📝كـتـابة قـصيـدة مشــ🤝ــتـركـة مـن شـعـراء المـنـبر الحسـيني

💫✨💫✨💫✨💫✨💫

للـثقـافـة داعـي للمـحبـة ساعـي
المنبر الحسيني مصلح اجتماعي


بالصلاه عالمصطفي المـخـتار واله
نـبتـدي نـص القصـيـدة والـمـقـاله
ابمنبر حسين انعكس وجه الرساله
ندعي ربـنه ايحفـظه ويخلد رجاله


يكـشـف الحـقايــق يفـضح المـنافق
ايحافظ اعله ديني مصلح اجتماعي


1⃣✍🏻 #الرادود_والشاعر_أبو_مجتبى_الرماحي

〰〰〰〰〰〰〰〰〰〰

منبر حسين اليعلـمـنه التـصــافـي
وعالمحبة نواصل ونلغي التجافي
هوه علمنة الشعر واحلى الـقوافي
هوه نـبراس ويـشع للـنوره طـافي


مبدأه السمـاحة وبطريقـة راحـة
بي ثبت يقيـني مصلح اجتماعي


2⃣✍🏻 #سجاد_الأسدي

〰〰〰〰〰〰〰〰〰〰

منـبر حـسـين الـشهـيد الينتـمـيـله
كـون يـتـأثـر ابـأفـكـاره الـنـبـيـلـه
يفزع الـكلمن يحشمه ويـنـتـخـيله
مثـل فزعـت كـمر هاشـم للـعقـيله


يصاحب الغـياره رافضي وشعاره
افني كل سنيني مصلح اجتماعي


3⃣✍🏻 #ابو_جعفر_السلطاني

〰〰〰〰〰〰〰〰〰〰

هـالمنـابـر تـجـمـع الامـة وتلـمـها
خالده اووكت الظهر يلمع نجـمها
خدمـة الاسـلام مـذهبها وقـيـمها
نـورت الناس بمواعـظها وعلـمـها


حفظت الامانـة اجتنبت الخـيانة
فتحتلي عيـني مصلح اجتـماعي


4⃣✍🏻 #ولائـية_وافتـخر

〰〰〰〰〰〰〰〰〰〰

مـنـبر حـسـين اليـخدمـه واليـريـده
كوّن يأخذ عـبره مـن ابن الـصمـيده
كوّن جـاي بنيه وبـهـمـه وعـقـيده
حته يـدخل عـالم الـفـطره الجـديده


ينصر الشـعائر والامـامـه سـائـر
زاير اربعيـني مصلح اجتماعي


5⃣✍🏻 #محسن_الجابري


〰〰〰〰〰〰〰〰〰〰

عالـمـنـابـر لو ردت تـشرحـلك اية
كون تشرح عن يقين وعـن دراية
جسد المبـحث يـقارئ عـن روايـة
خلي نيتك صادقة و ما بيها غاية


لبحـثـك ودليـلـه حـضـر الوسـيلة
شارتي بجـبـيني مصلح اجتماعي

6⃣✍🏻 #متيمة_الحسين


〰〰〰〰〰〰〰〰〰〰

الوائلي والكعبي واعـلام الـخـطـابه
تـطـوروا مـاظـلـو بـنـفـس الـرتـابـه
اليـخـدم حـسـين ابكـلامه وبـكـتابه
بالحـشـر يوكـفلـه ويـوفيـه حـسابه


ايكله انته سالم اطـمــئن يـخادم
ايـدك بـأديــنـي مصلح اجتماعي


7⃣✍🏻 #الرادود_والشاعر_أبو_مجتبى_الرماحي

〰〰〰〰〰〰〰〰〰〰

#يامولاتي_ياأم_البنين

هاا يمولاتي أجيتچ
بية ماظل بعد حيل*

وجهت للباري وجهي
بيچ كل همي يزيل*

أقسم بنحر الحسين
لا تردي هالدخيل*

جيتچ انة عندي شكوى
دنيتي بية تعيل*

وانتي أعلم باللي بية
لا تخليني عليل*

ثگلت همومي واجيتچ
مسحي دمعاتي التسيل*

أنتي باب الله الوفية
ماألي غيرچ سبيل*

أگضي حاجاتي دخيلچ
ناري تسعر بالدليل*

صعبت اعلية وحقچ
منهو لهمي يشيل*

دوم اذكرچ بالشدايد
ودهري لو بية يميل*

علقت بيچ امنياتي
هم البگلبي ثگيل*

حيرتي والله چبيرة
أندبچ وانة بعويل*

طاهرة وحرة وأصيلة
واستحقيتي الأصيل*

أمدح شما أمدح انـة
مدحي بحقچ قليل*

صعبة تتوصف عظمتچ
هيبة يا أم الكفيل*

شكوتي وآخر كلامي
منچ اترجى الجميل*

🍃مريوده منچ حاجاتي🙏🍃

تمت بعون الله
4/7/2018
✍🏻#ولائـية_وافتـخر (دعاء العامري)
❌لاإجيـز حـذف الأسـم❌
★••••••••••••••••••••••••••••••••••••••★

★•• استشهاد الأمام الباقر "ع" ••★
((( عگيلي )))

«« يومك يالباقر آذانه »»
«« كل هاي الشيعة حزنانه »»
----------------------------------------

شگد عانيت الظلم وجوره
حاربت الگوم المأموره
وانطبعت لك أجمل صوره
تشهد صولاتك دنيانه
❉❉〰〰❉❉〰〰❉❉〰〰❉❉

يالباقر سيفك سليته
مروان الظالم ذليته
صوتك يالحيد العليته
ضد الطاغي وي غلمانه
❉❉〰〰❉❉〰〰❉❉〰〰❉❉

من حيدر ماخذ تعلومك
مولاي الباقر بعلومك
ياباب الشيعه ومن يومك
قرآن الناطق مولانه
❉❉〰〰❉❉〰〰❉❉〰〰❉❉

عادوك وصاروا ضدّك
أزلام اللي عاشوا عهدّك
خاسر كلمن تارك جندّك
باطل وجهَّنم عنوانه
❉❉〰〰❉❉〰〰❉❉〰〰❉❉

عصرك لو عشناه وشفنة
چا عشناها وياك المحنة
بحبك يالباقر چا متنة
نهديها الروح اوية ادمانه
❉❉〰〰❉❉〰〰❉❉〰〰❉❉

مصابك يالباقر ياذينه
من نسمع ناعي يبچينه
بهاليوم نعزي مهدينه
أيتام خلافه خلانه
❉❉〰〰❉❉〰〰❉❉〰〰❉❉

أيتام خلافك يالباقر
انته ماضينه والحاظر
نقرالك نلعن هالغادر
والمنبر أنته سلطانه

تــمــت بــعــون الله 5/8/2019
بـ✍🏻ـأقـ✍🏻ـلام▪️خادمات أهل البيت▪️
✍🏻#ولائـية_وافتـخر (دعاء العامري)
✍🏻#مولاتﮰ_زينب (ام باقر الشويلي)
❌شـرعـاً لانـجيز حـذف الأسمـاء❌
❉❉〰〰❉❉〰〰❉❉〰〰❉❉

★•• نعي استشهاد الأمام الباقر "ع" ••★

« نعي مجرد »

بمصابك اظلَمت سمانه
يومك يبو جعفر عمانه
واعليك هالزايد بچانه

يالباقر الچبدك توذر
يمصيبتك أي والله تقهر
واسهام چن بالگلب تحفر

غدرتك هالگوم اللعينه
والزهره لمصابك حزينه
تعنت واجت من المدينه

نعازيها بمصابك وننحب
ونطلب بجاهك منها مطلب
وبجاه ابنها اللي تّسَلب
✹....................✹....................✹

« طور الفراق »

الله وياك..يا نسل خير الأنام
الله وياك..يالعفتنة بفگدك ايتام
الله وياك..خانتك گوم اللئام

يابو جعفر..ياوسف مغدور بالسم
يابو جعفر..يا مصابك حيل مؤلم
يابو جعفر..كل گلب خليت چم هم

آه يمظلوم..بلا منارة نشوفه گبرك
آه يمظلوم..بحاضرك وبماضي عصرك
آه يمظلوم..ندعي مهدينة ينصرك
✹....................✹....................✹

« طور الخضيب »

كأني بلسان حال مولاتنا الزهراء حضورها عند قبره

آه ييمة .. آه ييمة .. آه ييمة آه //٢

جيتك ييمة وأنتحب گبرك أدَّوره وين
لا من زيارة لكل مُحب منعوها لملاعين
عادوكم وعادوا علي ودام الحقد لسنين
لكن بقى الحق ينتصر ياللي نشرتوا الدين

آه ييمة .. آه ييمة .. آه ييمة آه //٢

••كأني بها تشكو ظلامة قبره عند استقبال الزائرين لتعزيتها بمصابه••

أنصب عزائك يا مكان لو جت لي هالزوار
بحيرة صفيت وبس ترب لاحضرة لا أنوار
واحنة الكرم بينا انوصف وانحيي بالخطار
لو جا لك بلهفة المُحب دلالي يسعر نار

آه ييمة .. آه ييمة .. آه ييمة آه //٢

تــمــت بــعــون اللـہ
5/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✹....................✹....................✹

★•• استشهاد الأمام الكاظم "ع" ••★
#تقرأ ( فزاعية طور فواتح وبأطوار أخرى )

*الأمام الكاظم "ع" عانى أنواع الظلم في قعر السجون فكان صابراً حامداً لمشيئة الله وكأن لسان حال جدران السجن تتكلم لو كانت تمتلك الحواس مثل البشر*
←للملاحظة:-المستهل والنصوص مشتركة بلسان حال القارئ عن الجدران ولسان حال الجدران


"" حياطين السجن .. ونت يمظلوم ""
"" ع الكاظم تنوح .. المات مسموم ""
………………………………………………

حياطين السجن تحچي عن احواله
چن حسرة تجر و الدمعة هماله
حزنانة لمصابه و ع اللي يجراله
{من سجن لسجن عذبوه هالگوم}
-----------------✹✹✹✹✹-----------------

جمرها يستعر لمكانه ظل خالي
تناديه بحزن وبحسرة يالوالي
تگله ابغيبتك متغيرة احوالي
{من عگبك صرت متغيرة لرسوم}
-----------------✹✹✹✹✹-----------------

يا مولاي ريت الگيد حاطاني
أشاهد بي امگيد زادت احزاني
بيك شگد هضم راواني ازماني
{أتفطر هالگلب واعليك مالوم}
-----------------✹✹✹✹✹-----------------

يالكاظم الك ونيت من ظلمك
وحيد بغربة ويلي لا أهل يمك
أشاهد تشتكي للباري عن همك
{على خدك يسيل الدمع مسچوم}
-----------------✹✹✹✹✹-----------------

ياموسى ابن جعفر محنتك محنة
والله امصيبتك مولانة آذتنة
غدروك العده وسالوها دمعتنة
{صفينة بالحزن ننعيلك اليوم}

تــمــت بــعــون اللـہ
26/3/2019
✍🏻 #ولائـية_وافتـخر (دعـاء العامري (

★•• استشهاد الأمام الكاظم "ع" ••★
// نخوة لسان حال الزائر //

باب أنتة للحوايج وانة اجيتك
سيدي بدمعتي مشاي اعتنيتك

أهلن دمع العيون..يالمتخيب اضنون
بحسرة جيت انادي..تنطيني مُرادي
------------------------------------------

بحسرة جيتك سيدي أبچي لمصابك
منك اترجى العطية اسمع جوابك
تنطي المراد ابعجل للطرق بابك
ابجاه ضلع المنكسر أنظر احبابك

جيتك ممتلي هموم..أندب آ يمظلوم
أهلن دمع العيون..يالمتخيب اضنون
✾ـــــــــــــــــــــــــ✾ــــــــــــــــــــــــــ✾

يبن جعفر سيدي لتردني خايب
أكشف اشما بية من هم ومصايب
بصوتي ناديت بحزن يبن الأطايب
والله من جور الزمن دلالي ذايب

شفت شكثر لوعات..أشهگ لك بحسرات
أهلن دمع العيون..يالمتخيب اضنون
✾ـــــــــــــــــــــــــ✾ــــــــــــــــــــــــــ✾

بدربك انة امشي وانادي يا أمامي
رددت أسمك وأبعث لك سلامي
معتني بدمعي وحسرتي وكل هيامي
أنشد ابيات الحزن واسمع كلامي

زاير لابن جعفر..روحي بصحنه تفتر
أهلن دمع العيون..يالمتخيب اضنون
✾ـــــــــــــــــــــــــ✾ــــــــــــــــــــــــــ✾

سيدي باب المُراد من البُعد جاي
حاشه متخيب المُحب والله يعطاي
بالرضيع اقسم عليك الماشرب ماي
وبگمر هاشم نخيت وزايد ابچاي

نيتي بقت يمك..عليك الزهرة أمك
أهلن دمع العيون..يالمتخيب اضنون
✾ـــــــــــــــــــــــــ✾ــــــــــــــــــــــــــ✾

يالغريب ابلاية اهل وابقيت محتار
بالسجن مگيود ويلي وبيدك اثار
بالگلب لاجلك جرح والدمع نثار
آه يالكاظم وسف سَموك الاشرار

عليك الطم وانادي..والعن هالأعادي
أهلن دمع العيون..يالمتخيب اضنون

تــمــت بــعــون اللـہ
21/3/2019
✍🏻 #ولائـية_وافتـخر (دعـاء العـامـري)

★•• استشهاد الأمام الكاظم "ع" ••★

شلون ماننصب عزه ونبچيلك
ولا نجي براياتنا ونمشيلك
والسبب هذا الوباء..
صار للعالم بلاء..
*شلون ماننصب عزه ونبچيلك*
…………………………………………

كل سنة الناس التجي مشايه
كل مُحب يلطم وشايل رايه
شيعتك للدوم ألك وفايه
وهالسنة لهذا وضعنه غايه

وسفة سدوه الضريح
كل گلب أصبح جريح
*من البُعد دمعة ألك نهديلك*
*شلون ماننصب عزه ونبچيلك*

✍🏻#ولائـية_وافتـخر (دعاء العـامـري)
❉≈≈≈≈≈≈≈≈≈❉≈≈≈≈≈≈≈≈≈❉

ليش تقبل سيدي باب الرضا
مقفله البيبان يبن المصطفى
گلوبنه تنزف دمه صار العزه
يبن طه وفاطمه وقت الضحى

عالوجن فاضت دموع
لو ذكرناها الجموووع
*بحرگة ودموع وألم نحچيلك*
*شلون ماننصب عزه ونبچيلك*

✍🏻#باقر_جبار_الشويلي
❉≈≈≈≈≈≈≈≈≈❉≈≈≈≈≈≈≈≈≈❉

شلون لو حضرت الزهره لحضرتك
ولا جموع تشوف لاجل امصيبتك
تندب اعوام اللي رفت رايتك
وهسة تعتب وين يبني شيعتك

تجذب الحسرة وأنين
ع المضت ذيچ السنين
*وين ايادي الچانت التوميلك*
*شلون ماننصب عزه ونبچيلك*

✍🏻#ولائـية_وافتـخر (دعاء العـامـري)
❉≈≈≈≈≈≈≈≈≈❉≈≈≈≈≈≈≈≈≈❉

نجذب الحسره يموسى وبحزن
على مصابك سيدي دموع الجرن
شلون منقيم العزاء بكل شجن
يبن جعفر سيدي جار الزمن

نقسم بچف الكفيل
بحضرته يطيب العليل
*من يجي ويزورك وينعيلك*
*شلون ماننصب عزه ونبچيلك*

✍🏻#باقر_جبار_الشويلي
❉≈≈≈≈≈≈≈≈≈❉≈≈≈≈≈≈≈≈≈❉

على العالم سيدي حل البلاء
وانتشر كورونا عالوادم وباء
أنتم اهل البيت أبواب السماء
والكم المرضى تجيكم للشفاء

هالسنه ماظن نروح
ومانظن تشفى الجروح
*يبن جعفر صحنه كلنا ادخيلك*
*شلون ماننصب عزه ونبچيلك*

✍🏻#زهراء_الزبيدي

تــمــت بــعــون اللـہ
13/3/2020
❉≈≈≈≈≈≈≈≈≈❉≈≈≈≈≈≈≈≈≈❉

┈┈┈┈🌸┅🌸┅🌸┈┈┈┈

🕊🌟 أبوذية+هوسات لـِ ليلة المبعث النبوي الشريف 🌟🕊

#أبوذيـة

ابتشر هادينة لمن شاف.. رايه (الرؤيا)
بـ اسمه ويرتفع عالبشر.. رايه (العلم)
يغير هالفلك لو نطق.. رايه (الرأي)
ويشع الكون بي خير البريــه…
💎🌸•••••🌸💎~~💎🌸•••••🌸💎

نزل جبريل هالليلة اعلة هادينه
يبلغه ابّعثته وبي ينتشر دينه
بي فرحت خديجة وعلي والينه
🍃بهالليلة//الله اختاره النة🍃
💎🌸•••••🌸💎~~💎🌸•••••🌸💎

أقرأ بـ اسم ربك نزلت الآية
والمختار صار اليحمل الراية
دين الله ينشره وبيه كل غاية
🍃والدنيا اتنَّور//بعلومه🍃
💎🌸•••••🌸💎~~💎🌸•••••🌸💎

يا طه ايتّنَور بيك هالأسلام
تصفي كل عقل تبعد الأوهام
بيك احتارت اشتكتب الأقلام
🍃شمانكتب مانوفي//يعجز وصفك يامختار🍃
💎🌸•••••🌸💎~~💎🌸•••••🌸💎

بشهر الله الأصب مبعث المختار
ولاجل طه النبي هذا الفلك يندار
ياشيعة اعلة حبه نهدي هالأشعار
🍃وانبارك بعثَت//هادينة🍃
💎🌸•••••🌸💎~~💎🌸•••••🌸💎

الله اختار هادينة وصبح مسؤول
ينطق عن وحي بكل كلمة ليگول
فرحت هالبشر لن بيه كل مأمول
🍃والدين الباري//يدعينة🍃

تــمــت بــعــون اللـہ
1/4/2019
✍🏻 #ولائـية_وافتـخر (دعـاء العـامـري)

🎀 #مولد_للأقمار_الثلاثة 🎀

☆انـهنـي طــه والبتــول☆
☆وحيدره فحل الفحول☆
*ونهنـي مهدينـة* //4
●●🌷.....................................🌷●●

هل شهر الاعياد النة وفَرَح گلوب البشر
انولدت الأقمار بيه ونـور شعشع وانتشر
أسم الحسيـن البدايـة بذكره كلنا نبتشر
انـردد بأسمه وننـادي يشفع ابيوم الحشر

☆حارت بشخصه العقول☆
☆انـهنـي طــه والبتــول☆
☆وحيدره فحل الفحول☆
*ونهنـي مهدينـة* //4
▩▩❀❀🎈🎈🎉🎉🎈🎈❀❀▩▩

بيوم رابـع بي ولادت كافل الحرة البطل
ونَور السجاد بعـده للحسين اهوا النجل
يـافخر للشيعة انتوا وبيكم ايظل الأمل
رافضة يسمونة احنـة وياكم لحد الآجل

☆نحيي الافراح اعلة طول☆
☆انـهنـي طــه والبتــول☆
☆وحيدره فحل الفحول☆
*ونهنـي مهدينـة* //4
▩▩❀❀🎈🎈🎉🎉🎈🎈❀❀▩▩

لو لا حب آل محمد كان اصبحنة بظلام
ماخسر كلمن يوالي ايعيش دنياه بسلام
هالتهاني نرفع الهم على جنحان الحمام
بيهم الشيعة تباهي وتنطق بأجمل كلام

☆نـفخـر بــ آل الـرسول☆
☆انـهنـي طــه والبتــول☆
☆وحيدره فحل الفحول☆
*ونهنـي مهدينـة* //4
▩▩❀❀🎈🎈🎉🎉🎈🎈❀❀▩▩

قمـر شــع ابيـت طـه بيـه للأمـة ضنون
لليصيح حسين اسمه بي تقر كل العيون
وقمر ثـاني منولد بذكره تنزال الشجون
وثالث الاقمار بيهم زيـن العبـاد اليكون

☆انـردد ابـحبهـم نـگول☆
☆انـهنـي طــه والبتــول☆
☆وحيدره فحل الفحول☆
*ونهنـي مهدينـة* //4
▩▩❀❀🎈🎈🎉🎉🎈🎈❀❀▩▩

ياهلا بشعبان صحت وبيك دنيتنا ازهرت
شنطق من ابيات وارثي حرت بحبهم حرت
من فضل هالخدمة الهم شاعر ابحبهم صرت
اشكر الله اعلة العطية لدرب الخدمة سرت

☆كـل مُحـب يـرثي ينول☆
☆انـهنـي طــه والبتــول☆
☆وحيدره فحل الفحول☆
*ونهنـي مهدينـة* //4

تــمــت بــعــون اللــہ
17/4/2018
✍🏻 #ولائـية_وافتـخر (دعـاء العـامـري)
▩▩❀❀🎈🎈🎉🎉🎈🎈❀❀▩▩

🌷 أبوذيات + هوسات 🌷
🔮 لولادة قمر بني هاشم 🔮

#أبوذيات
بالغيرة وشجاعة انتة .. وصف لك (العنوان)
حرت شكتبلك وشهدي .. وصف لك (العد)
كرامة الباري اهدالك .. وصف لك (مكان)
صرت باب الحوائج للبريــة...


شخصك يعجز لساني شي .. وصفه (الوصف)
طبيب لكل عليل وصرت .. وصفه (علاج)
بارينة اعلة حبك ألنة .. وصفه (أوصى بي)
لأن أنتة العَمد لابن الزچيــة...
✺••🌟••✺ ✺••🌟••✺ ✺••🌟••✺

#هوسات
نهني ام البنين بكافل الحرة
وبيه ويانة تتبارك الزهرة
وامه ابطَّلته هاليوم مبتشرة
🍃وتشاهد نوره//ومبهورة🍃

لگمر هاشم يشيعة رفعوا الاصوات
هاليوم الولادة وخل نشع شمعات
ونهدي العترة بـ اسمه أجمل الأبيات
🍃للكافل//فرحتنة الليلة🍃

من شافه البدر غاب وطفى نوره
الملايك والخلگ هاليوم مسروره
صار بكل گلب بيه اله معموره
🍃وبحبه يردد//كل شيعي🍃

رابع يوم بيه اتشعشعت أنوار
أنوار الگمر نّورت بي كل دار
نهني ام البنين وحيدر الكرار
🍃بميلاده//قرت كل عين🍃

يبو فاضل نخينة الليلة عد بابك
حاشه اترد طلب من هاية أحبابك
نحلفك بالحسين ولوعت صوابك
🍃الحاير ميخيب//ابابك🍃

تــمــت بــعــون اللـہ
7/4/2019
✍🏻#ولائـية_وافتـخر (دعـاء العـامـري)

★•• لطمية لصاحب الزمان "عج" ••★
{{{ عبرة الأنتظار }}}

أنتظر.. غالي طالت غيبته
أنتظر.. تربي عيني لشوفته

حسرة اجرها كل صباح وكل مسية
للعزيز وأغلى من روحي علية
★ أنتظر .. أنتظر ★
…………………………………………

عمري خلص بانتظار ولهفة واشواگ
والله ذوبني حنيني ونار الفراگ
هالملا بعيني أشوفه بية چن ضاگ

أحتضر.. والله تعبني الهجر
أحتضر.. نار بُعدك تستعر

آه يالغايب أنه شفت الآذية
يمتى تظهر تكشف الهم اللي بية
★ أنتظر .. أنتظر ★
✾✾...............✾✾...............✾✾

بالفرج دوم انه اذكرك في دعائي
ومن ذنوبي أخجل وقلة حيائي
منك ارجوه العذر واقبل رجائي

أعتذر.. واعترف ذنبي السبب
أعتذر.. عالوجن دمعي سچب

لا تخليني بحزن يبن الزچية
مالي غيرك سيدي يفزع ألية
★ أنتظر .. أنتظر ★
✾✾...............✾✾...............✾✾

دوم الوذ بصايتك وبدمعي اشكيك
أحس يمي وتستمع وتگلي اشبيك
ابقربك اتگلي أنة لا ما أخليك

يالگمر.. نورك ايشع بسماي
يالگمر.. گبالي احسك ياضواي

من انادي سيدي وارفع ايدية
ما تخليها تظل عيني جرية
★ أنتظر .. أنتظر ★
✾✾...............✾✾...............✾✾

روحي تلهب يا أمامي وكلي امال
من تجي رحمة تعم واتغير الحال
عجل اظهر سيدي مو هالبُعد طال

تستقر.. يمك اتطيب الجروح
تستقر.. وتنبني بية الصروح

ابجيتك أنه عيشتي تصبح هنية
سيدي من الباري أنته اجمل هدية
★ أنتظر .. أنتظر ★
✾✾...............✾✾...............✾✾

خلص صبري وبية تسعر والله نارك
يمتى نورك ينتشر واصبح جِوارك
وامشي ابشورك أنه ويمشي قرارك

تزدهر.. دنيتي لمن تطل
تزدهر.. روحي وانته الها أمل

في سجلك رايد انة بكل رزية
بين ايدينك حلمي اتكون المنية
★ أنتظر .. أنتظر ★

تــمــت بــعــون اللـہ
1/4/2020
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✾✾...............✾✾...............✾✾

#صفر1442هـ #2020م
★•• لطميه لـ المشايه ••★

مشايه جينه الكربله مشايه ~
خدام نبقى وعالعهد وفايه ~
…………………………………

حب الحسين النه الهوى
ولكل مريض اهوه الدوا
بدربه نشوف احنه الضوا
والعافه بالنار انچوى

جينه وبيدينه شايلين الرايه ~
خدام نبقى وعالعهد وفايه ~
⊰∽∽∽∽∽⊰✾⊱∽∽∽∽∽⊰

ما يمنعنه عنّه كل وباء
لازم نقيم احنه العزاء
انجدد عهدنه ابكربلاء
بقربه نريد احنه الفناء

زواره وبهجره صفينه اضمايه ~
خدام نبقى وعالعهد وفايه ~
⊰∽∽∽∽∽⊰✾⊱∽∽∽∽∽⊰

ياخذنه شوگ لحضرته
عدنه فرض بزيارته
وهذا المسير ابمشيته
خَلد صور عن قصته

ولأربعينه تشهد الروايه ~
خدام نبقى وعالعهد وفايه ~
⊰∽∽∽∽∽⊰✾⊱∽∽∽∽∽⊰

نحيي العزاء ابكل ظرف
يحسين اله صوت الهتف
وبحبه كتبت كل صحف
لهذا المسير اجمل وصف

بهايه الزياره والله عدنه غايه ~
خدام نبقى وعالعهد وفايه ~
⊰∽∽∽∽∽⊰✾⊱∽∽∽∽∽⊰

شنهي الحياة ابلا حسين
يل بي تقر عين الحزين
ياخذنه له دوم الحنين
واجب نجي للأربعين

من بُعده عشنه والله شگد رزايه ~
خدام نبقى وعالعهد وفايه ~
⊰∽∽∽∽∽⊰✾⊱∽∽∽∽∽⊰

واجب نحيي ام الخدر
نواسيها وندگ الصدر
رجعت دمعها ينهمر
تبچي الحسين اويه الگمر

من كل بُقاع الكربله عنايه ~
خدام نبقى وعالعهد وفايه ~

تــمــت بــعــون اللـہ
16/9/2020
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
⊰∽∽∽∽∽⊰✾⊱∽∽∽∽∽⊰