مولد الامام علي الاكبر قرة عين الحسين ع

الشاعر رعد الكربلائي



روحي الك شدة ورد ❤️ ياعلي الاكبر
فاحت عطر من المهد❤️ ياعلي الاكبر
ياعلي الاكبر 🌺 ياعلي الاكبر



بمولدك نور الهدى 🌹بثغرك تبسم
نور النبي بوجهك يشع🌹بالايه سلم
والبسمله بجنح الملك🌹رف وتكلم
من حيدره شايل صفه🌹بجفك توسم


للنبي تحمل صفات🌺 من علي وارث ثبات


ياعلي الاكبر🌸 ياعلي الاكبر



صورك الله ورسم🌷نور الجلاله
وشعتلك انوار السمه🌷بهيبة جماله
ويه قطرات النده🌷هل بدلاله
وصاغلك رب العلا🌷نوره وخياله



ونزلك بيد الحسين🌷تشبه لطه الامين


ياعلي الاكبر🌷ياعلي الاكبر



تحيرت خيل وزلم🌷من نزلت بكربله
تصورو حيدر رجع🌷بذو الفقار وشايله
ترادمت يسره ويمين🌷مدري شنهو المسئله
مادرو سيفه وهجم🌷 منهو يكدر يحمله


شمرتك شمرة علي🌷كلهه صاحت ياعلي


ياعلي الاكبر🌷ياعلي الاكبر




للشاعر 🌷 رعد الكربلائي

10 رجب 1440 هج
2019

صلوات
شع لَاكبر 2

اجمل بدر بين الخلگ شع نوره 2

*

هاللیله مسرور الشمس باقماره
مولد علي الاكبر بزغ بأنواره
يشبه كأنهه الكعبه تزهي ابداره
تتمسّك أملاك السمه بأستاره

و الأفلاك
تتلاله 2

اهل الجنان ابهل خبر مسروره
اجمل بدر بين الخلگ شع نوره 2

*

حين الهبط جبريل و صد هالمولود
احتار و ظن طاها النبي رد اردود
يشبه رسول المرحمه عود ابعود
وعيونه يزهن ضي اله المعبود

يسبحان
فطّاره 2

سبحان ربّي الي فطر هالصوره
اجمل بدر بين الخلگ شع نوره 2

*

تتنفس انفاس الصبح من ضوئه
نبضات گلبه من العشگ مملوئه
كلمن يتوب الليله ذنبه ايبوئه
يغفرله ، اَلله ابحق الأكبر سوئه

واِلِذنوب
يشفعهن 2

كل الذنوب ابهل مسه مغفوره
اجمل بدر بين الخلگ شع نوره 2

*

لیلی ام الاکبر من تصد لعیونه
اتشاهد جمال الجنه بین جفونه
بالجنه من اسمه الشجر مجنونه
والحور. و الولدان ایغنّونه

و اِلِنجوم
تتراگص 2

الفردوس مُغرَم من شمیم اعطوره
اجمل بدر بين الخلگ شع نوره 2

*

عطره علي الأكبر ملئهه الساحه
عطر الولايه من المهد فوّاحه
جبريل فارش تحته ريح جناحه
من يسطبي الوجهه يصلي ابراحه

صلوات
ما أحلاه 2

قرآن يتلي السانه سوره ابسوره
اجمل بدر بين الخلگ شع نوره 2

*
خادم خدمة الحسين عليه السلام
ناصرآلبوعبید

قصيده لميلاد السجاد عليه السلام
نسال الله القبول
تؤدى باكثر من طور

علي السجاد يعيوني
يلي بحبك يلوموني
اتمنى ازورنكم
على رغم اليحسدوني
🌷🌱🌷🌱🌷🌱🌷
اليوم انوار الامامه ساطعه
وصلت لحد السماء السابعه
عطره من ريح النبوه جامعه
الحور وي جبريل كلها راكعه
بمباخر عود نزلوله
والحيدر يهنوله
وفرح عوده الامير حسين
يصيح بصوت هنوني
🌷🌱🌷🌱🌷🌱🌷
اليوم ميلادك يزين العابدين
تهني الشيعه امير المؤمنين
والتهاني لامك وعودك حسين
ننثر الجوري و ورود الياسمين
هذا الزاهد العابد
هذا الصابر الساجد
يستاهل بهذا اليوم
اهدي اثنيها عيوني
🌷🌱🌷🌱🌷🌱🌷
اليوم مسروره المدينه بجيته
اتنورت مكه ومدينه بطلعته
ابتشرت الاملاك كلها لهلته
اتنورت دار النبي لولادته
فرحت زينب الحره
وحور العين مستره
لجيتك يا ابو الباقر
ياس اهدي اليحبوني
🌷🌱🌷🌱🌷🌱🌷
يجي ذاك اليوم كلنه ننطره
ويطلع الموعود واحنه ننصره
يصيح انه المنتظر ياحاضره
اخذ بثارات امي الطاهره
اراوي اليوم سطراتي
واريد اروي معاناتي
حضره الهم اريد ابني
على رغم اليعادوني
🌷🌱🌷🌱🌷🌱🌷

✍ الخادمه ام زهراء

حي ابن الحسن خل نرفع الاعلام
ونشعل بالشمع والزينه ياخدام
هالليله العظيمه انولد جسام
ها..وفرحانه اهلك يالهيبه
&&&
انولد عريس طفها وروضت الشجعان
جن جده الصميده لو نزل ميدان
صاح بصوت ناده وينها الفرسان
ها... جاوينه والملعب هذا
&&&
لون الحسن بالطف واكف وموجود
جا شاف البطوله بجاسم وكل زود
لجل عمه الحسين بروحه هوه ايجود
ها..وانطاها روحه ومتعذر
&&&
شبل الحسن ناده واعتنه الحومه
جن عريس هوه لابس هدومه
وامه تعاين من بعيد مهمومه
ها..وطبها الحومه ابعرسه
&&&
ام جسام نادت ياهلا بجسام
للحومه تعنه لزفته ومحتام
يمشي برهدنه وناده عل الظلام
ها..وهذا انه من طينت حيدر
&&&
صاح جسام وخطب يوم النزل
الحسن انه ابوي وعمي عباس الكفل
وجدي الكرار ياخير العمل
ها..وحسيني عمي الرباني
&&&
شافت الفرسان لن شاب الدخل
جنه شبه المصطفى وخير العمل
جن اسد ضرغام يوم اللي حمل
ها..وبجاها اركان الملعب
&&&
خادم اهل البيت
الحاج ابو علي السعيدي

الطفل لو يكبر بعد المهم هوه البذره
والرجل تعرف معدنه وياك اول سفره
بااول محطات العمر.. نال الشجاعه والصبر
ومن الجذر تعرف اساس الشجره
&&&
صح المثل من انضرب كلها معادن هالناس
تربيه فتره من الزمن وتنطيه اجمل احساس
والعرج كالنه المثل من اصله هوه دساس
والنابت بطينة علي يطلعلي مثل العباس
تعلم وفاء من الزغر.. نال الشجاعه والصبر
ومن الجذر تعرف اساس الشجره
&&&
الفرق شاسع هالزمن وتدري جثير الامثال
والغرته الدنيه بطمع يتحول بسرعه الحال
لتلوم انته بالبشر عن دربه لو غره المال
بس يبقه عدنه معتقد والرجل مثل الكفال
ماخالف بعمره امر.. نال الشجاعه والصبر
ومن الجذر تعرف اساس الشجره
&&&
حير اعقول الظالمه وانضرب بيه اعظم مثل
عباس راعي المرجله وبعزمه معقود الامل
حادي ضعن زينب مشه ولخته بركبته من كفل
جن حيدره يوم الوغى الفحل من ذاك الفحل
تحصد ثمرها بالكبر.. تحصد ثمرها بالكبر
ومن الجذر تعرف اساس الشجره
&&&
عباس درس من القيم والعمه بعين العافه
وماكتب عنه وماروه تاريخ سجله وشافه
التاريخ مايظلم بشر وبس البشر بااسلافه
كلمن رواله واقعه وسجل فرد بااحلافه
والكمر هم يصبح بدر.. نال الشجاعه والصبر
ومن الجذر تعرف اساس الشجره
&&&
اروع مثل الهم ضرب يعجز السان الكتاب
عباس من اول عمر ومن ظهر صلب الانساب
علمه حيدر مرجله وزق العلم داحي الباب
بالكنطره شصار وجره عباس من بعده شاب
كالو علي هذا الكفر.. نال الشجاعه والصبر
ومن الجذر تعرف اساس الشجره
&&&
والطف بقه شاهد اله ماشرب ماي بدونه
لمن وصل للمشرعه وشافت الماي اعيونه
بصوته صاح وعالنهر والماي يجري اشلونه
ساقي العطاشى بكربله عطشان مايسكونه
وضامي جبده جالمر.. نال الشجاعه والصبر
ومن الجذر تعرف اساس الشجره
&&&
خادم اهل البيت
الحاج ابو علي السعيدي

ياموت بسك لاتجي ماظل بعد حيل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
ياموت بسك لاتجي..ارحم دمعنه
زفينه شبان شكثر..خلصت ولدنه
البيت خالي من الزلم..وشباقي عدنه
بس الصور تملي الغرف..واحنه وحدنه
ودموع تنزل عالوجن اسرع من السيل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
ياموت شفناه الحزن..ولوعات الفراك
بالمكبره لو عاينت..للكبر تشتاك
يا حال المظيعه ولد..وتريد العناك
يكتلها شوكه والبعد..وكليبها طاك
من تمشي مهمومه تجي وتسابك الخيل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
ياموت شنهي غايتك..فركت الاحباب
خليت جم جرح والم..بكلوبنه صواب
والكلب ينزف بالالم ..وكليبي انعاب
مايرجع الفاكد ابو..ولايرجع الشاب
امه بغيابه مهدله وشافت الويل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
ياموت كل بيت الفكد..مطفيه الانوار
وكلوب مهمومه تون..يسمعها الجار
كلمن تنوح اعله الرحل..أوعدها تذكار
يمته يجي يوم السفر..تكصدله خطار
عالكبر توكف من تجي وبشوفته اتطيل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
ياموت ارحم حالته ..الوالد ودمعاته
يوم الرحل من ولده..ويعاين لخياته
لبسن سواد أمن الزغر..وتشوفهن جاراته
فاركن ضحكات الفرح..وبعيونهن حسراته
فاكد الراي ومنشده وكليبه اعليل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
ياموت ريض عاالمحب..وبجاه الحسين
مسبيه ام وفاكده..وطكاني البين
عزتها املاك السمه..بكل الميامين
يوليدي فركنه القدر..من عكب السنين
وعالصور كامت بالعجل ودمعاتها تهيل
حسرات تطلع بالكلب لو جلجل الليل
ماظل بعد حيل..لو جلجل الليل
&&&
خادم اهل البيت
الحاج ابو علي السعيدي

البيت خالي ياعلي مظلم لكيته
لو ادري ينباع العمر جابدليته
من عمري لعمرها..كبل يوم بسفرها
ماتت امي..ماتت امي
&&&
يهل الجناز بيها ريض ارجاك
واخذ مني وصيه لاامي وياك
وكللها العقيله كعدت اهناك
حزينه وبيتها اظلم بلاياك
حزينه من زغرها ..كبل يوم بسفرها
ماتت امي..ماتت امي
&&&
بويه اكعد يحيدر خل احاجيك
عن امي الحنينه احجي وبجيك
يابويه الوصيه جانت عليك
حتى ابموتها امي استنجدت بيك
بس اسمك حضرها.. كبل يوم بسفرها
ماتت امي..ماتت امي
&&&
وصتني وصايا امي اهواي
كالتلي يزينب صبري بعداي
عليج الراح يجري ماجره وياي
تشوفين المصايب تذهل الراي
وبيج يحف خطرها.. كبل يوم بسفرها
ماتت امي..ماتت امي
&&&
وظلت تحجي امي توصي بيه
توصني عله ابنها ومره اخيه
وكالتلي يزينب ادني ليه
وبوسيلي النحر بالغاضريه
وصتني بصبرها.. كبل يوم بسفرها
ماتت امي..ماتت امي
&&&
واسلولفلك يبويه الصار بينه
وليه من العده احنه انولينه
من ارذال الكفر بويه انسبينه
دخلت الشام بس تنظر علينه
بنتك من نصرها.. كبل يوم بسفرها
ماتت امي..ماتت امي
&&&
وداع اشلون بويه ودعتهم
اخوتي عالرمل يوم العفتهم
جثث بس روس يوم الجبتهم
عل ارماح العده من رافكتهم
عليه يدك بصرها.. كبل يوم بسفرها
ماتت امي..ماتت امي

&&&
خادم اهل البيت
الحاج ابو علي السعيدي

الليله جمعه وروحي ارد اسكيها
بدمع فكدك يمه كون ارويها
دمعي ينزل بالمصاب..يروي روحي بالتراب
روحي اتراب الكبر يشفيها
&&&
روحي لو جلجل حزنها بكل مسيه
تذكر الغياب عنها وتبجي هيه
صعب المفارك عزيز البيه بيه
جن لهيب النار بكليبي ومنيه
من اسويلك ثواب..يروي روحي بالتراب
روحي اتراب الكبر يشفيها
&&&
ندري كل جمعه يجون الفاركونه
يوكف عل الباب تهمل بس عيونه
يشوف اهله واخوته هم يذكرونه
يوم يشرب ماي لو لبنه هدونه
بكاس ماي من الشراب.. يروي روحي بالتراب
روحي اتراب الكبر يشفيها
&&&
ليلة الجمعه عظيمه من تمر
كلنه مجتمعين واسمك ينذكر
عليك نقره الفاتحه احنه جهر
ظهري يمه عليك محني ومنكسر
وتستمع انته الجواب.. يروي روحي بالتراب
روحي اتراب الكبر يشفيها
&&&
فركتك صعبه ييمه تمر عليه
والبعد جتال يبني جا المنيه
عايش بكبرك ييمه شلون بيه
يمه اعيوني دمعها يهل بديه
لو شفت مرت شباب.. يروي روحي بالتراب
روحي اتراب الكبر يشفيها
&&&
ساعد الله كلبه الفاكد ولد
وكلب امه منكسر ماله سند
من تجي الجمعه تزوره عالوعد
تروح يم المكبره توفي العهد
تذكر مصاب الرباب.. يروي روحي بالتراب
روحي اتراب الكبر يشفيها
&&&
يم علي من تروح امه وتسئله
يالفكدت انت شباب بكربله
وراحت العفه اسيره بقافله
ودخلت على ايزيد كاعد بالمله
شافت انواع العذاب.. يروي روحي بالتراب
روحي اتراب الكبر يشفيها
&&&
خادم اهل البيت
الحاج ابو علي السعيدي

مولود لولاده الامام الحجه صاحب العصر والزمان عجل الله فرجه الشريف

🌷🌱🌱🌱🌱🌷
بيوم النصف يالوالي يالوالي يالوالي
بيه انشرح دلالي دلالي دلالي
🌷🌱🌷🌱🌷🌱🌷
جينا نهني بكل فرح نعلگ الزينه
مبروك مولد قائد الامه وولينه
وبأسمه حتى مقترن ويه نبينه
ننتظر منك تطلع تقود السفينه

وياك اظل للتالي للتالي للتالي
بيه انشرح دلالي دلالي دلالي
🌷🌱🌷🌱🌷🌱🌷
غنت الحور ونشدت بمولد الحجه
وزادت الفرحه عالبشر زادت البهجه
كل جمعه اقره الندبه واتامل وارجه
موجود امامي القائم بگلبي والمهجه

انته حبيبي الغالي الغالي الغالي
بيه انشرح دلالي دلالي دلالي
🌷🌱🌷🌱🌷🌱🌷
فرحت الشيعه بمولدك يالقائم اليوم
واتهني طه وحيدره بالوصي المعصوم
شعت الدنيا وازهرت وانزالت غيوم
ياربي عجل طلعته وزيل هالهموم

بيك اعقدت امالي امالي امالي
بيه انشرح دلالي دلالي دلالي
🌷🌱🌷🌱🌷🌱🌷
هذا حفيد حسين يمتى النه يظهر
ياخذ بثاره من الظلم ولسيفه يشهر
يگولون مامثله بشر طيب المظهر
اتمنى لو شوفه دقيقه وگلبي يستر

يالشوفتك تحلالي تحلالي تحلالي
بيه انشرح دلالي دلالي دلالي
🌷🌱🌷🌱🌷🌱🌷
اخر امام من الائمه نسل الحسين
يمتى تكحل ناظري بشوفتك يازين
ماانثر ورود بحفلتك انثر سنين
تدريني اعشگ تربتك واعشگ الجدمين

ريتك تشوف احوالي احوالي احوالي
بيه انشرح دلالي دلالي دلالي
🌷🌱🌷🌱🌷🌱🌷

✍ الخادمه ام زيد الشمري

ميلاده ميلاده وبشعبان ميلاده
-------------------------------------------------


الف مبروك يا عترة محمد
بهذا اليوم حته الطير عيد
بولادة قائد الامه المسدد
الامام المنتظر والدنيا تشهد
ننسه بجاله الهموم
فرحانين هاليوم
حساده حساده ماتو غيض حساده
ميلاده ميلاده وبشعبان ميلاده





يدمعة شوك من كلبي لغيابك
فقير ومعتني وباقي اعله بابك
يفرحة عيدنه بشوفة شبابك
نقبل خطوتك ونشم ترابك
يا موعود وياك
اي للموت نهواك
والقاده والقاده انته الجيش والقاده
ميلاده ميلاده وبشعبان ميلاده





يمعنه العافيه ويا طيبة الگاع
لهذا اليوم نورك علبشر شاع
اليعوفك ينتهي بنص الدرب ضاع
يا صوت الحقيقه الهز الاسماع

منتظرين مولاي
طال فراگك هواي
وانشاده وانشاده انته الشوگ وانشاده
ميلاده ميلاده وبشعبان ميلاده




يشوگ الما تموته شهور وسنين
يماخذ من محمد زوده والدين
على باب انتظارك وگفت العين
يرحمة ربنه منتظرة المساكين
يباب الما يردنه
ما خلص صبرنه
يا ساده يا ساده جدكم وين يلساده
ميلاده ميلاده وبشعبان ميلاده



كلمات / رعد الفريجي

بعلي الاكبر نهني عترة الزهره
ونزف احلى التهاني اليوم والبشره
انولد شبه الرسول بصوته وفكره
ها..ومن دمه من نفس الهادي
&&&
شبه الرسول ومن برز طر العساكر صوبين
ارتجز وينادي ابفخر ننطي الركب لجل الدين
المرتضى جدي علي واسمي علي ابن حسين
ها..والجاك يذب هدومه
سوه اسوايت ابن العاص
&&&
بيوم الطف كلبها كربله الحومه
علي الاكبر اخبرك عندي معلومه
جنه الهادي بالميدان حلوه طلت رسومه
ها..اثنين يذبحن بالطف
سيفه ونظرات عيونه
&&&
نزل غاضب عل العدوان من ناده
علي الاكبر برز للناس هوه بهيئة اجداده
حمل سيف النبوه ومنبع الساده
ها..وشالها الغيره بجفه
&&&
من ناده المنادي اجتمعت الفرسان
برز شبه النبوه من بني الشجعان
صاح دخيل كلمن دخل بالميدان
ها..من سيفه عدوانه احتارت
&&&
حيرها الاعادي وكلمن اتعناه
علي الاكبر ربطها عكدته بيمناه
والجاي وبرزله يومه ظل ينساه
ها..من شاف غمضها اعيونه
&&&


خادم اهل البيت
الحاج ابو علي السعيدي

بِـ طور / لا تلوموني للملا حسين الحجامي
_______

قصيدة *[ #هالليلة_محلاها ]*
بمناسبة مولد المولى #علي_الأكبر عليه السلام ، 1441 هـ 💚
______

المستهل /

محلاها هالليله .. محلاها هالليله
اولادة علي الأكبر محلاها هالليله

1 /

ازدانت الأكوان .. ازدانت الأكوان
فرحانه ويَّا احسين وازدانت الأكوان
ويانا هالرمضان .. ويانا هالرمضان
ليلى ابسَعدها اتقول ويانا هالرمضان

2 /

دنيانا هسه غير .. دنيانا هسه غير
ابطِّلتك يَبني دنيانا هسه غير
لأكبر يَوجه الخير .. لأكبر يَوجه الخير
ننظر نبينا بيك لأكبر يَوجه الخير

3 /

ها ياضنا لحسين .. ها ياضنا لحسين
بانت سنونه والدك ها ياضنا لحسين
صاير إله شهرين .. صاير إله شهرين
ايقلِّي مشتاق إلعلي صاير إله شهرين

4 /

هالليله هالليله .. هالليله هالليله
احسين اِنرزق مولود هالليله هالليله
فرحان اهو وليلى .. فرحان اهو وليلى
كلسا يناغوه المِسا فرحان اهو وليلى

5 /

ذابت عليه اقلوب .. ذابت عليه اقلوب
الأكبر إبن لحسين ذابت عليه اقلوب
ياهيبته المهيوب .. ياهيبته المهيوب
تشهدله ساحة كربلا ياهيبته المهيوب

6 /

مولانا يتوصَّف .. مولانا يتوصَّف ؟
اتحير المعاجم بَيش مـولانا يتوصَّف
منَّه مَشِفت أعطف .. منَّه مَشِفت أعطف
حُبَّه حياتي زان منَّه مَشِفت أعطف .
______

بِـ قلم /خادمة وليِّ النعمة ( قصائد وليِّ النعمة

🎈🎈🎈الافـــراح الشعبانيه🎈🎈🎈

#هوســــات لمولد علي الاكبر عليه السلام

فرحـان ابو اليمه الليله محــلاهـه
انولد بيـــها علي شبـــه النبي طه
ليلئ استبشـــرت وحسين هناهــه

((مبروك وليـــدچ ياليلئ ))

🎋🎊🎋🎊🎋🎊🎋🎊🎋

الف مبروك جيت شبل حامي الجار
يشبه عمـــه ابو فاضل سبـــع مغوار
بســيفه يشن مغــاره ويفني الكفـــار

((ماخـــذ م̷ـــِْن حيدر صولاته))

🎋🎊🎋🎊🎋🎊🎋🎊🎋

تتمــايل ورود الجوري ويـــه الريح
جنها تگول هاك استمع هالتصريح
الليله انولد نجم من السماء يطيح

((وينــــور الكون ودنيـــانه))

🎋🎊🎋🎊🎋🎊🎋🎊🎋

الليله ليلة علي خل نطلب الحاجات
نقسم عليه بصاحو مـِْن الذله هيهات
يشافـــي كـــل مريض ابعلتــه بـــات

(( يشــافينه هاليـــله انريده ))

🎋🎊🎋🎊🎋🎊🎋🎊🎋

#تمت

✍🏻 بااقلام خادمات الحسين عليه السَلٱمٌ

✍🏻الشاعره زهراء الحربي حسينية الهوئ

✍🏻 الشاعره خادمة ذبيح الطفوف

ونسالكم الدعاء💔

🎊🎉🎊🎉🎊🎉🎊🎉
*🕊️*افراح شعبانيه*🕊️*
مولود للامام الحجه عج



حبي وغرامي
للمهدي أمامي
مهدي يامهدي **مهدي يامهدي

🎊🎉🎊🎉🎊🎉🎊🎉

لاتسال شلون تحبه وغايب
بيهه انه مجنون ابد لاتعاتب
راح اشرح احساس دليلي الذايب
موجز گلآمَيےّ 2
حبي،وغرامي للمهدي امامي

🎊🎉🎊🎉🎊🎉🎊🎉

دكاته تشتاگ اله كل لـحـظـِه
عايش وموجود بگلبي ونبضه
تسميني مجنون فخور وارضه
تعلي مقامي2
حبي وغرامي للمهدي امامي

🎊🎉🎊🎉🎊🎉🎊🎉

افرح اذا يوم علنت جنوني
خليهم الناس شماسموني
احبنه رغمن علئ الاموني
بيه اعتصامي 2
حبي وغرامي للمهدي أمامي

🎊🎉🎊🎉🎊🎉🎊🎉

گالولي غايب تحبه المن
طول غيابه نحيطك علمن
شلكم عليه احبه وغصبن
مسك الختامي 2
حبي وغرامي للمهدي أمامي

🎊🎉🎊🎉🎊🎉🎊🎉

تمت بعون •اللّـہ̣̥ تعالئ

بقلم
✍ الشاعره زهراء الحربي،
حسينية الهوئ

🎉🎉اللهم صل علئ محمد وال محمد 🎉🎉
❤️❤️❤️❤️الافراح الشعبانيه❤️❤️❤️❤️❤️

#مولد الامام الحجة ابن الحسن عجل •اللّـہ̣̥ فرجه الشريف

كل شيعي الليله ردد صلوا علئ،محمد
ميلاد المهدي اتجدد صلوا علئ،محمد

🎈✨🎈✨🎈✨🎈✨

الدنيه الليله فرحانه صلوا علئ محمد
بليلة مولد رجوانه صلو علئ محمد
نطشر الورد بالوانه صلو علئ محمد
تنورت بنوره سمانه صلو علئ محمد
والحزن ڱڵـه بعد****** صلو علئ محمد

🎈✨🎈✨🎈✨🎈✨

الليله انولد أمامي صلوا علئ محمد
ونسيت كل الامي صلوا علئ محمد
ابعث اله سلامي صلوا علئ محمد
كل حبي وغرامي صلوا علئ، محمد
بستانه لحبي ورد*** صلوا علئ محمد

🎈✨🎈✨🎈✨🎈✨

نبارك لجده المختار صلو علئ محمد
بمولد خاتم الاطهار صلو علئ محمد
تلالت بجيته الانوار صلو علئ محمد
العادانه بگليبه النار. صلو علئ محمد
گلب الموالي يسعد صلو علئ محمد

🎈✨🎈✨🎈✨🎈✨

گلب الموالي فرحان صلو علئ محمد
ناسيها كلهَا الاحزان صلو علئ محمد
محبوبه بحبه ولهان صلو علئ محمد
صحّ غايب عن الاوطان صلو علئ محمد
حبه نار وماتبرد******* صلو علئ محمد
🎈🎈🎈🎈🎈🎈🎈🎈🎈🎈🎈🎈🎈🎈

تمت
✍ بقلم الشاعره زهراء الحربي
حسينية الهوئ

في هوىٰ و إشتياق الظهور المقدس للحجة المنتظر عليه السلام


يا هَوىٰ الأشواقِ مهدينا
ذابَتْ بِكَ تَوْقاً أمانينا
يا شَمْسَ وَحْي العَدْلِ مَوْلانا
يا هَمْسَةَ الصَبْرِ تُناجينا
✯✯✯✯✯✯✯✯✯✯✯✯
صوت هوىٰ العاشِق إلك ناطق من إحساسه
صوت مع النِسْمَه حِمَل حِلْمَه الأمَل كاسه
ما مثلك أحد بگلبي مَسْكَنه
يا لَهْفَة وَعَد سنيني تحضنه
يا ماي النَدا يا وحي الهُدا روحي لك فِدا شِعاري معَنْوِنَه

يا ساكِناً وِجْدانَ إحساسي
يا مُلْهِماً عقلي و أنْفاسي
أنْتَ سَماءُ العَطْفِ تَغْشانا
يا هَمْسَةَ الصَبْرِ تُناجينا
✯✯✯✯✯✯✯✯✯✯✯✯
وين غِدىٰ طيفَك أنا ضيفَك يَباب الله
وين عن اعيوني يَضَي كوني و متىٰ وَصْلَه
بيا گاع و فَلا سَبيلَك نِهْتِدي
غِيابَك قابِلَه علينا سَيّدي
إمامي و دنيتي تعاين وحشتي متىٰ يا سلوتي فرج يبتدي

مَوْطِنُ الإنصافِ و المَجْدِ
مِنْ تَيْهِنا أدْرِكنا يا مَهدي
يا طالِعَ السَعْدِ تَوَلاّنا
يا هَمْسَةَ الصَبْرِ تُناجينا
✯✯✯✯✯✯✯✯✯✯✯✯
يوم يهل وَجْهَك و يشِع صبحَك يا قائدنه
يوم نبوس إيدَك بفرح عيدَك تشاهِدنه
طريقَك نِزْرَعَه سعادَه و الوَرِد
و نَهْجَك نِتْبَعَه و نوفي للعَهَد
نفوز بطَلْعِتَك و نبايع يمْنِتَك و نعيش بدَوْلِتَك و عَدلَك ينْشَهَد

بَهْجَةُ الألْطافِ تَرْعانا
لَمّا بأمْرِ اللهِ تَلْقانا
يَوْمٌ بِهِ الأتْراحُ تَنْسانا
يا هَمْسَةَ الصَبْرِ تُناجينا
✯✯✯✯✯✯✯✯✯✯✯✯
الشاعر : أبو شهيد الأحسائي
الثلاثاء ١٤٣٨/٧/٦هـ
------------------------

موال
{{جــرح🕯الـغـيـاب}}


يمهدي اگلوبنه بــكــل لحظه تـدعـيـك
ومــزروعــه بــطــريــقــك كـل الامــال

قِسه اويانـه الـزمـن مـانـدري شـيـريـد
وجـــاب الـمـا يـمـرن لـحـظــه بـالـبـال

يَـعيـن الله بـنـظـرتـك كـحْـل الـعـيـون
نـــدري بـجـيّـتـك كـــل شــدّه تــنــزال

ثـكـل بـيـهـه الـدمــع عـيـن الـمـوالـيـن
بـغـيـابـك والـجـفــن بـالـگـوه يـنـشـال

شـسـولـف سيـدي ومـال الحمل حـيـل
يـالـچـفـك يـعـدلــه الــراخـي والـمــال

العـجـل يـبـن الـحـسـن يـامـا دعـيـنـاك
نــريــدك يـالــعــزيــز اتــغــيّــر الـحــال

صُـبـرنـه وللصـبـر مـا ظـل بـعـد حـيـل
مــلــيــنــه انــتــظـارك والـصـبـر طــال

كُـبـر بـيـنـه الجـرح يـالـچـفـك اضـمـاد
يلِمْـشـافـي الجـرح مـو كـلـمـه تـنـگـال

تـعـال امـسـح دمعنه ونـشـف الخـدود
مــولاي اشــكــثــر وديــنــه مــرســـال

مـعـقـود الامــل بــس اعـلــه طـاريــك
نِــكابــر والــزمــان بـغـيــبــتــك عـــال

الـعـراق بـحـالـه صـعـبـه وانت تـدريـه
يـحـلّال الـشــدد يـا حــلــم الاجــيــال

يـمـهـدي الهـالشـعـب وگـفـاتـك انـريـد
عــلــيــك الـطـلـعـوهـن بـيـن الإرجـال

أغـثـنـه بـداعـة الرخصت دمـع عينـاك
وبــصـرخــة رقــيــه وذيــچ الاطـفـال

🕯________ 🕯________ 🕯

✍بقلم خادم الحسين ع
الشاعر : رعد الجريخي

يامهدي. يامهدي
يامهدي. يامهدي
.................

مو شرط عيني تشوفك شفتك بگلبي وروحي
گلبي اليدگ بحروفك بلسم يمر بجروحي
الدنيا ظلمه وجهك مضويها
يالمهدي شمسك يابشر يطفيها
يمرافگ الفقره وتحب طاريهم
وكل اليتامه چفك يباريها
ميلادك. بسمه بوجه كل مظلوم
اعيادك. تفرح ضمير المهموم
ميعادك. من حقنه نسال يايوم
ياسيدي متانينه
................

انت الأمل يالموعود. والدنيا ضاگت بينه
مثلك بشر ماموجود. بس انت رحمه علينه
يابسمة عيون الفقير الحافي
ياصاحب الطيب خلق ويوافي
يالمهدي شكراً سيدي مبارينه
نظرة عطف تشملنه منك كافي
ايامك. عايشها وحدك ياحيف
احلامك. مر بينه يالغايب طيف
اكرامك. لا ماترد ايد الضيف
معيّشنه ومربّينه
.........

بميلادك احنا انهنيك ليلة نصف شعبانك
يالمهدي نتوسّل بيك ارحم وضع جيرانك
انقذنه يامولاي من هالشده
لاشك دعائك الله لا ميردّه
يالمهدي جينه نلتقي بميلادك
كل شيعي يهديلك يغالي ورده
نتمنّه نگعد ولو ساعة وياك
نتهنّه. بنورك يمهدي وذكراك
بالجنّه. نشعر صدك لو شفناك
بس حبك الينجينه

#سيد زيد الفحام

يا وجداني يا أيماني
يلطيفك شفته وحاجاني
يا شوگي الواضح بعيوني
يا چف اليسمح بمتوني
يا وجداني يا ايماني

،،،،،،،،،،،،


شحچي وكل يوم بلا نورك يصرخ آه
يا رب شگد وحشة الدنيا بلا ملگاه
لاخر انفاسي وتانيته وروحي وياه.
.. يا اول يا اخر دمعه .
. منتظرك تظهر كل جمعه
ادري الصوت البيه تسمعه
.امسح بيدك كل احزاني
يا وجداني . يا ايماني


،،،،،،،،،،،،،،،

شمسك موجوده وبالدنيا شگد غيوم
لابد يوم ويظهر نورك وينه اليوم
غطتنا الدمعات وعشنا سنين هموم
. يا مهدي الدنيا بﻻ بسمه ..
مخنوكين وانته النسمه ..
باجر بيدك انته ترسمه
.. ولجيتك البس الواني
.. يا وجداني ..

،،،،،،،،،،،،



يا حسرة كل عين بدونك وانته بعيد
تدري العاشگ من يشتاگ الملگه يريد
لو طول محبوبة الحسره بگلبه تزيد.
محتاجك كل شي بهالكون
نبچيلك بس مدري شلون ..
. مشتاگين وندري تهون ..
بدولة حق بﻻ سفياني
يا وجداني: يا ايماني


،،،،،،،،،،

موعود واحنا بايامك موعودين
يا عطر الجنه متانينك مخنوگين
تهنه بهاي الدنيا ونسأل احنه منين
يلنورك ما نوصف نوره
يا خير يعم المعموره
قائد للدوله المنصوره
فاتحلك گلبي وبيباني
يا وجداني يا ايماني

،،،،،،،،،،،


دنياي شما طالت دونك ما تنراد
وانا المنتظرك بدموعي بلا ميعاد
خايف ما اشوفك وسنيني تصير رماد
طالت والدمعات بعيني
غيرك شو كلشي يبچيني
نجي الكون وهم نجيني
اني بدونك كائن فاني
: يا وجداني يا ايماني

كلمات : رعد الفريجي

هل نوره 0 هل نوره = عالكون هل نوره
مولد الحجه اليـــــــوم = عالكون هل نوره
**********

مولد امامي اليـــــــوم = خير وسعاده والله
گلب المحب هيمـــــان = حقق مــراده =
للفرج شعشع نــــــور = يــوم الولاده =
لگلوب ولهانه = والناس فرحانه
مولد الحجــــــه اليوم = عالكون هل نوره
**********

بخمسطعش شعبــــان = غاية املنـــــه
هذا الوليد البيــــــــــه = اتحقق حلمنـه
بيده العدل والخــــــير = هــــــو املنــه
ونحييه بالفرحه = حتى الصبح نصحه
مولد الحجـــه اليــــوم = عالكـــون هل نوره
**********

رفرف بجنحه الطــير = وفجر الصبح لاح
زف الخبر للكــــــون = ونشرت الالــواح
مولد المهدي افــراح = صاح الملك صاح
والحور تتهاده = وتردد انشاده
مولـــــد الحجه اليوم = عالكون هل نوره
*********

يافرحة محبـــــــــين = فرحة الشـــــــيعه
طرزنه بالالـــــــوان = فجره وربيعـــــــه
يوم الولاده اليــــوم = يوم الوديعـــــــــه
هنوهه بالجنه = والطيب والحنه
مولد الحجه اليـــوم = عالكون هل نوره
طابت بيومه اجــــــروح = كل الموالــــين والله
لنه الشفه لكــــــــل داي = وبلسم يطيبين
بيده الفرج معگــــــــود = ابن الميامــين
والفرج بيده لاح = صوت الفجر من لاح
مولد الحجه اليوم = عالكون هل نوره
**********
ياطفل ياهالنــــــــــــاس = شال الامامـــه
وهو ابن خمس سنـــين = بين وسامـــــه
ادى حقوق النـــــــــاس = وعرفوا مقامه
للحسن ريحانه = والفرج عنوانه
مولد الحجه اليوم = عالكون هل نوره
**********
محمد للخلگ نــــوره = هداهه
احله اسماء من نسله = هداهه
فرحنه اليوم وبمولــد = هداهه
محمد واللقب مهدي البريه
**=
نص شعـــــبان مانامــــه = وحجه
بولادة قائـــــم العتــــــره = وحجه
اليزور حسين الف عمره = وحجه
وخصوصا بالولاده المهدويه
*****

نسألكم الدعـــــــــاء
****


خادم الحسين ع
الحاج ابو اياد البيجاوي