن الأطهار
گلب الموالي يبرد امن اللي صار
يارب اسمنه تكتبه اويه الانصار

بايدينه نرفع رايات باسم الضلع للمحشر


--------------------
ثامر بوجبارة الأحسائي
٢٧-٠٥-١٤٤٢هـ
١١-٠١-٢٠٢١هـ

سوالفنه نار وضلع حاچيني يمه بدمع
جفنك فلا تمسحه كلمن يسولف جرحه
ييمه ييمه
****
الچبيره جروحه يتعالى ونينه
سكته انا وانته يمه شو بچينه
لا علي ولا زينب التمو علينه
ثاري ميتين وجرحنه اليحچي بينه

من بابي يبدي الالم حد ما تطيح الخيم
بعينك خدر المحه كلمن يسولف جرحه
ييمه ييمه
****
مات ابويه وقلة صارت يبني الاتباع
بت نبيهم انا بس هذا الحچي ضاع
ضم علي سيفه وهذوله صارو اسباع
طيحيتي ابابي سمه وطاحت عله الگاع

بهل طيحه هاك الخبر ضلعي ييمه انكسر
شعندي الم اوضحه كلمن يسولف جرحه
ييمه ييمه
****
مكسره ضلوعي لون كلها اقبلتها
ولا وإن هل چلمه يوليدي اسمعتها
احجابي مال ودمعتي اهنا نزلتها
وسطرة العين بثگل بابي اشعرتها

ملزمه بحجابي وصد وكل ماله هوه يهد
الحيدر نظر اشبحه كلمن يسولف جرحه
ييمه ييمه
****
المحسن ابني لو جبت طاري وگعته
انته سولفلي اعله عبدالله ونبلته
اشصبرك يمه ابچفوفك دمه شلته
شلون مگطوع النحر لمه اخذته

من شافته اشگد بچت هم مثلي يمه انچفت
شلون السهم يذبحه كلمن يسولف جرحه
ييمه ييمه
****
لو ذكرت الباب يمه وناره تلهب
گلي كافي يمه خل احچي اعله زينب
يمه من وضعچ تره حالتها اصعب
انا والعباس موته وهيه تنسب

لختي ولا ظل متن وضع العقيله يجن
بدموعي من اشرحه كلمن يسولف جرحه
ييمه ييمه
****
ضلوعي وضلوعك تره كسرتها وحده
ضلع بسمار وضلع حافر يمرده
وصل سهمك للظهر ودريها شده
انا بسماري نبت بس ما تعده

بينه اختلف بس جرح راسك يشيله الرمح
وتربع اعله رمحه كلمن يسولف جرحه
ييمه ييمه
****

#الشاعر اياد الديراوي

شوط كربلائي لاستشهاد الزهراء عليها السلام
*
الـچ يـم الحسن العيون = تبچــــي والدمع يهمل
**
الچ يم الحسن وحسين= يحـگلنه الحزن والنوح
شذكر ياجرح ياظيم =ومن عندچ ضلع مجروح
والمحسن وگــع بالبـاب=ابسمار وسلب هالروح
ياحـره حملـتي اهـواي =أولهه النبي المذبـــوح
مذبـــوح بـــترك سُنتـه= وزادت للولــي علتــــه
وياشـده البـعــد يحمل =تبچي والدمــــع يهمـل
***
بمصـاب الزچيه الـيوم =انفجعنه وتاهت الافكار
گظيتي من البچي عالراح=نبينه والعقـل محتار
لاحـــره البچـــت مثلـچ =ولدمـــوعچ بنالـچ دار
ياوصـف اللي اوصًف بيه=يَسـِـْرالعجّز الاســـرار
ماشفتي الفـرح ساعـــه= ياهو المثلچ اطباعـــه
حزينــه والفكــر منشـــل=تبچـــي والدمـع يهمل
*
آه يـم الحـسن تگظـين = وبعد عمرچ عمراحلام
يادنيه اللـــــي شفتيهـه =دنيـه بس هظــم وآلام
يحره والحسن وحسين =گظـوا وياچ حفنه ايام
ماشبعــوا بعـــــد منــچ= لــن عمرچ يمر انسام
صعبـه سنين عشتيهــــه=بـــــــاالام تگظيهــــه
وبعـــد عشرين ماكمـل =تبچـــي والدمع يهمــل
**
على فراش المنيه شلون=شافوچ الحسن وحسين
بحضنچ نامــوا اوحنــــوا=اويـاهم بچـاچ الدين
ولن صوت السمه ينـادي=نحي ياعلي الحسنـين
ملايكـة السمه ضجـــت=الـچ ضجت ينور العين
وحنيتــي يبعــد الــروح =الهم والگلب مجــروح
ويلي والصـــدر محمـــل =تبچـــــي والدمع يهمـل
**
ومصيبـة حيدر العظمى =ظــل محتار وي لطفـال
حسن وحســـــين اولادچ =وزينب حيريتله البـال
تطـوف بـدارچ وتنشــــد =اريد أمي على كل حال
مثلـچ شـافـت الاحـزان =يوم الطف چفيله اعيال
يواسيهــه الگلب والعين=وبجرحچ صفن جرحين
عليهــه والگلب مامــــل= تبچـــــي والدمـه يهمل

نسالكم الدعاء

خادم الحسين ع
الحاج ابو البيجاوي

كون عنـد أمي الضـلوع مكسّرات
تروحــلچ فدوه يفاطـم الامهات
يا أُم كِلْ أُم .. يا فاطمة
ـــــــــــــــــــــــ
( بِـ أبي أنتي وأمّي ) مِــنْ صــدِگ
إختاري كيفچ ياضلع بينه اليِطِگ
كـون بـوب بيوتنه التشـبع حرِگ

بيـچ بيـــبان إلـگلوب إمحرّگات
تروحــلچ فـدوه يفاطـم الامهات
يا أُم كِلْ أُم .. يا فاطمة
ـــــــــــــــــــــــ
بـ إمتحانچ كـون أمـّي الـ تِمْتِحن
بـ اختبـار البـاب الـ ثگيـلت وزن
وكون تترس ذانــها حچاية (وإن)

إنتي أُمْ أمّـي يـَ سِـر . كـل الحياة
تروحـلچ فــدوه يفاطم الامهات
يا أُم كِلْ أُم .. يا فاطمة
ـــــــــــــــــــــــ
آنـه مــرّه إســمَعِت أمـــي نِِدْبِتِچ
گالت آنه و إبني فــدوه الـ عَتْبِتِچ
ورضّعتني ويه اللّبن حُب خدْمِتِچ

ســوالف أمّي ويـاچ كلها إمعـدّلات
تروحلـچ فـدوه يفــاطم الامهات
يا أُم كِلْ أُم .. يا فاطمة
ـــــــــــــــــــــــ
أمـي صـح كلّـش عزيـزه بس بعد
بالقيـاس أويـاچ أنســــى الأُم أبد
هيه وصّتني وبقـت عِنْــد الوعَد

وأمـّي صـاغتلچ هِـذّن المُفـردات
تروحـلچ فـدوه يفاطـم الامهات
يا أُم كِلْ أُم .. يا فاطمة
ـــــــــــــــــــــــ
محّــد إيعــوّض حـــنان الوالـده
إلاّ انتــي أم المحنّـــه الخــالده
إنتـــي ويّ أُمّ النبـــي متــوارِدَه

إجدام كل أمّ أويَه جدمچ فارِغات
تروحـلچ فــدوه يفاطـم الامهات
يا أُم كِلْ أُم .. يا فاطمة
ـــــــــــــــــــــــ
انتــي محّــد بالخليقــه إيمثّلِچ
وامي مـا توصل الفضّـه .. مـو إلچ
الله فـــوگ الامّهـــات إمفضّـــلچ

عـن لِسـان أمّي.. أعتِـذِر للباقيات
تروحلچ فــدوه يفـاطـم الامهات
يا أُم كِلْ أُم .. يا فاطمة
ـــــــــــــــــــــــ

مهدي التقي

ييمه ولا عشت كون
يريت گليبي مدفون
بعد متفيد العيون شسوي بدنيتي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يبعد الراح والجاي
شسولف والحچي هواي
ردت تبقين وياي
واعيش بشوفتچ

ييمه يموت الحسين
اذا من عنده ترحين
احلفچ بس تظلين ؟
تراني بعازتچ

يتيم وعيني التصير
تداين ماي للبير
بلايا جناح بس طير شسوي بدنيتي

،،،،،،،،،،،،،،،،،،،،،،،،،،،،،،،،،،،،

اموت الليلة وياچ
اذا ما يمي الگاچ
اظل مطلوب لرباچ
ذبلتي من السهر

تعبتي ايام وشهور
بشر بس انتي ناعور
عليچ انحوم واندور
يديره بلا مطر

يشدة فگدچ ارماح
وراچ انكض الصفاح
يموتت گاع فلاح شسوي بدنيتي
،،،،،،،،،،،،،،،،،،،،،،،،،،،،،،،،،،،،

الحظن للملگه مشتاگ
المحنه اليوم تنباگ
ييمه وضيم الفراگ
يدار بلا ضوى

خذيتي وياچ الافراح
الگلب گبل الدمع طاح
بعد ما لحظه ارتاح
مريض بلا دوى

أشمن عطر الثياب
أخذ عافيتي التراب
المگابر مالت عتاب شسوي بدنيتي

،،،،،،،،،،،،،،،،،،،،،،،،،،،،،،،،،،،،،،،،،،،،،


أصيرن سالفة ناس
زغير وشيب الراس
هذاك الخنگته انفاس
وكسر گلبه الترب

يبين بيه فرگاچ
اذا جابولي طرواچ
ولو ما لحظة انساچ
يلفراگچ صعب

اخلي الاه عل الاه
يحظن أمنا الخسرناه
ييمه اعليچ ويلاه شسوي بدنيتي

،،،،،،،،،،،،،،،،،،،،،،،،،،،،،،،،،،،،،،،،،،،،،

اخلص عمري متعوب
وسواد مفصل الثوب
اليتيم ايموته الغروب
ويحن والله لهله

يطب الدار ويموت
الثنية بعينه تابوت
البواچي اتصير بسكوت
الفرح لا مو أله


مشيتي وعفتي بس ليل
وبشر ما يذكر الحيل
ييمه أحتاجچ أدخيل شسوي بدنيتي

كلمات خادم الحسين
رعد الفريجي
14 /2021/1 /الخميس/

شيرجع الأحباب
من جوه التراب
أيّس يگلبي لا تتاني دگة الباب

الليله مو ليله اعله زينب
مرّت بثگل الدهر
الليله يتمشى كسرهه
من گلبهه للظهر
عله فراش امهه نظرهه
يبچي بدموع السهر
من الظهر لليل كبرت
مدري جم عام وشهر

عمر المعاناة
أيامه صفنات
يله استعدي ياليتيمه السفره دمعات

.........

من تودع غالي تنظر
كلشي يوگف بالزمن
تشعر انت تعيش ميت
والعله متونك چفن
أنه الطفله الماتت امهه
وگلبي بالفرگه نطعن
عيوني اذا ما شافت امي
ريت هسه ينعمن

شيخلص الليل
وگلبي ابلا حيل
گبل السبي آنه السبوني ويلي يا ويل

..........

أمي مو مالت مگابر
وامي مو مالت نعش
الـ عمر صح بيد الله
بس عمرهه اثمنطعش
هاي ليله وذيج ليله
باجر بليل هدعش
ضلع امي وضلع اخويه
جرح بسمار وعطش

ومن جمرة الدار
للخيمه والنار
قصة رمح صوب ضلع من جان بسمار

.........

اصفك اليمنه اعله يسره
واجي للباب وارد
لا تتاني أيس يگلبي
ما يعود الباللحد
الجرح مثل الفطر يمشي
بعد شيفيد امن اشد
الدفو مات بحضن امي
والعمر موسم برد

عود الفرح مات
ما يحيه هيهات
درب السنين لكربله دمعات صفنات

...........

العنده مثل امي وفگدهه
يموت اذا شم الهوه
جانت الضحكه اعله خدهه
لبيتنه مثل الدوه
الگمر يخجل من وجهه
علمته اعله الضوه
حتى ابويه اشعر اتيتم
بأول الفرگه انطوه

هاي أم الاحساس
التمشي وي الانفاس
ماكو مثلهه اشما تدور الحور والناس

............

احمد هادي الشمري

قصيدة ((لطمية من جلوس ختام المجلس))

بمجلس فاطمة الزهره.حضرت فاطمة الزهره
ونناشدهه يأُم حسين.. منچ للخلگ نَضره
يافاطمة.. يافاطمة... يافاطمة
=========@@@===========
نور الباري ضوانه.. بوجه ام الحسن هالنور.
حضرت وابدمع سچاب.. برَكان المكان اتدور..
تلطم فاطمة اعله الراس.. لن عدهه ضلع مكسور.
يالزهرة نصيح بصوت.. يومچ اشبه بعاشور.
هاي البيهه نتعله... والهه بكل گلب حضرة.
=========@@@===========
بمجلسهه بلياليهه.. تحضر فاطمة المأتم.
اوتفرح من تشوف الناس.. لخدمتهه اجت تلتم.
واحنه انگلهه يازهراء.. بوجودچ يزول الهم.
لو لچلچ عُمر ننطيه.. لاولله فلا نندم.
هناك الينكر اوجودچ... شراح ايسولف بعذره
=========@@@============
ويانه الزهره موجوده.. اومتلهفه لخَدمهه حيل.
گبل لانحضر المجلس.. حِضرة فاطمة بهل اليل.
وصية من الزچيه ادگول.. والمدمع جرى كالسيل.
وي ضلعي اذكرو اضلوع... داسنهن حوافر خيل.
مانسين ابو السجاد . صبح ويالمسه بذِكرة.
==========@@@==========
نريد الليلة نضرتهه.. ونرفع للسمه چفين.
بلطمتنة نناشدهه... ونناشدهه بدموع العين.
هالليلة التفاته نريد.. من الطاهره أُم حسين.
تگضيهه الحوائج دوم.. وانگلهه فلا اتگصرين.
واحنه شما نقدملهه.. منرد للفضل ذرة.
=========@@@============
الشفيعه فاطمة الزهرة.. وبيوم الحشر تحضر.
لمن عالسراط انفوت.. والصك بختم حيدر.
هناك تنفع الخدمه.. اوبيهه نعتلي اوننٰسر.
وكلمن يبغض الزهراء... مصيرة اجهنم التسعر.
ونعاهدهه لحَد الموت... من عدهه منتبرة.

لخادم الزهراء (ع)
الشاعر
ابو عبدالله الشمري
✍️

اعلم يخادم حسين * هاي الخدامة
تعني امانه للدين    * تعني السلامة
مله  يسمونك       * خادم يقدسونك
                هاي الخدامة

هاي الخدامه يالمحب يّكبَر شرفهه
يالرايد تحس بطعم نيتك اخلصهه
لو تدري املاك السمه قُدسية الهه
نزلت اطوف بكربله بثقل وحملهه
تتمنه املاك السمه * يم الحسين وتخدمه
                هاي الخدامة

بشرى يبشرونه المحب صافيه الخدمه
صك الخدامه يستلم يدخل الجنه
كلهه اكيد ومعتقد خدمه تتمنه
بس وينه الي بنيته يخلص النيه
اخلص يخادم للابد * صك الخدامه معتمد
                     هاي الخدامة

اخلص يخادم نيتك خليهه لحسين
وصك الشفاعه بيمنتك مِّن ابو الحسنين
ابواب الجنان مفتحه وتدخلهه صوبين
لو رايد اتأكد الامر خل تدمع العين
دمعك يطفي نارهه * نار الجحيم اخبارهه
                   هاي الخدامة
*
هاي الخدامة امتوجه بتاج الجلاله
يالرايد بعلو الشمس دور كماله
تدريهه هالخدمة اصل اتأدي الرساله
بالدنية انته وآخرة بنوع البساله
لا لا تفرط ابخدمتك * محد وصلهه رايتك
                   هاي الخدامة
*
لالا تساوم  خدمتك خدمة امامك
يالي تريد ابهيبه تبقه بجمالك
خليهه چلماتك تمر حق ابالسانك
تبقه انته ويه المصطفى وآله بكمالك
لابد يأيدون المحب * من يدخل الجنه ويطب
                        هاي الخدامة
*
هالرايه رفة شامخه راية حبيبك
خدمة حسينك يالمحب غاية نصيبك
لو ساوموك بخدمتك بالك تصيبك
كل الغرور اتحطمه قصة نحيبك
آه يامصابچ كربله * قصة الم ولعايله
                 هاي الخدامة
***
الى خادم الحسين ع
السيد محمد الموسوي الجابري

[ اباب الزچيه مدافع ]



اباب الـزچـيه مـدافـع
ومحد قـبـل يتـراجـع
ظـالـم دفـعـها
اتـغير وضعها
ومحد قـبـل يتـراجـع

شكثر دفعو باب فاطـم وبـشـراسه
والرفسها برجله مامـعروف اساسه
والسطر خدها لجل كرسي الرئاسه
كل جهنم باجـر أتـطيـح اعله راسه

الـحـارگ الـباب
ثاني الاصحاب
أصـل الارهـاب _ أهـل السـقيـفه
دفــعـو هــواي
البـاب عالـمـاي
هــمـهـم بـهـاي _ يرضـه الخليفه

والزهره بيهـا الـلوعـه
بيهـا الألـم مـوسـوعـه
يهمل دمـعـها
اتغير وضعها
ومحد قـبـل يتـراجـع
__________1__________________

قـنفـذ بـسوطـه ضـرب مـتـن الـزچـيه
وچف سطر خدها وضحك هاي الأذيه
زيـن ماطـاحــن السـبعه اعـله الوطـيه
والله حــيــدر گـضـّتـه بـس الـوصـيـه

شتم واحــجـار
وسوط الاشرار
ونار مــســمــار _ كلهن عليـهـا
اتـشـاگـف بأيـد
مــدافـع ايزيــد
والـجـمـر حـيل _ چـوّه أديـهـا

يافـضه لـمن صـاحـت
ألـمهـا كلشي وطاحت
المحسن وجعها
اتـغير وضـعـهـا
ومحد قـبـل يتـراجـع
__________2__________________

منهـو بيكم يقبـل يـدفعـون بـابـه
وتنضرب أمه وتطيح اعله الترابه
وينكسر منها ظلع يسوه الصحابه
ونار توصل دار بيت الله وكتابــه

ومحسن يموت
ابــلايـه تابـوت
ويطلع الصـوت _ طگات الظلوع
والــمــصــيـبـه
شـگد رهـيـــبـه
والــــغــريــبـــه _ ماظلت ادموع

محـد قـبـلـهـا لـروحـه
چـا فـاطـمه مذبـوحـه
الظالم سمعها
اتغير وضعها
ومحد قـبـل يتـراجـع
__________3__________________

من عصرها الظالـم وگالـولـه ربعه
صوت فاطم ورا باب الله نسـمعه
گـالـهـم إن يـكـن وبـقـوه يــدفـعه
وگلهم المسمار من مگفاها أطلـعه

وچانت الآه
توگع احذاه
آه ويــــــلاه _ طـگـهـا بنظـرها
شـافـها تـنـوح
مـابــقـت روح
خدها مجروح _ كسرو ظهرها

نــادت وراء الـــبــابـي
يافضه عدلي حجابـي
بكسرة ظلعها
اتغير وضعها
ومحد قـبـل يتـراجـع
__________4__________________

فاطـمه أم الحـسيـن امـتـعبـيـهـا
النار داير بيـتـهـا وحـرگـت اديـهـا
التنكسر منـها ظلع وشــيبقى بـيها
شگد ثگيل الباب من دفعوه عليها

تگوم ويطيح
منهـا تسبـيح
وشامت يصيح _ عذبـوهـا اكـثر
والـدمـع طــاح
وطاحـت اروح
ْْكـض الأصفـاح _ بچفوفه حيدر

لـــو مــا موصـّي طـه
تبچي الـزلـم خـلاهــا
الناس وطبعها
أتغير وضـعـها
ومحد قـبـل يتـراجـع
__________5__________________

يامـصـيـبتـها الـزچـيـه ويـا حـلمـها
گبـالـها المسـمار أخذ مـنـها نجـمـها
المحسن اعله اعتـابها لوعه رسمها
والجمر غافي على چـفها وجدمـها

ســورة الـنـور
خدها مسطور
وبيها مـكسـور _ ظـلـع المحنه
وگـامت تـمـيل
والدمه يسـيـل
والـهـوه يـعـيل _ نــيـران چـنّـه

بالگـوه تحچي الزهره
چانت قويـه الـعـصره
الدنيا بوسعها
اتغير وضـعها
ومحد قـبـل يتـراجـع
__________6__________________

#رزقهم_سلام_الله_عليهم
#احمد_رزاق_الاعرجي

يـافـاطـمـه يـافـاطـمـه

فاطمه المظلومه تحظر للمجالس
بيدها الدمعه تطيح البيها واهس
تكتب بوسط العزا هاي المـدارس
تسجل الخدام بـالدفتــر عـوابـس

يـافـاطـمـه يـافـاطـمـه

لو بده الرادود يقـره بـالمـصايـب
تـفـتر اتـسـجل ألـخـدام وتراقـب
ألف هنياله الـ ولا فد يـوم غـايب
النتيجه الكبرى عد الزهره جايب

يـافـاطـمـه يـافـاطـمـه

فاطمه بيوم الحشر ماتنسى واحد
تآخذ الخـدام يــمــها والله شاهــد
خيرها علــينه تــره بالدنــيا زايــد
فاطمه عدنـه العبـاده الـ بالمساجد

يـافـاطـمـه يـافـاطـمـه

أخلص بروحك يمن تخدم أهـلـها
بـالـجنـون العابسي أتـوسل الـهــا
طلگ الدنيا بخـدمـتك گــوم گلـها
آنـــه روحــي فاطميه من اصـلهـا

يـافـاطـمـه يـافـاطـمـه

ألف هنياله التسجل أسمـه قـمبر
هـذا بالـجـنه تـره جـيران حـيدر
شما تنوح اعله الزجيه نوح اكثر
حته باجر بالـقيامه تـعيش تگـدر

يـافـاطـمـه يـافـاطـمـه

فاطمه نقسم عليچ بدمـعة العيـن
سجلينه خدم الكم طول الأسنـين
احنه خدامچ نـظل ويـاچ ماشـين
مانعوفچ وعـد هذا يـاام الحـسين

يـافـاطـمـه يـافـاطـمـه

#رزقهم_سلام_الله_عليهم
#احمد_رزاق_الاعرجي

روحي شيعوها إويه أمي من تشيعون
وصفه ﮔبري بصف ﮔبرها من تدفنون
وياها شيعوني .... وياها دفنوني
من تدفنون
...................................................
آنه زينب وامي ماتت امي مكسورة ضلع
باقي مسمار بصدرها شلون اشلعة وينشلع
وفوك خدها السطرة ظلت حمرة والـﭽف ينطبع
وإبتدت أول فجيعة ويا ما باﭽر انفجع
ادري باﭽر راح اشوفن حرﮔ الاخيام
واسمع اصوات الثكالى ونوح الايتام
ودمعة اعيوني .... وياها دفنوني
من تدفنون
..................................................
هم ارد للبيت وانظر باب , بسمار وكسر
والجدار البيه امي وي طبـﮔته تنعصر
وريحة الدخان اشمها وما اشم ريحة عطر
بكل زوايا البيت صفعه امي خدها الينسطر
وباقي مسمار بخشبته يحز الاضلوع
وصوت يافضة الحَــﮔِيني ايهيج الادموع
وياكم اخذوني .... وياها دفنوني
من تدفنون
...................................................
الباب كاتب ماكو راحه شوفي يا زينب حِزن
والسِطَّر امــﭺ يزينب يجر تراﭽـي من الاذن
النار عدها وياﭺ قصة وليش بس لجلـﭺ تحن
وحدﭺ اتضلين باﭽر لا اخو يمـﭺ وابن
تعّودي يومية زينب عندﭺ اوداع
بكل شكل من المصايب تشوفي الانواع
لا تلوموني .... وياها دفنوني
من تدفنون
...................................................


صوت اخوي الما سمعته راح اسمعنه بالم
من وﮔـع صاح الظليمه اتصورت طيحت علم
والمهد لايحتة جمره ﭽنها صورة من الخيم
المحسن وعبدالله صفه باب وبصفه السهم
كربلة صرت انه اشوفن ودمعتي وياي
اركب النوﮔ الهزيله بهذا ممشاي
اطبـﮔ اﭽفوني .... وياها دفنوني
من تدفنون
...................................................
افرش السجادة وانظر البيت بالطول وعرض
يمة ماكو , ما اجيتي يمة قد حان الفرض
يمة مشتاﮔـة اشوفـﭺ مو بـﭽت حتة الارض
ما تفض خلـﮔـي المدامع بيش افضنه ويفض
صرت اتاني وما اجيتي وطال الغياب
هسه ترجع امي اكلهم عيني عالباب
آنه وضنوني .... .... وياها دفنوني ـ
من تدفنون
...................................................
كون اموت وياﭺ يمه وبالـﮔبرنلتم سوه
ما اريد الدنيه كلها ولا اشم نسمة هوى
الدنيه ظلمه بعيني صارت انتي يالـﭽنتي الضوه
ﮔلبي ﭽـاويته المصايب وياما بالفرﮔـة انـﭽوه
آيَ يـﮔلبي أويه الرزايا شباقي وتشوف
والبقه من اسنيني ادري تشوف الطفوف
يالتنظروني .... وياها دفنوني
من تدفنون
...................................................
نسالكم الدعاء والفاتحة لروح والدي رحمة الله تعالى
#علي صادق المجراوي
12|1|2021

يمهدي بانت الشيبه ... وبعدهي غيبتك غيبه
تَعدّه من العمر ثلثين .... غايب لا سنه وسنتين
وبعدهي غيبتك غيبه
..........................................................
يعود الطير المهاجر ولابد يرجع الوكره
ويرده الشوك المسافر اذا هاجت عليه ذكره
بس انته الوحيد الراح يمهدي وطالت السفره
جم جمعه التمر ماجيت الفرج يايوم انتظره

انتظرت اهواي ... بدمع عيناي ... اشبعد للجاي ... يالمهدي

بتالي الشيب تانيتك ... هلبت ترجع البيتك
تعذبني جلمة وين ....... غايب لا سنه وسنتين
وبعدهي غيبتك غيبه
.....................................................................
العمر صاير قطار وفات وشيردلي العمر ثاني
وانه بآخر محطة شيب واخاف الراح ينساني
انه العايش بامل الكاك وتدري بعمري المتاني
دسويها ولو بالطيف ودك بليل بيبـــــــاني

يدكت باب من احباب بعد غياب يالمهدي

الخاطر دمعتي الطاحت ..... يمهدي وعبرتي الصاحت
جبت عمري اتاني سنين ....... غايب لا سنه وسنتين
وبعدهي غيبتك غيبه
...............................................................................
اسكت لو حجت شمات إذا عنك يسألوني
الف عام وحبيبك وين جوابي يصير بعيوني
واتحمل ملامه هواي والمهن طبكت جفوني
احبك ما اريد الناس لون وحدي يعوفوني

فقير وجيت .. الك حنيت .... واشتاكيت ... يالمهدي

يالتسري بنبض دمي ... من ابوي اغله ومن امي
عمري الينكضي بونين ....... غايب لا سنه وسنتين
وبعدهي غيبتك غيبه
............................................................................

يجيني العيد ما افرح انه امتاني يهل عيدي
والمّك لمت الكطرات اخاف اطيح من ايدي
انه البلبل واغرد بيك بناي احزاني تغريدي
اعشكك بس عشك معدان وتدري بعشك المعيدي

الوسادة موت ... وعله التابوت ... يضل الصوت .. يالمهدي

يَأول وآخر العندي .... احبك حيل يالمهدي
يدمعة الجنها كحلت عين .. ....... غايب لا سنه وسنتين
وبعدهي غيبتك غيبه
.........................................................................
ما شفتك ولا فد يوم لجن يالمهدي احبنك
جم صورة بشكل الكاك واحيرن من ارسمنك
واشمك جن هوى اليعكوب وقميص الما رجع منك
كلبي يجاوب الدمعات لو عيني انشِدَت عنك

سهرت الليل ... عله الياويل .... ودمعتي تسيل...... يالمهدي

انه التانيت للجيه ....... وحدك تعلم اشبيه
مو وحدة الدمع بثنين ....... غايب لا سنه وسنتين
وبعدهي غيبتك غيبه
.................................................................................
فقير وعايش بنيتي ولا عشت بدغش نيه
رايد نظرة يا مولاي منك تنظر اعليه
صحيح امقصر انه وياك لجنـّك تعلم البيه
اذنوبي مسجلات هواي هنه الحجبن الجيه

عَلَي مكتوب ... هواي ذنوب ... فك البوب ... يالمهدي

ارحم عاشك ايحبك ..... بتوالي الليل ويطلبك
انه بحبك صرت مسكين .... ....... غايب لا سنه وسنتين
وبعدهي غيبتك غيبه
..............................................................
نسالكم الدعاء
#علي صادق المجراوي
3|1|2021

شلت نعشج ليله ضلمه بس دموعي واضحه
و بدرب جم مره روحي عله فراكج طايحه
ابكلبي حيره .. ابكلبي حيره
؛؛؛؛؛؛
سنين عايش ويه روحچ وي نبض گلبچ عشت
بس لـون نبضاتـه سگتت يعني معنه انـه متت
بعد بينه شگد سوالف الفـرگه چانت مـن وگت
گلشـي حاسبـله ابـحياتي وفرگـتج ما حـسبت
راحت العشره الطويله وليل الموادع بده
الورده لو خلص عمرها يموت وياها النده
ابكلبي حيره .. ابكلبي حيره
؛؛؛؛؛؛؛؛
راجع اوبيه انكساري وطابع ابخدي الدمع
ريت كون اعيوني عميه ولاشفت كسر الضلع
ولا شفت دم اعله خدج ولا اثر سطره انطبع
ريت هاي الساعه ميت قبل محسن من وكع
يلي من اخيال ضلج تستحي عين الشمس
شلون هسه كبال عيني يسطر اعيونج رجس
ابكلبي حيره .. ابكلبي حيره
؛؛؛؛؛؛؛؛
كلشي مات ابدون وجهج وختنك حته الهوه
تكضي كل اسنينه ضلمه الشيع ابئيده الضوه
ابالي ضلت ذكرياتج وذيجه كعدتنه سوه
يعني معقوله ابسهوله دفتر العشره انطوه
بقت بس صورة افاركج عالوجه مرسومه
وطبع اليفارك حبيبه ايخنكه وكت النومه
ابكلبي حيره .. ابكلبي حيره
؛؛؛؛؛؛؛
راجع البيتي بدونج وجدمي يعثر بالدرب
جني واحد عايف اهله وشايل الديرة غرب
شلون الاكي اكبالي زينب شرد اجاوبها صعب
هنانه يسكت كلشي بيه ودمعي يحجي البلكلب
المفارك طبعه يسكت ويحجي دمع اعيونه
وحجي العيون اشيعرفه قله اليفهمونه
ابكلبي حيره .. ابكلبي حيره
؛؛؛؛؛؛؛؛
جان بيتي ابلون وجهج الكعده بي حلوه صدك
جنت من ادخل اشمن عطرج البي ينشهك
هسه من البيت اشمه عطره ضليت اختنك
موعطر ريحة عباتج ريحة ارماد وحرك
الباب جان الورد عطره وبي ملامح لونج
هسه محروكه وعليها اثر دم امتونج
ابكلبي حيره .. ابكلبي حيره


الشاعر احمد المياحي

اِنَّها فاطِمَةُ الرَّحمنِ 
ذِکرُها في صُحُفِ الْقرآنِ 

قالَ رَبّي وَالطّورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                   *****

یالّي تسئل عن مصییة فاطمه هل منذکر 
فاطمه  قرآن الله  بس ضلعهه  منکسر 
اقره سورة طور انصحک بالتمعن و الفکر 
راح تسمع بیهه صرخة محسن الّي منعصر 

صَرْخَةٌ تَفْهَمُهَا الْأَحرارُ 
صَرْخَةٌ اَصْرَخَها الْجَبّارُ

و َجَنینٍ مَعصورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                   *****

فاطمه روحي فداها گالها طاها النبي 
چن سطر خد النّبوّه من سطرهه الناصبي 
آه یوم الي سطرها بحرقه صاحت یا ابي 
من کثر عفّتهه خلف الباب صارت تختبي 

حینَما لاذَتْ وَراءَ البابِ 
رَفَس البابَ بَني المُرتابِ 

یا لِضلعٍ مَکسورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                  *****

حین سگطت صاح محسن آخ گبل امّه ابعذاب 
هاذي اول و آخر حچایه الحچاهه بحین غاب 
یعني یمه اوداعتچ مو میّت بضلعي الي عاب 
من مرارة آخ گلبچ  ذاب گلبي والله ذاب  

فَبَکَتْ مِنْ آهُهُ الْأَفلاکُ 
ضَجَّتَ الْأَفلاکُ و الأملاک ُ

کَسَروا ضِلْعَ النّورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                   *****

دمعة الزهرهَ عْلی خدهه وصاحت آیاالمصطفه 
و اعلی عَتبة بابْ، اَللّه رسمت ابدمهه الوفه 
نزلت اید الله المهیمن دم دمعهه  تکفکفه  
و الضلع بچفوف الله من کثر وجعه غفه 

جِبْرَئیلُ لَطَمَ الْخَدَّینِ 
سَطَروا الزَّهراءِ فَوْقَ الْعَیْنِ 

وَ عَدُوها مَسرورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                   *****

تدری ضلع الزهره من طگ اللّه اذّن للجهاد 
والنّبي ابأمر الجلاله بالعرش اعلن حداد 
نزلن افواج الملائک لَبسن العالم سواد 
مات محسن یا هضیمه لجله حزنوا یالعباد 

ها هُو َالْیَوْمَ عَزاءُ الْأَکبَرْ 
اَذَّن َالْمُخْتارُ فیه ِکَبَّرْ 

بِوِدادٍ مَسجورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                  *****

طگ ضلع فاطم أویلي و طاها اذّن بالمله 
و صار بدموم الزچیه ساحة الله ایراسله 
یعني یا ستار سترک چن اشوف ابکربله 
عالمعالي حسین راسه و ثار امّه ایرتّله 

وَيْ کَأَنّي قَدْ اَرَی بِالْعَینِ 
فاطِمٌ حاضِنةٌ کَفَّینِ 

وَ تَئِنْ لِلْمَنحورْ 
وَ کِتابٍ مَسطورْ 

اِنهَّا فاطِمَةُ الرَّحمنِ 2 

                                  *****

خادم خدمةالحسین ع 
ناصرآلبوعبید