قصيدة ( آه يا جابر ) من وزن الموشح بعد عودة الامام السجاد عليه السلام ولقائه بجابر بن عبدالله الانصاري


آه يـــا جــابــر تنــاشــد عـالجـــره
منين اسـولف والله روحـي مّحيره
*
منين أبـديلك واسولف يــا مصـاب
مــن مصــايـب كــربله دلالـي ذاب
عن أبــوي حسين لــو عن الشباب
اجســوم ظلت مــن دمـاهـا أمعفره

*
أرد اسولفلك علــى حسين شسده
بعــد ذبحــه داستـه أخيـول العـده
وجثتــه ظلت عالـرمـال أمــوسده
بعــد مــــا گطعــت أميــه منحــره

*
آه يــا جابــر بعــد عيني شتشـوف
عالشريعه الگمر مگطوع الچفوف
قِبلِــه صــايــر للنــبال وللسيـــوف
وجثتــه عالشــاطــي بگت متوذره
*
أهنــاه يجابر طـاح الأكبر عالتـراب
وجاسم ابكتـره دماه أصبح خضـاب
يا مصــاب الطفل مـــا مثلـه مصاب
آه يــــا نبلـــة ضــمـــاه امـــوجــره

*

آه يـــا جــابــر شسـولــف يــا الــم
يــوم شــبت نــارهم وســـط الخـّيم
عمي بالطف هجـتْ أطفــال وحـرم
وين تشرد والطفـــوف أمحـاصـره

*
آه يــا سهـم ألــي صــوّب مهجتّــي
يمْ يــزيــد بحســره وگفــت عمّــتي
شلــون يــا جــابـر أبطــل دمعـتّــي
وگلب زينــب نــار تلهــب مسعـره

*
آه يــا شــام الشمــاتــه وحســرتّــه
تبقى حــد المــوت تسعـــر جمـرتّـه
يا مصاب احچيــه روحـي الشـافـتّه
عن رقيه أمصــاب مــا مثلـه جــره

*

آه يــا جابــر جمــر مـــا أظـن يهيد
روس فوگ أرمــاح وبأيدي الحديد
ابتشر يـا وسفــه وشمّت بينـا يزيد
تظـــل جمـــراتـي لحّــدْ الاخــــره

*
الشاعر
موسى البديري
محرم 1442 هجريه

يم الخدر وياچ جينه انوادعه
تحت التراب حماچ جينه انوادعه

،،،،،،،،،،،،،،،،،،،،،،،،،،،،،،،،،،،،،،،،،،،

نمشي اعله درب حسين جينه انوادعه
والدمعه تملي العين جينه انوادعه
بس درب اخوچ منين چينه انوادعه

يا زينب چا وين الهيبه
،،،،،،،،،،،،،،،،،،،،،،،،،،،،،،،،،،،،،،،

هاي اربعين الموت جينه انوادعه
واخوانچ بلا صوت جينه انوادعه
والضعن چن تابوت جينه انوادعه

رد بيهه يا كافل زينب

،،،،،،،،،،،،،،،،،،،،،،،،،،،،،،،،،،،،،،،

نمشي ودموع تسيل جينه انوادعه
والناگه هم تميل جينه انوادعه
ماهوه راح الحيل جينه انوادعه

ومهضومه جيتك محتاره


،،،،،،،،،،،،،،،،،،،،،،،،،،،،،،،،،،،،،،،،،

تعبانه من فرگاك جينه انوادعه
عبالي اظل وياك جينه انوادعه
يا خويه انه البحماك جينه انوادعه

للشام الضيم موديني


،،،،،،،،،،،،،،،،،،،،،،،،،،،،،،،،،،،،،،،،،،،

يمك تهود الروح جينه انوادعه
يا خويه يلمذبوح جينه انوادعه
منك ابد ما اروح جينه انوادعه

يمك للموت تخليني

،،،،،،،،،،،،،،،،،،،،،،،،،،،،،،،،،،،،،،،،،،

لا ما اگلك خاف جينه انوادعه
شافوني چا شنشاف ؟ جينه انوادعه
جنت وين ناس اجلاف جينه انوادعه

اختك يلكافل شتموهه

،،،،،،،،،،،،،،،،،،،،،،،،،،،،،،،،،،،،،،،،،،

ردينه بس اجساد جينه انوادعه
والطف صور ينعاد جينه انوادعه
من صحت ها الاولاد جينه انوادعه

ما واحد بيكم حاچاني



كلمات خادم الحسين
#رعد الفريجي
1442 للهجرة

ياهل السبوهن كعدو ردينه
اسألو جم مدينه وسوك طبينه
وراس حسين اسالو اشايف بعينه
ليش يدور وجهه شما نطكينه


اجيت وجبت وين الغاليه ويانه
شو ماكو هله ومحد تــلــكـانــه
كعدو حسين كلوله اجت نسوانه
خل يعدل ادلاله ويشب نـيـرانـه

اوصي لحد يكله مشونه بدرب ذله
كلوله رجعنه ومانذلينه

-------------------------------------

مشتاكات يم كبوركم وصلن
ومن فوك النياك رواحهن شمرن
حنان وفاكدات وعل بجي التمن
ومن لطم الخدود اوجوهن كلبن

اباوع مااميزهن خواتي وكمت اتيهن
زينب عمتي هايه لوختي سكينه

--------------------------------------

جبتهن وكو بيهن بركب ماجـن
بيهن عالنياك وبل قصر مـاتــن
يحسين انعم الله عليهن العاشن
كلهن حسبيت يموتن الـــراحــن

بويه عذرهن الماتن ماضل ضيم ماشافن
يموت الشاف راسك دمعته بعينه

--------------------------------------

التربه الفوك كبر حسين متفطره
جاهسه ابونه شصاير بـــصـــدره
جبنه المايً كمنه نبلل بــكــبـره
عطشان ويهلبت يوصل الــنـحره

ويروي حسين من عنده ويطفي النار البجبده
ويطيح التراب المامغسلينه

-------------------------------------------

مرينه النهر يجري واله واهــس
ليش انتم عطاشه وهوه ما يابس
وبصفه الحسين يلوع ويـرافــس
وموبس خيل حر وبي عطش دايس

كلبه من العطش ذابل هوه حسين يستاهل
يم الماي مات وما مشربينه
-----------------------------------------
#حسين الساري



◦

يحسين اجيت ودمعي يتجاره
خافن ازورك اخر ازياره
اختك يخويه من الهم اشكيلك
كل خوفي اروح وبعد ماجيلك

زينب انحب وبگلبي حسبه وجيت اگللك
روحي ونوحي خافن اروح ومااردلك
خوفي ضرفي يفرض علي مااگدر اوصلك
دهري وعمري لو يمك ابقه والله ماملك
انته الحبيب الساكن بعيني
خليني يمك دوم خليني
من ضيمي اجيتك يلأخو احچلك
كل خوفي اروح وبعد ماجيلك

ليلي وحيلي تدري المأسي شسوت بحالي
حزني يهزني روحي انه صارت چن مهد خالي
حلوه تسوه عمري وحياتي شوفت الغالي
عطرك گبرك لمن اجيتك هوه صاحالي
گبرك يخويه هوه دلاني
زينب ينور عيوني ناداني
اعثر واگوم وارجع امشيلك
كل خوفي اروح وبعد ماجيلك

اختك يمك هيه السوالف باالگلب لمه
حسره اسره وتلچمني لو مرت علي نسمه
حساسي براسي اصوات كلها تنادي ياعمه
تالي حالي حتى النفس يصعب علي شمه
عوف الگبر لوساعه ورجعله
هيچ السوالف والله ما تحله
راويني وجهك انحب ادخيلك
خافن اروح وبعد ما جيلك

جرحي يدي مثل الحمامه اعله الگبر فرتي
اسمع تطلع خويه شعجب زينب تأخرتي
وني وعني كونك تسائل يحچي الك وكتي
اول اسأل چم مره بدروب اليسر متي
دنيه وبدونك كلشي ماتسوه
مشتاگه اشمن ريحة الخوه
هاي انه اختك هل المقابيلك
خافن اروح وبعد ماجيلك
**
عنك منك راح اخذ اتراب واضمنه
لورد وابعد كل ساعه اضل يحسين اشمنه
شعندي وحدي وينه اليساعد گلبي عاالونه
خلصت صارت غاب العزيز وما اشوفنه
يابعد عمري وعمري مااريده
راح اندفن عنك تره بعيده
لو شيعوني نعشي يوميلك
خافن اروح وبعد ماجيلك
#سعدالعبودي

(القران : زائراً)
...
انه القران وشلون
هجرتوني يگولون
مايدرون مني اليوم كل آيه
ويّاكم تريد تروح مشــــــــايه
*
على كلمـن يتهمكم
انه يا شيعـــه ارد
من (الفجر) للمشي وياكم
بيدي حزمت (الحمد)
مشت بالسبع المثاني
چنهــــا ام تمـــــــشي بولد
وماترد الا العقيله
لكَبر ابو فاضــــل ترد
واذا باچـر تنشـــدون
على (الاخلاص) تلگون
فزعت للحسين محزمه برايه
وياكم تريد تروح مشــــــــايه
*
حضرت وانهت جدلهم
سـورة المجــــــادله
و(القدر) فزعت ســلاماً
هيَّ وللزاير هــــــــلا
(المائده) من البصره مدت
روحهـــا الحد كربله
وسورة الماعــون الها
الزمن تـــــوه حــــله
تِصيح اتفضلـــــوا زوار
واسمعوا الحاضر وصار
من ( الانبياء ) اخذوها الحچايه
وياكـــــــم تريد تــروح مشـــايه
*
(غافر) التمحي ذنبكم
ترده ابيض كل سجل
والعلل تشفيها الكــم
دور سـورة النحل
ابد ما تدخل مسـاكن
تفــــزع اليــوم (النمل)
مو سليمان وجنـــــوده
تريد تتلگـــه الهزل
تقدم دونهــــــــا الـروح
وعلى زينب تون (نوح)
(الضحى) لبست (الليل) شعدها من غايه
وياكم تــريد تـــروح مشــــــايه
*
من يلوم (القمر) لمن
مشي راحت للگمر
للشمس ســــوره گبلها
وصلت بأول صفر
(الحديد) تواسي زينب
اجت مكسورة ظهر
(فاطر) شيبقى بگلبها
بعـــــد عدكم الخبر
على الماعدها وليان
ونين بـ (آل عمــران)
وسورة طـــــه الها نصبت قرايه
وياكم تريـــد تــــــــروح مشــايه
*
(النساء) تحيط بيهــا
ســـوره لو بيكم تمر
گولوا هاي (الكوثر) امها
وحضرت الام الصبر
انسندت بسورة محمـد
حگهـا مهشومة صدر
و(النبأ) محنيّـه الها
هذا حــــال الينطبر
بأثر ممشـــه هالاثنين
(الكهف) تمشي للحسين
على راس الرمح تدرون بالغايه
وياكم تريد تروح مشـــــــــــايه
....

#علي العابدي

صوغة سفر. (الاربعينيه)

من السبي ارجعنالكم
صوغة سفر جبنالكم
شتگول اخوتي وآني ام عون
ارجع واديها خاليه شلون
صوغة سفر جبنالكم
++++++++++
ردينه ما نشبه قبل بس المهم درينه
غير الحنان ودمعتي اي عرف ماضل بينه
يخواني ميتين اقتنع بس اشيقنع سكينه
تسألني ما صاحوا هله بس لا صدك ناسينه

لا والله ما ينسونها
احبيبتهم ايتانونها
ودهم ولكن ما يگدرون
ارجع واديه خاليه شلون
صوغة سفر جبنالكم
++++++++++
ليموت گلبه امن القهر مامات عنده حساسه
يتناسه الام التعب من يلتقي وي ناسه
بگبور اخوته امن الترب تشتم حنان انفاسه
الكم هدايه اعله العدد جبناله كلمن راسه

من الدمه اغسلناهن
جبنه هدايه اوياهن
صحنه باساميكم تسمعون
ارجع واديه خاليه شلون
صوغة سفر جبنالكم
+++++++++++
سألتني بالشام شكثر حلم الرباب شكده
يم عون بله شكولتچ اخذ مهد لو ارده
لو هسه عبد الله كْبر مايغفه بعد بمهده
تسالني هسه بكربله ماگعد نايم بعده

اگعد تصيح اوليدها
وگماطه بعده ابأيدها
گلتلها موته وما يفزون
ارجع واديه خاليه شلون
صوغة سفر جبنالكم
+++++++++
يحسيني يا اكبر جرح انه القميصك جبته
لو بي گصر خويه اعتذر عالرمح ماگدرته
قبل الحوافر والسحك طولك جنت حافظته
گالو حصيره وچم شبر بس جسمك اتخيلته

بس مالگينه الخاتم
وي خنصرك يتوالم
ماندري اذا وياك مدفون
ارجع واديه خاليه شلون
صوغة سفر جبنالكم
+++++++++
ايتامي ركضت للنهر كلمن وطاسه وياها
صاحب جميل الكل طفل وكفات ماينساها
ياعمي صاحو جربه الك من السفر جبناها
ماتتعب بدخلت نهر بدموعنه اترسناها

محتاجه بس اچتافي
تتعطر امن اوصافك
تقبلها منها يالگمر كون
ارجع واديه خاليه شلون

#ثائر الربيعي

كوم زيد النوح عشرين بصفر
روس اهل البيت ردت للحفر

ردوا بهلروس كصدوا كربله
بالشماته الكوم اجت متجحفله
هذا راس حسين ياهو استقبله
ماكو من هاشم ولاواحد حظر

كوم ونحب نوح علصار وجره
على الروس البلتراب امعفره
يبستها الشمس حيل امسومره
ذبل وجه الدين وي نور الكمر

جابر استقبل الروس ابلوعته
كام يتعثر تدمت جبهته
شاف راس حسين هاذي حالته
مطبر ومهشوم مرضوض بحجر

لطم وجهه وصاح ياحامي الحمه
هاي روس اعزازك المتهشمه
شلون ماتنطبك علكاع السمه
شلون روح المصطفى مكطع وذر

هاي زينب صدك دمعتها تهل
الابد مابين خيال الها وشكل
تنسبي وتركب على عجوف الهزل
وين اهلها احيود عدنان ومضر

لطم صدره وصاح يازين العباد
طحن روحي الهظم سواها رماد
ابيضن اعيونك ولابيهن سواد
كلب يعكوب على محبوبه انكسر

صاح جابر يابواليمه ياغريب
ياحبيب المايرد على الحبيب
علتي حد الموت بعدك ماتطيب
شلي بروحي بعدك ونور البصر

الشاعر حسن لعيبي الحريشاوي

(شور)

قد قامت الزياره
حي على المناره
حي على العشك
موسم ضمه وحرك

قد قامت الزياره
قد قامت الزياره

__________

وينه اليحب وينه
وينه الخيم دينه
خل شوغته وجرحه
يرسمهن بعينه

بدرب الصدك عاده
الكل ياخذ مراده
ولكل محب حزنه
من خيمة الساده

ومن رب الخيم
حد لون السهم
صلو على النحر
والنيه ندم

يا جمرت الغياره
قد قامت الزياره

___________

موعد ضمه الضامي
حب تارس أيامي
وهوه انترس حزن
ياوحشت اوهامي

شيخ الزلم يسوه
كل التعب فدوه
ال عثرت جدم زينب
كون المشي أنذره

وكون أهل اللطم
تتوضه ابهضم
وكون المحترك
يفهم بالظلم

حبن لهٌو شراره
قد قامت الزياره

____________

كل خطوه محسوبه
عد الله محجوبه
هنيال ابو الرايه
لهفاته محبوبه

الناطر كضه عمره
خل يدعي الزهره
ويجدد البيعه
للهشمو نحره

وللماله اخو
نار الكلب دفو
زاير كربله
يسمه كفو

بسم الذي تواره
قد قامت الزياره

____________

الماشي ابضوه النيه
تلكه الضعن فيه
وتلكه جرح روحه
كاسرته علويه

الماهمته الوادم
هذا صدك خادم
الهمه الرمح والخيل
يضل ابهواه هايم

ويضل العطش
يرسمله نعش
ويرسمله جسد
عالكاع انفرش

والدم لهُو اثاره
قد قامت الزياره

______________
مرخوصه كل دمعه
اعلى الهزل تنعه
اليحجي ابرخص عينه
حب كربله يرفعه

والعلخدر همه
زلمه وابن زلمه
الطلك الدنيا
ام عون التحزمه

والماله ذنب
حكه من يحب
حب أهل الضعن
حب كلش عذب

شوق العيون ساره
قد قامت الزياره



عبد سيد الشهداء (ع)
انور السهلاني

استشهاد مولاي أّبِا أّلَرضّأّ موسى الكاظم (صلوات الله عليهم )
==================================

يا باب لـكـل الـحاجـات
شو مسدود الباب اعليك
وحدك مسجون ومضلوم
وادم غربه الي تبـجيك
...
تاليتك شــو مشــمور
اومن نعشك طالع نور
يا فخر الله
يا مولاي يا مولاي
*

ابن الزهره "" وصط الحفره * يموت ومسموم
اول تـالـي "" اه يا الـغــالي * غارگ شو بنوم
وانته ابيدك "" كلشي يريدك * يلعايش بهموم
خلص عمرك "" حفرو گبرك * وسموك المرحوم

محـد طالـب بـيـك وثـارك راح
مسموم اتضل ومكسور اجناح
يا مفتاح اشلون ابابك مفـتاح

وسفه نشوفك علگاع
وانته اجدادك السباع
يا فخر الله
يا مولاي يا مولاي
*

بنعشك گالو "" غربه الشالو * الشيعوك منين
محد يحچي "" كلهه تبچي * اي مثل احسين
شافِّوِ نعشك "" ضلت جثتك * اهلك چا وين
محد شالك "" وعرفو حالك * من أهل الدين

معصومه اوحيده ابلا طولك
هيه ودمعتـهه كعدو ينـعولك
وشعلو جم شمعه وطـفـولك

وبتك بلغربه اتعيش
يطلبونك گلي ابيش
يا فخر الله
يا مولاي يا مولاي
**** ****

ولدك ماهم "" وهذا الحاكم * يگطع ايد ليدناك
صوتك طلعه "" خل انسمعه *ليش الغربه تنعاك
اهلك راحو "" كلهم طاحو * ومـحد ضـل وياك
فوگ اقيودك "" زرگه ازنودك *بلصووط الطگاك

ضهرك مايل من طگات التوجع
كل ساعه ورحك مثل التـطلع
وانته بالك يم ربك گاعد تركع

من گلبك طلعت چلمه
تشرح مسجون مدمه
يا فخر الله
يا مولاي يا مولاي
*
حـته بنعـشك "" جرحو گلبك * فـوگاك اقـيـود
عمرك خلص "" صوت ومنگص * نومك مامريود
سجنك اضلم "" ضهرك بي دم * ومورمات ازنود
تهضم ولله "" بوصط الحفره *وبابك ضّلَ مسدود
...

ابنص الطامور اتـضل اشـلون
وتـدري ابـدونـك تعـمه اعيـون
نور اشـلون ابسـجن مسـجون

شرد ابيچك بيا عين
حته اوفي انه الدين
يا فخر الله

يا مولاي يا مولاي
==================================
خادم الزهراء ص
✍ ابو فضه الحميداوي

#المشايه-المقدسة


امشي بحرگ -بــس للزياره والدمــــع
هايم عشگ-فرض المحب كسر الضلع
خطوات الك -لازم اسولفــــها بجـــــمر
كون انسحگ-واضلوعي ابد ماتنجمع

نحرك-قبله عشگنه-يم زوده نلتم -ركض
نحرك-شوگ الزياره-والخدمه واجب-فرض
نحرك-برحمه عطاءك-نطويها طي-الارض

يالحارگ كل خادم غليله
يرويني بس ضامي دليله
امشيلك واتعنه قليله
حسين —حسين —-حسين
——————————1
لهفه محب -تاخذني يـــم طف الالم
گلب اليحب-يحترگ وي حرگ الخيم
رايات الــك-معناهـــــا ماطاح الگمر
الريح اليهب-شايل سوالف كلها دم

جينه-رفرفنه رايه -للخدمه صارت-اصل
جينه-بس كلنا راحه-ماعدنه ركبن -هزل
جينه-كون اعتنيلك-بچفوفي باقي-حبل

نتعنه لشباچك نطـــوفه
تاخذنه من المنحر طيوفه
واليرفع چفينه تشوفــــه
حسين——حسين——حسين
———————-2
گعدت خدم-چن عايله ونلتم سوه
شوگ والم-احچاياتهم عن نينوى
ليل المشي-يگضونه اهات ودمع
بخطوه جدم-نتلذذ وبيــــها الدوه

خادم-الماعنده غايه-طاعه وخدامه-الك
خادم-اليجرد اسمه-ويمشي ويسموه-ملك
خادم-اليصفي نيته-تعــــده بمثــابه-هلك

من ينصب خادمكم خيامه
يتنومس بأيات الخدامــــه
بس يرضه عن فعله امامـه
حسين——حسين——حسين
——————-3
كلشي الي-منطيني خير ومنذبح
يابو علي-مداويني وبروحه الجرح
اهله بغرب-يمشون وي غربه زلم
بلايه ولي-بس عدهم الفوگ الرمح

ضعنك-ينطيني حرگه-حتى اواسي-الضعن
ضعنك-بمشيه سبيه-شايل دموعي-وطن
ضعنك-شحسب دمعتي-لمدللات-البچن

وي ضعنك اتعنه واندبك
وبصوتي اصرخلك احبك
ياريتك تشركني وي تعبك
حسين—-حسين——حسين
———————4
اخذ مدد-من الهاشميه ام الگمر
واطلب بعد-من ارد محني الضهر
درس الخدم-اتعلم الطاعه الك
ما مــل ابد-واليمل هذا مو بشر

منها-هي الوسيله-لو رايد اخدم-صدگ
منها-اصل الخدامه-تعلمك يخادم-عشگ
منها-هي الكريمه-وگلبي لمحبتك-يدگ

امن السلطان اتلمس دمعتي
ومن الحره اتعلـــم خدمتي
واتشارك بحزاني وعبرتـــي
حسين—حسين —-حسين
——————-

احمد عباس العبودي


@hosein_hosein_s

من الارشيف

قصيدة ( عاصمة السماء ))

العــالــم بأســره گاصــد الحضـــره
يعني هـــذا الكــون كلّــه كربلائي
*
العالــم أتـعنــه لضريحــك سيــدي رافـــع لــواء
أنَخّــطْ عليه لبيك كلنا ودونــك أنضحــي الدمــاء
عاصمه لكل دوله ندري وياهي عاصمةْ السماء
بالدمــه انّخطـتْ أسسهـا العاصمه بس كــربلاء
العاصمه الكبره مصدر الثوره
ويفخر العالم يصيح ألها انتمـائي
يعني هذا الكــون كلــه كــربلائي

*
الكون مشــاي اعتنالك قــادم مـن أربع جهـات
حسين يــا قبلـة غــرام أطــوف بيـه الكائـنـات
المـا فهم يحسين حبـك مــا فهم هــاي الحيــاة
يا حسين الكِره دربــك هـــذا احسنله الممـات
أيه ظل حبك ثوره ظل دربك
لان حبــك أيه فــارضته السمائي
يعني هذا الكــون كلــه كــربلائي


حسين يا ســرْ الخليقـه وبسملـة كـــل الخـلــود
حسين يــا صــرخة ضماير فززت هـذا الـوجود
ألك مــن كل صوب گصدت سيدي تمشـي الوفود
والسفـارات ودولهــا لمــرقـــك گصـدت حشـود
احتارت أبنصرك كلها يـم گبـرك
ترفـع الصـوت وتنـادي خذ ولائي
يعني هذا الكــون كلــه كـــربلائي

*
الدّول لــو رفـَرف علمها كلها تشعر بالفخـر
والعلم بحسين رفـرف مــن نــزف دم النحـر
انظــر الشــام وتوجــه للحسين بهـل النظــر
وين صــارت ال اميه وياهو گلي الي انتصر
السيف لو نحره ياهو شع بدره
الكون كلـه يهتف حسين الفــدائي
يعني هـــذا الكــون كلــه كربلائي

*
حسين أنــت الجــاذبيه وبضـريحـك تجتمــع
والدليــل ابكبــريائك كـــربلــه ظلــت تشـــع
أنــت فلسفــة الغـــرام وفلسفة كـــل الـدمـع
العالم لصوت الضماير من ضريحك يستمع
منـــك أتِعّــلم أَنتصـــار الدم
تعلم العالم درس نصــر ألـــدمائي
يعني هــذا الكـــون كلـه كربلائي
*

الشاعر
موسى البديري

يمهيّـــج احــزان الطفـــــــوف
جيت اسأل اجروحك واشوف
داس جبدك حافر السم گبل يوم الاربعين
ليش ماتانيت زينب تجي وزين العابدين
ــــــــــــــــــــ
يالحياتك كلها ماتم
دمعتك زادك وشربك
گاعد اتحن نايم اتون
وكلت نارك خيم كلبك
يمكن اهون لو جنت بالطف ذبيح
اشما يگومك صبرك اترد وتطيح
تشوف راس برمح تجوي بجرحه ريح

بين اهلك وعايش غريب
مالاگي لجروحك طبيب
كالو السمعو حديثك ماكو كلمه ابلا ونين
ليش ماتانيت زينب تجي وزين العابدين
ــــــــــــــــــــ
مااصدگه الكال عنك
يوم عاشر ماحضرته
وانه كلما اقره جرحك
اثر بي للسوط شفته
عمرك اشگد جان بالطف لو شگول
يالبظهر الباقــــر وبيـــــك النحول
السوط بيك وشفت شمسويه الخيول

عمرك كضه ادموع ونحيل
السجاد لو انت العليـــــــل
ال اخ تطلع عله ايسارك تنتجي لو عاليمين
ليش ماتانيت زينب تجي وزين العابدين
ــــــــــــــــــــ
مثل زينب گبل موتك
ميت وبس جسد تمشي
كل نعش مِن اتشوفه عينك
تكول هذا اتمنه نعشي
اسهام يترس جبدتك ماي الشراب
تفرش بكل ظهر خدك عالتــــراب
جانت امنيتك متت مثل الرباب

واكف عله اجروحك تصيح
العاشگ جريح ايظل جريح
وحدك بميدان حزنك واگف اتدور معين
ليش ماتانيت زينب تجي وزين العابدين
ــــــــــــــــــــ
شنهو عشگك ايعذبك السم
وانت فرحان بعذابك
اتدير عينك كلها غربه
الموت يبجي وداك بابك
ليش خليت الجواد ايــــون وحيد
يصيح صعبه عيشته الماله عضيد
بويه اتلگه السبايا اويــــــاك اريد

كل اربعيـــــن بكربــــــلاء
بأكبر جرح عنـــــــدك لقاء
متت وارتاحيت وابنك فضحت ادموعه السنين
ليش ماتانيت زينب تجي وزين العابدين
ــــــــــــــــــــ
ازغير شبلك صعبه وحده
يروح لرض الغاضريه
يشوف جده يشوف عمته
خاف وتسلبه المنيه
يفرح المهظوم اذا لاگوه هله
واليشوفه ابنك صعب يتحمله
يفگدك بهالسنه كلشي بكربله

بس يالرضا حي ماتموت
بكل واحسيناه ليك صوت
والجواد اشيعتذر لو ناشدوه وين الحنين
ليش ماتانيت زينب تجي وزين العابدين
ــــــــــــــــــــ

علي محسن الزيادي

#ميمر للامام الرضا عليه السلام
————————


طال البعد ،، يمته نرد ،، حنينه نوصل يالرضا
نار ابفرگتك تسعر


اسمك يبن موسى المهج ماي الها
والروحي عدّل يالرضا مايلها
عن ذكرك الساني ابد مايلهى
وا بعيني جنة مشهدك مولايه ما تتكتر

عن مهجتي ارد اخبرك والجاها
نار البعد ياسيدي وجّاها
عيني الضريحك شابحه والجاها
رغم البعد رغم القهر روحي تشم العنبر

تعبت حروفي اشما كتب ميمرها
صار ابحلگ من فارگك مي مرها
من غير شوفك هالسعد ميمرها
گلبي على بعدك ترا ياسيدي مايگدر

حبل الصبر لا تعتجب من ينحل
لا ما ألومن هل گلب من ينحل
عندي سؤال وأشكرك من ينحل
يمته امامي اقصدك يم حضرتك يامشّكر

مولايه جنة مشهدك مَوعدنه
صبر البعد يا با الحسن مُو عدنه
مو عِدنه يمك سيدي مو عِدنه
گلب المحب من البعد طول وعرض يتفطر


امسح فؤادي سيدي من ينحب
شيهوّده لو فارگك من ين حُب
صعبه اذا طوّل بعد من ينحب
اي والله حبك بالدمه يا أقرب امن المنحر


———————————-
ثامر بوجبارة الاحسائي

للاربعين 
---------------------
هــل هذه ليــلــة القــدرِ 
ام كربلا ساحة الحشرِ
أذان الأربعين 
لبيك يـاحسين
@@@@@@
ليلة قَدُر ،، ساحة حَشُر،، شفناها في طف كربلاء 
مَلك مَلك ،، كلها إلك ،، تتنزل وترفع  نداء
صوت اعتله ،، في كربله ،، (لبيك يا أبا الفداء)
لزيارتك ،، يم حظرتك ،، تعقد الك عقد الوفاء 

وهاهنا دوحـة الشوقِ
وذروة الحبِ والعشـقِ
نداء العاشقين
لبيك يـــــــاحسين

@@@@

زَحِف زَحِف ،، ما ينوصِف ،، فوج الملايك والخدم 
بارض وسمه ،، متزاحمه ،، كلمن حمل رايه وعلم
يحله المشي ،، وابكلشِي ،، تِرخص إله أرواح ودم 
رغم العدد ،، وابلايه حد ،، گاع القدس شايل أُمم

حلّت بها رحمة الباري 
ذي كربلا كوثرٌ جاري  
رواء المؤمنين 
لييك ياحسين 
@@@@@

يوم الوعد ،، مدد مدد ،، عرش الله زاير حضرته
آي الذكر ،، يم الگبر ،، تحضر وتقره ازيارته
شمس وگمر ،، هذا الخبر ،، خرت تقبل عتبته
لا مو عجب ،،كلشي انجذب،، سر الله صارت گبته 

قد جاء بالكون جبريلُ
نجواه تسبيحٌ و تهليلُ
علت في الخافقين 
لبيك ياحسين 
@@@
كم جابري ،، دمعه جري ،، ابكل خطوه يمشي يهمله 
هاي الارض ،، ارض الفرض ،، يوم الزيارة انواصله
بسم النحر ،، مامن خطر ،، طبينه جنة كربله 
شيعة علي ،، نعم الولي ،، ابوگت الشدد مانخذله 

هذا حسينٌ للولا قبله
والباطل لا يعتلي جهله
خططنا بالجبين 
لبيك ياحسين 
@@@
راية عشگ ،، ما تنمزگ ،، حاميها شيال اللوه
من نقصده ،، رغم العده ،، نمشي ابعقيدتنه سوه
يبقه الوطن ،، طول الزمن ،، باسمه تنفسنه الهوه 
خالد يظل ،، صوت الامل ،، كل ظامي من حبه ارتوه

ارض الطفوفِ اصبحت آيه 
ومنتهى الامال والغايه 
ومهوى الوالهين 
لبيك ياحسين 

---------------------
ثامر بوجبارة الاحسائي 


‏ من جهاز الـ iPhone الخاص بي

#ميمر للأربعين

———-

أهل الوفه ،، عن معرفه ،، جاتك تزورك يحسين
وانته الاصل والجوهر
@@@
جاتك مواكب بالعشگ عنّايه
كل خطوه ابمصحف خدمتك عنّ آيه
يحسين خطّــارك اجت ع النيّه
والنيّه ابدربك راشده تقصد الك يمشّكر

@@@
شيعه نطفنه طاهره والطّينه
مشّايه والراس العده وطيّنه
مد چفك الكلها كرم واطّينه
يالماترد اليوصلك بالمطلب يرجع واكثر

@@@
شلنه مهجنه ابچف فخر والرايه
ما نهتمّ الحچي اليضد والرايه
تزحف مواكبنه آيه ورا ايه
رتلنه ابمصحف ثورتك واتعلمنه امن المنبر

@@@
اسمك رفعنه للمجد وحّدنه
رغم البُعد من كل بلد وحّدنه
واحدنه ينعد عن الف واحدنه
منبع فخر لليعشگك حگ المحب من يفخر

@@@
يالذكرك الروح المحب راحه الها
شدت مهجنه ابحضرتك راح الها
لا يعتقد عنك خصم راح الهى
يالساكن ابوسط النفس خط الشعاير أحمر

@@@
محتاجك ابكل الشدد ظل عيني
ظل روحي يابن الطاهره ظل عيني
منّ الصدر لو تنكسر ضلعيني
ولا انحرم من شوفتك يابن النبي ما أگدر

———————————
ثامر بوجبارة الاحسائي

الاربعين- للمحرومين 
--------

ما ابطل امن النوح 
لن روحي كلها اجروح 
يللي تزور احسين  
خذ گلبي بالله اوروح
@@@@@@@ 
ياسيدي،،  عندك خبر شوگي الك ماينوصف بحروف 
ياسيدي،، وانته الملك  يامالكي خادم الك موصوف
ياسيدي،، ياكعبتي گلبي عبد يتمنى بيك ايطوف
ياسيدي،، يم حضرتك خذني لطم خذني دمع مذروف

هنياله من يمك وصل واجرى دموع العين
نال العلا ورب العلا *صلى على الباكين* 

يامالك الاحساس 
ياساكن الانفاس 
روحي على الگبتين 
لحسين وللعباس
@@@@@
ياگاصده ،،  من ضلعي خذها رايتك من روحي خذ لك زاد
ياگاصده ،، كل خطوه في درب المشي من تمشي خذلي امراد
ياگاصده ،، خبّر حبيبي اشتگت اله عمري اله لو عاد
ياگاصده ،، ليلي اونهاري ناصب الفگده عزا واحداد

احچي الحبيب احچايتي وصّلّه مني اخبار 
بلچي يسجلني الشهم زاير من الزوار 

خبر حبيب ابهاي 
ارد اعتني مشاي
وابچفي راية شوگ 
للي سكن بحشاي
@@@@@
آنه المحب ،، حگي اذا مات الصبر لو گلبي مني ذاب 
آنه المحب ،، ماينوصف وضع الذي فارگ حبيبه الغاب 
آنه المحب ،، خل يستمع مني حبيب اشعندي منّ اعتاب 
آنه المحب ،، ماسجلتني شل جنيته گلي شل اسباب   

حتى لون ذنبي كُبَر لو ثگله وزن اجبال 
ماظني يرضا سيدي يتركني ابهالحال 

ياسيدي اترجاك 
حلفتك وانخاك
تتحنن اعليَه 
تأذن لي كون الگاك 
@@@@
عمري مضه ،، وآنه ارتجيها ازيارته يمتى يجي هاليوم 
عمري مضه ،،  وكل اربعين الي يمر ابگه ابألم محروم 
عمري مضه ،، وگلبي جمر گرّح جفوني دمعي المسجوم
عمري مضه ،، ياسيدي خذني الك ذبت ابألم واهموم 

ياسيدي آنه اعتذر لني إلك ماجيت 
مو بيدي اوهذا العذر تتقبله ياريت 

گلبي الك ملهوف
عندك خبر معروف  
هذا الامر مولاي
عنكم تردني اظروف 
@@@
ربي اندعي ،، ابصوت الحزن من منحرم ابعث اله نجواي 
ربي اندعي ،،  وارفع چفوفي لسمه دمعي جرى امن ابچاي 
ربي اندعي ،، گلبي انكسر مارحت اله هاي السنه مشّاي
ربي اندعي ،، يكتبني زاير سيدي في اربعينه  الجاي 
 
كل ما اودع من نوه لزيارته ونيت 
چذابه رسمة بسمتي غصبن عليه ابچيت 

مو بيدي دمعي يهل 
منّ البچي ما مل 
محبوبي ما الگاه 
عاشگ و فارگ خل 

------------------------
ثامر بوجبارة الاحسائي 


‏

ودونـــي ودونـــي
يـا عـمّــه ودونـــي
يــم گـبــر أخــوي أحـسـيـن
———————————————-
ما ظـل صبـر وأصبـر بـعـد
صبـري أنـهــدم يا عـمّــه
وديـنـي أصـبـغ شـيـبـتـي
من سـيـل نـحّـره و دمّــه
وديـنـي بـچفـوف الـحـزن
من صـدره نطلـع سهّمـه
ونّـضمـد أجـروحـه ونـهـل
دمـع الحزن يم جـسّمـه

بـعيـونـي بـعيـونـي
ونـدفـنـــه بـعيـونـي
بـيـن الــرمــــش والــعــيـــن
———————————————-
يـا عـمّـه يـم گـبـر الـولـي
وديـنـي أجـري الـعـبّـره
أشكي المصايـب والمحـن
ويـسمعهـا أبـن الـزهّـره
خــلّاني بـهـمـومي ورحــل
أتـمـحّـن بـهـالـعـتّــــره
لـجـل الـيـتـامـه والـحــرم
گـلـبي تــهــدم صـبّــره

خــلّــوني خــلّــوني
أشـكـيلـه خــلّــوني
بـيّـــه أشـعـمـــل هـالــبـيـــن
———————————————-
سـلّانـي سَــل بـغـيـبـتــه
مـا رد عـلـيّـه أبـن أمّـي
من بعده أعيـش أمكـدّره
بـمكـابـر آنــه وهـمّــي
شمـا بطّلـت دمـع الهظـم
يـبچيلـه جفّني المدمي
عـفـتــه يـعـمّـه بـكـربـلــه
فـوگ الـثرى ظل مـرّمي

بـضـعـوني بـضـعـوني
مـحـتـــاره بـضـعـوني
ويــــــن أتّــجـــــه لا ويــــــــن
———————————————-
يـم گبـر أبن حـامي الحمـه
نـجــري الــدمـــع والآلام
ونّـخبـره ما ظل بالـضعـن
بــس الـحــرم والأيـتـــام
يـم گـبـره نـصـرخ يالـولي
أذوّنـه خويـه أهـل الشام
وجـــروح گـلـبي الـخـزّنـت
ماظـن تـطيـب وتـلّـتــام

هـضـمـوني هـضـمـوني
بـالـغـربــــه هـضـمـوني
وأبـن أمّــي أجـيـبـــه أمـنـيــن
———————————————-
يا عمّـه چـن صـوت الـحـزن
من گـبـره يـصـرخ لـينـه
مـرْ الـضعـن يـم سـلـوتي
يـم گبـر أخي مـرْ بـيـنـه
مشتاگـه أشم نحر الأخـو
وتـبچي تـريـده أسكينـه
نـتـوادع بـحـرّگــه ودمـع
ويّــــه الــولي خـلـيـنــه

ضـلمــوني ضـلمـوني
بـبـن أمّـي ضـلمـوني
صـــار الــجـــرح جـــرّحـيـــــن
———————————————-
الـشـاعـر
سـيـد عـلاء الـحـيّـدري

خطيت اكبر خط بالكون يحسين الدمــك ممنـون
الله اختـارك حتـى أنصــارك
رايـه وبالطـف اترفعـون
&&&&&&
خطـيـت بدمائـــك ياأبــو الاحــرار
مناهـــج للعقيـده ومسـلك الثــوار
ضمير الدنيه ناده اتوضحت الاسرار
لأن ربــك شهيــد تكـون هو اختار
وترسـم لوحه وبيهه النور
يوم الطف البيه اتثور
وابصرارك حتـى أنصــارك
رايـه وبالطـف اترفعـون
&&&&&&
رايـات النصرطـول الزمــن تِعلــّه
وياهــذا النصـر لامايمـر مثلـــــه
هِـزم سـيف الظلاله بقوته أوذلـــّـه
ودم السال شيـــد للشـــرع عــدله
ثابت دينه وبيكم زاد
بكل يوم يمـر وينعاد
تبقـه اخبــــارك حتـى أنصــارك
رايـه وبالطـف اترفعـون
&&&&&&
ثبـّـت العقيدـده مـن نـزف دمــــك
وظل خايـف حقـدهـم سـيدي يمك
مـو گبـرولحــد لامـاحـوه جسمـك
كـل شيعـي وموالي بالگلب ظمك
وانـت البلسـم والنبراس
يمتـد منـك للعباس
بيــه اتشــارك حتـى أنصــارك
رايـه وبالطـف اترفعـون
&&&&&&
يبو اليمه ملاحــم كربلـه صـــارت
ملاحــم للبطولـه والفخــرشــالت
حتى اطفال تركض للحرب غارت
لجلـك ياسليــل المصطفى سارت
بلاخوف يردهم ماشين
اتضحي الروح ولجل حسين
هــاي أثــارك حتـى أنصــارك
رايـه وبالطـف اترفعـون
&&&&&&
ياهــو اللــي اعـده ومارسـم لوحه
ظــم كــل الزمـان ومانـزف جرحه
يريد الليل يرحل بس يجي صبحه
يفرح من يموت ويضحـك ابذبحـه
شـال اصراره من الكرار
متاني الدم ايفيض انهار
بــي يتبـــارك حتـى أنصــارك
رايـه وبالطـف اترفعـون
&&&&&&
واعظم هالمواقف وگفــت الحــره
من جدك وابــوك وفاطمه الزهــره
تشيل اهوال صعبـه وظالمه ومره
عجز يمهـه الصبر حارونفذ صبره
تعاين لحسين وممدود
ويـم الشاطي راعي الجود
نــاره ونـــارك حتـى أنصــارك
رايـه وبالطـف اترفعـون
&&&&&&

خادم خدام الحسين عليه السلام
الحاج ابو إياد البيجاوي

بالرضا اليوم عزانه بالرضا اليوم
بالرضا اليوم عزانه بالرضا اليوم
@@@
إلمنار الليالي .. لغالي وأبن الغوالي
دمعي يصب
من عظم هالمصيبه .. دمعي دخّن نحيبه
وذاب الگلب
ويلي بضعه نبينه .. بچفه يمسج جبينه
مات ابغرب
...
شيخ هاشم ولينه العظيم ابهيبته
ياهو غمضله عينه الغريب ابغربته
...
فگده مالوم اجانه بالرضا اليوم
بالرضا اليوم عزانه بالرضا اليوم
@@@
بالعنب لو عصيره .. فاجعتنه الكبيره
انسم الإمام
قلعه چانت منيعه .. وزلزلوها ابفجيعه
ليوم القيام
ياظلام الليالي .. من فگدنه المعالي
شمس الانام
...
شمس لشموس توسد على ذاري الترب
ولحده بالروح حفرنه او وسط جرح الگلب
...
فگده چالليل لفانه بالرضا اليوم
بالرضا اليوم عزانه بالرضا اليوم
@@@
حزنه لمن تكون .. عالجوارح تسلطن

فوگ الضلوع
من فؤاده حنينه .. وباليحبه ونينه
فيض الدموع
يالله نصب عزيه .. من عظم هالرزيه
بين الربوع
...
ابخراسان مصيبه طفت نجم السمه
ومن عظمها بلجنان نعتها فاطمه
...
مصاب فكده حِنانه بالرضا اليوم
بالرضا اليوم عزانه بالرضا اليوم
@@@
هاللي چنه ابدلاله .. والضمنها الغزاله
المولى الرؤوف
والله صعبه وكبيره .. شمس الله ابحفيره
جنازه نشوف
بالمدامع نذرنه .. حتى نعمي نظرنه
ونترس چفوف
...
أبن هارون فجعنه بسبط طه الرسول
بحشره شنهو يجاوب اذا اتسأل البترل
...
جرح فرگاه ولانه بالرضا اليوم
بالرضا اليوم عزانه بالرضا اليوم
@@@
رايه سوده نرفها .. وبالمآتم وصفها
بمشهد ونين
لاچن ابهالرزيه .. نذكر الغاضريه
وذبح الوتين
الرضا ماتگطع .. ولارمح راسه يرفع
أي وا حسين
...
مصاب لطفوف يهون مصيبة كل مصاب
حيث لحسين رميه وصاله عالتراب
...
حزن لطفوف رمانه بالرضا اليوم
بالرضا اليوم عزانه بالرضا اليوم
@@@
علي احمد الحمود
٣-١٠-٢٠٢٠
شهادة الرضا ع

السيدة سكينه بعد عودتها من الشام الى كربلاء وهي تخاطب قبر ابيها الحسين ( عليه السلام )
،،،،،،،،،،،،،،،،،،،،،،،،،،،،،،،،،


بويه بويه ،، فدوه گوم الحگ عليه
بويه بويه ،، عذبتني الغاضريه
بنتك ودلالي نار
راجعه وما عندي دار بويه بويه

،،،،،،،،،،،،،،،،،،،،،،،،،،،،،،،،،،،،،،،

وينك المهضومه تشكي الهم لبوهه
وينك الما عدهه أبو بالسوط اجوهه
انه هاي اليتموهه وعذبوهه
انه سكنه المرمروهه بذبح اخوهه

تدري تدري ،، حرگو اخيامي وچفوفي
تدري تدري،، صاحو اعله حسين طوفي

رمحك العالي مزار
راجعه وما عندي دار

،،،،،،،،،،،،،،،،،،،،،،،،،،،،،،،،


راجعه ودرب السبي ونه اعله ونه
راجعه وكل ضني يتلگونه اهلنه
حسين گوم وشوف يا وحشة ضعنه
الجابهن عباس راحن گوه منه

دمعه دمعه ،، محد اتلگه اليتامى
دمعه دمعه ،، الغربه ما بيهه سلامه

أظلم بعيني النهار
راجعه وما عندي دار

،،،،،،،،،،،،،،،،،،،،،،

وينك انته الگاع طمت ذكرياتي
يمك آنه بدمعي وبحرگة عباتي
گوم بويه وداعتك شلي بحياتي
دنيا دونك انتظر بيهه مماتي

انته انته ،،، الدللتني وما نسيتك
انته انته ،،، يله رجعني الثنيتك

دمعه بعيون الزغار
راجعه وما عندي دار

،،،،،،،،،،،،،،،،،،،،،،،،،،،،،،،،،،،،


راجعات لحظن ابونه بلا رقيه
حالفات اعله الكبر دمعه ومنيه
احنه بويه الرحنه وي زينب وصيه
هالرجعنه وريت ميته الغاضريه

وحده وحده ،، ماتت بذيج بالخرابه
وحده وحده ،، صاحت بدمعه يبابا

والدمع بالفرگه حار
راجعه وما عندي دار

،،،،،،،،،،،،،،،،،،،،،،،،،،،،،،،،،،،،،،،


حيل ما ظل حيل وبنيتك عليله
عمري بعدك بويه وناته طويله
بويه بس تراب گبرك ششتكيله ؟
شوفتك چا ليش صارت مستحيله

وسفه وسفه ،،، انه عدله وهوه لاله
وسفه وسفه ،،، ربي موتني ابداله

انه عدله وموتي صار
راجعه وما عندي دار



✍️✍️ رعد الفريجي
5/10/2020 الاثنين
17/صفر / 1442 للهجرة