ملتقى بعد غياب
عله العباس هلي دمعة العين
يا زينب اجتچ ام الابنين
ــــــــــــــــــــــــــــــــــــــــــــــ
هاي ام الوفه الوگفت عله الباب
گومي استقبلي والدة الاحبـاب
وصيحي ياشريكتنه بالامصاب
هذا البيت بيتـچ يأم الإونين
ــــــــــــــــــــــــــــــــــــــــــــــ
اگدي وگابليهه أو سولفي اشصار
وابدي اوياهه من الخيـمه والنار
واحچــــي عالشمل من صار طشار
وصيحن آه يفراگ المبعدين
ــــــــــــــــــــــــــــــــــــــــــــــ
هاي الناطرتكم تحسب أيام
وانطت للعقيده اربـع أزلام
يزينب خل تشوف اشسوت الشام
بيچ وبالعليل وبالنساوين
ــــــــــــــــــــــــــــــــــــــــــــــ
ياُم عباس صيحي وراح عباس
ضحه ابكل وجوده وضحه الانفاس
ابصدره وهامته واچفوفه والراس
وحگچ لو عله الكافل تلطمين
ــــــــــــــــــــــــــــــــــــــــــــــ
راح البالعلم حجّب خواته
طاحت خيمتي وفزعت عباته
أبچي وتظحك اگبالي الشماته
چا بعد الگمر انطي الوجه وين
ــــــــــــــــــــــــــــــــــــــــــــــ
راح اليم علي دگالي صدره
وهذا أول اخو بالطف أخسره
والثاني يويلي انگطع نحره
كل النوح والحسره عله احسين
محمد الجماسي

حـاچـيـنــي يـعـبـــاس
حـاچـيـنــي يـعـبـــاس
———————————————-
خـويـه يـــوم الأربـعـيــن
جـيـت بـالـهـم والـونـيـن
أتـجــه مـحـتـــاره ويـــن
يا سيـف خـدري والطاس
حــاچــيـنــي يــعـبـــاس
———————————————-
خويـه جيت أعله الـنهـر
والـدمــع مـن دم يــــدر
لـيــش يـا فـارس مـضــر
خـليـتـني أويـه الأرجـاس
حـاچـيـنــي يـعـبـــاس
———————————————-
جيـت صـوب الـمشـرعـه
والـصـبـــر مــرْ وأجـرعــه
ويـن جـسّمـك مـصّـرعــه
ويّـــاه نــدفـــن الـــــراس
حـاچـيـنــي يـعـبـــاس
———————————————-
من بـعـد خـدري أنّـسـبي
وآنــه بـت طــــه الـنـبـي
أيـگـود ضـعـني الأجـنـبي
وبمتوني سـوط الأنّجـاس
حـاچـيـنــي يـعـبـــاس
———————————————-
تــدري بـيّـــه أمــخـــدّره
تـــدري يـا بــن حــيــدره
شـلـون أروح أمـيـسّــــره
وبالـشـام خـدري يـنداس
حـاچـيـنــي يـعـبـــاس
———————————————-
هــاك عـيـنـي والــزنــــد
وهـاك چـفّـي وبيهـا هـد
خـويـه بـس كـونـك تـــرد
وتشـوف عـمّلـت الـنـاس
حـاچـيـنــي يـعـبـــاس
———————————————-
دار دولاب الـــزمــــــــن
بـيّـه خـويــه وبـالـضعـن
گـلـبـي ويّــاك أنـدفـــن
يـا هـيـبــه ويـنـومـــاس
حـاچـيـنــي يـعـبـــاس
———————————————-
الـشـاعـر
سـيـد عـلاء الـحـيّـدري

رجوع السيده زينب ع الى سيد الشهداء ع في يوم الاربعين


الدرب كل خطوه سحگة خيل وعيونك
شلونج لاتكلي آنه مثل لونك
عندي عيون صح لاجن ضواهن راح
عميت ومااريد الشوف من دونك
اشبهك طاحت امتوني انه من السوط
وانت من الحوافر طاحت متونك
صعبه احجيها راسك هذا اسأله يكول
بالشام اشيسموني ويسمونك
من ثگل الامانه اهلال الك رديت
ولو ظهري انكسر من ردلي ميمونك
يردني المستحه وياخذني ليك الشوگ
متت كبل السبي يحسين خيعونك
راسك من كثر ماشاف بيه شصار
بجه اعليه لحد ماطاحت اجفونك
شماعندي فديته الخاطرك يحسين
مقصره اووفت اتكل للينشدونك
وفيت شلون اجيت اثلاثه موش اوياي
رقيه وخوله ضاعن مني واسنونك
ــــــــــــــــــــ

علي محسن الزيادي

الاربعين

وكفت اعله التله نفس امچانها
اهنا يهلنه. صوتت لخوانها
++++++++++
اهنا يهل زينب تره زينب اجت
عالهزل بت فاطمه الزهره مشت
امدللتكم يالگمر زينـب بـچـت

كلش بيها اتغيير امن احزانها
+++++++++
اهنا يهلها ما حصل عدكم علم
دخلت الـحـره بـدواويـن الزلم
وبيهن الماينحچي بس ينفهم
التنسبي العبره اتعثر بلسانها
+++++++++
الكربله عـوود ضعنها الكربله
خدري وينه المنكم
اليستقبله
روحي مو للماي عطشانه ال هله

استقبلوها گومو يا وليانها
++++++++
بينه ضيعتو العرف لا مـوغرب
انه اختكم لونه ثوبي المنگلب
موغريبه المثلي نام اعله الترب
هذا حال المحترگ صيوانها
++++++++
بينه مارجعت زغيره امن السفر
شابت ارموش الطفل من القهر
غـير ذيچ الماتت وعـندك خبر
يوم شالت راسك ابحضانها
+++++++++++
التله هاي التله بس ماكو ونين
فوگ راسي اعذرني مشبچت الايدين
امجرحه اچفوفي بحبلها ياحسين

خوفي اجرحك لو شفت نيشانها

ثائر الربيعي

ياحبيب ابن مظاهـر = اني جيت اليوم زاير
سجلني من زواره = سجلني من زواره
&&&&&
يـاحبيـب حسـين أنـت تسـجلـه
اليـزور حسيـن وانـت استقبلـه
أنـت شيـخ انصارهـاي الـقافله
الشـيعي حـط اليـوم يمكم راحله
ياحبيب الـروح حاير اني جيت اليوم زاير
سجلني من زواره سجلني من زواره
&&&&&
آنـي أجيـت اليوم وبگلبي اللهوف
اشم عطـره وارتمي يمه واطــوف
غيـر ابو السجاد عيني مـاتشـوف
رغـم هـاي الناس حـطت بالالوف
عالجدم مشاي ساير اني جيت اليوم زاير
سجلني من زواره سجلني من زواره
&&&&&
دعـوه عنـدي اليوم جايبهه وجيـت
مـن بعيــد الحضـرتـك آنـه اعتنيت
يـاحبيـب العـين تــدمـع لو حچيـت
أشگـد عظيمه زيارته بيهه ارتويت
عيني تشـتاگ المناير اني جيت اليوم زاير
سجلني من زواره سجلني من زواره
&&&&&
يـاحبيـب حسـين يـا شيـخ الانصـار
شـاهـدت وبـكربـلـه كل اللي صــار
شاركوا بالـواقـعـــه بيكم ازغــــار
وچـنــتوا متهيئيـن وليـوم الـقــــرار
تدري ياشيخ اللي صاير اني جيت اليوم زاير
سجلني من زواره سجلني من زواره
&&&&&
انت باب حسين وي راعي الفضـل
وصـاح لبيـك الابـه يـوم الفصــــل
واحنـه نمشي ويـاه وبـدرب الـعـدل
نصيــح لبـيـك ونعلمـه لـلاهــــــــل
والفـلـك وياك داير اني جيت اليوم زاير
سجلني من زواره سجلني من زواره
&&&&&
احنـه زوار الحسـين العـاشـگيــــن
عشـگ واحـد مـانـبدله بالسنيــن
عشـگ ابـو السجاد عنـوان اليقيـن
اسمه عَبـره ابعين كل المؤمنين
اجننو جون ويه جابر اني جيت اليوم زاير
سجلني من زواره سجلني من زواره
&&&&&
نسألكم الدعاء
ادم الحسين ع
الحاج ابو البيجاوي

يالرضا انت الحبيب == شلون من عدنه تغيب
&&&&&&
يالرضا والروح من گبلك مشــــــت
وشمعـة النـــور التضويلي انطفــت
وفوگ جرحي جروح سمك چملـت
وگامت افكاري تره تودي وتجيــب
&&&&&&
شلون سلطـان الزمـن عــــنه رحل
كـل گلـب مشغول مصيــوب بعلـل
مصاب هـدّ الكون هذا اللي نــــزل
راح أبـو محمد رحل منـّـه الحبيب
&&&&&&
عاشر الـدنيه بجفه وزهد وحـــزم
مايهمــه الجـاه لــــو كثـر الــزلـــم
بديــن جـده يسير هـو أو مـلتــزم
وكلهـه تـدري العاشـــره لامايخيب
&&&&&&
صار والي للعهد غصبـن عليــــه
والامـر معروف من وصلت اليـه
ربــك أيحبــه ويريــده ومبتليــه
وهو مايحتـاج كل رتبه أو نصيب
&&&&&&
تالي بيهم من علـن صوت الخطـر
والملـك مهــزوم بيهـــم لامفـــــــر
بكـل مكان الخوف أضرم وانتشـر
گال لازم ينتهي واعلــــن خطيـب
&&&&&&
هـذا شمـس لكل شمس ولكل زمن
ولايغيـب ولاتـواريـه المحـــــــــن
شفنـه گــدامـه الجروح من انثنــن
شـال جـرح حسين تچايه وربيــب
&&&&&&
هـو سـّم الكـون من سـم الرضـه
ويدري كلش زين يعـرف بالقـضه
عمره لجل الدين كـل لحظه گظـه
يموت يمتـه يموت لوشاب ويشيب
&&&&&&
هـــو أخبــــر دعبـل بــيوم الممات
اويــن يصبـح منـزله وحط الرفات
گال بأرض الطوس تالي هالحيات
هـذا ضلع البيت وأبــداً مـو غريـب
نسالكم الدعاء
خادم الحسين ع
الحاج ابو البيجاوي

يسلطــان الزمــان وياغريــب الـدار
شلت إصرار من جـدك علي الكرار
*
يبن موسى بن جعفر واللقب راضي
بقضائك والرضــا لقبــوك والقاضـي
يكلمن شـافك بجنــّه أظن حاضــي
ألــك رايـة علــم مشهوره والاسرار
*
يبو محمــد يعطــر الدنيــــه من طيبــك
گظـّيت العمـر مظلــــوم حــد شــــــيبك
چثيــره أهـوال مــــرت بيك متريبـــــك
شلــت صــبر الامامــه وحچيك الفقــار
****
رادوا زلتــك يــم العـــرش خلــــــــوك
وبهــذا الحكــم ظنــوا تــره ايحرفـــوك
سلطــان اصبحت رغماً على العــادوك
وظــل بيــك العدو طول العمر محتــار
*
تورط ورطتــه ظنهـه اصبحـت صعبـه
حسبالــه لِعــب واتخلـــص اللعبـــــــــه
ضــاع شلــون تاهــت بيده هالحسبــــه
شــاف النــاس كلهــه الحضرتك تنـغار
*
خطهــم بالغــدر معروفــه اركانـــــــــه
مــيزان الحقــد ياهـــمه ميزانـــــــــــه
رسمــوا چتلتك ياسيدي اعدانـــــــــــه
مــن عـدنـه يچنهم ياخذون الثــــــــار
*
يابيــت الرســـاله والصـــبر عـدكـــــم
عجـز كل اليضدكــم ياخـــذ بحدكـــم
اشما يصنع يـرد مكســور من يمكــــم
صــار المــوت الكــم موهبه وايثـار
**
ظلـت شيعتـك تلطـم على الخديـن
محتـاره بمصابك تدمـع العينيــــــن
ويــن اتــروح محتاره تصـد لاويـن
تتحاوط عليهــه خلافك الاشـــــرار
**
تفزعــون لمضاجعكم مثــل جدكم
صِدگ من گالـت الحره الچتل الكم
عـاده والشهاده اموسمـه بسركـــم
تورثــون الجنـان وبيهـه الكم دار

نسالكم الدعاء
خادم الحسين ع
الحاج ابو اياد البيجاوي

حسين خلصت خِدْمِتِي إلزوّارك
كــون ما قصّــرنه وي خطّـارك
بيّه حيل وبس گضت حيلي إنهدم
طاحـت اويـه الچادر إگلـوب الخَدَم
ــــــــــــــــــــــــــ
جاي أطيْح الچادر ودمعــي يطـيح
وجهي أسود . خلني لا أرجع قبيح
خلني وي تعبك بعد خل استريح
الـ هلا بيهم چا بعد إلمن أصـيح ؟

هاي بالذات الـ (هلا) من أگلبونه
الـ چـادر الجنـّه نريد إتعـودنـه
كون طاح وياه أحـس توگع قِيَـم
طاحت اويه الچادر إگلوب الخَدَم
ــــــــــــــــــــــــــ
تراب زوّارك اذا عن عينـي غاب
وين يحْصل بعد من هذا التراب
كون خالي الموكب ومسدود باب
يعني معناهــا نزل بيّه العَذاب

بـ سَنَه إتعود وبالسَنَه إنتانيها
هـاي نعمــه وكون ما نچفـيها
صَفَر خير والله حط بي هالنِعَم
طاحت اويه الچادر إگلوب الخَدَم
ــــــــــــــــــــــــــ
إنتظــار (الخِدْمَه) رادلهــا صَبَور
(إنتظار المهدي) ما چنهن شُـهُور
يا صخام اوجوهنا ابگعدت الدور
واليبيْض وجوهنا اصخام الجدور

بعــد ما تلسـعني نـار إجـدورك
إنشالن إبطول الطريـق إقصورك
مو چوادر جاي أحس طاحت قِمَمْ
طاحت اويه الچادر إگلوب الخَدَم
ــــــــــــــــــــــــــ
داعــي ما إلهـا بعـد وأرفَعْلِـي راس
كـون ما أمســح بعــد ذاك المَدَاس
گرب عشرين بصفر وبگلبي جاس
هسـه أملاك ونِرِد من تگضـي ناس

هالخِدَامــه الخيـر كلّه وياها
وحــتّى جبرائيـل يتمــنّاها
وحتّى ميكائيل عالسُفره إنعِـزَم
طاحت اويه الچادر إگلوب الخَدَم
ــــــــــــــــــــــــــ
منيــن ما نِلْتِـفت نُغـرُف حَسَـنات
موش زاير عدنه چنّ المهــدي بات
إجدامي سود وعندي وين .. مورّدات
وين نلگـاها بعــد نخــدم حُفَـات ؟

على الخِــدمَه إركــاض بِشِْر الحافي
الـ (هلا) و (خادم) تبقى فوگ شفافي
وگلبي يبقى إلـ زايرك حافي الجِدَم
طاحت اويه الچــادر إگلوب الخَـدَم
ــــــــــــــــــــــــــ

مهدي التقي

#العوده_ياحسين

ياحبيب….. اكتب اعله الرايه

ياحبيب…… طلعت المشايه

وسجل اسماء… كل خدمنه

★★★★★★★★★


گوم سجل ياحبيب واكتب اسماء الخدم

اتأسوا ابخيمتة رُقيه وترسوا الشارع خيم

ولأجل حامل علمنه ابكل شبر رفعوا علم 🚩

اتلگوا الضيف اليجيهم هم مثل ملگه السهم



يا حبيب……. هل خدم وفايه

ياحبيب…….. اكتب اعله الرايه

وسجل اسماء كل خدمنه

★★★★★★★★★

ياهو مثلي العنده هيچي خدم بيهم وافتخَر

وزعوا ماي ابسيلي وكسروا اعيون النهر

رايه طاحت من گمرنا وظهري ع الغالي انكسَر

وهمه اجوني ابألف راية وبيضوا وجه الگمر


ياحبيب……. وأمهم المُلايه

ياحبيب…….. اكتب اعله الرايه

وسجل اسما… . كل خدمنه

★★★★★★★★★


هذا وزع چاي بيده وهذا فاتح منزله

وهذا شايب ظل ينادي هلا بالزاير هله

وهاي حجيه اعتنتلي امحدبه بس امكحله

وهذا المگرم اجاني ركض 🏃 يمشي الكربله



ياحبيب……. صرحة چم أيه

ياحبيب…….. اكتب اعله الرايه

وسجل اسماء… .. كل خدمنه

★★★★★★★★★


اتعنوا من البصرة اليه ورفت الراية ابَلَد

وطلعوا اهل الناصريه وكتبت الحله العهَد

رف علم🚩اهل السماوه ويه النجف عدهم وعَد

وهوسوا اهل العمارة وكربله صارت مَهَد


ياحبيب……. أنه منطي احچايه

ياحبيب…….. اكتب اعله الرايه

وسجل اسماء كل خدمنه

★★★★★★★★★


ذوله اهل بغداد اجوني وراية الكاظم ترف

وهوسوا اهل الرميثة ابصوت ياسين الترف

ابركظة اطويريج اجوني اهل سامرة زَحف

وانه ماعندي اي غريب الزاير الگاصد عرف



ياحبيب……. خل نسوي اقرايه

ياحبيب…….. اكتب اعله الرايه

وسجل اسماء كل خدمنه

★★★★★★★★★

ياحبيب ارجوك سجل كلها زارتني الدول

الخططوا لغي الزيارة كل مُخططهم فشل

من الدوانيه اعتنولي وقروا يمي المستَهل

انموت كلنا ولا ابو فاضل نشعر اويانه زَعَل



ياحبيب…… .العشگ يسبي اسبايه


ياحبيب…….. اكتب اعله الرايه

وسجل اسماء كل خدمنه

★★★★★★★★★




ـــــــــــــــــــــــــــــــــــــــــــــــــــــــــــ
ماجد حبيب الخيكَاني

2020/10/3ونسألكم الدعاء

ياطاغي كُد كيدك      
ناصب بكل جهـدك       
وأفعل أشما عندك      
ماينمحـي ذكــره
**********************
من زينب الحره عهـــد ثابت خلـــوده
أشما طاغي حارب هالذكر تفشل جهوده
أشياع الضلاله المارقه الزمره الحقــوده
أشما تسعي ضد هذه الذكر يثبت وجـوده
يزداد شانه ويرتفـع يعلى صعــــوده
تحدت يزيد بمجلسه وهزت جنوده
صاحت أشما تفعل          
يبقى أسمه يترتل
أبن النبي المرسل          
تخلد بدم نحــره
**********************
نادت يزيد بمجلسه الحره الابيه
لاتفرح أيامك عدد بين البريــــــه
أشما تفعل بنسل الوصي حامي الحميه
فلا تُميت وحينا يا أبـــن أميــــــــه
تعجز أئمــة الكفــــر والجاهليـــه
هاي الرساله خالده تظل سرمديه
حسين بدماه خلد       
دين النبي أحمد
من بالطف أستشهد       
أسمه بقى ثوره     
**********************
اُم أخيها خلدت فكرة ثورتـــــه
حققت لحسين السبط مكصد فكرته
زينب الحره الطاهره مو فقط أخته
زينب شريكة نهضته وحفظت نهضته
أعلام ثوري الماكدر حاكم يسكتـه
كافحت لمن وصلت للكل كلمته
خطبتها جالصارم         
في عين كل ظالم
حـرة بني هاشم         
بت فاطمه الزهره
**********************
خطأت رواة أللي روت زينب ذليله
قدوه بشجاعتها أصبحت رمز وأصيله
بوجه الدعي أبن الدعي طود العقيله
من شافته يريد بحقد يشفي غليله
صفعته بكلمه وذلته وذلت مثيلـه
بمرجانه أمه سمته الحره الجليله
ذلته بديوانـه        
وبمحظر أعوانه
ظل ملتف ألسانه        
وطاح ونزل قدره
*********************        
زينب دمعها موضعف مو من جزعها
أم المصائب برهنت قوه بدمعها
رغم المصاب الشافته وأللي فجعها
خلت الكوم بكربله مختل وضعــــها
صح مرعد أحشاها الحزن وأحنه ظلعها
بس وكفت بوجه العده وهزت جمعها
أنطت أشما عدها           
لدين النبي جدها
كل ثوره موردها           
من زينب الكبرى
**********************
هجمت الناس الحاقده اليسعر حقدها
ضد الحسين وثورته الخالد مجدها
جندت ضد هذا الذكر كل قوه عدها
وأموال بذلت طائلـه وبكل جهدها
ومهما شياطين البشر يكثر عددها
تعجز تخيب وماتصل يوم الكصدها
كل قوة أهل الشر     
تعجز وماتكدر
ذكر السبط يكثر     
وماتنسه العتره
**********************
سلام المشعل

قومي يازهراء الرضا متقطّعْ فؤآده
في ابلاد غربه مات ما حضرت أولاده

من قبرك اليوم اعلني حزن ومآتم
في أرض غربه ابسم مات بفعل ظالم
اولاد ما منهم رجع للوطن سالم
صار الچتل ليكم ياهل هالبيت عاده

شبان ضلت دورهم منهم خليه
مذبوح هذا وذاك بسموم الدعيه
واعظم على قلبچ مصاب الغاضريه
بالشمس كم من شاب مرمي ابلا وساده

دايم على اولادچ يامحزونه كئيبه
كل يوم ياام حسين احداث ومصيبه
مسموم ابومحمد في اديارٍ غريبه
بيها قضا نحبه ونال إبها الشهاده

ياطوس هنيالچ بالضامن حويتيه
بيه إرتفع قدرچ وكل الفخر نلتيه
ابعز وجلاله اندفن جسمه اوما تركتيه
وما ضل ثلاثة أيام جسمه ابلا وساده

العاده جرت من مات لازم من جهازه
يرتفع صوت ابكل محل عدكم جنازه
لكن جسد بالطف كل الفخر حازه
مثله بعد ماصار ف أرض وبلاده

بعد الذبح رضوا جسد محزوز نحره
والخيل تلعب فوق أضلاع وظهره
فوق الترب مرمي ولا حد حفر قبره
وما غسلوا جسمه على جاري العاده

من مات ابن موسى حضرت يمه الناس
بالحال شالوا إجنازته مؤنس الأنفاس
وسفى على جده حسين ابخيل ينداس
الله خصيم وفاطمه وجد السياده

المأمون عكس اسمه رجس خاين ابعهده
وما راعى في كل حال أنسابه وجده
بالسم قطّع مهجته ويلي وچبده
وضيع الشيعه بموتته ويتم أولاده

26 / 2 / 144 2
ناصر الأحمد

بسم الله الرحمن الرحيم
اللهم صل على محمد وآل محمد
.....................................
نمشي الكربله ويه المﻻيين
نصيح بصوت ماننساك يحسين
نثبت عالعهد دوم x ماننسه أبد يوم
خﻻنه نون نصرخ مجانين
نصيح بصوت ماننساك يحسين
................................
نمشي الكربله والدمع همال
نعوف ديارنه نتحده اﻻهوال
شباب شبوخ والنسوان واطفال
نشارك بالحزن زينب والعيال
نوصل لبو اﻻحرار x نعزي طالب الثار
نوحد صوتنه بجمع المسلمين
نصيح بصوت ماننساك يحسين
...................................
نمشي الكربله أنجدد اﻻحزان
ونشد الرحال بكلب ولهان
يشدنه الشوك للمذبوح عطشان
سبط المصطفى سيد الشبان
وحك جبدك يموﻻي x الظامي ماشرب ماي
حبك بالكلب يتحده السنين
نصيح بصوت ماننساك يحسين
...................................
نمشي الكربله كعبة اﻻحرار
نعزي المصطفى وحيدر الكرار
من درس الطفوف أصبحنه ثوار
نسحك عالمنايه بعزم واصرار
بكل عزه وكرامه x نموت أعله اﻻمامه
نوالي المرتضى سيد الوصيين
نصيح بصوت ماننساك يحسين
...................................
نمشي الكربله نرفع الرايات
نثبت لﻻنام حسين ما مات
تعلمنه بطفوف حسين آيات
مانرضه المذله نصيح هيهات
طفك يطي الدروس x ويروض هالنفوس
من عدكم تعلمنه يطيبين
نصيح بصوت ماننساك يحسين
..................................
عهدنه لﻻبد ويه الزجيه
ماننسى ذبيح الغاظريه
نمشي الحضرته صبح ومسيه
بكل خطوة قدم نلعن أميه
نظل نلعن الكفار x ونتبره من اﻻشرار
نتحده النواصب هالمﻻعين
نصيح بصوت ماننساك يحسين
....................................
لخادم آل البيت .عليهم الصﻻة والسﻻم .
عبد الكريم سيد سعد . نسآلكم الدعاء

بسم الله الرحمن الرحيم
الله صل على محمد وآل محمد
.....................................
مرحوم دنيه وآخره كلمن تدمع عينه
..................................
مرحوم اليهل الدمع لجل العقيله الطاهره
يواسي النبي وبضعته خير النساء وحيدره
هاليوم ردت بت علي لحسين أخوها زايره
عافته نايم عالثره سيوف العده مكطعينه
................................
مرحوم كلمن عاشر بعاشور هو مصيبته
لجل العقيله ام الخدر دمعه يبلل وجنته
ومن يسمع الناعي نعه بالآه تعله صرخته
سيد البشر يشفع اله ويمسح على خدينه
....................................
خلونه ياشيعة علي هاليوم نكصد كربله
موعدنه عشرين بصفر ننطر نتاني العايله
نتلكه زينب من تجي بصرخات تدوي مزلزله
نواسي الزجيه وحيدره وطه النبي وسبطينه
.................................
هاليوم وي جمع المحب اليزور تحظر فاطمه
ويه النبي والمرتضى وافواج أمﻻك السمه
كلمن كصد لزيارته فايز بأعظم مرحمه
أسمه بدفاتر حيدره يلكاهم مسجلينه
................................
كسر الجره بدين النبي تصعب يشيعه جبرته
بس الأمل عدنه بقه الرحمن يظهر حجته
بأذن الله ينصب محكمه ياخذ الثار العمته
ويحاسب الآذه النبي سيد الورى بثقلينه
.................................
لخادم آل البيت .عليهم الصﻻة والسﻻم .
عبد الكريم سيد سعد .نسالكم الدعاء

بسم الله الرحمن الرحيم
اللهم صل على محمد وآل محمد
..................................
بعد هالزياره x يرد الدياره
مآجور الموالي x يجمع الغياره
لجن بت ولينه x حيرانه وحزينه
يجمع الغياره
...................................
يبو السجاد أجيت ودمعتي تﻻلي
مشتاكه أشتكي لك واشرح أحوالي
يخويه من الطفوف أنفطر دﻻلي
أبهاﻻيتام أرعه وما ألي والي
يسلوه الزجيه x أجيتك شجيه
من بعدك يغالي x خذوني سبيه
أصيح أنولينهx حيرانه وحزينه
يجمع الغياره
...................................
شسولفلك يخويه عالجره والصار
هجمت عالخيم اﻻرجاس اﻻشرار
عجت خيل أميه تريد منه الثار
نهبوا سلبوا وخيمنه شبت نار
يخويه الجريمه x تمرمر أليمه
من مهرك أجانيx يصيح الظليمه
عرفت أنسبينه x حيرانه وحزينه
يجمع الغياره
...................................
سبايه أعله الهزل كادونه هاﻻرجاس
من بعدك يخويه ومن بعد عباس
ألف ياحيف تتفرج علينه الناس
وحنه بﻻ حمه ومدنكين الراس
يريت المنيه x تدنت عليه
من شفتك يغالي x ذبيح ورميه
صرخت أبتلينه x حيرانه وحزينه
يجمع الغياره
...................................
من الشام أجيتك جمرتي بحشاي
أبهالأيتام وأبنك حجة الله وياي
يخويه حسين أكعد جايبتلك ماي
أرش كبرك يخويه وهاي كل سلواي
يشيخ العشيره x هظمتي جبيره
خلتني الليالي x سبيه وأسيره
أتذكر حجينه x حيرانه وحزينه
يجمع الغياره
.................................
أريد أسأل سؤال وبيه أنه محتار
بعد هاي الزياره ورجعت الزوار
العقيله من ترد صعبه تطب يادار
ودار حسين وحشه وانطفت اﻻنوار
يويلي العقيله x يحامي دخيله
بعد هالمصايب x مهمومه وعليله
ترد للمدينه x حيرانه وحزينه
يجمع الغياره
..................................
الزاير بالسﻻمه من يرد لأهله
أله أجر وثواب ومنزله يعله
بس هاي اعله زينب ﻻ تظن سهله
هناك أم البنين أتاني وي طفله
تتاني الفواطم x يرد الهواشم
لن صوت المنادي x أنصبوا المآتم
وديعة علينه x حيرانه وحزينه
يجمع الغياره
.................................
لخادم آل البيت .عليهم الصﻻة والسﻻم .
عبد الكريم سيد سعد .نسألكم الدعاء وقراءة سورة الفاتحه قبلها الصﻻة على محمد وآل محمد

بسم الله الرحمن الرحيم
اللهم صل على محمد وآل محمد
.....................................
أجيتك كابعه أبهمي x ذبيح مسلب ابن أمي
يمحمد تلكاني x عصرني الدهر وآذاني
.....................................
أجيتك والدمع ياخويه سجاب
دكعد يبن أبوي وهاك اﻻسباب
خلينه ننوح العظم المصاب
وياعظم الرزيه أبفكد اﻻحباب
أريدك تكعد أكباليx يريحة والدي الغالي
أخبرك باللي بجاني x عصرني الدهر وآذاني
.......................... ........
خلينه يخويه أنقيم اﻻحزان
لبن أمي الذبيح المات عطشان
للصدره غده للخيل ميدان
وراس عالرمح رتل القرآن
ننوح ونحي هالذكره x أبحمد الباري وشكره
وحاشه الباري ينساني x عصرني الدهر وآذاني
.....................................
أجيتك والكلب يسجب العبرات
وجمرات الحزن ما تطفه هيهات
صوبني زماني بحسره وآهات
أجاني الليل وآنه وسط اﻻموات
يمحمد شكللكx محد ظل تره من أهلك
مصيبه هدت أركاني x عصرني الدهر وآذاني
............................... ....
يمحمد يخويه كمر عدنان
سبع الكنطره للخوه عنوان
تقدم عالنهر فرق العدوان
جاب الماي ﻻكن الدهر خان
صال وجال بالغاره x وطارت يمنته أيساره
وعمود الصابه صابانيxعصرني الدهر وآذاني
....................................
يمحمد شخبرك عالجره وصار
ماجت من دمانه هناك اﻻنهار
أحفاد السقيفه كوم اﻻشرار
شبت بالخيم ياخويه هالنار
نسل المصطفى الهاديx هجت خويه بالوادي
وآنه أصرخ يولياني x عصرني الدهر وآذاني
....................................
ما ننسه يخويه جمع اﻻنصار
الوفايه لأبونه حامي الجار
حاموا عالخيم سلوا البتار
ثبتوا عالوﻻيه الحيد اﻻبرار
حبيب بيمنته الرايه x صال بجمع وفايه
ردوا كيد عدواني x عصرني الدهر وآذاني
.....................................
يمحمد شسولف خويه عالشام
صوبني زماني خويه بسهام
أنه والعليل ولمت أيتام
أساره وبخرابه ويه ظﻻم
يخويه دهري أتعده x ومحد بالخلك رده
ﻻرض الشام ودانيx عصرني الدهر وآذاني
....................................
أجيتك والجره ما جان عالبال
للمجلس أطب وتعاين أنذال
بغياب النشامه الحيد اﻻبطال
يسألني بشماته الطاغي عالحال
دهري سدد أسهامه x ومحد دافع وحامه
أحاجي يزيد خﻻني x عصرني الدهر وآذاني
....................................
يمحمد يخويه ربي بقاك
حته أنصب المآتم وبجي وياك
ويانه العفيفه الضحت هناك
بأقمار أربعه ضوت اﻻفﻻك
أريد أم الكفل ظعني x تعاين للجره المتني
شريكة همي واحزاني x عصرني الدهر وآذاني
...................................
لخادم آل البيت .عليهم الصﻻة والسﻻم .
عبد الكريم سيد سعد .نسألكم الدعاء وقراءة سورة الفاتحه قبلها الصلوات على محمد وآل محمد

نعي السيدة زينب في يوم الاربعين عند عودتها من الشام
النعي بطور الفرات الاوسط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

تسمع يلجبتني وياك ها عباس يلهيبه
تسمع مو چنت بالشام طالت كلش الغيبه
تسمع يلرحت للماي بعدني متانيه اتجيبه
تسمع شنهي جوه الگاع دگعد شوف المصيبه


انهض زينب وانخاك شنهي تراب اليضمك
انهض گوملي اترجاك احلفك بمي وبمك
انهض يا گمر دنياي شنهي الرمل ويطمك
انهض اربعينك هاي اختك رايده تشمك



نايم والچفوف بعيد وادري الدمعه خانگتك
نايم بالگبر يا خوي وانه شكثر حشمتك
نايم والضعن من راح صحت عباس انه اختك
نايم وانه بارض الشام تحضر يا شهم ردتك



ويلي بلا اهل رديت ودروب اليسر زحمه
ويلي هناك بنت حسيت ماتت ها يبو اليمه
ويلي عيوني من فرگاك خويه وداعتك تعمه
ويلي اتحيرت عباس درب الشام شيلمه



كلفه شلون اعيش شلون وانه بدون خواني
كلفه العمر دمعة موت والايام دفاني
كلفه وغيراني الضيم واني اليوم مو اني
كلفه وارجع بدمعات تركض تدگ بيباني


كلمات / رعد الفريجي
الاربعاء 7/10/2020

انه زيـــنب انه زيـــنب انه زيـــــنب

********************


من رجعنه لكربلا هناك شلگيـــــنه ؟
لا حسيــــن ولابو فاضل رد علــينه
وينه ليث الموت شو تارك عريـــنه
ها يـخوتي الموت فرقنا انتهـــــيـنه

انه زيـــنب انه زيـــنب انه زيـــــنب


،،،،،،،،،،،،،

انه عندي عتــــاب ويــا الفارگوني
بالكلب كلمات والدمعه بعيـــــوني
ما اكول عداك يلكافل سبـــــــوني
ادري ما ترضاهه يلحادي بضعوني

انه زيـــنب انه زيـــنب انه زيـــــنب


،،،،،،،،،،،،،،،

علنهر صديـــــــــــت وشصار بدليلي
 كمت احاجي الماي ما يرجع كفيلي ؟؟
يا نهر منتظره يــــــــشتاگ ويجيلي
يرجع ونتلاگه يــــــــا ماي اندعيلي

انه زيـــنب انه زيـــنب انه زيـــــنب


،،،،،،،،،،


 كلشي بيــــــه وما نسيتج يا طفوفي
هنا دعائي وهذا موتـــي وهذا خوفي
هنانه رايه شكـد بچـت رادت جفوفي
وهايه جربة كافلي ويـــبست جروفي

انه زيـــنب انه زيـــنب انه زيـــــنب

،،،،،،،،،،،،،،،،



يــا نهايــــة عشرتي واصعب نهايـــه
لا اهل ويـــــــاي بس دمع السبايـــــه
وانا بنت النــــــــــور واسرار الولايه
حيل ثكلت خطوتي بدرب المنايـــــه

 انه زيـــنب انه زيـــــــنب انه زيـــــنب



كلمات/ رعـــد الفريــجي

لقاء الامام زين العابدين ع س
وجابر أبن عبد الله الأنصاري
(عنده قبر الحسين عليها سلام )




ياهوه الوصل هاذه كبلنه
مامعقوله واحد ضل يحبنه

عرفته من كفه وبخده دمعه
جابر هاذه جاي يزور ربعه
مبارك حصلينه اليبجي النه
******************
بعدهه بخير دنيانه ولكينه
المايشتمنه ويدور بجينه
هاي اول هله نكالت علينه
وشنهي الفايده بلا عز اجينه

ياجابر العزه راحت هناك
سمعنه اللا هله بكد هاذ ملكاك
الشام امعيده الخاطرحزنه
********************
متاخر علينه جا جنت وين
بيوم الوحده ضل حاير حسين
ندب ربعه وخوته ويدري ميتين
انتخت ياجابر الصوته النساوين

حجايه من حجاها روحه نطت
كلوب المهات عليه حنت
جدامه من الهضم ماوكفنه
**********************

ابوانه حسين لو شايف كسرته
رروحت عمنه ضهره حدبته
وكفته ما تبين من كعدته
وبعد مو بس هذن تاه بركضته
تاه وماندل يسرا ويمنا
ابنه هيج طاح وركض منا
وبعد ياجابر الكلش هضمنه
***********************
حياتك وي اهلنه خلصتهه
أسالك كبل زينب هم شفته
ليطفون الضوه من زور جدهه
هنانه طاحت وكضت بختهه

هنانه للخدر مابقه كلشي
الوي اخوتهه اجت وي غربه تمشي
وي غربه وزجر خلص دربنه

**********************
كسري شلون ياجابر اجبره
كلي الما يرد عيله شيصبره
ابوي وما كدرت انا اصره
ومنباوع عليه بصدره حسره

احسه عيني ياجابر يكول
وانا من المرض مابيه مشلول
والنسوان ركضن صبرنه




الخادم حسين الساري

اليوم زينب عودت باالعايله
لكن بياحاله وصلت كربله
*
وصلت الارض الطفوف اخت الذبيح
بثكل هم مصابهه تكوم وتطيح
ياحسين وياابو فاضل تصيح
ياهو الينشف دمعتي السايله

صارلي اشجم ليله عنكم غايبه
والكم بكلبي سوالف جايبه
يل مصيبتكم مصيبه راتبه
ويل المصارعكم امامي ماثله
**
انه الكم حيل مشتاكه اجيت
وتكبر الهفه من احس اتكربيت
وينكم يهل المحنه اشكد نخيت
وين كلولي احول الراحله
*
مدري وين اكبوركم يهل الشيم
وين عباس اليشم طاريي شم
ليش ماخله على كبره العلم
حته ماتيها من اجي باالقافله

اليش ماخلالي جفه يومي الي
يكلي يازينب وصلتي حولي
يدري اجيت انه ازوره كافلي
وكلبي قرأن الاحزان يرتله
*
#سعدالعبودي

لسان حال الخدام بعد انتهاء الخدمة والرجوع ..



ايام السنه شيگـضـيها بعـديـن
نحسب احسـاب بدمـعة العـين

لـيمـت نرد لـلـموكب انــصيــح
كــل الـــهـــلا بــزوار الحـسين



نـحــــسـب ثـوانـــي بالدمـع شيـرجع الايــام
أحتــرگ گــلـب الخادم ومحتـرگـه الاخــيـام
الوحشــه تكــتل لو خـلـص موكــب الخــدام
الفارگ المــوكـب يضـــل چــم ليـلـه ميــنـام


يحلم يـضل بالرجـعه لو راح
بشغل المواكب فـقـط يرتاح

يفرح اذا بالموكب ايــعيـش
وبس يبتعد عن موكبه نااح



رزق الخــدامه مو وكـــت - بل كل الاوقــاات
الــخادم ايعــيش بكــربله مو گــبـــره لو مات
بس تـنــتهي الــمــوكب تره تبــدي المـعاناات
تكــضي السنــه بلايـه تعب وسفه وحراماات

ايضــل عـــالمـوكـب ايـحـيـر
ايدير الوجه بلكي السنه ادير

ابلايـه الخـدامه ابـلايه زوار
ايحس النفس موجود تقصير



انـلـم الـغـراض وبالدمـع مـــتروسه العيـوون
واحد يگل لـلثـانـي لو نــتــــفــارگ شـلـووون
احــلـــه ايــام الــعــــمــر ويـــــا الـيــزوروون
حـــته موكـــبـنـه صـرخ بــس لا تــروحـوون

مايحتــمل فـرگـانه مجـروح
ايصـــيح تـعـالــو لمن نرووح

الـخـــادم اذا مـاشـــاف زوار
ايحس الطريق ايطلع الروح



وقــت الخــدامه لو خـــلص نـتـلـفت انـگـوم
نحــسب ثــواني الخدمـــته وشيخلص اليوم
اصماخ الجدوره ايضل حرز ويغطي الاهدوم
نـدعي يــربي بكــل وكــت هالــخدمه أدووم


مانــنـحرم من هالدرب كوون
بموكب يريت انغمض العيون

مجنون الحسين الاسم صار
والله افتخر سموني مجنون



بالمــوكب اتـشوف العـجـب من كــل الاعمار
الشايب يضل يركـــض ركــض لو جوله زوار
يـــم الحســين الــكـل خدم وبعــيــنه اكــبار
بس الفرغ من خدمـتـه ايضل وجهـه يــندار


الما خادم ومــازايـر ايـخــاف
يصير الحمل مـو گد الاچتاف

بس الخدم وتـعـنـــه لحسيـن
هذا الأبـد مـايــوم يـنــعـااف


#لـ حيدر العماري