★•• لطمية لصاحب الزمان "عج" ••★
{{{ عبرة الأنتظار }}}

أنتظر.. غالي طالت غيبته
أنتظر.. تربي عيني لشوفته

حسرة اجرها كل صباح وكل مسية
للعزيز وأغلى من روحي علية
★ أنتظر .. أنتظر ★
…………………………………………

عمري خلص بانتظار ولهفة واشواگ
والله ذوبني حنيني ونار الفراگ
هالملا بعيني أشوفه بية چن ضاگ

أحتضر.. والله تعبني الهجر
أحتضر.. نار بُعدك تستعر

آه يالغايب أنه شفت الآذية
يمتى تظهر تكشف الهم اللي بية
★ أنتظر .. أنتظر ★
✾✾...............✾✾...............✾✾

بالفرج دوم انه اذكرك في دعائي
ومن ذنوبي أخجل وقلة حيائي
منك ارجوه العذر واقبل رجائي

أعتذر.. واعترف ذنبي السبب
أعتذر.. عالوجن دمعي سچب

لا تخليني بحزن يبن الزچية
مالي غيرك سيدي يفزع ألية
★ أنتظر .. أنتظر ★
✾✾...............✾✾...............✾✾

دوم الوذ بصايتك وبدمعي اشكيك
أحس يمي وتستمع وتگلي اشبيك
ابقربك اتگلي أنة لا ما أخليك

يالگمر.. نورك ايشع بسماي
يالگمر.. گبالي احسك ياضواي

من انادي سيدي وارفع ايدية
ما تخليها تظل عيني جرية
★ أنتظر .. أنتظر ★
✾✾...............✾✾...............✾✾

روحي تلهب يا أمامي وكلي امال
من تجي رحمة تعم واتغير الحال
عجل اظهر سيدي مو هالبُعد طال

تستقر.. يمك اتطيب الجروح
تستقر.. وتنبني بية الصروح

ابجيتك أنه عيشتي تصبح هنية
سيدي من الباري أنته اجمل هدية
★ أنتظر .. أنتظر ★
✾✾...............✾✾...............✾✾

خلص صبري وبية تسعر والله نارك
يمتى نورك ينتشر واصبح جِوارك
وامشي ابشورك أنه ويمشي قرارك

تزدهر.. دنيتي لمن تطل
تزدهر.. روحي وانته الها أمل

في سجلك رايد انة بكل رزية
بين ايدينك حلمي اتكون المنية
★ أنتظر .. أنتظر ★

تــمــت بــعــون اللـہ
1/4/2020
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✾✾...............✾✾...............✾✾

بعلي الاكبر نهني عترة الزهره
ونزف احلى التهاني اليوم والبشره
انولد شبه الرسول بصوته وفكره
ها..ومن دمه من نفس الهادي
&&&
شبه الرسول ومن برز طر العساكر صوبين
ارتجز وينادي ابفخر ننطي الركب لجل الدين
المرتضى جدي علي واسمي علي ابن حسين
ها..وبسيفه عمي اتعرفونه
&&&
بيوم الطف كلبها كربله الحومه
علي الاكبر اخبرك عندي معلومه
جنه الهادي بالميدان حلوه طلت رسومه
ها..جن طه يوم البارزهم
&&&
نزل غاضب عل العدوان من ناده
علي الاكبر برز للناس هوه بهيئة اجداده
حمل سيف النبوه ومنبع الساده
ها..وشالها الغيره بجفه
&&&
من ناده المنادي اجتمعت الفرسان
برز شبه النبوه من بني الشجعان
صاح دخيل كلمن دخل بالميدان
ها..من سيفه عدوانه احتارت
&&&
حيرها الاعادي وكلمن اتعناه
علي الاكبر ربطها عكدته بيمناه
والجاي وبرزله يومه ظل ينساه
ها..من شاف غمضها اعيونه
&&&
خادم اهل البيت
الحاج ابو علي السعيدي

مناجاة غائب

طول غيابك حيل
ياحاني ظهر الليل
ــــــــــــــــــــــــــــــــــــــ
طاري السبي أمأذيك وثاراتك اتّانيك
واسوالف الخيمات ظلن يچوّن بيك
الف وبعـد ميتين وماندري عايش وين
واتصورك موجود هسه ابضريح احسين

احسين اليشبه الزهره الخيل الداستـه عشره
حديد الحافر ويعني صدره انطبگ وي ظهره

گوم احني ظهر الخيل
ياحاني ظهـر الليل
ــــــــــــــــــــــــــــــــــــــ
اتخيلك متعوب ابعينك نبي مصلوب
ياهو انته يـامولاي الـمهدي لو يعگوب
چنك شخص كبران ماملتقي بإنسان
قادم من المجهول ومن عالم النسيان

امفّصِل للعطش غيمه رايح جاي بالهيمه
تسمع ركضة الحوراء لمن حرگو الخيـمه

وبيهه الشماته اتعيل
ياحاني ظهر الليل
ــــــــــــــــــــــــــــــــــــــ
وين انته يامولاي بالطف توزع ماي
يبن الحسن لوجاي من النجف مشاي
تمشي بدرب مسحوگ وعماتك أعله النوگ
ماندري طبّن وين هسه ابقصر لو سوگ

والـمسبيه عمّاته دم اتصير دمعاته
يوسف طلع من البير ويوسفنه ابمعاناته

راح العمر تأجيل
ياحاني ظهر الليل
ــــــــــــــــــــــــــــــــــــــ
من داخل الشباك صوت الطفل ناغاك
ماي أو دفو أو كاروك يالمهدي جيب اوياك
ابصدر الابـو تلگاه حط اذنك أعله اشفاه
همساته هيچ اتگول لبيكَ ثار الله

ومن نحره السهم طلعه وبلّل ريجه بالدمعه
وراسه البالحبل شدوه بيدك للجسد رجعه

واغسل رگبته ابهيل
ياحاني ظهـر الليل


#العبدالحسيني_محمدالجماسي

🕊🍃لميلاد حجة الله
الإمام المهدي
المنتطر عجل الله
فرجه الشريف🕊🍃


مهديُّ يا أملي..يافارساً أزلي..سَمَوْتَ يابن علي

نورٌ يظهرْ....سيفٌ كَبَّرْ

🍃🕊🍃🕊🍃🕊🍃🕊🍃

يا كوكب الدرّ الّذي شَعْ بين بدرين
نوّر اببيت العسكري ونرجس هلثنين
وغرّدت أطيار السما تبثها فرحتين
فرحة ولادة طاهرة وولادة الدين

يامنقذ الأممِ..ياسيد الهممِ..يارافعَ العلمِ

شبلُ حَيْدَرْ..أنت الأَجْدَرْ


مهديُّ يا أملي..يافارساً أزلي.. سَمَوْتَ يابن علي

نورٌ يظهر...سيفٌ كَبَّرْ

🍃🕊🍃🕊🍃🕊🍃🕊🍃

من جيت عالدنيا زهت واستبشر الكون
هَشّ وهتف يبن النبي هَمْ بيك مفتون
ماظل ملك وجن إنس كلهم يسبحون
المولدك ياسيدي حضروا يشيعون

يا مصلح المللِ .. ياناصر الرسلِ.. يا آخر الأُوَلِ

أنت المصدرْ..ذكرك يُشْهَرْ


مهديُّ يا أملي..يافارساً أزلي..سَمَوْتَ يابن علي

نورٌ يظهر....سيفٌ كَبَّرْ

🍃🕊🍃🕊🍃🕊🍃🕊🍃

فاحت عطورك زاكية ياكوكب الدّين
انت امتداد الحانية أم حسين و احسين
انت القطوف الدانية مو بالبساتين
كل ثِمْرة منّكْ يالولي تروّي الموالين

يا وارث الزُّهَرِ..يا آخر الدُّرَرِ..ياخاتِمَ الغرر

ابن الكوثر..غيث أَمْطَرْ


مهديُّ يا أملي..يافارساً أزلي..سَمَوْتَ يابن علي

نورٌ يظهر....سيفٌ كَبَّرْ

🍃🕊🍃🕊🍃🕊🍃🕊🍃

نناديك يا ابن المصطفى كلنا عطاشه
نضد اليضدك سيدي نرفض نقاشه
تتركنا حسرى ابن الحسن ماترضى حاشه
رَفْرِفْ على قلبْ المحب انت انتعاشه

ياقاصِمَ الكُفْرِ..ياحاسِمَ الأمْرِ..أدركنا بالنَّصْرِ

لَيْثّ قَسْوَرْ...ارْعُدْ زمْجِرْ


مهديُّ يا أملي..يافارساً أزلي..سَمَوْتَ يابن علي

نورٌ يظهر....سيفٌ كَبَّرْ


🍃🕊🍃🕊🍃🕊🍃🕊🍃

✍خادمة أهل البيت
أم علوي الخبّاز
لا أجيز حذف الإسم
أو التغيير

🕊🌸جلوة لميلاد بطل
كربلاء علي بن الحسين
الأكبر سلام الله عليه🌸🕊

‎مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸

ليلى غدت مسرورة
لاقت فيه أجمل صورة
ومن جا هالمولود الزين2
هلل أبوه واستبشر


‎ مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸🕊🌸

جينا بفرح عالعاده
اببهجة نحيي ميلاده
نسل النبي ونور العين2
الكون الْـ جيته اتعطر

‎ مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸🕊🌸

من شانه طشينا اورود
بيوم السعادة مولود
فرحوا ويانا لمحبين2
بميلاده يوم احدعشر

‎ مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸🕊🌸

بنشوه وسعادة صرنا
بفيض السنا يغمرنا
كل الخلق مبتهجين2
لسبط الولي الأزهر


‎ مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸🕊🌸

بأرض وسما نتباهى
لكبر حبيب الْ طه
شمعة علي وقلب احسين2
وجبريل الأجله كبّر

‎ مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸🕊🌸

مرحى للشيعة مرحى
كل عام يشيعوا الفرحه
لجل البطل نجل حسين2
ليث الحريبة القسور

مبارك بجية الأكبر
‎ اشبيه النبي وي شبر
‎اشبيه الزهرا ولحسين2
‎جل الـْ خلق له وصور

🌸🕊🌸🕊🌸🕊🌸🕊🌸

🌸🕊كل عام وأنتم بخير🕊🌸

أعاده الله علينا وعلى الأمة الإسلامية جمعاء بالخير والعافية والسعد والأمن والأمان

نهني النبي الأكرم وآله الكرام ومراجعنا العظام وشيعة علي والمسلمين بهذا اليوم المبارك ميلاد علي الأكبر سلام الله عليه

‎✍ أم علوي الخباز
١٤٤١/٨/١٠ هـ

(( شبل السبط ))
ذكرى ميلاد علي الأكبر عليه السلام

بصَدىٰ الأفراحِ كَبَّر ... وَحْيُ رَبّي حينَ أزْهَر
نورُ شبل السِبْطِ أكبر
✯✯✯✯✯✯✯✯✯✯✯✯
يا مساء الأُمنيات هَلْهَل بألْطافَه فينا
و ازْدهَر نجم السعود يشَعْشِع الفرحه علينا
و إبْتِسَم ثغر الزمان يضحك لبهجة ولينا
يهَنّي بألْحان الطيور مَوْلِد الأكبر عَلينا

نَجْمُهُ نَجْمُ التَهاني ... قد حَوىٰ كُلّ المعاني
في سماءِ الدُنيا أسْفَر
نورُ شبل السِبْطِ أكبر
✯✯✯✯✯✯✯✯✯✯✯✯
إبْتسم خَلْها تميل هالغصون إللي مزهْرَه
و تفتح ورود السلام و الورد ينعشنا عطره
و خل عَبَق حُب و وِئام يغمر العالم يأسرَه
بلكبر إلْجانه تفوح ريحة الجَنَّه أويَه زهره

ذا سَليلُ الهادي أحمد ... مَنْ بهِ الكَوْنُ تَوَرَّد
غُصْنُ وُدّي غَضُّ أخْضَر
نورُ شبل السِبْطِ أكبر
✯✯✯✯✯✯✯✯✯✯✯✯
گلبي رفرف عندليب يم مهد لكبر يغازل
و غَرَّد ابصوت الهيام يا حلو هاي الشمايل
وجهه طٰه و الخصال چَنَّه جَدَّه بينا ماثل
عشگه مو بيدي يَناس في هوىٰ حُبَّه شأجامل

حَسْبُهُ قَلْبي فُتونا ... بالهوىٰ ذابَ جُنونا
ذا سراجُ العِشْقِ نَوَّرْ
نورُ شبل السِبْطِ أكبر
✯✯✯✯✯✯✯✯✯✯✯✯
حسين اشوفه ابْهَالوليد غامر الدنيا سروره
و بالصدر ضَمَّه سعيد الله يا محلىٰ شعوره
ينادي شعبان البهاء حَگَّه يفخر في بدوره
مولده بُشرىٰ أُوْيَه عيد و الشعر قَفّىٰ لحضوره

بَحْرُهُ عَذْبُ الضِفافِ ... مَوْجُهُ هَمْسُ القوافي
نَحْوَهُ وُجْداني أبْحَر
نورُ شبل السِبْطِ أكبر
✯✯✯✯✯✯✯✯✯✯✯✯
يا علي و هاي الحروف بكل گلب صارت وسامه
ينبض بإسمه و دماي طافت احروف الكرامه
و العقل لا ما يتوب ظل خصم گلبي بغرامه
ذا بدر وجهه البديع من نبُوَّه و من إمامه

كُلُّ نَبْضٍ في فُؤادي ... ناذِرٌ عِشْقَ الرَشادِ
آلُ طٰه ذا المُطَهَّر
نورُ شبل السِبْطِ أكبر
✯✯✯✯✯✯✯✯✯✯✯✯
حگها عيني ما تميل عن سحر عينه و جماله
و حگه من حسنه يغار هالحسن منهو مثاله
بجاهه يا رب العباد تعطي كل قاصد نواله
و تحيي آمال إلْيريد بحضرته زاير إجاله

عِنْدَهُ تُعْطىٰ الأيادي ... إنَّهُ بابُ المُرادِ
بِهَواهُ روحي تَجْهَر
نورُ شبل السِبطِ أكبر
✯✯✯✯✯✯✯✯✯✯✯✯
ابو شهيد الأحسائي
الجمعه ١٤٤١/٨/٩هـ
-------------------------

مولود
بطاقة تهنئه للنبي الأكرم
بمناسبة ذكرى ولادة الشباب الهاشمي
الأمام علي الأكبر عليه السلام
والأمام القاسم أبن الحسن المجتبى عليه السلام
.............................
بالولاده الأكبريه
بالولاده القاسميه
نرفع آيات التهاني
للنبي سيد البريه
......................
أبذكرى ميلاد الشبيبه
نسمت نسمات طيبه
يا رسول الله أوحبيبه
أمبارك أبهاي المسيه

أبمولد أبدور الأمامه
ترتجي أهل الخدامه
تشفع ألها بالقيامه
الخاطر الزهره الزجيه
....................
للحسن سبط الرساله
القاسم الليله أبجماله
صار والداعي أعتناله
أيبارك النفس الزكيه

يا سلام الله أو صلاته
القاسم الليله أشحلاته
النخوه والغيره صفاته
بحر علم المرجعيه
..................
الحسن هاليله عيده
حاضن أبحضنه وليده
يعصر أبجف أيده أيده
أبكربله وفي الوصيه

لامتك والسيف عندي
والوصي الكرار جدي
أبكربله لحسين جندي
الكاع أخسفها أباأميه
...................
الأكبر الليله أبحضوره
نور الدنيا أبضهوره
بالخلق والمعنه صوره
شابهك بالميه ميه

بالمهد ودموعه مربد
يا رسول الله محمد
بسمك الليله تشهد
صاحب الذات الوفيه
...................
لقنه أحسين أبسعاده
أسمى آيات العباده
أتشاهد أباأذنه الشهاده
قربه لله أو نبيه

هاشم أتباهي أبشبابه
عطرك الزاكي أبثيابه
جنا أنته بالنيابه
فخر كل الجعفريه
....................
صاحب الغيره الموالي
أمعيد أبهاي الليالي
للحسن مولود غالي
أوغالي مولود ال أخيه

تهنئه الكل الفواطم
تهنئه الكل الهواشم
نختم أبهاي المراسم
دعوه للحجه البقيه
...................
خادم أهل البيت
الشاعر : أسماعيل الجوراني
السبت : 4/4/2020
10/شعبان /1441

هوسات
لشجاعة الأمام
علي الأكبر عليه السلام
....................
من برز للحومه الأكبر مثل سبع الكنطره
دايره بالسيف خطله أو صار وسط الدايره
أوكام يا فارس يجيله راسه غاد أيكتره
ها ها ( من عمه )
أتعلم شمراته من عمه
....................
كثر الشوغات بيهم للحرب لما أنبره
بين خاتله أبحفيره أوبين جثه أعله الثره
بالشجاعه(علي )جده (علي ) أويندب حيدره
 ( ياهو اليكدر )
يلوي أذراعه ياهو اليكدر
...................
بكر بن غانم تورط ورطه من واجه علي
جابه يمنه أوجابه يسره والمراجل تنتلي
أو طكه طكه حيدريه أوغبره كامت تنجلي
ها ها ( يتباها أبزوده )
والأكبر يتباها أبزوده
......................
خادم أهل البيت
الشاعر : أسماعيل الجوراني
الأحد : 14/4/2019

مولود للامام الحجه عجل الله فرجه
على طور حجي باسم
((رب العلا اختاره))

عالنبي صلينه//بمولود مهدينه
🎈🎈🎉🎉🎉🎉🎈🎈
بشعبان نصفه اتزينت دنيانه
يبن الحسن //يبن الحسن
بمولد الحجه ابن الحسن فرحانه
يبن الحسن //يبن الحسن
كل جمعه روحي تنتظر ولهانه
يبن الحسن //يبن الحسن
بلكي اشوف المنتظر مولانه
يبن الحسن //يبن الحسن
لشوفته اتمنينه//بمولود مهدينه
🎈🎈🎉🎉🎉🎉🎈🎈
بجاه الي خاوه الاوس ويه الخزرج
يبن الحسن //يبن الحسن
وأسرى لسماءه وطاف بيها وعرج
يبن الحسن //يبن الحسن
عجل ظهوره وسهل النا المخرج
يبن الحسن//يبن الحسن
وهالغُمه دايم ندعي يارب تِفرج
يبن الحسن يبن الحسن
نرفع ايادينه//بمولود مهدينه
🎈🎈🎉🎉🎉🎉🎈🎈
فرحانه هاليوم وتهني الشيعه
يبن الحسن //يبن الحسن
واجب علينا امرك احنا انطيعه
يبن الحسن //يبن الحسن
هذا عهدنا وياك لا مانبيعه
يبن الحسن //يبن الحسن
وابدمنه وقعنه إلك هالبيعه
يبن الحسن //يبن الحسن
ولمحفلك جينه//بمولود مهدينه
🎈🎈🎉🎉🎉🎉🎈🎈
وبمولدك نعلگ الليله الشمعه
يبن الحسن //يبن الحسن
ياربي عجل للامام الطلعه
يبن الحسن //يبن الحسن
ابحق من رفع هاي السماء السبعه
يبن الحسن //يبن الحسن
وبجاه مولاتي الزجيه البضعه
يبن الحسن //يبن الحسن
عجل يوالينه//بمولود مهدينه
🎈🎈🎉🎉🎉🎉🎈🎈
جينا نهني المصطفى وي حيدر
يبن الحسن //يبن الحسن
ندري الزجيه بالولاده تحضر
يبن الحسن //يبن الحسن
وابنورها هذا الحفل يتنور
يبن الحسن //يبن الحسن
وتسگینه باچر شربه مِنّ الكوثر
يبن الحسن//يبن الحسن
للنبي هنينه//بمولود مهدينه
🎈🎈🎉🎉🎉🎉🎈🎈
جينا نهني حيدره والزهره
يبن الحسن//يبن الحسن
وبمولد الموعود هيه اتحضره
يبن الحسن//يبن الحسن
كلنا امتثلنا لطاعته ولأمره
يبن الحسن//يبن الحسن
وگلب الموالي وشيعته مستره
الفرح غاطينه// بمولود مهدينه
🎈🎈🎉🎉🎉🎉🎈🎈

✍ الخادمه ام زيد الشمري

🔷🔶🔹🔸🔴🔸🔹
نادی ابن القسور.....هلا بیکم هلا
یا علی الأكبر ... هلا بيكم يا هلا

يا حبايب گلبي يحفاد النبي
و ابزندكم راح أحمي مذهبي

نادى ابن القَسوَر ... هلا بيكم يا هلا
قاسِم اويه الأكبر ... هلا بيكم يا هلا
💜💙💚❤️🧡💛🧡❤️💜💙💚
گلبُوا الحومه گلب ، يالورثتوا حيدر
زلزلوا اعروش العده ، ظهروا موت الأحمر
صولوا ابهمه و حزم ، و افنوا جيش المنكر
زلزلوها هاي الفله ، طَيِحوا إجبال الشر

يالترعبوا أعدائي ... هلا بيكم يا هلا
يا رهن ايمائي ... هلا بيكم يا هلا

عيني الأيمن صرت أشوف ابني علي
و عيني الأيسر قاسم النورك جلي

نادى ابن القَسوَر ... هلا بيكم يا هلا
قاسِم اويه الأكبر ... هلا بيكم يا هلا
💜💙💚❤️🧡💛🧡❤️💜💙💚
رفعوا راسي ابكربله ، لا تقصروا بيهم
سمعوا عمكم بوالفضل ، نادى والله أفنيهم
لو برز بين العده ، خزرِته تچويهم
منه اخذوا المرجله ، و السقر تحويهم

حتى گلبي نادى ... هلا بيكم يا هلا
صارت أجمل عاده ... هلا بيكم يا هلا

رددت باسمائكم صبح و مسه
چن عطركم بالهوا اتنفسه

نادى ابن القَسوَر ... هلا بيكم يا هلا
قاسِم اويه الأكبر ... هلا بيكم يا هلا
💜💙💚❤️🧡💛🧡❤️💜💙💚
يا شباب آل النبي ، عندي الكم منصب
احموا خدر الهاشمي ، صونوا خيمة زينب
گطعوا ارجول الذي ، راد ليها يقرب
انتو گد هذا الفخر ، يالتحفظوا المذهب

يا درع اخيامي ... هلا بيكم يا هلا
يا جمال أيامي ... هلا بيكم يا هلا

هالله هالله بالعقيله و الحرم
وي بوفاضل حفظوا أستار الخيم

نادى ابن القَسوَر ... هلا بيكم يا هلا
قاسِم اويه الأكبر ... هلا بيكم يا هلا
💜💙💚❤️🧡💛🧡❤️💜💙💚
فاطمه رادت زلم ، يا علي و يا قاسم
حتى ابسعي و عزم ، عالكفر ايهاجم
ياللي عدكم منزله ، يا ذراري هاشم
ما تفكرون ابذنب ، الله بيكم عالم

و الطيور اتغرد ... هلا بيكم يا هلا
يا فخر كل سيد ... هلا بيكم يا هلا

يا ورثتوا المصطفى وحامي الحمه
هنت الأملاك أمكم فاطمه

نادى ابن القَسوَر ... هلا بيكم يا هلا
قاسِم اويه الأكبر ... هلا بيكم يا هلا
💜💙💚❤️🧡💛🧡❤️💜💙💚
بيكم العالم يضج ، صرتوا للكل قدوه
و التبعكم ما خسر ، زلتوا عنه البلوه
صيتكم مثل النجم ، يلمع ابكل قوه
حتى لو ابصغر العمر ، جاهكم اشعِلوه

بالقمم منزلكم ... هلا بيكم يا هلا
ياهو اليوصلكم ... هلا بيكم يا هلا

يبني يالأكبر علي و يبن الحسن
يالقصركم يمي ابجنة عَدَن

نادى ابن القَسوَر ... هلا بيكم يا هلا
قاسِم اويه الأكبر ... هلا بيكم يا هلا
=========
📝 #الشاعرة_الملاية_زينب_المؤيد

تمت بحمد الله تعالى
*ونسألكم الدعاء لتعجيل الظهور*
ـــــــــــــــــــــــــــــــــــــــــــ

مساجلة شعرية بدأتها الشاعرة
زهراء المتغوي من البحرين
وجارتها شاعرات القطيف
في ميلاد علي الأكبر ع

🥀🍂🥀🍂🥀🍂🥀

حق الشباب اعلى الشباب ايكون
وكم معتقل هالليلة كم مسجون
( أكبر علي ) وتتأملك لظنون
وحاشاك مرة تخيبه ظني2
✍ زهراء المتغوي ب

🥀🍂🥀🍂🥀🍂🥀


هذا شبيه المصطفى الميمون
اسمه باسم المرتضى مقرون
قلبي وقلب الكون به مفتون
والشيعة كلها بمولده تهني2
✍ وفاء الطويل ق

🥀🍂🥀🍂🥀🍂🥀

هذا علي الأكبر تعرفونه
فارس وعدوانه يهابونه
يفرون من سيفه يخافونه
والشيعة كلها بمولده تهني2
✍ بدرية العصفور ق

🥀🍂🥀🍂🥀🍂🥀

لكبر حبيب الطاهرة الزهرا
وجده علي منجي العذرا
يشفعوا الينا الدنيا والأخرا
والشيعة كلها بمولده تهني2
✍ أم علوي الخباز ق

🥀🍂🥀🍂🥀🍂🥀

رحمة علي والباري نزلها
في كربلا الجيمان زلزلها
چنه الذي كل معضلة يحلها
والشيعة كلها بمولده تهني2
✍ أم علوي الخباز ق

🥀🍂🥀🍂🥀🍂🥀

هذا البدر وسط السما عالي
وجنني حبه كالبدر غالي
مولود رحمة لنصرة الوالي
والشيعة كلها بمولده تهني

🥀🍂🥀🍂🥀🍂🥀

الاكبر علي نبع الوفا والنور
نعمة من الباري واله بنزور
لحن السعادة يعتلي ولسرور
والشيعة كلها بمولده تهني2

✍ هدى العبكري ق

🥀🍂🥀🍂🥀🍂🥀

شبيه جده عيسى بن مسعود
وجده علي الفارس المعدود
مابين هذا وذا علي مولود
والشيعة كلها بمولده تهني2
✍ أم عبدالله الرضوان ق

🥀🍂🥀🍂🥀🍂🥀

الليله فرحتنا بعلي الاكبر
نرسل تهاني للنبي وحيدر
اشرق بنوره والبلد تزهر
والشيعه كلها بمولده تهني
✍ام ميثم مريم المرهون

🥀🍂🥀🍂🥀🍂🥀

هذا سليل التقوى والإيمان
هذا شبل الأطهار من عدنان
هذا اللي هابه الموت في الميدان
جيته أنا قاصد ومتعني
✍ كريمة الخاطر

🥀🍂🥀🍂🥀🍂🥀

هذا شبيه الأربعة الأكبر
نجوم السما بولادته تزهر
والكون كله بطلعته تعطر
والشيعة كلها بمولده تهني
✍ كريمة الخاطر

🥀🍂🥀🍂🥀🍂🥀

ذكره على بالي مستحيل أنساه
اسمه عسل وأتلذذ بطرواه
( أكبر علي ) ماينوصف شرواه
دوم الأماني باسمه تغني
✍ رباب رامس

🥀🍂🥀🍂🥀🍂🥀

نهني بسعادة مولد الغالي
واسألك يارحمن ياوالي
بحق هالولادة حقق أمالي
والشيعة كلها بمولده تهني 2
✍دلال عبد الكريم

🥀🍂🥀🍂🥀🍂🥀


ام هادي الضبيكي
ذكر علي الاكبر على بالي
في كل شباب و معرس و غالي
ما ينسى لكبر و في العالي
شبل الحسين و النبي الهادي

☘☘🌸💕🌼💕🌸☘

هدا علي الاكبر تعرفونه
الشبه للزهراء ويوصفونه
وزهرت الدنيايوم جابونه
ابمولده لحسين ايهنونه
🖊فاطمه عيد العبكري
ام علي الربابي
🌸🍃

~~~
هذا علي لكبر جمال الكون
حاوي صفات المصطفى الميمون
شِبه الوصي البيده يدكّ لحصون
مثل الحسن بالكرم والمضمون
حاشاه أبد ما يخيّب الظنّي
( والشيعة كلها بمولده اتهنّي )
✍🏻 أم جمال خواهر
🍃🌸🍃🌸🍃🌸🍃🌸

ليلة احدعشر من شهر شعبان
البدر كامل في فجرها بان
لكبر علي ياشمعة الشبان
حاجتي عندك جيت متعنّي
والشيعة كلها بمولده اتهني
✍🏻أم جمال خواهر

🍂🥀🍂🥀🍂🥀🍂🥀

أنواره تتساطع بهالليله
الشيعه بفرح كلها تغني له
وبكل حفل تضوي قناديله
علّوا الهلاهل فرّحوا الـ ليلى
والشيعه كلها بمولده تهني
✍🏻 أم محمد البدر

🥀🥀🥀🥀🥀🥀🥀

متباركين بالميلاد المبارك
وكل عام وأنتم بخير🥀🍂

ردادیه شعبانیه فی حق سیدنا وامامنا ومولانا *صاحب العصر والزمان* عجل الله تعالی فرجه الشریف
🌀🌀🌀
چا یمته یاراعیهه
(یبوصالح2)
من العدل تملیهه
(یبوصالح2)
شیعتک منتظره
یاسلیــــل العتره
(یبوصالح2)

🌀🌀🌀
یمته یشبل المرتضی یانسل الاطیاب
یوصل ظهورک سیدی وتتهیه لسباب
یلمهدی کلها الجیتک متلهفه لحباب
طال البُعد دمع الصبر کل وکته سچاب

شیعتک اظهر لیهه
(یبوصالح2)
مشتاقه یاوالیــهه
(یبوصالح2)
الشیعي خلص صبره
یاسلیــــل العتره
(یبوصالح2)

🌀🌀🌀
کل جمعه بینه الّی تمر یابدر البدور
نقرا دعاء الندبه لک نترجه لظهور
ندعی من الله الطلعتک والگلب مسجور
تظهر وتمحی ابصارمک یاسیدی الجور

بس انته لتصفیهه
(یبوصالح2)
ومن نورک اتضویهه
(یبوصالح2)
وارث انوار الزهرا
یاسلـــــیـل العتره
(یبوصالح2)

🌀🌀🌀
یمته تجی یبن الهدی وبیدک البتار
واتلوح ظهر امطهمک چن علی الکرار
ثارات الک یبن الحسن لا مو فرد ثار
ثار الدماء ابکربلا وعصرة البسمار

واتعاقب الجانیهه
(یبوصالح2)
ونار الگلب تطفیهه
(یبوصالح2)
والضلع کسره اتجبره
یاسلیـــــل العتره
(یبوصالح2)

🌀🌀🌀
یمته ترفرف رایتک یابو الکرامات
وتملی البسیطه امن العدل یاطیب الذات
الظلم عَم کل الارض ماکو مساوات
والشیعه کل صوب اصبحت تلفیهه طعنات

تنتظرک اتنجّیهه
(یبوصالح2)
والظالمه تمحیهه
(یبوصالح2)

ومذهبک أتنصره
یاسلیـــل العتــره
(یبوصالح2)

🌀🌀🌀
مرفوعه ادینه للدعا صبح و مسیه
وابکل فریضه ندعی من رب البریه
ایعجل اظهورک یاشبل زهرا الزچیه
وگبل الممات انشاهد الطلعه البهیه

الرایه منِ اتعلیهه
(یبوصالح2)
کل شیعی یفخر بیهه
(یبوصالح2)
رایة نصر خضره
یاسلیــل العتره
(یبوصالح2)

🌀🌀🌀🌀
(سیدناصرالموسوی)
*****

مصادر مهدويه

ايطول الكلام المختصر عن الإمام المنتظر
اقره الملاحم والفتن
وكتاب ابن ماجه السنن
والي كتب عقد الدرر عن الإمام المنتظر

أقره الادله ومن كتب عن الإمام المنتجب
يبطل إذا عندك عجب عن غيبته وشنهي السبب
الدينوري والسمعاني
وأحد ياييد الثاني
وكل واحد شكال وذكر عن الإمام المنتظر

كالوها أرباب النقل من ناصبي ومن معتدل
يمليها خيرات وعدل من النبي فرع واصل
التذكرة للقرطبي
ينقل احاديث النبي
مافاته ينقل أي خبر عن الإمام المنتظر

الغامض اتبين واتضح النعماني بالغيبه صدح
والطوسي حقق من شرح ياهو الصحيح من الأصح
اشكال ابيانه الطبرسي
شيروي ابحاره المجلسي
يروي الحديث المعتبر عن الإمام المنتظر


عبرت احاديث الالف تذكر المهدي بالحرف
بيها المخالف يعترف بالطرح مهما يختلف
الحاكم وي الهيثمي
والخالف وماينتمي
ايكول ابن سيد البشر عن الإمام المنتظر

أقره البخاري وماروه ومسلم صحيحه وماحوه
اياكدن بنفس المحتوه عن النبي ينقلن سوه
كال النبي سيد الرسل
من ولدي يمليها عدل
يروي روايات الفخر عن الإمام المنتظر


الشاعر حسن لعيبي الحريشاوي

هذا الامام المنتظر هذا ابن سيد البشر
**********


للهواشم نور صادر ربي امنحني قبوله
روعته تحير المشاعر ياكلام العنه اكوله
نوره من فاطمة وحيدر علم ماخذ من رسوله
نور الثريا على الثره
ماخذ معاني حيدره
سبحان ربي الصوره
نبعة الريحان طوله

هذا الامام المنتظر هذا ابن سيد البشر



**************************



اليوم بالفرحه نواصل ساعة الفرحه الهنيه
بالفرح نملي المحافل مولد انواره الزهيه
مولد المهدي القائم صاحب الطلعه البهيه
اليوم نسهر للصبح
انودع اليوم الجرح
وي الجرح ماكو صلح
انولد يانور الزجيه

هذا الامام المنتظر هذا ابن سيد البشر



*********************************


الدين عنوانه وكماله ايرجع الحق ويعيده
المهدي غطانه بجماله صاحب الطلعه الرشيده
اليوم يامحله السعادة هذا يوم الي نريده
اليوم عدنه يختلف
بيه كل غم ينكشف
باي وصف ماينوصف
بمولده الدنيا سعيده

هذا الامام المنتظر هذا ابن سيد البشر



*****************************


ياهلال الدين كامل محله لونه ومحله نوره
لايداهن لايجامل بالله متعلقه اموره
بالصبر والعزم باقي ينتظر مولانا دوره
اليوم عدنه مولده
بيه العمر توه بده
لحن المحبه انردده
اللحن للمهدي طوره

هذا الامام المنتظر هذا ابن سيد البشر


الشاعر حسن لعيبي الحريشاوي

هوسات شعبانيه للامام المهدي (عج )

ختم الله الظلام وبددّه بنورك
يلي منختم بالدنيا عاشورك
تبني دولتك وتقيم دستورك
(كل دولة باطل تمحيها )

****************************

ضوه عينك يذوب النار والحسره
فلاتبخل علينه سيدي بنظره
بميلادك الناس اليوم مبتشره
( ياتاج الامه وراعيها )

*************************
نص شعبان كمّل فرحتي وكبرت
بيوم خمسطعش بيه فرحتي تمت
وين اعداي ذيج الكبل تشمت
( بجفوفه المهدي يصفيها )


****************************


المن نشتكي من الجور يامولاي
انكرض درع الصبر ونهدل ثوب الراي
حكمه اتغيب مايعرف عدونه ابهاي
(تطلع واعدانه تبجيها )

الشاعر حسن لعيبي الحريشاوي

لولادة الامام الحجة المهدي المنتظر عجل الله فرجه الشريف

بالفرح مالي مدح وي الفرح مالي صلح
يابوصالح بالجرح اتعودت امحي الجرح
وي الفرح عندي صلح
اليوم ودعت الجرح يابوصالح

*************

اجلت حزني وهجرته الماهجر يوم وتركني
كتله عني اليوم ارحل لاامر بيك وتمرني
عيد للكون وفرحته شمعنه ابقى بهذا حزني
مولد القائم الليله و الفرح هذا يهمني
مااواصل بالدمع وي الدمع مالي صله
مااجامل ياربع هلفرح وكته حله
اليوم صدري منشرح
اليوم ودعت الجرح يابوصالح


************************

شلون ماافرح يغالي شكثر افضالك عليه
ابدعائك وبوجودك والكرامات الخفيه
بخير عايش وبسلامه ودنيتي بجالك هنيه
تحزن وتشعر ابحسره لويمر الظيم بيه
يابو صالح موعدك مثل قران الفجر
يابوصالح مولدك نسمة الصبح العطر
راح اسهر للصبح
اليوم ودعت الجرح يابوصالح


****************************

ياسعادة كل امام وكل امام بهذا يفخر
ياخلاصة كل امام وكل نبي بالخير بشر
الليله فرحتنه الزهيه وجهك المحبوب نور
بيك وجه الدنيا تدري فرح والعالم تغير
العالم اليوم ابتهج العالم اليوم احتفل
اليوم مولاي الفرج يا ابن خير العمل
لجل عينك ياسمح
اليوم ودعت الجرح يابوصالح

************************

مولدك ارعب عدوك وارعب ارباب الحقد
كلشي رجعته المكانه وكلمن لاصله يرد
حقنه نفرح من كلبنه يااملنه ونستعد
طاعتك مفروضه تشبه بالصلاه فرض الحمد
ابتهجنه والكلب باعلى قمه من الفرح
والموالي بكل درب بمولدك صدره انشرح
وكلشي عندي متضح
اليوم ودعت الجرح يابوصالح

الشاعر حسن لعيبي الحريشاوي

عن لسان الامام المنتظر عجل الله فرجه الشريف
مع الاعتذار الشديد الي مقام سيدي ومولاي

انا المهدي المنتظر بن الحسن
بصبر مثل النار عاشرت الزمن

من المهد خذت العلم وأول درس
الطاعة الرحمان قدمت النفس
عدانه هذا اليوم عدوان الامس
تريد تمحي علومنه الماينمحن

تساءلت وياهم شعدنه ذنب
ياذنب ينعد علينه وينحسب
روعونه وعشنه بديار الغرب
ديار ماظلت ولاظل من وطن

ذنب عدنه برايهم ماينغفر
بعلم طه وجدنه حيدر نفتخر
لان ظمنه الباري للوادم ذخر
لازم بمفهومهم ندفع ثمن

جدي كالوا يوم المنازع هجر
وذاك ظلع امي بدفع باب انكسر
وحيدر بمحرابه علهام انطبر
يذوب كلبي من اذكر ايام المحن

اهل ماظلوا شمل كله ارتحل
شحال كلبه المابقوا عنده اهل
بين مسموم وجسم راسه انفصل
وبين مكيود بطوامير انسجن

اشد لوعه حسين مرضوض الصدر
وماروه الماي انصار الغدر
وزينب الراحت سبيه ام الخدر
وباليتامه ردت ابذاك الظعن

بدنيا ماترحم ابحالي مبتلي
بلثلاثه يوم طلكها علي
عدل هاي الدنيا لازم تنملي
بعد جور وظلم وأخطار وفتن

الشاعر حسن لعيبي الحريشاوي

صلوات صلوات
على الأمام المنتظر
علامات علامات
بانت ظهوره النا الطهر
أجه العيد أجه العيد
ولّا الحزن منّه وفر
@@

أنولد منقذنا هاليوم أنولد شمس الأماني
إلى الهادي نبينا وآله أنزف تهاني
إلى شيعت ولينا الأمير وكل مُعاني
نباركّ ونهنّي أبمـدد نور الزماني

بلورود بلورود
نستقبله ورش العطر
بلفراح بلفراح
نستقبله ومدح الشعر
صلوات صلوات
على الأمام المنتظر
@@

على أرسوم المحبين ضياء المنتظر بان
على السان الموالين ميعاده الحفل حان
تباه أبمولد النور ضيا وجه المحـب زان
تباه بطلته الجود ضيا وجه الكفر شان

أجه النور أجه النور
وولاّ الظلام النا وهجر
هلاهـيل هلاهـيل
أنودي النجل فارس مضر
صلوات صلوات
على الأمام المنتظر
@@

يهنيال المواليين ومن عدهم عقيدة
المسيه الكل موالي حيا تُكتب جديدة
حياتة المهدي يرجع ورى عمره يعيدة
بنجل طه نبينا كلَ أيامك سعيدة

يهنيال يهنيال
الواله بعدن فاز وضفر
مع الجود مع الجود
ننسه المحن ننسه العسر
صلوات صلوات
على الأمام المنتظر
@@

الأرض قسطاً وعدله الولي يمليها لينا
بعد مامليت بجـور العدا وهالت علينا
المسـيـه قـائـم الآل يواسـيـنه ولينا
تنومس يالمحـب بيه بعياده بدينا

بلعياد بلعياد
أحنا ياشيعة الذخر
إلى أعيون إلى أعيون
مهدينه هاليله وغر
صلوات صلوات
على الأمام المنتظر
@@

الولي حتى بغيابه أبوصالح يمدنا
مدد مهدينا لينا يجينه في شددنا
نطلبه ينتظرنا لجـل يحضر لعدنا
ويحضـر بالشـدايد ألينا مايهدنا

بلرواح بلرواح
نفدي الولي وننطي العمر
عطاياه عطاياه
تهطل على داعي مطر
صلوات صلوات
على الأمام المنتظر
@@

المسيه المهدي حاضر ولينا ماهو غايب
بكترنا أنحسه گاعد هدايه لينا جايب
ها وين ألي يبارك وفي حبه المهدي ذايب
الماعنده منتظرنا في دنيا ودينه خايب

تباريه تباريه
عينه المسيه المفتخر
تحس بيه تحس بيه
كراماته وعطاياه الفجر
صلوات صلوات
على الأمام المنتظر

ــــ ـــ ـــ ـــ ـــ ـــ ـــ
تمـت بحـمـدالله
علي الأحسائي
شعبان ١٤٣٨هـ

مولد الامام القائم عج ❤️🌹❤️


مهدينه .. مهدينه .. مهدينه ..
يشبه الكل مرسول مهدينه
~~~~~~~~
1
شما عمل بيه الدهر مهما بلاني
انه راح ابقه انتظر صاحب زماني
لو ظهر تتحقق وياه الاماني
يمه كَلبي ينسعد لا ما يعاني

بنواره .. بنواره .. بنواره 
حكَه الكَلب فرحان بنواره

~~~~~~~~
2
فدوه روحي ودنيتي لتراب جدمه
عندي حظ وبخت لو صليت يمه
وانه ادعوا من الخطر ياربي سلمه
وبظهوه إكشِف ولتخلي غُمّه

ندعيله .. ندعيله .. ندعيله
يا ربي عجل ليه ندعيله

~~~~~~~~
3
بمسجد الكوفه متى يصيح المنادي
الصلاه خلف الامام الجده هادي
ينسعد ذاك الوكت والله فؤادي
وبقيامه راح تنذل الاعادي

بالكوفه .. بالكوفه .. بالكوفه
احلى صلاة وياه بالكوفه

~~~~~~~~
4
المنتظر يشبه رسول الله ابصفاته
بالشجاعه ومن جماله ومن حلاته
والمحب لو ربنه حقق امنياته
ايروح يم ابن الحسن يحظر صلاته

وهناكَ .. وهناكَ .. وهناكَ
عيسى النبي ايصلي تره هناكَ

~~~~~~~~

الشاعر مصطفى الشافعي

يابو صالح * عجل ظهورك سيدي
يابو صالح * ياساعة ثارك يبتدي
************
هاي شكوة حال كلبي وانتة تتحمل عتب
بدة يذبح باليحبكم كل م̷ـــِْن هب ودب
نشتكيلك يابو صالح حقنة مولاي انسلب
نلهم اتراب وارضنة محملة اتحمل ذهب

يابو صالح * والشيعة بأسمك تقتدي
يابو صالح * ياساعة ثارك يبتدي
*************
نصبر ونبقة نضحي وننتظر يوم الفرج
أمروتك اتفرهد عمرنة وصارت الدنية هرج
ألسانة رغم المأسي بأسمك الطاهر لهج
وينك انقذنة يغايب والوضع صاير حرج

يابو صالح * بس انتة وحدك قائدي
يابو صالح * يا ساعة ثارك يبتدي
*************
كل وكت ينزف جرحنة وماحصل للهم دوة
الغير ياكل م̷ـــِْن تمرنة واحنة حصتنة النوة
يمتة واليمتة اخنكتنة ابطلعتك نشتم هوة
طويت السجادة كلبي م̷ـــِْن الالم هيج انطوة

يابو صالح * بنورك العالم يهتدي
يابو صالح * ياساعة ثارك يبتدي
*ت***********
علگت شوفي اعلى دربك والنضر ما ينشتل
جي  نحبكم  ها  يمهدي  حللو  بينة  الكتل
والله  ملينة  وجزعنة  والهجر  ما  ينحمل
وزين تعرف باليضدكم اعوج وما ينعدل

يابو صالح * م̷ـــِْن اجل حبكم نفتدي
يابو صالح * يا ساعة ثارك يبتدي
*************
ليش صار اسنين نحلم ما صحينة م̷ـــِْن الحلم
بس حرب خلص عمرنة ساعة ما عشنة السلم
دمرونة  وطشرونة  وماكو  بس  جفك  يلم
عهد  نبقة  اسيوف  لجلك  نثلم  وما  ننثلم

يابو صالح * صيح النة گرب موعدي
يابو صالح * يا ساعة ثارك يبتدي
**************
ڰلبت  كل  الرسايل  والدمع  رئسا  همل
حدبت مثل المناجل واقرة بالندبة بوجل
تنادي كل دكات گلبي العجل مولاي العجل
هدل جفني أوهن عضمي راسي بالشيب اشتعل

يابو صالح * يبدي بطلعتك مولدي
يابو صالح * ياساعة ثارك يبتدي
**************
بالوهم عشنة ونريدك تطلع اتزيح الوهم
ﮔمنة مانعرف نميز الجوهرة م̷ـــِْن الفحم
ناس عدنة تعبد الله بروسهم گاعد صنم
الما سلك دربك نگلة باجر اتحس بالندم

ياابو صالح*  بسيفك اذبحة اليعتدي
ياابو صالح * ياساعة ثارك يبتدي
*************
تمت بنظرة مولاي الحجة عج
كَلَّمَـےـاتِـ الخادم… #حسين حمدان الدلفي